باحث

السلام عليكم ورحمة الله وبركاته بسم الله والصلاة والسلام على رسول الله صلى الله عليه وسلم نستكمل باذن الله سبحانه وتعالى وقفات مع سورة العنكبوت. هذه المجالس التي اسأل الله سبحانه وتعالى ان يجعلها خالصة لوجهي. وان يتقبل - 00:00:00ضَ

منا وان يجعلنا جميعا من اهل القرآن الذين هم اهله وخاصته وان يرزقنا فهم كتابه والعمل به والمجاهدة به آآ كنا في سورة العنكبوت عند قول الله سبحانه وتعالى اية ستة وتلاتين شاب تفتح المصاحف - 00:00:24ضَ

ستة وتلاتين عند قول الله سبحانه وتعالى والى ملينا اخاهم شعيبا فقال يا قومي اعبدوا الله وارجوا اليوم الاخر. ولا تعثوا في الارض مفسدين. فكذبوه فاخذتهم الرجفة. فاصبحوا في دارهم جاثمين - 00:00:43ضَ

آآ ينبغي دائما واحنا ماشيين في اي صورة من السور في مجالس القرآن ان تستحضر المعنى او المعاني العامة المذكورة في السورة دي احيانا بتكون آآ يعني مشكلة بتقابل بعض الناس وبيقرأ في التفسير ان التفسير بيشرح لك كل اية لوحدها - 00:00:59ضَ

فانت ممكن بعد فترة تنسى السياق وتنسى المعنى العام يكون في اية لها دور محوري جدا ويكون اية مؤثرة بس تأثير الاية بينبع من قوتها في زاتها وموقعها في السياق - 00:01:20ضَ

لان دايما زي ما هنيجي ان شاء الله في قول الله سبحانه وتعالى باذن الله آآ مثل العنكبوت. ان الموقع هنا في حد ذاته له اهمية. فانت لما تيجي تقرأ - 00:01:37ضَ

التفسير هو دور المفسر وهو الفسر اللي هو الكشف. سواء بقى مقلوب او غير ذلك من السفر. هو بيكشف لك بس على الاشياء الغامضة الكلمات اللي مش مفهومة اعراب اثر حديث من النبي صلى الله عليه وسلم فسر به الاية مش كل التفسير بتشترط ان هي تربط لك السياق كاملا. لكن ده دورك انت اثناء قراءة القرآن واثناء - 00:01:47ضَ

الصلاة. لزلك آآ كان دايما النبي صلى الله عليه وسلم آآ ولا سيما في الفروج لما كان يستفتح سورة كان بيتمها صلى الله عليه وسلم. كان يتمها صلى الله عليه وسلم - 00:02:07ضَ

يعني لدرجة ان بعضهم قال هذا من المستحبات. انك انت استفتحت سورة تتم السورة. وانه كان نادرا اذا قرأ بعض ايات من سورة ولم يتمها. الا بعض النوافل ففكرة انك تاخد السورة تقرأها على بعضها دي بتفرق معك جدا ولا سمة لو انت قمت في قيام الليل خدت صورة العنكبوت قرأتها على بعض - 00:02:18ضَ

لو خدت صورة آآ الانعام او خدت صورة الرعد تاخد الصورة بحيس انك انت بعد ما تزاكر السورة اية اية وتعيش مع تفاصيل ايات تعيش مع مجمل السورة على بعضها - 00:02:39ضَ

فاحنا عايزين بس نستحضر تاني المعنى العام للصورة وجو الصورة في اخر مكة وشدة التعذيب والبحس عن مكان اخر ومقدمات سنجد في الصورة مقدمات واشارات كثيرة لقضية الهجرة وان لسه بنبحس عن مكان اخر بل زي ما هنشوف ان شاء الله ان بعد ما نخلص مجلس النهاردة هيبدأ الانتقال الى مخاطبة اهل الكتاب وكان في تهيئة ان احنا هنروح لمكان اخر - 00:02:50ضَ

يوجد به اهل الكتاب وهندخل معارك اخرى جديدة. بالاضافة بعد معارك التعزيب والصبر والازى. هناك معارك على مستوى الشبهات ولا تجادلوا اهل الكتاب الا بالتي هي احسن جو الصورة والبلاء والفتن والثبات والمجاهدة وبعضهم قال الاسراع بالامر بالمعروف والنهي عن المنكر والمسارعة في ذلك ايا كان - 00:03:13ضَ

الموضوع المحوري لكن ده جو عام في الصورة فنستكمل والى مدينة اي تذكير ايضا للمؤمنين الذين يتلقون هذه الايات ان كما ثبت ابراهيم عليه السلام وثبت لوط ثبت شعيب ايضا. احنا قلنا - 00:03:35ضَ

زكرت نوح وخاصته خصت هنا في السورة. ايه الخصيصة اللي جت في السورة مع سيدنا نوح الف سنة الا خمسين عاما. وبعد كده سيدنا ابراهيم اللي هو الخصيصة المعينة اللي جت هنا في السورة ان هو بعد ما خرج من النار استمر في الدعوة - 00:03:52ضَ

ده لم يزكر الا في هزه السورة. وزاد في الكلام توضيحا. انما اتخذتم من دون الله اوثانا. بعد كده انما اتخذته من دون الله اوثانا. مودة بينكم في الحياة الدنيا بعد ما خرج - 00:04:10ضَ

من ان بعد ان جاءه الله من النار. وسيدنا لوط كانت الخصيصة المذكورة في هذه السورة تحديدا التفصيل ومدى آآ اشاعة الفاحشة والوصول ان هم بيقطعوا السبيل ويأتون في ناديهم المنكر. هنا بدأ يحدس بعد التفصيل في التلات قصص دي بدأ - 00:04:20ضَ

نوع من الاجمال كتير من اللي شرحوا قصص القرآن زي ما قلت لكم المرة اللي فاتت كان بيقول ان سورة العنكبوت بما ان هي من اواخر السور المكية دي غالبا كانت اخر سورة - 00:04:40ضَ

هذا القصص بهذه السورة بهذه الصورة لما نيجي نشوف القرآن المدني هنجد ان مستوى اخر من القصص. يعني لما تيجي تشوف مسلا اول اربع سور مدنيين كبار سورة البقرة سورة ال عمران - 00:04:53ضَ

سورة النساء وسورة المائدة. نوعية القصص اللي فيها. عشان تفهم نوعية القصص القرآني في مكة ونوعية القصص القرآني في المدينة لما تيجي تشوف الصور دي. طبعا القرآن مليء بالصور المدنية الاخرى. يعني بعد ما تخلص دول سورتين طوال مكيين وبعد كده الانفال والتوبة مدني. وبعد كده شوط - 00:05:08ضَ

من اول يونس اللي بعد التوبة لغاية الاحزاب قبل الاحزاب كل ده مكي بيتخلله بعض السور زي سورة النور سورة الحج على خلاف في الباقي يعني. لكن دول الصورتين الايه؟ المدنيتين اللي من هذا الشوط الطويل اللي من اول يونس لغاية - 00:05:27ضَ

اه السجدة اللي هي بعدها الاحزاب وبعدين تيجي الصورة المدنية وبعد كده شوط طويل اخر مكي. ده كده بييجي الشوط المدني الطويل تاني ما بيقابلناش اي شوط مدني طويل غير بعض الحاجات كده. يعني مسلا تلات صور ورا بعض محمد الفتح حجرات. اطول شوط مدني بيقابل للي حصل من اول - 00:05:47ضَ

الحبيب لاخر الجزء التمانية وعشرين. الحديد وجزء قد سمع لما تيجي تمر كده مهم انك تستحضر الخريطة دي في زهنك دايما تشوف نوعية القصص القرآني اللي جه في المدينة تجده مختلف. يعني لو خدنا نموزج الاربع سور اللي في الاول - 00:06:07ضَ

ما فيش اشارات بالتفصيل زي ما حصل لقصة بقى بالتفصيل ييجي سيدنا نوح وبعد كده ييجي سيدنا ابراهيم وبعد كده ييجي سيدنا لوط وبعد كده ييجي سيدنا شعيب وممكن ما بين - 00:06:22ضَ

سيدنا نوح وسيدنا ابراهيم دي قصة هود وصالح. وبعد كده ممكن بالتفصيل بقى قصة سيدنا موسى. بل الاحداث التي ذكرت في قصة بني اسرائيل مع موسى عليه السلام في القرآن المدني بتختلف عن الاحداس التي ذكرت في القرآن المكي. كنت اشرت لده واحنا بنشرح سورة الاعراف - 00:06:32ضَ

فلزلك بيقال ان حصل اجمال هنا في صورة العنكبوت لان كل القصص دي تم ذكرها قبل ذلك. يعني كل بقى المجمل اللي جاي هنجد ان اشارات سريعة جدا مدين وعدن وسمودا في اية وقارون وفرعون وهامان في اية وخلص الموضوع - 00:06:53ضَ

ليه؟ لان صورة العنكبوت دي اخر صورة ذكرت القصد دي. بعد كده بتيجي اشارات سريعة يعني ممكن اية في سورة التوبة يعني ممكن تيجي اشارات سريعة في القرآن المدني لهذه القصة. لكن آآ القرآن المكي يعتبر ده ختام القسم - 00:07:08ضَ

ممكن يكون من آآ احد توجيهات ده ان كل كل القصص ده كانت النهاية في الغالب ما عدا بعض الحاجات زي سيدنا ابراهيم كانت النهاية في الغالب العام اللي بيهلك الامة باكملها. لكن من بعد نزول الكتاب على موسى عليه السلام سم بعد ذلك نزول القرآن على النبي صلى الله عليه وسلم وبينهما الانجيل على عيسى - 00:07:24ضَ

عليهم جميعا افضل الصلاة واتم التسليم. ما عدش عزاب عام. اصبح هناك معاملة اخرى لهؤلاء الانبياء وهؤلاء واممهم تحتاج نوع اخر من القصص. لان كان القصص اللي في المدينة بيتناسب مع احوالهم ممكن يقصوا عليهم قصة هم عاشوها زي غزوة بدر في الانفال او غزوة تبوك في - 00:07:44ضَ

توبة او غزوة احد في ال عمران او الاحزاب الخندق. يعني بيقص عليهم احداث هم عاشوها طيب والى مدي انا تجد اشارة سريعة اخاهم شعيبا والتفصيل في قصة شعيب ذكرناه في سورة الاعراف وبعض المفلسين ذكر هل سيدنا شعيب ارسل الى الى آآ - 00:08:05ضَ

قومين ولا الى قوم آآ يعني نوع واحد من الاقوام ولا الى قومين هل اصحاب الايكة هم مدين ولا مختلفين؟ خلاف ما بين اهل آآ السير اللي بيتحدثوا في هذه - 00:08:22ضَ

القصة يعني والخلاف ذكره ابن كسير والى مدين اخاهم شعيبا فقال بادرهم بالدعوة الى الله سبحانه وتعالى يا قومي اعبدوا الله وارجوا اليوم الاخر دعوة الانبياء كلها واحدة الى دعوة التوحيد. هنا قالوا جاءت آآ الفاء زي ما بيوقع اشار الى الاسراع في الدعوة الاسراع في - 00:08:32ضَ

الامر بالمعروف والنهي عن المنكر. والوقائع بيقول هذا من المعاني المحورية في السورة. الاسراع في الامر على الوف والنهي عن المنكر. فقال يا قومي اعبدوا الله وارجوا اليوم الاخر. المفسرين - 00:08:52ضَ

مع كلمة وارجو اليوم الاخر. قالوا الرجاء بييجي معنى آآ شيء انسان بيتمناه مع ان غالب المفسرين قالوا ارجوا اليوم الاخر اي معناها خافوا اليوم الاخر. فبعضهم قال لأ الرجاء لا يأتي في اللغة بمعنى الخوف - 00:09:02ضَ

وهو لا يأتي ويحتمل ذلك السياق يسمح بذلك. بعضهم قال لا رجل اليوم الاخر مش معناها خوف اليوم الاخر. معناه توقعوا زي ما اشار القاسمي الى حدوس اليوم الاخر. فاللي بيتوقع شيء كأنه بيرجوه فيخاف منه. انا متوقع ان في امتحانات تحدس. متوقع يعني فليكن منكم اليوم الاخر على بال - 00:09:19ضَ

او مش بس مسألة التوقع قالوا لأ احنا ممكن نحط كلمة لان الرجاء بييجي ايه مع الشيء المحبب ممكن نحط كلمة وتكون هي اللي محذوفة مسلا النجاة اليوم الاخر يعني عشان كل ده ليه؟ عشان هم عايزين يقولوا ان الرجاء لا يأتي بمعنى الخوف. ومنهم من قال لا الامر اوسع من ذلك والرجاء بمعنى الخوف - 00:09:41ضَ

يعني سيدنا شعيب هنا التقط ان الازمة عندهم في حب المال والتطفيف في المكيال والفساد الاقتصادي اللي كان بيعم المدين سببه تعظيم الدنيا وعدم خوف من اليوم الاخر انا شايف ان ده ده الحل المركزي للمشكلة. نحط قوانين ونحط آآ شريعة ونضبط السوق وكل ده لكن فيه نقطة مهمة - 00:10:03ضَ

اصلاح بث الخوف من اليوم الاخر في قلوب الناس. وان كل ما اليوم الاخر آآ نسبة الخوف من اليوم الاخر بتقل داخل الانسان بيزيد تلقائيا حب الدنيا والتمسك بالدنيا فسيدنا شعيب هنا بيقدم لهم الحل لسبب الفساد الاقتصادي المنتشر - 00:10:28ضَ

وارجو اليوم الاخر ولا تعثوا في الارض مفسدين. بعضهم قال العثو هو هو الفساد. يعني حتى قالوا يعني ايه ولا تعثوا في الارض مصيب دي زي بالزبط اجلس قاعدا هيا هيا فغاير في الكلمات آآ من باب بس ان يعطي نوع من البلاغة لا يستعمل نفس الالفاظ ما قالش ولا تفسدوا في الارض - 00:10:46ضَ

بعضهم قال لا لا تعثر في الارض مفسدين. انتم تتعمدون الافساد. الافساد مش بيحصل غصب عنك انتم متعمدين الفساد طيب لما واحد يسمع كلمة النبي بيقول لقومه ما تفسدوش في الارض - 00:11:06ضَ

انت متصور هم يكونوا بيعملوا ايه؟ ايه الفساد اللي هم يعني هم بيعملوا ايه؟ بيكسروا الشوارع والاسفلت بيعملوا مطبات زي اللي بنشوفها كده بوز العفشة مسلا يعني بيعملوا ايه؟ ايه الفساد اللي في الارض اللي بيعملوه؟ يعني تقعد تتصور بيقطعوا الشجر مسلا - 00:11:22ضَ

بيهدوا البيوت. يعني ايه الفساد اللي سيدنا شعيب يستعمل معه لفظ لا تعثوا مفسدين واكد عليه. ايه الفساد ده؟ يعني ايه الفساد بيعملوا ايه وتفاجأ ان مجرد معاملات مالية محرمة انت ممكن شايفها فيها نوع من الحرية. دي حرية اقتصادية والسوق بيرتب نفسه - 00:11:38ضَ

هم عندهم تطوير في المكيال بيحطوا تعاملات بالربا هم احرار. سمى نبي الله شعيب سمى ذلك افسادا في الارض. بل سماه افساد محمد ونهاهم عنه. يبقى احنا محتاجين نوزع ما هو مفهوم الفساد. القرآن بيعطيك نظرة جديدة للمفاهيم. زي ما بيكلمك عن - 00:11:58ضَ

مفهوم الرب ومفهوم زي ما اتكلمنا فيه درس آآ اشكاليات اللي هو آآ اعادة ضبط. ازاي القرآن بيعيد ضبط المصطلحات عندك فازاي القرآن بيعيد زي ما اتكلمنا على مفهوم مسلا تعقلون في القرآن. وايه هو العقل - 00:12:19ضَ

فكذلك مفهوم الافساد لما في اول سورة البقرة عندما قال المؤمنون للمنافقين لا تفسدوا في الارض المنافقين قالوا انما نحن مصلحون. هو المنافقين كانوا بيعملوا ايه في المدينة في الوقت ده؟ كان عندهم افساد في مسألة الولاء والبراء كان بيروحوا لليهود - 00:12:36ضَ

ديوان اليهود على المؤمنين ده افساد يعني آآ شف الافساد جه في القرآن دي محتاجة ختمة. تتبع كلمة الافساد جاءت مع آآ اي نوع من المعاصي تجد مع آآ العكس الولاء والبراء انه بيتولى اهل الفجور واهل الكفر ويتبرأ من اهل الايمان. تجد هنا مع المعاملات المالية المحرمة - 00:12:56ضَ

فبالتالي احنا عشان نصلح في الارض احنا محتاجين نصحح عقائد الناس ومحتاجين نصحح معاملات الناس. ده الاصلاح. لزلك سيدنا شعيب قال لهم لما قال لهم هنا ما تبزلوش قل لهم في سورة هود ان اريد الا الاصلاح ما استطعت - 00:13:18ضَ

يبقى مفهوم الاصلاح مفهوم واسع. مش مجرد شوية بنايات بتتعمل وده يبقى مصلح الاصلاح هو اقامة الناس على شرع الله سبحانه وتعالى. فسيدنا شعيب بيقول لهم هنا ان ما تفعلونه ده ده خلل اقتصادي ده فساد - 00:13:35ضَ

يعني زي ما سيدنا ابراهيم زكرنا سيدنا ابراهيم واجه عقيدة فاسدة متشبثة ومتماسكة ومعقدة قضية الاوثان وسيدنا لوط الفاحشة اللي استقرت وبقت متشابكة ومعقدة وبقت اشبه بسيستم بنزام موجود. ايضا شعيب واجه النظام المالي المحرر - 00:13:51ضَ

ودي قصة دلوقتي في عالمنا الان. عشان تقرأ قصة نشأة بقى البنك المركزي والقروض والربا وتعامل اليهود من قبل واستمرار ده الان واحتكار الاموال ده قصة ده يحتاج لمتخصصين عشان يبينوا هذا العوار وهذا الفساد. لسة النهاردة آآ اتعرض احد العلماء المتخصصين في المعاملات المالية - 00:14:11ضَ

آآ في باكستان دكتور محمد تقيل العثماني لمحاولة اغتيال آآ انجاه الله منها وان كان قتل احد المسلمين اسأل الله ان يرحمه من الشهداء مش عارف ليه في تركيز لان في آآ شبه القارة الهندية مليئة بالعلماء المتخصصين في المعاملات المالية تحديدا - 00:14:35ضَ

دي دي تقريبا في خلال شهر. تاني محاولة اغتيال لبعض العلماء هناك فمسألة مهم ان يبقى عندنا ناس آآ متخصصين في هزه المجالات. المعاملات المالية المباحة اللي اباحتها الشريعة وبيان - 00:14:51ضَ

دار المعاملات المالية المحرمة. وعدم الرضوخ لنزام المال العالمي ولا تعثوا في الارض مفسدين. طبعا هم هنا لقوا ان سيدنا شعيب مش بس بيطلب منهم دين لا يتدخل في تفاصيل الحياة. ده بيطلب منهم دين - 00:15:07ضَ

هيتدخل في تفاصيل تفاصيل حياتهم. لا دين مش مجرد كلمة ونقولها وخلاص. زي ما قريش قالت للنبي صلى الله عليه وسلم لو كانت كلمة لقلناها. ده بيفاجئنا سيدنا شعيب بيطالبهم بقضايا هتغير من تفاصيل حياتهم. قال اصلاتك تأمرك ان نترك ما يعبد اباؤنا او ان نفعل في اموالنا ما نشاء - 00:15:22ضَ

عايزين نقولوا ايه طب ما تخليها على قد الصلاة. ليه الصلاة تستتبع اعمال اخرى. طب ما تخليها على قد صلاة وخلاص. ليه صلاتك بتنتقل وبتتعدى الى السوق وبتتعدى الى المعاملات - 00:15:42ضَ

ليه؟ فكذبوه. لا احنا مش موافقين على الدين ده. احنا عايزين دين ما يتدخلش ما يقلبش النظام المالي بتاعنا وهنا نفهم لما يجي حد يقول ايه بتحصل نقاشات كتير يقول لك هو دلوقتي مسلا لما يحصل آآ غزو البلاد للمسلمين - 00:15:58ضَ

يقول لك اصل دي هم مش قصدهم ان هم يحاربوا الدين الاسلامي. ده هم مسلا عايزين النفط لو هم هدفهم مادي فده ما نقولش ما نسميهاش حرب دينية. يا جماعة كل الاصول الافكار الخاطئة بترجع للشيطان. احنا قلنا قاتلوا اولياء الشيطان - 00:16:17ضَ

فهو ممكن الشيطان يدخل من باب الكبر ممكن يدخل من المال ممكن يدخل من الشهوة يعني ممكن يدخل من اي مدخل. ففي الاخر الدين حط مخالف لكل ده. يعني ازا كان دينهم لا يشمل المعاملات المالية فاحنا دينا بيشمل المعاملات المالية. فلما حد بيقدم معاملة مالية مخالفة للشريعة بتاعتنا - 00:16:32ضَ

وهو عنده مش متضمنة ضمن الدين احنا بنقول له انت كده بتأسر على الدين بتاعنا. بيقول لك ليه ؟ ده ما لوش علاقة بالدين. ما احنا دينا شامل الدين الاسلامي دين شامل متداخل - 00:16:52ضَ

فكذبوه فاعرضوا فاخذتهم الرجلفة فاصبحوا في دارهم جاثمين هنا ذكر القصة ذكرت اجمالا زي ما ذكرت لان تم ذكرها بالتفصيل في اكتر من سورة ولا سيما سورة الاعراف وسورة هود هو خطيب الانبياء - 00:17:04ضَ

شعيب عليه السلام فكذبوه فاخذته مرجفة فاصبحوا في دارهم جاثمين. الرجفة علماء اختلفوا لان المنصوص عليه ان اخذتهم الصيحة قبل كده القرآن. فهل الرجفة هي الصيحة؟ بعض العلماء؟ قال نعم. وسميت مرة وسيلة العذاب اللي هي كانت صيحة. ومر باثر - 00:17:21ضَ

عذاب ان رجفت قلوبهم رجفا للتراب والخوف. فكانت هذه الصيحة سببا لرجف قلوبهم. بعضهم قال لأ ده هم عوقبوا من الرجفة معناها في اللغة الاهتزاز والزلزلة. فعوقبوا بصيحة وعوقبوا بزلزال في الارض. بعضهم قال لأ ده الزلزال اللي حصل في الارض هو من اثر الصيحة - 00:17:42ضَ

عشان كده ربنا مرة سمى العزاب صيحة ومرة سمى رجفة. فايا كان عشان لو قرأت ان ما هو عذاب قوم شعيب. فاخذتهم الرجفة فاصبحوا في دارهم جاثمين الجسوم هو الالتصاق بالارض الذي لا يكون فيه روح ولا يستطيع ان يقوم ويقال على الدواب والطيور حينما تلتصق بالارض ولا تستطيع ان تقوم - 00:18:02ضَ

فاصبحوا كالانعام ملتصقين بالارض لا رح فيهم من الخوف والفزع. واهلكوا اهلكهم الله سبحانه وتعالى فاصبحوا في دارهم جاثمين بعد كده بينتقل القرآن الى قصة اخرى لكن هنا القرآن هنا في سورة العنكبوت هيبدأ يذكر اجماليات بعد كده مجمل قصة وعادا وثمودا - 00:18:22ضَ

يبقى اذا كل سورة لها محاور بتركز عليها. وكل سورة لها احيانا ترتيب مختلف. فيه صور بتراعي الترتيب الزمني وفي صور بتراعي التركيز على قضايا معينة اللي متناسبة مع محور السور. وذكرنا ده اكتر من مرة. ازاي ان الصورة هنا بتركز على قصة - 00:18:43ضَ

مختلفة او جزء من القصة مختلف عن الجزء الاخر اللي تكلمت عنه قصة اخرى هنا بدأ الكلام على العذاب ونزول العذاب على الاقوام التي كذبت. وكان سبب نزول العذاب آآ الذنوب - 00:19:02ضَ

يبقى ازا كان لغاية قصة شعيب ممكن قصة شعيب تدخل في القسم الاول او في القسم التاني. لان هي زكرت يعني في ايتين لا هي مجمل ولا هي مفصلة الجزء الاول اللي هو قصة نوح وابراهيم ولوط بيتكلم عن ثبات الانبياء في مواجهة الفتن العظيمة المنتشرة - 00:19:18ضَ

وطول فترة البلاء زي سيدنا نوح. او عظم البلاء زي سيدنا آآ ابراهيم وثباته. وازاي ان سيدنا لوط راحل لوحده يقوم مجتمع فيه فالجزء الاول وده مهم جدا في السورة - 00:19:35ضَ

عايزكم بس معلش ركزوا معي تاني. احنا عندنا قصص الانبياء اللي جت صوت العنكبوت ورا بعضها. تلاتة مفصلين والباقي مجمل. الجزء الاول بيرد على عشان تفهم الموضوع اقرا اول ايتين في السورة - 00:19:50ضَ

الف لام ميم احسب الناس ان يتركوا ان يقولوا امنا وهم لا يفتنون. بعد كده اية ولقد فتنا وبعد كده ام حسب الذين يعملون السيئات ان يسبقون. بدأت السورة بنوعين - 00:20:05ضَ

من الحسابات خاطئة. واحنا قلنا السورة بتعالج الاوهام والحسابات الخاطئة. سواء عند المؤمنين او سواء عند الكافرين. الجزء الاول من القصص القرآني بيرد على الاول اياك ان تظن ان الطريق لنصرة الدين ومفروش بالورد. فقد واجه نوح وواجه ابراهيم وواجه لوط. ده بترد على الحسبان الاول - 00:20:15ضَ

الحسبان التاني اللي هو محاسب الذين يعملون سيئات اي يسبقونا مهما اوتوا من قوة الله قادر على ان يدمرهم ده الجزء التاني من القصص في سورة العنكبوت الجزء التاني بيتكلم على مهما اوتوا من قوة اهلكهم الله سبحانه وتعالى. ولم تغني عنهم قوتهم شيئا. فكانت حساباتهم - 00:20:35ضَ

ان هو هيسبق ده وهم. لزلك نفس الكلمة ام حسب الذين يعملون السيئات. اي يسبقون جت تاني وما كانوا سابقين. يبقى الجزء التاني من القصص بيرد على الحسبان الاخر. واضح؟ واضح الفكرة؟ وده من اعجاز القرآن - 00:20:59ضَ

وده من اعجاز القرآن انه ماشي بهذا الترتيب هنا بدأنا نوع اخر من القصص مجمل ويبين انه كان عندهم قوة وكان عندهم بصيرة وكان عندهم علم وكان عندهم سلطان وكان عندهم ادوات معينة الادوات دي كانوا يظنون ان هذه الادوات ستمنعهم من نزول العذاب. ولكن كل - 00:21:17ضَ

القوى سلطان علم مال اتباع بصيرة في الدنيا. كل ده كان كخيوط العنكبوت لم يمنعهم من عذاب الله وعادا وثمودا وقد تبين لكم من مساكنهم تبين لكم اما تبين لكم ان الله عذبهم او تبين لكم مدى الحضارة اللي كانوا فيها - 00:21:41ضَ

يعني تبين لكم ان بلغوا من الحضارة ما بلغوا ثم لم تغني عنهم شيئا عاد في الجنوب وسامود في الشمال مدائن صالح في الشمال. اللي الوقتي بيتعمل فيها حفلات بدل ما تكون مكان للعبرة. والعزبة - 00:22:05ضَ

عادا وثمودا وقد تبين لكم من مساكنهم وزين لهم الشيطان اعمالهم. يبقى لو خدنا معنى تبين لكم مساكنهم مدى قوتهم. القوة. تنحتون من الجبال بيوتا امنين وفارهين وزين لهم الشيطان اعمالهم - 00:22:22ضَ

فصدهم عن السبيل زين لهم الشيطان واعمالهم فصدهم عن السبيل وكانوا مستبصرين. يعني ايه كانوا مستبصرين بعضهم قال كانوا اهل بصيرة في الدنيا يعني في الدنيا ناصحين جدا ومتقدمين جدا في الدنيا - 00:22:40ضَ

ومبحس التاريخي بتاع مدى التقدم الحضاري عند عاد حتى تحديدا في الجنوب والبحث في الصحراء الربع الخالي. في كلام كتير ومنها ممكن يصل الى حد الاساطير يعني لكن هم في الاخر اثبت الله لهم سبحانه وتعالى انهم كانوا اصحاب قوة - 00:22:57ضَ

يعني تخيل لما واحد عايز يسكن لاجار قديم ولا جديد بقى ولا الكلام ده. اطلع على الجبل انحتونا من الجبال بيوتا فارهين يعني مش بس امنين لأ كمان فريقين ويزبط الاساس. شف القوة يعني وصلوا لمرحلة ان هو ظن اهلها انهم قادرون عليها - 00:23:14ضَ

تحس ان هو متمكن في الارض يفعل فيها ما يشاء يبقى قلنا كانوا مستبصرين بعضهم قال كانوا اهل كانوا اهل بصيرة في الدنيا. زي بالزبط الصورة اللي جت بعضها على طول سورة الروم. ولكن اكثر الناس لا يعلمون يعلمون - 00:23:35ضَ

طاهرا من الحياة الدنيا. فكانوا اهل علم بظاهر الحياة الدنيا. وبعضهم قال كانوا مستبصرين اي كانوا يعلمون ان الانبياء على حق. ولكن اعرضوا زي صورة وصولك اللي فيها فصولك اللي فيها تفصيل الايات وان الايات كانت واضحة فجاء فيها فاستحبوا العمى على الهدى - 00:23:50ضَ

يعني عرفوا الحق بس قالوا احنا مش عايزين الحق زي الصورة اللي قبلها ارضا على طول سورة القصص. وقالوا ان نتبع الهدى معك. احنا عارفين ان انت معك الهدى. بس احنا خايفين نتخطف من ارضنا. فالمانع مش مانع عقلي - 00:24:09ضَ

المانع نفسي من اتباعك فهنا وكانوا مستبصرين بعضهم قال انه كانوا يعلمون ان الانبياء على حق. فقال بعض المفسرين فهي بمثابة قوله سبحانه وتعالى وجحدوا بها استيقنتها سورة النمل يبقى لو قلنا المعنى الاول وكانوا مستبصرين اي كانوا اهل بصيرة في الدنيا وفهم في الدنيا يبقى وزين لهم الشيطان اعمالهم زين لهم الشيطان تقدمهم - 00:24:23ضَ

الدنيوي فكان هذا التقدم الدنيوي سببا لاعراضهم عن سبيل الله زي بالزبط خواتيم آآ غافر فرحوا بما عنده من العلم. والزمخشري في الاية دي ابدع سورة غافر ابدع المفصل ازاي ان العلم الدنيوي ممكن يصرف الناس عن السير في طريق الانبياء - 00:24:51ضَ

طيب هنا هنلاحز ان الايات من بعد وعد وثمود بتتكلم على قوتهم وان هم كانوا اهل قوة وهذه القوة لم تمنعهم من نزول العذاب وقارون وفرعون وهامان. انضموا مع بعض على طول. ولقد جاءهم موسى بالبينات فاستكبروا في الارض. اتكلم على الكبر اللي كانوا فيه. وما - 00:25:12ضَ

كانوا سابقين. قلنا ده الوهم الاول اللي ذكر في السورة ان يسبقونا بعضهم قال ليه هنا قدم قارون يعني ليه هنا قدم قارون؟ في حين ان في سورة غافر آآ قدم آآ فرعون وهامان وقارون. الالوسي وان كان ما ربطهاش في سورة غافر قال هنا تقديم قارون تسلية للنبي صلى الله عليه وسلم لان قارون كان من قوم - 00:25:34ضَ

موسى صلى الله عليه. فكان احق الناس ان يؤمن. لكنه استغل ذلك في الافساد وكان نزول العذاب يسبق به. زي تبت يدا ابي لهب وتب. انت عم النبي وتعلم آآ خلقه وتعلم انه الصادق الامين - 00:25:57ضَ

في العذاب قدم قارون لانه كان احق ان يؤمن انه كان احق بالايمان وقالوا ان ده فيه تسلية ايمان آآ تسلية للنبي صلى الله عليه وسلم عن قومه الذين اعرضوا ولم يؤمنوا - 00:26:15ضَ

وقارون وفرعون وهامان وده مهم جدا ان ممكن واحد يقول طب هو قارون عمل ايه وفرعون تجبر وطغى. وهمان كان وزيره اللي بينفز له التعليمات. طب قارون عمل ايه؟ قانون سخر ما له في الصد عن سبيل الله - 00:26:31ضَ

وكان من قوم موسى ولم يسخر هذه القوة في نصرة الدين. فخسفنا به وبدار الارض. ولسه قارون في الصورة اللي قبلها على طول. في سورة القصص وقارون وفرعون وهامان ولقد جاءهم موسى بالبينات. يعني كانت الدنيا عندهم واضحة. يعني الاعراض لم يكن بسبب مانع عدم وضوح الحجة او عدم بلاغ - 00:26:48ضَ

رسالة ولقد جاءه موسى بالبينات فاستكبروا في الارض قال الالف والسين والتاء على بابها من الطلب. اي طلب الكبر والبغي والعلو في الارض. يعني مش بس كان بيتكبر ده كان بيطلب مواطن الكبر - 00:27:07ضَ

والبغي والعدوان فاستكبروا في الارض. طب وبعدين؟ اين قصور قارون المفاتيح الكنوز واين كلام آآ فرعون واين الصرح الذي بناه هامان خسف به وما كانوا سابقين. اي وما كانوا فائتين من العزاب. وده قول جمهور المفسرين. ايه وما كانوا فائتين من عذاب الله. اي وما كانوا معجزين الله سبحانه وتعالى - 00:27:22ضَ

بعضهم قال ذكر ابن عطية كان معنا غريب شوية قال وما كانوا سابقين في الكفر فقد سبقهم غيرهم. عايز يقول يعني بالمعنى كما كفر هؤلاء كفر من قبلهم. وكما وكما ان الله اهلك من قبلهم فقد اهلك هؤلاء. ومضى مثل الاولين يعني. يعني صاروا على سير - 00:27:48ضَ

على نهج السابقين في الكفر فاهلكهم الله كما اهلك السابقين. وخضتم كالذي خضوا لكن معنا الاشهر وما كانوا سابقين عشان يرتبط باول السورة اي يسبقونا طيب ناس كانوا متقدمين في الدنيا وناس كانوا عندهم قصور وناس كانوا عندهم كنوز وناس كانوا بنوا دولة - 00:28:08ضَ

فرعون بنى دولة عميقة عزيمة فيها جانب اعلامي زي السحرة وفيها وزير وآآ قدر يبسط نفوذه طب ايه سبب اهلاكهم؟ يعني ايه سبب اهلاك كل هؤلاء؟ فقال ربنا سبحانه وتعالى فكلا اخذنا بذنبه. دي نقطة مهمة جدا كلمة دهي - 00:28:30ضَ

بتغيب عن كثير ممن يتكلموا في آآ التحليل التاريخي. والتفسير التاريخي. وما هي اسباب صعوبة النهوض الاممي بيغفل هزا الجانب. جانب الزنوب. نعم قد لا يكون هو الجانب الاوحد كما اشار اشارة ود في قول الله سبحانه وتعالى وما كان ربك ليهلك - 00:28:51ضَ

بتقول من واهلها مصلحون. واكتر من مفسر اشار الى معنى ان الله لا يهلك دولة الكفر لو كانت عادلة. وان الكفر فقط في حد ذاته ليس سببا في الاهلاك لكن الذنوب بمجموعها زي الفاحشة وزي التطفيف قد تكون سببا في اهلاك الاقوام - 00:29:11ضَ

فكلمة فكولا اخذنا بذنبه بتغيب عن كثير ممن يتكلمون في تفسير التاريخ. لذلك لما نشأ مصطلح التفسير الاسلامي للتاريخ يعني الاسلام له نظرة في التاريخ. لماذا اهلكت هذه الامة؟ ولماذا سقطت هذه الحضارة؟ كل ممكن المحللين اللي ما بينطلقش من - 00:29:28ضَ

دين بيتكلم بامور واسباب الدنيا وفقط ما بيجبش سيرة ان ده ذنب وان ممكن دي تكون عقوبة وان آآ ده عذاب او مسلا فشت فيهم الاوجاع والاسقام التي لم تكن في اسلافهم ما يقولش ده - 00:29:48ضَ

ما ينسبش الامراض اللي بتنشأ جديدة حديس يا معشر الماضين خمس آآ النبي صلى الله عليه وسلم كان بيحذر المواجهين من هذه الخمس الخصال واستعاذ ان يدركوهن فالشاهد ان التفسير الاسلامي للتاريخ بيختلف. واحنا عندنا القرآن بيوضحها بكل يعني بيزكرها بكل وضوح وصراحة كان سبب اهلاكه ليس - 00:30:01ضَ

في فهمهم للدنيا وليس نقصا في الحضارة ونقصا في البنيان. ولكن فكلا اخذنا بذنبه. واللي ابدع ايضا في شرح الفكرة دي لابراهيم السكران في كتاب مآلات الخطاب المدني. اتكلم على الخطاب المعارض للانبياء - 00:30:25ضَ

وازاي ان كان عندهم نوع من التقدم الدنيوي وبالرغم من ذلك اهلكهم الله سبحانه وتعالى فكلا اخذنا بذنبه فمنهم من ارسلنا عليه حاصبا. ومنهم من اخذته الصيحة ومنهم من خسفنا به الارض ومنهم من اغرقنا - 00:30:41ضَ

بسرعة كده الحاصل فيه خلاف هل ده عزاب قوم عاد ولى عزاب قوم شعيب قصدي عذاب قوم لوط بعض الناس قالوا الحاصب هنا ده عذاب قوم لوط. وده اللي ذكر قبل كده في القرآن وده اختاره الطبري. بعضهم قال لا الحاصب هنا المقصود به عذاب قوم مع - 00:30:57ضَ

لانه لوط ذكر عذابهم بالتفصيل. لكن من اول عاد ما ذكرش العزاب ده نوعه. فلما نيجي نشوف كده سورة العنكبوت قالت وعادا وثمودا وقارون وفرعون وهامان قالت الخمسة دول. والاية دي ذكرت اربع الوان من العذاب. بنفس الترتيب. قالوا الحاصل لعاد - 00:31:21ضَ

والصيحة لتموت وخسفنا قارون واغرقنا فرعون وهامان. فقالوا عشان يكون نفس السياق ماشي مع السورة. فهيختار اللي هيختار القول ده وده ابن عاشور وغيره من المتأخرين رجح المعنى ده. قال يبقى حاصل عاد. والصايحة ثمود. وخسفنا قارون واغرقنا فرعون وهامان. الخس - 00:31:44ضَ

والاغراق ما فيش فيه خلاف بين المفسرين لكن الحاصل بعضهم قال لوط وبعضهم قال عاد وصيحة بعضهم قال شعيب وبعضهم قال ثمود زي ما قلت لكم المعنى اللي رجحه المعاشور وغيره اشبه بالسياق. ان من اول عاد لم يذكر تفاصيل العذاب. فتجمعوا في اية - 00:32:04ضَ

مركزين معي انا عايزكم عشان كده يبقى معكم مصحف عشان يبقى من اول وعادا وثمودا وثمودا وبعد كده وقارون وفرعون وهامان. فرعون وهامان اغرقهم الله قارون وخسف الله به الارض وبعد كده ثمود الصيحة وعاد حاصله - 00:32:26ضَ

ومنهم من اخذته الصيحة فمنهم من ارسلنا عليه حاصبا ومنهم من اخذته الصيحة ومنهم من خسفن بالارض ومنهم من امرك الاية دي من المعاني يعني ولله المثل الاعلى عايزك تستحضر معنى كده - 00:32:44ضَ

الكون كونه يعني ربنا اراد انه يهلكهم بريح وقادر اراد ان يهلكهم بشوية طوب هو قادر. اراد انه يقصف عليهم يسقط عليهم كسفا من السماء يفعل ما يشاء. اراد انه يزلزل الارض ويفعل الارض ارضه والسماء سماء - 00:32:58ضَ

والريح ملكه سبحانه وتعالى. يفعل ما يشاء. يعني الاية دي فيها كمية يقين يسكب في قلب المؤمن مش طبيعي. يعني استحضار ان انت عايش في ملكوت الله بكل بساطة منهم من اخذته الصيحة ومنهم من آآ منهم من ارسلنا عليه حاصبا ربنا قال لي طوب اتحرك اللي على الارض ويتحول الى - 00:33:13ضَ

قنابل توجه فيها او ريح عظيم او صيحة جند من جنود الملك مجرد بس ان هو بصوت ينادي بصوت فيموتوا او يأمر الله الارض ان تتحرك ان ليه الارض اللي كانت تحت قصور قارون هي اللي اتخصمت - 00:33:37ضَ

التاني بقى اللي بيحلل بعيد عن الدين واصل دي كان فيها مش عارف القشرة الارضية كانت بتمر بشوية برد ولا حاجة. ويقعد يحللها. ربنا بيقول فخسفنا به وبداره الارض الارض ارضه سبحانه وتعالى - 00:33:55ضَ

يعني يملك سبحانه وتعالى ان يأمر الارض تحديدا هذه ان تتحرك وان تخسف انه يأمر البحر ان ينشق فينشق وبعدين يعدي سيدنا موسى ويعدي بني بنو اسرائيل يعبرون البحر وسيدنا موسى من فرط يعني خوفه على بني اسرائيل وخايف ان فرعون يدركه عايز بسرعة يضرب البحر عشان يرجع عشان فرعون ما يدخلش - 00:34:09ضَ

طريق اليبس. فربنا بيقول له ايه؟ واترك البحر رهوا انت بس تمشي انهم جند مغرقون. كل شيء بترتيب من ربنا سبحانه وتعالى الجميلة جدا في سورة الدخان. انت مش ضربت البحر وانشقوا طريق يابسا ومريت؟ سيبه. هو ربنا بيستدرجهم عشان يمشوا هو لذلك - 00:34:38ضَ

الاثر المشهور اللي ذكره الطبري في سرية من فرعون قال لقد فرق البحر خوفا مني هو عايز يقنع جنوده ما هو جنوده لقوا البحر اتشق قال له يا عم انت رايح فين - 00:35:00ضَ

ما تشوفش قال لهم لأ ما هو انا مش انا ربكم الاعلى. ده تبعي خلاص طب خش خش دخل وراه اضل فرعون قومه وما هزا يعني فعلا مش ممكن يعني ما فيش اليس منكم رجل رشيد - 00:35:11ضَ

ما انتم طول عمركم عايشين اعضاء عمر ما فرعون عملها طول عمركم عايشين وجمبكم بحار البحر الابيض المتوسط وهنا البحر الاحمر عمر ما فرعون عملها يعني يعني ليه الوقتي حصل؟ - 00:35:27ضَ

لكن بتقديري من الله اغرقهم الله سبحانه وتعالى. يشق البحر وقتما يشاء ويرجع البحر وقتما يشاء سبحانه وتعالى. الكون كونه يفعل فيه ما يشاء ولله جنود السماوات والارض الاية دي تنزل في وضع صلح الحديبية وانت قاعد ليه بيحصل كده وليه ما نعطى الدنية في ديننا؟ فالاية تقول لك - 00:35:39ضَ

انت ما بتشغلش بالك الامر اكبر من اللحزة اللي انت عايشها ما تخليش معايشتك للاحداس الصغيرة وللتفاصيل تنسى الامر ده. ولله جنود السماوات والارض. وكان الله عليما حكيما. وكان الله - 00:36:02ضَ

وعزيزا حكيم. سورة الفاتحة ومنهم من خسفنا به الارض ومنهم من اغرقنا وما كان الله ليظلمهم. ولكن كانوا انفسهم يظلمون ان دايما جه التركيز انهم كانوا بعد ما جاءتهم البيانات اي اعرضوا بعد ما عرفوا الحق. عرفوا الحق - 00:36:17ضَ

وما كان الله ليظلمهم ولكن كانوا انفسهم يظلمون في هذا الموطن تحديدا وده من اعجاز القرآن ان بيجي تيجي القاعدة او تأتي العقيدة او يأتي المثل بعد تهيئة القلب وتهيئة العقل وتهيئة النفس - 00:36:36ضَ

ومن اجمل الامسلة الواحد بيحبها مسال سورة غافر المجادلة اللي بتحدس من اول لحزة ما يجادل في ايات الله الذين كفروا وقال حميم اصلا كلها مليانة مجادلة ونقاش ونموزج اللي جه في مؤمن في سورة غافر مؤمن ال فرعون اتكلمنا على ده في سورة غفر قبل كده - 00:36:54ضَ

ومتى ينصر الله اولياءه؟ كلمة انا لننصر رسلنا جاءت في الوقت المناسب. بعد البداية والتهيئة واللي بيطوف حوالين العرش ويسبحون بحمد الله والجنود السماوات والارض. وبعد كده نموذج للي بيجادل وكادوا ان يفتكوا به ثم نجاه الله منهم - 00:37:12ضَ

فوقاه الله سيئاته ومكروا ثم ادخلهم الله النار وثم يتحاجون في النار فيعرض المستكبرون عن المستضعفين فيتجهوا جميعا الى الملائكة يدعوا ربكم يخفف عنا يوما من العذاب. قالوا فادعوا وما دعاء الكافرين الا في ضلال اخر مشهد بتسمعه صيحات المستكبرين - 00:37:32ضَ

المستضعفين في النار. صيحات فرعون وهامان وجنوده في النار. عندما تسمع هذا المشهد تقع هذه الاية في موقعها. انا لننصر رسلنا. فحين عندما تسمعها في هذه اللحظة تقول حقا اللي بيصدق كلام ربنا. مش اللي لازم يشوف بعينه. اللي بيصدق يقول فعلا - 00:37:52ضَ

ليه؟ انا شايف فرعون في النار شايفها مان في النار اقول فعلا انا لننصر الاسلام. فبعد ما السورة بدأت باحزب الناس ويتركن يقولوا امنا والجهد اللي هيواجهه اهل الايمان اذا استمروا ثابتين على ايمانهم - 00:38:11ضَ

من الناس سيعرض وبعد ان يقول امنا يرجع مرة اخرى وينافق فاذا اوذيب اليه جعل فتنة الناس كعذاب الله. وبعدين نموذج الصابرين نوح وابراهيم ولوط وبعدين نموذج العذاب اللي نزل عاد وثمود وقارون وفرعون وهامان. بعد كده كل المشهد ده تحتاج ان تستحضر هذا المثل - 00:38:27ضَ

في هذه اللحظة تحديدا بعدما رأيت اهلاك قوم نوح وهناك قوم لوط واهلاك قوم شعيب واهلاك عاد وثمود واهلاك قارون وفرعون بعد ما شهدت كل هذه المشاهد بقلبك وايقنت بها - 00:38:49ضَ

ربنا يقول لك مثل الذين اتخذوا من دون الله اولياء كمثل العنكبوت اتخذ البيت. المثل جه في الوقت المناسب بعد ما القلب تهيأ وده مهم جدا نتعلمه من اسلوب القرآن - 00:39:07ضَ

ان القرآن ما بدأش بالحقيقة دي. ما بدأش بسورة غافر انا لننصر رسلنا. ما بدأش سورة العنكبوت بالمثل. هيأ القلب وذكر امسلة من التاريخ واضحة ومساكنها موجودة وبعدين ذكر المثل - 00:39:21ضَ

مهم تهيئة القلب لتلقي الحقائق تهيئة العقل والفكر والقلب لتلقي الحقيقة القرآنية مثل الذين اتخذوا من دون الله اولياء ربنا هنا ما قالش مثل الكافرين اسمي موصول جه الذين يبقى هنا المعنى اللي جه بعد الذين ده مقصود - 00:39:35ضَ

يعني ربنا ما قلش مثل الذين ظلموا. ما قالش مثل الذين كفروا. ما قالش مثل الكافرين. ما قالش مثل المشركين. المثل الذين ايه؟ معنى معين وهو التكلف التكلف في ان يبحث عن ولي له من دون الله. اتخذوا فيها تكلف - 00:39:58ضَ

وبحث بحث عن ولي. الولي اللي هو الناصر اصل من الاصول معنى الولي والولاية القرب ان يكون بجوارك ينصرك. اذا احتجت اليه. فكانوا بيبحثوا عن قوة وعن ناصر من دون الله. ليه؟ طب ما يطلبوش من ربنا ليه؟ فما ظنكم برب العالمين؟ ليه؟ ما بتروحوش لربنا ليه؟ عارفين ان ولاية - 00:40:17ضَ

الله لهم تتطلب العبادة. تتطلب ان يبتعدوا عن الاوثان. ان الا يطففوا في المكيال. يقول لك لا. هذه الولاية اية لها ثمن لا نريد ان ندفعها ثم يدفعون ثمن الولاية اخرى - 00:40:42ضَ

بذلوا الذين اتخذوا من دون الله اولياء. يبقى المثل اللي هنا بيركز على لحظة التعب في البحث عن قوة تنصرهم من دون الله تاني يبقى المسل هنا بيركز على ايه؟ مش بيركز على مسلا نوعية الاصنام. لأ بيركز على مدى التعب - 00:40:59ضَ

المبذول منهم في البحث عن قوة تتولاهم وتنصرهم من دون الله في مقابل التعب الذي بذله اهل الايمان في نصرة دين الله ربنا بيقول بقى التعب المقابل ده مثل الذين اتخذوا من دون الله اولياءه. في زمنهم ممكن يكون الاولياء - 00:41:19ضَ

الاصنام ممكن تكون الاولياء طاعة فرعون. ممكن تكون الاولياء في زماننا العلم فتنة العلم. فتنة السلطان. فتنة المال. فتنة الاتباع. اي فتنة. ممكن هنا الاسقاط بتاعها على واقعنا. الاولياء دي تتحط مكانها - 00:41:41ضَ

ايا كانت الفتنة فكل من حاول يعني مسلا اليهود وظنوا انهم مانعتهم حصونهم من الله. هو لجأ الى حصونها لم يلجأ الى الله مثل الذين اتخذوا من دون الله اولاء. يبقى النص الاول عشان نعرف التشبيه بيتكلم عن ايه - 00:41:59ضَ

اللي هيشبه يعني ربنا بيشبه لنا ايه؟ بيشبه لنا جهد اهل الباطل في البحث عن قوة تنصرهم من دون الله. سواء تحصيل علم دنيوي معين عشان آآ ظن انهم قادرون عليها. وان هو يتمكن من الاسباب وانه ليس في حاجة الى الله. وانه هيعتقد انه هيكتشف سر الحياة وسر المرض ويعالج كل الامراض - 00:42:16ضَ

والانسان يكون مخلد ولا يحتاج الى ان يلجأ الى الله في شيء. وهم عايشين في الوهم ده او فتنة السلطان او فتنة المال آآ ما اظن ان تبيد هذه ابدا صاحب الجنتين في سورة الكهف - 00:42:41ضَ

المشهد ده مشهد جهد اهل الباطل في البحث عن قوة تنصرهم. هو بالظبط مشهد العنكبوت التي اتخذت ايضا تكلفت. وبعضهم قال ذكرت المؤنس ولم يزكر المذكر لزيادة الضعف شرع الله. وان كان يصلح الاتنين عنكبوت اتخذ او اتخذ - 00:42:57ضَ

ذكر المؤنس وذكر البقاعي. العنكبوت اتخذت بيتا جهد العنكبوت بتقعد فترات طويلة تنسج البيت ثم يكون هذا البيت لا يمنع عنها ولا يحميها من حر وبرد وريح لكن هذا البيت تصطاد به الضعفاء - 00:43:16ضَ

لكن لا يثبت امام الاقوياء ولله المثل الاعلى هكذا جهد اهل الباطل لاضلال اهل الايمان وللبحث عن قوة تنصرهم من دون الله. يفتن بهذه القوة ضعاف القلوب. يسقطون في هذه الشباك الذين في قلوبهم مرض سواء شهوة او شبهة يسقط في هذه الشباك. لكن من استعان بالقوي - 00:43:41ضَ

رأى كل هذا المجهود كل مستوى الشهوات والشبهات المبذولة يراه بيت عنكبوت مثل الذين اتخذوا من دون الله اولياء كمثل العنكبوت اتخذت بيتا. يعني جهد العنكبوت وقاعدة تنسج وتعمل الخيط - 00:44:06ضَ

وتنظم وتربط وشكل هندسي معين. كل ده ممكن يذهب ازاي هنشوف مسلا بيت عنكبوت عندك في البيت وتكسل تجيب اي حاجة مقشة ولا اي حاجة تشوف هتعمل ايه ولله المثل الاعلى - 00:44:26ضَ

الله قادر ان ينسف كل هذه الجهود من اهل الباطل. طب ولماذا لم يفعل الله ذلك؟ ممكن واحد يسأل ليه؟ ذلك ولو يشاء الله لانتصر منهم احنا قلنا بقى في اول السورة محسبة آآ الف لام ميم احسب الناس ان يتركوا ان يقولوا امنهم لا يفتنون هذه فتنة من الله سبحانه وتعالى - 00:44:43ضَ

الله قادر ان هو يسلسل الشياطين كما يحدس مع المردة في رمضان. طب اتركهم ليه؟ سبحانه وتعالى. فتنة وابتلاء للناس. وهذه هي اصل الحياة وما خلقت الجن والانس الا ليعودي ليبلوكم ايكم احسن عملا - 00:45:05ضَ

مثل الذين اتخذوا من دون الله اولياء كمثل العنكبوت. يبقى العنكبوت دايما بتستطيل على الضعفاء وبتعتمد على حالة الغدر وبتعتمد على السموم حينما يسقط الانسان فريسة. وتقوم بتقييده تضع فيه السموم. هكذا تسيطر - 00:45:24ضَ

العنكبوت على فريستي. لكن لا يقع في هذه الفريسة الا الضعفاء. لذلك قال ربنا سبحانه وتعالى ان كيد الشيطان كان ضعيفا امال بنسقط فيه ليه؟ لان انت ضعيف القصة المشهورة كان دايما الشيخ يعقوب بيكررها. القصة المشهورة اللي لما اراد آآ واظن مذكور عن ابن القيم وغيره. لما اراد احد المربين ان يعلم - 00:45:46ضَ

ابنه فقال يا بني اذا مررت براع يرعى الغنم فنبح عليك الكلب. يعني انت معدي راعي ومعه غنم ومعه كلب صيد او اللي بيحرسه الحراسة. وبعدين مريت فالكلب قعد ينبه عليك. ماذا تفعل؟ قال القمه حجرا. ارميه بحجر. قال فان عاد؟ قال عدت. رميته بحجرتين. قال فان عاد؟ قال عدت. قال ذلك امر - 00:46:08ضَ

استعن بالراعي يكفيك كلابه انت استعذ بالله من الشيطان الرجيم استعاذة الالتجاء ان تلجأ الى الله سبحانه وتعالى والا تصرف عني كيدهن ده نبي والا تصرف عني كدهون انا اصلا ضعيف اصبو اليه - 00:46:28ضَ

فممكن خيوط العنكبوت قد تكون ضعيفة وقد تكون قوية على حسب حالك انت متصل بالله ليس له سلطان على الذين امنوا على ربهم يتوكلون انت بعيد عن الله ترى خيوط العنكبوت كقصور تسقط فيها وتنبهر بها - 00:46:51ضَ

الذين اتخذوا من دون الله اولياء كمثل العنكبوت اتخذ البيت. ثم اكد الله الكلام عشان اللي مش فاهم وبالتأكيد وان اوهن البيوت لبيت العنكبوت. لو كانوا يعلمون يعني جهود اهل الباطل في قمة الوهن - 00:47:11ضَ

في قمة الضعف لو كانوا يعلمون آآ استحضار الرؤية دي ان ترى جهود اهل الباطل على انها مجرد خيوط وعنكبوت امر صعب جدا يعني المتابع لتفاصيل الاخبار اليومية وجهود اهل الباطل والتقدم والاسلحة النووية والغزو للي بيعملوه للمؤمنين والتقتيل والتشريد وما يحدس - 00:47:29ضَ

الان في قرى سورية وفي غيرها من مدن بلاد المسلمين ممكن يصيبه الاحباط واليأس كيف تستطيع بالرغم؟ ركز معي. كيف تستطيع بالرغم؟ من متابعة الاحداث والسعي في نصرة الاسلام والتخطيط والترتيب لنصرة الاسلام. ومتابعة جهد اهل الباطل للرد عليه. كيف تستطيع في نفس الوقت انت بتابع وجود اهل الباطل وبتحاول - 00:47:57ضَ

وتدرسهم كويس وتعرف مداخلهم وتعرف ازاي بيدخلوا من باب الشهوات او الشبهات. وده بيتطلب منك دخول في التفاصيل خاصة للي يتصدر لهذا الباب كيف تستطيع في نفس الوقت ان تحافظ على النظرة القلبية انه مجرد خيوط عنكبوت. الموازنة دي صعبة جدا - 00:48:23ضَ

وده للاسف اللي بيقع فيه احيانا اما التزييد المطلق من دراسة وخطط اعداء المشركين او العكس التتبع لتفاصيل خطط المشركين حتى نصاب بالاحباط واليأس. يقول لك ما فيش فايدة. هي مضلمة وهي سودة وما فيش امل. ومهما عملنا هم سبقونا بملايين السنين - 00:48:42ضَ

الضوئية طب نعمل ايه طيب يعني اعمل في نفسي ايه طيب يعني الخطاب ده معناه ايه فقالوا ايه ؟ هذا ليس خطاب القرآن ده مش خطاب القرآن لزلك حينما تقرأ في سيرة النبي صلى الله عليه وسلم وزلك في بعض الكتب اللي كتبت سيرة تلاقي بعض الكتب تركز على الجانب الرباني في السيرة - 00:49:02ضَ

غالب التركيز الكتاب ازاي ربنا رتب المدينة للنبي صلى الله عليه وسلم؟ وازاي ربنا رتب الحبشة؟ وازاي ربنا رتب غزوة بدر وازاي ربنا رتب آآ غزوة الاحزاب وازاي ربنا ارسل الريح وازاي ربنا عمل - 00:49:25ضَ

فقط سير الجانب الرباني ده فقط كل واحد يقرأ الكتاب يحس ان هو ايه ما يعملش اي حاجة طرف تاني كل الكتاب ازاي النبي صلى الله عليه وسلم خطط للهجرة وازاي النبي صلى الله عليه وسلم خطط لغزوة بدر وازاي النبي صلى الله عليه وسلم رتب وخطط ودبر - 00:49:42ضَ

وقسم القبائل وقسم العشائر واختار الطريق ده وعمل الطريق ده عشان يقطع التجارة وبعدين تحالف مع قبيلة كزا وعمل كزا ده غالب المستشرقين بيعتمد على الطريقة التانية لما بيجي ينظر للسيرة نفسها هو مش شايفه نبي اصلا - 00:50:01ضَ

وبعض الكتاب المسلمين بيتعاملوا الطريقة الاولى. وصح الجمع بين الطريقتين. ازاي نجمع في دراسة سيرة النبي صلى الله عليه وسلم بين الربانية والتفكير والترتيب والتخطيط. وده مجموع في قصة الهجرة - 00:50:17ضَ

النبي صلى الله عليه وسلم اخذ بكل الاسباب حد يمحو الاثار. حد يجيب الطعام وحد يتتبع الاخبار وخد خريط للطريق ومشى في عكس الطريق. واختبأ في غار خد بكل يعني رتب وخطط - 00:50:34ضَ

وعمل كل حاجة ثم حينما رآهم في الغار لم يجزع صلى الله عليه وسلم وقال للصديق لا تحزن ان الله معنا بالرغم لم يعتمد على تخطيطي. الموازنة دي صعبة وما بتجيش من الكتب. دي مجاهدة طويلة جدا. ان الله لا ينظر الى صوركم ولا الى - 00:50:48ضَ

ولكن ينظر الى قلوبكم. ازاي تحافظ على قلبك متعلق بالله وحده؟ وده امر صعب جدا ازاي تحافظ على قلبك لا يلجأ الا اليه. ازاي وانت داخل تنام باسمك ربي وضعت جنبي وبك ارفعه. فاللهم اني اسلمت نفسي اليك. والجأت - 00:51:12ضَ

ظهري اليك انك بتلجأ الى الله تلجأ ظهرك الى الله. واسق في ربنا. انت نايم. انت بتتخلى عن كل قوتك. انت تغمض عينيك طب هتعمل ايه؟ انت نايم. هتدافع عن نفسك ازاي؟ انا الجئ ظهري الى من لا تأخذه سنة ولا نوم - 00:51:29ضَ

الجأ الى الله سبحانه وتعالى معنى ده صعب تحقيقه عايز سنوات مجاهدة ازاي سيدنا موسى بعد اول مرة القى العصاة ولى مدبرا ولم يعقب. بعد كده هو يلقي العصاة ويقذفها ويرميها في البحر فتشق البحر - 00:51:51ضَ

زي سيدنا موسى حصل التطور ده اللي وصل كمال اليقين ده ده مجاهدة. ده جهد يا جماعة ما بيجيش مجرد قراءة. ده انك تشتغل على قلبك كتير من هنا بيغفل على هذا عن هذا المعنى - 00:52:08ضَ

ان هو يجعل قلبه معلقا بالاسماء والصفات يعيش مع الاسماء الحسنى والصفات العلى. يعيش مع يعيش مع آآ اسماء الله الحسنى نعيش مع اسم الله الملك. اسم الله المهيمن. اسم الله السلام - 00:52:21ضَ

نعيش مع الاسماء الحسنى هو تراه دائما مستبشرا. تراه دائما تراه مطمئنا ليه؟ لان هو مش بيعبد الله على حرف مش بيطمئن بالخير. فان اصابه خير اطمئن به لا هو بيطمئن بالله. جاء الخير او جاء الشر ومطمئن - 00:52:37ضَ

الله سبحانه وتعالى المحافظة على هذه الرؤية القلبية صعبة جدا. ان ترى جهود اهل الباطل على انهم خيوط عنكبوت. الله قادر على ان يزيلها في لحظة بكلمة منه كن الاية اللي قبلها حاصد وصيحة وخسف واغراق في لحزة - 00:52:54ضَ

لو كانوا يعلمون ان الله يعلم هذا المثل ضربه الله العليم لم يضرب عبثا ان الله يعلم حقيقة ما يدعون من دونه من شيء وهو العزيز الحكيم. للاسف طولت آآ اعراب هنا ما المفسرين يعني طولوا فيها منه من قال هنا ما موصولة ومنهم من قال نافية - 00:53:16ضَ

ومنهم من قال مصدريا. والتفصيل يعني راجعوا كتب اعراب القرآن. وابن عاشور آآ يعني اختار معنى ايضا جيد فيها انهم كالعدم يعبدون شيئا كالعدم ان الله يعلم ما يدعون من دونه من شيء وهو سبحانه وتعالى هم لا شيء وهو سبحانه وتعالى العزيز الذي ينصر اولياءه. الحكيم - 00:53:37ضَ

واحد يقول لك العزيز طب اين هذه العزة؟ وهو حكيم وتعالى بحكمته ينزل بقدر ما يشاء. بحكمته سبحانه وتعالى. وهو العزيز الحكيم. تلك الامثال نضربها للناس. مش اي حد يعرف يفهم المسل كويس - 00:54:00ضَ

مش اي حد يقدر يستطيع ان يرى جهد اهل الباطل على انه خيوط عنكبوت. صعبة صعب جدا. وفي نفس الوقت انك تخطط وتدبر وتتابع المكر والكيد صعب انك توازن من الاتنين صعب وما يعقلها الا العالم. اسأل الله ان اكون منهم - 00:54:16ضَ

يبقى العلم ده مش بيجي مجرد القراءة. مش مجرد قراءة كتب ده جهد قلبي مع الجهد العقلي المبزول لمتابعة جهد اهل الباطل والرد عليهم والتخطيط لنشر الدين محتاج جهد قلبي ان ترى - 00:54:34ضَ

كل هذه الجهود كخيوط العنكبوت. كما يعقلها الا العالمون. وبعد كده من روعة القرآن جاب لك طريقتين كيف تستطيع ان ترى جهد اهل الباطل كخيوط العنكبوت كيف اثبت في هذه الفتن المتلاطمة؟ يعني السورة من الاول بتقول لك انت انت خايف من الفتنة؟ اه على فكرة هو فيه فتن فعلا - 00:54:50ضَ

انت انت خايف من المجاهدة والطريق صعب؟ اه هو الطريق صعب فعلا. هو الطريق مليان صعوبات واللي بيظن غير كده هو مش فاهم الطريق طب اسبت ازاي وكيف ارى جهد اهل الباطل على انها خيوط عنكبوت؟ وكيف يعني يزداد اليقين في قلبي؟ فربنا قال لك بطريقتين - 00:55:11ضَ

تفكر في خلق السماوات والارض وانها لم تخلق عبثا ما الحكمة وقراءة القرآن ولا سيما في الصلاة يعني يعني هاتان الطريقتان من انفع الطرق التدبر في كتاب الله المنظور والنظر في كتاب الله المستور - 00:55:28ضَ

ولا سيما في الصلاة. خلق الله السماوات والارض بالحق. لم يخلقها عبثا قيل للحق للعاقبة وقيل التفكر ملابسة بالحق. خلق الله السماوات والارض بالحق. فانت تقعد تتدبر. ربنا ما خلقت هذا باطلا. سبحانك. مش ممكن - 00:55:49ضَ

كل ده يكون عبث. مليارات الكواكب والمجرات والافلاك. مش ممكن. نعم بس. مليارات الانواع من الحيوانات والحشرات. من المخلوقات كل ده عبث! ازاي الذي خلق كل هذه المخلوقات لا يستطيع ان ينصرك - 00:56:10ضَ

لا يستطيع ان يحل لك مشكلتك ده ده سزاجة لذلك كان في فكرة زمان كنت شرحتها في درس قبل كده. كانت بعنوان تعجبات ملك. كانت فكرتها سريعا. تخيل ان ملك ينزل من السماء السابعة. تخيل ملك كده - 00:56:31ضَ

نظر الى العرش والملائكة التي تطوف حول العرش والملائكة التي تحمل العرش ونزل سبع سماوات بين شف المسافة ما بين كل سماء حتى بلغ الى السماء الدنيا بمجراتها وكواكبها ونجومها. ثم نزل بعد كل هذه المجرات والافلاك - 00:56:46ضَ

الكواكب حتى وصل الى هذه النقطة الضئيلة حتى وصل الى الارض. ثم وصل الى الارض وجدها قارات ثم نزل الى مكانك انت. في قارة في افريقيا في دولة مصر في هذا المكان - 00:57:06ضَ

رحلة طويلة يأتي بها الملك تخيل مسلا ثم يجدك حزينا يقول لك لماذا تحزن؟ رسول الله عندي مشكلة صعبة جدا تتحل مش متخيل ايه المشكلة الموضوع ده تعب دور تعب مسلا وعايز شوية فلوس او حد زالم بيأزيه لك. مستحيل تتحل. يقول لك بص هم سيطروا على الارض مشركين - 00:57:18ضَ

ارض ايه يا ابني ارض ايه اللي انت زعلان عشانها اصلا؟ لك هم اكتشفوا سلاح النووي الملك مش متعجب! وشايف المخلوقات والعظمة فمهما انت قعدت تضخم له المشكلة فين المشكلة ايه يعني؟ فين المشكلة الوقتي - 00:57:49ضَ

هو الحل ان انت تطلع معه انك تطلع تشاهد الكون من علم. وهذا ما يقوم به القرآن. وده اللي بيقوم به تدبر في السماوات. لزلك كان في درس بعنوان النظر الى السماء - 00:58:10ضَ

دايما النظر للمكان المتسع يعمل اتساع في الافق ما تبقاش ضيق في التفكير كنت شرحت فيه ازاي ان الرجل اللي مر على قرية وهي قوية على وشها لما اطال النظر في الارض قال انى يحيي هذه الله بعد موته؟ قال صعب المشكلة في - 00:58:25ضَ

لما بتعيش تفاصيل المشكلة تقول صعب ان هي تتحل لكن لما تنظر الى قدرة الله المطلقة ايه ده كل شيء عليه هين سبحانه وتعالى والانى يكون لي غلام؟ قالت انى يكون لي ولد - 00:58:41ضَ

كان الرد ايه؟ كذلك الله يفعل من يشاء. كذلك الله يخلق ما يشاء الامر بسيط جدا. يعني فين المشكلة؟ ليه انى يكون لينا ما هو كذلك الله فاذا ذكر الله اطمأن الانسان خلاص امر بسيط - 00:58:57ضَ

ما فيش مشكلة وخلق الله خلق الله السماوات والارض بالحق. ان في ذلك لاية مش لاي حد. المؤمنين اتل ما اوحي اليك من الكتاب موقع الايادي مهم في سياق الصورة عشان ما تفسرش بعيدا عن سياق الصورة - 00:59:15ضَ

يا من تريد الثبات في هذه الفتن. يا من تريد ان تصل او تقارب صبر نوح لبث فيهم الف سنة الا خمسين عاما. جهد ابراهيم وجهد لوط وشعيب. وان تنظر الى جهد اهل الباطل على انه خيوط عنكبوت. تريد هذه المعاني؟ اتل ما اوحي اليك من الكتاب. استمر على قراءة القرآن - 00:59:31ضَ

او اتبعني الاتباع. قلت له ما اوحي اليك من الكتاب القرآن واقم الصلاة يعني مش بس القرآن واثناء الصلاة. والصلاة لا اقامة الصلاة. ده مبنى ده قصر بيبنى. ما فيش حاجة اسمها ان صليت ركعتين. لا اقامة الصلاة - 00:59:52ضَ

الامر مش مجرد ان انا صليت كده وخلاص. اللي يحافظ على اقامة الصلاة والخشوع وقيام الليل وآآ التردد بايات القرآن في طول القيام يحصل هذه المعاني باذن الله سبحانه وتعالى. وهكذا بدأ مع الصحابة - 01:00:14ضَ

الصحابة اتربوا كده طول القيام بعيدا عن كثرة البرامج الايمانية وكثرة الافكار. طول القيام مع القرآن اليك من الكتاب واقم الصلاة. ان الصلاة الالف واللام هنا العهد الصلاة المذكورة دي مش اي صلاة. ان الصلاة المقامة مش اي صلاة - 01:00:31ضَ

ان الصلاة المقامة التي يتلى فيها الكتاب التي يتلى فيها الوحي بتدبر هذه الصلاة هي تنهى عن الفحشاء والمنكر. كأن تأمر وتنهى. كأن الصلاة تغير فيك القرآن ولا سيما في الصلاة له طاقة تغييرية جبارة. لزلك بعض المفسرين قال ولذكر الله اكبر اي لذكر الله اللي هو القرآن - 01:00:51ضَ

الصلاة او لذكر الله في الصلاة اكبر من ذكره خارج الصلاة. انا اذكر الخلاف ان لذكر الله اكبر فيها خلاف طويل بين المفوسين فيها ما يقرب من خمس او ست اقوال - 01:01:17ضَ

خلينا نمشي على المعنى ده عشان تصل الى ان ترى جهد اهل الباطل كخيوط العنكبوت. تدبر خلق الله السماوات والارض. استمر في تلاوة القرآن ولا سيما في الصلاة فان تلاوة القرآن بخشوع وتدبر - 01:01:27ضَ

وفي الصلاة تنهى عن الفحشاء والمنكر فانها هنا يبقى فيه طاقة تغييرية بتحدس. ان الانسان ومن اكتر الاشياء اللي بيصعب ان الانسان ياخد قرارات فيها قضية الترك. انه يبتعد عن الفحشاء - 01:01:39ضَ

ربنا بيقول لك القرآن في الصلاة له طاقة تغييرية. فعلا يا جماعة القرآن لما تعيش مع ايات في القرآن انت ممكن تكون في بلاء عظيم. وتصلي ربنا يفتح عليك ركعتين كده مع طول قيام القرآن تطلع مستبشر - 01:01:53ضَ

عندك امل. ايه اللي حصل؟ ما فيش حاجة اتغيرت. يعني الواقع الواقع من حولك لم يتغير التغيير كان داخلي. التغيير كان في النفس. القرآن بيفعل ذلك. القرآن بيغير نظرتك للامور. يعني القرآن بيعيد - 01:02:11ضَ

نظرتك للحياة. بيعطيك بصيرة جديدة. فبترى الاحداس رؤية مختلفة عما يراها الناس. فدائما تكون مستبشر وبشر المؤمنين واقيموا الصلاة اجعلوا بيوتكم قبلة واقيموا الصلاة لما جعلنا بيوتنا قبلة واقمنا الصلاة تأتي البشرى وبشر المبين. خواتيم يوم - 01:02:29ضَ

جو الابتلاء والفتن الازى في صورة العنكبوت وجهد اهل الباطل عشان نراه خيوط عنكبوت اتلو ما اوحي الي كمان واقم الصلاة ان الصلاة لها طاقة تغييرية حقيقية بالفعل لمن صلاها صورة صحيحة. لذلك اللي ما بيتغيرش في الصلاة فيه مشكلة - 01:02:48ضَ

الصلاة ليست مقامة هو مش هيتحول الى ملاك مش هيطير بعد الصلاة يعني مش هيصلي مش هيروح طيران. هو هيظل يذنب كل بني ادم خطاء. لكن بيتغير يتقدم على الاقل يشعر بالندم. يتغير في - 01:03:10ضَ

حياتي ان الصلاة تنهى عن الفحشاء والمنكر ولذكر الله اكبر. آآ مروي عن ابن عباس لذكر الله اياكم اكبر من ذكركم اياه. يعني بشرى بسواب الذكر في الصلاة لما تزكر ربنا - 01:03:24ضَ

لا سيما في الصلاة تنال اه اه سواب عزيم وهو ان يذكرك الله. وهذا اكبر من ذكرك اياه. جائزة اكبر. بل لا تقارن تخيل كده ومن ذكرني في ملأ ذكرته في ملأ خير منه. متخيل آآ - 01:03:39ضَ

يعني تخيل كده سيدنا ابي بن كعب لما راح للنبي صلى الله عليه وسلم قال اوسماني لك؟ ربنا قال اسمي انا ربنا اسمي يتقال ولذكر الله اكبر ذكر الله اياكم يهون عليك كل بلاء - 01:03:59ضَ

وقيل ذكر الله في الصلاة اكبر من ذكره خارج الصلاة. وقيل ذكر الله الاستمرار على الذكر آآ اكبر في تغيير الانسان من مجرد الصلاة لان لها اوقات معينة لكن ما بين الصلوات انت ممكن تحافظ على الطاقة التغييرية دي من خلال الذكر. كل دي اقوال مذكورة. ولذكر الله اكبر والله يعلم ما تصنعون - 01:04:15ضَ

استحضار المراقبة ثم بعد ان وصلت الصورة الى هذا المشهد انتقال وتهيئة وكأنها بشويات سنذهب الى مكان جديد فيه اهل ولا تجادلوا اهل الكتاب يعني هنا بعد ما خلاص فهمت يعني ايه البلاءات اللي بيمر بها المؤمن وفهمت ان جهد اهل الباطل مجرد خيوط عنكبوت كيف تحصل هذه الطاقة التغييرية جاءت البشريات - 01:04:35ضَ

ان في امل بالذهاب الى مكان يكون فيه اهل الكتاب باذن الله عز وجل. نسأل الله ان يتم علينا الصورة على خير. ان شاء الله المرة القادمة تكمل باذن الله تفسير سورة العنكبوت - 01:05:00ضَ

واستغفر الله لي ولكم. سبحانك اللهم وبحمدك. اشهد ان استغفرك واتوب اليك. وجزاكم الله خيرا - 01:05:10ضَ