باحث

السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين - 00:00:01ضَ

في كل وقت وحين. اما بعد شبابنا الجميل جوازة سوبر. عريس سوبر وعروسة سوبر. النهاردة بازن الله سبحانه وتعالى ربنا يرزقهم لكل الشباب لكل البنات اللي لسة ما اتجوزوش. حبايب قلبنا في الله. شبابنا الجميل. المرة اللي فاتت اتكلمنا عن انت بتشتري راجل. اتكلمنا عن ان لازم تشتغل. لازم قبل - 00:00:21ضَ

لما تدخل البيت تكون مستعد هييجي شاب دلوقتي يقول لي بص بقى يا شيخ انا اشتغلت وكسبت وبقيت كسيب ونزلت الارض وعملت كل اللي احنا اتفقنا عليه. انا دلوقتي بقيت - 00:00:41ضَ

خلاص راجل جاهز بقيت لو دخلت بيت انا راجل دلوقتي لحد كبير اوي مستعد. ايه اللي بعد كده؟ اللي بعد كده ان انا افاجأك يا حبيب قلبنا ان الجواز مش فلوس. ايه - 00:00:51ضَ

المرة اللي فاتت كل الكلام اللي احنا قلناه ده لأ لأ مش قصدي كده انا قصدي ان اخر حاجة في الجواز واخر سبب من اسباب نجاح الجواز هي الفلوس امال في ايه؟ في اسباب تانية في غاية الاهمية وفي غاية الخطورة. بصوا يا جماعة الدرس بتاع النهاردة كله فكرته حاجة واحدة. الدرس بتاع النهاردة كله جوازة سوبر - 00:01:01ضَ

ازاي تختار صح؟ ازاي تختاري صح؟ لان الاختيار ده قضية في غاية الخطورة. النبي عليه الصلاة والسلام في رحلة المعراج. سيدنا جبريل جاب له كأس خمر وكوب لبن او قبح لبن يعني خمر ولبن وخيره. فالنبي عليه الصلاة والسلام اختار اللبن. فقال له جبريل عليه السلام لو اخترت الخمر لغوت - 00:01:21ضَ

من بعدك يعني ايه؟ يعني في اختيارات هتدفعي تمنها لسنة او سنتين من عمرك ضاعوا. وفيه اختيارات هتدفع تمنها عمرك كله. وفيه اختيار هتدفعي تمنها دنيتك واخرتك. وفيه اختيارات لو اخترتها غلط هتدفع تمنها سعادتك. يبقى اذا يا جماعة الاختيارات دي في غاية الخطورة. والجواز ده عامل زي - 00:01:41ضَ

حفرة صعب لو انت مش مزبط سرعتك وحاطط ايدك على الدركسيون حلو اوي العربية ممكن تتقلب بك في اللحزة دي. يبقى لازم تزبط سرعتك قبل الزواج الدرس بتاع النهاردة كله مبني على حاجة واحدة انا خرجت بها من الحياة - 00:02:01ضَ

خرجت بها من الجوازات اللي انا شفتها على مدى السنين اللي فاتت كلها. بصوا يا شباب الجوازة الحلوة حلوة. والجوازة الوحشة وحشة وحشة اوي اوي اكتر مما يتخيل اي حد. يعني ايه عارفين النكتة الراجل اللي بيقول للتاني بيقول له الجواز عامل زي برميل زفت - 00:02:17ضَ

بس على وشه شوية عسل فقال له انا باين اني فتحت البرميل بالمقلوب. عارفين النكتة دي يا جماعة؟ النكتة ديت يعني ممكن اقولها لك واقول لك الجوازة الوحشة وحشة. الجوازة الوحشة - 00:02:36ضَ

يا شباب ما يشبه مين زفت على وشه شوية عسل. الجوازة الوحشة تحطيم نفسية. الجوازة الوحشة احباط واكتئاب مدى الحياة مشردة متصدعة الحياة راحت منك. الجوازة الوحشة حسرة. الجوازة الوحشة نكد كل يوم. الجوازة الوحشة - 00:02:46ضَ

مجتمع كامل. الجوازة الوحشة اولاد مشردين بيخرجوا للمجتمع. مرضى نفسيين. الجوازة الوحشة وحشة اوي. اوي يا شباب. والجوازة الحلوة حلوة الجوازة الحلوة مملكة انت الملك بتاعها. وانت الملكة المتوجة بتاعتها. الجوازة الحلوة سعادة. الجوازة الحلوة فرحة كل يوم - 00:03:05ضَ

متعة كل يوم بهجة كل يوم. الجوازة الحلوة احساس نفسي بالرضا. بان ربنا اداك حاجة انت شايف معظم الناس اللي حواليك اتحرموا من في الايام اللي احنا عايشين فيها. الجوازة الحلوة حلوة. والجوازة الوحشة وحشة. يبقى لما يبقى باقول لك اني باحبكم في الله. وباقول لك ان احنا نفسنا - 00:03:25ضَ

بايدين بايدينا في ايدين بعض نروح للنبي عليه الصلاة والسلام على الحوض. وبعد كده ما اقولكوش يعني ايه جوازة حلوة وجوازة وحشة؟ يبقى دي مش دعوة. ودي مش امانة في الدعوة. عشان - 00:03:45ضَ

ما ابقاش خاين لكم لازم نتكلم النهاردة عن قضية اخطر اختيار او اختيار من اخطر الاختيارات في حياتكم كلها. وهو اختيار الزوج تختار ازاي وتختار ازاي تعيش سعيد في بيتك ازاي وتعيشي سعيدة في بيتك ازاي ده ربنا بيقول للنبي واذ غدوت من اهلك تبوء المؤمنين مقاعد للقدام - 00:03:55ضَ

ربنا بيوصف النبي وهو خارج غزوة بدر. بيقول له واذ غدوت من اهلك بدر احد. ده دي الايات بتاعة بدر احد. في ال عمران. واذ غدوت من اهلك تبوء المؤمنين مقاعد - 00:04:15ضَ

ليه كلمة من اهلك؟ كان خروج الداعية من بيت مستقر بيخليه يعرف ينجز برة. خروج الداعية مسنود وهو وراه بيت مستقر. انما البيت المتصدع مش هيخرج داعية. مش هيخرج مربي. مش هيخرج محافظ قرآن. مش هيخرج اخت تنزل جولات دعوية على البنات المتبرجات. مش هيخرج - 00:04:25ضَ

توفر الاستقرار للمجتمع وهي مش مستقرة. عايز اقول ان اختيارات الشباب الوقتي في الجامعة وفي الفيس. الشاب بيشوف بنت عنيها ملونة بيحبها. البنت شف ولد عامل مايكل دون ناس بتحبه. الشاب بيشوف بنت اه لابسة لبس حلو وبيحبها. البنت بتشوف ولد طيب وحنون وجنتيه وحاجة رقيقة - 00:04:45ضَ

وبيجيب لها دبدوب احمر في في العيد الحب وبتحبه. يا اخوانا الجواز غير الحب يا اخواننا الشباب اللي بيحبوا بعض في الجامعة وفي الفيس وبيتجوزوا وبيتصدموا في بعض. بيكتشفوا ان كل نظرتهم لبعض كانت افلمه. وكانت بتناشى على بعض وكانت يعني - 00:05:05ضَ

بيضحكوا على بعض يشوفها كده بعد اسبوع من الجواز خارجة بقى واخدة دش كده ايه يا حبيبتي مالك انت مين انا حبيبتك انا مراتك مراتي كانت بيضا مكان كريم اساس يا حبيبي. مراتي كانت عينيها كل يوم شكل. انا كنت مبهور بلون عينيها اصلا. كل يوم سبحان الله رباني كده مرة - 00:05:24ضَ

زرقا ومرة خضرا ومرة عينيها بنفسجي ومرة دي كانت حدسات ده كان طقم عدسات كبير قوي جايباه يا حبيبي. مراتي كانت طويلة كان كعبة تلتاشر يا حبيبي. مراتي كانت رفيعة ما اه ما كان فيه وسائل. البنات عارفينها يا حبيبي. طب مراتي كان شعرها طويل وناعم. ده كانت مرة باروكة ومرة - 00:05:44ضَ

فرد يا حبيبي. طب مراتي! طب انا انا مش عاجباك ولا ايه! خلاص الزبون اتدبس. القصة خلصت. بعد الجواز يا جماعة اكتشف الزوج والزوجة ان الحياة ما كانتش لقاء الحب وهم بيتشمسوا في ساحة الجامعة بعد المحاضرة. الحياة الزوجية يا اخوانا الحياة الزوجية من هنا مشاكل - 00:06:04ضَ

الحزو جه مليانة تحديات. الحياة الزوجية مليانة عواصف. الحياة الزوجية مليانة امور كتير جدا. لو ما فيش اتزان واستقرار ما تقدرش ان هي تقومك عشان ما تتحولش في يوم من الايام لاسرة متصدعة عشان ما تتحوليش في يوم من الايام لبيت منهار. بالزات انت يا بنتي يا شرقية يا اللي المجتمع الشرقي - 00:06:24ضَ

ما يدكيش اكتر من فرصة واحدة للسعادة في الحياة. انت لا تملكي الا سفينة واحدة تبحري بها. في بحر السعادة. ما تبحريش بها ضد التيار. الجواز مش المغامرة. الجواز مش مقامرة. الجواز علم. اللي مش هيطلب علم الجواز قبل ما يتجوز هيندم. اللي مش هيستعين بالله قبل ما يتجوز - 00:06:44ضَ

اندم اللي مش هيسيب ربنا يختار له وهو يختار لنفسه في المفرق الصعب ده هيندم عايزين ندخل مع بعض في الدرس بتاع الليلة وهو فن الزواج السعيد قواعد الحياة الزوجية السعيدة. القواعد دي يا جماعة حوالي خمسة وعشرين قاعدة كده بازن الله النهاردة. حوالي تلتاشر قاعدة منهم حوالين نقطة واحدة بس - 00:07:04ضَ

فن الاختيار وحوالي حداشر اتناشر نقطة منهم حوالين النقطة التانية اللي هي قواعد الزواج السعيد يعني نقطة واحدة بس فصلناها في تلتاشر قاعدة. اللي هي فن الاختيار. ازاي تختاري؟ ازاي تختار؟ اختار مين؟ واختار بناء على ايه؟ البنات مالية الشارع - 00:07:24ضَ

والشباب ماليين الجامعات والنوادي والبلاجات والفيس والسوشيال ميديا الشباب والبنات ملايين يا اخوانا ستاشر مليون بنت مش متجوزة في المجتمع بتاعنا. اختار مين ؟ واعرف منين ان هي دي. واعرف منين ان هو ده ازاي نختار؟ تعالوا نتكلم مع بعض في القواعد الاولانية الخطيرة بتاعة - 00:07:44ضَ

الاختيار. ونسأل الله ان يختار لنا. لان الاختيار لو ربنا اللي اختار لك هتعيشي سعيدة. لو انت اللي اخترتي لنفسك ما تضمضيش الاختيار بتاعك يبقى عاقبته ايه؟ اول قاعدة من قواعد الاختيار وقلنا بعد كده هنتكلم عن قواعد عامة في الجواز السعيد بخلاف الاختيار - 00:08:04ضَ

ولكن نتيجة خطورة نقطة الاختيار هنتكلم عنها الاول. السبب القاعدة الاولى او او المقوم الاول للاختيار الدين. يعني ايه الدين بقى يا عم الشيخ؟ بص يا عم الشيخ احنا هنقلبها مشيخة انا عايز اعيش سعيد. انا عايز اتمتع. الجواز ده متعة. الجواز ده. استنى بس يا حبيبنا. احنا دلوقتي هنتكلم - 00:08:22ضَ

ان من ضمن اسس الزواج السعيد التصور السليم للجواز. الجواز ما هوش استوديو تصوير افلام وحشة. الجواز ما هواش معركة سيطرة مين اللي هيجيب التاني لمسة كتاف؟ الجواز التصورات الخطاء عن الزواج مدمرة الشباب في الزواج. الصورة الزهنية الخاطئة عن الزواج. انما ركزوا معي - 00:08:42ضَ

رقم واحد الدين. رقم واحد رقم واحد والله العظيم يا جماعة. خد بالك يا حبيبنا. اي واحدة لو عملت شعرها وعملت مكياج ولبست لبس جميل هتبقى جميلة بس مش اي واحدة هتصونك طول حياتك. مش اي واحدة هتغض بصرها عن اي راجل غيرك. مش اي واحدة ابدا هتصون ولادك - 00:09:02ضَ

لما تخرج وما تحطهمش قدام قنوات اطفال تدمر لهم. دينهم وشخصيتهم عشان تقدر تقعد على راحتها. مش اي واحدة هتسمع كلامك لما تأمرها. مش اي واحدة هتبقى انت اول راجل في حياتها. وانت اللي متربي على عرش قلبها. مش اي واحدة. طب يعني قصدك ايه ؟ قصدك اتجوز واحدة متدينة بس استنى بس اصل المتدينات - 00:09:22ضَ

دول ما بيفهموش في اللايف خالص. انا عايز بنت بقى ايه فاهمة في الحب. استازة رومانسية. فاهمة في الحياة الزوجية وفي العلاقة الزوجية الخاصة. بنت فاهمة في الشياكة وبنت فاهمة في الاتيكيت وبنت انا عايز اتجوز واحدة تبسطني وتمتعني وانا استنى بس يا حبيبنا مين قال لك ان المنقبات والملتزمات - 00:09:42ضَ

مختبرات واللي لابسين ادناء واللي لابسين اسدال والبنات اللي لابسين حجاب شرعي بمواصفاته السليمة. مين قال لك ان دول ما هماش فاهمين الحياة؟ دول اساتزة في الحب. عارف ليه ان بركان العواطف اللي ربنا مديها للمرأة عندها مش مستهلك. ما استهلكتوش مع اربعين شاب مصاحباهم على السوشيال ميديا وتلاتين شاب كلمتهم في كزا - 00:10:02ضَ

والشاب اه عملت معه لقاعة عاطفية عابرة قبلك. البنت جاية لك بكر مش بكر في الجسد. بكر في المشاعر. بركان العواقب بتاعها كله بتاعك. انت بقى شكل عواطفها زي ما انت عايز. انت المسئول بعد كده مش هي. سم انت برضو انا عايز اقول لك حاجة. اي واحد اي واحد - 00:10:22ضَ

هيوضب نفسه وهيعمل آآ وهيروح الجيم خمس ست شهور ويلعب حديد هيبقى شكله جميل وهيبقى شكله وسيم. بس مش اي واحد هيرحمك مش اي واحد لو قصرت هيرحمك. مش اي واحد لو كبرت وعجزت هيرحمك. مش اي واحد لو مرضت هيفضل يحبك. مش اي واحد هيحطك تاج على راسه - 00:10:42ضَ

مش اي واحد هيخليك الملكة المتوجة بتاعة حياته. اي واحد اي واحد هيشوف الجميلة هيقول لك كلام حب يغرقك كلام حب بس افرض شافك وانت مش كبيرة. افرض عييتي. افرض مريضتي. افرض اسرتي. مش اي واحد هيرحمك خدي بالك. المتدين ده كنز. انت جوهرة. ما تسلميش - 00:11:02ضَ

نفسك الا الا الجواهر دي. لو انت عملت نفسك مداس جوزك هيلبسك في رجليه. لو انت عملت نفسك تاج جوزك هيلبسك على راسه. لو انت عملت نفسك نضارة جوزك هيحطك على عينيه. انت بتشكلي زوجك لو هو انسان عنده دين. لو هو التاني ده ما فيش فايدة فيه. التاني ده مش هيتعادل معك. التاني ده - 00:11:22ضَ

اللي عنده استايل ستايلست حاجة جميلة نمرة حلوة كده في حياته لما يشوف واحدة عينيها اجمل من عينيك. شعرها اطول من شعرك. آآ ملامحها اجمل من ملامحك اتخطف قلبه لها. لان قلبه ما اتشدش ليه غير عشان الشكل. الدين ما حركوش ناحيتك. الدين ما خلاش اخلاقك عنده لها قيمة. وله - 00:11:42ضَ

تجديد يبقى ساعتها انت بتسلمي نفسك. انت بتعملي نفسك بضاعة رخيصة. ما سلمتيش ما خلتهوش يقيم اغلى حاجة فيك. وهو دينك واخلاقك انا عايز اقول لك ان فرصة الزواج الوقتي بقت قليلة جدا في مجتمع فيه ستاشر مليون واحدة مش متجوزة. ستاشر مليون دول ايه؟ اللي هم يعني ده لسه فيه اجيال فيه ملايين - 00:12:02ضَ

طالعين بيتخرجوا كل يوم. يعني فانت تخيلي ان في مجتمع زي ده اللي تتجوز هنديها نوبل يا جماعة. اللي هتتجوز دي كرامات من الكرامات اللي ربنا هيفيض بها ابشروا يا بنات ان شاء الله كلكم هتتجوزوا. بس ان شاء الله قبل السورة الجاية يبقى الجواز ما عدش سهل. يبقى انت لازم تعرفي حاجة مهمة جدا. اول حاجة ان ربنا - 00:12:24ضَ

لازم هو بيختار لك. طب ربنا يختار لك. تخيلي بقى لو انت مش بتقيمي بناء على الدين. ربنا يختار لك ليه؟ واعلمي ان ما عند الله لا ينال بمعصية الله. اوعى تفتكر ان المكياج او عمل الشعر او او او هيجيب رزق من خزاين ربنا غصب عن الخالق سبحانه وتعالى. اوعى تفتكري - 00:12:44ضَ

كده فلا يحملنكم استبطاء الرزق على ان تطلبوه بمعصية الله. البنت دلوقتي عايزة تعمل اي حاجة وتجيب عريس. يا بنتي الرزق مش هيجي بالمعصية. الرزق اللي هيجي بالمعصية ده هيبقى نكد في الدنيا قبل الاخرة. الكلمة الخلاصة قول الله ومن يهن الله فما له من مكرم. لو - 00:13:04ضَ

تهدي نفسك في دينك. لو انت ربنا ما اكرمكيش بسبب دينك. مش هتتجوزي واحد يكرمك. المجتمع مش هيكرمك. ما حدش هيقدرك. فما له من اكرم اكرمي نفسك بالدين والتدين والنزرة الدينية عشان ربنا يكرمك. يبقى اول اساس في الاختيار اديني يا جماعة ده الاساس الاول. الاساس التاني رب - 00:13:24ضَ

اتنين المقاييس اختيار ايه؟ الطبع. يعني ايه الطبع؟ الطبع ده نقطة خطيرة جدا. حتى كثير من المتدينين مش واخد باله منها. كثير من المتدينين ما شاء الله. ده بنت ما شاء الله متدينة وبتحضر دروس. وما شاء الله لا قوة الا بالله تقف قدامها كده نص ساعة لبسها ما شاء الله بس سانية واحدة بس يا حبيبنا - 00:13:44ضَ

الدين جميل ولكن النبي قال دينه وخلقه. يعني في حاجة اسمها الطبع في حاجة اسمها الاخلاق. يعني ايه الطبع؟ شوفوا ربنا في سورة النساء بيقول ايه؟ الرجال قوامون على بما فضل الله بعضهم على بعض وبما انفقوا من اموالهم. اسمعوا بقى ربنا بيقول للراجل الست اللي تنفع. الست اللي تصلح للحياة الزوجية - 00:14:04ضَ

الصالحات. الصالحات هنا مش معناها اللي بتصلي وبتصوم بس. الصالحات هنا اللي تصلح للحياة الزوجية. اللي تصلح ان هي يبقى معها رخصة قيادة اسرة. اللي تصلح انها تبقى شريكة لحياتك في سفينة الحياة. فالصالحات واحد قانتات. اتنين - 00:14:24ضَ

حافظات للغيب بما حفظ الله. يعني ايه قانتات؟ قانتات مطيعات. دايما في القرآن تيجي بمعنى طاعة الله. هنا بقى مش بس طاعة الله. طاعة الزوج يبقى اول صفة اعتبرت في المرأة الطاعة. لو سألتوا اي راجل يا جماعة - 00:14:44ضَ

قلت له اكتر صفة بس راجل يكون قديم في الجواز شوية كده اكتر صفة تخلي الراجل سعيد في حياته ايه في الجواز؟ يقول لك الطاعة. ان انا اتجوز واحدة بتطيعني. ما اتجوزش الشريط - 00:15:00ضَ

مخالف. ما تجوزش واحدة مش فاهمة القوامة ومش قابلة القوامة. ما تجوزش واحدة متمردة على الطاعة لزوجها. فاول حاجة قانتات مطيعات اتنين حافظات للغيب ايه هو الغيب؟ كل حاجة وراء باب الشقة دي. الراجل بيجامع زوجته كم مرة غيب؟ الراجل بيدي لزوجته فلوس قد ايه؟ غيب - 00:15:10ضَ

راجل اكل مراته النهاردة ايه غير. يبقى كل الغيب ما بيطلعش. حفظة للغيب. اصل كل حاجة جوة البيت اسرار للبيت. ما بتطلعش. دي اللي احنا بنسميها صفة ايه؟ القناعة ما هو اللي بتجأر وبتشتكي هي اللي مش راضية بعيشتها. انما اللي عندها قناعة راضية. راضية باللي ربنا سقوا اليها من خلال - 00:15:30ضَ

سوكة يبقى الصفتين اللي جم في الاية قانتات الطاعة. حافظة للغيب القناعة بما حفظ الله. يعني المرأة الشيطان ممكن يضحك عليها الست اللي عندها طاعة وقناعة دي ربنا اللي حافزها لك. يعني يا راجل يا اللي اتجوزت جوهرة اعرف ان ربنا هو اللي حافز لك عليها. وربنا هو اللي رباها لك. الطاعة والقناعة - 00:15:50ضَ

يبقى يا جماعة فيه حاجة اسمها الطبع. يبقى لما تروح زي ما نتكلم دلوقتي بازن الله في اول مقابلة وانت رايح بقى ورايح تستكشف بقى ورايح في الانترفيو الاولانية بقى هي وعندها خمسين سؤال وانت عندك سبعين سؤال وقاعدين ركز على الطبع زي ما بتركز على الدين. عشان كده النبي عليه الصلاة والسلام يقول من لا يرحم - 00:16:10ضَ

لا يرحم. يبقى اهم صفة تسعد البيت من المرأة هي الطاعة. طب اهم صفة تصعد البيت من الرجل؟ الرحمة. من لا يرحم لا يرحم. انك انت تدوري هو الراجل رحيم ولا لأ ؟ هو الشاب اللي بيتقدم لك ده عنده رحمة ولا ما عندوش رحمة؟ عنده لما تلاقيه بيبر امه افرحي لانه عنده رحمة. مش تزعلي وتحسي ان انت جاي لك حما - 00:16:30ضَ

لما تلاقيه بيبر اخته تفرحي لانه عنده رحمة. لانه عنده اصل هيرحمك به وانت اكتر واحدة هيعاملك به. قال الله سبحانه وتعالى ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة. طب ليه كانت رحمة بعد المودة؟ اصل البت وهي جميلة - 00:16:50ضَ

عروسة وهي صغيرة الواحد لما بيتجوز في الاول مرته جميلة يا اخواننا. وهو جميل في عينيها المودة طيب لما تكبر بقى اصل الحياة يا بنات الحياة فقر وغنى. الحياة يا شباب صح ومرض. الحياة يا جماعة شباب وشيخوخة. الحياة مش غنى وصحة وشباب بس. بكرة بقى - 00:17:10ضَ

لما ييجي الخريف بتاع العمر وان شاء الله ما فيش في عمر المؤمن خريف ابدا. المؤمن شباب لاخر وهو بيموت شباب. قلبه بيتفجر بمعاني الايمان وقلبه مخليه شباب انما لما الواحد لما مراتك هتكبر هتفضل ترحمها. اتجوزي واحد يرحمك لما تكبري. اتجوزي واحد يقول لك انا بحبك لما تكبري. اتجوزي واحد - 00:17:30ضَ

ياخدك في حضنه لما تمرضي. اتجوزي واحد لما تحرقي له الرز رز فشيط. وييجي ياكل الاكل يلاقي الاكل مليان ملح او الاكل بايز. ها وتضطروا انتم الاتنين كده ان انتم ترموا الاكل بالحلل في المسقط. برضو ياخدك في حضنه ويقول لك بحبك. ويقول لك ولا يهمك. انا برضو فرحان بك. انا برضو لو رجعت تاني - 00:17:50ضَ

بعد خمس سنين جواز وبعد عشر سنين جواز وبعد تلاتين سنة جواز مش هختار غيرك. وعمري ما هختار حد عليك ابدا. اتجوزي انسان قلبه فيه رحمة لما يشوف ضعفك يرحمك اكتر لما يشوف جمالك. يبقى تاني مقوم الطبع يا جماعة فتشوا عن الطبع يا اخواننا. الطبع ده فيه ناس كتير مش عارفاه اصلا - 00:18:10ضَ

وفيه بالزات الملتزمين ما هماش واخدين بالهم خالص. ان في حاجة زي الدين اسمها الطبع والاخلاق. المقوم التالت من مقومات الاختيار السليم قبول القوامة اختار واحدة عندها قبول القوامة. بص يا اخواننا يعني ايه قبول القوامة؟ يعني زي ما ربنا قال وللرجال عليهن درجة. لازم تقبلي ان مش معناه ان الراجل احسن منك - 00:18:30ضَ

بس البيت ده عامل زي اي عمل جماعي عامل زي شركة لازم مدير. البيت ده سفينة لو لها اتنين قادة اتنين ربان هتغرق. يبقى ازا لازم تعرفي ان البيت ده له ترتيب اداري. البيت ده مش معنى انت ممكن تبقي احسن عند ربنا من زوجك. انت ممكن تبقي في الفردوس الاعلى وهو في اصحاب اليمين في الجنة. ولكن - 00:18:51ضَ

ربنا يشفعنا جميعا في الفردوس الاعلى يا رب اللهم امين مع الحبيب محمد. عليه الصلاة والسلام. ولكن البيت ده عمل جماعي. لو ما لوش قائد هيفشل. واحد صاحبنا اتقدم لبنت - 00:19:11ضَ

فبتقول له طيب دلوقتي بقى لما نختلف هيحصل ايه؟ قال لها هيحصل ايه؟ قالت له نتشاور. قال لها طب ماشي افرض تشاورنا واختلفنا برضه. قالت له لا ما هو ما فيش حاجة اسمها انك انت بقى - 00:19:21ضَ

لأ ما هو لو اتشاورت واختلفتم هو لازم يفصل لانه هو قائد السفينة يعني ايه؟ يعني اجيب ديكتاتور واسلمه حياتي؟ لا انا مش بقول كده. يعني اول مرة اتقدمت لزوجتي فانا رايح فانا طبعا مرعوب وبيبقى اللي بيتقدم مرعوب واللي وهي مرعوبة وكله خايف من بعضه. فانا مرعوب عايز افهمها يعني ايه - 00:19:31ضَ

قوامة. فبقول لها بصي يا بنتي الجواز ده سفينة. لو انت ركبتي فيها ما تسأليش بعد كده السفينة دي رايحة فين؟ طبعا انا بقول الكلمة بحسن نية بقى وفاكر ان انا بقى ايه - 00:19:51ضَ

يعني بوصل لها المعاني وزوجتي فضلت ساكتة حوالي عشر سنين بعد الجواز لحد بعد الجواز بعشر سنين يعني اخبرتني ان الكلمة دي رعباها بعد ما سمعتها احنا مش عايزين نصدم بعض يا جماعة. احنا عايزين نحط ايدنا في ايد بعض عشان نوصل للجنة. الجواز ده طريق للجنة. اللي واحد من شيوخي زمان قال لي - 00:20:01ضَ

يا ابني عايز تدخل الجنة اتجوز. الكلمة دي ما فهمتهاش غير بعد سنين. الجواز ده طريق يوصلك للنبي عليه الصلاة والسلام. مش ناقل ونقير. طيب سلم نفسك لديكتاتور ازاي؟ ما انا قلت لك سلمي نفسك للديكتاتور. ما انت عندك اول مقابلة. وتاني مقابلة. والخطوبة ادرسيه افهميه لاتيه انسان امين. انه - 00:20:21ضَ

وقائد لحياتك وقائد لسفينة حياتك. سلمي له نفسك. ما لقتيهش انسان امين. خلاص يبقى ما تغامريش. لان زي ما قلت لك الجواز مش مغامرة. ولكن القوامة زي ما ربنا قال الرجال قوامون على النساء. يبقى البنت اللي قبل القوامة دي بتعيش سعيدة. والله يا اخواني بعد سنين زواج انا بقول لكم - 00:20:41ضَ

ان ما بيكسر الراجل غير كسرة الست له. ما بيكسرش الراجل لمراته غير كلمة حاضر. غير كلمة تحت امرك غير كلمة الطاعة الراجل اللي بيلاقي مراته طيبة ومطيعة بتبقى مشتاق على راسه ولا بتبقى حاجة على عينيه. ده بتبقى فعلا ملكة متوجة في حياتك - 00:21:01ضَ

ما يقدرش يقول لها لا في حاجة. ليه؟ لان فعلا يعني دي النفسية اللي ربنا جبل الراجل عليها. اول ما بيلاقي الست مطيعة الا لو راجل لئيم بقى ربنا يحفزنا امال احنا - 00:21:21ضَ

هنتكلم دلوقتي عن الخطوبة وعدم تجاوز مرحلة الخطوبة ليه؟ وعن فن اول مقابلة وعن فن الاختيار ليه؟ يبقى اذا يا اخواني في الله القاعدة التالتة وهي قبول القوامة. لازم تقبلي القوة. ادرسيه ولكن لما ترتبطي به افهمي ان بقى هو القيم ان بقى هو المدير - 00:21:31ضَ

لسفينة الحياة اللي بينكم. القاعدة الرابعة القبول الشكلي. يعني ايه القبول الشكلي؟ يعني لازم شكله يعجبك ولازم شكلها تعجبك. اه اه اللي بيتجاوز النقطة دي غلط يا جماعة. اوعى تتجوز وانت في نقطة في مراتك ما انتاش قادر تعديها - 00:21:49ضَ

خدوا بالكم الكلمة دي خطيرة جدا. والكلمة دي صعبة جدا والكلمة دي يعني ممكن لا تتخيل بقى ان واحد بيدعو الى الله يقول لك الكلمة دي هيقول لك معلشي ومش مهم الشكل لا الشكل مهم. بدليل ان ربنا سبحانه وتعالى قال كده قال ولو - 00:22:06ضَ

شبكة حزنهن بس فيه فرق بين ولو كانوا حسنوات وبين ولو اعجبك. فيه فرق ان واحدة تعجبني وان واحدة تبقى ملكة جمال. انا مش عايز ملك الجمال انا عايز اتجوز واحدة اقبلها. عنيا تقبلها. ممكن يكون باقي اعين الناس مش عجباهم. ولكن انا في عيني حلوة. انا اقابلها. يبقى القضية مش قضية - 00:22:20ضَ

الشكل عشان كده انا سميت العنصر ده القبول الشكلي مش الجمال الشكلي عشان كده الرسول عليه الصلاة والسلام يقول انظر اليها فانه احرى ان يؤدم عايزين تعيشوا مع بعض لازم كل واحد يحط عينه في التاني كده ويشوف التاني عاجبه ولا لأ. لما النبي عليه الصلاة والسلام قال للصحابي انظرت اليها لما راح المهاجري خطب واحدة من - 00:22:40ضَ

الانصار قال له فان في اعين الانصار شيئا. في اعين يا رسول الله احنا هنبص للعينين كمان! احنا هنبص للملامح! اه هنبص للعينين! وهنبص للمناخير! وهنبص للبق! ها! ولكن مش بالطمع. مش اللي بيتفرج على افلام اجنبية وبيتفرج على افلام وحشة بقى. وجاي بقى الصورة الزهنية المسالية بتاعته عايز ايه؟ واحدة بقى جامعة - 00:23:00ضَ

ملامح الممسلات العالمية. ده واحد دمر حياته اصلا. دمر حياته بان هو اتفرج على حاجات. هتفضل عائق بينه وبين انه يستمتع بمراته طول الحياة دي واحدة دمرت سعادتها باللي اتفرجت عليه. هتفضل طول عمرها تقارن ما بين جوزها وبين اللي اتفرجت عليهم. دول حطموا نفسهم. الانسان اللي بيكر - 00:23:20ضَ

يعني ايه الانسان اللي بيغض بصره ده انسان مراته عروسة كل يوم. لانه ما بيبصش على واحدة تانية اصلا. فجوزها عريس في عينيها كل يوم ومراته عروسة في كل يوم يبقى القبول الشكلي. القبول الشكلي هتبص عليه. هتبص على تلات حاجات. هتبص على ملامح وشها. معقول! معقول! احنا عايزين جيد. احنا عايزين مقبول. احنا عايزين - 00:23:40ضَ

مقبولة. رقم اتنين الملامح الجسدية. الطول والعرض. رقم تلاتة الشعر. طب انا يا شيخ هخليها تكشف شعرها ازاي؟ حبيبي ما انت عندك ماما عندك اختك وعندك عندك الفاميليا بتاعتك ما هي هتروح تشوف. واخدين بالكم معي يا جماعة يبقى ازا دي حاجات ان احنا نتأكد من القبول الشكلي - 00:24:00ضَ

الشاب دايما لما بيروح يتقدم لواحدة اول مرة آآ يبص عليها كده فيتبسط لو هو عجباه يعني يقوم يخرج يقول لي ايه ده! انا نسيت هي كان شكل عينيها ايه! ده باين عينيها ما كانتش حلوة. هي انفها بانه ما كانش - 00:24:20ضَ

هي بؤام ما كانش حلو. يقوم يترعب. فيروح بقى المقابلة التانية يبص يلاقي الحمد لله. ده طلع الشيطان هو اللي كان بيضحك علي قبل كده. حاجات لزيزة يا جماعة المرحلة دي مرحلة لزيزة. الشاب اللي هياخدها بعقل وحكمة. والبنت اللي هتاخدها بربانية واستخارة لله. هيعيشوا مرحلة جميلة. وربنا هيختار لهم وهيتمتع - 00:24:34ضَ

بكل مرحلة من مراحل حياتهم. المتوترين بقى اللي بيتفرجين على الافلام الاجنبية واللي قعدت تتفرج على جون سينا وابطال المصارعة. وعايزة جوزها جاي لها بقى يبقى واللي مستني مراته تبقى فلانة اللي اتفرج عليها في الفيلم الفلاني. واللي بيتفرج على افلام قذرة والعياذ بالله. ومستني ان زوجته بقى تقلب له البيت استوديو في - 00:24:54ضَ

لأ دول يا جماعة بيتحطموا بعد الجواز. لانهم واخدين صورة زهنية مدمرة عن الزواج. يبقى رقم اربعة لقبول الشكلي. رقم خمسة. انا مش عارف بقى احنا المفروض ان شاء الله نتكلم في الاربعة وعشرين نقطة دول في الساعة اللي احنا بنتكلم فيها. رقم خمسة يا جماعة الرضا. الرضا يعني ايه الرضا؟ قلنا الدين وقلنا - 00:25:14ضَ

طبع وقلنا القبول الشكلي وقلنا قبول القوامة. رقم خمسة الرضا. يعني ايه الرضا؟ يعني معظم الشباب تلاقيه يقعد يدور تلات اربع سنين. تلات سنين ليه يا ابني مش عاجبه حد مش راضي لأ اصل دي ابوها ما هواش شغال وكيل وزارة واصل دي اه طولها مش عارف كم واصل دي مش عارف - 00:25:34ضَ

واصل ده اصل انا لما قعدت مع والدته خفت من والدته بصراحة. والدته شكلها تبقى حاجة صعبة لا لا لا لا. خشفت دي ليه؟ اللي بعده النتيجة ان الشباب بيخوض تجارب قديمة عشان ايه؟ يا اخوانا الرضا يا اخواننا قيموا صح. بصوا يا جماعة انا هديكم قاعدة يعني خطيرة جدا في الجواز. قبل ما تدخل اي بيت - 00:25:54ضَ

حبب انت عايز ايه قبل ما يتعرض عليك انت عايز ايه؟ يعني مسلا انا لما جيت اتجوز حددت تلت حاجات ايه اللي لقيتهم في القرآن؟ الدين عسى ربه ان طلقهن ان يبدله ازواجا خيرا منكن ومسلمات - 00:26:14ضَ

بداية قانتات الدين. اتنين الشكل ولو اعجبك حسنهن. تلاتة الطبع فالصالحات قانتات حافظات للايه؟ للغيب بما حفظ الله. قلت خلاص دول التلات حاجات اللي ربنا قالهم لنا عن المرأة في القرآن انا عايز التلاتة دول. حددت انت عايز ايه؟ ما انتش عايز بقى واحدة ما هو وكيل وزارة وولاد خالتها ووكلاء نيابة وولاد عمتها رجال اعمال - 00:26:26ضَ

واخواتها اساتزة جامعة ما تقعدش يعني ايه الناس بتدمر حياتها بالافورة. الشاب يجي يقول لك بص والله انا عايز عروسة بس معلش والله انا انا انا طلبي دينها وشكلها. والدتي بقى طلبها مستواهم الاجتماعي. ابويا بقى طلبه شهادتها ومستواهم المادي - 00:26:46ضَ

ايه يا ابني انت انت بلاش نزرية زوات الاربع دي يا جماعة. تنكح المرأة لاربع دينها ومالها وجمالها. وحسبها الشاب عايز زوات الاربع. حبيبي ما ينفعش. ما انت كده حطم حياتك. الرضا حدد انت عايز ايه. اللي انت لو نقص انت مش هتتجوزها. ولو اي حاجة تانية عندها مشكلة فيها انا ايه - 00:27:06ضَ

التغاضى عنها. انما ده انا مش هقدر اتغاضى فيه. حدد طلبين تلاتة وادخل. لقيتها جيد جدا في التلاتة خد وتوكل على الله. ما تدخلش بيتين في وقت واحد. ما تبصش - 00:27:26ضَ

على عروستين في وقت واحد ما تقارنش. ما تختارش الاحسن. عارف احسن واحدة في الدنيا لك مين ؟ اللي انت رضيت بها. اللي ربنا قزف في قلبك الرضا لما انت شفتها هي دي هي دي زي ما هنتكلم دلوقتي في عنصر التلميس العاطفي المتصاعد. وده من مقاييس الاختيار يعني ان شاء الله. الرضا ارضى. لان - 00:27:36ضَ

لو ما رضتش والله لو جابوا لك ملكة جمال عالم فيه رجال متجوزين ملكات جمال ومش راضي. ومعزبها ليه؟ هي توكلت على جمالها مش على الله في الجواز. فربنا وكلها لجمالها. وهو انسان متجوزها ملكان. فخلاص طب ما فيه الف ملكان هي شعرها اصفر فيه اللي شعرها اسود. وفيه اللي شعرها ايه - 00:27:56ضَ

مياه زرقا فيه اللي عنيها خضرا هي الموضوع يا جماعة لو لو جسد لو مقاييس جسدية انت خسرانة. عشان كده البنات لما بيقلبوا الجواز معركة تبرج بتخسروا كل حاجة. لانك انت لو نزلت مقارنة ملكة جمال العالم. لو نزلت في مقارنة هتخسر. لان خلاص التنوع جبار. التنوع - 00:28:16ضَ

حدود له. يبقى الحل ان انت تطلعي بدينك. تطلعي باخلاقك. يبقى هي رقم واحد. هتفضلي كبيرة في عين جوزك طول حياتك. لانه مقدرك بحاجة السوق بتاعها ما بينزلش يرجون تجارة لم طهور. سوء الجواز بيبور سوق الجمال بيبور. سوء الشهادة بتبور. سوق المركز بابي ومامي بيبور - 00:28:36ضَ

انما سوء الدين والاخلاق ما بيجرش ابدا. يبقى دي الرضا يا جماعة عشان ما تقعدوش بتعزيب. حدد انت عايز ايه؟ وحدد. حاجتين تلاتة انت مش رايح تتجوز سوبر رومي. ها وفي نفس الوقت لقيتهم جيد جدا اقبل. لقيت فيهم حاجة ناقصة - 00:28:56ضَ

ارفض واقفل الموضوع تماما. ليه؟ اوعى تتجوز واحدة فيها حاجة ما انتاش قادر تعديها. اوعي تقبلي واحد فيه حاجة ما انتش قادرة دي من قواعد الحياة يا جماعة. الجواز ربنا ادانا فيه اختيار وسعة ومراح وده مش حرام وده ما فيهوش حاجة. انك تقولي لأ العريس مش حرام. وانك تقول - 00:29:12ضَ

لأ العروسة مش حرام ده دين ربنا. دين ربنا. يعني يعني حاجة الله سبحانه وتعالى اباحها. سيدنا فائز السيدة فاطمة وسيدنا علي كانوا راضين ببعض وسعداء جدا رغم ان كان فقير جدا جدا وكانت السيدة فاطمة بنت النبي عليه الصلاة والسلام داخل عليها لقاها ماسكة عود السواك عود الاراك - 00:29:32ضَ

وبتتزوج به الف لها شعر. قال اما تخشى يا عود الاراك اراك! انت مش خايف يعود الاراك ان انا شايفك بعيني ده انا هدبحك. بيكلم بيألف شعر الازواج هدبحك انت ازاي تقترب من ثغرة حبيبتي ومن ثغر زوجتي يعني هي عاطفية جميلة يا جماعة الرضا جميل يا اخوانا الرضا بيجيب سعادة في الحياة - 00:29:52ضَ

رقم ستة التكافؤ. تعالوا نتكلم بواقعية يعني ايه التكافؤ؟ التكافؤ الثقافي. التكافؤ الاجتماعي. التكافؤ المادي. ما تبقاش انت شاب فقير وتروح تتجوز واحدة ابوها عنده خمسين ليه؟ واحنا ما لناش نفس نطلع على وش الدنيا وهم احسن! هم يا حبيبي مش احسن منك في حاجة. بس حبيب قلبي انت لو سمعت تعليقات الناس دمك هيتحرق - 00:30:12ضَ

انت ما تبقيش مسلا يعني يا اخواننا بصوا الموضوع ده مش مؤلم الموضوع ده الفقهاء اتكلموا فيه كتير جدا الموضوع تكافل موضوع ان ان يعني يعني زايد بن حارس هو من هو من الصحابة؟ والسيدة زينب رضي الله عنها هي مليان من الصحابة واتجوزوا بعض هو فقير واسود وهي شديدة الجمال وبنت الاثرياء وبنت - 00:30:32ضَ

ما عرفوش يعيشوا مع بعض. وهو عزيم لدرجة انه زكر اسمه في القرآن. فلما قضى زيد منها وتر. زوجتك وهي صحابية جليلة ما قدروش يعيشوا مع بعض. ما قدروش يعيشوا مع بعض ليه؟ رغم ان النبي عليه الصلاة والسلام كان يتمنى انهم يعيشوا سعداء مع بعض وكان بيزق في هزا الزواج بكل قوة النبي عليه الصلاة والسلام - 00:30:52ضَ

التكافؤ حاجة اساسية يا جماعة. ولكن في النهاية يعني لم يعتبر عيب ان هم طلقوا. لم يعتبر عيب. ولم يعتبر اي في شيء خوه صحابي عظيم. وهي صحابية جليلة وبقت بعد كده ام من امهات المؤمنين رضي الله عنها. وارضاها ورضي الله عن اصحاب النبي صلى الله عليه وسلم. وارضاهم جميعا. قضية التكافل - 00:31:12ضَ

ده ما فيش حد احسن من حد. ولكن الفكر يبقى واحد. السلوك يبقى واحد. المفاهيم تبقى قريبة من بعضها. واخدين بالكم معي. واحدة متعلمة تعليم امريكاني مسلا او مدارس النبي هتتجوز وقت هيحصل اصطدام. ليه يحصل اصطدام؟ التكافؤ. التكافؤ آآ في المستوى الديني. التكافؤ في المستوى الثقافي. التكافؤ في المستوى - 00:31:32ضَ

الاجتماعي. طيب القاعدة اللي بعد كده رقم سبعة عدم وجود فيتو من الاهلي. يعني ايه عدم وجود فيتو؟ يعني يا اخوانا الجواز ما هوش شركة ما بين طرفين غلط. اللي الشباب في الجامعة دلوقتي فاكرين - 00:31:52ضَ

الولد فاجئ الولد جاب البنت في الجامعة في من قريب في في جامعة عين شمس وقاموا قدام شباب الجامعة كلهم تقبلينني زوجا اقبلك زوجا لبسها الخاتم نبوي يسحبهم قاموا مسقفينه هو ايه يا ابني فين يا جماعة الجواز مش شركة بين اتنين الجواز شرك بين ستة بين العريس - 00:32:06ضَ

والعروسة وابوه وامه وابوها وامها ستة. كل واحد من الستة دول يعترض ده فيكم. ما ينفعش الجوازة دي تكمل ما ينفعش لان ده كلام الخبرة. ده كلام الحياة. ما ينفعش ابوك يبقى رافضها. ما ينفعش والدتك تبقى بتعيط مناخيرها جه فيها نزيف من كتر ما الضغط عيلة في دماغها. من رفضها لها - 00:32:27ضَ

وانت مصمم انك تتجوزها ما ينفعش يا ابني. مش ما ينفعش عشان بس حرام. مش ما ينفعش ما ينفعش لان الجوازة انها تخرب. بعد سنة او بعد خمس سنين ما ينفعش يبقى ابوك رافض وانت تدوسي على رفضه. وتكملي الا في حالة واحدة بس - 00:32:45ضَ

الا لو الرفض من الاهلي بسبب الدين فقط. لا بسبب الشخصية ولا بسبب الدنيا ولا بسبب الدين. ده انا عايز واحد مش متدين. انا عايز واحدة مش متدينة ومش منقبة ومش ملتزم او والكلام او مش مختمرة او او انا عايزة واحدة مش مترية يبقى ساعتها نبدأ نتكلم بقى. نبدأ ندخل ناس من برة نضغط نتعامل - 00:33:01ضَ

بطرق سليمة في التعامل مع ابائنا الاجلاء في هذا الموقف. انما قضية عدم وجود فيتو من الاهل. لازم الاهل يبقوا مبسوطين لازم الاهلي مش بقول لك ارضي مطامع اهلك. ولكن لازم يبقوا موافقين. لازم يبقوا مرضيين ده منبر الوالدين حتى القاعدة التامنة. ودي مهمة جدا - 00:33:21ضَ

خطيرة جدا. عدم الشزوز. عدم الشزوز في مهنة للاسرتين. يعني ايه؟ الوقت الكل بيختار بناء على المركز الاجتماعي. رقم واحد العيلة بتشتغل ايه؟ والمستوى اللي بتبقى شكله ايه قبل الشكل ممكن يتجوز عروسة مش عاجباه ولكن المستوى الاجتماعي عالي. ممكن يتجوزوا عريس وهي اصلا مش طايقاه ولكن المستوى الاجتماعي بتاعته عالي. يبقى المستوى الاجتماعي؟ لا يا جماعة - 00:33:39ضَ

بصوا يا اخواننا الصحفي نقطة المستوى الاجتماعي مش ان انا اقعد ادور على الفشخرة غلط يا اخواننا. امال الصحفي المستوى الاجتماعي ايه؟ عدم الشزوز. يعني ايه عدم الشزوز؟ يعني مسلا اخواتك المخاطرة - 00:34:05ضَ

مراته اتسجن شزوز ما ينفعش. فيه مسلا آآ يعني مهنة مسلا في احد الطرفين مش ممكن. تقدر تواجه اسرتك مسلا بالايه في هزا الامر انما انا عايز افهمكم برضو نقطة ضابط لو انتم كنتم ركزتم معنا في الدرس اللي فات. لما اتكلمنا ان سيدنا داود كان حداد. لما اتكلمنا ان سيدنا آآ ادريس كان - 00:34:15ضَ

آآ آآ كان خياط لما كلمنا سيدنا زكريا كان نجار. يعني لو سيدنا زكريا ابو اللي انت متقدم لها هتقول ابوها نجار لا لو سيدنا داوود ابو اللي انت متقدم لها - 00:34:35ضَ

لا لا لا ما تجوزش بنت حداد! يعني لو سيدنا محمد ابوه ما اتجوزش بنت واحد رعى غنم! يا اخواننا الحرفة مش عيب! بلاش ننزل بتصوراتنا. العيب هو العيب والحاجة المشينة - 00:34:45ضَ

العيب هو الحاجة الشازة. انما يا اخوانا الحرفة ما هياش عيب. يبقى عدم الشزوز في المستوى الاجتماعي للاهل من الطرفين. عدم الشزوز. انما التميز لأ احنا عايزين الدنيا شكل الطبع هو اللي نوصل فيهم من جيد لجيد جدا بازن الله سبحانه وتعالى. طيب القاعدة اللي بعد كده الاستخارة القوية بقى - 00:34:58ضَ

الاستخارة اوعى تاخد قرار خطير زي ده في حياتك من غير ما ترفع ايدك وتقول يا رب تتوضى وتصلي ركعتين. وتقول اللهم اني استخيرك بعلمك واستقدرك بقدرتك ربك لو خير يا رب يسرها لو شر اصرفها عني. لازم تستخير ربنا. مهما كنت بتحبها مهما كنت متعلقة به. مهما كنت شايفها باب السماء - 00:35:16ضَ

فتح بويا نزلت لازم تقول يا رب اختار لي انا جاهل. وعاجز وانت اللي تقدر وانت اللي تعلم يا رب. طب استخير ازاي بقى يا شيخ؟ انا استخرت واه وما شفتش رؤية وواقف يا جماعة الاستخارة لها آآ الية. رقم واحد انك الاول تشوف دنيويا العريس ده يترفض ولا لأ ولا يتقبل؟ يبقى انت - 00:35:36ضَ

قعدت تدرسي وتشاوري اه العروسة دي كويسة. يبقى الخطوة الاولى انك تحسبها بالحسابات العقلانية. انا وصلت عقلانيا ودنيويا ان دي كويسة. الخطوة التانية الاستخارة. الاستخارة مش وانا مش دارس ولا انا مش عارف حاجة. الاستخارة لما تشاور وتدرس وتوصل ان في حاجة هي دي غالبا الصح. يا رب غالبا - 00:35:56ضَ

دي هي اللي تنفعني خلاص. يبقى ايه؟ ندخل في الاستخارة. يا رب هي خير ولا شر. طيب وبعد ما استخرت تمضي وتعزم في الطريق. الله! طب ما استناش اما اشوف - 00:36:16ضَ

لأ الاستخارة يا جماعة ما لهاش دعوة باللي تشوف رؤيا. اول ما تشوفيش رؤية. لو هي خير وانت استخرت ربنا هييسرها. لو هي شر وانت وانت استخرت ربنا يصرفها. فهمتم بقى؟ هي دي الاستخارة يا جماعة. هو ده انما الطرق الغير عقلانية اللي الشباب بيعملوها ديت مش موجودة. يبقى الاستخارة القوية - 00:36:26ضَ

القادة اللي بعد كده عدم الانتماء قبل الزواج دي نقطة مهمة جدا ما تتجوزش واحدة كان لها حبيب وصديق قبل الزواج ما تتجوزيش واحد كان علاقة عاطفية جبارة وانت لو مش عارفة خلاص ما انتاش عارف خلاص. انما انت عارف وتجوز دي مشكلة كبيرة جدا. لان في شباب بالنسبة لهم عادي. يعني في شباب بالنسبة لهم يعني - 00:36:47ضَ

يعني ايه الموضوع بايه؟ عدم الانتباه للزواج ولا متخذات عقدان. ده شرط ان الشرط اللي ربنا قالها في الزواج في القرآن. ما تبقاش كان لها انتيم قبل الجواز. ليه بقى - 00:37:05ضَ

مشكلة علاقات الحب. اول حاجة بتفضل فيه رواسب. ومن اسباب الخيانات السبب الاول للخيانات الزوجية هو الانتباه للزواج. هو العلاقات اللي قبل الزواج. يبقى دي نقطة خطورة جدا. بيفضل فيه رواسب نفسية. قلبها مش هيفضل فيه جزء مش بك. قلبك قلبه هيفضل فيه جزء مش لك. طب والنقطة الاخطر من كده؟ النقطة - 00:37:15ضَ

اخطر من كده بكتير جدا المقارنات ان هي اتعرفت على شاب في الجامعة. الولد بياخد المصروف من بابا. وبينزل مش اي بنطلون جينز والشراب لون التيشيرت الحظاظة مش اي حاجة الحلقة اللي في سبعين تمانين جنيه ولا بمية مية وخمسين جنيه يعني فهي شايفة واحد باشا قعد يتجهز لها طول - 00:37:35ضَ

ما هياش شايفاه وهو نايم وهو بياكل وهو عنده مغص وهو تعبان وهو متنرفز ما شفتش الحياة شافته كده ستايلست قدام شايف بنت قاعدة تلت ساعات تتمكيج وامبارح قاعدة ست ساعات تعمل في شعرها عشان استعدادا للقاء آآ معه في الجامعة تاني يوم. هو شايف واحدة ما وراهاش حاجة. ما - 00:37:58ضَ

حامل وهي بتولد وهي معه تلات عيال مطلعين روحها وهي الاكل على النار والغسيل في الغسالة والحلقوم بتنشرها وفي حاجة بتكويها بيتنضف والولا مقطعها وهي حامل ما شفش الحياة. فبتبقى مقارنة زالمة ما بيفضل طول عمره - 00:38:18ضَ

يقارن ما بينك يا اللي رضيت تتجوزيه وما بين البنت الجميلة اللي كان بيتعرف عليها بيقفوا مع بعض يتشمسوا مع بعض تحت الشجر جنب الشجرة كده في الجامعة مقارنة ظالمة هتفضل طول عمرك فيها ما بينك وما بين الشاب اللي هي كلمته. ويبقى منها ظالمة لانها مقارنة غير واقعية. يبقى عدم الانتباه قبل الزواج - 00:38:38ضَ

وده يا شباب اكبر سبب يعني الحب قبل الزواج بيستنفز العواطف بعد الزواج. النظر للمواقع الاباحية قبل الزواج والنظر للافلام الاجنبية والنظر لكمال الاجسام قبل الصورة الزهنية للزواج بيخلي يعني ايه ما فيش سعادة حقيقية. ما فيش رضا عشان كده الطلاق كتير ليه؟ ما فيش رضا. ما فيش رضا. مين اللي هيرضى - 00:38:58ضَ

مين بعد كل اطلاق البصر في المحرمات اللي احنا شايفينها قدام عينينا القاعدة اللي بعد كده في قواعد الاختيار عدم المواقع الاباحية قبل الزواج. دي نقطة خاصة بقى انا حطيتها في عنصر لانها خطيرة جدا. عدم مشاهدة المواقع الاباحية قبل الزواج. طب دي نكتشفها ازاي؟ هي - 00:39:20ضَ

القضية بتكتشفها. انا مش بقولها عشان انت تقعد بقى ايه تبص لها هو انت بصيت على حاجة قبل كده وانت تقعدي بقى تبصي له. هو انت اتفرجت ما هو ما فيش حد هيقول له نتفرج على حاجة. انا باقول - 00:39:40ضَ

عشان افهمكم ده بيدمر الزواج قد ايه. عدم مشاهدة المواقع الاباحية قبل الزواج اللي بيتفرج على المواقع الاباحية. الجواز بيبقى متهيأ له ان هو بيته ده استوديو اه تصوير لهزه الاشياء بيبقى عنده يا عيني هوس. هوس في في الامور الجنسية. هوس وبيتحطب وبيجي له اكتئاب. وبيرفض - 00:39:50ضَ

مراته والعياذ بالله معظمهم بعد الزواج. سواء من الرجال او النساء اللي بيقعوا في المواقع الاباحية معظمهم بعد الزواج بيلجأوا للعادة السرية ليه ؟ لان هو لم يشبع هو كان بيتهيأ له ان الجواز ده استوديو بقى ونازل فيه بيلاقي ان الجواز ده حاجة واقعية. كان بيتهيأ له بقى ان اللي بيتصاب وبيتفرج عليه في الافلام ده حاجة. يفاجأ ان - 00:40:10ضَ

يعني مش بهذه الدرجة اللي مأفورين فيها فبيتصدم بيهرب بيكتئب بيحبط يعني يعني ما تشوفوش ذله وزوجته يعني بتتزين له وهو مش قادر يقرب منها لانه مستنفز. لانه مستهلك اصلا ضعيف. آآ ما بتشوفوش ذله ويعني ما يقدرش يعني - 00:40:30ضَ

يعني يلتقي مع زوجته في اللقاء الزوجي الا مش عارف لو خد ادوية ولا لو اتفرج على حاجة هو هنا يا جماعة شفوش انكساره المواقع الاباحية دي يا اخوانا اللي بيتفرج عليها بيمر - 00:40:50ضَ

اي حد بيتفرج عليك. المرحلة الاولى بعد ما بيتفرج على طول مرحلة الندم القاتل. واحتقار النفس. الندم ندمان وحس انه حقير وحاسس انه عايز يبصق على وش نفسه. المرحلة التانية آآ بعد مرحلة الندم القاتل مرحلة اليأس والاحباط. انا ضايع انا ما فيش فيها فايدة انا منهار - 00:41:00ضَ

انا ما استاهلش انا منافق. المرحلة التالتة مرحلة سوء الظن بالله. ربنا سابني ليه؟ ربنا ما عصمنيش ليه؟ وانا عايز طريقه مرحلة سوء الزن الى مرحلة ربنا سايبني ليه؟ والعياذ بالله ايه السبب الاول للالحاد في العالم الوقتي؟ ربنا سايبني ليه؟ المرحبة بس كل واحد له بقى حاجة بيقول ربنا سايبه فيها. المرحلة الرابعة - 00:41:20ضَ

بعد سوء الظن بالله مرحلة الاستبياع بقى خلاص باظت باظت مرحلة لا عاد عايز يسمع دين وقعد يتريق على اي حد يكلمه في الدين ومش عايز حد يقلب له الضمير بتاعه ويقوم دايس بنزين وباظت باظت بقى وخلاص ومش مواقع اباحية - 00:41:40ضَ

زنا وكمان اللي هو بازت بازت. ما شفتوش قهرة قلبه وزله لما بيتفرج ما شفتوش ذلوا لما زوجته تكتشف انه وقع في عادة سرية وتقول له ليه؟ طب ليه؟ طب واحد متزوج طب ليه؟ ولا لو زوجة؟ قضية عفنة يا جماعة - 00:41:54ضَ

غير عقاب لابثين فيها احقابا. الاف السنين والعياذ بالله عقاب في الدنيا قبل الاخرة. سواء محياهم ومماتهم مش بعد الموت بس محياهم بالعقوبة في الحياة ثم بعد الموت. يبقى آآ دي قضية خطيرة جدا. قضية عدم المواقع الباقية قبل الزواج. النقطة - 00:42:12ضَ

بعد كده عدم الاستعجال في الاختيار. آآ آآ ودي نقطة خطيرة جدا. دي النقطة اللي قبل الاخيرة في قواعد الاختيار. عدم الاستعجال في الاختيار. يعني ايه عدم الاستعجال؟ يعني شباب يا جماعة بيتهيأوا ان الجواز ده هو الجواز ده مفتاح السعادة والجواز ده بقى مش هيستقر غير لما اتجوز ومش هيقدر ينطلق غير لما اتجوز ويا عم بس - 00:42:32ضَ

ما تعلقش كل حاجة في حياتك على الجواز. يا عم بالراحة. فتلاقي الشاب قاعد من بيت لبيت. ومن واحدة لواحدة وحياته واقفة وحياته مشلولة. يا عم بالراحة. دور على عروسة - 00:42:52ضَ

لو انت حياتك ماشية. ما تشلش حياتك. يعني الرعب اللي عند الشباب من انه يعيش وحيد او عند البنات انها تكبر وتعيش وحيدة. يا جماعة الرزق جاي جاي جاي عدم الاستعجال في الاختيار. عدم الاستعجال وحش. الاستعجال بيخلي الانسان عينيه تتعمي. عينيه تتعمي وهو بايه؟ وهو بيقيم. عدم - 00:43:02ضَ

النقطة الاخيرة التلميذ العاطفي التصاعدي. يعني ايه التلميز العاطفي التصاعدي التلبيس العاطفي التصاعدي له. يعني سؤال بيسأله كل الشباب اللي اتقدموا البنات. يقول او كل البنات اللي اتقدم لهم شباب اعرف منين ان هي دي - 00:43:22ضَ

اعرف منين ان هو ده بقى ؟ يعني هي ماشي عجباني بس اعرف منين ؟ اه اعرف منين ديت ؟ يعني ردها انا انا انا قلت الالفاظ ديت يعني ايه عشان آآ يعني باضحك معكم يا شباب يعني ايه التلبيس؟ يعني ان السلوك تلمس. واحد صاحبنا بيسأل واحد تاني بيقول له لما تقدم لزوجته تعبان فبيقول له اعرف - 00:43:39ضَ

قال له هتلاقي فيه سلوك كهربا كده لمست في بعض. هتعرف ساعتها ليه؟ عارف ارش مينيس لما بيقول وجدتها ساعتها هتحس باحساس وجدتها. السبب مش هيبقى شك هو بلا سبب هتحس ان هي دي. هي دي اللي انا بادور عليها. يبقى تحس ان في حاجة لأ التلميس العاطفي. فيه حدث قلبك اتلمست. فيه نقطة فيه - 00:43:59ضَ

حاجة تاتش كده بوينت في القلب كده. فيه نقطة اتلمست في قلبك. لما تشوفها لما تكلمها يعني في حاجة والتصاعدي يعني ايه تصاعدي؟ لو انت عايزة تعرفي هو دوت لأ لو انت عايز تعرف هي دي ولا لأ ؟ بمقياس دقيق جدا جدا جدا. اول مرة قابلتها. حسيت بحاجة؟ اه حسيت بحاجة. طب تاني مرة قابلتها - 00:44:19ضَ

نسيت ان الحاجة دي زادت ولا زي ما هي ولا قالت لو زادت يبقى انت ماشي. طب المرة التالتة زادت يبقى انت ماشي. يبقى ما دام اللمس اللي جوة ديت الطاطشاية اللي في القلب دي بتزيد يبقى انت ماشي. يبقى انت ايه مزبوط طبعا بالضوابط الشرعية يا جماعة. احنا هنتكلم دلوقتي عن الخطوبة ان شاء الله بالضوابط الشرعية - 00:44:39ضَ

اداب الموضوع بيزيد يبقى انت ماشي صح. آآ آآ يبقى التلميز العاطفي التصاعدي بالزات لما تروح آآ في المقابلة الاولى. لما تروح في المقابلة الاولى بقى وتبدأوا تتكلموا كده آآ اتلمسوا. المرة التانية زادت. المرة التالتة حسيتي انك انت بتزيدي يبقى - 00:44:59ضَ

قواعد الاختيار. يبقى قواعد الاختيار اللي احنا اتكلمناها دلوقتي اتكلمنا عن تلتاشر قاعدة في الاختيار. رقم واحد الدين. رقم اتنين الطبع والاخلاق رقم تلاتة القبول الشكلي مش الجمال الشكلي القبول الشكلي. رقم اربعة قبول القوامة للرجل. رقم خمسة التكافؤ رقم - 00:45:15ضَ

ستة الرضا رقم سبعة عدم وجود فيتو من الاهل. خليكو واقعيين. رقم تمانية عدم الشذوذ في المستوى الاجتماعي في كلاء الاسرتين رقم تسعة عدم الانتمة قبل الزواج. رقم عشرة عدم المواقع الاباحية قبل الزواج. رقم حداشر - 00:45:35ضَ

عدم الاستعجال في الاختيار. رقم اتناشر الاستخارة القوية لله. رقم تلتاشر التلميس العاطفي المتصاعد. تلتاشر قاعدة للاختيار. يلا بسرعة يا جماعة بقى ننقل للجزء التاني من الدرس عن الدقائق الباقية. بازن الله سبحانه وتعالى. عشر دقايق بس اللي باقيين. طيب يا استاز ياسر. ان شاء الله ربنا يكرمنا بازن الله - 00:45:55ضَ

تبقى الجزء الجزء التاني من الدرس. ازاي البيت يبقى سعيد بقى؟ قواعد الزواج السعيد. القاعدة الاولى قلناها هي الاختيار. في التلتاشر قاعدة اللي فاتوا. هنتكلم دلوقتي على القواعد سريعة يا اخوانا ازاي الجواز يبقى سعيد؟ لان الاختيار لوحده برضه مش هو كل حاجة. الاختيار ده حاجة مهمة جدا جدا جدا. ولكن مش هو الليلة كلها من اولها لاخرها - 00:46:15ضَ

يبقى في حاجات تانية من ضمنها ايه؟ رقم واحد عدم ابتغاء رزق الله بالمعصية. عدم ابتغاء قضاء الشهوة بالمعصية. الشباب اللي بيتجوزوا عرف يا اخوانا البنت اللي اتجوزت عرفي في جامعة من جامعات القاهرة وحملت والولد هرب على الخليج ومش عارفة هو فين وبطنها كبرت ومش عارفة - 00:46:35ضَ

صلوا هتبقى فضيحة هتبقى مصيبة. راحت جابت وصفة شعبية يعني بدأت تستعملها حصل لها نزيف حاد. كان معها تلاتة من صاحباتها ماتت بين ايديهم. طبعا خلاص جه وبقى تحقيق واتفضحت البنت بعد موتها انها عاشت والعياذ بالله زانية في الجواز العرفي وماتت وهي تحاول ان تجهض الجنين بعد - 00:46:55ضَ

لما كبر يعني قضاء الشهوة بالمعصية ده غلط. البنت اتجوزت عرف الشاب وهي في سنة اولى في جامعة من جامعات القاهرة. وهي في سنة اولى وهي في سنة تالتة اتقدم لها عريس لقطة البت وافقت. ما هي بتلعب بقى اهي لعبة وافقت الولد كان هيتجنن. اول ما المحاط خلص قام طالع ماسك الميكروفون بتاع المحاضرة - 00:47:15ضَ

وقام مشغل لهم كاسة مسجل لها وهي مش عارفة لحزة لما كانت بتقول له زوجتك نفسي وقبلت زواجك وهم فضحها قدام الدنيا وطبعا خطيبها عرف وخسرت هزه الايه؟ خصلة هزه الزيجة. يبقى قضية عدم ابتغاء قضاء الشهوة بمعصية الله. القاعدة التانية يا اخواننا في قواعد الزواج السعيد عدم - 00:47:36ضَ

تعليق السعادة على الزواج. دي نقطة خطيرة جدا. اوعي تعلقي سعادتك على مخلوق. اوعي تظني ان جوزك ده لو طلقك. ورماكيش وخانك ولو ما اتجوزتيش خالص اوعي تفتكري ان انت سعادتك في زواج. اوعى تفتكري ان انت سعادتك ان واحدة معينة تتجوزك او انك تتجوز اصلا. اوعوا تعلقوا سعادتكم على - 00:47:56ضَ

اوعوا تعلقوا سكينة حياتكم واطمئن قلبكم على مخلوق. دي علاقتكم بالخالق بس. يا اخواننا مصيبة الانسان انه بيجيب حاجة معينة. لو ربنا يقول ربي اكرمن. لو ربنا خدها منه ربي اهانن. عارفين شجرة الخلد وملك لا يبلى. لما ابليس اقنع عدم ان هي دي هي الشجرة دي اللي - 00:48:16ضَ

السعادة دونا عن الجنة كلها. هو بيقنع الشيطان بيجي لكل واحد يقنعه ان في حاجة معينة هي اللي فيها السعادة دونا عن كل حاجة. البنت يقنعها ان الجواز السعادة. الشاب جوازك من دي هي السعادة. البنت دي مجموع السانوية العامة هو السعادة. الشاب ده التعيين في الشرك ده هو السعادة. وكل حاجة قلبك - 00:48:36ضَ

تعلق الناس سبب للسعادة غير الله ربنا يعزبك بها. فعدم تعليق السعادة على الزواج ولا على اي علاقة بمخلوق. الحاجة ان كل واحد هيتجوز على قد دينه. ودي قاعدة مهمة جدا. كل واحد عايز واحدة تسعدك اذا اردت فاطمة فكن عليا. وازا اردت - 00:48:56ضَ

امينة فكنس السيد. كل واحد على حسب ما هو هتبقى مراته. يبقى اذا كل واحد هيتجوز على قد الدنيا. اللقاء ده خطيرة جدا يا جماعة. الجواز ده من اه اه من عطاءات ربنا للصالحين يا اخواننا. فعلا والله عن تجارب الواحد شافها كثير جدا في الحياة. فعايز ربنا يكرمك في جوازك. ومن يهن الله - 00:49:16ضَ

اكرم نفسك بعلاقتك بربنا سبحانه وتعالى. القاعدة الرابعة من اسباب النكاء السعادة في الزواج. حسن النية في الزواج. انت بتتجوز ليه؟ حدد هدفك من الزواج قبل ان تخطو اليه. انت بتتجوز عشان متعة ولا بتتجوز عشان هي كده وخلاص. ولا بتتجوز عشان تخلص من بيتكم وتخرج وانت عايزة تخلصي من العلاقة - 00:49:36ضَ

التوترة اللي بينك وبين ابوك والمشاكل اللي بينه وبين والدتك. وعايزة تخرجي من البيت ولا تتجوز ليه؟ ولا عشان السي في زي ما خدت ختم الشهادة الجنة. الجواز طريق للجنة. يبقى حسن النية في الزواج. وانما لكل امرئ ما نوى. يعني ربنا هيدي كل واحد على قد نيته. على قد - 00:49:56ضَ

نيتك من الزواج ربنا هيديك. عايز تتجوز زوجة تبقى رفيقة الكفاح والجهاد في سبيل الله. ربنا يديك. عايز تتجوز مطاعم خلاص. القاعدة اللي بعد كده التصور عن الزواج. يعني ايه التصور السليم - 00:50:14ضَ

في بنات داخلة جواز معركة اوعي اوعي تسلمي نفسك ليه في الفراش على طول كل ما يطلبك كده هيسترخصك اوعي مامته تتعدى عليك وتسكتي هيدوس عليك. اوعي اوعي يخبي عنك اموره المادية وتسكتي ما يهينكيش. اوعي يقول لك كلمة وما ترديش عليك كلمة بكلمة. هتعيشي طول عمرك - 00:50:26ضَ

ايه يا اخويا! هي معركة مين اللي يسيطر! وهو بقى لازم تدبح لها القطة من اول ليلة وهي ممكن تكون مخبية له اسد تحت السرير هتدبحه له. لازم يا اخوانا الجواز مش كده - 00:50:46ضَ

الجواز يا اخواننا ده ده واحد بيحط ايده في ايد واحدة وبيتعاهده انها تفضل ايدهم في ايد بعض لحد ما يوصلوا للجنة. واحد بيحط ايده في ايد احب انسانة الوجود وهي بتسلم ايديها الايد اكتر انسان بيحبها في الحياة. الجواز ده يا جماعة ناقة جبارة ما بين قلب وقلب. قلبين بيبقوا قلب واحد - 00:50:56ضَ

انت المفروض اول ما تشوف مراتك عايز تعرف هي دي ولا لأ ؟ شف النص التاني من التفاحة. انت حسيت ان انت قلبك النص التاني بتاعه كمل ولا لأ ؟ الجواز ده حاجة راقية - 00:51:16ضَ

جدا في الحياة مش معارك وتربص وتوثق خلاص مش كده يبقى التصور السليم عن الزواج النقطة اللي بعد كده عدم تدخل الاهلي بعد الزواج دي نقطة خطيرة جدا طبعا انا بنصح بها الاهالي جوزوا ولادكم واختاروا لهم وشاركوهم في الاختيار بس لو ركبوا سفينة الزواج ما عدتوش - 00:51:26ضَ

تنطوا في السفينة معهم ارعوهم من برة. وجهوهم من برة. انا اعرف بيوتي اتخربت. والله يا اخواني اتخربت. بسبب ان الاب تدخل او امي تدخلت يا عم في بيوت يا جماعة متصدعة اصلا لا تحتمل التدخل الخارجي. سيبوهم يصلحوها مع بعض. معلش فيه مشاكل يا عم ما انت تدخلك هيخليها مصايب - 00:51:47ضَ

مش هيخليها مشاكل بعد كده بقى النقطة اللي بعد كده عدم تجاوز فترة الخطوبة. الخطوبة دي فترة استئناف لدراسة بعض. بتتأكد من دينها من طبعها من في المقابلة التانية المقابلة التالتة اكتر من كده بقى تبقى انسان مزبزب. الخطوبة لها ضوابط شرعية لانها انسانة اجنبية عندك. زرتها لازم يبقى في اه في الصالون في مفتوح - 00:52:07ضَ

الانتريه المفتوح. خرجت معه لأ لازم معها ابوها طبعا واخوها. آآ آآ او اخوها كلمتها في التليفون يبقى هي بتتكلم وهي قاعدة في الانتريه. مش بتتكلم وهي قافلة على نفسها الاوضة - 00:52:27ضَ

يعني الخطوبة مش قافلة وفي نفس الوقت ما هياش مراتك. خد بالك. الخطوبة عشان استئناف الدراسة لبعض. الخطوبة عشان بناء السعر المشتركة رغم الضوابط الشرعية بيتبنى مشاعر فيها. وبتبقى فترة بتعيشوا عليها حياتكم بعد كده. الخطوبة فترة مهمة. تجاوزها غلط. تجاوزها - 00:52:37ضَ

اتفضل تجاوزها اهمال. الخطوبة فترة استئناف دراسة. هي مش بطيخة يا ابني! هو انت بتاخد بطيخة هتطلع حمرا هتطلع مش حمرا! ما تتعاماش عن العيوب اللي انت بتشوفها في الخطوبة. ما تتعانيش عن العيوب في الخطوبة. مش عجبك البنت آآ البنت حلوة والبنت بيضا والواد غني خلاص نتعامل ما فيش تعالي. استمر - 00:52:57ضَ

في الدراسة لحد قبل كتب الكتاب بخمس دقايق. خلاص يا اخواني في الله وطبعا من من فوائد الخطوبة استمرار التربية الدينية لخطيبتك. آآ النصيحة اللي بعد كده عدم فساد الخطوبة. يعني ايه عدم فساد الخطوبة؟ عشان ما تندميش. آآ يعني انت المرأة الشرقية المجتمع بيديها فرصة واحدة للسعادة في الحياة - 00:53:17ضَ

غالبا ما تضيعهاش. بلاش تمحيني ضد التيار في السفينة الوحيدة لسعادتك في الحياة. الجواز مش مغامرة. بلاش تقلب الخطوبة آآ آآ مسك ايدين وقفلت بيبان ويعني والعياذ بالله وتعديات وحرمات وانتهاك لحرمات الله هترخصي في عينيه. هيبقى ما لكيش قيمة في عينيه هيفضل طول عمره محتقر - 00:53:37ضَ

طول حياته اوعم اوعي تسمحي انه يقول لك كلمة بحبك في الخطوبة. اوعي تسمحي انه يقول لك كلمة عاطفية في الخطوبة. اوعي تسمحي انه يمد ايده او يبص لك بصة وحشة في الخطوبة. او يختلي بك في الخطوبة. اوعي تسمحي بهزا. خليك غالية. خليك غالية عشان تفضلي طول عمرك تاج على راسك - 00:53:57ضَ

امتهان المرأة في نفسها في الخطوبة حرام شرعا. ومغضب لله وبتحتقر في نظر زوجها. آآ بعد كده يا جماعة يعني طبعا وفاء قبل الاتفاق وننهي الدرس على هزه القاعدة. طبعا في قواعد يعني احنا عندنا قواعد كتير ولكن يعني خلونا نبقى ايه؟ الوفاء قبل الاتفاق. الوفاء يا اخوانا - 00:54:17ضَ

دي القاعدة اللي بننهي عليها في ناس اول ما بتدخل الجوازة مين هيجيب بقى الايه الخشب الخشب والعفش على العريس والمطبخ والاجهزة على العروسة يقول له لأ يا حبيبي ازا كان اتفاق قديم وام العريس بقى قاعدة بقى تبص بعينيها كده لان مش هيتهضم في الجوازة دي. وام العروسة قاعدة تبص لأ انا لازم اجيب لبنتي. ده انا بجهزها - 00:54:37ضَ

وهي عندها اربع سنين واجيب لها النيش. هم يا اخواننا ايه ده! الوفاء الاول يا اخواننا الوفاء. الحب الاول. ارووا شجرة الزواج بالحب عارفين اخطر صفتين يخلوا الجواز حي لحد ما يبقى الراجل والست عندهم سبعين سنة. ويفضلوا الاتنين ماشيين يتعكزوا على بعض كده - 00:54:59ضَ

كلمة الحب كلمة بحبك من الراجل والتزين من الزوجة. كلام الحب للسحر الحلال. والتزين للسحر الحلال. والاتنين دول هم اول حاجتين اول ما بيحصل ضغوط في الحياة ويضيعوا. مع الست ضغطت في المطبخ العيال ضغطوها ما عدش فيه تزين. والراجل اول ما يحس انه مضغوط ولا زعل من مراته انها ما اهتمش ما اهتمتش - 00:55:20ضَ

ما عدش فيه كلام حب وورد وازهار وحاجات. الاتنين دول ارووا شجرة الحب. عايزين جواز رومانسي. عايزين جواز مليان حب. يا اخوانا انا عايز اقول لكم في النهاية ان الاهلية للزواج لا لها دعوة بالمتدين والغير المتدين. الدرس اللي انا اديته لكم النهاردة ده تبع نوع خطير من انواع التربية اسمها التربية الاجتماعية. التربية - 00:55:40ضَ

ان لازم رخصة قيادة الاسرة دي قبلها يكون فيه تأهيل. الزواج ده علم لازم طلب علم الزواج وفن الزواج قبل الزواج ما يبقاش عندنا امية امية اسرية لازم نعرف ازاي نتجوز صح. ازاي نختار صح. التشكيل النهائي بقى. آآ ان يعني كل واحد منكم يجيب الدرس ده بقى - 00:56:00ضَ

ان شاء الله اللي ما اتجوزوش يجيبوا الدرس ده يكتبوا عناصر كويس جدا. ويبدأوا يزاكروها مع بعض كده ويفتكروها. اللي اتجوزوا يجيبوا الدرس ده يكتبوا عناصر على الاخطاء اللي هم عملوها ولكن طبعا لا يزال الامل في الاصلاح قم صلح ما فيش حاجة راحت قم مراتك - 00:56:20ضَ

خلاص مش دي قدر ربنا جوزك مش ده قدر ربنا صلحيه بقى صلحه بقى صلحوا بعض بالعواطف صلحوا بعض بالحب صلحوا بعض بالتوجه الى الله وربنا ان شاء الله قادر ان البيوت اللي بتحترق. والبيوت اللي بتتصدع ربنا يوقنها ويخليها احسن بيوت في الدنيا. كنا آآ الدرس ده والدرس اللي فات مع انت بتشتري - 00:56:40ضَ

راجل المرة اللي فاتت ازاي تستعد صح ولازم الشباب يشتغل. المرة دي ازاي تختار صح؟ والمرة دي خلينا العنوان بتاعها جوازة سوبر. عروسة سوبر السوبر يا رب بازن الله ربنا يرزق كل شاب منكم عروسة سوبر ويرزق كل بنت منكم عريس سوبر ويا رب كل واحد منكم - 00:57:00ضَ

وما اتجوزش ربنا يجوزه وكل واحد مننا ربنا جوزه واحدة بس. واحدة بس. ربنا يرد لي مراته يا رب ويحليها في عينيه. يخليها اجمل واحدة في سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا - 00:57:20ضَ