باحث

السلام عليكم ورحمة الله وبركاته الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد. اللهم لك الحمد كله - 00:00:00ضَ

ولك الشكر كله واليك يرجع الامر كله. علانيته وسره سؤال انت ان تحمد واهل انت ان تعبد وانت على كل شيء قدير. اللهم لك الحمد حتى ترضى ولك الحمد اذا رضيت ولك الحمد بعد الرضا - 00:00:13ضَ

اللهم لك الحمد في الاولى والاخرة اللهم لك الحمد حمدا كثيرا طيبا طاهرا مباركا فيه ملء السماوات وملء الارض وملء ما بينهما وملء ما شئت من شيء بعد اهل الثناء والمجد احق ما قال العبد وكلنا لك عبد. اللهم لا مانع لما اعطيت ولا معطي لما منعت ولا ينفع ذا الجد - 00:00:27ضَ

الجد اللهم اجعل اجتماعنا هذا فيك وتفرقنا من بعده فيك ولا تجعل حوائجنا الا اليك ولا توكلنا الا عليك ولا ثقتنا الا فيك يا ارحم الارحمين ويا اكرم الاكرمين يا رب العالمين - 00:00:48ضَ

مع اخر ايام السنة كان لازم نفتح الملف ده اعمارنا بتنتهي بسرعة عايزك بالله عليك قبل ما ابدأ معك الدرس وقبل ما تسمعي كلماتي النهاردة في الدرس عايز الكل يغمض عينيه - 00:01:06ضَ

ويفتكر كده يوم واحد محرم. او يوم واحد يناير ويغمض عينه كده ويحاول يفتكر كده كم مرة فتح الفيس عنده انا لله وانا اليه راجعون توفي فلان امبارح شاب مات في حادسة - 00:01:23ضَ

واول امبارح شاب مات على سريره واول اول امبارح زابط نايم ما قمش واول اول امبارح واحد صاحبنا جا له كورونا ومات. ومن قيمة كم يوم صاحبنا اللي كان في الشغل حس انه دايخ وقع مات. ومن قيمة كم يوم كنا بنصلي - 00:01:43ضَ

وواحد مات معنا في المسجد كم الناس اللي ماتت الفترة اللي فاتت كانت قد ايه وسبحان الله كل الناس دي تتمنوا امنية واحدة بس نتمنى امنية واحدة بس تتمنى اللي هي - 00:02:03ضَ

نرجع للدنيا علشان تعيش زي ما انت عايش كل واحد بيموت بيتمنى الامنية دي امنية ساعة يرجع فيها للدنيا. يعبد فيها ربنا سبحانه وتعالى قال الله سبحانه وتعالى حتى اذا جاء احدهم الموت قال رب ارجعون لعلي اعمل - 00:02:17ضَ

يا رب ساعة واحدة بس ارجع علشان اعمل عمل صالح. علشان تعرفوا قيمة الحياة اللي انتم عايشينها الان. وقيمة الساعة اللي انتم عايشينها فيها الان قال الله سبحانه وتعالى وانفقوا مما رزقناكم من قبل ان يأتي احدكم الموت - 00:02:39ضَ

فيقول ربي لولا اخرتني الى اجل قريب دي غاية امنية كل واحد بيموت وغاية امنية كل واحد بيحتضر انه يرجع للدنيا علشان اوقات بسيطة جدا يقضيها في طاعة الله سبحانه وتعالى. يقف احد الصالحين وبيعاتب نفسه مع نهاية السنة - 00:02:58ضَ

يقول لها ها يا نفس لو ان ملك الموت نزل بك الان لو ان ملك الموت نزل بك الان لينزع هذه الروح ماذا كنت تتمنين ها تتمني اكل ولا شرب ولا فلوس ولا عمارة ولا شقة اسكان مش عارف ايه - 00:03:20ضَ

ماذا كنت تمنين انا اجيبك يا نفس تقولين رب ارجعون لعلي اعمل امنيتك انك ترجعي وقت بسيط في الدنيا علشان تعملي عمل صالح ويعاتب نفسه ويقول لها يا نفسه انت الان في الامنية - 00:03:40ضَ

انت نفسك ترجعي؟ طيب. مش انت عايزة ترجعي للدنيا؟ انت الان في في الدنيا. انت الان في الامنية فاين العمل امنية كل واحد بيموت انه يرجع ساعة يتوب فيها الى الله عز وجل - 00:03:58ضَ

بيقدم عمل صالح مر النبي صلى الله عليه وسلم على قبر فوقف النبي صلى الله عليه وسلم رأسه ثم بكى صلى الله عليه وسلم ثم نظر الى اصحابه وقال ركعتان مما تحقرون او تحقرون - 00:04:13ضَ

احب لصاحب هذا القبر من الدنيا وما فيها صاحب القبر ده لو خير انه يرجع للدنيا دقيقتين يصلي ركعتين. وبين انه ياخد الدنيا وما عليها هيقول يا رب دقيقتين اصلي فيهم الركعتين دول - 00:04:38ضَ

اقصى امنية لاهل النار انه يرجع في الدنيا لساعة واحدة. يرجع للدنيا لساعة واحدة يعبد فيها الله سبحانه وتعالى وده اللي قالوه كما حكى ربنا تبارك وتعالى عنهم هل ينظرون الى تأويله - 00:04:57ضَ

يوم يأتي تأويله يقول الذين نسوه من قبلوا قد جاءت رسل ربنا بالحق فهل لنا من شفعاء فيشفع لنا او نرد فنعمل غير الذي كنا نعمل اعظم امنية لهم ان هم يرجعوا للدنيا - 00:05:18ضَ

ليه؟ علشان يعملوا عمل صالح الناس دي امانيها اللي هم بيتمنوها الان سواء اللي مات او اللي دخل النار امنيته انه يرجع امنيته انه يعيش دقيقتين من اللي انت عايشهم دلوقتي - 00:05:37ضَ

احنا خلاص اخر الايام قضينا العيد وفرحنا بالعيد وهيصنا وضحكنا وخلاص ولكن لما بتعدي ايام العيد بنفاجئ قدامنا ان خلاص احنا في اخر ايام السنة الهجرية سنة كاملة عدت بالامها وهمومها - 00:05:52ضَ

سنة كاملة عدت بحسناتها وسيئاتها. سنة كاملة عدت بما فيها من طاعة ومعصية والان حان الوقت انه صحيفة سنة كاملة بتطوى وترفع الى الله سبحانه وتعالى يا ترى انت حالك ايه - 00:06:12ضَ

علشان كده انا دارس النهاردة هنتكلم عن انتم الناس في حالة غيبوبة عن اهمية العمر في حالة غيبوبة عن اهمية الحياة اللي احنا عايشينها. في حالة غيبوبة الدنيا غطت عينين ناس كتير جدا. هم عمالين يجروا وراء بعض في دنيا. عمالين يقطعوا في بعض - 00:06:28ضَ

علشان دنيا. ارحام بتقطع علشان حتة ارض. وصحوبية بتتقطع علشان فلوس. وناس بتموت بعض علشان اشياء لا تساوي شيء الدنيا دي كلها اصلا ما بتساويش عند ربنا جناح دبانة احنا بنقتل بعض على جناح دبانة ويا ريت يساوي جناح دبانة - 00:06:48ضَ

والناس في وسط الغفلات دي كلها مش واخدين بالهم ان الاقمار بسرعة بتعدي وهي دي مشكلة الزمن وقتك وحياتك بسرعة بسرعة بسرعة بتعدي قيمة كم يوم كنت لسه بشوف فيديو كده - 00:07:13ضَ

الفيديو ده بيتكلم عن حاجات كانت ايام التمانينات والتسعينات عمال يقول افتتاح كأس الامم الافريقية اللي كان موجود في مصر مش عارف ايه اللي حصل ومش عارف مين اللي حصل له وحصل كزا - 00:07:31ضَ

انا عمال ارجع اقول ياه حاجات عدى عليها عشرين وخمسة وعشرين سنة ياه هو معقول العمر ده كله عدى معقول العمر ده كله عبدة امر عجيب اوي مش واخدين بالنا منه - 00:07:48ضَ

كلنا في غفلة عنه الا ما رحم الله ان اعمارنا كلها بتعدي زي البرق واحنا مش واخدين بالنا سيدنا نوح عليه الصلاة والسلام عمر على قدر ما عمر. الانبياء بينزل عليهم الوحي وهم عندهم اربعين سنة - 00:08:05ضَ

ادي اربعين سنة وعاش في قومه تسعمية وخمسين سنة الف سنة الف عام الالف سنة الا خمسين عاما. ادي تسعمية وتسعين سنة اربعين سنة لحد ما اوحي الي وبعد ما اوحي اليه عاش تسعمية وخمسين سنة ادي تسعمية وتسعين سنة. وعاش كمان سنين طوال بعد الطوفان وهلاك - 00:08:23ضَ

هلاك قومه ادي سيدنا نوح كسر الالف سنة ولما حانت لحظة الموت جاءه ملك الموت علشان يخيروا لان الانبياء كلهم بيخيروا بين الموت وبين الحياة عند موتهم لما ملك الموت نزل على سيدنا نوح - 00:08:43ضَ

يعني بيسأل ملك الموت سيدنا نوح يا نوح عمرت في الارض على قدر ما عمرت فكيف هي الحياة؟ فبكى نوح وقال والله كأني دخلت الى دار لها بابين قولها بابان - 00:09:03ضَ

دخلت من باب وها انا اخرج من باب اخر ده انموذج واضح ان اعمارنا هوب بسرعة بتخلص هوب بسرعة بتخلص انت مخلص جسمي عشرين سنة على فكرة ومخلص دراسة من عشرين سنة - 00:09:27ضَ

ده انا بكلم الشباب شباب اللي وصلوا دلوقتي لاربعين انتم متخيلين قد ايه الاعمار جت المشكلة التانية في الاعمار ان احنا هنسأل عنها بين ايدين ربنا سبحانه وتعالى يوم القيامة - 00:09:44ضَ

يعني كل لحظة من لحظات حياتك وكل لحظة من لحظات حياتك انتم هتتسألوا عنها بين ايدين ربنا سبحانه وتعالى يوم القيامة وما حدش هيخطو خطوة بعد الحساب الا بعد ما يتسأل عن حياته - 00:10:01ضَ

قال النبي صلى الله عليه وسلم لا تزولا قدم عبد يوم القيامة حتى يسأل عن اربع عن شبابه فيما افناه فيما ابلاك عفوا عن عمره فيما ابلاه. وعن شبابه فيما افناه - 00:10:15ضَ

وعن ما له من اين اكتسب وفيما انفقه وعن عن علمه ماذا عمل به تخيلوا السؤالين من اربعة بين ايدين ربنا سبحانه وتعالى سؤالين متعلقين بالعمر سؤالين متعلقين بحياتنا اللي احنا عمالين نجري فيها جري الوحوش - 00:10:33ضَ

علشان ناخد حتة لحمة زيادة او شوية رز زيادة يتحطوا في الطبق متخيلين قد ايه يوم القيامة اقوام هيفضلوا واقفين سنوات طويلة بيتسألوا عن اعمارهم وبيتسألوا عن شبابهم انتم عملتم ايه في فترة الشباب - 00:10:54ضَ

ودي من اخطر المشاكل المتعلقة بالعمر ان انا هقف بين ايدين ربنا سبحانه وتعالى اتسأل عن لحظة لحظة قضيتها في الجامعة لحظة لحظة قضيتها في الجامعة انا عملت فيها ايه - 00:11:10ضَ

اتسائل عن لحظة العمر يوم زواجي كان في طاعة الله ولا لأ هتسأل عن لحظة العمر يوم التخرج من الجامعة انا قضيته في طاعة الله ولا لأ تخيلوا كتير من الناس النهاردة اللي لحظات النعم - 00:11:24ضَ

اللي ربنا اداها لهم بيستخدموها في معصية الله سبحانه وتعالى قلت افسح العيال وخدتهم ورحت راس البر في مكان بعيد شوية كده وقرية مقفولة على نفسها ووقت الناس فيه قليلين جدا - 00:11:40ضَ

سبحان الله! فوجئت اولاد وبنات ورقص وغنا طول اليوم رأس اولاد وبنات. واولاد يرقصوا مع بنات وبنات يرقصوا وسط الاولاد. وبنات تتحزم بترقص وسط الاولاد انا رحت باقول يا جماعة ايه ده - 00:11:56ضَ

احنا خلاص دفعة سنة رابعة. سنة رابعة من الكلية. احنا جايين نفرح بنعمة الله بنعمة الله اهكذا يكون استقبال نعمة ربنا سبحانه وتعالى واللي جاب لحظة فرحه لحظات. واللي جاب لحظة الفرح بتاعته رقاصة ومغنيين - 00:12:10ضَ

وكان والعياذ بالله معصية الله اللي سامح في اليوم ده ان صحابه يرقصوا مع زوجته وزوجته تكون متعرية علشان يوم الفرح والناس يشوفوا جسد زوجته قبل ما يشوف هو الجسد ده - 00:12:32ضَ

اهكذا تستقبل نعم الله اللحظات الفارقة الكبيرة جدا في حياتنا نستقبل نعم ربنا كده الناس في ناس تانية استخدمت اللحظات دي في طاعة ربنا سبحانه وتعالى استخدمت اللحظات في طاعة ربنا سبحانه وتعالى - 00:12:46ضَ

الناس اللي استخدمت لحظة في حياتها آآ لحظة فرحة ختم كتاب الله سبحانه وتعالى وناس تانية لحظة فرحة ان هي رايحة تحج وناس تانية لحظة فرحة ان هي تختم حفظ كتاب من كتب السنن - 00:13:02ضَ

فرق كبير بين الاتنين تخيلوا ان اللحظات دي واللحظات دي كل لحظة عدت علينا. هنستقبل فيها يعني كل لحظة عدت علينا هنقف فيها بين ايدين ربنا سبحانه وتعالى علشان ربنا سبحانه وتعالى يسألنا عنها. كل لحظة احنا قضيناها في الشارع - 00:13:18ضَ

شاب واقف في الشارع في لحظة من لحظات حياته عمال يبص على دي ويبص على دي ويبص على دي هيتسأل على اللحظة دي. وشاب تاني في قلب الشارع الشارع كله يشهد له بالاذان والقراءة الطيبة في الصلاة - 00:13:35ضَ

ده وده هيقفوا بين ايدين ربنا سبحانه وتعالى وكل واحد منهم يتسأل عن اللحظات اللي عدت عليه مشكلة الزمن ومشكلة العمر ومشكلة اللحظات اللي احنا عايشينها ان هي تشهد علينا اولينا يوم القيامة - 00:13:50ضَ

كان الحسن البصري رحمة الله عليه يقول ما من يوم تشرق شمسه الا وهو ينادي ويقول يا ابن ادم كان يوم جديد وعلى عملك شهيد واغتنمني فانني اذا ذهبت ولن اعود اليك - 00:14:06ضَ

هي دي المشكلة. الامر الرابع ان لحظاتنا واعمارنا محسوبة بميزان دقيق وبعدد محدد للاسف مشكلته الاساسية ان احنا مش عارفين العدد ده هينتهي عند ايه واحد منا ربنا قدر له ان عند العدد رقم مليون يكون اخر نفس يخرج منه - 00:14:30ضَ

قال الله سبحانه فلا تعجل عليهم انما نعد لهم عدا قال الحسن البصري رحمة الله عليه عددنا انفاسهم. فاذا جاء النفس الاخير دخل ولم يخرج او خرج ولم يدخل. خلاص - 00:14:53ضَ

العداد انتهى العداد اتصفر وللاسف غياب اللحظة دي عنا غياب اللحظة دي عنا هو مخلي ناس كتير جدا ناس كتير جدا تسيء استخدام هذه اللحظة اعمارنا معدودة ومحسوبة هل يا ترى احنا اعدينا لاخر لحظة لنا في حياتنا - 00:15:09ضَ

هل يا ترى احنا قدمنا العمل الصالح اللي نعيش عليه علشان تكون اخر لحظة في حياتنا على عمل صالح ولا فيه عمل سيء مداومين عليه في اخر لحظة لنا في حياتنا هتكون عمل سيء - 00:15:34ضَ

عارفين زمان واحنا في ابتدائي لما كنا بنجيب المسطرة ونحط القلم الاحمر على اول المسطرة ونبدأ نشد خط طويل عشرة سنتي عشرة احنا بنرسم مسلس كنا احنا مأمورين برسمه من خلال كتاب الحساب - 00:15:47ضَ

ونبدأ نشد كده الخط بتاعنا. الخط ده هو عبارة عن نقطة جنب نقطة جنب نقطة جنب نقطة جنب نقطة. ولشدة التصاق النقط عملت لنا خط الخط ده طول ما احنا ماشيين كده بييجي عند النقطة رقم عشرة سنتي رقم عشرة وبيقف وبتكون اخر نقطة في الخط - 00:16:03ضَ

حياتنا كده نقطة جنب نقطة لا لا لا سامحوني. يوم جنب يوم جنب يوم لحظة جنب لحظة جنب لحظة لحد ما تيجي في اخر وقت ربنا حدده لك بتنتهي اللحظة - 00:16:23ضَ

اللحظة دي هتكون وانت فيها في الدنيا ولا في طاعة بتجري على دنيتك ولا في طاعة ولا على معصية ولا نايم ولا صاحي وضعائي ربنا سبحانه وتعالى غيب ده عنا - 00:16:38ضَ

علشان يعرفنا ان النقط اللي كونت الخط ده هي لازم تكون في النهاية من جنس النقط دي بمعنى ايه ؟ يعني انا لو الالم اللي معي الاحمر وانا باشد به الخط. النقطة الاخيرة هتبقى حمرا لان القلم احمر. اول نقطة كانت حمرا واخر نقطة هتكون حمرا - 00:16:52ضَ

نفس الكلام اللي حياته صلاة ذكر طاعة حج عمرة صدقة دعاء صلة رحم بر والدين. طول ما الخط ماشي كده اخر نقطة هتكون كده ان الله اذا احب عبدا عسله كما قال النبي صلى الله عليه وسلم - 00:17:10ضَ

قالوا وما عسله يا رسول الله؟ قال يفتح له عند موته بعمل صالح ثم يقبضها عليه انا شفت ناس ماتت معي على عرفة وشفت ناس والله نزلنا من عرفة. وكان الزحام شديد. الناس قعدت معنا واحنا نازلين من عرفات. ورحنا مزدلفة واحنا قاعدين في مزدلفة - 00:17:27ضَ

اذكر ربنا وصلينا مغرب وعشاء. وبعد كده مع طلوع الشمس اتحركنا من مزدلفة رايحين منى واحنا عمالين نلبي ونكبر ونهلل وسبحان الله يلا يا حاجة فلانة اخبارك ايه؟ صحصحي بقى مش وقت نوم. يا حاجة فلانة - 00:17:47ضَ

فلانة صحصحي كده الحاجة فلانة كانت ماتت معنا في الاتوبيس ملك الموت كان معنا في الاتوبيس قبض روحها بعد ما نزلت من عرفة واحنا مش واخدين بالنا والحاجة فلانة قاعدة في الاتوبيس معنا وفي لحظة روحها خرجت على الطاعة دي وعلى العمل ده - 00:18:02ضَ

انتم متخيلين ومن قيمة كم يوم كنا بنغسل شاب للاسف كان ميت بجرعة مخدرات زيادة شفتوا الفرق بين الاتنين اعمارنا محددة معينة فاذا جاء اجلهم لا يستأخرون ساعة ولا يستقدمون كما قال الله عز وجل فلا تعجل عليهم انما نعد لهم عدا. ده يخلينا دايما - 00:18:21ضَ

عينينا على على النقطة الاخيرة في خط حياتنا نجتهد في الدنيا في طاعتنا علشان نوصل في النهاية للامر ده ازا كان العمر والزمن بهذه الخطورة طب المفترض انا اعمل ايه - 00:18:46ضَ

المفترض ان انا اعمل لازم اكون واخد بالي من حاجة ان العمر ده عامل زي المسلس بالزبط ثلاثي الابعاد العمر الاول هو الطول الطول بتاع عمرك وزي ما قلت لكم ان الطول ده احنا ما نعرفش قد ايه - 00:19:00ضَ

ما نعرفش مقداره قد ايه. وما نعرفش هيخلص امتى وده يخلينا دايما على طاعة وعبادة علشان نضمن ان اللحظة الاخيرة بفضل الله عز وجل علينا تكون طاعة وعبادة في بعد اخر اسمه بعد العرض. ايه بعد العرض ده؟ بعد العرض ده ان طالما اعمارنا قليلة نحاول بقدر المستطاع ان احنا نملاها - 00:19:18ضَ

لها اعمال صالحة نملاها بقدر المستطاع اعمال صالحة وده اللي احنا لازم نفهمه احنا عملنا صغيرة لازم نملى في القدر ده في الاناء ده من الاعمار اعمال صالحة كتير جدا - 00:19:41ضَ

زي ما الصحابة كان دايما فكرهم كده بيكون دايما حتى وان كانت اعمارنا قليلة فاحنا نحشي الاناء بتاع العمر ده اعمال صالحة كتير جدا علشان تبان ان هي اعمار طويلة جدا - 00:19:55ضَ

سيدنا سعد بن معاذ رضي الله عنه عمر في الاسلام خمس سنوات فقط خمس سنوات فقط ومع ذلك حاشى العمر ده بتاعة ربنا سبحانه وتعالى. يوم ما اسلم طلع للمدينة وقال اي رجل انا فيكم؟ قال له انت سيدنا وابن سيدنا وخيرنا - 00:20:07ضَ

هو ابن خيرنا قال ان كلامكم وكلام رجالك ونسائكم علي حرام حتى تدخلوا في دين الله سبحانه وتعالى. المدينة كلها دخلت في الاسلام شوفوا ازاي اناء العمر بتاعه اعمال صالحة كتير. كل اهل المدينة في ميزان حسنات سعد ابن معاذ. علشان كده رغم ان هو اسلم قرابة سنة واحد من الهجرة - 00:20:24ضَ

سنة خمسة من الهجرة في غزوة الخندق الا ان الخمس سنوات دول اهل المدينة كلهم في ميزان حسنات سعد بن معاذ علشان كده اهتز عرش الرحمن لسعد بن معاذ اللي كان عمره في الاسلام خمس سنين بس - 00:20:44ضَ

لاناء العمر ده ملأك ما لها اكل احنا لازم نفهم ده سيدنا آآ ابن عباس رضي الله عنه هاجر من مكة للمدينة سنة تمانية هجريا بعد سنة تمانية هجريا وانتم عارفين ان التمانية هجرية غزوة الفتح - 00:21:00ضَ

آآ كانت سنة كانت في رمضان يعني في اخر سنة تمانية هجرية. سيدنا ابن عباس راح قعد مع النبي صلى الله عليه وسلم. باقي سنة تمانية وسنة تسعة وسنة عشرة. يعني سنتين واربع خمس شهور تقريبا. بس - 00:21:18ضَ

ولكن لازم النبي صلى الله عليه وسلم كل ما النبي يروح في حتة وهو واقف معه ويروح يبات في بيت النبي صلى الله عليه وسلم يقول علشان اراقب صلاته عاملة ازاي؟ اسمع منه احاديث - 00:21:33ضَ

اتعلم منه الفقه اتعلم منه التأويل القرآني في سنتين ونص بس قدر ابن عباس يملأ اناء العمر في سنتين ونص بعبادات وطاعات بالعلم بالفقه بالتفسير. حتى ان النبي صلى الله عليه وسلم دعا له بالبركة اللهم فقهه في الدين - 00:21:43ضَ

وعليهم التأويل فكان اعلم الصحابة بكتاب الله سبحانه وتعالى وكان فقيه من فقهاء الامة الكبار رغم ان عمره كان قد ايه سنتين ونص مع النبي صلى الله عليه معاذ ابن جبل رضي الله عنه عمره في الاسلام قد ايه ؟ معاذ ابن جبل يوم ما مات مات وهو عنده تمانية وعشرين سنة. واكتر حد من اهل التفسير قال مات وهو عنده اتنين وتلاتين سنة - 00:21:59ضَ

ولكن تمانية وعشرين سنة النبي صلى الله عليه وسلم بيقول ان معاذ يوم القيامة يسبق علماء الامة بين يدي الله برتو اي لم يتحجر يعني كل علماء الامة ورا معاذ بن جبل. ليه وهو عنده التمانية وعشرين سنة؟ هو عمل ايه يعني؟ ايوة هو عمل اللي كتير من الناس ما عملهوش. انه فكر ان - 00:22:21ضَ

بعد العرض بتاع العمر بعده قليل فلازم املى الاناء ده باعمال صالحة كتير. النبي سابه في مكة بعد فتح مكة فعلم اهل مكة الاسلام والدين. وبعد كده كلفهم مأمورية اهل اليمن - 00:22:40ضَ

يا معاذ انك تأتي قوما اهل الكتاب فليكن اول ما تدعوهم اليه ان يعرفوا الله. امن اهل اليمن على يد معاذ في خلافة عمر ارسلوا لدمشق علشان يدعوا الناس الى - 00:22:54ضَ

اسلام دعاهم الى الاسلام واسلموا وعلمهم العلم. ثم دعاه الى ان يذهب الى فلسطين ويعلم اهلها الدين والاسلام. ففتح الله عز وجل على يديه اهل فلسطين في العلم والطاعة والعبادة والايمان والقرب من الله سبحانه وتعالى. وبعد كده مات سيدنا معاذ ابن جبل في طاعون عمواس. عمره كان قد ايه؟ تمانية - 00:23:04ضَ

عشرين سنة فتح اربع بلاد اسلامية كبرى اليمن والسعودية والشام الدمشق اللي هي سوريا وفلسطين اربع بلاد كلها تعلمت العلم وتعلمة الدين على ايد معاذ ابن جبل. علشان كده يسبق العلماء يوم القيامة. ليه؟ لان عرف ان بعد العرض بتاع العمر قليل. فحشى هذا - 00:23:24ضَ

اناء العمر بطاعات وعبادات وطاعات كتير جدا جدا جدا. سيدنا ابو هريرة رضي الله عنه سيدنا ابو هريرة عمره مع النبي كان قد ايه. سيدنا ابو هريرة وصل المدينة سنة سبعة هجرية. في عام فتح خيبر - 00:23:44ضَ

سبعة هجرية قعد مع النبي تمانية وتسعة وعشرة ونص سنة سبعة تخيلوا تلات سنين ونص ولكن قال البعد بتاع العمر قليل انا عايز املى الاناء ده فيقول كان الناس ينشغلون عن رسول الله بصفق في الاسواق وانا ملازم - 00:24:00ضَ

لرسول الله صلى الله عليه وسلم. في تلات سنين ونص كان الناس يأكلون ويشربون مع اهلهم. واما انا فملازم في المسجد حتى كان يغشى علي من شدة الجوع علشان ما اسيبش حديس من احاديث النبي صلى الله عليه وسلم الا وانا باكتبه وباسجله وبادونه - 00:24:18ضَ

يعني حفظهم طبعا ودراية رضي الله عنه. وبعد كده يصبح محدث الاسلام الاول رضي الله عنه. ليه؟ ليه هو الوحيد اللي حافز قرابة خمس تلاف وربعميت حديث عن النبي صلى الله عليه وسلم. علشان هو نظر ان العمر قليل. فازاي نحشي العمر ده بالخير - 00:24:34ضَ

ازاي نحشي العمر ده بالخير وعلشان كده نجح ابو هريرة رضي الله عنه انه في عمر بسيط ووقت بسيط ان يملى الكلام ده بالخير. طب انا المفترض اعمل ايه النهاردة؟ انا - 00:24:53ضَ

اعرف حد النهاردة ما شاء الله لا قوة الا بالله هو حريص انه في اسبوع واحد عمل مجلسين علم وعمل حلقات تحفيظ قرآن وعمل حلقات لتعليم الصلاة وعمل حلقات لحفظ سورة الحجرات وعمل حلقات لتدريس اداب. فالاسبوع عنده مليان دروس. مليان شغل - 00:25:06ضَ

مليان شغل. والله انا بقرأ على بعض مشايخنا بقرأ على بعض مشايخنا بيقعد من بعد الفجر لحد الساعة عشرة بالليل. طلبة العلم داخلين خارجين عليه ان بعض مشايخنا كان بيشرح في اليوم الواحد سبع تمن كتب - 00:25:24ضَ

على سبع تمن حلقات وسبع تمن آآ دروس ليه؟ الناس دي شايفة ان الاعمار قليلة. فعمال يحشي اناء العمر ده اعمال صالحة وعبادات وقربات وطاعات تقرب من ربنا سبحانه وتعالى - 00:25:39ضَ

احنا فين من الكلام ده في من الكلام ده انا اعرف اخت من الاخوات ربنا يا رب يحفظها ويبارك فيها كانت دايما تيجي لي في رمضان وتبعت لي ورقة الورقة دي بتتصدق فيها مسلا بمية جنيه - 00:25:53ضَ

فتقول لي معلش يا شيخ بعد ازنك انا عايز عشرة جنيه آآ كفالة يتيم وعايز عشرة جنيه لحد مدين. وعايز عشرة جنيه سقيا ماء. وعايز عشرة جنيه لكزا وعايز عشرة جنيه لكزا فهي قاعدة في ساعة واحدة تصدقت في عشر - 00:26:07ضَ

اعمال صالحة. دي الناس اللي بتتاجر مع ربنا سبحانه وتعالى. دي الناس بالفعل اللي عايزة تملأ اناء العمر ده باعمال صالحة كتير جدا. فيه واحد قاعد انا كنت مسافر مر مع احد اصحابي فلقيته طول ما هو قاعد ايوة سلام عليكم ازيك والدتي عاملة ايه واخبارك وربنا يحفزك وادعي لنا طب اديني اكلمه ادي بر الوالدين قفل كلم عمامة - 00:26:24ضَ

واتكلم خلاصو ادي صلة ارحام كل ده واحنا قاعدين في الميكروباص رايحين من المنصورة رايحين القاهرة طالعين من المنصورة رايحين القاهرة يرفع ايديه ويدعي ربنا سبحانه وتعالى يصلي ركعتين الضحى الساعتين ونص - 00:26:44ضَ

من المنصورة للقاهرة عمل له خمستاشر عشرين عمل هي دي الناس اللي بالفعل بتبص ان الاعمار عبارة عن اناء انا عايز املى الاناء ده بالاعمال الصالحة. ليه؟ لان عرض العمر قليل شوية - 00:26:54ضَ

طب والبعد التالت من العمر البعد التالت ده بقى ازا كان العرض قليل والطول محدود معروف زي ما احنا عرفنا. فالبعد التالت في اعمارنا هو بعد ممتد لا نهاية له - 00:27:09ضَ

يعني ايه بعد ممتد لا نهاية له؟ بعد ربنا ذكره لنا في القرآن فقال ربنا تبارك وتعالى انا نحن نحيي الموتى ونكتب ما قدموا واثارهم الاثر بقى اللي انت تسيبه من بعد موتك - 00:27:21ضَ

العمل الصالح اللي انت تسيبه من بعد موتك فتفضل حياتك دائما مستمرة وده بعد اقل من ينتبه اليه. ده بعد كتير من الناس مش واخدة بالهم منه اصلا ولكن لو بصينا للصحابة رضي الله عنهم هنلاقي ان هم دايما كانوا مهتمين جدا بالبعد ده - 00:27:37ضَ

البعد اللي احنا بنسميه بعد الاثر اللي يبقى للانسان من بعد الموت كتير منا في الدنيا بيفكر ازاي يجيب حتة ارض يبني حتة ارض علشان اولاده. بس مين فينا فكر ان يكون له بعد عمل صالح يفضل له من بعد موته - 00:27:54ضَ

اضرب لكم مثلا مثال. هل ابو هريرة رضي الله عنه مات؟ الاجابة لا ليه ما ماتش؟ لانه ترك لنفسه بعد طويل لا ينتهي الا بانتهاء الدنيا. البعد ده اسمه الاثر. انه جمع للناس الاحاديث ورواها للناس - 00:28:10ضَ

فكل امام بيطلع على المنبر عمال يقول عن ابي هريرة رضي الله عنه. وكل شيخ في قناة بيقول عن ابي هريرة رضي الله عنهم ده بعد اخر من عمر ابي هريرة. دي حسنة - 00:28:26ضَ

ناس كتيرة في في في كافة حسنات سيدنا ابي هريرة رضي الله عنه. وده اسمه بعد الاثر. سيدنا عمرو بن العاص مات؟ لا مامتش لان عمرو بن العاص ساب لنفسه بعد اخر اسمه بعد الاثر. الاثر اللي هيبقى لي من بعد موتي - 00:28:36ضَ

انه لما جه وفاتح مصر وعلم اهلها الدين ما فيش حد من اهل مصر يصلي صلاة ولا يقرأ اية ولا يذكر الله عز وجل ولا يعمل عمل صالح الا وهو رايح في ميزان - 00:28:53ضَ

عمرو بن العاص رضي الله عنه سيدنا عثمان بن عفان رضي الله عنه اللي احنا كل اما نقول احنا عايزين مصحف ايه عثماني سيدنا عثمان رضي الله عنه فكر في بعد يبقى له من بعد موته - 00:29:03ضَ

فجمع المصحف جمع الناس على قراءة قريش وخلي المصحف ده اسمه المصحف العثماني وكانت النتيجة ان ده بعد اخر في حياة عثمان. عثمان مات من زمان. ولكن البعد اللي ساب عثمان رضي الله عنه لنفسه من بعده هو بعد - 00:29:17ضَ

بعد الاثر العمل اللي يبقى لي من بعد ما اموت. فكل حد بيقرأ اية او بيتعلم اية من كتاب الله سبحانه وتعالى ده بعد رهيب جدا. بعد رهيب جدا وسبحان الله ممكن يكون عمر الانسان ميت سنة - 00:29:33ضَ

وبعد كده دخل القبر ولكن عمره الحقيقي مئات والاف السنين. مئات والاف السنين تخيلوا الامام احمد مات سنة كم ولا يزال العلماء الان بيستفيدوا من علم احمد ومن كتب احمد رحمة الله عليه. ويقرأون مسند احمد. وتخيلوا الامام احمد مات من سنين طويلة. ولكن - 00:29:47ضَ

لا يزال الاثر بتاعه موجود الوالد الكريم اللي ننزل بقى على ارض الواقع. الوالد الكريم اللي راح بنى مسجد لله سبحانه وتعالى. هو مات خلاص. ولكن المسجد لا يزال الناس يصلون فيه - 00:30:07ضَ

محفظ القرآن اللي كان بيحفظ القرآن ابتغاء وجه الله. علم عشرات ومئات. مات الشيخ ولكن كل اللي هيقرأ القرآن من بعده بسبب التحفيز اللي كان عامله في ميزان حسناته اخوانا واخوانا واحبابنا ائمة الاوقاف - 00:30:23ضَ

اهتموا بالتحفيز في مساجدكم. هي دي الثمرة الباقية. هو ده العمل الصالح بتاعنا. هو ده العمل الصالح بتاعنا. هو ده راس مالنا. اللي هيبقى لنا من بعد متنا اما اهلنا هيتوارثوا المال وهيتواصوا البيت - 00:30:41ضَ

ولكن احنا محتاجين البعد التاني. بعد البعد الطويل المدى البعد المتعلق بالاثر البعد المتعلق بالاثر. العلماء اللي علموا الناس العلم مات الشيخ ومات العالم. ولا يزال العلم اللي عالمه للناس منتشر في الافاق - 00:30:55ضَ

هو ده البعد التالت اللي لازم كلنا نركز عليه. اللي ربنا لفت انظارنا اليه وقال انا نحن نحيي الموتى ونقتل ونكتب ما قدموا واثرهم بعد لا ينقضي من قضاء حياتك. ولا ينتهي بانتهاء انفاسك. ولكن بعد يدوم ويستمر الى قيام الساعة - 00:31:11ضَ

فكروا في الابعاد التلاتة بعد الطول وبعد العرض وبعد الاثر واحنا في اخر السنة قدموا نفسكم عمل صالح نختم به هذه السنة ونصيحتي الاخيرة لكم. افتكروا ان النبي صلى الله عليه وسلم قال - 00:31:31ضَ

الاعمال بالخواتيم الاعمال بالخواتيم حتى ولو اسائنا وضيعنا وفرطنا كتير على مدار السنة دي. اجتهدوا دلوقتي في توبة صدوق نصوح بها لربنا يمحو الله بها ما كان. واجتهدوا في عمل صالح علشان ربنا سبحانه وتعالى يقبله منكم. وتكون دي نهاية السنة نهاية فيها خاتمة حسنة - 00:31:46ضَ

بازن الله تبارك وتعالى. جزاكم الله خيرا. احسن الله اليكم. هذا وصلى الله على نبينا محمد وعلى اله وصحبه وسلم - 00:32:07ضَ