باحث

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له. ومن يضلل فلا هادي له. واشهد ان لا اله الا الله وحده لا شريك له - 00:00:00ضَ

واشهد ان محمدا عبده ورسوله. اما بعد فان اصدق الحديث كتاب الله تعالى واحسن الهدي هدي محمد من صلى الله عليه واله وسلم. وشر الامور محدثاتها. وكل محدثة بدعة. وكل بدعة ضلالة. وكل - 00:00:26ضَ

كل ضلالة في النار. اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد مجيد وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد - 00:00:46ضَ

حميد مجيد. هؤلاء المعتدون على ديننا وعلى كتاب ربنا وسنة نبينا صلى الله عليه وسلم آآ احمق عندي واخف عقلا من ذاك الرجل الذي اراد ان يستفتي في مسألة فقال دلوه - 00:01:06ضَ

على اعلم اهل البلد. فقالوا عليك بعامر الشعبي عامر بن شراحيل الشعبي وكان اماما كبيرا فحلا. قال لقد نسيت من العلم ما لو جمعه رجل لكان به ذهب الرجل يسأل عن عامر الشعبي. فين فين عامر الشعبي؟ قالوا له هو اللي هناك دهو - 00:01:36ضَ

فعامر الشعبي واقف هو ومراته. مراته طبعا منتقبة من اللباس الاسود وعامر الشعبي لحيته قد كدهو فاول ما وصل قال ايكما الشعبي فالشعب كان رجلا لطيفا ظريفا قال له هذا. يعني رجل وصل به الحول ان هو مش عارف واحدة منتقبة لابسة اسود في اسود - 00:02:09ضَ

رجل له لحية ثم يقول ايكما عامل الشعب. اهو ده زي صاحبنا البتاع اليومين دول ده رجل بس في بلاد الزوال هناك يعني حيث المرأة يعني لها يعني راح يخطب - 00:02:43ضَ

فاول ما دخل عليه. قال لها مين فينا الراجل؟ قالت له انا طبعا قال لها سوري مش هنتفق. تصور ده اول القصيدة. انا اعجبني جدا جواب فعلا لما واحد يسأل يقول مين فينا الراجل تقول له انا. طبعا لانها هي ايه؟ ولاد الزواج. يعني آآ بلاد البندر ويعني - 00:03:00ضَ

على المزهب الكفراوي مش على مزهبنا يعني. وما بين هذا وهذا قرون لكن تعددت القرون والحول واحد. ها فهؤلاء الناظرون في الكتاب والسنة بهذا الجهل احمق من هؤلاء واقل نظرا. لان النهاردة حتى نكذب خبرا - 00:03:30ضَ

من الاخبار. العلماء وضعوا ضوابط. ووضعوا شروطا مش يدخل اي واحد يقول اي كلام لأ اذا لسقطت علوم الدنيا والدين. لو جاز لاي انسان في اي فن من الفنون ويدخل يتكلم على كيفه في الفن دهو. يعني انا مسلا لما اجي على واحد ناس مهندسين بيبنوا برج علي كده حفرين تحت. ايه يا جماعة اللي - 00:03:58ضَ

تحت اوي كده. قال لك لأ ما هو لازم ده اصول. لازم ننزل تحت عشان نطلع فوق. ابدا. ده الارض بتاعتنا زي الحلاوة اهي. دب دب وادب عليها برجلي هاتوا شاكوش كمان واقعدوا في حفروا فيها. هتلاقوها زي الفل اهو. ايه المانع انا تبنه من فوق كده برج عشرين تلاتين دور على وش الارض. والله انتم عالم بتدوروا على المتاعب - 00:04:26ضَ

سيبك منهم. انا لما ادخل اقول الكلام اللي فصل جماعة مهندسين. ايه اللي يحصل لي انا بقى؟ ولا ايه اللي ممكن يعملوه في؟ اقل حاجة يقول لك الراجل ده مجنون - 00:04:46ضَ

خلاص وهذا شيء لا يختلف فيه انسان. اتفق البشر جميعا ان كل اصحاب فن اقعدوا به في فنهم من غيرهم فيرجع للفقهاء في الفقه وللمحدثين في الحديث وللنحات في النحو وللشعراء في الشعر وللاطباء في الطب - 00:04:56ضَ

التجاري في التجارة وهلم جرة. لحد ما تستوعب كل الايه؟ العلوم سواء كانت علوما شرعية او علوما دنيوية. خلاص انا النهاردة حتى اكذب خبرا من الاخبار. واقول الخبر ده باطل. لازم اعمل حاجتين - 00:05:23ضَ

الحاجة الاولانية انظر الى سند الرواية الاول الذي نقل هذه الرواية من ناس فضلاء عدول يعرفون ما يقولون ولا ناس كذابين ومغفلين ومجانين ده اول حاجة. جاوبت على الشريحة دي واتفقنا كده انهم ناس فضلاء وضابطون - 00:05:39ضَ

وعدول يبقى كده جاوبنا على الشطر الاولاني. اتفضل الشطر التاني وهو الكلام المنقول اللي هم نقلوه الكلام ده انا مش بالعه انا موافق معك. الناس فضلاء وتمام التمام وعشرة على عشرة. بس الكلام مش قادر ابلعه. اهو انتم مش عارفين. ان فيه حاجة - 00:06:11ضَ

اسمها صحة السند لا تستلزم صحة المتن. الكلام ده مش انا اللي بقوله ده كلامهم اللي بيقولوه لنا احنا ها ده الكلام ده بيقولوه ان احنا يعني الجماعة الغجر دول بيقولوا لنا احنا هو انتم مش عارفين او لم يبلغكم يعني ان في حاجة اسمها صحة - 00:06:35ضَ

السند لا تستلزم صحة المد. بنقول لهم يا غجر ده احنا اللي عاملين القاعدة دي. ها يعني ما ينفعش ترجعها لي. لان انا اللي حاطط القاعدة دي وانا اللي عارف ضوابط القاعدة دي. قال القاعدة دي الجماعة اللي هم كذبوا الاحاديث ده من الجماعة - 00:06:55ضَ

واللي بيسمي نفسه كاتب اسلامي وبتاع والكلام ده هو يعني انا لو جبت لك مالك عن نفع ابن عمر مسلا. المؤمن حلو يحب الحلاوة. وده حديس موجود بس موضوع يعني. مسلا - 00:07:13ضَ

يبقى خلاص مالك عناف ابن عمر خلاص اقبل يعني المؤمن حلو يحب الحلاوة مسلا او الخبر اللي الشيخ الالباني رحمة الله عليه رواه لي حاليا كما كما قال لي بلفظه - 00:07:27ضَ

اني رجل امام وخطيب. وبعدين كان شغال في ايه؟ في اليختني البصل. انت عارف البصل اللي بالتقلية ده وبتاع والكلام ده. يخني عليه. جميلة قوي ها البضاعة باظت ها اتكبت يعني - 00:07:41ضَ

واخد بالك طب بس يا عم الطريقة بتاعتك مسارها انت متجوز؟ طيب المهم قال له لا عارف ابيع يخن ولا بتاع ولا الكلام ده راجل تاجر كده قال للامام بتاع القرية - 00:08:01ضَ

قال له ما عليك انا هاخليهم يلحسوا الحلة بس بعد الجمعة. خطب الجمعة ومش عارف ايه وترغيب وترهيب وجنة ونار ومش عارف بتاعه نص الكلام كده والعالم سخنة قال وروينا روينا ده يعني حاجة معناها ان انت عندك اسناد يعني بس انت عشان طويل قوي - 00:08:21ضَ

انتم مش كل شوية تقولوه له. روينا يعني بالاسناد اللي انت عارفه. تمام؟ وطبعا لكل اللي قاعدين بصمجية اللي عارفين اسانيد ولا عارفين حاجة. روينا عن رسول الله صلى الله عليه وسلم انه قال من اكل ليخن دخل الجنة. فالراجل موضف بقى الازانات على باب الجامع ما هو متفقين قبل كده. ها - 00:08:41ضَ

طلع العالم ايه خلصوا تمام؟ فانا لو جبت مالك عن نفع لابن عمر من اكل اليخنة دخل الجنة. السند ده صحيح يا عم الشيخ اه صحيح مالك عن نفع عن ابن عمر لكن مين اللي ورا مالك - 00:09:01ضَ

هو مالك عناف الهواء كده وجا لي ولا فيه ناس بعد مالك رأوه عن مالك ها وفي ناس بعد بعد اللي ورا مالك رواه عن اللي بعد مالك. ونفضل ماشيين كده لحد ما اعرف اوصل لك ازاي - 00:09:17ضَ

ما تجيليش من النص كده وتقوم قاطش لي بقى ايه نص البطيخ ها وتقول له شف دي حمرا اخر فل والتانية معفنة. لأ اللي روى ده عن ما لك يستحيل. انا باقول اهو. يستحيل. تجد الذي تحت مالك فقه - 00:09:34ضَ

تلاقيه كداب. يا تلاقيه مجهول. يا تلاقيه مجروح. باي نوع من انواع الجرح. خلاص؟ اذا لما انا اقول صحة تستلزم صحة المال يبقى صحة السند من اول واحد رواه. ما تجيبهوليش من النص. خلاص كده - 00:09:54ضَ

فهو بيقول ان فيه اساليب صحيحة ومتون من كرة بقول له ماشي اساليب صحيحة في الزاهر. لكن عند ارباب الحديث الاساتزة الكبار بقى والائمة الجهابذة ما ينطليش عليهم الظاهر اللي انت شايفه ده - 00:10:14ضَ

يعرفوا ان فيه علة من تحت ما يعرفش يجيبها غيرهم. انت ينطلع عليك انت وامسالك. اه تفتح كتب الرجال تقول ده ثقة والتاني وراه ثقة والتاني واذا بهم ثقات لكن ائمة الحديث لأ - 00:10:30ضَ

خلاص؟ لكن انا هقول لك السند تمام التمام. المتن اللي مزعلك ده حاجة من اتنين متعارض مع متن اخر صد رد كدهو او يمكن الجمع بينه وبين المتن الاخر. فقبل ما تقول لي صد رد وتخبطهم في بعض - 00:10:45ضَ

نحاول نوفق نشوف الكلام ده يحمل على محمل. والتاني على محمل تاني ولا لأ احتمال يكون المتن ده حلق والمتن اللي بعديه حلقة وبينهم حلقة مفقودة. انا اقدر اجيبها من الطرق الاخرى للحديث. لو انا بالم طرق الحديث هلمها اجيبها - 00:11:11ضَ

خلاص؟ يبقى كده ايه؟ يبقى كده جمعت شتات المتن ازا عملت المجهود دهوت واستطعت ان انا اوفق بين هذين المتنين اي وجه من وجوه الجمع المعروفة وهي مائة وجه وواحد. ازا ما نفعش الاولاني يبقى التاني ما نفعش التاني يبقى التالت - 00:11:34ضَ

ما فيهاش المية يبقى المية وواحد. قولوا لي بقى فيه في الدنيا متنان لا يلتئمان من مائة وجه اهو علماء المسلمين سواء كانوا من المحدثين او الفقهاء وضعوا مائة طريقة للجمع ما - 00:12:00ضَ

بين المتنين اللذين ظاهرهما التعاض. ازا المية ما نفعوش انا هاسلم لك بان واحد منهم كذب او خطأ فالمعترض دهوت اللي بيتكلم ده يعرف يجيب لي المية دول يعرف يلمهم لي بس فضلا عن ان هو يفهمهم - 00:12:22ضَ

فالمسألة المسألة مش بالدراع. المسألة لها قوانين فالنهارده اللي احنا بنعمله ايه بنوفق ما بين المتون التي ظاهرها التعارض. ليه؟ لان الصحة احنا انتهينا منها البخاري ومسلم خلاص ما فيش بعدهم مذهب لحد - 00:12:45ضَ

صحيح صحيح بالتلاتة ها على المذهب الثلاثي المعروف. خلاص يبقى باقي المتن اللي احنا شغلنا ايه اللي احنا شغلنا فيه. فهو النهاردة الحديث اللي هو بتاع ابن عمر اللي عبد الله ابن عمر كتب الى نافع بيقول له الدعاء قبل القتال. يعني الانذار - 00:13:07ضَ

قبل القتال ثلاثة كتب له قال له الكلام ده كان في اول الاسلام. ليه؟ كان الاسلام لم يطوق الجزيرة اناس كثيرون بلغهم ان في رسول بعث لكن ما يعرفوش بعث بايه؟ ولا دينه جاب ايه؟ فليس من العدل ان انا احارب دهوت قبل ما اعرفه - 00:13:30ضَ

اعرفه الاول الاسلام وانه يجب عليه ان يؤمن بالله واليوم الاخر ويؤمن بالنبي صلى الله عليه وسلم ويمتثل لاوامر الاسلام واعرفه ازيل عنه عرض الجهل. خلاص؟ اذا وصلوا الانذار خلاص - 00:13:48ضَ

انا بقى مش هقول له خلي بالك. الساعة اتنين ونص بالليل هكبس عليك. مين اللي يعمل دي في الدنيا بل الحرب خادعة دي جاية ليه ؟ خلاص هو عارف فانبذ اليهم على سواء قلت له ما لكش عندي على اهل ولا ذمة. زي حديث عمرو بن عبس اللي احنا قلناه الجمعة اللي فاتت - 00:14:05ضَ

وهو في سنن ابي داود لما معاوية ابن ابي سفيان كان بينه وبين الروم عهد. يا جماعة نعمل هدنة عهد بينا لمدة سنة هتخلص في تلاتين زو الحجة خلاص يوم تلاتين زو الحجة - 00:14:25ضَ

قام معاوية بن ابي سفيان رضي الله عنه واخد الجيش ورايح عشان يغزو الروم. عمرو بن عبسة الصحابي الجليل عرف ان معاوية واخد الجيش كله ورايح عشان ايه يغزو الروم. ما هي الهدنة خلصت. فجعل يقول بيجري بقى بالفرس بتاعه - 00:14:44ضَ

يقول الله اكبر الله اكبر وفاء ولا غدر فمعاوية سامع قال له ايه الموضوع؟ اسألوه ايه هو يقصد ايه وعايز ايه فقال سمعت النبي صلى الله عليه وسلم يقول من كان بينه وبين قوم عهد خلاص؟ فلا يشد - 00:15:01ضَ

عقدة ولا يحلها حتى ينقضي امدها دي نمرة واحد. او ينبذ اليهم على سواء خلصت المدة الناس ممكن يكونوا غلطانين. سهيانين يقول لك ده الهدنة هتخلص بعد يومين. اما نبعت واحد يجدد الهدنة - 00:15:21ضَ

خلاص قد يخطئ في يوم ولا يومين ولا بتاع يبقى هو ازا كان ناسي يبقى ما بقي الا ان تنبذ اليهم على صلاة ابعت له الرسول تقول له خلي بالك ان النهاردة اخر يوم. وانا كده ما عادش بيني وبينك هدن - 00:15:45ضَ

يقوم يعرف ان هو دخل في ساحة الحرب معي. يبقى انا كده اديته ايه؟ اديته فرصته انه هيجهز نفسه. خلاص؟ ادي معنى ايه او ينبذ اليهم على سواء. وده معنى الاية. تمام كده؟ فبنو المصطلق دول النبي صلى الله عليه وسلم غزاهم - 00:16:01ضَ

وهم على مياههم. طبعا في بعض الروايات اللي هم احتجوا بها عشان يضربوا هذا الحديث. اخذوها من مغازي موسى ابن عقبة وانما رأى موسى ابن عقبة هذا عن الزهري معضلا او مرسلا. الكلام اللي هقوله لده. ان النبي صلى الله عليه وسلم ارسل - 00:16:22ضَ

الى بني المصطلق الحارث بن ابي ضرار وعرفهم ان هو ايه سيقاتلهم. والحارس جمع قومه وبتاع واصطفوا للقتال وحصل مقتلة والكلام قال لك ده الكلام المعقول لانه لا يجوز لاحد ان يبدأ الحرب قبل الانذار - 00:16:42ضَ

تمام؟ انا بقول دلوقتي انا عندي حديث في البخاري اهو. ومسلم ابن عون ورواه عن ابن عون جماعة. عن نافع عن ابن عمر. وتفرد ابن عمر بهذا الحديث ولم يشاركه - 00:16:59ضَ

فيه احد ده متفق عليه يعني اعلى درجات الصحة بعد المتواتر يعني في مقابله سند مرسل او معطى. انا لما احب اعمل مقاومة بينهم ومعارضة. مين اللي يكسب طبعا قطعا السند المتصل اللي هو اتفق عليه البخاري ومسلم - 00:17:16ضَ

تمام؟ فالرواية دي رواية لا تصح ان النبي صلى الله عليه وسلم ارسل اليهم وانذرهم الكلام ده. وكانت بني المصطلق في آآ في شعبان سنة خمس من الهجرة وقال ابن اسحاق انها كانت سنة ست من الهجرة والقول ده قول ضعيف. وسر ضعفه ايه؟ شف بقى - 00:17:35ضَ

علماء الحديث بيعملوا ايه عشان تعرفوا العلماء الحديس دول لهم منة في اعناق الامة. قال لك سنة ستة ده غلط طب غلط ليه قال لك لان غزوة المريسيع او غزوة بني المصطلق سميت المريسيع الايه؟ لان الماء بئر الماء اللي كان بين المصطلق بيسقون الانعام عليه - 00:17:59ضَ

اسم ماء المريسيع. زي بغزوة بدر كده اسمها بدر ليه ؟ عشان بئر بدر اجتمعوا عليه. وحصل القتال ناحيتها فقال لك ايه قال لك غزوة بدر جبل احد. قال ايه؟ قال لك عشان الحرب كانت على الجبل والكلام ده. فاسمها غزوة المريسيع ليه؟ علشان مات - 00:18:28ضَ

المريسيع اللي كان باب المصطلق بيسكو الانعام من قال لك لما رجع المسلمين من غزوة موريسيع حصل ايه؟ حادثة الافك وهم راجعين من الغزوة وطبعا مع عائشة رضي الله عنها الجمل بتاعها راح تقضي حاجتها جم الجماعة - 00:18:50ضَ

ماشيين معه شالوا الهودد كده فزنوا ان هي عائشة فيه لانها لما راحت تقضي حاجتها قاموا كلهم تفرقوا بقى راحوا في حتة وقال لك كان ربع ساعة كده وهنتجمع تاني. فهي بعد ما قضت حاجتها وهي ها هتوصل للجمل عشان تركب تحسست صدرها. واذا - 00:19:12ضَ

لها انفرط. مش لاقية العقد اللي كان في صدرها ولانها جارية حديثة السن. ما لهاش تجربة. قامت واخدة بعضها لو راجعة تاني للمكان الذي قضت فيه حاجات عشان تدور على الايه ؟ تدور على العقد. طب هي لو لها تجربة كانت عملت ايه ؟ كانت راحت للجمل - 00:19:32ضَ

وقالت للرجالة دوروا لي على العقد مش كده؟ لكن لانها جارية حديثة السن اتصرفت من ايه؟ من دماغها. قامت راجعة تاني لايه؟ تدور على العض فين وفين؟ غابت لها نص - 00:19:52ضَ

نص ساعة مسلا. الجماعة كانوا متفقين بعد ربع ساعة ييجوا. فطبعا قاموا جايين على طول شايلين الهودة حاطينه على الايه؟ على الجمل. وما انكر خفة الهودج ليه؟ لان عائشة رضي الله عنها كانت صغيرة السن. وكانت يعني مش تخينة - 00:20:06ضَ

بدينا كما قالت لم يثقلهن اللحم. فلم يستنكروا خفة الهودة. اربع رجالة بيشيلوا هودك خلاص يبقى ما فيش حد هيحس بتقل الهودة حتى لو تقيل. تمام؟ حطوا الهودج مشيوا فضلوا ماشيين ماشيين هي رضي الله عنها لقت العقد - 00:20:22ضَ

جت ما لقتش الجمل خلاص كده قامت قاعدة مكانها. صفوان ابن المعاطي للسلمي راجع بقى من الغزو الجماعة مشيوا كلهم وصفوان ده كان ايه رضي الله عنه كان بيتأخر على طول. كان بيتأخر لحاجتين. الحاجة الاولانية كما في طبقات ابن سعد - 00:20:39ضَ

يعني ان هو كان ايه بعد ما الجيش يمشي يعمل ايه جرد للمكان انت عارف الجيش بقى لما يمشي واحد ينسى حاجة تقع منه بتاعة يقع منه محفظة يقع منه مغرفة يقع منه حلة بتاعة كان يلم كل الكلام - 00:20:57ضَ

ويدخل على الجيش مين اللي ضايع له كزا مين اللي وقع له كزا وعرف الايه الحاجات دي ويديها لاصحابها. او انه كان لؤوما لما كان بينام ما كنش حابب يعرف يصحيه بيصحى ايه لوحده. تمام؟ فصحي كانوا هم مشيوا على ما فاق وبتاع وصحي وبتاع كان ايه؟ كانت اخر - 00:21:12ضَ

اول ما جاء وجد عائشة خلاص قالت فلما رأيته ارخيت علي حجابي وكان يراني قبل الحجاب. يبقى الحجاب ايه؟ كان مفروضة دي نمرة واحد. نمرة اتنين لما النبي صلى الله عليه وسلم رجع للمدينة بقى والجماعة خاضوا في حديس الافك وبتاع وصعد المنبر وقال من يعذرني من رجل بلغ - 00:21:30ضَ

بني اداه في اهلي والله ما اعلم عن اهلي الا خير فقام سعد بن معاذ وقال يا رسول الله ان كان من الاوس ضربت عنقه. وان كان من اخواننا من الخزرج امرتنا ففعلنا ذلك. ما رضاش - 00:21:57ضَ

قل امرتني فضربت عنقه. ليه؟ لان كان في بين الاوس والخزرج مشاكل في الجاهلية. والخزرج كان لها سيد. وهو سعد بن عبادة. والاوس كان سيدها سعد بن معاذ. فهو لو قال وازا كان من الخزج امرتني فضربت عنقه يعتبر تعدي على مين؟ يعتبر تعدي على سد ابن عبادة. وهم بقى - 00:22:14ضَ

الاسلام كان هذبه وكان رباه. خلاص؟ فما يتعداش فطبعا سعد ابن عبادة لما سمع سعد ابن معاذ بيقول الكلام ده قال له والله لا تقدر ولا تستطيع. خلاص؟ قام اسيد ابن حضير ابن عم سعد ابن معاذ قال له انك - 00:22:34ضَ

منافق تجادل عن المنافقين. حتى هم الحيان جميعا ان هم يتقاتلوا بالسلاح. في المسجد. والنبي صلى الله عليه وسلم واقف على المنبر ايه؟ يخفضهم قعدهم كده ويقولوا لحد ما سكتوا خالص. سعد بن معاذ - 00:22:49ضَ

مات امتى؟ مش بعد ما حكم في بني قريزة؟ ها؟ وبني قريزة دي كانت بعد الخندق والخندق كانت في شوال سنة خمس. يعني سعد بن معاذ مات سنة ايه سنة خمسة يبقى ينفع اقول المريسية كانت سنة ستة - 00:23:05ضَ

ما ينفعش لان كان سعد بن معاذ مات. فازاي بقى سعد بن معاذ هيقف لسعد ابن معاذ؟ يقول له ومش عارف ايه ويتراشقوا مع بعض ادي المحدثين وادي جهد المحدثين - 00:23:27ضَ

حتى دي ما تعديش وفي ناس قالوا سنة اربع وغلطوها. وقال لك سنة تلاتة وغلطوها. واي تغليط للمحدثين في تاريخ من التواريخ يقيمون عليه البرهان ما هيش مسألة كده آآ داخل آآ بحماره زي ما بيقولوا. ها فبنوا المصطلق دول كانوا قوما بلغتهم الدعوة سنة خمسة يعني - 00:23:40ضَ

يعني يعني كانت بعد بدر وكانت بعد احد وكانت بعد ذات والسويق يعني كانت سبقتها غزوات وسرايا قد كده وكان بنو مصطلق قوم من العرب بطن من بطون العرب وعايشين في الجزيرة - 00:24:02ضَ

خلاص كمان. فيعني بلغهم امر النبي صلى الله عليه وسلم. وعارفينه من اوله لاخره. يبقى ده بلغتهم الدعوة ولا لأ؟ يبقى لا الانذار ما لوش اي معنى هنا. الكلام ده اما انت تسبت لي ان بني المصطلق لم تبلغهم الدعوة اصلا. تيجي تقول لي ازاي تاخدهم على غفلة - 00:24:20ضَ

لأ انت لازم كنت الاول تعلمهم الاول وتوصل لهم الدين الاول والكلام ده والبتاع. والكلام ده برضو احنا بناخده بحذافيره ونخاطب به الجماعة الذين لا يعذرون بالجهل الجماعة بتوع التكفير ولا توقف التباين ولا الكلام - 00:24:39ضَ

وكان جاي من كم يوم واحد جاي يناقشني من حوالي عشر تيام كده. وطبعا قبل العشر تيام ده ساب لي رسالة كده يعني عصماء وانت راجل عمال تتكلموا لي في الاخلاق وسايبين لنا التوحيد. واللي مش توحيد واللي مش عارف ايه والكلام ده. الراجل ما بيحضرلناش ولا يعرف احنا بنقوله فين. ده احنا حياتنا كلها - 00:24:53ضَ

حتى الفروع الفقهية بنردها للتوحيد برضو تمام. وسايبين الجهل والعزر بالجهل ومش عارف ايه والجهل وبتاع ولقد انزرتك وقد بلغتك. الله! يعني انا بقى كفرت بقى طالما انه بلغني واقام علي الحجة والكلام. وطبعا بعت لي كتاب على اساس ان انا ايه يعني الكتاب ده مش هيكون عنده والكتاب ده كتاب خايب جدا جدا اسمه العذر بالجهل. تحت المجهر الشرعي - 00:25:13ضَ

الواحد يعني محتاج انه يتعلم الف به. تاني. وحط لي الكتاب. المهم نزلت لقيته فقال لي والله انا عايز بقى يعني اناقشك في القضية انا كنت بعت لك كتاب كزا وكزا قلت له هو انت اهلا يا اخويا تعال يا حبيبي. ايه يا وزير الموضوع بقى اللي انت - 00:25:37ضَ

هل العزر بالجال ومش قال وبتاع والكلام ده ؟ قلت له طيب خلينا نتفق الاول لو ان رجلا كذب رسول الله صلى الله عليه وسلم في ديار الاسلام حكم ايه - 00:25:54ضَ

قال لي كافر. تمام؟ طيب. لو ان رجلا يصلي اماما في المحراب. وهو بيقرأ دخل سورة في سورة عامدا يبقى ايه اللي يبقى كافر قلت له وجاهلا يبقى ايه وقف - 00:26:13ضَ

لان ما فيش حد ابدا كفر ايمان من ائمة المسلمين دخل صورتين في بعض. وهذا لو فعلها عامدا لكفر خلاص كده ؟ يبقى هذا الرجل لما فعلها ساهيا او مخطئا - 00:26:44ضَ

عزرناه قلت له خزامى ابن ثابت الانصاري لما في الحديث بتاعه لما النبي صلى الله عليه وسلم اشترى البعير من الاعراب وقال له خلاص يا عرابي اتفقنا على تمن البعير؟ قال له ايوة. جه واحد من المسلمين تاني عجبه البعير وما يعرفش النبي صلى الله عليه وسلم اشترى. قال له يا اعرابي الدعن البعير ده - 00:27:05ضَ

قال له بكام ؟ النبي صلى الله عليه وسلم مسلا فرض البعير مسلا عشرين درهما. قال له ميت درهم. قال له ماشي اتفقنا النبي عليه الصلاة والسلام عرف ان الاعرابي باع الجمل. الله - 00:27:25ضَ

فندم قال له يا اعرابي الم تبعني الجمل؟ قال له ما حصلش هو انا بعت لك حاجة. قال لي يا اعرابي انت بعتني الجمل. قال ما بعتك شيئا. هلم شهيد يشهد انني بعتك. هات واحد - 00:27:40ضَ

انا ما حصلش. اللي يقول الكلمة دي مجردة كده عامدا عارفا يبقى ايه ؟ يبقى كافر. تمام؟ طب النبي النبي عليه الصلاة والسلام عمل ايه في الراجل؟ الاعرابي كفره؟ ما كفروش. انت عارف يقول لي ايه؟ يقول لي طالما ما كفروش يبقى - 00:27:54ضَ

الكلام بتاعه مش كفر بنعجن في البتاع كده. قلت له يا اخي في نهاية الكلام. قلت له يعني بدل ما عملية تكفروا الخلق علموهم الاول علموا الاول وبعدين كفاروا براحتك بعد كده. بس علمه. انت فاكر ان احنا في المدينة النبوية وفي ايام الصحابة - 00:28:18ضَ

انا باقول لك اهو. انت انت لو رجلا منصفا. لو قلت لك سم لي في مصر كلها عشرة انت نفسك تعتقد انهم علماء مش هتعرف تسمعهم وطبعا مصر فيها الحمد لله اكتر من كده. لكن هو ما يعرفش يسميهم - 00:28:42ضَ

فناس راجل كبير خالص ومشهور خالص وبيعمل الدرس بتاعه جنب قبر الحسين. رضي الله عن الحسين. درس التفسير بتاعه. جوة والعوام ما يعرفوش اي حاجة. ويقول لك ده راجل عالم ولو كان غلطا ما فعله ولو كان مش عارف ايه ما عمله والكلام ده. وهم - 00:28:58ضَ

يريدون الله ورسوله لكن زنوا ان هو ده العالم وهو البتاع ولا يمكن يعمل حاجة غلط. فتابعوه الناس دول كيف يكفرون؟ يعني قلت له يعني ابوك كافر؟ انا عايز افهم يعني. ابوك يعني انت بتكفر ابوك - 00:29:18ضَ

وكفروا مكة سبحان الله! ده يعني ليس عندهم رحمة. اهل السنة يتميزون برحمة الخلق. انا بدل ما اكفره واشغل نفسي بتكفير طوب الارض. اعرف ان الناس عايشة في بيئة جاهلة. وان فيه الف واحد ضلالي وبالواحد من اهل السنة. وصوت - 00:29:33ضَ

الضلالية هو اللي مال الانترنت ومال الفضائحيات ومال الازاعات ومال الجراد والمجلات. وصوت اهل الحق هو اللي ضعيف وخافت وما بيوصلش لاغلب الناس ففي وسط المدلهمة الخطيرة دي والعظيمة دي اقعد اكفر لأ الاسلام اهو يقول لك لأ انا في مسلا باب القتال لا - 00:29:54ضَ

ما بلغوش الدعوة ولا عنده فكرة عن حاجة اعلمه؟ واقول له ان فيه اسلام وفيه كزا وقد اوجب الله عليك الايمان به والا تشرك به شيئا واوجب عليك الايمان رسوله صلى الله عليه وسلم وانه جاء باوامر ونواهي ويلزمك منها كذا وكذا ودي اركان ودي واجبات ودي مستحبات والكلام ده وعرفه. اذا قال انا بلغني - 00:30:14ضَ

يعني ايه ؟ قولك وانا كده عرفت انت عايز ايه وانا حر يبقى واحدة من تلاتة زي حديث بريدة اللي احنا قلناه قبل كده يا يسلم يا يفضل على دينه ويدفع الجزية يحاربه - 00:30:34ضَ

ما فيش الا واحدة من التلاتة دول فهو اللي هو عايزه انا هاعمله له خلاص بس هيظل على دينه خلاص يبقى ادفع الجزية فيه عندنا احكام متعلقة بالمسألة دي. فيبقى النبي عليه الصلاة والسلام لما هاجم بني المصطلق - 00:30:53ضَ

هم غارون. ليه؟ لان الدعوة بلغته. ناس عايشين في دقيقة العرب. والدنيا نار مولعة من يوم ما بعث النبي صلى الله عليه وسلم. وحروب طاحنة ما بين المسلمين المسلمين وبيئة الكافرين. ازاي بقى ابلغهم بقى؟ لا يبقى في الحالة دي ايه؟ الحرب خدعة. ان انا ايه اهجم على عليهم وهم غرون في ابله - 00:31:07ضَ

هذا ما فعله رسول الله صلى الله عليه وسلم المتن ده في حاجة من كرة يعني؟ عشان يقول لك ده غدر والنبي صلى الله عليه وسلم لا يغدر اذا فالحديس موضوع - 00:31:27ضَ

والواقعة لا تصح حتى لو كانت في البخاري ومسلم. الحاجة اللي احتجوا بها كمان واقعة قتل ابي رافع اللي هو عبدالله بن ابي الحقيق او سلام بن ابي الحقير. والواقعة دي في صحيح البخاري - 00:31:37ضَ

من حديث البراء ابن عازب ان النبي صلى الله عليه وسلم انتدب لابي رافع هذا عبدالله بن عتيق وجماعة من الانصار زي عباد ابن بشر وابو عبس ابن جبر وجماعة من المسلمين - 00:31:51ضَ

ابو رافع ده كان راجل غني اوي. وكان بيستعين بالمال بتاعه على ايذاء النبي صلى الله عليه وسلم وعلى ايذاء المسلمين فالنبي عليه الصلاة والسلام قال لهم ايه خلصوني منه. فطلع عبدالله بن عتيق والجماعة وصلوا للقلعة بتاعته - 00:32:09ضَ

وكانت في اطراف الحجاز وعنده بقى ايه جماعة سهرانين وبتاع من الجماعة الاكابر فعبدالله بن عتيق قال لهم انتم ايه؟ خليكم بعيد كده وانا هحاول ان انا ايه هه ادخل كده بالراحة كده لحد ما اوصل - 00:32:26ضَ

والطف البواب الطف البواب كده عشان ادخل جوة تمام؟ وكما يقال اذا اراد الله شيئا هيأ اسبابه. ايه الجماعة اللي كانوا سهرانين؟ اتعشوا وخارجين خلاص فخرج حمار من الزريبة تمام - 00:32:38ضَ

طلعوا يدوروا على الحمار. فهو طبعا معروف. فخشي ان يعرف. فلما لقوا الحمار قام ايه حاطط العباية بتاعته على راسه كده ومغطي ليه وقال وجلست كانني اريق الماء. كانه بيتبول. فالراجل البواب - 00:32:58ضَ

عارف ان الجماعة بيدوروا على الحمار. فاكيد واحد راح يمين وواحد راح شمال. فصرخ اللي هيدخل هيدخل انا هقفل الباب. قام داخل دوغري تمام؟ وقام داخل في مربط الحمار وقاعد - 00:33:17ضَ

وبص للبواب هيحط المفاتيح فين مفتوح فيه كده في في طاقة كده استنى بقى شوية لما الدنيا هديت خالص. والبواب نام وقام قايع على المفاتيح. اول حاجة عملها قام قافل على البواب. من بره - 00:33:32ضَ

تمام؟ وبعدين ام داخل الايه القلعة. فاذا هي مظلمة مش عارف يروح فين ايه اللي عمله؟ قعد يجرب في المفاتيح ويقفل الابواب عليها ومش عارف تجاهه. فقام منادي عليه. يا ابا رافع قال له من المنادي؟ فعرف الصوت فين - 00:33:52ضَ

قام رايح له ومعه السيف. اول ما وصل له قام ضاربه ضربة كده طلعت كده في الايه؟ في الهوا. يدوبك ايه طيرت الطيارة بتاعته ولا حاجة. ليه؟ لان ابا لان عبدالله بن عتيق قال فضربته وانا دهش. دهش يعني بيرتعش. عنده دهشة كده - 00:34:13ضَ

ورهبة من فصرخ ابو رافع قال فغيرت صوتي وناديته كأنني اغيثه. ما لك يا ابا رافع؟ قال الويل لامك. ضربني رجل قام مدي له ليه؟ مدي له الضربة التانية برضه. قال ما اغنت. برضو يعني ايه شف دي اضربه مرتين ومش عارف يجيبها - 00:34:33ضَ

التعتيق ده يعني بطل مغوار. لكن احيانا الانسان ايه ممكن تخونه يعني يده. المهم فضل وماشى وراه او هي لحد ما هنبارك فوق وحط بقى السيف هنا في الحتة دي - 00:35:05ضَ

وقام كابس على السيف قال حتى سمعت صوت العظم. خلاص قام شادد السيف بتاعه ويقعد يفتح الابواب. وطبعا كانت الدنيا ايه قمراء وطبعا دي قلعة. قلعة يعني ايه؟ يعني بتبقى فوق على ربوة كده وفيه سلالم - 00:35:22ضَ

وبتاع. المهم ما خدش باله من البتاع رجله فلتت على السلم. وقع قامت مكسورة نصين خلاص؟ هو طبعا قافل على البواب. وده راجل رجله مكسورة. انت عارف عمل فيها ايه - 00:35:41ضَ

اللسة اللي هو لابسها مرابطها رابطها. ومط السور. واخد بالك؟ زمايله طبعا والصحاباوي مستنيين قال لهم بشروا رسول الله صلى الله عليه وسلم. روحوا قولوا له انه ان الله قتل ابا رافع. قالوا له تعال قال لهم لأ انا لن ابرح - 00:35:58ضَ

مكاني حتى اسمع صوت الناعي الجماعة اللي بيقولوا ايه توفي مش عارف ايه وبتاع والكلام ده. ها فبيقول لك فلما اذن الديك وقف الناعي على السور وقال انعي ابا رافع تاجر اهل الحجاز. قال فانطلق - 00:36:21ضَ

الى رسول الله صلى الله عليه وسلم ما بي قلبه. انا مستغرب جري ازاي برجل واحدة لان هو رابط رجله اللي اتقطعت دي ربطة كده ما بي قلبك كانه يعني سليم سام. ولما راح للنبي صلى الله عليه وسلم بس ملس كده على رجله رجعت. ردت له - 00:36:45ضَ

وكانت اصح قدميه. اه يقول لك ده قتل غدرا الجواب زي الجواب عن قصة كعب ابن الاشرف. لو واحد بيشتم النبي عليه الصلاة والسلام ومسخر المال بتاعه كله لايذاء النبي صلى الله عليه وسلم. ولايذاء المسلمين - 00:37:09ضَ

ورجل على غير ملة الاسلام يعني المفروض يبقى بينا وبينهم عهد. نقض العهد يبقى خلاص ما لوش عهد ولا ميثاق. يبقى ما بقى الا المباغتة. خلاص ليس له عندي فانبذ اليهم على سواء نبذنا - 00:37:28ضَ

اليهم على سواء وعارف ان في عداوة بينا وبين بعض خلاص يبقى انا كده برئت من الخيانة. فاين رائحة الغدر هنا ادي يا اخوانا الاحاديث اللي هم رصينها ويقول لك دي غدر والنبي صلى الله عليه وسلم لا يقدر تبقى الاحاديس موضوعة - 00:37:45ضَ

نعم لا يغدر النبي صلى الله عليه وسلم والاحاديث صحيحة رغم انوفها عشان كده انا برضو باجي بالمناسبة دي واقعد اتكلم واتكلم في الحوار اللي انا لا امل منه. شبابنا يدرسوا كويس. عشان يردوا - 00:38:03ضَ

على الجماعة دول. الجماعة دول لو تعرفوا بينشروا كتب قد ايه ؟ شعر راسك يقف. انا ما بتابعش الكلام ده. اخوانا في المحاضرات في الدروس بيجيبوا لي الكتب دي. عندي مكتبة ضخمة من من هذا الزخم. ولو انك انت تابعت ما يكتب ضد الاسلام ونقض - 00:38:19ضَ

وللسنة والكلام ده والله يشيب شعرك. طب النهاردة هذا الزخم كله فين المقابل من الردود من ردود اهل السنة ما تقوليش العلم في الكتب وروحي راجع فتح الباري. لان الجمهور بتاعنا النهاردة ما يعرفوش حاجة عن فتح الباب. فمطلوب تلخيص ما في فتح الباري للجماهير بتوعنا - 00:38:39ضَ

والا التصنيف ايه فايدته؟ ما انا كان ممكن اقول لك ما هو البخاري الف في الصحيح بتاعه اياميه وخلصنا. طيب الجماعة اللي كان البخاري الكتاب مات ومعه. واحنا بقى يبقى كل جيل ينقل العلم السالف الى الجيل الذي بعده. الجيل الذي - 00:38:57ضَ

ما هو الجيل الذي بعده؟ وهي دي فايدة العلماء. ان هم ينقلوا الكلام. ما فيش حاجة جديدة احنا بنقولها. لكن الكلام اللي الناس ما تعرفوش احنا بنقرأه فلتروا كده يعني بما يناسب يعني فهم اهل العصر والكلام ده ونقدم له بمقدماته عشان الناس تعرف والا ما جئنا بشيء جديد - 00:39:17ضَ

لم يكن عند اسلافنا الاولين اخيرا طبعا يوم الاتنين الجاي شم النسيم يقال يعني انا ما اعرفش انا لسه بتأكد من واحد من اخوانا بيقول لي نعم. اهو كذلك يعني الاتنين الجاي ولا اللي بعده؟ اللي بعده. ماشي الحال. خلاص. يبقى قبل الهنا بسنة. اهو شم النسيم انتم طبعا عارفين الحكم الشرعي في - 00:39:37ضَ

هذا العيد وانه لا يحل شف كلام اهو ارجو اصل انا مفقوع. ومرارتي على الاخر. من مين بقى؟ من الملتحين والمنتقبات. ماشي الناس اللي هم يعني في الهوا دول اهو مسلا ما بيحضرولناش ما بيعملولناش مسلا بتاع اه ممكن يكون ما يعرفش حاجة. لكن انا بخاطب بقى المجتمع بتاعنا احنا. المجتمع اللي هو - 00:40:01ضَ

احنا بنوجه له الكلام ابتداء. يعني كلامنا مش حكر عليه يعني لأ كلامنا المسلمين جميعا. بس دول اللي بيحضروا لنا بصفة مستمرة اهو ييجي شم النسيم بعمل جولة كده باطلع - 00:40:28ضَ

اروح عند حديقة صنعاء عندنا هنا في الكفر عشان اشوف الايه القصة دي. اقوم الاقي اخويا منتقبات شايبينها ساحبين عيالهم وملتحين ماشيين دي بقى بتتفسر بايه دي؟ هذا ليس من اعياد المسلمين دي اعياد اهل الكفر - 00:40:42ضَ

لا يحل لمسلم يؤمن بالله واليوم الاخر ان ان يكفر السواد في عيد المشركين اللي مال الحدائق هم المسلمين وهذا لا يجوز ونقل ابن تيمية اتفاق العلماء او اكثر جمهور اهل العلم على تحريم ما يقوم بيع ما يقوم به يعيده - 00:41:00ضَ

ما تبيع رنجة ولا تبيع فسيخ ولا تبيع بيض ولد بيعلمون ولا اي حاجة يقوم به هذا العيد. ومن فعل ذلك فكسبه حرام وهو اثم الكلام ده مش كلامي. الكلام ده كلام اهل العلم. ومن اكثر الناس تشديدا في هذا الحنفية. يبقى انا ارجو - 00:41:27ضَ

ان ان المسلمين يستجيبون لهذه الدعوة. ما تاكلش يوم اتنين خالف المشركين وصم في يوم الاتنين ده مش عايز تصوم لا تطعم مطعوما مما يطعم به في هذا اليوم وطبعا يا اخواننا انا اتلو على مسامعكم - 00:41:54ضَ

قول الله عز وجل يا ايها الذين امنوا استجيبوا لله وللرسول اذا دعاكم لما يحييكم احنا محتاجين هذه الحياة. الحياة اللي هي من الوحي قرآنا وسنة. احنا النهاردة الامة مروا بازمة خطيرة - 00:42:18ضَ

ادي السلطة الفلسطينية امريكا اللي بتقول لك ليل نهار اي شعب يختار اي حكومة احنا معه. فلما الجماعة الفلسطينيين اخوانا اختاروا حماس قطعوا عنهم المعونات. النهاردة امبارح امبارح الموزفين الفلسطينيين عاملين اضراب - 00:42:40ضَ

آآ المنظمة المكاتب الرئاسة الحكومة في رام الله لان الحكومة ليس عندها اموال لدفع الموظفين يعني الحكومة الفلسطينية الان مفلسة ليس عندها رواتب الموظفين خلاص دول عربية اللي هم قالوا هنعوض حماس نعوض الحكومة الفلسطينية الخسارة والكلام ده بقى له - 00:43:00ضَ

من شهرين ها لحد النهاردة ما دفعوش حاجة الدول العربية والا ايه معنى ان الحكومة ليس عندها في الخزانة رواتب للموظفين. ده يدل على ان ما عندهاش فلوس. فكان المفترض - 00:43:30ضَ

بعد ما امريكا قطعت خمسين مليون كحكوح والاتحاد الاوروبي برضو قطع الكلام دهوت وروسيا والكلام ده تمالوا على قطع المعونات. يبقى معروف ان ما فيش رافض الحكومة دي كان المفروض الحكومة الخزانة تمتلئ فورا عشان ما يحصلش هذا الانكشاف الانكشاف الظاهر اللي حصل للفلسطينيين - 00:43:45ضَ

على الجانب التالي قصة الايه؟ قصة بقى الازمة النووية الايرانية. وعمالين يايه عمالين برضو يتداوله الكلام ده. لكن لعلكم تذكرون قبل ذلك. يعني النهاردة الرئيس الايراني لما تخن دماغه وقال لك انا اعلنها اننا انضممنا الى النادي النووي - 00:44:03ضَ

وانني خصبت رؤيا من بنسبة تلاتة ومش عارف وكم من عشرة. والحدوتة دي. امريكا عملت ايه ولا عملت حاجة مش كانت قبل يعني في البداية كده عمالة تلوح بالحرب وبتاع ومجلس الامن وهات يا جدع ورح يا جدع. ايه اللي حصل دلوقتي - 00:44:23ضَ

قال لك هنبعت البرادعي والبرادعي هيرجع لنا بالبردعة. ها ها اه طبعا البراجة طبعا راجعة بالبردعة لان الحمار وهناك ها اللي هو الذي ينتفع به. هناك مش هيعملوا حاجة. ودلوقتي الصين وروسيا لان لهم مصالح اكيدة مع ايران من نجاة - 00:44:45ضَ

النفط من جهة الغاز والكلام دهوت القصة كلها قصة مصالح. ها؟ قصة مصالح. فهم قال لك الخيار العسكري لأ. وآآ الخيار اللي مش عارف ايه اه خلاص لسة الخيار بالسلمي ماشي لحد النهاردة. ويقول لك آآ طبعا هو زكي لعبها كويس. ليه؟ ايران - 00:45:05ضَ

وطبعا مين اللي ماسك العراق دلوقتي الشيعة هتنضرب ايران سيهيج الشيعة طبعا الحرب الضروس قائمة على مين؟ في العراق؟ على السنة حصد يحصدونه. الشيعة بيحصدوهم والامريكان بيحصدوهم والبسالة والبطولة والكلام ده اهل السنة اللي عاملينها في العراق - 00:45:25ضَ

تمام؟ ما يقدرش والوضع متودل القصة مش قصة الفين وخمسمية قتيل لحد دلوقتي امريكا يضرب في عشرة يضرب في عشرين ها اضرب في ده يعني اللي هم دلوقتي بيقولوا خساير الامريكان حتى الان في العراق تساوي خساير الامريكان في فيتنام لمدة عشر سنين - 00:45:50ضَ

العراقي ده مغوار دماغه زي الحديد. عنده شهوة الانتقام هو دخل في حارة سد. فهو النهاردة مش قادر يخلص من السنة هيقلب الشيعة ليه ؟ ما يقدرش. الحاجة التانية ان ما يقدرش يكرر القصة اللي حصلت مع العراق سنة واحد وتمانين. لما - 00:46:10ضَ

اما اسرائيل ضربت المفاعل النووي العراقي وهو كان لسة تحت الانشاء. لأ ده المفاعلات النووية الايرانية دي بتبنى من ايام الشاة شاه ايران. واللي كان بيساعد الشاه على بناء المفاعلات النووية. امريكا نفسها. واسرائيل نفسها. ليه؟ لان كان - 00:46:37ضَ

هو شرطي المنطقة. وكانت امريكا متكأة عليه اتكاء كاملا في تأديب المنطقة والتلويح بتأديبها. والا النهاردة الخليج كله مرعوب يقول لك النهاردة ايران ومعها سلاح نووي هنعمل ايه مع الايرانيين - 00:46:57ضَ

ده الخليج كله على بعضه لو نفخه يطير. مش هيودي له صاروخ ولا بتاع. تمام؟ فالمفاعلات النووية كثيرة في ايران. مش مفعل واحد ده مفاعلات كثيرة جدا. وبعدين عمقها تحت الارض لا يستطيع اي صاروخ يوصل لها. بانينها بناء محكما. هم عارفين - 00:47:12ضَ

ممكن يتعرضوا يتعرضوا لضربة عسكرية وزعوا القصة بتاعتهم على مفاعلات كثيرة. لو اتضرب مفاعل ولا اتنين مش هيؤثر على البنية النووية الايرانية تمام كده؟ يبقى خلاص العملية برضو ايه تسعى الخرق على الراقي عند الامريكان. بس الامريكان لو ضربوا ضربة لن تكون ناجعة ولن تؤثر على مقدرة - 00:47:32ضَ

النووي بس هتكون شعلانة المنطقة. ايه اللي يحصل في مخ احمد نجاد بقى؟ انه عادي صاروخ صاروخ كده باليست اللي هو من حوالي خمستاشر يوم اهي المنارة دي في في الخليج. ها رد على الامريكان. عمل مناورات بحرية واطلق صاروخ جديد. مداه مش عارف الف وستمية كيلو - 00:47:52ضَ

لما يحط في الصاروخ ده بس يعني رأس نو ولا حاجة وابعت لاسرائيل صاروخين تلاتة اربعة يبقى خربت الدنيا خلاص ما هي المسألة بقى ما احنا مش عارفين علي وعلى اعدائي. الصاروخ يروح يمين ويروح شمال. ياكل اللي يقابله في طريقه وخلاص. انا راجل بانتحر. فهم القصة دي كلها - 00:48:13ضَ

هم عارفينها كويس جدا ودارسينها كويس اوي اوي. فالمسلمون هم الذين يقاتلون في كل مكان على اختلاف عقائدهم كفر كله تمالى على المسلمين. فالنهارده احنا اللي يهمنا وده اللي انا بدندن عليه. المصادر الاصلية بتاعتنا. المصادر الاصلية كتاب الله عز وجل - 00:48:30ضَ

وسنة نبيه صلى الله عليه وسلم. القرآن الحمد لله محفوظ نصه ولفظه بيلعبوا في التفسير خلاص؟ السنة بيلعبوا فيها اما يقول لك الرواة دول كدابين يا اما يقول لك المتن دا مخالف لمش عارف مين وما فيش حد لا بيرى حد يعني. اللي - 00:48:49ضَ

القصة ويعرف ان ما فيش لا تعارض ولا الكلام ده. قلة قليل. يبقى لابد يكون في كتائب من طلبة العلم واهل العلم ينطلقوا في كل مكان يدافعون عن هذه المصادر الاصلية. والا انا باعتقد اعتقادا راسخا اذا سقط البخاري فقد سقط المسلمون - 00:49:07ضَ

قصة مش قصة ارض او البخاري سقط ما عدش في ايدك حاجة. يبقى خلاص بقى مسلم هيسقط والسنة الاربعة يبقى فضلا بقى عن المسانيد والمعاجم والمشايخات والكلام ده ارمها بقى في البحر. يبقى لن يبقى في يد المسلمين شيء يرجعون اليه عند التنازع او عند معرفة او عند ارادة معرفة - 00:49:26ضَ

بحكم الله تبارك وتعالى. اقول قولي هذا واستغفر الله العظيم لي ولكم. وصلى الله وسلم وبارك على نبينا محمد. والحمد لله رب العالمين - 00:49:46ضَ