باحث

تعالى من شرور انفسنا وسيئات اعمالنا. من يهد الله تعالى فلا مضل له. ومن يضلل فلا هادي له. واشهد ان لا اله الا الله وحده لا شريك له. واشهد ان محمدا عبده ورسوله. اما بعد فان اصدق الحديث كتاب الله - 00:00:00ضَ

تعالى واحسن الهدي هدي محمد صلى الله عليه واله وسلم. وشر الامور محدثاتها. وكل محدثة بدعة وكل بدعة ضلالة وكل ضلالة في النار. اللهم صل على محمد وعلى ال محمد كما صليت على ابراهيم وعلى - 00:00:26ضَ

على ال ابراهيم في العالمين انك حميد مجيد. وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد. حتى نتحقق من معنا الامر - 00:00:46ضَ

الاحكام الشرعية انقسمت عند جماهير العلماء الى خمسة اقسام فلا يأتي نص فيه امر او فيه نهي سواء كان باللفظ المباشر او باللفظ المساوي الا دخل تحت نوع من هذه الانواع الخمسة - 00:01:10ضَ

ولا يخرج عنها بحال. في باب الاوامر ثلاثة انواع. وفي المناهي نوعان. في باب الاوامر الوجوب والندب او الاستحباب والاباحة وفي باب المناهي الحرام والمكروه فاما ان يكون الامر واجبا او مستحبا او مباحا - 00:01:37ضَ

واما ان يكون النهي حراما او مكروها وكلاهما ملتحم بالاخر. عند من يقول الامر بالشيء نهي عن ضده خلاص فيبقى فعل الواجب فيه مفارقة النهي الوجوب كقوله تعالى اقم الصلاة. طب ان لم يقمها - 00:02:14ضَ

يبقى تركها فان تركها وقع تحت النهي. خلاص؟ يبقى انا اذا امرتك بامر فقد نهيتك عن ضده واذا لم تفعل الامر لم تكن ممتثلا يبقى ازا الامر والنهي عملة لها وجهان - 00:02:55ضَ

لا ينفك احدهما عن الاخر تمام وطبعا الاوامر او الاحكام الشرعية بتدخل تحت معان اخرى في ادلة اخرى وانا باقول هذا الكلام حتى ابين للناس ان ديننا متين ومحكم وان كل خطأ نسب الى الشريعة انما دخلها بتأويل فاسد او بغلطة عالم - 00:03:22ضَ

والا فالشريعة في الاصل منزهة عن الخطأ لكن دخلها شبهة وردت لعالم دليل لم يفهمه العالم دلالته خفية فمثلا اذا انا قلت في سائمة الغنم زكاة الصوم هو الرعي يبقى الغنم السائمة اللي هي الغنم الايه - 00:04:03ضَ

التي ترى بس ترعى ببلاش انا ما بعرفهاش لان عشان اعلفها بدفع فلوس من جيبي لأ دي انا بقى واخدها ماشي بها على شواطئ الانهار تاكل خبيزة وتاكل نجيل وتاكل حشيش وتاكل ملوخية - 00:04:40ضَ

ها وما تجدوه من الخضر ده وقف علي ببلاش. ما زكيش ليه ما انا ما غرمتش حاجة اهو يبقى في سائمة الغنم ده كلام النبي صلى الله عليه وسلم. في سائمة الغنم زكاة - 00:05:00ضَ

طب الغنم المعلوفة فيها زكاة ها حلاوتك. ها هنبتدي بقى الماتش اهو. طيب الاتنين فيهم. طيب ها حد يقول اي حاجة فيها زكاة؟ طيب. فيها زكاة. ها اي حد يفتح صدره - 00:05:16ضَ

ها قل. ما فيهاش ليه؟ لا سيبك من الحولي احنا ما قلناش لا حول ولا ولا حولي. ها ما هو الخروف اسمحولي ليه ؟ علشان بيحول عليه الحو فاسمه حولي عشان كده. ها فما جبناش سيرة الحوالة ولا الكلام ده - 00:05:48ضَ

ها؟ ما فيهاش؟ مين اللي قال ما فيهاش؟ ليه؟ رجعت في كلامك؟ ما انت قلت ما فيهاش ها ليه ماشي ما هو قال في سئمة الغنم. ايه بقى ايه الاصل اللي انت - 00:06:08ضَ

اتكأت عليه علشان تقول ما فيهاش ها ها اهو اهو حاجة بسيطة اهي عمالين نطقم فيها وعمالين نخبط في روس بعض. ها بص ها فيها فيها ولا ما فيهاش الاول؟ ما فيهاش ليه؟ ايه؟ ما فيش دليل؟ طيب - 00:06:28ضَ

طب كفاية كده هنضيع الساعة اللي هنقولها. بص يا عم لا حديس تاني للنبي عليه الصلاة والسلام. لا تنتقب والمرأة المحرمة ولا تلبس القفازين. خلاص؟ طب غير المحرمة تنتقب ليه - 00:06:57ضَ

مفهوم المخالفة. اصل كده عند العلماء المفهوم بخلاف المنطوق. خلاص؟ يبقى عندنا الادلة الشرعية الخامسة واجب فمستحب حب فمباح فحرام فمكروه مش دي الخمسة اللي احنا قلناها الادلة الخمسة دي جات لنا عن طريق كلام ولا جات لنا همهمة - 00:07:31ضَ

كلام جميل اوي الكلام اما ان يكون منطوقا او مفهوما منطوقا هو ما سيق الكلام لاجله طيب لا تنتقب المرأة المحرمة ولا تلبس القفازين. الكلام ده سيق علشان مين؟ عشان المرأة ايه؟ المرأة المحرمة. يبقى ده - 00:08:07ضَ

ولا مفهوم؟ منطوق لانه كده عيني عينك معنا ظاهر غير مختبئ خلاص اللي يسمعه يفهمه على طول. لكن المفهوم يبقى غير ظاهر تمام المنطوق زاهر لان المنطوق له شقين برضه له قسمين منطوق صريح ومنطوق غير صريح - 00:08:41ضَ

فالمنطوق ظاهر تمام؟ لكن المفهوم غير زاهر. عشان كده بتختلف فيه الافهام يعني انا مسلا لو انا وانت بنتخانق فعملت لك كده انت بتقول لي ايه تقصد ايه ها ما هو تقصد ايه ديت غرا عدله على قفاه. مش هيقول لي تقصد ايه ؟ والا بقى انا هاعجنه علشان يفهم بقى ويعرف انا اقصد ايه بالزبط - 00:09:12ضَ

خلاص لأ لما ابرق له كده يومين وتقصد ايه كلمة تقصد ايه ديت يعني الكلام غير النزرة غير مفهومة خلاص كده ؟ فعشان كده مستفهم مني انت عايز ايه بالزبط ؟ يبقى المنطوق - 00:09:49ضَ

دلالته ظاهرة والمفهوم دلالته خفية تمام كده؟ يبقى اي كلام في الدنيا؟ انتم فاهمين؟ ولا انا عمال ماشي مع نفسي كده؟ طيب. جميل لان الاصول دي لو انت فهمتها هتبقى ابن اصول - 00:10:07ضَ

يعني مش مش هتقول العيب هم الجماعة الغجر اللي عمالين يتكلموا الكلام الذي لا خير فيه. وهو متصور انه بيقول احلى كلام ايه ايه اللي وقعه في الخية انه ما عندوش اصول ما اترباش - 00:10:28ضَ

اصل فعمال يخبط بقى زي ما تيجي عليه. اي كلام في الدنيا له وجه وايه؟ وظهر الوجه ده اسمه ايه المنطوق هتفهموا بقى. طيب انا بزهق الوجه ده اسمه ايه؟ المنطوق اي الذي سيق الكلام لاجله - 00:10:50ضَ

يا ايها الذين امنوا ان جاءكم فاسق بنبأ فتبينوا. هذا سيق لخبر من؟ لخبر الفاسق. مش كده؟ ان جاءكم فاسق اهو. يبقى وش الكلام ايه منطوق الكلام ظاهر الكلام عبارة النص - 00:11:23ضَ

كل دي مصطلحات تساوي بعضها يعني انه جاء لخبر الفاسق لم يجيء لخبر الصادق خلاص ده وشه بطنه يا ايها الذين امنوا ان جاءكم صادق بنبأ فتبينوا كده صح؟ اومال الصح ايه؟ فلا تتبينوا. تمام كده - 00:11:50ضَ

فلا تتبين يبقى المفهوم هنا عكس المنطوق ولا لا؟ ايه اللي خلانا نقول عكسه؟ حطينا صادق مكان الفاسق وهم ايه؟ قفاهم لبعض تمام؟ وتبينوا عكس ايه؟ لا تتبينوا فقال لك - 00:12:26ضَ

الزاهر ده هو زاهر النص عبارة النص المنطوق قال لك المفهوم ده مين ؟ ما فيش قسم واحد قال لك مفهومه موافقة ومفهوم مخالفة قال لك مفهوم المخالفة الموافقة يكون الكلام اللي تحت يؤيد اللي فوق - 00:12:53ضَ

انما مفهوم المخالفة اللي تحت يعارض اللي فوق دي اسمها دلالات لازم انا افهمها علشان لما اسلطها على الاحكام الشرعية الخمسة افهم صح. يعني مش اول ما اقول لك الاحكام خمسة واجب فمستحب فمباح فحرام فمكروه. يبقى كده تقول لي سلام عليكم انا ماشي - 00:13:22ضَ

كده عرفت الحدوتة يقول لك لأ. ده الكلام دهوات له دلالات. والدلالة لها منطوق ولها فمفهوم والمنطوق قسمين والمفهوم قسمين وكل قسم من الاقسام ده بيتفرع لاقسام. يبقى انت لازم تفهم القصة دي قبل ما تدخل بصدرك على النص الشرعي - 00:13:49ضَ

تطلع لنا منه اشياء لم يقولها النبي صلى الله عليه وسلم وتدعي ان انت فاهم روح ده انت بتطلع رح النص. لما تقوم داخل كده جوة ومفرغ اللفز من محتواه. وتقول لي اصل ده روح النص. لأ طبعا - 00:14:15ضَ

يبقى المسألة ليست سهلة. فاحنا علشان نفهم بقى بما يأمركم عايزين نعمل المامة وما اقدرش طبعا اجيبها كلها ورا بعضها والا ايه يعني هيبقى تقيلة شوية. لكن هنفرق الكلام ده على حسب الايه؟ على حسب مواقعه - 00:14:36ضَ

جميل نرجع بقى في سائمة الغنم زكاة قال لك هل الحكم وهو الزكاة وهو وجوب الزكاة ولا الزكاة مش واجبة؟ جميل في سائمة الغنم زكاة يبقى الحكم ايه وجوب الزكاة مش كده؟ طيب قال لك هذا الحكم علق بوصف واللجاء مطلقا؟ طيب - 00:14:54ضَ

لو انا قلت في الغنم زكاة لو انا سألتك المعلومة تقول لي ما هو الغناء معلوفة ولا مش معلوفة؟ ها؟ يبقى انا لما اقول في الغنم زكاة فعممت يبقى كل ما يدخل تحت جنس الغنم في زكاة - 00:15:36ضَ

فاذا قيدت الحكم بوصف خلي بالك من الكلام اذا قيدت الحكم بوصف ثبت الحكم للوصف وانتفى عما عاداه. ازاي في سائمة الغنم. فين الوصف؟ السئمة. تمام؟ الوصف ده انا طبعا عرفت السوم في الاول وقلت السوم هو الرعي. ومش الرعي كده انك انت تزرع لك فدانين برسيم ولا بتاع. ما انت البرسيم انت بتدفع - 00:16:05ضَ

ها انما السوم اللي هي ايه اللي عايشة ببلاش يبقى اذا قيدت وجوب الزكاة بصفة السوم للغنم يبقى عكس السوم اللي هو ايه العلف تمام؟ طب المعلوفة ضد السائمة ببلاش - 00:16:45ضَ

ولا مش ضدها؟ ضدها. جميل اوي. يبقى الغنم المعلوفة فيها زكاة خلص. بسيطة خالص اهو يا ايها الذين امنوا ان جاءكم فاسق بنبأ فتبينوا ما هو الحكم حكم التبين مش توقف يعني. التبين. بس من غير التوقف. ها - 00:17:11ضَ

حكم التبين ايه؟ قال لك واجب. ليه قال لك ما اصله جه فعل امر فتبينوا. والاصل في الاوامر ايه؟ الوجوب زي ما قلنا يبقى اذا انت رجل من المؤمنين وصلك خطاب - 00:17:46ضَ

عن الله ورسوله فيه افعل صيغة افعل يبقى ده يدل على الايه؟ على الوجوب. لحد ما تيجي قرينة تصرفه عن الوجوب عشان يبقى مستحب تمام؟ يبقى حكم التبين ايه؟ واجب - 00:18:08ضَ

تتبين من خبر مين؟ جميل يبقى البني ادم الذي سيتبين من خبره موصوف في الاية ولا مش موصوف؟ جميل. يبقى يثبت الحكم للموصوف ويلتفي عما عاداه. الذي لم يصب تمام كده ؟ يبقى ان جاءكم صادق بنبأ اه جميل. فهمت المسألة دي. يبقى - 00:18:29ضَ

لا تنتقب المرأة المحرمة. يبقى المرأة مقيدة بوصف ولا لا؟ جميل. عكس المحرمة ايه المحلة اللي هي لم تحرم يعني تمام؟ يبقى لا تنتقب المرأة المحرمة عكس لا تنتقب تنتقب. وعكس المحرمة المحلة والمرأة الحلال. خلاص - 00:19:02ضَ

يبقى بقى العكس تنتقب المرأة المحرمة وتلبس القفازين. جميل يبقى تنتقب المرأة المحلة بيعجبني لما يكون صاحيين. تنتقب المرأة المحلة وتلبس القفازين. اهو ده يحرق به عين اي حد. طبعا الدليل ده مش كافي في الوجوب. لان مفهوم المخالفة هل هو يعني يعطي قوة الوجوب ام لا؟ ده حدوتة تانية - 00:19:32ضَ

ما هو بعد ما نتكلم كل حاجة لها دلالة دين متين ومحكم. وتشوف الزل وتسف التراب عشان تتعلم فتيجي بقى بتهمج كده وفاكر نفسك شايل لي دفتر ورايح للشيخ وجاي من عند الشيخ. وما مرغتش وشك في التراب وشفت الزل الوان والله ما - 00:20:02ضَ

ابدا خلاص قال يحيى ابن ابي كثير كما رواه مسلم في صحيح لا يستطاع العلم براحة الجسد طالب العلم المجد اللي نفسه فيه ينام كل ما نيجي ينام روحوا تزغده قم - 00:20:22ضَ

يا تملي تمام بتعمل ايه بالنوم؟ فيقوم مش عارف ينام منها. تعباه روحه فتية الروح دي حقها تحل في عشرين تلاتين بدن عشان يلحوها ويسعوها فالطالب العلمي دايما تلاقيه منفهر كده. عشان كده الشافعي كان يقول ما رأيت سمينا افلح في العلم قط الا محمد بن الحسن - 00:20:43ضَ

او محمد بن الحسن محمد ابن الحسن طبعا اه مع الخليفة على طول وبياكل بقى الحوالة اللي مليانة فستق ومش عارف ايه والكلام ده فيعني ظاهر عليه اثار فقال اي سمين ما يفلحش ليه؟ قال لك لان طالب العلم - 00:21:13ضَ

عنده حاجة اسمها الهم واللي عايز يعمل ريجيم ويبقى جلد على عضم يجرب الهم وببلاش. ها ببلاش يعني. هيبقى جلد على عضم. ليه العارف ينام ولا ياكل ولا يشرب نفسه - 00:21:31ضَ

مسدودة فده طب ده مهموم ليه؟ شايف العلم قدامه كالمحيط. ياه الشاطئ التاني فين لا مش معقولة ابدا عمري يستوعب القصة دي. ده انا نفسي ابقى لحد في الاول والفقيه الاول المفسر الاول واللغوي الاول والشاعر الاول - 00:21:52ضَ

والناسر الاول. عايز ابقى كل حاجة. اللي يسمعني يقول ما بيفهمش غير في التفسير او ما بيفهمش غير في اللغة. او الحديث او الفقه تمام؟ طب انا عمري يتسع للكلام ده - 00:22:14ضَ

لا ما بيتسعش. طب انا روحي قوية وفتية فمهموم على طول. سرحان. ما ليش نفس اكل ولا اشرب ولا اتمتع باي حاجة ولا الكلام ده ها ولما تتلبس بهذه الروح يبقى انت عرفت السكة - 00:22:27ضَ

فعلم اصول الفقه ده حاجة حدوتة كبيرة اوي. مش اي واحد درس العناوين يدخل في مرة بيحكوا واحد برضه من الجماعة اللي هم التملية دول قرا كتاب كتابين ومش عارف ايه وبعدين دخل يفتي الناس بقى. كل ما واحد يقول له ايه آآ ما تقول في المسائل وفيها قولان - 00:22:42ضَ

خلاص قول بالوجوب قول بالاستحباب. ازا كان الصيغة صيغة نه قول بالحرمة قول بالايه بالكراهة تمام؟ ودي احلى حاجة واريح حاجة في الدنيا فيها قولان فيها ثلاثة اقوال اختلف اهل العلم فيها. خلاص ما فيش اسهل من كده - 00:23:05ضَ

فمن كتر ما عمال يقول كده فواحد بقى ايه زكي كده قام وهو عمال يقول فيها قال له افلاه شك؟ قال له فيها قولان. ها ما خدش باله كل حاجة عنده فيها قولان بقى - 00:23:24ضَ

ها العالم بحق كما قال الشافعي رحمه الله لما سئل من العالم قال العارف باختلاف الناس. تبقى عارف ده قال كزا وده قال كزا والصح كزا وده قوله غلط عشان كزا - 00:23:39ضَ

قوله صح عشان كزا. ولو قام لك واحد يناظرك بالضد تقيم عليه الحجة ادي العالم غير كده بقى يبقى مقلد يبقى متبع ياخد اي درجة من ايه؟ اي درجة من الدرجات. فاحنا بقى بنقول بقى الاحكام الشرعية الخمسة - 00:23:59ضَ

وهناخد باب الاوامر بما يأمركم اللي هي المباشرة دي وداخل فيها المناهي طبعا كما قلت في اول الكلام يبقى ناخد بقى الوجوب ناخد الاستحباب ناخد الاباحة انا لما قلت في الخطبة - 00:24:17ضَ

ان الصحابة لما كانوا بيتلقوا الاوامر كانت عندهم واجبة مش معناها انهم ما كانوا يفرقون بين الواجب والمستحب. لأ كت اقصد ان اقول انهم في تلقيهم للاوامر كانت كأنها بمثابة الواجبات. ما كانش حد يفرط فيها - 00:24:33ضَ

ليه راجل محب وعايز يدخل الجنة فنيجي بقى بما يأمركم ونشوف اصحاب النبي عليه الصلاة والسلام. كيف احتفوا بامر رسول الله صلى الله عليه وسلم. واحد منهم يراه يعمل العمل - 00:24:53ضَ

لا يفارقه مهما عرض. يعني عمر بن الخطاب مسلا رضي الله عنه كما في حديث ان في صحيح مسلم وفي حديث ابن عمر في موطأ مالك كان يضرب الايدي على الركعتين بعد العصر او - 00:25:15ضَ

على الصلاة بعد العصر ليه؟ لان النبي صلى الله عليه وسلم قال لا تحروا بصلاتكم الصلاة بعد ايه؟ بعد آآ العصر وآآ بعد الفجر نهى ان يصلى بعد العصر وايه؟ وبعد الفجر - 00:25:37ضَ

حتى تغرب الشمس في الاول وحتى تشرق الشمس في الايه؟ في التاني فعمر بن الخطاب يدخل يلاقي ناس بيصلوا بعد العصر معه الدرة بتاعته التي كانت لا تفارق يده يضربه على ايده وهو بيصلي - 00:25:59ضَ

فك صلاتك فمر معدي لقى واحد بيصلي من الصحابة يعني غاب عني اسمه الان. نسأل الله ان يذكرني فالمهم نهاه وبرضه ادى له ايه درتين كده وبتاع الصحابي قال له ايه - 00:26:12ضَ

قال والله ما كنت لادعهما وقد رأيت رسول الله صلى الله عليه وسلم يصليهما ده عنده بقى الدليل المباشر من اراد البحر استقل السواقيع. انا شفته بيصلي انت اجتهدت او ده وجهة نظر عندك او الكلام دهو لكن انا حصل لي. في صحيح البخاري من حديث مروان ابن الحكم - 00:26:33ضَ

عن عثمان وهو في الصحيحين من حديث سعيد بن المسيب قال شهدت عليا وعثمان لكن يعني هو في الصحيحين لفظه مختصر ان عثمان رضي الله عنه كان ينهى عن المتعة - 00:27:00ضَ

متعة الحج وانت عارف الحج تلات انواع افراد قران تمتع خلاص التمتع اللي هو كان بينهى عنه عثمان رضي الله عنه ان تأتي بالعمرة في اشهر الحج وانت تريد الحج. اشهر الحج - 00:27:17ضَ

كم شهر تلاتة شوال كله وذو القعدة بتمامه وعشر ذي الحجة تمام يبقى قبل عرفة يعني بس طبعا التسعة بيجبروا الكسر ويقولوا ايه ؟ في العشر ذي الحجة خلاص فانت لو اعتمرت نويت تحج السنة دي اعتمرت في شوال - 00:27:49ضَ

يبقى دي عمرة حج التمتع. يبقى تعتمر تطوف وتسعى تحرم تطوف تسعى تتحلل العمرة اربع حاجات احرام طواف وسعي وتحل يبقى تتحلل تلبس هدومك تمارس حياتك لحد ما ييجي يوم تمانية زو الحجة فتقول لبيك اللهم بحج. تف يعني ايه - 00:28:20ضَ

تفرد الحج واحدة ما تجبش العمرة ليه؟ لان عمرة ايه؟ انت جبتها انت ناوي الحج صحيح بس لما جيت تعتمر ما قلتش لبيك اللهم بحج وعمرة. لان ده القران. دخلتهم في بعض. لكن بتقول لبيك اللهم بعمرة - 00:28:51ضَ

اعتمر وتتحلل وتنسى الحدوتة دي وبعدين يقوم تمانية زو الحجة تهل بالحج وحده عثمان بن عفان كان ينهى عن الموت اول ما علي ابن ابي طالب سمعوا ينهى عن المتعة قام قايل ايه؟ لبيك بحج وعمرة - 00:29:06ضَ

فقال له عثمان تراني انهى عنها وتفعلها كان ايه بقى رد علي ابن ابي طالب قال ما كنت ادع سنة رسول الله صلى الله عليه وسلم لقول احد من الناس - 00:29:30ضَ

اهو ده التلقي بقى. اللي تعض عليه بالنواجز طيب لما يقول لبيك بحج وعمرة او حجة في العمرة ودخلهم في بعض كده ده اسمه الايه القران اي انه قرن الحج مع العمرة - 00:29:56ضَ

تمام ترى ان الحج مع العمرة. انما حج الافراد الافراد ما فيش فيه عمرة عشان كده قال لك طواف القدوم في حج الافراد ليس بواجب ونقل النووي الاتفاق على ذلك الا ما كان من ابن عباس. وهنقول حكاية ابن عباس دي برضو. لانها داخلة في هذا المعنى ان شاء الله - 00:30:17ضَ

طب علي ابن ابي طالب بقى ليه بقى حج قارنا لان هو رضي الله عنه بعثه النبي صلى الله عليه وسلم الى اليمن كما في البخاري ومسلم من حديث جابر بن عبدالله - 00:30:42ضَ

بعت وجيب السعاية البدن جمع بدنة لا الابل والكلام ده. فجاء بمائة بدنة من الايه؟ من اليمن بس هو مش عارف بما اهل رسول الله صلى الله عليه وسلم هل هيحج قارن - 00:30:57ضَ

واللي يحج متمتع ولا مفرد؟ مش عارف فقال ايه بقى ؟ اللهم اني اهل بما اهل به نبيك زي ما تيجي بقى. تيجي تمتع تيجي اقهران تيجي افراد انا زيه - 00:31:17ضَ

خلاص النبي عليه الصلاة والسلام كما هو معروف ساق الهد من المدينة وبعدين وهم بقى في ذي الحليفة والكلام ده هل للصحابة من لم يسق الهدي فليجعلها عمرة. هم خارجين لا يرون الا الحج. الافراد يعني - 00:31:36ضَ

عشان كده الصحابة او العلماء اختلفوا النبي صلى الله عليه وسلم كان ايه الحج بتاعه ايه ؟ قال طائفة من اهل العلم كان مفردا. وقال يا طائفة قارنا وقال طائفة كان متمتعا - 00:32:02ضَ

الله! طب ازاي الخلاف ده كله قال لك كل طائفة لها ادلة صحيحة. الله! طب الادلة الصحيحة تتضاد ولا تلتئم قال لك تلتاين بس يعني اذا لم تعرفه كله الى عالمه - 00:32:15ضَ

خلاص؟ اقول لك نوفق بينهم ازاي عشان تعرف فهم اهل العلم انت شايف ان آآ كلها صد رد ولا كلها زي بعضها؟ يعني انا لما اكون طالع وقد افردت. يبقى تركت القران والتمتع ولا لأ - 00:32:34ضَ

تمتعت تركت القران والافراد ولا لأ ؟ اه يعني اي نسك هتتلبس به يبقى تركت الاتنين التانيين ولا ممكن تلموهم كلهم مع بعض؟ ما تعرفش طبعا فقال لك بص الذين قالوا افرد بالحج ما كان في اول امره وهو في المدينة - 00:32:52ضَ

خلاص كده ؟ افرد بالحج. فلما وصل الى ذي الحليفة قال حجة في عمرة. يبقى ايه؟ قران. جميل قوي لما تضم العمرة الى الحج مش دي صورة التمتع قال لك بقى يبقى اذا بدأ مفردا - 00:33:18ضَ

ثم حج قارنا على الحقيقة ومتمتعا بصورة التمتع لما دخل الحج على العمرة ده شكل يبقى الافراد في اول امره. والقران في حقيقة امره والتمتع في الصورة الظاهرة اتلمت مع بعضها ولا لأ - 00:33:45ضَ

كده اتلمت مع بعضها. تمام كده فالنبي عليه الصلاة والسلام قال للايه؟ كما في حديث جابر قال للصحابة من لم يسق الهدي خلي ايه فليتمتع يجعلها عمرة يعني اول ما الكل يقول لبيك اللهم بعمرة وبعدين يروح يطوف ويسعى ويتحلل ويلبس هدومه - 00:34:11ضَ

وقال لهم لولا اني سقت الهدي نتمتعت وقال لو استقبلت من امري ما استدبرت لما سقت الهدي ولا جعلتها عمرة ازيكم؟ قال جابر فسمعنا واطعنا يبقى النبي صلى الله عليه وسلم لماذا حج قارنا - 00:34:32ضَ

ولم يتمتع لانه ساق الهدي معه تمام لان ربنا عز وجل قال والهدي معكوفا حتى يبلغ محله لا يحل القارن الا يوم العيد. خلاص؟ انما المتمتع يحل بمجرد ما ينتهي من العمر - 00:34:56ضَ

فعلي ابن ابي طالب بقى لما ايه قال ايه اني اهل بما اهل به نبيك فاول ما دخل دخل البيت بتاعه فلقى فاطمة رضي الله عنها وقد لبست ثوبا صبيغا واكتحلت - 00:35:16ضَ

فانكر عليها. ازاي؟ انت محرمة. ازاي تعملي الكلام ده قالت ان ابي امرني بذلك فبرضو يعني العملية برضو ايه مش بالعهم قال جابر وكان علي يحدث بالعراق لما كان هو امير المؤمنين وتيجي السيرة دي - 00:35:35ضَ

يقوم يقول ايه؟ فذهبت الى النبي صلى الله عليه وسلم محرشا بفاطمة. يرضيك ينفع اللي عاملاه ده ها محرشا عايز يقومه عليها يعني. فقال النبي صلى الله عليه وسلم صدقت صدقت. بما اهللت يا علي؟ قال قلت يا رسول الله - 00:36:02ضَ

قلت اللهم اني اهللت بما اهل به نبيك قال له خلاص يبقى انت قارن فعلي ابن ابي طالب بقى لما عثمان قال لك ايه؟ نهى عن التمتع يبقى عثمان كان ايه - 00:36:28ضَ

يرى الايه؟ الافراد لان التمتع علي ابن ابي طالب لما لما يبقى لما قرن انكر عليه قال له بقى بتخالفني؟ تراني انهى عن زلك وتفعله؟ يبقى عثمان كان ايه كان يرى الافراط - 00:36:45ضَ

علي ابن ابي طالب قال له لأ انا حججت قارنا وما كنت لادع سنة رسول الله صلى الله عليه وسلم لقول احد من الناس اهو ده اختلاف الصحابة مع بعضهم. وعثمان امام مجتهد وعلي امام مجتهد - 00:37:04ضَ

العلماء اخزوا الدليل ده وحطوه تحت قاعدة. برضه يعني عشان برضه اللي بيزاكر في اصول الفقه ياخد ويحطه تحت القاعدة دي اهي تنفعه قالوا لا يكون قول المجتهد حجة على مجتهد اخر - 00:37:27ضَ

بس بشرط ان يبلغ درجة الاجتهاد مش تجيب لي واحد لسه يعني بيحبو تقول لي الجدع ده مجتهد اوي. تقصد يعني مجد في طلب العلم فكلمة مجتهد دي لا تطلق في الاصطلاح الا على الذي حصل اصول الفقه واصول الحديث واصول العربية - 00:37:45ضَ

تمام يبقى ايه حصل ايه؟ اختلاف اهو برضو في قصة في قصة الحج والحديث ده في صحيح مسلم من حديث ابن عبدالرحمن. قال جاء رجل الى ابن عمر وقال يا ابن عمر - 00:38:07ضَ

اطوف قبل الحج قال وما بأس؟ ليه مكتوبش هو نوى الحج وحده يبقى ده ايه قران اول ما اقول لك الحج وحده وطلع العمرة برة يبقى اسمه ايه؟ افراد على - 00:38:25ضَ

كده هو اسمه افراد ليه ؟ لانني افردت الحج من العمرة. خلاص؟ اسمه قران ليه ؟ لان انا دخلت الحج في العمرة تمام كده؟ فبيقول له انا لو نويت الحج وحده اطوف طواف القدوم - 00:38:53ضَ

قبل الحج ام لا اللوم بأس. ايه اللي يضر يعني؟ قال له ان ابن فلان وطبعا رواية مسلم التانية والنسائي ابن فلان ده بينت ان هو ابن عباس ان ابن فلان - 00:39:15ضَ

يقول بغير ذلك وما اراه الا وقد فتنته الدنيا وانت احب الينا منه انا عايز بقى يعني الجماعة اللي هم يعني مزعلين بعض ومخاصمين بعض. اتكلموا في حق بعض نشوفه بقى الجماعة اللي رباهم النبي. عليه الصلاة والسلام - 00:39:38ضَ

قال ابن عمر ومن منا لم تفتنه الدنيا دافع عن ابن عباس. طب ابن عباس فتنته الدنيا من وجهة نزر السائل ده هو ليه؟ لانه كان ولي البصر بقى امين البصرة انما ابن عمر لم يتولى ولاية قط. واي انسان في الدنيا يتولى ولاية قط لابد ان يقع - 00:40:07ضَ

في مظالم وان لم يرد. غصب عنه. هيحابي مش عارف ايه يعمل ايه يخليه. يدي لده ان زيادة واحد يغضبه يحرمه مع انه مستحق تمام لابد ان يقع في مزالم. ابن عمر - 00:40:36ضَ

الله عز وجل صانه وصان ابن سعد ابن ابي وقاص والجماعة ما دخلوش في ايه عفوا سعد سعد ابن ابي وقاص كان على الكوفة. انما ابن عمر لم يتولى ولاية قط. انما اللي لم يتولى ولاية قط الزبير بن عوام. كما في حديثه في صحيح - 00:40:55ضَ

في كتاب اظن فرض الخمس نعم فقال له كده وما منا من احد الا فتنته الدنيا وبعدين قال له ايه قال يا فلان ده الشاهد بقى ايهما اولى ان يتبع اسنة رسول الله صلى الله عليه وسلم - 00:41:12ضَ

ام سنة فلان ان كنت صادقا عايز اقول ازا كنت انت صادق لا يمكن تفضل سنة اي احد كائنا من كان على سنة النبي صلى الله عليه وسلم. يبقى هو كان بيسأل عن طواف القدوم - 00:41:38ضَ

خلاص قبل ما يدخل في الحج يوصل للموقف يوصل لعرفة. وانا عندي فسحة يوم تمانية كده ممكن اطوف طواف القدوم كده؟ قال لك اه لكن اذا جاء الموقف في عرفات فاتك طواف القدوم. ما عدتش تعرف تجيبه. لو طوفت بعد الحج - 00:41:55ضَ

ولم تكن طوفت طواف الافاضة وقع الطواف افاضة رغما عنك. برغم ان انت ناوي ايه؟ ان يكون طواف القدوم ليه؟ لان طواف الافاضة هو الفرض عليه عليه طوافه سعي واحد - 00:42:16ضَ

خلاص برضه ابن عمر كما في سنن الترمذي بسند صحيح سالم ابن عبدالله ابن عمر جا له بيقول جاء رجل شامي الى عبد الله ابن عمر قال له ما تقول في المتعة؟ - 00:42:32ضَ

متعة الحج فقال هي حلال فقال له اتخالف اباك ان اباك كان ينهى عنها. في مسند الامام احمد من وجه اخر لين الاسناد قال ان عمر نهى عنها يبتغي الخير - 00:42:47ضَ

يريد ان يقول اتموا العمرة بان تفردوها عن الحج ما قصدش انه يعني ينهى عن شيء فعله رسول الله صلى الله عليه وسلم. لكن عايز يقول لك العمرة تبقى ما لهاش علاقة بالحج. نفس الذي اراده - 00:43:13ضَ

عثمان كما في مسند الامام احمد بسند حسن. ان عثمان بن عفان لما قال وددت لو تفردوا لوحدها ربنا وسع ومعك فلوس يبقى زور البيت مرتين. مش تزور البيت بعمرة ملحقة بالحج؟ لأ - 00:43:29ضَ

لما تزوروا البيت بعمرة لوحدها وبعدين تجيب كمان عمرة يبقى تمت عمرتك. جبت دي تمام لوحدها ما لهاش علاقة بالحج. لان العمرة اللي ملتحقة بالحج عمرة لها ايه؟ ناقصة مش كده ؟ ما هي ناقصة انت طالما نويت حج وجبت عمرة يبقى لازم تكملها بالحج - 00:43:50ضَ

هو قال لك انا عايزك تجيب العمرة تامة. طب تبقى تامة ازاي؟ انك انت ما تنويش معها حاجة اصلا تمام؟ يبقى تبقى مفرد تخلي الحج لوحده تام وتخلي العمرة لوحدها ايه؟ تامة. اعمالا لقول الله تعالى واتموا الحج والعمرة - 00:44:09ضَ

عثمان بن عفان قال وسع الله في الخير. ووددت لو كانت العمرة تامة قاعد كده بيتكلم كده فعلي بن ابي طالب كان بيعلف البعير بتاعه في بطن الوادي. الكلام ده كان المفروض نقوله ما ايه اول ما اتكلمنا على خلاف عليه وايه وعثمان في الاول يعني - 00:44:27ضَ

فلما علي ابن ابي طالب سمع الكلمتين دول وهو بيعلي في البعير قام سايب جايب البعير بتاعي راكبه وجاي على عثمان واقف عليه قال كيف تنهى عن سنة رسول الله صلى الله عليه وسلم - 00:44:45ضَ

شيء رخص الله فيه لعباده ووسع عليهم به يستفيد منه ماء الدار سال البعيد نائي الدار ما يعرفش ييجي عشان يعمل عمرة تامة ويرجع بلده وبعدين ييجي عشان يعمل عمرة في حاج. لكن هو بييجي على طول سفرة واحدة بس يدي - 00:45:00ضَ

يوم عمرة وخلاص فربنا رخص سبحانه وتعالى فكيف تحجر ما وسعه الله فالتفت عثمان الى الناس وقال ايها الناس انا نهيت عنها انما هذا رأي رأيته فمن شاء اخذ به - 00:45:16ضَ

ومن شاء تركه يبقى نفهم من كده ان نهي عثمان في الحديث الاول لم يكن نهي تحريم ده يعني عايزك تعمل الافضل. واخد بالك ازاي؟ فهو بيقول له هنا اه - 00:45:35ضَ

تخالف اباك فقال عمر كان يبتغي الخير تمام لكن يا قوم اذا قال ابي قولا وقال رسول الله صلى الله عليه وسلم قولا باي فيه ما تأخذ بايهما تتبع؟ قالوا يا ابا عبدالرحمن بسنة رسول الله صلى الله عليه وسلم. قال قد صنعناها مع - 00:45:51ضَ

رسول الله صلى الله عليه وسلم. خلاص وعندك برضو ابن عباس مع ابي هريرة في الترمذي وابن ماجة وغيرهما. بسند حسن. لما اختلفوا هم الاتنين في مسألة الوضوء مما مست النار - 00:46:19ضَ

ابو هريرة رضي الله عنه سمع النبي صلى الله عليه وسلم قال توضأوا مما مست النار. والكلام ده كان في اول الاسلام ثم نسخ شوف انا بخاخ اهو. ليه ؟ علشان واحد جه قال لي انت يا شيخ بتحرم بتقول لنا اللي ياكل طبيخ يتوضى تاني - 00:46:33ضَ

فانا يبدو لما قلت نسخ قلتها كده. فانا ابقى ايه بقول اهو. عشان ما فيش حد ييجي يقول لي الطبيخ والمش عارف ايه وبتقول لي ايه والكلام ده. بقول كان - 00:46:52ضَ

في اول الاسلام اللي ياكل اي حاجة مستها النار ده كان من نواقض الوضوء تعد نواقض الوضوء في اول الاسلام كزا كزا كزا كزا كزا واكل طعام مسته النار تشرب شاي تشرب قهوة تاكل لحمة تاكل طبيخ تاكل رز تاكل اي حاجة تحتاج الى نار تاكل وتتوض - 00:47:05ضَ

وبعدين الكلام ده ايه نسخ فابو هريرة رضي الله عنه سمع هذا ولم يبلغه الناسخ. ماشي؟ يبقى قد افلح من انتهى الى ما سمع. ما يقدرش يقول حاجة ما سمعهاش انما يقول اللي سمعه - 00:47:31ضَ

قاعد ده بيقول توضأوا مما مست النار والكلام ده. فابن عباس عارضه قال يا ابا هريرة افلا نتوضأ من الحميم يعني احنا في طوبة وبنتكتك والجو برد اتوضى بميه ساقعة - 00:47:51ضَ

ولو اتوضيت بمية سخنة اللي هي الحميم يبقى لا يجزئ ها يا ابا هريرة انتوضأ اتوضأ من طعام اجده في كتاب الله حلالا هو انا هادبح العجل واكله ني انا مش لازم اطبخه - 00:48:10ضَ

مش ربنا احلنا ناكل اللحم. طب هاكله ازاي؟ ازاي يقول لي حلال وقل لي ان انت لازم تتوضا طيب ابو هريرة معه ايه مع نص وابن عباس معه ايه لا اخص. نص ايه؟ ها؟ مع ايه؟ ها - 00:48:31ضَ

معه جدل جدل عقلي خلاص كده الصورة دلوقتي وضحت شوية ؟ جميل اوي. ابو هريرة لانه معه وسمعه باذنه وما ينفعش حد يحط الجدل العقلي في مقابل كلام النبي وعلى كلام الله عز وجل فلا تضربوا لله الامثال. ان الله يعلم وانتم لا تعلمون - 00:48:57ضَ

ربنا يقول حاجة ما تحطش دماغك وتقول لا انا مش مقتنع بها مش بالعة خلاص فبريرا عنص فلما ابن عباس قال له كده طبعا عندهم حصباء وحصى والكلام ده قام ما لي يديه بالحصى - 00:49:30ضَ

كبشة حصى كده وقال اشهد عدد هذا الحصى انني سمعت رسول الله صلى الله عليه وسلم يقول توضأوا مما مست النار وبعدين ايه ادى له ايه حتة تأديب قال يا ابن اخي - 00:49:48ضَ

اذا حدثتك عن رسول الله صلى الله عليه وسلم حديثا فلا تضرب له الامثال قل سمعنا واطعنا ونفز تمام الحكم بقى اللي مستقر عليه جماهير العلماء ان الحكم نسخ لحديث جابر - 00:50:10ضَ

كان اخر الامرين ترك الوضوء مما مست النار لكن هذا لم يبلغ ابن عباس ولم يبلغ ابا هريرة. انت عارف لو بلغ ابن عباس ما كانش قال له افرأيت افرأيت كان عمل ايه - 00:50:32ضَ

النص على طول خلاص شف صحابة بيتناقشوا ازاي صيانة لجناب السنة. دعوا السنة تمضي ولا تعرضوا لها بالرأي. واستمر هذا النفس الزكي المبارك في التابعين وتابعيهم واستمر في امة الاسلام حتى في زماننا هذا - 00:50:51ضَ

لكن ما من يوم يأتي الا ويخف هذا النفس الزاكي ولكنه باق وللبحث صلة ان شاء الله. اقول قولي هذا استغفر الله العظيم لي ولكم. وصلى الله وسلم وبارك على نبينا محمد. والحمد لله رب العالمين - 00:51:19ضَ