باحث

فنستعين به ونستغفره ونعوذ بالله تعالى من شرور انفسنا وسيئات اعمالنا. من يهد الله تعالى فلا مضل له. ومن يضلل فلا هادي له اشهد ان لا اله الا الله وحده لا شريك له. واشهد ان محمدا عبده ورسوله. اما بعد - 00:00:00ضَ

فان اصدق الحديث كتاب الله تعالى واحسن الهدي هدي محمد صلى الله عليه واله وسلم. وشر الامور محدثاتها. وكل محدثة بدعة وكل بدعة ضلالة وكل ضلالة في النار اللهم صل على محمد وعلى ال محمد - 00:00:29ضَ

كما صليت على ابراهيم وعلى ال ابراهيم في العالمين انك حميد مجيد. وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد. ذكرت انه من بركة - 00:00:51ضَ

قيام الوالي بامر الله عز وجل ان يوطأ الله عز وجل اكناف الرعية له. وان يحملهم على طاعة امره لان امر الوالي انما يكون حينئذ من امر الله عز وجل. كما قال ابو بكر رضي الله عنه - 00:01:15ضَ

واطيعوني ما اطعت الله فيكم وهناك شيئان رئيسان. لاستقامة الفرض. وهذا الشيئان احدهما بيد الوالي والاخر بيد الفرد وهذان الشيئان مذكوران في حديث النواس ابن سمعان الكلابي رضي الله عنه وقد رواه الامام الترمذي واحمد وصححه ابو عبدالله الحاكم وغيرهم - 00:01:39ضَ

قال صلى الله عليه واله وسلم ضرب الله مثلا صراط مستقيما. وعلى جنبتي الصراط سوران. وفيهما ابواب مفتحة. وعلى الابواب سطور مرخاة وعلى رأس الصراط داع يقول يا ايها الناس ادخلوا في دين الله ولا تتعوجوا - 00:02:20ضَ

وفي بعض الروايات ولا تتعرج. واه على الصراط هذا على رأسه وهذا على الصراط داع يقول كلما اقترب انسان الى السطور المرخاة فاراد ان يزيلها وان يلج الباب قال ويحك لا تفتحه - 00:02:59ضَ

فانك ان فتحته تلجه انتهى المثل ثم بين النبي صلى الله عليه وسلم لنا ما هذا المثل؟ قال فاما الصراط فهو الاسلام. واما السوران فهما حدود الله واما الابواب المفتحة فهي محارم الله - 00:03:31ضَ

والسطور المرخاة فهي نواهي الله عز وجل. واما الداعي الذي يدعو على اول الصراط فهو كتاب كتاب الله عز وجل. واما الداعي الذي هو على الصراط فهو واعظ الله في قلب كل مسلم - 00:04:03ضَ

ما اجمله من مثل لخص القضية كلها. صراط طريق ولك ان تتخيل هذا وعلى الطريق سوران سور يمين وسور يسارا والسور ده فيه ابواب مفتحة. وعلى الابواب ستارات في سطور - 00:04:23ضَ

هناك داعيان الداعي الاول اللي هو القرآن يقول يا ايها الناس ادخلوا في دين الله ولا تتعوجوا واعتصموا بحبل الله جميعا ولا تفرقوا. ادي معنى الكلام والداعي الاخر الضمير. والنفس اللوامة. التي بين جنبتي المسلم - 00:04:50ضَ

فلابد ان يستقيم هذان. كتاب الله عز وجل صيانته من تحريف تأويله مهمة الامراء والعلماء الاسبوع الماضي واحد جاهل من ابناء الناس رأى حديثا تكلم العلماء فيه فطار به فرحا كل ما طار. وظن انه بنقل كلام العلماء - 00:05:23ضَ

كفر بالغنيمة الباردة فقال هذا البارد في عنوان كبير العيب ليس في الغرب انما العيب فينا. ده يعني بخط كبير نسبيا. انما الخط المجعلص الكبير قوي ده اللي هو مش هقول مسلا آآ اربعة وعشرين ولا تمانية واربعين يمكن ستين - 00:06:03ضَ

صحيح مسلم يزعم ان النبي صلى الله عليه وسلم تزوج ام حبيبة وهي زوجته بالفعل انا قلت كثيرا ما كان اغنانا ان احنا نقعد نناحي ونتكلم ونناقش ونناظر لو جرة قلم من الوالي - 00:06:33ضَ

وقل لا يتكلم في الدين الا العلماء لاسترحنا ولوفرنا من الجهد والعناء ما نستغله في البناء والرفعة على متى يبلغ البنيان يوما تمامه؟ اذا كنت تبنيه وغيرك يهدمه. كل ما نمشي خطوة نرجع من اول السطر تاني - 00:07:08ضَ

الخطة الخمسية الملعونة ما فيش خطة وزارة في خطة وزير الدول بتتقدم ونحن نتأخر ليه لان احنا عندنا الخطة خطة وزير مش خطة وزارة. ييجي وزير من الوزراء زي وزير الاوقاف مسلا - 00:07:31ضَ

تعاقد مع المصانع الحربية على خمس تلاف ريسيفر عشان ينفز البدعة التي اراد ان يفعلها. وهي توحيد الاذان وهي بدعة لا شك في بدعياتها ولجان الفتوى افتت ببدعيتها. ولا يمكن لناظر عالم بالسنة ان يوافق على هذا ويقول يا مشروع - 00:07:52ضَ

او هي مسنونة خمس تلاف ريسيفر يكلفه خزينة الوزارة قد كده. يتشال الوزير ييجي واحد بعده يقول ايه العك ده؟ ده كله كلام فارغ تكبدت الوزارة تمن خمس تلاف ريسيفر - 00:08:16ضَ

ويجي اللي بعديه يقول لا الكلام ده غير صحيح كذلك في كل وزارة يجي واحد ينفز خطة ييجي اللي بعده يقول ده ما بيفهمش كيف ينفق هذه المليارات في هذا العمل الخايب الفارغ - 00:08:34ضَ

ويوم لاغي القصة كلها ونفز اللي في دماغه. يبقى خسرنا مليارات وهنخسر مليارات ويأتي الذي بعده يحزف كلام ده كمان ونفضل في الخساير مسلسل مستمر. جر لا يتكلم في الدين صحفي ولا يتكلم في الدين الا اهله - 00:08:47ضَ

كنا استرحنا الجاهل ده بيشير الى حديث رواه الامام مسلم من حديث ابن عباس قال كان المسلمون لا يجالسون ابا سفيان ولا ينظرون اليه لا يقاعدونه ولا ينظرون اليه فقال يا رسول الله اعطني ثلاثا - 00:09:13ضَ

الاولى ازوجك ام حبيبة وهي اجمل نساء العرب وان تأمرني على جيش المسلمين فاقاتل الكافرين كما كنت اقاتل المسلمين والثالثة ان تجعل معاوية كاتبا بين يديك فقال صلى الله عليه وسلم له نعم - 00:09:44ضَ

قال الراوي ولولا ان رسول الله صلى الله عليه وسلم ما كان يقول لسائله لا ما اعطاه شيئا منه طيب ايه الاشكال قال لك كيف يقول له ازوجك ام حبيبة - 00:10:18ضَ

ام حبيبة كانت زوجته صلى الله عليه وسلم بالفعل تعرف ام حبيبة اسمها رملة ده الاسم المشهور وقيل هند كانت هاجرت الى الحبشة مع زوجها عبدالله بن جحش. فتنصر ابن جحش هناك ومات - 00:10:44ضَ

وثبتت ام حبيبة على دينها فارسل النبي صلى الله عليه وسلم الى النجاشي يخطبها فاصدقها النجاشي باربعة الاف درهم او في الرواية المشهورة باربعمائة دينار. دينار بعشر دراهم يعني اربع تلاف درهم يعني - 00:11:08ضَ

وجهزها وارسلها الى النبي صلى الله عليه وسلم وكان الكلام ده في سنة سبع وقيل في سنة ست وسبع اشهر ومعلوم عند كل علماء السير ان ابا سفيان وابنه معاوية رضي الله عنهما اسلما سنة ثمان في فتح مكة - 00:11:33ضَ

ومعروف ايضا عند اهل السير ان ابا سفيان لما دخل المدينة في ايام الهدنة بعد صلح الحديبية ودخل بيت النبي صلى الله عليه وسلم واراد ان يجلس على السجادة طارت امه حبيبة السجادة من تحته - 00:12:02ضَ

وقالت لا تجلس عليها وانت امرؤ كافر كل هذا معلوم عند اهل السير ومقطوع به عندهم فازاي بقى يقول له ازوجك ام حبيبة وهي اجمل العرب؟ والنبي صلى الله عليه وسلم يقول له نعم نعم اقبل تزويجك - 00:12:24ضَ

الحديس ده الائمة استشكلوه وانا وصفت هذا الرجل بالجاهل قبل ذلك ليس لانه نقل ظفر بحديث آآ افترى فيه لا هو جاهل لانه لا يعلم وجه تأويله وانا لو احسنت الظن به لقلت وصل الى تأويله ولكن كتمه - 00:12:46ضَ

انت عارف فيه صحفيين كده وانا اعرف كثيرين من الصحفيين دول بيحبوا يفلفلوا بيقول لك عايزين خبر يدق الدنيا انا بيجيني صحفيين انزل للصلاة الاقي صاحبي واقف تحت البيت عندي. يقول احنا من جريدة كزا وكزا وكزا عايزين نعمل معك حوار - 00:13:18ضَ

تقول له يا بني انا لا حوار بيني وبينكم انا لا اعطي صحفيا ابدا كلاما لي لقد بلوناكم وجربناكم ان لم يفتري بحث عن فري فان لم يجدها الفها. وطبعا يمكن انا قلت لكم قبل كده من سنوات مضت - 00:13:38ضَ

قصة رجل صحفي مشهور كان يحرر بابا في اخبار اليوم الصفحة قبل قبل الاخيرة تحت عنوان ابو نضارة عارفين انتم طبعا الباب ده. ده الصحفي المشرف على هذا كان رجلا لامعا انذاك وستمعت الحوار ده في الاذاعة - 00:14:03ضَ

زكرياتك الصحفية ومش عارف ايه والكلام ده قالوا قل لنا خبر غريب جدا. عمل اشكال الخبر ده انت عملته فقهقة طبعا في الاول لانه سيقول طرفة طرفة نفيسة. قال كنا منتظرين خبر يجينا من برة - 00:14:25ضَ

فتركنا له حوالي تسعة اسطر في عمود في الصفحة الاولى اخبار الطوارئ يعني اخر خبر مر الوقت والجريدة لازم تدخل للطبع والخبر ما جاش فطبعا لا يمكن هيطباع الجريدة وفيها العمود الابيض ده. او التسعة تستر البيضة دي. فقعد يفكر نعمل ايه؟ نعمل ايه؟ فكتب عنوانا ذئب في - 00:14:44ضَ

مهندسين وبعدين قال وقال شهود العيان ان رأينا ذئبا يتجول في الشوارع ومش عارف ايه والكلام ده فمطلوب من الايه رئيس الحي يدور على الديب ده ها وبالله التوفيق. طلع الخبر والراجل عمره ما تصور في يوم من الايام الخبر ده ممكن يعمل مشكلة - 00:15:08ضَ

اهو حب يملى فراغ بس. ما فيش ما عداش تلات اربع تيام الا والدنيا مقلوبة المهندسين اولاد الذوات وديب عندهم ازاي الكلام! طب عيالنا اللي بينزلوا المدارس الديب هياكلهم اتصل طبعا ناس رفيع المستوى وناس مناصب والكلام ده وبتاع اتصلوا رئيس الحي! فين - 00:15:27ضَ

هزه الديب من ديله لازم تجيبه. طبعا بدأ ايه يدور على الديب ومش عارف ايه والكلام ده. ما عداش اسبوعين الا والصفحة التالتة اللي هي تعتبر اهم صفحة في جريدة تحقيق موسع عن الدين. نزل بقى الصحفيون في الشوارع ياخدوا رأي الناس. ايه رأيكم؟ ده كلام فارغ دولة - 00:15:49ضَ

مش عارف ايه فين الديب؟ وهو يقول لك مش عارف ايه واحنا خايفين على ولادنا وبتاع المهم اتشال رئيس الحي فيها. خلاص؟ طبعا بعتوا جابوا رئيس الحي من طنطا. ولد فلاح - 00:16:10ضَ

وبيشوف كلاب كتير ولاد عم الديابة والكلام ده وعرف القصة وعلى البتاع ده حب يخلص الموضوع. ما عداش تلات اربع خمس تيام على ولايته لرئاسة الحي الا ودبر بليل جابوا كلب كده ولبسوه باروكة شعر ومش عارف ايه وديله ومش عارف تخن كده وحاجة تخوف - 00:16:24ضَ

وجاب مصور واتنين غفرة كل واحد ببندقية ومكتفين الكلب طبعا المسكين دهوت وقاموا جايين في شارع فاضي خالص ونزلوا الكلب وقاموا منشنين رصاصتين تلاتة والراجل التقط الصورة وفي الاخر عثرنا على الايه؟ عثرنا على الذئب. خلاص؟ بدأوا يهنئوهم - 00:16:44ضَ

مش عارف اقول الكلام ده. ادي قصة صاحب. حط خبر من بنات افكار فهؤلاء يكثر فيهم الافتراء لا سيما الصحفي اللي مطلوب منه يكتب مقالة كل يوم انا بستغرب والله. يعني انا لما بيكون عندي خطبة جمعة - 00:17:04ضَ

وعندي جمعتين في الشهر انا ببقى مرعوب من الجمعة والخطبة قل هقول ايه واقعد الف طول الاسبوع تايه مش عارف اقول ايه متى اهتدي لما اقول بعد ما اصلي الفجر يوم الجمعة - 00:17:23ضَ

ابتدي اعرف انا هقول ايه وببقى خايف ونفسي حد يشيل عني الجمعة ولما ماخطبش الجمعة ابقى فرحان جدا عشان هاسمع واستريح واقوم كده الصبح لا مكروب ولا خايف ولا حاجة من دي - 00:17:38ضَ

ده مطلوب منه كل يوم مقالة يجيب منين؟ هو الجبرتي فاللي عايز ده يعمل اي حاجة يدور على اي مصيبة المهم يملى الفراغ لانه بيقبض مرتبه خلاص فما فيش اي مانع - 00:17:56ضَ

راجل متخصص يقول لك في الاسلاميات او في اثارة النقع على الاسلاميات يسمع اي حد بيقول كده يقول له معلش الله يكرمك اكتب لي بس ايه خلاصة يعترض وبعدين يسبكوا بقى بالكلام الصحفي بتاعه ويطلع لي مقال - 00:18:13ضَ

اهو جاهل عشان كده بيقول لك قال النووي وقال ابن الجوزي واخد بالك ازاي ؟ وجيب الاسماء الكبيرة اللي انا عارف اني ما اعرفش عنها حاجة اه الحديس ده للعلماء قالوا انه من المشكلات فعلا - 00:18:28ضَ

والنووي قال لك قال الامام النووي في شرح مسلم هذا من الاحاديث المشكلة وهي كثير احنا قلت لا يمكن النووي بمعرفتي بالنووي يقول كلمة وهي كثير ديت يعني اغلب الاحاديس مشكلات يعني - 00:18:41ضَ

فقمت جايب شرح النووي وفتحت بقى الكتاب علشان اشوف القصة دي. ما لقتش وهي كثير دي من عنده عشان يبين ان الدين كله مشاكل وان الاسلام لم يقطع بشيء والناس معزورين اللي بيقول يمين واللي بيقول شمال واللي بيقول فوق واللي بيقول تحت معزورين لان الدين ليس بواضح. واحد - 00:19:02ضَ

ما فيش مشكلات طب ايه المشكلة؟ قال لك اهو. معروف يا اهل السير بيقولوا انه تزوجها صلى الله عليه وسلم سنة سبع. وجاي ابو سفيان بيقول له ازوجك ام حبيبة اجمل العرب. العلماء طبعا - 00:19:23ضَ

خاضوا وجعلوا يجمعون بين هذا الحديث وبين ما ورد في السير تسعة وتسعين وتسعة من عشرة من العلماء بحثوا عن مخرج لتأويل الحديث وواحد في المية الذين انكروا هذا الحديث - 00:19:37ضَ

وقد يعني تجرأ ابن حزم كعادته وقال هذا حديث موضوع على النبي صلى الله عليه وسلم فلا جرم انشن عليه ابن الصلاح الغارة وهو محق اذ كيف يدعي انسان عالم ان في صحيح مسلم احاديث موضوعة - 00:20:08ضَ

وقد برأ الله هذا الكتاب الجليل من هذا بحمد الله وقال هذا من جسارته على اتهام الائمة لما اقول تسعة وتسعين وتسعة من عشرة بحثوا عن مخارج لان هؤلاء العلماء يعلمون قدر الشريعة - 00:20:33ضَ

وان اي تعارض ما بين دليلين انما يقع في الذهن ولا يكون في الاصل في اصل الادلة فان كلام الله ورسوله يصان عن التعارض. انما التعارض يقع في ذهن المجتهد. لم يصل الى دلالة هذا - 00:20:52ضَ

عاوزاك لم يصل الى الدلالة المشتركة بين هذا وذاك حتى يجمع بينهم بوجه من وجوه الجمع المعروف الذي يهمني في المسألة وجهان من وجوه الجامعة التي ذكرها العلماء. وهي في نظري اقوى الوجوه كلها - 00:21:12ضَ

الوجه الاول وقد اختاره ابن الصلاح وهو كأن ابا سفيان قال للنبي صلى الله عليه وسلم انك تزوجتها على الرغم مني وانا كاره لانه كان اذ ذاك كافرا. وانا رجل رأس في قومي - 00:21:33ضَ

وعيب في حقي ان تتزوج ابنتي وانا كاره فالان بعدما اسلمت قد رضيت فاريد ان انال شرف ان اكون وليا لها خلاص فهذا محمول على انه جدد العقد له خلاص - 00:21:58ضَ

يبقى قوله ازوجك ام حبيبة اي اجعلني موافقا حتى ارضى لان ده فيه تبجح ده يبقى حمى النبي يا له من حمو يعني شف عمر ابن الخطاب في الحديث الذي رواه البخاري. من حديث عبدالله بن عمر - 00:22:21ضَ

قال تأيمت حفصة بنت عمر من خنيص بن حذافة السهم وكان قد مات بالمدينة فعرضها على عثمان خا عثمان قال انظرني فجاء بعد ليالي فقال قد بدا لي الا اتزوج في يومي هذا - 00:22:41ضَ

فعرضها على ابي بكر فلم يرجع اليه بشيء. لا قال له لأ. ولا قال له نعم فقال فلبست ليالي فخطبها رسول الله صلى الله عليه وسلم. فانكر كحتها اياه قال بعض العلماء تبجح بهذا - 00:23:01ضَ

فرحان انا بقى انا حماه واخد بالك فانكحتها اياه قال فلقي ابو بكر عمر فقال له لعلك وجدت علي اذ لم ارجع اليك بشيء قال نعم قال والله اني سمعت رسول الله صلى الله عليه وسلم يذكرها - 00:23:25ضَ

وما كنت لافشي سرا لرسول الله صلى الله عليه وسلم. يا سلام على ابي بكر ده ليس له نظير نسيجة واحدة لا يجري في مضماره احد ولو شق نصفين مجرد بس ان انه سمع النبي صلى الله عليه وسلم بيقول ايه؟ ايه اخبار حفصة - 00:23:53ضَ

طب وايه اللي فيها دي وما الذي ادرى ابا بكر انه يريد ان يتزوجه ها هي دي الامانة بقى اللي احنا بنوصي المسلمين به قال صلى الله عليه وسلم المجالس بالامانة - 00:24:18ضَ

وقال صلى الله عليه وسلم اذا حدث الرجل الحديث ثم التفت فهي امانة باقول الكلام ده للخونة اللي يجلسوا في المجالس الخاصة ويسجلوها من وراء ضهر صاحب المجلس ويطلع برة ينشرها على اسطوانة ويحطها على النت - 00:24:36ضَ

هذا خائن وبكل اسف حمل في عنقه مظلمة النبي عليه الصلاة والسلام بيقول اهو المجالس بالامانة. انا قعدت معك جلسة. لا يحل لك ان تفشي شيئا منها الا ازني ممكن ان انت تسمع الكلام تتصور انه كلام عادي ورطني يعني - 00:25:01ضَ

مع جاري مع اخي مع اختي مع زوجتي انت شايف ان ما فيهوش حاجة لكن هو عندي فيه حاجات فهذا اذا التفت وتركتني وتفرقنا صارت امانة في عنقك هو ابو بكر الصديق نفذ هذا حق تنفيذه - 00:25:26ضَ

النبي عليه الصلاة والسلام بيقول ما فعلت حفصة خلاص اعتبره سر من الاسرار ما كان ليفشيه. دي نمرة واحد. نمرة اتنين انه من كثرة ملاحظته للنبي صلى الله عليه وسلم. والباعث على هذا تمام المحبة - 00:25:45ضَ

عرف ما يدخل في باب السر وما لا يدخل. واي محب اسأله عن يصفه لك ادق من الكاميرا المسجلة يفهم التعريض بتاعه ويفهم التورية ويفهم التصريح ويفهم نظرة العين بل يفهم النفس اذا دخل او خرج - 00:26:04ضَ

فعمر بن الخطاب يعني كما قال بعض العلماء تبجح ان هو ايه انه زوج النبي صلى الله عليه وسلم قال وافقت على زواج ابنتي منك حاجة كبيرة اوي فكأن ابا سفيان اراد ان يحظى بهذا اذ فاته الشرف الاول - 00:26:33ضَ

وكان النبي صلى الله عليه وسلم لا يقول لا ده كلام ابن الصلاح شرحه يعني النووي استدرك على ابن الصلاح استدراكا ولكنه ايده من وجه اخر قال وليس في الحديث - 00:26:57ضَ

انه جدد العقد له خلاص يبقى يحمل كلام ابن الصلاح على انه وافق اتكالا على الزواج الاول بدون ما يجيبه ويقول له ايه؟ زودني فلانة قبلت ما عملش اجابة وقبول. انما قال له خلاص لك ذلك. يبقى المسألة تمت ايه - 00:27:18ضَ

شفوية خلاص؟ طبعا ابن القيم رحمه الله استرذل هذا الجواب واستقبحه وما اراه قبيحا بل له وجه من القوة واستجود وجها اخر وهو الوجه الاخر الذي اخترته وهو ان ابا سفيان اراد ان يزوج ابنة له - 00:27:42ضَ

يقال لها رملة او هند وتكنى بام حبيبة ايضا اراد ان يزوجها رسول الله صلى الله عليه وسلم. ولم يكن عنده علم ان الجمع بين الاختين من المحرمات ولا بأس بذلك - 00:28:09ضَ

فلم تعلم هذا الجمع ام حبيبة نفسها كما رواه البخاري ومسلم من حديث زينب بنت ام سلمة عن ام حبيبة قال قالت قلت يا رسول الله هل لك في بنت ابي سفيان - 00:28:33ضَ

فقال لها افعل ماذا قالت تتزوجها فقال لها او تحبين ذلك قالت لست لك بمخلية مش انا لوحدي ده انا معي اخريات واحب من شاركني في خير اختي. طالما العملية كده - 00:28:59ضَ

ومش انا مني لك. وفيه اخريات اختي اولى اهي دي بقى من فوائد التعدد. ها مش عايز النسوان يزعلوا. بس ايه انا عادتي كل ما الاقي فايدة كده التقطها ما اقصدش حاجة. تمام؟ ايه بقى الفايدة اللي فيها في التعدد - 00:29:28ضَ

انه يعلم المرأة الانصاف طيب طالما ان آآ في اخريات معي فطابت نفسها ان تعرض اختها تجد المرأة التي قبلت ان يعدد زوجها وان يتزوج عليها اكثر انصافا وقبولا لان يتزوج عليها - 00:29:52ضَ

من المرأة التي انفردت بزوجها يعني واحدة مثلا اذنت ووافقت ان يتزوج زوجها. بقى عنده زوجة تانية لما يحب يتجوز تالتة التانية اول ما تعترض ولا بتعترض الايه طب ما انت دخلت على واحدة قبلك - 00:30:22ضَ

فكيف تنكرون تنكرين ان يدخل عليك اخرى ولو راحت تشتكي لاهلها وطوب الارض يقولوا لها هزا الكلام. فبتقبل تمام وما بتهدش البيت ولا بتغضب عند اهلها ولا الكلام ده خلاص ان غضبت - 00:30:47ضَ

ترجع بسرعة حتى لا يفوت قسمها تمام؟ ان اتجوز تالتة حب يتجوز رابعة دواليك. لكن عنده امرأة واحدة فقط يحب يتجوز تغضب وما ترجعش. واهلها يغرونها بخراب البيت. ولازم تقعدي وهتجوزك ست سيدي وهنربيه - 00:31:10ضَ

وجرجروه في المحاكم ويبددوا القايمة وتضرب نفسها بمطواة وتروح تعمل له تقرير. واخد بالك والكلام ده كله حادث. في حين مثلا انه انهم لو ضبطوه متلبسا بزنا عيني عينك اهو - 00:31:36ضَ

او كان لا يصلي فغضبت المرأة العفيفة وذهبت الى بيت اهلها. ليه يا بنتي ده ضبطه بيزني معلش يا بنتي هيثوب عندك اولاد وعندك بيت وخراب البيت والكلام ياما ناس كانوا وحشين ورجعوا - 00:31:56ضَ

ها طب ده ما بيصليش هو انت هتتحاسبي مكانه ها ويطلع الكلام بهذه الايه بهذه الطريقة اذا فعل ما هو مشروع له خربوا البيت. يفعل ما حرم عليه يتأولون له - 00:32:15ضَ

فهي لما بتيجي تقول لست لك بمخلية طالما ان انا معي نسوة او اخريات خلاص يبقى اختي اولى. تمام؟ فعلمها خلق الايه الانصاف وقبلت ان تشاركها امرأة اخرى سعادتها مع زوجها ابتغاء مرضات الله - 00:32:31ضَ

وانا اقول واكرر ان التعدد الان شغر وجهاد ثغر وجهاد الاحصائية اللي نشرتها الاهرام من حوالي اربع شهور ان في مصر كلها اكتر من تلتاشر مليون مطلق وارمل وعانس. تلتاشر مليون - 00:32:54ضَ

منهم ستة ملايين في القاهرة الكبرى القاهرة والجيزة ستة ملايين دول يروحوا فين مات زوجها اليس لها حق السعادة ولا بتحكموا عليها بالاعدام خلاص مات زوجها يبقى انتهت القصة بالنسبة لها - 00:33:26ضَ

خليها امرأة عفيفة ولا تريد ما تريده النساء. من يقتل اولادها ومن يؤنس وحدتها ووحشتها وازا وقعت في مطب مين اللي يقف جمبها ؟ وكذلك المرأة المطلقة ليه النساء عمالين يحجروا ما وسعه الله - 00:33:46ضَ

لما قال فانكحوا ما طاب لكم ان زي ما اثنى وثلاثى ورباع. ان النبي صلى الله عليه وسلم اخبرنا ان امرأة بغيا دخلت الجنة فيه كلب سقته هذا دي مش كلبة بقى دي امرأة مسلمة - 00:34:06ضَ

وكانت سعيدة في يوم من الايام ولها بيت ايام تجري عليك ايتها الرافضة وتترملين او تطلقين. وتتمنين من اعماقك لو كفلك رجل فده بيعلم المرأة خلق الانصاف فهنا وتحبين ذلك؟ قالت لست لك بمخلية - 00:34:23ضَ

وخير من شاركني في خير اختي فقال انها لا تحل لي تمام فقالت اننا حدثنا ايه اللي خلاها تعرض العرض ده بقى اننا حدثنا انك ستنكح درة بنت ابي سلمة - 00:34:45ضَ

فقال لها بنت ام سلمة قالت نعم. قال انها لو لم تكن ربيبة في حجري ما حلت لي لان ثويبة ارضعتني وارضعت اباها ابا سلمة فهي ابنة اخي من الرضاعة - 00:35:14ضَ

فقال لها يعني هناك سببان للتحريم السبب الاولاني انها ربيبة كما قال تعالى في المحرمات وربائبكم اللاتي في حجوركم من نسائكم اللاتي دخلتم بهن فان لم تكونوا دخلتم بهن فلا جناح عليكم. المرأة المطلقة - 00:35:41ضَ

او المرأة الارمل عندها وبنت من زوجها السابق تمام؟ العادة ان الحضانة بتكون للمرأة لا سيما والبنت صغيرة فالعادة ايضا ان المرأة تحتضن ابنتها من زوجها السابق في بيت زوجها الجديد. تمام؟ فصارت حينئذ ربيبة - 00:36:06ضَ

رباها في حجره. خلاص؟ واشترط رب العالمين لذلك ان يكون الرجل دخل بالمرأة فان عقد على المرأة ولم يدخل بها جاز له ان يتزوج هذه الابنة اما اذا دخل بها فصارت بمنزلة ابنته - 00:36:32ضَ

تمام كده فقال هذا سبب اول للتحريم انها ربيبتي. السبب الاخر لو لم تكن ربيبتي لحرمت بالرضاع. ليه؟ لانها ابنة اخي من الرضاعة وقد ارضعت سويبة رسول الله صلى الله عليه وسلم - 00:36:57ضَ

وابى سلمة اه رضي الله عنه تمام يبقى ايه يبقى قالت لست لك بمخلية وخير من شاركني في خير اختي. فقال لك ابو سفيان كان عنده بنت فاراد ان يزوج النبي صلى الله عليه وسلم ولا علم له بالتحريم. نقول ما فيش مش بعيد يعني. ازا كان بنته - 00:37:17ضَ

يوم ما حبيبة لزوج النبي صلى الله عليه وسلم والتي امنت قديما خفي عليها هذا الحكم وان الجمع بين الاختين لا يجوز افخفاوه على ابي سفيان بعيد وهو حديث عهد باسلام - 00:37:44ضَ

ما ليس ببعيد قال لك ولكن وهم بعض الرواة فظنها ام حبيبة فسماها خلاص؟ يبقى اذا الخطب سهل يبقى غلط في الاسم نشيل الاسم ده ونحط الصواب ويستقيم الكلام. قال لك طيب الكلام ده جميل بس فيه اشكال - 00:38:02ضَ

وهو ايه؟ وهو قوله فقال له النبي صلى الله عليه وسلم نعم. اي انا موافق. الله طيب ازا كانت ازا كان عرض بنته دي غير ام حبيبة. على النبي عليه الصلاة والسلام افخفي تحريم الاختين على النبي صلى الله عليه وسلم حتى يقول نعم. قال لك ان - 00:38:28ضَ

اللفظة دي من كرة ان هو وافق على ايه على طلب ابي سفيان اذا اعتبرنا ان هذا الوجه صحيحا. وهو ايه؟ ان ابو سفيان عرض بنته التانية. فنقول اهل العلم يقولون - 00:38:50ضَ

اذا تعارض دليلان او خرج كلام يعارض دليلا اما ان نأول الكلام تأويلا سائغا واما ان نرده يبقى عندنا حاجة اسمها الجمع وحاجة اسمها ايه؟ الترجيح جميل اوي طيب فقال له نعم - 00:39:06ضَ

مش دي موافقة هنسلم النقابة ان الوجه ده سليم وصحيح وهو احسن الوجوه كما قال ابن القيم وان بيعرض عليه بنته التانية ينفع النبي عليه الصلاة والسلام يقول نعم ما ينفعش - 00:39:37ضَ

يبقى لازم الراوي غلط والصاق الغلط بالراوي اولى انا بقول لك بقى ده اسمه ترجيح ولا جمع اغلط الراوي ده اسمه ايه ايه يا جماعة؟ انا عمال اناحي وهاتي والمحاضرة اللي فاتت كانت كلها في الاصول. ها؟ ده اسمه ترجيح. لان - 00:39:52ضَ

ايه معنى الجمع؟ الجمع ان تعمل الدليلين جميعا. ما ترميش واحد منهم خلاص الترجيح ترمي واحد وتاخد التاني خلاص كده طيب لما قال الراوي غلط ده خده ولا رماه رماه - 00:40:22ضَ

ها جميل قوي. ده يبقى اسمه ترجيح ولا جمع؟ ترجيح العلماء قالوا بقى احنا بنرتبها الجمع اولا فان عجزت عن الجمع فالترجيح. يبقى من يسبق من؟ الجمع ولا الترجيح؟ الجمع يسبق. طب ليه الجمع - 00:40:45ضَ

لا يسبق الترجيح قال لك لان الاصل في الدليلين الاعمال لا الاهمال الاصل ان تعمل الدليلين معا لا ان تهمل احدهم واعمال الدليلين اولى من اهمال احدهما احدهما حلو كده؟ طيب احنا عايزين نجمع - 00:41:07ضَ

الترجيح ما فيش اسهل منه ده غلطان قافلين الباب. طب والجمع قال لك يا اخي يبقى الكلام انما قوله صلى الله عليه وسلم نعم يتنزل على ما يوافق الشرع خلاص - 00:41:33ضَ

يتنزل على ما يوافق الشرع لانه لن يوافق على ما خالف الشرع. فدي حاجة المفروض تبقى مفهومة خلاص اديكم مسال عندنا في اصول الفقه حاجة اسمها دليل الخطاب او مفهوم المخالفة - 00:41:58ضَ

والكلام ده احنا شرحناه المرة اللي فاتت. قلنا الدليل له وجه وبطن خلاص كده ؟ الوجه ده اسمه المنطوق والبطن ده اسمه المفهوم تمام كده المفهوم ده قسمين. زي المنطوق من قسمين برضه. المنطوق منطوق صريح منطوق غير صريح - 00:42:20ضَ

والمفهوم مفهوم وموافقة ومفهوم مخالفة. انا مش عايز غير مفهوم المخالفة تمام مفهوم المخالفة قال لك هو عكس المنطوق او هو معنى اللفظ لا في النطق وضربنا المثل بايه في الغنم السائمة زكاة. فاكرين ولا وان جاءكم فاسق بنبأ فتبينوا - 00:42:50ضَ

ان جاءكم فاسق ده المنطوق ولا المفهوم؟ ده المنطوق اللي هو الكلام اللي واضح. الاية جت علشان خبر الفاسق ولا خبر التقي؟ عشان زي الحكم خبر الفاسق. جميل اوي ده المنطوق. طب المفهوم؟ وان جاءكم تقي بنبأ فلا - 00:43:25ضَ

لا تتبينوا يبقى كلها يبقى عكس بعض ولا لأ؟ يبقى اتقي عكس الايه؟ الفاسق وتبينوا عكسها ايه؟ لا تتبينوا جميل اوي. كثير من اهل العلم ذهبوا الى ان دليل الخطاب حجة - 00:43:48ضَ

الا في حالة من الحالات وهي انا هبسطها جدا بس ركزوا معي. لان ده الشرع بتاعنا جميل ومرتب ولما جاهل يدخل فيه برقبته كده تتقطع ده عامل زي السكاكين زي ما يكون ايه؟ سكاكين شغالة كده. تدخل برقبتك هتتقطع. يدخل واحد عالم يعرف يفادي نفسه - 00:44:05ضَ

ها ان هذا الدين متين فاوغل فيه برفق تمام كده قال لك اذا خرج المفهوم مفهوم المخالفة مخرج الغالب فلا يكون حجة يعني ايه مخرج الغالب قال لك في حالة غالبة في البلد - 00:44:34ضَ

عرف في البلد. زي الجاهلية كان المرابي يفضل يمص في دم المحتاج لحد ما يخليه جلد على العضم وكان ده اسمه في الجاهلية الربا المركب الربا الايه؟ الموكل زلمات بعضها فوق بعض دماء بعضها تتلو بعض - 00:44:57ضَ

يبقى عندنا رضا بسيط وليه بقى ايه مركب اللي كان موجود في الجاهلية الربا المركب واحد خد من واحد قرشين بعد قد ايه؟ قال له بعد شهرين. جه بعد شهرين قال له ما جتنيش فلوس. يقول له ماشي. ازود لك المدة - 00:45:24ضَ

واضعف الايه؟ الربا كنت مديك ميت جنيه بمية وعشرة يبقى اديك مهلة تانية كمان بعشرة جنيه. يبقى ايه؟ يبقى مية جنيه بمية وعشرين تمام؟ ويفضل المسكين مش عارف يسد الديون وعمال يسد فوائد الديون - 00:45:44ضَ

والدين متركب عليه لحد ما يبقى الفايدة قد الدين ده اسمه الايه الربا المركب فقال الله عز وجل يا ايها الذين امنوا لا تأكلوا الربا اضعافا مضاعفة ده اللي اسمه الربا الايه ؟ جميل. الاية دي منطوقها تحريم الربا المركب - 00:46:01ضَ

مش كده؟ طيب مفهوم المخالفة ان تأكل الربا البسيط. صح كده؟ يعني لا تأكلوا الربا اضعافا مضاعفة وكلوه ضعفا واحدا مش ده مفهوم المخالفة اه طب ده ينفع ليه لان عندنا اية حرمت قليل الربا وكثيرة - 00:46:32ضَ

تمام كده والايات التي حرمت كثير الربا وقليله داخلة في باب المنطوق ولا المفهوم؟ المنطوق تمام كده لان الايات واضحة يا ايها الذين امنوا اتقوا الله وذروا ما بقي من الربا - 00:47:01ضَ

ان كنتم مؤمنين يبقى ده منطوق ولا مفهوم؟ جميل يبقى الاية ديت المنطوق ده تعارض مع مفهوم الاية لا تأكلوا الربا اضعافا مضاعفة ولا ما تعارضش عارض قال العلماء اذا تعارض منطوق مع مفهوم حنقدم مين؟ المنطوق ليه - 00:47:22ضَ

لان دلالة المنطوق اقوى لان اللفظ انما سيق لدلالة المنطوق وجاء المفهوم تبعا الكلام ده واضح؟ ها؟ طيب معلش يعني ايه؟ زاكروه تاني خلاص كده ؟ يبقى مفهوم المخالفة اذا لم يعارضه من طلب حجة - 00:47:48ضَ

فان عارضه من ثقب ايه؟ يبقى مفهوم المخالفة ملغى ده بقى قول العلماء اذا خرج مفهوم المخالفة مخرج الغالب لا يعمل به. لان الله عز وجل انما نهاهم ان يأكلوا الربا على غالب ما كان يفعله القرشيون - 00:48:13ضَ

مش انه اباح الربا البسيط لأ وهذا كقوله تعالى ايضا ولا تكرهوا فتياتكم على البغاء ان اردن تحصنا طيب افترض انها لم ترد تحصنا. مبسوطة بالعملية دي ها ولا ترى فيها غضاضة. افيجوز ان نكرهها على البغاء؟ ها؟ طيب. تعالوا نشوف الاية تاني - 00:48:38ضَ

منطوقها ومفهومها المخالف ولا تكرهوا فتياتكم على البغاء ان اردن تحصنا مفهوم المخالفة ايه فان لم يردن تحصنا فيجوز اكراههن على البغاء مش كده؟ طيب. الكلام ده ينفع؟ ليه لان عندنا دليل مستقل بتحريم الزنا - 00:49:09ضَ

فاذا تعارض دليل منطوق نزل في حكم خاص كتحريم الزنا مع مفهوم جرى مجرى الغالب لان الزمان كان الواحد مسلا يقول للجارية بتاعته انا معزور ازهبي لفلان فاستبدعي بل كانوا يفعلون هذا مع زوجاتهم الحرائر - 00:49:39ضَ

مع زوجاتهم الحرائق شف الراجل ولها ايه انا شعري اكلة منيل بنيلة انا عايز آآ ولد شعره مسبسب وعينيه خضر والكلام ده. جارنا ده مسبسب وعيني خضراء رح اشتغلي معه - 00:50:05ضَ

اذهبي فاستبدعي من فلان يبغون بذلك نجابة الولد شف الدايس اللي القردة عندهم نخوة احسن منهم واخد بالك؟ ده حتى الكلاب يعني انت عارف ساعات تلاقي كلبة ووراها عشرميت كلب. خلاص - 00:50:16ضَ

واذا يعني بصبصت لواحد واصل البصبصة هي ان يحرك ذيله خلاص تحريك الذيل يقول لك بيبصبص. عشان كده استعاروا الكلام ده لايه؟ لبني ادم. يقول لك بيلعب بديله. بيلعب بديله يعني بيبصبص. تمام - 00:50:38ضَ

فاذا بصبصت لكلب ما فيش كلب يعرف يقرب بعدما اختارته. ابن الكلب ده ها ده حتى الكلاب عندها نخوة اهو لا دول ما كانش عندهم نخوة حتى جاء الاسلام فرفع من هممهم. فكان يستضعف. فكان زمان بقى الواحد عنده امة واتنين وتلاتة يقوم يروح ايه؟ يأجرهم - 00:50:56ضَ

بتجيب له مش عارف كم درهم وده كم دينار ومش عارف ايه والكلام ده في الاخر يبقى راجل مالي كرشه بالايه؟ باموال البغاء يبقى ده كان عرفا جاريا هناك ام لا - 00:51:19ضَ

كان عرفا جاريا. فاذا خرج المفهوم مفهوم المخالفة يعني. مخرج الغالب يبقى لا مفهوم له لانك ستجد له منطوقا معارضا مثله ايه كمان قوله صلى الله عليه وسلم لا تصوم امرأة وزوجها شاهد الا باذنه غير رمضان - 00:51:29ضَ

فالراجل موجود في البيت ليس مسافرا المرأة عايزة تصوم اتنين وخميس لازم تاخد ازن من زوجه والا يرد عليها صومها شوف بقى يعني طاعة الزوج في المعروف شف واصلة لدرجة ايه - 00:51:55ضَ

مع ان الصيام تطوع محض عبادة محضة ليس فيها حظ نفس الصيام بالزات قال الله عز وجل في الحديث الالهي كل عمل ابن ادم له الا الصوم فانه لي وانا اجزي به. مع ان الصوم للانسان برضو قال لك لان كل - 00:52:17ضَ

كل حاجة تدخلها الرياء وحظ النفس الا الصيام. ممكن ييجي المسجد يصلي عشان الناس ايه يشوفوه رايح جاي وفي الصف الاول وبتاع وبعيط في الصلاة وبيسجد مش عايز يقوم خلاص فيقول لك والله الراجل ده ورع وتقي وشف علامة الصلاة في وشه عاملة ايه والكلام ده. ممكن. ودي الصلاة اللي هي يعني اعظم اركان الاسلام العملية. انما الصيام - 00:52:35ضَ

بيبقى لوحده والتلاجة شغالة والعصير موجود وحيموت من العطش ويفتح ويمسك العصير ويحطه على دماغه كده. واخد بالك ازاي؟ ويقول له هيت لك. ومش عارف يشرب طب ايه اللي منعك انك تشرب هو في حد معك - 00:52:55ضَ

ها قال لك سام بالذات ليس فيه حظ نفس. عشان كده الله عز وجل ايه؟ فانه لي اي ان العبد في الصيام يحقق منزلة الاحسان. فان لم تكن تراه فانه يراك. ممكن يدخل الرياء وحظ النفس كل حاجة الا الايه؟ في الصيام - 00:53:10ضَ

اذا الصيام عبادة محضة ام لا؟ جميل. ومع انها عبادة محضة محضة قدم حق الزوج عليه على حق الله فيه فقبل ما تصوم تقول له انا عايز اصوم بيقول لها لأ - 00:53:27ضَ

خلاص تمتسل ما تفتحلوش محضر. وتقول له انت بتصد عن سبيل الله وانت مش عارف ايه الا تعلم كزا وكزا. لا سيما لو طالبة علم لسانها طول كده اهو خلاص - 00:53:42ضَ

فالنبي عليه الصلاة والسلام بيقول ايه ؟ ازا كان الراجل حاضر في البيت ليس مسافرا لا تصوم المرأة الا باذنه غير رمضان لان رمضان فرض عليها وعليه طيب هذا القيد في الحديث - 00:53:55ضَ

لا تصوم امرأة وزوجها شاهد يعني حاضر. القيد ده قال لك خرج مخرج الغالب خلاص؟ لان كلمة لا تصوم امرأة وزوجها شاهد او حاضر. مفهوم المخالفة ايه؟ وتصوم وهو وغائب - 00:54:11ضَ

صح ليه؟ لان المرأة ليه ليه بتستأزن من الراجل؟ احتمال ان يكون الرجل في حاجة الى المرأة فتصده بصيامها وحقه في اعفاف نفسه مقدم على الصيام. خلاص كده لكن طب وهو غايب - 00:54:33ضَ

ما هي الثمرة؟ انها تفطر ولا تصوم ما فيش ثمر خلاص كده ؟ يبقى القيد ده خرج ايه ؟ خرج مخرج الغالب. لان الرجل يحتاج الى المرأة لكن لو قال لها الرجل كلاما يجري في مجرى المنطوق - 00:54:54ضَ

فقال لها انا مسافر اهو ولا تصومي يبقى تصوم ليه تعارض منطوق قوله مع مفهوم الحديث خلاص كده ؟ ومثل هذا ايضا قوله صلى الله عليه وسلم اذا باتت المرأة هاجرة فراشا - 00:55:16ضَ

زوجها لعنتها الملائكة حتى تصبح اذا باتت والبيات يكون ليلا ام نهارا؟ يكون ليلا. جميل قوي. الراجل شغال بالليل في تصنع في بتاع وجاب النهار فهاجرت المرأة فراش زوجها نهارا - 00:55:42ضَ

تلحقها اللعنة ولا لأ؟ ليه؟ ازا كان الحديد بيقول اذا باتت فانت بقى جبت الكلام ده منين قال لك لان هذا الفعل انما يكون داعيته بالليل خلاص كده علشان كده خرج هذا مخرج الغالب - 00:56:05ضَ

تمام الكلام؟ فلما خرج مخرج الغالب اهدر مفهومه اذا باتت المرأة هاجرة فراش زوجها. اعكس هات مفهوم المخالفة اذا اصبحت المرأة هاجرة فراش زوجها فقال لك علشان الكلام ده داعية الفعل تكون ليلا ام منبه على كده. مش معناها انه قال لك ان بالنهار اذا طلبها يبقى ايه؟ يبقى يجوز لها ان تمتنع - 00:56:31ضَ

دي قواعد العلماء حاطينها في قاعدة واحدة ولسه لها ضوابط كثيرة يعني مفهوم المخالفة ده مش نوع واحد ده انواع. الصفة والاستثناء والنعت والكلام ومفهوم اللقب والاستسناء وكل واحدة من دي وراها حدوتة كبيرة - 00:57:01ضَ

اصول الفقه ده حاجة كبيرة كده لما يكون بقى كل سطر عمالين نعمل له مجلدات. ياتي الجهلة الاغمار ويدخلوا في الشريعة كده بصدرهم فاحنا بنقول اهو ادي واحد عمال ينكر الحديس ولا يعرف تأويله ولو ردوه الى الرسول والى اولي الامر لعلمه الذين يستنبطون - 00:57:22ضَ

منه لكن هو فرحان بطوله. فرحان بشبابه. امسك قلما واسمه طالع في الجرايد ففكر نفسه ابو العريف. فعمال يتكلم براحته بقى واغراه سكوت العلماء عنه وان الكفر الواضح الصالح الصالح بيطلع ولا حد بيقول للذي كتب انت فين - 00:57:45ضَ

يبقى لو ان ولي الامر بجرة قلم وهو قاعد حاطط رجل على رجل وقاعد في التكييف وبيشرب الشاي والا يتكلم في العلم الا اهل العلم وموقع استرحنا لكن هنفضل نناحي لحد امتى - 00:58:05ضَ

يبقى ينبغي يا اخوانا ان احنا نعلم قدر الوالي العادل وكما قال الشافعي رحمه الله وهذا قول امام فاقه لو كانت لي دعوة مستجابة لادخرتها لامام المسلمين. ده الواعظ الاول - 00:58:31ضَ

واش حنان فيه واعظان واعز واقف على رأس الصراط وواعظ واقف فوق تمام طيب له فوق فوق يعني يعني فوق في فوق السورين يعني. مش احنا قلنا الصراط المستقيم سكة اهو - 00:58:55ضَ

ادي سور وادي سور والصور فيه ابواب وعلى كل باب سطور مرخاة قال لك وواعظ وداع فوق الصراط. هو مين دا بقى؟ قال لك واعظ الله في قلب كل مسلم - 00:59:22ضَ

الضمير بقى اللي اللي اداعي الاول بيربيه ما هو الذي اورث الخشية واورث المراقبة هو الداعي الاول وهو القرآن وقال لك ليه فوق؟ لانه حينئذ يصير من اهل البصر لما اكون فوق ببقى شايف الابواب - 00:59:42ضَ

وانا شايف اللي عايز يشد الستار غير لما ابقى تحت خلاص فقال لك الابواب دي حدود الله والستاير دي المناهي قال لك اوعى تزني الزنا ده الباب المفتوح. الستارة المشدودة على باب الزنا اللي هو ايه؟ ولا تقربوا الزنا - 01:00:02ضَ

ولا يزنون خلاص كده ؟ فواحد قام شادد الستارة يبقى عمل ايه في النهي؟ ضيعوا ما بقي الا ان يدخل من الباب تمام؟ فاذا دخل من الباب يبقى عمل ايه - 01:00:27ضَ

هتك حدود الله مش الابواب هي الحدود ها السطور للنواهي فانه يقول له ويحك لا تلجه. لا تفتحه فانك اذا فتحته ولجته ده مين اللي بيقول ويحك؟ كتاب الله خلاص الواد داعي على - 01:00:49ضَ

رأس الصراط يقوم يستجيب لهذه الدعوة القلب اللي هو الواعظ في ناس القرآن ما بيأسرش فيها لكن جبان اذا رأى بارقة السيف او العقوبة يكف ليس لوجه الله لكن خوفا من العقوبة - 01:01:12ضَ

والعقوبة دي مين اللي ماسكها الوالي فاحنا امام رجلين. رجل بيتقي الله محترم كتاب ربنا عز وجل هو اللي ممشيه ده ممتاز واحد ليس في وجهه قطرة ماء انين الحياء - 01:01:36ضَ

ده ما ينفعش معه غير النبوت. نبوت الوالي بقى اللي هو عثمان ابن عفان قاله في في المقولة الجميلة قال ان الله لا يزع بالصل بالسلطان ما لا يزع بالقرآن - 01:01:55ضَ

قل له يا اخي ربنا بيقول لك يا اخي يعني ولا تأكلوا الربا. يقول لك معلش ما فيهوش حاجة. اه لا لا تتركوا اموالكم تأكلها الزكاة تفضل تدفع من الزكاة والكلام دهوت وبعدين الربا فيها ايه؟ انا ده ما استيش ما اسموش ربا - 01:02:09ضَ

ده اسمه فك كربات المحتاجين ها ويسمونها بغير اسمها. او ان الربا ربنا حرمه بس هنعمل ايه ؟ ها معلش سبنا من الحزلقات دي ده كان زمان وبتاع انا عارف سكتي - 01:02:27ضَ

خلاص ده واحد مين اللي يأدبه القرآن بيقول له ولا تأكلوا الربا وهو ماشي ماضي قدما النبي صلى الله عليه وسلم يقول لا تسافر امرأة تؤمن بالله واليوم الاخر الا مع ذي محرم. يقول لك معلش الدنيا امان والمسافات دلوقتي - 01:02:41ضَ

والقطارات والسيارات والطائرات والبتاع ده والكلام والكلام ده كان زمان الله! يعني كان زمان كانوا قطاع طرق وكانوا كلهم زناة والكلام ده وانتم اللي اعفة ها والدنيا امان ده بيغتصبوا في في وضح النهار - 01:03:02ضَ

لسة البنت آآ من كم سنة البنت اللي اغتصبوها في ميدان العتب وطلع مسئول كبير يقول لك ما هو الزين موجود في كل حتة حتى في امريكا الله! حتى في امريكا ده امريكا الاصل فيهم الزنا - 01:03:21ضَ

تقول لي مجهود كل حتى امريكا خازنة يبقى احنا ما عندناش واديك شايف اهو الاغتصابات والبتاع والموجودة في صفحات الحوادث لا بارك الله فيها ولا في القائمين عليها. الصفحات اللي بتغري الفسقة - 01:03:39ضَ

بعمل الجرائم وبتصور المجتمع كأنه كرخانة كله بيقتل بعضه وكله بيزني في بعضه والكلام ده ولو حاجبوا هذه المصائب عن الناس لظن الفاسق ان المجتمع نضيف وكويس فيخشى ان يقتل على الجريمة - 01:03:53ضَ

فهما بقى ده النهاردة الزنا بالانترنت. وفيه حاجة اسمها الجماع بالتليفون كلام فظيع وفيما هو ابعد من ذلك واخطر والمرأة بقى تسافر في هذا الجو المكفهر للشرع ليس له سلطان في دول المسلمين الا ما - 01:04:10ضَ

شاء الله عز وجل النهاردة انا لما اسمع الكلام ادي عندي الداعي على رأس الصراط بيقول لي لا تفعل. مين اللي ينفزها بقى الداعي التاني اللي فوق اللي من اهل البصر لانه شايف من فوق. من اهل البصر. واعظ الله في قلب كل مسلم - 01:04:33ضَ

طيب. انا اذا رأيت الداعي الاول يدعو الى شيء او ينهى عن شيء فلم يمتثل العبد. يبقى العلة فين العلة في قلبه طيب لماذا لم يستعلي لانه اهمل الداعي الاول - 01:04:56ضَ

ولو انه عظم كتاب الله لظهر هذا على سمته وقلبه. يبقى ده داعي مع داعي. الاتنين مرتبطين ببعض واحد متلقي والتاني بيشحن اللي بيشحن كتاب الله يملأ القلب بالايمان والقلب هو المتلقي - 01:05:14ضَ

لابد ان احنا نعرف ان الداع الاول لا يقيمه الا الوالي والعالم. الداعي التاني ده ثمرة الاستقامة على اوامر الداعي الاول وهو كلام الله عز وجل. اقول قولي هذا واستغفر الله لي ولكم وصلى الله وسلم وبارك - 01:05:34ضَ

على نبينا محمد. معلش انا يعني باستميح اخواني عذرا ان ما فيش حد ايه يتعرض لي ولا يسألني. الله يحفزه جزاك الله خير - 01:05:53ضَ