باحث

الصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد. يعني في البداية يعني اسأل الله سبحانه وتعالى ان ويتقبل منكم هذه الخطوات. واسأل الله سبحانه وتعالى انه يتقبل منكم جلوسكم في الحر ده. عارف ان الحر الشديد ولكن والله - 00:00:05ضَ

يا اخواني خدوها مني قاعدة. كل اما بيكون العمل ثقيل اوي على النفس في الدنيا لله سبحانه وتعالى. كل ما بيكون العمل ده تقيل اوي في الميزان يوم القيامة. كل عمل عظيم شاق اوي اوي اوي علينا - 00:00:25ضَ

واحنا بنصنعه بصعوبة جدا. نظرا لان النفس اصلا مش متقبلة العمل ده. لان النفس دايما نفسنا دايما يا اخواني بتميل للراحة بتميل للدعى بتميل للرفاهية. فكل اما يكون العمل شاق على النفس اوي كل ما ربنا سبحانه وتعالى يجعل العمل ده ثقيل جدا - 00:00:42ضَ

في ميزانك يوم القيامة. علشان كده كان من اعظم الاعمال اللي العبد بيتقرب بها الى الله فريضة الجهاد. لان اصعب حاجة على النفس اصعب حاجة على النفس انه يبذل ما له - 00:01:02ضَ

اعلى منها انه يبذل ولده اعلى منها انه يبذل نفسه ولما كانت العبادة دي من اعظم واشق العبادات ربنا سبحانه وتعالى جعلها من اعظم العبادات اللي ممكن العبد يقابل بها ربه سبحانه وتعالى - 00:01:15ضَ

فيا رب كده تكون يعني الجلوس ده يا رب يكون الجلوس ده في الحر ده علشان نسمع عن ربنا ونسمع للنبي صلى الله عليه وسلم في ميزان حسناته قناتكم ان شاء الله. وعايز ازكركم يا اخواني فيه شباب كتير جدا والله يا اخواني ممكن بيبذل اضعاف اضعاف المجهود اللي انتم هتعملوه - 00:01:31ضَ

الان في معصية الله سبحانه وتعالى. فكون ان ربنا سبحانه وتعالى لما ييجي يصطفيك يصطفيك لعمل شاق والعمل الشاق ده كل رضاه سبحانه وتعالى اعلم يقينا نحفظ كده القاعدة كلما كان العمل ثقيلا على النفس في الدنيا كلما كان هذا العمل ايه؟ ها - 00:01:51ضَ

ثقيلا فين؟ في ميزان العبد يوم القيامة. احنا اتكلمنا في الاسبوع اللي فات عن مدرسة التزكية مدرسة الحسن البصري رحمة الله عليه. وقلنا ان اول عمود في مدرسة التزكية الخاص الخاصة بالحسن البصري كان اهم حاجة عنده انه - 00:02:11ضَ

جيل انه يوجد شباب. الشباب ده متقيد بالقرآن. الشباب ده يقرأ القرآن ويعمل بالقرآن. الشباب ده اثر القرآن ظاهر كويس جدا جدا جدا. فاقوالهم وفي افعالهم وفي سلوكياتهم الناس دي اللي نظرت الى دواء القرآن. فوضعوه على داء قلوبهم واستشفوا بشفائه وتدواوا - 00:02:31ضَ

او بدوائه فهؤلاء الذين ينزل الله بهم بهم النعم على اهل الارض. وبهم يدفع الله النقم عن اهل الارض. وهؤلاء في هذه الامة اعز واغلى من الكبريت الاحمر. الناس دي اللي ربنا سبحانه وتعالى اصطفاها علشان تكون كده سبحان الله نعمة من - 00:02:57ضَ

من اعظم النعم اللي ربنا سبحانه وتعالى وضعها بيننا. اما العمود التاني يا اخواني اللي الحسن البصري اصلا له داخل مدرسة التزكية هي جزئية العمل والتذكر الدائم ليوم القيامة. يا اخواني اوعوا في يوم من الايام يكون ذكر الاخرة بعيد عن - 00:03:17ضَ

عيونكم او بعيد عن قلوبكم. يا اخواني اول ايات نزلت في القرآن ايات القيامة. يا اخواني واخر ايات نزلت في القرآن هي الايات برضو اللي بتتكلم عن القيامة. اول الايات اللي نزلت في القرآن زي ما ام المؤمنين عائشة رضي الله عنها تقول كان اول ما نزل من القرآن - 00:03:37ضَ

اذا نقر في الناقور اي فاذا نفخ في الصور. واخر اية نزلت في القرآن واتقوا يوما ترجعون فيه ها الى الله في اول اية ربنا من اوائل الايات اللي ربنا ينزلها على النبي. الايات اللي تتكلم عن القيامة. واخر ايات ربنا يختم بها - 00:03:57ضَ

القرآن ايات برضو بتتكلم عن القيامة. ليه ؟ علشان تظل قلوب الناس مربوطة بالقيامة. مربوطة بالقيامة علشان تخاف وتترعب لأ مش هو ده الهدف ولكن مربوطة بالقيامة علشان العمل. علشان انت تعمل. لان الانسان مننا يا اخواني لو ايقن ان ممكن في لحظة - 00:04:17ضَ

يخرج من الحياة. الانسان ده هيجتهد قوي في العمل. علشان كده في الصحيح لما جاء رجل الى النبي صلى الله عليه وسلم وقال يا رسول الله متى الساعة؟ الساعة امتى؟ امتى تقوم القيامة؟ امتى السماء تنفطر؟ امتى؟ امتى امتى الساعة يا رب - 00:04:37ضَ

رسول الله. فالنبي صلى الله عليه وسلم يلفت نظره ان مش الاصل انك تسأل القيامة امتى. ولكن الاصل انت عملت ايه لها؟ فقال له النبي صلى الله عليه وسلم السؤال كان بتاع النبي ايه - 00:04:57ضَ

وما اعددت لها؟ يبقى النهاردة لما نيجي نتكلم عن القيامة يا اخواني الاصل الحسن البصري اكد عليه اوي الاصل انك الحسن بيقول يقول لك انت اعديت ايه لليوم ده انك اعديت ايه لليوم ده؟ اليوم العظيم ده الاهوال الخطيرة اللي احنا هنقابلها في اليوم ده. انت استعديت ازاي؟ انت بتعد نفسك - 00:05:12ضَ

ازاي ليوم زي ده ؟ ده المعنى اللي لازم يوصل لكم كلكم يا احبابي. ربنا سبحانه وتعالى ما بدأ القرآن بذكر القيامة. وما ختم القرآن بذكر القيامة الا للاصل ده. وما اعددت لها. وما اعددت لها. سؤال مهم جدا. السؤال ده تخيلوا يا اخواني ان - 00:05:35ضَ

النبي طرحه علينا كلنا لأ صعب اوي افرض النور جه وافرد النور جه. صعب عشان ندخله اللي خارج بص خليهم في الاوضة. الاوضة والاوضة اتفتح. والنوم في الاوضة الاوضة فاتحة - 00:05:55ضَ

في الاوضة يا احمد وافتح لهم الباب. اه. هم. صعب. الله المستعان يبقى اذا يا اخواني ده منهج. ده منهج. والنبي صلى الله عليه وسلم كان دايما يا اخواني لما بيذكر لنا آآ اي - 00:06:13ضَ

وحالة من مراحل القيامة كان دايما بيربطها بالعمل ربنا سبحانه وتعالى يا اخواني لما بيذكر اي مرحلة من مراحل الاخرة برضو ربنا بيذكرها بالعمل. يا اخواني رأس مالكم اللي هتقابلوا به ربنا سبحانه - 00:06:33ضَ

اعمالكم. يا اخواني والله يوم القيامة لن نتحسر على شيء. كتحسرنا على ساعة مرت علينا ما قدمناش فيها عمل صالح ده اللي النبي قاله لنا. والله لا يتحسر اهل الجنة على شيء كتحسرهم على ساعة مرت عليهم - 00:06:47ضَ

لم يذكروا فيها الله لم يذكروا فيها الله. ده الفهم اللي لازم يكون موجود عندك. الحسن البصري وهو بيأصل للمدرسة دي مدرسة انك لو عايز فعلا تزكي نفسك دور على عملك. دور على عملك. فكان رحمة الله عليه. انتم عارفين الحسن كان كلامه شبيه بكلام الانبياء. فكان رحمة الله - 00:07:07ضَ

يا ابن ادم يا ابن ادم انك بين يدي الله يوم القيامة موقوف وعن عملك مسئول وما من ساعة الا وستعرض عليك وما من ساعة الا وستعرض عليك. فالحسرة الحسرة على كل ساعة مرت عليك لم تطع فيها ربك - 00:07:30ضَ

بيقول لك خد بالك انك لما تقف بين ايدين ربنا يوم القيامة عمرك كله هيبقى بين ايديك. عمرك كله عبارة عن شريط قدامك كده. اوعى في يوم من الايام تلاقي عندك ساعة كده انت ما زكرتش فيها ربنا - 00:07:54ضَ

اوعى في لحظة من اللحظات يكون عندك مش باقول ساعة ايام وساعات طويلة انت ضيعت فيها طاعتك لربنا سبحانه وتعالى. الاخ اللي بيقعد ستاشر ساعة على الفيسبوك. انت بين ايدين ربنا لما يسألك عن عملك. هتقول له كنت قاعد ستاشر ساعة على الفيسبوك. هتقول له كنت - 00:08:09ضَ

كان في اليوم تمنتاشر ساعة هتقولوا كنت بنام في اليوم تمنتاشر ساعة! لا يا اخواني! لا يا اخواني! ربنا سبحانه وتعالى لما ذكر لنا كل مراحل القيامة ذكر لنا ان المرحلة دي مربوطة بالعمل. يا اخواني ربنا لما تكلم لنا عن الموت تكلم عن العمل. وقال لنا يا شباب يا اخوان يا احبابي - 00:08:29ضَ

ربنا لما تكلم عن الموت قال لنا خدوا بالكم لازم تعملوا. خدوا بالكم ان ممكن في لحظة يا شباب افهموا كويس جدا ان الموت ده ما بيجيش ناس كبار السن بس لا والله ده ممكن في لحظة تتاخد كده من بين ايدين الناس - 00:08:51ضَ

اهو احنا لسه يعني آآ اخونا شريف الطرشوبي اخ من اخوانا في لحظة في لحظة عمل حادسة مات تمانية وعشرين سنة مات خرج من الدنيا خرج من الدنيا لما دخل قبره الان اللي معه اللي معه عمله - 00:09:07ضَ

اللي معه عمله وسبحان الله يا اخواني ما من انسان منا يموت الا ويرفع الله الستر عن عمله فيري هذا العمل انا شريف ما كنتش اعرفه. ولكن سبحان الله اخويا الدكتور حسين اللي معنا في الجمعية بسأله وبقول له انت تعرف شريف؟ فقال لي شريف ده شف - 00:09:25ضَ

يا اخواني بقى كشف الستر ان الستر ده اترفع وكل واحد عمله وبقى باين. يقول لي سبحان الله شريف كان شهريا كان شهريا معنا من خمسين لستين الف جنيه ادوية للفقراء والمساكين. بيديها لنا بارخص واقل الاسعار. يقول لي سبحان الله شريف مش كده وبس - 00:09:45ضَ

ده كان لان علاقاته واسعة جدا مع شركات الادوية كان اي دواء احنا محتاجينه كان بيتصل عليهم يجيبوا لنا الدواء ده برخص التراب. شاب سبحان الله ربنا يختم حياته بالاعمال دي كلها. بل بكلمهم في الجمعية شريف جا لكم يا جماعة قريب. فقالوا لي سبحان الله هو كان مشارك مع الدكتور حسين في الاعمال الطبية بس - 00:10:05ضَ

اخر شهر سبحان الله يبدأ يطلع كفالات لاسر. طب اخر حاجة عملها ايه يا شباب؟ قالوا لي خد مننا وصل بالفين وخمسمية جنيه للاسر الفقيرة للاسرة الفقيرة يا اخواني ربنا امرنا كده لما تيجي تذكر الموت اذكره علشان تعمل - 00:10:25ضَ

اذكروا علشان تجتهد في العمل الصالح. هو ده الاصل يا اخواني هي دي المدرسة للحسن البصري دلوقتي بيأصل لها. بيأصل ايه يا جماعة احنا محتاجين محتاجين عمل اللي عايز يزكي نفسه هو محتاج للعمل الصالح. بصوا يا جماعة عارفين - 00:10:43ضَ

ربنا سبحانه وتعالى ذكر لنا حال ناس وهي بتموت هي قد ايه حزينة علشان خرجت من الدنيا من غير العمل. ربنا سبحانه وتعالى بيقول حتى اذا جاء احدهم الموت قال رب ارجعون لعلي ها - 00:10:59ضَ

شفتم ربنا ازاي بيقرن بيقرن بين الموت وبين العمل. بيقرن بين الموت وبين العمل. فيه ناس سبحان الله لما بتيجي تموت تلاقيها سبحان الله ربنا لما بيختم لها بيختم لها بالعمل الصالح. دي الناس اللي عاشت في الدنيا على عملها الصالح. تلاقي ربنا لما بيختم لهم بيختم لهم انه - 00:11:16ضَ

افتح لهم عمل صالح وبعد كده يقبضهم عليه. علشان كده يا اخواني والله انا بعيني شفت عديد عديد كثير. كثير من الناس اللي ربنا لما بيختم يوم بيختم لهم بخاتمة لا يتخيلها انسان. انا شفت واحد في قلب الحرم المكي ميت. الحج اللي فات والله يا اخواني الحج اللي فات - 00:11:36ضَ

آآ يوم تمانية زي الحجة اللي هو يوم التروية. الناس بتصلي الفجر في مكة وبتطلع على منى لنداء اول يوم في مناسك الحج. الناس بتصلي في مسجد الحرام بقى باحرامها والكلام ده تطلع من هنا انا خلاص صليت الفجر في المسجد الحرام ورايح الفندق بقى علشان احرم اتوكل على الله على منى فوجئت والله - 00:11:56ضَ

والله قدام المسجد الحرام. واحد باحرامه وقع والناس ملفوفة على ما وصلت. فوجئت ان ده راجل ميت. شوفوا ازاي ربنا بيختم لهؤلاء الناس اللي هي اجتهدت اوي في عملها الصالح في الدنيا. تلاقي برضه ربنا لما بييجي يختم لهم تلاقيه حتما ولابد لان ربنا حكمه العدل. ربنا - 00:12:16ضَ

حكم عدل يا اخواني. ربنا سبحانه وتعالى وضح لنا ان من من ثواب الطاعة من ثواب الحسنة ان ربنا يفتح لك بحسنة تانية والحسنة التانية تفتح لك بحسنة تالتة. والحسنة التالتة تفتح برابعة وخمسة وستة وسبعة وعشرة. ولا يزال ده حال المؤمن لحد ما تكون - 00:12:36ضَ

اخر لحظة من لحظات حياته ان ربنا بقى يختم له افضل خاتمة. زي ما النبي قال لنا صلى الله عليه وسلم ان الله اذا احب عبدا عسله قالوا وما عسله يا رسول الله؟ قال يفتح له عند موته بعمل صالح ثم يقبضه عليه. ربنا يفتح له بعمل صالح - 00:12:56ضَ

من اخواتنا اتصلت علي يا اخواني وقالت لي انا عايزة اقول لك حاجة عجيبة جدا. قلت لها اتفضلي. قالت لي اخت من اخواتنا سبحان الله! يعني كان عادتها دايما ان - 00:13:16ضَ

بتطلع اموال للفقراء والمساكين وكده. تقول لي سبحان الله! شابة لسة في تلاتة وعشرين سنة اربعة وعشرين سنة. ربنا سبحانه وتعالى يقدر ان هي راحة لاسرة فقيرة علشان تقضي عنها دين. والاسرة دي كان فيها حالة مرضية تجيب لهم ادوية وحاجات من كده. وهي على باب الشقة بعد اما خبطت - 00:13:26ضَ

تقع تموت ان هي تقع تموت ان ربنا يفتح لك بعمل صالح. انه يفتح لك بعمل صالح. وبعد كده يقبضك عليه. علشان كده ربنا قال لنا خدوا بالكم يا شباب - 00:13:46ضَ

ان انتم لازم من البداية في حياتكم تجتهدوا جدا في اعمالكم. تجتهدوا جدا في اعمالكم. لان صدقوني والله. صدقوني والله على قدر اجتهادي في العمل الصالح في الدنيا بتكون نهايتك. بتكون نهايتك. وتلاقي ربنا سبحانه وتعالى بيفتح لك بما لا كنت - 00:13:58ضَ

فزي ما ربنا سبحانه وتعالى يقول وبدا لهم من الله ما لم يكونوا يحتسبون. ده لاهل المعصية هم كانوا قاعدين يقولوا ربنا غفور رحيم غفور رحيم. فتركوا العمل. نفس الكلام في الجهة التانية وبدا لهم من الله ما لم يكونوا يحتسبون. اي من كرامة الله لهم - 00:14:18ضَ

بكرامة الله لهم. قد ايه ربنا يكرمهم. وقد ايه ربنا سبحانه وتعالى يفتح لهم من اعمال الخير. والله يا اخواني تلاقي ربنا بيدبر له مكان يموت فيه ما كان يتخيله. ربنا يدبر له عمل يموت عليه ما كان يتخيله. يا اخواني في سنة من السنين كنت في عمرة - 00:14:38ضَ

وانا صليت العشاء في الحرم المكي وراجع على الفندق. فلقيت اخت من اخواتنا اللي كانوا معي في العمرة في حالة هستيريا. يا شيخ احمد يا شيخ احمد يا شيخ احمد - 00:14:58ضَ

خير يا اختي في ايه؟ قالت لي في واحدة في الدور الاربعتاشر بتحتضر انا عارفة انا شفت عليها علامات الموت يا شيخ احمد ابوس ايدك تعال بسرعة نطلع ايه نلحقها ونذكرها بالله لعلها - 00:15:08ضَ

سبحان الله! ونطلع لها ولكن سبحان الله على ما وصلنا كانت انتهت كانت ماتت. جه زوجها جه زوجها راجل كبير في السن حوالي مسلا ستين سبعين سنة شايل معه عشا - 00:15:18ضَ

شايل معه عشاء وداخل الراجل بالاحرام بتاعه. وداخل بالاحرام بتاعه. فانا باسأله يعني بيقول فيه ايه؟ فيه ايه؟ ايه اللي جابكم هنا؟ فبقول له انا لله وانا اليه راجعون الحج اللي في الاوضة دي توفيت فبكى بكاء شديد فبسأله في ايه؟ قال ما فيش ده احنا لسه جايين دلوقتي نعمل عمرة كانوا من المغرب. لسه جايين الان نعمل عمرة يدوبك - 00:15:34ضَ

احنا عملنا العمرة وهي طلعت علشان تستريح وانا بجيب العشاء علشان نتعشى مع بعض. تخيلوا يا اخواني جاية من المغرب جاية من المغرب والمفاجأة ان زوجها كان جايبها مصر علشان آآ رحلة سياحية للاسار وابو الهول والاهرامات والكلام ده. تقول له انا مش عايز اقعد هنا وديني مكة اعمل عمرة - 00:15:55ضَ

تطلع من مصر تروح لمكة. تعمل العمرة وتطلع في الاوضة بتاعتها وتموت كان سبحان الله كانت ممكن تموت في مصر. لا لا كان ممكن تموت في المغرب. ولكن ايه السر ان ربنا يفتح لها الفتح ده؟ اكيد يا اخواني كان لها مع - 00:16:15ضَ

ربنا سبحانه وتعالى حال. الحال ده اللي بيوصل بعد كده يا اخواني ان الانسان مننا لما ييجي يموت تلاقي ربنا سبحانه وتعالى بيختار له الموتة اللي يموت عليها. ربنا يختار له الموتة اللي يموت عليها. هي من المغرب وكانت قاعدة في مصر وتسيب مصر وتيجي السعودية وفي قلب مكة كان - 00:16:31ضَ

ممكن تموت في المطار. كان ممكن سبحان الله يعني تموت قبل ما تعمل العمرة. ولكن شف ربنا وكرمه مع اوليائه كيف يتعامل ربنا عز علشان كده يا اخواني نقدر نفهم بالقانون ده ليه ربنا سبحانه وتعالى بيقول لنا وانفقوا مما رزقناكم - 00:16:51ضَ

من قبل ان يأتي احدكم الموت فيقول ربي لولا اخرتني الى اجل قريب فاصدق واكن من الصالحين. ولن يؤخر الله نفسا اذا جاء اجلها. والله خبير بما اتعملون والله خبير بما تعملون. يبقى ربنا سبحانه وتعالى بيعلمنا الان يا شباب ان اي مرحلة من - 00:17:11ضَ

مراحل الاخرة المراحل دي دايما مقرونة بالعمل. سعادتك في المرحلة دي على قدر عملك. كل اما يكون عملك ما شاء الله صالح ابشر كل ما يكون عملك ما شاء الله صالح ابشر. وعلى النقيض. فيه ناس بتضيع وفيه ناس بتقصر. وفيه ناس بتكون بعيدة جدا عن ربنا سبحانه وتعالى - 00:17:40ضَ

ناس ياما ربنا سبحانه وتعالى ارسل لها الرسائل حتى ترجع اليه. ولسه مش فاهمة. يا اخواني كل زمايل شريف او اهل شريف اللي معنا ممكن يكون شريف ده هو الرسالة اللي ربنا سبحانه وتعالى بيبعتها لنا كلنا. علشان ربنا يهدينا بسببه رغم انه مات وانقطع عمله. ولكن سبحانه - 00:18:01ضَ

الله لما اشوف ربنا بيختم له ازاي؟ وازاي ربنا سبحانه وتعالى بيقدر له ان يكون له باع كبير جدا في صنائع المعروف. باع كبير جدا في تخفيف الام الناس في الدنيا. الناس المصابة بالامراض والكلام ده. قد ايه انه كان حريص على الفقراء والمساكين؟ لعل ان ربنا سبحانه وتعالى باعته لنا - 00:18:21ضَ

اصحاب شريف اللي لسة ما بيصلوش. اصحاب شريف اللي لسة بعيد عن ربنا. انت منتظر ايه؟ هل انت منتظر ان انت تكون الرسالة اللي بعد كده اللي يوجهها للناس لن انسى ابدا يا اخواني من سنتين تلاتة كده كان كلية طب في سنة رابعة كلية طب في سنة رابعة كان فيه اخت تونس - 00:18:41ضَ

وكانت اخت احسبها ان شاء الله من الصالحات. وكانت دي الرسالة اللي ربنا سبحانه وتعالى ارسلها لكل دفعة. السنة اللي بعدها واحدة تانية ماتت وشباب طب كلهم جم هنا اولاد وبنات والكلام ده. كان فيه درس - 00:19:01ضَ

سبحان الله! سبحان الله يا اخواني! ففوجئت ان اخت من الاخوات باعتة لي ورقة بتقول لي يا شيخ احمد السنة اللي فاتت كانت فلانة هي الرسالة اللي ربنا سبحانه وتعالى ارسلها لنا. والسنة دي فلانة هي الرسالة اللي ربنا سبحانه وتعالى ارسلها لنا. فيا ترى مين اللي هيكون رسالة ربنا - 00:19:17ضَ

السنة الجاية. مين اللي هيكون رسالة ربنا لنا السنة الجاية؟ يمكن الرسالة اللي نقدر نفهمها النهاردة من مود شريف. ودي الرسالة التانية النهاردة بعد ما قلت لكم ان كل يوم - 00:19:37ضَ

او كل مرحلة من مراحل الاخرة دايما لازم تكون مقرونة من العمل. لازم نفهم يا اخواني ولازم نفهم يا احبابي ان الموت ده ما بيفرقش بين كبير او صغير الموت ده ما بيفرقش بين غني وفقير. الموت ده ما بيفرقش بين واحد في كلية طب وواحد في كلية تجارة. الموت ده ما بيفرقش بين واحد عنده - 00:19:48ضَ

الله يعني عضلاته مفتول العضلات وقوي مشكلة الموت انه في لحظة بيجي وفي لحظة انت بتخرج من الحياة. كان الحسن البصري رحمة الله عليه في يوم قاعد في مجلس من المجالس بتاعته الناس بقى كبار السن والشباب شباب كتير وناس كبار سن فنظر الى كبار السن - 00:20:08ضَ

الناس بقى اللي شعرها شاب والكلام ده نظر الى كبار السن وقال يا معشر الشيوخ يا معشر الشيوخ جاءكم النذير. الشايب ده نذير من ربنا لكم. يا معشر الشيوخ اوشكتم على الوصول - 00:20:28ضَ

الى الله يا معشر الشيوخ منذ كم وانتم تسيرون الى الله اوشكتم على الوصول. استعدوا بقى لليوم اللي اتقابلوا فيه في ربنا ساعتها بقى الشباب فرحوا ده بيكلم الناس الكبار. فنظر الى الشباب وقال يا معشر الشباب - 00:20:46ضَ

يا معشر الشباب وكم من شاب وكم من زرع اصابته الافة قبل وقت الحصاد. مش لازم علشان تموت تبقى تكون كبير جدا ده انت ممكن في عز شبابك تتاخد يا اخواني لازم نفهم القواعد دي كويس. الموت ده ما بيفرقش بين الكبير والصغير. اخونا شريف يا رب ربنا يرحمه يا رب. اخونا شريف يا اخواني - 00:21:04ضَ

انا شريف تمانية وعشرين سنة تمانية وعشرين سنة واتاخد من بينا تمانية وعشرين سنة يعني ده معظم اعماركم. ده معظم اعماركم. يا اخواني اكثر ما يأتي انما يأتي والعياذ بالله للشباب بيأتي دايما للشباب. انت بتشوف ناس عواجيز كتير لأ ليه؟ لان هم اتاخدوا قبل ما يكبروا السن. قبل ما - 00:21:28ضَ

للسن ده اتاخدوا من وسط الحياة فالسعيد مننا يا اخواني اللي يجتهد بقى. السعيد مننا اللي يحوش في الحصالة بتاعته اعمال صالحة. من صلاة وصيام وقراءة قرآن واذكار وحضور مجالس علم سعيد مننا اللي يسعى لدنياه كما كان يسعى اخونا شريف على الفقراء والمساكين والمرضى السعيد مننا اللي يعمل كده - 00:21:51ضَ

السعيد مننا اللي يعمل كده. لان خلاص ما عادش الامر بالنسبة له يفرق. وهو كبير في السن وهو صغير في السن خلاص. هو الحمد لله معه العمل الصالح يقابل به ربنا سبحانه وتعالى. يبقى اذا يا اخواني النصيحة التانية او الرسالة التانية اللي لازم نفهمها كويس جدا ان الموت ده ما بيفرقش بين الكبير والصغير. خالص - 00:22:13ضَ

بل الموت ده مع الصغير اكتر بكتير جدا من الموت مع الكبير لازم نفهم هذا الكلام. يا اخواني كم سمعنا كم سمعتم عن شباب ماتوا على طاعة؟ وكم سمع عن شباب مات عن معصية. اخت من الاخوات راحة مكتبة فياض تشتري مصحف مع اول يوم لها التزام - 00:22:33ضَ

مع اول يوم لها التزام رايحة تشتري مصحف نزلت من الميكروباص الجانب التاني فبتعدي الطريق. جاية عربية نازلة من على كوبري طيارتها ماتت فورا. راحة فين رايحة فين ؟ راحة تغير من لبسها عشان تلبس الواسع. راحة تشتري مصحف علشان يبقى هو من النهاردة صفحة جديدة مع كلام ربنا سبحانه وتعالى. وماتت خرجت - 00:22:58ضَ

من الدنيا انتهت ولكن اقدر اقول لها هنيئا لك هنيئا لك انك وانت شابة كده ان ربنا يقبضك على الطاعة دي على العمل ده على العمل الصالح ده هنيئا لك - 00:23:19ضَ

يا شباب انتم النهاردة ربنا يا رب يديكم جميعا طولة العمر مع حسن العمل. لو ربنا سبحانه وتعالى قدر انه يقبض روح انسان مننا الان. وليكن انت يا ترى ايه العمل اللي ربنا هيقبضك عليه؟ هل هيقبضك وانت قاعد في النادي ولا وانت قاعد في المسجد؟ هل يقبضك وانت قاعد تسمع اغاني ولا قاعد تسمع - 00:23:34ضَ

القرآن هل هيقبضك وانت بتقرأ قرآن ولا عمال تغني؟ هيقبضك ازاي؟ هل هيقبضك وانت على طاعة؟ ولا هيقبضك وانت على معصية ده سؤال مصيري لنا كلنا. ده سؤال مصيري لنا كلنا. لان يا اخواني دخول القبر - 00:23:54ضَ

مش بالامر السهل ولا بالامر الهين. يا اخواني دخول القبر ده دي مرحلة من اعظم واخطر المراحل لو عدت لو نجيت منها كل اللي جاي بعد كده ومش هينجوا منها الا اللي يكون ميت على طاعة. اللي يكون ميت على عبادة - 00:24:12ضَ

يا اخواني لسة دكتور آآ آآ جراح في احد مستشفيات الطوارئ بيقول جت لي حادسة فيها اربع شباب وبنت البنت بعد ما دورنا على على الشنطة بتاعتها نعرف هم منين ولا اخبارهم ايه. فوجئنا ان البنت دي روسية - 00:24:27ضَ

البنت روسية الاربع شباب اللي كانوا جايين في نفس الحادسة تلاتة منهم ماتوا وهم على باب المستشفى. والرابع دخل المستشفى وهو في حالة يعني غيبوبة تامة غيبوبة الموت. وهو في غيبوبة تموت. سبحان الله! وعمال يتكلم بكلام مش مفهوم. فالدكتور بيقول سبحان الله! وانا - 00:24:45ضَ

تعمل العملية علشان احاول ان انا اساعده ان هو يعني ما يموتش لقيته عمال يتمتم. عارفين يا شباب بيتمتم بايه؟ عارفين بيتكلم بيقول ايه ؟ عارفين وهو بيحتضر بيقول ايه ؟ عارفين وروحه بتخرج منه بيقول ايه ؟ بيلعن صحابه. منكم لله. ربنا ينتقم منكم - 00:25:05ضَ

انتم ضيعتوني اقابل ربنا وانا رايح ازني؟ اقابل ربنا وانا رايح ازني؟ اقابل ربنا وانا رايح اعمل الفواحش متخيل متخيل! متخيل شباب عاشوا على معصية بعيد عن ربنا. شفت بيموتوا ازاي - 00:25:25ضَ

ما هو عشان كده يقول لك هو ده الخطر. الخطر يا اخواني ان كل انسان مننا كل انسان مننا بيختار هو عايز يموت ازاي. كل انسان من هنا بيختار وهو عايز يموت ازاي؟ انت عايز تموت ازاي - 00:25:41ضَ

اللي عايز يموت ما شاء الله وهو ساجد خلاص كتر من السجود. عايز يموت وهو بيقرأ قرآن خلي القرآن ده صاحبك. عايز يموت وهو بيصلي حافز على صلواتك في المسجد. اللي عايز يموت عكس كده خلاص اختار لنفسك دلوقت. حدد من دلوقتي مصيرك. الجزئية التالتة في درس - 00:25:56ضَ

النهاردة يا اخواني الجزئية التالتة بتقول احنا قدامنا اهوال كتير جدا. قدامنا اهوال كتير جدا. الاهوال دي يا اخواني ما بنعديش منها فلوسنا ولا بنعدي بينها منها ان والدي كان شخصية كبيرة جدا او معروفة - 00:26:16ضَ

لا لا لا انا مش هعدي من الاهوال دي يا اخواني الا بعملي انا الا بعملي انا. كل اما يكون لي عمل صالح صدقوني والله. صدقوني والله ما تشيلش هم اي اهوال جاية بعد كده. ليه انت - 00:26:34ضَ

عمل صالح. اذا ابشر برحمة ربنا بك. ابشر بعفو ربنا عنك. ابشر بكرامة ربنا سبحانه وتعالى لك الحسن البصري رحمة الله عليه كان يقول يومان وليلتان لم تسمع الخلائق بمثلها - 00:26:49ضَ

في يومين وليلتين من الليالي والايام المصيرية في حياتك. الخلق عمرهم ما سمعوا قط عن مثل هذه الايام او عن مثل هذه الليالي اما اليوم الاول اليوم الاول او الليلة الاولى فهي اول ليلة لك في قبرك. اول ليلة تتحط في قبرك - 00:27:07ضَ

وحدك لوحدك واما الليلة الثانية فهي ليلة صبيحتها القيامة واما اليوم ان اليومين اللي خطر قوي على حياتنا كلنا. فيوم تلقى فيه الكتب وانت لا تدري اتأخذ كتابك بيمينك ام بشمالك واما اليوم الثاني فهو يوم ان يأتيك البشير من الله اما - 00:27:27ضَ

الى جنة واما الى نار. الاهوال دي كلها يا اخواني صدقوني ما بينفعش فيها فلوس. ما بينفعش فيها عيلة ما بينفعش فيه اصحاب لان هم كلهم سابوك. الكل سابك خلاص. ولا يبقى معك في هذا الوقت - 00:27:54ضَ

عملك هو الوحيد اللي بيبقى معك. وهو الوحيد اللي بيستمر معك. فالسعيد مننا يا شباب اللي بيخش على الاهوال دي وهو معه العمل الصالح ومعه طاعة ربنا سبحانه وتعالى. عارفين يا اخواني - 00:28:14ضَ

ربنا سبحانه وتعالى مع الاهوال دي للمؤمنين اصحاب الطاعات والعبادات. الناس اللي كانت بتسعى دايما لقضاء حوائج الناس الناس اللي كانت دايما محافظة على صلواتها. الناس اللي كانت دايما محافظة على طاعتها وقربها من ربنا. الناس دي مش خايفة لان ربنا امنها. لان ربنا امنها - 00:28:30ضَ

ما شاء الله! عندي موت ها! شوفوا ربنا ماذا يقول! ان الذين قالوا ربنا الله ثم استقاموا ها تتنزل عليهم الملائكة الا تخافوا ولا تحزنوا وابشروا بالجنة. ده المطلوب الان. ده المطلوب الان. شف لك اسرة فقيرة الان ارعاها - 00:28:50ضَ

حاول خلي لك دايما كده لك في الليل ركعتين اتنين بس بينك وبين ربك عز وجل. حاول ان ما فيش يوم يعدي عليك غير لما تكون فتحت المصحف وانت بتقرأ فيه كل الحاجات البسيطة دي بتكون سبيل بعد كده او سبب بعد كده ان ربنا يأمنك. انك ما تكونش خايف. الموت ده - 00:29:13ضَ

بالنسبة لنا مرعب لنا. يا اخواني ما تخافش ربنا بيقول تتنزل عليهم الملائكة. الا تخافوا ولا تحزنوا شوف يا اخواني انما يكون من شيء جاي. انا خايف من بكرة خايف من اللي يحصل بعد كده. انما الحزن على شيء انت سايبه وراك ، على شيء فات - 00:29:33ضَ

انت حصل لك موقف امبارح فانت حزين. الانسان اللي بيكون خارج من الدنيا علشان داخل قبره بيبقى شايل هم حاجتين. اما الامر الاول فهو شايل هم القبر اللي هيقعد فيه لوحده. شايل هم الحشر شايل هم الميزان والصراط والحساب. الملايكة بتقول له لا تخاف ما تخافش احنا معك - 00:29:53ضَ

هتخش القبر احنا معك. وانت واقف بين ايدين ربنا احنا معك. وانت على الصراط احنا معك ما تخافش الا تخافوا. ولا تحزنوا شبيه الاية دي يا اخواني قول الله سبحانه وتعالى ان الذين سبقت لهم منا الحسنى اولئك عنها مبعدون - 00:30:13ضَ

لا يسمعون حسيسها وهم فيما اشتهت انفسهم ها خالدون. اسمع اللي جاية لا يحزنهم فزع الاكبر مش خايفين من يوم القيامة. مش خايفين من ارض المحشر. مش خايفين من المراحل دي كلها. لا يحزنهم الفزع الاكبر. وتتلقاهم - 00:30:33ضَ

الملائكة شف كانت معهم وهم بيموتوا. لما طلعوا من قبورهم في اخر الحياة برضه كانت معهم وتتلقاهم الملائكة. هذا يومكم الذي كنتم توعدون شبيهة بالاية دي برضو قول الله عز وجل يوم ترى المؤمنين والمؤمنات يسعى نورهم بين - 00:30:55ضَ

ايديهم وبايمانهم بشراكم اليوم بشراكم اليوم برضو الملايكة معهم بتبشرهم على الصراط بشراكم اليوم جنات تجري من تحتها الانهار خالدين فيها ذلك الفوز العظيم. سبحان الله! ويكأن ربنا بيقول لك اللي كان معي في الدنيا اللي كان في العمل الصالح في الدنيا. اللي كان - 00:31:17ضَ

طاعة ربنا في الدنيا ما تشيلش هم ما تخافش. وانا دايما بطمن كده كل اما حد يموت احسبه ان شاء الله من الصالحين. دايما باقول لاهله يا جماعة ده ما يتخفش عليه. يا جماعة ده ما يتخفش عليه. ده ما يتزعلش عليه اصلا. ده ما يتزعلش عليه. ده قدم لنفسه العمل الصالح - 00:31:41ضَ

اللي يقابل به ربنا سبحانه وتعالى فما يتخفش عليه ابدا. والله يا اخواني والله انا يمكن ذكرت لكم الموقف ده عديد من المرات. وهفضل اذكروا لان سبحان الله القبور يا اخواني اسرار - 00:32:01ضَ

القبور يا اخواني اسرار. ومن وقت للتاني ربنا بيفتح لنا كده عن بعض هزه الاسرار وبيكشف لنا عن بعض هذه الاسرار. دكتور محمد صفوت الله يرحمه رحمة واسعة. سبحان الله! وهو في قبره يوم ما اتدفن وبنكشف كده عن وجهه سبحان الله! تلاقي الابتسامة اللي مرسومة على وجهه - 00:32:16ضَ

هو بيضحك ليه ماذا رأى؟ هو شاف ايه علشان وهو في قبره يضحك انت لما تتحط في قبرك هتبقى خايف ولا هتبقى بتدحك ؟ ده كل مرهون بعملك. ده كله مرهون بعملك. كل اما تكون لك العمل الصالح يكون لك العمل الصالح اللي انت حوشته في الدنيا - 00:32:36ضَ

خلاص ده دخل معك يا اخواني جوة القبر يا اخواني جوة القبر انت ما بتنتفعش الا بعملك الصالح. اهلك واولادك سابوك. زوجتك واولادك سابوك والدك ووالدتك سابوك. اعز اصحابك سابوك - 00:32:57ضَ

ما لك خلاص ما عدش معك ما عنتش بتملكه. انت لم يتبقى لك الان الا حاجة واحدة بس. عمل صالح. علشان كده دايما باقول يا في لك صاحب ما ينفعش ابدا انك تسيبه. صاحب وفي قوي مش هيسيبك طول حياتك. هو معك معك. صاحبك ده هو اوفى - 00:33:14ضَ

فاوفى من والدك ووالدتك. اوفى لك من مالك. اوفى لك من اولادك. اوفى لك من زوجتك. اوفى لك من كل اصحابك. عارفين مين الصاحب ده عارفين مين الصاحب ده ؟ الصاحب ده يا اخواني هو عملك الصالح. صاحبك ده هو اوفى صاحب لك العمل بتاعك - 00:33:34ضَ

عملك الصالح ده هو اوفى حد هيكون لك. عارفين ليه؟ لانه مش هيسيبك ابدا. هيفضل معك. وصحبته لك مش هتنقطع ابدا قال النبي صلى الله عليه وسلم ما من عبد الا وله ثلاثة قرناء اي تلات اصحاب. فواحد يقول له انا معك فاذا اتيت باب - 00:33:54ضَ

تركتك ده اول صاحب له كان مصاحبك في الدنيا ودول اهلك. ازا كنت متزوج فدي زوجتك. ودول اولادك ودول اصحابك ودول جيرانك ودول زمايلك اللي كانوا معك في الشغل. اول ما تروح عند باب الملك اول ما بتتحط في القبر يقولوا لك بس - 00:34:17ضَ

لحد هنا خلاص مأموريتنا معك انتهت. فواحد يقول له انا معك. فاذا اتيت باب الملك ها تركتك فهذا اهله واما الثاني فيقول له انا معك. حيثما حللت حيثما ارتحلت واما الثاني فيقول فانا معك. خذ مني ما شئت ودع ما شئت. وهذا ما له. ما لك بتصرف زي ما انت عايز - 00:34:39ضَ

زي ما انت عايز. بس صدقني بمجرد ما خلاص بتموت العمل للمال ده خلاص امره توقف انما الصاحب الوفي لك اوي اللي هيفضل معك مش هيسيبك هو عملك الصالح. واما الثالث فيقول له انا معك حيث - 00:35:09ضَ

حللت حيثما ارتحلت في القبر انا معك. في الحشر انا معك. على الميزان انا معك. في ساعة الحساب انا معك. عارفين ده مين عارفين ده مين؟ ده نعم الصاحب ده عملك اللي انت قدمته في الدنيا - 00:35:26ضَ

صلاتك ذكرك لربنا قراءتك للقرآن اجتهادك في السعي لقضاء حوائج الناس. دي الصدقة اللي انت كنت بتقدمها. ده بيفضل معك. ما بيسيبكش ابدا. لا بيسيبك في قبر. ولا بيسيبك ابدا حتى يدخل الجنة حتى تدخل الجنة. ازا دخلت الجنة خلاص سابك بقى العمل. لان الجنة ما فيش فيها - 00:35:43ضَ

عمل ده انت تلهم فيها التسبيح. قال الله سبحانه وتعالى والذين امنوا وعملوا الصالحات لا نكلف نفسا الا وسعها اولئك اصحاب الجنة هم فيها خالدون ونزاعنا ما في صدورهم من غل تجري من تحتهم الانهار. وقالوا الحمد لله - 00:36:08ضَ

ياه اول كلمة هتستفتح بها دخولك الجنة ان شاء الله. وقالوا الحمد لله. وقالوا الحمد لله الذي هدانا لهذا وما كنا لنهتدي لولا ان هدانا الله لقد جاءت رسل ربنا بالحق - 00:36:38ضَ

حق ونود انت لكم الجنة اورثتموها بما كنتم بما كنتم تعملون الجنة انت ورثتها بسبب عملك الصالح. الجنة انت كنت اهل لدخولها بسبب عملك الصالح. يبقى رأس مالك اللي هتقابل به ربنا سبحانه وتعالى هو عملك الصالح. الامر الرابع يا اخواني كل انسان مننا بيرى اثر عمل - 00:36:58ضَ

الصالح في دنيته وبيرى اثر عمله الصالح بين يدي الله عز وجل يوم القيامة يوم القيامة يا اخواني ربنا بيكشف المستور. العمل اللي انت عملته في الظاهر او في الباطن ظاهر وواضح للكل - 00:37:28ضَ

هي دي المشكلة. كان الحسن البصري رحمة الله عليه يقول يا ابن ادم عملك عملك. صلاتك بقى وقراءتك للقرآن. وصدقات وفعل المعروف وحسن الخلق مع الناس. يا ابن ادم عملك عملك. فانما هو - 00:37:45ضَ

لحمك ودمك واعلم انه ما من عبد الا وسيلقى عمله فانظر على اي شيء تلقى عملك يوم القيامة. يا اخواني انا فلن انسى ابدا في حال من الاحوال احد الشباب اللي امه اتصلت علي وقالت لي ابوس ايدك ابني بيحتضر. تعالى ذكره بالله - 00:38:05ضَ

واروح اكلم الولد واذكره برحمة ربنا والولد لا يستجيب. الولد اقول له يا اخي الحبيب قل لا اله الا الله وهو مش هنا خالص. اقول له ابشر في رحمة ربنا ويقول لي رحمة ربنا مش للي امثالي. انا شربت مخدرات انا زنيت انا زنيت انا زنيت انا فعلت انا فعلت. وفضل والعياذ بالله وهو - 00:38:27ضَ

بيموت عمال يعدد الموبقات اللي وقع فيها. وسبحان الله مات مات وهو عمال يعدد الموبقات. اقول له انسى ده كله رحمة ربنا واسعة يقول لي مش لي. طب قل لا اله الا الله. يقول لي مش قادر. ليه؟ ليه؟ كل واحد مننا يا اخواني بيرى اثر عمله حتما ولابد - 00:38:47ضَ

هيراه في الدنيا وهيراه بين ايدين ربنا سبحانه وتعالى. بس الخطورة يا اخواني ان انا لما اكون واقف يوم القيامة والنبي صلى الله عليه وسلم واقف مع امته وانا اطلع اقف بين ايدين ربنا ومعي موبقات ومعي كبائر. ومعي تقصير في الصلاة ومعي تقصير في الحجاب. ومعي - 00:39:07ضَ

تقصير في ذكر الله ومعي تقصير في اداء الزكاة. ومعي تقصير في القرآن. هي دي المشكلة المشكلة انك تقابل ربنا يوم القيامة وانت مضيع للعمل المشكلة انك تقابل ربنا يوم القيامة وانت ما معكش حسنة - 00:39:27ضَ

المشكلة انك تقابل ربنا يوم القيامة وانت ما معكش الا السيئات بس. دي مشكلة يا اخواني مشكلة ربنا سبحانه وتعالى بيقول ووجدوا ما عملوا حاضرة كل عملك حاضر قدامك كل ساعة عصيت فيها ربنا قدام عينيك شايفها - 00:39:42ضَ

هتكلم ربنا ازاي وهتقول له ايه وتقول له ايه انك لما يقول لك انت استحيت تعصي تعصيني قدام الناس ولما كنت بتخلو بنفسك كنت بتعصيني اذا ما قال لي ربي - 00:40:02ضَ

اما استحييت تعصيني وتخفي الذنب عن خلقي وبالعصيان تأتيني هتقول له ايه ساعتها هتقول له ايه ساعتها؟ هتقول له ايه وانت ماسك الكتاب بتاعك وربنا بيقول لك اقرأ كتابك. كفى بنفسك اليوم - 00:40:20ضَ

حسيبة وانت تقول له يا رب انا ضيعت الصلاة وتقول له يا رب انا ضيعت الاوقات في معصيتك. وتقول له يا رب انا ياما نظرت النظرات المحرمة. وتقول له يا رب ياما دخلت على المواقع المحرمة وتقول له يا رب انا يا - 00:40:40ضَ

صنعت وصنعت وصنعت هتقول له ايه هتقول له ايه وانت بتقرأ كتابك. هتقول له ايه وكل شيء انكشف الان. هتقول له ايه بمعاصي السر لما يسألك عنها هتقول له ايه ؟ هتقول له ايه بعد اما اظهر لك معاصي السر بتاعتك ؟ علاقة محرمة ظهرت - 00:40:55ضَ

فعل محرم ظهر كل معاصي السر اصبحت مكشوفة قال الله سبحانه يوم تبلى السرائر يوم تبلى السرائر تبلى اي تظهر. كل سريرة انت عملتها بقت ظهرة وواضحة هتبقى ظاهرة وواضحة - 00:41:15ضَ

يا حسرة قلب انسان عصى الله في مسل هذا الموقف يا حزن كل انسان قصر في الصلاة في مسل هذا الموقف يا حسرة كل انسان ضيع حياته في معصية الله في مسل هذا الموقف - 00:41:35ضَ

ويا فرحة ويا سعادة كل انسان يبقى واقف بين ايدين ربنا وربنا يقول له اقرأ كتابك يقول له يا رب حبيتك. يقول له يا رب كنت بخاف منك يقول له يا رب حبك ملى قلبي فكنت محافز على الصلاة - 00:41:51ضَ

تقول له يا رب حبك ملى قلبي فكنت باصلي قيام ليل كتير. تقول له يا رب حب الفقراء والمساكين ملى قلبي فكنت باسعى على الفقراء والمساكين يا فرحة قلبك وانت بتقول يا رب يا رب معي حسنة. تقول له يا رب معي طاعة. تقول له يا رب ما عصتكش - 00:42:08ضَ

تقول له يا رب انا حبيتك ياه يا على سعادة هذا الانسان لما ينظر ربنا تبارك وتعالى له هذه النظرة ويقول له عبدي انا اعنتك عليها في الدنيا وانا اقبلها منك الان - 00:42:28ضَ

وان اقبلها منك الان. الناب بيقول لنا في هذه اللحظة ان العبد ده لا يملك قدميه مش هيقدر يقف على رجليه فرحة ان ربنا سبحانه وتعالى تقبل منه الحسنة. رجليه مش قادرة تشيله من شدة فرحه انه بيقول له يا رب حافزت على الصلاة - 00:42:48ضَ

وربنا يقول له انا قبلت منك الصلاة يقول له انا قبلت منك ساعتها مش قادر يقف على رجليه فيخر لله ساجدا فرحان فرحان ان ربنا سبحانه وتعالى تقبل طاعته. طب التاني هيقول لربنا ايه؟ موقفه بين ايدين ربنا ايه؟ يا - 00:43:07ضَ

اخواني يا ابن ادم عملك عملك. الحسن بيقول لك كده عملك عملك. فانما هو لحمك ودمك يا اخواني هنقف بين ايدين ربنا وهيسألنا عن اعمالنا. هيسألنا عن صلواتنا. هيسألنا عن القرآن اللي بقى لنا شهور ما فتحناهوش - 00:43:27ضَ

هيسألني عن قيامنا لليل. هيسألني عن طاعتنا له سبحانه. هيسألنا انتم عملتم ايه قال النبي صلى الله عليه وسلم لا تزولا قدما عبد يوم القيامة. حتى يسأل عن اربع ربنا يسألك عن اربع حاجات. واحد واحد - 00:43:47ضَ

عن عمره فيما ابلاه قضيت عمرك قضيته ازاي وعن شبابه فيما افناه. قضيت شبابك ازاي الطاعة ولا على معصية؟ قرب من ربنا ولا بعد وعن ماله من اين اكتسبه وفيما انفقه. والرابعة عن علمه ماذا عمل به - 00:44:09ضَ

ها تجاوب تقول له ايه ؟ وهو في الوقت ده ما بيسألكش الا عن حاجة واحدة بس. والله يا اخواني من اكتر الاشياء اللي دايما بتوجع قلب الواحد انك لما تقف بين ايدين ربنا يوم القيامة ويفضل يقول لك انا ياما اديتك. ياما اديتك النعم. والله يا اخواني يكاد القلب - 00:44:28ضَ

يتفطر والله والله العظيم لو استشعرتها تخيل واحد صاحبك ياما وقف معك في وقت مشاكلك. كان دايما هو اللي بيحل لك مشاكلك اعطف دين هو اللي بيسد لك الدين. عايز تتزوج هو اللي بيساعدك في الزواج. نفسك تطلع عمرة هو اللي بيديك الفلوس عشان تعمل عمرة. لما مرضت هو اللي سعى معك - 00:44:48ضَ

مع عند اكبر الدكاترة علشان يعني عشان ربنا يشفيك. وبعد كده هو طلب منك حاجة وانت خذلته ويقف كده هو بين ايديك ويقول لك يا اخي حرام عليك. انت ليه ما صمتش العشرة اللي انا عملتها معك؟ ليه ما صمتش الاحسان اللي انا اديته لك؟ ده انت لما مرضت - 00:45:08ضَ

انا لو وقفت معك. ده انت لما كنت عايز تعمل كذا انا اللي كنت معك. وانا اللي عملت لك كذا. وانا اللي عملت لك كذا. وانا اللي عملت لك كذا. ازاي تخدعني - 00:45:27ضَ

ازاي تخوني كده تخيل الان اخي الحبيب انك واقف بين يدي الله عز وجل. وهو عمال يعدد نعمه عليك. مش انا اللي اديتك الصحة؟ مش انا اللي اعطيت لك السمع - 00:45:37ضَ

مش انا اللي اعطيت لك البصر. مش انا اللي زوجتك! مش انا اللي اديتك المال! مش انا اللي جعلتك بين الناس معافى! ازاي تعصيني! هتقول لربنا ايه موقف شديد على النفس - 00:45:50ضَ

ان ربنا عمال يذكرك بكل هذه النعم وفي لحظة انت تقول له ايه؟ انت اديتني النعم يا رب وانا سخرتها في معصيتك سخرتها في معصيتك يا رب قال النبي صلى الله عليه وسلم - 00:46:03ضَ

ما منكم من احد الا وسيكلمه ربه. ليس بينه وبينه ترجمان. ربنا بيتكلم لك مباشرة مش انا اللي عملت لك كذا هتقول ايه؟ في رواية الترمذي من حديث عدي بن حاتم ان النبي صلى الله عليه وسلم قال يقول الله عز وجل لعبده - 00:46:17ضَ

يوم القيامة الم اجعل لك سمحا وبصرا؟ الم اجعل لك مالا وولدا اينما قدمت لنفسك. يا اخواني انا عايز ااكد تاني الفكر اللي كان اخونا شريف طاشوبي ربنا يا رب يرحمه. ماشي به انا عايز اغرسه النهاردة في قلوبكم. العمل اللي كان شغال عليه لازم النهاردة - 00:46:41ضَ

غرز في قلوبكم. اللي صيدلي زي اخونا الدكتور شريف اسعى دايما انك تطلع الادوية للفقراء والمساكين بقدر المستطاع زي ما قلت لكم يا اخواني سبحان الله هو مات. ويمكن العمل اللي كان بيعمله ما حدش كان يعرفه - 00:47:06ضَ

والعمل الان ظهر قدامنا كلنا عمل اخونا شريف بقى ظاهر قدامنا كلنا اخويا حسين بيقول لي كان مسؤول من حوالي من خمسين لستين الف جنيه تعاملات في الادوية كل شهر مع الفقراء والمساكين - 00:47:22ضَ

سعي دائم على شركات الادوية يجيب الادوية النادرة اللي مش موجودة علشان يعني يرحم ضعف الناس اللي بتتألم بسبب المرض كان دايما بيسعى يا اخواني كان دايما بيسعى عايز الفكر ده يبقى عندك. فكر الاعداد ليوم ممكن في لحظة تتاخد من بين ايدينا - 00:47:37ضَ

فكر الاعداد ليوم تقابل فيه ربنا اختم علشان اذان العشاء معكم بالاثر ده جاء رجل الى الفضيل بن عياض راجل كبير السن كده فقال له يا ابا علي يا ابا علي - 00:47:56ضَ

ذكرني انصحني اوعظني. اديني موعظة انتفع بها فقال له كم عمرك عندك كم سنة فقال ستون سنة قال سبحان الله سبحان الله منذ ستين سنة وانت تسير الى الله اوشكت على الوصول. اوشكت على الوصول. فقال الرجل انا لله وانا اليه - 00:48:14ضَ

اليه راجعون انا لله وانا اليه راجعون. انا لله وانا اليه راجعون. فقال الفضيل بن عياض اتدري ما تقول انت عارف انت بتقول ايه من علم انه الى الله راجع - 00:48:42ضَ

علم انه بين يديه موقوف ومن علم انه بين يديه موقوف علم انه بين يديه مسئول ومن علم انه بين يديه مسئول فليعد الاجابة على هذا السؤال. كلنا هنرجع لربنا. وكلنا هنتسأل بين ايدين ربنا على عملنا. الصالح والطالح - 00:48:56ضَ

سعيد مننا يا اخواني اللي لما يقابل ربنا سبحانه وتعالى يوم القيامة يكون ما شاء الله بقى معه من الاعمال الصالحة ومن الطاعات اللي يبقى فيها هذا الوقت السعيد يا اخواني المؤمن احسن الظن بربه فاحسن العمل. اختم معكم بالجزئية دي. الحسن البصر - 00:49:20ضَ

خرج على اصحابه ذات يوم وتلا هذه الاية وهو يقول فاما من اوتي كتابه بيمينه فيقول هاؤم اقرؤوا كتابي اني ظننت اني ملاق حسابي فهو في عيشة راضية. قال هذا المؤمن - 00:49:40ضَ

احسن الظن بربه فاحسن العمل اني ظننت اني ملاق حسابيا. انا هاقابل ربنا وهيسألني فانا اعديت من بدري العمل الصالح لما اقف بين ايديه ويسألني عملت ايه؟ اقول له عملت كذا - 00:50:00ضَ

ده اللي يوم القيامة بقى سعيد ده اللي يوم القيامة بقى سعيد بقى فرحان. يقول للناس يا جماعة انا الحمد لله عديت العمل الصالح. اهو اهو يا رب عملي اهو. دول السعداء يا - 00:50:14ضَ

كونوا سعداء الدنيا والاخرة ولتعلموا يقينا يا احبابي ان السعيد ان السعيد هو اللي ايقن انه هيقف بين ايدين ربنا. فاحسن العمل في الدنيا حتى اذا قابل ربه قال له ربه عز وجل ادخل الجنة - 00:50:27ضَ

ادخل الجنة جزاء بما كنتم تعملون. قال ربنا عز وجل ان الذين قالوا ربنا الله ثم استقاموا لا خوف عليهم ولا هم يحزنون اولئك اصحاب الجنة خالدين فيها ها جزاء بما - 00:50:45ضَ

فكانوا يعملون نرفع الاذان ان شاء الله ونكمل وزننا. بسم الله والحمد لله والصلاة والسلام على رسول الله صلى الله عليه وسلم وبعد. يبقى اذا يا اخواني اللي اراد الحسن البصري انه يأصله في قلوب كل من دخل مدرسة التزكية عنده انه - 00:51:05ضَ

وصل لهم هذه القصة. قصة ان احنا كلنا هنفارق الدنيا حتما ولابد. والسعيد مننا اللي يكون عنده حصالة بيجمع فيها العمل الصالح بتاعه العمل الصالح ده اللي بيجني ثمراته على طول من وقت لاخر سواء في الدنيا او في الاخرة. زي ما قلت لكم ما شاء الله ان اول - 00:51:25ضَ

من ثمرات هذا العمل الصالح. وانا هحاول سريعا كده اذكر نفسي واذكركم بثمرات الاعمال الصالحة اللي احنا ممكن نعملها. واحد اول ثمرة من ثمرات العمل الصالح. واحد ان ربنا سبحانه وتعالى بعد العمل الصالح ده يفتح لك بعمل صالح تاني. وتسيب - 00:51:45ضَ

العمل الصالح ده يفتح لك بالعمل التالت. وتسيب التالت يفتح للرابع. والرابع للخامس ولا يزال هذا الحال حتى تأتي اللحظة اللي انت هتفارق فيها الحياة فتلاقي ربنا فتح لك بالعمل العظيم اللي بتعمله علشان تموت عليه. علشان كده كان عروة بن الزبير يقول اذا رأيت الرجل يصنع الحسنة - 00:52:05ضَ

فاعلم ان لها عنده اخوات وذلك لان الحسنة تدل على اختها. اتنين الثمرة التانية من ثمرات العمل الصالح الصالح ان ربنا يحفظك ويحميك ويصونك. ويسددك من اي مكروه ويمنع عنك اي مكروه ويمنع عنك اي ضر. يا اخواني - 00:52:25ضَ

حفز ربنا للانسان بسبب حسناته ورد في القرآن كتير جدا. شوفوا ربنا سبحانه وتعالى ماذا يقول وليخشى الذين لو تركوا من خلفهم ذرية ضعافا خافوا عليهم ها؟ اه عايز ربنا يحفظ لك اولادك من بعدك فليتقوا الله. فليتقوا الله - 00:52:45ضَ

اجتهد في طاعة ربنا. تلاقي ربنا حفظ لك اولادك. عندك ابن شادد عليك شوية ومبهدلك اتق الله. تلاقي ربنا يصلح لك ولدك. سبحان الله ربنا ذكر لنا في سورة الكهف. واما الجدار فكان لغلامين يتيمين في المدينة وكانا ها؟ تحته كنز لهما. وكان - 00:53:05ضَ

كان ابوهما ربنا يبعت نبي من اعظم انبياء الله. واحد من اولي العزم من الرسل. ليه؟ علشان يبني الجدار. ويرسل رجل من الصالحين اللي هو الخضر ليه علشان ابنك دار. ليه ؟ علشان يحفز اموال اليتيمين. ليه ؟ علشان ابوهم كان صالح. علشان ابوهم كان صالح. من ثمرات العمل الصالح - 00:53:25ضَ

يا اخواني كلنا الدنيا دي دار بلاء. الدنيا دي دار مشاكل. ما فيش انسان مننا الا وبيمر بكرب او بمحنة او ببلاء. بييجي العمل الصالح بقى هنا علشان يكون سبب انه يخرجك من البلاءات دي. فاكرين يا اخواني حديث التلاتة اللي دخلوا الغار ونزلت الصخرة انطبقت عليهم فاكرين - 00:53:45ضَ

الحديث ده فاكرين ايه اللي كان السبب ان هم يخرجوا من من الورطة دي العمل الصالح اللي يدعي ربنا يقول يا رب انا كنت بار بوالدي تنفرج شوية واللي يدعي ربنا يا رب انا عفيت عن الحرام تنفرج شوية وندعي يقول يا رب انا كنت امين في مال الاجير اللي كان عندي تنفرج الصخرة ويخرج - 00:54:05ضَ

نحن سالمين غانمين. حفظ ربنا لك وخروجك من القربات بيكون بالعمل الصالح. بل عطاء ربنا لك. عطاء ربنا لك يكون على قدر عملك الصالح. فيه كتير من الاوقات بيبقى نفسك وامنيتك انك تصل لغاية معينة. تحقق حلم معين صدقني. طول ما انت على طاعة ربنا تلاقي - 00:54:25ضَ

ربنا سبحانه وتعالى بسبب العمل الصالح بعد فضل ربنا اولا واخرا تلاقي ربنا بيعطيك ما اردت حتى وان كان الامر مستحيل. ليه؟ اصل انت للطائعين. فاكرين يا اخواني كتير مننا تزوج ولم يرزق الولد؟ عارفين سيدنا زكريا عليه الصلاة والسلام؟ ربنا بيقول ايه - 00:54:45ضَ

ثريا اذ نادى ربه ربي لا تذرني فردا وانت خير الوارثين. طب ازاي ده انت كبير في السن ده انت اللي بتقول اني وهن العظم مني واشتعل الرأس شيبا ازاي ومراتك كانت وهي شاب عاقر؟ شف ربنا بيقول ايه؟ از نادى ربه ربي لا تذرني فردا وانت خير الوارثين - 00:55:05ضَ

شف ربنا بيقول ايه فاستجبنا له. فاستجبنا له ووهبنا له يحيى. واصلحنا له زوجه. يا اخواني الترتيب انطقي في غير القرآن طبعا. الترتيب المنطقي ان ربنا بيقول فاستجبنا له. وبعد كده اصلحنا له زوجه. وبعد كده - 00:55:25ضَ

ادمان الولد والا ازاي ربنا يرزقه الولد وكانت زوجته عاقرة اصلا وهي شابة ولكن ربنا بيعلمك ان هو ده اثر العمل الصالح وبيعلمك انك لا تلتفت للاسباب وتنسى مسبب الاسباب. اول التفاتة لك لمسبب الاسباب سبحانه. فقدم هنا ربنا قال فاستجبنا - 00:55:45ضَ

ووهبنا له يحيى وايه ها واصلحنا له زوجه. وبعد كده ربنا يقول لك ايه السر؟ ان ربنا ادى له الولد. ايه السر اللي ربنا حقق له امنيته. ايه السر ان ربنا ادى له ما اراد؟ ايه السر؟ ان ربنا ادى له حاجة في عرف الناس وعقل الناس مستحيلة. فقال الله انهم كانوا - 00:56:05ضَ

اه يسارعون في الخيرات. يسارعون في الخيرات. وخد بالك انا لما اقول مسلا ايه انا الى الحزاء. الحزاء ده بعيد عني فانا رايح له. فانا باستخدم حرف الجر ايه ها ايه الى الى يسارع الى سارع احمد الى كذا - 00:56:25ضَ

ولكن لما ربنا يقول لنا انهم كانوا يسارعون الى الخيرات ولا في الخيرات فين؟ ليه؟ ليه ربنا يشيل ايه لو يحط فيه؟ ليه؟ دا ويك ان ربنا بيقول لنا لو كانت الخيرات دي دائرة هم جوة دايرة - 00:56:45ضَ

وبيسارعوا برضو للخيرات. يا نهار ابيض! ويدعو لنا رغبا ورهبا. وكانوا لنا خاشعين ثمرات الطاعة يا اخواني كثيرة جدا على رأسها انك تبقى سعيد شوية. احنا ياما قابلنا شباب يمكن اكتر نسبة شباب - 00:57:01ضَ

بتروح يعني اكتر نسبة بتخش عند الدكاترة النفسيين الشباب ليه؟ هو بعيد عن ربنا. اللي بعيد عن ربنا ده ما يطلبش سعادة. اللي بيصلي ولا بيعبد ربنا ما يطلبش سعادة حتى وان كان اغنى الناس - 00:57:20ضَ

مش هيجدها ابدا. لان قانون السعادة انك لازم تكون قريب منه. السعادة دي ثمرة. ثمر من ثمرات قربك من ربنا. والله يا اخواني تلاقي زوجتك بقت مصدر سعادة بعد ما كانت مصدر تعاسة. اولادك بقوا مصدر سعادة بعد ما كانوا مصدر تعاسة. شغلك بقوا بقى مصدر سعادة بعد ما كان مصدر تعاسة. ليه - 00:57:35ضَ

العمل الصالح قال الله سبحانه وتعالى من عمل صالحا بالذكر او انثى وهو مؤمن ها فلنحيي انه حياة كان شيخ الاسلام ابن تيمية له كلمة جميلة قوي. يا ريت نحفظها ونختم بها درس النهاردة. كان شيخ الاسلام ابن تيمية بيقول - 00:57:55ضَ

من اراد السعادة الابدية فليلزم عتبة العبودية. تاني كان يقول العروض السعادة الابدية فليلزم اعتاب العبودية او فليلزم عتبة العبودية. هي دي السعادة الحقيقية اللي انت تحصلها في الدنيا وتحصلها في الاخرة باذن الله تبارك وتعالى. اخواني انا قبل ما اختم درس آآ من باب بقى التواصي بالعمل الصالح بكرة تلتاشر اربعتاشر - 00:58:15ضَ

خمستاشر ان شاء الله. بكرة وبعده وبعده ان شاء الله. الصيام ان شاء الله وصية النبي صلى الله عليه وسلم. وصية النبي ان كان دايما بيوصي بهذه الايام الثلاثة. فاحنا - 00:58:45ضَ

صوم هذه الثلاثة ايام. اما اذا كانت هناك كلمة اخيرة لاهل اخونا شريف. فانا كل اقدر اقول لهم حاجتين. الامر الاول اصبروا واحتسبوا. اصبروا واحتسبوا. وانا ابشركم بما كان يصنع من خير - 00:58:55ضَ

هقولها للمرة التالتة انا ابشرهم جميعا بما كان يصنع من خير. شريف كان معنا في جمعية في جمعية خير زاد كان معنا في الجمعية بيشارك في ادوية شهرية بخمسين ستين الف جنيه للفقراء والمساكين. والناس اللي مش قادرة ان هي تجيب ادوية. انا عايز ابشرهم ان - 00:59:15ضَ

الله! اخر شهر الشهر اللي فات ده شريف كان في الجمعية ودفع الفين ونص علشان يبدأ من معنا في الجمعية انه يبدأ مع الادوية يبدأ ان هو يكفي الاسرة الفقيرة. فاللي ربنا بيختم له بالاعمال دي ما حدش يزعل عليه. بل اطمنوا له ان شاء الله - 00:59:35ضَ

ربنا يا رب يغفر له. اما الامر التاني فهي رسالة لكم كلكم. وبخاصة الشباب معظم الحضور شباب. شريف شاب تمانية وعشرين سنة مات الموت مش بعيد عنك. ممكن يجي لك في لحظة. السعيد مننا ان يكون بقى اتدخل لنفسه العمل الصالح اللي هيقابل به ربنا سبحانه وتعالى - 00:59:55ضَ

وانا اودي في نهاية الدرس ان احنا جميعا كده هندعوا لشريف وندعوا لعموم المسلمين ان ربنا سبحانه وتعالى كده يغفر له ويرحمه. اللهم لك الحمد كله ولك الشكر كله واليك يرجع الامر كله وعلانيته وسره. اللهم اغفر له وارحمه اللهم اغفر له وارحمه. اللهم اغفر - 01:00:15ضَ

وارحمه. اللهم اغفر له وارحمه. اللهم عافه واعف عنه. اللهم عافه واعف عنه. اللهم اكرم نزله. اللهم وسع مدخله. اللهم ثم اغسله بالماء والثلج والبرد. اللهم ابدله اهلا خيرا من اهله. ودارا خيرا من داره. وزوجا خيرا من زوجه. اللهم اجعل قبره روضة من - 01:00:35ضَ

رياض الجنة. اللهم اجعل قبره روضة من رياض الجنة. اللهم اجعل قبره روضة من رياض الجنة. ولا تجعله حفرة من حفر النيران. اللهم منه في قبره. اللهم امنه في قبره. اللهم وسع له قبره. اللهم وسع له قبره. اللهم وسع له قبره. اللهم نور له في - 01:00:55ضَ

في قبره. اللهم نور له في قبره. اللهم افرش قبره من الجنة. اللهم افرج اللهم افرج قبره من الجنة واجعله نعيما له يا رب العالمين. اللهم اجعل قبره روضة من رياض الجنة. ولا تجعله حفرة من حفر النار. فضلك وكرمك ومنك يا ارحم الراحمين - 01:01:15ضَ

اللهم اغفر للمؤمنين والمؤمنات والمسلمين والمسلمات الاحياء منهم والاموات. اللهم اشف مرضانا ومرضى المسلمين. اللهم اشف مرضانا ومرضى المسلمين اللهم اشف مرضانا ومرضى المسلمين. وارحم موتانا وموتى المسلمين. وارحم موتانا وموتى المسلمين. اللهم لا تخرجنا من هذا الجمع الكريم الا - 01:01:35ضَ

ذنب مغفور وسعي مشكور وذنب مستور. وذنب مستور وتجارة لن تبور. انك انت العزيز الغفور. انك انت العزيز الغفور. اللهم لا تخرجنا من هذا المكان الا وقد غفرت ذنوبنا. وفرجت همومنا ونفذت كروبنا وقضيت الدين عن - 01:01:55ضَ

منا وقضيت الدين عن المدين منا. اللهم ذكرنا من القرآن ما نسينا. وعلمنا منه ما جهلنا. اللهم ارزقنا تلاوته اناء الليل واطراف النهار على الوجه الذي يرضيك عنا. اللهم اهدنا واهد بنا. اللهم اهدنا واهد بنا. واجعلنا سببا لمن اهتدى - 01:02:15ضَ

اللهم اهدنا واهد بنا واجعلنا سببا لمن اهتدى. اللهم ارزقنا حبك. اللهم ارزقنا حبك وحب من يحبك وحب كل عمل يقربنا الى حبك. بفضلك وكرمك ومنك يا ارحم الراحمين. اقول قولي هذا واستغفر الله العظيم لي ولكم وصلى الله على نبينا محمد وعلى اله - 01:02:35ضَ

اله وصحبه وسلم - 01:02:55ضَ