باحث

في الجرايد بقى لهم آآ يعني يمكن اكتر من آآ تلات اربع اسابيع بمناسبة الهجمة على السلفيين يعني ان اه اه جايبين لي كلام في شريط كنت قلته من حوالي سبعتاشر سنة - 00:00:01ضَ

وانا بتكلم عن الذل المضروب على الامة من جملة ما تكلمت به الفقر في بلاد المسلمين فقلت من جملة ما قلت في وسط كلام طويل وسياق ان الخزائن في بلاد المسلمين - 00:00:19ضَ

كانت تملأ من الغنائم التي تكون نتيجة الجهاد في سبيل الله فقلت لو ان الجهاد في سبيل الله كان ماضيا والجهاد ماض الى يوم القيامة رغم انف من يقول بغير ذلك - 00:00:44ضَ

لان هذا كلام النبي عليه الصلاة والسلام ان الجهاد ماض الى يوم القيامة سواء تعطلت فريضة الجهاد باي سبب من الاسباب التخاذل والانبطاح ارضا وآآ التقلب ظهرا لبطنه والكلام ده - 00:01:04ضَ

ممكن فترة من الفترات الجهاد يعني لا يقوم ولا ترفع له راية وبعدين ارجع مرة اخرى اذا اذن الله تبارك وتعالى فانا كنت بقول ان من ضمن العوامل او من ضمن الاشياء التي كانت تملأ خزائن الدولة الاسلامية هي - 00:01:19ضَ

الغنائم طالعين بقى يردوا علي كاتب كده متخصص في امراض الجنس شغلته كده الامراض الجنس يعني وبعدين عشان في فوضى وما فيش رقابة والمؤسسة الرسمية مريضة من زمان وآآ احتضرت في فترة من الفترات وبتحاول - 00:01:43ضَ

تلتقط انفاسا ونحن آآ بنقوي المؤسسة الرسمية عشان خاطر برضه المؤسسة الرسمية عمالة ترمي السلفيين بالتشدد والارهاب والكلام دوت. نحن الذين آآ حافظنا على هوية مصر على الاقل في السنوات الماضية - 00:02:04ضَ

السنوات الماضية نحن معاشر السلفيين حافظنا على هوية مصر عشان ما فيش حد يزايد علينا يعني. وللازهر هو الذي حافز على هوية مصر. لأ انتم عارفين الازهر شغلته كانت ايه - 00:02:22ضَ

وكيف كان حال الازهر؟ وكيف كان الازهر مسيس الكلام ده كله انا مش محتاج ان انا يعني ابسط عليه الادلة لان الملف ضخم جدا يعني. ولا زال الان وشيخ الازهر النهاردة بيحاول الى حد ما - 00:02:35ضَ

ان هو يلم الاوراق بيحاول يلم الاوراق وياما شتم في السلفيين ايام ما كان رئيس جامعة الازهر والكلام ده واتكلم عليهم كلام في قناة النيل الاخبارية. كلام كله باطل يعني. والحلقات بتاعته مسجلة عندي - 00:02:49ضَ

رد عليه جاهز يعني لكن الان بيحاول ان هو يعمل خطاب متزن يقول لك نلم السلفيين على الاخوان على اللي مش عارف ايه وبتاع ونحاول نعمل ايه خطاب خطابا متزنا يعني - 00:03:03ضَ

عن مصالح الامة. اهلا وسهلا ما فيش مشكلة. لكن اللي انا عايز اقوله بمناسبة هجمة على السلفيين وانا نلت الحمد لله قسط يعني لا بأس به. من هذا الهجوم وخدوا شريط البتاع دوت والولاء والبراء والكلام ده وقعدوا يطنطنوا كأن انا - 00:03:15ضَ

لم اقل اطلاقا في حياتي الا هذا الشريط نعم نحن خزائننا اه اه المال فيها قليل احد اسباب قلة المال ترك الجهاد في سبيل الله. ليه؟ لان كان الغنائم التي لم تحل لسود الرؤوس غيرنا كما قال النبي - 00:03:32ضَ

صلى الله عليه وسلم. كانت الغنائم دي عبارة عن اموال وما يتصورش حد ان احنا زي ما بيقول اللي بيرد علي استاز في مجمع البحوس الاسلامية بيرد علي بيقول لي اللي انا بقوله ده كلام فزيع والكلام ده. هو بكل - 00:03:52ضَ

للاسف لم يسمع الشريط انما الصحفي اللي كتب المقال هو اللي قال له الجملة المبتورة دي فبيقول ان اخونا الحويني لما بيقول هزا الكلام ده كلام مفزع انا بقول للدكتور رح راجع الشريط واسمعه من اوله لاخره - 00:04:06ضَ

الكلام الذي اقوله انا ليس كلاما مفزعا ده كلام شرعي ونصبت عليه عشرات الادلة ويروح يقرأ كتاب الجهاد في البخاري على الاقل او كتاب الجهاد في اي كتاب من كتب الفقه. عشان يتكلم عن حكم الغنائم - 00:04:21ضَ

وان طلب الغنيمة ما كانش يساوي قطع الطريق يا دكتور لانه بيقول انه انه ان انا صورت المسلمين كأنهم قطاع طرق كل هم هم يحصلوا على الغنائم. انا لم اقل هذا بطبيعة الحال - 00:04:35ضَ

والجهاد في سبيل الله لم ينصب لغزو بلاد الناس لمجرد الغزو. ان انا اخد خيراته زي ما بتعمل الدول المستعمرة الان والدول المستعمرة بتعمل ايه النهاردة لما بتدخل بتسطو على بلاد المسلمين خصوصا - 00:04:50ضَ

لانه مش محتل غير بلاد المسلمين. طلعوا لي بلد في العالم غير مسلمة حصل عليها اعتداء ولا احتلوها؟ ولا اخدوا خيراتها؟ لأ كلها بلاد مسلمة. يدخل ياخد خيراتها وياخد البترول اللي فيها وياخد المنجنيز والقصدير والدهب - 00:05:06ضَ

والكلام ده وازا كان في يورانيوم ياخدوه بالمرة زي ما في السودان وغيره والكلام ده كل البلاد المعتدي عليها بلاد مسلمين باسم تحت اسم اي آآ او تحت اي شعار. الحرية والديموقراطية ونشر العدالة ورفع الظلم عن الاقليات الى اخر هذه الشعارات - 00:05:23ضَ

احنا كمسلمين اذا دخلنا على باب البلدان ما بنحتلش حد لكن بنقول خلوا بيننا وبين قلوب الناس نريد ان ندعو الناس الى الله دون ان نجبر احدا على الدخول في الاسلام - 00:05:42ضَ

افتح لي البلد. باقول له انا افتح لي البلد حتى ادعو الى الله عز وجل بالحسنى ليس هناك في الاسلام ان يقتل كافر لمجرد انه كافر ده ممنوع في الاسلام - 00:05:59ضَ

وده اجماع الائمة كلهم انه لا يقتل كافر لمجرد كفره ابدا انما اذا قتل يقتل انه اعتدى او انه منع الدعوة الى الله سبحانه وتعالى. انا باقول له افتح البلد - 00:06:16ضَ

انا سادعو الى الاسلام. وهو دين الله الحق الذي لا يقبل الله عز وجل صرفا ولا عدلا من احد الا اذا دان به. وهو دين الانبياء جميعا من لدن ادم عليه السلام الى نبينا صلى الله عليه واله وسلم - 00:06:32ضَ

للبلد ادعو الى الله والله قبلوا دعوتي اهلا وسهلا ما عنديش مشكلة لم يقبلوا دعوتي لا سلطان لي عليهم يفضل زي ما هو على دينه. بس انا عندي شرط ان يدفع الجزية - 00:06:52ضَ

نظير ان انا احميه ان انا آآ يعني اقوم بحقه ان انا اوصل له الخدمات كل ده الجزية. وارجو الا يتصور احد ان الجزية تساوي الضريبة لأ الكلام ده غير صحيح - 00:07:10ضَ

الجزية لا تفرض الا على كافر لكن لا جزية على مسلم عشان كده ما ينفعش ان انا اقول الجزية هي الضريبة. الكلام ده كلام خطأ غير صحيح المسلم ليس عليه جزية - 00:07:30ضَ

المسلم عليه زكاة ولا يجب في مال المسلم الا الزكاة فقط. اما الصدقة فهي تطوع لكن الضرائب دي ليست من الاسلام في شيء ان انا افرض ضريبة بمعنى الضريبة الا اذا اقتضى - 00:07:47ضَ

ان افرض على الناس شيئا فوق الزكاة لمصلحة عامة وبعدين الغيها يعني افترض ان احنا داخلين حرب ضد عدو واحنا بنلم الزكاة من الناس. وانا ارجو من اولياء الامور امور المسلمين - 00:08:04ضَ

ان يجبوا الزكاة من الناس قصرا وان يضعوا الضرائب عنهم لو جمعوا الزكاة ستكفي ما يحتاجه الناس. عايز تبني مستشفيات عايز ترصف طرق عايز تعمل اي خدمات في البلد الزكاة ستكفي - 00:08:25ضَ

وربنا سبحانه وتعالى بيبارك في الزكاة ولن يتهرب احد من الزكاة ممكن يتهربوا من الضرايب لانها ظالمة جائرة لكن الزكاة ده بيعامل رب العالمين فلا يستطيع ان يتهرب منها. بالعكس ممكن يدي افضل ما له - 00:08:41ضَ

عشان بيعامل ربنا سبحانه وتعالى ممكن يدي بزيادة يقول لك عشان اكفر عن سيئاتي. او ان انا ما دفعتش زكاة من سنوات طويلة. فانا ايه ادفع الزكاة الزكاة في وازع ديني بيجعل المرء ان هو يدفع زكاة وهو مستريح القلب بل بالعكس ممكن يزود عليها - 00:09:00ضَ

افترض ان يعني جمعنا اموال الزكاة كلها وبعدين حصل حالة حرب محتاجين سلاح والزكاة ما تكفيش يبقى الحاكم المسلم في هذه الحالة ينظر كم مليار يحتاجه يقول لك عايزين مسلا عشرة مليار. عشرين مليار - 00:09:20ضَ

طيب كم بيت عندي او كم فرد عندي في مصر مثلا نقول تمانين مليون العشرة مليار دول على تمانين مليون يبقى حز الفرد كذا يبقى بدءا من الحاكم يحط نفسه في الليستة ما يطلعش برة - 00:09:44ضَ

ويفرض على الناس ويطلع هو برة. بدءا من الحاكم لحد اقل واحد يفرض على كل انسان ما يستطيعه حسب دخله لان مش هيستوي الانسان اللي بياخد عشرة عشر تلاف وعشرين الف وتلاتين الف مع اللي بياخد تلتميت جنيه - 00:10:04ضَ

انما تبقى نسبة وتناسب. لكن كل واحد بيدفع بعد ما نجمع المبلغ المطلوب لتسليح الجيش ولشراء الاسلحة يلغى القانون ما يبقاش قانون دائم ليه؟ لانها حلت محله الزكاة فالزكاة هي التي تفرض على المسلم والجزية تفرض على - 00:10:25ضَ

الكافر ده كلام نهائي ما فيش فيه فصال. وتفتح اصغر كتاب من كتب الفقه تجد هذا الكلام في هذا التفصيل. فانا عندما قل ان كانت بتغني المسلمين وتملىء جيوبهم بالمال ده كلام حقيقي. لا ينازع فيها احد. ومش معنى ذلك انك انت تحرف كلامي وتيجي تقول - 00:10:46ضَ

ان احنا اصبحنا كقطاع الطرق عمالين نفتح البلاد وننهب اموالهم. انا ما قلت هذا ولا ينبغي ان اقوله ليه؟ لانه ليس هناك نص شرعي يسمح اريد ان اقول هذا الكلام. ده من جملة كما قلت الافتراء على - 00:11:08ضَ