باحث

عباد ربنا الموحدين هم دول النجوم. محاضرة النهاردة بقى محاضرة اللي هيركز فيها وهيتدرب بعد كده عليها ممكن تغير حياته تماما المحاضرة دي اسمها روح الصلاة. روح الصلاة والحقيقة بدل ما هندي محاضرة احنا هنصلي ركعتين مع بعض. دلوقتي احنا هنصلي ركعتين مع بعض - 00:00:00ضَ

ما تقلقش. مش هاقومك تتوضا تاني لو انت كنت يعني نقضت وضوءك ولا حاجة. احنا هنصلي ركعتين في خيالنا هنتخيل نفسنا بنصلي ركعتين. وهنتدبر كل كلمة وكل حركة بنعملها في الصلاة. عشان نشوف الفرق - 00:00:40ضَ

بين الطريقة اللي بنصلي بها وبين الطريقة اللي المفروض نصلي بها. بامانة ده موضوع انا اخترته لقيناه من الاخر ما بنصليش احنا بنقوم نقف وبعد كده بنوطي ركوع وبعد كده بنسجد بعد كده بنقعد - 00:01:07ضَ

لكن دي مش صلاة. دي مش صلاة. بس سميه بقى وقوف ركوع سجود قعود. تمارين. تمارين. صح. تمانين كالوريني كالوري مفيدة برضو يعني. لكن الرسول عليه الصلاة والسلام بيقول ليس للمرء من صلاته الا ما عقل - 00:01:29ضَ

قال منها اللي تدبره الشيخ محمد عبداللطيف وهو بيقرا بنا وبيختار الايات وبيفسر كلمات وبيفسر الحروف من بعضها. الواحد بيستطيع انه يتدبر لكن لو وصلني الايات في بعضها وخدني بسرعة وقرا لي حجر في الصلاة عشان نلحق الجلسة. ايه ده - 00:01:49ضَ

هي دي طريقة الصلاة. انا بستمتع جدا بالصلاة هنا ورا الشيخ محمد بصراحة. بامانة يعني ما بلاش والله عشان حاجة بس فعلا آآ مش لاني باحبه لكن فعلا انا بستمتع بالصلاة معك. انت دلوقتي لو دعيت انك تروح تقابل شخص عزيم - 00:02:16ضَ

حد كبير منصب كبير رئيس مجلس ادارة شركة كبيرة. هتروح ازاي؟ تلبس احسن حاجة عندك تخش تاخد دش كده وتروح وحاطط ريحة وحاطط بتاع. مش هتروح بالبيجامة يعني. مش هتروح - 00:02:36ضَ

بفانلة. اه. شكرا يا دكتور. طب انت بتصلي ازاي؟ اهتمامك بالصلاة قايم تصلي المغرب مسلا. احساسك انك رايح تعمل ايه؟ حاجة عادية. حاجة بتتعمل على طول كل يوم مش احساسك انك رايح تقف بين ايدين ربنا. لزلك عايزين نفهم النهاردة اية خطيرة - 00:02:56ضَ

هي اية ما قدروا الله حق قدره. هو ده الاحترام اللي بيديه لربنا ما قدروا الله حق قدره قارن بقى استعدادك لمقابلة الشخص غني او عزيم استعداداتك للصلاة قيادتك للوقوف بين ايدين ربنا. عشان تفهم ما قدروا الله حق قدرك. وخلي بالك - 00:03:24ضَ

انت دلوقتي رحت واقف معه بتتكلم مع هذا الشخص العظيم. تبقى مركز في كل كلمة بيقولها ولا لا واخد بالك قوي هو بيقول ايه؟ وعارف كويس قوي انت بتقول له ايه؟ لكن هتبقى قاعد معه وسرحان - 00:03:59ضَ

هو عمال يتكلم قدامه او بتكلم وانت مش داري انت بتقول ايه مش هيحصل ما قدروا الله حق قدره بص انت وانت واقف بين ايدين ربنا بتبقى عامل ازاي؟ عقلك وقلبك مشغول - 00:04:17ضَ

ازاي؟ انت وانت قاعد مع واحد مسلا رئيس وزارة ولا وزير ولا رئيس جمهورية ولا ملك هتبقى مخك مشغول بحد اقل منه آآ رئيس حي مصر الجديدة مسلا؟ لأ انت واقف مع واحد اكبر بكتير - 00:04:37ضَ

طب ليه وانت واقف بين ايدين ربنا وفي المقابلة المهمة دي عقلك وقلبك مشغول كل حاجة تانية غير ربنا. مش هنضحك على بعض يا جماعة. خلونا نخش في الصلاة. الله اكبر. ونبدأ - 00:04:57ضَ

بنخطط نخطط بقى لحياتنا ابتداء من بعد الصلاة فورا لغاية تلاتين سنة قدام. الله الله اكبر بعد الصلاة عايز اروح اشتري من السوبر ماركت الليستة اللي مراتي حطها لي في جيبي وانا بكرة محتاج ازاكر - 00:05:17ضَ

كويس عشان احنا عندنا امتحانات كزا. يا سلام لو اعمل دكتوراه في مش عارف ايه. ياه عايزين نغير العربية. ياه ده فيه شقق بتتباع في التجمع. ياه مش عارف ايه! عايزين - 00:05:37ضَ

نفسي يبقى عندي حاجة بعد تلاتين سنة افاجأ السلام عليكم ورحمة الله. السلام الامام خلص صلى كم ركعة؟ اكيد اربعة ما عدا العشاء يعني. ارى ايه في يوم قرآن طب منين يعني؟ خلاص بقى. ربنا ستار. ما قدروا الله حق قدره - 00:05:47ضَ

هو ده اللي بنقوله ازاي تبقى واقف بين ايدين ربنا وقلبك مشغول وعقلك مشغول بكل حاجة غير ربنا ده اللي بنقوله. ده اللي احنا عايزين نغيره بقى فينا. هو ده بقى اللي اخونا قال. الصلاة بتتحول الى - 00:06:16ضَ

فايدة واحدة بس بتحرق خمسين كالوري ميت كالوري وخلصنا كده. ما فيش اي فايدة تاني الا شوية تمارين رياضية بنعملها وخلاص. الصلاة يا جماعة لو قسمناها الى اعتبرنا ان الصلاة دي بني ادم - 00:06:35ضَ

جسد وروح هيصبح جسد الصلاة هي الحركات اللي احنا بنعملها. والكلمات اللي احنا بنقولها بلسانا ده الجسد انما روح الصلاة هتبقى هي الخشوع الصلاة بدون خشوع جسد بدون روح. جسد ميت - 00:06:52ضَ

الرسول عليه الصلاة والسلام بيقول ان الصلاة نوعين الصلاة بعد ما صاحبها يصليها ترتفع في شكل جميل زي ما يكون هدية ملفوفة ويتساءل الملأ الاعلى والملايكة طالعة بها ايه الشيء الجميل ده؟ فيقولوا لهم هذه صلاة فلان. او هذه صلاة - 00:07:26ضَ

فلانة اوصل بعد ما صاحبها يخلصها تتلف كالثوب الخلق. يعني زي التوب المقطع المبهدل الدايب. وتلقى في وجه صاحبها. ترد الصلاة لها دور. دور الصلاة في حياتنا انها تخلينا بعدها نشعر بنفسنا اقوى من الاول واضعف من الاول - 00:07:50ضَ

يعني بعد الصلاة اشعر اني اقوى واشعر اني اضعف ازاي ؟ انا باصلي وباقف بين ايدين ربنا طيب اذا اشعر ان انا مع الله لم اخاف من احد ابدا الا الله. فاشعر اني قوي بهذه الصلاة وبمعية الله - 00:08:25ضَ

وفي نفس الوقت انا بقف ايدين ربنا اللي خلقني واللي هيحاسبني اللي ما حدش هيقدر ينجيني من عذابه الا هو فلن اظلم احدا لاني اشعر بضعفي في جنب الله. فالصلاة لها دورين هنا. دور ما تخليك قوي لا تخاف - 00:08:51ضَ

من احد ودور انها تحسسك بضعفك فلا تظلم احدا في الصلاة تنهى عن الفحشاء والمنكر بهذا المعنى انها تغير منك. كل صلاة المفروض انها تتغير منك للافضل. رايح ميتنج. بتروح - 00:09:20ضَ

في دعوة كارت دعوة او بتيجي لك او ايميل جا لك دعوة الصلاة مقابلة بتروح تقف بين ايدين ربنا فيها بدعوة المؤذن وهو بيؤذن. لما بيقول حي على الصلاة. يعني تعال صل - 00:09:42ضَ

تعال حي على الفلاح تعال هو ده النجاح هنا دي دعوة جتك. اتفضل. انت بتروح. بس قبل ما تروح بتستعد. استعد ازاي ؟ يعني ممكن تقوم تاخد دش مش هتاخد دش طب اغسل وشك. وايديك ورجليك وامسح شعرك - 00:10:07ضَ

ايه ده ففي استعداد خارجي بيتم. تلاقي هدوم نضيفة مش هدوم عليها نجاسة صح؟ تستعد استعداد خارجي. لو انت اللي بتحدد مكان المقابلة بتحدد مكان نظيف طهارة الثوب طهارة البدن طهارة المكان. شروط الصلاة. ده استعداد خارجي زي ما بتستعد لاي مقابلة - 00:10:36ضَ

انما ما بتستعدش في هذه المقابلات استعداد داخلي. لان الناس اللي انت بتقابلها مش مطلعة على سرك مع ربنا لازم تستعد ايضا داخليا. لان ربنا مطلع على سرك. تقف كده عشان تصلي نضف جوة بقى كمان - 00:11:05ضَ

مش هينفع تقف تصلي وانت جواك حقد او غل او كراهية فانت ربنا مطلع على علنك وعلى سرك نضف جوة كمان. وعشان تصلي بتتوجه نحو قبلة. اشمعنى؟ ما تصلي في اي حتة وخلاص. دي مش شبهات - 00:11:25ضَ

حول الاسلام على فكرة ان المسلمين آآ آآ وثنيين بيعبدوا الاصنام. يقول لك اه صحيح انتم في فتح مكة حطمتم الاصنام بس مش كلها. سبتم الكبير المكعب في الكعب دي مش شبهات على فكرة. ولا تبص كده على اي مسلم لما يدخل اي غرفة في فندق. اول حاجة يعملها ايه؟ يقعد يفتح الادراج - 00:11:55ضَ

ويدور على المرايات ويشوف بس اي سهم مرسوم في اي حتة بيدور على القبلة. ما تصلي في اي حتة وخلاص. فدي من الشبهات حول الاسلام ان المسلمين بيعبدوا الكعبة. احنا ما بنعبدش الكعبة. الكعبة ليست صنما يعبد. الكعبة - 00:12:25ضَ

نؤمن انها لا تضر ولا تنفع يبقى ازاي بنعبده؟ دي لا بتضر ولا بتنفع. الله! اومال الكعبة عبارة عن ايه؟ الكعبة هي اول بيت وضع للناس اول بيت للعبادة على وجه الارض - 00:12:45ضَ

النهاردة الكعبة لها دور خطير في حياتنا وهي انها بتوحد المسلمين في دوائر حولها عند الصلاة وهذه الدوائر بتكبر تكبر تكبر توسع توسع توسع لغاية ما تفرش على وجه الارض - 00:13:05ضَ

فاحنا النهاردة صلينا هنا مسلا عشر صفوف عشر خطوط مستقيمة لأ. دي عشر مقاطع من عشر دوائر حول الكعبة. دي مش خطوط مستقيمة بس انت شايفها خط مستقيم عشان ده مقطع صغير اوي. فالكعبة توحد المسلمين حولها. في دوائر - 00:13:30ضَ

تتسع حتى تغطي وجه الارض فاقف اصلي لوحدي. منفرد اقول ايه؟ اياك نعبد واياك نستعين. ما قلش اياك اعبد واياك استعين. ليه اصلي لوحدي لأ ما هو ده قرآن مش هنغير القرآن الا كان ممكن ربنا كان يعمل لنا آآ آآ - 00:13:56ضَ

قاعدة زي كده هتصلي لوحدك قل اياك اعبد واياك استعين لكن لأ برضه بتتكلم برضو بتتكلم بصيغة الجمع ليه مش لوحدك. انت في دائرة مع مسلمين ومسلمات بيصلوا معه. صحيح مش واقفين جنبك - 00:14:24ضَ

لكن يمكن يكونوا على جبل. ممكن يكونوا على مركب. ممكن يكونوا في الصين. ممكن يكونوا في الدنمارك. فالكعبة تشعرك بعالمية هذا الدين وبالاخوة في هذا الدين. كل مرة وانت رايح تصلي حتى لوحدك - 00:14:44ضَ

استشعر عالمية الاسلام واخوة الاسلام داخل تستقبل القبلة هنصلي بس في حاجة احنا عايزين نغير من صلاتنا بقى. زي ما غيرنا من طريقتنا في قراءة القرآن وبقينا بنقرأ بتدبر وبقيت ازكارنا بتدبر - 00:15:04ضَ

كمان الصلاة لازم تبقى بتدبر وبخشوع. ايه المشكلة؟ المشكلة ان فيه اشياء بتدخل في شتتنا واحنا بنصلي اتشتت كتير اوي بنسرح كتير اوي طب انا عايز مسرحش كتير هيحصل سرحان. لكن يقل وعايز استشعر الخشوع - 00:15:25ضَ

يبقى لازم تستحضر الخشوع. حضره. هاته قبل ما تصلي ازاي؟ حاجتين. قال لك اول حاجة تخيل نفسك مت وانك بتبعث دلوقتي وانت رايح كده هو متوجه للقبلة انت استخير ان قدامك الصراط وانك هتعدي عليه - 00:15:50ضَ

وعلى يمينك اهي الجنة بنعيمها. وعلى شمالك النار بكلالبها اللي عايزة تطلع تخطفك وتنزل بك فاستشعار الموت والبعث يخليك تستحضر الخشوع. ماشي. بس برضو الدنيا فيها حاجات كتير فلوس نكسبها شغل دراسة اشياء دنيوية عربية عايز يغيرها بيت عايز اجيبه ما الحاجات دي برضو - 00:16:17ضَ

حين تستحضر عظمة الله بقى يعني ايه؟ يعني تعرف ان كل اللي انت بتقوله ده القيمة الحقيقية بتاعته هي صفر ربنا سبحانه وتعالى بيقول في سورة الكهف وان لجاعلون ما عليها - 00:16:54ضَ

عيدا جرزا. كل حاجة على وجه الارض هتبقى تراب خشن. الربل. عارف انت لما عمارة بتقع عمارة الموت اللي وقعت في آآ عند مستشفى يليوبكس من حوالي خمستاشر سنة بقت ايه؟ تراب - 00:17:21ضَ

ابو لهب بدقيقة قبل ما تقع كان جواها ايه ؟ مجوهرات كان تحتها عربيات فخمة. ومرة واحدة كله بقى ولا حاجة. انقاض ازا كل اللي حضرتك جاي يشتتك ده. ان كان فلوس حسابات بنوك. شركات دراسات. كل حاجة من دي حقيقتها صفر - 00:17:40ضَ

ازا قارنتها بالله سبحانه وتعالى. يبقى قبل ما تبدأ كده هات بقى كل الحاجات اللي ممكن تشتتك حطها في ايديك اهي فلوس مجوهرات دهب عربية تخيلوا كله كده في ايديكم وقم راميه ورا ضهرك - 00:18:09ضَ

قل الله اكبر. تكبيرة الاحرام. المقابلة بقت بعد ما رميت كل حاجة ورا ضهرك كده انت دلوقتي ابتدى. انت دلوقتي واقف بين ايدين ربنا مستحضر الخشوع ومستحضر ان كل حاجة ممكن تيجي تشتتك - 00:18:30ضَ

لا قيمة لها بدأ اللقاء اي لقاء في الدنيا بيبدأ بايه تحية مين بيحيي مين؟ الصغير يحيي الكبير. الضعيف يحيي القوي. انت تتوجه الى الله بالتحية دعاء الاستفتاح بصيغه الكثيرة منها صيغ بسم الله وجهت وجهي للذي فطر السماوات - 00:18:58ضَ

والارض بتتوجه بالتحية لله. ثم بعد ذلك تستغيث زي بالزبط اللي فيه بلطجي بيجري وراه عايز يموته ولقى حد يحميه رجل شرطة او غيره ابدأ على طول بالاستنجاد. بالاستغاثة. اعوذ بالله من الشيطان الرجيم. تستغيث - 00:19:26ضَ

من البلطجي اللي هيحاول يشتتك في الصلاة. ثم تبدأ بسم مين؟ انجلترا باسم الملكة مجلس الشعب كان زمان يقولوا باسم الشعب بسم الله اخيرا الحمد لله. بسم بسم الله الذي في حضرته - 00:19:56ضَ

تسكت كل الاصوات. الذي في حضرته تذوب كل الفوارق الذي لا فرق في حضرته بين وزير وغفير. ما فيش. ملك وصعلوك. ما فيش. بسم الله الرحمن الرحيم ثم تبدأ تقرأ الفاتحة. زمان كنا بنقرا الفاتحة ازاي؟ الله - 00:20:26ضَ

فكان ده نزام. لكن لا. فيه كثير جدا في الفاتحة علينا ان احنا نتدبره ده ربنا الزمنا بالفاتحة من دون كل القرآن انها لازم تقراها هي ولا صلاة بدون ام الكتاب. لانها ملخصة القرآن كله. ده الانترودكشن بتاعة القرآن دي مقدمة القرآن - 00:21:03ضَ

فاتحة الكتاب الحمد لله رب العالمين. لا استنى. خدني كلمة كلمة. الحمد لله. استنى بس على ايه؟ فكر في نعم ربنا الحمد لله نعم ربنا. الصحة الفلوس جمال الزكاء نعم ربنا علينا كتيرة. فكر في نعم ربنا عليك بس فكر في اهم نعمة من نعم ربنا - 00:21:31ضَ

نعمة الاسلام انك مسلم ان ربنا هداك للاسلام او انك ولدت مسلم. هذه نعمة كان زمانك دلوقتي بتعبد بني ادم. البوذيين بيعبدوا بني ادم. المسيحيين بيعبدوا بني ادم بني ادم جميل. بس ايه المشكلة؟ انه لا يستحق العبادة. بس. لا المسيح ولا سيدنا محمد - 00:22:04ضَ

ولايني ولا اي بشر يستحق العبادة. لا يستحق العبادة الا الله دي نعمة من الله ربنا سبحانه وتعالى خلق في الدنيا دي مخلوقات وشرحنا الكلام ده قبل كده خلق مخلوقات - 00:22:37ضَ

غير حية زي مسلا المية والتربة وخلق مخلوق اعلى منها في الرتبة. النباتات وخلق مخلوق اعلى منها في الرتبة. الحيوانات وخلق مخلوق اعلى منها في رتبة وهو الانسان. وجعل الله سبحانه وتعالى - 00:22:56ضَ

النظام كالاتي كل مخلوق في خدمة المخلوقات الاعلى في الرتبة لا العكس فالماء والتربة يخدم النبات ويخدم الحيوان ويخدم الانسان مش العكس. النبات يخدم الحيوان ويخدم الانسان والحيوان يخدم الانسان بناكل الحيوان وبنشرب لبن الحيوان وبنلبس جلد الحيوان صح - 00:23:18ضَ

والانسان يعبد ربنا. فالاسلام فقط يضعك على اعلى قمة هرم مخلوقات عبد لله وكل شيء في الكون مسخر لك اما الكفر فيه ذل للانسان. لو انا هعبد انسان هنزل في الرتبة عشان عبود انسان. هعبد - 00:23:52ضَ

حيوان مليار بني ادم في الهند بس بيعبدوا حيوانات عود البقر هنزل في الرتبة عشان عبود حيوان. الهم الا كالانعام بل هم اضلوا سبيلا وفي اللي بيعبد صنم واللي بيعبد حجر واللي بيعبد نبات واللي بيعبد نجوم واللي ما بيعبدش خالص. الاسلام يضعك في اعلى قمة - 00:24:23ضَ

المخلوقات انت الخليفة خليفة الله في الارض اللي مسؤول عن اعمار الارض واقامة العدل الحمد لله على نعمه كلها الذي اعلمها والتي لا اعلمها لان فيه نعم لا نشعر بها الا عند - 00:24:51ضَ

ذهابها عند فقدها سألنا الناس اللي كانت بتجمع النعم. واحد جمع تمانين نعمة سألته منهم البلع لأ ليه ؟ عشان زوروا ما وجعوش في الاسبوع ده. لو كان زوره وجعه كان عرف قيمة نعمة البلد. فبتحمد ربنا الحمد لله على نعمه التي - 00:25:17ضَ

والتي لا اعلمها وعلى نعمة الاسلام بقى لنا خمس دقايق بنشرح بس بالحمد لله وبنتدبر الحمد لله. الحمد لله رب. مش اله رب. رب بمعنى التربية والعطاء الرب هو اللي اللي بيخلي باله اللي بيرعى اللي - 00:25:37ضَ

تعطي اللي بيمنح رب العالم مين ؟ مش العالم عالم الانس وعالم الجن وعالم الملائكة وعالم الحيوان وعالم النمل وعالم الفيلة وعالم كل هذه العوالم الله سبحانه وتعالى هو ربها - 00:26:09ضَ

اللي بيعطيها اللي بيسيرها بيسير امورها بيسير امورك انت ربك ايه اللي مزبطك ؟ انت وانت قاعد دلوقتي ما انتاش عايل هم قلبك يقف. عمرك فكرت؟ يا نهار ابيض ده قال لي يقف دلوقتي يعمل ايه ؟ لا ما تخافش. هو حايش عنك دي ما انتش عايل - 00:26:28ضَ

الكلى بتاعتك يحصل لها حاجة وتقف دلوقتي. هو مزبط دي! هو اللي عامل لك الايه الصيانة بتاعتك. ربك ورب كل العالم في نفس الوقت اللي مزبط لك نزامك دلوقتي مزبط نزام كل واحد تاني في المسجد مزبط نزام كل واحد في العالم - 00:26:54ضَ

اللي بينكر وجوده مزبط نزام السمك اللي في الانهار. ما تخافوش على حاجة. كله رزقه موجود. الطيور رب العالمين الرحمن الرحيم. نعمة كمان اهي ما كناش هو انه اختار الاسمين دول من اسمائه الحسنى عشان يبقوا في الفاتحة - 00:27:14ضَ

والزمك تتذكر سبعتاشر مرة كل يوم على الاقل في السبعتاشر ركعة انه رحمن رحيم وكان ممكن جدا يكون فيه اسمين تانيين زي الجبار المنتقم تخيل بقى كتبقى الفاتحة كده. بسم الله الرحمن الرحيم. الحمد لله رب العالمين. الجبار المنتقم. تفتكرها سبعة - 00:27:44ضَ

تسعتاشر مرة غصب عنك كل يوم. كت هتبقى حياتك صعبة اوي. لكن ربنا الزمك انك تتذكر انه الرحمن الرحيم. سبعتاشر مرة كل يوم. عشان ده اثره عليك خطير. اسمين من مصدر واحد راح م. طب ما كان كفاية واحدة. تبقى الفاتحة كده. الحمد لله - 00:28:09ضَ

رب العالمين الرحمن مالك يوم الدين او الحمد لله رب العالمين الرحيم مالك يوم الدين لأ الرحمن الرحيم. اسنين من مصدر راح م ليه التكرار؟ لان ذنوبك تتكرر فكما ان ذنوبك تتكرر رحمة الله تتكرر - 00:28:39ضَ

اخ قبل الصالة بيقول لي. غلطت هزا الاسبوع وعملت حاجة حرام وتبت وبعدها بيومين عملتها تاني حرام. قلت له تب تاني وتالت. ورحمة ربنا بتتكرر. وانت زنوبك بتتكرر الرحمن الرحيم. نعمة والله من نعم ربنا. ما كناش بنانين بها. ما تتكلش عليها قوي - 00:29:06ضَ

كده انه ما لك يوم الدين. اتتذكر ان هناك يوم الدين وان هناك بعث وان ان هناك جنة وان هناك نار وان هناك حساب ولا تظلم احدا زنوب نوعين زنوب بينك وبين الناس وزنوب بينك وبين الله - 00:29:33ضَ

اللي بينك وبين الله بيسامح فيك. اذا انت استسمحته واستغفرته. انما اللي بينك وبين الناس يجب ان هم يسامحوك كل واحد زلم حد لازم يستسمحه وفي زنوب بقى ايه مش هتعرف تجيب الناس اصلا تستسمحهم. اللي دخلت قدامه في طابور العيش وخدت دوره هتجيبه منين عشان تستسمحه دلوقتي - 00:29:59ضَ

قصة عشان كده خلي بالك قوي من كل حركة من حركاتك. من كل سكنة من سكناتك. اياك تاخد حق حد. حق حد ان شا الله ايه ان شا الله نواية بلح. حاجة بسيطة جدا. يعني ان شاء الله يعني ربنا بيقول ايه؟ لا يظلمون نقيرا - 00:30:25ضَ

هو الفتلة اللي جوة نواية البلح اللي عاملة الرفيعة دي. عامل زي الفتلة النايلون كده. دي محسوبة وموجودة في ميزانك باقول الكلام ده للي بيستسهل ياخد حق الناس. خلي بالك ما لك يوم الدين دي اية - 00:30:51ضَ

تتوقف عندها كتير اياك نعبد واياك نستعين. وخلي بالك انت لازم ما توصلش الايات ببعض. توقف عند كل اية. فربنا بيرد عليك خلي بالك. انت بتقول الحمد لله رب العالمين - 00:31:11ضَ

يقول حمدني عبدي. هو ما بيقولش عبدي اللي هو الحديث بيقول كده لان الحديث جنرال عشان نفهمه لكن حقيقة الامر ربنا هيذكرك بالاسم. حمدني عمار حمدني وائل طارق حمدتني عائشة - 00:31:34ضَ

ماريان كل دول ما دام بتصلي ومسلم هيذكرك بالاسم انت متخيل ربنا يزكرك بالاسم اقف شوية بعد كل اية كده ريح. واستشعر الرد جاي لك. الرحمن الرحيم. اثنى مش عبدي بقى خلاص هيقول اسمك. خالد. مالك يوم الدين - 00:31:59ضَ

مجدتني هدى. ايه الجمال ده! انت في حوار قسمت الصلاة بيني وبين عبدي. اذا قال قلت كزا واذا قال كذا قلت كذا. انت مستعجل على ايه بتلبس بتمصمص ليه انت بتضيع على نفسك فرصة ايه - 00:32:32ضَ

ركز ده اهم مقابلة في حياتك واداك الفرصة تقابله خمس مرات كل يوم تقف بين ايديه على الاقل خمسة. وتكلمه يكلمك. ايه الروعة دي اياك نعبد واياك نستعين يا رب لا استعين الا بك - 00:32:57ضَ

اذا استعنت فاستعن بالله. الله! طب انا عيان ما اروحش للدكتور! انت لازم تروح للدكتور ليه؟ انت مش بتستعين بالدكتور لا انت بتأخذ بالاسباب وهيكتب لك دواء لازم تاخد الدواء لكن - 00:33:20ضَ

اياك تفتكر ان الدكتور بيخففك او ان الدواء هو اللي بيشفيك. ابدا مريضين من نفس الجنس ولهم نفس السن وعندهم نفس المرض. بيعيوا بالمرض ده بيجي لهم نفس الدكتور بيديهم نفس الدواء. واحد بيشفى والتاني بيموت. لا الدكتور ولا الدواء - 00:33:37ضَ

ربنا رب الدكتور ورب الدواء اياك نعبد واياك نستعين اهدنا الصراط المستقيم وخلي بالك كله ماشي جمع. انت بتتكلم بصيغة الجمع. انت بتتكلم بالنيابة عن عن المسلمين اصل الدين ده دين الجماعة ده مش دين افراد. انت مطلوب منك تصلي خمس مرات في جماعة - 00:34:05ضَ

قدر الامكان صلي في البيت جماعة يا سيدي. تعال المسجد جماعة. يبقى انت كده عندك مقابلة اجتماع مع اهل المنطقة شارع خمس مرات كل يوم احضر منه اللي تقدر عليه. حاول تحضر اكبر عدد ممكن من الاجتماعات دي - 00:34:41ضَ

الصلاة ده ده تجمع وبعدين السنة انه تغلق المساجد الصغيرة وتفتح الجامعة يوم الجمعة. ليه؟ لان ده اجتماع اهل الحي. انت عارف المسافر لا جمعة له. هو مش من اهل المنطقة - 00:35:02ضَ

ده اجتماع اهل الحي. ثم السنة ان في العيد تغلق كل الجوامع ويصلى في الخلاء. ده اجتماع سنوي لا سنوي ايه؟ نصف سنوي. ما هو مرتين في عيد الفطر وعيد الاضحى - 00:35:22ضَ

لاهل الايه؟ البلد بيطلع اهل مصر الجديدة كلها اهل مدينة نصر كلها. يجتمعوا كلهم بقى. ماشي؟ اهل المدينة اهل القرية ثم هناك جنرال السيمبلي جمعية عمومية لمسلمين العالم كل سنة تقام في مكة - 00:35:46ضَ

في الحج وعليك مرة في حياتك انك تسعى لان تكون ممثل عن بلدك و عضو في هذه الجمعية العامة لمسلمين العالم ده دين جميل. لزلك سبحان الله الواحد يروح يحج ويرجع. تقول له جبت ايه؟ جبت بطاطين وجبنة من بن داوود مروحة وجبنة - 00:36:10ضَ

يا ابني جبت ايميل حد جبت تليفون ما شفتش هناك مسلمين من ماليزيا؟ شفنا طب من الصين شفنا من امريكا شفنا اتعرفت على حد رايح اجتماع عالمي لمسلمي العالم. ازاي ما ما نستغلش هزا الاجتماع بنشر الحب والوئام والتعارف - 00:36:34ضَ

الصلاة على احوال بعض واخبار مسلمين ميانمار ايه دلوقتي ؟ طب مسلمين انتم عارفين المسلمين سريلانكا بدأ عندهم آآ موجة اضطهاد خطيرة بقى لها حوالي اربع شهور واعتداءات شبه اسبوعيا عليهم مش دريانين لما نقابلهم هناك يقولوا لنا اياك نعبد. انت بتتكلم بالنيابة عن مسلمين العالم - 00:36:56ضَ

واياك نستعين اهدنا الصراط المستقيم. اعلمك تدعيه ازاي؟ تدعوه ازاي؟ تدعو بايه ايه بالامور الاخروية؟ مش يا رب اديني مليون جنيه. يا رب اغير العربية. يا رب اتجوز فلانة. يا رب ايه الامور دي - 00:37:18ضَ

فوض ربك هو اللي يختار لك هيختار لك احسن حاجة. ادعي ربنا بالخير الكل عاجله واجله في الدنيا والاخرة وفوضه. ما تحددلوش يمكن اللي انت بتحدده ده مش كويس وانت مش - 00:37:38ضَ

فعلمك تدعوه اهدنا الصراط المستقيم. صراط الذين انعمت عليهم تذكر بقى الذي انعمت عليهم دول المؤمنين والمهاجرين والانصار والرسول عليه الصلاة والسلام. وسيدنا عيسى ابن مريم والحواريين بتوعه وسيدنا موسى والمؤمنين اللي امنوا به وسيدنا نوح والناس اللي نجمت معه في المركب وسيدنا - 00:37:58ضَ

ابراهيم واقف انت الذين انعمت عليهم الاسلام ده مسيرة ماشية في التاريخ انت عضو من اعضاءه. انت من اللي ماشيين في المظاهرة الجميلة دي. مظاهرة الاسلام. الذين انعمت عليهم الاسلام القرآن - 00:38:28ضَ

عن علاقتك باخوك الانسان وعلاقتك بالاجيال السابقة والاجيال القادمة كل انت عايزها موجودة في القرآن. كل الاسئلة الكونية تجاب في القرآن اياك نعبد واياك نستعين. اهدنا الصراط المستقيم. صراط الذين انعمت عليهم غير - 00:38:48ضَ

المغضوب عليهم ولا الضالين. ده اللي هم مين؟ اليهود المسيحيين. يا سلام! وانت اتفرج عليهم مغضوب عليهم ليه رأوا الحق ولم يتبعوه. يبقى هم مغضوب عليهم عشان هم يهود. وانت لو رأيت الحق ولم تتبعه. انت حلو - 00:39:16ضَ

الكلام ده منين المغضوب عليهم. كل من رأى الحق ولم يتبعه كاليهود لكن لو واحد اسمه مصطفى وواحد اسمه محمد ورأى الحق ولم يتبعه. هو اهل ايضا لن يحدث له نفس الشيء - 00:39:39ضَ

لو القرآن بيكلمنا عن اليهود ويكلمنا عن بني اسرائيل عشان دي قصص نتسلى بها مثل الذين حملوا التوراة ثم لم يحملوها كمثل الحمار يحمل اسفارا نقراها ونضحك طب واللي حملوا القرآن ثم لم يحملوه. مثلهم كمثل الغزلان يعني اخطرت - 00:39:55ضَ

ده كتاب اعزم ولا الضالين. كالمسيحيين وغيرهم. وياما مسلمين ضالين فما تفتكرش ان ربنا بيقول لك القصص دي مش تتفرج على الناس لا القرآن نازل لك انت تستفيد من الامم السابقة ومن العبر دي كلها امين استجب يا رب. احنا بقى لنا نص ساعة بنتدبر في الفاتحة - 00:40:23ضَ

كنا بنقراها في سانية. تدبرها وركز في معانيها. واختار اية. سورة قصيرة اللي عايز يقرا حاجة جميلة بخصوص الموضوع ده هي اللي انا محضر منها الدرس. مقالة اسمها صلاة ركعتين - 00:40:54ضَ

للشيخ علي الطنطاوي في كتاب اسمه فصول اسلامية. المقالة دي لما قريتها تلتاشر صفحة. غيرت حياتي بجد فهي موجودة لو كتبتها صلاة ركعتين علي الطنطاوي هتنزل لك. والدرس ده موجود باسم روح الصلاة - 00:41:14ضَ

ان شاء الله يعني هينزل برضه الاخوة ينزلوه. اختر اية الشيخ الطنطاوي اختار سورة الماعون ولك ربنا اتكلم فيها عن نوعين من الناس. المؤمنين والكافرين. ارأيت الذي يكذب بالدين فذلك الذي يدع اليتيم. يعني ده بيكذب بالدين ووصل به الحقارة انه حتى - 00:41:40ضَ

هو بيضطهده. بيعامله معاملة سيئة. يدعو اليتيم. ولا يحض على طعام المسكين يعني ايه يعني ما ما مش بيحث الاخرين على اطعام المسكين. ده ممكن يكون هو بيطعم المسكين خلي بالك. لكن - 00:42:10ضَ

مش كفاية. انك تطعم المسكين مش كفاية. يجب العمل عمل جماعي. ونشتغل مع بعض عمل جماعي في مؤسسة رسالة في بنك الطعام في عمل جماعي من اجل المساكين ونحث الناس على التبرع - 00:42:30ضَ

فدي مش افراد ده دين جماعة خلي بالك ده دين ناس عايشة مع بعض مش كل واحد عايش لوحده. ولا يحض على طعام المسكين. فويل للمصلين دول مسلمين اهم الذين هم عن صلاتهم ساهون. كانوا بيصلوا زي ايه؟ زي ما احنا كنا بنصلي قبل - 00:42:48ضَ

مش هنصلي كده تاني. احنا هنصلي بتركيز. هم. مش هنأخر الصلاة. الصلاة في معادها وبتركيز وبتدبر الذين هم يراءون يتمنظره قدام الناس. رايح يصلي جاي من الصلاة بعد ما يخلص يقف يصلي بقى يعني اما اصلي بقى ركعتين السنة - 00:43:12ضَ

قدام الناس احسن بعدين الناس تفتكر وهو ما بيصليش السنة. طب ما تصلي في بيتكم السنة. ايه يعني؟ صايم. تيجي تقدم له حاجة يقول لك يا شيخ اصل انا صايم. اصل انا متعود دايما اتنين وخميس لازم اصوم. سقفوا له يا جماعة. صايم. يراؤون - 00:43:37ضَ

ويمنعون الماعون ماعون المواعين؟ واحد يقول لك اديني آآ طاسة واعمل فيها بيض وارجعها لك تاني. مش هتكلفك ولا حاجة خالص لا احنا اسفين جدا اصل احنا ما عندناش طاسة. الله! يعني حتى الخدمة اللي مش مكلفاه حاجة مش عايز يعملها - 00:43:57ضَ

ناس جلدة. ايوة ما هو معناها يمنعون اقل القليل الحاجة اللي مش مكلفاه حاجة. ماعون كده ايه ؟ ماعون طبعا لي معنيين. معنى ماعون يعني المعونة ومعنى الماعون يعني المواعين. حاجة بسيطة ترجع لك تاني برضو لأ - 00:44:18ضَ

عمال تتدبر. طبعا ده كده زكر مين ؟ الكفار. طب فين المؤمنين؟ زكرهم بمفهوم المخالفة. ما انت لما تعكس بقى تلاقي الصورة دي هي هي تاني بتديك معاني اخرى ارأيت الذي يكذب بالدين بمفهوم المخالفة؟ ارأيت الذي يصدق بالدين؟ فذلك الذي يدعو - 00:44:38ضَ

بمفهوم وخلفة فذلك الذي يكرم اليتيم. وتاخدها بمفهوم المخالفة وتشوف بقى الفرق وايه المطلوب منك. الذين يحضون طعام المسكين مفهوم المخالفة. اجمل حاجة دي تدبر. خشوع عمال يزيد يزيد يزيد - 00:45:03ضَ

على التدبر طيب زود بقى على الخشوع اللي في اللي عمال يزيد في القلب ده والبطارية اللي عمالة تشحن دي تقوم مزود عليها حتة خشوع فيزيكال شوية اعمل حركة توري خشوع اكتر. الله اكبر واركع. موطي - 00:45:23ضَ

زاوية قايمة كده. وبتقول ايه ؟ سبحان ربي العظيم. سبحان ربي العظيم وانت زالل نفسك خلي بالك انت موتي وبتعظم ربنا وانت موريه بتوري ربنا خشوع كمان مش بس خشوع معنوي عمال يزيد جواك. موطي في الارض كده. سبحان ربي العظيم! وبعدين بتقف - 00:45:45ضَ

سمع الله لمن حمده. ربنا ولك الحمد. ايمان. حد عمره فكر فيها؟ مين بيقول لمين سمع الله لمن حمده. ومين بعد كده بيقول ربنا ولك الحمد؟ الشيخ الطنطاوي بيقول لك وكأن الخشوع اللي - 00:46:18ضَ

انت عمال تكسبه في الصلاة بيدخل جواك وبيكلمك انت بلسانك وبيقول لك خبر حلو ايه ؟ سمع الله لمن حمده. في اللحزة دي ربنا هيسمع للي يحمد تقوم انت بسرعة تبادر وبكل الفرح وتقول ربنا ولك الحمد. خشوع زايد - 00:46:38ضَ

عمال يزيد الله اكبر وانزل بقى في وضع هو اقصى وضع في الدنيا بيوري الخشوع والتذلل والتعبد وضع السجود تضع انفك وجبهتك علامات الكرامة الارض في التراب لله عشان لما احطهم لله مش هتحطهم لاي حد تاني. مش هتتزل لحد ابدا من كان يريد العزة - 00:47:05ضَ

لله العزة جميعا وامتى بقى حاطط يقول لك ده مناخيره في السما علامة الكرامة وانت حاططها في الارض لله في اقصى وضع واصغر وضع بيوري التذلل والخضوع بتعظم ربنا وبتقول سبحان ربي الاعلى - 00:47:41ضَ

سبحان ربي الاعلى وانت في اسفل وضع سبحان ربي الاعلى الله اكبر وتقعد. الله اكبر. وكان تاني تسجد وتعظم ربنا. وسبحان ربي الاعلى سبحان ربي الاعلى. شف مين هيتجنن بقى دلوقتي - 00:48:08ضَ

الشيطان وايه الموضوع احنا بنخشع زيادة النهاردة خش لك بقى. خلص. البرنامج اللي انت بتتفرج عليه قرب يبتدي الماتش المزاكرة شغل تقولش يعني الدقيقتين تلاتة الزيادة دول هم اللي هيوقفوا الدنيا كلها. يخش بقى ايه فانت محتاج - 00:48:33ضَ

سوريان مطواة ومفاتحها مدي له طعام هي دي الله اكبر الله اكبر شعارك في الصلاة. بتقوم فاتحها وتكب. الغريب بقى ييجوا يترجموا الله اكبر يقول لك الله ازكريت الله يا جماعة غلط الله اكبر ترجمتها ايه؟ الله - 00:49:00ضَ

الله اكبر يقول لك لأ ما ينفعش ترجمها كده. ليه؟ اصل الناس مش هتفهم. كده جملة ناقصة. طب ما هو بالعربي برضو جملة ناقصة. الله ما هو بالعربي برضو الله اكبر جملة ناقصة. يكملها موقف - 00:49:30ضَ

انا في الحرب بقول الله اكبر العدو بطفي النار الله اكبر من هذه النار في الصلاة الله اكبر منك يا شيطان ومن كل شيء انت تأتي لتحاول ان تذكرني به - 00:49:47ضَ

شتتني. الله اكبر ده شعارك في الصلاة اللي بتقاوم به الشيطان. وهو ما بيهدأش. بياخدها الايه؟ الطعنة دي. وشوية يقوم راجع لك تاني. تقوم مدي له الله اكبر تاني. هو كده. الله اكبر. وتقف. وتتدبر الفاتحة تاني. الحمد لله - 00:50:08ضَ

تذكر نعم ربنا اللي انت عارفها واللي انت مش عارفها. وتذكر نعمة الاسلام. رب تذكر نعم ربنا علينا وتربية ربنا واعطاء ربنا ونعمه علينا. العالمين كل شيء مش احنا بس. الرحمن الرحيم واثر الاسمين الجمال - 00:50:32ضَ

عليكم وعلى وعلى حياتك ما لك يوم الدين. تذكر الحساب والجنة والنار اياك نعبد واياك نستعين لا نخشى الا الله. لا نعبد الا الله لا نستعين الا الا بالله لا نطلب الا من الله. اهدنا الصراط المستقيم - 00:50:52ضَ

صراط الذين انعمت عليهم تذكر الاجيال السابقة من المؤمنين من لدن ادم لغاية النهاردة. النجوم وزي ما قلنا غير المغضوب عليهم ولا الضالين امين. نقي كمان سورة الشيخ الطنطاوي نقى صورة رائعة. صورة والعصر. قال فيها الامام الشافعي رحمة الله عليه انه لو لم - 00:51:22ضَ

يتنزل من القرآن غيرها لكفت الناس جميعا. ليه؟ لانها دستور للافراد والجماعات والعصر ان الانسان لفي خسر. والعصر مع الوقت ان الانسان لفي خسر. الانسان في حالة خسارة مستمرة. خسرت طفولتي. خسرت شبابي. باخسر صحتي كل يوم - 00:51:52ضَ

في وقت معين هخسر حياتي. انا في حالة خسارة مستمرة مع الوقت. كلنا خسرانين لأ الا الذين امنوا وعملوا الصالحات. دول في حالة مكسب مستمر عمل فردي ايمان عمل فردي. عمل صالح ممكن يبقى عمل فردي او عمل جماعي. بس اللي جاي بقى عمل جماعي. وتواصوا بالحق - 00:52:26ضَ

نوصي بعض بالحق. نذكر بعض بالحق. نحث بعض على الحق وتواصوا بالصبر الصبر مفتاح النجاح هو الصبر. حتى قالوا ان الصبر نصف الاخلاق كلها والصبر انواع. الصبر على المصيبة. الصبر على - 00:52:53ضَ

الصبر على المعصية صبر على النعمة الصبر على المصيبة واحد عامل فيها شيخ وبتاع واول ما يحصل له مصيبة يجزع. يبان على حقيقته. الصبر على المصيبة هو الكاشف الذي يكشف حقيقة الايمان بالقضاء والقدر - 00:53:24ضَ

الصبر على الطاعة رايح جاي المسجد ورا وقايم الساعة اربعة ونص وبيتوضا ده محتاج صبر ويقف يقوم الليل ده محتاج صبر. الطاعة معها نوع من الصعوبة تحتاج صبر عليها واصبر نفسك مع الذين يدعون ربهم بالغداة والعشي يريدون وجهه. الصبر على الطاعة. والصبر على المعصية - 00:53:46ضَ

النهاردة المعصية بقت سهلة بدوسة زرار معاصي. دوسة زرار معاصي شغالة والمعاصي بيحلوها لك ويسموها اسماء تانية غير المعاصي الخمرة بيسموها مشروبات روحية. تقولش يعني دورة التربية الروحية. ما هو روحية يا سلام على الروحانيات - 00:54:16ضَ

اللي بيبقى فيها الانسان لو شرب خمرة يعني غيروا ركزناها اه. اه مش عارف برنامج ايه ، مش عارف ايه ، النجوم. النجوم دول بيحثوا الناس على المعاصي النجوم هم اقزام - 00:54:40ضَ

فالمعاصي بقت سهلة محتاجة صبر وهناك اصعب نوع من انواع الصبر. الصبر على النعمة. ياه! اصعب اختبار لسيدنا يوسف مش لما تآمروا عليه ولا لما رموه في البير ولا لما اتباع عبد ولا لما آآ يعني حاولت انها امرأة - 00:54:57ضَ

انها تغرر به او انها تغويه. ولا لما اتسجن زلم اصعب اختبار لما بقى هو عزيز مصر التمكين اصعب شيء. الغني في وضع اصعب بكثير من الفقير. الفقير ما قداموش غير انه يصبر - 00:55:22ضَ

الغني صعب اوي انه ما يبقاش مسرف. فيه ناس ما عندهاش ماية خالص فيه ناس قريبة مننا على بعد خمسين كيلو من هنا ومية كيلو من هنا بيمشي كل يوم اتنين كيلو بالجركن فاضي عشان يملى الجركن عشرة لتر - 00:55:45ضَ

ويطبخوا ويستحموا ويشربوا منها. وانت بتقف الصبح عشان تغسل سنانك. بتنزل تلاتين لتر عشان حضرتك ماشي تقفل وانت بتغسل سنانك فمحتاج صبر انك تزكر نفسك بنعم ربنا وعدم التبديد عدم تبديد المال عدم تبديد الماء عدم تبديد - 00:56:05ضَ

اي شيء ده ربنا بيقول كلوا واشربوا ولا تسرفوا. الماية بتشربها بيقول لك ما تسرفش. ده انا باشربها مش بنزلها كل واحد مننا الصبح بيصحى يستحمى. واللي فيكم بيحلق واللي فيكم بيغسل سنانه. خلاص ضيع بالزبط كده - 00:56:28ضَ

في حدود التلتميت لتر مية. حسبناها. انا عندي حلقة اسمها من بعد الصلاة فيها الحتة دي. حسبناها. كل واحد بينزل كم لتر على الفاضي الصبر ثم الخشوع بيزيد الله اكبر ركوع الله اكبر - 00:56:48ضَ

سمع الله لمن حمده ربنا ولك الحمد. الله اكبر سجود الله اكبر. سجود الله اكبر. بنقعد نستعد انهاء المقابلة. خلاص الركعتين خلصوا. كما بدأت المقابلة والاجتماع بتحية ينتهي بايه تحية التحيات لله والصلوات والطيبات. ثم ياذن لك الله - 00:57:07ضَ

ان تحيي النبي صلى الله عليه وسلم وكأنه حاضر. السلام عليك ايها النبي رحمة الله وبركاته. مع انه ميت يأذن لك ان تحييه. وان تسلم عليه. السلام علينا سلم على نفسك تستحقهم بعد الركعتين دول. وعلى عباد الله الصالحين اللي واقفين معك في الدائرة - 00:57:37ضَ

فمن غلي سريلانكا في المكسيك جدد البيعة مع الله اشهد ان لا اله الا الله واشهد ان محمدا عبده ورسوله اتباع لسنة النبي عليه الصلاة والسلام. ثم بنختم الصلاة بدعاء - 00:58:07ضَ

اللهم اني اعوذ بك من النار. اللهم اني اعوذ بك من عذاب القبر. اللهم اني اعوذ بك من فتنة لا المحيا والممات. اللهم اني اني اعوذ بك من فتنة المسيح الدجال. ولكن - 00:58:37ضَ

دايما قبل الدعاء تبدأ بايه؟ الصلاة على النبي عليه الصلاة والسلام. فقبل ما تختمها تصلي على رسول الله بافضل صيغة من صيغ الصلاة عليه. وهي الصلاة الابراهيمية فقبلها تقول اللهم صل على - 00:58:51ضَ

محمد وعلى ال محمد كما صليت على ابو الانبياء. ابراهيم على ال ابراهيم بالفرعين نازلين منه من الانبياء. فرع العرب ومنهم الاسماعيليين اللي هم الاسماعيليين منهم سيدنا محمد عليه الصلاة والسلام وفرع بني اسرائيل امة مسلمة تلت تلاف سنة فيهم عصاة - 00:59:11ضَ

وفيهم مؤمنين وفيهم انبياء اللهم صل على ابراهيم وعلى ال ابراهيم. وبارك على محمد وعلى ال محمد. كما باركت على ابراهيم وعلى ال ابراهيم في العالمين انك حميد مجيد. السلام عليكم ورحمة الله. السلام عليكم ورحمة الله - 00:59:34ضَ

اهلا بك في كوكب الارض. انزل بقى تعبتها. تعال على الكوكب تاني بقى. انت كنت دلوقتي الصلاة معراج المؤمن دي كلمة النبي عليه الصلاة والسلام. يعني انت تعرج الى الله في هذه الصلاة - 00:59:58ضَ

انت نازل على كوكب الارض تاني دلوقتي. تمارس مهامك كخليفة وعند ميعاد الصلاة اللي بعدها ارحنا بها يا بلال. يعني ايه؟ الصلاة نوعين. الصلاة بتريحك. وصلاة بتستريح منها الصلاة اللي بتريحك هي اللي انت قاعد مستنيها. فاضل دقيقتين تلاتة يلا دلوقتي ارحنا بها يا بلال. يبقى قاعدين مستنيينها. الصلاة اللي - 01:00:14ضَ

نريح منها هي اللي يا نهار ابيض ده فاضل خمس دقايق على العشاء قوموا بسرعة نلحق المغرب. الله اكبر خلصنا؟ الحمد لله ايه ده دي سارة انت بتستريح منها. مش دي الصالة اللي احنا عايزينها. احنا عايزين صلاة النبي عليه الصلاة والسلام. الصلاة اللي بتريحنا اللي هي ارحنا بها يا بلال - 01:00:43ضَ

يبقى الواجب بتاعنا من الاسبوع ده تدبر القرآن كل يوم في حدود الساعة نص الصبح ونص بالليل اذكار الصباح واذكار المساء بتدبر ورد الالحاح. كل يوم تسأل ربنا يصلح قلبك. دعاء الحب - 01:01:03ضَ

اللهم اني اسألك حبك وحب من يحبك الى اخر الدعاء والصلاة بتدبر والصلاة بخشوع من هنا ورايح. خلاص الصلاة القديمة دي خلاص. هنصلي بطريقة جديدة زي ما بقينا اقرأ القرآن بطريقة جديدة. زي ما هي نزكر ربنا بطريقة جديدة - 01:01:31ضَ

حاجة مهمة جدا يا اخوان. من من هذا الاسبوع بدأنا حياة جديدة. وآآ اذكركم مرة اخرى انه الاسبوع القادم من يوم السبت الصبح هتقطع قراية قرآن وازكار لغاية ما تيجي لي يوم الحد - 01:01:56ضَ

كان نسمع شعورك ايه؟ عايزين نعرف وبعض الاخوة الاخوة وعلى فكرة هيتصوروا بالكاميرا بعض الناس. طبعا ده الناس اللي مواظبة معنا اسناء الدورة هي اللي تصور مع الاخوة قبل الصلاة وبعد الصلاة. ايه مشاعرها لما انقطعت عن القرآن - 01:02:16ضَ

عشان الكلام ده عايزين نكرره في بورسعيد في السويس في القليوبية في اسكندرية فالناس تشوف مشاعركم وان شاء الله لو كان فيها خير نعملها ان شاء الله في محافظات اخرى. اذكركم بدورة - 01:02:34ضَ

كيف تحاور ملحدا هنعملها مؤسسة جسور هتعملها من يوم تمانية وعشرين وتسعة وعشرين وتلاتين المحاضر الرئيسي فيها دكتور عمرو شريف وانا هكون بساعده في تاني وفي تالت يوم. والاخوة من مؤسسة جسور موجودين معنا وهيكونوا موجودين خارج المسجد - 01:02:54ضَ

بازن الله - 01:03:14ضَ