باحث

الصحابة لماذا سعدوا بالاسلام؟ واحنا مش عارفين نسعد به. لان الصحابة كانوا اذا سمعوا الاية اذا سمعوا الحديث كانوا يبادرون الى تطبيقه عملية مباشرة. لدرجة ان تطبيق الاحاديث صار ملكة عندهم كالنفس. لا يشعر اطلاقا بانه بذل جهدا - 00:00:00ضَ

في تنفيذ الامر او في اجتناب النهي. وده الفرق بينا وبينهم. يعني مسلا روى ابو عبدالرحمن السلمي الاسناد صحيح لابي عبدالرحمن السلمي دخل القراءة قراءة القرآن عن عثمان رضي الله عنه وابن مسعود رضي الله عنه - 00:00:30ضَ

قال حدثنا الذين كانوا يقرؤوننا القرآن. انهم اي الصحابة. ما كانوا يتجاوزون العشر ايات حتى يعملوا بهن. قال فتعلمت ان العلم والعمل جميعا. ادي الفرق. قرأت اية اقف عندها. وانفزها. اشوف انفزها مع مين. والكاظمين الغيظ والعافين - 00:00:50ضَ

ما تقوليش انا ربنا كده خالقني عصبي. ولما حد بيزعلني العفاريت دي بتنطط في وشي. ببقى عايز اشوف اي حد اخنقه طيب انا ازا كنت عايز تسعد بالاسلام قدامك اية اهو. والكاظمين الغيظ - 00:01:30ضَ

يلا اشتغل. رح طبق. الصحابة كانوا بيعملوا كده. فلما ياخد كل حاجة ويعملها يقوم يسهل عليه العمل. يبقى زي ما كما انك تتنفس بسهولة ويسر. هم كانوا كده بيشتغلوا بسهولة انه يسر. لكن - 00:01:50ضَ

احنا نروح يقول لك ايه احفظ اللؤلؤ والمرجان فيما اتفق عليه الشيخان. كره قام حافز له مسلا سبعميت حديس تمام؟ واحد زغب يقول له ما تفتح يا عم. اه طب ايه اللي استفدته من سبعمية حديس - 00:02:10ضَ

ولا حاجة. هو ده السر اننا لم نسعد بالاسلام وهم سعدوا به. عشان كده النظر في سيرتهم ضرورة ملجئة ملحة. كانوا في غاية الادب. يعني حديث ابي بكر في الصحيح - 00:02:30ضَ

لما النبي عليه الصلاة والسلام في يوم النحر يوم النحر ده يوم ايه يوم العيد يوم عشرة ذو الحجة. ابو بكرة الثقافي رضي الله عنه كان ممسكا بلجام بغلة النبي - 00:02:50ضَ

صلى الله عليه وسلم. يبقى ايه؟ اول اكتر واحد ممكن يسمعه هو مين؟ هو ابو بكر نفسه. لانه واقف جنب رقبة الدابة سأل الصحابة والصحابة بيحجوا حجة الوداع اي يوم - 00:03:10ضَ

من هذا قالوا الله ورسوله اعلم ليه؟ هو انت مش عارف ان احنا يوم العيد! ده انت في ده يوم العيد ده اكثر ايام الحج املا كنوع من الشكر لله. تبارك وتعالى. بتعمل فيه اربع حاجات في يوم النحر. بترمي الجمرة - 00:03:30ضَ

الكبرى وبتطوف طواف الافاضة. وتسعى سعي الحج. تحلق وتسبح يعني يعني اربعة من النسك وشغل كتير غير ايام منى الجمرات الثلاث وتيجي ترجع تقعد في الخيمة. ما لكش شغلانة غير كده. فده يوم النحر واحنا بنحج - 00:04:00ضَ

ايه اللي خلاهم يقولوا الله ورسوله اعلم؟ قال ظنناه سيسميه بغير اسمه اصل يوم النحر ده احنا كلنا حافزينه. معنى يسألنا السؤال البدهي اللي كل الناس عارفاه يبقى اكيد جواب مش اللي في دماغنا. اكيد الجواب انه مش مش يوم النحر. ممكن يكون هينزل قرآن اللي اليوم ده اسمه يوم كزا - 00:04:30ضَ

فخافوا ان يتقدموا بين يدي رسول الله بقول. عشان الظن اللي دخل على قلبهم ده قال اليس يوم النحر؟ طلعت زي ما احنا فاهمين قالوا بلى قال اي شهر هذا؟ المفترض جواب النبي صلى الله عليه وسلم الاول يخليهم - 00:05:00ضَ

بيقولوا ايه؟ ذو الحجة. ما طلعت العملية ايه؟ زي ما احنا عارفين سماه بغير اسمه ولا نزل في هذا القرآن. برضه لسه ايه خايفين اي شهر هذا هو احنا بنحج فيه؟ في باونة؟ ها - 00:05:30ضَ

ذو الحجة اهو ما هو اسمه معروف حتى في ذو الحجة. اي شهر هذا؟ قالوا الله ورسوله اعلم قال اليس ذا الحجة؟ قالوا بلى. قال اي بلد هذا؟ برضه ده كان ممكن يغريهم - 00:05:50ضَ

الاجابة التانية طبعا برضو زي ما في دماغنا. يعني ما فيش لا الوحي نزل ولا حاجة تغيره. كان ممكن يقول البلد الحرام في مكة. برضو وصلوا لايه قال الله ورسوله اعلم. قال اليس البلد الحرام؟ قالوا بلى - 00:06:10ضَ

قال شف بقى دي القضية اللي عايز يثبتها. هناك قضية ثابتة وقضية يريد ان ان يثبت فاتى بقضية لا يختلف عليها اثنان. ليثبت قضية اختلف فيها الجميع. يبقى يوم النحر لا خلاف - 00:06:30ضَ

شهر ذو الحجة لا خلاف فيه. مكة البلد الحرام لا خلاف ان احنا في البلد الحرام. قام جايب لهم تلات حاجات وبان التلات حاجات ما احنا ادنا اليوم والشهر والبلد. خلاص؟ قال فان دمائكم - 00:07:00ضَ

اموالكم واعراضكم حرام عليكم كحرمتكم في يومكم هذا في شهر كم هذا في بلدكم التلات حاجات اللي النبي صلى الله عليه وسلم اراد ان يثبتها كانت مستباحة عند العرب. الدماء - 00:07:20ضَ

كانت مستباح اي حد عايز يعيدها لاي حد يروح يقتله. وعندنا آآ المغيرة ابن شعبة اقرب حاجة لدماغي دلوقتي المغفرة ابن شعبان صحب قوما في الجاهلية ثلاثة عشر نفرا وكل واحد كان معه محفظته ومعه قرشين وبتاع - 00:07:40ضَ

الكلام ده شربوا الخمر فلعبت برؤوسهم سكروا قام قايم عليهم دابحهم كلهم وواخد فلوسهم. وهيروح فين؟ التحق النبي عليه الصلاة والسلام واسلم. تمام؟ ولا النبي صلى الله عليه وسلم انا كان معي تلاتاشر واحد دبحتهم دبح المعاج - 00:08:00ضَ

تمام وخدت فلوسي وما هي فلوس ومعي ايه اتفضل ايه الفلوس اهي من اللي انا خدتها منه فقال له النبي صلى الله عليه وسلم كما في حديث المسند اقمت صبحي قال اما الاسلام فاقبله منك. انما المال لا اخذه انه - 00:08:20ضَ

اخذ غدرا ايه معنى واحد يدبح تلتاشر واحد ولا الكلام ده؟ وكانوا عادي جدا مسألة ان ده يدبح ده وده يحارب ده وده يعمل لو مش عارفين كم سنة عادية جدا عند العرب. فلم يكن لها حرمة فجعل لها حرمة بما يعتقدون حرمته - 00:08:40ضَ

فان اموالكم فان دماءكم واموالكم. او اموالكم ده حتى اقرب برضو حديث في حديث صحيح مسلم حديث ابي هريرة ان رجلا يأتي يوم القيامة ربنا سبحانه وتعالى يقول له اي فل - 00:09:00ضَ

فل ترخيم فلان. اي فل. وده يدلك على ان التضخيم مش لازم يكون عن دلالة ها ممكن يبقى كنوع من التقريع. لكن اللي بيعرفني انه دلال ولا تقريع السياق انت واخد بالك ازاي؟ يعني النبي صلى الله عليه وسلم لما بيقول مسلا لعائشة يا عائش بيبقى زعلان منها ولا يبقى آآ بيدلعك - 00:09:20ضَ

اللي بيدلعها ده ترخيم اهو ترخيم قام واخد يعني حرف حرفين من الاسم. اسامة ابن زيد الحب ابن الحب كان يقول له يا اسيم يبقى ده برضو ايه؟ نوع من الاذلال. ده ترخيم - 00:09:50ضَ

ربنا عز وجل بيقول لواحد فاجر بقى. بيقول له ايفل. ها؟ يبقى ده في اذلال ها ولا يومه فل ها لأ اي فل يعني يا فلان زي ما قلت لك السياق اللي باين لك ده ادلال ولا اذا كان ايه؟ تقريعا يعني. قال له الم اذرك ترأس وتربح - 00:10:10ضَ

واركبك الخيل. وازوجك النساء اركبك الخيل والابل وازوجك النساء اين شكرك؟ قال اي ربي نسيت. قال فاليوم انساك اهو ده واحد عرفه الله عز وجل نعمه عليه. الم اذرك ترأس. كنت رئيسا - 00:10:40ضَ

خلاص؟ وفضيلة الرئيس سنين طويلة اذا اشرت باصبعك فلان يدخل السجن خلاص؟ ما يطلعش. ده يعدم؟ ده يعدم كان رأسا لا ترد له كلمة. وتربع المرباع كان آآ آآ كانت العصابات في الجاهلية اذا هاجموا قوما واخذوا ما معهم يعطون - 00:11:10ضَ

اما غنموا لسيد الحي عشان يكرم الضيفان. الله! تكرم الضيفان من المال المغصوب المسروق يعمل زي ادم الشرقاوي ما هو ادم الشرقاوي ده عملوا لنا ايه سيرة كبيرة جدا وكانت فيه تمسيلية زمان كانت اسمها ادم الشرقاوي ايام الراديو السايل اللي كان بيدور بالبطارية - 00:11:50ضَ

يعني سنة اربعة وستين والكلام ده اول راديو سايل تقريبا داخل البلد عندنا. كان قد التليفزيون اربعة وعشرين بوصة تمام؟ لدرجة ان وكانوا يجيبوا البطارية دي ويركبوا القطاش بتاعه ومش عارف ايه عشان يشتغل. تمام؟ وكان جديد خالص - 00:12:10ضَ

والعالم كلها تتلم ويستغربوا. يقول لك البتاعة دي بتتكلم ازاي؟ حتى لدرجة واحد من قرايبي فتح ضهر البتاع ده لقى انت عارف المبينات والمش عارف ايه وبتاع هم دول اللي بيتكلموا. هم دول رجالة هيتكلم ازاي يعني؟ ومرات عمي الله يرحمها الضهر كده - 00:12:30ضَ

قالت للنسوان عيالها قوموا اخبزوا عشان الجماعة اللي بيهاتوا من الصبح دول. اه والله حصل. يعني بيتكلموا من الصبح هو ده له اتغدوا ولا هيفضلوا يتكلموا كده ولا المش عارف ايه اتصور وصلت القصة للمسألة دي. كان يعمل حاجة عجيبة. فكان بقى ايه يعني راديو واحد في البلد - 00:12:50ضَ

مسلا راديوهين ولا حاجة. بيبنوا دار كان زمان فيه مساعدات يعني اهل البلد كلهم يساعدوا صاحب الدار في ان يبنوا الدار مجانا كده. تمام؟ نوع من المحبة يجيبوا الراديو ده يحطوه ويبتدوا يسمعوا مسلسل ادهم الشرقاوي. تمام؟ ادم الشرقاوي ده كان راجل يروح على الاغنياء - 00:13:10ضَ

اسرقهم واكل الفقراء. تمام؟ وآآ الناس متصورين انه بطل ومش عارف ايه والكلام ده وحاجة فل الفل ويمكن السورة يعني برضو استوحت تأمين الاملاك بتاعة الناس والاصلاح الزراعي والكلام ده من الكلام يعني - 00:13:30ضَ

باشا عنده مسلا الف فدان تاخد منه الالف فدان غصب عنه وتديهم للناس هو بمزاجك؟ الف فدان ورستان عن ابويا تاخديها مني ليه ؟ فمسألة التأمين ده نوع من الغدر ونوع من الجور على حقوق الناس. انا كان ممكن اعمل المنزومة دي احسن من كده - 00:13:50ضَ

اجي واعمل منظومة. انت مالك وعندك الف فدان. يبقى الناس دول يزرعوا بالنص. انت بقى الارض صحيح. نزرع بالنص. وتساهم معهم في الكيماوي والمش عارف ايه والكلام ده يبقى المزارع ده ياخد نص الايه؟ المحصول. والارض تبقى بتاعته - 00:14:10ضَ

فده بقى ايه الجماعة الجاهليين دول يطلعوا يعملوا غارة على ناس ماشيين ياخدوا كل اللي معهم ويقوموا يروحوا للسيد الحي يقولوا له عشان لو جا لك ضيف شي يشرب شاي وقهوة وبتاع وتدبح له عجول ومش عارف ايه والكلام ده. منين يا ولاد الذين خدتوا الاموال دي؟ مش دي اموال معصومة؟ المفروض ما لكمش فيها؟ فكانت الاموال - 00:14:30ضَ

عندهم فحب انه يسبت الاموال يقول لي ان المال ده زي البلد الحرام زي ما انتم بتعزموا البلد الحرام عظموا الدم. عظموا الاموال. عظموا الاعراض وانتم عارفين الرايات بقى رايات البغاء اللي كانت موجودة على آآ دور مكة. وكان كما في حديث عائشة في البخاري - 00:14:50ضَ

كان النكاح على انحاء على انواع. من ضمن انواع النكاح في الجاهلية المرأة الواحدة يدخل عليها الرهط من الناس. عشرين تلاتين واحد. ادخلوا عليها اوعي ازا حملت تختار واحد من الهلافيت دول. تقول له ده ابنك. اشمعنى انا؟ هو كده - 00:15:20ضَ

فلا تلصقوا الولد باحد الا التاط به. ما يعرفش يتخلص منه. فكانوا زي كالانعام فعظم الاعراض. لكن الشاهد في في المسألة كما قلت لكم شدة ادبهم رضي الله عنهم حتى في البديهيات وقفوا ليه؟ يخشى ان - 00:15:40ضَ

قدم بقول يكون خطأ ينزل فيه وحي تبقى معرته عليه. وعلى نسله الى يوم القيامة. فكانوا طول ما في وحي بينزل خايفين كما قال ابن عمر. لما مات رسول الله صلى الله عليه وسلم انبسطنا الى نسائنا. انبسطنا يعني ايه؟ يعني بقى بيتكلم بلا كلفة - 00:16:10ضَ

ليه؟ لان لو كان اتكلم والوحي بينزل جايز واحد يقول كلمة كده ولا كده ينزل فيه قرآن. فكان خايفين فلما توفي النبي صلى الله عليه وسلم وامنوا ان ما فيش وحي هينزل خدوا راحتهم. في الكلام. يبقى ده برضو ايه؟ كان مانعا لهم - 00:16:40ضَ

في الصحيحين برضو من حديث ابي واقد في الليث رضي الله عنه. قال بينما النبي صلى الله عليه وسلم في المسجد يعني يعظ اصحابه اذ اقبل ثلاثة نفر. فاما احدهم - 00:17:00ضَ

وجد فرجة فدخل فجلس فيها. واللي وراه قعد في مكانه والتالت خرج من المسجد. فالنبي عليه الصلاة والسلام اكمل كلامه. وبعدين قال الا اخبركم عن النفر الثلاث؟ دول اقول لكم حكايتهم بقى وما الوا اليه - 00:17:20ضَ

اما الاول الذي سد الفرجة فاوى الى الله فاواه الله وما الثاني فاستحيا فاستحيا الله منه. واما الثالث اعرض فاعرض الله عنه. الكلام ده مع النبي بس. يعني ما ما يجيش مسلا - 00:17:50ضَ

واحنا قاعدين في المجلس كده جم تلاتة عملوا نفس القصة دي انا ما اعرفش اقول الكلام ده. لو قلت الكلام ده يبقى اسمه ايه افتيات على الغير وهذا لا يجوز ما اقدرش اقول هذا آوى الى الله فاواه الله لا تستحي واللي خرج من المسجد - 00:18:20ضَ

فاعرض الله عنه صارت عنده حاجة. فالحديث اعرض فاعرض الله عنه هذا محمول على ان الرجل انصرف بغير حاجة وكثير من العلماء الحقيقة لم يجد مخرجا من هذا الا ان يقولوا في الارجح كان منافقا - 00:18:40ضَ

لان الله لان الله عز وجل لا يعرض الا عمن يستحق ان يعرض عنه. لا سيما الرسول عليه الصلاة والسلام اذا كان يعظ يعني كيف يعني طاوعك قلبك ان تترك مجلسه بغير حاجة. يا اخي ده ربنا - 00:19:00ضَ

سبحانه وتعالى جعل علامة الايمان في شيء يسير جدا. انما المؤمنون وهو بيتكلم عن الاستئذان انما المؤمنون الذين امنوا بالله ورسوله. واذا كانوا معه على امر جامع لم يذهبوا حتى يستأذنوه. ان الذين - 00:19:20ضَ

في ناس تأذنونك ها شف اهو جعل الايمان كله في الاستئذان. ان الذين يستأذنونك اولئك الذين الذين يؤمنون بالله ورسوله. هو ايه الاستئزان يعني؟ ايه الصعوبة اللي فيها يعني وجعلت تلك علامة الايمان ان الذين يستأذنونك اولئك الذين - 00:19:50ضَ

يؤمنون بالله ورسوله. يبقى الحاجات البسيطة التكات الخفيفة اللي انت تمر عليها مر الكرام ممكن يعلق بها اعظم الاحكام. عشان كده في جابر فقصة جابر ابن عبدالله في قصة الغرماء وفي دين ابيه. لما كان لهم النبي صلى الله عليه وسلم دعا في الحديقة وكان لهم وهو - 00:20:30ضَ

تفاهم وبقي له ستة عشر صاعا او وسقا او الكلام ده او اكتر. كان النبي صلى الله عليه وسلم ذهب الى المسجد ليصلي العصر. قال فجئته وكانني شرارة. اهو كانني شرارة دي دي تقدر تتكلم - 00:21:00ضَ

عليها للصبح ما هي زي الاستئذان بالضبط! كانني شرارة. الشرارة اللي هي ايه؟ كناية عن ايه؟ عن السرعة الشديدة قناع السرعة الشديدة. ليخبر النبي صلى الله عليه وسلم ان بركته دامت وظهرت في المكان - 00:21:20ضَ

واخذ الغرماء كل دين عبدالله وبقي له من التمر كذا وكذا. فدي داخلة في باب البشارة شف كأنني شرارة طالع يجري على اخره. جابر ابن عبدالله في الخندق لما شاف النبي صلى الله عليه وسلم جائع. قال ايه؟ فاستأذن - 00:21:42ضَ

ان اتي البيت فاذن لي. اهي دي داخلة في باب استئذان آآ الشيخ محمد عبده رحمه الله في تفسير قوله تعالى واذ ابتلى ابراهيم ربه بكلمات فاتمهن ثبت عن ابن عباس انه قال ان ده تقليم الاظفار وغسل البراجم ومش عارف ايه والكلام ده. فمحمد الشيخ محمد عبده قال ده - 00:22:02ضَ

من وضع الاسرائيليات واليهود الذين يريدون ان يشوهوا ديننا. ولو ابتلي احاد الناس بمثل هذا لفعله. فكيف يمكن ان يكون هذه الاشياء هي التي مهد الله لامامة ابراهيم بها. يبقى واذ ابتلى ابراهيم ربه بكلمة فاتمهن - 00:22:32ضَ

ايه الكلمات؟ قال لك قص الاظفار. قال لك ايه اللي فيها دي؟ ده اللي انا قلت لعيل صغير يا ابني قصد ظوافرك هيقصها. فهل يمكن ان يكون قص الاظفار وآآ - 00:22:52ضَ

نتف الابط وغسل البراجم ومش عارف ايه الكلام ده. هي الكلمات التي امر الله ابراهيم عليه السلام ان يتمهن حتى يجعله للناس اماما. واي في الشارع ممكن يعملها؟ قال ده كلام يهودي وكلام مش عارف ايه ودخل علينا في الايه وبتاع والكلام ده. والشيخ محمد عبده رحمه الله كان مزجل - 00:23:02ضَ

بضاعتي في علم المرويات بل كان يقبع تحت خط الفقر فيها. واحد من الشام كان مفتي شاب وكان الشيخ محمد عبده انذاك هو مفتي الديار المصرية. وده كان مفتي الشام. كان عايش في دمشق. لما ارى الكلام ده عن محمد عبده في - 00:23:22ضَ

مجلة المنار اللي تلميزه محمد رشيد رضا كان بيكتب تفسير القرآن فيها. لما لقى الكلام ده بعت رسالة لمحمد عبده الكلام ده موجود في تفسير المنار للشيخ محمد رشيد رضا وموجود في نموزج من الاعمال الخيرية لمحمد منير دمشق. بس محمد منير - 00:23:42ضَ

عرفنا مين هو الشخص اللي بعت الرسالة للشيخ محمد عبده. تمام؟ فبعت له قال له ازاي تقول هذا مما دس على والكلام دهوت. وانه الاسرائيليات وقد صح هذا باسانيد صحيحة عن ترجمان القرآن. ابن عباس. فالشيخ محمد عباس - 00:24:02ضَ

قرأ الايه؟ الرسالة ما عجبتوش. قام رميها لمين؟ قام كاتب عليها كده الشيخ رشيد رضا يجيب هذا الحيوان بهذه العبارة الشيخ محمد الرشيد وهو كاتبها كاتبها الشيخ رشيد رضا يجيب هذا الحيوان - 00:24:22ضَ

الحيوان ده مين بقى؟ كان مفتي دمشق يعني في منزلة محمد عبده في المناصب الايه؟ الرسمية لكن لان الشيخ محمد عبده كان رجل عقلاني. يقدم العقل واللي ما عجبوش حاجة في النقل يقوم راميها ورا ضهره. من الذي ادراه - 00:24:42ضَ

ان قص الاظفار والبراجم والكلام ده كان امرا سهلا. الذاكر ايه اللي عرفه يعني؟ هو سهلة عندك دلوقت. لكن هل كان سهلا يوم كلف ابراهيم؟ اتني بما يدل على انه كان سهلا. كما يقال - 00:25:02ضَ

يقول العلماء في مناظرتين ثبت العرش ثم انقش. لا يستقيم الظل والعود اعوج اعدل العود الاول يطلع الظل على العود. لكن العود يبقى اعوج ما تقوليش الضل يطلع عدل. ولا مستقيم. تمام؟ اسبت لي لو اتجوزت - 00:25:22ضَ

عن هذا السؤال. هل عندك دليل على ان تقليم الاظفار نتف الابط البراجم الكلام ده كان سهلا باسناد صحيح اذا لم يستطع ان يجيب عن هذه فلا يجوز له ان يعترض على ابن عباس لا سيما وقد صح - 00:25:42ضَ

الاسناد اليه بل له اكثر من اسناد صحيح الى ابن عباس. فانا بضم هذا الكلام الى سنة الاستئذان لما اجي اقول استئذان النبي دلالة على رسوخ الايمان في قلب العبد. ما يجيش واحد يقول لي ايه؟ هو ايه الاستيزان يطلع ايه؟ واحد يقول له عن ازنك يا - 00:26:02ضَ

انا رايح البيت ايه اللي فيها دي يعني؟ كما ان هذه انت مستسهلها اوي وشايف انها ما تدلش على يعني حاجة الا ان في اية قرآنية يدبغ وبها المعارض ها طب ما برضو تقليم الاظفار وان كان شيئا سهلا يسيرا علق الله الامامة عليه. كما علق الايمان - 00:26:22ضَ

الاستئذان وهو ما ايسر الاستئذان ان تقول هنا استأذن ان اتي الى البيت. اهدي اخت دي واخد بالك ففي حاجات بقى التكات الصغيرة اللي احنا بناخدها من حياة الصحابة مع النبي عليه الصلاة والسلام - 00:26:42ضَ

سلام. دي بقى لا يصلح فيها الا ان تتأدب بادب الناس. هذا القول اللي بنتجوز بيقول عليهم اللي هو الصحابة ابتداء لان كانت عبادتهم بلا تكلف سهلة والذي يتبع الصحابة في الاقوال والافعال وفي الفقه وفي السلوك والاخلاق يستمتع بالاسلام اكثر من اتباعه لمن جاء بعد - 00:27:02ضَ

لان من جاء بعدهم من شدة ورعهم عسروا على انفسهم ما كان يسيرا عند الصحابة يعني لما تيجي تقول لواحد من التابعين اللي تحت ادع الله بعمل اخلصت له فيه. يقول لك اهو انا مخلص - 00:27:32ضَ

ولا اعرف عن الاخلاص حاجة. الله اعلم. لكن لو قلت للصحابي يجيب لك عمل اخلص لله فيه. ايسر كانوا ايسر عبادة. واحد بيسمع الامام اقرأ في المحراب قرآنا صوته جميل ايات مؤثرة. تسمع نواحا في المسجد. ده عمال يصوت وده عمال - 00:28:02ضَ

صوتوا المسجد اتقلب سوير تمام وعند النساء تلاقيهم بيلطموا. مسلا يعني. واخد بالك ازاي طيب هو انا عايز افهم يعني الصحابة دول ما سمعوش القرآن قبل كده؟ حد منهم عمل كده - 00:28:32ضَ

حد منهم لما بكى صرخ لأ ده انس ابن مالك كان يصف بكاءهم كان يقول كان لهم خنين. خنين يعني مكتوم. ادي الصحابة وعائشة تقول ان القرآن اعظم من ان تنزف عليه قلوب الرجال. تسمع القرآن يغمى عليك - 00:28:52ضَ

ازاي يغمى عليك؟ كيف يذهب عقلك؟ انما نزل القرآن لا حياء قلبك. مش عشان يغمى عليك يبقى ايه اللي عملناه؟ يا ايها الذين امنوا استجيبوا لله وللرسول اذا دعاكم لما يحييكم. وقال تعالى لينذر من - 00:29:22ضَ

كان حيا الصحابة كانوا يسمعون القرآن تقشعر قلوبهم وتقشعر جلودهم ثم سليم لزكر الله عز وجل ويستأنفوا العمل. ادي الصحابة. فانا لما اجي اقول لك اسمع قرآن زي الصحابة اللي كانوا بيسمعوا. ولا - 00:29:42ضَ

تسمعه كما كان يسمعه اهل البصرة. يسمع القرآن يغمى عليه لأ اسمعوا زي ما كان الصحابة بيسمعوه. هتلاقي الدنيا اسهل عليك. فكلما علوت كلما سعدت ورأيت الدين سهل جدا ليس فيه اي مشكلة. لكن اللي عقد الدنيا في مسألة السلوك الشغل بقى التصوف بقى والكلام ده ودخله في - 00:30:02ضَ

رياضات التجويع والمش عارف ايه والكلام ده. وانا برضو في في صلة ابن هاشم ابو الصهباء اللي هو ذكر به المثل. بيقول اللهم انجني من النار او مثلي يسألك الجنة؟ الله طب ما الرسول كان بيسأل الله الجنة والصحابة كانوا بيسأل الله الجنة. انت ما بتسألش الجنة ليه - 00:30:27ضَ

يقول لك الا اثق بعملي بيدخل له الورع ممكن يعني اذا اشتد ممكن يدخل على انا مشيت من الوسواس. يبقى عنده وسواس في الورع. انا عامل يهبل؟ لا مش هيقبل. زي ما انا شرحت قبل كده في الحياة - 00:30:47ضَ

احد علماء الكبار من علماء المعاملة اللي بيسموه ابن الجوزي علماء المعاملة. اللي هم ارباب الايه؟ ارباب يعني الزهد والورع والكلام ده كان له حانوت في السوق. حانوت دكان. جه حريقة كلت الايه؟ السوق كله الا الدكان - 00:31:07ضَ

واحد قال له شف السوق اتحرق كله ما عدا الدكان بتاعك. قال الحمد لله. ثم جعل يستغفر الله من هذا الحمد اربعين سنة. استغفر الله انني حمدت الله. استغفر الله انني حمدت الله - 00:31:27ضَ

استغفر الله انني حمدت الله. وشغال كده اربعين سنة. قال ليه؟ هو الحمد لله ذنب يوجب الاستغفار آآ القي في روعة ان الحمد لله ان انا نجوت يعني كانك مش زعلان على اللي اتحرقه. كان اللي اتحرقوا دول ولا انت زعلان عليهم - 00:31:47ضَ

ولا ولا الى اخره والكلام ده. فقام داخل له الفكر ده فجعل يستغفر الله من هذا الحمد اربعين سنة. فيه ممكن حد من الصحابة يعمل الكلام ده عشان كده باقول لكم انت عايز تسعد بالاسلام وتستمتع به عليك بجيل الصحابة - 00:32:07ضَ

انا مش عايزك تنزل للتابعين لان احنا عندنا ليه عندنا اللي فوق اوي. عندنا النبي عليه الصلاة والسلام والجيل الذي رآه. وطبق في حياته عليه الصلاة كمان وليس من رأى كمن سمع وده مش قدح لا في التابعين ولا في تابعيهم ولا ولا الى اخره لكن كل واحد يريد اسوة - 00:32:27ضَ

اقول كما قال المتنبي ومن اراد البحر استقل السواقين. اللي عايز يشرب مية صافية يذهب الى لجة البحر بحر من الداخل. ما يروحش علي انايا جاية من البحر ويشرب لان من السهل جدا ان ممكن تتعكر هذه ايه؟ القناة. ولنا ان شاء الله - 00:32:47ضَ

في هذه الليلة نماذج كثيرة سنذكرها من اخلاق الصحابة والتابعين ومن بعدهم ان شاء الله. اقول قولي هذا واستغفر الله لي ولكم - 00:33:07ضَ