باحث

صلى الله عليه وسلم وبعد. اليوم باذن الله تبارك وتعالى مع تفسير الجزء العاشر من كتاب الله عز وجل آآ توقفنا بفضل الله عز وجل في درس امبارح آآ عند تفسير سورة الاعراف - 00:00:00ضَ

واليوم باذن الله تبارك وتعالى نبدأ في تفسير سورة الانفال. في تفسير سورة الانفال. آآ في البداية علشان نبقى فاهمين كويس جدا القرآن لازم اعرف الاول هو مكي ولا مدني. فسورة الانفال مكية ولا مدنية - 00:00:30ضَ

مدنية باتفاق. بل باجماع سورة الانفال ها مدنية باجماع. الا سبع ايات منها سورة الانفال تاني مع بعض. سورة الانفال ها مدنية باجماع. الا سبع ايات منها. وهي قول الله - 00:00:50ضَ

سبحانه وتعالى بدءا من الاية رقم تلاتين. واذ يمكر بك الذين كفروا ليثبتوك او يقتلوك او يخرجوك فهذه الايات السبع بكية. يبقى سورة الانفال صورة مدنية باجماع الا سبع ايات منها فانها - 00:01:10ضَ

مكية من اول قول الله عز وجل واذ يمكر بك الذين كفروا. قلنا تاني حاجة علشان اقدر افهم السورة لازم افهم كويس جدا الظروف والملابسات المحيطة بالصورة. فما هي الظروف والملابسات المحيطة بصورة الانفال - 00:01:30ضَ

ها من رحمة الله عز وجل بعباده المؤمنين ان بعد كل حدث عظيم جلل كان يصيب امة كان لابد ان ربنا سبحانه وتعالى يذكر بعد هذا الحدث تعقيبا على هذا الحدث. من باب اخذ الدروس - 00:01:50ضَ

المستفادة من هذا الحدث. ان كان خيرا اثنى الله عز وجل على اهله. وان كان شرا ذكر الله سبحانه وتعالى العيوب والاخطاء وكيف يتلافى الصحابة او هذا الجيل او الجيل الذي سالي هذا الجيل او كل مؤمن كيف سيتلافى هذه الاخطاء - 00:02:10ضَ

يعني مثال الله سبحانه وتعالى عقب على غزوة حنين بقول الله عز وجل ويوم حنين اذ اعجبتكم كثرتكم فلم تغني عنكم من الله شيئا. فالله سبحانه وتعالى بيقول للمؤمنين هنا انتم ما هزمتم يوم حنين الا بسبب؟ العشب - 00:02:30ضَ

اللي دخل في قلوبكم والله سبحانه وتعالى انزل سورة ال عمران كاملة. وقلنا الجزء الاخير من السورة كان متعلق بايه احد والله يعاتب فيها المؤمنين عتابا رقيقا. نظرا للحالة النفسية اللي كانوا فيها. وذكر - 00:02:50ضَ

ان هزه الهزيمة بسبب انهم تعلقوا بالدنيا. صح كده؟ او بعضهم تعلق بالدنيا. طب غزوة بدرس. غزوة فيها نصر ونصرعظيم ونصر مؤذر ونصر كان ما شاء الله قوي جدا. وما شاء الله سمى الله في هذه السورة يوم يوم - 00:03:10ضَ

بدر سماه الله عز وجل بهم الفرقان اللي فرق به بين الحق والباطل. والمؤمنون في هذه المعركة قتلوا يعني الحمد لله رب العالمين. اديكم مصلحيتكم. والمؤمنون في هزا الوقت قتلوا يعني اساود مكة - 00:03:30ضَ

هاوس مكة زعماء مكة قتلوا في غزوة بدر. والسؤال طالما ان هي نصر. يبقى ينزل الايات المتعلقة بالنصر ايه؟ ايات بقى الثناء انتم المؤمنون حقا؟ لأ. لم ينزل من الله عز وجل بل اخر الثناء من الله عز وجل على المؤمنين الذين قاتلوا مع النبي صلى الله عليه وسلم الى الاية رقم اربعة وسبعين - 00:03:50ضَ

العجيب ان السورة كم اية؟ خمسة وسبعين. ثناء الله عز وجل على المؤمنين اخر للاية اربعة وسبعين والسورة كلها خمسة وسبعين اية. ليه؟ لان الله سبحانه وتعالى سيعاتب المؤمنين في بعض الامور التي حدثت منهم - 00:04:20ضَ

عايزين نفهم كويس جدا ان الامر بقى دلوقتي. نحاول نركز شوية. بصوا يا اخواني واحد بعد نصر وبعد انتصار كاسح كانوا تلتميت واحد وانتصروا على الف. ما اعدوا عدة وانتصروا على الف اعدوا العدة واخزوا القوة. ممكن النفسية دي - 00:04:40ضَ

ايه اللي يحدث فيها؟ غرور وعجب. فلازم ناخد بالنا قوي من هذه الجزئية. الامر التاني بعد ما فتح الله الله سبحانه وتعالى على المؤمنين اختلفوا في الانفال. وهنعرف دلوقتي القصة. حدث اختلاف وشقاق بين الصحابة في شأن الدنيا برضو. فكان لازم - 00:05:00ضَ

يكون فيه عتاب. امر التالت ان خلاص دي بداية فتوحات ستأتي للمسلمين بعد ذلك. فكان لابد ان احنا نذكر اسباب النصر واسباب الهزيمة. وهم دول التلات محاور الاساسية التي سيتكلم ربنا عز وجل عنها في سورة الانفال - 00:05:20ضَ

سيزكر الله سبحانه وتعالى اولا ما فيه ما فيه علاج لقضية العجب والغرور اللي ممكن تدخل لقلوب الصحابة. اتنين يذكر الله سبحانه وتعالى اسباب النصر. تلاتة يعالج الله تبارك وتعالى الاخطاء التي وردت من المؤمنين في هذا الوقت. واحد - 00:05:40ضَ

وده كان اول امر ملحوظ في الصورة. وصل تقريبا لحد الاية رقم اربعين. من الاية رقم واحد رقم اربعين نزع الله النصر من الصحابة ونسب الله النصر لنفسه. ليه؟ يا ابني مش انت - 00:06:00ضَ

اللي انتصرت. مش انت اللي فزت؟ مش انت اللي بايديك النصر والهزيمة. كل ده حتى يعالج الله عز وجل النفس البشرية من العقب فسحب الله النصر من تحت اقدام الصحابة. وجعل الله عز وجل النصر من عنده فقط. ولو - 00:06:20ضَ

تدبرنا كده الايات من اول اية واحد لحد الاية اربعين تجد ان كلها نسب فيها كل الاحداث لله عز وجل نعد مع بعض كده واحد فترتيب المعركة من اولها لاخرها ما كان بترتيبك انت يا محمد ولا بترتيب من خرج معك - 00:06:40ضَ

ولكن الترتيب كله كان بيد الله عز وجل. هات معي الاية رقم خمسة. قال الله سبحانه وتعالى كما اخرجت ربك من بيتك بالايه؟ من الذي اخرجك؟ من الذي اخرج اصحابك؟ مش انتم اللي خلقتم. وانما الذي اخرجكم هو - 00:07:00ضَ

الله. قال الله عز وجل واذ يعدكم الله احدى الطائفتين. الذي وعدكم. دي الاية رقم سبعة. الذي وعدكم اما ان ينصركم على عدوكم او يمكنكم من اخذ العير هو من؟ هو الله سبحانه وتعالى. فالذي - 00:07:20ضَ

بدأ بترتيب وتهيئة الارض لاستقبال المعركة الجديدة هو الله سبحانه وتعالى. اتنين الذي اعد الصحابة نفسيا والله اللي قعدهم نفسيا انه يكون في عندي تلتمية وسبعتاشر هيقابلوا الف واحد. اللي اعضهم نفسيا لذلك هو من؟ رغم - 00:07:40ضَ

ان الزروف كلها ضدهم. فربنا يقول لهم ان اللي اعد الامور النفسية بالنسبة لكم هو الله. قال الله عز وجل. الاية رقم حداشر بصوا كيف يهيئ الله المؤمنين نفسيا؟ آآ اسمك ايه؟ احمد لو انت في كلية ايه الاول - 00:08:00ضَ

هندسة بلطجي يعني. الله المستعان. يا جدعان ناس ان شاء الله. انت في هندسة وعندك دكتور ما يعلم به الا ربنا. صعب جدا. وامتحاناته صعبة جدا. وانت ما زاكرتش ما انت كويس. وخايف جدا ومرعوب جدا. ممكن تنام - 00:08:20ضَ

بالليل لا يمكن تنام. لأ انا بتكلم على الاصل. انما اه يعني عارف ان في ناس اصلا ايه مش فارقة معهم اصلا نتكلم على الاصل العام. لا مش هاعرف انام. مش هاعرف انام. لو واحد فينا خلص كلية بقى وخلاص قدم في الجيش والنتيجة بكرة. يا اما ياخد اعفاء - 00:08:40ضَ

يا اما يخش الليلة دي بينام قاعد قلقان وخايف ومضطرب وحياته كلها متوقفة على بكرة من يوم كزا ليوم كزا اعفاء فمش هيعرف ينام. الله سبحانه وتعالى يرى الان من نفسية المؤمنين ان هم قلة ومستضعفة. ولم يعدوا لقتال - 00:09:00ضَ

والكفار كثرة كانوا الف الف ويزيد. اذا لن يغشيهم ابدا نوم. ولن ترقأ لهم عين ولن تهدأ لهم نفس فشوف ربنا سحب الامر من تحت رجليهم ازاي يقول لهم اذ يغشيكم النعاس ها من مين؟ من الله - 00:09:20ضَ

اذ يغشيكم النعاس امنة منه. يقول علي ابن ابي طالب رضي الله عنه والله ما كان فينا فارس يوم بدر غير المقداد. ما كانش معنا خيل خالص ما كنش معنا الا فارس واحد بس اللي هو ايه؟ المقداد. ولقد رأيتنا وما فينا احد الا نائم الا رسول الله. يصلي تحت الشجرة - 00:09:40ضَ

ويدعو ويبكي حتى اصبح. طول الليل صلى الله عليه وسلم الوحيد اللي ما نامش النبي صلى الله عليه وسلم. خايفة على امته وخايفة على صحابة رضي الله عنهم اجمعين وصلى الله عليه وسلم. فربنا يقول لهم اذ يغشيكم النعاس امنة منه. علشان يأمن قلوبكم - 00:10:00ضَ

نيمكم في هذا اليوم. اتنين وينزل عليكم من السماء ماء ليطهركم به. من الامور اللي منتشرة جدا بيننا آآ قصة ابن المنذر يا رسول الله المكان اللي انت فيه ده منزل انزلكه الله ولا هي الرأي والحرب والمكيدة؟ فقال الحرب والرأي والمكيدة فقال - 00:10:20ضَ

فارى ان تنزل عند الماء عند ادنى ماء عند ادنى ما كان قريب من الماء. فيكون الماء معنا ونحجم الماء عن المشركين. هذه رواية ضعيفة لا تثبت مش صح بل الصحيح ان اللي كان مسيطر على الماء في هذا الوقت هم مين؟ المشركين. الصحابة ما كانش معهم مية. تخيل واحد - 00:10:40ضَ

الان فاقد الماء. واحد فاقد الماء هيحارب ازاي؟ نفسيته هتبقى عاملة ازاي؟ نفسيته متدمرة ضيف على كده ما كان الشيطان يلقيه في قلوب الصحابة ويذهب عنكم رجز الشيطان. الشيطان اللي قال للصحابة وسوس لها. مش انتم بتقولوا ان انتم - 00:11:00ضَ

وهم على الباطل! طب هم معهم ماية وانتم ما معكش الماية. يا نهار ابيض! فربنا شف سبحان الله! ينسب كل هذه الامور وهذه الترتيبات له سبحانه. قال الله سبحانه وينزل عليكم من السماء ماء. ليه؟ ليطهركم به. الصحابة اصابتهم جنابة - 00:11:20ضَ

الواحد اصابته جنابة وما عهوش ماء نفسيته تبقى عاملة ازاي. عطشان وداخل على حرب ما عهوش ماء. نفسيته عاملة ازاي. وليربط على قلوبكم ويثبت به الاقدام. ايه بقى حتة ويثبت به الاقدام؟ الصحابة نزلوا في مكان الماء الارض فيه - 00:11:40ضَ

رملية والحركة عليها تبقى ايه؟ صعبة جدا. فانزل الله هذا الماء علشان الصحابة يشربوا تطهروا ويذهب عنهم الشيطان والماية دي لما نزلت على الارض للصحابة واقفين عليها الارض الرملية لما نزلت عليها المية - 00:12:00ضَ

ايه اللي حصل؟ ثبتت الارض فيبقى سهل عليها الحركة. سبحان الله! شف كيف ينزع الله النصر منهم ويقول لهم ده كل الترتيب اللي حصل يوم بدر. انما كان بمحض فضل الله عز وجل ايه؟ عليكم. طب ده - 00:12:20ضَ

الترتيب الخارجي ترتيب الارض اللي احنا هنجري عليها والماية والشرب. فيه ترتيب اخطر من ذلك ترتيب الايه؟ النفسي بقى والروحاني. آآ الجيش فيه جهاز كامل. فيه سلاح كامل اسمه سلاح الشؤون الايه - 00:12:40ضَ

المعنوية وده من اقوى الاسلحة اللي موجودة في الجيش. يعني احنا عندنا سلاح مشاة وعندنا المدفعية وعندنا المهندسين وعندنا وعندنا ايه وعندنا دي كلها اقسام. ولكن من اهم الاقسام اللي تلاقي القسم ده موجود منتشر في كل كتيبة وفي كل سرية وفي كل لوا وفي كل فرق - 00:13:00ضَ

لازم السلاح ده يكون موجود. سلاح الشؤون المعنوية. لازم تكون عندنا يكون عندنا اصلاح شئون معنوية. فسلاح الشؤون المعنوية في غزوة بدر. كان مع مين ربنا سحبه من الصحابة وادى له مين؟ لنفسه سبحانه وتعالى. فقال ربنا تبارك وتعالى اذ يوحي ربك الى - 00:13:20ضَ

ملائكتي اني معكم ها اية رقم اتناشر فثبتوا الذين امنوا. ايه علاقة الاية دي باللي قبلها؟ بعد ما ربنا ذكر تهيئة الامور الخارجية كان لازم التهيئة الداخلية تهيئة القلب لهذه المعركة فهيأ الله الصحابة بقوله اذ يوحي ربك الى الملائكة اني معكم ها - 00:13:40ضَ

فثبتوا الذين امنوا سالقي في قلوب الذين كفروا الايه؟ الرعب. ده اصلاح الشؤون المعنوية الموطن التاني انا النهاردة لما اشوف عدوي اكتر مني عددا واكثر مني عدة نفسيتي تعلى تنزل ها هتنزل. طب نعالجها ازاي؟ محتاجين سلاح شؤون معنوية. والله سبحانه - 00:14:00ضَ

وتعالى اختص بهذا السلاح لنفسه في هذا الوقت. هات لي الاية رقم تلاتة واربعين واربعة واربعين انا انا تلتمية وسبعتاشر قدامي الف والكسر الله سبحانه وتعالى يقول واذ يريكموهم اذ التقيتم في اعينكم قليلا. اسمع - 00:14:30ضَ

ليلكم فيه اعينهم ليقضي الله امرا كان مفعولا. لما الصحابة يبصوا على المشركين فيلاقوا العدد قليل الصحابة ايه اللي يدخل في قلوبهم؟ قوة وشدة وبأس وجرأة وشجاعة واقدام. طيب نفس الرؤية المشركين يرون المؤمنين قلة فيكون عندهم ايه؟ استهتار. استهتار وكبر - 00:15:00ضَ

وعلو وخيلاء فيسهل سيطرة المؤمنين عليهم في هذا الوقت. صح؟ لو في يوم من الايام انا في فريقين وليكن مثلا الاهلي هيلاعب ريال مدريد مثلا. مثلا فالاهلي شايف ان ده ريال مدريد - 00:15:30ضَ

فتكون النتيجة انه يجتهد ويشد حيله مش عارف ايه الريال ما تزهق يا عم ده الاهلي يا عم. ده الاهلي يا عم. فتكون النتيجة فاستتر. فلما يستهتر نفاجأ ان في اخر الماتش ايه اللي حصل؟ الاهلي خطف جون ونام عليه الاتناشر واحد وقفوا ولا الحداشر واحد وقفوا في الجون - 00:15:50ضَ

وفضلوا يعني ايه كده لحد ما ربنا يكرم. هي دي. سبحان الله الرؤية كانت واحدة. يقلل الله عز وجل في اعين المؤمنين ويقلل الله المؤمنين في اعين الكفار. ولكن هذه ليزداد المؤمنون قوة وشجاعة. وهذه ليزداد المشركون ايه - 00:16:10ضَ

استهتار واستخفافا بالمؤمنين في كتب الله النصر. ده بنسميه سلاح الشؤون المعنوية. اللي يديك قوة ودافع قوي. وفي نفس الوقت يخلي العدو وقدامك شيء ضعيف انت ان شاء الله هتنتصر. في سلاح الشئون المعنوية في سورة الانفال ربنا سبحانه وتعالى سحبه من المؤمنين واداه لمين؟ سحبه من المؤمنين واداه لمين - 00:16:30ضَ

واعطاه الله عز وجل نفسه. مش كده وبس. فبعد ترتيب المعركة بعد الاعداد النفسي بعد التجهيز المعنوي انزل الله الملائكة نصرة للمؤمنين. هات لي الاية رقم تسعة. قال الله عز وجل اذ تستغيثون ربكم - 00:16:50ضَ

هذه الاية نزلت في من؟ في دعاء مين؟ دعاء النبي صلى الله عليه وسلم. اذ تستغيثون ربكم فاستجاب لكم ان ممدكم بالف من الملائكة مردفين. فيه في الجيش سلاح اسمه اعداده تموين - 00:17:08ضَ

مين؟ امداد وتموين. هيئة الامداد والتموين. وهذا السلاح ايضا نسبه الله عز وجل لنفسه انا اللي امدكم همدكم بايه؟ بالف من الملائكة مردفين. مش كده وبس. بل مكان المعركة وزمن - 00:17:28ضَ

ما جعله الله عز وجل للمؤمنين. ماشي ماشي. بل جعل الله اعداد المكان. واعداد الزمان لمن لله سبحانه وتعالى. هات لي الاية رقم اتنين واربعين قال الله عز وجل اذ انتم بالعدوة الدنيا. العدوة الدنيا اللي هي كانت قريبة من المدينة. وهم بالعدوة القصوى - 00:17:48ضَ

العضو القصوى دي كانت فين؟ من جهة مكة. من جهة مكة. قال الله عز وجل والركب اسفل منكم. الركب هنا معناه ايه؟ القافلة والركب اسفل منكم. ولو توعدتم اي لو توعدتم على مكان تلتقون فيه. ولو تواعدتم على زمان تلتقون فيه - 00:18:18ضَ

ولو تواعدتم على مكان تلتقون فيه ما تم هذا الموعد ولكن الذي هيأ المكان والذي هيأ الزمان والذي هيأ النفوس هذا اللقاء هو من؟ هو الله والا لو كان الامر اليكم فانتم قال الله في شأنكم في بداية السورة واذ يعدكم - 00:18:38ضَ

الله احدى الطائرات كما اخرجك ربك من بيتك بالحق وان فريقا من المؤمنين لايه؟ كانت فيه ناس كارهة الخروج اصلا. فالذي هيأ والمكان هو من؟ شف ربنا بيقول ايه؟ قال ولو تواعدتم لاختلفتم في الميعاد ولكن ليقضي الله امرا كان مفعولا - 00:18:58ضَ

في تهيئة المكان والزمان برضو كان من الله سبحانه وتعالى. ليس هزا وحسب بل بعد اما قامت المعركة وحدثت المقتلة كان فيه قتل شديد في المشركين ما نسب الله القتل للصحابة وانما نسب القتل لنفسه. فقال ربنا تبارك وتعالى في الاية رقم سبعتاشر فلم تقتله - 00:19:18ضَ

ولكن الله لا ده ولكن الله قدرهم ربنا هو اللي قتل. سبحانه وتعالى. ثم قال ربنا تبارك وتعالى لنبيه لما اخذ فتنة من التراب والقاها في وجوه الناس فقال الله وما رميت اذ رميت ولكن الله رمى. وما رميت اذ رميت - 00:19:38ضَ

ولكن الله رمى. بل وقال ربنا تبارك وتعالى في في في في احباط نفسي مشركة في احباط نفسي مشركة قال الله تبارك وتعالى اية رقم تمنتاشر ذلكم وان الله موهن كيد الكافرين - 00:19:58ضَ

فالذي اهلكهم جسديا هو الله. والذي اهلكهم نفسيا هو الله. ثم بعد هذه الرحلة الطويلة اللي ربنا قال لنا فيها ان النصر لم يكن بايديكم انتم بل كان بيد الله عز وجل وحده حتى لا يدخل العجب في قلوبكم. قال الله سبحانه وتعالى - 00:20:18ضَ

قال الله سبحانه وما النصر الا من عند الله. اية رقم عشرة. وما جعله الله الا بشرى ولتطمئن به قلوبكم وما النصر الا من عند الايه؟ الا من عند الله. وما النصر الا من عند الله - 00:20:38ضَ

وقال ربنا تبارك وتعالى في اية رقم ستة وعشرين فاواكم وايدكم بنصره ورزقكم من الطيبات. فالزي اواكم وايدكم بنصره هو من؟ هو الله سبحانه وتعالى. كل الايات دي لما تحطها جنب بعضها - 00:20:58ضَ

كل هذا من باب الحفظ لعباد الله المؤمنين. اللي لسة خارجين من معركة علشان ما يصابوش بغرور او كبر او عشب. كما حدث لهم في غزوة فتح الله مكة وخرجوا من مكة حتى يعالج الله هذه النفس - 00:21:18ضَ

علشان تظل هذه النفسية دائما منكسرة بين يدي الله مرفوعة الرأس بين يدي اعدائها كان لابد ان ربنا سبحانه وتعالى يسحب النصر من ايدي المؤمنين ويجعل النصر بيده الله بيد الله سبحانه وتعالى علشان تظل هذه القلوب تعترف بالجميل وبالنصر وبالتوفيق - 00:21:38ضَ

لمن؟ لله سبحانه وتعالى يبقى ده كان الجانب الاول الجانب التاني الجانب التاني في الصورة وكان من ابرز الجوانب اللي موجودة هو جانب هو جانب معالجة الاخطاء اللي حدثت في اخطاء حدست كتير جدا بعد المعركة - 00:21:58ضَ

على رأسها اختلاف الناس في الغنائم وربنا نظرا لاهمية مسألة الاخطاء اللي حصلت ولازم ان هي تصلح وتقوم بدأ الله الايات بذكر الاخطاء وخدوا بالكم ان الخطاب في سورة الانفال شديد اللهجة. مش زي خطاب ايه؟ مش زي خطاب ال عمر - 00:22:22ضَ

ايه اللي حدس بالزبط روى الامام احمد في مسنده عن ابي امامة رضي الله عنه قال سألت عبادة بن الصامت رضي الله عنه عن الانفال. ايه قصة الانفال في فرق في عندنا انفال وفي عندنا غنائم. ودي اللي الانسان بياخدها من بعد المعركة. ايه اللي حدث بالظبط؟ يقول عبادة - 00:22:47ضَ

نزلت فينا هذه الاية نحن اصحاب النبي صلى الله عليه وسلم. اختلفنا في الانفال وساءت فيه اخلاقنا. معنى ساء اخلاقنا هي مش تم بعض او ضربنا بعض او الكلام ده. ولكن هو بيقول ان ساءة الخلق بتاعنا لما احنا ايه فكانوا يرون ان الاختلاف بينهم - 00:23:11ضَ

سوء خلق امال لو كانوا عايشين وسطنا كانوا قالوا علينا ايه؟ اللي بيقتلوا بعض في الشوارع كانوا ايه؟ قالوا ايه على بعض كانوا الصحابة لما بيقولوا ان احنا لما اختلفنا ساءت اخلاقنا. اومال لو شافوا ناس بتقتل بعض كانوا هيقولوا ايه - 00:23:31ضَ

وساءت فيه اخلاقنا. هزم الله العدو يوم بدر. بيحكي بقى اهو. بيقول هزم الله العدو يوم بدر. فانطلقت طائفة الشباب في اثارهم يهزمون ويقتلون. لما خلاص ربنا فتح على المؤمنين ايه اللي حصل - 00:23:51ضَ

طائفة الشباب بدأت تجري ورا المشركين يقتلون منهم من يقتلون وايه ويبعدوهم عن ارض المعركة. واما طائفة الشيوخ واما طائفة الشيوخ فاكبت على العسكر يحوطونه ويجمعونه ويحمونه. ارض المعركة يحموها يأمنوها - 00:24:11ضَ

عشان المشركين ما يبقوش بعدم في ملفين جايين يصيبوا العسكر في الايه ؟ في الضهر. وطائفة الشيوخ وفضلوا في نفس المكان يحموه. واما طائفة ثالثة فهي التي احاطت برسول الله صلى الله عليه وسلم واحدقت به. لفت حوالين النبي صلى الله عليه وسلم - 00:24:31ضَ

حتى لا يصيب العدو منهم غرة. منه غرة. عشان العدو ما يلفوش لفة كده فيقوموا ايه؟ يصيبوا النبي زي ما عملوا امتى؟ يوم احد الشباب حزوا كل الغنائم. فكل واحد من الطوائف الثلاثة قال احنا اولى بالغنائم من الفريق الاخر - 00:24:51ضَ

الشباب اللي طلع قال احنا اللي كنا بنقاتل وعرضنا نفسنا الخطر. والشيوخ يقولوا احنا اللي امنا المكان علشان المشركين ما يرتدوش. والفريق يقول يا جماعة احنا اللي كنا بنحمي النبي. فلما اختلفوا شف ربنا عز وجل يعلم نفسيات الناس - 00:25:11ضَ

فسحب الله عز وجل توزيع الغنائم منهم. ونسبه الى نفسه. وعلى فكرة كل امور متعلقة بالماديات في القرآن نسب الله توزيعها لنفسه لم يجعلها لاحد. المواريث مين اللي نزل احكامها؟ في حكم ميراث واحد نسب لاحد - 00:25:31ضَ

كل المواريس منصوبة لمن؟ لله سبحانه وتعالى. طب احكام الزكاة في حكم واحد في الزكاة اجتهادي ولا تقسيم الزكاة نسب لله وهكذا الغنائم. لان الله يعلم دائما ان النفوس مجبولة على حب المال. فجعل الله سبحانه وتعالى تقسيم اي اموال - 00:25:51ضَ

من له سبحانه وتعالى. علشان كده ربنا سبحانه وتعالى يقول يسألونك عن الانفال قل الانفال لله ورسوله. ما حدش فيكم يتكلم. ما ما حدش فيكم يقول لي احنا اولى بتقسيم الغنائم. ما حدش فيكم يقول احنا اولى من الطائفة الاخرى. شف العتاب شديد ازاي! فاتقوا الله - 00:26:11ضَ

واصلحوا ذات بينكم. ما تختلفوش. فاتقوا الله واصلحوا ذات بينكم لان الاصل ان انتم دايما تكونوا على قلب رجل واحد. مش الدنيا اللي تخش تفرق بينكم. وتخيل بعد النص العظيم بتاع بدر اول اية تنزل المعاتبة في - 00:26:31ضَ

المال. لان انا لا اعلم شيء يفسد بين الاخوة الا المال. اعرف ناس اتنين علشان حتة ارض واحد يضرب اخوه بالنار. اعرف واحد. هو ده اللي النبي قاله لنا. لما خرج النبي صلى الله عليه وسلم - 00:26:51ضَ

يتخوفون الفقر فقال ما الفقر اخشى عليكم. ولكن اخشى ايه؟ ان تبسط عليكم الدنيا فتنافسوها كما تنافسوها اي الامم السابقة فتهلككم كما اهلكتهم. شف النهاردة ارحام قطعت بسبب الدنيا دخلت بينهم. انا وانت صحاب وحبايب وعشرة - 00:27:11ضَ

تعالوا نخش مع بعض كده شركا في محل بعد سنة واحدة ايه اللي بيحصل بيني وبينك علشان كده نظرا لان المشكلة دي من اخطر المشاكل بدأ الله سبحانه وتعالى بها سورة الانفال. بدأ الله عز وجل بها سورة الايه؟ الانفال - 00:27:31ضَ

فقال الله سبحانه وتعالى ان الاصل فاتقوا الله وايه؟ واصلحوا ذات بينكم واطيعوا الله ورسوله ان كنتم مؤمنين. وذكر الله سبحانه وتعالى بهذا الاصل ايضا. ذكر الله المؤمنين بهذا الاصل ايضا. في اية رقم اتنين وستين وتلاتة وستين. فقال ربنا تبارك وتعالى فان - 00:27:51ضَ

حسبك الله هو الذي ايدك بنصره وبالمؤمنين والف هي دي اعظم نعمة. ان احنا نكون متحابين متآلفين والف بين قلوبهم لو انفقت ما في الارض جميعا ما الفت بين قلوبهم ولكن الله الف بينهم انه عزيز حكيم - 00:28:11ضَ

بقى كانت اول مشكلة حدست في المعركة هي مشكلة الايه؟ الاختلاف على الغناء. المشكلة التانية ان يكل الانسان الاحكام لنفسه ولا يكلها الى ربه. في كتير من الاوقات ارى ان الامر ده وحش - 00:28:31ضَ

ده من وجهة نظرك انت. ولكن ولكن من جهة حكم الله عز وجل فالخير كل خير في في حكم الله. يعني ممكن ربنا كتب عليكم القتال وهو كره لكم. خارج للقتال كاره. زي ما ربنا قال لنا في اول السورة ايه؟ قال ربنا - 00:28:51ضَ

تبارك وتعالى كما اخرجك ربك من بيتك بالحق وان فريقا من المؤمنين لايه؟ ان احنا نحكم الاشياء من وجهة نظرنا. ولكن حقيقة من وجهة حكم الله عز وجل فحكم الله والخير. للذكر مثل حظ الانثيين. ما تجيش واحدة تقول ده تفريق. لا لا لا - 00:29:11ضَ

واطعنا. سمعنا واطعنا. آآ البنت تؤمر بالحجاب تكفيفة. لا لا سمعنا واطعنا. خمس صلوات ده شدة وتشديد لا لا لا ده ده من وجهة نظرك ولكن من وجهة حكم الله عز وجل هذا هو الخير لك. فالله يريد ان يعلم الصحابة من وراء العتاب الاول في - 00:29:31ضَ

في الاية رقم خمسة ان حكم ربنا دايما فيه الخير لنا. ولكن نحن لا نعلم نحن لا نفقه. لو عرفت حكم الله وحكمة الله لازداد قلبك طمأنينة في هذه الاحوال. الامر التالت مسألة الاسرى اسرى بدر. النبي هو والصحابة اختلفوا في اسرى بدر نقتلهم - 00:29:51ضَ

ولنقبل منهم الفداء. نقتلهم ولا نقبل منهم فداء؟ فاستشار النبي صلى الله عليه وسلم اصحابه. فسيدنا ابو بكر قال يا رسول الله يعني نقبل وسيدنا عمر قال يا رسول الله بل ايه؟ بل نقتلهم. الناس دي ياما حاربت الدين. ولو الناس دي عاشت هتفضل برضو تحارب الدين. فنقتلهم - 00:30:11ضَ

علشان كده سبحان الله كانت الحكمة ان هم فعلا يقتلوا. مين اللي قلب؟ مين اللي قلب المشركين على النبي غزوة احد المشركين برضه عكرمة بن ابي جهل اللي خرج مع ابوه ابي جهل لقتال المؤمنين في بدر هو بعد ما حرر رجع مكة علشان يوقد النار في مكة مرة - 00:30:31ضَ

تخرج لحرب المشركين. فالنبي صلى الله عليه وسلم قال لأ نحن نقبل منه فداء وايه ونحررهم. فالله سبحانه وتعالى عات نبيه في اخر هذه الايات في اخر هذه الايات فقال ما كان لنبي ان يكون له اسرى حتى يثخن في الارض تريدون عرض الدنيا والله يريد الاخرة والله - 00:30:51ضَ

الله عزيز حكيم. لولا كتاب من الله سبق لمسكم فيما اخذتم عذاب عظيم. الامر التالت وده كان محور اساسي من محاور السورة عشان نبقى احنا كده محور الصورة ماشي في تلت محاور المحور الاول معالجة قضية - 00:31:11ضَ

العشب اللي ممكن يدخل في قلوب الصحابة بنسبة النصر وما كان في المعركة من اولها الى اخرها لمن؟ لله. الامر التاني في في السورة معالجة الاخطاء اللي حدثوا. احنا كان عندنا كم خطأ تلاتة. واحد الاختلاف اتنين معالجة الامور من جانب النفس لا من - 00:31:31ضَ

جانب الشرع. تلاتة الاسرار. طيب الجانب التاني ذكر الله سبحانه وتعالى. الجانب التالت وهو اسباب النص انت ربنا ينصرك. واحنا مش هنتكلم دلوقتي يا اخواني على جانب النص في معارك. انا هتكلم النهاردة على جانب النصر في اي حاجة. انا شغال في جمعية خيرية وعايز - 00:31:51ضَ

افضل جمعية خيرية في الدنيا. انا واحد النهارده شغال في دعوة وعايز دعوته تكون افضل دعوة. انا النهاردة طالب في الجامعة عايز اكون افضل طالب ايه اسباب اللي ربنا سبحانه وتعالى يمكنني بها ويوفقني ويعينني وينصرني ويسددني ويكرمني. ايه هي الاسباب؟ هترجع الاسباب كلها لنوعين من الاسباب - 00:32:11ضَ

النوع الاول الاسباب الربانية. تاني ها؟ الاسباب الايه؟ الربانية علاقتك بربنا. النوع التاني من الاسباب الاسباب الدنيوية وعشان نكون صرحاء واحد يقول لي انا هبقى علاقتي مع ربنا كده ومش هزاكر هقول له هتفشل. واحد يقول لي انا هزاكر - 00:32:31ضَ

واجتهد واشد حيلي وعلاقتي مع ربنا سيئة هاقول لك انت ممكن تنجح لانك اخزت باسباب الدنيا. ولكن لا حظ لك في الاخرة. خلي دكتور النهاردة يكون من اشهر الدكاترة على مستوى العالم. وهو بيعمل عمليات وبيعمل وبيسوي من باب ان هو يجمع فلوس - 00:33:01ضَ

يوم القيامة له اجر عند الله عز وجل. انت خدت نيتك خلاص في الدنيا. ماشي؟ ذكى الله عز وجل في السورة النوعين بتوع الاسباب اللي ربنا سبحانه وتعالى يجعل العبد فيها مؤهل فعلا للنصر. اول شيء الاسباب الربانية. على رأس هذه الاسباب - 00:33:21ضَ

ما ذكره الله سبحانه وتعالى في اول السورة. انك لازم تكون مؤمن. لازم تكون طائع. لازم يكون بينك وبين ربنا حال. عشان كده ربنا قال في اوائل السورة اية رقم اتنين انما المؤمنون الذين اذا ذكر الله ها وجلت قلوبهم خافت - 00:33:41ضَ

ده الجانب الداخلي هو قلبه من جوة بيخاف من ربنا. قلبه من جوة بيحب ربنا. فاوامر ربنا عنده رقم واحد وجلت قلوبهم. واذا تليت عليهم اياته ها زادتهم ايمانا. وعلى ربهم يتوكلون. التلات حاجات دول - 00:34:01ضَ

متعلقة بالجانب الداخلي للمؤمن. هو التوكل عمل ظاهر ولا عمل داخلي جواك؟ باطني. طيب وجلت قلوبهم. ده عمل باطني ولا داخلي؟ خارجي ولا داخلي؟ داخلي. فربنا بيقول ان من ابرز ما ما يميز المؤمن حاله - 00:34:21ضَ

داخلي زي ما ذكرت لكم قبل كده في درس الصلاة. مشكلتنا ان احنا جايين الصلاة بابدانا. مع ان الاصل ان انت تيجي بايه؟ بقلبك. وفاكرين تلات مشاعر احنا ذكرناهم تعالى في يوم من الايام وانت خايف جاي تصلي وانت خايف من ربنا. انه ينزل عليك عذاب او خايف من ذنوبك. تعالى - 00:34:41ضَ

الصلاة وانت بتحب ربنا. انت بتحب ربنا. او متذكر نعم ربنا عليك. تعال للصلاة بكده. تعال للصلاة بقلبك. قال الله سبحانه وتعالى اذا نودي الصلاة من يوم الجمعة فايه؟ فاسعوا. طب ما هو النبي قال لنا صلى الله عليه وسلم اذا اتيتم الى الصلاة فلا تأتوها وانتم تسعون - 00:35:01ضَ

واتوها وعليكم السكينة. ربنا يقول فاسعوا. والنبي يقول لا تسعوا. لأ هو النبي نهى عن النبي نهى عن سعي الايه؟ البدن. البدن انك تيجي جري وانما امرنا ربنا تبارك وتعالى بسعي الايه ؟ ان قلبك يجري على ربنا بسعي روحي الى الصلاة. قال الله - 00:35:21ضَ

وتعالى الذين يقيمون الصلاة ومما رزقناهم ينفقون. ده الجانب الايه؟ الخارجي. الصلاة والزكاة اسألك سؤال لو واحد قال لك انا ما بتصليش بس انا علاقتي مع ربنا قلبيا حلوة. ينفع؟ طيب. نفس السؤال لك - 00:35:41ضَ

لواحدة قالت لك انا بحب ربنا قوي بس مش عايزة البس حجاب. فيه ايمان في قلبها؟ ربنا قال لنا ايه؟ المؤمنون الحق الايمان الحق اللي ربنا يحبه ويرضاه اللي يجمع بين صلاح الداخل وصلاح الخارج. نجد - 00:36:01ضَ

لذلك من اجمع الايات في القرآن على الاطلاق. التي يجمع الله عز وجل فيها بين حقيقة الايمان الذي هو صلاح داخلي وصلاح خارجي هي ايات سورة الايه؟ اية سورة الانفال. يبقى العامل الرباني الاول في نصرة الله عز وجل لعباده - 00:36:21ضَ

هو الجانب الرباني اللي هم يصلحوا الظاهر ويصلحوا الايه؟ الظاهر بس ينفع؟ لأ. باطن بس ينفع لأ. انما احنا عايزين الايه؟ الظاهر والباطن اتنين هات الاية كده رقم اربعة وسبعين - 00:36:41ضَ

وهي الآية التي فيها ثناء من الله سبحانه وتعالى على عباد المؤمنين. ولمازا انزل الله عليهم النصر؟ قال الله عز وجل والذين امنوا وهاجروا داخل ولا خارج؟ خارجيا وجاهدوا في سبيل الله - 00:37:01ضَ

داخلي ولا خارجي؟ خارجي. والذين دول المهاجرين. والذين اووا ونصروه انصاص اولئك هم المؤمنون حقا لهم مغفرة ورزق كريم. يبقى السبب ان الناس دي كانت اهل للنصر اول حاجة عندهم الجانب الايه؟ الرباني. النقطة التانية. من اخطر الامور الربانية. احذروا من المعاصي. لان المعاصي - 00:37:21ضَ

دي هي اللي اهلكت ممكن تكون معك قوة وشدة وعدد وسلاح وامكانيات جبارة ولكن ممكن تهزم بسبب ذنوب علشان كده ربنا سبحانه وتعالى قال لنا يا سلام على القرآن اية اتنين وخمسين كدأب ال فرعون والذين - 00:37:51ضَ

ان من قبلهم كفروا بايات الله فاخذهم الله بذنوبهم. ان الله قوي شديد العقاب. اي اربعة وخمسين تاني تاني تاني تاني كدأب ال فرعون والذين من قبلهم كذبوا بايات ربهم فاهلكناهم بذنوبهم - 00:38:11ضَ

واغرقنا ال فرعون وكل كانوا ظالمين. هو ايه اصلا علاقة فرعون وجنود فرعون وبطش فرعون بغزوة بدر قال لك مش ده كان جيش؟ قوي ولا مش قوي؟ ردوا قوي ولا مش قوي؟ معه العدة - 00:38:31ضَ

هو اللي ما عهوش عدة معه امكانيات ولا ما عهوش امكانيات؟ لماذا اهلكه الله؟ لانه فقد الجانب الرباني. لانه فقد الايه لو مؤمن بيحارب يهودي اليهودي واخد بكل اسباب الارض والمؤمن عاصي الجولة هتكون لمين؟ احنا - 00:38:51ضَ

ايه اللي حصلت لنا انتكاسات قبل كده؟ الانتكاسات اللي حصلت دي كانت ليه؟ اه اصل كان المقدم في هذا الوقت الرقصين دول المقدمين انما تعال بقى في تلاتة وسبعين وان كان برضه في بعض الامور التاريخية كان محتاجين تبقى فيها تفصيل في تلاتة وسبعين - 00:39:11ضَ

اكتر حاجة استفاد منها القادة اه معلش حيدو لنا الناس دي شوية وهاتوا لنا مين؟ هاتوا لنا بقى بتوع الدين. هاتوا لنا المشايخ هاتوا لنا الدعاء الى الله. فعلشان كده اختاروا الجانب الديني في رمضان. الناس صايمة. عشرة رمضان توقيت غزوة - 00:39:31ضَ

اقصد بدر خدت بالك؟ ابدأ الصيحات التكبيرات بتاعتنا مش بالقومية ولا بالمهلبية الكلام الفاضي اللي كان بيتقال قبل كده ابدأها بايه ؟ الله برج. فربنا اكرم. صح ولا ايه؟ فربنا لما تقرأ لما نسمع النهاردة واحنا ان شاء الله في ربع النهاردة في اول الصلاة - 00:39:51ضَ

لما نسمع كده كدأب ال فرعون هو ربنا ليه ؟ اسمك محمد. ربنا ليه ذكر بقى هنا ده بال فرعون وسط ايات سورة آآ اه الانفال اللي هي ايات غزوة بدر. ليه؟ لان الناس دي فقدت جانب رباني فهلكت. تلاتة - 00:40:11ضَ

قال الله سبحانه وتعالى اية سبعة واربعين ولا تكونوا كالذين خرجوا من ديارهم بطرا ورئاء الناس ويصدون عن سبيل الله. يستفيد منها ايه؟ الاخلاص. الاخلاص. الامر وده من اهم الامور اللي وردت في السورة واطيعوا الله ورسوله ستة واربعين ها - 00:40:31ضَ

لا تنازعوا فتفشلوا وتذهب ريحكم واصبروا من اعظم الاسباب الربانية لنصر الله عز وجل للمؤمنين. اجتماع القلوب عدم التنافر عدم الاختلاف عدم التشتت. علشان كده الاحتلال لما نزل بلاد المسلمين ايام ما كانوا خلافة اسلامية - 00:41:01ضَ

تجمع كل الدول تحت كلمة واحدة. لما حبوا النهاردة ان هم يسهل عليهم السيطرة على بقاع الارض. عملوا ايه؟ ارسم حدود يبقى دي بلد ودي بلد ودي بلد والبلد دي والبلد دي نقد النار بينهم على حتة في الحدود الفاصلة بينهم وبين بعض والبلد دي - 00:41:31ضَ

مع البلد دي وهكذا. وهكذا وهكذا. فرق تسد فربنا قال لنا من زمان الكلام ده. يا اخواني الاتحاد الاوروبي فهموا الاية دي. فهموا الاية دي. فعملوا اتحاد اوروبي عملوا جيش واحد عملوا عملة واحدة انا كنت مسافر المانيا فالاخ باعت لي التأشيرة وكان فيه - 00:41:51ضَ

تشديد شوية على التأشيرة الالمانية. فبقول له ليه يعني ده كله؟ قال لي ما هو انت لو دخلت المانيا يحق لك انك تخش اي دولة اوروبية تلف اوروبا كلها. لا في حدود ولا في حاجة يعني كان احمد آآ القشيري او - 00:42:21ضَ

الشقيل اسمه ايه؟ الشين الاول والقاف. الشقيري عمل في يوم حلقة عن الحدود في الدول الاوروبية. الحدود بين دولة كان بلاط في الارض كده شفتها؟ عبارة عن خط كده ابيض يقول لك انا زي الخط ده كده وينط كده يقول لك انا دلوقتي مسلا في البلد الفلانية - 00:42:41ضَ

وينط على الخط الناحية التانية يقول لك انا خلاص دخلت البلد الفلانية. ايه؟ اه والبيت اللي كان على الحدود بيت نصه هنا ونص هنا. عملوا ده احنا لسة. عشان كده هم حريصين الان دايما ان احنا - 00:43:01ضَ

انا ما بتكلمش في السياسة ولا حاجة. حريصين دايما ان احنا نفضل دايما كده ايه في شقاق وفي النفرة وفي عداء بين المسلمين بعض فمن اعظم الامور المؤهلة للنص ان الكل يكون على ايه؟ قلب رجل واحد. اما الاسباب الدنيوية اما الاسباب - 00:43:21ضَ

دنيوية فهي التي ذكرها ربنا تبارك وتعالى في اية رقم ستين قال ربنا تبارك وتعالى واعدوا لهم ما استطعتم ها من قوة ومن رباط الخيل ترهبون به عدو الله وعدوكم واخرين من دونهم لا تعلمونهم والله يعلمهم وما تنفقوا من شيء فان في - 00:43:41ضَ

لله يوفى اليكم وانتم ايه؟ وانتم لا تظلمون. صورة واضحة صورة واضحة جدا. نرجع تاني كده. يبقى اذا سورة الانفال بتتكلم عن تلات اصول مهمة جدا. واحد واحد معالجة قضية العشب والغرور بنسبة النصر وتدابير المعركة من اولها لاخرها الى الله - 00:44:01ضَ

اتنين معالجة الاخطاء. تلاتة اسباب النصر. طيب. يبقى اذا المحاور تلاتة واحد. معالجة العشب والغرور الذي قد يظهر في قلوب الصحابة بعد النصر. بنسبة النصر وتدابير المعركة من اولها الى اخرها الى - 00:44:31ضَ

الله سبحانه وتعالى. اتنين معالجة الاخطاء. وكان عندنا تلات اخطاء واحد الاختلاف في الغنائم اتنين الاسرى تلاتة ان يكل الانسان فهم الامور الى نفسه ولا يكلها الى الى الله سبحانه وتعالى. العنصر التالت - 00:44:51ضَ

اسباب النص واسباب النص قلنا عندنا نوعين اسباب ربانية واسباب الاسباب الربانية على قمتها الى اية الورد في اول السورة. المؤمن الذي جمع بين صلاح الظاهر وصلاح الباطن. اتنين الحذر من المعاصي عشان - 00:45:11ضَ

كده ربنا زكر لنا قصة جيش آآ فرعون. وربنا وضح لنا قصة الجيش ده ليه؟ اه لان الجيش ده وان كان معه القوة ومع القوة الدنيوية الا انه فقد للجانب الايه؟ الرباني. اللي هو كان متمثل في الذنوب والمعاصي. واي امة لها جيش من اقوى - 00:45:31ضَ

عشر جيوش على العالم. وهو عاصي لله وبعيد عن الله عز وجل. حتى لابد سيكتب له الهزيمة حتما ولابد. الامر عدم الرياء. الاخلاص في الحرب. الامر الرابع. الاجتماع ونبذ الفرقة - 00:45:51ضَ

باختلاف الجانب المادي على رأسه واحد واعدوا لهم ما استطعتم من قوة ومن رباط الخلف ها صوت الانفال سهلة والاصابة سهلة ولا صعبة؟ طب صعبة ولا صعبة طيب ربنا يا رب يوفقكم ويفتح من ايديكم. وفي الاخر كان لازم نختم بخاتمة - 00:46:11ضَ

وهي ثناء الله سبحانه وتعالى على اهل بدر. ثناء الله على اهل بدر. الله شهد لهم بانهم هم المؤمنون حقا وقدموا من الاعمال الشيء العظيم حتى قال الله قال النبي صلى الله عليه وسلم ان الله اطلع على اهل بدر فقال اعمل - 00:46:41ضَ

اعملوا ما شئتم فقد غفرت لكم. وفي صحيح البخاري ان النبي صلى الله عليه وسلم من حديث رفاعة ابن رافع قال النبي صلى الله عليه وسلم كم؟ تلاتة وستين تلاتة واربعين. عربية تمانية وستين تلاتة واربعين. العربية دي دايما قافلة الطريق. برضو بتجي لي بالليل في التراويح. تمانية وستين تلاتة واربعين - 00:47:01ضَ

طيب قال الله سبحانه وتعالى في حديس رفاعة بن رافع قال جاء جبريل الى النبي صلى الله عليه وسلم فقال يا محمد ما تعدون من شهد بدرا فيكم؟ الناس اللي شهدت بدر من الصحابة ما تعدون من شهد بدرا فيكم؟ فقال النبي صلى الله عليه - 00:47:21ضَ

وسلم هم خيارنا فقال النبي صلى الله عليه وسلم وكذلك من شهد بدرا من الملائكة. خيار الملائكة من؟ من شهد بطرس جزاهم الله عنا خيرا بذلوا انفسهم ودماءهم اموالهم وما يملكون من اجل ان يصل هذا الدين لنا. جزاهم الله خيرا على ما قدموا. آآ يقول ابن مسعود شهدت مع - 00:47:41ضَ

مقداد بن الاسود مشهدا لان اكون صاحب هذا المشهد احب الي من الدنيا وما فيها؟ قام النبي صلى الله عليه وسلم فقال الاشير علي ايها الناس. يا ناس قولوا لي اعمل ايه ؟ النبي اما خرج لقتال كان خارج للعيد بس. اشيروا علي ايها الناس. فقال يا رسول الله والله لا - 00:48:11ضَ

اقول لك كما قال بنو اسرائيل لموسى. دي نفسية من شهد بدرا. ولكن لا نقول كما قال لك بنو اسرائيل لموسى اذهب انت وربك فقاتلا انا ها هنا قاعدون ولكن اذهب انت وربك فقاتلا. فان عن يمينك وعن يسارك ومن بين يديك ومن خلفك مقاتلون. النبي صلى الله عليه وسلم يقول اشيروا علي ايها الناس - 00:48:31ضَ

فيقوم ابو بكر فيتكلم ويحسن ويقوم عمر فيتكلم ويحسن. بس النبي مش عايز المهاجرين النبي كان عايز الانصار. ليه؟ لان الانصار لما بيعوه بيعة العقبة قالوا له احنا ندافع عنك. لو اي حد جا لنا المدينة احنا ندافع عنك. بس ما بيعوش النبي على الايه؟ على الخروج. فالنبي قال - 00:48:51ضَ

علي ايها الناس. قام سعد ابن معاذ وقال له يا رسول الله ايانا تريد؟ انت عايز كلمة الانصار؟ يا رسول الله ان الله قد بعثك الينا فامنا بك وصدقناك وعلمنا ان ما جئت به هو الحق - 00:49:11ضَ

سر يا رسول الله على بركة الله. والله لو امرتنا ان نخوض البحر لخضناه معك لو قلت لنا امش على البحر هنمشي معك. ولو امرتنا ان نسير الى برك الغماد ده مكان في الحبشة. لو قلت لها امشوا من مكة لحد الحبشة - 00:49:31ضَ

والله يا رسول الله امرتنا ان نسير معك الى برك الغماد لسرنا معك. سر يا رسول الله على بركة الله فلعل الله يريك منا ما به عينك. صل يا رسول الله على بركة الله فلعل الله يريك منا ما تقر به عينك - 00:49:51ضَ

عمير بن الحمام رضي الله عنه اللي في هذا اليوم النبي يقول قوموا الى جنة عرضها السماوات والارض في دي شوية التمر كان بياكلهم قبل المعركة. قال يعني يا رسول الله جنة عرضها السماوات والارض. بخ بخ يا رسول الله. قال وما يحملك ان تقول بخ بخ - 00:50:11ضَ

قال جنة عرضها السماوات والارض. اللي يحول بينه وبين الجنة شوية تمرات اكلها فالقى التمرات. ايه؟ اه انها لحياة طويلة حياة طويلة نفضل قاعد مستني ناكل شوية طبقات حياة طويلة. فالقى التمرات وقاتل في سبيل الله حتى قتل. كان من اوائل من استشهد في غزوة بشر - 00:50:31ضَ

هؤلاء الصحب الكرام اللي ربنا قال في الاية رقم اربعة وسبعين اولئك هم المؤمنون حقه ان نجد رجل كخيثمة وولده الاتنين بيتنافسوا مع بعض من اللي يخرج لغزوة بدر. فواحد يقول يا رسول واحد خيثمي يقول آآ انا اخرج لهذا الاب وابنه - 00:50:51ضَ

قعد يقول لا يا رسول الله لا بل انا اخرج للجهاد. ففي الاخر يعملوا قرعة وتطلع القرعة على سعد على الولد فيقول لابوه والله يا ابتي لو كان غير الجنة لاثرتك. لو كانت دنيا كنت بتاخدها - 00:51:11ضَ

نساء خدهم. اي حاجة تانية خدهم. بس دي الجنة. والله يا رسول الله لو كانت والله يا ابتي لو كانت غير الجنة لاثرتك رضوان الله عليه اجمعين. دول الناس اللي جمعوا في قلوبهم بين صفاء النفوس. والصلاح الداخلي وبين الصلاح - 00:51:30ضَ

الخارجي فنصرهم الله عز وجل واعانهم الله وسدد الله عز وجل خطاهم وسدد الله موميهم فمكنهم في بدر. فمكن لهم في عشان كده نزلت الانفال عن النبي صلى الله عليه وسلم لمعالجة بعض الامور البسيطة الاخطاء البسيطة اللي حدثت في هذا الوقت - 00:51:50ضَ

بالنسبة لنا سهلة. بكرة ان شاء الله اتفضل. حاضر لله وللرسول حكمها لله وللرسول. لان احنا هنعرف ما هي لله وللرسول الحكم لله وللرسول لان النبي صلى الله عليه وسلم كما في الاية واعلموا انما غنمتم من شيء فان لله خمسه وللرسول وذي القربى واليتامى الى اخر الايات - 00:52:10ضَ

العلماء اجمعوا الى ان الغنيمة توزع كالتالي اربع اخماس توزع على ايه؟ على المجاهدين. والخمس الباقي قال الله سبحانه وتعالى فيه اصناف كثيرة لليتامى والمساكين وابن السبيل وذوي القربى والكلام ده. فكان النبي صلى الله عليه وسلم يقسمه على حسب حجة كل - 00:52:40ضَ

ايه على حسب حشرة كل قسم. فان كان الحكم لله الا ان ربنا جعل للنبي صلى الله عليه وسلم مساحة. وخد بالك من حاجة. خد بالك من حاجة. انت قلت لي - 00:53:00ضَ

ان الاموال جعل الله قسمتها لنفسه لم يجعلها لاحد. خد بالك من حاجة من يطع الرسول فقد فحكم الرسول هو حكم لمن؟ وحكم الرسول هو وحي من الله. وما ينطق عن الهوى ان هو الا وحي. بكرة ان شاء الله اذا ربنا احيانا مع صورة من امتع سور القرآن - 00:53:10ضَ

من امتع سور القرآن على الاطلاق. وانا باسميها دايما سورة التوبة ليه؟ ليه؟ يعني يعني هختم الدرس معكم باثر واحد. سيدنا عبدالله ابن عباس كان يقول ما زال الله عز وجل في هذه الصورة يقول ومنهم ومنهم ومنهم ومنهم ومنهم حتى قلت - 00:53:30ضَ

لن تذر احد من اهل المدينة الا قالت ومنهم. سواء الصالح او المؤمن والمنافق والكافر سورة التوبة من اخر ما نزل من القرآن. فطالما هي من اخر اية اللي نزلت على النبي صلى الله عليه وسلم كان لابد ان هي تكون ايه؟ جامعة شاملة حاوية - 00:54:00ضَ

سبحان الله! حكم المزاح نزل فيها. آآ المزاح. نزل فيها. شف بقى اصناف الناس هي سورة التوبة اتسمت بالفاضحة. سورة التوبة اتسمت بالايه؟ لان سورة التوبة من السور العلماء النفس اهتموا بها جدا. لان هي - 00:54:20ضَ

نفسيات الناس. الكل. اللي معه واللي معهوشه. واللي في الوسط عمل ايه؟ صورة من اروع الصور صورة يعني ولو ارادوا الخروج لاعدوا له عدة. بتتكلم عن الارادة. السورة بتتكلم ومنهم من يقول ائذن لي ولا تفتني - 00:54:42ضَ

ومنهم من يلمزك في الصدقات. خدت بالك آآ ولا على الذين اذا ما اتوك لتحملهم قلت لا اجد ما احملكم عليه. تولوا اعينهم تفيض من الدمع. سبحان الله! واخرون مرجون لامر الله. خلطوا عملا صالحا واخر سيئة. عسى الله ان يتوب عليه. وعلى - 00:55:02ضَ

الثلاثة الذين خلفوا. يا نهار ابيض! يا نهار ابيض! ده ما سابتش حد. التلاتين الف اللي خرجوا مع النبي كل واحد له حتة واللي قعده في المدينة كل واحد له حتة - 00:55:22ضَ

علشان طالما هي من اخر الايات السور اللي هتنزل على النبي لازم تكون ايه؟ جامعة شاملة. فان شاء الله باذن الله ناخدها بكرة كده. ونرى بقى مواقف الصحابة ياه! ياه - 00:55:34ضَ

هنشوف بقى اللي جاي للنبي بخمس تمرات. واللي جاي للنبي بتمرة واللي جهز الجيش. يا نهار ابيض! ونشوف الناس اللي لما بتتوب صح يتوب يفضل يعيط لحد ما يتعمى ابو لبابة واصحابه. وبنشوف كعب بن مالك وبلاء كعب بن مالك. وهلال بن امية ومرارة بن الربيع. وهنشوف مسجد الضرار - 00:55:44ضَ

اللي اتعمل مسجد الضرار اللي اتعمل وهنشوف الناس اللي اتخلفت عن النبي صلى الله عليه وسلم عامدة متعمدة. كل ده هيكون في سورة التوبة باذن الله تبارك وتعالى. اسأل الله سبحانه وتعالى - 00:56:08ضَ

ده كانت دروس قبل كده. ايه؟ ده المشكلة ان احنا متأخرين. احنا متأخرين نص جزء. تقريبا يعني ربنا سبحانه وتعالى يكرمنا كده بكرة ان شاء الله ناخد كده ايه التوبة التوبة ويونس ان شاء الله. وجوده يوسف وابراهيم والرعد. ان شاء الله ربنا - 00:56:18ضَ

كده بكرة ان شاء الله ايه؟ آآ فكروني مرة الشيخ محمد عبدالحليم ربنا يا رب يشفيه ويعافيه ويصرف عنه السوء. كنا في مرة في الحج مع بعض فالناس بقى ميتة بقى وتعبانة وفي حاجة اسمها التفويج في الحج مش زي العمرة كده خلاص العمرة تروح تركب الطيارة وتروح لأ ده الحج بقى - 00:56:38ضَ

تلاتة اربعة خمسة ستة مليون في وقت واحد. وبيروحوا مع بعض. فبتروح حاجة اسمها قرية الحجاج وبتبدأ يتفوج بقى ايه البلدان كل بلد تتجمع مع بعضها وبعد كده يفوت جزء جزء - 00:56:58ضَ

قصة طويلة كده. فالناس فعلا كانوا تعبانين جدا. فيادوبك اول ما وصلوا للصلاة اللي خلاص هيركبوا منها الطيارة كان آآ وقت المغرب دخل. فالشيخ محمد ايه ؟ قام جايب المغرب. وبعد ما صلى المغرب قام ايه ؟ قال ايه رأيكم يا جماعة؟ احنا اليوم لسة عندنا طويل عايزين نصلي. ايه رأيكم نصلي العشاء فصلى - 00:57:08ضَ

فهو ما شاء الله دمه خفيف. قام قايل وانا عارف كمان ان انتم يعني على ما تروحوا مصر وتروحوا بيوتكم والسفر والكلام ده. ايه رأيكم اجيب لكم الفجر والضهر والعصر كمان - 00:57:28ضَ

آآ فربنا يعينا كده بكرة ان شاء الله ونقدر نكمل كده ان شاء الله ناخد التوبة ويونس ان شاء الله ربنا بس باذن الله تبارك وتعالى. كنت عايز اسأل سؤال انتم حاسين بتغير في الصلاة؟ واحد - 00:57:38ضَ

واحد ولا حاسين انه ان انتم تقرأوا قرآن جديد ما شاء الله. ادعو بقى ان ربنا يعينا وييسر لنا الامر. النهاردة يا اخواني الجزء العاشر اخواني النهاردة احنا في الجزء العاشر. تلت رمضان خلص. احنا النهاردة في الجزء العاشر. انا دايما باسمي العصر - 00:57:58ضَ

الاوائل دول للصادقين وبتوع الاونطة. فيه شباب كده يعني برضو مش عايز برضو نقول له عشان في شباب فعلا محب لله بس ضعيف الهمة. بييجي اول تلات اربع خمس ست سبع تيام تمان تيام من رمضان. اليوم التاسع والعاشر تلاقي الدنيا ايه - 00:58:28ضَ

انا دايما بسمي العشر تيام الاواسط بتوع رمضان دول فعلا الصادقين. ما هو برضو العشر تعمل الاواخر بتوع رمضان ايه اللي بيحصل اه يعني الناس كلها بقى ايه ياللا. انما فعلا والله يا اخواني الصادق هو اللي بيكون حريص على هذه الايام العشر - 00:58:48ضَ

العشر تيام اللي في النص دول اللي هيبدأوا من ليلة بكرة ان شاء الله. ربنا يا رب يوفقكم ويكرمكم. شدوا حيلكم العشر تيام الاوسط من رمضان وقت غفلة بالنسبة للناس. الناس كلها بتبقى في غفلة بقى خلاص. اللي كان نفسه قصير وهبط وقعد خلاص. واللي بينشن على ليلة القدر - 00:59:08ضَ

هو مستني العشر تيام الاواخر انما العشرة الاوسط دول غفلة. غفلة. والنبي صلى الله عليه وسلم كان دايما بيذكر لنا وبيعلمنا ان اوقات الغفلة العمل فيها ايه ؟ بيضاعف عبادة في الهرج. وقت المعاصي والفتن كهجرة الايه ؟ كهجرة الي. ليه العمل الضعف؟ - 00:59:28ضَ

ليه ربنا سبحانه وتعالى جعل كل الخيرات تقسم في التلت الاخير من الليل؟ ليه؟ وقت غفلة. ليه ربنا سبحانه وتعالى جعل ساعة الاجابة في يوم الجمعة اخر ساعة قبل المغرب. اصل الناس كلها صلت الجمعة وراحت عملت ايه ؟ اكلت. وملت بطونها. من باب الطرفة كده. احد الشباب - 00:59:48ضَ

كاتب على على الفيس من ميت كم يوم آآ التعب اللي بيشعر به الانسان قبل المغرب بيجعلنا نشعر بمعاناة الفقراء في قلة واما آآ التعب اللي احنا بنشعر به بعد الفطار فده يخليك تشعر بمعاناة امرأة في الشهر التاسع في اتنين توأم - 01:00:08ضَ

فليه ربنا يجعل فنفس الكلام يوم الجمعة؟ الناس صلت وقايمة من بدري واكلت وملت عملت ايه ؟ ونامت. فوقت الغفلة بتاع الناس هو يوم ايه ؟ في يوم الجمعة هي الساعة اللي ايه ؟ اللي قبل المغرب. فجعل الله فيه ساعة - 01:00:28ضَ

فانا اوصي نفسي واياكم بهذه الاوقات لان هذه الاوقات ان كنا في رمضان وشهر مبارك والاعمال فيه تضاعف فالاعمال تضاعف واكثر في الايه؟ في العشر الاواخر. فيه نص على كده النصوص العامة اللي في وقت غفلة الناس الاعمال عند الله عز وجل ايه؟ ضعف. ربنا يا رب يوفقكم ويكرمكم شدوا حيلكم - 01:00:48ضَ

ربنا يثبتكم وربنا يا رب يجعلنا من اهل القرآن الذين هم اهل الله وخاصته. وصلى الله على نبينا محمد وعلى اله وصحبه وسلم - 01:01:08ضَ