باحث

احبابنا صلوا على البدر الاغر محمد بالنور السلام عليكم ورحمة الله وبركاته. اللهم لك الحمد كله ولك الشكر كله واليك يرجع الامر كله علانيته وسره. فاهل انت ان تحمد واهل انت ان تعبد - 00:00:00ضَ

وانت على كل شيء قدير. اللهم لك الحمد حتى ترضى ولك الحمد اذا رضيت ولك الحمد بعد الرضا. اللهم لك الحمد في الاولى والاخرة. اخواني واخواتي ما زلنا مع في مسألة الاجابة على هذا السؤال. لماذا احببناه؟ لماذا احببنا النبي - 00:00:24ضَ

صلى الله عليه وسلم واحنا بنعيش في هذا الزمن اللي احنا عايشين فيه وبنشعر فيه بكل معاني القسوة اللي بدنا نراها من وقت لاخر. لسة امبارح اليومين اللي فاتوا حصل ان اب بيجرد بنته في عز البرد من ثيابها وعايز يولع فيها النار - 00:00:39ضَ

اخ تاني يقتل اخوه علشان اختلف وعلى مبلغ مالي معين. وتالت ورابع وخامس في ظل مشاهد القسوة اللي احنا بنراها من حوالينا احنا فعلا محتاجين النبي صلى الله عليه وسلم. محتاجين منهجه في حياته. محتاجين رحمته في حياته. اللي ملى الدنيا كلها. رحمة صلوات ربي وسلامه عليه - 00:00:56ضَ

محتاجين النهاردة رحمته كزوج ومحتاجين رحمته كاب. محتاجين رحمته بامته في التشريع. محتاجين فعلا رحمة النبي صلى الله عليه وسلم. العالم الان بيئن من شدة القسوة. العالم الان يكاد يحتضر من شدة القسوة اللي بتحيط به من كل مكان. حتى ان القسوة اصبحت - 00:01:16ضَ

هي عبارة عن يعني الغطاء اللي بتتغطى به الكرة الارضية في زماننا هذا الا ما رحم الله. الدولة العظيمة الكبرى بتاكل الدولة صغيرة وبتاخد كل المقدرات والثروات الموجودة فيها. والغني بيأكل حق الضعيف والمدير بيضيع حق اللي شغال معه في الشركة. القبة - 00:01:36ضَ

ده اصبح فيه قسوة في تعامله مع ابنائه الابناء قلوبهم في بعض الاوقات. وان شئت فقلت في كثير من الاوقات بقت قلوب مليانة قسوة تجاه الاباء. الجار مع جاره. مشاهد القسوة اللي - 00:01:56ضَ

ليل نهار اللي بنراها ليل نهار في حياتنا الا ما رحم الله في مظاهر للرحمة؟ اه في مظاهر للرحمة. ولكن ما عادتش هي الاصل. اصبحت عبارة عن الفرع والاصل الكبير القسوة اللي غطت العالم في هذا الزمان. القسوة اللي اللي احاطت بالعالم في هذا الزمان احاطة السماء بهذه - 00:02:10ضَ

الارض سبحان الله! احنا بنحب النبي صلى الله عليه وسلم زي ما ذكرت لكم الدرس اللي فات كلام الامام الغزالي رحمة الله عليه ان اي انسان احب احب انسانا اخر فما احبه الا للاصل من ثلاثة او لاصلين او ثلاثة من الثلاثة. اما لجمال الصورة اما لجمال الخلق واما لجمال - 00:02:30ضَ

الخلق واما لعظيم الاحسان. احنا بنحب النبي صلى الله عليه وسلم لما كان يتمتع به من مشاعر عظيمة ومن اخلاق كريمة صلوات ربي وسلامه عليه. من اعظمها بعد ما خدنا الدرس اللي فات الخلق المتعلق بالوفاء من اعظم اخلاق النبي صلى الله عليه وسلم - 00:02:50ضَ

وبها اثنى الله عز وجل على نبيه رحمة النبي صلى الله عليه وسلم. رحمة النبي صلى الله عليه وسلم اللي عمت كل شيء صلوات ربي وسلامه عليه الانسان منا بطبعه خلق ضعيفا - 00:03:10ضَ

زي ما ربنا سبحانه وتعالى قال وخلق الانسان ضعيفا والانسان بطبعه مخلوق من ضعف. الله خلقه الذي خلقكم من ضعف ثم جعل من بعد ضعف قوة ثم جعل من بعد قوة ضعفا وشيبا. دي طبيعة الانسان - 00:03:24ضَ

انه مخلوق من ضعف والضعف صفة ملازمة للانسان. لا تفارق الانسان بحال من الاحوال هذا الضعف يرافقه صغير ويرافقه ايضا وهو كبير في السن يرافق الذكر ويرافق الانثى يرافق الانسان في كل احواله - 00:03:41ضَ

احنا بنحب النبي صلى الله عليه وسلم جدا لانه راعى فينا الضعف ده ضعفنا واحنا صغار وراعى ضعفنا واحنا كبار راعى ضعف الرجال وراعى ضعف النساء حتى التشريعات اللي شرعها لنا كانت كلها مليانة رحمة - 00:04:03ضَ

حتى التشريعات والاوامر كلها كانت رحمة وحتى التشريعات اللي كان فيها قوة وشدة كان الاصل فيها رحمة عموم الناس سبحان الله ممكن الواحد في يوم من الايام يصوم والصوم فيه شدة وتعب لا بياكل ولا بيشرب - 00:04:19ضَ

ولكن سبحان الله بيخرج من رمضان وهو حريص على الفقير والمسكين فكان حتى التشجيع اللي فيه شدة وفيه منع كان كله رحمة للعالمين وما ارسلناك الا رحمة للعالمين راعى النبي صلى الله عليه وسلم الرحمة بالطفل الصغير - 00:04:37ضَ

والصغر وفي السن او صغره في السن ده في حد ذاته ضعف كبير جدا في قد ايه النبي صلى الله عليه وسلم كان رحيم كان النبي صلى الله عليه وسلم بيراعي هذا الضعف جدا - 00:04:55ضَ

وكان بيسعى دايما ان يسعد كل انسان في هذه المرحلة من مراحل الضعف كان النبي صلى الله عليه وسلم تشوفه في رحمته بابناء المسلمين. فضلا عن ابناء ابنته او بابنائه وبناته حاجة سبحان الله - 00:05:07ضَ

احنا محتاجين الرسالة دي توصل النهاردة لكل اب وتوصل لكلام كلاب وكل ام تجرد في يوم من الايام من مشاعر الرحمة وتعامل مع ولاده بقسوة افتكروا ان النبي صلى الله عليه وسلم كان من اعظم رحماته. صلى الله عليه وسلم. رحمته بالاطفال الصغار - 00:05:23ضَ

بص معي هناك وشف كده ابا عمير الطفل الصغير اللي كان عنده عصفور بيلعب به ومات وازاي النبي صلى الله عليه وسلم راعى ضعف الطفل ده فلما رآه يبكي ذهب النبي اليه فجثا على ركبتيه - 00:05:42ضَ

وقال ابا عمير ما فعل النغير؟ قالوا يا رسول الله مات نغره مات العصفور بتاعه فلا زال النبي يمازحه ويضاحكه حطوا اضحكه بعد ما بكى. ما سابهوش النبي صلى الله عليه وسلم غير بعد ما ضحكه وفرحه وادخل السعادة والسرور - 00:05:59ضَ

على قلبه صلوات ربي وسلامه عليه. بص معي هناك هتلاقي النبي صلى الله عليه وسلم بيصلي بين ايدين ربنا سبحانه وتعالى. وقلبه كان اخشع القلوب. وحاله صلى الله عليه وسلم في الصلاة له - 00:06:17ضَ

حال اخر ومع ذلك لما جاء الحسن او الحسين فصعد على ظهر النبي وهو ساجد اطال النبي صلى الله عليه وسلم السجود بالصحابة جدا اطال بهم السجود جدا لدرجة ان الصحابي بيقول انا فخشيت على النبي صلى الله عليه وسلم الشديد رضي الله عنه الشديد ابن عمرو فرفعت رأسي من السجود خشيت على النبي من طول السجود النبي عمره ما طول - 00:06:31ضَ

السجود كده فاذا بالغلام ينزل من على ظهر النبي صلى الله عليه وسلم. والنبي صلى الله عليه وسلم يقول الله اكبر فلما انهى صلاته قلت له بابي انت وامي يا رسول الله - 00:06:55ضَ

لقد اطلت السجود جدا فعلت شيئا لم تفعله من قبل هذا قال ان ابني هذا قد ارتحلني. ركب على ضهري فما احببت ان انزله حتى يأخذ مني حاجته. الله اكبر يا رسول الله. طب ده احنا - 00:07:07ضَ

ممكن نعملها في البيت. ده ازا بعض الناس عملوها في البيت. ولكن في المسجد وانت بتصلي بالناس والله شفتها بعيني. الاب لما ابنه طلع على ضهره في الصلاة وانا كنت جاي متأخر فشايف المشهد انا داخل المسجد وابنه على ضهره شال الولد ودفعه في قلب الارض والولد بيبكي ناس ما عرفتش - 00:07:21ضَ

يعني تصلي من بكاء الطفل والنبي يقول لأ انا ما رضيتش اقوم من السجود وهو يصلي بالصحابة. لحد ما ابني ياخد راحته تامة كاملة. وبعد كده ينزل براحته النبي اللي بعث رحمة لهؤلاء الاطفال - 00:07:41ضَ

الاطفال دول اللي شعروا بالفعل من النبي صلى الله عليه وسلم برحمة وحنية ما وجدوها مع اهاليهم. لدرجة ان انس بن مالك رضي الله عنه اللي كان عنده عشر سنين بيقول والله لقد كان رسول الله صلى الله عليه وسلم ارحم الناس بالعيال. عمري ما شفت حد كان عنده رحمة بالاطفال زي النبي صلى الله عليه وسلم - 00:07:57ضَ

لدرجة ان اطفال المدينة كلهم بعد صلاة الفجر يستنوا النبي صلى الله عليه وسلم على باب المسجد علشان كل واحد منهم ياخد من بركة النبي فيمسح النبي وعلى رأس هذا ويمسح على صدري هذا والنبي ييجي يطبطب على ظهر هذا كلهم واقفين مستنيين النبي صلى الله عليه وسلم عشان يذوقوا طعم هذه الرحمة - 00:08:18ضَ

اللي النبي صلى الله عليه وسلم بعث بها بص قدامك هناك هتفتكر النبي صلى الله عليه وسلم وهو ماشي في طريق المدينة. فوجد الحسين وهو يلعب مع الغلمان. فاخذ النبي يلعب - 00:08:38ضَ

معه ويجعل بيده هكذا فيأتي الغلام هكذا فيجعل نبيه هكذا. فيأتي الغلام كذا فيجعل النبي يده هكذا. ثم يأخذ النبي صلى الله عليه وسلم الحسين ويرفعه على ظهره ثم بعد ذلك يقول النبي صلى الله عليه وسلم اللهم اني احب حسين اللهم احب من يحب حسين. ده فين - 00:08:51ضَ

ده فين ؟ فين الرحمة النهاردة اللي الاب قاعد في البيت حاطط رجل على رجل بيلعب في التليفون ابنه جاي بعد مثلا طول نهار في المدرسة وبعد كده دروس والولد داخل البيت لقى والده ماسك التليفون فيقول له ازيك يا والدي ووالده مش هنا اصلا - 00:09:11ضَ

والده مش سامعه اصلا والولد يدخل يعني مكبوت لغرفته لان الاب مش هنا. الاب مش معه سيدنا الحسن او الحسين كان اذا اتى الى رسوله صلى الله عليه وسلم يأخذه النبي صلى الله عليه وسلم فيحتضنه ويقبله ويجلسه على فخذه ويعبر النبي عن الحب - 00:09:27ضَ

ويقول له اللهم اني احب هذا فاحبه الرحمة اللي كان النبي صلى الله عليه وسلم بيراعيها جدا في الاطفال دول. فكان دايما سعيد كان دايما بيسعى انه ازاي يسعد آآ آآ الاطفال دول - 00:09:45ضَ

النبي صلى الله عليه وسلم في يوم من الايام تجي له ثياب من الحبشة هدية من النجاشي فبدأ النبي يقلب فيها ويعطي هذه لهذا وهذه لهذا وهذه لهذا وسبحان الله تتبقى يعني جلابية صغيرة لبنت صغيرة كده. فالنبي يقلب النظر فيقول اين ام خالد؟ مين ام خالد دي؟ لا ده دي بنت - 00:09:58ضَ

الصحابي بنت الصحابي كان من الناس اللي هاجرت هاجر للحبشة وربنا رزقه بطفلة هناك كان بيكنيها بام خالد فقال فين ام خالد؟ هاتوا لي ام خالد فجاء الرجل اخذا بيد ابنته والبنت جاية للنبي صلى الله عليه وسلم فياخد النبي صلى الله عليه وسلم الجلابية الصغيرة ويلبسها لام خالد ويقول لها هذه - 00:10:19ضَ

في السنة هذه سنة البنت قاعدة طول عمرها في الحبشة فلسانها لسان حبشي. فالنبي يكلمها بالحبشية ويقول لها هذا سنة هذا سنة. اي هذا جميل عليك ده انت قمر ده انت قمر واربعتاشر في الجلابية بتاعتك. علشان يجبر بخاطرها صلى الله عليه وسلم. مين فينا بيعمل كده؟ لا انسى ابدا احد ابدا - 00:10:39ضَ

الكرام اللي كان بيصلي معنا في المسجد كان دايما يخش المسجد ومعه مجموعة من البستيليا التوفي او الحلويات في جيبه علشان كل طفل ييجي يسلم عليه بعد الصلاة يدي له وكان كنتم تشوفوا منزر الاولاد في المسجد قد ايه بيبقوا مرتبطين بهذا الوالد الكريم اللي سبحان الله كنت دايما بقول اذا - 00:10:59ضَ

كان هذا ارتباط الاطفال بهذا الرجل. اموال كان ارتباط اطفال المدينة بالنبي صلى الله عليه وسلم كان شكله عامل ازاي؟ النبي صلى الله عليه وسلم بعث في ما كانوش اصلا يعرفوا يعني ايه الرحمة بالاطفال. ما كانوش اصلا يعرفوا طعم للرحمة - 00:11:19ضَ

الاقوع ابن حابس قعد بين ايدين النبي صلى الله عليه وسلم فيدخل الحسن او الحسين على النبي صلى الله عليه وسلم فيأخذه ويقبله والاقرع ابن حابس مستغرب فيقول له يا رسول الله يعني يا رسول الله يعني هو هو انتم تقبلون ابناءكم تقبلون صبيانكم - 00:11:35ضَ

قال نعم. فقال ان لي عشرة من الولد ما قبلت منهم احدا. الاقرع ابن حابس قبل اسلامه هو صورة لكتير جدا من الاباء الموجودين في حياتنا اللي عمرهم ما دوقوا ولادهم طعم للرحمة. سبحان الله! فيقول فيقول ان لي عشرة من الولد ما قبلت منهم احدا. فالنبي - 00:11:54ضَ

وسلم يضع قانون داخل الدستور النبوي فيقول اواملك ان نزع الله من قلبك الرحمة اللي انا عملته مع ابني ده نوع من انواع الرحمات قد ايه النبي صلى الله عليه وسلم كان بيراعي ضعف الابن او ضعف البنت او ضعف الطفل الصغير كانت فاطمة بنت النبي - 00:12:14ضَ

صلى الله عليه وسلم اذا دخلت على رسول الله صلى الله عليه وسلم قام اليها النبي صلى الله عليه وسلم واخذ بيدها وقبلها. هنا رواة الحديث مختلفين. وقبلها الهاء دي عائدة على ايه - 00:12:34ضَ

هل هي عائدة على فاطمة فكان يعني باسة من خدها او بين عينيها والعائدة على يدها اقرب مذكور. كان النبي صلى الله عليه وسلم يأخذ بيدها ويقبلها. وعلماء اللغة العربية بيقولوا ان الضمير بيعود لاقرب مذكور. يعني كان النبي بياخد ايد فاطمة ويقبل فاطمة. قارنه بين النموزج ده ويجي النبي - 00:12:50ضَ

سامية قعدها جنبه على نفس الكرسي اللي كان قاعد عليه. وسبحان الله علشان يعطيها من حنانه صلوات ربي وسلامه عليه. تخيلوا الرحمة دي النهاردة مدرسة بتشتكي وبتبكي بكاء مرير بتقول انا يعني كتبت قلت للاولاد في المدرسة لما جوزها دخل عليها ولقاها بتبكي - 00:13:10ضَ

فبيقول لها بتبكي ليه؟ قالت له انا طلبت من الاولاد في المدرسة ان هم يعملوا موضوع تعبير. نفسك تكون ايه؟ فاللي قال انا نفسي اكون زابط. واللي قال انا نفسي اكون مدرس - 00:13:30ضَ

قال انا نفسي اكون قاضي واللي قال نفسي اكون لاعب كورة. واللي قال انا نفسي اكون مذيع. ومن ضمن الكراريس واحد كتب الموضوع بتاعه بيقول انا نفسي اكون تليفزيون فبتقولوا بدأت بقى ان هي تكلم زوجها عن الموضوع ان الولد بيقول ان هو بيرجع البيت من المدرسة فيلاقي الاب قاعد قدام الماتش مش عايز يكلمه - 00:13:40ضَ

والام قاعدة قدام الطبخ بتاع النهاردة وما حدش بيكلمه. واخواته قاعدين قدام برامج التوك شو وما حدش بيكلمه. فهو بيقول من كتر ما العيلة عندنا مرتبطة بالتليفزيون وما حدش بيفكر في. انا نفسي اكون تليفزيون علشان انال اهتمامهم واعجابهم. زي ما هم بيهتموا ومعجبين جدا بالتليفزيون - 00:14:01ضَ

تبكي الام اكتر واكتر اللي هي المدرسة. فزوجها بيقول لها طيب وايه المشكلة ان الولد يعمل كده؟ يعني احنا ما لنا ومال ما هو ولد اكيد اهله مقصرين معه فقالت له بس هي المشكلة ان الولد اللي كاتب الدرس ده او اللي كاتب موضوع التعبير ده هو ابنك اللي موجود عندي في الفصل. ابننا اللي احنا - 00:14:21ضَ

للاسف كنا مشغولين عنه كاتب انا نفسي اكون تليفزيون الرحمة للنبي صلى الله عليه وسلم كان بيعطيها. لا اقول لابنائه ولا لابناء ابنائه ولكن الرحمة اللي كان النبي صلى الله عليه وسلم بيراعيها في ضعف كل طفل صغير. قد ايه النبي صلى الله عليه وسلم كان بيرحم هذا؟ لدرجة ان النبي - 00:14:41ضَ

صلى الله عليه وسلم يقول انني لا ادخل الصلاة اريد ان اطيلها. فاسمع بكاء الطفل. فالنبي يرحم هذا الطفل في بكائه ويرحم الام اللي هتكون مشغولة بابنها فيتجوز النبي صلى الله عليه وسلم في صلاته علشان مش عايز يأذي الطفل ده او يشق على هذا الطفل - 00:15:02ضَ

الله اكبر! ايه الرحمة دي! مش باقول لكم احنا محتاجين اوي الرحمة دي في حياتنا وتكون الرحمة دي موجودة في زمانا! احنا محتاجين النبي يكون وسطنا وان كان ربنا سبحانه وتعالى قد حرمنا من لقيام. فمنهجه لسه وسطنا. طبقوا المنهج ده. تشعروا بالحياة اللي كانوا شاعرين بها زمان. رحمة النبي صلى الله عليه - 00:15:22ضَ

اولا ما كانتش مع الطفل الصغير وبس ولكن كانت رحمة النبي صلى الله عليه وسلم واصلة ايضا لنوع تاني من انواع الضعف اللي ممكن يعتلي الانسان. الضعف ده ما هو المتعلق بالانسان كبير السن؟ الانسان كبير السن بيوصل لمرحلة من الضعف لا يعلمه الا الله. بنشوف في زماننا دور المسنين اللي بدأت تنتشر في - 00:15:42ضَ

في كل مكان. وانا لا انسى ابدا والله انا لا انسى ابدا من كم سنة كنت بعمل برنامج رمضان آآ في السويس. وانا في السويس كنت عايز اعمل البرنامج كل حلقة في المكان الخاص بتاعها. فهتكلم عن بر الوالدين. طب تعالوا نتكلم عن بر الوالدين في دور في دور رعاية المسنين. عشان نشوف - 00:16:02ضَ

ان في ناس مهملة لابائها ولاهلها بهذه الصورة. وانا بصور الحلقة دخل علي والد كريم تجاوز السبعة وسبعين سنة. وهو غرقان في دمه وشاش هنا ومتعور هنا ومش عارف ايه هنا وسبحان الله وقفت الحلقة وبسرعة قمت ان انا يعني اقعد معه فكل ما ابقى اكلمه - 00:16:22ضَ

بكاء شديد بكاء شديد بكاء شديد فسألت والدنا الكريم تبي تبكي ليه؟ قال لي يا ابني انا انا مشكلتي الاساسية ان انا ابني يعني ابني قيادة كبيرة جدا زابط كبير جدا - 00:16:42ضَ

انا من قيمة كام يوم خارج اجيب حاجة من برة الدار جت عربية خبطتني انا واخدت حوالي سبعة واربعين غرزة في جسمي. في الراس وفي الايد وفي الضهر وفي البطن - 00:16:57ضَ

في الوش لما كلمت ابني ان انا سايح في دمي وفي المستشفى كلموه آآ يعني ابوك مريض وبيموت ما كلفش خاطره انه يكلمني ولكن بعت لي عسكري علشان يطمن علي - 00:17:07ضَ

ده وجعي وقهرتي من اللي ابني عمله في يعني اشد بكتير جدا من الالام الموجودة في جسمي والخياطة والقطع والكلام اللي انا شفته في قلب المستشفى النبي صلى الله عليه وسلم كان بيراعي الحتة دي اوي - 00:17:21ضَ

يراعي الضعف اللي بيصيب كل انسان كبير بص معي هناك وتعال نرجع كده نركب بساط الزمن ونرجع كده شوية ورا. سنة تمانية من الهجرة النبي صلى الله عليه وسلم داخل فتح مكة - 00:17:36ضَ

وابو بكر الصديق رضي الله عنه دخل لبيت ابيه ابي قحافة. وجاب ابو قحافة وكان شيخا كبيرا كبير السن. شعر لحيته ابيض شعره ابيض فاتى به وقد انحنى ظهره ليدخل على رسول الله صلى الله عليه وسلم ليعرض النبي عليه الاسلام. والنبي اول ما يشوف هذا الموقف ان - 00:17:50ضَ

الصديق يعني حمل والده هذه المشقة علشان يجيبه من البيت للنبي صلى الله عليه وسلم. غضب النبي صلى الله عليه وسلم وقال يا ابا بكر هل هل تركت الشيخ في بيتك حتى اكون انا اتي؟ انا اللي اروح لابي قحافة لحد عنده لحد بيته اكراما لهذا السن واكراما - 00:18:10ضَ

لهذا السن اللي وصل اليه آآ ابو قحافة وبص معي كده ونسيب الموقف ده في مكة ونروح بسرعة على المدينة والنبي قاعد في المسجد النبوي عمال يتكلم مع الناس ويذكر الناس. والصحابة ماليين المسجد والناس كلها بتبكي ومشاعر كده عظيمة جدا - 00:18:29ضَ

جوة المسجد ومرة واحدة النبي قاعد في القبلة زي ما انا قاعد كده بيكلم الناس والناس حوالين النبي كتير يرى النبي صلى الله عليه وسلم في اخر المسجد رجل كبير السن - 00:18:50ضَ

قد انحنى ظهره داخل متكئ على عصا والصحابة بصوا على هذا الرجل لان هم خدوا بالهم النبي بيبص ايه على ورا بيبص ايه ورا فبيبصوا فلقوا هذا الرجل فكل واحد رجع وشه تاني ولا كانهم شافوا حد - 00:19:00ضَ

فغضب النبي صلى الله عليه وسلم واشتدت موعظته حتى قال لنا ليس منا من لم يوقر كبيرنا. ليس منا من لم يرحم صغيرنا ليس منا من لم يعرف لعالمنا حقه. بيقول فالصحابة فتحوا لهذا الرجل الطريق كبير السن رحمة به وتوقيرا له لدرجة - 00:19:14ضَ

ان هذا الرجل دخل وقعد بين ايدين النبي صلى الله عليه وسلم تمس ركبتياه ركبتي رسول الله صلى الله عليه وسلم. لما الصحابة اتعلموا قد ايه النبي كان بيراعي ضعف هذا الانسان - 00:19:34ضَ

ويغضب النبي صلى الله عليه وسلم في يوم على بعض الائمة اللي ما بيراعوش هؤلاء كبار السن. فيقول صلى الله عليه وسلم ما اذا ام احدكم بالناس فليخفف فان فيهم الكبير. فيهم كبير السن ويجيب النبي صلى الله عليه وسلم تشريعات تراعي كبار السن لهم - 00:19:47ضَ

تشريعات خاصة كده تراعيهم. فالنبي صلى الله عليه وسلم يضع عنهم الصيام لان الله سبحانه وتعالى قال وعلى الذين يطيقونه يعجب عن هذا الصيام فدية طعام مسكين. خلاص ما تصومش طالما الصيام فيه مشقة وتعب عليك. ما تصومش ولكن اجتهد بقدر المستطاع انك - 00:20:06ضَ

تطعم عن كل يوم مسكين. النبي صلى الله عليه وسلم اللي كان بيراعي دايما حالة الضعف وانهيار القوة اللي كانت موجودة عند كبار السن. فكان النبي صلى الله عليه يمازحهم ويضاحكهم النبي كان بيقعد يخفف عنهم ويحاول بقدر المستطاع كده انه يخرجهم من حالة الضعف اللي هم فيه حالة الفرحة والسعادة - 00:20:26ضَ

السرور تدخل عجوز على النبي صلى الله عليه وسلم فيضحك النبي معها وتقول له يا رسول الله يعني سل الله ان ادخل الجنة قال انه لا يدخل الجنة عجوز فالمرأة - 00:20:46ضَ

خضت فضاحك النبي حتى بدت نواجذه وقال اما سمعت قول الله عز وجل انا انشأناهن انشاء فجعلناهن ابكارا قربا التراب انت يوم القيامة مش هتبقي عجوز ولا حاجة. ده انت هتبقي قمر اربعتاشر هترجعي تاني لسن التلاتين بقى. عز شبابك كده وعز - 00:20:56ضَ

جمالك وحاجة ما فيش بعد كده. ويضحك النبي ويخرج العجوز دي من عنده وهي في قمة فرحتها. وتدخل عليه عجوز اخر فيسألها النبي انت اسمك ايه فتقول له انا جثامة المزانية يقول لها لأ انت حسانة المزانية. كيف انت وكيف حالك ويضحك معها ويهزر معها - 00:21:16ضَ

صلوات ربي وسلامه عليه مراعاة لحالة الضعف اللي موجودة عندها. احنا النهاردة بنشوف ابناء لسه سامع مكالمة عن ام يعني بتشتكي للشيخ بتقول له انا عندي تمانية وتمانين سنة داخلة على التسعين سنة وانا نفسي اسمع صوت اولادي. اي قسوة ملت قلوب الاولاد - 00:21:36ضَ

دول علشان يسيبوا امهم بهذه الصورة بالاربع خمس شهور ما بيكلموهاش قسوة والنبي صلى الله عليه وسلم قال لا تنزع الرحمة الا امين شقي دي علامة شقاء العبد في الدنيا وعلامة شقاء العبد في الاخرة. النبي صلى الله عليه وسلم لا يضع لكبار السن حد تاني حتى سبحان الله - 00:21:56ضَ

يرحم ضعفهم حتى لو في حالة حرب او في حالة قتال. النبي صلى الله عليه وسلم يرسل الجيوش بتاعته لحالة حرب يقول لهم لو شفتم رجل كبير في السن شيخة - 00:22:16ضَ

سيبوه سيبوه ما تكلمهوش. ما حدش يقرب منه طالما كبير في السن. راجل ضعيف ارحموا ضعفه. الله! بس ده في الناس اللي بتعادينا. ايوة ما تبصوش هو مش هيقدر يعمل حاجة - 00:22:26ضَ

سيبوه في حاله. ايه ده ايه ده! ايه الرحمة دي ايه الرحمة دي؟ ايه مراعاة ضعف الانسان في موطن الكبر ده اللي كان موجود عند النبي صلى الله عليه وسلم. امر عجيب والله من في حال النبي صلى الله عليه وسلم - 00:22:38ضَ

شوفوا العالم الان وازاي قسوته على كبار السن وازاي تطاول العالم الان على كبار السن فضيع حقوق كبار السن وضاعت كرامتهم وضاعت مجهوداتهم اللي عملوها زمان في وقت في وقت الشباب. سبحان الله! النبي صلى الله عليه وسلم يراعي حال هؤلاء - 00:22:56ضَ

مش كده وبس ومن اعظم حالات الضعف المتعلقة بالانسان هي حالة الضعف المتعلقة بالانثى. المتعلقة بالمرأة المرأة كائن ضعيف. مخلوق ضعيف مهما زعقت ومهما عملت هي حد ضعيف جدا. هي حد هش جدا - 00:23:16ضَ

حد ممكن بكلمة تتكسر خلاص. وده احنا هناخده في الدرس الجاي في جبران النبي صلى الله عليه وسلم للخاطر قد ايه النبي صلى الله عليه وسلم كان دايما بيراعي ان المرأة دي كائن كده هش - 00:23:33ضَ

لو واحد في يوم من الايام بص لها بصة ممكن تقعد ليالي وتبكي. او زعق لها او قال لها كلمة. فكان صلى الله عليه وسلم انموذجا في التعامل مع هذا الضعف - 00:23:46ضَ

البشري قد ايه النبي صلى الله عليه وسلم كان عارف ان المرأة ضعيفة جدا. زي الحديث اللي انا ذكرته لكم الان انني لادخل الصلاة فاريد اطالتها اتجاوز فيها لما اسمع من بكاء الطفل لما اعلم من وجد امه علي. امه دلوقتي وهي بتسمع بتسمعه وهو بيعيط هي دلوقتي قام منهارة بتعمل كده - 00:23:56ضَ

النبي صلى الله عليه وسلم يقول انا بخفف الصلاة علشان المخلوق الضعيف. المخلوق الضعيف ده المخلوق ده اللي فضل النبي صلى الله عليه وسلم يوصي به ويقول خيركم خيركم لاهله - 00:24:17ضَ

وكان صلى الله عليه وسلم لما يسأل عن خير الناس قال خياركم يعني خياركم لاهلهم. واحسن الناس هو من يكرم اهل بيته الام يكرم الاخت يكرم البنت يكرم الزوجة يكرم المخلوق الضعيف ده. المخلوق الضعيف ده اللي النبي صلى الله عليه وسلم ادى له عناية واهتمام اكتر - 00:24:28ضَ

من اي حد تاني. فلانه يعلم انه ضعيف فيوصي بالام تلات مرات وبالاب مرة واحدة امك امك ثم امك ثم امك ثم اباك سبحان الله امر غريب من النبي صلى الله عليه وسلم انه يراعي الضعف لهذه الحالة - 00:24:48ضَ

ويراعي الضعف ده مع البنت. لان البنت مخلوق هش ضعيف اوي. حاجة كده يعني بسكوتة والنبي صلى الله عليه وسلم يقول ان ما من احد يحسن الى ابنته ربنا سبحانه وتعالى يمن عليه ببنتين فيحسن اليهما - 00:25:03ضَ

ويفضل عليهما من جوده وكرمه ويتولى اصلاح ما ما يحتاجون الا كان معي في الجنة كهاتين. او الى تدخل الجنة كما قال صلى الله عليه وسلم. ويراعي ده مع الزوجة. ويراعي ده مع الزوجة. عارف ان هي كائن هش جدا. فكان صلى الله - 00:25:20ضَ

بيبقى حريص انه يعطيها ما تريد ويعطيها ما تحب. هو عارف ان هي لها متطلبات معينة وبتحتاج حاجات معينة. فتكون النتيجة النبي صلى الله عليه وسلم يمن عليها بهذه الرحمة العظيمة. ويعلم امته ازاي تكون الامة رحيمة بهذا المخلوق الضعيف. النبي - 00:25:40ضَ

الله عليه وسلم يقول حتى ما تجعل في في زوجتك لك بها اجر عشان هي هي المرأة دايما بتبقى محتاجة الحاجات البسيطة دي حط لها اللقمة في بقك يفرق معها كتير جدا وتعيش سعيد طول عمرك. النبي صلى الله عليه وسلم عارف ان المرأة بتحتاج تتكلم كتير. فكان صلى الله عليه وسلم مراعاة - 00:26:00ضَ

هذا رحمة بها. يقعد النبي صلى الله عليه وسلم ويبقى شهوة المرأة دايما في الكلام شهوة المرة فيك كم؟ عايزة تتكلم. فواحد يخش بيته اوه جينا لساعة الرغي. ارغي طب والله ما انا متكلمة. وهي تتكلم برضه هي مش هتسكت خدوا بالكم - 00:26:20ضَ

وسبحان الله النبي صلى الله عليه وسلم يقعد مع عائشة رضي الله عنها. تقول له يا رسول الله هو جه عليك يوم اشد من يوم احد؟ هو عارف ان شهوتك في الكلام. فيقول لها اه تعالي - 00:26:38ضَ

انا هحكي لك بقى واعطيكي ما اردت من الكلام. يوم ما ضربوني في مكة ورحت الطائف وعملوا فيها في الطائف ورجعتم ملك الجبال اطبق عليهم الاخشبين اني لفعلت او مشيت رحت دخلت مش عارف ايه وقابلت عباس وقلت له ايه عمال يحكي لها ده كله - 00:26:48ضَ

عمال يحكي لها ده كله وفي ليلة تانية تقول له يا رسول الله ما عرفتش دخل علي تسعة من النسوة وكل واحدة منهم عايزة تتكلم. فكل واحدة تكلمت تخيل بقى يعني انت ممكن تصدع من كلام زوجتك بس. طب تخيل - 00:27:06ضَ

تسمع دلوقتي كلام تسع نسوا والعاشرة هي عائشة رضي الله عنها. والنبي صلى الله عليه وسلم قاعد يسمع يسمع يسمع. وفي النهاية النبي عارف خلاص. كنت لك فيه زارع من ام زرع انت نور عيني يا عائشة. خلصت القصة - 00:27:19ضَ

سبحان الملك سبحان الملك! ايه الرحمة دي وكان بيراعي سبحان الله فيها آآ الحاجة اللي بتحبها الحاجة اللي بتحبها يعني لكم ان تتخيلوا ان البنات بيحبوا ايه يحبوا يغنوا ويحبوا يرقصوا. دي طبيعة فطرة جوة البنات اصلا. يعني البنات طبعهم كده بيحبوا كده يغنوا - 00:27:34ضَ

مع بعض يرقصوا مع بعض. والنبي صلى الله عليه وسلم خلاص يا بنتي غني وارقصي زي ما انت عايزة. طالما الكلام من ضبط وكلام طالما ما فيش مخالفات شرعية يخش النبي صلى الله عليه وسلم في يوم - 00:27:54ضَ

ويقيل شوية على السرير. والسيدة عائشة قاعدة ومعها جاريتان عمالين يغنوا بغناء يوم بعث. طبيعة البنات كده. البنات بيحبوا كده. الولد اصلا ايه الهبل اللي انتم بتعملوه ده! وينزل الواد يلعب كورة يروح مش عارف ايه! لأ هي شهوة البنت في كده. حاجة البنت في كده تغني شوية ترقص شوية. ده طبعها. خلاص غن - 00:28:04ضَ

ويدخل ابو بكر رضي الله عنه واول ما يشوف كده آآ عمالين يغنوا فيطعن السيدة عائشة في جنبها كده ويقول لها مزمار الشيطان في بيت النبي صلى الله عليه وسلم والنبي صلى الله عليه وسلم يرفع كده الغطاء عن وجهه ويقول يا ابا بكر دعهما فانهما في يوم عيد ولكل قوم عيد وهذا عيدنا معشر الاسلام. ابو بكر - 00:28:24ضَ

يغنوا ويهيصوا ويفرحوا ايه الضعف ده واشد لحظات ضعف المرأة لحظات وجود العذر الشهري عندها. لحظات ضعف غير طبيعية والنبي صلى الله عليه وسلم يراعي الضعف ده بصورة لا يتخيلها بشر. لك ان تتخيل السيدة عائشة رضي الله عنها تقول كنت وانا حائض اشرب من الاناء - 00:28:44ضَ

وضع النبي فاه على موضع في ويشرب. واتعرق العرق العرق اللي هو العضم اللي عليه لحم فيضع النبي فاه وعلى موضع في ويأكل. وكان النبي صلى ما بتقراش قرآن في الوقت ده. وكان النبي صلى الله عليه وسلم يضع رأسه على فخذي. وانا حائل ويقرأ القرآن يسمعني. الله اكبر! ايه ده - 00:29:04ضَ

ايه ايه المعاني العالية دي هي طبيعتها محتاجة كلمة حلوة. محتاج كلمة حلوة مش يعني انا دايما في حديث مشهور اوي كلنا عارفينه. دايما بقول صدق الذي قال في شأنه - 00:29:24ضَ

وما ارسلناك الا رحمة للعالمين النبي صلى الله عليه وسلم خارج يودع جيش الزات السلاسل جزء من المدينة طالع للجهاد. والجزء الباقي بقى الرجال والنساء والاطفال طالعين يودعوا اهلهم المدينة مشى المدينة كلها الان في الشارع - 00:29:37ضَ

وواحد يسأل عليه الصلاة والسلام يا رسول الله يا رسول الله من احب الناس اليك المقام بقى مقام الجهاد بقى ونتكلم عن الجهاد والفروسية والاقتحام. لا يقول النبي صلى الله عليه وسلم احب الناس الي عائشة قال له لأ مش بسألك على كده. طب ما هو النبي فاهم صلى الله عليه وسلم. النبي عارف النبي عارف ان انت بتسأله عن احب الناس اليه من الرجال - 00:29:53ضَ

النبي عارف ده كويس السائل طبعا هو عمرو بن العاص وسأل ده لان هو النبي صلى الله عليه وسلم بعته قائد لجيش غزوة زات السلاسل فهو حس ان هو ايه افضل من ابي بكر او عمر فيقول له من احب الناس اليك؟ فيحب ان الناس كلها تسمع فين؟ في المدينة. فقال له يعني يا رسول الله وانا احب الناس اليك؟ قال له عائشة. طب ما هو - 00:30:14ضَ

النبي عارف ان هو بيسأل عن عن آآ عن الرجال ولكن هنا سبحان الله النبي صلى الله عليه وسلم بيلقن المدينة كلها درس ازاي؟ تراع الضعف المتعلق بالمرأة. الله اكبر - 00:30:33ضَ

فيقول له احب الناس الي عائشة. افضل حد عندي عائشة يا ربي طب ازا كان ده كلام النبي صلى الله عليه وسلم امام الخلق امام العالمين ما بالكم بكلام النبي صلى الله عليه وسلم في بيته؟ كان يقول بقى في بيته ايه - 00:30:47ضَ

امر عجيب امر عجيب. هو ده اللي احنا محتاجينه رايحين نفهمه ان رحمة النبي صلى الله عليه وسلم كانت رحمة عظيمة جدا كان اي حد بيمر بمرحلة من مراحل الضعف على طول النبي صلى الله عليه وسلم موجود - 00:31:03ضَ

حتى سبحان الله دايما بقول احنا قد ايه محتاجين النبي صلى الله عليه وسلم في رحمته بالعالمين في كتير من الاوقات الحكومات اه اه في حياة تانية بعيدة تامة عن الشعوب - 00:31:19ضَ

هم عايشين في حتة والشعوب عايشة في حتة تانية النبي صلى الله عليه وسلم كان دايما قريب اوي من الناس مكان تشريعاته كانت دايما اوامره قريبة جدا من الناس يعني لكم ان تتخيلوا ان في يوم من الايام النبي صلى الله عليه وسلم يأتيه رجل ويقول يا رسول الله يعني يعني فعلت شيء كبير جدا مع زوجتي وانا صائم - 00:31:32ضَ

وقال النبي صلى الله عليه وسلم اعتق رقبة. قال له اصل انا ما عنديش قال له خلاص صم شهرين وتابعين. قال له ما اقدرش قال له خلاص تصدق تصدق على ستين مسكين. قال له ما عييش والله ما فيش - 00:31:53ضَ

وقعد النبي صلى الله عليه وسلم يكمل الدرس شوية وواحد من الصحابة جايب للنبي هدية ميكتل كده افة كده مليانة تمر وقال النبي صلى الله عليه وسلم اين المهلك لنفسه وضحك وهزار صلى الله عليه وسلم - 00:32:07ضَ

اين المهلك لنفسه؟ قال ها انا ذا يا رسول الله. قال خذ هذا فتصدق به. خد التمر ده. انا هاساعدك في الكفارة. على جريمة انت عملتها او على غلط كبير انت عملته. الله! يا رسول الله ده غلطان! ايوة حتى لو غلطان ايه المشكلة ان احنا نساعده يعني! خذ هذا فتصدق به. قال له يا رسول الله والله - 00:32:21ضَ

يعني بصوا بقى تخيلوا بقى ايه النبي يقول له خد ده تصدق به وهو بقى ايه وشه في الارض كده ورافع عينه ويقول له طب يا رسول الله يعني وعلى اهل بيت افقر من اهل بيتي والله - 00:32:41ضَ

ما بين لابتيها احد افقر من اهل بيتي يا رسول الله. فقال خذ هذا فاطعمه اهلك. ويضحك النبي صلى الله عليه وسلم حتى بدت نواجزه الصحابة في قمة ايه ده؟ ايه ده - 00:32:51ضَ

ايه الرحمة دي؟ حتى باللي كان غلطان سبحان الله! حتى باللي كان غلطان كانت فيه رحمة كده للنبي صلى الله عليه وسلم حتى مع اللي بيغلط. احنا في كتير من الاوقات اللي بيغلط مننا - 00:33:01ضَ

غلطة بحكم انه بشر بحكم انه ما نعرفش احنا بنسن السكينة عليه. وخلاص زي المثل العربي بتاعنا اللي موجود في مصر يقول لك دايما ايه؟ العجل لما بتكسر سكاكينه النبي لأ - 00:33:11ضَ

العجل لما بيقع بتقطر يعني جناحات الرحمة به. ده كان في زمن النبي صلى الله عليه وسلم. عبدالله بن حمار ده واحد شرب خمر. آآ اتجلد. لانه ضعيف شرب تاني اتجلد. في المرة التالتة جوة بيتجلد يعني النبي عارف ان هو بشر وبيحب ربنا وبيحب النبي. وده ذنب بيقع فيه - 00:33:24ضَ

فوهو بيجلده واحد من الصحابة قال اغزاك الله قبح الله وجهك. ما اكثر ان يؤتى بك لرسول الله! فقال صلى الله عليه وسلم لا تسبوا لا تسبوا والله ما علمت الا انه يحب الله ورسوله. لا ده بيحب ربنا. ده بيحب النبي. ده اللي انا اعرفه عنه. اما الذنب احنا بنكره الذنب. ولكن هو - 00:33:44ضَ

لا تكونوا عونا للشيطان على اخيكم ايه ده حتى اللي غلط اي ما حكم على اللي غلط عجيب قوي الحديس ده اللي عايزين نختم به درسنا اه كان يجوز في الصلاة - 00:34:04ضَ

ان انا اكلم عمر ازيك يا عمر وهو يقول الحمد لله. السلام عليكم يا عمر يقول لي وعليكم السلام ورحمة الله وبركاته ده كان جائز في الصلاة في اول مفوضة الصلاة - 00:34:23ضَ

الصحابة مجموعة منهم كبيرة طبعا هاجرت للحبشة وهم في الحبشة نزل حكم منع الكلام في الصلاة وقوموا لله قانتين ما حدش يتكلم في الصلاة فكانت النتيجة سبحان الملك. سبحان الملك - 00:34:33ضَ

ان لما جم بقى مهاجرات الحبش المدينة ما يعرفوش الحكم منهم معاوية ابن الحكم السلمي فبيقول انا دخلت مسجد النبي صلى الله عليه وسلم وبصلي الله اكبر فلقيت واحد عطس من قومه فطبيعي احنا على الحكم الاولاني ما نعرفش الحكم التاني فقلت ولا يرحمك الله - 00:34:46ضَ

قال فرماني القوم بابصارهم. شف شف شف المنهج. فرماني القوم بابصارهم. تحسوا كده ان رماني القومي بابصارهم ان حد حذفك بحاجة في وشك حرمان يقوموا بابصارهم. هو بيبصوا لي كده فقلت وذكروا اما اياه لما تنظرون الي هكذا؟ قال فاخذوا يضربون على اخذهم - 00:35:05ضَ

فعلمت انهم يسكتونني فسكت هو هو ايه اللي بيحصل ده يا جماعة؟ هو يعني عمالين يبصوا لي بصة كده من فوق لتحت وعمالين يخبطوا على هو ايه اللي بيحصل؟ قال سكوت - 00:35:24ضَ

فبعد ما انهيت الصلاة قال بابي هو وامي صلى الله عليه وسلم والله ما رأيت معلما قبله ولا بعده مثله فوالله ما نهرني ولا كهرني ولا ضربني ولكن قال لي يا معاوية - 00:35:35ضَ

ان هذه الصلاة لا يصلح فيها شيء من كلام البشر انما هي لذكر الله وقراءة القرآن. الله اكبر! حتى مع الغلطان يا رسول الله! اه حتى مع الغلطان. تكون فيه رحمة في تعليمه. رحمة في البيان له. رحمة ان احنا - 00:35:51ضَ

فهمه ونعرفه. رحمة ان احنا نقف معه في حالة ضعف ولحد ما نخرجه من حالة الضعف اللي هو موجود فيها كل انسان فينا عنده زنب وقع فيه. ما من عبد الا وله ذنب يعتاده الفينة بعد الفينة - 00:36:05ضَ

لو نظرنا للذنب يبقى احنا هنخسر كل الناس من حوالينا. ولو نظرنا للشخص والرحمة في التعامل مع الضعيف ده هنرحمه ونقف جنبه وناخد بايديه ونساعده لحد ما يعدي مرحلة ترك الذنب ان شاء الله. دي كانت رحمة النبي صلى الله عليه وسلم اللي سبحان الله هنحتاج - 00:36:19ضَ

ان احنا نكمل رحمته الدرس القادم باذن الله تبارك وتعالى دوروا كده على رحماتنا باولادنا. استاز ياسر خلاص بيطبطب على ابنه. ما شاء الله عملا بهذا الدرس وحسام بيطبطب على راس ابنه. ايوة كده هو ده اللي احنا محتاجينه. وانا محتاج حد يطبطب علي انا كمان. احنا محتاجين كده. محتاجين الرحمة دي - 00:36:36ضَ

محتاجين رحمة لتعم مجتمعنا ومش هنعرف ابدا ننشر هذه الرحمة الا لما نعرف ننشر منهج الذي بعثه الله عز وجل رحمة للعالمين دوروا النهاردة على حد في يوم من الايام انتم شديتم عليه شوية وقوموا يلا صالحوه وطبطبوا عليه وقولوا له معلش احنا احنا غلطنا واعزموه على الشيكولاتة. جزاكم الله خيرا - 00:36:58ضَ

هذا صلى الله على نبينا محمد واله وصحبه وسلم - 00:37:18ضَ