باحث

الحمد لله واشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم. اما بعد اهلا ومرحبا بكم في لقاء جديد من لايفات يوم الاتنين. طبعا لايف النهاردة ما ينفعش يكون في اي موضوع غير ان هو يكون موضوع عاشوراء - 00:00:00ضَ

موضوع عاشوراء موضوع الساعة لان يوم عاشوراء خلاص قريب آآ ايام نلتقي بيوم عاشوراء اه يوم عاشوراء طبعا معلوم يعني ان احنا العادي بتاعنا بيجي يوم عاشوراء بنصومه بناخد ان شاء الله الاجر وخلاص هو ده بالنسبة لنا يوم عاشوراء. لكن احنا النهاردة - 00:00:19ضَ

جايين نوسع بقى خالص. وعاملين لايف اسمه عاشوراء مش مجرد صيام. لا عاشوراء فعلا هو مش مجرد صيام. عشان كده خليني النهاردة ابدأ الاول موضوع الصيام برضو نكسب الموضوع ده نذكر به نفسنا. وبعد كده نتكلم بقى ايه هو عاشوراء بالنسبة لنا. اللي هو ليه بنقول عن عاشوراء؟ هو مش مجرد عملية ايه؟ مش مجرد - 00:00:37ضَ

عملية صيام. اه قبل ما نتكلم عن عاشوراء عايزين نرفع شعار كده. انتبه من فضلك انت في شهر الله المحرم. انتبه من فضلك انت في شهر الله الايه المحرم انتبه من فضلك. انت في شهر الله المحرم انت ما زلت في شهر من الاشهر الايه - 00:00:59ضَ

من الاشهر الحرم اشهر الحرم ثلاث متتابعات اللي هو ذو القعدة ذو الحجة ومحرم وفيه واحد لوحده اللي هو رجب فكونك انت طلعت من ذي الحجة انت لسه لسه موجود في شهر حرام. والله سبحانه وتعالى قال فيهن قال آآ يوم في اليوم - 00:01:21ضَ

ان عدة الشهور عند الله اثنا عشر شهرا في كتاب الله يوم خلق السماوات والارض منها اربعة حرم. ذلك الدين القيم فلا فلا تظلموا فيهن انفسكم. يعني الله سبحانه وتعالى يقول خصوصا الاشهر الحرم لا تزلم فيها نفسك. لان وضع الشهر الحرام - 00:01:43ضَ

مع الله سبحانه وتعالى غير اي شهر. فالحسنة تضاعف في السيئة تضاعف في اللي بيعمل زنب في الشهر الحرام. غير اللي بيعمل زنب في غير الشهر الحرام فالحذر الحزر انتم يا احباب في شهر الله المحرم. يعني يا جماعة اللي بيسمع اغاني خلي بالك انت في الشهر الله المحرم. اللي - 00:02:03ضَ

ولد انت في شهر الله المحرم. اللي يتفرج على اباحية. انت في شهر الله المحرم. اللي بيعاكس بنات. انت في الشارع المحرم. اللي ما بتصليش الفجر احنا بنتكلم في ايه؟ انتم في شهر الله المحرم ارفع شعار خطر كبير جدا لمبة حمرا الحق نفسك - 00:02:23ضَ

حاول تلم امورك مع ربنا. لان شهر الله المحرم غير. واللي مش بيتقي ربنا في المحرم مش هيتقيه في غير المحرم واللي مش بيتقي ربنا في شهر الله المحرم يكون وضعه عند ربنا يعني صعب. فلا تظلموا فيهن انفسكم. ده الايه؟ ده الكادر الاولاني اللي احنا عايزين نتكلم - 00:02:42ضَ

في اياك والمعاصي بالزات في الاشهر الحرم وخاصة شهر الله المحرم تمام؟ نمرة اتنين صيام المحرم كله جميل. يعني بغض النزر عن تاسوعاء وعاشوراء صيام المحرم جامد جدا. لان النبي عليه الصلاة والسلام قال افضل الصلاة - 00:03:02ضَ

بعد الفريضة قيام الليل. خلاص؟ صلاة الليل وافضل الصيام بعد رمضان صيام شهر الله المحرم. يبقى افضل صيام على الاطلاق بعد بعد صيام رمضان صيام شهر الله المحرم. فقال لواحد لو صام الشهر قعد صوم بقى فيه يوم ويوم يبقى جميل قوي. يعني ممكن صومه يوم - 00:03:20ضَ

في المحرم زودت اكتر ما فيش مشكلة. بحيس ان انت ايه تستغل فرصة الشهر الحرام وتعمل فيه صيام على قد ايه على قد ما تقدر. فعموما احنا الصيام في المحرم افضل شهر في في العام كله افضل من شعبان. افضل من شعبان - 00:03:40ضَ

افضل من رجب. افضل من اي حاجة. افضل صيام تصوم فيه في شهر الله المحرم. والجميل ان الصيام السنة دي محرم جاي في شهر سبعة ولا هيبقى في شهر سبعة وتمانية. يعني بص جاي في عز الحر. وده بيزود الصيام جمال. وده بيزود - 00:03:59ضَ

جمال لان السلف كانوا دايما يعني ايه بيحبوا الايام الحر دي؟ انتم عارفين آآ واحدة من السلف كانت تصوم الايام شديدة الحر. فقيل لها في زلك يعني يعني حرام عليك نفسك كده - 00:04:19ضَ

فقالت كلمة جامدة جدا قالت ان السلعة ان السلعة ازا رخصت اشتراها كل احد ان السلعة ازا رخصت اشتراها كل احد. يعني لو لو صيام الشتا سهل. فكل الناس بيصوموا في الشتا. لكن المميز بس هو اللي بيصوم في - 00:04:36ضَ

في الصيف. فالمفروض الحر بتاع الصيف يكون بالنسبة لك حافز مش محبط المفروض الحر بتاع الصيف يكون بالنسبة لك دافع مش محبط تمام فالمفروض ايه يعني كان آآ عارفين انتم آآ الصحابي ابو موسى الاشعري كان ركب مركب قبل كده - 00:04:53ضَ

حصل له كرامة في المركب ده انه سمع صوت الله اعلم ده صوت مالك ولا ايه؟ سمع صوتا ينادي اهل السفينة قفوا اخبركم بقضاء قضاه الله على نفسه. قالوا اخبرنا ان كنت مخبرا - 00:05:14ضَ

قال ان الله قضى على نفسه انه من عطش نفسه من عطش نفسه لله في يوم صائف في يوم صائف سقاه الله تعالى يوم العطش قالوا فكان ابو موسى الاشعري يتحين ويتخير الايام التي يكاد الانسان يفقد وعيه بسبب الصيام فيها وكان يصوم في هزه الايه - 00:05:28ضَ

الايام. معاذ ابن جبل رضي الله عنه لما حضرته الوفاة لما حضرته الوفاة سمعوه يقول سمعوه يقول اللهم انك تعلم اني احببت الدنيا من اجل غرس الاشجار ولا جري الانهار. ولكنني احببت الدنيا من اجل قيام ليالي الشتاء الطويلة - 00:05:50ضَ

وصيام نهار الصيف الحار. ظمأ الهواجر. انما احببت من اجل ظمأ الهواجر. ومن اجل قيام ليالي الطويلة واه كزلك في الحديث لما صاحب القرآن ينشق عنه القبر يأتيه القرآن يقول انا صاحبك ايه؟ القرآن انا الذي - 00:06:10ضَ

اسهرت ليلك واظمأت هواجرك. ازمأت ايه هواجرك؟ يعني انا كنت الدافع لك ان انت تصوم الايام شديدة الحر. فالانسان صاحب الهمة العالية اللي نحب ربنا اللي بيقرا قرآن يبقى عنده همة عالية فبيجي في سبعة وتمانية بيكمل صيامه عادي - 00:06:31ضَ

عادي جدا هيصوم اتنين عادي ما يجيش في الصيف يقول لها انا بص ايه في الشتا بقى ان شاء الله نصوم بس الصيف صعب شوية طب ليه؟ ده هو ده الكنز ده هو ده يعني يعني - 00:06:47ضَ

كانوا بيسموا الصيام في الشتاء الغنيمة الباردة لان هي سهلة. لكن ده غنيمة ايه؟ غنيمة ساخنة. غنيمة داخلة جاية بمعركة. فاكيد الاجر مش هيبقى واحد تعالوا بقى نخش على الموضوع بقى اللي احنا عايزين نتكلم فيه اللي هو السهل اللي هو الصيام الاول - 00:06:57ضَ

نمرة واحد هنتكلم على ايه؟ صيام يوم عاشوراء. ايه قصة يوم عاشوراء؟ لان احنا عندنا احاديس بتحسسك باللخبطة شوية ايه الاحاديس اللي اتلخبطت في صيام يوم عاشوراء اولا ان اه اه قريش - 00:07:13ضَ

كانت تصوم عاشوراء في الجاهلية قريش كانت ايه تصوم عاشوراء في الجاهلية قبل ما النبي يروح المدينة ولا يبقى فيه آآ اليهود ولا الكلام دوت. اصلا اصلا كانت اليهود تصوم - 00:07:27ضَ

عاش واقف الجاهلية. فلما بعث النبي عليه الصلاة والسلام كان النبي بيصوم معهم في الجاهلية في عاشوراء عادي. ولما بعث عليه الصلاة والسلام استمر عادي كان بيصوم عاشوراء معهم عادي برضو - 00:07:47ضَ

فهنا وبعد كده راح المدينة لا هم بيصوموا عاشوراء. اليهود. فسألهم عن زلك تبسموا عاشوراء ليه يا جماعة قالوا له والله هزا يوم نجى الله فيه موسى ايه؟ من فرعون فشكر موسى ربه فصامه وايه؟ وشكرا لله تعالى. فالنبي عليه الصلاة والسلام امر الناس بالصيام - 00:07:58ضَ

هنا انسان بيتلخبط شوية يقول هو هو مش احنا بنصوم عاشوراء عشان سيدنا موسى اه طب هم بقى في الجاهلية كانوا بيصوموه ليه وطب والنبي عليه الصلاة والسلام كان بيصوموا ليه بعد الايه؟ بعد البعثة هو فعلا ما كانش يعرف لغاية ما راح المدينة ان له علاقة اصلا بسيدنا موسى وهلاك - 00:08:16ضَ

فرعون والكلام دوت. فديت الايه الحتة اللي بتلخبط شوية. هو ايه سبب عاشوراء؟ الحقيقة ان ان اختلفوا في موضوع عاشوراء دوت. البعض لهم كزا كزا آآ ايه رأيي في الموضوع دوت؟ قولي الاول ان آآ اهل مكة اللي هم قريش كانوا يكسون الكعبة في هزا اليوم. يعني هي - 00:08:36ضَ

يعني تصادف تصادف هذا اليوم مع اللواء عاشوراء بتاع اليهود. كانت العرب تكسو الكعبة في هذا اليوم. فتعظيما لهذا اليوم وتعظيما بشأن الحدث كانوا يصومون ايضا في هزا اليوم كانوا بيصوموا كمان ايه؟ في اليوم دوت. ده قول تمام؟ فلزلك النبي عليه الصلاة والسلام كان بيصومه معهم. لان ده حاجة كويسة. حاجة مش وحشة. حاجة فيها قربة لله. حاجة فيها - 00:08:56ضَ

خير فكان بيصومه واقر على صومه عليه الصلاة والسلام بعد البعثة ربنا اقره على ان هو يكمل في صيام يوم عاشوراء ما لم ينكر عليه ذلك القول التاني ان قريش اذنبت ذنبا كبيرا. كانوا عملوا زنب كده فتابوا من هزا الزنب وجعلوا من تمام توبتهم ان هم يصوموا اليوم العاشر من - 00:09:23ضَ

محرم فكانوا بيصوموا اليوم العاشر فتوافق دوت مع آآ عاشوراء اللي هو بتاع اليهود القول التالت ان ده من من ما ورثوه من شريعة ابراهيم. انتم عارفين العرب كانوا تأثروا بدين ابراهيم طبعا. لان هم يعني كان اسماعيل عليه السلام عاش بينهم - 00:09:44ضَ

زمن طويل. طول حياته عاش ما بينهم. فكانوا متأثرين ببقايا من دين اسماعيل. عشان كده آآ عشان كده نلاقيهم ايه؟ بيحجوا وفي عرفة وفي مزدلفة وفي تعظيم الكعبة وفي آآ عندهم آآ حاجات بيعزموا فيها الايه - 00:10:01ضَ

بيعزموا فيها ملة ابراهيم عليه السلام فيقال ان صيام عاشوراء ده من الحاجات اللي بقيت بقيت من دين ابراهيم عليه السلام اللي ورثوها من دين ابراهيم عليه السلام. ويمكن مش معروف سببها في ملة ابراهيم عليه السلام. كان ايه؟ ولكن ده - 00:10:20ضَ

يدل على ان هي متوقع يبقى في كزا سبب لصيام عاشوراء في الجاهلية. واللي النبي صامه في الجاهلية وصامه بعد الاسلام عادي جدا. لغاية ما هو راح المدينة وبعد كده توافق بقى حصل ايه - 00:10:38ضَ

حصل توافق راح المدينة فاستغرب حصل ايه؟ ايه اللي حصل؟ كما يقول ابن عباس لما قدم النبي صلى الله عليه وسلم الى المدينة وجد يهود تصوم عاشوراء. فهو بالنسبة له ايه ده؟ طب احنا بنصوم واحنا عارفين ليه؟ طب احنا لنا سببنا. انتم ايه علاقتكم بالموضوع دوت؟ فقال لهم يا جماعة هو انتم بتصوموا - 00:10:54ضَ

عاشوراء ايوة الصيام يا جماعة آآ برضو اللي بيسأل صيام قريش وصيام اليهود كان الصيام من فجر للمغرب برضو عادي جدا هو ربنا قال كده في القرآن قال كتب عليكم الصيام كما - 00:11:14ضَ

كما كتب على الذين من قبلكم. فكان الناس قبل يعني في الديانات عموما بيصوموا برضو من الفجر للمغرب. واللي حصل من النصارى مؤخرا ان هم الصيام بتاعهم خمسة وخمسين يوم وان هم بيصوموا بس عن زوات الارواح ده من التحريف والتبديل. يعني ده ما كنش صيام النصارى ابدا. صيام النصارى كان بيصوم - 00:11:29ضَ

قوموا من الفجر للمغرب زينا وكان صيامهم تلاتين يوم برضو لكن هم بدلوا قالوا نزود المدة ونقلل الايه؟ الموضوع شوية. فقال لك ما نصومش عن كل الاكل نصوم عن زوات الارواح بس. الصوت واضح يا جماعة - 00:11:49ضَ

طيب نصوم عن زوات الارواح بس ما نصومش عن كل الاكل. ونطول المدة شوية. نخليها خمسة وخمسين يوم بدل تلاتين يوم. قصة طويلة يعني. لكن عموما الصيام في الملل السابقة كان زي الصيام في في الاسلام. كانوا بيصوموا الفجر للمغرب عادي. حلو؟ فلما راح النبي عليه الصلاة والسلام المدينة وجد اليهود ايه - 00:12:03ضَ

صوم يوم عاشوراء فقال لهم يا جماعة انتم بتصوموا عاشوراء ليه صوم عاشوراء ليه قالوا بقى راحوا قالوا له بقى ايه الحاجة اللي هو ما كانش يعرفها. قالوا هذا يوم - 00:12:25ضَ

نجى الله فيه موسى من فرعون. يعني اليوم اللي هلك فيه فرعون اللي غرق فيه فرعون قالوا فصامه موسى شكرا لله تعالى صامه موسى ايه؟ شكرا لله تعالى تمام النبي عليه الصلاة والسلام لما عرف كده - 00:12:36ضَ

قال نحن اولى بموسى منهم. نحن اولى بموسى منهم. هنشوف الكلام ده ليه؟ فصامه صلى الله عليه وسلم يعني صامه بقى بنية بنية زائدة زائدة اللي هي نية الفرح لموسى عليه السلام. وشكر الله على على النعمة اللي حصلت لموسى عليه السلام. فقال فصامه النبي عليه الصلاة والسلام وامر - 00:12:56ضَ

الناس بالصيام وامر الناس بالصيام ده هيخلي عاشوراء بقى فرض بعد ما كان مش فرض وده هيخلينا ايه اه خلينا نقف هنا وبعد كده استنى هقول لكم حتة كمان وبعد كده هرجع افصل شوية - 00:13:17ضَ

بعد كده ظل النبي عليه الصلاة والسلام بيسم يوم عاشوراء كان فرض على المسلمين يصوم عاشوراء في السنة الاولى من الهجرة والسنة التانية من الهجرة وبعد كده حصل ايه ان اتفرض رمضان - 00:13:33ضَ

حصل ان ايه ان حصل آآ آآ فرض صيام رمضان. فلما صار رمضان فرض النبي عليه الصلاة والسلام خفف عن الصحابة في عاشوراء. وقال لهم اللي عايز من يشاء ان يصوم عاشوراء فليصمه. ومن شاء ان يفطر فليفطر فرجع تاني صيام - 00:13:46ضَ

عاشوراء مستحب وده بيخلينا زي ما نقول كده ايه نفصل بقى هو عاشوراء مر بكام مرحلة مرت اربع مراحل مر به باربع مراحل احنا قلنا منهم تلاتة وهقول لكم رابعة دلوقتي - 00:14:02ضَ

المرحلة الاولى. المرحلة الاولى انه لم يكن واجبا وانما كان النبي عليه الصلاة والسلام يصومه كما كانت تصوم قريش. اما لبقايا من دين ابراهيم او تعظيما ليوم عاشوراء لان كان بتكسى فيه الكعبة - 00:14:18ضَ

بغض النظر عن السبب لكن هو كان بيصوموا معهم في الجاهلية وصاموا معهم في اول الاسلام. والله سبحانه وتعالى لم ينهه عن زلك. حلو الكلام؟ يبقى دي اول دي اول مرحلة في عاشوراء كان النبي بيصومه عادي ما كانش واجب. خلاص - 00:14:35ضَ

دي المرحلة الاولى المرحلة التانية لما النبي عليه الصلاة والسلام زهب الى المدينة وجد اليهود بيصوموا يوم ايه؟ عاشوراء وعرف العلة. فلما عرف العلة بقى عزم جدا يوم عاشوراء معظم جدا يوم عاشوراء ما بقاش سبب قديم او سبب يعني من من من حاجة تبع قريش لا ده بقى موضوع سيدنا موسى وهلاك فرعون فالموضوع كبر. فالنبي عليه الصلاة - 00:14:50ضَ

والسلام بقى امر الصحابة ان هم يصوموا يوم عاشوراء وجوبا فانتقل صيام عاشوراء من مسألة حاجة كانت بتحصل في قريش وبنعملها كده على سبيل الاستحباب. انتقل صار واجب. فبقى واجب صيام يوم عرفة - 00:15:16ضَ

عاشوراء وكان الصحابة رضي الله عنهم بيصوموه كما تقول آآ في الرواية قال كنا نصوم عاشوراء وكنا صبياننا كنا نصوم عاشوراء. وكنا نصوم صبياننا فاذا جاع احدهم جعلنا له اللعبة من العهن - 00:15:30ضَ

حتى يتلهى بها يعني كانوا بيصوموا عاشوراء. بيقولوا لما تيجي ايه لما الولا حد من العيال يتعب كده كنا نخليهم يصوموا العيال الصغيرة. فيقولوا لو يتعبوا ولا حاجة نديهم لعبة يقعدوا يتسلوا بها - 00:15:50ضَ

لغاية ما المغرب ييجي فده يدل على حرص شديد جدا على الصيام حتى كانوا بيخلوا الاولاد يصوموا عاشوراء. يبقى ده المرحلة التانية ان هو صار واجب. حلو الكلام؟ بعد كده - 00:16:02ضَ

شهر رمضان في السنة الثانية من الهجرة فرجع تاني صيام يوم عاشوراء مستحب النبي عليه الصلاة والسلام النبي عليه الصلاة والسلام آآ امر الصحابة ان يصوموا آآ عاشوراء في البداية ولما فرض رمضان آآ خيرهم عليه الصلاة والسلام فقال - 00:16:14ضَ

قال من شاء فليصمه ومن شاء فليفطر فيه. وبالتالي رجع تاني صيام يوم عاشوراء مستحب. وآآ كان خلاص الفضل بقى اللي احنا لسه هنقوله فضل عاشوراء اللي هو يكفر السنة الماضية ده هنقوله لوحده كمان شوية. في المرحلة الرابعة بقى اللي احنا لسه ما قلناهاش. المرحلة التالتة ديت اللي هي كان النبي عليه الصلاة والسلام يصوم فيها - 00:16:34ضَ

يوم عاشوراء آآ علشان طبعا موافقة موسى عليه السلام وهو اولى بموسى من اليهود. والعلة كمان كان متعمدة عليه الصلاة والسلام في اول العهد المدني. ايه هي العلة ديت؟ العلة ان هو كان يوافق اهل الكتاب - 00:16:56ضَ

كان عليه الصلاة والسلام يحب في اول الامر يحب في اول الامر ان يوافق اهل الكتاب. يعني يحاول يعمل او في حاجة مشتركة نقدر نعملها زيهم بيعملها. ليه؟ كان بيتودد او - 00:17:13ضَ

حاول النيابة يستعمل اسلوب دعوي تمام كان بيستعمل اسلوب ايه؟ دعوي بيحاول ان هو يقرب منهم. فلما يلاقي حاجة يقدر يعملها شبههم كان يعملها. زي مسلا ان هو كان بيصوم عاشوراء - 00:17:33ضَ

زي ما كان مسلا في اول العهد المدني كان بيستقبل بيت المقدس كقبلة مش الكعبة كل ده كان بيحاول يوافق اهل الكتاب فيما يفعلون رجاء ان يسلموا. يحسوا بدين الاسلام ما جاش بحاجات غريبة عننا وشبهنا في حاجات كتير. طب ما نخش الاسلام. فكان بيعمل كده عليه الصلاة والسلام - 00:17:52ضَ

حلو الكلام بعد كده بعد بقى فترة لما النبي عليه الصلاة والسلام شاف الويلات من اليهود قريزة بقى وبنو النضير وبنو قينقاع وغزوات والاحزاب ومحاولة قتل ومكر وكيد بالمسلمين بص يعني كل محاولاته - 00:18:14ضَ

ان هو يعني يخليهم يسلموا يعني للاسف ما اثمرتش فيهم حاجة. وبالتالي النبي عليه الصلاة والسلام حصل بقى في اخر حياته عليه الصلاة والسلام كان الاحب اليه ان يخالفهم خلاص ما انا انا بوافقكم عشان رجاء الاسلام. لكن بقى كمان مش هتسلموا. طب انا هخالفكم بقى عشان نتميز عنكم. يبقى ايه؟ العكس - 00:18:31ضَ

يحصل ان هو هيبتدي يتعمد مخالفتهم علشان يتميز عنهم ويبان بقى مسلم من الايه؟ من اليهودي والكافر عشان ما نبقاش شبه بعض في اي حاجة خلاص طالما ما جابش معكم نتيجة ان انا بحاول اوفقكم في عاداتكم. يبقى شكرا انا مش هعمل زيكم في اي حاجة وهعاكسكم في اي حاجة - 00:18:54ضَ

القبلة تغيرت. صارت القبلة الى بيت الله الحرام. وبعد كده آآ وبعد كده حتى عاشوراء خالفهم فيه. طب هيخالفهم ازاي بقى عليه الصلاة والسلام؟ يصوم يوم تاني؟ طب ما هو ما ينفعش. ما هو هو لازم يصوم اليوم دوت لان هو ده اليوم اللي صامه سيدنا موسى. فعمل حاجة ايه؟ جميلة - 00:19:13ضَ

قال طب انا هصوم تسعة وعشرة. مع بعض هي دي فكرة تسعة جت منين؟ من اين جاءت سعاد ده سعاد انا المخالفة بس. هو ما لوش فضل في زاته. وانما هو على سبيل المخالفة. فالنبي عليه الصلاة والسلام قال طيب طب انا بقى السنة الجاية لان بقيت الى قابل في - 00:19:33ضَ

حديث لان بقيت الى قابل يعني لو عشت للسنة الجاية لاصومن التاسع. لاصومن التاسع. طب ليه بتصوم التاسع؟ عايز اخالفهم. طب ما تخالفهم صوم يوم تاني غير عاشوراء ما هو ما ينفعش - 00:19:51ضَ

ما ينفعش اصوم يوم تاني غير عاشوراء ما هو عاشوراء. طب اخالفهم ازاي؟ هصوم التاسع بقى انتم فكرة التاسع لاصومن التاسع. علشان كده لما كانت فكرة ان التاسع ده مجرد مخالفة. العلماء قالوا ينفع التاسع وهيدفع حداشر - 00:20:04ضَ

يعني ينفع تصوم تاسوعاء وينفع تصوم حداشر لان الفكرة مش في تسعة تسعة نفسه انما الفكرة في المخالفة انك تصوم معه يوم وخلاص. فلو صمت تاسع تمشي صمت الحداشر تمشي برضه. فعشان كده التاسع او حداشر - 00:20:19ضَ

ما تفرقش كتير هي الفكرة في المخالفة وخلاص. تمام؟ فده اخر حاجة. طب هل النبي عليه الصلاة والسلام صام تاسوعاء؟ لا تقولوا لي ليه؟ يلا مين يقول ليه طيب سؤال كده تنشيطي - 00:20:36ضَ

هل النبي عليه الصلاة والسلام صام يوم تاسوعاء الاجابة لا ما صاموش ليه؟ مش هو قال حصوم يوم تاسوعاء ما صاموش ليه؟ مين يقول لي تمام. احسنتم. النبي عليه الصلاة والسلام لم يصم تاسوعاء لانه في الحقيقة لم يعش - 00:20:52ضَ

الى العام الذي يعني تلا كلامه عليه الصلاة والسلام. لانه مات عليه الصلاة والسلام. مات عليه الصلاة والسلام. يعني هو قال الكلمة دي في اخر سنة في حياته اصلا. يعني شوفوا هو كمان - 00:21:21ضَ

يعني اخر مخالفة اليهود لآخر لحظة لعلهم ان هم يسلموا. لكن للاسف آآ زلوا كده ما فيش فايدة فيهم لغاية اخر سنة حياته خالفهم في كل حاجة قبل ما يموت عليه الصلاة والسلام. حتى جه في الايه؟ في اخر سنة قال لان عشت الى قبل لاصومن التاسع ولكنه مات عليه الصلاة - 00:21:34ضَ

السلام لم يدرك زلك. لكن بقيت السنة. لان هو قال انا لو عشت حصوم فبالتالي خلاص حصل آآ هو كان ناوي كده يبقى آآ آآ نصوم زي ما كان ناوي عليه الصلاة والسلام. هيبقى كده عندنا صيام عاشوراء فهمنا قصته كلها. فهمنا المراحل الاربعة بتاعة صيام يوم عاشوراء. وآآ فهمنا تاسوعاء جه منين - 00:21:54ضَ

ولك والعلماء بيتكلموا في حداشر بدل تسعة لو انت ما صمتش تسعة. ازن كده الدنيا بقت ايه واضحة جدا. ده بينقلنا بقى للايه السؤال اللي بعد كده وهو ايه هي درجات صيام يوم عاشوراء؟ احنا قلنا مراحل صيام يوم عاشوراء - 00:22:14ضَ

انه كم مرحلة؟ اربعة هنتكلم هنا عن درجات صوم يوم عاشوراء. ايه درجات صيام عاشوراء طيب الدرجة الاولى الدرجة الاولى وهي ان يصوم الانسان عاشوراء فقط اي اليوم العاشر فقط - 00:22:35ضَ

فهذا له الاجر كامل اللي هو المذكور في الحديث يعني. قول النبي عليه الصلاة والسلام صوم يوم عاشوراء احتسب على الله ان يكفر السنة الماضية صوم يوم عاشوراء احتسب على الله ان يكفر ايه؟ السنة الماضية. يبقى يبقى هنا الصعب لو واحد صام عاشوراء بس - 00:22:52ضَ

تمشي تمشي ينفع ينفع. طب انا كده خدت الاجر خدت الاجر لان تاسوعاء له علة تانية مش ما لهاش علاقة بالاجر دوت حديث صوم عاشوراء لوحده يعني احتسبه على الله ان يكفر اليه السنة الماضية. فلو انسان صام اليوم العاشر فقط فله الاجر كامل ان هو يكفر عنه السنة الماضية - 00:23:13ضَ

يبقى دي المرتبة الاولى. المرتبة الثانية وهو ان يصوم الانسان العاشر والتاسع العاشر والتاسع او العاشر والحداشر او العاشر والحداشر ده المرتبة التانية ان انت تصوم يوم مع عاشوراء التاسع او الحداشر ده فيه اجر طبعا زيادة لان انت صمت يوم زيادة وصمت يوم في محرم - 00:23:35ضَ

واكيد الاجر هيكون زيادة وحققت مقصد النبي عليه الصلاة والسلام من المخالفة واتبعت هدي النبي عليه الصلاة والسلام بشكل امثل واكمل يبقى اكيد لك اجر اكيد اتم واكمل اعلى من كده - 00:23:58ضَ

اعلى من كده. التالتة المرتبة التالتة ان الانسان يصوم تسعة عشرة حداشر. صوم التلاتة مع بعض. فهتقول لي طب ايه؟ التلاتة مع بعض هتبقى فايدتها ايه؟ يعني ما ما هو ما هو المخالفة حصلت بالتاسع او الحداشر. والله هنا ده بيقولوا عليه احتياطي. يعني ايه احتياطي؟ يعني انسان بيحتاط - 00:24:13ضَ

كان يمكن بيخشى الانسان ان مسلا مسلا يحصل لا قدر الله يتبين في اخر الشهر لما ييجي يروا هلال هلال آآ سفر تمام يكتشفوا ان حصل خطأ خطأ في رواية محرم - 00:24:33ضَ

بدل ما عاشوراء كان عشرة يطلع كان تسعة او كان حداشر بسبب ان في خطأ زيادة يوم او نقص يوم. فالانسان لو صام تسعة وعشرة وحداشر يبقى هو اكيد اصاب عاشوراء سواء الرؤية طلعت صح او الرؤية ما طلعتش صح - 00:24:54ضَ

فالمهم يعني لو صام الانسان تسعة ومع عشرة وحداشر ده في اعلى الايه؟ اعلى منزلة. خلاص طيب آآ صيام يوم عاشوراء في الحديث يكفر يكفر السنة الماضية. يكفر السنة الماضية. حلو الكلام؟ هنا بقى ما معنى يكفر السنة الماضية - 00:25:08ضَ

يكفر السنة الماضية يعني آآ هل يكفر كل ذنوب السنة نقول لا صيام يوم عاشوراء يكفر الصغائر فقط ولا يكفر الكبائر صيام يوم عاشوراء بيعمل ايه بيكفر الصغائر وليس الكبائر - 00:25:31ضَ

لان الكبائر تحتاج الى توبة خاصة والدليل على كده ان ان احاديس تانية كان فيها برضو فضائل دلت ان هي معلقة على تجنب الكبائر قول النبي عليه الصلاة والسلام الجمعة الى الجمعة كفارة لما بينهما. ازا اجتنبت الكبائر. رمضان الى رمضان كفارة لما بينهما. ازا اجتنبت الكبائر. وهكزا - 00:25:57ضَ

فدل هذا الحديث على ان الاحاديث اللي فيها ان حاجة مسلا عمل زي صيام عاشوراء صيام عرفة يكفر سنة والمقصود به زي رمضان الى رمضان كده. يكفر الصغائر ولا يقوى على تكفير الكبائر - 00:26:18ضَ

الكباير تحتاج الى توبة مستقلة يبقى الانسان ما يتغرش. فاكرين احنا خدنا في الداء والدواء لما ابن القيم اتكلم على الغرور في الدرس التاني واقل من الناس آآ من يغتر - 00:26:35ضَ

من يغتر بصوم عاشوراء او بصوم عرفة ويقول ايه ويقول انا اعمل اللي انا عايزه وهيجي كده كده هصوم اعرف هصوم عاشوراء ويتكفر زنوب السنة كلها وابن القيم بيقول ايه ولم يدري هزا المغتر ان صوم رمضان والصلوات الخمس اعظم واجل من صيام يوم عرفة وصيام يوم عاشوراء - 00:26:49ضَ

وهي انما تكفر الصغائر فقط ازا اجتنبت الكبائر فرمضان الى رمضان والجمعة الى الجمعة لا يقويان على تكفير الصغائر الا مع انضمام ترك الكبائر اليها فيقوى مجموع الامرين على تكفير الصغائر - 00:27:10ضَ

فكيف يكفر صوم يوم تطوع كل كبيرة عملها العبد وهو مصر عليها غير تائب منها هذا محال صح زي ما اختنا بتقول ازاي مستحب يعني يقوى على تكفير كبيرة من الكبائر. فشفتوا شفتم الكلام القايم مهم جدا. بيقول ازا كان رمضان الى رمضان والجمعة الى الجمعة ورمضان ده اكيد رمضان رمضان اعظم - 00:27:31ضَ

طب من عرفة واعظم من عاشوراء نفس رمضان نفسه الجمعة اللي هي افضل من عاشوراء. ومن عرفة لم تقو على تكفير الكبائر. وكمان بتكفر الصغائر ازا اجتنبت الكبائر فكيف بصوم يوم مستحب؟ كيف يقوى على تكفير الايه الكبائر؟ فاحنا بنقول للناس الكلام ده عشان نحفزهم اه بس ما ينفعش انسان يغتر - 00:28:01ضَ

ويقول طب انا تمام انا كده ايه آآ انا كده آآ خلاص انا اعمل اللي انا عايزه افجر واعمل واخربها واجي اصوم عرفة اصوم عاشوراء والدنيا ايه والدنيا خلصت معي كده نقول لا - 00:28:24ضَ

صيام يوم عاشوراء انما يكفر الصغائر. اذا اجتنبت الكبائر يعني ايه يعني ايه ازا اجتنبت الكبار؟ يعني لو واحد بيتوب من الكبائر. هتقول لي اشتوب الكبائر يعني ما اعملش ولا كبيرة - 00:28:37ضَ

خالص ما هو انا مش ممكن لأ ما هو اجتنبت الكبار يعني ما عملتهاش او عملتها وتبت منها. تاني اجتنبت الكبائر يعني عشان دي دلوقتي هقول لكم فايدة مهمة جدا - 00:28:47ضَ

هتفرحوا بها يعني ايه اجتنبت الكبائر؟ يعني واحد ما بيعملش كبائر خالص طبعا صعب صعب الصلاة كاملة تعدي واحد ما عملش ولا كبيرة صعب شوية آآ لكن اجتناب الكبائر اما بعدم العمل ان انت ما عملتهاش او عملتها وتبت منها لان انت لو عملتها بتبت منها خلاص اكتئب من الزنب ايه؟ كمان لا - 00:29:00ضَ

لا ذنب له. يبقى كأني ما عملتهاش. كأني ما عملتهاش. صح؟ اولئك يبدل الله سيئاتهم ايه؟ حسنات. يبقى انا اما اكون ما عملتش كبائر او عملت بس تبت منها ييجي ساعتها عاشوراء او عرفة او الكلام ده يمسح ما عدا ذلك - 00:29:21ضَ

كل الصواير تتمسح تمام؟ ان تجتنبوا كبائر ما تنهون عنه نكفر. عنكم سيئاتكم وندخلكم ايه؟ مدخلا كريما. واضح يا شباب الفكرة ديت يبقى انا بقول لكم الكلام ده ليه بقى؟ مش عشان ائسك تقول لي طب ايه لازمته بقى؟ طب ما انا كده كده بعمل كباب. طب ما احنا لسه فيها يا ابن الحلال - 00:29:40ضَ

ما احنا لسة في ايه يا ابن الحلال احنا دلوقتي لسه بينا وبين عاشوراء ايام. صح طيب ما تيلا دلوقتي من الان الى قبل يوم عاشوراء متى ما تتوب من الكبائر كلها - 00:30:01ضَ

اللي ما بيصليش الفجر ابدأ صل من بكرة وقل يا رب دي توبتي. لن انقطع عن صلاة الفجر. اللي اللي متبرجة والتبرج من الكبائر. التبرج من الكبائر التبرج من الكبائر - 00:30:14ضَ

تتوب الى الله سبحانه وتعالى وتزبط حجابها توسع ثيابها تظبط الحاجات اللي بتتكشف من جسمها وهي نازلة. القصة اللي طالعة يعني الحاجات دي يا جماعة تتلم على طول. فانا لو تبت من الكبائر الكبائر ديت تمام؟ اللي بيرابي يتم الكبائر. اللي بيغتاب الناس بتجيب سيرة فلانة وفلانة ونقعد نتكلم - 00:30:28ضَ

ونقطع في فروة الناس من الكلام دوت. لا قدر الله بيزني اللي لا قدر الله بيشرب خمر فرصة اللي بيشرب مخدرات قبل عاشوراء نتوب يبقى انا كده اجتنبت الكبائر. خلاص. كل كبيرة بعملها في حياتي اجتنبها. يجي عاشوراء اصومه تروح كل الصواير تتكفر ايه؟ تلقائيا - 00:30:54ضَ

الكلام يا جماعة حلو الكلام طيب بعد كده عايزين نقول ايه نقول من معاني يوم عاشوراء بقى خلاص نطلع بره الصيام بقى شوية. ونخش في معاني تانية. من معاني يوم عاشوراء معنى جميل اوي - 00:31:16ضَ

وهو ان الانسان يستحي من الله سبحانه وتعالى صوم عاشوراء له معنى جميل هو معنى قوله تعالى والله يريد ان يتوب عليكم. صح لاحظ المعنى ده في عاشوراء معلش هو ليه - 00:31:32ضَ

اصلا ربنا يشرع لنا صوم يوم عاشوراء وليه يخلي صيامه يكفر سنة سنة ماضية ليه ليه هو من الزمه بذلك لا يلزمه احد. طب ليه بيعمل كده حسمنا بالعدل وخلاص. ليه بيدينا الفرص؟ ليه بيعمل لنا مواسم خير؟ ليه بيعاملنا كده؟ لان هو بيحب يتوب على الناس - 00:32:08ضَ

الله يريد ان يتوب عليكم فلاجل زلك عمل آآ ليلة القدر وعاشوراء وعرفة والحج آآ مش عارف يعمل ايه وآآ وكل بقى اللي هي فضائل الاعمال اللي هي بتكفر بتكفر بتكفر عن السيئات والكلام دوت. لانه سبحانه وتعالى بيدينا فرص هائلة هائلة علشان - 00:32:36ضَ

تكفر بها عنا سيئاتنا. حتى خلى الصغائر تتكفر تلقائيا بصوم يوم واحد. بس ازا اجتنبت الكبائر. انت عارف انت ممكن مسلا تكون عامل مليون صغيرة. مليون صغيرة في السنة مسلا. عارف لو ما عندكش كبائر فعلا او تبت من الكبائر كلها قبل عاشوراء تكفر كلها. مع انك انت مش فاكر اصلا عشر معشار الصغائر اللي عملتها. احنا - 00:32:59ضَ

بنعمل صور كتيرة جدا في اليوم ما ناخدش بالنا وبالتالي المعنى ده بيخليك ايه؟ بيخليك اولا تحب ربنا جدا لان الانسان جبل على محبة من يحسن اليه فازا تخيل بقى اللي بيحسن اليك هو ده اللي انت بتسيء اليه اصلا. يعني تخيل هتحبه قد ايه بقى؟ ازا كان انت بتسيء له وهو في نفس الوقت بيحسن اليك ويتودد لك - 00:33:20ضَ

ويدعوك اليه وهو غني عنك وانت ما لكش لازمة وانت ما بتفرقش معه حاجة ولا بتزوده ولا بتنقصه. طبعا هو بيعمل معي كده ليه يبقى انا احبه اوي. يا سلام! كل ده عشان عشان خاطر انا كل ده عشان عشان تدخلني الجنة. كل عشان انت بتريد ان تتوب علي - 00:33:41ضَ

والله انا هيبقى ما عنديش دم يبقى انا ما عنديش دم لو عصيتك تاني من الاخر يعني. هو ده اللي انا كنت عايز اقوله اللي هو ان ده بيأثر فيك كمان في عبادة الحياء. عبادة الحياة. لو انا عبرت عنها بالمصطلح البلدي - 00:34:00ضَ

نخلي عندنا دم يا جماعة. يعني يعني اللي هو مسترعن شرعي الحياء. نخلي عندنا دم بجد. يعني سلام يعني يا اخي ربنا يعمل معك كل ده كل ده ربنا بيعمله معك. وانت لسه انت لسة بتفاصلي في الحجاب البس ضيق ولا اوسع شوية وانت لسة بتقاوح في صلاة - 00:34:15ضَ

الفجر وانت لسة بتفاصلي في الاغاني وتقولي اصل الموسيقى ما فيهاش حاجة. اصل هيحصل ايه يعني لو سمعت الموسيقى اصل انا باحب تامر حسني. اصل انا ما باقدرش ابطل افلام - 00:34:35ضَ

اصل انا بحب المسلسلات. يا اخي خلي عندنا دم بقى معلش متزعلوش مني انا بتكلم عن نفسي يعني انا بقول عندنا اهو عشان انا بتكلم عن نفسي ايه اين الحياء من الله؟ يعني هو بيعمل معك كل ده؟ وانت بتفاصل برضه بتفاصل بتفاصل - 00:34:45ضَ

المنكرات وبتفاصل في الحرام وتقول له يا عم انا واحنا ما بنعملش حاجة غلط. يا عم ما هو كده كده يا ماما ربنا يعني المفروض انسان يستحي من الله يستحي من الله ان يكون هذا حال الله معه - 00:34:59ضَ

يعني هو ينزل الى السماء الدنيا في الثلث الاخير من الليل. يقول هل من تائب فاتوب؟ هل من مستغفر فاغفر له. وانا نايم وعامل كبائر قبل ما انام قبل ما انام - 00:35:12ضَ

اتفرجت على فيلم او اتفرجت على مسلسل او عملت العادة السرية او شفت حاجة اباحية او بنت كلمت ولد في التليفون وقفلت ونامت او الولد كلم بنت في التليفون التليفون وقفل ونام او آآ اغتابنا ناس قبل ما ننام. او شفنا حاجة حرام قبل ما ننام. وفي الوقت اللي انا بنام فيه اللي هو الساعة اتنين بالليل ده واحدة بالليل - 00:35:22ضَ

الله ينزل الى السماء الدنيا يقول هل من تائب فاتوب عليه؟ هل من مستغفر فاغفر له؟ هل من سائل فاعطيه؟ وانا دخلت نمت ومش هصلي الفجر ده ايه ده ده ايه ايه القلب الجامد ده - 00:35:42ضَ

يعني يا جماعة مش كده يعني مش كده يعني يعني شوية دم شوية دم بجد والله مش كده يعني. يعني ربنا يعمل معنا كده واحنا نعمل معه كده. طب عاشوراء ويكفر سنة والكلام ده كله. وفي الاخر انا انا برضو مصر - 00:35:57ضَ

برضو آآ وانا وانا اللي هخش النار او الجنة هو لا الجنة تزوده ولا النار تنقصه ولا ولا يفرق معه انت اصلا. انت هباءة لا قيمة لها قل ما يعبأ بكم ربي لولا دعاؤكم. عبادة بس العبادة هي اللي تخلي لك قيمة عند ربنا - 00:36:13ضَ

فانت الحاجة الوحيدة اللي بتخلي لك قيمة انت ما بتعملهاش. العبادة قيام الليل الصيام التوبة الى الله. ما تسمعش اغاني ما تسمعش افلام وسدسات تحفظ قرآن. تطلب علم شرعي بر الوالدين يا جماعة في ناس في ناس علاقتها بوالديها سيئة جدا قبل عاشوراء - 00:36:29ضَ

انت فاكر ان الدين هو الصيام والصلاة بس؟ والله لو صمت يوم عاشوراء وعرفة تمام وانت عاق الوالدين والله ما ينفعك شيء. والله ما ينفعك عاشوراء ولا ولا عرفة. لو انت عاق لوالديك. ولو انت بتأزي والديك. ولو انت - 00:36:44ضَ

بتسيء الى الجيران. ولو انت ما بتصليش الفجر. ولو انت بترابي ولو انت بتزني لو انت متبرجة. يعمل لك ايه يا عاشوراء وانت عامل كل يبقى الانسان ايه خل باله بقى. يبقى ربنا بيديني فرصة عرض بس العرض مشروط. قال لك ايه في عرض عندنا؟ ايه العرض يا رب؟ هغفر لك كل الصغير. ايه رأيك - 00:36:59ضَ

وانا مستغني عنك وانت اللي محتاج حلو جدا يا رب يا ريت. طب ما توم من الكبائر بس كده توم الكباير بس وكل حاجة والباقي والباقي معك اه الباقي معي ما تقلقش - 00:37:21ضَ

خلاص سهلة جدا اتوب من الكبائر المفروض ان هي سهلة جدا لكن ما اعرفش ليه احنا مخلينها صعبة جدا العرض قريب وهي ايام والعرض هيبدأ المستوى الانساني اولا يحب ربنا جدا يستحي منه جدا. يبقى كل النعم دي جاية لي. وكل العطاء وكل التودد دوت وكل الخير دوت وانا برضه - 00:37:33ضَ

مصمم ده مش كده يعني انسان يستحي من الله يوم عاشوراء بيمثل لي يوم الولاء والبراء يوم الولاء الولاء والبراء. يعني ايه يوم الولاء والبراء اليوم ده يا جماعة ليه قيمة كبيرة قوي وهي ايه؟ بيعلمنا قيمة الولاء والبراء - 00:37:55ضَ

ليه بقى؟ لان انت لو تأملت هو النبي عليه الصلاة والسلام كان بيصومه ليه كان بيصوموا علشان فرحا لموسى عليه السلام موسى نجا من فرعون لايت حلو هو سيدنا موسى ده كان رجل عربي - 00:38:20ضَ

لأ كان راجل آآ سعودي او يعني من آآ من الجزيرة لقى برضو طب سيدنا موسى كان ايه؟ كان من بني اسرائيل مين بني اسرائيل؟ بني اسرائيل اللي هم اصلا اللي بعد كده بقوا اليهود - 00:38:38ضَ

اللي هم حاولوا بعد كده حاولوا قتل النبي عليه الصلاة والسلام وعملوا في قريزة خانوه في قريزة وعملوا المكائد واكفر الناس اليهود بعد كده طبعا هو ده النبي بتاعهم تمام؟ فان النبي عليه الصلاة والسلام بيعلمنا الولاء - 00:38:54ضَ

ان الولاء ان نوالي على الاسلام والطاعة والتوحيد ولا نوالي على جنسيات ولا تاريخ ولا حضارات ولا ولا دم ولا نسب ولا شيء انما الولاء للاسلام فقط لزلك رغم اداء النبي عليه الصلاة والسلام لليهود. ورغم ان اليهود اكفر الخلق - 00:39:13ضَ

في زلك الوقت واشدهم خبثا الا انه صام فرحا لموسى عليه السلام موسى عليه السلام لانه مسلم موحد نبي كان كان يدعو الى الله. وده يوم انتصار اعز الله فيه الاسلام. وبالتالي انا اولى بموسى من هؤلاء اليهود - 00:39:37ضَ

اذا كفروا بموسى عليه السلام لان موسى بشر بمحمد عليه الصلاة والسلام تمام آآ الانسان ايه بيصوم بيفتكر المعنى دوت وبالنسبة لنا احنا بقى كمصريين يكون المعنى ابلغ ليه لان - 00:39:57ضَ

موسى آآ اليوم ده نجا من مين؟ من فرعون وطبعا بالنسبة لنا الفراعنة هو تاريخنا هو تاريخنا ودول اجدادنا. تمام فبالنسبة لنا المعنى ابلغ من اي شعب تاني لان في الحقيقة الطرف التاني الهالك اللي احنا بنفرح فيه - 00:40:20ضَ

هو فرعون المصري فرعون اللي ممكن يكون جد حد فينا تمام فرعون اللي هو اللي هو بيعتبر بيننا وبينه يعني في علاقة ما تاريخ او نسب او بلد او اي حاجة او جنسية او دم - 00:40:39ضَ

وبالتالي احنا بالنسبة لنا المعنى ده ابلغ. ايه ده احنا بنفرح لموسى على فرعون اه ده ده بيدمر لك كل حاجة بيدمر لك بقى انك انت بقى ايه ان انت بقى بتوالي - 00:40:57ضَ

على الجنسية بس. فالمصري حبيبي حتى لو كافر والفلسطيني والعراقي والسعودي ما بحبهمش حتى لو كان مسلم ليه يعني لا ده انا بقول لك ان ان المسلم حبيبك ولو كان في بلد غربي - 00:41:11ضَ

والكافر ما تحبهوش حتى لو في بلدك في فرق طبعا بين زي ما قلنا الحب وبين المودة والمعاملة الكويسة. اقصد الايه؟ البر والاحسان والقسط. وده مفهوم خلاص. المعاملة حاجة والحب حاجة تانية. انا - 00:41:29ضَ

بعامله كويس وببره لكن لا اوليه يعني لا احبه لا لا لا احبه ان الله لا يحب الكافرين. فانا اوالي المسلمين في كل زمان ومكان انا احب المسلمين في كل زمان ومكان. اي مكان حتى مع اختلاف الزمان ده انا بحب سيدنا موسى اللي هو اصلا من بني اسرائيل. اللي في زمن تاني غير زمني اللي هو كان - 00:41:42ضَ

اليوم دوت اللي هلك واحد مني ومن بلدي ومصري بس كان كافر وكان مجرم وكان بيقول انا ربكم الاعلى وبالتالي ده بيجدد عندك المعنى العزيم دوت. نحن نوالي في الله - 00:42:02ضَ

ونعادي في الله تمام نوالي في الله ونعادي في الله. نحب من احب الله ونبغض من ابغض الله. نحب الموحدين ونكره الكافرين نفرح للمسلمين في اي زمان ومكان تمام؟ وبالتالي فرحنا بموسى لانه كان مسلم. هو ده هو ده مسلم الزمان القديم - 00:42:16ضَ

تمام رغم ان دلوقتي دلوقتي الاية اتقلبت آآ دلوقتي المصريين هم المسلمين دلوقتي واليهود هم الكفرة صح انا دلوقتي بوالي المسلمين اللي في مصر وبعادي اليهود في اي مكان في العالم. لان هم دلوقتي هم الكفرة. رغم ان دول نزريا اتباع موسى. بس هم مش على دينه - 00:42:42ضَ

لكن مين بقى اللي على دين موسى ولا على دين عيسى وعلى دين ابراهيم احنا احنا اللي على دين جميع الانبياء ليه يا جماعة لان دين الانبياء واحد عشان كده النبي قال نحن اولى ايه - 00:43:07ضَ

بموسى منهم وان ربنا قال عن سيدنا ابراهيم ان اولى الناس بابراهيم للذين اتبعوه اللي هم في زمنه وهزا النبي محمد عليه الصلاة والسلام والذين امنوا والله ولي الايه والله ولي المؤمنين - 00:43:23ضَ

حلو الكلام ليه احنا اولى بكل الانبياء؟ اي نبي يا جماعة مين اولى به؟ اولى به اللي عمل اللي اتبعه اللي اتبعه مين اللي اتبع اي نبي؟ اللي اتبع اي نبي - 00:43:38ضَ

صنف من اتنين اما اتباعه اللي كانوا في زمانه او بعد زمانه اللي كانوا على دينه دون اسمهم اتباعه على دينه ما بدلوش ولا حرفوا اول جم تبع نبي تاني تبع نبي تاني بعد النبي ده بس امنوا بالنبي دوت والتزموا بدينهم صح - 00:43:51ضَ

يعني سيدنا موسى مين اولى بسيدنا موسى؟ اللي امنوا به وكانوا على دينه في زمانه او بعده ما بدلوش ولا غيره دول اولى به واولى به سيدنا عيسى واللي امنه بسيدنا عيسى واتبعوه صدقوا سيدنا موسى هم اولى به برضو - 00:44:11ضَ

واولى به سيدنا محمد واللي اتبعه سيدنا محمد وابنه بعيسى وموسى. هم اولى بعيسى وموسى عليه السلام. اما اي حد من اي دين بدل او غير او قرف او كفر بنبي واحد فخلاص انقطعت صلته بهذا النبي ولا يحق له ان يقول انا اولى بهذا النبي ولو كان نظريا تبعه - 00:44:29ضَ

عشان كده احنا اولى بموسى اولى بعيسى بعيسى من النصارى واولى بالنبي عليه الصلاة اولى بكل الانبياء تمام اه وبالتالي النبي عليه الصلاة والسلام قال نحن معاشر الانبياء. اخوة لعلات. يعني ايه اخوة لعلات - 00:44:48ضَ

يعني اخوة لعلات يعني زي ما يكون كده واحد اتجوز كزا واحدة وكل واحدة خلفت ولد. حلو؟ فالولاد دول اخوات. اخوات من ناحية الاب. بس مختلفين في الام النبي عليه الصلاة والسلام بيقول نحن ومعاش الانبياء اخوة لعلات - 00:45:09ضَ

ابونا واحد او ديننا واحد وامهاتنا شتى يعني ايه دي نونة واحد؟ يعني ايه؟ دينا واحد اللي هو العقيدة يعني لان الدين عبارة عن ايه؟ عقيدة وشريعة. فالعقيدة واحدة ما تتغيرش - 00:45:29ضَ

لكن اللي بيتغير الايه التشريعات تصوم ايه؟ ما تصومش ايه؟ آآ الصلاة ازاي؟ الطهارة ازاي دي حياة اللي في التشريعات بتختلف لكن العقيدة واحدة اعبدوا الله ما لكم من اله غيره. هي عقيدة واحدة. فكل الانبياء - 00:45:42ضَ

على دين واحد على دين واحد فكل الانبياء كانوا على الاسلام. ما المقصود بالاسلام؟ الاسلام يعني لا اله الا الله ان يعبد الله ولا يشرك به شيئا وان يطاع ولا يعصى - 00:46:00ضَ

فكل الانبياء كانوا على الاسلام. لان هم كانوا بيقولوا لا اله الا الله. وكانوا يطيعون الله سبحانه وتعالى. بغض النزر بقى عن التشريع كان عامل ازاي فنقدر ان احنا نقول كل الانبياء كانوا مسلمين. وده دل عليه القرآن. سيدنا يوسف قبل ما يموت قال ايه - 00:46:19ضَ

توفني ايه؟ مسلما والحقني بالصالحين. صح؟ واتباع عيسى عليه السلام قالوا ايه؟ الحواريين قالوا واشهد باننا مسلمون صح؟ وسيدنا ابراهيم قال ايه؟ قال ووصى بها ابراهيم بنيه ويعقوب يا بنيه ان الله اصطفى لكم الدين فلا تموتن الا وانتم مسلمون - 00:46:33ضَ

صح سيدنا ابراهيم ربنا قال عليه ايمانيا ومن يرغب عن ملة ابراهيم الا من سفه نفسه. ولقد اصطفيناه في الدنيا وانه في الاخرة لمن الصالحين. اذ قال له ربه ايه - 00:46:52ضَ

قال ايش؟ قال اسلمت لرب العالمين. يبقى كل الانبياء كانوا مسلمين في الحقيقة. بس اللي بيختلف من النبي للنبي اللي هي التشريعات وبالتالي احنا بنفرح لموسى عليه السلام ونوالي في الله ونعادي في الله نعادي فرعون - 00:47:04ضَ

لانه كان كافر هذا الزمان. ونوالي موسى لانه كان مسلم هزا الزمان. وبالتالي بتتجدد فينا الفكرة نفسها والعقيدة نفسها. اننا نوالي في الله ونعادي في الله يوم عاشوراء بيعلمنا حاجتين كمان هنقولهم النهاردة عشان ما نطولش. يوم عاشوراء بالنسبة لي يوم شكر لله سبحانه وتعالى. بتعلم فيه عبادة الشكر - 00:47:24ضَ

لانه في الحديث فصامه موسى شكرا لله تعالى انا بتعلم الشكر كيف يتم. انا لما اشكر ربنا اعمل ايه؟ اقول له يا رب شكرا وبعد كده اعمل بقى معاصي. لما ربنا يديني فلوس اقول شكرا يا رب على الفلوس وبعد كده اجيب سجاير - 00:47:49ضَ

واجيب هدوم تبرج واجيب افلامه. واخش سينمات ربنا يديني ولد. واقول يا رب شكرا. وبعد كده اربيها على الغلط واعلمه الغلط لا الشكر انما يكون باللسان اه وبالعمل هو سيدنا موسى شكر ربنا بلسانه بس والا صام صام يبقى الشكر بيكون باللسان وبالعمل باللسان - 00:48:03ضَ

وبالعمل تمام؟ فربنا قال كده. قال اعملوا طبعا بيكون بالقلب طبعا. الشكر بيكون بتلات حاجات لسان قلب عمل. لسان قلب ولسان وعمل. شكر بالقلب. شكر باللسان. والحمد لله. الشكر لله. والكلام ده. وشكر بالعمل. الانسان - 00:48:27ضَ

الو كما قال تعالى اعملوا ال داوود شكرا. وكان النبي صلى الله عليه وسلم يقوم حتى تتورم قدماه. فقيل له يعني ايه؟ ليه بتعمل كده؟ وقد غفر الله كما تقدم من زنبك - 00:48:46ضَ

قال افلا اكون عبدا شكورا؟ افلا اكون ايه؟ عبدا شكورا فقيام الليل ده بالنسبة لي شكر. تمام؟ فالانسان كل ما ربنا يعمل لك نعمة يا جماعة نشكر ربنا عليها تشكر ربنا - 00:48:58ضَ

عليها تمام؟ آآ آآ فالانسان يشكر ربنا على على نعمة الايه على ربنا اداك ولد قابل ده بشكر قم الليل ربنا اداك صحة ووقت احفظي قرآن ربنا وفقك في في - 00:49:11ضَ

المزاكرة وجبتي درجة كويسة. ابتدي صوم يوم الاتنين. ربنا اكرمك بمال تصدق. ربنا اه اه اكرمك بحاجة فلوس كتير. اعملي عمرة فدايما عود نفسك ان الشكر ما يكونش لسان بس وقلب بس. لا. اعمل حاجة عمل. فتخيل بقى لو نعم ربنا كتير وهي نعم ربنا كتير فعلا. لو انا عودت نفسي كل نعمة قصادها عمل زيادة - 00:49:28ضَ

في نعمة او قصاد عمل زيادة. هيحصل فيك ايه بعد فترة؟ اوه هتلاقي نفسك معلي خالص. لان النعم ما بتخلصش وانا عودت نفسي ان كل نعمة هحط قصادها ايه طاعة. تخيل نفسك بعد سنة هتبقى عامل ازاي؟ هتبقى عالي جدا - 00:49:50ضَ

ما دام مصلحتك انت ان انت عاون نفسك كل نعمة تعمل قصادها هي عمل. ولما تشكر ربنا انت كده بتقيد النعمة. لزلك ايه؟ بعض السلف قال قيدوا النعم بالشكر نعم بالشكر وفي الاية لان شكرتم لازيدنكم. ولئن كفرتم اه ان عذابي لشديد. فلما نشكر النعمة تفضل. لما نشكر - 00:50:03ضَ

ما تزيد وضرب الله مثلا قرية كانت امنة مطمئنة يأتيها رزقها رغدا من كل مكان ما شكرتش فكفرت بانعم الله ساقها الله لباس الجوع والخوف مما كانوا يصنعون. يبقى انا ما شكرتش - 00:50:25ضَ

على ما رأي نفسك انت اللي النعمة تروح منك تتحرم منها لا يبارك لك فيها ممكن تتبدل بحاجة سيئة. نسأل الله السلامة والعافية واخيرا يوم عاشوراء بالنسبة لي هو يوم - 00:50:40ضَ

تجديد الثقة في وعد الله تعالى للمؤمنين. لان الحدث مرتبط عندي بهلاك فرعون وهلاك فرعون بعد قصة موسى الصعبة الاليمة. وبعد السنوات عشرات السنوات من العزاب والالم لبني اسرائيل اهلك الله فرعون بنفسه سبحانه وتعالى - 00:50:56ضَ

ومن غير اي يعني مقاومة او مواجهة من موسى ولا من قومه. انما فضل محض من الله سبحانه وتعالى. بس كان شرط اللي ربنا جعله لموسى ولقومه قال فاستقيما ولا تتبعان سبيل الذين لا يعلمون. وقال واوحينا الى موسى واخيه - 00:51:16ضَ

ان تبوأها لقومكم وبمصر بيوتا واجعلوا بيوتكم قبلة. واقيموا الصلاة وبشر المؤمنين بشر المؤمنين يعني سانصرهم ازا هم اقاموا الصلاة واشتغلوا دعوة كويس وعملوا اللي عليهم واستقاموا على طاعة الله انا هنصرهم. ازاي يا رب - 00:51:36ضَ

انت فين ؟ ما لكش دعوة يبقى انا بقول الاية ان تنصروا الله ينصركم. ويثبت اقدامكم. فده بيخليه عندي امل دايما. مهما طال الزلام لازم هيبقى فيه نور. مهما طال زمن اليهود في فلسطين الاقصى لابد سيأتي نور. لكن الله يقدر ان ينصرنا في اي وقت - 00:51:52ضَ

كما فعل مع فرعون. سواء بايدينا او بنفسه سبحانه وتعالى. مش هتفرق معي الوسيلة تمام؟ لكن انا دايما عندي ثقة بسبب عاشوراء ان ربنا يقدر دائما على نصرة الاسلام والمسلمين في اي وقت. طب ايه اللي مأخر النصر؟ ليه يا رب ما بتنصرناش - 00:52:13ضَ

انت ما عملتش الشرط وعد الله الزين ايه؟ امنوا منكم وعملوا الصالحات ليستخلفنهم في الارض كما استخلف الذين طب احنا امنا وعملنا الصالحات ان تنصروا الله ينصركم ويثبت اقدامكم. احنا نصرنا ربنا وعملنا الكلام ده - 00:52:30ضَ

احنا مش محققين الشرط عشان كده الوعد بيتأخر. فكل ما احنا نتأخر في الشرط كل ما الوعد ايه يتأخر. يبقى ان حققنا الاستقامة ازا نصرنا الله ازا اخذنا بالاسباب القوة - 00:52:45ضَ

واسباب الايمان والدعوة والعمل الصالح نصرنا الله تعالى طب هتقول لي ينصرنا ازاي ييجي عاشوراء يقول لك ما تسألش ازاي بايدك بالله بالمصائب الكونية بدودة من الارض بالرياح بالمطر هينصرك. سهلة - 00:52:55ضَ

دي على ربنا سهلة جدا. وما انزلنا على قوم من بعدي من جند من السماء وما كنا منزلين. ان كانت الا صيحة واحدة فاذا هم خامدون. الموضوع سهل جدا. يا حسرة - 00:53:14ضَ

على العباد لكن انا بالنسبة لي انا اعمل ايه؟ احنا نستعين بالله وننصر الله ونحاول نشتغل على نفسنا علم وعبادة ودعوة وعمل صالح وندعو الى الله ونغير حوالينه وغير اسرنا ونغير جيرانا ونشتغل دعوة مع اصحابنا ونسعى. على الاقل لو انا مت وما شفتش النصر يبقى بس مش انا السبب في تأخر النصر. على الاقل لو انا مت وما - 00:53:24ضَ

ما كنتش ما النص ما حصلش بايدي على الاقل ما اتأخرش بسببي. انا يا رب عملت اللي علي وجبت اخري ولو اتأخر النص مش بسببي خلاص. انا كده عديت يوم عاشوراء يوم تجديد الرجاء يوم تجديد السقة في الله. يوم تجديد اليقين في حصول وعد الله - 00:53:46ضَ

سبحانه وتعالى زي ما ربنا رجع سيدنا موسى لام موسى قال رددناه الى امه كي تقر عيناه ولا تحزن ولتعلم ان وعد الله حق ولكن اكثر الناس لا اعلم. شفتم بقى يوم عاشوراء يوم فيه معاني كتير ازاي - 00:54:04ضَ

انا كنت عائز اتكلم النهاردة عن حاجة بقى ثانية بس ممكن نخليها في لقاء ثاني. كنت عائز اتكلم عن مقتل الحسين وقصة مقتل الحسين كلها. ونتكلم بقى عن ايه اللي حصل فيها - 00:54:20ضَ

وفاء والشيعة آآ آآ ويوم عاشوراء ما عند الشيعة وعند اهل السنة بس ممكن نخليه في لقاء تاني اللي سأل على التوسعة على الاهلي في يوم عاشوراء آآ في المطعم والمشرب والكلام ده دي مسألة فيها خلاف بين العلماء البعض اجازها والبعض منع منها فالامر واسع يعني اللي هي - 00:54:30ضَ

انبأ تورعا لا بأس. اللي عمل كده برضو له قول لبعض العلماء. الامر ده ان شاء الله يكون ايه؟ واسع. المهم ان احنا نصوم نتوب الى الله نزاكر اللايف ده - 00:54:48ضَ

وان نراجعه كتير علشان نجتهد بازن الله في طاعة الله سبحانه وتعالى. ربنا يتقبل منا ومنكم صالح الاعمال. انشروا اللقاء دوت. جزاكم الله خيرا. جزاكم الله خيرا وربنا يتقبل منا ومنكم صالح الاعمال. والسلام عليكم ورحمة الله - 00:54:58ضَ