باحث

قل هذه سبيلي ادعو الى الله على بصيرة انا ومن اتبعني وسبحان الله وما انا من المشركين ورحمة الله وبركاته الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك - 00:00:00ضَ

يرجع الامر كله ولما جل ذنبي وضاقت مذاهبي جعلت الرجا مني لعفوك سلما تعاظمني ذنبي. فلما قرنته بعفوك ربي كان عفوك اعظما لبيك وسعديك والخير كله كله في يديك والخير كله في يديك والشر ليس اليك - 00:00:33ضَ

انا بك واليك تباركت وتعاليت استغفرك واتوب اليك اللهم صل على عبدك ونبيك وحبيبك ووليك وصفيك ورسولك محمد صلى الله عليه وسلم. ثم اما بعد يا ترى يا جماعة سؤال بنبدأ به حلقة الليلة نص درجة في السانوية العامة يفرق قد ايه؟ ياه نص درجة في مجموع السانوية العامة - 00:01:00ضَ

يفرق كتير جدا. ده ممكن يخلي الطالب بدل ما يدخل الكلية اللي هو عايزها في البلد بتاعته يروح في اقصى جنوب بلده او اقصى شمال البلد في كلية تانية خالص في كلية ما كانش عايز يدخلها. نص درجة في السانوية العامة يفرق كتير يفرق كتير اوي. طب يا ترى يا جماعة حسنة يوم القيامة تفرق قد ايه - 00:01:25ضَ

زي ما نص درجة بيفرق في الدنيا بالزبط عند بتوع السانوية العامة. الحسنة يوم القيامة هتفرق كتير والله يا جماعة. حسنة ممكن تقف على مصير انسان. يلف خمسين الف في سنة يدور على حد يدي له حسنة عشان ينجو من النار. او ينجو ان كافة السيئات هي اللي تطب على الحسنات. يدور على حسنة. حسنة ممكن تفرق معك كتير اوي. حسنة - 00:01:45ضَ

ممكن تفرق معك كتير اوي. حاسس ان ممكن تفرق معنا ما بين الجنة والنار او حتى في مقامات الجنة ما بينها وبين بعضها. انا عايز اقول ايه ؟ فيه ناس لما بتسمع الكلام عن الاخرة والكلام عن - 00:02:05ضَ

الجنة والكلام عن النار والكلام عن الموت بتقول ياه ياه احنا والله العزيم عايزين ربنا. وعايزين طريق ربنا. ده احنا عايزين نتوب وعايزين نسيب. عايزين نبقى احسن من الحال اللي احنا فيه ده. عاوز - 00:02:15ضَ

مش قادر عاوز وكل مرة احاول ان انا اقرب من ربنا اكتر شهواتي تغلبني تاني وضعفي يغلبني تاني. انا مرة فكرت اسيب التدخين وعزمت ان انا هسيبه. بس بعدها بشهر نزلت ركبت مع صحابي تاني. اللي على يميني بيدخن. واللي على شمالي بيدخن. قاومت على قد ما قدرت. وفجأة لقيت نفسي - 00:02:31ضَ

بخطف سيجارة من واحد وبشربها تاني وانا انا التزمت وتبت ورجعت وعرفت ربنا بس فيه معصية مش قادر على نفسي فيها كل ما اجاهد نفسي ان انا ابعد عنها ارجع اقع تاني. ارجع اقع. احبط وبعد كده اقوم تاني. واحاول واجاهد نفسي وافضل فترة وبعد كده تاني - 00:02:51ضَ

تاني ارجع اقع تاني. ياه! ده انا عاوز. عاوز عاوز والله العظيم بس مش قادر. وانا انا انا تبت لربنا. ولبست وعرفت ربنا والحمد لله سبت المعاصي كلها. بس نفسي ان انا ابقى احسن. انا عارفة ان انا كده لو قابلت ربنا على الوضع اللي انا عليه. لأ مش ده اللي يرضي ربنا. انا - 00:03:10ضَ

اللي انا فيه ده مش ده اللي انا عايزاه. انا عايز ابقى صوامة. قوامة. انا عايز اطلع في الدين اكتر من كده. انا عايزة بس مش قادرة. عاوز بس مش قادر. عنوان كبير اوي - 00:03:30ضَ

بيضم ناس كتير اوي مننا يا جماعة. عايزين ربنا بس مش قادرين على نفسهم. تخيلوا ان النوعية دي ربنا سبحانه وتعالى نزل سورة من اروع اعظم سور القرآن في النوعية ديت. في النوعية دي اللي عايزين بس مش قادرين سورة ايه؟ سورة القيامة. سورة القيامة تعالوا نعيش الليلة مع سورة القيامة. ونشوف - 00:03:40ضَ

اللي عاوز بس مش قادر يوصل لربنا ازاي. قال تعالى لا اقسم بيوم القيامة. لا اقسم لا اقسم ده ايه. لا اقسم دي كلمة غضب زي ما اقول لك انا مش هحلف. بس الموضوع ده انت لو ما عملتوش انت حر لا اقسم - 00:04:00ضَ

كلمة غضب ربنا غضبان! طب ايه اللي غضب ربنا! يا ترى ربنا غضب بسبب معصينا! ولا بسبب مكابرتنا! ولا بسبب عنادنا! ولا بسبب تودده لنا بالنعم وللاسف جحودنا اليه بالمعاصي. يا ترى ربنا غضب ليه يا جماعة؟ ولا بسبب ان احنا مش راضيين نعترف ان احنا لسة مش قريبين من ربنا. يا ترى ربنا غضب ليه؟ ربنا لما غضب - 00:04:14ضَ

قوم لوط سيدنا جبريل على على جناح من ستميت جناح. شالهم ورفعهم للسما وهبدهم وخسف بهم الارض. وبعد كده السما رجمتهم بالحجارة رقبتهم بحجارة مسومة. الله لما يغضب يحصل ايه؟ كل اسباب غضب ربنا على الاقوام اللي في القرآن موجودة في مجتمعنا الوقتي - 00:04:34ضَ

موجودة في امة الاسلام الوقتي. كل اسباب غضب ربنا على قوم عاد. وعلى قوم صالح وعلى قوم لوط كلها موجودة دلوقتي في المجتمع اللي احنا عايشين فيه. لا اقسم الملك غضبان. طب غضبان ليه يا رب؟ لا اقسم بيوم القيامة ايه يوم القيامة ده ؟ ده خمسين الف سنة. خمسين الف سنة! خمسين الف سنة الرسول عليه الصلاة والسلام - 00:04:53ضَ

يخبرنا ان اللي عنده مواشي انعام ابقار غنم ما بيطلعش الزكاة بتاعتها. تأتي يوم القيامة المواشي دا هي نفسها. تطأه باقدامها وتضربه برؤوسها كل ما تخلص ترجع تاني. تطأه باقدامها وتضربه برؤسائها. تخلص ترجع تاني خمسين - 00:05:13ضَ

الف سنة يعني ممكن ناس تفضل الخمسين الف سنة في عزاب! تفضل طول يوم القيامة في عزاب! الله اكبر! يا جماعة انتم متخيلين منزر! احنا الوقتي على وجه الكرة الارضية - 00:05:33ضَ

ستة مليار بني ادم. ولسه قل لسة كم مليار على ما يوم القيامة يقوم. وكام مليار ماتوا في تاريخ البشرية. تخيل لو ميت مليار بني ادم يوم القيامة بعثوا كلهم - 00:05:43ضَ

في وقت واحد. متخيل لحظة تطاير الصحف ميت مليار صحيفة كلنا واقفين كده ميت مليار بني ادم. ميت مليار صحيفة جايين متطايرين. وكلنا بنبص وقلوبنا مرتجفة خلاص شعرنا شاب من كتر الرعب. يا ترى اي صحيفة من دول هتقع في ايدي؟ ويا ترى الصحيفة تبقى مليانة حسنات ولا سيئات؟ ويا ترى هتقع في اليمين ولا في الشمال؟ منزر - 00:05:53ضَ

يوم القيامة ياما يوم فيه اهوال. لا اقسم بيوم القيامة ولا اقسم بالنفس اللوامة. ياه! بس النفس اللوامة اللي هي مين اللي هو عاوز بس مش قادر. النفس الاهمى اللي هو مين فينا يا جماعة؟ النفس اللوامة اللي التزم وتاب وعرف ربنا بس لسة فيه معصية مش قادر يسيبها - 00:06:16ضَ

في معصية مش قادرة تسيبها. النفس اللوامة المذبذب. اللي شوية صح وشوية غلط. شوية مجتهد في الدين وشوية عنده فتور. شوية مقبل وشوية معرض سطر وسطر. الصحيفة بتاعته سطر وسطر. ده لما يمشي من على الصراط هيقوم ويقع ويقوم ويقع. ويقوم ويقع وتسفعه النار مرة ويخطو مرة ليه؟ لانه - 00:06:36ضَ

كان في الدنيا بيقوم ويقع. فالصراط كزلك هيقوم ويقع. النفس اللوامة مين يا جماعة؟ النفس اللوامة اللي بيعصي ربنا بيقول انا بلوم نفسي ان انا بعصي ربنا بس مش قادر - 00:06:56ضَ

مش قادر اعمل اللي ربنا طالبه مني. او اللي بيطيع ربنا وتاب الى الله بس عايز يبقى احسن ومش قادر يبقى احسن. النفس اللوامة اللي تيجي تقول تب سب يقول لك مش قادر اللي تيجي تقول له صم قم يقول لك مش قادر. طيب يا اللي بتعصي ربنا انت تقدر على مقامع الحديد من - 00:07:06ضَ

العزاب على شفير جهنم؟ لأ. طب انت تقدر ان قبرك يبقى تموت من جبر تحت الارض؟ لأ لأ لأ ما اقدرش طب انت تقدر انك وانت ماشي من على الصراط لسان دهب لسان له بياخدك الى قاع جهنم والعياذ بالله لأ ما اقدرش ما اقدرش على الحاجات دي. ازا كنت ما تقدرش على عاقبة المعصية - 00:07:26ضَ

ما تعصيش ازا كنت ما تقدريش على عاقبة الاعراض ما تعرضيش ازا كنا يا جماعة ما نقدرش على عاقبة الغفلة ما نغفلش. يا جماعة مش قادرين ليه؟ هو فيه ايه في الدنيا سهل؟ ايه في الدنيا سهل؟ لو انا قلت لك ان يبقى عندك خمسة مليون جنيه - 00:07:43ضَ

سهل ولا صعب؟ صعب اوي. طب انك تحضري ماجستير ودكتوراة صعب جدا. طب اشمعنى الدنيا بيهون علينا الصعب فيها والاخرة مش عايزينها تبقى صعبة؟ اشمعنى الدنيا بنضحي عشانها لو الاكل مش عايزين نضحي عشانها. اشمعنى الدنيا راغبين فيها؟ عايزين الزيادة والاخرة زاهدين فيها. مش عايزين نزيد اي حاجة وخلاص. ولا اقسم بالنفس - 00:07:57ضَ

لوامة. النفس اللي مستعبدة للمعصية. اللي المعصية مستعبداها مرة. احد الشباب توفي الى رحمة الله. موت فجأة. فزهبت الى الكلية بتاعته عشان اشوف اليافطة بتاعة العزاء هتبقى فين ؟ عشان اروح اصلي الجنازة عليه في بلده واشوف العزاء. دخلت الكلية لقيت اليافطة متعلقة فيها نعي آآ هزا الاخ الله يرحمه - 00:08:17ضَ

ولقيت تحت النعي بالزبط شلة ولاد وبنات قاعدين يجروا ورا بعض ويلعبوا مع بعض ويهزروا مع بعض قلت سبحان الله العزيم. اهم دول يقينا مقهورين على صاحبهم بس المعصية مستعبداهم. مش قادرين يسيبوا المعصية. النفس اللوامة يا جماعة. النفس اللي عايشة معذبة. خدوا بالكم. انا عايز اقول لك - 00:08:37ضَ

وعايز اقول لك حاجة اتنين معزبين في الدنيا دي عمرهم ما يستريحوا ابدا اللي بيعصي ربنا بس في قلبه خير فكل ما يعصي ربنا ويمشي في طريق المعصية او يعمل معصية او يتفرج على حاجة ربنا حرمها او يسمع حاجة ربنا حرمها او يطلع مشوار ربنا حرمه يرجع تاني يتعزب - 00:08:57ضَ

متقطع من جواه وهو بيعصي ربنا. يبقى اول واحد متعزب اللي بيعصي ربنا وفي قلبه خير. والتاني اللي بيطيع ربنا. اللي بيتفرج عليها دلوقتي بس في قلبه شهوات في قلبه دنيا فهو معنا بيسمع كلام الدين بس الدنيا لسة في قلبه فبيسمع الدين بس هو مشدود للدنيا تعبان لانه نفسه في الدنيا امال مين - 00:09:16ضَ

ان ما فيش في قلبه غير ربنا سبحانه وتعالى. اللي فصل لطريق ربنا سبحانه وتعالى. ولا اقسم بالنفس اللوامة. ايحسب الانسان ان لم نجمع عظامه؟ هو الانسان فاكر ربنا ما يقدرش يجمع العظام بتاعته تاني لما الانسان بيدفن تحت التراب ويبدأ يتعفن ويبدأ يتحلل ويبدأ يبقى تراب وجزء من التراب ييجي في مشرق الارض وجزء في مغرب الارض - 00:09:38ضَ

وكل حتة من جسمه تطير في حتة من الارض. ويأذن الله يوم القيامة ان كل واحد زرات التراب بتاعة جسمه تتجمع تاني. وانت نايمة كده تحت التراب وانت نايم تحت الارض يبدأ جسمك يتجمع حتة من الشرق وحتة من الغرب ايديك تتجمع رجليك تتجمع عينيك شعرك وشك بوقك لسانك كبدك كل حتة - 00:09:58ضَ

تتجمع وبعد كده ينفض التراب ويطلع الانسان. تطلع تبص حواليك كده كل اللي حواليك من الاكفان بتتقطع فجأة والبشر بيطلعوا منها. منزر كفاية ان هو بيتقطع منزر رهيب. وبعد كده تبص تلاقي كل الناس بتتجمع هي كمان. الناس دي بتتجمع واللي على يمينك بيتجمع وتطلع تلاقي ملايكة رحمة وملايكة عزاب. يا ترى - 00:10:18ضَ

ملايكة الرحمة دي مستنياني ولا ملكة العزاب والعياز بالله؟ يا ترى مين اللي مستنيني في الاتنين ويا ترى ابويا اللي جمبي واخويا اللي جمبي ويا ترى احبابي مين اللي مستنيهم في الاتنين - 00:10:38ضَ

ايحسب الانسان ان لن نجمع عظامه هيجمع عظامنا كلنا والله العزيم. هيتجمع جسمك تاني ؟ بلى قادرين على ان يا بنانة نسوي ايه ؟ بنانة البنان اللي هو ايه ؟ اللي هو عارفة عقلة صابعك ده اهي ده اهي. عارف بصمة صابعك ده اهي اللي العلماء بيقولوا ما - 00:10:49ضَ

ما فيش واحد على وجه الارض بصمة صابعه زي التانية. اهو ربنا بيقول لك انا مش هاجمع لك جسمك في الاخرة بس انا بصمة صابعك جلد بنانك ده هو. الجلد بتاع بصمة صابعك هيرجع لك زي ما كان. يعني ربنا هيرجع كل واحد مننا نسخة زي - 00:11:09ضَ

مكان في الدنيا لدرجة بصمة الصابع ستة مليار بني ادم على وجه الكرة الارضية. ما فيش واحد بقدرة الملك بصمة صابعه زي التانية. كل واحد يوم القيامة يطلع ما فيش واحد باص بالضبعة زي التانية. وكذلك لما تتطاير مليارات الصحف. كل واحد اللي هيقع في ايده هو صحيفته هو بس. ما حدش لما ييجي يبص في الصحيفة - 00:11:26ضَ

في عمل تاني غير العمل اللي هو عمله. بل يريد ايحسب الانسان ان لن نجمع عظامه. بلى قادرين على ان نسوي بنانه بل يريد الانسان ليفجر امامه. يعني ايه يفجر يعني؟ يعني ايه يفجر؟ يا جماعة الشهوات اللي في الدنيا مش مش بس شهوات نساء وشهوات مال. في - 00:11:46ضَ

في الدنيا اسمها شهوة الفجور. شهوة الفجور والعياز بالله. شهوة الفجور اللي احنا عدنا بنشوفها في المجتمع بتاعنا الوقتي. اللي عدنا شف بنشوفه على الفضائيات دلوقتي اللي عدنا بنشوفها للاسف في الجامعات بتاعتنا وفي ساحات النوادي بتاعتنا وعلى الكورنيش وفي الشواطئ في الصيف اللي انت بتشوفها دلوقتي في - 00:12:06ضَ

بتاعنا يفجر يعني ايه شهوة الفجور؟ الواحد اللي ربنا مدي له زوجة جميلة جدا ويروح يقع في جريمة الزنا مع امرأة لا يوجد عندها اي حظ من الجمال. دي شهوة نساء. لو شهوة نساء ما مراته اجمل. ده دي شهوة فجور. ده بيحب الحرام. هو بيحب الحاجة الحرام. الحاجة الحرام يميل لها. زي اللي بيسحب دخان السيجارة كده - 00:12:26ضَ

ويقوم نافخ الدخان قدامه. وبينفخ الدخان ليه ؟ هو كل ما الدخان بيكبر بيحس انه بيكبر مع الدخان. هو مش عايز حاجة تمنعه. مش عايز حاجة تؤيده. مش عايز حد يقول له ممنوع - 00:12:46ضَ

مش عايز حد يقول له حرام. بل يريد الانسان ليفجر امامه امامه. يفضل الطريق طول الطريق ما حدش يقول له ممنوع. ما حدش يقول له حرام. ما حدش يقول لي ان انا هتحاسب - 00:12:56ضَ

ما حدش يقول لي ده صح وده غلط. يفجر شهوة الفجور زي الولد اللي في الجامعة اللي بيكلم ميت بنت. والبنت اللي بتكلم ميت ولد. هو لو شاوت نساء كان كلم واحدة بس. انما شهوة ان هو عايز يكلم مية بنت. عايز ما يبقاش فيه حاجة بتأيده - 00:13:06ضَ

زي سواق الميكروباص اللي تلاقيه ماشي في الشارع مشغل الاغاني في الكاسيت بتاع الميكروباص يسمع الحي اللي على يمينه كله والحي اللي على شماله كله طب ليه ؟ ده لو شهوة كاست واغاني كان شغل على قده بس. انما دي شهوة فجور. بل يريد الانسان ليفجر امامه. يفضل طول الطريق - 00:13:21ضَ

يفضل طول الطريق ما فيش اي حد يأيده. ما حدش يقول له ممنوع. آآ الفجور جاي اصلا من انفجار الماية. الماية اللي منطلقة ما فيش حاجة موقفاها. هو عايز ينطلق - 00:13:41ضَ

ما فيش حاجة موقفاه. عايزة تبقى بنت استايل. عايزة تبقى بنت متحررة. عايزة تبقى فتاة متحررة على مزاجها. خدوا بالكم يا جماعة. خدوا بالكم. انا باقول لكل انسان عاصي. باقول لكل - 00:13:51ضَ

صاحب نفس لوامة اقف اقف ما تنطلقش في طريق المعصية قبل ما تندم قبل ما ربنا هو اللي يوقفك. قبل ما ربنا يبعت لك حاجة في الدنيا يوقفك بها قبل ما ربنا هو اللي يقول لك تعال ما دام انت ما انتاش راضي تيجي. ما دام انت نافر عني ومعرض عني. اقف قبل ما ربنا هو اللي يوقفك. بل يريد الانسان ليفجر امامه - 00:14:01ضَ

اسمع بقى ربنا بيعالج النفس النوامة ازاي ؟ اسمعي عشان تعرفي لو عايزة تعالجي نفسك تعالجيها ازاي ؟ اسمع لو عشان لو عايز تعرف ايه اللي تفتكره عشان تقدر انك - 00:14:21ضَ

تتوب وتقدر انك تستقيم. وتقدر انك انت ترتقي في دين الله. تقدر ازاي؟ فاذا برق البصر الله اكبر. ايه يا رب! ايه اللي بيحصل يا رب! الانسان فجأة برق البصر انفجارات كونية حواليه من كل ناحية بتحصل يوم القيامة. يا جماعة بدأ. بدأت ساعة الصفر ولحزة الصفر اللي الكون كله مستنيها. احد الشباب - 00:14:31ضَ

بيقول لي بيقول لي انا شفت رؤية ان انا كنت داخل الجامع. الادان بيدن وانا داخل الجامع. وانا داخل الجامع بابص في السما فوجئت ان كل المجرات والنجوم والكواكب كلها جاية جري على الارض. كلها هدمة على الارض - 00:14:51ضَ

فبصيت للمنزر فاترعبت اتفزعت فبابص للناس هتعمل ايه لقيت الناس كلها ماشية ولا هاممها ولا بتبص ولا حد واخد باله. ابص في السما السما منزرها مرعب. النجوم والكواكب والمجارات جاية على الارض. وانا عايز ادخل المسجد والناس ماشية ولا حد حد بيفكر يدخل المسجد. قلت سبحان الله! فاذا - 00:15:04ضَ

البصر ربنا بينزل الناس. والناس مش ملتفتة حتى للانزار. الانفجارات الكونية. الكرة الارضية دي عاملة زي زرة رمل في الصحراء الشرقية كده وسط المجرات والكواكب اللي حواليها. تخيل لو الصحرا دي قامت فيها عاصفة كل الرمل خبط في بعضه. كل المجرات والنجوم والكواكب خبطت في بعض. الارض ايه وسطها - 00:15:24ضَ

انفجارات رهيبة بارق البصر. وخسف القمر وجمع الشمس والقمر. ايه ده! يعني ايه خسف القمر؟ خسوف القمر ان القمر ان الارض تبقى زي البتاع ده اهي كدهو. دي الارض والشمس على الناحية والقمر على ناحية. هو نفسه في القمر. ان الارض بقت في النص ما بين الشمس والقمر. هو ده الخسوف. فربنا بيقول وخسف القمر. اهو - 00:15:44ضَ

خسف فبقت الشمس في ناحية والقمر في ناحية والارض ما بينهم ها وجمع الشمس والقمر. جمع على ايه؟ جمعوا على الارض. يعني ايه؟ يعني الارض هتضطهر في النص. ده دي البداية يا رب. ده ده العنوان يا رب. ده دي البداية بس كده يوم القيامة. يقول الانسان يومئذ اين المفر؟ اول كلمة - 00:16:09ضَ

ينطقها الانسان يوميها. اهرب منين ؟ اروح فين ؟ المكان متحاصر. هاعرف فين ؟ اقرب من النار فين ؟ اقرب من النار اللي خمسة مليار ملك جايين يجروها ويسيطروا عليها اهرب منها فين ؟ والملايكة محاصرة المكان من كل جهة. اروح فين ؟ ما المكان كان في الدنيا متحاصر - 00:16:29ضَ

يا اختي المكان كان في الدنيا متحاصر. يا حبيب قلبي مكان المكان متحاصر. كان فيه ملك يمين وشمال بيسجلوا عليك كل سكنة وهمسة. كان فيه الله من فوق سبع سماوات شهيد. كان - 00:16:46ضَ

الارض اللي بتعصي ربنا عليها بتشهد عليك وبتسجل. الارض يا جماعة اللي تحتنا ديت مش ارض. دي اجهزة مراقبة. مراقبة علينا. يبقى الشاب كده راكب ميكروباص ومروح بيته وبيبصوا من الشباك يعدي ميكروباص تاني من الناحية التانية في بنت راكبة او واحدة راكبة - 00:16:56ضَ

وبتبص من الشباك يقوم يبص لها بصتين تلاتة. المكان اللي بص لها فيه ده هو يشهد عليه يوم القيامة. الله اكبر! يشهد عليه! يا رب ده كانت في سانية سانية الارض تشهد عليها في السانية ديت. ايوة يا حبيب قلبي. بل يريد الانسان ليفجر امامه. يسأل ايان يوم القيامة. اي ان يوم القيامة - 00:17:12ضَ

يعني ايه ايام يوم القيامة يا جماعة؟ ايام دي يعني حلني. يعني ايه حلني؟ يعني هو مش مكزب يوم القيامة. هي مش مكزبة بالحساب. بس يا سيدي امتى ؟ امتى كل واحد عنده طول امل؟ دي مصيبة الانسان. انه عنده طول امل، انه بيقول لك حلني على ما يوم القيامة ييجي. كل واحد مش متخيل - 00:17:32ضَ

ممكن الليلة دي يقابل ربنا سبحانه وتعالى فيها. ما حدش ياما دفنا صحابنا بايدينا كانوا رايحين في مشوار ولا رايحين يوصلوا حد من اهاليهم. رجعوا متكفنين يا جماعة ودفناهم بايديهم - 00:17:52ضَ

ربنا يعافي المسلمين جميعا يا رب. ولكن ده قدر من اقدار الله سبحانه وتعالى. يسأل ايام يوم القيامة. خدي بالك انت حياتك دي ستوب ووتش انت حياتك دي ستوب واتش عارفين الاستوب واتش عارفين الساعة اللي عدي تنازلي تنازلي تنازلي تنازلي سريع على طول كده انت حياتك من ساعة ما اتولدت اتضغط على الزرار - 00:18:02ضَ

ومعدودة بعدد انفاس صدرك او عدد دقات قلبك او عدد لحظات عمرنا معدودة باللحزة يا جماعة. والاستوب ووتش شغال شغال واحنا لازم نفوق ولازم نلحق. عارفين اللي بيقول لك العمر لحزة! العمر فعلا لحزة. والمصيبة انها بتخلص في لحزة. هي لحزة بس بتخلص - 00:18:21ضَ

فجأة ما فيش اي حاجة. العمر فجأة بيخلص وتلاقي العمر اتسحب من ايديك افرأيت الاية دي والله ياه! العلماء قالوا دي ازهد اية في كتاب الله. اكتر اية تكرهنا في الدنيا. افرأيت - 00:18:42ضَ

ايت افرأيت افرأيتم يا جماعة افرأيت ان متعناهم سنين لو ركبوا كل العربيات ومسكوا كل الموبايلات اتفرجوا على كل القنوات وطلعوا كل الرحلات في جميع انحاء الدنيا. افرأيت ان متعناهم سنين - 00:18:56ضَ

ثم ثم ايه يا رب؟ جاءهم ما كانوا يوعدون. جه الموت. جه الاجل. الانسان بيتولد لو حد شاف وليد مولود ايديه كده هو اتقبض على الدنيا ولو حد شاف واحد بيموت بيعمل كده اهو. خلاص ما خدش منها حاجة. خرج فاضي خرج فاضي من الدنيا. ثم جاءهم ما كانوا - 00:19:13ضَ

ما اغنى عنهم ما كانوا يمتعون. لو قابلت ربنا بالفلوس الفلوس هتنفعك بايه؟ لو قابلت ربنا ببنت هتبقى كارسة تبقى مصيبة لو قابلت ربنا بعمارة العمارة هتنفعك في ايه ؟ ما اغنى عنهم ما كانوا يمتعون. يعني مهما اتمتعنا يا جماعة الدنيا منتهية. يسأل ايان يوم القيامة - 00:19:33ضَ

حلني على ما اليوم ييجي ما ينفعش. يا جماعة ما ينفعش والله العزيم ما ينفع. احنا جايين هنا عشان نقعد نحرس في ارض الدنيا نحرس نحرس عشان نبات الاعمال الصالحة يطلع نقابل ربنا واحنا اثرياء في الدنيا - 00:19:53ضَ

يا اخوانا يا اخوانا عايزين نستيقظ. يا اخوانا عايزين ننتبه. عايزين نفوق من غيبوبة حب الدنيا اللي حقنت قلوبنا وعادت متغلغلة مع دمنا بتغزي كل خلية جسمنا عايزين نفوق من الدنيا عايزين نعرف احنا جايين ليه ؟ انا عايزك تقف بس وتفكر. اقف كدهو بينك وبين نفسك. طب وبعدين ؟ طب ساعة ما انام على فراش الاحتضار - 00:20:08ضَ

ايه عمر كله عدى والاقي الشريط بتاع ذكريات قاعد قدام عيني يعدي. كل معصية عملتها. وكل خطوة مشيتها. عمري راح. طب وبعدين؟ طب انا الوقتي استمتعت فين لزة المعاصي اللي انا عصيت ربنا بها؟ راحت. طيب وبعدين بقى ايه بقت الحسرة بتاعتها زي اللي اشترى عربية فخمة قوي بالتقسيط. دفع اول قسط طالع بالعربية في مشوار - 00:20:28ضَ

العربية ولعت انتهت بقت شوية خردة. يفضل كل شهر وهو بيدفع القسط بتاع العربية يحصل له ايه؟ اه اللزة بتاعة العربية راحت. والحسرة والتمن هو اللي بقي. اهو ده ساعة - 00:20:48ضَ

كده خلاص لزة المعاصي راحت واللي فضل اللي فضل انه يبقى في خلال تلات ساعات اول ليلة في القبر الانسان هيعيش فيها. وهيتسأل بقى عن تكاليفه هذه المعاصي يسأل ايان يوم القيامة. فاذا برق البصر وخسف القمر وجمع الشمس والقمر. يقول الانسان - 00:20:59ضَ

يومئذ اين المفر؟ اروح فين ؟ المكان متحاصر ما هو كان متحاصر في الدنيا يقول الانسان يومئذ اين المفر؟ كلا لا وزر. ما فيش نجاة خلاص هتندم بعد ايه؟ هتبكي بعد ايه؟ هتعيط بعد - 00:21:19ضَ

ايه ؟ الى ربك يومئذ المستقر. الى ربك الى ربك الى ربنا العظيم يومئذ المستقر الى ربك اللي انعم عليك وانت عصيته الى ربك اللي نهاك وانت ما انتهتش الى ربك اللي امرك وانت ما قطعتيش - 00:21:34ضَ

الى ربك اللي اقبل عليك وانت اعربت عنه. الى ربك يومئذ المستقر. تخيل الانسان ساعتها متساء بقى سائق وشهيد مسكين وماشيين. انتم مودينا فين ده هتتسأل قدام ربنا سبحانه وتعالى. طيب انا مش خايف. انا ماشي معك اهو ما حدش يزقني. الهي يا ربك يومئذ المستقر. ينبأ - 00:21:52ضَ

يومئذ بما قدم واخر. وهو قاعد غلبان كده يا عيني. قاعد غلبان. والصحيفة بتاعته قاعدة تقرأ تقرأ عليه. انت عملت كزا وعملت كزا وعملت كزا. يا نهار ابيض ابيض! ايه ده! طب انا هاروح فين من عاقوبة المعاصي اللي انا عملتها دي! ينبأ الانسان يومئذ بما قدم واخر. هيتقال لك اللي انت عملتيه. واللي كنت بتعمليه - 00:22:12ضَ

واللي كنت ناوية تعمليه هيتقال لك اللي انت عملته واللي كنت بتعمله ساعة الموت واللي انت كنت ناوي تعمله. بما قدم واخر. لو شاب كان ناوي يقول لك بس ييجي الصيف - 00:22:32ضَ

بس وشوفوا بقى لئن ادركت الصيف لترين مارينا والساحل الشمالي وراس البر ما اصنع لان ادركتم اجازة نص السنة ليرين شباب كلهم ما اصنع تخيلوا بقى والبنت اللي في سانوية عامة لان ادركت الجامعة انا بس هدخل الجامعة انا بس اجيب بس ولو حتى خمسين في المية في السانوية العامة وادخل - 00:22:42ضَ

الجامعة ليرين بنات البلد بتاعتي كلها ما اصنع بما قدم واخر باللي عمله واللي كان لسة ناوي يعمله. نوايانا ايه؟ قلوبنا دي ناوية على ايه ؟ قلبك عزيمته انه هيعمل ايه في الايام الجاية ؟ قلبك بيتمنى ايه ؟ وجهت قلوبنا ايه يا جماعة؟ ينبأ الانسان يومئذ بما قدم واخر بعد ما يقعد - 00:23:02ضَ

بقى ينبأ ينبأ وهو خلاص بينهار بينهار مش قادر. مش قادر لما بتطلع للصحيفة بتاعته. بل الانسان على نفسه بصيرة ولو القى معاذيره. لما بينهار بقى ويبكي يقعد يتوسل. طب خلاص طب ما علهش بل الانسان على نفسه بصيرا. انت عارف - 00:23:22ضَ

انت عارف انك لما عصيت ربنا ربنا قفل لك صدرك قد ايه. وعشت في اكتئاب وضيق وخنقة قد ايه. وكانت الدنيا سودا في وشك قد ايه. وكنت تدخل في مشكلة - 00:23:42ضَ

منها على مشكلة تانية ازاي ؟ انت عارف ان كل حاجة قفلت في وشك لما عصيته. وانت عارفة لما انت قطعتيه شرحت لك صدرك قد ايه ؟ وحبب فيك اللي حواليك قد ايه وييسر لك امرك وطريقك قد ايه. ونور لك بصيرتك قد ايه. وحسسك بسعادة قد ايه. ورزقك بعطاءات في الدنيا قبل الاخرة قد ايه - 00:23:52ضَ

انت عارف من الانسان على نفسه بصيرة. انت عارف كويس اوي. نار الدنيا كانت بتعمل ايه؟ ازاي ما تعملش حسابك للنهار الاخرة؟ ازاي ما لكش عزر حجة لها وزر. ما حدش ينطق. ازاي ؟ ده نار الدنيا بنت عندها عشرين سنة في قسم الحروق في مستشفى الجامعة وربنا يعافينا يا رب. البنت شعرها اتحرق - 00:24:12ضَ

الشوية اتحرق. واحد زميلنا داخل بيطبطب عليها فبيقول معلش يا حبيبي. الممرضة قالت له شل ايدك. ده بنت عندها عشرين سنة. ما هيش ولد. ما عدش عارف دي بنت ولا - 00:24:32ضَ

ولد عشان خمس سواني خمس سواني ده لو كانت نص دقيقة ما كانتش وصلت مستشفى اصلا. كانت تفحمت والعياذ بالله. انما خمس سواني في نار الدنيا ادت الوضع. امال نار الاخرة انت عارفة كويس اوي كانت نار الدنيا بتعمل ايه. بل الانسان على نفسه بصيرة. ولو القى معاذير هتعتذروا بايه؟ لا تعتذروا - 00:24:42ضَ

هتقولوا ايه ؟ انت عارف كويس اوي ان ايه كان الحلال وايه الحرام؟ ما تجادليش. انا ما كنتش اعرف ان ده حرام. ما كنتش اعرف ان الحجاب ده فرض. ما كنتش اعرف. ما كنتش اعرف - 00:25:02ضَ

ان العلاقات دي محرمة في الاختلاط بين الولد والبنت او الرجل والمرأة. انا ما كنتش اعرف ده انا كنت باحسب التدخين مكروه. ولو التدخين كان مكروه. تخيل انت بتحب حد - 00:25:12ضَ

والحد ده بيكره حاجة. لو عملت يوميا عشرين حاجة هو بيكرهها. يحبك؟ لا يمكن. طب لو التدخين ده مجرد مكروه؟ يعني ربنا بيكرهه كل يوم عشرين سيجارة. دي غير باب الانفاس بقى. تخيل يبقى انت بتحب ربنا. او كنت حريص على حب ربنا. او كنت حريص على اقامة - 00:25:22ضَ

علاقة قوية وصلة قوية مع الله سبحانه وتعالى. بل الانسان على نفسه بصيرة. انت عارف كويس قوي. عينك دي بصت لايه. واتفرغت بها النهاردة على ايه ودنك دي سمعت ايه؟ وايدك دي اتصلت برقم مين على المحمول وكلمته. ولسانك ده اتكلم مع مين ليلة بل ليالي كاملة مع مين؟ والفجر - 00:25:42ضَ

في وسط المكالمة ما تقومش تصلي لربنا في خمس دقايق ادان الركعتين بتوع الفجر. انت عارف وانت عارفة كويس اوي شعرك ده ياما زمان او الوقتي او لسة كده عصيت ربنا به قد ايه ؟ ومكياج وشك ده عصيت ربنا به قد ايه ؟ انت عارفة كويس اوي ، انت عصيت ربنا قد ايه ؟ اداك الجمال عصيتيه به. بل الانسان على نفسه - 00:26:02ضَ

ولو القى معاذيره. انت بصت لها ليه؟ اصلها كانت حلوة يا رب. هو ده عذر! هي دي حجة! ما هيش حجة يا جماعة طب نعمل ايه يا رب؟ طب نروح فين يا رب؟ طب نتصرف ازاي؟ يا رب طب طب طب طب طب نرضيك ازاي؟ طب ده يوم القيامة اللي طلع صعب جدا. طب ننجو من اهوال اليوم العزيم ده ازاي - 00:26:22ضَ

خمسين الف سنة. ده انا لو قعدت اقول لكم الوقتي سنة سنة خمسين الف مرة كلكم هتقفلوا التليفزيون وتقوموا ما حدش هيصبر على كلمة سنة انها تتقال خمسين الف مرة. ما بالك انك هتعيش سنة سنة يوم يوم ساعة ساعة فيهم. ما بالك - 00:26:42ضَ

احنا مستهترين بيوم الحساب ليه ؟ طب الحل ايه يا رب؟ طب دا انجو ازاي خلاص يا رب؟ احنا سلمنا. انا انا عايز بس مش قادر بس انا يا رب لو يعني لو انت اديتني علاج يا رب - 00:27:02ضَ

لو اتكتب لي روشتة وعرفت علاجي ايه ؟ انا يا رب والله العزيم انفزها. وانا والله يا رب. لو انت عرفتني علاجي ايه ؟ انا هانفزها يا رب. وهابقى عندي عزيمة في دينك يا رب - 00:27:12ضَ

ايه العلاج يا رب؟ لا تحرك به لسانك لتعجل به. اللي هو ايه؟ القرآن. القرآن! القرآن هو العلاج! اه بس مش الاية دي كان ربنا بيكلم النبي لا لا لا لا ده بيكلم النبي وبيكلمنا احنا ورا النبي. بيقول للنبي سب القرآن ينزل على قلبك قبل ما تحفزه. سبه الاول ينزل على قلبك. قبل ما تهتم انك تبلغه للصحابة - 00:27:22ضَ

ربنا بيقول لي وبيقول لك وبيقول لك سيبوا القرآن ينزل على قلوبكم يا جماعة. يا جماعة القرآن هو العلاج بتاعنا. شف الرسول عليه الصلاة والسلام بيقول ايه في الحديس الصحيح. ركزي معي اوي - 00:27:43ضَ

اوي اوي في الحديس ده. ركز معي بقلبك. انا عايز كل واحد منكم الوقتي قلبه معي. قلبه ما يفكرش في حاجة تانية. انا عايزك تركز معي في الكلام ده. ربنا بيقول وما كنا معذبين - 00:27:53ضَ

حتى نبعث رسولا. احنا بنسمع الكلام عشان نقرب يا جماعة. اسمعي معي. وان صاحب القرآن يلقى صاحبه حين ينشق عنه قبره. وهو طالع كده من تحت القبر والقبر اتشق والتراب اتنفض ويلاقي نفسه طلع لقى - 00:28:03ضَ

واحد في وشه هو مرعوب طبعا. الشمس على بعد ميل والظلمات وما هوش شايف حاجة. والدنيا ضلمة وسامع اصوات صراخ يمين وشمال. وما هوش عارف هو فيه ايه. يلاقي في وشه كده واحد - 00:28:19ضَ

قل له من انت؟ هو لسة طالع اهو انت لسة طالعة انت لسة طالع من تحت القبر تلاقي واحد في وشك. من انت؟ فيقول له الا تعرفني؟ انا صاحبك القرآن. انا القرآن. انا صاحبك اللي كنا مصاحبين بعض في الدنيا. زي ما الاتنين الاصحاب ماشيين مع بعض كده. زي ما - 00:28:29ضَ

بيمشوا مع بعض في الجامعة كده. انا صاحبك القرآن. انا اللي كنت بتصلي بي قيام ليل بالليل. انا اللي كنت بتقرا ورد القرآن بتاعك كل يوم بالنهار ما تنساهوش ابدا - 00:28:48ضَ

انا اللي كنت بتحفظني في الدنيا وكان صدرك مليان باياتي. انا اللي كنت فاهمني وبتطبقني وبتعمل بي. انا صاحبك القرآن مش هسيبك. ده انا من اول في يوم القيامة من اول ما انشق عنك قبرك انا واقف مستنيك اهو هات ايدك. انا معك. معك وانت عملك بتتوازن على الميزان. انا معك النهاردة وانت بتعدي من على الصراط - 00:28:58ضَ

انا معك وانت داخل تعرض على الله. انا معك وانت بتعرض على النار حجاب لك من النار. انا معك معي لغاية امتى؟ هتفضل معي لغاية امتى؟ ها ثم يقال اقرأ القرآن وارتقي ورتل - 00:29:18ضَ

فان منزلتك عند اخر اية كنت تقرأها. ايه ده! اقرأ وارتق ورتل دي! دي بتتقال امتى! ده اخر لحظة في القيامة بقى واحنا طالعين في الجنة في درجات الجنة ان شاء الله. الله! يعني القرآن من اول لحزة حين ينشق عنك قبرك لاخر لحزة وانت بتطلعي في درجات الجنة ما سابناش - 00:29:33ضَ

خمسين الف سنة الله اكبر. انا عرفت الوقت يا رب ليه انت زكرت واتكلمت عن القرآن في وسط سورة القيامة؟ لان في وسط سورة القيامة. لان من اهوال القيامة بالقرآن. انا كده عرفت يا رب عرفت الروشتة. يا جماعة انا عايز الكلمة اللي انا قلتها دلوقتي ديت كل واحد انت وانت تكتبوها وتعلموها - 00:29:53ضَ

في الاوضة عندكم وتفضلوا تفتكروها. كلمة ايه انت قلت دلوقتي كزا كلمة. كلمة فان منزلتك عند اخر اية كنت تقرأها. ايه ده! ايه الكلام الخطير ده! ايه الكلام اللي ما يتعداش ده! منزلتك عند اخر - 00:30:13ضَ

كنت ايه تقرأها يعني مش كنت قرأتها لأ كنت تقرأها يعني كنت مداوم على قراءتها يعني مش مش برة قريتها اية لأ ده انت كنت دايما كل ما تخلصي ورد المصحف ترجعي بقى تبدأي الخاتمة من اول وجديد. تخلصي المصحف ترجعي الخاتمة من اول وجديد. فالايات دي كنت بتقريها طول عمرك على - 00:30:28ضَ

طول الليل كانت في صدرك فان منزلتك عند اخر اية كنت تقرأها يا رب يا رب النبي عليه الصلاة والسلام ادانا مفتاح الاخرة خلاص ادانا مفتاح الفردوس الاعلى خلاص القرآن طول ما احنا مع القرآن اه اه لو قرينا القرآن بقلب مفتوح اه جبير بن مطعم المشرك اللي كان مشرك - 00:30:48ضَ

بعد غزوة بدر يروح للمدينة عشان يفدي قصارة بدر. يوصل هناك والنبي عليه الصلاة والسلام بيصلي صلاة المغرب بالصحابة. يسمع سورة يسمع سورة الطور بيقول حتى ازا وصل رسول الله صلى الله عليه وسلم الى قول الله ان خلقوا من غير شيء ام هم الخالقون؟ حصل ايه - 00:31:07ضَ

فكاد قلبي ان يطير. يطير. قلبه وهو مشرك يطير. في رواية مسند احمد رواية البخاري. كاد قلبي ان يطير. في مسند احمد فكانما صدع لها قلبي. كان قلبي اتشق نصين. ليه ؟ كان قلبي مفتوح. في رواية تانية - 00:31:27ضَ

فظننت اني ساقوم من مقامي قبل ان يتنزل علي العذاب في مسند احمد ابن جبير ابن مطعم اسلم يوميها. اسلم! اسلم يعني ايه ؟ يعني غير مسار حياته بسبب سورة من القرآن سباحة؟ هو القرآن نازل عشان يغير مسار حياته - 00:31:47ضَ

القرآن نازل عشان يعمل انقلاب في حياتك. القرآن يا جماعة نازل عشان يقلب حياتنا. لو انت قريت القرآن وحياتك ما اتغيرتش وما اتقلبتش. يبقى انت لسة ما فيش القرآن. لسة ما وصلتش للسما - 00:32:03ضَ

ياه ياه لو قرينا القرآن بقلب مفتوح ياه! ياه! ده النبي لما جهر بسورة النجم. وابو جهل واقف. وابو لهب واقف. وامية ابن خلف والملعون عقبة ابن ابي معيط وعقبة ابن ربيعة وشيبة ابن ربيعة وصناديد الكفر الملاعين دول كلهم واقفين - 00:32:13ضَ

قرأ سورة النجم لغاية ما وصل لاخرها فاسجدوا لله واعبدوا. مشركي مكة كلهم نزلوا مرغوا جبينهم ومناخيرهم في التراب لربنا من كتر ما حسوا بعظمة القرآن نزلوا خروا ساجدين لله سبحانه وتعالى. القرآن يا جماعة لو قلبنا اتفتح عليه هيغير حياتنا هيقلب حياتنا. وفوق - 00:32:30ضَ

كل ده هنيجي يوم القيامة في اهوال القيامة انا صاحبك القرآن. انا نفسي ان ده يبقى ده في حياتك نفسي ان ده يبقى حلم حياتك يا حبيب قلبي. يا حبيب قلبي. انت لسة شاب صغير. او انت اب او والد كبير. او انت يا امي او انت يا اختي. او انت يا بنت يا صغيرة او - 00:32:50ضَ

يا بنتي يا جماعة يا جماعة انا صاحبك القرآن ده حلم حياتنا. ان ساعة ما نطلع لانك انت لو ما لقيتش انا صاحبك القرآن. لو طلعت من القبر ما لقيتهوش - 00:33:07ضَ

هتلاقي مين سائق وشهيد مستنيينك يبقى هو ده املنا في النجاة. املنا في النجاة يوم الدين هو القرآن كلا كلا ايه يا رب! مش ده اللي بيحصل مش ده اللي انتم بتعملوه! امال بنعمل ايه يا رب! بل تحبون العاجلة. بقلوبكم مليانة حب للي يومين وهتخلص وهتروح - 00:33:17ضَ

وتلاقوا نفسكم قدام الحساب. وتذرون الاخرة. تذرون دي كلمة زهد بتسيبوها. بتزهدوا فيها. ما بتفكروش فيها. خلاص مش في دماغنا. مش في دماغنا الاخرة مش في دماغنا غير الدنيا واحلام الدنيا وشهادات الدنيا واموال الدنيا. وجوه يومئذ ناضرة ووجوه يومئذ باسرة. ايه ده! ده ايه يا رب! ده - 00:33:35ضَ

ده نهاية يوم القيامة بقى النهاية بتاعة يوم القيامة. ان الوشوش بقت نوعين. يعني على يوم القيامة يعني بعد مسلا اربعين خمسة واربعين الف سنة كده من يوم القيامة خلاص الوشوش هتبقى كلها نوع من اتنين - 00:33:55ضَ

وجوه يومئذ ناضرة منورة كده وفرحانة. ليه الى ربها ناظرة. عارفين لما لما الطالب يروح كده يشوف النتيجة يقوم يبص كده يلاقي نفسه طلع الاول الاول ايه ده او طلع من الاوائل انا نجحت انا طلعت من الاوائل الله اكبر الحمد لله ويجري ويفرح وتلاقي وشه نور ويدخل على اهله كده انت وشك - 00:34:07ضَ

منور كده وفرحان. انت شكلك بالتأكيد جبت مجموع كبير. عرفوا منين ؟ الوش بان عليه. وجوه يومئذ ناضرة فرحانة منورة مشرقة. ليه ؟ الى يا ربها ناظرة. نظرك لوجه الله. حلم حياتنا يا جماعة. حلم حياتنا يا اخوانا جميعا. والى ربها ناظرة - 00:34:27ضَ

انك انت تبصي لوجه الله. انك تبصي لوجه الله. ده العلماء اعوذ بنور وجهك الذي اشرقت له الظلمات. تخيل كده نور وجه الله ده كده وانت بتشوفه لاول مرة. تخيل جلال وجه الله. يا رب لك الحمد كما ينبغي لجلال وجهك. ده - 00:34:47ضَ

بتوع الفلك لما ربنا علمهم التلسكوب. وبصوا بالتلسكوب فشافوا الفلك. شافوا جلال ملكوت الله. علماء الغرب بتوع ناسا الكفرة. قالوا هذا مجال من يدخل فيه اللي هو مجال الفلك اللي هو ملكوت الله ده والنظر فيه اما ان يصاب بالجنون واما ان يخر ساجدا لاله هذا الكون وخالق هذا الكون - 00:35:02ضَ

يعني لما ربنا كشف بس للعلماء عن جلال ملك الله قالوا ان واحد ممكن يتجنن فما بالك بجلال وجه الله مش جلال ملك الله بقى جلال وجه الله. ما بالك بجمال وجه الله! ما بالك بنور وجه الله - 00:35:22ضَ

ده نور وجه حورية لما تضحك تنور الجنة كلها. ده نور وجه مخلوق. امال نور وجه الخالق سبحانه وتعالى. عشان كده الى ربها ناظرة. لما تشوف لذة النظر لوجه الله خلاص تفضل تنظر لله وهي فرحانة وسعيدة الحمد لله يا رب. اللهم لك الحمد يا رب. خمسين الف سنة واقفين في ارض المحشر. شعارهم - 00:35:40ضَ

كلهم نريد ان نرى ربنا كما صح عن رسول الله صلى الله عليه وسلم. في البخاري ومسلم. عايزين نشوفك يا رب نشوفك ازاي يا رب؟ عايزين نشوفك يا رب. ففي الاخر بقى ربنا يمن - 00:36:00ضَ

يشوفوه سبحانه وتعالى. ووجوه يومئذ. النوع التاني. ووجوه يومئذ باسرة. يعني ايه باسرة؟ باسرة. عارفين الاطفال المبتسرين اللي بيتولدوا مصفوطين مسخوطين كده اهو باسرة الوش مصفوط. مسخوط. الخدين منخسفين وداخلين لجوة. الدموية رايحة من الوش. اللون منتقع. الرعب - 00:36:10ضَ

السواد على الوش وجوه يومئذ باسرة. ليه؟ تظن ان يفعل بها فاقرة. يعني ايه فاقرة؟ فاقرة يعني ضربة تضرب العمود الفقري تكسره. طب يعني ايه لما العمود الفقري يتكسر في الدنيا اللي العمود الفقري بتاعه بيتكسر ربنا يعافي مرضى المسلمين. بيصاب بالشلل الكامل الرباعي. الشلل - 00:36:30ضَ

كامل. يعني يعني ايه تظن انه يفعل بها فاقرة؟ يعني يعني عارفة ان هييجي مقمع من مقامع الحديد هيضربها في عمودها الفقري يكسره. او هييجي سلسلة من سلاسل النار تخبطها في عمودها الفقري تكسره. او هتسحب على وجهها وهي بالقوم. يعني ايه فاقرة؟ طب وهو يظن كده ليه؟ اصل هو شاف - 00:36:50ضَ

انت الوقتي لو سمعت صوت واحد في القبر بتاعه الوقتي بيتعزب على معصية انت بتعملها قلبك هيقف لو انت سمعت صوت واحدة بتتعذب في قبرها على معصية انت عملتيها النهاردة لا يمكن تعمليها تاني. ما بالك ان ده يوم القيامة ماشي يوم القيامة - 00:37:09ضَ

ماشي يوم القيامة يشوف قدامه ده بيتسحب على وشه للنار والعياذ بالله. ايه ده! ده ده كان بيعمل نفس المعاصي اللي انا باعملها. وده وهو بيعدي من قدامه على الصراط - 00:37:29ضَ

طلع لسان لهب خده الى قاع جهنم. ايه ده! ده ده كان بيعمل نفسه معصية. وده بيتعلق من على الصراط ويقوم يقع وفي الاخر هوا في النار والعياذ بالله. وده وهو خارج من - 00:37:39ضَ

العرض على الله خرج يا ليتني لموت كتابيا. ولم ادري ما حسابي. خذوه فغلوه. يصدر الامر ان الملك انه يقبض عليه ويلقى به في في جهنم كلمة شفير جهنم شاف ان اللي عصوا ربنا زي ما هو عصاه شافها اتعمل فيهم ايه وشاف ده والعرق لجمهور لغاية ما خلاص مش قادر يتكلم ولا قادر يعمل حاجة - 00:37:49ضَ

هو اللي قادر ياخد نفسه من كتر ما العرق لجمه. ايه ده! تظن ان يفعل بها فاقرة. ليه؟ لانه شاف اللي عصوا ربنا سبحانه وتعالى اتعمل فيهم ايه؟ فهو عارف طب ما انا عصيت نفسي المعاصي ديت - 00:38:09ضَ

كلا كلمة كلا كلا كلا ده غضب الملك غضبان زي ما قلت لكم في اول السورة لا اقسم. الملك غضبان غضبان ليه؟ غضبان من اصحاب النفس اللوامة طب انا هاعمل ايه يا رب؟ يعني ايه هتعمل ايه؟ يعني ايه هتعمل ايه؟ ده خلقك. ورزقك وانعم عليك. واداكي بس قولي يا رب - 00:38:21ضَ

بس انت قولي يا رب. قولي له يا رب انا عايزاك يا رب انا عايزك اختارني يا رب. قل له يا رب. قل له يا رب انا عايزك ومش قادر على نفسي يا رب. انا عايز اقرب منك كمان يا رب. يا رب قربنا منك يا رب - 00:38:39ضَ

يا رب خذ بنواصينا اليك يا رب. يا رب طهر قلوبنا يا رب. يا رب املأ قلوبنا من نورك ومن الايمان واليقين يا رب يا رب اعنا على شهواتنا وعلى الشيطان يا رب. قومي قومي صلي ركعتين. قومي اتوضي الوقتي. وصلي ركعتين واسجدي له. قولي له يا رب انا مش قادرة على نفسي. انا حاولت ومش - 00:38:51ضَ

على نفسي ما عادش لي امل غيرك انا جيت لك واقفة على بابك. وباقول لك عيني على نفسي اهديني يسر لي طريقي اليك يا رب. قم صل قيام ليل وابكي من ايديك - 00:39:10ضَ

وما تسيبش الصلاة غير ودموعك نازلة من على وشك. وانت بتقول له انا من غيرك ضايع. ما ليش قيمة. ما فيش معنى لحياتي. حياتي كلها وهم ما لهاش اي قيمة من - 00:39:20ضَ

يا رب كلا اذا بلغت التراقي. ايه اللي بلغت التراقي؟ الروح. ايه ده! هو ربنا بيتكلم دلوقتي عن ايه ؟ عن خروج الروح. خروج الروح اللي هو الايه ؟ الموت؟ طب يا رب طب ما كنت تتكلم عن الموت قبل - 00:39:30ضَ

بتتكلم عن القيامة. لا ده ربنا بيجيب لك اخر السورة بقى اخر مشهد لك في الدنيا. وانت نايم على فراش الاحتضار. كلا اذا بلغت التراقي والروح بتتسحب من الرجلين من الصوابع من الفخذين من البطن من الصدر من الايدين من الكتفين لغاية ما توصل للنقطة دهي. اللي ما - 00:39:43ضَ

القوتين دهم العضمتين اللي بالعرض دول. لغاية ما توصل للنقطة دي. كلا اذا بلغت بلغت يعني وصلت خلاص. لو طلعت كده خلاص هترجع ازاي تاني؟ كلا اذا بلغ التراقي وصلت لهذه النقطة. روحك بقت هنا. وانت نايم وخلاص رجليك بدأت تدلك. فاللي حواليك بدأوا يحسوا رجليه اتلجت. رجليك ما عادتش - 00:40:03ضَ

ايديه ما عادتش بتتحرك ليه ؟ هو ما له؟ هو حصل له ايه ؟ وقيل من راق. مين ييجي يرقيه بسرعة؟ مين ييجي يعمل اي حاجة؟ اجروا اتصلوا الدكتور اجروا هاتوا عربية اسعاف. اجروا اتصلوا بالمستشفى. من راق. حد ييجي ينجدنا. اللي حوالينا بقوا مرعوبين وملهوفين بيحبوك ومش عايزين يسيبوك - 00:40:23ضَ

متمسكين بك بس انت بتتسحب من ايديهم غصب عنهم. والملايكة برضو تقول من راق. يعني ايه؟ الملايكة تقول من راق يعني ايه؟ يعني مين اللي هيرقى به؟ ملايكة الرحمة ولا ملايكة - 00:40:43ضَ

يعني روحوا لما هتطلع مين اللي هيركب روحه ملك الموت لما هينزع روحه. مين اللي هياخدها من ملك الموت؟ ملايكة الرحمة اللي وجوهها كانها الشمس مشرقة ولا ملايكة العزاب اللي هي سود الوجوه ومعهم مسوح من مسوح النار كفن من جهنم يتلف فيه روح المعذب والعياذ بالله. مين اللي هيرقى به؟ ملايكة - 00:40:53ضَ

الرحمة اللي هتطلع به سبع سماوات كل ما يطلع لباب من ابواب السماء يتفتح له. عشان روحه تطلع الى الله سبحانه وتعالى. ولا ملايكة العذاب اللي هتاخده وتطلع به للسماء - 00:41:13ضَ

فلا يفتح له ابواب السماء حتى يلج الجبل في سم الخياط. ثم يطرح الى الارض طرحا والعياذ بالله. مين اللي هيرقى به؟ مين؟ مين اللي هيرقى بك مين اللي هيركى يا جماعة؟ مين اللي هيرقى بهذه الروح؟ مين اللي هيرقى بروحك؟ ملايكة الرحمة ولا ملايكة العزاب؟ مين وانت بتموت كده لما هتبص هتلاقيه قدامك دول ولا دول - 00:41:23ضَ

مين وانت طالع من قبرك هتلاقيه قدامك دول ولا دول ؟ مين يا اخوانا ؟ يا اخوانا احنا عايزين نحط الاخرة بين عينينا هنا هو. يعني عينينا دي تفضل ما تبصش غير عليها عشان نوصل - 00:41:44ضَ

ربنا سبحانه وتعالى عشان نصل الى الله سبحانه وتعالى. كلا كلا اذا بلغت التراقي وقيل من راق وظن انه الفراق بس كل اللي حواليه بيقولوا حد يرقيه ولا حد ينجده. وهو عارف ان هو الموت - 00:41:54ضَ

انت نايم ساعتها وانت عارف ان هو الموت لا محالة. عارف ان هو ده الاجل. ده انت روحك بقت هنا. خلاص بقى. مين ايه ودكتور ايه خلاص ما عدش ينفع - 00:42:13ضَ

ظن انه الفراق عرف ان هو الموت. بس شوفوا ربنا بيقول ظن انه الايه؟ الفراق. الفراق ده لما يكون اتنين حبايب اوي اوي. بيسيبوا بعض في كل واحد فيهم قلبه بيتقطع على التاني فراق. فراق. الفراق ده بعد الاحبة. انما الهجر او ده ده بعد الكارهين. انما - 00:42:23ضَ

ده بعد الاحبة يا جماعة. بعد الاحبة بيبص نايم على فراش الموت وبيبص حواليه. للبيت اللي بناه بعمره وبشقى عمره. انا هسيبك انا انا ارتبط بك انا ارتبطت بالبيت ده بس النهاردة هنام في بيت تاني خالص. يبص للعفش اللي فرشه بعمره كله هيسيبه. يبص لمراته اللي بيحبها. ما هواش عايز يسيبها بس - 00:42:43ضَ

سبها غصب عنه وعنها يبص لولاده فلزة كبده وهم بيعيطوا وهو قلبه بيتقطع هيسيبكم غصب عني ما اقدرش. ده حكم الملك سبحانه وتعالى يبص لاصحابه والاخوان وهم واقفين حواليه هسيبكم غصب عني. يبص للشهادة المتعلقة على الحيطة اللي قعد سنين طويلة يحصل فيها. هيسيبك - 00:43:03ضَ

غصب عني خلاص ظن انه الفراق هيسيب الدنيا وهيسيب متاحها وهيسيب شهواتها وهيسيب كل حاجة ارتبط بها في الدنيا. وظن انه الفراق والتفت الساق بالساق وظن انه الفراق. والتفت الساق بالساق. لما يظن ان هو الفراق يبدأ رجليه تلف - 00:43:23ضَ

حوالين بعضها يبدأ جسمه ينكمش يبدأ يحس انه خلاص ما عدش مرعوب. ده انا ده انا تلات ساعات ولا ساعتين وهنام تحت تحت الارض وهنام في بيت جديد كنت باعدي من عليه في الدنيا بس ما كنتش بابص له. اول مرة هابص. اول مرة هاسكن فيه ده انا ده انا مش هابص له. ده انا هاسكن فيه. وظن انه الفراق والتفت الساق - 00:43:43ضَ

بدأ جسمه ينكمش. وبدأ جسمه يدخل في بعضه. وبدأ يحس ان هو ما هوش قادر يعمل حاجة. ما هوش قادر. هيعمل ايه؟ هيخطي خطوة لقدام. هيخطي خطوة لقدام ازاي ؟ ده هو مرعوب من الاخرة. هيرجع خطوة لورا مرة واحد والله قال لي. قال لي والدي مات انا شفت بعد ما مات انه معدي من على كوبري كده كوبري على الماية قام - 00:44:06ضَ

رجليه لفة في بعضها. فقام واقف ما هوش عارف يمشي قلت الله اكبر. والتفت الساق بالساق. ده عمل ايه ده؟ ده كل ورس يتامى ولا كل ربا ولا كل حرام ولا عمل - 00:44:26ضَ

ايه وهو بيعدي من على الصراط تلف الساق بالساق خلاص. ولو نشاء لمسخناهم على مكانتهم. يتمسخ على مكانه. زي ما يلتف الساق بالساق كده. يقف على الصراط. فما استطاعوا مضيا ما يقدرش يكمل. هيكمل ازاي ؟ ما هو خلاص الطريق قدام ضلمة. ولا يرجعون هيرجع ازاي ؟ ده هو اتجاه واحد يبقى الحل انه - 00:44:36ضَ

في جهنم والعياذ بالله والتفت الساق بالساق الى ربك يومئذ المساق. مشهد الجنازة مشهد بعد ما مات خلاص الروح طلعت جنازة فوق في السما. مشهد بعد ما الروح طلعت واتغسل - 00:44:56ضَ

وتكفن كفن ما لوش جيوب ما فيش فيه جيب يتحط فيه فلوس ما فيش فيه جيب يتحط فيه موبايل حد يرن لك ولا يرن لك يونسنا في العزلة دي. ما فيش فيه جيب يتحط فيه اي ام بي ثري ولا حاجة الواحد يسمع يسمع اي اغنية - 00:45:13ضَ

خلاص الى ربك يومئذ المساق والجنازة ماشية. وهو متشال على الاعناق. والله اعلم. والناس ماشية عايزة تضعه في التراب وترجع الله اعلم هو بيقول قدموني قدموني ولا بيقول يا ويلها اين تذهبون بها؟ الى ربك يومئذ المساق متشال على الاعناق - 00:45:27ضَ

الى حيث يلقى جزاء كل عمل صالح او عمل سيء عمله. الى ربك يومئذ المصاب فلا صدق ولا صلى جاي مفلس جاي معهوش رصيد. ما اهتمش ان هو يعمل رصيد. ما اهتمش ان هو يشحن رصيد. فلا صدق ولا صلى. ربنا بيقول ايه في اخر السورة؟ بيقول ايحسب - 00:45:47ضَ

الانسان ان يترك سدى ايحسب الشباب ان يتركوا سدى ايحسب البنات ان يتركوا سدى؟ ايحسب الاباء والامهات ان يتركوا سدى؟ احنا فاكرينها لعبة يا جماعة احنا فاكرين الدنيا لعبة احنا مش جايين نلعب - 00:46:08ضَ

والله العظيم احنا مش جايين نلعب. المظاهرات اللي بتتعمل بعد ماتشات الكورة الايام دي بمناسبة انتصار مصر. الانتصارات التاريخية بتاعة مصر في الكورة المظاهرات اللي بتتعمل للفجر دي ما اتعملتش من الشباب لما النبي اتشتم في الدنمارك - 00:46:24ضَ

ومش هتتعامل من الشباب لما الفيلم الهولندي اللي عايزين يحرقوا فيه المصحف ويشتموا في الاسلام اتعمل. المزاهرات دي ما اتعملتش يا جماعة. ما اتعملتش ليه؟ ليه عاطفية تجاه الدنيا اعظم واكبر من عاطفتنا تجاه الدين. ايحسب الانسان ان يترك سدى زي ما ربنا بيقول كده. وكم قسمنا من قرية كانت ظالمة اتقطمت - 00:46:39ضَ

وانشأنا بعدها قوما اخرين. ايه ده اتقطمت! فلما احسوا بأسنا اذا هم منها يرقدون. اول ما حسوا ان عقوبة المعاصي بتتنزل السنة بتتزلزل السما بدأت تبطل حجارة ولا حاجة. الارض بدأت تضطرب. فيه ملايكة بدأت تتشاف. اذا هم منها يركضون طلعوا يجروا يجروا يجروا. لا تركضوا وارجعوا الى ما - 00:46:59ضَ

ومساكنكم لعلكم تسألون. وينزل كل مجموعة من الملايكة على واحد من العصاة والمجرمين اللي بيجرم تدور معركة بينه وبينهم غير مرئية ما حدش فيسقط جثة هامدة لا ترقدوا وارجعوا الى ما اترفتم في الملايكة بتقول لهم تعالوا. انت رايح فين يا حبيبي؟ انت رايحة فين يا حبيبتي؟ وارجعوا الى - 00:47:19ضَ

اترفتم فيه ومساكنكم لعلكم تسألون. قالوا يا ويلنا انا كنا ظالمين. طب خلاص والله معلش. فما زهلت تلك دعواهم حتى جعلناهم حصيدا خامدين. الموقف انتهى يا جماعة والقرية كلها بقت جسس جميلة على الارض. التعليق اللي نازل من فوق سبع سماوات ايه! التعليق الرباني ايه! وما خلقنا السماء والارض وما بينهم وما لاعبين - 00:47:39ضَ

انتم كنتم فاكرينها لعبة؟ اللي ضيع تسعة وتسعين في المية من البشر انهم كانوا فاكرينها لعبة اللي ضيع ناس كتير اوي اللي ضيع رجال كتير اوي ونساء كتير اوي النوم كانوا فاكرينها لعبة - 00:48:03ضَ

انهم كانوا فاكرين انهم جايين الدنيا دي يلعبوا الدنيا دول يعملوا لقمة على مزاجهم. ايحسب الانسان ان يترك سدى؟ الم يكن نطفة من مني يمنى؟ ثم كان علقة ده انت كنت علاقة اتنين سنتي في جدار الرحم. ده انت كنت علقة اتنين سنتي في جدار الرحم - 00:48:17ضَ

احنا كنا عرق يا جماعة وقبلها كنا نطفة. نطفة عارفين زي الضفادع اللي بتبقى لسة ديدان كده بتجري في الماية قاعدة تجري في الماية كده. كان الواحد نطفة زي دي كده. وبعد كده - 00:48:36ضَ

علاقة اتنين سنتي متعلقين في جدار الرحم. الم يكن نطفة من مني يمنى ثم كان علقة ربنا بيقول لك انت افتكر انت كنت ايه؟ افتكر انت كنت ايه؟ يا اللي بتعصوا ربنا. يا اللي اتفتنتوا بالمعصية. يا اللي ربنا اداك جمال ولا - 00:48:46ضَ

حاجة وبقيت ممسلة ولا بقيتي مغنية وقاعدة تفتني شباب المسلمين ليل نهار وانت كنت علقة وكنت نطفة يا حوت يا اللي قاعد تاكل اموال المسلمين ليل نهار. تاكل حرام وتبلع ربا وتاكل رشوة وتسرق. وتدوس بجزمتك على رقبة الغلابة - 00:49:03ضَ

انت كنت علقة وكنت نطفة. يا شاب يا اللي قاعد من ساعة ما بتصحى لغاية ما تنام. تكلم دي على المحمول. وتقابل دي برة وتبص لدي وتكلم دي وتمسك ايد دي والسلسلة بعد كده معروفة. ده انت كنت حتة نطفة وحتة علقة. يا بنتي يا اللي ماشية عاملة شعرك بميت جنيه عند الكوافير - 00:49:22ضَ

ولابسة طقم والعياذ بالله مرات ابو جهل ومرات ابو لهب ما كانوش يقبلوا ان هم يمشوا به في الشارع في شوارع مكة. وماشية فرحانة ان ده بيبص لك وده بيتفتن - 00:49:42ضَ

وده بيتجرجر على جهنم بسببك. ده انت كنت حتة نطفة وكنت حتة علقة. يا اللي ظالم لمراتك ويا اللي ظالمة لجوزك. ويا اللي واكلين في بعض وايه اللي واكلين مال اليتامى ويا اللي ناسيين اخرتكم ويا اللي سادرين في غيكم ويا اللي مستهترين بالقضية ويا اللي فاكرين ان ركعتين بتخطفوهم - 00:49:52ضَ

كل يوم وخلاص بسرعة كده وقلوبكم بتفكر في الدنيا. كفاية قوي على ربنا. ده انتم كنتم حتة نطفة. كنتم حتة علقة. ايحسب الانسان ان يترك الم يكن نطفة من مني يمنى - 00:50:12ضَ

ثم كان علقة فخلق فسوى فجعل منه الزوجين الذكر والانثى. اليس ذلك بقادر على ان يحيي الموتى؟ اليس ذلك بقدر؟ بلى قادر ربنا مش قادر انه ينفز كل كلمة قالها في السورة ربنا مش قادر انه يعمل كل كلمة قالها في السورة مش ده كلام الملك العظيم يا جماعة بلى قادر يا رب قادر - 00:50:27ضَ

يا رب اتقفل اتقفل الفيلم بتاع الصورة دلوقتي يا جماعة. اتقفل العرض الحي اللي احنا كنا فيه دلوقتي يا جماعة تفاجأ انك لسة في الدنيا. هتفاجئ انك انت لسة هنا. هتفاجئي ان مشهد بارق البصر. وخسف القمر اللي اترعبنا منه. وبعد كده فجأة لقينا نفسنا الى ربك يومئذ - 00:50:50ضَ

المساق واحنا بنتساءل لربنا سبحانه وتعالى نتحاسب. وبعد كده فجأة مشهد واحنا بنقر على اعمالنا ينبأ الانسان يومئذ بما قدم واخرى. وبعد كده مشهد الواحد بيتوسل ويتضرع ويبكي بندم. بل الانسان على نفسه بصيرا. وبعد كده مشهد واحنا نايمين على فراش الموت. في اخر دقايق في عمرنا - 00:51:07ضَ

كده مشهد واحنا متساقين في الجنازة خلاص مشهد عجز تام تام تام بعد كده ربنا سبحانه وتعالى بيقول لنا اهو انتم لسة هنا اهو انتم لسة قدامكم فرصة اهو. يا اصحاب النفس اللوامة. يا اللي عاوز بس مش قادر. يا اللي عاوزة بس مش قادرة. يا اللي عاوز تطلع في الطاعة اكتر من كده - 00:51:27ضَ

كده وتبقى قوام وصوام بس مش قادر على نفسك يا اللي تبت الى الله بس لسة فيه معصية مش قادرة تسيبيها. فيه حاجة من اللي ربنا نهى عليها لسة مش قادرة تسيبيها. يا اللي تبت ولسه مش قادر تسيب الاغاني او السجاير. او - 00:51:48ضَ

او مش قادر تسيب قناة معينة ربنا حرم انك تنزر على المنازر اللي فيها. يا اللي التزمت وانتقبت بس لسة طاعات الدين مع جوزك ومع رحمك ومع ومع ربك في عبادتك لسة ما اتظبطتش - 00:52:02ضَ

يا جماعة يا مذبذبين يا اللي سطر وسطر يا اللي فترة مقبلين على الله وفترة بعاد على الله. يا اللي الصحيفة بتاعتنا شوية طاعه وشوية معصية. يا اصحاب النفس اللوامة. يا اللي عاوزين تبقوا احسن من كده. يا جماعة - 00:52:15ضَ

فوقوا. يا جماعة انتبهوا. يا جماعة انا باوصيكم النهاردة ان انتم كل واحد مننا ان شاء الله يعني احنا الوقتي في التوصيات انا باوصيكم ان كل واحد مننا ان شاء الله الليلة يمسك صورة القيامة ويقرأها كويس جدا في قيام الليل. انا عايزك تقومي الوقتي بقى ان شاء الله تتوضي وضوء كده كويس كده عشان الوضوء - 00:52:28ضَ

من كلمة ضياء حتى عشان تبقي كلك ضياء كده الزنوب والسواد بتاع الزنوب ده ينزل من على قلبك ومن على وشك انا عايزك تقوم تتوضى بعد الحلقة ديت وتقوم تقف بين - 00:52:46ضَ

ربنا سبحانه وتعالى وتمسك المصحف او لو حافز سورة القيامة من غير مصحف. وتقف تصلي في ركعتين بس انا عايز الركعتين يطولوا. انا عايز كل كلمة في السورة مرتين وتلاتة واربعة. انا عايزك تبكي الليلة. انا عايزك دموعك دي تنزل على وشك وانت بتقولي له ارحمني يا رب. وخذ بناصيتي اليك وخد بايدي اليك يا رب - 00:52:56ضَ

انا عايزك ما تخلصش الركعتين دول غير وانت بتبكي من ايدين ربنا سبحانه وتعالى. يا جماعة يا جماعة ده عزم نعزم كده قدام ربنا عهد قدام ربنا انكم تقوموا تصلوا - 00:53:16ضَ

قيام الليلة وتحفظوا سورة القيامة ان شاء الله بازن الله. وتحفزوها. ولما تحفزوا السورة بازن الله سبحانه وتعالى يعني نبدأ نسمعها بقى ونبدأ بقى سنة الحفز بتاعة القرآن وحزاير التسميع. وطول الاسبوع ده الى ان نلتقي ان شاء الله الجمعة القادمة بازن الله برضه في نفس المعاد دهوت لغاية ما نلتقي الجمعة القادمة باذن الله سبحانه وتعالى - 00:53:26ضَ

نبدأ بقى نعيش مع سورة القيامة طول الاسبوع ده. عشان المرة الجاية نتكلم عن نموزج تاني بقى. ونتكلم عن خطوة تانية في طريقنا لربنا سبحانه وتعالى. ونبدأ بقى ناخد ايدينا بايدين بعض - 00:53:46ضَ

ننطلق الى الله سبحانه وتعالى. يا جماعة يا جماعة احنا مش هنعرف زنوبنا حاجبة عننا عطاءات من ربنا قد ايه غير لما نتوب. زنوبنا عاملة زي السقف اللي فوقي ده هو - 00:53:56ضَ

زي السقف اللي فوقك الوقتي واللي فوقك الوقتي. السقف مانع العطاءات بتاعة ربنا انها تنزل ومانع الدعاء بتاعنا ان هو يطلع. بس السقف فيه حتة لسة مفتوحة. الزنوب ما سدتهاش. ففي عطاءات برضو بتنزل. فانت - 00:54:06ضَ

بيتهيأ لك ان ده الطبيعي ان الطبيعي ان ان العطاءات دي بس. ان هو ده كرم ربنا او ده عطاء ربنا لأ. ده انت لو ادمنت الاستغفار انت لو جددت التوبة الليلة - 00:54:20ضَ

السقف ده اتزال بقى سقف المعاصي ده سقف حجب المعصية هتفاجئوا بان السما بتمطر عليكم عطاءات لربنا سبحانه وتعالى. هتفاجئوا ان ان ايه ده يا رب ايه الكرم ده! هو ده الطبيعي يا جماعة! هو ده الطبيعي! بس كانت زنوبنا حدبة علينا. انا عايزنا نقول كلنا الوقتي. اللهم انا تبنا اليك. لا لا لا لا. انا عايز كلنا - 00:54:30ضَ

نقول الوقتي سيد الاستغفار. انا عايزك بقلبك الوقتي تقولي معي. وبقلبك تقول معي. اللهم انت ربي اللهم انت ربي لا اله الا انت ما ليش غيرك. هاروح فين ؟ انا على بابك اهو. احنا على بابك اهو. يا ملك يا عظيم. احنا على بابك اهو. والتلت الاخير من - 00:54:50ضَ

بالليل داخل او بيدخل اهو يا رب. احنا على بابك لا اله الا انت خلقتني وانا عبدك وانت تقولي خلقتني وانا امتك. انت اللي خالقني زرة زرة في جسمي ايدك انت. قلبي ده صنعة ايدك انت. ناصيتي دي من ايديك انت. خلقتني وانا عبدك. وانا على عهدك ووعدك ما استطعت - 00:55:07ضَ

على دي يعني عزم ما استطعت هجيب اخري يا رب. من النهاردة انا هجيب اخري. امال سيد الاستغفار ليه؟ لان فيه عزيمة رهيبة على الطاعة وانا على عهدك ووعدك ما استطعت. ما استطعت له يعني هجيب اقصى استطاعة. انا هجيب اخري يا رب. انا من النهاردة انا جديدة يا رب. انا من النهاردة عبد جديد يا رب - 00:55:27ضَ

انا من النهاردة انسان جديد. انا من النهاردة هموت نفسي في كل يوم من حياتي عشان اطيعك يا رب. عشان كل يوم اقرب منك خطوة جديدة. وانا على عهدك ووعدك ما استطعت - 00:55:47ضَ

اعوذ بك من شر ما صنعت. نجني من عقوبة معصية في الدنيا يا رب. ذنوبي هتضيعني. ذنوبي بقى لها سقف حاجب بيني وبينك. اعوذ بك من شر ما صنعت احميني من زنوبي واحميني من نفسي يا رب - 00:55:57ضَ

ابوء لك بنعمتك علي يا ما انعمت علي ومعترف ومعترف وابوء بذنبي ومعترف بذنوبي كلها. كلها يا رب معترف بها كلها. ادم لما عصى ربنا ابليس لما عصى ربنا قال فبما اغويتني - 00:56:14ضَ

اتهم ربنا انما ادم لما عصى ربنا قال ربنا ظلمنا انفسنا. اتهم نفسه. فانا باتهم نفسي عشان انجو زي ادم. مش هاعاند عشان اهلك زي ابليس انا يا رب ابوء بذنبي انا معترف - 00:56:29ضَ

عايز ايه ؟ اغفر لي. اغفر لنا يا رب. امحو زنوبنا كلها يا رب فانه لا يغفر الذنوب الا انت. ما لناش غيرك. وواقفين على وما لناش امل غير فيك. اللهم تب علينا لنتوب - 00:56:42ضَ

اللهم تب علينا توبة ترضى بها عنا. قولوا امين من قلوبكم يا جماعة. قولوا امين. احنا داخلين على ساعة اجابة. اللهم تب علينا توبة نصوحة. اللهم اصلح لنا قلوبنا املأ لنا قلوبنا نورا. املأ لنا ابصارنا واسماعنا نورا. اللهم ثبت قلوبنا على دينك حتى نلقاك - 00:56:56ضَ

اللهم احفظنا من الفتن ومن الشهوات يا رب. يا رب قدمنا الى بابك وليس لنا ملاذ الاك. يا رب يا رب يا رب احمنا من فتن الشيطان ومن فتن النفس والهوى يا رب. اللهم ثبتنا على دينك. اللهم استعملنا ولا تستبدلنا. اللهم استعملنا ولا تستبدلنا. اللهم - 00:57:16ضَ

انصر اخواننا في فلسطين وفك كربهم وفك اسرهم يا رب. اللهم تب علينا توبة ترضى بها عنا. امين امين امين. سبحان سبحانك اللهم وبحمدك اشهد ان لا اله الا انت - 00:57:36ضَ

استغفرك واتوب اليك وجزاكم الله خيرا - 00:57:51ضَ