باحث

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد تخيل لو ان لو انك اه يعني بتحب العسل مسلا. وضع امامك طبق من العسل. جميل طعمه جميل - 00:00:00ضَ

صاحبك حب يعمل معك واجب فرش عليه شوية خل طعمه ايه طعمه زفت. مش كده طب لو جبنا عسل احسن شوية. احسن منه جودة وحطينا عليه خل برضو. هيطلع ايه؟ زفت برضو. طب نقينا بقى عسل جبلي اسود كده وحلو مقاوم للخل - 00:00:30ضَ

وحاطين عليه خل يطلع ايه؟ زفت برضه. هو ده الدرس بتاع النهاردة طريقة عمل العسل بالخل. قناة فتافيت. اي عسل هتحط عليه خل هيطلع زفت. مهما كان حلاوته مهما كان جماله مهما كان غالي مهما كان اصلي مهما كنت جايبه منين - 00:00:55ضَ

الخل كفيل ان هو يفسد اي نوع من انواع العسل. هو ده الدرس النهاردة. قال النبي عليه الصلاة والسلام وان سوء الخلق لا يفسد العمل كما يفسد الخل العسل الصورة قبيحة ازاي في زهنك؟ ان صورة اي نوع من العسل مهما كان جميل - 00:01:25ضَ

لكن حط عليه اي نوع من الخل مهما كان غالي او رديء مش تفرق لا يمكن ان يحتمل اصلا انك انت تتخيل انك انت يمكن ان تقبله كزلك الانسان مهما كان ملتزم بكل انواع واشكال الالتزام صلاة وعبادة صيام قرآن كل حاجة كويسة - 00:01:52ضَ

لكن جمع مع زلك فقط سوء الخلق فهذا مردود عمل فاسد عمله فاسد تواضعه عند ربنا صعب للغاية. زي ما انت كده ما قبلتش انك انت تاكل عسل مهما كان غالي - 00:02:12ضَ

علشان عليه خل كزلك صاحب الخلق السيء ما الطرود من الله سبحانه وتعالى مهما كان عمله طيب مهما كان عمله طيب. لزلك احنا في سلسلة اساسيات الهداية او اساسيات الطريق الى الله - 00:02:29ضَ

بنضع معالم المعالم اللي احنا بنحطها ديت احنا قلنا بنحط اصول واساسيات. يعني الالتزام له حاجات كتير قوي. بس احنا بنأسس دلوقتي. احنا اسسنا للصلاة واسسنا للتدبر واسسنا للخشوع واسسنا فهم القرآن ومصاحبة القرآن لان دي حاجات ما ينفعش يبقى واحد اسمه ملتزم مع - 00:02:46ضَ

ما عندوش حفاظ على الصلاة ما عندوش خشوع ما عندوش تدبر ما عندوش ورد قرآن ما عندوش ورد حفز ما عندوش مصاحبة للقرآن. النهاردة بنتكلم في نقطة اساسية ما ينفعش باي حال من الاحوال يتسمى واحد ملتزم الا يتوفر فيه هذا الشيء وهو ان تكون اخلاقه حسنة - 00:03:06ضَ

ليه بقول كده؟ لان زي ما قلنا كتير ان بقى المسمى فضفاض. اي حد ملتحي اي واحدة منقبة اي واحد بيصلي اي واحد شكله كده عليه زبيبة بتاع ده اسمه ملتزم. لكن الملامح لازم تكون واضحة. حتى لا ينتسب الى هذا المسمى الشريف من ليس منه. ملتزم - 00:03:25ضَ

تعني امور منها انك انت بعد الالتزام اخلاقك تختلف تماما. عن قبل الالتزام. انك انت يظهر عليك سلوك مختلف. اهلك يشوفوا ده فيه امك تستغربك اصلا. تقول له انت يا ابني حصل لك ايه - 00:03:45ضَ

اتحولت ولا انت اتجننت؟ انت بتسمع الكلام؟ انت جيت بدري النهاردة ازاي؟ عارف انت الجو ده اللي هو ايه يتخانقوا معك ايه اول ما تربي دقنك يبتدوا يتخانقوا معك. واخد بالك؟ فانت تروح رادد عليهم بايه؟ باخلاق. اديها اخلاق. اديها اخلاق. يروحوا بالعين لك كل - 00:04:02ضَ

كل حاجة. اي حاجة تعملها كلها تعدي. طالما بقت كده. يقول لك يا ابني لو انت كويس كده وبالدقن خلي الدقن مش مهم. المهم انك انت ايه بقيت بتسمع الكلام - 00:04:20ضَ

اهم حاجة عندنا. واخد بالك؟ يبتدي اهلك نفسهم مش مصدقين انك انت بقيت كده اصحابك بقوا يستغربوك ما بقتش تشتم بقتش تعاير ما بقتش تسخر ما بقتش يعني وقح في الكلام. بقت تتكلم كلام عالي قوي - 00:04:30ضَ

فاكر زمان كان كان بعض اصحابنا ممكن ما يفهموش حتى الكلام اللي بنتكلمه يعني. ممكن اقول له مسلا جزاك الله خير يقول لي يعني ايه يعني الالفاظ اصلا ما فيش يعني كانت الفاظ تانية بقى خالص واخد بالك الكلام اصلا يعني ايه قبيح جدا. لكن الكلام نفسه اتغير الناس يشوفوه - 00:04:47ضَ

بيستغربوك يعني لو واحد صاحبك من زمان جه قبلك ما يعرفكش اصلا. يقول لك انت حصل لك ايه انت كلامك اتغير. سلوكك اتغير. ويجي هو بقى يهزر معك الهزار القديم يلاقيك انت ايه - 00:05:04ضَ

قافش شوية خلاص ما بقاش ينفع ان انت تعمل الحاجات ديت. فحسن الخلق ده سمت شيء بيبان على الملتزم على طول. لو وجدت ان هو قبل التزامه زي بعد التزامه يعني - 00:05:16ضَ

مش حاسين باي اختلاف. اهله مش حاسين باي اختلاف. هو مجرد بيصلي بيصوم بيقرا قرآن بس التعامل عادي خالص اعرف ان دوت يعني ايه لسه بدري عليه. لسه ما التزمش. طيب احنا عايزين الاول نأصل اصل مهم. هو احنا ليه حطينا حسن الخلق في الاساسيات - 00:05:26ضَ

بل هو من اهم الاساسيات زي ما قلنا المسألة الاولى اللي اتكلمنا عنها ان وجود سوء الخلق مع الملتزم يفسد كل شيء النبي عليه الصلاة والسلام ذكرت له امرأة قالوا له فلانة وكانوا يحسنون الو عليها كلام زي الفل. قالوا كثيرة الصلاة كثيرة الصيام كثيرة الصدقة - 00:05:45ضَ

قال رسول الله ولكنها تسيء الى جيرانها. فقال عليه الصلاة والسلام هي في النار صريحة قالوا فلانة ما تقول في فلانة قليلة الصلاة طبعا النوافل يعني ها لما الصحابة يقولوا قليلة الصلاة ما طبيعي ان يكون ايه؟ ما بيتكلموش في الفريضة اصلا - 00:06:10ضَ

واخد بالك؟ قالوا قليلة الصلاة قليلة الصيام نوافل يعني. قليلة الصدقة ولكنها تحسن الى جيرانها. قال هي في الجنة هذا وحي. النبي عليه الصلاة والسلام اوحي اليه بالاتنين دول. قال الاولانية دي ربنا اوحى الي في النار - 00:06:29ضَ

والتانية دي في الجنة. انا ممكن معاملة واحدة تدمر لي كل ما افعل خلق واحد بزيء يدمر لي كل الالتزام اللي انا فرحان به دوت. دي المسألة الاولى الحاجة التانية ليه حسن الخلق مهم جدا لان احنا - 00:06:46ضَ

احنا اتكلمنا في دروس عن ايه؟ عن الصلاة. قرآن. قيام الليل. طبعا سمعنا حاجات ايه؟ فزيعة جدا. السلف بقى واحوالهم مع الصلاة واحوالهم مع قيام الليل واحوالهم مع تدبر واوراد القرآن اللي كان بيجيب القرآن في سبع تيام وتلات تيام وعشر تيام واللي كان بيصلي بربع القرآن والبكاء وتكرار الايات - 00:07:05ضَ

حاجات طبعا بالنسبة لك ايه؟ يعني يعني فيلم خيال علمي اصلا. انت بتسمع فيلم خيال علمي. انك انت تتصور انك انت ممكن تدرك الصورة دي. انت اصلا يعني اما بتسمع - 00:07:24ضَ

اسمع كده ايه عارف انت النظرة اللي لا مؤاخزة ليه بالهاء كده آآ ان شاء الله مع نفسكم اللي هو ما فيش امل اصلا انت بتتكلم فينا بقى ده انا بحارب عشان اصلي الفجر. يعني يعني انا ملتزم عندنا بيصلي الفجر مقطع - 00:07:34ضَ

فطبعا احنا بنقولها يمكن حد ربنا يكرمه ويبقى كويس. بس الطبيعي بتاعنا ان احنا لما هنلتزم كبرنا اوي هنجيب الواجبات يعني ايه والمستحبات دي يعني كده على الماشي يعني. فدايما السلف في الموضوع ده صعب ادراكهم بشكله شكل كبير يعني. طيب ايه يعني؟ طب اعمل ايه - 00:07:50ضَ

نفسي يعني ايه اللي يخليني اعوض النقص دوت في جانب الصلاة الطويلة قوي بتاعتهم ده والصيام الكتير قوي والحاجات دي ما فيش حل ليك ما فيش حل ما فيش حل غير - 00:08:10ضَ

حسن الخلق لان النبي عليه الصلاة والسلام قال ان الرجل ليبلغ بحسن خلقه درجة الصائم القائم. ما فيش حل غير كده. انك انت تتاجر مع ربنا حسن الخلق. وده مقدور عليه - 00:08:20ضَ

ده مقدور عليه لانك انت تحاول تحسن اخلاقك ممكن يكون اسهل انك انت تقرأ ربع القرآن في ليلة والله يا صاحبي زمانا ده بقى اصعب صح؟ انك تسوق عربية وتروح من غير ما تشتم حد - 00:08:41ضَ

صعب جدا بس نفترض ان احنا في زمان يدعو الى الفضيلة يعني. ما لكش حل انك تدرك سلف الا بهزه الطريقة طبعا لو قلنا ان هم اصلا كانت اخلاقهم حسنة يبقى انت ايه ضعت يعني. بس احنا بنحاول نضحك عليك يعني. ان الرجل ليبلغ بحسن خلقه درجة الايه؟ الصائم - 00:08:59ضَ

القائم فكأنك صمت صيام طويل وقمت قيام طويل الحاجة اللي بعد كده في حسن الخلق ان حسن الخلق من العبادات التي لا تكلف لا وقت ولا مال ولا جهد يعني هي عبادة؟ على الطريق كده يعني. مش بتتكلف لا لا وقت - 00:09:23ضَ

ولا مال ولا جهد. يعني هي مش محتاجة لا تصرف ولا تتكلف وقت. ولا فيها مجهود. ليه؟ لان السلف مسلا كانوا يعرفون الايه؟ يعرفون حسن الخلق يقولون حسن الخلق هو - 00:09:45ضَ

كلمة طيبة ووجه طليق. بس. كلمة طيبة هنا كلمة طيبة هنا جزاك الله خيرا. آآ الله يبارك في حضرتك. ربنا يرضى عنك. آآ ربنا سامحك روح الله يسهل لك. آآ غفر الله لك. يا عم سبني في حالي. اي كلمة كلمة طيبة - 00:09:58ضَ

وجه تليق واحد ماشي في الشارع بيبتسم بيوزع ابتسامات هنا هنا هنا هذا الامر لا يكلف اي شيء وفي بعض السلف زاد عليه حتة كمان قال هو كلمة طيبة ووجه طليق - 00:10:17ضَ

وكف الاذى وتحمل الاذى كف الازى ده سهل. بص دايما الترك ما بيكلفش حاجة. يعني انا ما ازكش. دي حاجة مش مش هعمل لها حاجة يعني مش هتكلف شيء مش هأزيك الترك مش عمل او هو مش حاجة بتعملها زي واحد مسلا مش بيسرق هو بيعمل حاجة - 00:10:33ضَ

بس هو مش بيسرق مش بيقتل فدي عبادة بس هي ما بتعملش حاجة. انت ما بتعملش حاجة. كزلك كف الازى ما بيكلفش لا وقت ولا مال تحمل الاذى ممكن تكون دي صعبة سنة. لكن ساني جاهد نفسه على تحمل الازى - 00:10:54ضَ

والبعض عرف حسن الخلق قال هو بذل الجميل وترك القبيح بس انك انت تبزل للناس كل جميل وتترك كل ما يستقبح من اخلاق الناس وربنا جمع الكلام ده كله في قوله تعالى خذ العفو - 00:11:11ضَ

وامر بالعرف واعرض عن الجاهلية. دي خلاصة الاية دي جمعت اصول الاخلاق. يعني ايه خز العفو؟ خذ ما عفا من اخلاق الناس والعفو هو الزيادة يعني. الحاجات اللي ايه اللي الناس طالعة منهم خد منهم وخلاص. وتجاوز الايه؟ عن الباقي. خز العفو. يعني ما عفا عن اخلاق الناس - 00:11:31ضَ

اللي يخرج منهم اقبله وخلاص مش هتعرف تزبط كل واحد على مقاسك دي نصيحة عظيمة على فكرة خز العفو دي درس بليغ جدا. لان كتير من الناس للاسف يا اخواني مشكلته مع الاخلاق ان هو فاكر كل الناس زيه. او عايز كل الناس - 00:11:51ضَ

على مقاسه. ودي بتعمل مشكلة كبيرة دايما بين الملتزمين. ان هو مسلا هادي واخوه مسلا آآ عصبي شوية. ان هو آآ يعني كثير الكلام واخوه قليل الكلام. ان هو مسلا شديد الحياة اخوه جريء - 00:12:06ضَ

شوية. ممكن هي حاجات مش حرام بس هي طباعة مختلفة. يبتدي يزعل من حاجات يعني يقول لك بيكلمني كلام صعب. هو طريقته كده. هو ما قال لكش حاجة حرام. بس هي طريقته كده في الكلام - 00:12:23ضَ

مش هعرف اغيره لك. هو شديد. هو جريء شوية. بس ما بيقولش حاجة حرام. هو يعني نرفز شوية. هو يعني تحس بيعصبك انت لازم تقبله على كده مش هتعرف تخلي كل الناس زيك. هو برضو شايفك وحش. هو بيقول عليك هادي قوي - 00:12:35ضَ

بارد اوي ما بيتحركش خالص. ما بيتكلمش. هو شايفك غلط برضو. فالحل ايه؟ خز العفو. يعني اخلاق الناس على طباعهم كده طالما حاجة ده مش حرام؟ اقبل منهم اخلاقهم وطباعهم لان انت مش ممكن تسطب الناس على ايه؟ على البرنامج بتاعك. والا هتعيش مع نفسك اوعى تنقي بقى ناس - 00:12:55ضَ

محدودة جدا تتعامل معهم وامر بالعرف. يعني انت نفسك التزم بما تعارف عليه الناس من اخلاق طالما مش حرام التزم بالشرع مع اعراف الناس طبعا مش اي اعراف. اعراف الناس اللي هي مش حرام. فازا تعارف الناس على خلق حرام - 00:13:17ضَ

اتركه ولا تبالي به. وليس هذا داخل في قوله تعالى وامر بالعرف وانما العرف وما تعارف عليه الناس من محاسن الاخلاق وليس من رزائل الاخلاق. العرف مسلا ان انا لو رحت فرح لازم اوجب وارقص مسلا - 00:13:37ضَ

يقول لك لا ده عيب خليك واد جنتل كده انزل اديها واحدة كده يعني ايه ده صاحبك يعني الروح بالروح يعني. ما ينفعش ما تعملش معه واجب يعني واحدة كده واحدة كده يعني. واخد بالك - 00:13:51ضَ

وانزل طلع سلاحك متكامل يعني ايه واقف كده يعني ما ينفعش انت كده ده طبعا ده انا بقول بصيغة الزكورة والا فاصيغة الانوسة هي اللي هي الاولى في الكلام دوت يعني. ففي واجبات جامدة قوي بتحصل يعني ودي بيعتبروها من محاسن الاخلاق - 00:14:01ضَ

عملت واك واجب في الفرح يعني عملت عملت معك واجب جامد اوي في الفرح ده انا ما عملتهاش لجوزي واخد بالك؟ اه. فدي اخلاق موجودة في المجتمع. طب دي اعراف ايه؟ اعراف مزمومة مردودة - 00:14:20ضَ

ليس لها قيمة وامر بالعرف يعني الاعراف اللي هي فيها محاسن فيها مكارم فيها اخلاق. يبقى خذ العفو خذ ما عفا من اخلاق الناس وامر بالعرف. وفي نفس الوقت ايه - 00:14:35ضَ

كف الازى وتحمل الازى واعرض عن الجاهلين. ده علاج مثالي. اخواني لكل الامراض النفسية اللي بتتعامل بها مع الناس. اعرض دعك منهم انت لن تزداد شيء بالرد عليهم. بل كلما رددت انت الذي ستنقص - 00:14:46ضَ

لانك انت المفترض اما نتكلم دلوقتي في السلسلة دي واحد بيلتزم او بيحاول يلتزم. فانت دلوقتي بقى عندك قيود يعني قيود حتى لو خربت قوي برضو لك اخر يعني ان الالتزام برضو بيمنعك انك تكمل للاخر. اللي بتتعامل معه ما عندوش القيود دي خالص بقى. هو مش ملتزم - 00:15:04ضَ

هو مش بيفكر زيك. انت عارف انها هتعمل حاجات حرام بس لك اخر. هتشتمه مسلا. هيرد عليك بالاب والام. ممكن انت يعني تيجي على نفسك شوية تروح رادد بالاب والام - 00:15:25ضَ

هيسب لك الدين هتيجي ساعتها ايه؟ صعب قوي بقى يعني ممكن ملتزم بيشتم بالاب والام ماشي ربنا هيغفرها دي ماشي يعني. لكن اسب الدين اروح فين بعد كده؟ فاللي دمك ما لوش حدود على فكرة. انت اللي هتخسر في الاخر - 00:15:36ضَ

انت اللي هتطلع خسران اكيد. لان هو ما عندوش حدود. انت بتفكر قبل ما تشتم وهو ما بيفكرش. انت بتفكر قبل ما هتضربه. هو مش هيفكر الاعراض حل مثالي. اعرض عن الجاهلية. يعني قل كلمة طيبة واطلع من الموضوع وخلاص. لان اخلاق الناس الان - 00:15:50ضَ

صارت لا تحتمل ولا يمكن مجاراة اخلاق الناس. خلاص اما انك انت هتبقى زيهم واسوأ او انت هتطلع خسران في كل جولة الاعراض حل مسالي. الا لو لك حق ما هتاخده بس ما ينفعش انك انت تنزل للمستوى ده يعني - 00:16:10ضَ

احنا بنتكلم ان ليه ليه حسن الخلق قلنا لان هو سوء الخلق يدمر العمل حسن الخلق يوصلك لدرجة الصائم القائم. حسن الخلق ما بيكلفش حاجة. لا وقت ولا مال ولا ايه؟ ولا مجهود. الامر الرابع لان حسن الخلق بحر حسنات - 00:16:27ضَ

لا يعي الناس هذا الامر هم في غفلة عن هذا الامر. الناس دائما تقول لك ايه؟ الحج بقى الصيام رمضان الصدقات كفالة يتيم والنبي عليه الصلاة والسلام يقول ان اثقل شيء في الميزان حسن الخلق - 00:16:48ضَ

اثقل شيء في الميزان. حسن الخلق. فبالتالي ازاي انسان يغفل عن هذه العبودية هذه العبودية الامر الخامس ان حسن الخلق يجعلك انت انت رغم انك انت ولا حاجة خالص لا في صلاة ولا في الصيام يجعلك احب الناس الى النبي عليه الصلاة والسلام - 00:17:05ضَ

ولو لم يكن في حسن الخلق الا هذه لكفت فمن منا لا يريد ان يكون في قلب النبي عليه الصلاة والسلام له مكانة وليس الامر بمكانة قلبية فقط معنوية بل هي مكانة مادية - 00:17:27ضَ

قال النبي عليه الصلاة والسلام ان من احبكم الي واقربكم مني مجلسا يوم القيامة. احاسنكم اخلاقا احاسنكم اخلاقا وفي رواية اخرى قال ان من ابغضكم الي اسوأكم اخلاقا وبالتالي يوم الابعد عن مجلس النبي عليه الصلاة والسلام يوم القيامة. تخيل يوم القيامة انت هتعيش بس تعامل الناس كويس عشان حاجة واحدة - 00:17:40ضَ

عشان يوم القيامة الاقي نفسي جنب النبي عليه الصلاة والسلام. عارف يعني ايه جنب النبي؟ هتلاقي نفسك وسط الصحابة هتجيبها ازاي دي؟ ما فيش اي عمل يبلغ ولا ما تعرفش. وكان يعني احد السلف او مسلم كان يقوم الليل حتى تتورم قدميه - 00:18:09ضَ

فازا تورمت قدماه كان معه عصاية كده وحب يريح شوية يروح ماسك العصاية يقعد يضرب في رجليه يقول قومي قومي يظن اصحاب محمد ان يسبقون اليه والله لا نزاحمنهم على الحوض - 00:18:23ضَ

بس هو خد سكة الايه؟ سكة القيام هل هو فاكر الصحابة اله وصوم لوحدهم جنب النبي؟ لا حيلاقوا معهم ناس كتير هيلاقونا معهم. احنا راشقين. طب راشقين ازاي؟ ما هي مش بالكلام. مش مش بالايه؟ مش بالفهلوة هي. لازم تبقى راشق - 00:18:45ضَ

بسبب واضح انت سكتك مش قيام ليل عرفناها خلاص. وقلنا الموضوع ده كتير. جبت لك يأس انا. هي السكة اللي ممكن اه يعني نسلك فيها شوية حسن الخلق ان من اقربكم مني مجلسا يوم القيامة احاسنكم اخلاقا. تلاقي نفسك واقف جنب الصحابة. مش مصدق نفسك. انا ايه اللي جابني هنا يا اخوانا؟ انا جيت غلط ولا ايه؟ هيقول لك - 00:19:02ضَ

والله ده في حسن الخلق يعني انت ايه وصلت للمنزلة العالية ديت حسن الخلق طبعا قضية اساسية في حياتك هو انت عايز ايه يوم القيامة غير انك تكون جنب النبي؟ عليه الصلاة والسلام - 00:19:25ضَ

حسن الخلق يجعلك افضل رجل في المسلمين الافاضل والاكابر قال عليه الصلاة والسلام خياركم محاسنكم اخلاقا خيركم خيركم لاهلي. وهي قضية خلقية وانت بتعمل ايه مع اهلك غير تعامل واخلاق - 00:19:37ضَ

ثم ان حسن الخلق فيه مزية هو ان حسن الخلق عبادة دائمة لا تنقطع يعني ايه يعني الصلاة لها وقت وكمية وقت وعدد الصيام وقت وعدد وينتهي بالمغرب وفجر الصدقة تتصدق ايه العمرة الحج كل حاجة ليها معاد - 00:19:55ضَ

حتى الحجاب هتلبس الحجاب في الشارع تقلعه في البيت. مش كده؟ لكن ايه الحاجة اللي اربعة وعشرين ساعة شغالة طالما انت صاحي قصدي حسن الخلق لانك انت لا تنفك عن معاملة. اما بتعامل صديق او جار او زوجة ام اب صاحب. مدير غفير - 00:20:15ضَ

وزير اي احد الانسان لا ينفك عن معاملة. فلو نوى الانسان ان هو يتعبد لله بحسن الخلق هيلاقي حاجات كتير قوي يعملها طول اليوم حاجات كتير هنتعمد بقى ان وجهه يكون طليق في وجه كل الناس. هيتكلف الكلمات الطيبة - 00:20:38ضَ

هيبتدي ينقي كلامه ينقي كلامه من باب التعبد قال بعض السلف لقد ادركنا اقواما ينتقون كلامهم كما تنتقون انتم اطيب الثمار يعني ايه الكلام؟ يعني انت دلوقتي رحت السوق تشتري ايه؟ تشتري فراولة. فراولة بقى وما ادراك ما الفراولة. هتنقيها ازاي - 00:20:57ضَ

هتتعب جدا. تقعد بقى تقلبها كده مضروبة تعملها كده لأ مش كويسة دي مفعصة. بتقعد ساعة تنقي في نص كيلو ايه؟ فراولة. في ناس بيعملوا كده في الكلام ممكن يقعد يفكر كتير قبل ما يقول كلمة. بس بيقول كلمة على الفردوس الاعلى على طول - 00:21:26ضَ

قاعد فكر فيها كتير بس كسب بيها مكسب كبير اوي في ناس بتنقي كلامها كده كان السلف ينتقون الكلام الواحد ممكن يكون يطول صمته لان هو بيفكر كتير قوي قبل ما يتكلم. بس لما بيقول كلمة بتفضل مكتوبة الى يومنا هزا. نقعد احنا ليه؟ نقولها لغاية دلوقتي - 00:21:45ضَ

من جمال هذه الكلمة فانك تنقي كلامك من علامات الايمان قال بعض السلف ان لسان المؤمن خلف قلبه يعني قبل ما يتكلم بيعدي على الفلتر وان لسان المنافق امام قلبه يسترسل استرسالا. ما بيبصش بقى ايه مدببة بقى فاهم؟ قطر دايس. ما بيفكرش بيقول ايه؟ المهم الناس بتضحك. المهم الناس - 00:22:05ضَ

مبسوطة مني انا قلت ايه النهاردة وكان بعض السلف يعد كلامه في اليوم وكان بعضهم يكتب كل ما يقول اثناء اليوم عشان يعرف دي فين في الحسنات ولا في السيئات - 00:22:32ضَ

الامر اللي بعد كده ان حسن الخلق يمكن ان تسعى به كل الناس. حسن الخلق قد يكون افضل بكثير من الصدقة لان الصدقة يمكن ان انت تتصدق على واحد اتنين عشرة عشرين - 00:22:43ضَ

لن تستطيع ان تستوعب بمالك كل الناس ولن تستطيع ان تدخل السرور على كل الناس بالمال. لكن تستطيع ان تسع الناس بالاخلاق. كل الناس ترضيهم تسعدهم تدخل السرور عليهم بالاخلاق. فيستطيع الانسان يستوعب كل الناس باخلاقه لكن لا يستطيع احد مهما كثر ما له - 00:22:58ضَ

ان يستوعب جميع الناس جمالهم هو ايه المال بيعمل ايه للناس؟ يسعدهم كذلك الاخلاق الطيبة تسعدهم. النتيجة واحدة لكن المال محدود واما الاخلاق فليس لها حدود. ليس لها حدود ايضا من ذلك ان حسن الخلق هو اسعد الناس عيشا - 00:23:20ضَ

اطيب الناس روحا ونفسا اطيب الناس بالا لازم تعرف كده يا اخواننا. مش السعادة انك انت دايما ايه الكلمة بكلمتين وباخد حقي وبالدراع لأ لأ بالعكس دايما كلنا مجربين كده. تجد احيانا انك انت واحد مسلا قال لك كلمة رحت رديت عليه ويومها ايه خربت بقى على الاخر. وخدت حقك - 00:23:43ضَ

خدت حقك. ما كسبكش. تروح طول اليوم متضايق من نفسك وقرفان من نفسك. تقول يا ريتني ما اتكلمت. يا ريتني ما خدت الحاجة خدتها ازاي تكره نفسك جدا تبتدي تحتقر نفسك ايه اللي انا قلته دوت - 00:24:10ضَ

مسلا وانت بتسوق العربية واحد شوح لك رحت شوحت له اديته اللي فيه النصيب. تقول ايه اللي انا بهببه ده التزامي وديني ايه اللي بكاه؟ مش عارف امسك نفسي في كلمة رغم انك انت انتصرت عليه يعني انت رديت عليه اكتر وكسرت عليه وعملت الواجب وزيادة وهو - 00:24:26ضَ

وممكن تكون تنزل تعوره. لكن انت انت كرهت نفسك اصلا. انت متضايق ممكن تقعد ايام كاره نفسك. ازاي انا قلت كده؟ ممكن تاني يوم ما تركبش العربية ايه اصلا لا لا لا طول ما انا كده مش هينفع. ما ينفعش اركب العربية. دي هتفصل لي اخلاقي. فتبتدي تتعكر نفسك. طالما في فيك خير يعني. لكن ممكن - 00:24:42ضَ

تاني يوم واحد صاير من نفس الشتيمة فرحت قفلت الازاز وكبرت دماغك بصراحة مبسوط قوي رغم انك انت يعني في الظاهر انك انت اتغلبت واشتمك انت مزلوم مسلا بس انت كبرت دماغك منه. او بقى عملت حاجة احسن من كده. طلعت له ايدك مسلا وشاورت له واعتزرت له وخلاص - 00:25:03ضَ

مش مهم غلطان بقى هو اللي غلطان انا غلطان مش مهم هتفهم هتفرق ايه يعني موقف وهيعدي وخلاص تروح تلاقي نفسك مبسوط ولا بتفكر في حاجة ونسيت اصلا تماما فالعفو له لزة - 00:25:24ضَ

تفوق لزة الانتقام الانتقام لزيز في وقته فقط في وقته فقط ثم هو مر بعد ذلك. العفو مر ساعتها فقط. يعني تقيل قوي على النفس ساعتها فقط ثم له لذة طويلة بعد ذلك. انسان يختار ايه؟ لذة ثم مرارة دائمة ولا مرارة محدودة ثم لذة دائمة؟ هو العفو كده. مر في بدايته - 00:25:36ضَ

ساعة التنفيز تحس ان انت جيت على نفسك قوي صعبانة عليك نفسك ازاي يعني اسيبه كده ده انا اقدر عليه بعد ما بعد ما تكسر نفسك كده تلاقي ربنا عوضك بحاجة كده جواك - 00:26:02ضَ

راحة كده تحس ان انت مبسوط من نفسك اوي بالعكس ده لو انتقمت تلاقي نفسك متكدر جدا الحلم الذ من الطيش الحلم ما بتندمش عليه ابدا لكن دايما ما تندم على الطيش - 00:26:15ضَ

انك انت اتسرعت انك انت اتكلمت انك انت نفزت انك انت اتنرفزت ليه انا عملت كده ما كانش له لازمة كان ممكن اكبر دماغي الصعيد هو صاحب الخلق الطيب. له راحة بال قلب هادئ نفس ساكنة. والعكس مع صاحب الخلق السيء. تحس ان هو - 00:26:29ضَ

عايز يعني هو متضايق من نفسه. في ناس كده تشوفه تحس ان هو لو ما لقاش حد يشتمه هيشتم نفسه هو متضايق هو عايز خناقة هو كاره نفسه اصلا ودي من ايه؟ من عقوبات سوء الخلق. ان الانسان بالامر ده بيعود عليه هو. هو نفسه بيشقى - 00:26:49ضَ

سوء الخلق دوت بنفسه متضايق حتى من نفسه. مش طايق حد بيتلكك. بيتخانق مع مراته بيتخانق مع الجيران بيتخانق مع الشارع. ناس اصلا ناس بتكره التعامل معه الناس بتشوفه بتبقى عايزة تتجنبه. مش عايزين حتى يقولوا له كلمة طيبة لان هو بيفهم غلط. يعني انا ممكن لو قلت له كلمة طيبة قصدك ايه يعني؟ عايز ايه يعني؟ عارف انت اللي - 00:27:12ضَ

وده صعبين اوي يعني مستحيل التعامل مع الاصناف دي. فكل ما ساء الانسان خلقه كل ما ضاقت عليه نفسه هو نفسه ما تنشرحش كده فيجد نفسه تعيس البال ضيق الصدر ضيق النفس. يعني غير منشرح يعني هو هو اشقى الناس بهذا الايه؟ بهذه الاخلاق السيئة. فضلا عن الاجور الضخمة اللي - 00:27:32ضَ

بسبب سوء الخلق. من اجمل الاشياء لحسن الخلق ان حسن الخلق يستر عيوب الانسان المادية يعني لو ان انسان شكله وحش لبسه وحش شوية. فقير. حسن الخلق يغطي كل دوت - 00:27:52ضَ

ده مشاهد. ممكن تجد انسان ممكن في عرف الجمال ليس بجميل. في نزر الناس ليس بغني. لكن عليه اخلاق تجعل له بهاء غير عادي الناس تبص له كأنه ملك كريم - 00:28:13ضَ

لزلك من الحاجات الجميلة اللي ينصح بها. انك انت لو خيرت مسلا بين امرأة جميلة جدا. لكن فيها بعض الاخلاق السيئة. وامرأة يعني فيها بعض العيوب في الشكل لكن اخلاقها ليس لها مسيل. فبلا تردد بلا تردد. لا تفكر في الجميلة زات الاخلاق السيئة - 00:28:28ضَ

الجمال ده هتتعود عليه في مدة قصيرة جدا هيفضل لك الايه؟ الاخلاق السيئة ديت. هتبتدي تعاني منها الى الابد. واما المرأة اللي هي انت شايفها دلوقتي اصل انت لسه رايح بتشوف الرؤية الشرعية فانت لسه ما تعاملتش معها - 00:28:47ضَ

فاللي شفته شايف الشكل بس. لكن بعد التعامل الحاجات الشكلية دي هتنساها اصلا خالص. مش هتاخد بالك منها. بل هتزين لك جدا. هتراها اجمل امرأة في الدنيا. بسبب حسن خلقها معك - 00:29:01ضَ

الاختيار ده ما ينفعش يبقى فيه تردد. بين اللي هي شكلها اقل شوية مع حسن الخلق بين الجميلة جدا مع اخلاق سيئة اياك والجميلة زات الاخلاق السيئة. عبدالملك ابن عمير بيحكي عن الاحنف ابن قيس بقى. الاحنف ابن قيس - 00:29:13ضَ

يعني عبدالملك ابن عمير بيقول قدم علينا الاحنف ابن قيس. الاحنف القيس ده من سادات العلماء يعني بيقول قدم علينا الكوفة. اول مرة نشوفه الاحنف ابن قيس. نسمع عنه بس - 00:29:29ضَ

ففرحانين بقى وطالعين نشوفه. قال والله ما رأيت خصلة تزم في رجل الا وقد رأيتها فيه. يعني بيقول ما فيهوش حاجة ما فيهوش اي ميزة في الشكل خالص. كل عيوب الرجال فيه - 00:29:41ضَ

كشكل صريح قال كان اصلع الرأس معوج الانف معقوفة كده متراكم الاسنان مائل الزقم مقوس الرجلين خفيف العارضين يعني دقنه دقنه خفيف وكانوا يعدون ذلك عيب الراجل اللي ما عندوش لحية يعني كبيرة - 00:29:55ضَ

اللي عنده لحية بس هي طالعة خفيفة قوي. فبيقول خفيف العارضين بالرغم كل زلك ولكنه كان ازا تكلم جل عن نفسه كل عيب. لو اتكلم الاحنف ابن قيس ما بنشوفش اي - 00:30:15ضَ

لا نرى فيه الا الجمال بسبب كلامه وطيب منطقه وروعة اسلوبه في الكمال في الكلام كان يغطي على كل العيوب. والعكس ازا كان الانسان صاحب جمال قالوا ما له هيئة لكن اخلاق السيئة فانها تفسد كل جمال وكل شكل وكل حاجة. لو انسان اتجوز واحدة جميلة جدا اجمل واحدة في العالم - 00:30:29ضَ

وبعد كده راحت شتمته بس. ها. في البيت. كل حاجة هتتنسى هينسى كل حاجة كل شكلها وكل جمالها وجسمها وكل حاجة. وهيبتدي يتحول بقى قدامها فالانسان يبتغي ينبغي ان هو يحسن خلقه - 00:30:52ضَ

تتكلفش تجميل الشكل زي ما تتكلف تجميل الايه؟ الخلق. لزلك كان السلف يقولون من اصلح سريرته اصلح الله له الايه؟ له علانيته حسن الخلق مهم في طريقك الى الله لان انت مش هتعرف تدخل على ربنا الا - 00:31:07ضَ

لما تطرق هزا الباب. يحيى الدقاق يقول ترك الادب يوجب الطرد ترك الادب يوجب الطرد. فمن اساء الادب على البساط رد من الباب زي اي واحد انت داخل على واحد. فمن اول ايه؟ مين؟ مين مين على الباب؟ انت ما لك ما تفتح هتعمل فيه ايه - 00:31:26ضَ

مفتاح مين روح واخد بالك بالظبط كده فمن اساء الادب على البساط ردا من الايه؟ ردا من الباب قال زكريا العنبري علم بلا ادب كنار بلا حطب وادب بلا علم كروح بلا جسم. الكلام ده جميل اوي. بيقول علم بلا ادب كنار بلا حطب. نار بلا حطب هيحصل فيها بعد شوية - 00:31:54ضَ

كزلك صاحب العلم ازا كان لم يجعل مع العلم ده ادب فيوشك ان علمه لا ينفع الناس. وربنا لا يبارك له في علمه ولا يكون نافعا للناس. لان الناس اصلا مش بتحب - 00:32:30ضَ

مش تقبل منه لكن علمي قليل مع ادب كثير انفع للناس من علم كثير مع ادب قليل. هو بيقول بقى ادب بلا علم واحد مؤدب قوي بس ما عندوش علم جاهل. بيقول كروح بلا جسم - 00:32:42ضَ

روح كده بس ليس لها ليس لها جسم لزلك ابن المبارك يقول قال لي مخلد ابن الحسين نحن الى كثير من الادب احوج منا الى كثير من الحديث وقال عبدالعزيز بن ابي رواد - 00:32:54ضَ

اذا ذكرت احوال السلف بيننا افتضحنا يعني مسألة في الخلق ممكن تقول انا اخلاقي كويسة. ادعي زي ما تدعي عندنا ميزان وهذا الميزان هو ما كان عليه السلف. ان هم دول المقياس المعيار لان هم دول التطبيق الحقيقي للاسلام. فتقيس نفسك عليهم وتشوف اخلاقك واخلاقهم عشان - 00:33:24ضَ

تعرف انت اسمك ملتزم ولا مش ملتزم؟ تقدر تقول انا ملتزم ولا لا فبيقول ازا زكرت احوال السلف افتضحنا وقال بعضهم كان السلف يفعلون ولا يقولون ثم جاء بعدهم اقوام يقولون - 00:33:46ضَ

ولا يفعلون ثم جاء بعدهم اقوام لا يقولون ولا يفعلون ده مين؟ ده هم بيتكلم على زمان هو ها احنا عندنا ايه؟ طلع سلاحك متكامل هو ده اللي بيتقال عندنا - 00:34:05ضَ

قال اخر بيقول بقى بيوصف ده ده برضه من السلف يعني. لقد ادركت اقواما لو رأوا خياركم لقالوا عنهم ما لهم من خلاق ولو رأوا شراركم قال والله ما هؤلاء بالمسلمين. يعني ايه لو رأى احسن ناس فيكم هيقولوا عليهم فسقة - 00:34:24ضَ

لو شافوا الاسرار انهم كفرة اصلا دولا مش ما ينفعش يبقوا في دائرة الاسلام. بيقول انا شفت ناس كده. لو شافوا احسن واحد فيكم هيقولوا عليه فاجر ده زمان هو واخد بالك؟ امال بقى لو شاف الايه ملتزمين دلوقتي هو اصلا قبل الالتزام كان اسمه اشرف كخة يعني متخيل هو عامل ازاي دلوقتي - 00:34:46ضَ

هو كات شهرته عنده مشاكل التزم وربى دقنه بس بس هو لسه ايه الشيخ عبده مشاكل. يعني العملية ايه؟ ما تغيرتش قوي. هو مجرد عمل دقن حلوة يعني. فايه؟ لسه زي ما هو. ده هم - 00:35:03ضَ

اتكلم يا طيب. طب ايه الحل؟ الحل يعني نحاول. نحاول اسلك الطريق. لعلك تصل في يوم من الايام قيل للحسن كلمة جميلة قوي يقول سبقنا القوم قيل الحسن واحد بيقول له لقد سبقنا القوم على خيل دهم. يعني خيل سودا قوية. ونحن على حمر - 00:35:21ضَ

احنا راكبين حمير تعبانة مكسحة. فقال ان كنت على طريقهم فما اسرع اللحاق بهم؟ يعني مش مشكلة راكب حمار بتاع زي ما احنا بنقول بلدي كده السلف كانوا راكبين الفراري واحنا وراهم بسكوتر واخد بالك؟ - 00:35:44ضَ

مش مشكلة اللي راكب اسكوتر في يوم من الايام ايه ؟ في يوم من الايام هيوصل هو سبقك بس انت طالما ماشي هتوصل. فده الحل الوحيد انك انت تفضل ماشي وربنا يتقبل. عايزين نشوف بعض مزاهر الايه الحاجات - 00:36:01ضَ

الكلام اصلي سهل لكن عايزين ننزل على ارض الواقع نشوف ايه هي بعض المزاهر اللي فعلا الملتزمين بيقولوا ان هم ملتزمين لكن في الحقيقة هم ما بيلتزموش بالحاجات ديت ويا اشهر مزاهر الخلل في اخلاق من يدعون ان هم ملتزمين - 00:36:16ضَ

اول حاجة من مظاهر الخلل عدم قبول الحق. الاخ التزم وبقى له مدة وبيحفظ قرآن وبتاع. وبعد كده يبتدي بقى خلاص ما وسطه اخوة بقى. فعادي بينصحوه بقى. وينكروا عليه. او ممكن مش لو انكر عليه اخوة ماشي اسهل شوية لكن ممكن واحد من الناس العادية ينكر - 00:36:32ضَ

بيقول له عيب عليك يا عم الشيخ تعمل كده. هو عنده حق فعلا هيبتدي تطلع عليه بقى الايه الامراض القديمة بقى ازاي تكلمني كده ويبتدي بقى ايه يعني هو في الاول كان يعني لما بييجي على نفسه قوي بيضحك كده جزاك الله خيرا بس هو من جواه ايه بيغلي بيغلي ده احسن واحد يعني - 00:36:52ضَ

اللي هو بيقول جزاك الله خيرا شكرا شكرا. هو جوة ايه؟ عايز يمسكه ويعوره. انت ازاي تتكلم معه كده يعني؟ فالامراض القديمة موجودة ده لو هو ما ردش عليه قال له انت مين؟ انت ما بتركهاش اصلا تتكلم ليه اصلا انت - 00:37:11ضَ

انا الشيخ يا ابني واخد بالك؟ في ناس جو كده هو اصلا بيحتقر هو شايفه اصلا انت ما ينفعش تنصحني واخد بالك او في بقى واحد تاني جميل. هو اتنصح فمن جزاك الله خيرا. وبعد كده يقعد يتربص باللي نصحه دوت بقى - 00:37:26ضَ

لغاية ما يطلع له ايه؟ عيب. وبعد كده يروح يخش بقى ايه؟ الناصح الامين. على فكرة يا شيخ انت بتعمل الحاجات دي. هو بينتقم لنفسه في الحقيقة. ما كانش بينصح - 00:37:42ضَ

حاجة هو بينتقم لنفسه. لان هو طالما هو طلع لي عيب طب انا هاطلع له عيب وحانصحه في الله بقى. في الله مين؟ ده انت بتنصح في سبيل الهوى في سبيل - 00:37:52ضَ

الشيطان فلا انت قبلت النصيحة في الحقيقة ولا احسنت النصيحة ينبغي الامراض دي ان هي ايه تتعالج. ما تغترش بالتزامك. لو جا لك اي حد نصحك مهما كنت قديم مهما كنت ملتزم مهما كنت مهما كنت اقبل منه - 00:38:02ضَ

حتى لو ادها لك دبش خليك انت كويس خدها وخلاص زي ما تيجي. هو ادها لك دبش خدها انت كويس. تمام؟ في نفس الوقت العكس ما ينفعش انت تدي النصيحة دبش - 00:38:18ضَ

انت تديها احسن احسن باحسن وسيلة. حتى لو الناس ردوا عليك وحش. والعكس لو الناس نصحوك وحش اقبل حتى لو نصحوك وحش دي مشكلتهم هم. لكن انت تقبل على اي وضع - 00:38:27ضَ

تمام؟ والا فقبول الحق هذه من من علامات الادب. ابن مسعود يقول من جاءك بالحق فاقبل منه. وان كان بعيدا بغيضا ومن جاءك بالباطل فاردد عليه وان كان حبيبا قريبا وان كان حبيبا قريبا. فبعض الناس ممكن يقبل النصيحة من حبيبه وبس - 00:38:39ضَ

الاخوة اللي معي بس. يمكن حد تاني لأ من الناس اللي تبعي بس. حد تاني لأ فلا يقبل النصيحة من البعيد البغيض. ويقبل النصيحة من القريب. وربنا جل شأنه لما قالت المرأة الكافرة وكانت كافرة - 00:39:01ضَ

اذ قالت ان الملوك اذا دخلوا قرية افسدوها وجعلوا اعزة اهلها ازلة. قال الله وكذلك يفعلون. كلام صح. ربنا اقر الكلام رغم ان بتقوله كافرة وكانت بغيضة في زلك الوقت. هي اسلمت في الاخر - 00:39:18ضَ

مش كده؟ مرة الحجاج خطف في الناس وكان مين قاعد الحسن البصري؟ الحسن البصري طبعا وما كانش حد ما يقدرش يحضر خطبة الحجاج يعني. فكانوا مضطرين كلهم يحضروها يعني فالمهم الحجاج بقى ايه بيقول فيه النصيب بقى لهم. فالمهم في في وسط كلامه قال ان الله امرنا بطلب الاخرة - 00:39:31ضَ

وكفانا مؤنة الدنيا. فليته كفانا مؤنة الاخرة. وامرنا بطلب الدنيا. جامدة جدا حلوة جدا صح؟ تاني. ان الله امرنا بطلب الاخرة وكفانا ايه؟ مؤنة الدنيا. يقول يا ليته كفانا مؤنة الاخرة - 00:39:53ضَ

وامرنا بطلب الدنيا. فاعجبت الحسن جدا. فقال خذوها من فاسق. الحكمة ضالة المؤمن. يقول له يعني لا معكم فسق الحجاج ان تأخزوا منه هزه الايه؟ النصيحة. هي نصيحة بديعة. وان كانت من فسق. سبحان الله! فكانوا منصفين يعني يقبلون الايه - 00:40:10ضَ

يقبلون النصح. والحقيقة ان عدم قبول النصح فضلا عن عدم اه الرغبة في الرجوع الى الحق. دي بتدل على امراض تانية هتقول لي ان فيه كبر طالما بص الكبر دي الكلمة دي تسمعها اعرف انت مع السلامة خلاص. لا يدخل الجنة من كان في قلبه مثقال - 00:40:29ضَ

زرة من كبر. من علامات الكبر ان يقال لك اتق الله فترد فتقول اتق الله انت وده بيحصل كتير جدا اتق الله يا عم يا عم اتق ربنا انت الاول. خلصت كده - 00:40:49ضَ

دي من اشد علامات الكبر. لان قال النبي عليه الصلاة والسلام والكبر بطر الحق وغمط ايه؟ الناس. بطر الحق رفض قبول الحق. وغمط الناس احتقار الناس فعدم قبول النصيحة يدل على الاتنين مع بعض. انك رديت الحق وانك انت بتحتقر اللي قدامك. لان انت شايفه مش مؤهل انك انت تكلمني. انت مين؟ ولا - 00:41:00ضَ

عشان تكلمني انظر الى عمر وهو خليفة المسلمين واقف على المنبر خليفة المسلمين يعني بيحكم نص الكرة الارضية. واقف على المنبر بيحث الناس ان هم يعني يقللوا في المهور واوشك ان هو يعني يفرض - 00:41:20ضَ

عليهم الموضوع دوت وقامت امرأة لا لا تعرف لا يؤبه لها. فقالت يا امير المؤمنين اليس قد قال الله تعالى واتيتم احداهن قنطارا فلا تأخذوا منه شيئا فنزل عمر من على المنبر والغى كل كلامه وقال امرأة افقه من عمر. وعاد - 00:41:37ضَ

رضي الله عنه في كل ما قال. رغم ان عمر كان ممكن يجد مبررات شرعية لكلامه. كان ممكن يقول ده ده الكلام ده ايام ما كان كزا. دلوقتي الوضع اختلف وفيه اجتهادات. والمصلحة المرسلة - 00:41:59ضَ

او كان ممكن يلاقي له رد. لكن لما كلمته بالقرآن عمر كان وقاف عند كتاب الله كان يخاف جدا. اذا ذكر باية. فلغى كل اجتهاده خوفا من الاية ديت وقال امرأة افقه من عمر. وفي رواية قال اخطأ عمر واصابت امرأة - 00:42:09ضَ

واصابت امرأة بتتكلم في مين؟ مش واحد ملتزم ده خليفة المسلمين يعني حاكم نصف الكرة الارضية في ذلك الوقت وهو من هو عمر المبشر بالجنة يعني معه صك صك ان انت ملتزم بجد بقى بجد بجد يعني - 00:42:27ضَ

والمرة دي بنت مين اصلا ما حدش عارف اسمها. فترد عليه وعلى المنبر كمان لكن لم يمنعوا هذه الطريقة في الرد ان هو يقبل الايه؟ يقبل النصيحة. لزلك قال الفضيل ابن عياض - 00:42:40ضَ

عن التواضع قال ان تخضع للحق وتنقاد. لمن له ممن سمعته ولو كان اجهل الناس لزمك ان تقبل منه لزمك ان تقبل منه من الاخلاق الرزيلة ايضا. قلة الانصاف. ان احنا بعد الالتزام بيبتدي فيه هوا برضو - 00:42:54ضَ

زي ما انت زمان كده كنت ايه اهلاوي بقى وزملكاوي والكلام ده. ما هوش زمان هو لسه فيه اخوة لغاية دلوقتي كده ما شاء الله. وابتدي بقى ما فيش انصاف بقى فاهم الاهلاوية كلهم صح والزمالكاوية كلهم - 00:43:15ضَ

بلاش الكلمة الوحشة اللي بيقولوها دي دايما. بعد التزام بقى فيه حتة كده برضو اللي مني واللي مش مني. اللي مني عليهم عسل وسكر. اللي مش مني عليهم زفت وقطران. عدم الانصاف. التعامل مع اي شخص يخالفك - 00:43:27ضَ

سواء مخالف في المنهج مخالف في العقيدة مخالف في الجماعة يبتدي عدم الانصاف. وادي من اخلاق الرزيلة. لم يكن هذا حال السلف ابدا. رغم ان هم كانوا ممكن لهم يتعصبوا للحق. لكن كان المخالف ازا اصاب - 00:43:49ضَ

قد ينصفوا على طول ما فيش كلام كان الامام احمد له رفيق في الطلب هو اسحاق ابن رهويه وكان احمد اسحاق يختلفوا كتير قوي اختلفوا كتير في الفقه. هو يقول يمين وده يقول شمال. عادي. وكان يحصل بينهم منازرات كتير وكلام كتير - 00:44:03ضَ

لكن احمد لما سئل عن اسحاق قالوا له ايه رأيك في اسحاق؟ قال ما عبر الجسر الى خرسانة وكم من خراسان يعني؟ فبيقول ما عبر احد الجسر الى خراسان مثل اسحاق بن راهويه - 00:44:23ضَ

ما فيش حد شفته في حياتي من خراسان زي اسحاق ده قال وان كان يخالفنا فان الناس لم يزل يخالف بعضهم بعضا. ايه المشكلة يعني بيخالفنا يعني؟ بس الصراحة ما شفتش احسن منه - 00:44:36ضَ

مرة تلاميزه دخلوا عليه فقال لهم اتأخرتوا علي ليه؟ فقال كنا في مجلس ابي قريب فقال اكتبوا عن ابي قريب انه شيخ صالح فقالوا يا امام انه يسبك قال اعرف وما حيلتي - 00:44:51ضَ

شيخ صالح ابتلي بي ربنا ابتلاني ان انا عايش في زمانه. ان احمد كان اعلم منه يعني. ففي غيرة بين الاقران انتم عارفينه حسد وكده. اتنين علماء بقى زي بعض واخد بالك؟ فممكن يحصل حسد غيرة - 00:45:16ضَ

فيقول لهم لا ده ما بيفهمش حاجة ده مش عارف ايه. كده يعني قد يكون زلة فعادي يعني هو بيقول لهم ده هو اصلا قبل ما يعني هو عارف اصلا بيشتمه. هم هم اللي بيسخنوه يعني - 00:45:28ضَ

هو بيقول لهم اكتبوا عنه وخلاص وسكت الو على فكرة بيشتمك بقى. ما هو فيه برضو اخلاق صعبة شوية يعني. ما هو الملتزم ما هي دي برضو من الحاجات اللي تزعلك يعني. طب ما الراجل سكت يعني خلاص عدوها بقى - 00:45:40ضَ

قال له على فكرة بيشتمك. طب عايز ايه يعني؟ عايزني اغتابه؟ طب مش هغتابه عايز نقع فيه وتتلززوا انتم بسماع الغيبة في العلماء والله ما عاملها ابدا قال ما حيلتي؟ اعمل له ايه؟ شيخ صالح ابتلي به. يعني هو بيقول ان انا انا البلاء بالنسبة له. مش هو ايه؟ سبحان الله! عجيب يا اخي الامام احمد ده - 00:45:52ضَ

كل مواقفه خير مش طبيعية الاخلاق العجيبة ايضا بعد الالتزام ان احنا نبتدي نعير بعض. تعير تعيير ان انت زمان قبل الالتزام كنت ايه اي حد بتمسك عليه حاجة من اصحابك - 00:46:11ضَ

اتحفل عليه يلا بنا الليلة على فلان يا جماعة. ويبتدي بقى ايه؟ نبتدي الناس تزيد بقى على فلان ده. بعد الالتزام برضو عندك الايه؟ الحتة دي ديت موجودة لسه بس في سبيل الله بقى. نصيحة بس في ثوب تعيير. كل ما اشوفه ياه تعال يا بتاع البنات تعال يا حبيبي - 00:46:30ضَ

مش هتتقي ربنا بقى قدام الناس. ما انصحه والله يا شيخ هو اصل مشكلة. مش عايز يبطل الكلام مع البنت ديت. ايه يا عم ايه صليت الفجر فين امبارح يا عم الشيخ - 00:46:54ضَ

يا اخي اتق ربنا يستر الاخ شوية. ما كانش حد عارف انه ما صلاش الفجر يعني. انت ما يدريك هو صلى فين في ناس كده ملتزمين كده يمسك الاخ هيغسله. هو خلاص هو افترض ان هو طالما اخ يبقى معصوم. فاي غلطة يعملها لازم ايه؟ نعمل حفلة عليه - 00:47:07ضَ

هيحصل الاتي ان هو يروح حالق لك دقنه يقول لك خلاص هي دي اللي كانت مسببة لك المشكلة خلاص عاملني زي الناس يا اخي عاملني زي العوام يا اخي انت ليه بتعمل فيا كده - 00:47:24ضَ

ده انت اللي بيسب الدين بتعامله كويس وبتترفق به في الكلام وانا عشان التزمت بقت بتشتد علي كده يا اخي الحق علي اني التزمت. مش عايز التزم. ادي دقني اهي - 00:47:37ضَ

ويرجع شخص عادي بسبب ان احنا كل شوية نعيره هو مجرد ما ربى لحيته بقى معصوم هو ايه اللي اتغير؟ شوية شعر بس هو هو زي ما هو في دماغ الرفق. وده من الجهل اللي بيحصل في التعامل. الاخوات كزلك مجرد ما الاخت تلبس النقاب بتتعامل معاملة صعبة جدا - 00:47:47ضَ

يتعاملوا معها كانها خلاص مش صحابيات. ما ينفعش ان هي تقول كلمة ما ينفعش تكون بتتفرج على التليفزيون وما ينفعش تعملي كزا. ويبتدي الضغط الشديد عليها وهي لسه ملتزمة دلوقتي هي هي - 00:48:05ضَ

كل اللي غيرته بلبسها بس هي محتاجة دعوة محتاجة رفق محتاجة لين يعني لو واحدة مش منقبة كنتم اتعاملتم معها برفق ولين مع المنقبة بيشدوا جامد جدا خلاص تروح قالع النقاب بقى تريح نفسها عاملوني كويس - 00:48:15ضَ

وتخلي بقى يطلع الناس يقول لك انا ما عمري ما القلق لما التزم الاول ابقى اربي دقني ما هو بسبب كده ان هو شايف ان اول ما بيتربى دقنه بيتحط عليه على طول - 00:48:30ضَ

ويبتدي يعير بحاجات ما بيتعايرش بها غيره. يا اخي اعتبرني عادي فدي مشكلة التعيير دوت التعيير الفضيل بن عياض يقول المسلم يستر وينصح والمنافق يهتك ويعير المؤمن يستر وينصح في السر - 00:48:38ضَ

المنافق يهتك ويعير. يحيى ابن معين يقول ما رأيت على رجل قط خطأ الا سترته. واحببت ان ازين امره. يعني باقول لك عليه كلام احسن من اللي هو فيه بكتير. عشان استر عليه - 00:49:02ضَ

وما استقبلت رجلا في وجهه بامر يكرهه قط ولكن ابين له خطأه فيما بيني وبينه فان قبل مني زلك والا تركته لو اتكلمت عليه لو قبل مني خلاص ما قبلش مني خلاص مش باجي معه يعني ما اعملش اي مشكلة. من اه مشاكل الايه - 00:49:17ضَ

الاخلاق ايضا قلة الرفق في التعامل مع الناس يكون في شدة شوية في التعامل مع الناس. خاصة في قضية الانكار. ترك الرفق النبي عليه الصلاة والسلام جا له رجل قالوا يا رسول الله ائذن لي في الزنا. فهم به الصحابة. هيمسكوه بقى - 00:49:37ضَ

هيطلع بقى مش هيفكر في الزنا ده تاني ابدا خلاص. هينسى اليوم اللي جه فيه للنبي عليه الصلاة والسلام. بس يعني بس هينسى الدين كله بقى رايحين فين؟ واحدة واحدة تعال يا ابني اترضاه لامك اترضاه لاختك لغاية ما ايه؟ الولد هدي خالص يا عيني وبقى مية مية وعلى الصراط المستقيم - 00:49:59ضَ

والراجل اللي بال في المسجد نفس الكلام في المسجد دلوقتي خلاص بقى على طول بقى عمليات بقى وبتاع الموضوع يكبر لكن النبي عليه الصلاة والسلام واحدة واحدة قال ان المساجد لا تصلح لهزا والموضوع انتهي. الراجل - 00:50:18ضَ

دخل في الصلاة ما يعرفش كان الاول الصلاة يجوز فيها الكلام في اول الاسلام. بعد كده ما بقاش ينفع يجوز فيها الكلام. فدخل الراجل الصلاة فواحد عطس فقال له يرحمك الله عادي كان في الصلاة - 00:50:33ضَ

ده كده عادي فبيقول فنزر الي القوم كله بقى ايه ابص له كده فاهم فقال يا ويلتي ماذا فعلت؟ هو انا قلت ايه يا اخوانا غلط واتكلم بردو يعني دي مشكلة. لا برضه اتكلم. فبيقول بصوا لي تاني جامد - 00:50:43ضَ

هعمل ايه؟ فبيقول بعد الصلاة فهمه النبي عليه الصلاة والسلام قال له والله الصلاة حصل فيها كده كده وربنا يبارك فيك خلصت. فقال لابي هو وامي ما رأيت معلما قبله ولا بعده احسن تعليما منه - 00:51:01ضَ

والله ما قهرني ولا ضربني ولا شتمني بل قال لي ان هذه الصلاة لا يصلح فيها شيء من كلام الناس. انما هو التسبيح والتكبير وقراءة القرآن. بس هو ده اللي قاله النبي عليه الصلاة والسلام - 00:51:28ضَ

شيء عجيب عليه الصلاة والسلام صلة بن اشيم مر عليه رجل مسبل يعني مدلدل هدومه كده وبتاع فكان معي ناس فهموا به برضو هينكروا عليه جامد هيبتدوا ايه؟ تعال انت ايه اللي انت لابسه دوت؟ وازاي تلبس كده - 00:51:45ضَ

انت ما عندكش دين وبتاع واتقي ربنا هيخش بقى جامد فيه قال سيبوني سيبوني عليه. دعوني انا اكفيكم. ثم دخل عليه قال يا ابن اخي ان لي اليك حاجة. محتاج منك بس خدمة. شف الكلام - 00:52:02ضَ

فقال ما حاجتك يا عمي؟ العناية لك قال له معلش عايز منك حاجة. تعملها لي؟ قال له عيني لك والله انت راجل محترم وزوق. قال احب ان ترفع ازارك فقال نعم - 00:52:16ضَ

لك هزا والله انها لكرامة عمر كريم انت تدعوني الى امر كريم. ليه ما اعملوش؟ فرفع ازاره. فقال لاصحابه لو اخذتموه بشدة لقال لا كرامة ولا سبكم ولا شتمكم. الصراع الدائم بين الاخ وبين سواق المشروع. طب في الكاسيت - 00:52:31ضَ

خليك في حالك يا عم الشيخ. بقول لك ايه طفي الكاس احسن لك. يروح السواق بقى يضطر يقول طب بقول لك ايه انا اسمي كرولس. طب تعال لي كرولس. الموضوع ايه؟ كان لله في الاول - 00:52:53ضَ

قلب بقى يا عيني خلى الراجل دعى ان هو مسيحي عشان يخلص من الاخ. بيعمل ايه طيب فيك تاني راح الاخ بقى اتقلبت ايه؟ بقت نفسية بقى بقت حاجة شخصية ما بقاش اتعمل لله خلاص. الشيطان دخل بقى - 00:53:13ضَ

الرفق اتكلم بالراحة والله ما اقبلش منك خلاص ليس عليك هداهم. ان شاء الله ما طفاه. تقول له كلمة طيبة وتدعي له وبتاع قل له جزاك الله خيرا في تديله حاجة يشغلها تانية تنصحه كده برفق تقرب منه ما تقعدش ما تجيبهوش من اخر المشروع سماعة الشارع كله عشان ما اكيد مش هيقبل منك - 00:53:28ضَ

اصبر شوية وانت نازل انصحه في كلمة في ودنه كده وخلاص. يعني مش لازم سياح يعني. الموضوع محتاج فقه يا جماعة. نتعامل مع الناس بالرفق ده يعني موضوع ذو شجون يعني - 00:53:48ضَ

من الاخلاق السيئة ايضا الافراط في المزاح قبل الالتزام كان الاخ ما شاء الله ايه فكاهة المجلس. يقعد مع اصحابه يموتوا على نفسهم من الضحك بعد الالتزام برضو هو نفس الايه؟ نفس المشكلة وفكاهة المجلس برضو - 00:54:01ضَ

طول الوقت هزار هزار بقى تقيل يعني. مع ضحك شديد. كثرة الضحك النبي عليه الصلاة والسلام قال اياكم وكثرة الضحك ان كثرة الضحك تميت القلب. تميت القلب. المقصود بالضحك اللي هو بصوت يعني. ففي فرق بين التبسم والضحك. النبي عليه الصلاة والسلام ما رؤيا الا متبسم - 00:54:21ضَ

لكن ما كانش بيضحك بصوت. فيه واحد كده بيضحك تحس انك طرزان مش يعني ايه بتتعامل مع وعي شيتا يعني مش مش عادي يعني ايه ايه ده! ده شوية فاضل شوية واحد دحرج على الارض. من ضحك يعني اتقلب على ضهره. لأ مش كده. يعني النبي عليه الصلاة والسلام بيقول لك مسلا الصحابي لما يوصف يقول ايه؟ فضحك النبي - 00:54:42ضَ

حتى بدت نواجزه. ياه ده ضحك جامد جدا. لو ضحك لغاية ما سنانه اللي ايه؟ بعد الانياب دي بانت كمان. يعني ازا عادة النبي صلى الله عليه وسلم كان يتبسم تبسم هادئ يعني - 00:55:03ضَ

يا يوم ما يعني الموضوع فعلا بيضحك. يعني يضحك يروح فارد ايه؟ فارد نفسه كده شوية. لكن مكن يقهقه صلى الله عليه وسلم بالطريقة الايه؟ اللي تزهب المروءة دي دي دي حاجة ان كثرة الضحك يعني تنافي تنافي الايه؟ يعني المفترض الملتزم لا يكثر من هذا النوع من الضحك. الحاجة التانية اللي هي المشكلة اللي هو - 00:55:13ضَ

نوع الهزار بقى نفسه. نوع الهزار نفسه ان في كارسة في الهزار بتاع الملتزمين بالزات ايه هو الاخ قبل الالتزام كان ايه هو الحاجات اللي في دماغه؟ شوية افلام على شوية مسلسلات على شوية اغاني فيوم ما بيضرب افيهات ايه؟ بيجيب حتة من فين - 00:55:33ضَ

حتة من اغنية حتة من هنا بيضحك الناس وخلاص. لكن بعد الالتزام ايه اللي في دماغه دلوقتي عقيدة على توحيد على ايات على احاديث على صحابة على رسل. المشكلة لما بيجي يهزر ممكن يروح مهزر بالحاجات ديت - 00:55:51ضَ

يهزر يروح هاي الاية في نزار كده عادي بيهزر يروح حتة من حديس يهزر يروح جايب اسم صحابي في النص. انا عندي تهزر الهزار القديم احسن من الهزار دوت. الهزار القديم كبيره كان كان - 00:56:09ضَ

كان من الكبائر الهزار الجديد دوت كفر بالله جل وعلا يبقى الاخ ملتزم وبيكفر قدامك مش مصدق ازاي ازاي واحد ملتزم تجرأت انك تقول اية وانت بتهزر ولئن سألتهم ليقولن انما كنا نخوض ونلعب. قل ابالله واياته ورسوله كنتم تستهزئون؟ لا تعتذروا قد كفرتم. الاخ لما - 00:56:27ضَ

يبقى دماغه خلاص طلعت الافلام والمسلسلات واتحط مكانها علم يبقى هزاروا خطر جدا. لما تهزر اياك استعمل اية حديث رسل صحابة حكم فقهي حلال حرام اياك جنب النقطة ديت والا هزارك - 00:56:52ضَ

انفع للشيطان ده من هزارك القديم. هو يسعد بهزارك دوت اكتر من التاني. ان هزارك الجديد ده كفر. هزارك القديم كان معصية بس خطر جدا هزار الاخوة دوت المواضيع صعبة الصراحة. اه ده انتم مشاكلكم كتير قوي - 00:57:10ضَ

من المشاكل المواعيد مواعيد الاخوة الله كلمة بتديك انطباع سيء على طول مواعيد الاخوة دمار بقى. مواعيد مثنى ابن حارثة الشيباني يقول لان اموت عطشا احب الي من ان اخلف موعدا - 00:57:33ضَ

قال تعالى عن اسماعيل انه كان صادق الوعد وكان رسولا نبيا. ايه دي؟ دي اول صفة اتوصف بها انه كان صادق الوعد. وكان رسولا نبيا وكان يأمر اهله بالصلاة. اول حاجة اتقالت عن اسماعيل ايه؟ كان صادق الوعد - 00:58:01ضَ

عايز ملتزم بجد لازم تكون صادق الوعد صدق الوعي ده في حاجات كتير في المواعيد بقى. مواعيد الاوقات زلك من الحاجات يعني الخلل نوصل الحال ان احنا دلوقتي يقول لك ايه مواعيد ايه الكلام انا عايز مواعيد انجليزي - 00:58:19ضَ

معاد انجليزي خلاص ينسب دقة المواعيد الى الانجليز هم بيلتزموا فعلا بالمواعيد. ده شيء طيب مسار مواعيد المسلمين خلاص ما بقتش ايه؟ ما بقتش تعتبر اصلا. ليه وصلنا للحال ده؟ احنا اللي عملنا في كده - 00:58:38ضَ

ماشي المسلم انا عايز الكافر يقول لك عايز مواعيد مسلمين. مواعيد مسلمين. مواعيد ملتزمين مش عايز مواعيد كفار المسل عندنا بيتضرب بالايه؟ بالعكس الاخ يستلف الكتاب ما بيرجعوش. الاخ بيبقى مديون للناس ومعه ويسدد في وقتها ويتقاعس ويكسل وما يروحش ولما يسألوا - 00:58:57ضَ

الفلوس هديها لهم ويعزبهم على ما يديهم الفلوس. فضلا عن المواعيد بقى اللي هي مواعيد مهمة ميعاد في درس معاد في في في حاجة ناس مستنياك في حاجة تقضى تتخلف او تتأخر - 00:59:19ضَ

تؤدي الى افساد اعمال كتير بسبب الايه؟ اشكالية المواعيد ديت ادي مصيبة من مصايب الايه؟ من مصائب الزمان من الخلل ايضا في الاخلاق ان بعد الالتزام الاخ يبتدي يحب المدح والثناء زي زمان. كان يحب دايما الناس ايه؟ يقولوا عليه يعني - 00:59:31ضَ

والبنات يتكلموا عليه والولاد يتكلموا عليه. يحب هو يبقى ايه مصيت كده في الشلة دايما بعد الالتزام وهو بيحب كده برضو بيحب الصيت سارت كل اعماله ليس لها قيمة. انه يبتغي بها رؤية الناس - 00:59:54ضَ

يحب قوي الناس تتكلم عليه. يحب يتقال عليه شيخ. يحب يتقال عليه كزا. يحب حتى ينسب له ما ليس فيه. يعني الناس تفتكره مسلا قوام وهو مش قوام. ناس تفتكره صوام - 01:00:09ضَ

هو مش صوام ولا حاجة. هو بيستأنس بالحاجات ديت كان رجل من السلف اذا مدح كان يغضب وكان يقول اللهم اجعلني خيرا مما يظنون فاغفر لي ما لا يعلمون. واغفر لي ما لا يعلمون - 01:00:19ضَ

وكان احدهم يثني على الامام احمد. فقال له انكم لن تزالوا بالمرء حتى تهلكوه. لن تزالوا بالمرء حتى تهلكوه يعني ارحمونا يعني ما ينفعش كل المديح ده كفاية فكان السلف يكرهون المديح - 01:00:34ضَ

ولا يطلبون الثناء ولا يحبون الثناء. تمام؟ لزلك الفضيل ابن عياض يصف حال القوم يقولون بيقول كانوا لا يحبون المديح والثناء ولا يحبون ان يذكروا بين الناس. وما يضرهم الا يذكروا بالمدح بين الناس - 01:00:49ضَ

ازا كانوا عند الله من الممدوحين فمن احب ان يذكر لم يذكر ومن احب الا يذكر ذكر. كلام عالي قوي. يقول وما ضرهم الا يكون بين الناس من الممدوحين يكفيهم انهم عند الله من الممدوحين. فمن احب منهم ان يذكر لم يذكر. يعني ربنا بيموت زكره - 01:01:11ضَ

ومن احب منهم الا يذكر زكر. ربنا بيبقي زكره. زي اويس القرني كده اختفى ما حدش بيعرف سكته ابدا زئبقي زئبقي. رغم زلك بقيت صراط العثر الى يومنا هزا. كتير بقى من اللي بيحبوا السناء - 01:01:39ضَ

موت الله سبحانه وتعالى زكرهم من اخطر الاخلاق السيئة. خد بالك الاخلاق السيئة ما بتبانش خالص عند عند حالة الرضا انسى ما تحكمش على واحد وهو راضي انما تحكم عليه عند الايه؟ عند الغضب. لذلك كان بعض السلف ازا اراد انه يعرف فلان ده ينفع يصاحبه ولا لأ كان يغضبه - 01:01:55ضَ

فازا انصفه صاحبه تمام؟ لو بقى كويس وهو بيغضب. والنبي عليه الصلاة والسلام كان يقول ايه؟ واسألك كلمة الحق فين؟ في الغضب والرضا. في الغضب والرضا ان اصعب كلمة حق تقولها في الايه؟ في الغضب وليس في الرضا. تمام؟ فالاخلاق الحقيقية انما تظهر عند الغضب - 01:02:22ضَ

وليس عند الرضا. عمر ابن عبدالعزيز كان خليفة المسلمين. فيه واحد شتمه هو خليفة المسلمين. وممكن يحرقه في مكانه ولو الخليفة انتقم هينتقم اكتر من ليه؟ من اللي حصل فيه طبعا. فرد على الراجل قال اردت ان تستفزني بعز السلطان. اردت ان - 01:02:44ضَ

تستفزني بعز السلطان لتنال مني يوم القيامة اكثر مما انال منك اذهب رحمك الله. انا مش هرد عليك. الامام الشعبي شبه رجل الامام الشعبي سبه رجل فقال اللهم ان كنت صادقا غفر الله لي - 01:03:06ضَ

وان كنت كازبا غفر الله لك. خلص الموضوع. خلص الموضوع انت بقى واحد شتمك هتعمل ايه هتعمل واجب. هتعمل الواجب. هتروح رادد عليه. هيروح يقول لك ايه يا شيخ! شيخ وبتشتم - 01:03:30ضَ

باقول له شيخ مين يا ولا ؟ دي فوتوشوب على فكرة. احلقها لك انا دلوقتي. شيخ مين انا مش شيخ! عارف ايه في ناس ايه تتحول كده ويبتدي بقى ايه - 01:03:56ضَ

حاجات بقى مش كويسة. اصوات بقى من مكان غريبة تطلع. وبعد كده بقى تمام وبعد كده صاحبنا الحمد لله يطلع منتصر تماما من هزه المعركة. فلم يبق من ديني الا اللحية. هي دي اللي فاضلة في دينه لغاية دلوقتي - 01:04:10ضَ

كل حاجة راحت في هزه المعركة الكلامية بعد كده يروح يلحق صلاة المغرب في الجماعة في الصف الاول تكبيرة احرام. يطلع البيت يقعد على الفيسبوك بوست الشقاوة فينا بس ربنا اللي هادينا. يا واد يا مؤمن والله ما يصحش كده يعني - 01:04:33ضَ

في ناس كده عمر ابن زر سبه رجل. بس هو سمع يعني سمع وصل له ان فلان بيشتمك يعني تقابله في الشارع تخيل بقى يعمل فيه ايه؟ انما الدليل على حضرة وبئس وبتاع سلم عليه قال يا فلان اتق الله فينا. واجعل - 01:04:57ضَ

الصلح موضعا. يعني لما تشتمني ما تتكاش قوي يعني. عشان لما اجي اصالحك الاقي الاقي نفسي طيبة ان انا اصالحك يعني. قال اتق الله فينا. واجعل للصلح ما تتكاش قوي اشتم بس ايه يعني مش قوي يعني عشان عشان لما اصلي لما تيجي تقول لي اتأسف اقبل يعني. فانني لن اكافئ - 01:05:18ضَ

من عصى الله في بافضل من ان اطيع الله فيه اخلع بقى واحد تاني من السلف واحد شتمه فارسل اليه هدية كتب عليها سمعنا انك اهديت اليك حسناتك. اهديت الينا حسناتك. شكرا. حلو كده - 01:05:37ضَ

دمروا نفسيا فالايه الاخلاق انما تظهر عند الايه؟ عند الغضب. مش كده اخر حاجة سريعا المعاملات المادية. ده بقى موضوع ذو شجون وطول شرحه. لكن بقى المعاملات المادية سيئة جدا بين الايه؟ بين الملتزمين - 01:05:55ضَ

اغلب بيقول لك ايه لما تيجي تعمل شركة ابعد عن الاخوة. ابعد عن الاخوة. ليه؟ لا لا لا لا هيقول لك بقى التمس لي عزر مش التمس لي عزر والحق هيخش حلال بقى مش هتخلص معهم. مش هتخلص معهم. ابعد عن الاخوة. ما بيلتزموش ابدا. ليه كده؟ ليه السمعة كده - 01:06:12ضَ

ليه كده ؟ اكبر اية في القرآن في معاملة. يا ايها الذين امنوا ازا تداينتم بدين الى اجل مسمى فاكتبوه. اكبر اية في القرآن فيها عناية غير عادية ازاي المعاملة دي مش من الدين يعني - 01:06:32ضَ

اهم من اهم الاشياء في الدين هذه القضايا الايه؟ قضايا المعاملات. فاللامبالاة في استعمال اموال الناس واللامبالاة في التجارة باموال الناس واللامبالاة في مراعاة مصالح الناس عند عند الشراكة وعند البيع وعند الشراء هذا من اخطر الاشياء. ويل للمطففين الزين ازا اكتالوا على الناس يستوفون. وازا كالوهم او وزنوهم - 01:06:47ضَ

يخسرون. قال رجل عمر زكى شخصا فقال هل تعرفه؟ قال نعم. قال هل سافرت معه؟ قال لا. قال هل عاملته بالدرهم والدينار؟ قال قال ازا لا تعرفه. فلان ملتزم. مين قال لك انه ملتزم؟ تاجرت معه - 01:07:07ضَ

اتعاملت معه بالفلوس يبقى انت ما تقدرش تقول الملتزم ولا مش ملتزم الا لما اتعامله بالايه؟ بالفلوس. الخلاصة يعني حاولت كده اجمع شتات الموضوع ده لانه الموضوع صعب جدا. عندنا امراض ضخمة جدا يا اخواني في الالتزام. بعد كل ده وبتقول ان احنا ملتزمين. لا ده لسه بدري - 01:07:23ضَ

طالما احنا قلنا اساس الخلق ده اساس في الطريق الى الله. ما ناخده صح ونسلكه صح ونلتزم به صح اخيرا اهم نوعين من الناس تطلع فيهم حسن الخلق كله. اتنين - 01:07:40ضَ

زوجتك وابوك وامك. دول اهم اتنين صنفين من الناس لان الاخوة حتى في التطبيق اللي بيطبق بيركز قوي على كل الناس ويبتدي يهمل الاتنين دول. الزوجة خيركم خيركم لايه؟ لاهله. والاب والام - 01:07:57ضَ

ما تنساش اللي ما تنساش النصيحة ديت. عايز تتاجر مع ربنا بحسن الخلق ركز على الاتنين دول الاول. وبعد كده ايه؟ طلع الباقي للايه؟ للناس. وده في الغالب هيكون موضوع المرة القادمة هو ازاي اتعامل مع اهلي بعد الالتزام؟ دي مشكلة كبيرة عند الناس. ازاي اتعامل مع اهلي؟ حتى لو هم رافضين التزامي اتعامل معهم ازاي؟ خلينا ايه؟ مرة - 01:08:15ضَ

قديم هنتكلم فيه جزاكم الله خيرا - 01:08:35ضَ