باحث

هذا دايما بقول ان ما بعد السفر بتبقى في مرحلة جديدة يعني غالبا احنا بننتهي من رمضان بناخد الدروس المتعلقة ماذا بعد رمضان وبعد كده بييجي سفر الحج او السفر برة مصر سواء للدعوة او لغيرها - 00:00:00ضَ

وبنبدأ دايما من بعد السفر ده من مرحلة جديدة يعني دايما بحس كده انه محرم هو بداية جديدة لنا. بداية سنة جديدة لنا. وبازن تبارك وتعالى الدروس الفترة القادمة ان شاء الله يعني ماشية في تلات سلاسل مهمة جدا. ازا ربنا عز وجل احيانا - 00:00:29ضَ

واذن لنا ان ندعو اليه. ثلاث سلاسل ماشيين مع بعض باذن الله تبارك وتعالى هقول من البداية قبل ما اقول لكم ايه هي السلاسل اظن لا يخفى على الجميع للاحداث العظام اللي بتمر بها الامة الان - 00:00:49ضَ

سواء الاحداث المتعلقة بالحروب على المسلمين اصلا لا يخفى عليكم ما يحدث الان في كشمير او ما يحدس في بورما ما يحدس في افريقيا الوسطى او ما يحدث للمسلمين جميعا عامة - 00:01:11ضَ

من محاولة لطمس هوية الاسلام والمسلمين من محاولة جادة لتغيير العقائد ان العقيدة تبقى جوة الناس مهزوزة والله يا اخوانا انا كنت في حد من احبابنا والده مات ورحنا يعني يعني بعد العزاء رحنا بالليل نعزي بعد الدفنة رحنا بالليل نعزي - 00:01:29ضَ

فقالوا لي فرصة العيلة كلها موجودة. ايه رأيك تكلمهم والكلام ده فمشهد موت والقلوب اصلا كلها منكسرة والقلوب كلها مقبلة على الله. وبعدين ده هو اللي مات ده كان الصبح - 00:01:55ضَ

بيقول لهم جهزوا لي الفطار راحوا يجهزوا الفطار رجعوا لاميت المفترض يعني ايه حاجة كده تهز كيان اي انسان وانا بتكلم اول ما بدأت كلامي قلت لهم انا عايز اسألكم دلوقتي سؤال - 00:02:11ضَ

يا ترى حال المتوفى الان في القبر ايه اجاب على الاسئلة ولا لا قبر الان روضة من رياض الجنة ولا غير ذلك؟ ودعيت اسأل الله عز وجل ان يجعل قبره روضة من روض الجنة - 00:02:26ضَ

وبدأت اتكلم عن القبر انا لسه بقول بسم الله الرحمن الرحيم. لقيت واحد من العيلة قال لي هو انت اصلا مقتنع ان فيه حاجة اسمها قبر وعذاب قبر ونعيم قبر - 00:02:41ضَ

في موقف زي ده الشاب ده زيه كتير العقيدة عنده اصلا اتهزت لا يخفى عليكم اصلا الانهيار الخلقي اللي اصبح فيه الواقع الان. الا ما رحم ربي عز وجل احنا بتتم محاولة قتل الاخلاق في نفوس المسلمين بالصورة غير مسبوقة - 00:02:52ضَ

وبيخصوا اخلاق البنات. وبيخص اخلاق البنات ان السكين لو قد فعلا نجح نجح المستعمر الغربي انه يقتل الحياء في نفوس الاولاد وفي نفوس البنات يعني نفترض احنا كانت مصر اليومين اللي فاتوا دول احنا كنا في كارسة كنا في مصيبة - 00:03:20ضَ

شباب من الجيش واقف في كمين في سيناء اتضربوا اتصفوا الناس ماتت شباب مات اسأل الله ان يتقبلهم من الشهداء. اسأل الله عز وجل ان ينتقم ممن قتلهم السؤال اللي انا بطرحه عليكم الان - 00:03:43ضَ

المفترض ان في شباب مات. شكل البلد يبقى عامل ازاي؟ احنا فوجئنا ان احنا عندنا مهرجان اسمه مهرجان الجونة الممسلين والفنانين ولا في دماغهم ناس ماتت ولا شباب بيموت ولا بلد بتنهار. مش دماغهم اصلا - 00:04:05ضَ

اللي في دماغهم حاجة واحدة ازاي كل واحدة منهم تطلع عارية الصدر والظهر والسقين بيتنافسوا مع بعض على الورية وامبارح حفل عمرو دياب. حفل عمرو دياب. موجود فيها طبعا كبار البلد. كبار البلد. والنساء طالعة عارية وغنا ورقص - 00:04:21ضَ

وعمالين يتحركوا ولا كأن في دماء بتسهيل في البلد. عادي خالص عادي خبز الشاهد اللي انا عايز اوصله من الموقفين دول قد ايه قدروا ينجحوا ان هم يقتلوا في نفوس البنات حاجة اسمها حياء. فعادي جدا تبقى عريانة. وانت لو اتكلمت تبقى اخواني متشدد - 00:04:42ضَ

ازاي يوصلوا لكده اصلا لا يخفى عليكم ايضا حرب بتشن الان على المسلمين فيما يتعلق بتاريخ المسلمين انك دايما تبقى عايش في مرحلة ان التاريخ الاسلام ده تاريخ دموي مع ان المسألة مش كده خالص - 00:05:05ضَ

احنا تاريخنا مليان عز تاريخنا مليان حضارة تاريخنا مليان علم يا اخوانا اوعوا تغتروا او تنسفوا تاريخ امة يعني كنت لسه بقول الكلام ده من يوم فترة يا اخوانا احنا من خمسين سنة من ستين سنة - 00:05:27ضَ

كانت امريكا بتيجي تتصرف من مصر من ستين سبعين تمانين سنة. بريطانيا العظمى بتستلف من مصر. بريطانيا العظمى راحت تستلف من اليمن حين امي لها التاريخ. احنا عايزين تاريخك ده يشوه. احنا امة لنا لغة. ولا يخفى عليكم ايضا الحرب على اللغة - 00:05:46ضَ

الحرب على اللغة العربية ان النهاردة اصبح اه اه الاولاد النهاردة اكتر حاجة بيكرهوها في المواد الايه العربي النحو لغتك تعال بقى بسرعة كده الاربع حاجات اللي انا اتكلمت عليهم الان. واحد عقيدة تحارب. اتنين اخلاق بتحارب. تلاتة تاريخ - 00:06:06ضَ

بيحارب اربعة لغة بتحارب ماذا يبقى لك؟ انت كمسلم ايه اللي تبقى لك في ظل الحرب الشرسة دي امريكا صارفة تلت اربع سنين من اللي فاتوا دول على الاربع حاجات دول كما صرح الكونجرس مية وتمانين مليار دولار علشان - 00:06:30ضَ

تهدم الاربع حاجات دول. في نفوس المسلمين الاربع حاجات دول بس المفترض النهاردة الشاب المسلم وهو بده شن عليه الحرب دي. المفترض يعمل ايه يبدأ ازاي ابقى انسان مسلم كويس ازاي؟ ايه اول خطوة اخدها - 00:06:53ضَ

امشي ازاي واتحرك ازاي؟ اعمل ايه؟ انا انا انا قصاد الحروف دي كلها. انا المفترض دلوقتي اعمل ايه ايه المنهج اللي انا امشي عليه ايه الخطوات اللي انا اسير عليها علشان اكون انسان مسلم متدين قوي - 00:07:15ضَ

نقول نحن في حاجة الى التربية نحن في حاجة ابتداء الى التربية التي ربى رسول الله صلى الله عليه وسلم اصحابه عليها احنا محتاجين النهاردة تربية لولادنا ولبناتنا تربية لولادنا ولبناتنا هذه التربية تحاول بقدر المستطاع ان هي تكون - 00:07:31ضَ

تكون موازية للتربية الهدامة اللي بيسعى اليها الغرب الان في بلاد المسلمين. احنا محتاجين النهاردة نربي اجيال تكون اجيال صالحة دينة. احنا محتاجين النهاردة نطبق الحديث ده برواياته. اللي قال فيه النبي محمد صلى الله عليه وسلم ان هذا الدين بدأ - 00:07:55ضَ

غريبا ها وسيعود غريبا. فطوبى للغرباء. قالوا يا رسول الله ومن الغرباء؟ النبي قال روايتين. اما بروايته الاولى فقال النبي صلى الله عليه وسلم هم الذين يصلحون اذا فسد الناس - 00:08:15ضَ

يبقى هو في وقت ما فيه برامج معدة علشان تفسد الناس. هو ما شاء الله بقى انسان صالح انسان دين هو انسان اصلح من ذاته ونفسه. الرواية التانية هم الذين يصلحون ما افسد الناس من - 00:08:32ضَ

يبقى هو في نفسه صالح ثم بعد ذلك اصبح ايه؟ مصلحا هي دي السلاسل اللي احنا هنمشي فيها الفترة اللي جاية. ازاي تكون بني ادم صالح في ذاتك مصلحا لغيرك - 00:08:49ضَ

ودي سلسلتنا اللي احنا هنمشي عليها ان شاء الله ازاي نوصل فعلا ان انا اكون انسان صالح علشان اكون انسان صالح لازم يبقى فيه منهج نمشي عليه المنهج ده هم التلات سلاسل اللي احنا هنتحرك فيهم مع بعض ان شاء الله تبارك وتعالى في درس الاربحاء - 00:09:04ضَ

اول سلسلة منهم تبدأ بالباطل قبل الظاهر ابدأ بالقلب قبل الجوارح تبدأ بالداخل قبل الخارج قبل ما تهتمي ان تقصر الثياب بتاعتك علشان دي سنة النبي صلى الله عليه وسلم او تلتحل ان دي سنة النبي او تنتقبي لان دي سنة امهات المؤمنين - 00:09:25ضَ

احنا محتاجين جوة اصلا يكون نضيف لان في كتير من الاوقات شفنا ناس اهتمت بالظاهر واهملت الباطن ضاعت وانتكست. وكانت الاثار السلبية تيجي من ورا كده كبيرة جدا. ممثلة مشهورة ختمت كتاب الله حفظا. وانتقبت وبعد شوية عادت اسوأ مما كان. ولو - 00:09:46ضَ

نفسك دايما هو ايه اللي حصل؟ وليه الكل بقى اتهز بعد اما خلعت نقابها وخلعت حجابها وخلعت كل حاجة؟ ده كان اصله ليه الاصل ان في كتير من الاوقات بنهتم بالظاهر ونهمل الايه؟ ونهمل الباطن - 00:10:10ضَ

اهتمينا بالظاهر لما سامحوني والله سامحوني. لما شفنا اخ ملتحي واقف في الشارع بيشتم اقبح الشتايم. هو انا علشان مربي مش عارف ايه ويشتم باطبع الشتايم لاني اهتم بالظاهر ونسي ونسي الباطن - 00:10:26ضَ

مع ان الاصل اللي كل الانبياء والمرسلين اهتموا بابن الظاهر كانوا بيهتموا بالايه؟ كانوا بيهتموا بالباطل السلسلة الاولانية هي ازاي اصلا ابدأ بالباطل؟ ابدأ بقلبي. ازاي اولا يكون صلاحي ودي اول خطوة من الخطوات - 00:10:46ضَ

النفس واصلاح الذات ان هي تبدأ من القلب من الداخل علشان كده هنبدأ مع بعض باذن الله تبارك وتعالى هذه السلسلة هي سلسلة كيف تكون صالحا في نفسك او في ذاتك مستحب غاية لغيرك - 00:11:05ضَ

بقلبك بقلبك شف حد ممكن يقول لي احنا ليه نهتم اصلا من البداية كده ان انت تهتم بهذا العلم؟ علم اصلاح الباطن اصلا علم اصلاح القلب علم اصلاح الداخل للانسان. انت ليه تهتم به اصلا - 00:11:20ضَ

اقول لك انا لازم كلنا يا اخواننا كلنا نهتم بالعلم ده علم اصلاح القلب ابتداء علم اصلاح الداخل تاني هقول تاني احنا علشان نواجه الحرب اللي علينا محتاجين حاجتين. ان تكون صالحا في نفسك مصلحا - 00:11:39ضَ

دول الحاجتين اللي لازم يكونوا واجبين عليك في زمنا متفقين على كده؟ طيب علشان تكون صالح في ذاتك قبل ما تكون مصلح لغيرك عشان تكون صالح في ذاتك. محتاج ايه؟ محتاج حاجتين. اصلاح للباطن واصلاح للايه؟ اصلاح للظاهر. نصلح الاتنين دول. اصلحت الاتنين دول في - 00:11:59ضَ

وحياتك انتقل بقى الى المرحلة الثانية هي مرحلة اصلاحك لغيرك ليه نتكلم من البداية؟ ليه قدمنا قبل كل ده؟ ليه قدمنا من البداية؟ علم علم انا بسميه علم اهو والعلماء المستالقين سموه علم. ليه بنبدأ يا ابو حميد - 00:12:18ضَ

علم اصلاح القلب الاول. ليه هنبدأ بده؟ اولا لان هذا العلم واجب علي وعليك ده مش شيء مستحب يا رجب. ده شيء واجب علي وواجب عليك ما ينفعش تأسر فيه. زي اللي يترك الصلاة اثم. كذلك ايضا اللي يهمل هذا العلم ويترك هذا العلم ايضا اثم - 00:12:34ضَ

الامام الغزالي رحمة الله عليه كان بيقول وهذا النوع من طب القلوب. النوع اللي هو طب القلوب اللي هو بيقصد به طبعا اصلاح القلب هذا النوع من العلوم او من الطب هو واجب تعلمه واجب تعلمه على كل ذي لب - 00:12:57ضَ

فالامام الغزالي بيقول لنا ان العلم ده من البداية واجب ولا مستحب ولا مكروه ولا حرام؟ الواجب في علم اصول الفقه معناه ايه لا ده ده دي ثمرة. الواجب في علم اصول الفقه معناه ما امرت به امرا جازما - 00:13:17ضَ

وثمرته انك اذا فعلت هذا الواجب اجرت وان تركته اثنت فهنا لما الامام الغزالي يقول لنا ان العلم ده واجب ان انت تتعلمه فلازم تفهم. ان ده واجب زي مدرسة العقيدة واجبة - 00:13:41ضَ

وزي ما دراسة الفقه الاحكام الشرعية كالصلاة والصيام وجبة. وزي ما الصلاة واجبة. العلم ده واجب ان احنا نتعلمه اتنين هل علم القلوب واصلاح القلوب هل هذا العلم من من الاصول ام من الفروع؟ العلوم عندنا نوعين. العلوم الشرعية عندنا نوعين - 00:14:00ضَ

في علم بيسموه علم اصل زي العقيدة. وفيه علم بيسموه علم فرع اللي بيسموها علوم الالة. يعني مسلا تعلمكم لعلم مصطلح الحديث. ايه الحكم طب تعلمنا للصرف حكمه فرع والتعلم هذا العلم علم اصلاح القلب حكمه - 00:14:27ضَ

مش فرح بل اسمعها مني بل هو اصل الاصول. العلم ده هو اصل الاصول. بيسألوا شيخ الاسلام ابن تيمية عن علم اصلاح فبيقولوا له بيقولوا له اذكر لنا نبذة عن علم اصلاح القلب. فقال وهذا العلم هو من اصول الايمان - 00:14:52ضَ

ومن قواعد الدين ومن اهم الاعمال الواجبة على العالمين فبيقولوهم ان العلم ده ده اصل الدين اصلا اصل الدين انك تصلح قلبك طب هو ليه خلى شيخ الاسلام ابن تيمية ليه خلاه ايه اللي خلاه يقول ان علم اصلاح القلب اصلا اصل من اصول الدين. هقول لك انا - 00:15:17ضَ

محبة الله عز وجل سنة ولا واجب ده علم القلب الخوف من ربنا سنة ولا واجب ده ده متعلق برضو بالقلب فهمتم ليه؟ عايز تفهم ليه كمان ان اصلاح القلب هو اساس واصل من اصول الدين؟ الذي فرق بين المؤمن في زمن - 00:15:44ضَ

وبين المنافقين على فكرة المنافق كان بيصلي مع النبي في المسجد هو وابو بكر في صف واحد. رضي الله عنه صح الاتنين بيصلوا ولو للجهاد بيخرجوا مع بعض ما الذي فرق بين هذا مؤمن وصل لدرجة الصديقية؟ وما الذي اوصل هذا الى درجة النفاق فهو في الدرك الاسفل من النار؟ هو القلب - 00:16:08ضَ

هو القلب اصبح اصل من اصول الدين حسن من اصول الدين الامام الغزالي رحمة الله عليه واحفظوا الكلمة دي. مهمة اوي. الامام الغزالي بيقول فمعرفة القلب وحقيقة اوصافه اصل الدين - 00:16:37ضَ

واساس طريق السالكين انك تعرف قلبك انك تعرف قلبك يتحرك ازاي؟ وما يتحركش ازاي؟ يعمل ايه؟ وما يعملش ايه؟ ده اساس الدين مؤسسة الدين مبناة على الاخلاص مثلا الاخلاص ده حركة ايه؟ حركة قلب. خلوا اتنين الان انا وانت. اسمك ايه - 00:17:00ضَ

انا وكريم النهاردة بنصلي مع بعض شف انا امام انا اللي بصلي بكم امام وكريم مأموم بس وانا بصلي صليت وقعدت احسن في صوتي علشان تقولوا يا سلام! الله الله الله! يا عم الشيخ! قل كمان. انا صليت رياء - 00:17:29ضَ

هو جاي بيصلي اخلاصا يسمع مني الاية وسبحان الله لصلاح قلبه. الاية كانت بتنزل عمالة تهزه من جواه فعمال يبكي عمال يبكي السؤال من منا اعظم عند الله اللي كان بيصلي رياء ولا اللي كان بيصلي اخلاصا - 00:17:50ضَ

ده الموضوع منتهي اصلا فاللي فرق بينا وبين بعض ما كان في القلب في هذه اللحظة علشان كده الامام الغزالي بيقول ان معرفة القلب وحقيقة اوصاف القلب قال هي اصل الدين. ده اصل الدين اصلا. قال واساس طريق - 00:18:12ضَ

السالكين العلم ده اللي احنا هندرسه مع بعض ده العلم ده هنحاول بقدر المستطاع نحط ايدينا على موطن الافة اللي موجود عندنا موطن الافة اللي موجودة عندنا. ونحاول بقدر المستطاع نعرف ازاي نحلها. قبل ما اجي مباشرة. جا لي سؤال. سلام عليكم يا شيخ. عندي سؤال. اتفضل - 00:18:31ضَ

وحدة متدينة وزوجها مسافر ولا شب اتعرفت عليه عن طريق الفيس. اتكلمنا بعض حبينا بعض انا عارف ان ده حرام وغلط وما يرضيش ربنا وهي عارفة ان ده حرام وغلط وما يرضيش ربنا - 00:18:54ضَ

وانا خايف هو بيكلمني وبيبكي. وانا خايف انا مرعوب من وقفتي يوم القيامة بين ايدين ربنا وزوجها واقف قدامي ان انا خنته في زوجته. بالكلام وانا مش عارف احل المشكلة دي ازاي - 00:19:15ضَ

وازداد بقى البكاء ونبرة البكاء زادت قوي وقال لي يا شيخ انا باحبها جدا ومش قادر ادوس على قلبي هذه افة جوة القلب. ده مرض جوة القلب هذا الشاب اذا لم يقف على هذا العلم - 00:19:34ضَ

هيفضل طول حياته في هذا الصراع يبطل شوية ويرجع شوية. حالة زيادة الايمان هيقف هيقول لأ. حالة انهيار ايمان داخلي جوة القلب هيرجع ويتكلم وبعد كده المسألة كانت كلام هتبدأ المسألة - 00:19:50ضَ

انتم عارفين بقى السلم ودركاته هذا الشاب اذا لم يكن عنده علم يداوي به هذه الافة؟ هلك هذا الانسان. نسأل الله السلامة في الدنيا والاخرة عشان كده كان دايما العلماء واهل التربية علماء التربية والسلوك عندنا كمسلمين - 00:20:06ضَ

ودايما بيقولوا لنا انهم ما من قلب الا وفيه افة. كل واحد فينا قلبه عنده افة معينة. فيه مرض معين فلا يخلو قلب من القلوب عن اسقام لو اهملت تراكمت - 00:20:26ضَ

ها ركز بقى. هذه الافات لو اهملت ايه اللي يحصل؟ تراكمت. وترادفت العلل. الامراض هتبدأ تزيد فيحتاج العبد منا الى معرفة العلم الذي به يعالج هذه الافات. هاضرب لكم مثال بسيط يا اخواننا - 00:20:44ضَ

انا سمعت صوت كده في العربية عندي هو عبارة عن المكنة كان فيها مسمار سايل عايز بس ايه الصامولة بتاعته وقعت الصامولة عايزة ايه ها عايزة تربط بس طيب انا لو كبرت دماغي وسبتها ايه اللي بيحصل - 00:21:04ضَ

اه اه كل شوية حاجة هتظهر جديدة. المكنة بتتهز كتير. وهي بتتهز كتير لانها مشتتة. مش عارف سير ايه اللي قطع. ومش عارف ايه اللي حصل في ايه ايه مش عارف حصل في ايه ؟ فكل شوية كل يوم بيعدي علي وانا ما عالجتش هذا الخلل اللي موجود. كل يوم العيب ده بيزيد ولا ما بيزدش ؟ يا ريت - 00:21:23ضَ

بس العيب ده هو اللي بيزيد بس ده بيجيب جنبيه كمان ايه علل اخرى بتجيب كمان جمبيه علل اخرى. ومرة واحدة يلاقي الانسان داخل له في عشرة خمستاشر عشرين الف جنيه في الصامولة كانت لو اتربطت من البداية كانت كل حاجة - 00:21:43ضَ

هكذا الحال بالنسبة لقلب كل انسان منا بيبقى فيه عيب صغير قد كده. كان عنده حتة عشب بالنفس شوية بس. يعني حتة عشب بالنفس شوية بس. او تعالوا نضرب مثال - 00:22:00ضَ

عبدالله بن ابي بن سلول. عبدالله بن ابي بن سلول كان عنده صامولة عايزة تتربط. بس ايه الصامولة دي حب الرئاسة اهل المدينة الان بيجهزوا له التاج بتاعه علشان يلبسوه. جه النبي صلى الله عليه وسلم. فتاج ده اتنقل معنويا من ابن ابي من ابي ابن سلول - 00:22:16ضَ

للنبي صلى الله عليه وسلم ده كان عبء اسمه حب الرئاسة. ده كان عيب اسمه ايه ها؟ حب الرئاسة. حب الرئاسة ده وصل لايه وصل لنفاق قولي اه او لأ وصل لنفاق؟ اه وصل للنفاق. طب وصل لمعاداة لله ولرسوله؟ - 00:22:37ضَ

طب وصل الى انه يشتم النبي ويقع في النبي صلى الله عليه وسلم؟ طب وصل انه في يوم من الايام يقول عن عائشة انها زانية؟ طب ده كله جه منين - 00:22:58ضَ

ده كله جاء منين؟ هي قفا واحدة احتياجنا يا محمد لهذا العلم. احتياجنا لهذا العلم. لان ما من قلب الا وله افة. سهل جدا تتعالج اذا تركت هذه الافة تراكمت وترادفت علل امراض تانية بدأت تخش جوة القلب الانسان ده خلاص راح - 00:23:08ضَ

زي بالزبط كده مرض خفي بدأ ينتشر وسط الناس كان زمان نقول ان فيه بعض طلبة العلم بيحبوا الرئاسة عايز يبقى هو ايه الشيخ اللي بيشار اليه بالبنان عايز يبقى مشهور - 00:23:31ضَ

اه عندي مسلا تلات اربع بنات كده في مصر كلها. عايزين يبقوا نجمات ومشهورات ومش عارف ايه انما للاسف النهاردة برنامج التيك توك ده كل واحد النهاردة عايزة تشتهر البرنامج ده يشهرها - 00:23:43ضَ

فهي تبص على اكتر شيء ممكن تتبذل فيه وتعمله وتدور النهاردة ازاي تظهر حاجة معينة او شيء معين علشان تبقى مشهورة ومعروفة والشاب النهاردة عايز يبقى مشهور فهو بيدور ازاي يعمل اي حاجة علشان يبقى مشهور - 00:24:01ضَ

حتى ولو كانت الحاجة دي حاجة ولا لها اي لازمة حب الظهور الانسان منا لما المرض ده بينزل بينزل بحاجة قليلة اوي اذا لم يعالج تراكم. ويزيد يزيد يزيد. لدرجة ان ممكن اللسان في بعض الاوقات بيفقد قلبه تمام. بل بيفقد دنيته وبيفقد اخرته كمان - 00:24:22ضَ

احنا في حاجة الى علم اصلاح الباطن عشان نعالج الامراض دي لو في يوم من الايام ممكن نزلت في القلب اللي يخلينا كمان يا اخواننا نأكد على جزئية اهتمامنا بعلم الباطن. علم اصلاح القلب - 00:24:51ضَ

دي اول خطوة من خطوات اصلاح الانسان منا لنفسه ان احنا نعلم يقينا مدى تأثير هذا القلب في جوارح الانسان بل مدى تأثير هذا القلب في عمل الانسان اصلا الشاب اللي ييجي يشتكي ويقول لي يا شيخ انا عندي مشكلة كبيرة جدا انا ما بقدرش اغض بصري - 00:25:13ضَ

هل المشكلة في البصر في الحقيقة المشكلة مش في البصر ولكن المشكلة في القلب وقس عليها بقى الشاب اللي مش قادر يسيب فتنة المواقع الاباحية. او البنت اللي بتحب ولد ومش قادرة تسيبه. او البنت اللي بتحب ان هي تبقى مشهورة ومش عارفة - 00:25:37ضَ

هي القصة كلها دلوقتي مش في جوارح الانسان ولكن القصة في حقيقتها متعلقة بقلب الانسان. وده احنا هنعرفه الدرس الجاي ان شاء الله النبي قال لنا ان حقيقة مرض الجوارح - 00:25:53ضَ

ده ده دي الصورة. انما الاساس هو القلب. عارف اللي عنده برد؟ الانسان منا لما يكون عنده برد بتلاقي عنده رشح وتلاقي عنده كحة وعفوا عنده بلغم على صدره وبيطلع في الكحة حسان جسمه مكسر - 00:26:08ضَ

لما بنروح للدكتور الدكتور ما بيقولهوش خد الحباية دي عشان توقف البلغم او اشرب الشراب ده يوقف البلغم ده لو عمل كده معك ما يبقاش دكتور ناجح اصلا ولكن الدكتور الناجح لما بيروح له شاب بهذه الصورة بيقول له ايه - 00:26:26ضَ

بيقول له ايه بيقول له لأ ده ده فيروس فيرس خد مضاد حيوي للفيروس بتاع البرد. لان احنا لو قدرنا نوقف عمل الفيروس ده هتكون النتيجة ان كل الصور دي ايه اللي هيحصل لها - 00:26:43ضَ

اطروح مما لا شك فيه ان في كتير من الاوقات احنا بنعمل اخطاء الاخطاء دي صورتها ممكن تكون على الايد. صورتها ممكن تكون في العين. صورتها ممكن تكون في الودان. صورتها ممكن تكون في اللسان. بنت بتقعد مع صحباتها تقول احنا يعني انا - 00:26:56ضَ

انا ما بعرفش طول ما انا قاعدة معهم انا بشتم انا ما بعرفش اصلا انا اتعودت على كده القفة اللي موجودة على اللسان دي اصلها اصلا جوة قلبك. هو فيه مشكلة عندك في القلب اصلا - 00:27:14ضَ

حتى والله يا اخوانا اللي بيغتاب حد او بيقع في عرض حد ده وان كان الذنب باللسان الا ان اصل الذنب ده فين؟ جوة في الباطن هو في الباطن احنا لو في يوم من الايام شفنا عربية ما بتتحركش - 00:27:29ضَ

المشكلة في العجل في الازاز ولا في الابواب ولا في الشكل الخارجي؟ المشكلة مش في ده كله. الماتور هو اللي فيه مشكلة احنا في كتير من الاوقات عندنا ذنوب ظاهرة - 00:27:46ضَ

احنا نفسنا نعالجها مش عارفين نعالجها لان احنا للاسف لما بنعالجها بنتعامل بالزبط معها زي اللي عنده برد. بياخد دواء للرشح والسيد الفيروس انما الانسان الصحيح فعلا عايز فعلا يبقى قريب من الله ويصلح الباطن اصلا. هو لازم يفهم من البداية. ان الباطن ده هو الاساس في كل - 00:28:00ضَ

ايه اللي هيظهر بعد كده عايز اقول لكم مسلا الشاب اللي احنا كنا بنتكلم عنه من شوية مرتبط بواحدة متزوجة المشكلة هنا فين المشكلة اللي كاينة فينا المشكلة في القلب - 00:28:22ضَ

لان ربنا سبحانه وتعالى قال لنا في القرآن من البداية للبنت قال تعالى فلا تخضعن بالقول ها فيطو مع الذي في قلبه هو من البداية ما اتكلمش معها ولا جراها في الكلام ولا دخل - 00:28:39ضَ

في شات ولا ولا ولا ولا كل ده الا بالسبب اصلا ان من البداية كانت عنده مشكلة في القلب وربنا قال للبنات خدوا بالكم من البداية خدوا بالكم في التعامل مع الاجانب عنكم - 00:28:54ضَ

بلاش خضوع بالقول. بلاش مياعة في الكلام. بلاش مياعة في الهزار والضحك. ما ينفعش. والا سيطمع فيك من في قلبه مرض وربنا قال برضو لنساء النبي وقال ان الصحابة من المهاجرين والانصار فاذا سألتموهن متاعا فاسألوهن ايه؟ ليه - 00:29:08ضَ

ليه؟ ذلكم اطهر لقلوبكم وقلوبهن. احنا لازم نعرف ان كتير من الافات اللي احنا بنقع فيها ذنوب او معاصي اساسها انما جاء من حركة القلب علشان كده النبي قال لنا من البداية صلى الله عليه وسلم - 00:29:28ضَ

قل الا ان في الجسد لمضغة اذا صلحت ها؟ صلح الجسد كله. واذا فسدت فسد الجسد كله. الا وهي؟ شكره الا وهي القلوب الا وهي القلب عايز اقول اذا كنا فعلا بنرجو ده الامر السادس في ضرورة هذا العلم - 00:29:46ضَ

اذا كنا كلنا بنرجو ان احنا نكون قريبين من ربنا سبحانه وتعالى وينال كل انسان منا منازل القرب من ربه سبحانه ازا كان كل انسان فينا يعني اللي جاي الدرس واللي جاي من سفر واللي بيكلمني يقول لي معلش في ناس النهاردة اصل انا جاي من البحيرة. واللي بيقول لي معلش اصل انا جاي من القاهرة. اللي جاي - 00:30:11ضَ

قطع المسافات دي كلها علشان يحضر الدرس وما اتى الا يريد القرب من الله سبحانه وتعالى انت زات نفسك ما طلبتش التدين في واقع اغلب من فيه على معصية الا لانك تريد انك تصل الى منازل القرب من الله سبحانه وتعالى - 00:30:30ضَ

يا اخواني لازم نفهم كويس جدا ان اخطر شيء يصل به يصل به الانسان الى منازل القرب من الله سبحانه وتعالى ان يصلح الانسان منا قلبه في حد من علماء المسلمين لا تزال الدراسات الغربية عليه وعلى كتبه غير طبيعية - 00:30:48ضَ

بل هم دايما كده كانوا بيقولوا عليه كده هو استاز علم النفس هم اتنين الامام الغزالي وواحد تاني كده اسمه الحكيم الترمزي احفظوا الاسمين دول لان هم مهمين قوي هيتكرروا معنا كتير - 00:31:07ضَ

حكيم الترمذي ده هو حد من المحدثين. من ائمة الحديث الا اني كان توجهه الاساسي انه ازاي يسقط هذه الاحاديث على تربية الناس؟ حياته كلها كانت كده حياته كلها كانت كده. رحمه الله وجزاه الله عنا وعن الاسلام خيرا - 00:31:25ضَ

الامام الحكيم الترمذي رحمة الله عليه بعد ما وقف مع حديث الا ان في الجسد لمضغة. علق تعليق جميل جدا. فبيقول ايه؟ قال فتربية القلب على راض الرب تربية القلب على مراد - 00:31:45ضَ

تؤدي الى منازل القرب بيقول وتربية القلب على مراد الرب تؤدي الى منازل القرب ربي قلبك على الحاجة اللي الرب امر بها سبحانه وتعالى نصل الى منازل القرب من الله سبحانه وتعالى - 00:32:03ضَ

كان ابن القيم رحمة الله عليه الكلام رائع اللي هو بيقول الاهتمام بتصحيح القلب او لما اعتمد عليه السالكون في طريقه الى الله والنظر في امراضه وعلاجها اهم ما تمسك به المتنسكون - 00:32:39ضَ

اصلاحنا لقلوبنا شوفوا الكلام هو بيقول اصلاح القلب دي اعظم عبادة انا بتقرب بها الى الله سبحانه وتعالى ولا يتقرب العبد الى الله عز وجل بقربة افضل من اصلاح هذا الانسان لربه سبحانه وتعالى - 00:33:02ضَ

الامر الاخير احنا ليه محتاجين نهتم بالعلم ده لان احنا لازم نعرف ان الشيطان كعدو لنا علم حقيقة ان المضار على القلب الشيطان عرف ان مضار فلاح الانسان او هلاك الانسان مضاره على القلب - 00:33:30ضَ

النهاردة الشيطان لما بدأ يتحرك مع الانسان ما تحرك الا على الايه الا على القلب فاقبل عليه بالوساوس واقبل عليه بشهواته وزين له الاقوال والاعمال ما يصده به عن الطريق - 00:33:54ضَ

ما يصدهم به عن الطريق وان اولى ما يهتم به الانسان في طريقه الى ربه محاربة عدوه باصلاح قلبه فده اهم حاجة عندنا دلوقتي اهم شيء عندنا انك تبقى عينك على قلبك - 00:34:12ضَ

تبقى عارف كويس جدا الامراض اللي فيه ايه عشان نبدأ نعالج وعارف كويس جدا اعمال القلب اللي تقرب من ربنا ايه؟ علشان تعملها فبالتالي تنام منازل القرب من ربك سبحانه وتعالى - 00:34:30ضَ

اهمية القلب ده العنصر التاني معنا النهاردة اهمية الاجر اهمية القلب عندنا كمسلمين اهمية عظيمة جدا واحاول بقدر مستطاع زي ما احنا ماشيين كده من اول الدرس نقاط ورا بعضها بحيس يسهل حفظها - 00:34:47ضَ

ويبقى سهل علينا جدا ان احنا نبدأ نطبقها القطر الاول اول اهمية تدلك على قد ايه القلب ده مهم انه ما من حركة ولا سكنة يؤديها العبد الا منشأها الاساسي منين - 00:35:09ضَ

الا كان منشأها الاساسي من القلب لذا يقول العلماء لولا البواعث والايرادات في القلوب لما حصلت افعال الجوارح اعمال الجوارح كلها مبناها على القلب القلب هو المحرك للكل حتى ان النبي صلى الله عليه وسلم حب يقول لك ان ايمانك كايمان لا يستقيم ابدا الا بصلاح القلب. لان الايمان مجموعة من الاعمال الباعث عليها - 00:35:28ضَ

القلب. لذا قال صلى الله عليه وسلم لا يستقيم ايمان احدكم حتى يستقيم قلبه. اتنين ان الاعمال عشان اقول لك قد ايه القلب مهم. عايزين نصلحه شوية تاني حاجة ان حقيقة العمل المقبول عند الله - 00:35:59ضَ

مبنى على ما كان في قلب الانسان والتفاضل بين الاعمال مبناه على ما في قلب الانسان احنا ممكن احنا الاتنين نتصدق كل واحد منا بصدقة معينة ولكن احنا في الاجر بينا وبين بعض كما بين السماء والارض - 00:36:21ضَ

وممكن العمل البسيط اوي اللي يبقى الانسان بيعمله بقلب صادق العمل البسيط ده يبقى من اعظم الاعمال عند الله سبحانه وتعالى اتنين دخلوا الجهاد مع بعض واحد منهم دخل يجاهد علشان الغنيمة - 00:36:45ضَ

واحد منهم دخل يجاهد من اجل دين الله سبحانه وتعالى الاتنين في العمل واحد ولا لأ واحد ولكن في الاجر تماما هقول لك برضو اتنين الان بيصلوا مع بعض والاتنين مخلصين - 00:37:15ضَ

ولكن واحد صلى صلاة اقبل عليها محبا لله سبحانه وتعالى خاشعا قلبه في الصلاة والتاني اللي عمال مشغول بدنيته. ايهما اعظم عند الله رغم ان الاتنين في العمل واحد في الصورة واحدة والاتنين في الاخلاص واحد - 00:37:32ضَ

ايهما اعظم عند الله علبة الصحابي الكريم علبة ابن زيد لما النبي قال للصحابة يوم غزوة تبوك عايزين نجهز جيش العسرة عثمان قام وجهز الجيش جهز الف واحد من الجيش - 00:37:51ضَ

طيب علم ابن زايد ما عهوش اي فلوس بس قام بالليل يصلي ويدعي ويبكي ويقول يا رب حثنا نبيك على الصدقة ولا املك شيئا. انا ما عييش حاجة انا ما عييش فلوس - 00:38:14ضَ

انا بعيش والله والله يا رب لا املك من هذه الدنيا الا عرضي يا رب اني امسيت اتصدق بعرضي على من وقع فيه. دي الحاجة الوحيدة اللي اعرف اتصدق بها اصلا - 00:38:36ضَ

النبي صلى الفجر وطلع لقى استنى الصلاة جامعة الناس كلها مجموعة ويطلع يخطب النبي في الناس وينادي ويقول اين المتصدق بعرضه البارحة مين اللي تصدق بعرضه البارحة قوم عضو وقل انا يا رسول الله ووالله ما اردت الى الخير. قال ابشر يا علبة - 00:38:52ضَ

فان الله قد تقبل صدقتك البارحة مع الزكاة المفروضة. خلاك انت وعثمان في درجة واحدة هو ما عملش حاجة اصلا لا لا خد بالك خد بالك ما قام في قلب علبة ابن زيد في هذا الوقت - 00:39:16ضَ

حاجة عظيمة جدا عند ربنا سبحانه وتعالى فاكرين زمان قصة الجنيه اللي انا كنت قلتها لكم مع شيخنا الشيخ عبدالعزيز لما قلت لكم الشيخ من اشهر علماء المسلمين في علم القرآن رحمة الله عليه رحمة واسعة - 00:39:34ضَ

الشيخ كان امام مسجد الملك خالد في الرياض وحد بقى كده من الناس كده ما بيصليش وراه الامراء بس وخلاص بعد بقى عمر طويل الشيخ كبر قال اجي بقى ابني بيتي هنا - 00:39:53ضَ

فهو بيبني بيت هنا كده في شوارع جانبية بتاعة شارع الترعة واقف بقى ومتكة على العصاية كده وهدومه بقى متبهدلة اسمنت والناس بتبني فجاء على الرصيف كده قعد وحط ايده على الايه على العكاز كده - 00:40:09ضَ

واحدة فقيرة جدا فقيرة يعني بتكح تراب لقيته كده واقف عايزة تروح طلخة في اي كتات اركب بالاتنين جنيه توصل طلخة فلقيت الشيخ قاعد كده وشكله فقير قالت له والله العظيم يعني انا شفتك صعبت علي - 00:40:23ضَ

والله انا ما عييش الا الاتنين جنيه ده هم خدوا موت لك بهم اكل ولا حاجة وانا همشي ايه هتمشى لحد طلخا مش هركب طب استني يا ستي تقول له لا والله مات - 00:40:38ضَ

سبحان الله يعني فقير وبيتعفف كمان ويودي الشيخ السواق بتاعه خدها وصلها لحد المكان والشيخ بالليل يعني اتنين جنيه يا اخوانا اتنين جنيه. الشيخ بالليل ياخد السواق ويقول له توديني عند الست دي. يروح عند الست يلاقي كوخ كده - 00:40:52ضَ

القاعدة فيه هي وعيالها اللي بتربيهم وولاد بنتها اللي ماتت ايتام بتربيهم الشيخ سبحان الله بيقول دخلت واديتها اللي فيه النصيب وانا خارج صعبان علي البيت طين فبيقول وانا خارج امير سعودي من اللي كانوا بيحفزوا عندي قرآن ازيك يا شيخنا ومش عارف ايه انا معي مبلغ كبير من الصدقات عايزين عايز اتصدق به. قال له والله حصل واحد اتنين تلاتة - 00:41:12ضَ

اربعة قال له ابني لها بيت اربع تدوار السؤال السؤال السؤال هو ليه الامين يتصل في الوقت ده وليه الشيخ قلبه يتحرك ناحية الست دي هي دفعت ميت مليون جنيه مسلا - 00:41:34ضَ

لا يا اخواننا هو ما قام في القلب عند اداء العمل الذي يقوم في القلب عند اداء العمل هو ده اللي ربنا سبحانه وتعالى بيخلي العمل بيتفاضل علشان كده النبي قال لنا في حالة الست دي حالة الست دي اللي اشترت باتنين جنيه باتنين جنيه في الدنيا. الله اعلم ما لها عند الله. اللي اشترت باتنين جنيه في الدنيا - 00:41:52ضَ

اربع تدوار ويجرى عليها اموال ثابتة كل شهر ما اوصلها الى هذا؟ ما اوصلها الى هذا؟ الا ما قام في قلبها ان الجو حر والدنيا شمس وهتمشي من الترعة لحد ما تروح الموقف في طلخا - 00:42:12ضَ

مش عشان تتصدق بده العمل البسيط ده هو يمكن يكون عندنا بسيط ولكن الباعث عليه الداخلي كان كبير عند ربنا فكان هذا البعث هو سبب كبير جدا ان العمل ده يكبر عند ربنا سبحانه وتعالى. علشان كده النبي قال لنا في الحديث رب درهم سبق ايه - 00:42:27ضَ

الدرهم ده ليه سبق مائة الف درهم؟ النبي عليه في الحديس الصحيح كده. رب درهم سبق مائة الف درهم. واحد يتصدق بجنيه وواحد يتصدق بميت الف جنيه ولكن الجديد ده عند ربنا افضل من مية الف. ليه يا اخوانا ما كان في قلب الانسان في هذا الوقت. واحد النهارده يسمع الدرس. وان انت لازم تفرح - 00:42:47ضَ

والدك وتفرح والدتك وتسعدهم يقول لي انا النهاردة معييش الا عشرة جنيه المفترض آآ اكل بها واشرب بها قلت لأ هجيب لوالدتي كارت شحن بعشرة جنيه جبت كارت الشاحن بعشرة جنيه علشان يعني افرحها - 00:43:07ضَ

يجي لي واحد يقول لي احنا عندنا عمارة هنا بتتشطب ممكن تيجي تشطبها لنا فانا عندي شغل فانا كلمت واحد صاحبي في عمارة تيجي تشطبها قال له اه. قال له طب هتديني عمولة كم؟ قال له انا هاديك خمس تلاف جنيه - 00:43:24ضَ

هي القضية عند ربنا. القضية عند ربنا. العشرة جنيه ولا الاتنين جنيه بتوع الست؟ لا. القضية عند ربنا ما كان في قلبك عند اداء العمل شف القلب ممكن يخلي عملك عند ربنا عامل ازاي. لذا قال رسول الله صلى الله عليه وسلم ثلاثة يحبهم الله وحب الله لهم اشد. ثلاثة يحبون - 00:43:40ضَ

الله ويضحك لهم ويستبشر بهم. ان ربنا يضحك لك قال النبي صلى الله عليه وسلم في الحديس الصحيح الذي رواه احمد ومن ضحك الله له دخل الجنة بغير الناس دي ليه يوم القيامة تخش الجنة بغير حساب لما كان في قلبهم في الوقت ده. ايه بقى ايه التلات اعمال دول؟ قال اما الاول قوم كانوا في - 00:44:00ضَ

فنزلوا في مكان هيناموا بقى وقام فناموا جميعا فقام واحد منهم يصلي ويذكرني انك كنت في القاهرة رحت مشوار صد رد في التحرير طول النهار بتخلص اوراق والحاج مش عارف مين بيبعت لك للحاجة انت اتبهدلت. راجع خلاص ما انتاش - 00:44:22ضَ

شايف قدامك ودخلت بص على السرير وانت حاطط دماغك على السرير كده افتكرت ان ربنا وفقك النهاردة في الاوراق صلوا ركعتين بس انا فعلا حقيقة مش شايف قدامي طب بص قم صل ركعتين الوتر والنبي - 00:44:46ضَ

خلصوا ركعتين الوتر وانت في قمة تعبك الركعة دي تساوي ايه عند الله ده انت ممكن يكون توفيقك في الدنيا والاخرة كله كان مبناه على الركعة دهي وخش الجنة بغير حساب. في الركعة دي. الراجل ده النبي بيقول انه يدخل الجنة بغير حساب في ركعتين صلاهم قبل ما يناموا - 00:45:03ضَ

طب والتاني والتاني التاني قوم كانوا يجاهدون فانهزموا بقى لي انا هاجري بقى افر انا كمان تتذكر دينا. انا ديني يتغلب الناس كلها بتفرز هو قام راجع بوشه اما ان ينصره الله عز وجل واما ان ينال الشهادة - 00:45:27ضَ

فهذا يحبه الله وحب الله له اشد والتالت التالت رجل فقير مسكين محتاج سأل قوما بالله الناس كلها ردته وهو يعلم ان الانسان ده صاحب حاجة. فتخلف هذا الرجل فاعطاه - 00:45:53ضَ

ان كل الناس ماشية في اتجاه وانت بقلبك ماشي في اتجاه العمل البسيط اللي انت عملته ده يفرق كتير جدا عند ربنا احنا واحنا في غينيا كنا بنبص على بير كده كنا بنحفره - 00:46:10ضَ

تبص على البير كده انت مش شايف اخره تحت خالص والبيت تبص عليه انت في عز النهار ضلمة اللي انا بقوله لكم ده نقدر نفهم به حديث لماذا شكر الله للبغي لما نزلت لتسقي الكلب - 00:46:23ضَ

اللي هينزل البير ده ممكن ما يطلعش ولكن اللي قام في قلبها دلوقتي ان هي ترحم ايه ؟ ترحم الكلب ده اللقاء اللي قام في قلبها في هذا الوقت يا نهار ابيض - 00:46:40ضَ

اختنا المنتقبة اللي في شهر سبعة وفي شهر تمانية في عز الحر الناس يعني حد بيقول لها تعالي بسرعة ده فلانة مريضة. فنازلة يعني الجو حر طب انا هنزل بالليل. طب هي محتاجاكي دلوقتي - 00:46:55ضَ

محتاجاكي دلوقت وماشي في الحر وهي من تحت النقاب بتصب في مية. حنفية مية مفتوحة انت عملتي كده ليه ؟ والله بص انا انا ما نزلتش الا علشان ارضي ربنا سبحانه وتعالى - 00:47:08ضَ

ده اللي بيخلي العمل عند ربنا كبير اوي اختم بالحديث دهون العشاء اذنت ولا لسه؟ اذنت؟ طب اختم بالحديث دهو وفيه يقول النبي صلى الله عليه وسلم في ليالي البرد - 00:47:24ضَ

ان العبد يعالج نفسه الى الطهور الجو برد قوي والماية باردة العبد قايم بالليل كده بيعالج نفسه الى الطهور ويعالج نفسه الى الصلاة. عشان يصلي ركعتين بالليل فيرى الله منه هذا - 00:47:41ضَ

ربنا يرى منه ده يقول الله عز وجل للذين هم من وراء حجاب انظروا الى عبدي هذا يعالج نفسه الى طهوره. للوضوء يعني للميه ويعالج نفسه الى الصلاة ما يريد عبدي - 00:48:02ضَ

وتقول الملائكة اي رب يرجو رحمتك ويخشى عذابك فيقول الله عز وجل اشهدكم ملائكتي ان ما سألني عبدي هذا الان فهو له اللي كان في القلب في اللحظة دي انت ممكن بحركة قلبك تصل لمنازل عالية جدا. بس لو قدرت فعلا تعرف ازاي تتعامل مع الكل. نرفع الاذان ونكمل ان شاء الله - 00:48:20ضَ

السلام عليكم ورحمة الله وبركاته بسم الله والحمد لله والصلاة والسلام على رسول الله صلى الله عليه وسلم وبعد تعالوا بقى اللي احنا اتكلمنا عنه الان نحطه في قلوبنا ودايما يا اخواننا انا هكرر معكم اسماء علماء كتير واحنا بنتناقش في الدرس - 00:48:47ضَ

عشان نفهم ان الناس دي تعبت قوي عشان توصل لنا الدين القانون بيقول لنا بعد كده نوصله لكم من كلام شيخ الاسلام رحمة الله عليه ان في الفعل بالفعل ان ربنا سبحانه وتعالى - 00:49:08ضَ

لا ينظر انت صليت كم ركعة ولكن نظرة الله الحقيقية لما كان في قلبك عند الصلاة شيخ الاسلام بيقول ايه بيقول والعبد قد يأتي بالحسنة بنية وصدق واخلاص يقول اعظم عند الله عز وجل من اضعافها - 00:49:28ضَ

قال الامام ابن القيم رحمة الله تلميذ شيخ الاسلام فوضح الصورة اوضح واكتر وقال رحمه الله ان الاعمال عند الله لا تتفاضل بصورها ولا بعددها الاعمال عند ربنا سبحانه وتعالى لا بالسورة ولا بالعدد - 00:49:52ضَ

مش معنى ان ده صلى عشرين ركعة يبقى افضل عند ربنا من ان يصلي ركعة وقال ان الاعمال لا تتفاضل عند الله. بعددها ولا بصورها. وانما تتفاضل بتفاضل ما في القلوب - 00:50:11ضَ

الاعمال بتتفاضل بتفاضل ما في القلوب. انا لا انسى في سنة كنا معتكفين وكان حد من الشباب المعتكفين كانت جات له نزلة برد قوية جدا يا عيني مش قادر يقف - 00:50:26ضَ

قلنا له ريح الليلة دي ما تتعبش نفسك في التهجد ولا في القيام ريح. علشان احنا داخلين على الليالي الفردية اهتم شوية بها ان شاء الله والله يا اخوانا والله - 00:50:41ضَ

انا لا انسى ابدا الاخ ده اللي قدر يصليه معنا ركعة واحدة ركعة واحدة عارفين صلوها ازاي الله اكبر معتمد على الايه على الحيطة هو وصلنا ايه وصعب عليه انه يتعدى عليه ليلة من ليالي رمضان وبخاصة في العشر الاواخر وما يصليش قيام - 00:50:54ضَ

صلى وهو رامي نفسه على الحيطة ممكن يكون العمل ده افضل عند ربنا عز وجل. من واحد بيصلي من العشاء لحد الفجر. عددا بس عدد وخلاص عشان كده انا دايما بقول لكم اهتموا قوي وانتم جايين تعملوا اي عمل صالح - 00:51:25ضَ

اهتم اوي قبل قبل سورة العمل وعدد العمل اهتم اوي باللي في قلبك في هذا الوقت وشيخ الاسلام ضرب سبع امثلة نذكرهم بسرعة ونختم درس النهاردة وانا عايز اقول لكم احنا مهم قوي الحتة دي في درس النهاردة - 00:51:44ضَ

ان اعمال عند الله عز وجل لا تتفاضل بصورها ولا عددها وانما تتفاضل بما في قلب العبد عند ادائها وقال رحمه الله فتأمل حديث البطاقة التي وضعت في كفة يقابلها تسعة وتسعين سجلا من السيئات - 00:52:01ضَ

تأمل كيف تثقل هذه البطاقة وتطيش السجلات؟ فلا يعذب هذا العبد. لما قام في قلبه من خوفه من ربه عز وجل وتأمل ما قام في قلب قاتل المئة نفس قاتل المئة نفس لما جت عليه لحظة خلاص انا انا لازم اتوب انا مش هينفع حياتي تبقى كده - 00:52:22ضَ

رغم ان هو كان بيكابد السكرات في اللحظة دي لما العالم بيقول له لازم تسيب ارضك اترك ارضك فانها ارض سوء واذهب الى ارض كذا فان فيها قوم يعبدون الله. فابن القيم بيقول شف شف الراجل ده ازاي بيكابد السكرات ومش مشغول بالسكرات هو مشغول - 00:52:46ضَ

دلوقتي انه يروح فين انظر ما قام الى قلبه فهو يتنعم الان في الجنة ينظر الى حال البغي. التي رأت كلبا يلهث من يلهث يلهث الثرى من العطش. ما قام بقلبها في هذا الوقت - 00:53:03ضَ

ان هي ممكن تخاطر بنفسها. تخاطر بحياتها علشان تسقي الكلب رحمة به. الرحمة بحيوان في وقت زي ده يفرق كتير قوي يا اخوانا ربنا سبحانه وتعالى ربنا سبحانه وتعالى التفاضل عنده ميزان العمل عند ربنا سبحانه وتعالى اللي يتقل العمل عند ربنا - 00:53:20ضَ

ما يراه الله عز وجل من قلبك ما يراه الله عز وجل من قلبك. معك اتنين جنيه هتروح بهم آآ رايح طلخا. هتروح بهم شفت حد فعلا محتاج فقير فتصدقت بالاتنين جنيه دول وانت في اشد الحاجة لها. وضعك ايه عند ربنا؟ لأ وضعك عند ربنا عالي جدا - 00:53:42ضَ

مش علشان الاتنين جنيه علشان اللئام في قلبك في هذا الوقت صحباتك كلهم قالعين الحجاب محجبات والكل عمال يتريق على المحجبة. انت لبست الحجاب. علشان بتحبي ربنا. ده عند ربنا كبير جدا. يمكن اللي قام في قلبك انا عملت كده علشان - 00:54:03ضَ

تحب ربنا يكون اعظم اجر عند الله من الحجاب انك في يوم من الايام بتروح شغلك بتروح شغلك. انا بقول للاباء اهو. بتروح شغلك. وانت في الشغل بتجيب لك حاجة ساقعة وباكوين بسكوت تفطر عليهم او سندوتشين بخمسة ستة جنيه - 00:54:25ضَ

نفطر بهم الصبح وشفت ابنك محتاج لمحفظ قرآن قلت مش مشكلة انا مش هاكل مش هافطر. واوفر الخمسة جنيه في التلاتين يوم بمية وخمسين جنيه اجيب محفز قرآن لابني فانت سبت الاكل وسبت الشرب مش مشكلة اتحمل تبقى وجبة الغدا على طول. علشان ابنك يحفظ قرآن يمكن يكون اللي قام في قلبك في هذا الوقت اعظم - 00:54:42ضَ

انا دايما بقول واحنا في الحج كده مع ابائنا وامهاتنا تلاقي ام من الامهات طلعت معاش خدت مبلغ من المال باعت حلقها وباعت دهبها وعملت جمعية وعملت كل ده عشان تطلع الحج نفسها تروح الحج - 00:55:08ضَ

وسبحان الله والله يا اخوانا لربما ما يكون في قلب الانسان انه عنده لهفة انه يروح الحج ينال بما قام في قلبه اجر اعظم عند الله عز وجل من ايه - 00:55:24ضَ

من الحج نفسه علشان كده احنا بنقول لازم علشان تكون انسان صالح لازم تبدأ بالقلب فما يقوم في القلب عند اداء العمل قد يكون اعظم اجرا عند الله من الايه؟ من العمل نفسه. من العمل نفسه. وده اللي احنا محتاجينه - 00:55:36ضَ

ده اللي احنا محتاجينه. علشان كده ممكن الانسان يعمل عمل بسيط جدا. ولكن يؤجر عليه اجر عظيم جدا. لما كان في قلبه نكتفي ان شاء الله بهذا القدر ان شاء الله الاسبوع القادم ان شاء الله تبارك وتعالى. احنا النهاردة باذن الله - 00:55:54ضَ

عندنا حفلة لولادنا سبعين ولد وبنت كانوا بيحفزوا معانا في الصيف بفضل الله سبحانه وتعالى حضروا دورة القرآن الكريم حفظا وما شاء الله لا قوة الا بالله يعني النهاردة بقى تكريمهم توزيع الجوايز عليهم وتوزيع شهادات التقدير عليهم. ان شاء الله هيكون بعد صلاة العشاء مباشرة ان شاء الله - 00:56:14ضَ

بازن الله عندنا دكتور في الكلية بيعمل اختبار بسيط مكون من السؤال او اتنين في معظم محاضراته خمس دقايق كده في بداية المحاضرة اسناء حل الطلبة مسلا بياخد الغياب بيعمل حاجة. والطلبة يتكلمون او ينقلون الاجابة من بعضهم البعض - 00:56:39ضَ

وهو على الدرايا بما يفعلون. فهل يجوز لي ان انقل معهم؟ بما ان الدكتور واضب كده ايه رأيكم يا شباب ايه رأيكم ايه يا ولاد؟ ده غلط واللي هيتعود على حياته ان تبقى حياته كده - 00:57:18ضَ

صدقني والله هيبقى افشل انسان في الدنيا الاصل يا ابني الاصل يا ابني اتعلم كويس كويس كويس الامتحانات الكويس علشان بكرة بازن الله ازا ربنا سبحانه وتعالى شاء وقدر وبقيت انسان مسئول وبقيت انسان مسئول تبقى ان شاء الله باذن الله قد المسئولية - 00:57:34ضَ

احنا لما بنشوف النهاردة اي فشل موجود مثلا في وظيفة ما او في عمل ما كان منشأه الاساسي الطالب اللي اتعود على غش المهو صغير احنا بنسمع من وقت للتاني انا اخويا اخويا اخويا في يوم من الايام كان عنده زايدة - 00:58:01ضَ

ورحنا لدكتورة في مستشفى كشفنا عن دهب اديته دواء روماتيزم للركب واخويا كان بيموت هي دي جت منين؟ هي جت من الطريقة دي. ان ابوها مسلا كان مش عارف مين ولا مين وكانت بتغش في امتحاناتها في اعدادي وفي سانوي وفي جامعة - 00:58:18ضَ

عادي فطلع النموزج ده طلع النموزج ده المهندس اللي بيعمل طريق ويعمل الطريق ده بعد عشرين يوم الطريق بيبوظ هو ده كان في البداية طالب فاشل كده. مبنى حياته على الغش - 00:58:38ضَ

وهو كان بيغش في ابتدائي وغش في اعدادي وغش في سانوي وغش في جامعة. فلما طلع لما جه يحط المواصفات معينة بتاعة الاسفلت تغش فيها واصبحت حياته كلها كده. فالناس بتموت على الطريق بسبب الغش اللي ابوه غرسه فيه من وهو صغير - 00:58:54ضَ

احنا مش عايزين بس مش عايزين النموزج ده احنا عايزين نموزج انا عارف كويس جدا اللي بيدور في دماغك ان دي مواد ما بتهتم يعني ما فيش من وراه منفعة ومش بس غلط يا اخواننا غلط هو مبدأ - 00:59:11ضَ

مبدأ انك ما ينفعش تغش اللي هيتعود على الغش في الحاجات الصغيرة بكرة هيغش فين؟ في الحاجات الكبيرة. هو اللي اتعود ان ايديه تتاخد الحاجات الصغيرة بكرة ايديه تاخد الحاجات الكبيرة. احنا محتاجين دايما - 00:59:23ضَ

على المبدأ. انا مش هغش. انا اجتهد واعمل اللي علي وباذن الله اكون على يقين ان ربنا يوفقني. حتى ولو كان في في سؤال بسيط. على فكرة في حاجة عند علماء النفس بيقولوها ان اللي بيتعود اللي بيتعود آآ هو الدكتور قاعد وشايف واحنا مش في امتحان واحنا بننقل من بعض والاسئلة دي ما علهاش يعني - 00:59:35ضَ

لأ هي القصة كلها ان انت لو اتعودت على ده في المحاضرة بكرة في الامتحان هتعمل ايه هيبقى سهل عليك جدا انك تعمل كده لا انا ارى ان هذا لا يجوز وما ينفعش - 00:59:55ضَ

طيب بكرة الخميس صيام ان شاء الله. يا ريت بكرة صيام يا اخوانا ان شاء الله مع بعض نكتفي النهاردة بهذا القدر تبارك وتعالى نكمل الدرس القادم ان شاء الله - 01:00:11ضَ

وان شاء الله يا ريت بقى ما حدش يمشي. احنا عندنا حفل بعد صلاة العشاء ان شاء الله نوزع الجوايز كده على ولادنا ولادنا عايزين دعم عايزين تحفيز من الاقصى دعم مادي. انا عايز دعم معنوي - 01:00:30ضَ

ان الولاد تبقى حاسة ان هي بتتكرم قدام الناس دي كلها ان شاء الله. فارجو ان شاء الله الكل يبقى معنا في الحفلة بازن الله. جزاكم الله خيرا. هذا وصلى الله على نبينا محمد واله وصحبه وسلم - 01:00:44ضَ

هذا - 01:00:54ضَ