السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى ان يسددنا واياكم - 00:00:00

وينفع بنا وبكم حيثما كنا وكنتم يجيء رمضان كل عام ويرحل يجيء كما هو بفضائله وببركاته وخيراته وفرصه ولكننا نحن سنقابل هذه البركات بل سنكون اهل لهذه البركات بنا من سيكون حظه من رمضان اللقمة واللقمتان. يقمن صلبه - 00:00:20

فنسأل الله سبحانه وتعالى ان يجعلنا واياكم ممن يدرك بركاته ويستثمر هذه الخيرات ويستعملنا واياكم الله سبحانه وتعالى استعمالا مقبولا رضيا كلمنا عن قدوم العبادة قدوم رمضان وقدومنا نحن استعدادنا لرمضان - 00:01:00

وقلنا اللي احنا محتاجين نستعد قلبيا وعقليا جسديا او كجوارح وان الجوارح بتحتاج افهم مفهومين النصب والديمومة واحنا حديسنا اليوم عن الديمومة ان شاء الله يعني ايه ديمومة كان احب الاعمال اليه صلى الله عليه وسلم - 00:01:26

هو ادومه وان قل ادومه وان قل والنبي صلى الله عليه وسلم لما سئلت عائشة رضي الله عنها عن عمل النبي صلى الله عليه وسلم وقالت كلمة رائعة قالت كان عمله ديمة - 00:01:53

كان عمله ديمة هذا الحديس في صحيح البخاري ما معنى ديمة حد عارف يعني ايه كلمة ديمة ديما يقول لك ديما ديما يعني دائم غير منقطع يقول لك آآ الحاجة دي دايمة صح - 00:02:18

ديما يعني خير قطع الديمة في الاصل هي المطر المستمر مع سكون بلا رعد ولا برق فيش دوشة يعني عارفين اللقطة دي مطر بتلاقيه نازل ما فيهوش رعد وما فيهوش برق - 00:02:40

فبيسموه ديما يبقى المطر المستمر مع سكون يسمى ديمة فعائشة رضي الله عنها الاديبة الالماعية شبهت عمل النبي في دوامه مع الاقتصاد بقيمة المطر بقيمة المطر وطبعا رضي الله عنها لما زكرت هذا لانها تعلمت - 00:03:05

منه صلى الله عليه وسلم احب الاعمال الى الله ادومه وان قل ادومه وان قل فالانسان لما يعلم ان النبي صلى الله عليه وسلم كان عمله ديمة وان بيقول لنا ان احب الاعمال الى الله سبحانه وتعالى ادومها وان قل - 00:03:31

وعائشة رضي الله عنها تقول كان احب العمل الى رسول الله صلى الله عليه وسلم الذي يدوم عليه صاحبه عشان كده احب الاعمال اكثرها قبولا ادومها ادومها. ولزلك الاصرار على المعصية خطر. ليه؟ لانه دائم - 00:03:56

على العكس فكان عمل النبي صلى الله عليه وسلم ديمة واذا عمل عملا اثبته صلى الله عليه وسلم وكان النبي اذا صلى صلاة احب ان يداوم على ان يداوم عليها صلى الله عليه وسلم - 00:04:22

الحاجات ديت الاحاديس دي كلها تخلينا ناخد بالنا ان احنا من ضمن الحاجات اللي احنا عاوزين نستعد لها ونقبل فيها على رمضان ان احنا ندرك مفهوم الديمة ما فهمنا ما يعني ايه ديمة - 00:04:43

يفهمنا يعني ايه ديمة طيب هل ممكن يكون شعارك وشعار حضرتك ديما ممكن يكون ده هتدخل رمضان بالعقلية دي يبقى شعارك ديما معنى ادركه واثر اتركه انا ادركت ديما دي معناها ايه - 00:05:00

طيب يعني ايه كل واحد بقى يترجم فمسلا ديما الازكار يعني ديما فالازكار يعني انا لن تحت اي مسمى اتنازل عن اللي انا اقول مسلا في ازكار الصباح والمساء في تلات اربع ازكار لن اتركهم - 00:05:23

طب ما تاخد الازكار كلها والكتاب لأ انا ممكن آآ ممكن آآ امل ممكن اتعب فانا لو قلت طب خلاص انا هستغفر يوميا الف مرة غالبا مش هتقدر ان يكون ديمة ممكن تعملها اسبوع اسبوعين لكن مش هتبقى ديمة - 00:05:46

طب الحل انا عندي عشر مرات هستغفر ربنا يوميا دي ديمة وتقدر تعمل تقويم على الموبايل بتاعك او تطبيق بقى تصنع لك تطبيق وتسميه ديما فالديمة ديت احد اسباب النجاح والتوفيق لها - 00:06:07

انك تبدأ بحاجات صغيرة يعني مسلا انا هصلي اتناشر ركعة في اليوم والليلة سنة الاتنين قبل الفجر ولا اربعة لقبل الظهر واتنين بعد الظهر واتنين بعد العشاء واتنين بعد المغرب - 00:06:27

صح انا بالنسبة لي كواحد هقول لا طب هاعمل ايه انا ايه اللي بيقع مني مسلا على سبيل المسال الاتنين بتوع المغرب خلاص. انا في رمضان ديمة مع سنة المغرب - 00:06:43

بس الباقي جه جه ما جاش التركيز كله حاليا على سنة المغرب هم ركعتين اتنين فلما بدخل بالعقلية ديت اعان وآآ باضحك على نفسي براودها بحاول اجيب نفسي دي بحاول اروضها سنة سنة سنة بضحك عليها ازا صح التعبير - 00:06:59

طيب انا يوميا اخر عاوز اخرج وجبات اعمل ايه؟ هخرج وجبات وعاوز اتصدق والله انا ممكن اسبت مسلا كل يوم خميس او كل يوم جمعة الايام الميسرة معي اللي انا اتصدق بخمس وجبات. ما تخليهم ستين وجبة ما تخليهم - 00:07:25

لا انا هحط الحاجة اللي يغلب على زني بنسبة كبيرة اللي انا هقدر اكمل عليها حتى لو انا ضعفت ايمانيا الديمة تكون قليلة في البداية اه في بداية سياسة النفس خليك كده - 00:07:44

في بداية وانت بتسوس للنفس. طيب لو في اي عمل تاني انا عملته يعني ده ما ينفعش ان انا اجي يوم السبت اتصدق بميت وجبة براحتك. بس مش ده في مشروع ديمة - 00:08:05

الحاجة اللي هتدخل في مشروع ديما وقايمة ديما ديما ها مش دينا عشان الناس اللي بتلعب في الحروف فهتاخد القايمة دي وتحط فيها ايه الحاجات اللي انت فعلا هتداوم عليها. ولن تستطيع ابدا تحت اي مسمى فاصل عليها - 00:08:15

مسلا على سبيل المسال ادومه انقل اللي انا بقرأ اربع صفحات من القرآن يوميا في رمضان ادعم محمد الكلام ده ما ينفعش انا هقرأ اربع اجزاء يوميا يا سيدي اسمع كلامي - 00:08:38

اكتب بالقايمة بتاعة مشروع ديما اكتب اربع صفحات انت قرأت مية ما فيش مشكلة. بس يوم ما تضعف ما بنزلش عن الاربعة. انا كده كده الاربعة بتوعي انا الاربعة دول اللي بحاسب نفسي عليهم. انا الاربعة دول اللي بقاوم نفسي فيهم - 00:08:55

دي ما ينفعش العب فيها لكن لو المعيار بتاع مشروع ديمة ومعايير ديمة خلتهم عالية هتدخل رمضان سخن على يوم ستة رمضان سبعة رمضان هتلاقي بقى ايه الشحن بتاعك بدأ ينونو - 00:09:13

بدأ يضعف بتقع منك لا خلص فانت تبقى عندك قايمة اسمها القايمة الحمرا قيم الديمة دي ما ينفعش ابدا اتنازل عليها القايمة ديت هي قايمة ديما تحتها شعار احب الاعمال الى الله تحتها شعار كان عمله صلى الله عليه وسلم ديمة - 00:09:32

فدية الكنز الاستراتيجي هو ده المخزون الاستراتيجي اللي اتقابل به ربك القفزات دي خليها على جنب وصل واصل لحضراتكم الفكرة وكل واحد بقى بيحط المعايير اللي يقدر يمشي عليها كل واحد بيحط المعايير اللي يمشي عليها - 00:09:57

طيب في عوائق ممكن تبقى تعيق الديمومة؟ اه طبعا في عوائق هتعيق الديمومة منها العائق اللي انا زكرته من شوية دلوقتي هو البدء بالمبالغة وانك تنسى نفسك وتبدأ بالطموحات. احيانا يا جماعة احنا مقبلين على رمضان - 00:10:22

ومقبلين على مواسم الخيرات. وفي واحد الله يغفر له شغال معانا كل يوم قاعد شحن شحن شحن شحن فانا سخنت وهو حرضني على الطاعة فلما انا سخنت رحت كاتب على طول او هختم كل اربع تيام مش عارف هعمل كزا هعمل كزا فبتعمل جدول ايه - 00:10:41

بتعمل جدول ان هي بنت تيمية معها سخنة عشان كده اوعى تعمل جدولك وانت سخن او لو عملت وانت سخن استحضر اوقات البرود بتاعتك ففي ناس وده بنصح بيها برضو من ضمن سياسة النفس انك تعمل الجدول بتاعك تلت مستويات - 00:11:00

حد ادنى حد اعلى حد ادنى حد اعلى. وبتبدأ بالمتوسط يعني متوسط اللي انا هقرأ جزئين يوميا المستوى الاعلى خمسة اجزاء المستوى الاقل نصف جزء خلاص؟ ده يخليك دايما آآ ما بتخشش في مرحلة جلد الزات - 00:11:22

ليه لان انا حطيت مرحلة نص الجزء دي حطيتها امتى؟ حطيتها على اعتبار آآ محمد الكسلان محمد ضعيف الايمان محمد السرحان محمد ايا كان بقى محمد الضعيف ايمانيا زهنيا همة - 00:11:46

فانا اما حطيت الحد الادنى حطيته باعتبار لو انا ضعفت اكون في الدايرة دي طب لو انا ربنا فتح علي هكون في الدايرة العالية طب في الطبيعي انا في المتوسط - 00:12:03

واخدين بالكم يبقى في مستوى ما بنزلش عنه فممكن تعمل لنفسك الايه الدرجة دي. هي دي كلها سياسة في انك بتضحك على عقلك وبتضحك على نفسك وهي مش بتضحك ولا حاجة - 00:12:15

انتهى بتخدعها في الله فستنخدع لك فاهمين؟ بتحاول تسيسها تروضها تقول لها بصي احنا اصل انا هجيبك هتجيبك فكرة انك توقعيني وتجيبيني ارض لمس كتاف كفاية بقى خلاص انا هجيبك - 00:12:31

وانا عارف انك عنيد انا عارفك انا خابزك خلاص انت هتقولي لي علي انا عارف اكتر واحد عارف نفسي انا. فانا عارف كويس قوي. فانت هتتعبيني. فالحل نعمل ايه تعالي بقى ايه رأيك اضحك عليك - 00:12:50

طب هتضحك ازاي؟ حط بقى الخطة الايه؟ اللي هي ديت. لان الشيطان ممكن تيجي انت تكتب كده ايه آآ نصف جزء. يقول لك نصف جزء ازا كان في نصارى في رمضان هيقرأوا نصف جزء - 00:13:07

طب خلاص بقى انت بتصوم ليه بقى؟ طالما بدأنا بنص الجزء انت عارف استازة امل جايبة كم زميلتك معك في الحلقة امبارح كانت بتقول للمعلمة ان هي هتختم كل اربع تيام. وانت لسة بتقولي نص جزء - 00:13:19

انت عارف الاخ فلان هيتصدق يوميا هو واولاده ايه؟ هيفطروا الحي كله. وانت بتقول انا هطلع يوم ويوم تمر لا خلاص بقى وطب بتطلع ليه؟ بلاش فضايح فالشيطان هيستلمك وانت بتعمل الجدول - 00:13:34

لا بهدوء خالص خط الجدول وانت مرتاح. فالشيطان بيعلي لك سقفك. عشان اما تقع وعلى فكرة بيخليك تكسب اول يومين. وتلت تيام ونفسك بتخليك تكسب وابدأ سخن عقبال ما تبدأ سخن ايه اللي يحصل؟ تنهار فينهار على جفا - 00:13:51

على شفا جرف انهار فنهار الاس اللي انت بنيته ده كان على غير ايه فدي من الاشياء المهمة قوي. الا وهي ايه؟ قلناها. حد فاكر بالبدء بايه بالمبالغات رفع سقف الطموح - 00:14:10

هو طموحه عالي اوي اوي اوي اوي. عاوز يكسر الدنيا. هل احنا ضد التكسير؟ لا يا عم. ما تكسرش الدنيا. الدنيا مش محتاجة تكسير ولا حاجة. الدنيا اصلا مش محصلة - 00:14:29

على الجناح بعوض عشان تكسرها يعني ازا احنا لسنا ضد ان يكون لك طموح بس خليه في المعيار ايه المستوى التالت مستوى البرونزي حط مستوى اه الدهب ومستوى الماس ومستوى بقى برونز يحط اللي تحطه بقى ايا كان يعني - 00:14:39

وشوف في مستواه مش هتنزل عنه المساواة التانية جت اللهم لك الحمد. حط طموحك ما جاتش انا في الامان جلد الزات بقى اللي هو ان الرسايل اللي بتبدأ الاستشارات اللي بتبدأ من يوم ستة رمضان دي - 00:15:03

انا حاسة ان انا رمضان بيضيع مني انا حاسة ان انا ضعت انا حاسة ان انا خلاص انا انتكست انا حاسة ان انا هو انا مش مسلمة ولا ايه انا حاسة ان شيطاني - 00:15:17

ما اتربطش وانا حاسة كل الناس بتجري وانا نايمة انا حاسس تيجي تشوف تقول له ايه الاخبار ما فيش زي ما بعض الافاضل كان بيقول لي ادعي لابني ابني مضيع رمضان خالص - 00:15:27

على ما ازكر يعني ان هو كان في اعدادي او اولى سانوي حاجة زي كده يعني بقول لها طب بيعمل ايه قالت لي يا شيخ يدوب يصلي التراويح معنا وبعدين يمسك الموبايل ويدنه يلعب به - 00:15:42

نيجي في التهجد نروح مصلي ركعتين ويريح. يا ابني صل بنا مش عاوز يصلي ده بيعمل ايه في الموبايل اكيد بقى بيسمع حمو بيكا والدنيا بايظة. قالت لي لأ ده هو بيحب البرمجة والتصميمي ده انه قاعد عليها - 00:15:56

ده انت ابنك في السن ده من اولياء الله الصالحين ابنك ده ده هو الصديق بتاع الحي تقضي معك تراويح وبيشارك في التهجد هو ماسك الموبايل في الحاجات دي وحضرتك اه فاحيانا بيكون احنا عندنا طموح مبالغ فيه - 00:16:09

اليس كذلك فايه اللي بيحصل التراويح والتهجد الرب جل وعلا في عليائه لم يوجبها لم يجبها على هذا الفتح انا ليه بتعامل معها انها كأنه فرد وهو مقصر فيه دعوكم من اشياء يا جماعة خير التزكية تزكية محمد صلى الله عليه وسلم - 00:16:30

واوعوا تبدأوا من حيس انتهى الناس في امور التعبد ابدأ من حيث بدأ الناس. بمعنى ايه؟ في الهمة يعني اعني يعني انت لما بتسمع عن سفيان الثوري وهو قاعد بيكسر الدنيا في العبادة. اسمع الامام البخاري قاعد بيصلي - 00:16:57

والدبور قاعد امال ليه يلدغه وهو ما بيسبش الصلاة بتاعته البخاري كان مرة بيصلي وفيه نحلة معدية فقاعدة تقرص فيه تقرص فيه. وهو ما شاء الله متمكن آآ ومكمل فانتهيت بدأت تصلي - 00:17:18

ما فيش مش مش دبور ده انت سمعت سمعت ان في صرصار في الصف الاخير وفي ناس ايه بتقول حاسبوا فيه صرصار انت جريت وواحد يقول لك انا مش ايماني ضعيف وانا مش عارف ايه والكلام ده كله - 00:17:36

لأ ما هو اصل آآ البخاري رحمة الله عليه لما تحمل الحاجة دي كان اسمه البخاري كان كبير كان تقيل كان هو في الباب ده واخدين بالكم فاوعوا آآ فانزروا لانفسكم - 00:17:49

في النهاية في نهايات الافاضل ما تقارنش نفسك يقول لك يا اخي شف سبحان الله الاخ ده والاخت دي عنده كم سنة؟ خمسة وتلاتين سنة. عنده اربعين سنة. شف عامل ايه؟ واحد واتنين وتلاتة واربعة والكلام ده كله - 00:18:07

وانا عندي قد ايه وما عملتش كزا شوف البدايات بتاعته والبدايات بتاعتك ما تقارنش النهايات. قارن البدايات الباب ده مهم قوي لان في اخوات يعين المساكين تخش المعلمة عشان تدخل للمعلمة تحفز قرآن - 00:18:21

فهي دخلت فلقت اختها هي الله اكبر. سرد بقى السبع الطوال في مجلس واحد ومتشابهات والتألق العالي تدخل المسكينة بتتلعسم في صورة الجن فهي نفسها تبقى زي دي. اه ما انت شوفي اول حاجة ان في فروق فردية - 00:18:39

ثم تاني حاجة اللي سمعت من شوية دي بقى لها كم سنة؟ بقى لها سبع سنين انت بقى لك سنتين بعد خمس سنين نبدأ نتكلم في المفهوم ده وطبعا المفاهيم ديت لو غابت عن المعلم والمعلمة والمربي والمربية والوالدين بيدمروا الجيل اللي تحتهم - 00:19:00

ما انت عندك اهو يا اخي اهي زميلتك اهي في الحلقة عمرها ما تلعسمت عمرها مش عارف ايه عمرها انا لو مربي صحيح ومعلم بحق عمري ما هعمل الكلام ده - 00:19:21

لو عملت كده عداه على طول ده كده دليل على ان في اشكال عندي كبير هنرجع في قوانين التزكية وقوانين الديمومة اه لازم جدا ننتبه ان الهدف في الديبوبة اللي انا انال منزلة - 00:19:34

ادومه وان قل ادومه وان قل ولزلك آآ سبحان الله احنا كمسلمين النية عندنا هي الكهربا اللي بتسير وتسري في الايه؟ في الجهاز لما ما انا بدخل المطبخ وبعمل وجبات - 00:19:57

نيتي اللي انا باعين مسلمين على طاعة الله وان اولادي يقتاتوا يقتاتوا مالا حلال نقتات طعاما حلالا من خلال المال الحلال اللي احنا بنعمله ادومه وان قل ادومه وان قل ادومه وان قل يوميا بعمل الحاجة دي - 00:20:17

يوميا بخرج الصبح عشان اشتغل واقتيت من الحلال. ادومه انا دي دائما اعمل العمل ده ورجائي ان الله يعطينا من الحلال المعنى ده اما بيتمكن من القلب يتمكن من العقل - 00:20:35

الدنيا سبحان الله. يا جماعة الله سبحانه وتعالى لم يكلفنا بالعبادة ولم يرغبن في الطاعة حتى نجلد ذواتنا وحتى نمرض انفسنا ما يفعل الله بعذابكم انت ليه بتعزب نفسك ليه مصمم تجلد زاتك - 00:20:54

الموضوع ابسط من كده بتفتح ابواب الجنة فلا يغلق منها باب وتغلق ابواب الجحيم فلا يفتح منها باب وينادي منادي يا باغي الخير اقبل وقال في كل ليلة عتقاء من النار. كل ده عشان تتجلد - 00:21:20

كل ده عشان تبقى يائس وقانت يعني ولله المسل الاعلى. تخيل ان والدك داخل عليك النهاردة ويقول شوفوا يا جماعة انا عملت عامل ايه انا حجزت لكم بفندق الايمان في المدينة المنورة - 00:21:44

حداشر يوم وآآ الشهدا في مكة سبعة ليالي وبعد ما هنيجي من العمرة بازن الله الاجازة هنقعد شهر كامل في مطروح وبعد ما نعمل كده انا عملت رصيد ليكم في حساباتكم كل واحد هيكون له مائة الف جنيه - 00:22:05

وعملت كزا وهنغير الفرش كل الكلام ده يقوله وانت قاعد عمال تسمعه وانت ايه انا هحس ان انا مش هستمتع في العمرة انا مش هكون آآ حاسس ان الفندق مش هكون انا غالبا هكون في الاوضة اللي مش بتبص على المسجد - 00:22:32

اه انا حاسس ان يوم ما هنروح مطروح ان الماية هتبقى ساقعة وغالبا الدنيا هتبقى زحمة حتى لو رحت والمية دافية والمية زحمة هنسى الموبايل بتاعي وغالبا هيقع في الماية والكاميرا بتاعتها هتبوز - 00:22:52

وانا عارفة ان الكلام ده كله عشان ابي يعني يزهرني قدام نفسي اللي انا مش بتاع فرح. ان انا دايما كئيب. هو بيقول لي الكلام ده عشان التعاسة تعلو وجهي. فيحدس لي كآبة. فيقول لي مش انا قلت لك انت بتاع كآبة! انت ما لكش في الفرح - 00:23:07

ولله المثل الاعلى يعطينا كل الفتوحات دي كل البركات دي ويقول لك يلا اتحرك لك في كل ليلة لكل ليلة بنعتق من النار عارف لو صمت في النهار ايمانا واحتسابا غفر لك - 00:23:25

طب النهار مش مزبوط ؟ طب لو قمت الليل ايمانا واحتسابا غفر لك طب الدنيا فلتت مني طب لو قمت ليلة القدر غفر لك مستاء يكاد يستحيل انك تدرك رمضان ولا يغفر لك ازاي؟ ازاي؟ ده ده محتاج دعاء عليه ده - 00:23:46

اللي يدرك رمضان ولا يغفر له. اوعى تكون انت فاوعى تستقبل الحاجات دي بالتشويش والشيطان يقول لك شايف كل ده ما لكش فيه انت. الموضوع اكبر منك هو خليه هو بيتكلم مع الناس النضيفة. هو بيقول للنضاف ازاي يستعدوا في رمضان؟ احنا ما نمل الكلام ده. ما انت عارف احنا كنا فين امبارح ورايحين فين بكرة - 00:24:03

ده مش سكتك سبحان الله عشان كده من الحاجات المهمة قوي قوي قوي ندركها ان من مشاكل انا قلت لكم ان في تلت مشاكل وهنتكلم ان شاء الله عنها وعوائق الايه - 00:24:26

وعوائق الديمومة من مشاكل ما قبل رمضان غالبا اللي بتحصل مسألة التيئيس التييس الشيطان ييأسك. انت فاكر انك السنة دي هتكون افضل من السنة اللي فاتت؟ لا لا لا انسى انسى - 00:24:43

خاصة لو صادف حال الانسان اه في قبيل رمضان ان حاله كان اقل بكتير من حاله قبل في رمضانات السابقة في شعبانات السابقة يقول له لا لا انت لا لا انت عارف الموضوع ماشي ازاي - 00:25:02

ييأسوا من نقلة ايمانية يقول له لا انت فاكراه ان رمضان اللي جاي انت لك نقلة؟ لا لا ده انت ده انت تنتظرك يعني احباطات فليأس ييأسوا من نقلة ايمانية يتفضل بها الودود - 00:25:21

على عبده ييأسه من روح الله وده نوع والعياز بالله من كفر نعم الله عليك عافاك الله من هذا وينسى بقى ان عمر اتغير في لحزة ابن المبارك تغير في لحزة ان الفضيل تحول في لحزة - 00:25:39

الواقع المزري لهؤلاء قبل لحزة التنوير الايماني كان عائق عن النقلة دي؟ ابدا لم يكن عائق لم يكن ابدا الواقع المزري والواقع اللي به سواد في الصحائف لهؤلاء قبل لحظة التنوير الايماني لحظة النور التي قذفها الله لحزة الفرقان التي من الله عليهم بها - 00:25:57

ما قالش مانع ما كانتش حائق الواقع ده ما كنش عائق عن النقلة التاريخية العظمى لهؤلاء فانت ليه تتصور نفسك انك غير قادر على رمضان افضل مما مضى مستحيل يا جماعة الخير - 00:26:27

رحمة الله ان رحمة الله لا حدود لها ان رحمة الله لا حدود لها فلا تجعل لها حدا بفهمك السقيم وعقلك وقلبك المريض فبلاش بسبب طمس البصيرة وعدم رؤية الامور - 00:26:50

على حقيقتها ان تحد رحمة الله لا حد لها رحمة الله سبحانه وتعالى لا حد له. وفضله لا حد له. يتنزل لا يمنعه شيء ولا يحول دونه شيء تأمل قول النبي صلى الله عليه وسلم عن الله - 00:27:16

ان الله يبسط يده بالليل لمين؟ لمن كان قائما في النهار ويسبح بالنهار في مرضات الله. صح هل ده الحديس يبسط شوفوا البسط والسعة لمين يبسط يده بالليل اللام دي - 00:27:41

خصوصية لمسيء النهار ليس لمن ساء بالنهار حديس مش بيقول ان الله يبسط يده بالليل ليتوب من اساء بالنهار. لأ مسيء ده انه يعمل الغلط والغلط والغلط والغلط والغلط لدرجة بقى ايه اسمه ايه؟ مسيء - 00:28:07

بقى ملازم للسوء بقى متلبس بهذا الخطأ ليتوب مسيء النهار من ساعة ما صحي الفجر نطبقها يعني مدمر الدنيا ويبسط يده بالنهار ليتوب مين مسيء الليل اللي واخد الليل كله - 00:28:33

بالطول بالعرض في الغلط يا الحمد لله ده انا كنت ناوي النهاردة اعمل شوية حاجات كده طب كويس اوي بقى ان ربنا هيتوب علي. ها لأ يا جماعة الاحاديس دي والنصوص دي بتفتح بتفتح النفس للتوبة لا للمعصية - 00:29:04

افهموها كويس الله جعل هذه النصوص ليأتي بقلبك لا لتكثر من شرودك الحديس ده مش لكي يدفعك الى المعصية ولكن ليدفعك الى التوبة ويمنعك عن المعصية هذه النصوص لييأس الشيطان منك. لانك اما بتقع الشيطان ييجي يقول لك ايه - 00:29:24

بس وقعت اه مش مكسوفة من نقابك مش مكسوفة وعندك حياء من المجتمع اللي يعرفك مش مكسوفة من اخوكي وابوكي وزوجك مش مكسوفة من كزا فيجي ييأسك في وقت المعصية - 00:29:50

فتأتي هذه النصوص لكي تيأس الشيطان منك تقول له النصوص دية كأن تقول للشيطان ايه هذا العبد له اوبة وتوبة يا جماعة سبحان الله من جمال التعامل مع الله ان في واحد كان بيقول لي انا مش هنفع انا مش قادر ارجع - 00:30:10

وصلنا لذبحبلت الدنيا هو هيقبلني فقلت له يا عم ده انت عندك فرصة. ما فيش حد على وجه الارض ممكن يوفق لها زيك. او اللي يعمل زيك. قال لي ايه - 00:30:42

قلت له ربنا سبحانه وتعالى له صفة وفعل صفة الفرح ليست الا حصريا في النصوص للتائب بس. انك اول ما ترجع يفرح بك لا يعايرك ولكن يغيرك ان الله اشد فرحا. ياه! اشد فرحا! والله العظيم لما بتوب - 00:30:54

والله فرحة والدتك وفرحة كل اللي يعرفك بالنسبة لفرح لفرحة الله بك كالفرح كالفرح كالفرق بين الخالق والمخلوق كالفرق بين الخالق والمخلوق. حاول كده تتخيل كده الفارق بين الخالق والمخلوق عشان تتخيل الفرح الفرق بين الفرح والفرح - 00:31:20

فالنصوص ديت بتيجي في وقت تقول للكافر تقول للعاصي الحق تعال وسنيأس الشيطان منك الشيطان دلوقتي مبسوط قوي انك وقعت فقاعد نصب الكمين بتاعه لأ ومش كده وبس كمان ومش كده وبس لأ ده في حاجة تانية - 00:31:47

ولعلي اتكلم فيها ربنا ازا سددني سددني في رمضان اعرض عليها الا وهي العلاقة في رمضان يا جماعة ميزة رمضان بيخليك تبقى تأنس بعلاقة مع بعض المخلوقات ليست من البشر وهي الملائكة - 00:32:12

شوفوا يا جماعة الفرق بين الارض والسماء مسيرة خمسميت سنة وسمك السماء خمسميت سنة وبين السماء الاولى والتانية خمسميت سنة وبين التانية والتالتة خمسميت سنة ده كلام ان النبي صلى الله عليه وسلم. شف خمسمائة عام مسافة ضخمة قوي - 00:32:35

انت بتروح من هنا لمطروح تمشي ست سبع ساعات تقول لك انا تلت اليوم كنت راكب العربية تبهدلنا لأ انت تركب خمسمية سنة عشان تروح المكان التاني انت مدرك الفرق بين ده وبين التالتة والرابعة كزلك والخامسة طيب - 00:33:04

السماوات السبع بقى بالنسبة للكرسي زي الخاتم بتاع حضرتك او الحلق بتاع حضرتك عن ميتوه مننا في الصحراء الغربية حلقة مرمية في الصحراء حلقة اترمت في الصحراء ابو الكرسي بالنسبة للعرش - 00:33:21

ياه حاجة تانية خالص الذين يحملون العرش دول ملائكة ايه الوزائف بتاعتهم من ضمن الحاجات المشغولين بها لما بترجع له بترجع لله بيعملوا ايه. الذين يحملون العرش ومن حوله ايه اللي بيحصل؟ تسبحون بحمد ربهم ويؤمنون به. بس - 00:33:42

ويستغفرون للذين امنوا عارفين بيستغفروا لك شف الملك اللي انا بتكلم فيه والبعد ده. فيه ناس فيه مخلوقات مشغولة بك انت اه والله عشان كده يا جماعة الايمان بالغيب ده متعة متعة تبقى قاعد في مجلس زي ده وانت مستحضر ان في نملة في الغابات الاستوائية بتدعي لنا في المجلس اللي احنا فيه ده - 00:34:10

يستغفرون لمعلم الناس الخير وان في حوت في المحيط الهادي قاعد بيدعي لك والنبي صلى الله عليه وسلم زكر لك نملة وحوت مخلوقات صغيرة ومخلوقات كبيرة وما بينهما بقى كله بيدعي لك - 00:34:37

فالملايكة بتدعي بتدعي لمين ويستغفرون للذين امنوا ربنا وسعت كل شيء رحمة وعلما. شوفوا التوسل شوفوا التوسل بيتوسلوا لربنا هم عاوزين يدعوا دعاء. فشوفوا هيبدأوا بايه وبيقولوا ايه ربنا بيثنوا على الله - 00:34:56

وسعت كل شيء رحمة وعلما طيب ايه طلبكم بحملة العرش مشغولين به فاغفر للزين تابوا الاخت فلانة لسه راجعة فاغفر لها الاخ فلان بيفكر ان هو يرجع فاغفر للزين تابوا - 00:35:15

فاغفر للزين تابوا واتبعوا سبيلك وقهم عذاب الجحيم يا رب احنا مش عاوزين لهم مغفرة بس احنا عاوزين كمان ان يبعدوا عن عزاب بس مش عزاب كمان الجحيم بس لأ - 00:35:37

ربنا وادخلهم جنات عدن يا رب دخلهم جنات بس مش اي جنات يا رب. احنا عاوزينهم يخشوا جنات عدن التي وعدتهم يا رب بما انك وسعت كل شيء رحمة وعلما - 00:35:54

احنا مش عاوزينهم بس نجيبه اكراما لهم وحبا لهم يا رب ومن صلح من ابائهم ياخدوا اباءهم معهم وازواجهم وعيالهم وذرياتهم انك انت العزيز الحكيم خلاص كده؟ لا يا رب - 00:36:10

ما يقعوش تاني بقى وقهم السيئات ومن تقي السيئات يومئذ فقد رحمته وذلك هو الفوز العظيم ايه يا جماعة وسبحان الله الايات دي من جمالها ان هي في سورة ما اجمل اسمها غافر - 00:36:36

صورة المؤمن غافر سبحان الله لما انت تعيش المشهد ده فالايات والاحاديس اللي احنا بنتكلم فيها بنقول ان فيه مشكلات قبل رمضان بتواجهك بتعطلك منها اليأس صح تلاقي الشيطان ييأسك يقول لك انسى لا يا جماعة مهما كانت اساءتك - 00:36:58

فيد الله مبسوطة لك بالليل والنهار تب فقط عد نقيا كماء السماء استقبل شهرك بلا يأس وثق انك ستكون فيه افضل مما كنت في اي وقت مضى من حياتك وسترى - 00:37:23

ان شاء الله فالموضوع ده دي مشكلة هو بيوقعك فيها مشكلة اليأس من ضمن المشاكل اللي بيوقعك فيها مشكلة الرضا حيلة الرضا يعني ايه حيلة الرضا ان يخلي البعض معاييره الايمانية تضعف - 00:37:47

معايير الانسان في تقويمه لايمان الايماني لنفسه يضعف ينخفض يقول له يا عم احنا آآ انتم مكبرين الموضوع ليه؟ طالما بنحترم ايه بالكبائر ونؤدي الصلوات وبنصلي بعض الرواتب خلاص احنا كده استعدينا لرمضان ده يمكن فيه شوية ايه فضل شوال كده - 00:38:06

تعرفوا الناس كده عندهم حيلة الرضا وده اللي احنا ايه؟ ان الشيطان له تلات منافز. من ضمن المنافز التضليل والتكسيل والتيئيس يضللك انك تفهم رمضان غلط او يدخلك من باب - 00:38:27

انك ييأسك او التكسيلي يكسلك من خلال حيلة الرضا او غيرها يا جماعة احنا بنتكلم على عرض سباق المنافسة عن ابواب مفتحة للجنة عن مرض مصفدين من الشياطين. بنتكلم على فرصة - 00:38:49

قد لا تتكرر فما ينفعش في الوقت ده تقول لي الحد الادنى واقل ما يمكن لأ ما ينفعش تضحك على نفسك وتقول لي يا عم على قد الصلاة بس لأه طبعا - 00:39:10

تقوليش صلاة بس ما هو الطبيعي انك هتصلي امال هتعمل ايه من المشكلات اللي قبل رمضان اللي بتحصل من الشيطان الشعث قلبيا وعقليا ووقتيا الشعث ده اللي هو ايه؟ التشعث في اللغة التفرق - 00:39:23

ليه خلي قلبك اه مشغول بمشاعر ويستهلك طاقته؟ استنزاف استنزاف يدخلك في مشاكل وبتاع شفت الاسعار هتعمل ايه يا مسكين في رمضان اوه ده انت ده انت هتفطر في نهار رمضان شكلك - 00:39:41

ده احنا مش عارف ايه شوف كده ليكون عندنا دولارات قديمة كده احنا تقريبا كنا مش عارف ايه يقول كده شفت حسبي الله ونعم الوكيل في ابي. انا قلت له نفك المتين الف دول - 00:40:00

دولارات بقالي سنة بتحايل عليه. هو يقول لي لأ مش دلوقتي. يا اخي سبحان الله واحنا رزقنا راح واحنا كزا واحنا كزا يا حبيب قلبي. اوعى انسى في الزحمة ديت - 00:40:12

ان هناك اسم من اسماء الله الرزاق خلي بالك توحيد الرزق مش في الدولار والله اه شف قاعد بيبرر لان الناس بيعملوه. يا عم انا لا بررت ولا حاجة والله - 00:40:26

ولا قلت ان الكلام ده اه يعني صحيح ولا الكلام ده لكن انا اتكلم عن معنى اخر في ناس يا جماعة فعلا هو شايف ان سبات الدولار هو اللي بيرزقه - 00:40:43

سبات الدولار هو ده اللي السبب في الرزق عشان كده عم الزالمين بيغيروا اي حاجة اذ ينبني عليها لعب في الاشياء دي وبيزن ان ايه خلاص الناس دي هي اللي بتتحكم في الكون. يا جماعة انتم كل يوم بتقول - 00:40:59

لا اله الا الله وحده لا شريك له له الملك يا جماعة هو مين اللي بيملك لن تموت نفس حتى تستوفي رزقه والله العزيم قبل ما تموت ما هيبقى لك جنيه ولا قرش ما خدتوش - 00:41:19

النفس ربنا بيعدهولك نعد لهم عدا نعد عليهم الانفاس انت ليه مسلا اتنين مليار سبعمية وتمانين الف وكسر اه اخزت ايه؟ يعني زفير او شهيق. انت فاكر ان هتبقى مسلا واحدة زيادة - 00:41:44

او هيتنقص من واحدة اصل هم عاملين آآ مش عارف ايه يعني محوطين علي فانا مش عارف استنشق وانا خايفة ان انا هاموت ناقصة اوكسجين لا لا لن تموت حتى تستوفي رزقه - 00:42:07

كده اوعى يكون من الحلول دلوقتي انك تلحق رزقك انك تحارب الرزاق تجري على الرضا اه هتاخد مال كتير لكن يمحق الله الربا. يمحق الله وياه اما يبقى بقى ليالي شعبان اللي بتترفع فيها الاعمال وانت استعديت - 00:42:26

لرمضان بالربا ورفعت اعمالك وختمتها بالربا بعمل يمحقه الله بعمل حرب من الله ورسوله واوعى اوعى تقع في الفخ ده فالقلب بيتشعث والعقل يتشعث يبقى مشغول وتفكير واستقرار المعيشة ومشكلات الوظيفة ومتطلبات الدائنين والتخطيط لرد الاعتبار امام - 00:42:50

وامام صاد فتلاقي ان في تشقيه شعث لقلبي وشعث عقلي وشعث وقتي الوقت بقى لا خطة ولا نظام ولا اي حاجة من جعل الهموم هما واحدا هم الاخرة كفاه الله هم دنياه. ومن تشعبت به الهموم في - 00:43:22

وللدنيا لم يبالي الله في اي اوديتها هلك في اي حتة بقى وتروح مش هتفرق تروح فين والكلام ده كله حد فاكر ايه عوائق الديمومة حد فاكر كان ايه عوائق الديمومة؟ اول عائق قلناه ايه - 00:43:47

اه المبالغة المبالغة البدء بالمبالغة برضو من عوائق الديمومة او عوائق الديمة المعاصي طرق المعاصي المعاصي تكون حاضرة المعصية يا جماعة من اثار المعصية الوحشة القلبية القيم له كلام جميل في الداء والدواء هنشرحه بالتفصيل - 00:44:05

لان ابن القيم عمل عملية جراحية قلب مفتوح ضخمة خدت حوالي اكتر من ايه فترة محترمة بقى العملية عملية القلب دي كان من ضمنها بيتكلم على دخل جوة القلب وبص وعمل لنا كده ايه - 00:44:31

يعني اشعات وتحاليل اللي انا شايفين اسر المعصية جوة عامل ازاي بيوريك بقى كل حاجة جوة عاملة ازاي فمن ضمن كلامه الجميل يقول ايه؟ ومنها وحشة من اثار المعصية وحشة - 00:44:49

عارفين يعني ايه وحشة؟ يقول لك الحياة من دونك وحشة فبيعمل لك وحشة يقول لك ومنها وحشة يجدها العاصي في قلبه. بينه وبين الله لا توازنها ولا تقارنها لذة اصلا - 00:45:02

ولو اجتمعت له لذات الدنيا باسرها لم تفي بتلك الوحشة في حاجة كده خلاص الوحشة دي بتخلي الهمة تفتر مش قادر يتلزز كما كان في زمن الصفاء وبالتالي بينقطع ويزهد في الطاعة - 00:45:21

المعصية بتعمل تعسير ومن يتق الله يجعل له من امره يسرا فمفهوم من فقد التقوى ياخد الايه؟ التعسير فالباب ده مهم اوي اوي اوي ان الانسان ياخد باله عشان كده ابن القيم بيقول فلو لم يكن للذنب عقوبة الا انه يصد عن الطاعة تكون بدن ويقطع طريقا طريق طاعة اخرى - 00:45:40

فينقطع عليه طريق ثالثا ثم رابع فينقطع عليه بالذنب طاعات كثيرة. كل واحدة منها خير له من الدنيا وما عليها بيقول كرجل اكلة اوجبت له مرض مرض مرض يعني او مرضى طويلة منعته من عدة اكلات اطيب منها والله المستعان. واحد اكل اكل صعب جدا جاب اللي في بطنه كله. الدكتور قال له لمدة اسبوع ما تاكلش الا مش عارف - 00:46:07

ببقسماط وشاي وبتاع فبيقول لك الاكلة اللي اوجبت مرة المرضى دي الطويلة منعته عدة اكلات يبقى من ضمن الحاجات اللي بتوقع طرق المعصية طب الحل؟ ما هو احنا كلنا عصاة - 00:46:36

الحل انك عاوز تصفر العداد تجاهد تترك ليه؟ للناحية الايه؟ الاستمرار والسبات على المعصية دي. بيعمل مشاكل كتيرة جدا ولعل ان شاء الله اتكلم معكم فكروني في موضوع فناء اللزة - 00:46:54

لان ايه اللي مخلي الناس لان طرق المعصية والاستمرار عليها بيعمل حاجة اسمها فناء اللزة دي كتير من الناس بيشتكوها تقول انا متجوزة وما بتجيش ناحيتي انا مش عارف ايه ومش عارف بنعمل ايه. فايه المشكلة - 00:47:12

احيانا بيكون يا جماعة كسرة التكرار للمعصية اطفأ عنده اللزة حلالها وحرامها اتطفت فما عدش لها خلاص الاعتياد آآ يجعل نشوة الشيء يضمحل اتتلاشى اللزة في حضيض التكرار فايه اللي يحصل - 00:47:29

دبيب الفناء بقى بيبدأ يمشي فيها. ولزلك يا جماعة الشباب اللي بيعصي ربنا لازم يبقى مدرك كويس قوي ان بئر الرغبات السحيق ده لا قعر له واسوأ ما فيه انه ينغص عليك اللذة الحلال - 00:47:56

سم الحرام هتطفي والكلام ده ان شاء الله هحاول اتكلم فيه في يوم من الايام اشرحه اكتر وبايه سبب اكتر كان في النهاية اللي عاوز اقوله في النقطة ديت ان اللزة كده كده هتطفي - 00:48:14

فاطفيها بمزاجك بدل ما تلاقيها مرة واحدة من اثار المعصية كل سنة وانت طيب بعض الناس بيقول لك مش بتطفي لا طبعا انا مش عاوز اتجر لكلام كتير لكن زي الكلام اللي بيقوله يعني نقل لابي بكر او نسب له - 00:48:31

بيقول كلمة جميلة يقول ان الاجساد اما قفص الطيور او اسطبل الدواب الارواح طيور خضر تختنق برواحل الاسطبلات فاحيانا في واحد يقول لك طب ما انا مش عارف ايه لا هو ظاهرة ان في متعة بس صدقني بقى في جفاف للمتعة انحسار للذة - 00:48:52

اختنقت الروح ماتت داخل انقاض الجسد. ما عادتش تحلق في الملكوت ابن تيمية كان له كلمة جميلة قوي بيقول ايه ان كان قادرا اقبل على الشهوات واسرف في التزاذه بها ولا يمكنه تركها. ولهذا تجد القوم من الظالمين اعظم الناس فجورا وفسادا وطلبا لما يروحون - 00:49:11

به انفسهم من مسموع ومنزور ومشموم ومأكول ومشروب وبعدين بيختم الكلام بيقول ايه ومع هذا فلا تطمئن قلوبهم بشيء من ذلك بعض الناس بيقول مش كل الناس بتنطفي انا بقول لكم يا جماعة بتطفي حتى لو هو مكمل فيها وكل يوم بيعملها - 00:49:37

بس صدقوني والله العزيم وبالله وتالله ان الذي ابتعد عن الشهوة المحرمة او ابتعد عن الحرام يجد من المتعة اضعاف اضعاف اضعاف اضعاف من يقضيها كل يوم انت ظاهرا شايف ان هي متعة هي طفت عنك - 00:49:58

عارف لما واحد بياكل اكلة كويسة اوي اوي اوي اوي فايه اللي بيحصل يبقى في السما ومنبهر قوي لكن اللي بياكلها كل يوم متعتها انطفت متعتها انطفت وهو عمره ما بيحس هو اه ادمنها اه فعلا هو ادمنها حقيقة زي بالزبط اللي بيبقى ايه؟ عارفين الناس اللي بتبيع كمون - 00:50:23

عارفين اللي بيبيعوا التوابل والحاجات دي ما كنتش حاسس ان فيه ريحة هو ادمنها التاني اللي لسه لأ عارف الاسر ده عامل ازاي فالمتعة بتطفي بيحصل لها فناء كلذة اوعى تكون فاكر ان الشهوة اللي ربنا خلقها فيك - 00:50:47

آآ دي لزتها اللي انت بتعملها. لأ الناس اللي محافزين عليها حاسين بمتعتها الحقيقية انت بتستمتع بتلاتة في المية تقريبا او اتنين في المية في ناس تانية مستمتعة بمائة في المائة - 00:51:07

فشايفين الحاجة فعلا كما خلقها الله بمتعتها كاملة عشان كده اوعى في يوم من الايام تبقى فاكر انك اما بتعمل الغلط ده يوميا انك بتستمتع به. لأ انت بتسحب من رصيد - 00:51:25

يعني جودة المتعة مش عارف انا عارف اوصل الفكرة دي ولا لأ انا قلت مش عاوز اتجر ليها بس هو مش وقتها يعني بس لعلكم ان شاء الله توصلوا. يعني ايه؟ انتم عارفين في واحد معه ورقة نقدية - 00:51:42

ورقة نقدية هي تمنها اتنين جنيه في واحد تاني معاه ورقة نقدية تمنها تلتميت دولار فالتاني قعد يقول لك ايه بس انا معي ورقة وكل يوم وعادي ما هي هي الورقة. يا حبيب قلبي الورقة دي بتجيب ايه - 00:51:56

الورقة التانية بتجيب ايه انت مخيل ليك انك بتجد متعة وانا عارف انك بتجد بس بتجد بالنسبة للمقابل التاني ولا شيء زي بالزبط اللي بيبقى ساكن في مدينة من مداين مراكز مصر - 00:52:10

هو كان قاعد فين في كفر من الكفور في نجع من النجوع قرية عادية خالص قدامها ترعة. اتنقل راح سكن في المركز هو شايف نفسه فين واكسر الدنيا صح؟ وان هو بقى مستمتع وعايش بقى في الدنيا ياه! الدنيا فتحت علينا ايه القرف اللي احنا كنا عايشين فيه ده - 00:52:29

في واحد ساكن فين في سكن في دول الغرب ولا ساكن في دول الخليج قاعد بيبص لك من فوق برج خليفة هو الولد ده هو من مستمتع قوي كده بيقول لك معلش معزور - 00:52:54

ده هو فاكر ان هو بيلف بيعمل تخميس بالتوكتوك ده كل يوم في ميدان المركز هو فاكر ان هو ايه مستمتع ومعه الدابة اللي مكسرة الدنيا يعني يقول لك حتى سبحان الله متميزة عن السيارات لقيها تلات ايه؟ تلات كوتشات العربيات لها اربعة. فشوف هو وصل ده بينزر كمان - 00:53:09

فانت بتبقى بتبص له وبتضحك وهو مش مقتنع لكن معزور ليه؟ لان ما داقش ما داقش يعني ان شاء الله هنعود للمفهوم ده تاني. موضوع فنائز الايه؟ اللزة ده آآ يبقى قلنا المبالغة قلنا موضوع المعصية. الحاجة التالتة - 00:53:27

او الرابعة بقى مش عارف احنا بنعد ايه عدم توطين النفس عدم توطين النفس على الاستقلال لقرارها العبادي يعني ايه الكلام ده هو مزبط حاله ان ما بيشتغلش الا مع الناس - 00:53:49

لا شك ان العبادة مع الناس بتساعدك بتدفعك لكن ما ينفعش تبقى ناشئة ما ينفعش وجود الناس ينشئ الطاعة ولكن يدفع الطاعة. فاهمين فرق بين الاتنين يعني انا لو كنت مع مجموعة من زمايلي - 00:54:08

بتشجع لقيام الليل. طب لو انا ما كنتش معهم ممكن ما تشجعش لقيام الليل لكن اصلي وتر فازا انا لان انا انا عندي قراري مستقل انا مش مستني الناس هي اللي تتحكم في قراري - 00:54:28

قرار الانسان بفعل العبادة مش مرهون بالمجتمع اللي حواليا فليه لان الناس ممكن تحسن وممكن تخطئ لتكون امعة تقولون ان احسن الناس احسنا وان ظلموا زلمنا. ولكن وطنوا انفسكم. ان احسن الناس ان تحسنوا. وان اساءوا - 00:54:44

فلا تظلموا ولزلك النبي قال ايه عن شهر شعبان يغفل الناس عنه. فانت بتتدرب على الطاعة في وقت الغفلة وقت الناس مش معي فوجود الناس مشجع ومسرع وليس منشيء فاهمين الفرق - 00:55:03

وجود الناس بيخليني اتشجع اكتر واسرع اكتر لكن عدم وجودهم عادي ما لوش علاقة بانشاء الطاعة. الطاعة كده كده موجودة. تكتر بقى وتبقى سريعة لو وجودهم الايه؟ مع الجماعة بقى - 00:55:21

ولزلك النبي قال ثلاثة يحبهم الله وثلاثة يبغضهم الله فقال فرجل اتى قوما فسألهم بالله ولم يسألهم بقرابة بينه وبينهم فمنعوه فتخلفه رجل باعقابهم فاعطاه سرا لا يعلم بعطيته الا الله - 00:55:39

وقوم ساروا ليلتهم حتى اذا كان النوم احب اليهم مما يعدل به نزلوا فوضعوا رؤوسهم فقام يتملقوا يتملقني ويتلوا اياتي. فاهمين حاجة النبي صلى الله عليه وسلم بيحكي بيقول مشهد ان في ناس كانوا ماشيين مع بعض. مجموعة رايحين مشوار - 00:56:00

فالناس دي وهم ماشيين بالليل تعبوا فناموا. كان النوم احب اليهم من الدنيا بمجرد ان فلما وضعوا رؤوسهم في واحد منهم قام يتملقني قام يصلي ركعتين ويتلو اياتي الراجل ده عمل ايه - 00:56:23

هو عمل العبادة في وقت غفلة المحيطين به. صح اللي هو ايه بقى؟ التفرد اللي هو مستقل بالقرار بتاعه. مش الاخوة ناموا وانا هنام الاخوة صاموا ونهصوهم الاخوة هيتعبدوا انا هتعبد. الاخوة طلعوا شنط رمضان انا هطلع - 00:56:43

لأ الاخوة طلعوا شنط رمضان اه ده هيخليني اتشجع اطلع عشرة بدل ما كنت اطلع اتنين بدل ما كنت هروح لوحدي للقرية الفلانية انا هروح لخمس قرى فاهمين يبقى التفرد - 00:57:04

القرار الفردي لازم يبقى لك قرار. فعدم توطين النفس بيخلي الديمومة ما تزيدش من عوائق الديمومنة خروج العبادات عن دايرة الاولويات ايه مدى اولوية انك تصلي في الصفوف الاولى؟ مدى اولوية انك تقوم الليل؟ مدى اولوية انك تحافظ على الوتر؟ مدى اولوية انك تقرأ وردك للقرآن - 00:57:19

مفهوم الاولوية معناه ان يكتسب الفعل عندك قدرا عاليا من الاهمية بحيس اذا وضع مع مع غيره لو وضع الفعل ده مع غيره في سلم الاهتمامات كان هو الاول ولابد - 00:57:42

فاهمين يعني انا صاحي انا صاحي دلوقتي الساعة كم؟ باقي على الفجر ربع ساعة باقي على الفجر ربع ساعة جميل فاول ما صحيت لو انا عندي لو انا عندي ان العبادة - 00:58:02

ان الوتر من الايه من الاولويات هعمل ايه؟ هروح داخل متوضي نصلي ركعة الوتر. نستغفر الله بالاسحار. عبادة بسيطة ما تاخدش مني سبع دقايق لكن عشان هي مش من ضمن الاولوية عملت ايه؟ مسكت الموبايل الله! ده محمد باعت لي رسالة الله! ده فيه واحد بيسأل فتوى! ده مش عارف واحد بيقول لك - 00:58:21

احنا جبنا الزينة اه مش عارف انت صاحي واحد باعت لك رسالة فتنشغل مع دول فجر ازن. انت عملت ايه هنا انشغلت بشيء عن عن الوتر. طب ده دليل على ايه؟ ان الوتر ليس من الاولويات في حياتك - 00:58:44

برضو معلش مش فاهمها قوي اديك مسال تفهمها؟ اه لو الام صحيت قبل الباص بتاع المدرسة بعشر دقايق وربع ساعة فاتها الايه؟ الموبايل هتعمل ايه؟ فتح المنبه هتعمل ايه؟ اول ما تصحى - 00:59:04

تمسك الموبايل وتشوف مين اللي بيقول لها ايه اخبارك يا هدير عاملة ايه؟ علقتم الزينة ولا مش علقتم طمنيني على مش عارف ايه زوجك جه من السفر صحيح انت عرفت ان العمرة فتحت ده بيقولوا ان فيه اعتكاف السنة دي. انت بتعرفي ان طنط مي جت من السفر - 00:59:21

وانت تردي هتنشغل بكده ولا هتقوم حاجة تعمل حاجة ايه هي الحاجة اللي هتقومها تجري على ولادها تصحيهم. ليه؟ لان دي اولوية في حياتها فهمتم مفهوم الاولوية فامتى الديمومة بتنقطع - 00:59:38

لو الحاجة اللي انت عاملها في المشروع ليست اولوية هي مش من ضمن الاولويات طب عشان تبقى من ضمن الاوليات اعمل ايه؟ تبدأ بقى بالجدول اللي انا قلته بالراحة تبدأوا بالراحة - 00:59:51

مرة في اتنين في تلاتة هتكون لك الاولوية طيب النقطة اللي بعد كده الرابعة والاخيرة اسباب فقدان الديمومة. النقطة بقى الرابعة والخامسة نسيان الفضائل بصوا يا جماعة دايما اللي بيتتبع الفضائل فضائل الطاعات حريصة على استحضارها - 01:00:06

يجد في نفسه حافز تلاقي نفسك في في حافز كده يا عم اكلمك عن القرآن واكلمك على فضل مش عارف مسلا الصدقة ولا فضل الاستغفار بالاسحار لو انا بكلمك كمسال يعني مسلا السواك - 01:00:27

شوفوا النبي صلى الله عليه وسلم كان اذا نام وضع السواك بجواره فكان اول ما يبدأ يسوق فاه صلى الله عليه وسلم وهو اطهر الافواه التي خلقها الله. ومع زلك يتطهر - 01:00:45

يطهر فمه. وايه كمان النبي صلى الله عليه وسلم من اواخر السنن اللي عملها في حياته السواك. طلب من السيدة عائشة وهو بيحتضر السواك. بعينه كمان مش بايده لما شافته قاعدة اومال ينظر قالت له اجيبه لك؟ قال لها اه - 01:00:59

شاور براسه صلى الله عليه وسلم هتلاقي ان ايه اما تعرف الفضائل ديت مش كده وبس تعرف ايه كمان مرضات للرب. ياه مرضاة للرب انا عملت معصية او اغتبت حد - 01:01:15

وعلمت ان ربي يقول ان الحسنات يذهبن السيئات. فانا عاوز حسنات. فاروح اعمل ايه جنب السواك بتاعي. بدأنا اعمله في بوقي كده دي كفاية دي كفاية ليه؟ لانك بتعمل حاجة يرضى الرب سبحانه وتعالى - 01:01:32

في عليائه عنك ايها العبد الترابي وانت تفعل هذه العبادة التي دلك عليها محمد صلى الله عليه وسلم لما تلاقي ان المفهوم ده يبقى هتلاقيه دايما قدامك علبة سواكات قدام منك - 01:01:48

في ناس ما بتعرفش تستعمله لان ما تدربتش. السواك يا جماعة طبعا فيه سواكات عاوزة ضرب النار واللي بيبيعوها عاوزين حجر عليهم لان بيبيع لك آآ يعني بيبيع اشياء تبهدل الاسنان - 01:02:04

خلاص؟ لكن لا في شباكات تانية سبحان الله! حاجة يعني لا تقول لي فرشة معجون ولا تقول لي مش عارف ايه حاجة انا عندي يقين لو لو اشتريتها وعملتها لا تستمتع بها - 01:02:23

ففي انواع من انواع السواكات تستعملها كده تحس فعلا بالانتعاش طبعا لو قلت لكم نوع ايه؟ فيقولوا الله ده فاتح فرع ما بيروج مش عارف ايه ده بيعمل ده مش عارف ايه وحسبنا الله ونعم فيه بدأ بدرس وقال لك رمضان وفي النهاية نهى - 01:02:35

على ايه؟ بيسرب لموضوع الايه المحل بتاعه دعوكم بقى من القصة دي فمش هتكلم على انواع الشاهد يعني بعيد عن السواك نفسه فكرة ايه؟ نسيان الفضائل لما بتنسى الفضائل الحاجات دي بتروح لزلك من المعاني الجميلة قوي انك في رمضان لو تقعد مع اسرتك - 01:02:53

وكل يوم بعد الفجر وكل يوم بعد التراويح او وانت منتظر هتقول ايه بقى تقعد معه يوميا تتكلم في فضل فضل من فضائل العبادات. فضائل الاعمال الصالحة فضل الاحسان للجار - 01:03:16

ادرس سواكات فاضل كزا فاضل كزا اخر حاجة ترك الاستمداد. ترك الاستمداد. ده بيوقع في عوائق الديمومة يا معاذ اني لاحبك فقال له معاذ بابي انت وامي يا رسول الله - 01:03:31

وانا احبك فقال اوصيك يا معاذ لا تدعن في دبر كل صلاة تقول اللهم اعني. الله اكبر اللهم اعني على ذكرك وشكرك وحسن عبادتك انك تطلب من ربنا سبحانه وتعالى انه يعينك قل له يا رب انا مش قادر - 01:03:51

يا رب انا مسكين يا رب اعني يا رب مضايع انا تايه لما الموضوع ده يحدس تلاقي نفسك ان شاء الله موفق تلاقي نفسك بدأت ترزق فاسأل الله سبحانه وتعالى - 01:04:14

ان يسددنا واياكم لكل خير وينفع بنا وبكم حيثما كنا وكنتم. واسأل الله لي ولكم التيسير آآ حسن الاستعداد والاستمداد بالتوفيق باستثمار رمضان. جزاكم الله خيرا - 01:04:34