باحث

السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. وصلاة وسلاما على حبيب قلوبنا وطبيب قلوب وشفيعنا يوم العرض على الله سبحانه وتعالى. اللهم صل وسلم وزد وبارك على حبيب قلوبنا محمد صلى الله عليه وسلم. في - 00:00:00ضَ

والاخرين والملأ الاعلى الى يوم الدين ثم اما بعد. الليلة يا جماعة ان شاء الله. من اول الحلقة دي هنبدأ نتكلم عن غزوات رسول الله. عن جهاد رسول الله عن معارك رسول الله. النهاردة اول مواجهة ضخمة بين الاسلام والكفر. النهاردة اول معركة حاسمة. بس الاول بنسأل ليه؟ ليه يا حبيب الله؟ ليه المعارك دي كلها يا رب - 00:00:25ضَ

رسول الله يا رسول الله هو الرسول كان بيحب اراقة الدماء يا جماعة. يا جماعة كل غزوات النبي ما قتلش فيها غير متين وتلاتة كافر بس. كل دي متين وتلاتة كافر. الحرب العالمية التانية اتقتل فيها خمسة مليون بني ادم. امريكا في لحزة رمت القنبلة النووية على اليابان. قتلت متين الف - 00:00:45ضَ

بني ادم امريكا ضربت فيتنام قتلت تلاتة مليون بني ادم. امريكا ضربت اليابان بالنافال ما قتلت تمانين الف بني ادم. الرسول كل ما عليه الصلاة والسلام متين وتلاتة. يبقى الرسول كان رجل السلام. يبقى الرسول عليه الصلاة والسلام ما كانش بيحب اراقة الدماء. النهاردة يا جماعة مع غزوة بدر - 00:01:05ضَ

سبعتاشر رمضان يوم الجمعة. سبعتاشر رمضان اتنين هجرية. سبعتاشر رمضان ده بكرة يا جماعة. بكرة يعني بكرة ان شاء الله زكرى. غزوة بدر تبدأ الغزوة ازاي؟ تبدأ البداية يا جماعة ان الصحابة بعد ما تركوا اموالهم وتركوا كل حاجة وسابوا كل دنيتهم عشان ربنا وهجرم الفقر وصل - 00:01:25ضَ

درجة رهيبة. اهل الصفة اللي هم المهاجرين اللي اتخرجوا معدمين. مكة خدت منهم كل حاجة. بقى كل واحد منهم لابس حتة قماشة رابطها في رقبته يا دوبك بتستر عورته. الماية بقت ازمة. الصحابة ما عدوش عارفين يشتروا الماية. اليهود غلوا سعر المية. تخيلوا الماية بقى تمنها غالي على - 00:01:45ضَ

مسلمين الرسول قائد الامة افقر بيت في المدينة. كان يمر الهلال تلوي الهلال تلوي الهلال لا يوقد في بيته نار. الرسول القائد تخيل النبي عليه الصلاة والسلام. الامة كلها ما شبعنا من التمر حتى فتحت خيبر. ما كانش فيه شبع لا غني ولا فقير متخيلين يا جماعة. ولكن فضل النبي - 00:02:05ضَ

لحد ما باعوا الدنيا. فضل النبي يربيهم. لحد ما خرج نمازج في العمل الخيري والايثار. التاريخ يشهد لها رغم الفقر. عثمان ابن عفان يشتري بئر روما ويبقى لله. وتتحل ازمة الماية. النبي يجي له ضيف. النبي يعدي على بيوته يبعت لبيوته. كلها ما فيش فيها غير ماية. يقول - 00:02:25ضَ

اصحابه من يأوي ضيف رسول الله ما حدش في بيته عاشها. يقول ابو طلحة انا يا رسول الله. ياخده يروح لام سليم مراته يفاجأ ان هو ومراته اصلا. ما لهمش - 00:02:45ضَ

اشهد يا دوبك على قد الاولاد. ابو طلحة يعمل ايه؟ يطيب الاطفال. يتفق مع ام سليم النايم الاطفال. وانا وانت نطفي النور ساعة العشاء ونعمل ان احنا والضيف ياكل ضيف رسول الله. وكل البيت ينام جعان وينزل قول الله. ويؤثرون على انفسهم ولو كان بهم خصاصة - 00:02:55ضَ

ارادوا ان ما فيش حد يعرف في الدنيا ربنا عرف الدنيا كلها يا جماعة كان اثار رهيب. عمل خيري رهيب. الفقر زاد قوي. الفقر زاد في المدينة اوي وبدأ رمضان وكان زي الايام دي رمضان لسة بادئ من ايام. يعني احنا الوقتي ستاشر رمضان هم كانوا لسة في الاول بقى. رمضان بادئ واول مرة الامة تصوم - 00:03:15ضَ

ويجي خبر للنبي عليه الصلاة والسلام. فيه قافلة لكبار زعماء قريش جاي بها ابو سفيان. هتعدي على بعد مية وستين كيلو متر من المدينة. مية وتمانين للحبشة والمدينة اتاخدت بلادهم. اتاخدت ديارهم. اتاخدت اموالهم. اتاخدت محلاتهم. اتاخدت اراضيهم. اتصادر عفش بيوتهم. بيت النبي - 00:03:35ضَ

عليه الصلاة والسلام سروة طائلة. سروة طائلة الزعماء دول اصحاب القافلة دول خدوها مننا. الرسول عليه الصلاة والسلام يبعت الاخبار يشوف ايه القافلة دي. يلاقي فيها خمسين الف دينار يعني خمسين مليون جنيه. ويلاقي فيها الف بعير ويلاقي لها ستين حارس. الرسول عليه الصلاة والسلام جابوا الفلوس دي منين ؟ الفلوس دي فلوسنا احنا - 00:03:55ضَ

بيتاجروا بها ويعملوا بشوات في الدنيا. وهي اموالنا واحنا بطوننا بتتلوى من الجوع. الفلوس دي فلوسنا. يقرر الرسول الخروج لاسترداد اموال الصحابة. هو كان هياخد فلوس قريش لأ يا جماعة. الرسول هو اللي ميت علي ابن ابي طالب في حركة فدائية لرد الامانات ابدا. الرسول كان بيرجع حق الصحابة ليه - 00:04:15ضَ

فيهم ويخرج النبي عليه الصلاة والسلام. يخرج النبي عليه الصلاة والسلام في تلتمية واربعتاشر صحابي. كان سبعين ضعيف بس اللي معهم. يعني كل خمسة على بعير. يعني كل خمسة كل واحد يمشي اربعة كيلو يركب على ويركب كيلو. النبي كان معه اتنين يعني يمشي اتنين كيلو. وصحابي راكب وبعد كده يركب كيف - 00:04:35ضَ

لمدة مية وستين كيلو رايح جاي. كان فيه فرسين بس فريسين اتنين بس. كانوا خارجين بالسيوف العادية هيحاربوا ستين واحد. رقية بنت النبي كانت مريضة اوي كانت بتموت يسيب معها عسمان ويخرج لنصرة الدين. ولنصرة الاسلام. الاخبار توصل لابو سفيان. ابو سفيان يتجنن يترعب - 00:04:56ضَ

يبعت فارس بكل قوة وبكل فرس بفرص قوي جدا لمكة. اول ما يوصل الصديق لمكة يقوم نازل في وسط مكة. شقق هدومه وصارخ ويقعد يلطم ويقول اللطيمة اللطيمة. يا دي المصيبة! اموالكم مع ابي سفيان. ادركها محمد واصحابه - 00:05:16ضَ

الغوث الغوث والله ما اظن ان تدركوها. هتلحقوا ولا مش هتلحقوا. وتتقلب مكة يا جماعة. انا عايزك تعيشي في الاحداث. انا عايزك تعيش في الانقلاب اللي في مكة ابو جهل يعلن حالة التعبئة العامة ده فرصة عمره. اللي مش هيخرج معنا هيتقتل على طول. يجيشوا كل طاقات مكة من اجل المعركة - 00:05:36ضَ

تجار مكة يصرفوا الوف مؤلفة من اجل تبجيج الجيش بالسلاح التقيل. الرهيب. كان فيه ناس رافضة. ابو جهل رعبهم هنقتلكم معظم الناس كانت خارجة غصب عنها. ابي بن خلف كان مرعوب كان بيرتعش من النبي عليه الصلاة والسلام. ما رضاش يخرج ابو جهل بعت له عقبة ابن ابي معيط. قال - 00:05:56ضَ

خد المجمرة دي بتاعة البخور انت من النساء يا امية. انت امرأة يا امية. امية بن خلف اتفضح قدام الناس. قال خلاص هخرج بس هجيب ضعيف سريع جدا عشان اعرف اهرب. في اي وقت. ام ابو لهب كان عنده سبعين سنة اترعب. سابوه عنده سبعين سنة سيبوه. مش هيعمل لنا حاجة. عمة من عمات - 00:06:16ضَ

الرسول عليه الصلاة والسلام في مكة شافت رؤيا ان واحد وقف على جبل علي في مكة معه صخرة ضخمة ورماها. الصخرة وقعت على مكة اتفتت ما فيش بيت الا دخل طوبة منه - 00:06:36ضَ

الناس اترعبت من الرؤية وبدأت تتناقل. ابو جهل حارب الرؤيا. وسخر من كل واحد بيتكلم فيها ومنع الكلام فيها. نهائيا يا جماعة. ابو جهل عمل تعبئة عامة جيش الطاقات جند الجنود. وبعد هذه التعبئة الفورية يخرج جيش مكة الف وتلتميت مقاتل. معهم متين فرس - 00:06:46ضَ

مدججين بالسلاح. انا عايزك تقارن جيش النبي وجيش مكة. هنا تلتمية واربعتاشر. هنا الف وتلتمية. هنا فرسين هنا متين فرس يعني واحد لمية هنا سبعين بعير الخمسة على بعير. هنا كل واحد له بعير. هنا السلاح سلاح خفيفة يحاربه. خمسين واحد - 00:07:06ضَ

ستين واحد هنا مدججين خارجين لمعركة. هنا الزات بتاع قريش كانوا بيدبحوا يوميا عشر جمال. بيصرفوا ببزغ. هنا كان كل خمسة معهم كيلو ونص تمر. كيلو ونص تمر ويخرج المشركين. يخرجوا في زفة رهيبة وسط جزيرة العرب. وقبل بدري بخمسين كيلو. قبل ما يوصلوا لنصافة بين مكة والمدينة - 00:07:26ضَ

يجي لهم الخبر من ابو سفيان خلاص العير نجت. ابو جهل يقول لأ لازم هنخرج. عقبة ابن ربيعة يقول له نرجع خلاص اموالنا نجت. يقول لا والله حتى بدر ونقيم ثلاثا ونزبح الجزور ونقسم الطعام ونشرب الخمر ونسقيه وتعزف لنا القيام وتشهد - 00:07:46ضَ

العرب اننا لا نحارب وتزل العرب تهابنا ابد الحياة. الناس كلها تمشي ورا ابو جهل لغاية ما ابو جهل يضيعها. لغاية ما ابو جهل يدمرها. الرسول كان دلوقتي يا جماعة الرسول هو والصحابة خارجين ورا العير ما يعرفوش انها نجت. وصلوا قرب بئر بدر. لسة عايزين العير. الكلام ده كان امتى ؟ كان يوم الخميس بالليل يوم - 00:08:06ضَ

ستاشر رمضان. يعني الليلة داهي يا جماعة. يعني الليلة داهي كان الموقف دا بيحصل. انا هكلمكم دلوقتي عن ليلة بدر. انا عايزك تعيشي معي يعني ايه ليلة بدر ليلة بدر المعركة الحقيقية كانت ليلة بدر يبعتوا يقبضوا على واحد من المشركين عند بئر بدر يجيبوه يستجوبوه. انت تبع قافلة ابو سفيان - 00:08:26ضَ

بيقول لهم انا تبع جيش قريش. جيش ايه؟ هو قريش خرجت جيش ولا ايه هو جهود قريش جاية تحاربنا ولا ايه وجيشنا قد ايه ؟ يعرفوا ان حوالي الف. الف اكتر من الف وبعدين هنعمل ايه ؟ الصحابة هيدخلوا في صراع نفسي رهيب. جيش! قروش جاية تحاربنا! تحاربنا احنا - 00:08:46ضَ

ومش اقوى بلد في العرب. العرب كلهم مش هيسيبوها. هيجوا وراها. العرب كلهم هيقتلونا. الصحابة لسة تخيلوا كانوا بيتجلدوا وبيتكوا من لسة برضو فيه شيء من من القلق من الخوف من من الكسرة قدام هزا العزاب الاليم اللي تعذبوه - 00:09:03ضَ

يقينا مدججين بالسلاح. يقينا تسليحهم رهيب. الف وتلتميت واحد هنعمل فيهم ايه؟ والجيش معظمه احباش. يعني اقوياء جدا. طب هنعمل ايه دلوقتي بيعمل ايه قدامهم؟ لاول مرة يطلب من الصحابة دمهم. لاول مرة يطلب من الصحابة ان السيف هيتحط على رقبتهم. لاول مرة يطلب من الصحابة انهم ما يرجعوش ممكن - 00:09:22ضَ

اهاليهم تاني ولا يشوفوهم تاني. الرسول عليه الصلاة والسلام مقدر خطورة الموقف. مقدر ان بكرة المعركة. لو الصحابة فضلوا كده هتبقى مصيبة. هنعمل ايه هنحارب ازاي ؟ ربنا يغيسنا من عنده ينزل قرآن انه ممدهم بالف من الملائكة مردفين. الف يعني لتلتمية لما - 00:09:42ضَ

ضاف الف بالف وتلتمية والف وتلتمية بقينا قد بعض اطمنوا بقى وكمان ملايكة تفاجئوا ان فيه امدادات من العرب بدأت تيجي. قرز بن جابر بدأ يبعت الصحابة في بعض الصحابة طبعا مش كل الصحابة. بعض الصحابة يقلق جدا ينزل قرآن تاني. ممدكم بثلاثة الاف من الملائكة منزلين - 00:10:02ضَ

الصحابة كانوا قلقانين جدا يا جماعة. طب خمسة الاف مسومين والصحابة برضه قاعدين يسمعوا الكلام طب هنعمل ايه؟ يا جماعة الصحابة كانوا خارجين يقاتلوا ستين واحد واحد فوجئوا ان قدامهم الف وتلتميت واحد مدججين بالسلاح. الصحابة يا جماعة كانوا خارجين خلاص خارجين في عملية استشهادية بقى هنموت هنموت. عشان - 00:10:22ضَ

كده النبي كان يقرن دايما ما بين بدر وما بين آآ بيعة الرضوان. بيعة الرضوان في الحديبية لان دي بايعة على الموت. لان بدر كانت عملية استشهادية المعركة الحقيقية كانت ليلة بدر انا بقول الكلام ده ليه ؟ انا بقول الكلام ده عشان نحس. ليلة واحدة من ليالي الصحابة. ليلة يا امة محمد - 00:10:42ضَ

اللي لياليك يبعت سهرات وحفلات ومباريات ونوادي وخروجات ومصايف. ليلة من ليالي صحابة رسول الله صلى الله عليه وسلم تخيلوا يا جماعة الرسول عليه الصلاة والسلام عايز يطمنهم يقوم يقول لهم هنا مسرح ابو جهل. هنا سيقتل عقبة هنا سيقتل امية. بيبشرهم بيطمنهم - 00:11:02ضَ

قلوبهم. النبي مستني الانصار يقولوا ايه ؟ يفاجئ ان الانصار بيقولوا لا طاقة لنا بحرب قريش. الكلمة تشق قلب النبي. ده المهاجرين كلهم ستين واحد الجيش كله انصار. الانصار مش هيحاربوا ازاي ؟ النبي عليه الصلاة والسلام هتعملوا ايه ؟ هتنصروني ولا لأ ؟ هتنصروا حبيب الله ولا لأ ؟ ويقوم المقدار - 00:11:25ضَ

رضي الله عنه يقول له يا رسول الله والله لنقاتلن عن يمينك وعن شمالك ومن امامك ومن بين يديك اذهب انت وربك ان وراءكم متبعون. من الفرح اللي اترسم على وش النبي ابن مسعود تمنى لو بعمره كله كان قال الكلمة دي. عشان يفرح - 00:11:45ضَ

لله. يوم سعد بن معاذ يا رسول الله. والله لو سرت بنا الى برك الغماد لسرنا وراءك. منطقة صخور بركانية الميه فيها اتغمدت غارت خلاص. منطقة مهلكة زي وراء الشمس كده. يا رسول الله امض بما شئت. يا رسول الله صلح بال من - 00:12:05ضَ

واقترح بال من شئت وسالم من شئت وعادي من شئت وخذ من اموالنا ما شئت. يا رسول الله كم واحد في المليار ربعميت مليون الوقت يقدر يقول الكلمة دي. الكلام اللي زلزل عرش الرحمن اللي هز عرش الرحمن عند موت سعد. كم واحد بالمليار وربعميت مليون يقولوا الوقتي - 00:12:25ضَ

كم واحد يقول كلمة المقداد الوقتي هنقاتل من يمينك وشمالك يا رسول الله؟ كم واحد يقوم صحابي تاني يقول له يا رسول الله والله لو خطة من البحر لخضناه وراءك ولا يتخلف منا رجل. الرسول عليه الصلاة والسلام يطمن. قومم يوقف الصفوف حب الرسول مالي القلوب. حتى ساعة الموت والمعركة - 00:12:45ضَ

فيه واحد اسمه سواد. الرسول يزبطه في الصف ويطلع قدام. الرسول يقول له استوي يا سواد يرجع تاني يطلع قدام. استوي يا سواد يرجع تاني قدام الرسول نغزو في بطنه كده استوي يا سواد. قال له يا رسول الله اوجعتني. الرسول كشف له بطنه. قال له اقتص يا سواد. ام حاضن النبي عليه الصلاة والسلام - 00:13:05ضَ

وقال له ما اردت الا ان يكون اخر عهدي بالدنيا ان يمسي جسدي جسدك يا رسول الله. الرسول عليه الصلاة والسلام يا جماعة يخرج مع الصحابة يخرجم وقبل المعركة بساعات يبص النبي على جيش المشركين من بعيد وعلى عدده وعلى تسليحه وعلى فرسانه وعلى شكله وعلى - 00:13:25ضَ

على الغبار اللي عامله في الهوا ويبص على المشركين وعلى قلتهم وعلى ضعفهم وعلى اسلحتهم البسيطة ويرفع ايده. اللهم ان تهلك هذه عصابة فلن تعبد في الارض ابدا. يا رب يا رب اغث المؤمنين يا رب. الرسول كان عارف انها معركة نكون او لا نكون - 00:13:45ضَ

ان العصبة داهية المؤمنة لو اتهزمت الاسلام هينتهي على وجه الارض. الرسول يبص تاني على جيش المشركين. يلاقي القيام بتعزف والاغاني والطبوع والجواري قاعدة تجري ما بين الجيش تشد من ازرهم ويغنوا لهم. الرسول يبص للسما ويقول يا رب - 00:14:05ضَ

انت عضدي ونصيري بك اصول وبك اجول وبك اقاتل. انا ما اقدرش اعمل حاجة من غيرك يا رب. يقف يصلي يقف وراه ابو بكر يرفع ايده. اللهم لا تودع مني. ما تسبنيش يا رب - 00:14:23ضَ

اللهم لا تخذلني. اللهم لا تترني. الموتور اللي اتقتل له حد من اهله. يا رب ما توترنيش في اصحابي احفظهم لي يا رب. احفظ يا رب اللهم انشدك ما وعدتني. اللهم نصرك الذي وعدتني. اللهم فنصرك الذي وعدتني. ابن مسعود شاف - 00:14:39ضَ

النبي اتزلزل قلبه. قال ده عمر ما حد ناشد على ده ناشد ضالة زي كده. لو ام ابنها تاه منها وبتصرخ مش زي صراخ النبي لربنا يومين وتهرب الجيوش من بعض والجيشين يبدأوا يشوفوا بعض يا جماعة - 00:14:59ضَ

النبي، عليه الصلاة والسلام، لما يلاقي الجيوش قربت من بعض يعمل ايه عليه الصلاة والسلام؟ يسجد لربنا سجدة من اطول سجدات حياته. يفضل يقول يا حي يا قيوم النبي شايل الهم ده كله. انت شايلة ايه من هم النبي؟ انت شايل ايه من هم النبي؟ لنصرة الاسلام. احنا يا جماعة شايلين ان - 00:15:14ضَ

الدم الرهيب ده النبي عارف المعركة ديت قد ايه فاصلة قد ايه حاسمة قد ايه خطيرة. سيدنا علي ابن ابي طالب بيقول زهبت اقاتل سم عدت الرسول ساجد وهو يقول يا حي يا قيوم سم زهبت اقاتل سم عدت فوجدت الرسول لا يزال ساجد وهو يقول يا حي يا قيوم - 00:15:34ضَ

يرفع الرسول عليه الصلاة والسلام راسه وهو بيهتف سيهزم الجمع. ويولون الدبر. ربنا بشره بالملايكة خلاص. وتبدأ الجيوش تهرب ويقفوا قدام بعض يا اللقاء التاني. متخيلين احساس عمار! وهو بيشوف ابو جهل على الناحية التانية ابو جهل. ابو جهل اللي قتل امي. ابو جهل اللي قتل - 00:15:54ضَ

سمية وطعامها ابو جهل اللي قتل ابويا. ابو جهل اللي عزبني اللي كواني اللي غرقني. بيعزبني بالغرق. ابو جهل امية بن خلف على الناحية التانية ده اللي يشوفه امية. ياه يا امية. بقينا راجل لراجل يا امية. امية ابن خلف اللي كواني اللي كان يشوي جلدي ويربط رجلي - 00:16:18ضَ

الفرس يجري في الصحرا يسلخ جلدي. امية اللي كان يحط الصخرة على على صدري في عز النار ويقول لا اتركك حتى بموت ابي يا ابن خلف تاني. متخيلين احساس الصحابة بعد تلتاشر سنة! تلتاشر سنة تعزيب! متخيلين لحزة الرد يا جماعة! لحزة - 00:16:38ضَ

بدر هي لحزة الرد على تلتاشر سنة عذاب على تلتاشر سنة تنكيل وازل النبي عليه الصلاة والسلام. امتى بقى يا امة محمد؟ امتى يا رب امتى هتيجي لحظة الرد على المسلمة اختنا اللي اغتصبوها في العراق في سجن ابو غريب وانتحرت! امتى هتيجي لحظة الرد على شهداء كشمير! امتى هتيجي يا رب لحظة - 00:16:58ضَ

يا رب على مزابح صابرة وشتيلة. انت يا رب هتيجي لحزة الرد على اطفال غزة اللي اتحرقوا بالفسفور بخرابين الفسفور. امتى يا رب هنرد امتى يا امة محمد وتيجي لحزة الرد وتيجي ساعة الصفر ويقرب الجيشين من بعض وييجي لحزة المعركة ويخرج تلاتة من المشركين - 00:17:19ضَ

عقبة بن ربيعة شيبة الوليد ابن عتبة. التلاتة اللي قعدوا يدحكوا على النبي هم سلك جزور اترمى عليه. يخرج لهم علي وحمزة وعبيدة ابن الحارث سيوف الاسلام والكفر وتشتبك في المعركة الفاصلة اول مبارزة في المعركة الفاصلة. ويقتل علي شيبة ويقتل حمزة عتبة ويقتل - 00:17:39ضَ

تلات مشركين ولكن العبيدة ابن الحارس اتجرح جرح قاتل يشيلوه يودوه للنبي. عبيدة ابن الحارس ينيمه على الارض جنب النبي يقول لا على فخذي عبيدة بن الحبيب يبص لرسول الله. يقول له يا رسول الله اوفيت يا رسول الله؟ انا وفيت اللي علي انا وفيت حق ربنا - 00:17:59ضَ

انا وفيت العهد اللي بيني وبينك. الرسول يرفع الرسول ويقول اللهم اشهدك انه وفى. يقول له الست شهيدا يا رسول الله انا الشهيد يقول له بلى. يفرح فرح رهيب وهو بيموت. الصحابة يشتعل حماسهم لمنزر الشهادة. والمنزر التلات مشركين اللي اتقتلم - 00:18:19ضَ

والنبي يهتف. والنبي عليه الصلاة والسلام يقول قوموا الى جنة عرضها السماوات والارض. عمير بن الحمام كان في ايده شوية تمر هم اللي زاده في الدنيا يرميهم ويقول لان عشت حتى اكل هذه التمرات انها لحياة طويلة. رمى الدنيا جري قاتل حتى قتل - 00:18:39ضَ

وعنده تمنتاشر سنة وفاز بالفردوس الاعلى. مين فيكم في اولى جامعة فاز بالفردوس الاعلى الوقتي؟ الصحابة الصحابة يلتهب الحماس في قلوبهم انقضت تلتميت صحابي على الف وتلتميت مشرك. تلتميت اسد على الف وتلتميت كلب. تلتميت صقر على الف وتلتميت غراب. حمزة يهجم يقتل - 00:18:59ضَ

عشرة علي يهجم يقتل واحد وعشرين. عمار يهجم يقتل خمسة. الرسول عليه الصلاة والسلام يمسك شوية حصى ويرميهم في الوجوه اسناء المعركة ويقول شاهت الوجوه. الحصى ييجي في عيون الكفار. ايه ده! ازاي يا جماعة! هو الحصى عارف الكافر مين المؤمن - 00:19:19ضَ

الحصى تحول لقنابل زكية. قبل ما امريكا تخترعها بالف وربعمية سنة. عارف عنين الكافر من عينين المؤمن. لما كنا مع ربنا قاتل معنا. الرسول ينزل يقاتل في المعركة. علي ابن ابي طالب بيقول كنا نلوذ برسول الله يوم بدر. كان اقرب واحد فينا كان اقرب رجل - 00:19:37ضَ

الى المشركين. الرسول طفلين ييجي يروحوا لعبدالرحمن ابن عوف. يقولوا له يا عماه عبدالرحمن بن عوف يقول لهم نعم يعني طفلين اربعتاشر سنة وخمستاشر سنة. يقولوا له سمعنا ان ابا جهل يسب رسول الله. امنا اخبرتنا ان ابا جهل - 00:19:57ضَ

يسب رسول الله. امهم كان فيه ام. كان فيه ام بتخرج ابطال. كان فيه ام بتخرج رجالة يا كل ام قدام اتق الله. سبيس تون مش هتخرج مجاهد اسبيس تون وديزني والقنوات مش هتخرجهم مجاهد. مش هيخرجوا راجل يشيل الدين ابدا. مش هيخرجوا راجل. الرسول عليه الصلاة والسلام - 00:20:14ضَ

الرسول في المعركة بعض الصحابة والصحابة حماسهم اشتعل. الطفلين يقولوا لعبدالرحمن بن عوف اين ابا جهل؟ يقول لهم ليه سمعنا انه يسب رسول الله؟ كلمة ان النبي ما يتشتمش يشاور لهم على ابو جهل. معاذ ابن عفراء هو ومعوز يجروا. معاذ يجري على ابو جهل. معوز يقوم ضارب. الفرس بتاع ابو جهل - 00:20:34ضَ

سيف يقع ابو جهل. يقوم معاز ضارب رجليه بالسيف مطير نص رجليه. مطيره في الهوا. ابو جهل يقع على الارض يقع ينزف. عكرمة بن ابي الجهل ينتقم لابوه. يضرب معاز بالسيف على كتفه يخلع له دراعه. ما عدا حتة جلدة بس من دراعه وبين جسمه. معاز بيقول زل طول المعركة - 00:20:54ضَ

وهي عائقات لحد ما في الاخر ضغط برجليه على دراعه وخلع دراعه. خلع دراعه عشان ربنا عشان الدين عشان الجهاد وراهم امة عظيمة. امة عظيمة تعرفي تخرجي لنا كده. تعرفي كان في امرأة اسمها عفراء بنت عبيد. كان لها سبع اولاد. السبعة خرجوا في بدر - 00:21:14ضَ

امرأة خرجت للامة سبع رجالة. انت قدمت للامة ايه؟ قدمت للاسلام ايه؟ عملت للامة ايه؟ كان في طفل اسمه عمير ابن ابي وقاص عمير قاعد يستخبى من النبي عشان ما يرجعوش. النبي شافه ورجعه عيط. بكى دموعه فاضت. النبي اقره. شي عاطفة رهيبة. جنود اسود - 00:21:34ضَ

صقور وانقضوا يا جماعة. ابو جهل وقع بيموت. جه لابن مسعود. شاف ابو جهل بيموت. قام رايح حاطط رجليه على رقبته. وقال له انت يا ابو جهل انت اللي لطمتني لطمة في الحرم وانا بقرأ سورة الرحمن. طيرت لي ودني من راسي قبل كده. انت فرعون الامة انت ابو جهل - 00:21:54ضَ

انظر ماذا فعل الله بك. ابو جهل يقول له لمن النصر؟ يقول له لله ولرسوله ابو جهل يبص يلاقي ابن مسعود يقول لقد ارتقيت مرتقا صعبا يا رويعي الغنم. انت ايه ده انت يا ابن مسعود تحط جزمتك على رقبتي. ابن مسعود - 00:22:14ضَ

تقتل ابو جهل ويفصل راسه عن جسمه يجرجر راسه. يوديها للامة كلها تستبشر. فرعون اتقتل. فرعون الامة قتل يا رجالة. فرعون الامة يا رسول الله اتقتل. والصحابة كلهم يجروا. بلال. بلال اول ما يشوف امية ابن خلف في المعركة يقولوا امية امية ابن خلف لا - 00:22:32ضَ

لا نجوت ان ناجى. يا اصحاب رسول الله امية لا نجوت ان نجا. ويجري وراه يفضل يطعنه لغاية ما يقتله ينتقم من تلتاشر سنة عذاب. وازوا تنكيل وتعطيل للدعوة. قريش كانت افترت قوي قبل بدر. قريش كانت - 00:22:52ضَ

سمعة الاسلام في في العرب. قريش بعد الهجرة زادت شراسة في حرب الرسول غير قبل الهجرة. كان لازم رد. كان لازم يعرفوا ان الدين قوي. كان لازم يعرفوا ان الدعوة ما فيش حد هيقف في وشها. الزبير ابن العوام يضرب ضربة على كتفه. يفضل طول عمره يفضل يحط ايده فيها تدخل. وتفضل الاصابة معه لغاية ما يموت بعد - 00:23:12ضَ

طويلة واحد اسمه سعد بن خيثمة كان خارج يقاتل ابوه قال له اقاتل انا ما هو واحد من الاتنين يخرج. قال له لو كان غير الجنة لاسرتك. الوقت المسلمين بيقول لك انا في الفلوس ما اعرفش ابويا. زمان الصحابة بيقول له انا في الجنة ما اعرفش ابويا. ويتقتل سعد - 00:23:32ضَ

في غزوة طيب قدر. ويتقتل ابوه في غزوة احد يا للتضحية! حارثة! شاب من الشباب الصغيرين يتقتل في المعركة. امه قبل ما المعركة تبدأ على طول والام تروح للنبي. ابني فين؟ ابني فين يا محمد؟ ابني فين يا رسول الله؟ ابني في الجنة ولا في النار؟ يقول لها يا ام حارثة انها ليست جنة انها - 00:23:52ضَ

جنات انها جنات يا امة محمد. انها جنات يا احباب رسول الله. انها جنات يا عشاق الشهادة. انها جنة كل جنة نعيمها التاني وان ابنك اصاب الفردوس الاعلى. شاب وفاز بالفردوس الاعلى. الملايكة تتنزل زي ما ربنا وعد - 00:24:12ضَ

صحابي كان بيقول كنت اجي اضرب بالسيف رقبة. المشرك الاقي رقبته طارت ما اعرفش مين اللي طيرها. واحد صحابي اسر وواحد مشرك وداه للنبي. قال له انا اسرت يا رسول الله المشرك قال له يا رسول الله يا يا محمد ليس هذا الذي اسرني. الذي اسرني شخصه ووصف صفات تانية خالص. الرسول قال للانصاري اسكت فقد ايدك الله - 00:24:34ضَ

بالملائكة ايدك الله بالملائكة كان موقف رهيب يا جماعة. المعركة بدأت تبان. المشركين بيتحصروا. استحسونهم المشركين بيتقلعوا من جزورهم. المشركين بتتقطع اجسادهم الشبك بينهار راية مكة وقعت وادست بالجزم. المشركين جثثهم ملت المعركة. بقوا بيجروا في كل اتجاه بيسيبوا كل اموال معهم - 00:24:54ضَ

والمشهد النهائي سبعين جسة من جسس صناديد قريش. كل جسة جسمت على انفاس رسول الله تلتاشر سنة. كل جسة عزبت الصحابة تلتاشر سنة وحواليهم الفلوس بتاعتهم والصحابة بيجروا والستات بتجري واللي كانوا بيطبلوا بيجروا والكل بيجري وهند - 00:25:18ضَ

اوروبا مقهورة مدبوحة ابوها واخوها وعمها اتقتلوا في لحزة واحدة. هند بنت عوف بقى تموت والكل بيجري مش قادر يعمل حاجة ويقف رسول الله صلى الله عليه وسلم. يقف رسول الله صلى الله عليه وسلم يبص للجسس اللي مرمية. وبعد ما اتعفنت ويقول لهم يا عتبة يا - 00:25:38ضَ

يا امية يا ابا جهل انا وجدنا ما وعدنا ربنا حقا. فهل وجدتم ما وعد ربكم حقا؟ لقيتوا الزقوم حق؟ لقيتم الغاسلين لقيته مقام على الحديد حق. لقيتم القبور المشتعلة نار عليكم تحت التراب حق! عمر يقول له يا رسول الله اجساد تعفنت! يقول له يا عمر لست باسمع - 00:25:58ضَ

منهم عمر بن الخطاب يقف مزهول من خمس سنين. وقفت يا رب وقلت سيهزم الجمع ويولون الدبر فين؟ فين الجامع اهو يا رب يا ووعودك يا رب يا صدق كلامك يا رب. شفتم يا جماعة اللي شتمه النبي حصل لهم ايه ؟ شفتم اللي ازوا رسول الله؟ شفتم يا جماعة شفتم انت ابو جهل شفت حصل لك ايه ؟ شفت ولا - 00:26:18ضَ

حاربتوا الاسلام شفتم يا اللي حاربتم الدعوة؟ ابو جهل اتفصل راسه عن جسمه. واللي قتله طفل وابن مسعود راعي الغنم عشان يتقهر قبل ما يموت عقبة بن ابي معيط ييجوا يجرجروه يرموه في القليب اللي رموا فيه البلاعة اللي رموا فيها جسس المشركين وقفلوا عليها. جسمه يتقطع - 00:26:40ضَ

معفن يردموا عليه في مكانه. امية ابن خلف يطلع من جسمه ريحة قاتلة رهيبة. يدفنوه في الحتة بتاعته مش قادرين يجرجروا جسمه. عتبة بن رباعة يترموا زي زي الكلاب واحقر من الكلاب في القليب. وكلهم في الاخر يتقفل عليهم البلاعة ويتردمم ويتردم معهم تاريخ - 00:27:00ضَ

اللي اذوا رسول الله يا اللي بتحاربوا الدين. يا اللي بتحاربوا الاسلام يا اللي بتحاربوا دعوة رسول الله. هو ده عاقبة كل واحد حارب رسول الله والصحابة بزولين مش مصدقين. مش مصدقني ان دي نهاية قصة تلتاشر سنة عذاب. ده ده ابو جهل اللي كان يقف على جلد البقرة سبعة يشدوه من تحت - 00:27:20ضَ

رجليه وهو متبت ما حدش يعرف يشده. من القوة الرهيبة. تحدى النبي وقال له انا هكفي قريش ملايكة خزنة جهنم. ايه اللي انت بتكلمني عليهم ده؟ ده عتبة دي امية ابن خلف ده عقبة ابن ابي معيط اللي خنق النبي في صحن الكعبة. يا وعدك الصادق يا رب - 00:27:40ضَ

وينزل قول الله سبحانه وتعالى هذان خصمان اختصموا في ربهم المؤمنين والكفار. اول تلاتة برزوا فالذين كفروا قطعت لهم ثياب من نار. العذاب الاخراوي بقى كمان للي ازوا الرسول. سياب من نار زي ما كانوا بيكوا والصحابة بادرع الحديد. يصبوا من فوق رؤوسهم الحميم زي ما كانوا بيدفنوهم في الرمال المحترقة - 00:27:58ضَ

تقوم بالحجارة يصب من فوق رؤوسهم الحميم يصهر بهما في بطونهم والجلود. يتسعرم من العذاب ولهم مقابر من حديد زي الكرابيج اللي كانوا بيضربوا بها الصحابة. كلما ارادوا ان يخرجوا منها اعيدوا فيها. وذوقوا عذاب الحريق - 00:28:18ضَ

قفل المشهد ويرجع رسول الله صلى الله عليه وسلم. مية وستين كيلو على المدينة يبعت اتنين من الصحابة. بشروا اهل المدينة بالنصر. وطمنوني على بنت رقية عاملة ايه؟ طمنوني على فلذة كبدي رقية عاملة ايه دلوقتي؟ اخبارها ايه؟ روق شفيت ولا لا؟ لسه مريضة لغاية دلوقتي ولا شفيت وربنا - 00:28:38ضَ

يبعت المبشرين للمدينة يدخلوا يبشروهم. الناس ما تصدقش. اتقتل ابو جهل يا امة محمد. اتقتل ابو جهل واتقتل عتبة امية الصحابة مش مصدقين في المدينة. لدرجة انهم ما صدقوش غير لما لقوا الصحابة جايين معهم السبعين اسير في السلاسل. ويرجع البشير للنبي عليه - 00:28:58ضَ

الصلاة والسلام. يقول له ماتت رقية يا رسول الله. ماتت وادفنت قبل ما ترجع يا رسول الله. ماتت وادفنت يا حبيب الله. والنبي يكمل عليه الصلاة والسلام ويدخل جيش المسلمين المدينة على مداخل العيد الصغير. اول عيد صغير في امة الاسلام لان ده كان اول رمضان. بقى عيدين عيد - 00:29:18ضَ

النصر وعيد نصر بدر يا جماعة. وتوصل الاخبار للمشركين في مكة يدخل واحد يصرخ. يدخل يصرخ ويلطم في مكة. يا اهل مكة. مات ابا الحكم اللي هو ابو جهل. مات عتبة. مات امية. مات عقبة. مات - 00:29:38ضَ

سايبة مات الوليد يا اهل مكة اتقتل سبعين. يا اهل مكة اتأسر سبعين. يا اهل مكة الناس كانت في الصحراء ما نعرفش راحوا فين يا اهل مكة ابو لهب يسمع الخبر. ابو لهب كان عنده سبعين سنة. محمد انتصر! محمد اللي قتلت نفسي في الجري في منى ورا قبائل! محمد اللي كنت - 00:29:54ضَ

كنت باسافر وراه في العرض على القبائل. اقول لهم ده مجنون! ما اصدقهوش! محمد! محمد ينتصر قدام الناس كلها! بدر كانت سوء في الوقت ده! العرب بيجتمعوا فيه نتفضح قدام الناس! محمد ينتصر ازاي! بعد الحرب اللي حاربناها! ابو جهل يتحطم قلبه! تنهار نفسيته! ابو جهل! ابو لهب - 00:30:14ضَ

يا جماعة ابو لهب يعرف انه مش هيقدر يعيش بعد الموقف ده ويصاب بمرض اسمه العدسة. العدسة ده زي الطاعون يطلع بثور على جلده ودمامل. اولاده يرموه في ايه تترعبوا منه ويرموه زي الكلب؟ اسبوع لا بيقربوا له ولا بياكلوه ولا ولا حد يقدر يقرب منه بكل مرعوب. ولما يموت يسيبوه وبعد ايام لما يعفن - 00:30:34ضَ

يرموه في الجبل من الرعب الرهيب من من العدوى بتاعة هذا المرض. بالنسبة لهؤلاء المشركين ويموت ابو لهب مقهور. نهايات اللي ازوا رسول الله صلى الله عليه وسلم ويمسك قيادة مكة بعد موت ابو جهل وابو لهب. ابو سفيان ابو سفيان لما مسك قيادة مكة - 00:30:54ضَ

بزل مجهود ليل نهار في حرب رسول الله. اول مجهود كان محاولة قتل الرسول لما بعت عمير ابن وهب وفشلت المحاولة. تاني مجهود لما اقسم ان كل سنة هيلم اللي هيقدر عليه من العرب ويخرج يقاتل محمد لغاية ما يبيت محمد. ابو سفيان بدأ يحشد مكة. حرم على مكة البكاء - 00:31:14ضَ

اللي هيبكي رجم. اللي هيبكي هيتجلد. اللي هتلبس اسود. اللي هيعمل حزن. ما فيش ميتم. الميتم بعد ما نقتل اصحاب محمد البيتم بعد ما نفرقهم في الجبال زي ابو جهل كان بيقول وهم خارجين لبدر هنفرقهم في الجبال وهو رايح يتقتل ويتقطع - 00:31:34ضَ

تترمي في في القليب في النهاية وتصمم قريش على هزا ويرجع النبي عليه الصلاة والسلام المدينة يكرم يكرم اهل بدر يفضل بعد سنين. اما حد من اهل بدر يعمل غلطة كبيرة يقول النبي - 00:31:54ضَ

لعل الله اطلع على اهل بدر فقال اعملوا ما شئتم. فقد غفرت لكم. ليه؟ ليه كل ده يا جماعة؟ لانهم قتلوا لما كان الكل خايف لما كان الكل جبان يلا قومي. يلا قوم اللي هيقوم الوقت سوابه غير اللي هيقوم بعد كده. اللي هينصر الدين وهيشتغل في الدعوة الوقت غير اللي هيشتغل بعد كده - 00:32:07ضَ

يا ترى يا جماعة سواب اول واحد راح يجاهد الروس كان ايه؟ سواب اول واحد جاهد اليهود كان ايه؟ هو ده سواب اهل بدر اول ناس. ويفاجأ النبي ان جايين يجروا عليه اللي كانوا بيقاتلوا معه. يا رسول الله يا رسول الله احنا احق بالغنائم. غنائم! غنائم ليه! احنا اللي قاتلنا والتانيين احنا الاحق يا رسول الله. احنا اللي - 00:32:27ضَ

المشركين والا كانوا هيرجعوا. والتالتين احنا الاحق يا رسول الله. احنا اللي جمعناها والا كان حد من العرب سرقها. الرسول يبص لهم مزهول. هم دول اللي كانوا بيضحوا بدمهم من شوية. ياه يا جماعة الموقف ده ربنا سبحانه وتعالى. يخلده تنزل سورة الانفال. اولها يسألونك عن الانفال! انفال - 00:32:47ضَ

الانفال اللي كانوا لسة بيضحوا بدمهم وحياتهم. عشان كلنا نتعلم ان حب الدنيا بيخرج متأخر اوي يا جماعة. اوعي تفتكري انك لما تسمعي الرسول قلبك يتحرك ان الدنيا خرجت من قلبك. اوعى تفتكر انك وانت بتقوم الليل الدنيا خرجت لسه. ده المعركة طويلة اوي يا جماعة. وتنزل سورة - 00:33:07ضَ

احتفال بيان النصر الحاكم هيطلع يقول بيان النصر. انتصرت جنودنا الاشاوس لا البيان بتاع النصر اللي ربنا بيقول لهم انا اللي عملت لكم كل حاجة. اوعوا تبوزوا لنا ان انتم عملتم حاجة. انا اللي عملت لكم كل حاجة. انا اللي رتبت مكان المعركة. انا اللي رتبت زمانها. انا اللي رميت از رميت الله رمى - 00:33:27ضَ

سبحانه وتعالى. انا اللي قتلتهم ولكن الله قتلهم. انا اللي نكلت بهم. انا اللي نزلت عليكم النعاس والمطر وهديت قلوبكم. انا اللي قزفت في قلوبهم الرعب انا اللي قزفت في قلوبكم الامن. انا اللي نزلت لكم الملايكة انا اللي سبتكم. اعرفوا ربنا من غير عمركم ما هتوصلوا لحاجة. تنزل - 00:33:47ضَ

سورة الانفال تقول لهم خدوا بالكم مش ده النهاية. ده لسة ياما هيصرفم ينفقون اموالهم ليصدوا عن سبيل الله فسينفقونها. خدوا بالكم اللي كان بيناظر ديدات. ميزانيته اليومية في تنصير المسلمين مليون دولار. البنات الاوروبيات الفرنسيات والايطاليات. بيروحوا جنوب السودان - 00:34:07ضَ

يبيعوا حياتهم يقعدوا ياكلوا بامية ناشفة ويكلموا الناس عن التنصير. يا جماعة انتم ميزانية التنصير في السنة مية واحد وتمانين مليار دولار واحنا قاعدين نايمين يا امة محمد. غانا غانا بنوا فيها ستميت كنيسة في سنة. لمين؟ لمين؟ لمين؟ يا ايها المنصرين - 00:34:27ضَ

الصين اللي بتحارب الاسلام فيها بعتوا للمسلمين فيها عشرين منصر عشان يخرجوهم من دينهم فسينفقونها قوموا. نزلت الانفال تقول لهم واعدوا الطريق لسه طويل انتم ما عملتوش حاجة غير خطوة واحدة اعدوا اعدوا يلا ده لسة الطريق طويل اعدوا لهم ما استطعتم. تنزل الانفال تقول لهم افتكروم ازيام - 00:34:47ضَ

الذين كفروا ليسبتوك او يقتلوك. مؤامرة ليلة الهجرة افتكروا اللي فات. احرفوا بقى. اعرفوا ربكم قادر قد ايه. اعرفوا بقى ربنا يقدر ينصر ام قد ايه يا امة محمد وانا في نهاية حلقة الليلة بقول لكم عرفتم ربنا يقدر ينصرنا قد ايه ؟ الجنود المدججين والاعلام والطبول والمغنيات - 00:35:09ضَ

والتسليح والفرسان كل دول اتهزمم. اتهزموا في سيوف بدائية لان الله معنا. لان ربنا معنا يا امة محمد ما تخافوش من اليهود. ما تخافوش من اعداء الدين يا امة محمد. ربنا قادر. بس احنا نرجع لربنا. يا امة محمد مكة لما مشي ورا ابو جهل - 00:35:29ضَ

ضيعهم شردهم ابو جهل بتاعنا الوقتي الصحف العلمانية والبرامج العلمانية. لو مشينا وراهم هيضيعونا. احنا بنشتري الجرايد دي ليه ؟ احنا ما لنا يا جماعة! احنا يا جماعة قلوبنا وعقولنا ليه ؟ فضل حكيم ابن حزام طول عمره بعد ما اسلم وكان بيقاتل مشرك في في الغزوة دي. يقول لا والذي لم يميتني في بدر - 00:35:49ضَ

فضل حافز لربنا ان ربنا ما قتلوش يوم بدر. لا والذي لم يمتني في المعبورة. لا والذي لم يميتني في مارينا. لا والذي لم يمتني في اليوم الفلاني اللي كنت بتكلم في - 00:36:11ضَ

الكون بالليل في مكالمة شكلها كذا او بتفرج على موقع كذا او على قناة فيها كذا او او او. ربنا كريم يا شباب قوموا وتوبوا. قوموا والحقوا قوموا وابتدروا ربنا كبير الموقف المبهر في النهاية لما الرسول عليه الصلاة والسلام - 00:36:21ضَ

الاسرى اللي معهمش فلوس يفدوا نفسهم بها. خلاهم يعلموا اطفال الانصار والمهاجرين. القراية والكتابة ياه! العلم مهم للدرجة دي ازا كان اول اية في كتابنا اقرأ واخر اية واتقوا يوما ترجعون فيه الى الله واللي بعدها. وليكتب بينكم كاتم بالعدل. الاية اللي فيها - 00:36:37ضَ

عشر مرات لفز الكتابة. اول اية اقرأ واخر اية اكتب دينا كله قراية وكتابة. دينا كله علم النبي عليه الصلاة والسلام يبدأ العلم. يبدأ محو الامية يبدأ التنوير الحقيقي. التنوير الحقيقي داخل المدينة. وتتقفل غزوة بدر على وعد من المشركين بالعودة. بدأنا الليل بدأنا نتكلم عن غزوات - 00:36:57ضَ

النبي عليه الصلاة والسلام. اتكلمنا عن غزوة بدر بكرة ان شاء الله غزوة احد يا جماعة. بكرة غزوة احد الرهيبة. بكرة غزوة احد الدامية اللي كل ما الواحد يروح يقف قدام قبور شهداء - 00:37:17ضَ

يبكي الناس كلها. يبكي الناس كلها. والناس تتغير والناس تلتزم والنساء تتحجب. من كتر الموقف الرهيب الرهيب والتضحية الرهيبة. بكرة هنشوف رسول الله حبوه قد ايه. بكرة هنشوف دافعوا عنه قد ايه. بكرة هنشوف رسول الله - 00:37:27ضَ

في القلوب قد ايه ؟ بكرة هنشوف يا جماعة. ولكن الليلة قبل ما اسيبكم بقى باذن الله سبحانه وتعالى في هزه النهاية السريعة. بكرة يا جماعة بكرة ان شاء الله سبعتاشر رمضان. بكرة يا جماعة زكرى غزوة بدر. زكرى غزوة بدر يا امة محمد - 00:37:47ضَ

مش بقول نجيب حلاوة وناكل. انما افتكر ان افتكر طول اليوم بكرة. النهاردة ربنا فتح على ايد الصحابة بالنصر المبين. انا فتح على ايدي بايه؟ انا عملت ايه! انا عملت ايه! يا جماعة ليلة القدر خلاص قربت. الاعتكاف يوم الاربع داهو او الخميس داهو حسب المساجد بقى. الاربع والخميس هيبدأ الاعتكاف. عملنا ايه - 00:38:04ضَ

عشر تيام في جوار الله. اوعوا تفرطوا في الاعتكاف. دي سنة رسول الله صلى الله عليه وسلم. يا جماعة عشان نفوز بليلة القدر. ليلة القدر اللي بتقدر فيها البقاء زواج اللي مش متجوز بيتكتب فيها شفاء المرضى. سداد الديون الرزق بعد الضيق والفقر. يا جماعة اللي عايز ربنا - 00:38:24ضَ

دول له بخير طول السنة ما يضيعش الليلة الرهيبة دهي. اللي عايز ربنا يشفيه ويكرمه ويغنيه اللي عايز وظيفة اللي عايز زوجة. اللي عايزة زوج اللي عايزة ذرية يقوم وما يضيعش ولا ليلة عشان يفوز بليلة القدر. يا جماعة عشر تيام ربنا بيستضيفكم في جواره. يا اخوانا ليلة القدر اتناشر ساعة بتلاتين الف - 00:38:44ضَ

يوم ست بالف شهر يعني تلاتين الف يوم. يعني الاتناشر ساعة بستين الف اتناشر ساعة. يعني الساعة بستين الف ساعة. الركعة فيها بستين الف ركعة. القيام بستين الف قيام. حرف القرآن بستين الف حرف. صلة الرحم مكالمة لارحامك بستين الف صلة رحم. تفطير - 00:39:04ضَ

بستين الف تفطير صايم. هنضيع الفرصة ولا ايه! يا جماعة ما لهاش حل غير ان احنا من اول ليلة الاربع والخميس ان شاء الله تعتكفوا يا جماعة كاف من اجل ربنا ولنصرة دين ربنا وللتربية بقى. الصحابة في الايام دهيت كانوا بيجاهدوا نجاهد احنا في المسجد حتى. كانوا - 00:39:24ضَ

نقاتل احنا حتى الشيطان واهواء الشيطان. بازن الله اوعوا تضيعوا الاعتكاف. يعني باسيبكم على خير بازن الله سبحانه وتعالى وبترككم في امان الله سبحانه وتعالى وفي رعاية الله سبحانه وتعالى. كنا مع غزوة خطيرة مع غزوة مهمة مع غزوة عزيمة مع غزوة بدر البدر اللي طلع في - 00:39:44ضَ

الامة نور للامة كلها الدين ده ما تحارب وما فيش حاجة اسرت فيه. تلتاشر سنة سجن وحبس وما اتهزمش. سبع حروب صلابية وما اتكسرش. حروب وما اتكسرش مليارات تنصير ولسه الدين والعقيدة اقوياء. ميت الف. الف وربعميت سنة بيتحارب حرب لو كان اي دين تاني تحاربها كان اتشل - 00:40:03ضَ

كانت فتت كانت مزق دينكم قوي يا شباب. دينكم هو دين الحق. اشهد ان لا اله الا الله. واشهد ان محمدا رسول الله اشهدوا بقلوبكم. اشهدوا كانكم شايفين يقينا ان ربنا هو الاله الحق وان الرسول هو الرسول الحق. على هذا اليقين على هذا - 00:40:23ضَ

الرهيب بعد النصر الرهيب. بعد يوم الفرقان نختم حلقة الليلة. ونرفع ايدينا لك يا رب ونبتهل اليك زي ما الرسول ابتهل اليك اللهم اجعلنا من جندك المخلصين. اللهم انصر بنا الاسلام. اللهم اعز بنا دينك. اللهم نصرك الذي وعدتنا. اللهم - 00:40:43ضَ

لا تودع منا ما تسبناش يا رب. انصر امة حبيبك يا رب. فرج الكرب يا رب يا رب اهلك المفسدين او اهدهم يا رب اهدنا يا رب اهد الشباب اهد البنات. اهد الرجال والنساء والاطفال يا رب - 00:41:03ضَ

يا رب هدوم مات حبيبك انقذنا. اغثنا يا رب. استخدمنا ولا تستبدلنا يا رب. يا رب يا رب احينا على سنته. وامتنا اعلى ملته واحشرنا في زمرته. برحمتك يا ارحم الراحمين - 00:41:21ضَ

اقول قولي هذا واستغفر الله لي ولكم. سبحانك اللهم وبحمدك اشهد ان لا اله الا انت استغفرك واتوب اليك. وبكرة ان شاء الله مع غزوة احد اقول قولي هذا واستغفر الله لي ولكم. السلام عليكم ورحمة الله وبركاته - 00:41:37ضَ

قالوا لينا ليه - 00:41:52ضَ