باحث

سنة الفين وخمسة اجتمع مية وخمسين ملك ورئيس دولة في الامم المتحدة عشان يعرفوا كلمة ارهاب بعد يومين انفض اجتماع الامم المتحدة دون تعريف لكلمة الارهاب وعملوا تصريح مضوا عليه جميعا بان هم ما عرفوش الارهاب - 00:00:06ضَ

لانه ما فيش احتياج لتعريف الارهاب. لان الناس كلها عارفاه يعني ايه ارهاب طبعا مش دي الحقيقة الحقيقة ان هم لو كانوا عرفوا الارهاب كان نصهم لازم يطلع على السجن - 00:00:31ضَ

الارهاب وقع فيه ناس كتير جدا لكن اخطر ما في الموضوع انه اكبر جريمة النهاردة هي الارهاب واكتر جريمة بيحذروا منها هي الارهاب وما فيش تعريف لها. لكن هناك تعريف واضح جدا عند خبراء القانون الدولي. وعند اساتزة العلوم السياسية - 00:00:44ضَ

قال لك يا سيدي الارهاب هو ايه مش قتل المدنيين لأ مجرد استهداف حتى لو ما حصلش قط يعني واحد استهدف ناس مدنيين وما قدرش يقتلهم. برضه هزا الاستهداف ارهاب. يبقى استهداف المدنيين برضه غلط. لان ممكن مدنيين - 00:01:09ضَ

وهدف مشروع ازا كانوا ميليشيات. يعني مدنيين مسلحين في بعض الاحيان هيبقوا هدف مشروع. ازا قال لك استهداف غير مقاتلين لو فرضنا واحد موت مراته ده مش ارهاب لان ما فيش اجندة سياسية. فقال لك يبقى استهداف غير المقاتلين لدفع اجندة سياسية. هو ده الارهاب - 00:01:30ضَ

خطورة الامر بقى ان الارهاب قام به افراد وقام به جماعات وقام به حكومات افراد مش مسلمين بس اللي شاركوا في الارهاب عندنا مثال صارخ جدا لفرد يهودي شارك في الارهاب وهو باروخ جولد ستيم اللي في التمانينات - 00:01:53ضَ

آآ قتل تسعة وتلاتين مسلم وهم ساجدين على الارض في الحرم الابراهيمي ده ارهاب هناك ايضا واحد مسيحي مشهور جدا وهو تيموثي ماكفاي. اللي في امريكا آآ عمل تفجيرات اوكلاهما اللي راح فيها حوالي الف ما بين قتيل وجريح - 00:02:15ضَ

في تفجيرات اوكلوم وده مسيحي وهناك ارهابيين مسلمين شاركوا في اعمال ارهابية كثيرة نعرفها كلنا. ازا الارهاب شارك فيه يهود وشارك فيه مسلمين شارك في مسيحيين وشارك في جماعات ومن اشهرهم - 00:02:39ضَ

آآ جماعة نمور التنميل ودي جماعة هندوسية في سيريلانكا هي اكثر الجماعات في العالم اللي قامت بعمليات انتحارية وعمليات تفجير. لكن اخطر بقى ما في الموضوع هو ارهاب الدولة. او ارهاب - 00:02:58ضَ

الحكومات ليه؟ لان الحكومات المفروض يكون عندها مسئولية اكثر من الافراد يعني ما لا يقبل من الافراد بالتأكيد لا يقبل من الحكومات طيب ما احنا لما نبص نلاقي القتل الممنهج القتل المستمر للشعب الفلسطيني وضرب غزة وضرب رام الله - 00:03:13ضَ

كل هذا هو عملية ارهاب منظمة يتعرض لها الشعب الفلسطيني من عشرات السنين. ده ارهاب لما نبص نلاقي ضرب هيروشيما ونجازاكي مدينتين يابانيتين يقصف بالقصد ومعروف انه الهدف هو قتل المدنيين - 00:03:35ضَ

الغير مسلحين اليابانيين حتى يوضع ضغط على الحكومة اليابانية وتسلم. طب ما هو ده ارهاب. لانه في اجندة سياسية. طب ضرب المدن الالمانية ايام الحرب العالمية التانية. ضرب لندن ايام الحرب العالمية التانية. يبقى الحكومات كانت بتضرب المدنيين من اجل - 00:03:54ضَ

لدفع اجندة سياسية للاسف الشديد هذه الحكومات ليست حكومات ذكية لانه عمر ما ضرب المدنيين جاب نتيجة يعني هنبص نلاقي مسلا انه قصفت المدن الالمانية عشان خاطر يحصل ثورة جوة المانيا ضد هتلر. كانت النتيجة ان الالمان تجمعوا اكثر حول هتلر - 00:04:14ضَ

وبرروا له الاعمال المجرمة التي كان يقوم بها والاعمال العنصرية التي كان يقوم بها بسبب الضرب اللي وقع عليهم احنا بقى الحقيقة يهمنا المفاهيم الخاطئة اللي ممكن تكون عند بعض الشباب اللي بيروج بيها لاعمال ارهابية. يعني مسلا - 00:04:38ضَ

انا متذكر كويس جدا لما كنت في احدى الدول الاوروبية وباتكلم عن آآ الموضوع ده وذكرت ان طبعا الاسلام لا يقر اللي حصل في حداشر سبتمبر ولا يقر اللي حصل في سبعة سبعة في آآ لندن ولا يقر اللي حصل في آآ حداشر آآ مارس في مدريد ما يقرش الحاجات دية - 00:04:58ضَ

اه وكان امام مئات من غير المسلمين وللاسف كان في مجموعة من المسلمين منهم ستة او سبعة وقفوا قلبوا الدنيا لما قلت هزا الكلام ورموا علي كراسي وبصقوا في الارض وعملوا مناظر مش ظريفة ابدا - 00:05:18ضَ

جه الامن بتاع القاعة طلعهم برضو انهم سيبوهم بعد ما عملوا كده الشكل هيبقى كزاب لو هم خرجوا وكأن انا باجمل الاسلام. قلت له لا لا لأ. ما دام عملوا كده لازم يشرحوا موقفهم - 00:05:32ضَ

تعال يا ابني انت وهو قل لي. هو انت ليه شايف ان انا غلطان هو الاسلام يقر الحاجات دي ؟ قال لي اه انت مرتد انا مرتد ليه ؟ قال لي ما تقراش قرآن. طب يا سيدي بس قل لي ايه اللي في القرآن بيقر هزا الكلام؟ - 00:05:43ضَ

قال لي احنا عندنا قانون ربنا. اللي بيقول وان عاقبتم فعاقبوا بمثل ما عوقبتم به يعني زي ما عملوا فيك اعمل فيهم وهم قتلوا مدنينا وقتلوا ابرياءنا في فلسطين في العراق في البوسنة في كشمير - 00:05:56ضَ

يبقى ازا يجوز لي ان انا اقتل مدنيينهم وابريائهم طالما الاية بتقول لي وان عاقبتم فعاقبوا بمثل ما عوقبتم به كويس بس انت عارف ان غير المسلمين ما قتلوش ابرياءنا بس - 00:06:20ضَ

دول كمان اغتصبوا نسائنا في البوسنة والهرسك مم هل ترى انك تقدر تغتصب نسائهم الاية بتقول لك اهو وان عاقبتم فعاقبوا بمثل ما عوقبتم به لأ ليه ؟ ما هو الاية بتقول لك يا ابني وان عاقبتم فعاقبوا بمثل ما عوقبتم يعني اصل الاغتصاب ده آآ يعني آآ فيه زنا. قلت له الله! طب ما هو القتل برضو - 00:06:35ضَ

حرام يعني هو قتل الابرياء هو اللي مش حرام والزنا هو اللي آآ حرام ما هو ده حرام وده حرام. افهم الاية الكريمة اللي بتقول وان عاقبتم فعاقبوا بمثل ما عوقبتم به - 00:07:00ضَ

بتتكلم عن حجم الانتقام نفسه. مش نوع الانتقام. يعني ايه؟ يعني بتوازي الاية آآ آآ اللي موجودة في آآ وبصيت المسلمين قلت لهم الموجود عندكم في الكتاب المقدس العين بالعين والسن بالسن وموجود عندنا ايضا في قرآن العين بالعين والسن بالسن والانف بالانف والاذن بالاذن - 00:07:12ضَ

يبقى ازا بتتكلم عن عين واحدة بعين واحدة عينين بعين سنة واحدة دي سنة واحدة. مش اتنين وتلاتين سنة بسنة واحدة. وان عاقبتم فعاقبوا بمثل ما عوقبتم به. بنفس قوة ما تتعداش حدودك ولكن حتى لو عدوك اغتصب نساء انت ما تغتصبش. ليه؟ لان انت مسلم - 00:07:32ضَ

حتى لو عدوك قتل الابرياء انت ما تقتلش ليه؟ لان انت مسلم ازا كان هو ليس عنده ما ينهاه انت عندك ما ينهاك انت عندك قرآنك انت عندك يبقى هنا اللي عايزين نقوله ان القرآن انتقد المسلمين لما احيانا بيعملوا حاجات زي غير المسلمين وقال انكم - 00:07:57ضَ

اذا مثلهم احنا مش هنعمل الحاجات دي احنا عندنا دينا وعندنا ما ينهانا. نيجي بقى لشبهة اخرى وهي ان يقال ان القرآن الكريم بيأمر بالارهاب علنا فعل امر. ازاي؟ قال لك اهو واعدوا لهم ما استطعتم - 00:08:18ضَ

من قوة ومن رباط الخيل ترهبون به عدو الله وعدوكم اهو ترهبون. يبقى كلمة الارهاب مأمور بها في القرآن الكريم. لأ عايزين نخلي بالنا من حاجة بقى اول حاجة في نوعين من الارهاب. ارهاب محمود وارهاب مذموم - 00:08:40ضَ

الارهاب المحمود هو اللي بيقوم به الناس اللي بتردع يعني آآ الزابط بوليس. شاف حرامي نازل على المواسير وسارق بؤجة فيها مجوهرات الناس السكان بتوع العمارة. هل بيقول له اتق الله - 00:08:57ضَ

هادي لك عشر دقايق تروح ترجع المسروقات دي عشان ما اخشش النار ولا بيستخدم معه الارهاب؟ يعني بيطلع المسدس يقول له ارفع ايدك فوق لو ما رفعتش ايدك فوق ووقفت انا هضرب في ارهاب. لكن ده ارهاب محمود - 00:09:15ضَ

الامر التاني هذه الاية تتكلم عن الردع يعني ايه يعني لو ربنا بيأمرني ان انا ارهب ناس معينة. يبقى لازم يقول لي هرهب مين. لكن لما الاية الكريمة تقول ترهبون به عدو الله وعدوكم واخرين - 00:09:30ضَ

من دونهم لا تعلمونهم الله يعلمهم. الله! طب انا هرهبهم ازاي وانا مش عارفهم اه يبقى دي معناها بقى ان انت لما يكون عندك جيش قوي هتردع اعدائك واعداء ربنا. وناس انت ما تعرفش ان هم كانوا بيعدوا العدة ان هم يعتدوا عليك. سيرتدعوا ولن - 00:09:48ضَ

اعتدوا عليك حتى لو انت مش عارفهم. وانا فاكر كويس جدا سنة الفين وتسعة رحت اديت محاضرة لمجموعة من الزباط الامريكان آآ من آآ الكلية العليا للاركان وبعد ما خلصنا المحاضرة ادوني الميدالية دي هدية لي - 00:10:11ضَ

من الناحية الميدالية مكتوب عليها اه ناشيونال وور كولاج. يعني الكلية العليا للاركان. من الناحية التانية شعار الكلية كلمة باللاتيني بتقول يعني من كان يريد السلام فليتجهز للحرب. يعني ايه - 00:10:28ضَ

يعني تعد العدة ويبقى عندك جيش قوي انت هتعيش في سلام ولن يعتدي عليك الناس. نيجي ايضا لشبهة من الشبهات اللي بتثار حول الاسلام هي ان الاسلام يعني آآ بيأمر بقتل الناس في اي مكان - 00:10:48ضَ

والحقيقة انا فاكر في الفين وتلاتة كنت في الجامعة الامريكية في واشنطن وجاء واحد آآ قس آآ انجيلي بيناظرني في هذا الامر فبدأ المناظرة كده قال لي احنا الحقيقة بيقلقنا جدا اننا نعيش مع ناس في نفس الدولة - 00:11:07ضَ

وكتابهم بيقول لهم علينا اقتلوهم حيث ثقفتموهم انتم ما نتوش مسلمين كويسين. انتم لو مسلمين كويسين وبتطبقوا القرآن كل واحد يمشي بمدفعين رشاش. عشان يقتلنا مطرح ما يشوفنا. اقتلوهم حيث ثقفتموهم - 00:11:24ضَ

انا الحقيقة خرجت الفلوس اللي في جيبي كلها كان حوالي ميت دولار وقلت انا هاديهم هدية للي يقدر يحل السؤال ده ازاي تجيب كلام فيه عنف اكتر من كده من كتاب طفل - 00:11:40ضَ

في الحضانة الناس كلها قالت ازاي ؟ قلت لهم لو استخدمتوا المقص السحري بتاع الدكتور بات. الدكتور بات اللي قاعد جنبي ده عنده مقص سحري بيقص به الكلام ويخرجه خارج السياق - 00:11:52ضَ

اقتلوهم حيث ثقفتموهم. طب ما تكمل الاية دي ده جزء صغير جدا من اية طويلة جدا اربع سطور عندنا واقتلوهم حيث ثقفتموهم. ادي اربع كلمات. كمل كمان اربع كلمات واخرجوهم من حيث اخرجوكم. الله! ده الاية دي نازلة لناس اخرجت من ديارها. ده الاية دي نازلة لناس احتلت احتلت - 00:12:04ضَ

ديارها في مكة ما بقولش انها ما بقتش سارية لحد النهاردة لأ لحد النهاردة اي حد تحتل دياره يحتل بلده يقاتل يحتل في اي مكان لكن السؤال بقى لدكتور بدر هو انت ليه ما كملتش الاية - 00:12:27ضَ

حاجة من اتنين يا اما عن قصد يا اما عن غير قصد يا اما عن قصد عشان تضلل الجمهور اللي قاعد قدامنا ده يا اما عن غير قصد عشان خاطر - 00:12:44ضَ

انت تجهل باقي الاية. يبقى انت حاجة من اتنين. يا مضلل يا جاهل رحت سايب الميكروفون وباصص له فوجهت انزار الناس كلها ناحيته مستنيين منه الاجابة. ها انت حضرتك مضلل ولا جاهل - 00:12:55ضَ

هي دي النقطة. الاسلام بيتعرض لهجمة شرسة جدا لابد ان احنا كلنا نقوم بواجبنا في الدفاع عن الاسلام ولكن قبل دافع عن الاسلام لازم احنا نفسنا نفهم الاسلام حتى لا نسيء اليه - 00:13:11ضَ