باحث

بسم الله الرحمن الرحيم هذا شخص يقول يتكفل بقريب له مأكلا ومشربا وايواء الى اخره سؤال هل عليه من صدقة اخرى كيقصد بالصدقة الصدقة التطوعية راه التطوع سميتو التطوع ولكن الا كيقصد بالزكاة الزكاة اذا اذا خرج داكشي اللي - 00:00:00ضَ

يعني حق الله المال راه خرجوا بحال مثلا هذا اللي يعني يأويه وكذا الى الى هو كيعطيه يعطيه الزكاة داكشي لي واجب عليه الزكاة يعطيلو كامل راه انتهى. ماشي يعني عاود يدير ديك الحيلة لي كيديروها بعض التجار مع الأسف انه كيدير واحد اه النوع من - 00:00:28ضَ

هنا وهنا ليفر من المقدار الحقيقي ديال الزكاة. نفرضو مطلوب منو يخرج مليون او جوج دلمليون ديال الزكا. كيتصدق هو بواحد اه عشرة دراهم هنا وعشرة دراهم هنا مجموع كلشي ميوصلشي خمسين الف فرنك. وهو حق الله عليه مليون. ما نقوليشي راه كيعاون خوه ولا - 00:00:45ضَ

هاديك حقوق الزكاة محسوبة. محسوبة بأنصبتها وبمقاديرها لا تبرأ ذمة المؤمن منها الا اذا اديت على والكمال ولي كيقصد الصدقة التطوعية بنادم قداش ما يعني طلق يدو في الخير راه ربي كيطلق يدو سبحانه وتعالى ايضا في الإنعاش - 00:01:05ضَ

عام والزيادة في الفضل الله يرزقنا اليقين هذا يسأل هل يبتدأ الحول فزكاة الدين البالغ البالغ النصاب يبتدأ الحول من حين قبضه ام يحسب قبل ذلك لا طبعا قبل ذلك يعني ما عندوش علاقة بالقبض ديال ديال الدين - 00:01:25ضَ

نعم الدين اذا كان دينا ميتا كما يعبر الفقهاء الدين جوج د الأحوال الدين الفلوس سلفتهم لواحد انت سلفتهم را انت لي تخرج الزكا فإذا سلفتهم لو وعندك امل يردهم لك زعما الرجل عندك فيه ثقة غادي يعطيك رزقك راه خصك تخرج الزكاة كل عام تخرج الزكا حتى يجي حتى يرجع عندك ذاك المال وها هو تيخرج كاع حتى يتصرف او تصرفوا - 00:01:46ضَ

لكن اذا يئست منه يعني اما نكرك بصراحة ما تخرج شي زكا او ما نكركش ولكن بقى اليوم غدا اليوم غدا او بان لك عملية بأن هاد السيد مباغيش يعطيك ديالك - 00:02:08ضَ

بان لك يعني عندك امارات انه ما باغيش راه كلاك ايضا متخرجش هداك كيسميوه الدين الميت هدا متخرجش عليه الزكا. لكن نهار ربما يهديه الله. كيمكن ينكرك قاع يقولك مكتسالنيش ولكن الهداية كاينة - 00:02:21ضَ

قل اعوذ بالله من الشيطان الرجيم. بعد عام عامين تلت سنين او عشر سنين. ويجيب لك رزقك العلماء قال لك قالوا تؤدي فيه زكاة عام واحد متأديش ديك عشر سنين كلها لا استخرج النزكة ديال عام - 00:02:35ضَ

لأن بحالا دابا عاد عاد جابو الله يعني كيديرو هاد الوسط اي والله اعلم على كل حال هذا سؤال حول حديث الرسول عليه الصلاة والسلام للرجل الذي دعا ربه في صلاته ولم يمجد الله ولم يصلي على النبي صلى الله عليه وسلم وامره - 00:02:50ضَ

فلذلك وهاد الكلام صحيح وذكر وكاين احاديث اخرى اللي كتساندو وكتقويه ايضا يقول السائل هاد الأدب في الدعاء يعني نطلب الله الإنسان كيطلب الله تعالى يبدا يبدا بتمجيد الله يعني يشكر الله ويحمدو ويمجدو يعني يعني الحمد لله والشكر لله كلشي من القدير لك الحمد كما ينبغي لجلال وجهك وعظيم سلطانك - 00:03:10ضَ

او ما شابه ذلك من التمجيد والتحميد والتسبيح ثم يبدأ الله تعالى ويحسن ان يختم دعاءه بالصلاة على رسول الله عليه الصلاة والسلام فهذا هو المقصود فهو كيسول هاد واش لازم يعني واش واجب؟ على كل مسلم في جميع الأحوال في السجود بعد الصلاة ليس لازما ولكنه اداب. اداب انما يعني بمعنى - 00:03:36ضَ

خصو يكون غالب يعني الإنسان اذا كيطلب الحاجة من الله عز وجل هو يتقدم بهاد الدعاء. لكن واحد المرة في في سجود ما او في صلاة ما لم يفعل ذلك - 00:03:56ضَ

كيف لا بأس ان شاء الله وان كان السجود لا يتصور لأن السجود بعدا راه مطلوب منك التسبيح تسبح ربك الأعلى فإذا فعلت فأنت مجدتها التسبيح ضرب من التمجيد والله اعلم على كل حال - 00:04:06ضَ

قضية التيمم للمسجد في الفجر افضل ان الانسان يغتسل مادام انه الوقت باقي ان شاء الله الرحمان الرحيم لأنه هارب ليه صلاة الجماعة الله عز وجل ان شاء الله يكتب له اجر الجماعة لأنه معذور اللهم الا اذا الشمس غادية تشرق هنا يتم - 00:04:19ضَ

لأنه ديك الساعة في العلم كيولي كيولي وقت الضرورة ماشي وقت الرفاهية الرفاهية وقت مرفه هاد الفقهاء يستعملوا يعني بأنه عندك الوقت مرتاح فوق الاختيار مرتاح مع راسك يعني غادي تغسل وتلبس وكدا - 00:04:37ضَ

فهاد الوقت هادا يعني وقتو الرفاهية هاد المصطلح هادا كاين يقصدو بيه الوقت اللي زعما نتا مطمئن فيه دير شغلك كامل وقت الرفاهية فهاد الوقت هادا من الأحسن انا افضل والله اعلم لأنه كاين خلاف فقهي معروف قديم ولكن مرجح ان بنادم يمشي يغتسل - 00:04:58ضَ

ما يصليشاي بالتيموم بهاد الحالة. قلت اللهم الا اذا الشمس غادية تشرق. هذا وقت الضرورة وقت الضرورة تما بنادم يتيمم ديك الساعة فعلا متشرقشاي عليه الشمش بإذن الله والله اعلم انا ما هادشي اللي بان ليا فهاد اللحظة - 00:05:16ضَ

يعني هذا شخص يعني يغالب الحرام ويغالبه الحرام يعني في مرحلة الشباب يعني لم يتزوج بعد يعني اوصي نفسي اولا واوصيه بذكر الله لانه فعلا الظروف الحالية ظروف شديدة لأنه الفساد يعرض نفسه عرضا - 00:05:38ضَ

الآن في المجتمع يعني شيء صعب جدا. ولكن سهل على من سهله الله عليه. الدواء الناجع هو الذكر الدائم الله تعالى بنادم الى داوم على قراءة القرآن يوميا النهار اللي ما يقراش فيه القرآن اكثر من الذكر - 00:05:59ضَ

راه معرض للخطر لأن القلب كتكون فيه غفلة. اذا صلى الفجر مع المسلمين فذلك اليوم عندو مضمون عندو ديال داك النهار. من صلى الفجر فهو في ذمة الله حتى سيمسي مضمون - 00:06:16ضَ

فلذلك سبحان الله العظيم بنادم ياخدو بالأسباب وحتى ولو فتن في الشارع مكتوصلش ديك الفتنة لدرجة ديال انه تهرس لو الدين ديالو فخطرة وربي كريم سبحانه وتعالى قال يدعي ان عيسى عليه السلام مات وان في نزوله في اخر الزمان الى الارض - 00:06:31ضَ

ويستدل بهذه الآية من سورة المائدة ما دمت فيهم فلما توفيتني كنت انت الرقيب عليه يعني لا دلالته او لا دلالة للآية على الموت فرق بين الوفاة وبين الموت من زمان نتكلم شي غير يقرا هذا الذي عنده هذه الاشكال يمشي يقرا كتب التفسير قبل ما - 00:06:58ضَ

لأن شحال من واحد عندو الزعامة استغفر الله العظيم انا كتوقع لي شخصيا كنمشي نقرا شي اية وكتجيني واحد الفهامة. كنقول صافي را هو هداك ملي كنمشي للتفسير كنلقى راني غالط - 00:07:16ضَ

بالمعقول لأنه كتكون بعض الأحيان غير شي عبارة نتا ما رديتلهاش البال بنادم لي يخدم غي عقلو بوحدو فيه الكبر ميتيقش بنادم فعقلو الثقة الكاملة فهاد التفسير فسر بعقول عبر التاريخ وكاينة اثار واحاديث صحاح وماتجاوبش هاداكشي - 00:07:27ضَ

ثم يعني العربية ضاعت في المجتمع هي العربية؟ ابدا العربية الفصيحة الحقيقية ضاعت الآن ادباء ادباء يعني الناس اللي اشتغلوا ادباء يلحنون ماكيعرفوش يكتبوا بالعربية الحقيقية ويستعملوا الألفاظ وعبارات على عكس المقصود بها تماما - 00:07:47ضَ

من واحد العدد ديال العبارات تحررت المعنى ديالها. كثير كثير كثير جدا كيستعملوها الناس يعني بشكل الآن والمقصود ديالها العكس الآن مثلا غير عبارة من العبارات كثير زعما غي مبغيتش نفتح هاد المجال الآن ماشي موضوعو هذا. يستعملو في سير الطرح. طرح فكرة وطرح فكرة في العربية القديمة هي حيدها - 00:08:06ضَ

الطرح الإبطال كيقصد بها العكس شوف يعني المقلوب تماما هو واحد العدد وهادي قمت بالاستقراء لواحد العدد ديال العبارات تحرر في المعنى ديالها ماشي غي التعوج كاين اللي كيتعوج كاين اللي - 00:08:26ضَ

تقلب رأسا على عقب يعني من البيض الكحل ومن الكحل لبيض فخطرة فلذلك عمر الانسان ما يتيق في المعجم اللغوي ديالو حتى ولو كان متمكنا رجع لكتب التفسير واستشر استشر مع التفسير غي شاورو - 00:08:41ضَ

الوفاة هنا تحدث عنه مسلم بمعنى والوفاة في اللغة ماشي هي الموت يعني الوفاة هو التمام كمل شتي من التوفية فالله عز وجل توفاه اي اكمل اجله في الارض انتهى - 00:08:55ضَ

وخدم الايات الاخرى ديال التفسير الموضوعي بل رفعه الله اليه وغير ذلك كثير السنة تواترت ماشي غي صحيحة. تواترت بنزول المسيح عليه السلام بين يدي الساعة - 00:09:12ضَ