باحث

السلام عليكم ورحمة الله وبركاته. بسم الله والصلاة والسلام على رسول الله. اخواني واخواتي في الله. لما سيدنا محمد اشتغل مع سيدنا السيدة خديجة بقى راجل اعمال وخد فلوس واتجوز ولكن لما اشتغل مع ربنا سبحانه وتعالى رفعه لسدرة المنتهى. رفعه لحجاب النور - 00:00:00ضَ

ادى له مقام الشفاعة العظمى. ادى له نهر الكوثر. اول من ينشق عنه قبره. اول من يدخل الجنة. دخل مليارات بسببه الجنة. لما سيدنا موسى اشتغل مع ابو الفتاتين جوزه بنته وادا له قوته عشر سنوات. ولكن لما اشتغل مع ربنا شق له البحر الاحمر. قال له انا - 00:00:30ضَ

قال له ولتصنع على عيني خلاه من اول العزم من الرسل ياه يا جماعة احنا مشغولين عن ربنا بايه؟ اللي بيشتغل مع ربنا ربنا بيدي له طوفان عطاءات. طوفان فتوحات. طوفان نفحات. بتخلي اللي يشوف العلاقة ما بين الصالحين. وما بين الله يقول - 00:00:50ضَ

اقبلنا يا رب. اقبلنا جنود عندك يا رب. ففتحنا ابواب السماء. ففتحنا ابواب السماء. هو ده. المعنى اللي احنا عايزين ندور حواليه النهاردة يا جماعة. شركة جوجل لو قلت لك انها الشهر اللي فاتت ادت لكل مدير فيها ميت الف جنيه مكافأة هتزعلي هتزعل انت مش - 00:01:10ضَ

هل عندها اللي شغال عندها هو اللي هيزعل. يا جماعة اللي شغال عند ربنا ياما هيشوف. اللي شغال عند ربنا ياما هياخد زاهدين في ربنا ليه الدين في عطاءاته ليه؟ زاهدين في فتوحاته ليه؟ ففتحنا ابواب السماء. تعالوا نعيش مع جنة قول الله. ففتحنا ابواب السماء - 00:01:30ضَ

ففتحنا ابواب السماء. الدرس بتاع النهاردة يا جماعة هدفه الابهار بعلاقة الصالحين بالله. هدفه ان احنا لما نشوف العلاقة المهولة اللي بين الصالحين وبين ربنا والعطاءات المنهمرة عليهم. كلنا نقول اقبلنا يا رب وانا يا رب. وانا كمان يا رب عايز العلاقة دي يا رب. درس النهاردة - 00:01:50ضَ

مش عن عطاءات الله. خدوا بالكم درس النهاردة عن انهمار عطاءات الله. عن طوفان العطاءات اللي لو اقبلت على الله عن طوفان النفحات اللي ربنا بيديه للي بيعيش عشان ربنا وبيقبل عليه بكليته. يا اخوانا ربنا عامل الصالحين - 00:02:20ضَ

اكرم ما الملوك عامله ولادهم والله. يا جماعة ربنا ادى للصالحين من خزاينه اكتر من اللي الملوك والمليارديرات طلعوهم من خزاينهم قول تاريخ البشرية من ادم ليوم القيامة. يا اخوانا ازا كان ربنا ادى للمليارديرات فلوس. وادى لاصحاب لرجال الاعمال شركات. وادى للملوك - 00:02:40ضَ

ربنا ادى الاولياء ما لا يتخيل احد ولا يتصور احد. النهاردة الايات بتاعة النهاردة مش وعود انتخابية. الايات بتاعة النهاردة وانما توعدون لصادق وان لصادقون. الايات بتاعة النهاردة وعود من الله. للي هيعيش عشانه وهيقبل عليه. وهيعيش به - 00:03:00ضَ

تلاقي ربنا هيدي له ايه؟ تعالوا نشوف الوعود. الوعد الاول يرسل السماء عليكم مدرارا يرسل السماء. مش يرسل المطر يا جماعة. المطر لو كان مطر بس. السماء دي اللي بينزل منها المطر. وبينزل منها الملايكة. وبينزل منها اجابة الدعاء - 00:03:20ضَ

وبينزل منها عطاءات الخزائن. وبينزل منها فرج ربنا. وبينزل منها. السماء يرسل السماء. كأن كان فيه مليون عطاء وعطاء الزنوب حجباه لما استغفرنا ربنا وان استغفروا ربكم ثم توبوا اليه. يرسل السماء عليكم مدرارا. كلمة تفتح الامل في القلب للحياة - 00:03:40ضَ

استغفروا الشيخ احمد شاكر. صحح في مسند الامام احمد حديس النبي صلى الله عليه وسلم. من لزم الاستغفار. من لزم الاستغفار جعل الله له من كل هم فرجا. ومن كل ضيق مخرجا. ورزقه من حيث لا يحتسب. يرسل السماء عليكم - 00:04:00ضَ

مدرارا. تخيلوا كده يرسل مجزومة استغفره يرسل. يعني هتستغفري يقين. يقين جازم ربنا هيفتح عليك السماء عليكم مخصوص مدرارا عطاءات منهمرة. لا تتوقف ابدا ابدا زي ما ربنا قال في سورة نوح. استغفروا فقل - 00:04:20ضَ

استغفروا ربكم انه كان غفارا. يرسل السماء عليكم مدرارا. مجزوما. يمددكم باموال مجزومة. يجعل لكم جنات مجزومة. يجعل لكم انهار يقين الوعد الثاني سحاء الليل والنهار. يعني ايه سحاء الليل والنهار؟ ده وصف يمين الله. ده - 00:04:40ضَ

وصف يد الله والعطاءات منهمرة منها. على عباده الصالحين. السحر يا اخوانا هو الصب الدائم. يعني ربنا بيصب بالخير صب لا ينقطع والمعنى التاني للسحر السيل الساحية السيل الشديدة القوية جدا جدا. يعني ربنا لما بينزل الخير على عباده بينزل - 00:05:00ضَ

طوفان وفيضان عطاءات. المعنى التالت ان السير لما بينزل مين اللي يقدر يرده. لو السما شتا دلوقتي حد يقدر يرجع المطر. مين اللي يقدر لو ربنا نزل عليك ان هو يردها عنك. مين اللي يقدر يمنع عنك فتح ربنا لو اقبلت على الله. مين اللي يقدر يمنع عنك عطاء ربنا لو عشت عشان الله - 00:05:20ضَ

سحاء الليل والنهار. طب العطاءات دي كلها لمين يا رب؟ العطاءات ديت للمليارديرات ولا للملوك؟ العطاءات دي لمين؟ انا لو دخلي عشر تلاف جنيه في الشهر تسعين في المية من دخلي هيروح فين ؟ لولادي لحبايبي لزوجتي لبيتي. معزم عطاءات الله لاولياءه يا جماعة. اللي خرج من خزاين ربنا عشان - 00:05:40ضَ

الصالحين اعظم مليارات المرات من اللي خرج من خزاين ربنا عشان عموم الخلق يا اخوانا. عايزين نصدق ربنا. عايزين نعرف لو الزنوب راحت قد ايه هتنهمر علينا عطاءات الله. الوعد الثالث لفتحنا عليهم بركات - 00:06:00ضَ

الى السماء والارض لفتحنا ما فيش فتح غير بعد اغلاق. يعني معناها الناس كلها تبقى مقفلة عليها. الناس كلها تبقى عايشة في ضنك. البنات كلها تبقى بتشتكي من العنوسة. الشباب كلهم بيبقوا مش لاقيين - 00:06:20ضَ

شغل وانت ربنا فاتح عليك. وانت ربنا فاتح لك وفاتح لك وفاتح لك. وبينهمر عليك العطاءات. يا اخوانا لفتحنا عليك عليهم دي انتم عارفين لما يكون السوق كاسد وراكد وفي محل في وسط السوق بيبيع مش ملاحق على البيع وعلى الشرا مش والكل قاعد يبص - 00:06:34ضَ

واشمعنى ده! اهي لفتحنا عليهم مخصوص. يبقى الدنيا كلها مقفلة بس مفتوحة لك انت. الدنيا كلها ضلمة بس نور عليك انت الدنيا كلها كروهات بس بمبي معك انت. لفتحنا عليهم بركات. عارفين يعني ايه يا جماعة بركات؟ بركات يعني الخير المتاب - 00:06:54ضَ

اللي مش عايز يسيبك. يقول لك برك البعير. برك مش راضي يقوم. مهما يتزق ما بيقومش. بركات يا جماعة يعني الخير لو حاولت تشيله من حياتك شد شد. حياتك هتتملى خير. والبركة يعني الخير الفائض. اللي انت تقولي خلاص يا رب. هودي فين ولا فين يا رب؟ الناس تبقى محرومة - 00:07:14ضَ

انت بتتفجر انهار العطاءات في حياتك. مخدرة لك حياتك. ومخدرة لك قلبك. ومخلية الناس حزينة ومهمومة وانت سعيدة وانت طاير وانت فرحان. ليه؟ لفتحنا عليهم بركات. الرزق كتير ولكن فين البركة؟ من السماء - 00:07:34ضَ

ايها الارض يبقى الصالحين مش ملاحقين من السما ومن الارض. الوعد الرابع يا مريم انها لك الكلمة دي كلمة سيدنا زكريا يا جماعة. اول حاجة بتبهرني في الاية دهيت انبهار سيدنا زكريا نفسه. سيدنا زكريا مش واحد زينا يا اخوانا. مش واحد بيحاول يقرب - 00:07:54ضَ

من ربنا وزنوبه بتغلبه. سيدنا زكريا ده نبي. سيدنا زكريا ده يا ما شاف. سيدنا زكريا ده ياما ربنا عامله بالعطاءات. لما سيدنا زكريا يقف مبهور يقول لها ان لك هذا يبقى هو شاف ايه؟ يبقى سيدنا السيدة مريم ربنا اداها ايه؟ الحاجة التانية المبهرة في الاية ان الانهمار العطاءات هنا - 00:08:14ضَ

بس في فاكهة واكل ودنيا انيمار العطاءات كان على قلب مريم. سيدنا زكريا كان بينبهر لما يدخل يكلمها. انت جبتي العلم ده منين؟ انت جبتي الانوار دي منين انت جبتي المعاني دي منين ؟ يا مريم انى لك هزا ؟ انت بتتكلمي عن ربنا كده ازاي ؟ انت بتتكلمي عن الكون وخلق الله. انت بتتكلمي - 00:08:34ضَ

اسماء الله الحسنى كده ازاي ؟ انت مين اللي علمك ده يا مريم ده انا المربي بتاعك. انا المعلم بتاعك يا مريم. انت جبتي الكلام اللي انا ما سمعتوش انا نفسي قبل كده - 00:08:54ضَ

ازاي ؟ يا مريم انا لك هذا؟ يعني القرطبي يقول في قول الله سبحانه وتعالى يشرح صدره للاسلام بيقول وهذا عطاء لا حدود له. يعني ايه ؟ يعني فتح الله على القلوب ما لوش حدود يا جماعة. ان تجعل القرآن العظيم - 00:09:04ضَ

ربيع قلبي يعني مطر منهمر اربعة وعشرين ساعة على القلب. قاعد يخدر القلب ويخلي القلب جنة. ايه ده يا جماعة! ايه العطاءات دي ايه الفتوحات دي ايه؟ ايه النفحات دي؟ الوعد الخامس. ففتحنا ابواب السماء. الشعار بقى اللي احنا مسمينه - 00:09:23ضَ

حلقة به ففتحنا ابواب السماء. طب هو الاية دي جت في طوفان نوح؟ لأ سانية واحدة يا جماعة. ما هو فتح ابواب السماء هنا كان العزاب على اقوام وكان نعيم لاقوام. كان نعيم لنوح ومن معه. وكان عزاب على الزالمين. ففتحنا ابواب. انا عايزك تدوقها بقلبك. انا عايزك تغمضي - 00:09:43ضَ

وتحسي بالاية دي في قلبك. ففتحنا ابواب السماء. انا اللي بيبهرني في الاية كلمة ابواب. ان السما لها ابواب. وباتخيل ورا كل باب مجموعة من العطاءات والفتوحات مهولة غير الباب التاني. ولما الابواب كلها اتفتحت مرة واحدة. لما ربنا بيفتح لك الابواب كلها زي يوم القيامة - 00:10:03ضَ

لما ربنا يفتح ابواب الجنة كلها مرة واحدة. والمؤمنين يبصوا مزهولين للابواب للجنات دي والجنات دي والجنات دي ففتحنا ابواب السماء. مازا لو فتح لنا الله؟ مازا لو فتح لك الله؟ لو ربنا فتح علينا يا اخواننا هتبقى ايه - 00:10:23ضَ

ادي الخامس ففتحنا ابواب السماء. لحد دلوقتي واخدين خمس وعود من وعود انهمار عطاءات الله على الصالحين. لحد الوقتي خدنا الوعد اول يرسل السماء عليكم مدرارا. الوعد التاني سحاء الليل والنهار. الوعد التالت - 00:10:43ضَ

يا مريم ان لك هذا. الوعد الرابع لفتحنا عليهم بركات من السماء والارض بعد الخامس ففتحنا ابواب السماء. وعود من ربنا يا جماعة. الوعود دي تمنها ايه؟ انا مش عارف اخلص الوعود - 00:11:03ضَ

انا مش عارف انا لسه عندي وعود من الله سبحانه وتعالى زي اللي احنا قلناه دهوت. مش عارف اخلص وعود ربنا بانهمار العطاءات. الوعود ديت تمنها ايه احد السلف كان قاعد يذكر الله. فجه واحد قعد يكلمه قال له اذكر الله. الراجل قعد شوية وبعد كده بيكلمه تاني. قال له اذكر الله. شوية والناس جت - 00:11:23ضَ

اقعد معه فقام وهو يضرب كفا بكف ويقول كل الناس زاهدون فيك يا رب. ما حدش عارف اللي بيقبل عليك بياخد ايه ؟ ما حدش عارف يا رب انت بتدي ايه للي بيشتغل عندك وبيعاملك بالعبادة وبالدعوة وبالجهد - 00:11:43ضَ

تضحية يا رب. طيب عايزين يا جماعة لان غالبا انا مش هعرف اخلص في الحلقة دهيت انهمار عطاءات الله على الصالحين. والمعنى ده بالزات مقصر في قلبي اوي مش عطاءات الله. انهمار - 00:12:03ضَ

ففتحنا ابواب انك تلاقي الف باب اتفتح. فجأة باب الرزق اتفتح. وباب الصحة اتفتح. وباب حب الناس اتفتح. وقلوب الناس اتفتحت لك طب الاستعمال في الدعوة اتفتح وباب المناجاة في قيام الليل اتفتح وابواب الجنة اتفتحت وباب اجابة الدعاء ربنا بقى بيستجيب دعائك وباب الرؤى. ربنا - 00:12:16ضَ

بقى بيوريك رؤى صادقة تتحقق زي فلق الشمس وباب الفهم اتفتح وباب العلاقة بالقرآن اتفتح وباب العزيمة اتفتح ففتحناه ابواب السماء. لما ابواب السماء بتتفتح على عبد من عباد الله. طب واحنا يا رب؟ عايزين يا رب عايزين العطاءات دي. طب نعمل ايه - 00:12:36ضَ

ناخدها ازاي ؟ احنا مش زاهدين فيك يا رب. طب ناخد روشتة انهار العطاءات. الدواء الاول لانهمار العطاءات. من الاستغفار حديس في مسند الامام احمد زي ما قلت لكم صححه الشيخ احمد شاكر رحمه الله. من لزم الاستغفار لزم يعني بقى شيء لازم ملازم له - 00:12:56ضَ

لازم يعني الزم نفسه به. من لزم الاستغفار ليل نهار. جاء وله ورد سابت الاستغفار جعل الله له من كل هم فرجا. ومن كل ضيق مخرجا. ورزقه من حيث في حيث لا يحتسب. يبقى اول سبب من اسباب انهيار العطاءات الاستغفار. كسرة الاستغفار. السبب التاني يا جماعة الدعوة الى الله انك - 00:13:16ضَ

عند ربنا انك ما فيش حاجة هتديها لدين ربنا. وربنا مش هيديك اضعافها. ما فيش فلوس هتطلع من جيبك للدعوة. وربنا مش هيديك اضعاف اضعافها ما فيش وقت هتديه لربنا. وربنا مش هيبارك لك به في عمرك. ما فيش جهد هتبزله لربنا. وربنا مش هيفتح عليك في حياتك به - 00:13:43ضَ

كل يا اخواننا اللي شغالين مع بتروجيت هم اللي بياخدوا عطاءات بتروجيت. واللي شغالين مع ربنا هم اللي بياخدوا عطاءات ربنا. اللي شغالين جنود في دعوة ربنا هم اللي بياخدوا عطاءات ربنا. الدواء التالت من الروشتة. الدواء التالت الدعاء يا جماعة. الدعاء. الدعاء بيؤدي الى انهمار العطاءات. الدعاء يعني كلمة - 00:14:03ضَ

جميلة قوي انا واخ لي حبيبي كده بنتصاحب في الدعاء احيانا. فنقول لبعض يلا نغترف من خزائن الله. يلا نقعد نص ساعة اقترف من الخزائن. يلا يلا يا عم ده فرصة عمرنا. اللي عايز شقة في المساكن الشعبية يا جماعة بيروح يقدم. اول ما الاعلام بيتفتح يقولوا له اه - 00:14:23ضَ

رح هات لنا بطاقة كمبيوتر وشهادة ميلادك. وميلاد والدك ووالدتك وسجل عائلي بالجدود يجيبها. يقولوا لها استنى بقى احنا عايزين كمان تجيب لنا من الشئون الاجتماعية انك محتاج. يجيبها. لأ استنى بقى رح بقى مجمع التحرير ورح خمسين مصلحة. هات لنا ورق انك انت ما عندكش شقة. ما عندكش شقة اصلا - 00:14:43ضَ

في الحياة يجيبها يقولوا له استنى بقى. انت ان شاء الله بازن الله سعيد الحظ معنا. هو فيه بس هم متين وحدة سكنية وان شاء الله ما مش هيتبنوا. ده احنا - 00:15:04ضَ

حددنا الارض وفي خلال ان شاء الله عشرة خمستاشر سنة هيتبنوا. ومقدم معك حوالي عشرين الف شاب زيك. ان شاء الله بازن الله هنعمل قرعة بعد عشر سنين لما تتبنى الوحدات وان شاء الله تكون سعيد الحظ معنا. فيه واحد قدم في شقة من شقق المساكن. كبر واتجوز وعياله دلوقتي عرايس ولسه ما خدهاش - 00:15:14ضَ

ده ده يا اخوانا اللي واقف على باب مخلوق عشان ياخد شقة. انت تقفي على باب ربنا قد ايه ؟ يا جماعة عشان ربنا يدينا عايزين دعاء حقيقي. عايزين دعاء يدق ابواب السماء. عايزين دعاء يدق اركان العرش. عايزين دعاء تنفتح له ابواب الخزائن. عايزين دعاء تنفتح له - 00:15:34ضَ

ابواب السماء الدعاء يا جماعة. يبقى خدنا تلات ادوية في روشتة انهمار العطاءات. الاستغفار والدعوة الى الله والكلام عن والدعاء والتوسل. تقدروا تطبقوا ده الليلة؟ تقدروا تطبقوا الروشتة ديت دلوقتي لحد ما نكمل مع بعض بازن الله. في الشعار - 00:15:54ضَ

العظيم ده في الحياة الجميلة قوي مع ربنا ده ايه! فيه انهار في العلاقة المبهرة اللي ما بين ربنا وما بين الصالحين. لحد ما لسة يا جماعة في ظلال جنة ففتحنا ابواب السماء. هنعيش حلقة كمان بازن الله سبحانه وتعالى. مع عطاءات - 00:16:14ضَ

المنهمر على الصالحين. اللهم يا اكرم اللهم اكرمنا يا اكرم. اللهم افتح علينا بركات من السماء والارض. اللهم افتح لنا ابواب ابواب السماوات بالخيرات والنفحات والفتوحات. اللهم اكرمنا كما اكرمت عبادك الصالحين. اللهم اعمر قلوبنا بما عمرت - 00:16:34ضَ

قلوب الصديقين. اللهم اكرمنا بما اكرمت به اوليائك المؤمنين. يا رب. طمعانين في خيرك. طمعانين في كرم طمعانين في فتحك. طمعانين في نصرك. طمعانين عشمانين في خيرك يا رب. افتح علينا يا رب. افتح - 00:16:54ضَ

علينا ايدنا انصرنا اكرمنا يا اكرم. اكرمنا يا اكرم اكرمنا يا اكرم. برحمتك يا ارحم الراحمين سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا. وكيف احب - 00:17:14ضَ

وليس سواه في الاكوان - 00:17:34ضَ