باحث

السلام عليكم ورحمة الله وبركاته. اهلا بحضراتكم في المقطع رقم مية واحد واربعين من مقاطع حظر التجول والمقطع رقم تمانية من مقاطع سورة غافر افتح المصحف معي ما زلنا في قصة مؤمن ال فرعون الذي كان يكتم ايمانه اتقاء لاذى الكفار - 00:00:00ضَ

ولكنه اضطر انه يتدخل ويتكلم لما رأى الاصوات المطالبة بالعنف والقتل بترتفع حاول يوقظ ضميرهم وقال لهم اتقتلون رجلا ان يقول ربي الله؟ يعني عايزين تستخدموا العنف والقتل ضد الفكر؟ الراجل بيقول بيقول - 00:00:27ضَ

بعد كده خوفهم بعذاب ربنا وانه اذا جاء عذاب الله وبأس الله ما حدش هينجده فقال آآ اعوذ بالله السميع العليم من الشيطان الرجيم يا قومي لكم الملك اليوم ظاهرين في الارض. انتم النهاردة ماسكين - 00:00:47ضَ

فمن ينصرنا من بأس الله ان جاءنا. بعد كده بدأ يذكرهم بيوم البعث. يعني بعد ما قال لهم طب لو عزاب ربنا جه مين اللي هيقف معنا بدأ يذكرهم بيوم البعث. اقرا معي الاية تلاتين - 00:01:05ضَ

هنقرا تلاتين لغاية تلاتة وتلاتين وقال الذي امن يا قومي اني اخاف عليكم مثل يوم الاحزاب مثل دأب قوم نوح وعاد وثمود والذين من بعدهم. وما الله يريد ظلما للعباد. بدأ يفكرهم - 00:01:20ضَ

آآ آآ العذاب اللي نزل بالاقوام البائدة. ويا قومي اني اخاف عليكم يوم التنادل هو يوم القيامة. فبدأ يفكرهم بالبعث يوم تولون مدبرين ما لكم من الله من عاصم. ومن يضلل الله فما له من هاد - 00:01:38ضَ

النهاردة هنشوف بقى انه بيحاول انه يقنعهم وبيشرح لهم مفهوم الاسلام لحقيقة الدنيا وقيمة الدنيا الحقيقية مقارنة بالاخرة بطريقة لا تدع مجالا للشك ان هذا الرجل فعلا على دين موسى. يعني هو الطريقة اللي هيتكلم بها النهاردة خلاص كده هو اعلن رسمي ان هو على دين - 00:01:57ضَ

وانه بيدعوهم رسمي لترك دينهم والدخول في دينه وده اللي كان فرعون خايف ان موسى عليه الصلاة والسلام هو اللي يعمله عملوا راجل تاني بقى من قومه. اقرا اقرا معي الاية ستة وعشرين. ارجعوا كده الاية ستة وعشرين كده. خدناها من تلات تيام - 00:02:22ضَ

وقال وقال فرعون ذروني اقتل موسى وليدعو ربه خلي ربه ينفعه اني اخاف ان يبدل دينكم او ان يظهر في الارض الفساد هو فرعون قال لهم انا خايف ان هو يكفركم ويدعوكم لترك دينكم وده اللي بيعمله الراجل النهاردة اللي هو مؤمن ال فرعون - 00:02:39ضَ

او ان يظهر في الارض الفساد يعني خوفهم من الفوضى. قال له انتم لو مشيتوا ورا موسى هتحصل فوضى في البلد النهاردة رجل من العائلة المالكة اللي هو من ال فرعون ده مش من قوم فرعون ده من ال فرعون - 00:03:01ضَ

هو اللي بيدعو المصريين انهم يبدلوا دينهم اللي هو كان فرعون خايف ان موسى اللي يعمله. اقرا معي في الاية تمانية وتلاتين وقال الذي امن يا قومي اتبعوني اهدكم سبيل الرشاد - 00:03:15ضَ

خلاص جابها كده على بلاطة. يا قومي اتبعوني بيقول لهم اتبعوني انا اهدكم سبيل الرشاد ده بيتحدث فرعون بالكلام ده. ليه بقى؟ هو سبيل الرشاد ده بتاع مين؟ ده بتاع فرعون المفروض. ارجع لتسعة وعشرين - 00:03:32ضَ

ارجع بسرعة الاية تسعة وعشرين. قال فرعون ما اريكم الا ما ارى. وما اهديكم الا سبيل الرشاد. يبقى فرعون هو اللي بيهديه لسبيل الرشاد في تمانية وتلاتين الراجل بيتحدى فرعون في وجوده وبيكلم نفس الناس اللي فرعون وبيكلمهم بيقول لهم وقال الذي امن يا قومي اتبعوني - 00:03:47ضَ

اهدكم سبيل الرشاد. سبيل الرشاد عندي انا. مش عند فرعون فده مؤمن عادي ما هواش نبي لكن واقف وبيقول للناس سبيل الرشاد في اتباعي انا. مش في اتباع فرعون. سبيل الرشاد في التوحيد مش في عبادة الاصنام. سبيل الرشد - 00:04:07ضَ

في العدل مش في الزلم فاصبح الناس دلوقتي بين نارين فرعون بقوته وسلطته وتخويفه لهم من الفوضى لانه قال لهم اني اخاف ان يبدل دينكم او ان يظهر في الارض الفساد. ففي ناس خايفة انها تتبع الحق اللي هم شايفينه يحصل فوضى في البلد - 00:04:21ضَ

انا خايف يكفركم او يسبب لكم فوضى في البلد. من الناحية التانية هم من ناحية مؤمن ال فرعون كلامه مقنع جدا لكن الكبر بيمنعهم من التخلي عن الباطل اللي هم عليه ابا عن جد. واعتناق الحق. ما هو الكبر. يعني - 00:04:42ضَ

كلها عمالة تربط الجدال بالباطل لدحض الحق بالكبر. سبب الجدال بالباطل هو الكبر فاصبح لازم مؤمن ال فرعون يغير اسلوبه معهم ويتبع اسلوب مختلف دلوقتي. وهنشوفه دلوقتي ابتداء من الاية تسعة وتلاتين. وهو تهوين الدنيا وتعظيم الاخرة - 00:05:00ضَ

عشان يحول ما هو ايه اللي بيخلي الناس ممكن آآ تقبل على الاسلام اكتر في افريقيا مسلا هو ان الناس هناك الدنيا بالنسبة لها هينة. هو مش يعني كل ما انت هونت الدنيا في نزر الانسان كل ما اصبح القرار بتاعه - 00:05:22ضَ

انما كل ما كان انسان غني او مشهور او كبير او عظيم او او عنده بيزنس كبير. كل ما كان بدأ يفكر لو هو اتبع الحق واعتنق الاسلام ايه تأثير ده على شغله وعلى مستقبله وعلى وعلى فالحال هنا تهون الدنيا عند هذا الانسان. بصوا في تسعة وتلاتين بيقول لهم ايه؟ اقروا معي الاية تسعة وتلاتين - 00:05:40ضَ

يا قومي انما هذه الحياة الدنيا متاع وان الدار وان الاخرة هي دار القرار يا قومي يا اهلي يا ناسي يا احبابي الحياة الدنيا دي انها انما هذه الحياة الدنيا - 00:06:05ضَ

متاع يعني كل المتع اللي فيها كل الفلوس والثروات اللي فيها كل الفوايد اللي بتستفيدوها منها دي ليست الا متاع. يعني ايه متاع متاه يعني متع بتستخدم الى اجل وتنتهي - 00:06:27ضَ

وعند موعد محدد ستنتهي هذه المتعة اللي هو الموت. بالموت ستؤول كل املاكك لورثتك. فانت مسلا عندك بيت كبير وعندك عربية حلوة اوي. وعندك فلوس في البنك دي متع ستنتهي بانتهائك انت - 00:06:43ضَ

انما هذه الحياة الدنيا متاع وان الاخرة هي دار القرار. يعني هي المستقر هي المكان اللي فيه متع مؤبدة وليست متع مؤقتة يقرا معي اربعين بيكمل هو لسه عمال يشرح لهم المفهوم الاسلامي - 00:06:59ضَ

من عمل سيئة فلا يجزى الا مثلها. ومن عمل صالحا من ذكر او انثى وهو مؤمن فاولئك يدخلون الجنة يرزقون فيها بغير حساب بيشرح لهم كرم ربنا. وان السيئة في الدنيا عقوبتها في الاخرة هي عقوبة سيئة واحدة - 00:07:19ضَ

بيشحنوا قد ايه ربنا كريم بينما العمل الصالح جزاؤه اكبر بكتير من هذا العمل ازا الواحد عمل صالح. ازا الواحد دفع جنيه واحد باخلاص. جزاؤه نعيم في الجنة بدون حساب. هدفع جنيه اخد نعيم بدون حساب؟ ايوة - 00:07:42ضَ

ربنا بيكافئك على الاخلاص مش على الجنيه كل ده تعظيم لامر الاخرة وبعدين قاعدة هنا من عمل صالحا ان شاء الله عمل صالح واحد من ذكر او انثى ما فيش فرق هنا بين الذكر والانثى ابدا - 00:08:01ضَ

وهو مؤمن شرط النجاة بالعمل الصالح هو الايمان احنا قلنا قبل كده ان النجاة مفهوم النجاة مفهوم الخلاص زي ما بيسموه المسيحيين الاسلام هو الطير بيطير بجناحين بجناح واحد هيقع - 00:08:23ضَ

جناح الايمان. الجناح التاني العمل الصالح فلابد من الايمان والعمل الصالح ايمان فقط دون عمل صالح لا يكفي من اجل النجاة في الاسلام فاحنا يعني الدين الوحيد اللي بيضمن لاتباعه انهم يخشوا النار لا ما عملوش العمل الصالح. كل الاديان الاخرى. تقول للناس ايه؟ تعال عندنا اول ما تدخل عندنا - 00:08:43ضَ

ها انت كذا نجوت خلاص مبروك المسيحيين يقول لك ايه بس انت قل اني اشهد بان المسيح هو مخلص شخصي لحياتي. مبروك انت كده حصلت على النجاة لكن احنا نقول لما واحد ييجي ونشرح له الاسلام يقول اشهد ان لا اله الا الله وان محمدا رسول الله نقول له يلا السباق ابتدى - 00:09:04ضَ

السباق ما خلصش. انت من هنا هتبتدي بقى. الطريق الى الجنة. محتاج مليان عمل. فلابد من العمل وايه؟ والايمان. طيب آآ ازا هو عمال يعظم لهم امر الاخرة ويهون لهم امر الدنيا - 00:09:27ضَ

ثم بدأ يستخدم التأثير العاطفي عليهم بقى. اقرا معي واحد واربعين ويا قومي ما لي ادعوكم الى النجاة وتدعونني الى النار شوفوا الفرق بيننا وخلي بالك من حاجة هو مش بيدعوهم هم مش بيدعوه مباشرة الى النار - 00:09:43ضَ

ولا هو بيدعوهم مباشرة للنجاح هم بيدعوا للشرك وهو بيدعوهم للاسلام لكن مقال اعتناق الاسلام هو النجاة. ومآل اعتناق الشرك هو النار. فبدل ما يقول لهم ازاي انتم بتدعوني وانا بدعوكم للاسلام قال لهم المآل بتاع كل واحد على طول ويا قومي ما لي ادعوكم الى النجاة وتدعونني الى - 00:10:00ضَ

وفي الاية اللي جاية شرح لهم ليه هو قال كده اقرا اتنين واربعين. تدعونني لاكفر بالله واشرك به ما ليس لي به علم. وانا ادعوكم الى العزيز الغفور يعني انتم بتدعوني الى النار لانكم بتدعوني للكفر - 00:10:27ضَ

لاكفر بالله واشرك به ما ليس له لي به علم. بتقروا معي ولا لأ ؟ اتنين واربعين وده هو السبيل الى النار. بينما انا ادعوكم الى العزيز الغفار. وهو ده النجاة - 00:10:48ضَ

ادعوكم الى العزيز الغفار. فاكرين العز عند فرعون انتم غلطانين لو كنتم اسرفتم على انفسكم في الكفر والمعاصي فهو الغفار فانتم تريدوا العزة هو العزيز. مصدر العزة نريد المغفرة هو الغفار. الذي يغفر للناس - 00:11:04ضَ

احنا عندنا دين منظم ودعوة واضحة. السيئة فيها بسيئة والعمل الصالح فيها مضاعف. انما دينكم ليس فيه دعوة واضحة. اقرا تلاتة اربعين. لا جرم ان ما تدعونني اليه ليس له دعوة في الدنيا ولا في الاخرة - 00:11:26ضَ

وان مردنا الى الله وان المسرفين هم اصحاب النار فرعون اولا دعاهم لعبادة الاصنام. كانوا بيعبدوا اصنام ثم بعد ذلك تغيرت الهة الفراعنة وبقت عجل ابيس. وبعد كده البقرة حتحور. واخيرا قال لهم انا ربكم الاعلى. وكل شوية تزيد - 00:11:43ضَ

الهة جديدة اقرا تلاتة واربعين تاني معي. لا جرم يعني مش عجيب في حاجة مش مستغرب يعني مش عجيب لا جرم انما تدعونني اليه ليس له دعوة في الدنيا ولا في الاخرة - 00:12:03ضَ

الالية اللي بتدعوني لها ليس لها دعوة واضحة. لا في الدنيا ولا في الاخرة ولا عجيب ان مردنا يكون الى الله يعني كلنا راجعين الى الله اقرأها تاني معي. لجرم انما تدعونني اليه ليس له دعوة في الدنيا ولا في الاخرة. وان مردنا الى الله - 00:12:18ضَ

الله وبردو مش عجيب ان احنا راجعين لربنا. وان المسرفين هم اصحاب النار كلنا راجعين لربنا لوحدنا بدون الالهة اللي بتعبدوها دي ولا تسرفوا في كفركم ومعصيتكم. ما تتمادوش ليه؟ لان المسرفين هم اصحاب النار. لا تكابروا - 00:12:42ضَ

وبعد ما ابلغهم واقام عليهم الحجة بحيس اصبح لا يوجد لديهم عذر قال لهم ايه الاربعة واربعين معي فستذكرون ما اقول لكم وافوض امري الى الله ان الله بصير بالعباد - 00:13:05ضَ

سيأتي يوم تتذكروا اللي باقوله لكم ده عن ربنا فستذكرون ما اقول لكم وهتفتكروا الكلام اللي قلته لكم عن حقيقة الدنيا والاخرة. الانسان بيعرف حقيقة الدنيا وهو بيفارق الدنيا بيقول يا ريت ارجع عشان اعمل صالحا. طب ما انت كنت موجود - 00:13:27ضَ

وستذكرون ما اقول لكم وافوض امري الى الله. شف القصة بتاعته ابتدت بايه رجل مؤمن من ال فرعون يكتم ايمانه كان بيكتم ايمانه. لكن دلوقتي هو اتكشف خلاص. هو كده اتكشف نفسه على الاخر - 00:13:47ضَ

وكشف ان هو على دين موسى وليس على دين فرعون. بالتالي هو بيضع مصيره الان بيد الله. وافوض امري الى الله ان الله بصير بالعباد. اللي شايف حالي وشايف حال العباد. وعارف احوال العباد - 00:14:06ضَ

معرفته بحال تغنيه عن سؤالي كانت نتيجة هذا الاخلاص ايه هو ان الله سبحانه وتعالى وقاه من الشر لتدبروه له. اقرا خمسة واربعين ما عرفوش يمسوا شعرة منه. فوقاه الله سيئات ما - 00:14:24ضَ

وحاق بال فرعون سوء العذاب. ربنا نجاه من القتل اللي ارادوا له ويقال انه خرج الى الجبال ويقال انه خرج مع موسى وبني اسرائيل ولكن ايضا ربنا وقاه انه يموت كافرا - 00:14:40ضَ

فيموت غرقا مع ال فرعون وجنوده. ده ده واحد من ال فرعون. يعني كان ممكن جدا مصيره يكون الغرق مع ال فرعون ويوم القيامة يدخل النار. فوقاه الله سيئات ما مكروا. انا ارى ان من معانيها الاساسية هنا مش بس اللي ما عرفوش يضروه او يمسوه باذى في الدنيا - 00:14:59ضَ

ربنا وقاه من انه كان يكون مصيره زي مصير ال فرعون وهو الكفر والموت على الكفر وفي الاخر هو ربنا نجاه وماتوا غرقا في الدنيا. اقرا بقى ستة واربعين بعد ما هم ماتوا غرقا في الدنيا بقى. هم. فوقاه الله - 00:15:18ضَ

اه اه سيئات ما مكروا وحاق بال فرعون سوء العذاب. ده في الاخرة. ده في الدنيا تعال بقى نشوف العذاب بقى في الاخرة كمان. النار يعرضون عليها غدوة وعشيا. ويوم تقوم الساعة ادخلوا ال فرعون اشد العذاب - 00:15:35ضَ

الميت يا جماعة بيرى مكانه في النار او مكانه في الجنة في قبره وهذا نوع من العذاب ونوع من النعيم في القبر ايضا. عشان بس الناس فاهمة ان هو فيه عذاب القبر. لأ وفيه نعيم القبر ايضا - 00:15:56ضَ

فالنار يعرضون عليها الفرعون دول غدوا وعشيا. صبح وليل بيشوفوا مكانهم في النار بس يوم القيامة بقى ويوم تقوم الساعة ادخلوا ال فرعون اشد العذاب. ينادى على الملائكة بهذا الامر - 00:16:08ضَ

ارموهم في النار. ادخلوا ال فرعون اشد العذاب هنا في قراءة قراءة شعبة شعبة عن عاصم اللي هو اخو حفص في الرواية الاتنين رووا عن الامام عاصم ابن ابي النجود. شعبة وغيره وابن كثير المكي واظن آآ ابن عامر الدمشقي قروها كده - 00:16:27ضَ

ودخول ال فرعون اشد العذاب مش ادخلوا ويوم تقوم الساعة ادخلوا ال فرعون اشد. يعني امر لهم انهم يدخلوا بنفسهم. يعني بيؤمروا يوم القيامة ويقال لهم يلا ادخلوا اشد العذاب - 00:16:49ضَ

النداء لهم هم لم يستجيبوا لدعوة الانبياء الذين ارسلوا لهم ولا لدعوة المؤمن الصالح اللي كان من قومهم اللي دعاهم للدخول في الاسلام ودعوة الحق. سيدعون يوم القيامة ليدخلوا النار ويبقوا فيها ويشوفوا فيها اشد العذاب. وده الجزاء الكبر والجدال بالباطل - 00:17:07ضَ

الحق وده اللي احنا بنشوفه النهاردة كتير جدا جدا في الملحدين وعتات الالحاد اللي بيحاولوا يروجوا للالحاد ان عندهم كبر وتكبر على على الوحي وعلى الحق نتوقف هنا باذن الله النهاردة ونكمل غدا باذن الله - 00:17:30ضَ

اللهم اني اسألك حبك وحب من يحبك وحب كل عمل يقربني الى حبك. اللهم ما رزقتني ما احب فاجعله قوة لي فيما تحب وما زويت عني مما احب فاجعله فراغا لي فيما تحب - 00:17:48ضَ

اللهم اجعل حبك احب الي من اهلي ومالي ومن الماء البارد على الظبأ اللهم حببني اليك والى ملائكتك وانبيائك ورسلك وعبادك الصالحين. واجعلني ممن يحبك ويحب ملائكتك وانبيائك ورسلك وعبادك الصالحين - 00:18:06ضَ

اللهم احيي قلبي بحبك. واجعلني لك كما تحب. اللهم اجعلني احبك بقلبي كله. وارضيك كب جسدي كله اللهم اجعل حبي كله لك وسعي كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا - 00:18:29ضَ

ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك - 00:18:57ضَ

فوثق اللهم رابطتها وادم واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفة وقامتها على الشهادة في سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا - 00:19:21ضَ