باحث

السلام عليكم ورحمة الله وبركاته. اهلا بحضراتكم في المقطع رقم مية وخمسين من مقاطع حظر التجول والمقطع رقم خمسة من مقاطع تدبر سورة الاعراف. اسف للعطل الفني اللي حصل في الاول اللي اخرنا خمس دقايق او ست دقايق - 00:00:06ضَ

ارجو انكم تكونوا افتكرتوا تجيبوا المصاحف. ارجو فتح المصاحف على سورة الاعراف تدبرنا امس توبة ادم وحواء من سورة البقرة ومن سورة الاعراف في سورة البقرة الاية سبعة وتلاتين. مش مهم تفتحوها لكن ركزوا في اللي بقوله - 00:00:31ضَ

اعوذ بالله السميع العليم من الشيطان الرجيم فتلقى ادم من ربه كلمات ركز في اللي جاي ده فتاب عليه انه هو التواب الرحيم اذا ربنا تاب عليه انه هو التواب الرحيم - 00:00:56ضَ

اذا ربنا قبل التوبة يعني في سورة الاعراف تدبرنا نص التوبة نفسه اللي ربنا آآ اوحى به الى ادم اقرا معي بقى الاية تلاتة وعشرين في سورة الاعراف افتح الاعراف على الاية تلاتة وعشرين - 00:01:14ضَ

قال ربنا ظلمنا انفسنا وان لم تغفر لنا وترحمنا لنكونن من الخاسرين وقلنا انهم ابتدوا بنقد الذات والاعتراف بالذنب ثم استغفروا واسترحموا. طلبوا المغفرة وطلبوا الرحمة انا هنا احب اقول حاجة - 00:01:34ضَ

بصوا يا جماعة الى الفرق بين ابينا ادم وامنا حواء وبين الشيطان بعد ما كل ما واحد منهم عصى الله الشيطان عصى الله ورفض يسجد قال ايه ارجع للاية ستاشر - 00:01:59ضَ

ارجع للاية ستاشر في سورة الاعراف هات الاية ستاشر قال فبما اغويتني لاقعدن لهم صراطك المستقيم بيلقي اللوم على ربنا هو اللي عصى وبيلوم ربنا. وبيقول له انت خليتني اعصاك - 00:02:18ضَ

بينما ادم وحواء انتقدوا نفسهم ولاموا نفسهم. قال ربنا ظلمنا انفسنا طيب نبدأ بقى ايات حلقة الليلة اقرأ معي الاية اربعة وعشرين والاية خمسة وعشرين قال اهبطوا بعضكم لبعض عدو - 00:02:43ضَ

ولكم في الارض مستقر ومتاع الى حين قال فيها تحيون وفيها تموتون ومنها تخرجون ربنا سبحانه وتعالى اهبط ادم وحواء والشيطان الى الارض وجعلهم اعداء لبعض انا ليه باقول هم التلاتة - 00:03:09ضَ

عشان ربنا ما قلش اهبطا لو كان قال اهبطا يبقى ادامه حواء لكن قال اهبطوا بصيغة الجمع بقى اكتر من اتنين يبقى ربنا بيتكلم ادم وحواء والشيطان طبعا هتلاقي بعض الضفير بيقول لك والحية. ده عشان دي التفاسير اللي بتأخذ بالاسرائيليات - 00:03:35ضَ

لان طبعا احنا فيه التوراة مدخلة الحية في الموضوع وان الشيطان تمثل في الحية والقصة دي طيب لكن هو احنا هنا احنا ما بناخدش في الاسرائيليات هنا ربنا بيتكلم مع ادم وحواء والشيطان - 00:03:55ضَ

الى الارض قال اهبطوا بعضكم لبعض عدو. جعلهم اعداء لبعض. يعني ايه؟ يعني ذرية ادم وحواء سيكونون اعداء للشيطان وذرية الشيطان بس سؤال هو ليه ادم وحواء بيتعاقبوا وبيهبطوا من الجنة بعد ما ربنا قبل توبته - 00:04:09ضَ

حنا السائلين ان ربنا تاب عليهم انه هو التواب الرحيم اول حاجة لازم نفهم ان ادم مخلوق ليعيش على الارض مشي عشان يعيش في الجنب البقرة الاية تلاتين واذ قال ربك للملائكة اني جاعل في الارض خليفة - 00:04:35ضَ

اذا هو مخلوق لتعمير الارض. وللقيام بعدة واجبات اخرى العبادة والدعوة والاعمار واقامة العدل ولكن ربنا سبحانه وتعالى جعل بداية ادم وحواء في الجنة لحكمة وجعل نزوله الى الارض من الجنة - 00:05:04ضَ

عاقبة لارتكاب معصية لحكمة ايضا اول حاجة الانسان بينسب نفسه دايما للوطن الاصلي بتاع ابوه وامه اللي ابوه وامه مصريين بس اتولد في السعودية بيقول لك انا مصري المصري ما انت موجود في السعودية - 00:05:29ضَ

انا جيت اشرحها دي في مسجد في واشنطن آآ دي سي من عشرين سنة فجبت ولد ولدين انا اعرف اهاليهم. وقلت الواد الاولاني انت منين يا ابني والتاني انت منين عنفون مايكو من المكسيك - 00:05:50ضَ

جبت ابو دا وابو دا. ابنك اتولد فين ؟ قال لي هنا في واشنطن ديسي. وانت ابنك اتولد فين ؟ قال لي في كاليفورنيا. في امريكا. هات يا ابني انت وهو. انت ليه قلت ان انت مش صومالي - 00:06:07ضَ

وانت ليه قلت ان انت من آآ المكسيك مع ان انتم الاتنين مولودين هنا في امريكا. الاتنين قالوا بلد ابويا وامي ازا الانسان بينسب نفسه لبلد ابوه وامه طيب لما يبقى ابونا وامنا - 00:06:17ضَ

متجوزين في الجنة وقضوا شهر العسل بتاعهم في الجنة يبقى فيه شعور داخلي عند الانسان ان الارض دي مش موطني مش بلدي انا مش عايز افضل فيها كتير. انا اتوق للعودة الى الجنة. موطني موطني هو الجنة - 00:06:33ضَ

تمام؟ اتجنن كذلك لما يكون هناك تمن غالي للجنة وهو الطاعة الرسول عليه الصلاة والسلام قال الا ان سلعة الله غالية. الا ان سلعة الله غالية. الا ان سلعة الله الجنة - 00:06:56ضَ

لما الانسان يدرك ذلك تصبح الجنة هدف غالي. يجعل الانسان يطمح اليه لكن لو النزول الى الارض كان هو هيحدث هيحدث خلاص لكن لو ما حصلش كنتيجة لمعصية يبقى الجنة سهلة. رخيصة. هي مش رخيصة هي غالية - 00:07:13ضَ

لذلك هو الانزال الى الارض مش عقوبة. هو عاقبة عاقبة ربنا قال لهم فلا يخرجنكما من الجنة ما تخلوش يضحك عليكم ويخرجكم من الجنة. فلما تابوا ربنا تاب عليهم وقبل التوبة. وخلاص لن يعاقبا يوم الحساب على الاكل مش هقدر ربنا يتاب عليهم. لكن - 00:07:35ضَ

لازم هتحصل وحدثت والدليل انها مش عقوبة ان نزول ادم من الجنة اليوم احنا بنحتفل به ايه رأيكم بقى ؟ خير خير الايام خير الايام يوم احنا كمسلمين بنحتفل بهذا اليوم - 00:07:57ضَ

في صحيح مسلم عن ابي هريرة رضي الله عنه قال قال رسول الله صلى الله عليه وسلم خير يوم طلعت عليه الشمس يوم الجمعة فيه خلق ادم وفيه ادخل الجنة وفيه اخرج منها - 00:08:23ضَ

احنا بنحتفل يوم الجمعة باليوم اللي ربنا خلق فيه سيدنا ادم ودخله الجنة فيه وخرجه من الجنة فيه الخروج من الجنة كده كده كان لازم هيحصل لان احنا مخنوقين للارض نيجي - 00:08:44ضَ

نعمل فيها شوية حاجات لطيفة ونقوم راجعين على الجنة تاني اللي مش هيعمل حاجات لطيفة اللي هيعمل حاجات وحشة مش هيرجع على الجنة هيرجع على مكان تاني على راميدان المهم اقرا اربعة وعشرين اقرا معي الاية اربعة وعشرين - 00:09:00ضَ

قال اهبطوا بعضكم لبعض عدو. ولكم في الارض مستقر يعني ايه ولكم في الارض مستقر يعني الارض هتبقى مكان استقرار لكم. ومتاع الى حين. ومكان تتمتعوا فيه بالنعم والخيرات اللي في الارض - 00:09:18ضَ

الى حين الى حين ايه بقى؟ ايه الحين ده الى وقت الموت. بالنسبة لكل واحد فينا والى قيام القيامة بالنسبة للجنس البشري كله. فربنا بيكلمك انت كشخص وبيقول لك الى حين - 00:09:41ضَ

يعني اذا حين تموت وبيكلم بني ادم كلهم وبيقول لهم الى حين يعني الى يوم القيامة معي خمسة وعشرين قال فيها تحيون وفيها تموتون ومنها تخرجون عارف وانت داخل فندق - 00:09:54ضَ

وبيدي لك المفتاح بتاع الغرفة. بيقول لك النظام ايه؟ بيقول لك الساعة كزا تشيك اوت لازم الساعة كزا والحاجات اللي في التلاجة بفلوس بس الماية اللي موجودة برة التلاجة مجانا فبيبلغوك بنزام الاقامة - 00:10:21ضَ

نزام الاقامة لانها اقامة مؤقتة. ولكم في الارض مستقر ومتاعا الى حين قال فيها تحيون وفيها تموتون ومنها تخرجون هذا يعطيك شعور ايه؟ ان الاقامة مؤقتة حتى المتع اللي فيها ليست دائمة - 00:10:36ضَ

ولكم في الارض مستقر ومتاع الى حين. لغاية حداشر الصبح وتسيب الغرفة علشان غيرك جاي مكانك. بس في الارض بقى مش لغاية حداشر الصبح لأ انت هتخرج ووقت ما ربنا يقرر ممكن فورا ممكن قبل ما الفيديو ده تخلص تخرج - 00:10:55ضَ

ده الغريب بقى في مسألة الموت طيب المهم ان الاقامة مؤقتة التدبر يقول لي ايه بقى التدبر بتاع الكلام ده يقول لي ايه هو انت ليه متمسك بالدنيا كده انت ليه متمسك بمتاع الدنيا كده - 00:11:14ضَ

انت زي بالزبط النزيل اللي في الفندق في غرفة في الفندق. وعمال يشتري اثاث ويؤسس الغرفة اللي هو هيسيبها بكرة ويصرف عليها فلوس ويجيب مبيضين يبيضوا الغرفة. يا ابني انت هتسيبها بكرة - 00:11:34ضَ

ليه الاسراف ده ازا تعامل مع الدنيا بوسطية واعتدال لا تجعل يدك مغلولة الى عنقك. ولا تبسطها كل البسط. لكن حط في دماغك ان انت جاي في الدنيا دي تختبر وماشي وسايبها - 00:11:49ضَ

الاربعين النووية حديث رواه البخاري عن ابن عمر عن سيدنا عبدالله بن عمر من العبادلة الاربعة من اكبر اربع علماء قرآن اسمهم يبدأ بعبدالله. عبدالله بن عمر عبدالله بن عباس عبدالله بن مسعود وعبدالله بن - 00:12:07ضَ

مش من الزبير انا اسف. وعبدالله بن عمرو بن العاص. المهم مش مهم عن ابن عمر رضي الله عنه قال اخذ رسول الله صلى الله عليه وسلم بمنكبي امسكه كده من ايه من كتافه - 00:12:24ضَ

وقال كن في الدنيا كأنك غريب او عابر سبيل خليك في الدنيا لانك غريب سايح او عابر سبيل او واحد بيمر من الايه بيمر منها يعني انت رائح اسكندرية من القاهرة طالع من اسكندرية فبتعدي في محافظات انت عابر سبيل معابر ممكن تحتاج انك تقف آآ بنزينة تحط بنزين تشتري - 00:12:40ضَ

في قهوة تشتري سندوتش وتكمل انت عابر سبيل. انت في الدنيا خليك كده. انت جاي مرور مؤقت انت جاي ترانزيت وكان ابن عمر رضي الله عنه يقول سيدنا ابن عمر بقى كان يشرح الحديث ويقول اذا امسيت فلا تنتظر الصباح - 00:13:11ضَ

واذا اصبحت فلا تنتظر المساء وخذ من صحتك لمرضك ومن حياتك لموتك يعني قمت الصبح ما تتوقعش ان الليل هييجي عليك اشتغل في الدنيا وكأنك هتموت دلوقتي. هتموت قريب جدا. هتموت بعد ساعة - 00:13:32ضَ

اعمل كل شيء صح اقرا معي الايتين اربعة وعشرين وخمسة وعشرين تاني هنقراهم مع بعض تاني واستشعر بقى الرسايل اللي فيهم اللي بترسل الى قلبك. القرآن باعت لك رسايل يعني ربك باعت لك رسايل يا بني ادم - 00:13:54ضَ

يا بني ادم قال اهبطوا بعضكم لبعض عدو ولكم في الارض مستقر ومتاع الى حين قال فيها تحيون وفيها تموتون ومنها تخرجون يا بني ادم ما القرآن مبني على الوصل وصل الايات - 00:14:17ضَ

اوعى تكون فاكر ان ولكم في الارض مستقر ومتاع الى حين او ان فيها تحيون وفيها تموتون ومنها تخرجون. ده كلام نازل لادم وحواء لأ لك انت لنا كلنا يا بني ادم اقرا ستة وعشرين يا بني ادم قد انزلنا عليكم لباسا يواري سوءاتكم - 00:14:40ضَ

شفت بقى ربنا بيخاطبك على فكرة يا بني ادم هذا النداء جه خمس مرات في القرآن منهم اربعة في السورة دي ليه ربنا لما يعني بينادي الناس احيانا بيا ايها الناس - 00:15:03ضَ

واحيانا يا ايها الذين امنوا واحيانا يا بني ادم لما ربنا ينادي الناس بيا بني ادم يعني يا ولاد ادم فهو يذكرهم بضعفهم البشري. بيذكرك بالضعف اللي عندك وايضا ضعف - 00:15:21ضَ

وبيذكرك بان هو اللي خلقك وبيذكرك بالعهد اللي بينك وبينه وبيذكرك آآ آآ بعداوة الشيطان لما يقول لك يا بني ادم مين اللي خرج ابوك وامك من الجنة؟ الشيطان ان يبقى فيه تار - 00:15:41ضَ

صار ابويا وامي في تار بينا وبين الشيطان فربنا يا بني ادم كل دي محملة برسائل كل ده الكلمة مليانة رسائل طيب يا بني ادم اقرا معي ستة وعشرين. يا بني ادم قد انزلنا عليكم لباسا يواري سوءاتكم - 00:16:04ضَ

وريشة ولباس التقوى ذلك خير ذلك من ايات الله لعلهم يذكرون طيب يا بني ادم قد انزلنا عليكم لباسا يواري سوءاتكم وريشه. بعد مشهد التعري اللي حصل الجنة نتيجة اتباع الشيطان - 00:16:28ضَ

يأتي مشهد الملابس الاساسية لباسا يواري سوءاتكم يعني الملابس الاساسية اللي بتغطي العورة وريشة وملابس فخمة جميلة بتتلبس فوقيها عشان التجميل قد انزلنا عليكم لباسا يواري سوءاتكم. اللباس هو ما يواري العورة. يعني الملابس الداخلية - 00:16:56ضَ

ولو ما فيش ملابس داخلية يبقى اول لبس بيتلبس على الجسم ده اسمه لباس طيب الملابس المباشرة على الجسد اسمها لباس وريشة. الرياش بقى هو ما يتجمل به الانسان من ملابس زي ده جاكيت بالطو عباية خارجية. دي اسمها ريشة - 00:17:25ضَ

يعني ملابس اشيك شوية ملابس وملابس اشيك منها. بس الاشيك والاشيك بقى ولباس التقوى ذلك خير التقوى اجمل من كل ده ربنا شبه التقوى بالملابس اللي بتواري السوء فان كانت الملابس تواري العورة عورة الجسد فالتقوى - 00:17:47ضَ

جواري وتغطي عورات القلب اللباس يغطي العورة الرياش يغطي عيوب الجسد وخلي بالك ده عنده جناب وده عنده كرش. فالملابس الخارجية بتداري بقى البلاوي دي التقوى بتداري عيوب القلب وامراض القلب وبلاوي القلب - 00:18:20ضَ

التقوى هو انك تعرف مواطن الضعف اللي عندك وتتجنب الوقوع في المعصية. هذا هو ما يجعلك انسان جميل الانسان التقي اجمل من الانسان الحقود الانسان التقي اجمل من الانسان العاصي. الانسان التقي اجمل من الانسان الحسود. مش كلها امراض قلب. التقوى تغطي امراض - 00:18:43ضَ

التقوى تجعل الانسان جميل طيب هذه العبارة فيها عظة للانسان بطلب منه انه يتقي الله صح لما ربنا يقول لك ايه؟ ولباس التقوى ذلك خير. عبارة بتوعظك مين اللي انزل التقوى؟ - 00:19:07ضَ

مين انزل لنا التقوى؟ ما هو ربنا انزل الايه ؟ اللباس. وانزل الرياش وريشة. صح؟ قراءة ورش هنا في قراءة تانية ولباس التقوى ذلك خير. الضمة بتاعة لباس بقت فاتحة. بس - 00:19:32ضَ

غيرت المعنى فتح السين بتاع كلمة لباس التقوى اصبحت لباس التقوى معطوفة على لباسا وعلى ريشة يعني برواية ورش عن نافع بنقراها كده يا بني ادم قد انزلنا عليكم لباسا. ادي اول حاجة نزلت اهي - 00:19:50ضَ

يواري سوءاتكم وريشا. تاني حاجة نزلت اهي ولباس التقوى. تالت حاجة نزلت واصبح لباس مفتوحة عبارة عن انها معطوفة على الريش وعلى اللباس الاولاني ذلك خير. شفتم معجزة القراءات؟ معجزة معجزة بيانية بتغيير حركة من ضمة لفاتحة ادتك معنى اضافي للاية. طب - 00:20:14ضَ

معنا فيهم اللي القرآن يقصده. الاتنين المعنى الكلي ده اول حاجة اتعلمتها. لما رحت اتعلم القراءات ان المعنى الكلي هو معنى كل القراءات. لما تيجي اية فيها عدة قراءات المعنى - 00:20:45ضَ

اجمالي بتاع كل القراءات هو ده المعنى الكلي بتاع القرآن. يا المعنى بتاع الاية ايه بقى يا بني ادم ربنا نزل لكم واحد لباسا يورث سوءاتكم. اتنين ريشة. تلاتة لباس التقوى. اللي هي قراءة نفع. دي نازلة. اوكي - 00:20:57ضَ

وبعدين الاية ترجع توعظك وتقول لك ايه فعليكم بلباس التقوى اللي هي القراءة بتاعة حصر ولباس التقوى ارجو نكون فهمنا بس. يعني في منهم صيغة عظة اللي هي قراءة حفص. وفيهم صيغة اخبار اللي هي قراءة آآ قراءة ورشة. طيب - 00:21:13ضَ

ذلك من ايات الله لعلهم يذكرون ايه ده ربنا كان بيكلمنا يبقى انا متوقع ذلك من ايات الله لعلكم مش لعلهم لعلكم تذكرون لأ لعلهم يتذكرون. حصل التفات التفات من صيغة المخاطب لصيغة الغائب - 00:21:32ضَ

من هتلاقيها دي عندنا في الترجمة بتاعتنا مترجمينها كده. ليه ليه مش لعلكم ما تذكرون عشان مش كل الناس بتتذكر ايات الله. فالخطاب عنهم بصيغة الغائب لانهم غائبون غائبون عن اوامر الله - 00:22:00ضَ

وعادة ضمير الغيبة بيكون مقصود به المشركين. خاصة المشركين العرب يعني للقرآن نازل لهم. لكن بيبقى مقصود به المشركين الساعة كم؟ نتوقف هنا باذن الله ونراكم غدا ان كنا من اهل الدنيا. اللهم اني اسألك حبك وحب من يحبك وحب كل عمل يقربك - 00:22:20ضَ

يقربني الى حبك اللهم ما رزقتني ما احب فاجعله قوة لي فيما تحب وما زويت عني مما احب فاجعله فراغا لي فيما تحب اللهم اجعل حبك احب الي من اهلي ومالي ومن الماء البارد على الظمأ - 00:22:41ضَ

اللهم حببني اليك والى ملائكتك وانبيائك ورسلك وعبادك الصالحين واجعلني ممن يحبك ويحب ملائكتك وانبيائك ورسلك وعبادك الصالحين اللهم احيي قلبي بحبك واجعلني لك كما تحب اللهم اجعلني احبك بقلبي كله. وارضيك بجسدي كله - 00:23:03ضَ

اللهم اجعل حبي كله لك وسعي كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتي - 00:23:31ضَ

اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادي منتهى واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك - 00:23:51ضَ

واحييها يا ربنا بمعرفتك وامتها على الشهادة في سبيلك. انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا - 00:24:18ضَ