باحث

الحمد لله والصلاة والسلام على رسول الله. السلام عليكم ورحمة الله وبركاته. واهلا بحضراتكم في المقطع رقم مية اربعة وخمسين خمسين من مقاطع حظر التجول والمقطع رقم تسعة من مقاطع تدبر سورة الاعراف - 00:00:06ضَ

تدبرنا امبارح ما سيحدث في الاخرة للمكذبين بايات الله والمستكبرين عنها نروح للاية اربعين واقرا معي عشان بس نسترجع اللي قلناه امبارح. اعوذ بالله السميع العليم من الشيطان الرجيم ان الذين كذبوا باياتنا واستكبروا عنها لا تفتح لهم ابواب السماء - 00:00:27ضَ

ولا يدخلون الجنة حتى يلج الجمل في سم الخياط. يعني مستحيل يدخلوا الجنة وشفنا ان النار ستكون ستكون محيط خطابهم من كل جانب كده زي السليبين باك. اقرا معي واحد واربعين - 00:00:56ضَ

لهم من جهنم مهاد ومن فوقهم نبدأ النهاردة بقى نشوف حال اهل الجنة. ربنا يجعلنا منهم اقرا معي اتنين واربعين. دي بداية التدبر بتاع النهاردة والذين امنوا وعملوا الصالحات لا نكلف نفسا الا وسعها - 00:01:15ضَ

اولئك اصحاب الجنة هم فيها خالدون الجملة دي تركيبها محتاج تشغيل مخ شوية هي معناها ايه بص بص في الاية والذين امنوا وعملوا الصالحات اولئك اصحاب الجنة هم فيها خالدون - 00:01:38ضَ

قصاد ايه ارجع للاية ستة وتلاتين ارجع لستة وتلاتين تمام والذين كذبوا باياتنا واستكبروا عنها اولئك اصحاب النار هم فيها خالدون انا كلمة خالدون في الاية اتنين واربعين خلتني اقارن الايتين ببعض واشوف اللي بينهم - 00:02:04ضَ

دايما تلاقي ربنا بيتكلم عن الشر وعن الخير عن النار وعن الجنة عن السما وعن الارض وهكزا. دايما في في الايات. فربنا بيبدأ دلوقتي يشرح لنا حال اهل الجنة زي ما المكذبين بايات الله والمستكبرين عنها - 00:02:28ضَ

في النار خالدون. كذلك المؤمنين بايات الله ويعملون الصالحات بناء على ايات الله في الجنة خالدون خلي بالك بقى من التبكيت بتاع يعني اللي بيتعمل لاهل النار دلوقتي بيبكتوهم ليه - 00:02:47ضَ

يعني هنا ربنا بيبكتهم انك تقول لهم ما دخلتوش الجنة ليه ما كانش صعب يعني ولا حاجة. كل المطلوب منكم غيركم عملوه بسهولة ارجع لاتنين واربعين كده وشوف لا نكلف نفسا الا وسعها - 00:03:04ضَ

اللي دخلوا الجنة ما عملوش غير اللي ربنا كلفهم به وكان في وسعهم في وسعهم يعني شيء يقدروا يعملوه بيسر بسهولة مش كيميا. ربنا ما طلبش مننا نحفظ القرآن كله بالقراءات العشرة المتواترة عشان ندخل الجنة. لا. طلب مننا نصلي خمس مرات كل يوم - 00:03:23ضَ

ونبتعد عن المحرمات وننضف قلوبنا من الشرك والحقد والحسد وشوية امراض قلوب وخلاص. حاجات كان في وسعينا نعملها في وسع كل انسان اقرا بقى معي الاية اتنين واربعين تاني وانت حاطط في دماغك المعاني دي - 00:03:44ضَ

والذين امنوا وعملوا الصالحات. الصالحات دي كانت صعبة؟ لا نكلف نفسا الا وسعها اولئك اصحاب الجنة هم فيها خالدون تلاتة واربعين ونزعنا ما في صدورهم من غل تجري من تحتهم الانهار - 00:04:00ضَ

وقالوا الحمد لله الذي هدانا لهذا وما كنا لنهتدي لولا ان هدانا الله لقد جاءت رسل ربنا بالحق ونودوا ان تلكم الجنة اورثتموها بما كنتم تعملون هندخل الجنة ان شاء الله. طالما مؤمنين وعملنا الصالحات قالوا له ادخل الجنة. ايوة بس - 00:04:21ضَ

جارنا اللي في اول الشارع ده اللي كان كل شوية ييجي يركن قدام البيت عندنا عشان ما عندوش ظل قدام بيته. فبيجي يركن عربيته وهو في الضل قدام بيتنا. وانا لما بارجع من الشغل بقى - 00:04:46ضَ

انا متأخر مش بلاقي مكان اركنه بضطر اركن على الناصية وارجع البيت ماشي بالليل تعبان انا بصراحة مش طايقه. مش طايقه بجد لانه دي مشكلة في حياتي ودمه مش خفيف ولما ادخل الجنة هلاقيه جاري تاني - 00:04:58ضَ

هتعكنن يبقى جنة ازاي وفي عكننة واكيد انا ما اتمناش ان ربنا يدخله النار لاني بشوفه في صلاة الجمعة برضه معنا والراجل عنده عيال حاجة وحشة قوي كده يعني بس مش طايقه - 00:05:16ضَ

مش توفير غل كده يا ها هيبقى جارك في الجنة وهتبقى فرحان به جدا وهيبقى احب الناس الى قلبك. اقرا تلاتة واربعين. ونزعنا ما في صدورهم من غل ما فيش اي غل في الجنة بين المؤمنين - 00:05:29ضَ

بصوا يا جماعة فيه شوية خصال بشرية دنيوية بتنزع في الجناح علشان تكتمل المتعة بعضها خصال على فكرة او او جسدية. يعني مسلا في الجنة ما فيش تبول ولا تغوط. يعني ما فيش تواليتات من الاخر - 00:05:45ضَ

الله والاكل والشرب ده احنا طول النهار هناكل ونشرب في الجنة هيخرجوا ازاي اخرجوا على شكل عرق ريحته برفان. مسك ما فيش حمامات ما فيش اصلا احتياج للحمامات. يعني في الدنيا حزر تجول. في الجنة حزر تجول. ما فيش - 00:06:06ضَ

ما فيش ما فيش ايه كمان ما فيش الجنة ملل ما فيش في الجنة ملل في سورة الكهف احنا اخدنا ان الذين امنوا وعملوا الصالحات كانت لهم جنات الفردوس نزلا - 00:06:26ضَ

خالدين فيها لا يبغون عنها حولا. ما حدش هيزهق في الجنة. لان الانسان لو دخل بالخاصية بتاعة الملل اللي عنده في الدنيا بعد السنة في الجنة هيقول خرجوني ان شاء الله على النار خلاص زهقت زهق ما ملل - 00:06:45ضَ

متعة متجددة ايضا ما فيش غل اخو المسلم واختك المسلمة اللي كنتم مش طايقين بعض في الدنيا على شوية حاجات تافهة تجري من تحتهم الانهار هتبقوا قاعدين بقى تشفوا لحمة في مناظر طبيعية خلابة. تجري من تحتهم الانهار - 00:07:06ضَ

مش بتتخانقوا على الضل بتاع الشارع؟ لا بعد ما كنتم بتتخانقوا على الركنة الدنيا جميلة والمناظر جميلة وقالوا الحمد لله. بص اهل الجنة قالوا لي بقى وقالوا الحمد لله الذي هدانا لهذا. وما كنا لنهتدي لولا ان - 00:07:27ضَ

هدانا الله لقد جاءت رسل ربنا بالحق اهل الجنة سعداء وبيحمدوا ربنا وبينسبوا الفضل لما هم فيه لله ولهداية الله وليس لانفسهم مش بيقولوا احنا بصراحة تعبنا كتير وصبرنا كتير في الدنيا. وامنا لما كفر الناس واصلحنا لما افسد الناس. ودلوقتي استحققنا - 00:07:46ضَ

الجنة. فعلا احنا احنا نستحق الجنة بينسبوا دخولهم الجنة لفضل ربنا فقط ولهداية الله اقرا معي وقالوا الحمدلله الذي هدانا لهذا وما كنا لنهتدي لولا ان هدانا الله لقد جاءت رسل ربنا بالحق. رسل ربنا اللي قالوا لنا في الدنيا ان - 00:08:14ضَ

في بعث بعد الموت وحساب وجنة ونار. فعلا كانوا بيقولوا الحق فعلا كانوا بيقولوا الحق. تواضع يا جماعة شوفوا التواضع وانكار الذات. شف بقى ربنا هيقول لهم ايه. كمل الاية تلاتة واربعين. ونودوا - 00:08:42ضَ

ان تلكم الجنة اورثتموها بما كنتم تعملون ربنا سيناديهم او الملائكة الجنة دي انتم ورستوها بقت بتاعتكم لوحدكم. بسبب اعمالكم الصالحة هم ينكروا اللي عملهم دخلهم الجنة وان الفضل كله لهداية الله. والله يقول لهم لأ انتم تستاهلوا الجنة انتم تعبتوا واشتغلتم - 00:08:59ضَ

خلاص اتفرجنا امبارح على مشهد اصحاب النار والحسرة اللي هم فيها والتلاعن والسب والشتيمة اللي بينهم في النار والقاء الاتهامات على بعض والقاء اللوم على بعض ان اللي هم فيه ده بسبب مين فيهم. ومشهد العذاب ومشهد النار محيطة بهم. واتفرجوا - 00:09:31ضَ

النهاردة على مشهد اصحاب الجنة. وهم مكرمين سعداء ما فيش اي منغصات ولو حتى صغيرة. كانت بتنغص عليهم في الدنيا وبتنغص عليهم في الجنة وبيكرموا من ربنا وبيتقلوا ان انتم تستاهلوا الجنة مكافأة على عملكم. وحاجة جميلة اوي - 00:09:55ضَ

دلوقتي بقى نشوف مشهد غريب جدا اقرأ معي اربعة واربعين وخمسة واربعين اهل الجنة هيكلموا اهل النار ونادى اصحاب الجنة اصحاب النار ان قد وجدنا ما وعدنا ربنا حقا. فهل وجدتم - 00:10:12ضَ

ما وعد ربكم حقا؟ قالوا نعم فاذن مؤذن بينهم اللعنة الله على الظالمين الذين يصدون عن سبيل الله ويبغونها عوجا وهم بالاخرة اخوتي كافرون واحد سأل على الفيسبوك بيقول لو كل واحد - 00:10:37ضَ

آآ هيطلب طلب في السكن بتاعه في الجنة. تطلب ايه ؟ واحد قال عايز قصر كبير والتاني قال آآ انا عايز آآ يخت كبير وواحد قال انا عايز كوزي مليان مش عارف صابون ايه وبتاع - 00:10:58ضَ

واحد قال انا عاوز بلكونة بتطل على النار فالناس ضحكت بس انا حسيت باللي جواه وانا عارف الاخ ده عارف هو اتعمل فيه ايه في ناس مش هيشفي غليلها غير انهم بيكلموا اصحاب النار - 00:11:11ضَ

حتى دخول الجنة مش عايزين يكلموهم ولو مرة بقى الناس اللي علقتهم الايام كاملة متعلقين زي الخرفان. بيتجاب كرسيين قدام بعض وعصاية وبيتربط الواحد ايديه من ناحية ورجليه من ناحية ويتعلق زي - 00:11:30ضَ

الخروف بالايام وبيفرشوا لهم مية مجاري يناموا عليها كل ليلة لغاية ما جا لهم روماتيزم في القلب وكانوا بيكهربوهم في اماكن حساسة من جسمهم وكانوا بيقتلوهم جوة الزنازين وبيدفنوهم بسرعة قبل ما اهلهم يشوفوهم او يلحقوا يصلوا عليهم - 00:11:49ضَ

في ناس مش هيشفي غليلها غير انها تتكلم معهم كلمة اخيرة وبعد كده مش عايزين يشوفوا وشهم تاني ونادى اصحاب الجنة اصحاب النار ان قد وجدنا ما وعدنا ربنا حقا - 00:12:13ضَ

فهل وجدتم ما وعد ربكم حقا؟ قالوا نعم بس كده اصحاب الجنة هيقولوا لاصحاب النار. ما احنا لقينا فعلا اللي ربنا وعدنا به انهار وقصور. والقصور دي مبنية لبنة من دهب ولبنة - 00:12:30ضَ

طوبة الدهب وتوبة فضة وملاطها يعني ارضيتها مسك وترابها زعفران وحصباؤها يعني الحصى بتاعها الزلط بتاع الجنة لؤلؤ وياقوت ومن يدخلها ينعم ولا ييأس. ويخلد ولا يموت. ولا تبلى ثيابه. ولا يفنى شبابه - 00:12:48ضَ

فهل وجدتم ما وعد ربكم حقا هل وجدتم طعام النار من ضريع اللي هو الشوك المر النتن؟ هل وجدتم شراب النار من الحميم اللي هو شديد الحرارة مية بتغلي شديدة الحرارة والغسلين اللي هو قيح الجروح المدة - 00:13:11ضَ

الاجساد بتشربوها فعلا والمهل اللي هو الزيت اللي بيغلي بيقطع البطون والامعاء هيقولوا لهم ايه بقى نعم مش هيتكلموا اكتر من كده هينكروا هيكلوا اللي هم فيه هيكزبوا تاني هيكزموا - 00:13:30ضَ

كلمة واحدة ما زودوش عليها لكنها حملت كل مشاعر اليأس والندم والخجل قالوا نعم كمل الاية اربعة واربعين فاذن مؤذن بينهم ان لعنة الله على الظالمين. مؤذن يعني واحد هيرفع صوته بينهم هم الاتنين - 00:13:53ضَ

وهو غالبا ملك وقيل هو مالك خازن النار. خازن النار بياخد بقى الجماعة دول وبيلعنهم بيدعي عليهم. اقرا معي قال ايه بصوت عالي. كمل معي اخر اربعة واربعين ومعها خمسة واربعين - 00:14:15ضَ

اللعنة الله على الظالمين الذين يصدون عن سبيل الله ويبغونها عوجا. وهم بالاخرة الملك بيدعوا بيقول الله يلعن الزالمين اللي بيصدوا الناس عن سبيل الله الذين يصدون عن سبيل الله. سبيل الله اللي هي الصراط المستقيم ها - 00:14:33ضَ

ويبغونها هي السبيل. عوجا. مش عايزين الصراط مستقيم. عايزينه عوج. عايزينه مايل. عايزين الحال باين عاوزين الناس تقلع. عاوزين الناس تسكر. عاوزين الناس تشرك. عاوزين الناس تركع بس مش لله - 00:14:58ضَ

عاوزين الناس تخضع لقوانين ارضية وهم بالاخرة كافرون الناس دي ما كانوش مصدقين ان في اخرهم عليهم اللعنة يعني مطرودين الله يطردهم من رحمته هنا عندنا حاجتين نتدبرهم في الاية دي يا جماعة - 00:15:17ضَ

ده دعاء الملك بيدعو عليهم باللعن اي بالطرد من رحمة ربنا فهل هو ده فعلا اللي هيحصل يعني هو احنا في الاخرة لسة هندعي طب وهيبان استجابة ربنا امتى ؟ ما احنا في الاخرة. فيه بقى قراءة اخرى لحمزة والكسائي وخلف - 00:15:38ضَ

قرأوها مش اللعنة الله على الظالمين. لأ ان مش امن ان لعنة مش لعنة ان لعنة الله على الظالمين ايه الفرق دي مش سرة دعاء اللعنة الله على الظالمين يعني الله يلعن الظالمين. لكن ان - 00:16:00ضَ

لعنة الله على الظالمين دي صيغة اعلان الملك يعلن لعنة الله خلاص حلت بالظالمين الاستجابة فورية ان بالفعل لعنة الله وقعت على الظالمين الذين يصدون عن سبيل الله ويبغونها عوجا وهم بالاخرة كافرون. يبقى دي رغبة - 00:16:28ضَ

الملائكة ودعاؤهم على الظالمين وهذه ايضا هي عقوبة الله التي وقعت بالظالمين في الاخرة ولا تبديل لقول الله التدبر الاخر الاية دي وان طول الاية ما كانت بتتكلم عن الاخرة بتتكلم بصيغة الماضي - 00:16:52ضَ

واول ما تكلم الملك عن افعال الظالمين في الدنيا تكلم بصيغة المضارع مع ان المفروض ان هو بيتكلم من الاخرة من المستقبل عن الدنيا يعني عن الماضي ليه ما تكلمش بقى بالماضي - 00:17:14ضَ

يعني هو في الاخرة بيتكلم عن الدنيا. ليه بيتكلم بالمضارع اقرا معي اربعة واربعين وخمسة واربعين ولاحز دي ونادى ماضي احنا في الاخرة المفروض اللي هو في المستقبل بالنسبة لنا - 00:17:32ضَ

الكلام بالماضي صيغة الماضي. ونادى اصحاب الجنة اصحاب النار ان قد وجدنا. ماضي ما وعدنا ربنا حقا. فهل وجدتم ما وعد ربكم حقا؟ قالوا ماضي. نعم فاذن حاجة هتحصل في الاخرة. ماضي مؤذن بينهم. اللعنة الله على الظالمين. الذين - 00:17:49ضَ

صدوا عن سبيل الله في الدنيا. لا لا لا. الذين يصدون عن سبيل الله. وراح متكلم بصيغة المضارع ويبغونها عوجا. مش وبغوها عوجا في الدنيا. لا لا لا صيغة المضارع - 00:18:16ضَ

ويبغونها ايه ده كل ما يأتي ذكر الاخرة يأتي بصيغة الماضي مع انه حدث سيحدث في المستقبل الاخرة القيامة تقوم بعد سنة بعد عشرة بعد مية بعد الف بعد مليون. الله اعلم - 00:18:32ضَ

ليه ربنا بيتكلم بصيغة الماضي؟ ده ده حدث في المستقبل. لأ مش في المستقبل. ده مستقبل بالنسبة لك انت. بالنسبة لاحداثيات الدنيا هي بعد الدنيا هي في اخر الدنيا اللي انت عايش فيها فهي مستقبل بالنسبة لك. لكن الدار الاخرة عالم اخر لا يصح التعامل معه باحداثيات الدنيا - 00:18:51ضَ

هو انت فاكر ان اليوم على كوكب المريخ اربعة وعشرين ساعة زي في الارض؟ لأ لكن اليوم في زحل اربعة وعشرين ساعة زي الارض لأ. ده كوكب اخر التوقيت فيه مختلف. الاخرة عالم اخر - 00:19:14ضَ

لا يصح التعامل معها باحداثيات الدنيا هو حدث في المستقبل بالنسبة للدنيا لكنه حدث بالفعل في علم الله والعالمين دول الدنيا والاخرة منفصلين. عن بعض. تماما. متوازيين ممكن اللي بنعمله في هذا العالم بيغير وضعنا في هذا العالم. مش عاوز اقول في نفس الوقت لان - 00:19:31ضَ

الوقت نفسه ده عندنا احنا مش في العالم الاخر احنا لا نعلم كثيرا عن الاخرة يا جماعة باستثناء ما رواه لنا القرآن والسنة. وده فقط لتقريب السورة لكن لما الملك تكلم عن افعال الظالمين - 00:19:53ضَ

اللي حصلت في الدنيا منهم تكلم بصيغة المضارع لانها ما زالت تحدث الان ما زال هناك من يصد عن سبيل الله ولا يريد تحكيم كتاب الله ولا سنة رسول الله. ما زال هناك من يبغونها عوجا. وعاوزين الحال - 00:20:12ضَ

عاوزين يفسدوا على الناس بينهم ومستعدين يبيعوا اخرتهم ويبيعوا الاقصى ولابسين عمايم وبيمسلوا بها انهم رجال دين وملايكة وهم شياطين وكلاب سلطان. وهم بالاخرة كافرون. ما هماش مصدقين في اخرة يا جماعة. اوعى تفتكر ان فيه حد بيرتكب المعاصي دي - 00:20:29ضَ

وبيساند الظالمين بالشكل ده وانه مصدق ان في اخرة قلبه لازم جواه شك قال رسول الله صلى الله عليه وسلم لا يزني الزاني حين يزني وهو مؤمن ولا يسرق السارق حين يسرق وهو مؤمن ولا يشرب الخمر - 00:20:48ضَ

حين يشربها وهو مؤمن كل من كذب بالاخرة سواء بقلبه او بلسانه. وكان بيقول على البعث والحساب خرافات هيندم ندم شديد في هذا اليوم لكنه ندم يوم لا ينفع الندم - 00:21:07ضَ

تعالوا نقرا ايات النهاردة بتاع التدبر النهاردة مع بعض تاني وندعوا مع بعض بعد كده ونقفل نختم الحلقة نقرا من اول الاية اتنين واربعين مع بعض اعوذ بالله السميع العليم من الشيطان الرجيم. والذين امنوا وعملوا الصالحات. اللهم اجعلنا منهم يا رب - 00:21:25ضَ

لا نكلف نفسا الا وسعها. اولئك اصحاب الجنة هم فيها خالدون ونزعنا ما في صدورهم من غل تجري من تحتهم الانهار وقالوا الحمد لله الذي هدانا لهذا وما كنا لنهتدي لولا ان هدانا الله. لقد جاءت رسل ربنا بالحق - 00:21:43ضَ

ونودوا ان تلكم الجنة اورثتموها. بما كنتم تعملون. اللهم اجعلنا منهم يا رب. ونادى اصحاب الجنة اصحاب النار ان قد وجدنا ما وعدنا ربنا حقا. فهل وجدتم ما وعد ربكم حقا؟ قالوا نعم. فاذن - 00:22:07ضَ

مؤذن بينهم. اللعنة الله على الظالمين الذين يصدون عن سبيل الله. ويبغونها عوجا وهم بالاخرة كافرون. اللهم لا تجعلنا منهم يا رب اللهم اني اسألك حبك وحب من يحبك وحب كل عمل يقربني الى حبك - 00:22:27ضَ

اللهم ما رزقتني ما احب فاجعله قوة لي فيما تحب وما زويت عني مما احب فاجعله فراغا لي فيما تحب اللهم اجعل حبك احب الي من اهلي ومالي ومن الماء البارد على الطمع - 00:22:48ضَ

اللهم حببني اليك والى ملائكتك وانبيائك ورسلك وعبادك الصالحين. واجعلني ممن يحبك وملائكتك وانبيائك ورسلك وعبادك الصالحين. اللهم احيي قلبي بحبك واجعلني لك كما تحب اللهم اجعلني احبك بقلبي كله. وارضيك بجسدي كله. اللهم اجعل حبي كله لك وسعي كله في مرضاتك - 00:23:04ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم. اللهم انك تعلم ان هذه القلوب قد اجتمعت - 00:23:34ضَ

على كتابك وعلى محبتك. والتقت يا ربنا على طاعتك وتوحدت على دعوتك. وتعاهدت على نصرة فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح الصورة بفيض الايمان بك وجميل التوكل عليك - 00:23:54ضَ

واحيها بمعرفتك وامتها على الشهادة في سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا - 00:24:19ضَ