باحث

السلام عليكم ورحمة الله وبركاته. اهلا بحضراتكم في المقطع رقم مية تسعة وستين. من مقاطع التجول. والمقطع رقم اربعة وعشرين من مقاطع تدبر سورة الاعراف اول حاجة احب في حضراتكم بالمصحف - 00:00:07ضَ

الحاجة التانية كده احنا بقى لنا مية تسعة وستين يوم بفضل الله تقريبا خمس شهور ونص او اكتر آآ بنتدبر مع بعض كل يوم. سعيد جدا بان هم نفس الناس. يعني انا انا انا في مجموعة كده هم نفس الوشوش بتاعة الاكونت. انا بشوف اكونتاتكم يعني - 00:00:29ضَ

وسعيد بكم جدا ربنا يكرمكم ويبارك فيكم ويتقبل منكم. لكن عايزكم تدخلوا تكتبوا لي في الكومنتات بعد الدرس مش دلوقتي مشاعركم ايه تجاه القرآن؟ هل بدأت تشعر انك تحب القرآن اكثر - 00:00:47ضَ

من من خمس شهور فاتت ولا هو نفس درجة الحب؟ ده بس السؤال اللي عايز اجابة عليه في الكومنتات طيب افتح المصحف على الاية مية سبعة واربعين ما حدش يجاوب دلوقتي يا جماعة لو سمحتم عايزين تركزوا معي في الكلام اللي باقوله. السؤال ده في اخر خالص في اخر الحلقة بعد ما نخلص خشوا اكتبوه على على الكومنت - 00:01:04ضَ

عشان عايز اعرف ودبرنا امبارح اخر حاجة تدبرناها كان الاية مية سبعة واربعين اقروها معه. اعوذ بالله السميع العليم من الشيطان الرجيم والذين كذبوا باياتنا ولقاء الاخرة حبطت اعمالهم هل يجزون الا ما كانوا يعملون؟ وقلنا ان الناس اللي كذبت - 00:01:28ضَ

ايات ربنا وكذبت بلقاء الله وكذبت بالبعث والحساب حبطت اعمالهم. انا بقى نسيت اشرح لكم يعني ايه حبطت الناقة لما تأكل نبات سام او تاكل حاجة مسمومة فبتنتفخ بطنها جدا فاللي يشوفها يفتكر انها ناقة سمينة فيها بركة وآآ - 00:01:54ضَ

كبيرة كده وضخمة ولما تدبح هترمي لحم كتير لصاحبها وتجيب فلوس وهي مريضة بعد ساعات بتموت حبطت يعني انتفخت ثم ماتت لذلك تشبيه الاعمال بالناقة تعبير في منتهى الروعة لان بعض الاعمال يراها الناس عظيمة - 00:02:24ضَ

وهتنفع اللي عملها لكن تكذيبه بايات الله يحول هذه الاعمال العظيمة الى مجرد انتفاخ على الفاضي بيسبق الفناء والهلاك. زي كده البالونة الكبير المنطاط اللي يقوم مفرقع في الهوا والناس واقعة ميتة. هو كده - 00:02:58ضَ

حبطت اعمالهم. طيب تفتكروا الناس اللي كذبوا ايات ربنا دول افتكروا ربنا هيجزيهم بايه الاية بتقول هل يجزون الا ما كانوا يعملون هل يستحق الا اللي هم كانوا بيعملوه يستحقوا رحمة ربنا يعني؟ يستحقوا مغفرة من ربنا الناس دي - 00:03:21ضَ

ناخد بقى مثال على الوقاحة دي اللي هم الناس اللي بتشوف الايات وتكذبها برضو مثال على تكذيب الايات والاستكبار عنها. وترك الهدى والرشد بالرغم من وضوح الطريق بتاع الهدى واتباع الغي - 00:03:46ضَ

واتباع الطريق الخطأ بالرغم من وضوح ان هو طريق خطأ معي الاية مية تمانية واربعين كده احنا بنبدأ بتدبر النهضة واتخذ قوم موسى من بعده من حليهم عجلا جسدا له خوار - 00:04:07ضَ

الم يروا انه لا يكلمهم ولا يهديهم سبيلا اتخذوه وكانوا ظالمين البهوات عملوا الكارسة اللي هم اقترحوها على سيدنا موسى اصلا عملوا فعلا صنم وعبدوه فاكرين في الاية مية تمانية وتلاتين طب ارجع للاية مية تمانية وتلاتين - 00:04:29ضَ

حياة الاية مية تمانية وتلاتين وجاوزنا ببني اسرائيل البحر فاتوا على قوم يعكفون على اصنام لهم قالوا يا موسى اجعل لنا الها كما لهم الهة. قال انكم قوم تجهلون طلبوا مني يعمل لهم صنم. زي القوم اللي مروا عليهم. وقال لهم انتم اتجننتوا - 00:04:53ضَ

مية تسعة وتلاتين ومية واربعين. اقرا معي. ان هؤلاء مكبر ما هم فيه وباطل ما كانوا يعملون قال اغير الله ابغيكم الها وهو فضلكم على العالمين فمش مش هنقعد نشرحها تاني عشان دي قبل كده لكن المفروض الموضوع كده خلص. الموضوع اتقفل بقى - 00:05:18ضَ

ما خلصش ما صدقوا اول ما مشيت وراح يعتكف ويستعد للقاء الله عمله بالفعل من الحلي اللي معهم صنم على شكل عجل عجلا جسدا يعني جسم من غير روح مجرد تمسال من غير روح - 00:05:39ضَ

لكن بيطلع صوت له خوار لو كان قال عجلا له خوار يبقى عجل عادي حي. لكن عجلا جسدا يعني مجرد تمسال. جسة لكن ليس فيه حياة ولكن بيطلع صوته. له خوار - 00:06:01ضَ

هو ينفع حاجة آآ مش حية تطلع صوت اه العروسة بتاعة العيال بتدوس عليها على بطنها تعمل بابا ماما مش عارف ايه فممكن حاجة تكون مش حية وتطلع صوت هم عملوا من الحلي اللي معهم - 00:06:19ضَ

وفي الاسرائيليات ان كان معهم حلي ذهبية بتاعة المصريين في سورة طه اخدنا قبل كده حملنا اوزارا من زينة القوم. فقذفناها فكذلك القى السامرين. اي انها كانت من الحلي بتاعة المصريين اللي لم - 00:06:34ضَ

يعيدوها لهم حتى لا يشكوا في امرهم ان هم هيسافروا ويبدو ان نساء بني اسرائيل لما لقوا نفسهم ماشيين وخارجين من مصر راحوا استلفوا الحلي بتاعة جاراتهم المصريات وقالوا لهم عندنا عيد بكرة وهنتزين بها ونرجعها لكم وراحوا ضاربين عليها - 00:06:54ضَ

الست المصرية الطيبة قالت لجارتها الاسرائيلية خدي يا حبيبتي الكردان الدهب بتاعي اللي جايبه لها جوزها والتانية ضربت عليه وخلعت فهم خلي بالك بقى عملوا صنم اله يشرك بالله ويعبدوا الصنم ده والصنم مصنوع من مال حرام اصلا - 00:07:10ضَ

ده اللي هو اسمه الحرامي المركب المهم اللي صنعه صنع التمسال ده صنعه بطريقة تجعل جواه تجويف يشبه البوق فلما التيار الهوائي يدخل من دبره يخرج من فمه صوتا فبقى عجلا جسدا له خوار. وردت مرتين على فكرة الاية دي مرة في طه ومرة في الاعراس عجلا جسدا له خوار - 00:07:34ضَ

القرآن بيستخدم المنطق في بيان فساد هذا الاختيار بيقول ايه القرآن؟ الم يروا انه لا يكلمهم ولا يهديهم سبيلا يعني لازم الاله يكون بيتكلم هم ازاي يعبدوهم ومش شايفين ان هو ما بيتكلمش! مش هو ما بيكلمهمش - 00:08:00ضَ

ولا يهديهم سبيلا. في سورة الانبياء سيدنا ابراهيم بعد ما حطم الاصنام قال ايه؟ فاسألوهم ان كانوا ينطقون يثير سؤال عند بعضنا دلوقتي واحنا بنسمع الكلام ده. الله! طب هو الله بيتكلم - 00:08:23ضَ

امال احنا بنقرأ ايه امال احنا بنتدبر ايه بقى لنا خمس شهور ونص ما هو كلام ربنا. ايوة ربنا بيتكلم بس مش هيكلمك انت مباشرة ربنا بيوصل لنا كلامه بطريقة معينة عن طريق الوحي وعن طريق الرسل. لكن ايوة الله يتكلم طبعا - 00:08:38ضَ

وهذا كلام الله والتوراة كلام الله يعني الاديان الوضعية اللي هي من صنع البشر اللي عندهم اصنام لو عندهم كتب يبقوا لأ برضه لان الكتب دي من صنع البشر. ما هو الصنم بتاعهم ما كتبش كتاب - 00:08:56ضَ

بالتالي نقدر نعرف منين هو من صنع البشر هذا الكتاب ولا لا لما نلاقي ان من ليس فيه هداية ولا يهديهم سبيلا الاية بترد عليك بتقول لك الم يروا انه لا يكلمهم - 00:09:21ضَ

ولا يهديهم سبيلا. فالاله لابد انه يرسل كلام وهذا الكلام يكون فيه هداية الاديان الوضعية اما ليس عندها كتب صادرة من الاله وانما كتب من الكهنة او كتب يقول انها كلام الاله بتاعهم وكلام الصنم بتاعهم لكنها كتب في الحقيقة بشرية منحولة يعني منسوبة الى آآ - 00:09:37ضَ

لهذا الاصنام ليس فيها هدية. طيب القرآن كتاب هداية العقيدة وفي الاخلاق وفي التشريع وفي المعاملات لا يوجد كتاب اخر كده ولا حتى التوراة لك يعني اقصد التوراة الكتاب هداية ايضا ولكن ليس في مستوى القرآن الكريم. من الاعجاز البياني - 00:10:07ضَ

غير انها ليست اخر الكتب فبالتالي نسخت نسخ الاحكام اللي فيها معظم بالرغم من هذا بالرغم من ان هذا الصنم اللي صنعوه لا يكلمهم ولا يهديهم سبيلا كمل الاية اتخذوه وكانوا ظالمين - 00:10:34ضَ

اتخذوه الها وعبدوه فكانوا بذلك ظالمين لانفسهم لانهم اوردوا انفسهم الهلاك مية تسعة واربعين معي مية تسعة واربعين ولما سقط في ايديهم ورأوا انهم قد ضلوا قالوا لان لم يرحمنا ربنا ويغفر لنا لنكونن من الخاسرين - 00:10:56ضَ

تعبير سقط في ايديهم يعني اتلبخوا ما عرفوش يعملوا ايه هنيئا زي الكمبيوتر كده لما يهنج كده يا فريز اليد الة التصرف والقوة والعمل في سورة صاد ربنا بيقول واذكر عبدنا ايوب ذا الايدي - 00:11:27ضَ

يعني القوي الصنايعي الشاطر اللي بيشتغل اللي ايده تتلف في حرير سقط في يده يعني ايده وقعت جنبه كده سقط في يدك خلاص. دلالة على الندم وادراك عظم الخطأ وعدم معرفة ما يستطيع الانسان ان يفعله - 00:11:49ضَ

فلما ربنا قال لنا ان بني اسرائيل عملوا العملة المنيلة بتاعتهم دي وصنعوا صنم يعبدوه من دون الله اخبرنا انهم ندموا وتابوا ولما سقط في ايديهم ورأوا انهم قد ضلوا - 00:12:10ضَ

عرفوا انهم اخطأوا خطأ كبير لسقط في ايديهم يعني كمل الاية بقى قالوا لئن لم يرحمنا ربنا ويغفر لنا لنكونن من الخاسرين نص التوبة اللي قالوها مين تاني فكروا كده معي يا جماعة. لان لم يرحمنا ربنا ويغفر لنا لنكونن من الخاسرين. التوبة بتاعة ادم وحواء ارجع للاية تلاتة وعشرين - 00:12:30ضَ

قلب وارجع اللي بيرجع جبت الاية تلاتة وعشرين في سورة الاعراف معي قال ادم حواء ربنا ظلمنا انفسنا وان لم تغفر لنا وترحمنا لنكونن من الخاسرين يرجع لمية تسعة واربعين - 00:12:58ضَ

مية تسعة واربعين بني اسرائيل قالوا ايه؟ قالوا لان لم يرحمنا ربنا ويغفر لنا لنكونن من الخاسرين. فيها قراءة اخرى قراءة حمزة والكسائي وخلف. بص معي في الاية مية تسعة واربعين - 00:13:20ضَ

انا هقراها بحمزة والكسائي وخلف وشف التلات فروق. فيه تلات فروق قالوا لان لم ترحمنا ربنا وتغفر لنا لنكونن من الخاسرين بدل يرحمنا ترحمنا بيكلموا ربنا على طول وبيستغفروا ربنا على طول - 00:13:39ضَ

قالوا لئن لم ترحمنا ربنا. مش لان لم يرحمنا ربنا فعلا وتغفر لنا ربنا منادى هي اصلها لان لم ترحمنا يا ربنا لئن لم ترحمنا ربنا وتغفر لنا. اي انهم تابوا الى الله ودعوا الله مباشرة بينهم وبين الله - 00:14:00ضَ

بنفس الصيغة تقريبا اللي تاب بها ادم وحواء اقرا معي مية وخمسين ومية تلاتة وخمسين ولما رجع موسى الى قومه غضبان اسفا قال بئس ما خلفتموني من بعدي اعجلتم امر ربكم - 00:14:26ضَ

والقى الالواح واخذ برأس اخيه يجره اليه قال ابن ام لان القوم استضعفوني وكادوا يقتلونني فلا تشمت بي الاعداء ولا تجعلني مع القوم الظالمين قال رب اغفر لي ولاخي وادخلنا في رحمتك وانت ارحم الراحمين - 00:14:48ضَ

ان الذين اتخذوا العجل سينالهم غضب من ربهم وذلة في الحياة الدنيا. وكذلك نجزي المفترين. والذين عملوا السيئات ثم تابوا من بعدها وامنوا ان ربك من بعدها لغفور رحيم الملاحز هو ان بني اسرائيل ندموا وتابوا امتى؟ بعد ما موسى عليه الصلاة والسلام عاد وكلمهم - 00:15:08ضَ

لكن ربنا لما قدم لما قال لنا الموضوع ده هو قدم التوبة بتاعتهم الاول على عودة موسى في الاية مية تسعة واربعين على طول بعد ما قال لنا ان هم ارتكبوا هزه المعصية الضخمة اللي هي تصل الى الكفر والشرك بالله في الاية مية تمانية - 00:15:36ضَ

واربعين في مية تسعة واربعين ربنا ذكر لنا ان هم تابوا حتى لا يؤخر زكر التوبة لما بعد الحكاية بتاعة عودة موسى عليه الصلاة والسلام والتفاصيل اللي حصل بينه وبين اخوه وبعد كده رجعت - 00:15:57ضَ

نتكلم تاني عن قبول التوبة. فهمت ازاي؟ طيب فربنا لم يرد ان هو يؤجل اخبارنا بانهم تابوا. فورا بعد ما اخبرنا انهم عصوا ربنا وعبدوا العجل. اخبرنا على طول في اللي بعدها ان هم تابوا. ثم بعد كده قال لنا ان موسى جه وكلمهم ثم اخبرنا انهم قبلت توبتهم. في الاية مية - 00:16:12ضَ

فيهم يعني مهم جدا ان انت تحلق وتنظر للايات كلها من فوق زي الصقر كده. اما بيشوف الغابة وبعد كده بيحدد هو هيعمل ايه وهينزل فين. فعلاقة الايات ببعضها وطريقة ترتيبها ده مهم جدا وده محل من محلات التجبر - 00:16:33ضَ

اقرا معي مية وخمسين ولما رجع موسى الى قومه غضبان اسفا هو راجع غضبان ليه لسه واخد الواح التوراة يعني هو لسه ما يعرفش يراجع غضبان ليه؟ هو راجع غضبان ان ربنا قال له ان هو فتح خلاص ان هم فتنوا. وبيعبدوا العجل خلاص. يعني هو راجع وعارف الكارسة اللي حاصلة. ربنا اه - 00:16:56ضَ

اخبروا في سورة طه تدبرنا مع بعض قال فانا قد فتنا قومك من بعدك واضلهم السامرين. فرجع موسى الى قومه غضبان ازكى. موسى راح قاطع الزيارة على طول وراح راجع جري يشوف ايه المصيبة اللي حاصلة دي - 00:17:18ضَ

شقى عمري شقى عمره مشاوير وسفريات وراجع من مدين رايح مصر ويواجه فرعون ويخرج بهم والبحر يتشق وفرعون يغرق وفي الاخر يشركوا ويعبدوا عجل! ده كلام انا متصور الحقيقة الغضب اللي عند سيدنا موسى. انا متصوره جدا - 00:17:38ضَ

وربنا يستر لان سيدنا موسى اصلا عصبي. واحنا عارفين كده هو قال كده عن نفسه في سورة الشعراء اقرا بقى معي مية وخمسين في الاعراف ولما رجع موسى الى قومه غضبان اسفا - 00:17:58ضَ

قال بئس ما خلفتموني من بعدي ااعجلتم امر ربكم ايه اللي انتم عملتوه ده هو ده اللي عرفتم تعملوه لما سبتكم بسما خلفتموني من بعدي. بئس ما فيش اسوأ من كده اللي انتم عملتوه ده. ما فيش حاجة اسوأ من اللي انتم عملتوها دي - 00:18:12ضَ

بعد ما انا مشيت. قال بئس ما خلقتموني من بعدي. اعجلتم امر ربكم انتم مستعجلين يعني على عذاب ربنا. يعني انتم بتحاولوا تستعجلوا العقاب يعني من ربنا ايه ده عاوزين ربنا ينزل عليكم عزاب - 00:18:31ضَ

والقى الالواح واخذ برأس اخيه يجره اليه. يا خبر ابيض ملقى الواح التوراة اللي فيها كلام ربنا اللي ربنا كاتبه ده معناه ان سيدنا موسى كان في حالة انفعال غير مسبوقة - 00:18:47ضَ

هو نفسه وصف نفسه ان هو من عيوبه انه عصبي يعني لما ربنا نبأه جعله نبيا خاف على مصلحة الدعوة. وطلب تعيين اخوه معه النبي مساعد عشان هو عصبي. فاكرين - 00:19:04ضَ

الشعراء قال ايه؟ ويضيق صدري ولا ينطلق لساني فارسل الى هارون انا باتعصب ادي احنا شفنا لما صدره داق بقى بجد عمل ايه. لم يشعر بنفسه. رمى الواح التوراة من ايده وشد اخوه الكبير. اخوه الطيب رفيق الكفاح - 00:19:17ضَ

اخوه الاكبر منه وانقى الالواح واخذ برأس اخيه يجره اليه. تعال هنا تم القراءة في مية وخمسين اخوه استعطفه. قال ابن امه ان القوم استضعفوني وكادوا يقتلونني فلا تشمت بي الاعداء - 00:19:37ضَ

ما تشمتهمش فينا ولا تجعلني مع القوم الظالمين فكروا بعلاقته باخوه علاقته علاقة الاخوة والدم اللي بينهم. قال ابن ام يا ابن امي ان القوم استضعفوني. شافوني ضعيف. وما عيش رجالة معيش سلاح - 00:19:56ضَ

وكادوا يقتلونني. كانوا على وشك يقتلوني فلا تشمت بي الاعداء ولا تجعلني مع القوم الظالمين ما اتشمتش وامش فينا وما تجعلنيش مع الظالمين. انا مش مع الكافرين انا. انا مش زيي زي الكافرين اللي ظلموا انفسهم وظلموا الناس بصنع صنم وترويجهم لعبادته. وانا ما عملتش كده - 00:20:16ضَ

فسيدنا موسى توجه للسماء ودعا الله. طبعا احنا ما لناش دعوة بالاسرائيليات في الاسرائيليات في كم كلام فارغ رهيب الاسرائيليات اصلا سيدنا هارون هو اللي عمل العجل. كلام يعني حاجة تجننك ما تقرا التوراة - 00:20:34ضَ

نسبوا اشياء بشعة بشعة بشعة للانبياء. الانبياء الثقافة اليهودية زي النجوم السينما عندنا كده ناس لزيزة بس عايشين حياة بايظة هم دول الانبياء عندهم وده قدح في الله لان انك تقول ان ربنا اختار الانبياء - 00:20:49ضَ

من النوعية دي ده معناه انك بتقول ان ربنا ما بيعرفش يخطأ والعياذ بالله حاشا لله فسيدنا موسى توجه للسماء ودعا الله. اقرا معي الاية مية واحد وخمسين قال رب اغفر لي ولاخي وادخلنا في رحمتك وانت ارحم الراحمين - 00:21:17ضَ

دعا بالمغفرة له ولاخيه له بسبب الغضب اللي اصابه لان المفروض الانسان يتملك نفسه مهما كان هو عدم تملكه لنفسه قده ادى الى انه القى الالواح اللي فيها كلام ربنا - 00:21:44ضَ

كلام ربنا وجر اخوه من شعره ولحيته وعنفه ده عنف لا يليق ان هو كان يعمله ما كانش لازم يعمل كده مع اخوه واستغفر لنفسه واستغفر لاخيه لانه يرى ما زال يرى ان سيدنا هارون كان عليه ان هو يواجه عبادة العجل باي قوة ولو صغيرة. ويمنع هذا باي شكل - 00:22:01ضَ

وادخلنا في رحمتك. ما قالش وارحمنا يعني رحمتك واسعة يا رب تتسع لنا مهما ارتكبنا من اخطاء ادخلنا في رحمتك وانت ارحم الراحمين. يعني في ناس بترحم على فكرة الام بترحم ولادها والقطة بترحم وتقوم ترحم قططها في رحمة موجودة. انت ارحم الراحمين دول ورحمتك واسعة دخلنا فيها. فشوف الاسلوب اللي هو فيه - 00:22:27ضَ

استرحام لربنا مين هيرحم يا ربي لو انت اللي ما رحمتناش مين هيغفر لو انت ما غفرتلناش اقرا اتنين وخمسين معي مية اتنين وخمسين ان الذين اتخذوا العجل سينالهم غضب من ربهم وذلة - 00:22:52ضَ

وذلة في الحياة الدنيا وكذلك نجزي المفتريين اللي اتخذوا العجل الها واشركوا بالله هينزل عليهم غضب من ربنا وذلة ايذل في الحياة الدنيا سيصبحوا اذلة في الدنيا وهينزل عليهم غضب وبالتالي مأواهم النار. وكذلك نجزي المفترين - 00:23:13ضَ

لان بالطريقة دي ربنا بيجزي اي انسان يفتري على الله بيقول افتروا على الله راحوا يشركوا بالله اصنام عملوها من حلي مسروقة واي مفتري وكذلك ناجزين مفتريين. الناس اللي بتفتري على الله وتشرك بربنا المال. او الناس اللي بتفتري على الله وتشرك بربنا السلطة. الناس - 00:23:39ضَ

تفتري على الله وتشرك بربنا القائد الاوحد الملهم الفيلسوف المش عارف ايه الزعيم التاريخي كل ده اشهار كل ده شركة لكن الناس اللي تابت توبة صادقة منهم. اقرا معي مية تلاتة وخمسين - 00:24:05ضَ

والذين عملوا السيئات اي سيئات حتى لو كانوا اشركوا ثم تابوا من بعدها وامنوا ان ربك من بعدها لغفور رحيم اللي بيعملوا السيئات وبعدين يتوبوا ويؤمنوا بالله. فربنا دايما بابه مفتوح. ورحمته تسعهم كلهم. ومغفرته تشملهم مهما كان حجم السيئة طالما انهم - 00:24:22ضَ

توبة صادقة اللهم اجعلنا من التائبين المستغفرين الذين رحمتهم في هذه الليلة يا رب العالمين. احب افكركم بالسؤال اللي سألته لكم عايزكم تدخلوا تكتبوا دلوقتي في الكومنتات بتاعة الفيسبوك وبتاعتكم يا جماعة بتوع اليوتيوب - 00:24:48ضَ

لو انت من الناس اللي مواظبة معنا هل تشعر بان حبك للقرآن زي ما هو كما هو من قبل ولا زاد خلاص اكتبوا لي هذا الكلام اللهم اني اسألك حبك وحب من يحبك وحب كل عمل يقربنا الى حبك - 00:25:10ضَ

اللهم ما رزقتنا ما نحب فاجعله قوة لنا فيما نحب وما زويت عنا مما نحب فاجعله فراغا لنا فيما نحب اللهم اجعل حبك احب الينا من اهلنا واموالنا ومن الماء البارد على الظمأ - 00:25:30ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك قلوبنا كلها ونرضيك باجسادنا كلها. اللهم اجعل حبنا كله لك. وسعينا كله في مرضاك - 00:25:48ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:26:18ضَ

توحدت على دعوتك وتعاهدت على نصرة شريعتك. فوثق اللهم رابطتها وادم مدها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك - 00:26:45ضَ

على الشهادة في سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله كنا من اهل الدنيا - 00:27:05ضَ