باحث

السلام عليكم ورحمة الله وبركاته. اهلا بحضراتكم في المقطع رقم متين واربعتاشر مش كده؟ متين واربعتاشر من مقاطع حظر التجول والمقطع رقم سبعة من مقاطع تدبر سورة الحجر آآ هفكركم بكرة ان شاء الله الساعة سبعة ونص بتوقيت القاهرة هنعمل اجتماع زوم لنا احنا ما نجيبش ناس من برة - 00:00:01ضَ

انا مش هقول كلمة ما فيش محاضرة احنا مجرد هنحاول نتناقش مع بعض ازاي ننشر هذا الخير ونضاعف اعداد المتابعين هنطرح هطرح لكم الاول المشاكل اللي عندنا وازاي نضاعف الاعداد دية ونجيب قرايبنا ونجيب اصحابنا والكلام ده كله - 00:00:39ضَ

اه فانا هحط لكم رابط الزوم لأ اللي عايز يدخل بالزوم عشان يشارك ويتكلم يخش بالزوم. غير كده ان شاء الله هعمل آآ هعمل آآ شير على الفيسبوك بحيس الناس تبقى اه شايفة الاجتماع بتاعنا - 00:01:00ضَ

آآ بس مش هتقدر تشارك طيب قبل ما نبدأ تدبر الحجر في مفهوم عقائدي مهم جدا جدا جدا محتاجين نشرحه قبل ايات الحجر النهاردة يا جماعة في سورة العنكبوت ربنا سبحانه وتعالى بيقول - 00:01:20ضَ

يعذب من يشاء ويرحم من يشاء واليه تقلبون الاية دي مرعبة يعذب من يشاء ويرحم من يشاء غير تماما يعذب من يضل ويرحم من يهدي او من يهتدي لكن يعذب من يشاء - 00:01:43ضَ

معناها ان ربنا اذا شاء ممكن يعذب اللي اهتدوا ويعذب المؤمنين ويعذب الصالحين. مين اللي يستطيع منع الله سبحانه وتعالى من ذلك؟ لا احد يستطيع ان يمنع ربنا ايعذب من يشاء - 00:02:09ضَ

مرعب جدا الكلام ده. ويرحم من يشاء. معناها ان ربنا ممكن يرحم الكافرين ويرحم الظالمين ويرحم المجرمين ويرحم الخائنين ويعذب الكويسين والصالحين والطيبين والمؤمنين مين اللي يقدر يمنع ربنا من زلك؟ ما حدش - 00:02:27ضَ

طيب ما دي تبقى مصيبة لو حصل كده ربنا سلطته مطلقة مين يقدر يحط لربنا قانون يمشي عليه مين يقدر يحط لربنا طريق ويقول له ما تخرجش عنه. ما حدش - 00:02:45ضَ

كل شيء متوقع لما تبقى السلطة مطلقة ايه اللي يضمن ان الحاكم ما يزلمش طالما ان سلطته مطلقة وما فيش قانون للحاكم يحكم به في الحديث الصحيح في صحيح مسلم - 00:03:01ضَ

حديث قدسي يعني كلام ربنا لكن بصياغة النبي. يعني النبي بيقول ربنا قال لكنه مش قرآن عن ابي ذر رضي الله عنه قال قال رسول الله صلى الله عليه وسلم فيما يروي عن ربه تبارك وتعالى يبقى ده - 00:03:19ضَ

يا عبادي اني حرمت الظلم على نفسي وجعلته بينكم محرما فلا تظالموا حديث طويل وجميل جدا شوفوه واقروه لكن انا اللي يهمني فيه دلوقتي اني حرمت الظلم على نفسي يعني ربنا عمل حرام لنفسه - 00:03:37ضَ

ربنا عمل قانون لنفسه لان ما فيش اعلى من ربنا فربنا عمل لنفسه هو قانون يمشي عليه. الزم نفسه بقانون. اني حرمت الظلم على نفسي في سورة الحجر بقى من الاية واحد واربعين النهاردة. رح للاية واحد واربعين عشان تفهم انا ليه عملت المقدمة دي الاول - 00:04:04ضَ

معي من الاية واحد واربعين. اعوذ بالله السميع العليم من الشيطان الرجيم قال هذا صراط علي مستقيم. ربنا بيقول هذا صراط علي مستقيم. يبقى ربنا عمل الصراط اي طريق لنفسه - 00:04:29ضَ

طريق مستقيم له هو اذا قال فعل لما يقول لنا في سورة التوبة ان المؤمنين اللي هيأمروا بالمعروف وينهوا عن المنكر ويقيموا الصلاة ويؤتوا الزكاة سيرحمهم اولئك يرحمهم الله يبقى هيرحمهم - 00:04:47ضَ

اذا قال فعل ليه؟ لان ده صراط ربنا. كلمة يرحم من يشاء ويعذب من يشاء. ما تخوفناش كمؤمنين. ليه؟ لان على صراط مستقيم ربنا ما بيغيرش كلامه. ليه ما بيغيرش كلامه؟ اقرا واحد واربعين. قال هذا صراط علي مستقيم. عمل صراط لنفسه - 00:05:06ضَ

واحنا شرحنا المفهوم ده قبل كده في سورة هود يعني من ست شهور لما بدأنا سورة هود الاية ستة وخمسين ان ربي على صراط مستقيم خلاص طيب صراط ربنا ده - 00:05:28ضَ

اللي ربنا وضعه لنفسه هو صراط خاص بالله سبحانه وتعالى. صراط يليق بالله سبحانه وتعالى. لذلك هناك قراءة ازن قراءة يعقوب. الامام يعقوب قال هذا صراط علي مستقيم صراط علي يعني عالي - 00:05:44ضَ

مستقيم تمام كمل معي الاية اتنين واربعين في سورة الحجر علشان نشوف ايه هو اللي ربنا وعد به وقال ان هو ده من صراطه المستقيم. يعني ده اللي لازم هيحصل - 00:06:06ضَ

اقرا بقى اتنين واربعين وتلاتة واربعين ان عبادي ليس لك عليهم سلطان الا من اتبعك من الغاوين وان جهنم لموعدهم اجمعين عباد الله ليس للشيطان عليهم سلطان. يعني ليس له عليهم سيطرة - 00:06:21ضَ

يبقى علشان تنقز نفسك وتحمي نفسك من سلطة الشيطان عليك تحقق يجب ان انت تحقق في نفسك العبودية لله ان عبادي ليس لك عليهم سلطان. يبقى انا عشان اتخلص من سلطة الشيطان علي اعمل ايه؟ ابقى من عباد الله. احقق - 00:06:43ضَ

عبودية ما ينفعش نبقى احرار يعني لازم يبقى عبيد لله المسيحيين بيقولوا انهم ابناء الله ده مفهوم اجمل من عباد الله. لأ مش حقيقي انت كده كده عبد ما فيش انسان مش عبد - 00:07:07ضَ

يا عبد للشهوات يا عبد لله في ملحدين فاكرين انهم لما تركوا الدين بقوا احرار وتحرروا من العبادة وهم غرقانين في العبادة لغاية مناخيرهم هنا لغاية هنا العباد عندهم عبادة ايه؟ عبادة الشهوات - 00:07:31ضَ

عبادك المحرر الحقيقي من عبادة الشهوات هو هو عبادة الله وعبادة الانا يعبد نفسه وبيعبد شهواته اختار يا عبد لله يا عبد لشهواتك العبودية لله تختلف عن العبودية للبشر اللي بيدي - 00:07:52ضَ

كلمة عبودية سمعة سيئة هو العبودية للبشر واللي حصل بين السادة والعبيد العبودية للبشر يا جماعة مرتبطة بالكآبة ومرتبطة بالحزن ومرتبطة بالالم. ليه؟ عشان التماثل بين السيد والعبد السيد انسان والعبد انسان. ليه ده يكون عبد عند ده؟ فالاحساس بالتماثل بينهم ده - 00:08:12ضَ

يجعل العبودية مرتبطة بالكآبة والحزن والالم يجعل ان علاقة السيد بالعبد علاقة غير مقبولة وغير مريحة كزلك لان السيد بيمص دم وعرق العبد بتاعه بيستفيد منه ومن خير من خيره - 00:08:40ضَ

وبيلقي له الفتات لكن العبودية لله عكس ذلك. مرتبطة بالراحة النفسية مش بالكآبة مرتبطة بالرضا مرتبطة بالامل. لانه لا يوجد تماثل بين السيد والعبد العبد هو اللي بيستفيد من خير سيده هو اللي بيمص خير سيده - 00:09:03ضَ

العبد بيستفيد من خير السيد والسيد الله سبحانه وتعالى من اسمائه الحسنى السيد لا يستفيد شيئا من العبد بل يقوم برعايته ورزقه وحمايته فان عبادي ليس لك عليهم سلطان. طيب - 00:09:25ضَ

بس فيه استثناء كمل الاية الا من اتبعك من الغاوين الا الناس اللي الشيطان هيقدر يغويهم ان الشيطان له عليهم سلطان هم اللي بيستسلموا لوسوسة الشيطان. فيصيروا من الغاوين اجمل حاجة بقى - 00:09:46ضَ

ان الناس دول موصوفين على لسان الشيطان في الاية اربعين ازاي اقرا الاية اربعين الشيطان وصفهم بالمخلصين والمخلصين الا عبادك منهم المخلصين يعني اللي انت هتخلصهم هتختارهم ان انا ما اسيطرش عليهم - 00:10:16ضَ

وفي لقاء المخلصين. يعني الناس اللي عندها اخلاص الناس اللي عندها اخلاص ربنا هيستخلصها ويخلصها عشان الشيطان ما يسترش عليها ركزوا معي بقى. بص الفرق بين الاية تسعة وتلاتين والاية اتنين واربعين. الشيطان بيقول ايه؟ في الاية تسعة وتلاتين - 00:10:39ضَ

آآ واربعين قال ربي بما اغويتني لازينن لهم في الارض ولاغوينهم اجمعين الا عبادك منهم المخلصين والمخلصين في قراءة. فربنا رد عليه في الاية واحد واربعين واتنين واربعين وقال له ايه؟ قال هذا - 00:11:01ضَ

صراط علي مستقيم ان عبادي ليس لك عليهم سلطان الا من اتبعك من الغاوين رد ربنا هو ان كل العباد ما فيش عليهم سلطان باستثناء الغاويين اللي هم مش مخلصين. وبالتالي - 00:11:22ضَ

مش مخلصين بالتالي صارو غاوين. عميق جدا الكلام ده عشان تبقوا عارفين. يعني فهمتم ليه الصورة بتبدأ الف لام راء تلك ايات الكتاب وقرآن مبين تلك اسم اشارة للبعيد. ازا الايات دي ايات عالية نازلة من علي نازلة من من خارج العالم على العالم عشان يقرأوا - 00:11:42ضَ

وفي نفس الوقت هي عميقة المعاني فتحت للغوص كانك بتقضي احنا بنعمل وبنغوص عشان نطلع ونستخرج العميقة اللي فيها. بس بعد ما نستخرج المعاني وقرآن مبين. ليصبح القرآن واضح وموضح لحقيقة الحياة - 00:12:08ضَ

حقيقة الوجود. يا جماعة احنا بنقرأ كتاب الوجود في كتاب بيفهمك كيمياء. فيه كتاب بيفهمك فيزيا. فيه كتاب بيفهمك جغرافيا. ده كتاب بيفهمك الوجود. حقيقة الوجود لذلك احنا واحنا بنقراه بنشعر وكأننا خرجنا وبنبص على العالم من فوق - 00:12:28ضَ

انت بتشعر بشعور مختلف وانت بتقرأ القرآن عن اي كتاب اخر. لانه بياخدك برة وبتبص على العالم من فوق. كمل معي اتنين واربعين تلاتة واربعين ان عبادي ليس لك عليهم سلطان الا من اتبعك من الغاوين. وان جهنم لموعدهم - 00:12:52ضَ

بمعين مبروك يلا الناس اللي كانت بتظلم وبتعزب وبتحرم الام من ولادها والاب من ولاده والكفار اللي بيتريقوا على حياة ربنا والناس اللي عبدت الالهة المزيفة. مبروك ان جهنم لموعدهم اجمعين - 00:13:11ضَ

كلهم اجمعين ما فيش واحد هيستثنى طب دي هتبقى زحمة اوي في الدخول لا معمول حساب كل حاجة اقرا اربعة واربعين ما تقلقش لها سبعة ابواب. لكل باب منهم جزء مقصود. فبعد كلمة اجمعين قال لك بس الدنيا منظمة. لها سبعة ابواب - 00:13:31ضَ

كل باب منهم جزء مقسوم فيه نزام دخول مش هتجلى اللي عرضوا الالية المزيفة هنا من الباب ده. واللي عددوا الفلوس هنا من الباب ده وباعوا ضمائرهم. واللي عبدوا الحاكم وباعوا ضمائرهم في الباب ده. والزالمين من الباب ده. والخائنين - 00:13:52ضَ

من الباب ده لها سبعة ابواب لكل باب منهم. منهم هم جزء مقسوم كل مجموعة داخلة من الباب بتاعها اللهم لا تجعلنا منهم ابدا يا رب في اوبشن تاني بقى عشان كده الواحد قلبه اتقبض - 00:14:07ضَ

اه اقرا خمسة واربعين ان المتقين في جنات وعيون ادخلوها بسلام امنين ونزعنا ما في صدورهم من غل اخوانا على سرر متقابلين. لا مجال يمسهم فيها نصب وما هم منها بمخرجين ياه. بقرا الايات يقول ايوة بقى. يا رب يا رب اجعلنا منهم يا رب. لأ ده هم دول مين - 00:14:26ضَ

دول دول المتقين ربنا بيقول ان المتقين في جنات وعيون. اقرا خمسة واربعين كويس. ان المتقين في جنات وعيون الله طب الواحد عايز يبقى من من المتقين ابقى من المتقين ازاي - 00:14:56ضَ

اذا قارئ القرآن بتدبر ركز على الانسان في هذا الكتاب سيجد ان الهدف الرئيسي لهذا الكتاب هو وصول بالانسان للتقوى. ده اهم حاجة الهدف الرئيسي من من هذا الكتاب هو الوصول بالانسان للتقوى - 00:15:12ضَ

اول ما تفتح المصحف تقرأ الفاتحة ثم البقرة في اول صفحة من البقرة هتلاقي بقى ايه صفات تلات فئات الكافرين في ايتين المنافقين تلتاشر اية والمؤمنين اربع ايات لا مش المؤمنين. امال مين؟ المتقين - 00:15:32ضَ

الف لام ميم ذلك الكتاب لا ريب فيه هدى للمتقين مش للمؤمنين المتقين هم الايليت بتوع المؤمنين. الطبقة الراقية بتاعة المؤمنين الا كريند ولا كرين بتاع المؤمنين التقوى باختصار هي انك تعرف نقاط ضعفك فين - 00:15:53ضَ

ومواطن الخطر ثم تحذر من الوقوع في المعاصي مستقبلا التقوى انك تبقى مخلي بالك ما تقعش في معاصي تاني حريص انك ما تقعش في معاصي في المستقبل ازا عملت كده ربنا يغفر لك معاصي الماضي - 00:16:13ضَ

اقرا معي خمسة واربعين. ان المتقين في جنات وعيون. عندي دروس في موضوع التقوى ده واتشرح في التربية الايمانية واتشرح في كزا حاجة. ممكن ترجعوا لها ان شاء الله. ده درس لوحده بتاع اربعين دقيقة يعني - 00:16:34ضَ

ان المتقين في جنات وعيون المتقين اسماء ملغاويين هيكونوا في النار. هيبقوا هم في جنات وعيون. جنات يعني حدائق فيها ثمار اروى زهور وروائح جميلة طب عايزين مية بقى عشان نشرب ونط فيها كمان بقى وندلدل رجلينا وعيون عيون يعني عيون من المياه بتتفجر من الارض. يا سلام - 00:16:48ضَ

يا ريت يا جماعة بس معقول احنا نستاهل النعيم ده الواحد ذنوبه واقفة حائل بينه وبين الجنة قبل ما شعور الاحباط يتملكك القرآن شعر بك فبيبشرك في الاية تسعة واربعين وبيقول لك ايه ان ذنوبك دي - 00:17:18ضَ

ليست حائل امام انك تبقى من المتقين وانك تدخل الجنة. اقرا معي تسعة واربعين. نبئ عبادي اني انا الغفور الرحيم الله الغفور صيغة مبالغة من غافر غفور على وزن فاعول. يعني يغفر مغفرة كبيرة. اكول يأكل يعني كثيرة كميات كبيرة - 00:17:36ضَ

نقوم ينام مدد طويلة غفور يغفر اي ذنب طالما انك تبت منه رحيم غفور رحيم يرحمنا في الدنيا وفي الاخرة بس يا ترى مغفرة ربنا دي قيمة يعني كبيرة اقرا الاية اللي بعدها وان عذابي هو العذاب الاليم الاية خمسين - 00:18:04ضَ

لما يبقى عذابه في نار جهنم عذاب اليم ويرحمك منه. ويغفر لك فلا تدخل النار. يبقى غفرانه ورحمته قيمة جدا ولا لا؟ قيمة جدا وقيمتها في انها انقزتك من ايه - 00:18:29ضَ

من النار ومن العزاب الاليم. المدير وطارق جدا قلنا المسل ده كزا مرة. المدير لما يسامح موزف في غلطة ارتكبها عقوبتها خصم من المرتب نص يوم غير لما يسامحوا في غلطة عقوبتها انه يكلم النيابة ويدخله السجن - 00:18:46ضَ

دي مغفرة غير دي تماما. يبقى كلما زادت شدة العقوبة كلما اصبحت المغفرة ذات قيمة اكبر احنا كده فوتنا ايات ستة واربعين سبعة واربعين تمانية واربعين. نرجع لهم دلوقتي ان المتقين في جنات وعيون - 00:19:05ضَ

ادخلوها بسلام امنين. ونزعنا ما في صدورهم من غل اخوانا على سرر متقابلين. وهم خدينا الجنات والعيون دي الملائكة بتحييهم وتدعوهم للدخول ادخلوها بسلام امنين الملايكة بتكلمهم بس هو في حاجة بقى مشكلة ولا حاجة. انا في لي زميل - 00:19:27ضَ

جاري كل شوية يخش يركن في الجراج مكانه قلت له مليون مرة لأ وابقى راجع بالليل وتعبان وبينكد علي فانا بصراحة الراجل ده مش نازل لي من هنا مش نازل لي من زوره - 00:19:52ضَ

السيجاري ده راجل ما بيفوتش صلاة وشكله اخلاقه برضه كويسة شكله كده من اهل الجنة. فهتبقى بصراحة يعني عكننة. لما اخش الجنة الاقيه في وشي ما فيش عكننة في الجنة - 00:20:05ضَ

اقرا الاية سبعة واربعين ونزعنا ما في صدورهم من غل اخوانا على سرر متقابلين. ما فيش حد من اهل هل الجنة يكون في قلبه غل لحد تاني ده هينزع منه. طالما انها ناس تستحق دخول الجنة سينزع الغل من قلوبهم لبعض - 00:20:21ضَ

لا يمسهم فيها نصب وما هم منها بمخرجين لفيها نكد ولا فيها تعب ولا فيها قلق من انها تخلص ما هو الواحد وهو بيستمتع بحاجة بيبقى متضايق انها هتخلص ده حلم وهيخلص. لا لا لا - 00:20:44ضَ

وما هم منها بمخرجين. امنين امنين حتى على مستقبلهم في الجنة. نقول لهم خلاص جايين دخلوا مش خارجين منها وهيستمتعوا الى الابد ربنا يجعلني واياكم منهم ان شاء الله ونتوقف منه النهاردة. اللهم انا نسألك حبك وحب من يحبك وحب كل عمل يقاربنا الى حبك - 00:21:10ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:21:30ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك - 00:21:46ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك وعلى محبتك - 00:22:12ضَ

والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم مدها واهدها سبلها واملأها بنورك الذي لا يخفو. واشرح صدورها الايمان بك وجميل التوكل عليك. واحيها يا ربنا بمعرفتك وامتها على الشهادة في سبيلك - 00:22:32ضَ

انك نعم المولى ونعم النصير. والسلام عليكم ورحمة الله وبركاته - 00:22:55ضَ