باحث

السلام عليكم ورحمة الله وبركاته. اهلا بحضراتكم في المقطع رقم تلتمية وتمانية من مقر حظر التجول. والمقطع رقم سبعة من مقاطع تدبر سورة الفرقان ارجو تجيبوا المصاحف وتفتحوها على صورة الفرقان. الصورة رقم خمسة وعشرين. تدبرنا امبارح كلام ربنا سبحانه وتعالى عن - 00:00:00ضَ

الاقوام التي اهلكها ودمرها لما كذبوا انبيائهم علشان يثبت قلب النبي صلى الله عليه وسلم في مواجهة الحملة الاعلامية الجبارة بتاعة المشركين اقرا معي من الاية خمسة وتلاتين. خمسة وتلاتين وستة وتلاتين - 00:00:32ضَ

اعوذ بالله السميع العليم من الشيطان الرجيم ولقد اتينا موسى الكتاب وجعلنا معه وجعلنا معه اخاه هارون وزيرا فقلن اذهبا الى القوم الذين كذبوا باياتنا فدمرناهم تدميرا. يبقى ربنا يدمر قوم فرعون. بعد ما - 00:00:57ضَ

كذبوا اياته اللي اعطاها لموسى. كمل سبعة وتلاتين. هات سبعة وتلاتين وقوم نوح لما كذبوا الرسل اغرقناهم وجعلنا واعتدنا للظالمين عذابا اليما. واغرق قوم نوح لنفس السبب تمانية وتلاتين وعادا وثمود واصحاب الرس وقرونا بين ذلك كثيرة امم واقوام كتيرة اهلكوا لنفس السبب - 00:01:20ضَ

نبدأ بقى تدبر الليلة من الاية اربعين اقرا معي الاية اربعين ولقد اتوا على القرية التي امطرت مطر السوء افلم يكونوا يرونها؟ بل كانوا لا دون نشورا قريش كانت تمر على قرية من قرى قوم لوط في طريق القوافل - 00:01:48ضَ

من والى الشام وهي قرية سدوم التي امطرت بالحجارة ولكنهم لم يأخذوا العبرة ليه اقرا اربعين وحاول تفهم السبب ليه ما خدوش العبرة اقرا معي ولقد اتوا على القرية التي امطرت مطر السوء - 00:02:13ضَ

افلم يكونوا يرونها؟ بل كانوا لا يرجون نشورا. هم ما كانوش شايفينها يعني ليه ما كانوش بياخدوا العبرة مع انهم في طريق القوافل الى الشام رايحين جايين على القرية دي وشايفين انها مدمرة - 00:02:37ضَ

وعارفين قصتها افلم يكونوا يرونها؟ هم ما كانوش بيشوفوها؟ لا كانوا بيشوفوها. امال ايه لانهم كانوا لا يرجون نشورا لانهم كانوا مش مؤمنين بالاخرة مش مؤمنين بالبعث والحساب طب ايه دخل الايمان بالبعث والحساب؟ بان الواحد يشوف العبرة في قصص السابقين - 00:02:53ضَ

فكروا معي ما هو الواحد لو مش مؤمن ان فيه بعث وحساب مش مؤمن بالاخرة! يبقى مش هيبذل اي جهد عشان يتعلم من قصص الاخرين! اتعلم منهم ليه اصلا حياة وعايشينها - 00:03:22ضَ

اي نعم وبنتنعم فيها. اهي متع وبنتعامل معها باسراف ومش بالضرورة اللي حصل لهم في الدنيا هيحصل لي. فالخوف من الاخرة والخوف من الحساب والبعث بعد الموت هو اللي بيجعل الانسان يجتهد في الدنيا - 00:03:35ضَ

عشان يقرب من ربنا ويتعلم من قصص الاخرين يبقى اللي مش مؤمن بالاخرة هيعدي على اثار الظالمين وتبقى بالنسبة له مجرد سياحة شوية صور سيلفي هيقف ياخدها مع الاثار اما لو امن بالاخرة هتبقى هذه الاثار بالنسبة له شيء بيذكره بمصير الكافرين ومصير الظالمين في الدنيا - 00:03:53ضَ

بما يثبت ان هناك اله سيحاسب ايضا في الاخرة. اللي خلى فيه اله ارسل عزاب في الدنيا يبقى فيه الهب يرسل عزاب في الاخرة اقرا معي واحد واربعين واتنين واربعين - 00:04:20ضَ

واذا رأوك ان يتخذونك الا هزوا اهذا الذي بعث الله رسولا ان كاد لا يضلنا عن الهتنا لولا ان صبرنا عليها وسوف يعلمون حين يرون العذاب من اضل سبيلا يعني - 00:04:38ضَ

واذا رأوك اذ يتخذونك الا هزوا لما يشوفوك مش بيتعاملوا معك الا باستهزاء اللي كانوا بيقولوا عليه الصادق الامين. وكانوا بيحترموا رأيه واذا رأوك ان يتخذونك الا هزوا. حفص بس على فكرة. اللي قرأها هزوة. المعظم قرأها هزأ - 00:05:02ضَ

اهذا الذي بعث الله رسوله بقى هو ده الفقير ده اليتيم ده اللي ما عندوش قوة وما عندوش آآ رجالة وما عندوش ناس تقف معه ضعيف في سورة الزخرف ربنا بيقول وقالوا لولا نزل هذا القرآن على رجل - 00:05:26ضَ

من القريتين عظيم. يعني لو كان بس نفس القرآن هو هو. ينزل بس على راجل تاني غير ده حد من عظماء مكة او الطائف ما عندناش مشكلة مش كان يبقى احسن - 00:05:52ضَ

اللي في مكة هو الوليد ابن المغيرة واللي في الطائف عروة ابن مسعود الثقفي. اللي كان له دور بعد كده في آآ الحديبية. المهم اقرا معي اتنين واربعين هم بيتكلموا عن الرسول عليه الصلاة والسلام - 00:06:06ضَ

ان كاد ليضلنا عن الهتنا لولا ان صبرنا عليها وسوف يعلمون حين يرون العذاب من اضل سبيلا اعتبروا الهداية اللي الرسول عليه الصلاة والسلام بيحاول يعملها بيحاول يهديهم بها اعتبروا الهداية دي اضلال - 00:06:22ضَ

يعني اعتبروا ان هو بيحاول يضللهم لما بيبعدوا عن عبادة الاصنام بقوا كده بيضللوا واعتبروا الضلال بتاعهم ده واصرارهم على الكفر اعتبروه الصبر على الطاعة وصبر على البقاء على الحق - 00:06:49ضَ

شوفوا ازاي الباطل ممكن يتم تلبيسه ثوب البطء ثوب الحق تاني معي ان كاد لكلام الرسول عليه الصلاة والسلام ان كاد ليضلنا عن الهتنا. هم شايفين النبي عليه الصلاة والسلام بيضللهم بعيدا عن الهتهم - 00:07:07ضَ

اه لكن هم في حالة ايمانية جيدة. ليه؟ لانهم صبروا على عبادة الاصنام ان كاد لا يضلنا عن الهتنا لولا ان صبرنا عليها عمليات تجميل وضع ميك اب مكياج على القبح الشيء القبيح يبقى جميل. الشيطان دايما يجمل المعصية - 00:07:27ضَ

يسمي الخمر مشروبات روحية يا سلام تحس كده ان فيها روحانية شديدة. ويقنع الانسان انه لو شربها عايز تريح لكنه ما يقولوش انه احتمال لما يشربها يسكر ويعمل حادسة يموت فيها ناس او يضرب زوجته - 00:07:51ضَ

هنا عملية تجميل بقى بتم للكفر. فبقى الكفر شكله هو الايمان. وبقت الدعوة للتوحيد هي الضلالة تصوروا لما يصفوا النبي عليه الصلاة والسلام انه بيضلل الناس عن عبادة الاصنام ان كاد ليضلنا عن الهتنا لولا ان صبرنا عليها. بيسموا الاصرار على عبادة الاصنام صبر - 00:08:10ضَ

لكن ده دليل ايضا على ايه على اصرار الرسول عليه الصلاة والسلام على الدعوة وعلى انه كان بيجتهد في دعوتهم جدا حتى احتاج منهم الامر علشان ما يتركوش عبادة الاصنام احتاجوا انهم يصبروا - 00:08:36ضَ

يعني اما يقولوا ان احنا صبرنا على الهتنا معناها ان الصلاة والسلام صبر ايضا على الدعوة ده دليل انه كان بيجتهد جدا في دعوته اللي يسمع كده ممكن ييجي في ذهنه على طول السؤال ده. طب هل هيجي يوم ويكتشفوا الحقيقة؟ يعني هم دلوقتي عايشين في وهم ان هم كانوا على الحق - 00:08:54ضَ

عبادة الاصنام كانت هي الايمان الحقيقي. وان الرسول عليه الصلاة والسلام كان بيضللهم مش بيدعوهم. وانه آآ هم صبرهم على عبادة الاصنام ده يعني صبر على الطاعة. هل هيجي يوم يكتشفوا الحقيقة - 00:09:16ضَ

ان هم اللي في ضلال مش النبي عليه الصلاة والسلام كمل الاية اتنين واربعين لاخرها ان كاد ليضلنا عن الهتنا لولا ان صبرنا عليها وسوف يعلمون حين يرون العذاب من اضلوا سبيلا - 00:09:31ضَ

لما العزاب ييجي هيعرفوا مين اضل. في حالة قريش كان في عزاب جزئي بدر انت بتتكلم في ان خمستاشر في المية من الجيش يعني سبعين من الف قتلوا. وسبعين تانيين اسروا. وزل بقى يتزلوا زلة زل شديد يعني. فهذا - 00:09:47ضَ

يسمى عزاب صغير حصل لقريش. لكن ايضا يوم القيامة اللي اصر منهم على الكفر هيعرف مين اللي في ضلال اكتر من التاني وسوف يعلمون حين يرون العذاب من اضلوا سبيلا. يعني مين اضل من التاني. طبعا النبي ليس على ضلال اصلا - 00:10:09ضَ

ولكن هم قالوا ان هو على ضلال. وقالوا ان هو بيضلل. ازا بيعتبروا ان هو في ضلال. فربنا بيقول لهم هتشوفوا مين فيكم اللي على ضلال اكتر اقرا تلاتة واربعين - 00:10:29ضَ

ارأيت من اتخذ الهه هواه افانت تكون عليه وكيلا ارأيت من اتخذ الهه هواه افانت تكون عليه وكيلا. هم مش بيعبدوا الاصنام دول بيعبدوا هو اهم الهوى هو انجذاب لافكار ومعتقدات باطلة - 00:10:46ضَ

والشهوة هو الانجذاب لمتطلبات مادية وجسدية. ايه الفرق بين الهوى والشهوة؟ الشهوة تبقى في الامور المادية زي جمع المال دي شهوة اه الاكل كتير شهوة الاكل شهوة الشرب. اه شهوة العلاقات الجنسية. دي كلها شهوات اسمها. لانها امور مادية تخص - 00:11:11ضَ

لكن الميل للشرك ده هوا الميل للاه الرأسمالية للشيوعية اللي هي ايا كان دي اسمها اهواء ما اسمهاش شهوات. لانها امور يتعلق بالعقيدة وتتعلق بالمبادئ. فنقول فلان هواه اشتراكي فلان هواه رأس مالي. او فلان هواه اسلامي. هواه يعني مزاجه رايح فين - 00:11:31ضَ

عايز ايه؟ بيحب قوي ايه ارأيت من اتخذ الهه هواه شفت اللي بيعبد مزاجه شفت اللي بيعبد هواه هو ايه اللي يخليه يروح يعبد اصنام؟ لا بتحيي ولا بتميت ولا بتحاسب ولا في اخرة ولا في بتاع. ما هو مش عايز حد يحاسبه على اللي بيعمله - 00:11:59ضَ

هو الدماغ والمزاج خلته يخترع الهة ما بتحاسبوش المسألة مسألة هوا مش بيعبد الالهة دي هوا بيعبد الهوى يعني بيترك الهوى يتحكم فيه ويتحكم في قيمه ويتحكم في رؤيته طبعا. ممكن يشوف النبي مضلل بعد كل ده. ويشوف عبادة الاصنام هي الديانة الصحيحة ان هي المريحة. هي اللي جاية على هواها هي اللي جاية على مزاجها - 00:12:19ضَ

ارأيت من اتخذ الهه هواه؟ هيفكر صح ازاي بعد كده ده انسان غير قابل للهداية اصلا ليه اللي بيعبد مزاجه ده الحقيقة عنده بقت ما لهاش وزن اصلا. هو مش عايز يدور على الحقيقة. هو ماشي ورا هواه - 00:12:46ضَ

الحجة والدليل بقوا من غير اي قيمة. خالص ما لهمش قيمة استخدام المنطق في الاقناع مش هيجيب معه نتيجة. فريح نفسك يا محمد. الناس دي مرضى نفسيين. بس ارأيت من اتخذ الهه هواه؟ واحد ماشي ورا مزاجه المسألة نفسية بحتة - 00:13:09ضَ

الاية خلاصتها ريح نفسك انت عامل كده ليه في نفسك عشانهم دول مرضى. دول ناس ماشيين ورا هو اهم. ارأيت من اتخذ الهه هواه؟ افانت تكون عليه وكيلا؟ مش هتقدر تفيدهم في حاجة لانهم بيعبدوا - 00:13:28ضَ

مزاجهم انت فاكر انهم بيسمعوا الكلام او بيفهموه دول زي الانعام زي البقر. بل اقل من البقر كمان. اقرا اربعة واربعين ان تحسب ان اكثرهم يسمعون او يعقلون ان هم الا كالانعام بل هم اضل سبيلا. دول اضيع من الانعام كمان. اضل يعني اضيع - 00:13:45ضَ

طب ليه اقل من الانعام مش دي مبالغة؟ يعني مهما كان الانسان ما ينفعش يتقال عليه انه اقل من الحيوان يعني. الحيوان لما لما يعني يعني ده حيوان ده حيوان وده انسان مهما كان - 00:14:10ضَ

اقول لكم ليه ليه اقل من الحيوان فعلا؟ الحيوان لما يفترس حيوان اخر يقتل حيوان اخر. الاسد قتل غزال واكله. هل بنقول الاسد الشرير ارتكب جريمة القتل وقتل الغزال؟ لأ - 00:14:23ضَ

لا نصف عمل الاسد بالجريمة لانه قطر بينما لما انسان يقتل بنقول ارتكب جريمة. ليه ؟ لان الانسان عنده عقل. وبالتالي عليه مسئولية اكبر لكن الحيوان يمشي وراء شهواته بدون زابط بدون ضابط غير لما انسان يمشي ورا شهواته بدون ضغط - 00:14:43ضَ

ساعتها يبقى الانسان اقل من الحيوان. الحيوان ما عندوش عقل لكن الانسان عنده عقل كان مفروض يتحكم في شهواته وفي نفس الوقت الانسان المؤمن المطيع لله افضل من الملايكة صور بقى في سورة البينة - 00:15:08ضَ

ربنا سبحانه وتعالى بيقول ان الذين امنوا وعملوا الصالحات اولئك هم خير البرية. البرية البريئة يعني المخلوقات خير المخلوقات يعني ايه؟ يعني احسن من الملايكة. معقول؟ الذين امنوا وعملوا الصالحات. اولئك هم خير البرية يعني احسن حتى من الملايكة - 00:15:26ضَ

ربنا احسن احسن احسن من اي مخلوق طب ازاي الانسان اللي بيعبد ربنا الساعة او ساعتين في اليوم يبقى افضل من الملايكة اللي ربنا وصفهم في سورة التحريم انهم لا يعصون الله ما امرهم ويفعلون ما يؤمرون - 00:15:44ضَ

الملايكة دول لما يعصوش ربنا ما بيعرفوش يعصوا ربنا اصلا ويفعلون ما يؤمرون الانسان حتى لو مؤمن لازم بيخطئ طبعا ازاي يبقى احسن من الملايكة يا جماعة؟ الملائكة ليس لديها شهوات. وبالتالي لا يوجد لديها دافع للخطأ - 00:16:07ضَ

ولا دافع للمعصية. اما الانسان فلديه شهوات. فاذا اطاع الله صار افضل من الملائكة انه قدر يقاوم شهواته اقرا الايتين دول في سورة البينة. اية ستة واية سبعة. ان الذين كفروا من اهل الكتاب والمشركين في نار جهنم خالدين فيها - 00:16:28ضَ

ملائك هم شر البرية. اشر حتى من الحيوانات والوحوش ان الذين امنوا وعملوا الصالحات اولئك هم خير البرية. طيب ازا المنافسة دلوقتي بينا وبين الملائكة مين يرضي ربنا اكتر ويعبد ربنا اكتر - 00:16:47ضَ

ازاي نكسب في المنافسة قدام طرف زي الملائكة بيذكر الله بدون انقطاع ليل نهار. لا يفطرون بينما احنا محتاجين وقت ننام ووقت ناكل ونشتغل ونسوق السيارة نعمل ايه ربنا سبحانه وتعالى جعل لنا - 00:17:07ضَ

نظام جميل جدا اذا بدأت اي عمل بذكر الله وانهيت وانهيت هذا العمل بذكر الله تكتب من الذاكرين طول مدة العمل مثلا هتاكل حطيت الطبق عشان تبدأ تاكل فتبدأ بذكر ايه؟ بذكر الله. اللهم بارك لنا فيما رزقتنا وقنا عذاب النار. بسم الله نبدأ ناكل - 00:17:30ضَ

قعدت نص سنة نص ساعة بتاكل. نص ساعة بتاكل خلصت اكل قلت الحمد لله الذي اطعمنا وسقانا وجعلنا مسلمين يكتب لك نص ساعة من الذكر المتواصل. انت كنت بتاكل. كنت بتاكل فراخ. ذكر متواصل. ليه؟ لانك بدأت بالذكر. طيب هتنام - 00:17:59ضَ

قبل النوم حطيت راسك وقلت بسم الله وضعت جنبي وبسم الله ارفعه. اللهم ان امسكت نفسي فارحمها وان ارسلتها فاحفظها بما احفظ به عبادك الصالحين. نمت تمان ساعات بحالك وكلت رز بلبن مع الملايكة وحلمت وكل حاجة. ولما صحيت قلت - 00:18:19ضَ

الحمد لله الذي احيانا بعد ما اماتنا واليه النشور. يكتب لك تمن ساعات من الذكر المتواصل فانت ممكن تكون في حالة ذكر متواصل اذا ركزت في الاذكار. خلاص؟ فاحنا عايزين نخلي الواجب بتاعنا النهاردة ان احنا نبدأ - 00:18:39ضَ

اقرا اذكار الصباح واذكار المساء بتدبر. ونبدأ نجمع اذكار الاحوال. يعني الذكر اللي قبل الاكل الذكر اللي بعد الاكل. الذكر اللي قبل النوم. الذكر بعد وافتكر قبل الخروج من البيت ذكر بعد آآ عند الرجوع للبيت. وهكزا. لو احنا قدرنا ندرب نفسنا على مداومة ذكر الله نكتب من الذاكرين - 00:18:57ضَ

ان شاء الله ونتوقف هنا الليلة بازن الله اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:19:17ضَ

وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا من الماء البارد على الضلال اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب - 00:19:32ضَ

وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله وفي مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب همومنا وغمومنا - 00:19:55ضَ

ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم بحق كل حرف في كتابك تلوناه او تدبرناه اكفنا واهلينا شر كل من يكيد لنا ولهم. واحفظنا اللهم من شرورهم - 00:20:26ضَ

يجعلك اللهم في نحورهم فانت الوكيل ولا حول ولا قوة الا بك اللهم من قضى منا بالوباء المنتشر فاكتب له الشهادة. ومن كان منا او من احبابنا مريضا به او حاملا له - 00:20:46ضَ

فالبسه ثوب الصحة والعافية. عاجلا غير اجل. ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على - 00:21:03ضَ

وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها سبلها واملأها بنورك الذي لا يحبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك وامتها على الشهادة في سبيلك - 00:21:28ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا. سلام - 00:21:54ضَ