باحث

السلام عليكم ورحمة الله وبركاته. اهلا بحضراتكم في مقطع رقم تلتمية تلاتة واربعين من مقاطع حظر التجول والحلقة السابعة والاخيرة من حلقات تدبر سورة لقمان. ارجو حضراتكم تجيبوا المصاحف وتفتح معي اخر - 00:00:04ضَ

اخر اية تدبرناها امبارح في سورة لقمان كانت الاية اتنين وتلاتين. نقراها تاني مع بعض علشان نتذكر كده السياق اقرا معي الاية اتنين وتلاتين اعوذ بالله السميع العليم من الشيطان الرجيم - 00:00:27ضَ

واذا غشيهم موج كالظلل دعوا الله مخلصين له الدين فلما نجاهم الى البر فمنهم مقتصد وما يجحد باياتنا الا كل ختار كفور لمة عاصفة ضخمة عنيفة قامت والموج الضخم اللي في حجم الجبال اصبح مغطيهم زي السحاب كالظلل - 00:00:42ضَ

دعوا الله باخلاص شديد ولما نجاهم ووصلوا البر بسلام بعد ما اتكنوا على وشك الغرق منهم من بقي على اخلاصه لله. ومنهم من غدر وكفر هذا شأن الناس الناس مش زي الاعاقة - 00:01:08ضَ

يعني ايدك دي ما فيش فيها صباعين زي بعض. ليه تتوقع الناس تبقى زي بعض منهم اللي لما بيدخل في محنة بيقترب من الله وبعد زوال المحنة حاله يظل على خير - 00:01:27ضَ

ومنهم اللي بيدخل في المحنة يقترب من الله ثم بعد زوال المحنة بينقلب وينتكس. وينسى الشكر وينسى مدى ضعفه ومدى حاجته الى الله نبدأ بقى تدبر الليلة من الاية تلاتة وتلاتين. اقرا معي الاية تلاتة وتلاتين - 00:01:42ضَ

يا ايها الناس اتقوا ربكم واخشوا يوما لا يجزي والد عن ولده ولا مولود هو جاز عن والده شيئا ان وعد الله حق. فلا تغرنكم الحياة الدنيا. ولا يغرنكم بالله الغرور - 00:02:02ضَ

طيب واضح ان ربنا يكلم الناس وبيعظهم انهم يتقوا يعني يحموا نفسهم من اللي هيحصل ايه اليوم ده؟ يوم القيامة ووصف هذا اليوم بانه يوم ايه؟ اقرا كده يوما لا يجزي والد عن ولده - 00:02:25ضَ

ولا مولود هو جاز عن والده شيئا يبقى احنا عندنا في اليوم ده تلات اطراف ركز بقى مجازي يجازي مجازي وهو الله ومجازى وده الانسان الفاعل للفعل سواء فعل خير او فعل شر هيجازى بالخير او هيجازى بالايه؟ بالعقوبة - 00:02:46ضَ

يبقى مجازي دالله ومجازى ده الانسان الفاعل في سورة الانبياء لو تتذكروا تدبرنا مع بعض كذلك نجزي الظالمين العقوبة وفي سورة القصص تدبرنا مع بعض. وكذلك نجزي المحسنين. فالمحسنين بيجزوا والظالمين بيجزوا - 00:03:12ضَ

دول بيجزوا بالعقوبة؟ دول بيجزوا بالانعام الانعام عليهم. صح يبقى عندنا مجازي وهو الله ومجازى اللي هو الفاعل بس فيه طرف تالت هيظهر وهو انسان هيحاول يتدخل لصالح المجازة لما الموجزة يكون هيتعاقب او يدخل النار هيحاول يتدخل لصالحه - 00:03:33ضَ

تمام تلات اطراف مجازى مجازي وطرف تالت هيحاول يتدخل ليجزي بالنيابة عن الايه الطرف اللي هيقع حط لي بقى علامة على الاية تلاتة وتلاتين في سورة لقمان عشان هنرجع لها تاني - 00:03:57ضَ

وهات لي المصحف من اوله هات لي سورة البقرة ده التدبر بقى هتعبكم النهاردة معي شوية. هات لي سورة البقرة السورة رقم اتنين الجزء الاول الاية التمانية واربعين. خلاص؟ هات لي الاية تمانية واربعين في البقرة - 00:04:18ضَ

ربنا بيقول واتقوا يوما لا تجزي نفس عن نفس شيئا ولا يقبل منها شفاعة. ولا يؤخذ منها عدل. ولا هم ينصرون خلاص قريناها مع بعض روح للاية مية تلاتة وعشرين في البقرة برضو. قلب قلب قلب واكي مية تلاتة وعشرين في البقرة - 00:04:34ضَ

واتقوا يوما لا تجزي نفس عن نفس شيئا ولا يقبل منها عدل ولا تنفعها شفاعة ولا هم ينصرون ايه الفرق بين الايتين دول؟ طيب انا بقى طبعتهم لكم عشان ما ادوخوش - 00:04:58ضَ

خلاص اول سطر هو هو بالزبط هو هو اللي هو ايه واتقوا يوما لا تجزي نفس عن نفس شيئا ولا يقبل منها. زي بعض بالزبط. طبعا للاسف الشباب بتوع وبتوع الانستجرام مش هيعرفوا يقروا ان الكلام مقلوب - 00:05:13ضَ

يعني انا لما باشرب بدي دي بايدي اليمين على فكرة مش شمال بس انتم بتشوفوها شمال عشان خاطر الموبايلات شمال. لكن انتم بقى بتوع اليوتيوب هتشوفوها صح. ماشي؟ انتم بقى - 00:05:32ضَ

ايه تتعبوا شوية وتطلعوا الايتين تمانية واربعين ومية تلاتة وعشرين في البقرة عشان هنتكلم فيهم كويس دلوقتي الاية التمانية واربعين السطر التاني بقى ولا يقبل منها شفاعة لكن في مية تلاتة وعشرين ولا يقبل منها عدل - 00:05:42ضَ

ايه الشفاعة؟ الشفاعة هي التوسط عند الاخر. عارفة كلمة الواسطة؟ الله انك تتوسط عند اخرين بغرض جلب منفعة او دفع ضرر لشخص اخر دي اسمها الشفاعة ايه العدل؟ العدل هو الفدية. يعني الواحد يدفع فدية او غرامة عشان لا يعاقب عقوبة مؤلمة - 00:06:00ضَ

بدل ما يدخل السجن يقول لك عمل تصالح عشرة مليون جنيه مسلا اهو العشرة مليون جنيه واسمهم العدل. يعني دفع حاجة عشان ما يتعاقبش عقوبة شديدة طيب يوم القيامة النزام هو ان ما حدش هيشفع لحد الا باستثناءات - 00:06:24ضَ

النبي له شفاعة اذا اذن له الله انه يشفع لناس معينة والشهيد له شفاعة اذا اذن له الله. لكن الناس العاديين ليس لهم شفاعة والطبيعي ان ما فيش شفاعة. فالشفاعة باستسناءات. باستسناءات. هنتكلم عن سرعة الشفاعة ده بعدين والشفاعة العامة ان احنا بس يبدأ الحساب. فيه قصة تانية وهتحصل لكل الناس - 00:06:40ضَ

النبي عليه الصلاة والسلام هيشفع للناس كلها مسلمين الكفار لكن الشفاعة من النار او من العذاب هي اللي مش موجودة الا باستثناءات. يعني الطبيعي ان ما فيش نرجع للاية تمانية واربعين - 00:07:02ضَ

ربنا قدم الشفاعة ليه؟ ليه ربنا في الاية تمانية واربعين؟ قال ايه ولا يقبل منها شفاعة لان اذا لم تقبل الشفاعة مش معنى كده ان الفدية مش هتقبل ما انت ممكن تروح تشفع لحد وتقول معلش ممكن ما تعاقبوش يقول لك لأ مش هقبل شفاعتكم - 00:07:17ضَ

قولوا طب انا هدفع بالنيابة عنه الحاجة اللي هو كسرها. يقول لك اوكي فممكن لو الشفاعة رفضت العدل يقبل. عشان كده في الاية دي قدم الشفاعة. قال ولا يقبل منها شفاعة - 00:07:40ضَ

ولا يؤخذ منها عدل يوم القيامة لا شفاعة ولا عجز بينما في الاية مية تلاتة وعشرين قدم العدل قال لك ولا يقبل منها عدل قال لك ايه ولا يقبل منها عدل ولا تنفعها شفاعة - 00:07:54ضَ

لان بالتأكيد لو ما اتاخدش العدل ما اتاخدش قيمة الحاجة اللي بازت يبقى كمان الشفاعة مش هتنفع. يعني ده اكيد. لو العد ما اتاخدش بالشفاعة مش هتنفع. الحاجة التانية هو ان الاية تمانية واربعين دي - 00:08:13ضَ

بتتكلم عن الطرف التالت اللي داخل يحل المشكلة مش مش عن الفعل. يعني ربنا بيقول ايه واتقوا يوما لا تجزي نفس عن نفس شيئا الشخص التالت اللي داخل يتوسط ده لا يقبل منه شفاعة ولن يؤخذ منه عدل بالنيابة عن الشخص - 00:08:30ضَ

اللي هيعاقب انما الايامية تلاتة وعشرين بتتكلم عن الفاعل نفسه الفاعل نفسه لن تقبل. شف لا يقبل منها عدل لن يقبل منه انه يدفع حاجة. نظيره انه ما يتعاقبش بص بقى ايه ولا تنفعها شفاعة ومش هينفعوا شفاعة اي حد. هيحاول يشفع له - 00:08:51ضَ

فهمتوا دي؟ طيب انا ليه اللي هو اكيد لما ما يلاقيش ان العدل قبل هيجري يشوف شفيع. وما فيش شفيع بقى ساعتها. نرجع بقى للاية بتاعتنا مية تلاتة وتلاتين سورة لقمان - 00:09:14ضَ

اقرا معي اقرا معي التلاتة وتلاتين سورة لقمان. يا ايها الناس اتقوا ربكم واخشوا يوما اللي هو اليوم اللي احنا كنا بنتكلم عنه ده. يوما لا يجزي والد عن ولده - 00:09:28ضَ

ها ما فيش في اليوم ده اب هيجزي عن ولده يعني عن ابنه او عن بنته ولد يعني ابن او بنت ولا مولود هو جاز عن والده شيئا. وما فيش مولود وما قلش ولد - 00:09:43ضَ

ليه؟ لان المولود هو الابن المباشر او الابنة المباشرة تمام؟ لكن الحفيد ما يتقالش عليه مولود. مش مولود لي. حفيدي ما اسموش مولودي. ممكن اقول عليه ولدي انا اولادي كذا واقول واتكلم عن احفادي كانهم اولادي كده ما قلتش مولودين لي - 00:10:01ضَ

فالاية بتقول ما فيش مولود هيجزي عن والده. يبقى طبيعي مش هيجزي عن اجداده كمان انتم ازاي؟ طيب ازا كان المباشر مش عارف يعمل له حاجة ابنه المباشر مش عارف يعمل له حاجة. يبقى هيعمل لجده او جد جده - 00:10:19ضَ

لا يجزي والد عن ولده. يعني لا عدل هيقبل ولا شفاعة من اب لابنه او لبنته ولا مولود هو جاز عن والده شيئا. ايضا لا عدل هيقبل ولا شفاعة ربنا بيحزرنا من اليوم دوا مش ما فيش مخرج اخر. مش هينفع تدفع حاجة - 00:10:37ضَ

ما فيش حاجة اسمها عمه فلان الوزير هيكلم لك حد. ما فيش الكلام ده يعني. الناس اللي معتمدة على الكلام ده في الدنيا يا جماعة ما فيش الكلام ده هناك. يبقى تركزوا - 00:10:58ضَ

واتقوا هذا اليوم. ليه؟ لان وعد الله حق الله هو الحق ووعده الحق. ارجع للاية الاخيرة في سورة الروم. هات لي السورة اللي قبل لقمان على طول سورة الروم الاية ستين - 00:11:08ضَ

فاصبر ان وعد الله حق ولا يستخلفنك الذين يوقنون هذا وعد للنبي صلى الله عليه وسلم بالنصر في الدنيا وبالفعل بعد سنة ونص كان بينتصر في بدر. وبعدها بكم سنة ربنا فتح له مكة. فاصبر ان - 00:11:23ضَ

الله حق لو وعد في الدنيا حق ارجع للاية تمانية وتسعة في سورة لقمان ان الذين امنوا وعملوا الصالحات. هات تمانية وتسعة في لقمان. يلا بسرعة خليك معي سريع ان الذين امنوا وعملوا الصالحات لهم جنات النعيم خالدين فيها وعد الله حقا - 00:11:40ضَ

هذا وعد للمؤمنين بالخلود في الجنة. يبقى في وعد في الدنيا شفناه في سورة الروم. ووعد في وعد تاني للمؤمنين بالخلود في الجنة الاية تلاتة وتلاتين وعد بقيام الساعة وبالحساب كمل الاية تلاتة وتلاتين معي - 00:12:02ضَ

فلا تغرنكم الحياة الدنيا. ولا يغرنكم بالله الغرور ما تخلوش الشهوات بتاعة الدنيا تغركم. وما تخلوش الشيطان يغركم ازاي؟ هو الشيطان بيغر الانسان ازاي من طرق الشيطان الخطيرة انك لما تبقى بتفكر في معصية يقول لك - 00:12:18ضَ

ربنا غفور رحيم وتغتر بغفران ربنا وبرحمته فتتجرأ على المعصية سؤال بقى خطير وشبهة خطيرة الله! طيب ما هو غفور رحيم جت خمسة وسبعين مرة في القرآن الكريم ازاي يضرني اني اؤمن بها؟ - 00:12:43ضَ

ما هو ربنا قال لي خمسة وسبعين مرة انه خمسين مرة غفور رحيم. خمستاشر مرة غفورا رحيما ازاي يضرني ان هو من بها؟ اقول لك انا بقى هي وردت علشان انت تتوب بعد المعصية. مش عشان تجرأك على المعصية قبل ما تفعلها - 00:13:04ضَ

يبقى تحط في دماغك ان ربنا غفور رحيم بعد ما تقع في معصية لكن مش وانت مقدم على معصية تغر تغرر نفسك بان ربنا غفور رحيم فتتجرأ على المعصية. اللي بيجرأك على الشيطان ده بيغرر بك عشان كده اسمه - 00:13:25ضَ

غرور الغرور هنا بيبقى شيطان الشيطان مش لازم يكون جن وكذلك جعلنا لكل نبي عدوا شياطين الانس والجن يوحي بعضهم الى بعض زخرف القول غرورا. الشيطان ده ممكن يكون بني ادم بيقول لك جرب سيجارة - 00:13:44ضَ

جرب حتة آآ مخدرات. جرب آآ كاس شيطان بني ادم وشيطان جن في الاتنين ايه كمان ممكن يخدع الانسان ويغتر به احنا عارفين ان الشهيد بيشفع في سبعين من عائلته واصدقائه - 00:14:01ضَ

فانت تظن ان علشان لك اخ شهيد ابني شهيد او اب شهيد انك في امان وانه سيشفع لك. وتنسى اية الكرسي الله لا اله الا هو الحي القيوم. لا تأخذه سنة ولا نوم. له ما في السماوات وما في الارض. من ذا الذي يشفع - 00:14:21ضَ

عنده الا باذنه ممكن لا يؤذن في الشفاعة لشخص معين. سيدنا نوح نفسه ابو الانبياء لم يؤذن له في الشفاعة لابنه ما تغترش انت لك اخ شهيد ولا ابن شهيد ولا اه ولا اب شهيد ما يتغطرش بزلك - 00:14:42ضَ

سانيا مين قال ان الشفاعة بتخرج من النار دايما لا مش لازم شفاعة النبي لعمه ابو طالب خففت عنه العزاب في النار والحديس في البخاري ومسلم عن ابي سعيد الخدري ان رسول الله صلى الله عليه وسلم ذكر عنده عمه ابو طالب فقال - 00:15:02ضَ

لعله تنفعه شفاعتي يوم القيامة فيجعل في دحضاح من النار يبلغ كعبيه يغلي منه دماغه. اتفضل يعني الرسول صلى الله عليه وسلم بيأمل يدعو الله ان شفاعته تقبل فيعذب عزابها اخف من العزاب العادي - 00:15:21ضَ

ما تغترش بان لك قريب شهيد. مين قال ان الشفاعة انك خارج من النار؟ لا لا مش لازم ابدا ايمانك وعملك في الدنيا هم اللي هينفعوك ايمانك وعملك الصالح ليه العمل الصالح لازم؟ لان الايمان مش كلمة يا حبيبي بتقولها بلسانك. لا لازم تترجم في عملك - 00:15:40ضَ

بعد كل ده ستجد داخلك صوت يقول لك ياه يوم القيامة ده يوم خطير اوي طب ينفع نعرف هو امتى اقرا اربعة وتلاتين ان الله عنده علم الساعة. وينزل الغيث ويعلم ما في الارحام وما تدري نفس ماذا تكسب غدا وما تدري - 00:16:02ضَ

باي ارض تموت. ان الله عليم خبير. كان الرسول عليه الصلاة والسلام نفسه عجل لو انت عايز تعرف امتى السعر؟ النبي نفسه ما يعرفش واحد راح يسأله عن الساعة قال له ما المسئول باعلم منها من السائل - 00:16:26ضَ

وقال لواحد تاني ماذا اعددت له؟ ربنا فقط هو اللي عارف متى الساعة متى تقوم القيامة؟ قال النبي صلى الله عليه وسلم خمس لا يعلمهن الا الله وتلا هذه الاية - 00:16:40ضَ

ان الله عنده علم الساعة وينزل الغيث. يعني هو اللي عارف المطر هينزل امتى. كمية الماء قد ايه؟ وعلى اي بقعة في الارض بالظبط هينزل. ويعلم ما في الارحام تسمع كلام سخيف. بالسونار بنقدر نعرف الجنين في بطن امه ذكر ولا انثى - 00:16:56ضَ

وربنا قال ويعلم ما في الارحام ذكور ولا اناث ما قالش كده. قال لك ويعلم ما في الارحام. طب السونار بتاعك بيظهر الجنين شقي ام سعيد السونار بتاعك بيفري الجنين هيطلع حرامي ولا انسان امين؟ ربنا يعلم ما في الارحام - 00:17:18ضَ

الموضوع اكبر بكتير من التفاهة اللي بنسمعها من الملحدين وما تدري نفس كمل الاية معي. وما تدري نفس ماذا تكسب غدا. الانسان نفسه ما يعرفش هو هيعمل ايه بكرة تاكسي مش هتكسب فلوس - 00:17:37ضَ

تاكسي بيعني هيحصل لها ايه اصلا الحوادس اللي هتحصل لها وما تدري نفس ماذا تكسب غدا وما تدري نفس باي ارض تموت. ولا الانسان يعرف هو هيموت فين يعني ادق واهم تفاصيل نفسي انا ما اعرفهاش - 00:17:51ضَ

هو مين اللي يعرفها الاية ان الله عليم خبير. العلم كله عند الله. الخبرة كلها عند الله هادي هي خلاصة الحكمة في سورة لقمان. خلاصة الحكمة انك تبقى عندك حكمة هو انك تعلم انك لا تعلم - 00:18:11ضَ

والعلم كله عند الله. ده دي الحكمة فدي الحكمة ان تعلم انك لا تعلم ونتوقف هنا باذن الله الليلة وكده اتممنا سورة لقمان ومن الغد ان شاء الله نبدأ سورة السجدة ارجو انكم تحشدوا الناس لصورة - 00:18:30ضَ

احنا كل مرة بنبدأ بها صورة بنبدأ بعدد كبير من الناس. نبدأ العدد اللي الناس بتتساقط. الناس بتتساقط. يتساقط يتساقط يستشهدوا كده معنا. طالما نلاقي العدد صفصف على خمسة وسبعين في المية من العدد اللي بدأ. ونبدأ تاني. بس احنا الدال على الخير كفاعله. دل الناس على الخير - 00:18:48ضَ

احشدوا الناس هتلاقوني بعمل دلوقتي آآ تغريدات على التويتر وآآ وممكن على الفيسبوك بقول لبكرة سورة السجدة اعملوا لها شير واعملوا لها ريتويت وبتاع خلاص ندعو الله ان شاء الله على كده. اللهم انا نسألك حبك وحب من يحبك وحب كل عمل يقربنا الى حبك - 00:19:06ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:19:25ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب اللهم اجعلنا نحبك بكل قلوبنا ومرضيك بكل اجسادنا. اللهم اجعل حبنا كله لك وسعينا كله في - 00:19:44ضَ

مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله ان يجعل هذا التدبر في ميزان حسناتي وحسناتكم جميعا اللهم بحق كل حرف في كتابك تلوناه او تدبرناه اكفنا واهلينا شر كل من يكيد لنا ولهم - 00:20:13ضَ

واحفظنا اللهم من شرورهم ونجعلك اللهم في نحورهم فانت الوكيل ولا حول ولا قوة ابدا الا بك اللهم من قضى منا بالوباء المنتشر فاكتبها له شهادة. ومن كان منا او من احبابنا مريضا به او حاملا له فالبسه ثوب الصحة - 00:20:39ضَ

والعافية عاجلا غير اجل ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت - 00:20:58ضَ

على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها واملأها بنورك الذي لا يخبو. واشرح صدورها بفيض ايماني بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:21:22ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا. السلام عليكم - 00:21:45ضَ