باحث

بسم الله بسم الله الرحمن الرحيم. السلام عليكم ورحمة الله وبركاته. اهلا بحضراتكم. في المقطع رقم ربعمية وسبعة. من مقاطع حظر تجول الحلقة الثالثة عشر والاخيرة من حلقات تدبر سورة الصافات. ارجو من حضراتكم - 00:00:02ضَ

تجيبوا المصاحف بازن الله هنختم سورة الصافات ومن بكرة نبدأ سورة النور نصيحة اللي عايز يحبب حد في التدبر يخليه يحضر سورة النور كلموا الناس كلموا اصحابكم وقولوا لهم ماني بات جرانتيه اعملوا لهم اي حاجة خلوا الناس تحضر من بكرة. ضروري - 00:00:27ضَ

طيب خلينا نرجع بقى سورة الصافات زي ما احنا شفنا ركزت على نوع من الناس اسمهم عباد الله المخلصين. المخلصين وفي قراءة المخلصين مخلص يعني هو بيخلص نيته وعبادته لله - 00:00:48ضَ

مخلص يبقى ربنا بعد ما هو اخلص عبادته الشخص دوا ربنا اخلص هزا الانسان يعني يطهره طهره من من اي شوائب ممكن تشوب الانسان الصورة ركزت على النوع ده من الناس زكرتهم خمس مرات عباد الله المخلصين. ووصفتهم انهم ينتمون لعائلة المؤمنين وانهم - 00:01:05ضَ

تميزون بانهم من المحسنين يعني الذين يعبدون الله كأنهم يرونه اي ان ناس وصل ايمانها بوجود الله الى درجة الايمان بما تشعر به الحواس يعني انت لما اقول لك ان في مسلا نادي رياضي اسمه نادي هليوبلس مسلا - 00:01:30ضَ

فانت لو بتثق في هتعتبر ده خبر صادق وهتصدقني ان فيه فعلا نادي رياضي اسمه كده هليوكس. لكن مهما كان تصديقك ده مش هيكون بقوة تصديقك لو شفت النادي بعينك - 00:01:51ضَ

الاحسان هو ان تصدق بوجود الله وكانك تراه. مية في المية التصديق بدون ما ترى الله يعني التصديق بالغيب بنفس قوة التصديق بالشهادة الاحسان وان لم تكن تراه فهو يراك. يبقى احوالك في السر تماما مسل احوالك في العلن. لانك تعلم ان يعني - 00:02:08ضَ

انت مش تستعلم انت متأكد من انه موجود وانه يراك في كل وقت الصورة اعطت امثلة لعباد الله المخلصين برسل ربنا نصرهم على الكافرين ودلوقتي احنا في ختام سورة الصافات. اقرا بقى معي من الاية مية واحد وسبعين للاية مية تلاتة وسبعين - 00:02:36ضَ

من مية واحد وسبعين معي. اعوذ بالله السميع العليم من الشيطان الرجيم. من الشيطان الرجيم ولقد سبقت كلمتنا لعبادنا المرسلين انهم لهم المنصورون. وان جندنا لهم الغالبون رأيكم ايه الاية بتبدأ بواو العطف - 00:02:58ضَ

ينفع كده ؟ نخش على طول نبدأ نقرا كده من اول هنا هو. ولا تيجي نرجع شوية عشان بس نمسك السياقة ان الكلام بعدها بعد واو العطف معطوف على اللي قبلها - 00:03:24ضَ

فلازم نرجع شوية. نرجع نشوف معطوف على ايه من مية سبعة وستين لمية وسبعين. وان كانوا ليقولون لو ان عندنا ذكر من الاولين لكنا عباد الله المخلصين فكفروا به فسوف يعلمون - 00:03:35ضَ

يعني الكفار كانوا بيقولوا لو جالنا كتاب زي كتب الاولين زي التوراة زي الانجيل كنا امنا وبقينا من عباد الله المخلصين بس لما جا لهم كفروا به اقرا بقى مية وسبعين - 00:03:54ضَ

فكفروا به فسوف يعلمون. فسوف يعلمون ايه. دي كانت اخر اية تدبرناها امبارح فسوف يعلمون. فسوف يعلمون ايه ايات تدبر الليلة بقى هتدبرها الليلة بتزكر هم هيعلموا ايه بقى ويعني ولاول وهلة الواحد ممكن يزن انهم سيعلمون انهم - 00:04:11ضَ

سيهزمون مسلا حاجة تخصهم هم لكن لأ شف الايات عبرت عنها ازاي عن هزيمة الكفار فسوف يعلمون ولقد سبقت كلمتنا لعبادنا المرسلين انهم لهم المنصورون وان جندنا لهم هم الغالبون - 00:04:32ضَ

يعني هيعرفوا وهيدركوا ان عباد الله المرسلين اللي هم الرسل اللي هم كزبوهم لهم المنصورون. هم دول اللي ربنا هينصرهم وان جندنا يعني الصحابة بقى اللي حوالين الرسل دول الناس اللي وقفت مع الرسل وساندتها - 00:04:55ضَ

لهم الغالبون هم اللي هيغلبوا بمفهوم المخالفة في حاجة اسمها مفهوم المخالفة انك تجيب الجملة وتشوف عكس معناها ايه بمفهوم المخالفة يبقى اعدائهم هم المهزومون وهم المغلوبون اللي هم هم نفسهم الكفار - 00:05:16ضَ

يعني لما ربنا يقول والكفار دول هيعرفوا هيعرفوا ايه ان عباد الله هم الغالبين يبقى الكفار هم المهزومين ده اسمه تعبير بمفهوم المخالفة. بالطريقة دي الاية وصلت للقارئ المتدبر رسالة فسوف يعلمون انهم مهزومون مغلوبون - 00:05:37ضَ

لكنها وصلتها بمفهوم المخالفة فاصبحت بتعطي رسالة مباشرة للمؤمنين هي ان عباد الله المخلصين هم المنصورون وهم الغالبون تعالوا بقى نقرا نقراها على بعضها بقى. الفهم ده شف بعد ما بقى الفهم ده موجود عندك - 00:06:02ضَ

تعالوا نقراها على بعضها من مية سبعة وستين لمية تلاتة وسبعين. واستشعر انسياب المعنى في ضوء الفهم ده اقرا معي المية سبعة وستين وان كانوا ليقولون لو ان عندنا ذكرا من الاولين. لكن - 00:06:20ضَ

الله المخلصين فكفروا به فسوف يعلمون ولقد سبقت كلمتنا لعبادنا المرسلين انهم لهم المنصورون وان جندنا. وان ان جندنا لهم الغالبون تعالوا بقى نحلل الكلام ده احنا كل ده بنتدبر - 00:06:42ضَ

الصياغة. تعالوا بقى نشوف التدبر التحليلي نحلل بقى ولقد سبقت كلمتنا. يعني هذا وعد الله. ده وعد عام ان عباد الله المخلصين هم المنصورون وهم الغالبون. ده مش بس في وقت النبي يعني محمد عليه الصلاة والسلام وقت الصحابة. لا لا لا - 00:07:13ضَ

على طول دي قاعدة واحد ممكن يقول لك يا عم منصورين فين بس؟ وغالبين ايه بس؟ خلينا ساكتين بقى. انت مش شايف انتصار الباطل على الحق واضح ازاي دلوقتي هناك حرب بين الحق والباطل منذ اول يوم في الدنيا - 00:07:35ضَ

الى اخر يوم في الدنيا دي حرب الحرب فيها معارك المعارك تختلف نتائجها اما الحرب فهي تسير في اتجاه نصر عباد الله المخلصين ايا كانت نتائج المعارك المختلفة يعني قارن - 00:07:54ضَ

لما بدأت الحرب بين الحق والباطل في مكة قوة الحق بالنسبة لقوة الباطل كانت كم لكم لا يوجد مقارنة اصلا. لا يوجد مقارنة طيب هل يتصور احد في الوقت ده ان بعد اقل من تلاتين سنة ستختفي تماما عبادة الاصنام من مكة ومن الجزيرة العربية كلها - 00:08:14ضَ

وسيعم دين الاسلام ده كان كلام غير قابل للتصور اصلا في بداية الدعوة يعني يعتبر ضرب من الخيال لو حد لو حد قال كده يتقال عليه مجنون في الوقت ده - 00:08:35ضَ

حصل ولا لأ حصل ليه بقى ؟ اسناء الحرب دي كان فيه جولات وكان فيه معارك لها نتائج مختلفة هناك شهداء في صحراء مكة اتسحلوا على الرمال الساخنة الحارقة. في الوقت ده لو واحد موجود وبيشاهد هزا المنزر لا يمكن - 00:08:47ضَ

دول هينتصروا في يوم من الايام انتصروا وفي وقت قريب على فكرة خلال سنوات كانوا منتصرين بعد كده حصل انتصارات في بدر. حصلت هزائم في احد. حصلت معاهدات هدنة بشروط مجحفة جدا. في الحديبية - 00:09:06ضَ

دي كلها معارك وكلها جولات نتيجة كل جولة منهم مش هي اللي بتحدد نتيجة الحرب كلها فالحرب كانت من اول يوم بتسير بهدوء في اتجاه نصر الاسلام. واتساع رقعة الاسلام. وانحسار رقعة الكفر. حتى بعد - 00:09:23ضَ

احد كانت بتسير في هذا هذا الاتجاه انت لما تيجي في مرحلة زي مسلا مرحلة ما بعد احد. احد يا جماعة عشان تعرفوا بس قدر الضربة كانت عاملة ايه؟ كانت قد ايه اللي اصابت المسلمين - 00:09:45ضَ

عشرة في المية من الجيش قتل يعني هم كلهم كانوا سبعميت واحد مات منهم سبعين استشهد منهم سبعين عشرة في المية من الجيش راح في ميدان المعركة والقبائل بعدها بدأت تتجرأ على مهاجمة المسلمين وقتل المسلمين في كل مكان. في بئر معونة ويوم الرجيع عشرات المسلمين ماتوا في - 00:10:05ضَ

تقريبا سبعين تانيين ماتوا في المزحتين دول انت لو بتنظر في الوقت ده بنظرة ضيقة على المرحلة القصيرة دي سترى ان الحق يسير في اتجاه الهزيمة. وده غير صحيح. الحق كان بيسير في اتجاه - 00:10:27ضَ

الغلبة وفي اتجاه النصر لما تنظر نزرة شاملة واسعة سترى ان الحق يسير في اتجاه النصر ولكن بهدوء لكن خلي بالك المهم ان انت تحقق شرط معين عشان تستحق النصر - 00:10:44ضَ

دي نقطة. هو انت ليه فاكر نفسك انت محقق الشرط؟ وان ربنا وعده انه انه ينصرك انت. وانت خلاص يعني يعني مغسل وضاه من جنة. اقرا في سورة المجادلة. كتب الله لاغلبن انا ورسلي - 00:11:03ضَ

ان الله قوي عزيز. الاية اللي بعدها ايه بقى؟ اولئك حزب الله الا ان حزب الله هم المفلحون. هل احنا من حزب الله حزب الله مقصود به حزب الله يعني مش - 00:11:16ضَ

مش المنظمة الشيعية احنا بنتكلم على هل احنا من حزب الله فعلا هل احنا من عباد الله المخلصين هل حالنا يؤهلنا لتلقي نصر الله وعد ربنا لا يتغير. لكن احنا اللي بنتغير - 00:11:29ضَ

اقرا معي مية اربعة وسبعين ومية خمسة وسبعين فتولى عنهم حتى حين. وابصرهم فسوف يبصرون انفصل عنهم يا محمد في الوقت الحالي لكن خليك متابعهم وابصرهم خليهم تحت المجهر خليك مراقبهم - 00:11:48ضَ

خليهم تحت نزرك وشف تغير احوالهم من القوة الى الضعف كل شوية ازاي. ومن النصر الى الهزيمة بيحدث لهم ازاي. هتشوف وهيشوفوا هم كمان وابصرهم فسوف يبصرون. ابصر يعني بص - 00:12:10ضَ

بص هيحصل ايه دي بتتقال على امر على وشك الوقوع ما حدش بيقول لك بص هيحصل لهم ايه على حاجة هتحصل بعد عشرين سنة. لأ بص هيحصل ايه لو حاجة هتحصل حالا دلوقتي - 00:12:26ضَ

ابصرهم فسوف يبصروني يعني ازا في شيء على وشك الوقوع امر في تغيير كبير قادم وقادم عن قريب في سورة المعارج ربنا بيقول انهم يرونه بعيدا ونراه قريبا. احيانا الانسان يستبعد اشياء بينما الله سبحانه وتعالى يراها قريبة. لانها - 00:12:39ضَ

ستحدث لا محالة اقرا معي مية ستة وسبعين ومية سبعة وسبعين. افبعذابنا يستعجلون فاذا نزل بساحتهم فاب صباح المنذرين الكفار لما كان النبي عليه الصلاة والسلام يحذرهم من نزول العذاب. يقول لهم يا جماعة بدل ما ينزل عليكم عذاب زي العذاب قوم آآ نوح وقوم آآ آآ - 00:12:59ضَ

آآ آآ شعيب وقوم لوط وقوم آآ هود وقوم صالح كانوا يسخروا من النبي عليه الصلاة والسلام طب يلا بسرعة الله يخليك. خل ربك ينزل العزاب بسرعة عشان بس مش فاضيين. عشان ورانا مواعيد - 00:13:26ضَ

افبعذابنا يستعجلون. هم في الحقيقة مش قاصدين يستعجلوا العزاب. هم مش مؤمنين اصلا بنزول العزاب. هم من النبي صلى الله عليه وسلم ومن القرآن الكريم نرجع للاية اتناشر في سورة الصافات ارجع كده تبقى معي الاية اتناشر وتلتاشر واربعتاشر - 00:13:43ضَ

بل عجبت ويسخرون واذا ذكروا لا يذكرون واذا رأوا اية يستسخرون يسخروا وبيطلبوا من الناس تسخر معهم يستسخرون يطلبون السخرية بيسخروا بقى دلوقتي يرجع لمية ستة وسبعين. ارجع تاني لمية ستة وسبعين. فهم دلوقتي بيسخروا - 00:14:05ضَ

بس لو نزل العزاب فعلا هيبقى يوم اسود على دماغهم. اقرا مية ستة وعشرين مية سبعة وسبعين. افبعذابنا يستعجلون فاذا نزل بساحتهم فساء صباح دارين يوم اسود على دماغهم الاية فيها تشبيه للعذاب بالجيش. يعني ايه ؟ الجيش هو اللي بينزل في ساحة العدو - 00:14:29ضَ

فاذا نزل بساحتهم لما العزاب ييجي عليهم يعني شبهه ان الجيش نزل بساحة قوم ليقاتلهم فاذا نزل بساحتهم فساء صباح المنذر. احنا بنقول صباح الخير لأ فساء صباحه يعني ده بقى صباح السوء - 00:14:51ضَ

هيبقى صباح السوء على دماغهم صباح سيء لان العذاب سيهزمهم زي ما يكون جيش بيعمل غارة على قرية او على مدينة معي مية تمانية وسبعين ومية تسعة وسبعين وتولى عنهم حتى حين وابصر فسوف يبصرون نفس الايتين مية اربعة وسبعين ومية خمسة وسبعين بيتكرروا في مية تمانية وسبعين ومية تسعة وسبعين. انفصل عنهم - 00:15:11ضَ

يا محمد وخليك باصص عليهم وشف اللي هيحصل لهم فسوف يبصرون هم كمان هيشوفوا قد يكون التكرار في الايات وتولى عنهم حتى حين وابصر فسوف يبصرون مقصود به عذاب الدنيا في واحدة وعذاب الاخرة في التانية - 00:15:34ضَ

في الدنيا هزموا في بدر وفي فتح مكة في الاحزاب وعذاب الاخرة لمن يموت مصرا على الكفر. طبعا قوم النبي قوم محمد صلى الله عليه وسلم اسلموا في الاخر. الحمد لله. وده عشان كده ربنا كان مأجل عزابهم وربنا مش بينزل بهم عزاب - 00:15:54ضَ

هم كانوا هيؤمنوا في الاخر بعد تلاتة وعشرين سنة من الكفاح دخلت مكة في الاسلام. ودخلت الجزيرة العربية كلها في الاسلام وتختم السورة بتنزيه الله سبحانه وتعالى عن كل نقص - 00:16:13ضَ

سبحان ربك رب العزة عما يصفون تنزيه لرب العزة. يعني رب الغلبة. رب الغلبة الذي لا يقهر رب العزة عما يصفون الصورة دي شفناهم بيوصفوا ربنا بصفات لا تليق مسلا انه تزوج من الجن. وانه انجب من الملائكة. وصفات اخرى لا تليق بجلال الله - 00:16:30ضَ

سبحان ربك رب العزة عما يصفون وسلام على المرسلين علشان الناس اللي بتقول لك هو ما قالش وسلام على لطف وما قالش سلام على يونس ليه هم طبعا بيقصدوا الايه الاية المية واحد وتمانين - 00:16:54ضَ

ربنا قال آآ آآ وسلام على المرسلين. ربنا ضمن لوط ويونس في السلام العام على المرسلين كلهم. لكن قصة يونس زي ما جت في سورة الصافات لو ترجع للاية مية اتنين واربعين - 00:17:15ضَ

مية اتنين واربعين عشان نعرف ليه ربنا قال ما قالش سلام على يونس مسلا وتركنا عليه في الاخرين سلام عليكم. النبي ما قالش ربنا ما قالش كده ليه الصورة جاية - 00:17:31ضَ

من زاوية عتاب ولوم لسيدنا يونس اقرا معي مية اتنين واربعين فالتقمه الحوت وهو مليم يعني وهو مستحق للوم. يستاهل يعني ايه؟ فالحوت التقبه ويستاهل فمش مناسب انها تختم بعدها بسلام على يونس مش مناسب. بعد العتاب ييجي كده مش مناسب. فترك الدين وتم تضمين - 00:17:43ضَ

يونس في الاية مية واحد وتمانين فيه سلام على المرسلين آآ يعني يحصل فاصل شوية ثم يحصل سلام على يونس في ضمن المرسلين كلهم عشان بس في ذهن القارئ آآ تسترجع سورة يونس النبي مرة اخرى ثم يسمع وسلام على المرسلين - 00:18:12ضَ

لكن مش بعد العتاب على طول واللوم ييجي على طول سلام على يونس ده يكون انسب يعني. كذلك بالنسبة للوط الجزء المحكي في صورة في صورة الصافات عن سيدنا لوط صغير جدا. ومقتضب جدا - 00:18:31ضَ

ولوط اصلا لم يدعو للتوحيد هو النبي الوحيد الذي لم اجد كلمة واحدة ان هو دعا للتوحيد كان دايما يتكلم في المسألة الاخلاقية وترك الشزوز والحياة بطريقة طبيعية قبل اي شيء. ده الحجر لدرجة بعض العلماء قالوا ان قوم لوط غالبا - 00:18:45ضَ

كانوا موحدين. ما هو مش ممكن ما يعني مش ممكن النبي ما يدعوش للتوحيد. لكن هو كان مهتم بالمسألة الاخلاقية اولا في الحتة دي هو قال لك ايه مش ناقصة - 00:19:04ضَ

طيب الحاجة التانية هو لم يؤمن احد بلوط خالص خارج نطاق اسرته ولا حد. حتى زوجته كانت كافرة فمش من المناسب قول فتركنا عليه في الاخرين. اخرين مين هو لا يوجد اخرين عند سيدنا لوط اصلا. ما عندوش ما فيش اجيال هتزكر سيدنا لوط. ما لوش صحابة وتابعين - 00:19:15ضَ

متابعي تابعين زي باقي المرسلين يعني. فهو تم تضمينه. تم تضمينه فيه. سلام على المرسلين. الرسول عليه الصلاة والسلام قال هييجي انبياء مع ما ليس معهم احد وانبياء معهم حفنة من الناس وانبياء معهم المية النبي معه الالف. اللي هو عدد الناس اللي امنت به. وبعض الانبياء ولا حد خالص - 00:19:34ضَ

وده لا ينقص منهم كانبياء اصلا في الدعوة احنا لما لما تروح تدعو في اوروبا وفي السويد غير خالص لما في افريقيا واحد ممكن يدي محاضرة في افريقيا يسلم سبعين تمانين واحد بعد المحاضرة - 00:19:58ضَ

آآ تدي بقى آآ محاضرات كتيرة جدا في اوروبا. شهور طويلة كل شهور كل سنة لما واحد يقول لك انا انا اقتنعت وعايز اسكت الناس بتختلف عن بعضها يعني طيب - 00:20:12ضَ

لذلك الاية مية واحد وتمانين وسلام على المرسلين تشمل كل الرسل. اقرا مية اتنين وتمانين والحمدلله رب العالمين. الحمد لله على نعمه الحمد يكون على النعم نحمد الله ان جعلنا مؤمنين لا كافرين - 00:20:28ضَ

انت متخيل انت كان ممكن تتولد آآ اسرة مش مسلمة فمن نعم ربنا عليك انك مولود في اسرة المسلم ما لكش دعوة بالتاني ما لكش دعوة بالتاني. التاني ده له فيه حلقة عندنا اسمها هل ذنبهم انهم ولدوا غير مسلمين؟ وما تخافش عليه؟ خاف على نفسك انت بس - 00:20:48ضَ

اللي لم يتلقى الرسالة واضحة ما تخافش عليه. ولا يظلم ربك احدا. وما كنا معذبين حتى نبعث رسوله. خاف على نفسك انت عشان انت ما عندكش فرصة انت اللي اتولدت مسلم وعندك القرآن امامك. فهي نعمة من ربنا - 00:21:06ضَ

انه جعلنا مؤمنين لكافرين نعمة من ربنا انه يجعلنا في جانب الحق لا في جانب الباطل كل اللي باقي علينا بقى ان احنا نصبح من المحسنين وبالتالي نصبح من عباد الله المخلصين - 00:21:22ضَ

وبكده نكون اتممنا بفضل الله تعالى سورة الصافة طبعا الصافات بنمدها ست حركات عشان الفاء مشددة فيه اسباب للمد من اسباب المد ان يكون وراء حرف المد حروف المد تلاتة واي. واو الف ياء. يكون ورا حرف المد يكون فيه - 00:21:41ضَ

آآ همزة لو الهمزة في نفس الكلمة اسمه مد متصل لازم السماء عشان الهمزة في نفس الكلمة. لكن لو الهمزة في الكلمة اللي بعدها واخر حرف في الكلمة اللي قبلها حرف من حروف المد واي. يبقى اسمه مد منفصل ومش لازم - 00:22:06ضَ

لو هتمدوا تمدوا على طول وده الافضل وده اللي عليه معزم الائمة او او لو هتقصر تقصيره على طول او يكون وراء حرف المد حرف مشدد. عشان اللام مشددة بالمد قبلها ست حركات - 00:22:27ضَ

هنا الصافة عشان الفاء مشددة والسلام عليكم ورحمة الله. وبكرة بازن الله نبدأ سورة النور. احشدوا الناس لسورة النور. اللي عايز يحبب حد في التدبر يخليه يبدأ من سورة النور بكرة - 00:22:47ضَ

ان شاء الله ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل - 00:23:02ضَ

حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك جاءك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك - 00:23:20ضَ

لكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن كريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناته وحسناتكم جميعا - 00:23:48ضَ

اللهم بحق كل حرف في كتابك تلوناه او تدبرناه اكفنا واهلينا شر كل من يكيد لنا ولهم. واحفظنا واياهم ومن شرورهم ونجعلك اللهم في نحورهم فانت الوكيل ولا حول ولا قوة الا بك - 00:24:16ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره وابعده - 00:24:33ضَ

عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك - 00:24:53ضَ

عاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك جميل التوكل عليك واحييها يا ربنا بمعرفتك وامتها يا مولانا على الشهادة في سبيلك - 00:25:10ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:25:30ضَ