باحث

طيب السلام عليكم ورحمة الله وبركاته. اهلا بحضراتكم في المقطع رقم ربعمية تلاتة وعشرين من مقاعد حظر التجول اسف اسف ربعمية اربعة وعشرين من مقاطع حظر التجول. والحلقة الثانية من حلقات تدبر سورة صاد - 00:00:01ضَ

ارجو من حضراتكم تجيبوا المصاحف وتفتحوا معي سورة صاد هي الصورة رقم تمانية وتلاتين وارجو يا جماعة ما حدش فيكم بياخدني على قد عقلي ومش بيفتح المصحف. والله هيفرق معك جدا جدا في التدبر ان لما اكون بقرا الاية تكون انت عينيك بتقراها معي - 00:00:29ضَ

عشان بس يكون في نتيجة يعني طيب نقرا مع بعض اول خمس ايات خدناهم امبارح في سورة صاد عشان نسترجع السياق. اعوذ بالله السميع العليم من الشيطان الرجيم. بسم الله الرحمن الرحيم - 00:00:47ضَ

صاد. والقرآن ذي الذكر بل الذين كفروا في عزته وشقاق. ربنا بيقسم بالقرآن على صدق النبي صلى الله عليه وسلم وسبب تكذيب الكفار له هو شعورهم بالعزة المزيفة وشقاقهم يعني عداؤهم الواضح والشديد له - 00:00:59ضَ

كم اهلكنا من قبلهم من قرن فنادوا ولا تحين مناص هذه العزة المزيفة آآ الدليل على انها مزيفة هو منزر كل الاجيال بتاعة المكزبين اللي ربنا اهلكها وقت نزول العزاب وهم بينادوا وبيستغيثوا - 00:01:26ضَ

ولكن ولا طحين مناص. بعد فواتك اوان النجاة. بعد فوات وقت النجاة وعجبوا ان جاءهم منذر منهم. وقال الكافرون هذا ساحر كذاب اجعل الالهة اله واحدا. ان هذا لشيء عجاب - 00:01:47ضَ

تعجبوا ان في نبي بعث منهم والكافرون دول قالوا عليه ساحر وكزاب. بقى معقول يوحد الالهة كلها في اله واحد بس ونبدأ بقى من هنا تدبر الليلة. اقرأ بقى معي الاية ستة وسبعة - 00:02:18ضَ

وانطلق الملأ منهم ان امشوا واصبروا على الهتكم ان هذا لشيء يراد. ما سمعنا بهذا في الملة الاخرة ان هذا الا اختلاق سيدنا محمد عليه الصلاة والسلام كان عند عمه. ابو طالب - 00:02:35ضَ

وهو على فراش الموت. انتم عارفين ابو طالب ما كانش ما اسلمش الرسول عليه الصلاة والسلام كان خايف عليه يموت كافر فقال له اي عمي قل لا اله الا الله - 00:03:01ضَ

كلمة احاج لك بها عند الله. هي كلمة بس عايزها منك. احاجج بها عند الله عشانك احاول بها عشان مع ربنا عشانك. انت عملت حاجات انت وقفت معنا. انت دعمت الاسلام. انت عملت حاجات كتيرة. بس قل الكلمة دي كلمة التوحيد - 00:03:15ضَ

فكل بقى ايه اللي عنده بقى ابو جهل وآآ البتاع التاني ده اسمه ايه امية ابن خلف والناس دي قالوا لابو طالب اترغب عن ملة عبدالمطلب يعني عملوا ضجة وقالوا لي بقى يعني اطر يعني يعني هتتخلى عن تراث اجدادك - 00:03:33ضَ

تراث ابائك واجدادك ملة عبدالمطلب وقعد النبي عليه الصلاة والسلام يحاول معه. وهم بقى من الناحية التانية يقنعوه انه ما يسمعش كلام الرسول عليه الصلاة والسلام. وفعلا لم ينطق ابو طالب بالشهادة - 00:03:54ضَ

المجموعة دي من قريش يعتبروا هم الملأ. الملأ يعني الاليت اللي هم قادة المجتمع. القادة بتوع العشائر وبتوع القبائل المجموعة الايه؟ الكبيرة الملأ ربنا قال عليهم الملأ ابو جهل وعقبة ابن معيط والمجموعة دي - 00:04:10ضَ

قالوا ايه ؟ خلاص ابو طالب ما نطقش بالشجرة ولا بتاع يلا نمشي دلوقتي وتمسكوا يا جماعة بالالهة لان فيه ريحة مؤامرة ورا الموضوع ده اقرا معي ستة وسبعة. وانطلق الملأ منهم ان امشوا - 00:04:35ضَ

يلا امشوا دلوقتي انصرفوا من عند ابي طالب هو خلاص شكله كده تمام ومش هيسلم. ادانا وعد كمل لاي ستة واصبروا على الهتكم ان هذا لشيء يراد. ده شيء متخطط. ده شيء مدبر. يعني اصبروا على الهتكم يعني تمسكوا بالالهة بتاعتكم - 00:04:53ضَ

خلي عندكم ثبات على عبادة الاصنام زي ما المسلمين بيثبتوا على دينهم. الكفار ايضا بيثبتوا على دينهم وبيتعاملوا بمنطق ان عندهم دين وبيحافزوا عليه من الزوال وكل حاجة واصبروا على الهتكم - 00:05:17ضَ

بيعتبروا عبادة الاصنام دي دين صحيح بيثبتوا عليه وبيتمسكوا بتعاليمه فاكرين في سورة الفرقان لما تدبرنا كلامهم عن النبي عليه الصلاة والسلام لما بيقولوا ان كاد ليضلنا عن الهتنا لولا ان صبرنا عليها - 00:05:36ضَ

يا سلام بالتالي الكفار بيتعاملوا مع بعض من منطق انهم هم المؤمنين. وان احنا اللي كفار واحنا اللي منحرفين عقائديا واحنا الهراطقة واحنا المبتدعة واحنا الكلام ده كله. طيب كمل اية ستة - 00:05:55ضَ

واصبروا على الهتكم ان هذا شيء يراد. الموضوع ده وراه حاجة الموضوع ده فيه ريحة الموضوع فيه شيء بيدبر. فيه اجندة سياسية بنو هاشم غالبا بيحاولوا انهم يولوا زعامة مكة لواحد من - 00:06:11ضَ

لازم يتم شيطنة الدعاة والمصلحين في كل زمن كانت بتتم شيطنة الانبياء. وزي ما بعد كده بيتم شيطنة الدعاة والمصلحين دايما. ان في اجندة سياسية في اجندة شخصية بيحاولوا يوصلوا للحكم لازم يكون فيه شيطنة. ان هذا لشيء يراد فيه شيء متخطط - 00:06:32ضَ

اقرأ بقى معي الاية سبعة وفي الوقت ده عشان نبقوا عارفين المسيحية كانت اوبشن بالنسبة لهم. يعني كانت بتتعرض عليهم بالفعل وفي عدة مدن عربية دخلت المسيحية دخلت النصرانية زي نجران العرب الغساسنة قبائل دخلت - 00:06:56ضَ

المناذرة اللي هم في العراق تغلب كلب دي كلها قبائل كبيرة دخل منها فئات كبيرة في النصرانية لكن قريش دلوقتي اللي بيتكلموا دول متمسكين بعبادة الاصنام والمجموعة بقى اللي حواليهم من كنانة دول كلهم متمسكين بعبادة الاصنام - 00:07:15ضَ

سابتين على عبادة الاصنام الكفار بيتعجبوا من النبي محمد صلى الله عليه وسلم اقرا معي الاية خمسة اجعل الالهة الها واحدا ان هذا لشيء عجاب. احنا ما شفناش كده في حياتنا. عايزنا نعبد اله واحد. يا خبر ابيض! اقرا سبعة بقى! اقرا سبعة! ما سمعنا بهذا - 00:07:36ضَ

في الملة الاخرة ان هذا الا اختلاق ما سمعناش بالكلام ده ليه في المسيحية؟ الملة الاخرة اللي عمالة تعرض عليهم كل شوية وهم رافضينها بتقر تعدد الالهة. اب وابن وروح قدس - 00:07:58ضَ

هم يعني مش فاهمة بيقولوا احنا مش فاهمين محمد جاب الكلام ده منين ؟ اله واحد فين؟ فين الاديان اللي فيها اله واحد دي طبعا اليهودية الى واحد لكن اليهود ما بيدعوش حد لدينهم. لكن المسيحيين بيدعوا - 00:08:13ضَ

يبقى تحريف العقيدة. وتحريف تعاليم السيد المسيح ادى الى فتنة المشركين وعباد الاصنام. وده اللي المسيحيين لازم يعرفوه ان هم بسبب التعاليم بتاعة الثالوث فتنوا ناس من اللي عندهم عدة الهة - 00:08:28ضَ

وافتكروا ان هم المسيحية نفسها عندها عبادة الية خلاص لان المقارنة ما كانتش بين مفهوم التوحيد ومفهوم تعدد الالهة. لأ المقارنة كانت بين مفهوم تعدد الالهة وتعدد الهة برضو بس اقل شوية - 00:08:48ضَ

فده سبب فتنة للمشركين عشان كده احنا دايما بندعو الله ربنا لا تجعلنا فتنة للذين كفروا. فتنة للذين كفروا لو انحرفنا عقائدهم نفتن الذين كفروا. لو انحرفنا اخلاقيا نفتن للذين كفروا - 00:09:04ضَ

المؤمن لما ينحرف المجتمع المؤمن لما ينحرف يبقى فتنة للذين كفروا اقرا الاية تمانية انزل عليه الذكر من بيننا بل هم في شك من ذكري بل لما يذوقوا عذاب بقى معقول ربنا - 00:09:21ضَ

سابنا كلنا واختاره هو يبقى نبي اانزل عليه الذكر من بيننا حسد وغيرة من النبي صلى الله عليه وسلم لكن لو كان حد تاني زعلان على ان هو برضه كانوا هيكزبوه يعني - 00:09:44ضَ

ان مشكلتهم مع الرسالة نفسها. رسالة التوحيد الرسالة التي لا تقبل الظلم. الرسالة التي لا تقبل تمييز الناس على اساس عنصري مش مع الرسول عشان كده ربنا قال له في سورة الانعام فانهم لا يكذبونك. ولكن الظالمين بايات الله يجحدون. هم مشكورين - 00:10:04ضَ

مش معك انت شخصيا يا محمد مشكلتهم انهم بيكرهوك عشان الرسالة اللي انت بتحملها. رسالة التوحيد ورفع الظلم عن المزلومين الكلام ده مش قادرين يتقبلوه اقرا معي الاية تسعة ام عندهم خزائن رحمة ربك العزيز الوهاب - 00:10:33ضَ

عندهم خزائن رحمة ربك العزيز الوهاب هم هينقوا مين يبقى نبي ومين ما يبقاش نبي دي نعمة وتشريف ورحمة من ربنا. ربنا اللي بيوهبها هم مش اللي هيقسموا نعمة ربنا. مش هيقسموا النعم اللي في خزائن ربنا؟ ام عندهم خزائن - 00:11:00ضَ

رحمة ربك العزيز الوهاب هو الوهاب اللي بيهب العلم لمن يشاء. يهب الحكمة لمن يشاء. يهب النبوة لمن يشاء العزيز هو العزيز يعني ما حدش يقدر يفرض عليه ارادته مش هم اللي هيختاروا الانبيا. ويوافقوا عليهم. هم فاكرين نفسهم ايه - 00:11:23ضَ

هم فاكرين نفسهم ايه؟ اقرا الاية عشرة ام لهم ملك السماوات والارض وما بينهما فليرتقوا في الاسباب. هم فاكرين نفسهم ايه؟ فاكرين نفسهم بيملكوا السماوات والارض وما بينهما يعني يعني الكون باللي فيه - 00:11:46ضَ

فليرتقوا في الاسباب. يلا يورونا. الاسباب هي الحبال اللي بيتسلقوا عليها عشان يلموا التمر بتاع الدخل العالي قوي فدي اسمها الاسباب بيطلعوا على الحبال عشان يطلعوا على النخلة العالية قوي اللي طولها عشرين متر والتلاتين متر. وينزلوا فيها. فدي اسمها الاسباب - 00:12:02ضَ

فليرتقوا في الاسباب. الاسباب دي اللي هي الايه؟ يطلعوا على الحبال دي عشان ايه لو هم فاكرين نفسهم بيملكوا الكون باللي فيه. ربنا بيقول يلا وروني نفسهم خليهم يطلعوا السماوات يطلعوا على ايه بقى على الحبال بتاعتهم بتاعة النخل - 00:12:24ضَ

ما دام شاطرين كده كريم يطلعوا يلا ويقسموا بقى خزائن رحمة ربنا. ويختاروا هم بقى انبياء ورسل بقى. يلا خليهم يقسموا. كل ده اسلوب تهكمي احتقار لشأن هؤلاء المتكبرين وهفكركم تاني وقلت لكم كده امبارح سورة صاد عايزكم انتم بتقروا عينيكم على معاني الكبر - 00:12:42ضَ

الكبر وهتشوف دلوقتي ازاي القرآن بيربي القارئ المتدبر بالكلام ضد المتكبرين وضد الكبر وبالكلام عن الناس الغير متكبرين اللي بيعودوا وبيعتزروا وبيستغفروا وبيطلبوا العفو لما بيغلطوا بدل ما يتمادوا في الخطأ - 00:13:11ضَ

فسورة صد ده لمحور الرئيسي بتاعه وهنشوف الكلام ده دلوقتي ان شاء الله بكرة مع بعضه حداشر واتناشر وتلتاشر جند ما هنالك مهزوم من الاحزاب كذبت قبلهم قوم نوح وعادوا وفرعون ذو الاوتاد - 00:13:33ضَ

وثمود وقوم لوط واصحاب الايكة اولئك الاحزاب طيب جند ما هنالك مهزوم من الاحزاب. ازا فكروا يحاربوا ربنا فهم جند مهزومين زيهم زي الاحزاب اللي اتهزمت قبل مين الاحزاب دول ؟ - 00:13:55ضَ

اقرا كذبت قبلهم. قوم نوح وعاد يعني قوم عادوا وفرعون ذو الاوتاد فرعون اللي عنده عنده مسلات اوتاد وثمود وقوم لوط واصحاب الايكل اللي هم قوم شعيب اولئك الاحزاب هم دول اللي ربنا يقصد بهم الاحزاب دول الجماعات والاقوام اللي عادت ربنا - 00:14:15ضَ

اتخزوا ربنا عدو وعادوا الرسل بتوعهم وكانت نهايتهم ايه معروفة للجميع اربعتاشر وخمستاشر ان كل الا كذب الرسل فحق عقاب وما ينظر هؤلاء الا صيحة واحدة ما لها من فواق - 00:14:50ضَ

كل قوم من دول كزبوا الرسل فحق عقاب يعني حق عقابي عليهم يعني استحقوا العقاب. اصبح العقاب وما بيستحقوه. خدوا بقى هم يستحقوا العقاب اللي نزل بهم خمستاشر وما ينظر هؤلاء الا صيحة واحدة. ما لها من فواق - 00:15:15ضَ

هؤلاء اسم اشارة للقريب شهيد الاية دي بتتكلم عن مشركين قريش وما ينظر هؤلاء يعني المشركين بتوع قريش دول منتزرين ايه وما ينظر يعني مش منتزرين الا صيحة واحدة ما لها من فواق! هم منتزرين بس صيحة! زي الصيحة اللي خدت قوم عادوا وقوم وهود صيحة - 00:15:40ضَ

انزل على دماغهم تطربق الدنيا ما لها من فواق ازا جت ما فيش فيها رجوع. ما فيش فيها رجوع احسن لهم ايه ؟ يفوقوا احسن لهم ما يتكبروش بس ما فيش فايدة. هم لازم يكابروا ولازم يستهزئوا بالنبي وبالوعيد بتاع ربنا. اقرا الاية ستاشر. شف قالوا ايه - 00:16:12ضَ

وقالوا ربنا عجل لنا قطنا قبل يوم الحساب دعوا ربنا ينزل العزاب عليهم في الدنيا بس بسرعة شوية استفزاز قلة ادب. كل حاجة ممكن تتقال. بجد تحدي لربنا وهم ولا حاجة - 00:16:38ضَ

يوم ما بينزل العزاب بيبقوا بيجروا زي الفيران نتوقف هنا الليلة ان شاء الله مش عايز ابدأ قصة داوود واقفلها في النص اللهم انا نسألك حبك وحب من يحبك وحب كل عمل يقربنا الى حبك - 00:16:59ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:17:23ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا - 00:17:44ضَ

له في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرتنا ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:18:16ضَ

اللهم بحق كل حرف في كتابك تلوناه او تدبرناه. اكفنا واهلينا شر كل من يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:18:38ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين انصرهم وانصر من نصرهم. واخذل من خذلهم وطهر المسجد الاقصى المبارك من الدنس فانهم لا يعجزونك - 00:18:58ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل - 00:19:18ضَ

ومن لم يصب به فقه شره وابعده عنه. ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك - 00:19:38ضَ

وتوحدت على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورها بفيض بك وجميل التوكل عليك. واحيها يا ربنا بمعرفتك. وامتها على الشهادة في سبيلك - 00:19:59ضَ

انك نعم المولى ونعم النصير. والسلام عليكم ورحمة الله وبركاته ونلقاكم غدا باذن الله ان كنا من اهل الدنيا - 00:20:23ضَ