باحث

السلام عليكم ورحمة الله وبركاته اهلا بحضراتكم في المقطع رقم ربعمية واحد وخمسين من مقاطع حظر التجول. الحلقة التاسعة من حلقات تدبر سورة فصلت ارجو من حضراتكم تجيبوا المصاحف وابدأ اقرأ معي من الاية خمسة واربعين. هنقرا خمسة واربعين - 00:00:00ضَ

اعوذ بالله السميع العليم من الشيطان الرجيم ولقد اتينا موسى الكتاب فاختلف فيه ولولا كلمة سبقت من ربك ولولا كلمة سبقت من ربك لقضي بينهم. وانهم لفي شك منه مريب - 00:00:25ضَ

الاية دي تخصيص للعام اللي ذكر في الاية تلاتة واربعين. يعني فيه حاجة عامة ذكرت في تلاتة واربعين الاية دي بتخصصها ارجع معي للاية تلاتة واربعين تلاتة واربعين ما يقال لك الا ما قد قيل للرسل من قبلك - 00:00:47ضَ

ودبرناها امبارح وقلنا ربنا بيسلي النبي صلى الله عليه وسلم يعني بيطمئنه انه مش اول واحد يحصل معه كده ده حصل مع كل الرسل. بالتالي ما يلومش نفسه. لما يلاقي الناس بتكفر - 00:01:08ضَ

لان ده مش معناه ان هو مش عارف يبلغ الرسالة. مش معناه ان هو مش رسول شاطر. ده كل الرسل اتعامل معهم نفس الحكاية. وكل الرسل كذبوا. كلهم اتقال عليهم سحرة - 00:01:21ضَ

كلهم اتقال عليهم كزابين. فما يتعبش نفسه كتير ما يجلدش نفسه يعني اقرا بقى تلاتة واربعين ما يقال لك الا ما قد قيل للرسل من قبلك. بتتكلم بصفة عامة عن كل الرسل. خمسة واربعين تخصيص - 00:01:31ضَ

على فكرة التخصيص ده نوع من انواع النسخ لو تسمعوا كلمة النسخ. النسخ هو تخصيص. يعني ممكن نقول خمسة واربعين نسخة لتلاتة واربعين. خمسة واربعين فيها فيها تخصيص. كلام عن موسى بالذات - 00:01:48ضَ

من دون الرسل كلهم اقرا خمسة واربعين معي ولقد اتينا موسى الكتاب ومحمد اوتي الكتاب برضه هذا اوتي القرآن وهذا اوتي التوراة. الاتنين اسمهم كتاب. يعني اهل الكتاب يعني اهل التوراة اصلا عشان تبقوا عارفين - 00:01:58ضَ

فالكتاب اطلق على كلمة الكتاب اطلقت على التوراة واطلقت على القرآن والاتنين اسمهم الذكر كمان انا نحن نزلنا الذكر وانا له لحافظون. وآآ ولقد اتينا آآ آآ الزابور من بعد الذكر - 00:02:15ضَ

لما ربنا قال من بعد الذكر يعني من بعد التوراة آآ كمل معي الاية فاختلف فيه. يبقى ولقد اتينا موسى الكتاب فاختلف فيه فاختلف فيه مبنيا للمجهول كان ممكن ربنا يقول ولقد اتينا موسى الكتاب فاختلفوا فيه. يبقى بيتكلم عن اللي اختلفوا فيه. لكن فاختلف فيه - 00:02:32ضَ

البناء للمجهول ده اشارة لايه الى ان الاختلاف ده نفسه موضوع هو الموضوع اللي الاية بتتكلم عنه طبيعة الاختلاف في رسالة موسى عليه الصلاة والسلام مركبة جدا ومعقدة جدا احنا عارفين الاختلاف اللي حصل في رسالة موسى - 00:02:59ضَ

فرعون وقومه اختلفوا مع موسى واللي امنوا هم بنوا اسرائيل وبعض الاقباط. اقباط قلنا يعني مصريين مش يعني مسيحيين. ده ايام سيدنا موسى اصلا ثم بعد ذلك اختلف المؤمنين من اتباع موسى ايضا مع آآ على انفسهم - 00:03:19ضَ

بعض المؤمنين عبدوا العجل. ادي اختلاف تاني وبعد كده اتباع موسى حرفوا الكتاب نفسه. وحرفوا التوراة نفسها. ادي اختلاف تالت. فطبيعة الاختلاف نفسه. فاختلف فيه يعني طبيعة الاختلاف نفسه هي المقصودة هنا - 00:03:38ضَ

سورة البقرة ربنا بيقول فويل للذين يكتبون الكتاب بايديهم. احنا مقصود بها التوراة والانجيل ثم يقولون هذا من عند الله ليشتروا به ثمنا قليلا فويل لهم مما كتبت ايديهم. وويل لهم مما يكسبون - 00:03:54ضَ

عاوز تعرف بقى اثر الكلام ده نفسيا على النبي على النبي محمد عليه الصلاة والسلام. تخيل كده نفسيته وهو خايف يكون السبب في ان معزم الناس لم تؤمن. ثم تنزل الاية ربنا يقول له فيها ما يقال لك الا ما قد قيل للرسل من قبلك. كل الرسل - 00:04:16ضَ

قل يا محمد حصل لهم نفس اللي حصل لك ده وبعدين انت تحمد ربنا اوي انها جت عندك لغاية كده وما حصلكشي زي موسى على الاقل معاداة القرآن جاية من الكفار. مش من اتباعك - 00:04:32ضَ

موسى اتباعه هم بنفسهم اللي حرفوا كتابه ففعلا الايات نازلة بتطمئن النبي صلى الله عليه وسلم كمل معي الاية خمسة واربعين ولقد اتينا موسى الكتاب فاختلف فيه ولولا كلمة سبقت من ربك لقضي بينهم لولا كلمة الامهال. كلمة هنا يعني حكم حكم الله. بيقول ان ربنا حكم - 00:04:46ضَ

او قضى بانه يمهل المشركين ويمهل قريش لقضى لقضي بينهم يعني لولا ان ربنا قضى انه يمهل قريش ويمهل مشركي العرب ولا يعجل لهم العذاب كان زمانه عاقبهم في الدنيا - 00:05:15ضَ

زي فرعون وجنوده غرقوا واللي حرفوا التوراة عوقبوا في الدنيا ايضا ضربت عليهم الذلة اينما ثقفوا الا بحبل من الله وحبل من الناس فاؤوا بغضب من الله وضربت عليهم المسكنة. عوقبوا في الدنيا سلط عليهم طغاة منا بوخا بنصر بقى للاضطهاد - 00:05:33ضَ

عديدة في اوروبا المزابح هتلر لكن لولا ان ربنا قدر ان مشركي العرب يمهلوا كانوا عوقبوا هم كمان كمل خمسة واربعين. وانهم لفي شك منه مريب عندهم شك في القرآن - 00:05:56ضَ

مريب في حاجة الشك ده هم اللي سببوه لنفسهم يعني كون الانسان يكون عنده شك مش مشكلة يسأل. لكن ده شك مريب ده هم اللي سببوه لنفسهم. ارجع معي لاول السورة واقرا معي الاية خمسة - 00:06:13ضَ

ايه رأي خمسة؟ وقالوا قلوبنا في اكنة مما تدعونا اليه وفي اذاننا وقر. ومن بيننا وبينك حجاب فاعمل اننا عاملون هم اللي سببوا الشك ده. وشك مريب مريب يعني شك اصلا. يعني شك مريب زيادة في وصف الشك. زي مسلا حد يقول لك ايه ليل اليل - 00:06:29ضَ

ده من وسائل التأكيد يعني ليه المزلم جدا يعني المرحلة اليل من الليل وانهم لفي شك منه مريب شاكين في القرآن ان هو من عند ربنا. وشاكين في النبي عليه الصلاة والسلام ان هو صادق. وشاكين في البعث اللي القرآن اللي هم شاكين فيه نازل بيقول لهم عليه - 00:06:56ضَ

يعني هم شاكين في القرآن. وشاكين في في صدق اللي جاب القرآن. وشاكين في الكلام شك مركب في شك على فكرة ممكن يقود للحقيقة وده لما يبقى تساؤل بهدف المعرفة - 00:07:17ضَ

فالواحد يفتح قلبه لما يكون عنده شك ويتعلم عشان يوصل للحقيقة. زي كده شك رينيه ديكارت لما قال انا اشك في وجود الله لكن طالما انا اشك اذا انا افكر - 00:07:30ضَ

طالما انا افكر اذا انا موجود وطالما انا موجود اذا انا اتخلقت. وطالما انا اتخلقت يبقى حد خلقني. وطالما انا ما خلقتش نفسي يبقى حد تاني خلقني وهذا هو الله. فقاده الشك الى الايمان. قادر قال انا اشك في وجود الله وهو ده اللي وصله لوجود الله - 00:07:43ضَ

ده لانه اراد انه يصل للحقيقة ما حطش قلبه في اكنة. ما حطش في اذنيه وقر ولا حط على بصره حجاب. لأ هو كان موضوعي انما اللي بيشك من اجل الشك بس. سيقوده الشك الى الجنون او الى الكفر - 00:08:07ضَ

معي ستة واربعين من عمل صالحا فلنفسه. ومن اساء فعليها وما ربك بظلام للعبيد ايه علاقة الاية دي باللي قبلها يلا هنفكر كده مع بعض بقى اللي قبلها بتقول ايه؟ ايه علاقة ستة واربعين بخمسة واربعين؟ خمسة واربعين بتقول ايه - 00:08:23ضَ

ولقد اتينا موسى الكتاب فاختلف فيه ولولا كلمة سبقت من ربك لقضي بينهم. ايوة. هي دي اذا لولا ان ربنا قضى بانه يمهل قريش ومشركي العرب كان عزبهم في الدنيا - 00:08:44ضَ

ربنا قال ايه الساعة موعدهم والساعة ادهى وامر. يبقى لما تقوم الساعة بقى هيحصل ايه؟ لما تقوم الساعة اقرا ستة واربعين. لما تقوم الساعة بقى من عمل صالحا فلنفسه ومن اساء فعليها وما ربك بظلام للعبيد. والله لما تقوم الساعة اللي منهم قالوا قلوب - 00:09:03ضَ

هنا في اكنة في الاية خمسة غير اللي قاله ربنا الله ثم استقاموا في الاية تلاتين من عمل صالحا لنفسه دول اللي قالوا ربنا الله ثم استقاموا ومن اساء فعليها دول اللي قالوا قلوبنا في اكنة - 00:09:24ضَ

وفي اذاننا وقر صح طيب ستة واربعين ستة واربعين. من عمل صالحا فلنفسه. ومن اساء فعليها. وما ربك بظلام للعبيد وما ربك بظالم للعبيد. لأ وما ربك بظلام. ظلام صيغة مبالغة من ظالم - 00:09:42ضَ

ممكن واحد يبقى زالم لانه اخد حقوق الناس. لكن في واحد بقى نازل واكل طالع واكل وبيقتل وبيسرق وبينهب ومش مدي فرصة لحد بيتنفس ولا يعبر. ده مش زالم ده اسمه ظلام - 00:10:03ضَ

ظلام يعني طاغية الاية بتقول وما ربك بظلام للعبيد ربنا مش ظلام يعني ايه يعني ربنا ممكن يزلم بس شوية صغيرة؟ لأ ربنا ايضا في القرآن قال ان الله لا يظلم مثقال ذرة - 00:10:20ضَ

ما بيظلمش خالص وفي صورة يونس قال ان الله لا يظلم الناس شيئا وفي الكهف قال ولا يظلم ربك احدا. بالتالي ربنا لا يظلم ابدا. ما يزلمش اي انسان وما يزلمش اي حاجة خالص ولا حاجة قد كده - 00:10:44ضَ

امال ليه قال الاية دي فصلت وما ربك بظلام للعبيد ده لان ربنا لما بيعمل حاجة بيعمل بتاعها. بيعمل اقصى حاجة فيها فلو افترضنا جدلا جدلا بس ان ربنا هيزلم - 00:11:02ضَ

هو مش هيظلم عادي. لا زي لما ما بيعزب ما بيعزبش عادي. ولما بينعم ما بينعمش بنعيم عادي. يبقى لو ربنا ظلم ولن يظلم ولا يظلم. لكن لو ظلم مش هيظلم زلم عادي. وما ربك بظلام للعبيد - 00:11:23ضَ

نرجع بقى للموضوع من عمل صالحا فلنفسه ومن اساء فعليه اللي هو الحساب بس الكلام ده امتى ؟ يوم تقوم الساعة في ناس مستعجلة على السقعة. عاوزين يشوفوا عقاب اللي ظلمهم. اللي سرقهم. اللي قتل عيالهم - 00:11:39ضَ

هي دي النقطة ان في ناس قاعدة مش قادرة تنتزر الساعة لكن اه قدر ربنا ان ما حدش يعرف حاجة عن الساعة خالص غير ربنا سبعة واربعين اليه يرد علم الساعة. مش لاي حد تاني ابدا - 00:12:00ضَ

سبعة واربعين معي. اليه يرد علم الساعة. وما تخرج من ثمرات من اكمامها. وما تحمل من انثى ولا تضع الا بعلمه ويوم يناديهم اين شركائي قالوا اذناك ما منا من شهيد - 00:12:23ضَ

بداية الكلام باليه بتفيد الاختصاص اليه يرضع علم الساعة. يعني هو المختص بعلم الساعة. لا احد غيره ابدا وخلي بالك ما قالش موعد الساعة. قال لك علم الساعة. لان مسألة الساعة مش فقط هي امتى. لا - 00:12:43ضَ

كمان ايه اللي هيحصل فيها ازاي ايه احنا عارفين هيحصل فيها ايه. ده قرآن وصف لنا البعث والحشر والسؤال ودخول اهل الجنة ودخول اهل النار. لا لا لا دي مجرد اوصاف - 00:13:04ضَ

لتقريب الصورة شوية لذهنك. لكن ما سيحدث بالظبط لا يتخيله انسان لا يعلمه الا الله يبقى متى الساعة ما نعرفش الاحداث اللي هتحصل في الساعة برضو ما نعرفهاش على وجه على وجه الدقة يعني ما نعرفش - 00:13:16ضَ

من سينجو ومن سيهلك؟ ما نعرفش كل ده في علم الله علم الله اللي ايه بقى؟ اللي وسع الدنيا اللي وسع في الدنيا كل الثمرة خرجت وستخرج الى يوم القيامة - 00:13:38ضَ

تخرج من اكمامها يعني من مكان خروجها آآ البرعم بيبقى زهرة والزهرة بتبقى ثمرة ووسع ايضا ما تحمل من انثى ولا تضع الا بعلمه وكل انثى في الدنيا حملت او وضعت لان مش كل الاناث اللي بتحمل بتضع. مش كلها هتخلف - 00:13:54ضَ

في بعضها بيسقط كل حمل تم او لم يتم في علم الله من اول انسان في التاريخ لاخر انسان في عمر الدنيا في هذا اليوم هيحصل ايه بقى في الساعة؟ كمل معي سبعة واربعين - 00:14:15ضَ

ويوم يناديهم اين شركائي قالوا اذناك ما منا من شهيد يومها بقى فينادي الله سبحانه وتعالى على المشركين. فين شركائي اللي عبدوا الاصنام مع الله. يلا فين الاصنام؟ هاتوا الاصنام بتاعتكم. اللي عبدوا الملائكة. هاتوا الملائكة - 00:14:29ضَ

اللي عبده المسيح هاتوا المسيح. اللي عبدوا السلطة. هاتوا السلطة. اللي عبدوا المال. هاتوا المال. اللي عبدوا الدنيا هاتوا اللي عبدوا الشهوات. فين الشهوات؟ فين شركائي فين اللي كانوا الهة معي وانتم في الدنيا؟ - 00:14:50ضَ

خلي بالك مين اللي بيسأل مين الله سبحانه وتعالى اللي في الاية اللي قبلها وصف لنا ان هؤلاء الناس نفسهم هم اللي حملتهم امهاتهم بعلمه الارحام وولدوهم بعلمه واخرج لهم الثمرات بعلمه. اقرا سبعة واربعين تاني. اليه يرد علم الساعة. وما تخرج من ثمرات من اكمامها. للناس دول. وما تحمل - 00:15:03ضَ

ومن انثى ها حملتهم هم ولا تضع الا بعلمهم. نفس الناس اللي اتحملوا واتولدوا وخرج لهم السمرات هم هم ربنا هيناديهم. اين شركائي هم هم نفس الناس دول اشركوا بالله وهيدخلوا النار وبيناديهم بقى دلوقتي وهم داخلين النار. فين شركائي؟ اندهوهم يلا - 00:15:27ضَ

ادعوهم هاتوهم يلا يخرجوكم للنار قالوا اذناك ما منا من شهيد هذا الناك يعني قلنا لك ما حدش مننا بيشهد ان لك شركاء. ياه دلوقتي بقيتم موحدين! يوم الحساب بقيتم ما بقتوش مشركين خلاص ها - 00:15:48ضَ

في الاجابة غريبة شوية. اذناك يعني قلنا لك ده معناه ان السؤال اتكرر عليهم كزا مرة كنوع من التبكيت. كل شوية وهم داخلين على النار اين شركائي اين شركائي؟ ما لكش شركاء يا رب. اين شركائي - 00:16:09ضَ

ما حدش مننا مشرك بك يا رب اين شركائي؟ قلنا لك يا رب ما حدش مننا مشرك اذنناك ما منا من شهيد بتوحي ان السؤال اتكرر كزا مرة النبرة ممكن تشعرك ان في سوء ادب شوية - 00:16:23ضَ

مع الله انها طالعة من ناس مرعوبة ومتحاصرة بالسؤال وعمالين ينكروا شركهم كل شوية. شركهم اللي موديهم في داهية مدخلهم النار دلوقتي تمانية واربعين. شف انا يميني جدا نحاول دايما نتخيل الصورة النفسية - 00:16:36ضَ

الصورة النفسية وده الاعجوبة اللي في القرآن الحقيقة انه نازل من من خارج العالم بيتكلم في دقائق النفس الانسانية والمشاعر وبيفصل بيوصف المشاعر والاحاسيس في الدنيا وفي الاخرة اقرا معي تمانية واربعين. كمل بقى تمانية واربعين. وضل عنهم ما كانوا يدعون من قبل. وظنوا ما لهم من محيص - 00:16:52ضَ

كل الالهة اللي كانوا بيدعوها دي وبيطلبوا منها تشفع لهم عند ربنا او تقربهم من الله زلفى كلهم فص ملح وداب اختفوا دلوقتي وضل عنهم يعني تاهوا منهم اتخلوا عنهم. ما حدش منهم ظهر - 00:17:19ضَ

وضل عنهم ما كانوا يدعون من قبل ما حدش منهم ظهر عشان يطلب من ربنا انه ما يعاقبهمش كمل تمانية واربعين بقى وظنوا ما لهم من محيص يعني ظنوا دلوقتي ان هم اصبح ما لهمش مخرج ولا لهم مهرب. يعني ايه ظنوا - 00:17:36ضَ

المفاجئين يقول لك الظن خلي بالك ان كلمة الظن يعني عدم اليقين. لكن يأتي كثيرا في التفسير تجد ان الظن هنا معناه اليقين ليه ؟ قال لك الكلمة بتدي المعنى اللي عكسه. لأ هو الموضوع الموضوع اعقد من كده شوية يا جماعة - 00:17:57ضَ

لما المفسرين يقولوا ان الظن هنا بمعنى اليقين وظنوا ما لهم من محيص يعني اصبحوا متأكدين ان ما لهم من محيص يعني ليس لهم مهرب. الظن معناه انهم متأكدين مش متيقنين - 00:18:16ضَ

يعني ايه هو في فرق بين اليقين والتأكد؟ اه في فرق اليقين شيء عظيم اوي وصعب المنال جدا لما تيجي تبحث في كلمة اليقين تجد ان ربنا في سورة الانعام قال عن سيدنا ابراهيم وكذلك نري ابراهيم ملكوت السماوات والارض - 00:18:31ضَ

وليكون من الموقنين. عشان سيدنا ابراهيم يوصل لدرجة الموقنين ازا الايمان عبارة عن سبيكترام كبير. طيف واسع لما حد يقول لك انا متأكد ان فلان في القاهرة اليومين دول فتقول له انت متأكد بنسبة كم في المية. ازا التأكد مش مش كله مية في المية - 00:18:54ضَ

يقول لك ده انا متأكد بنسبة مية في المية تقول له ليه؟ يقول لك انا لو وقفته وسلمت عليه واتكلمت معه وخدت معه سيلفي يتفرج اهو ده اسمه يقين بقى اللي متأكد - 00:19:17ضَ

متأكد مية في المية اسمه يقين. لكن واحد تاني يقول لك ايه انا متأكد بقول لك كم في المية تسعين في المية! الله! ليه تسعين في المية انا شفته ماشي جنبي في الشارع. اه ده مش يقين بقى ده تأكد - 00:19:27ضَ

ده ظن لكن بنسبة كبيرة جدا اعتقاد بنسبة كبيرة لان في احتمال عشرة في المية ان يكون في شخص شبهه وطالما انت ما اتكلمتش معه وسلمت عليه وخدت معه سيلفي ازا ممكن جدا ما يكونش هو. فيه احتمال ولو بسيط - 00:19:42ضَ

وفي متأكد سبعين في المية متأكد خمسين في المية متأكد عشرين في المية. ازا الظن درجة من درجات الايمان بتزيد وتنقص. لكن بيبقى يقين لما يبقى مية في المية لما يكون فيه دليل محسوس. هنا هم في يوم الحساب وظنوا ما لهم من محيص. يعني ظهر لهم وتأكدوا ان هم ما لهمش مخرج من الوقوف - 00:19:58ضَ

في العذاب والدخول في النار لكن لسة مش مية في المية انهم ما دخلوهاش ممكن في سانية الامور تتغير. ممكن ربنا يعفو عنهم. لسة مش مية في المية اليقين. لكن الظن هنا بمعنى انهم اصبحوا متأكدين - 00:20:20ضَ

لذلك من صفات المتقين الدنيا صفات المتقين انهم بالاخرة يوقنون يعني متأكدين من البعث والحساب بعد الموت بنسبة مية في المية. ليه؟ لان الله لا يخلق الناس عبثا افحسبتم انما خلقناكم عبثا وانكم الينا لا ترجعون. لا - 00:20:35ضَ

شف الف لام ميم في البقرة. ذلك الكتاب لا ريب فيه هدى للمتقين. المتقين. صفاتهم ايه بقى؟ الذين يؤمنون بالغيب. ويقيمون الصلاة مما رزقناهم ينفقون والذين يؤمنون بما انزل اليك القرآن وما انزل من قبلك الكتب كلها وبالاخرة هم يوقنون - 00:21:02ضَ

ربنا لا يخلق الناس عبثا ابدا. اللهم اجعلنا من الموقنين بك المتقين لك التالين لكتابك والمتدبرين لاياته. ونتوقف هنا اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:21:22ضَ

وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكته - 00:21:45ضَ

وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك بكل ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا - 00:22:05ضَ

مغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلون - 00:22:30ضَ

او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم. ونجعلك اللهم في نحور فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصرهم وانصر من نصرهم - 00:22:48ضَ

واخذل من خذلهم وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا مريضا به او حاملا له فالبسه ثوب الصحة والعافية عاجلا غير اجل - 00:23:12ضَ

ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك - 00:23:33ضَ

تعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:23:52ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:24:12ضَ