باحث

انستجرام السلام عليكم ورحمة الله وبركاته. اهلا بحضراتكم في المقطع رقم ربعمية سبعة وخمسين مقاطع حظر التجول والحلقة الرابعة من حلقات تدبر سورة الشورى ارجو من حضراتكم تجيبوا المصاحف وافتح معي الاية تلتاشر - 00:00:03ضَ

نقرا مع بعض اعوذ بالله السميع العليم من الشيطان الرجيم شرع لكم من الدين ما وصى به نوحا والذي اوحينا اليك وما وصينا به ابراهيم وموسى وعيسى ان اقيموا الدين ولا تتفرقوا - 00:00:33ضَ

كبر على المشركين ما تدعوهم اليه. الله يجتبيه اليه من يشاء تمام. واضح جدا ان الصورة بتربط بين شرائع الله التي شرعها على مر الزمان وبتنسبها في النهاية لدين واحد. وهو الاسلام - 00:00:58ضَ

الاية تلتاشر اكثر تفصيلا من الاية تلاتة الاية التلاتة اللي جت في بداية السورة اقرا معي الاية تلاتة. ارجع معي بسرعة في سورة الشورى الاية تلاتة كذلك يوحي اليك والى الذين من قبلك الله العزيز الحكيم. يبقى في بداية السورة - 00:01:35ضَ

تقرير ان الله العزيز الحكيم الذي اوحى لمحمد عليه الصلاة والسلام هو الذي اوحى ايضا لكل النبيين الذين جاءوا قبله ثم في الاية سبعة روح بقى معي للاية سبعة وكذلك اوحينا اليك قرآنا عربيا لتنذر ام القرى ومن حولها. وتنذر يوم الجمع لا ريب فيه - 00:01:59ضَ

فريق في الجنة وفريق في السعير. الاية سبعة ما تكلمتش عن كل الشرائع بقى اتكلمت خاصة على طبيعة الوحي اللي نزل على محمد صلى الله عليه وسلم وكذلك اوحينا اليك ايه؟ قرآنا. يبقى اول حاجة القرآن. عربيا. تاني حاجة عربي. بلغة اهل مكة. لتنذر ام القرى ومن حولها - 00:02:28ضَ

عشان انت نبي عربي ونازل في الاول في وسط العرب هتنذر اهل مكة. مكة هذه هي ام القرى هتبقى هي مركز الاشعاع على العالم كله بالدعوة بعد كده وان هذا الوحي يحذر من الحساب والبعث بعد الموت. وتنذر يوم الجمع لا ريب فيه. فريق في الجنة وفريق في السعير - 00:02:49ضَ

الاية تلتاشر اللي في ايدينا النهاردة بترجع تربط تاني زي الاية تلاتة بينما اوحي الى النبي صلى الله عليه وسلم وبينما اوحي الى الانبياء من لكنها بتتكلم في مسألة محددة في الوحي وهي - 00:03:13ضَ

الشرع الشرع اقرا معي الاية تلتاشر شرع لكم من الدين ما وصى به نوحا والذي اوحينا اليك وما وصينا به ابراهيم وموسى وعيسى ان اقيموا الدين ولا تتفرقوا فيه كبر على المشركين ما تدعوهم اليه - 00:03:29ضَ

يا الله يجتبي اليه من يشاء ويهدي اليه من ينيب. طيب شرع يعني مهد طريقا شرع الماء يعني مهد طريقا لمصدر الماء كلمة شرع بتستخدم عادة بمعنى سن القوانين اصدار القوانين شرع يقول لك الهيئة التشريعية المجلس التشريعي شرع لكم مين اللي شرع لنا الله سبحانه وتعالى - 00:03:58ضَ

المشرع هو الله سبحانه وتعالى شرع لكم كان ممكن يقول فرض عليكم لكنه شرع لكم بتوحي ان الشرع ده لمصلحتكم انتم الاية حداشر ارجع للاية حداشر وشف لكم بتوحي بايه - 00:04:30ضَ

ارجع لاي حداشر. جعل لكم من انفسكم ازواجا ومن الانعام ازواجا يذرأكم فيه. لكم لمصلحتكم عشان تتكاثروا وتبقوا عندكم ذرية جعل لكم ازواج عشان تتكاثروا وانعام بازواجها علشان هي كمان الانعام تتكاثر وتستفيدوا من البانها ولحومها جعل لكم بتوحي - 00:04:50ضَ

بان ده علشانك انت الاية تلتاشر بقى هات الاية تلتاشر الاية بتاعتنا النهاردة شرع لكم القوانين دي لمصلحتكم شريعة الله لمصلحتكم شرع لكم من الدين ما وصى به نوحا شرعنا - 00:05:13ضَ

خليط مما شرع لاول رسول وهو نوح وكمل الاية معي والذي اوحينا اليك من اول ما شرع لنوح لغاية اخر وحي اللي هو القرآن الكريم اللي هو اوحي اليك شرع لكم من الدين ما وصى به نوحا والذي اوحينا اليك - 00:05:35ضَ

مرورا بمين بقى ؟ كمل معي. وما وصينا به ابراهيم وموسى وعيسى. مرورا بما شرع لكل الرسل بس دول مش كل الرسل دول مين بقى دول مين من الرسل حد خد باله الخمس اللي اسماؤهم المزكورة دول مين ؟ - 00:06:04ضَ

دول اولي العزم من الرسل اهم انبياء واهم رسل اكثر من عانى واكثر من جاهد واكثر من ترك اثرا كبيرا على البشرية كمل الاية معي بقى وشف ايه اللي وصاهم ربنا به - 00:06:25ضَ

ان اقيموا الدين ولا تتفرقوا فيه من اول رسول نوح لاخر رسول محمد مرورا بابراهيم وموسى وعيسى عليهم جميعا افضل الصلاة والسلام. الكل امروا ان اقيموا الدين ولا تتفرقوا في دي في الدين مش مجرد كتاب بنقرأه - 00:06:45ضَ

الدين مش مجرد صلوات بتتلى الدين طريقة حياة كاملة الدين علاقة بين الانسان وبين ربه الدين علاقة بين الانسان وبين جاره بين الانسان وبين زميله في العمل الدين علاقة بين الانسان وبين زوجته بين الانسان وبين اولاده بين الانسان وبين ابوه وامه - 00:07:05ضَ

الدين اخلاق. الدين صدق. الدين امانة. ان اقيموا الدين الدين بيقام الدين اصلا يعني طريقة الحياة عشان تبقوا عارفين كلمة دين يعني طريقة في الحياة ما كنا لنأخذ في دين الملك - 00:07:27ضَ

كل ما وجدنا متاعنا يا عم مش يعني في نظام الملك في السيستم بتاع الملك ما بناخدش الا اللي وجدنا متاعنا عنده في سورة يوسف الدين يعني نزام كامل ان اقيموا الدين - 00:07:46ضَ

نزام ربنا الدين طريقة حياة بتقام في نفس الانسان وفي بيت الانسان وفي المسجد وفي مكان العمل ولا تتفرقوا فيه. ما تعملوش بقى فرق وتحزبات داخل الدين الواحد. لأ ممكن يكون فيه مدارس فكرية - 00:08:00ضَ

مدارس فكرية مختلفة ده شيء طبيعي جدا. خاصة لما ربنا يترك مساحة كبيرة للعقل يعمل واحنا عقولنا مختلفة. فمن المتوقع ان عقولنا هتختلف وتزهر مذاهب فكرية مش عيب دي مش تفرقة - 00:08:19ضَ

التفرقة لما يبقى فيه في المسجد الواحد اربع زوايا وبتقام في كل زاوية صلاة الجماعة لاصحاب المسجد وما بيصلوش ورا بعض هنا بقى دخلنا في التفرقة هنا دخلنا في الفرقة المنهي عنها. هنا وارد جدا ان الصلاة دي لا تقبل من الجميع - 00:08:37ضَ

امر خطير جدا جدا كمل الاية تلتاشر كبر على المشركين ما تدعوهم اليه يعني صعب اوي على المشركين انهم يقبلوا اللي انت بتدعوهم اليه التوحيد غير مقبول بالنسبة لهم قبول البعث بعد الموت غير مقبول بالنسبة لهم - 00:08:56ضَ

العدل بين الناس غير مقبول بالنسبة لهم عدم زلم النساء غير مقبول بالنسبة لهم تحرير العبيد غير مقبول بالنسبة لهم كل قيم الاسلام غير مقبولة بالنسبة لهم كبر على المشركين ما تدعوهم اليه - 00:09:23ضَ

طب نعمل ايه نماين شوية نغير شوية في الدين المشركين طلبوا علشان يسلموا ان يبقى لهم جلسات وحلقات مع النبي يتعلموا فيها الدين بس ما يقعدش معهم فقراء الصحابة. قالوا له بص بقى عندك بلال. صهيب الرومي سلمان الفارسي وابن مسعود الناس دي عندك فقرا اوي - 00:09:41ضَ

ما عندهمش لبس كفاية فلما بيستحموا بيرجعوا يلبسوا نفس اللبس اللي هم عرقانين فيه. فبتبقى ريحتهم بتزكم الانوف واحنا بنبقى قرفانين قوي طب يعني عايزين ايه ؟ لأ احنا هنسلم خلي متخيل بقى قريش هتسلم - 00:10:06ضَ

ما فيش بقى لا بدر ولا احد ولا غزوات خلاص. كل الناس هتسلم بشرط ايه يعني يبقى احنا لنا حلقات وهم لهم حلقات ما يقعدوش معنا المسجد يبقى فيه وايكونومي كلاس يعني فيه كده درجة سياحية في المسجد ودرجة رجال اعمال وهم كلهم رجال اعمال - 00:10:22ضَ

قيم الاسلام دي لا يقبل بها بعض الناس. ده شيء طبيعي لانها بتفقدهم مزايا سياسية. مزايا اقتصادية ومزايا اجتماعية. ومزايا مش من حقهم هو هو الاسلام مش بينزع منهم هذه المزايا اللي من حقه. هي المزايا مش من حقهم. انهم يتكبروا على الناس ويستعبدوا الناس - 00:10:43ضَ

فطبعا يعني رفض كل ده. كمل معي الاية تلتاشر الله يجتبي اليه من يشاء ويهدي اليه من ينيب في ناس بترفض قيم الاسلام ان زي ما قلنا امبارح ربنا شاق انه يعطي الناس حرية الاختيار - 00:11:05ضَ

بالتالي في ناس هتتأثر بالقرآن وتعود الى الله من ينيب يعني يعود وفي ناس لن تتأثر ولن تعود تدبر الاية ده مهم الدين مهم جدا ان معناها ان ما فيش حاجة اسمها اديان سماوية اصلا - 00:11:28ضَ

ايه ما فيش اه ما فيش اديان سماوية اللي عاوز يفهم الاسلام المسألة بسيطة جدا يا جماعة ركزوا معي بقى عايز تفهم الاسلام في كلمتين في دقيقة هقوله لك في اله واحد - 00:11:52ضَ

وفي نوع انساني واحد لان ما فيش لون احسن من اللون وما فيش جنس احسن من جنس فلا البيض احسن من السود في حاجة ولا العرب احسن من الهنود في حاجة ولا الرجال احسن من النساء في شيء - 00:12:06ضَ

هو كده يبقى اله واحد ونوع انساني واحد اله واحد يعني مرسل واحد. واحد بس اللي بيرسل ونوع انساني واحد يعني مستقبل واحد. واحد بس اللي بيستقبل النوع الانساني. الانسانية كلها حاجة واحدة - 00:12:24ضَ

طالما هو هو نفس المرسل اللي بيرسل ونفس المستقبل اللي اللي بيستقبل يبقى بالعقل كده ليه المرسل هيرسل لنفس المستقبل رسائل مختلفة مع بعضها عشان يلخبطنا يعني يبقى هو دين واحد. بس خلاص - 00:12:42ضَ

الله ما كانش عنده ابدا الا دين واحد ارسلوا عبر العصور المختلفة مع رسل مختلفين مرة ارسلوا مع محمد عليه الصلاة والسلام وقبله بستمية سنة ارسله مع السيد المسيح وقبله بالف سنة ارسله مع موسى - 00:13:06ضَ

وقبله بالف وخمسميت سنة ارسلوا مع ابراهيم. وقابله بالف وخمسمية سنة ارسله مع نوح. الله يبقى المسألة واضحة اهي اله واحد نوع انساني واحد مدام اله واحد ونوع انساني واحد يبقى دين واحد - 00:13:28ضَ

هذا الدين حمله رسل كثيرون وكتب كثيرة. لكن كلها كتب نفس الدين وكلهم رسل وانبياء نفس الدين اي دين الدين الواحد اللي ربنا اختاره للبشر كلهم دول. لازم يكون مناسب لكل الناس - 00:13:45ضَ

لازم يكون مناسب للبيض والسود والعرب والهنود والرجال والنساء والكبار والصغار. والطوال والقصيرين والدخان والرفيعين لازم يكون مناسب للناس كلها بس حاجات يعني صعب اوي انك تلاقي حاجة تناسب الناس كلها - 00:14:09ضَ

قليل قوي لما تجد شيء مناسب للناس كلها لما تروح عند ناس بيسألوك تشرب ايه؟ تشرب شاي ولا تشرب قهوة؟ ما حدش بيقدم لك شاي على طول ولا بيقدموا لك القهوة على طول لان ممكن تكون ما بتشربش الشاي. او ما بتشربش القهوة - 00:14:30ضَ

ايه الشيء الوحيد اللي بيقدم لك بدون سؤال ايه الشيء الوحيد اللي بيقدم بدون ما حد يسألك الماء صح ده الحاجة الوحيدة اللي بتتقدم من غير ما حد يسألك عمر حد سألك آآ بتشرب ماية - 00:14:50ضَ

طبعا سؤال مضحك مضحك ليه مضحك ليه؟ ايه الفرق بين الماء وبين الشاي؟ ما الاتنين سوائل ليه ما تتسألش بتشرب ميه ولا لأ طبعا سؤال مضحك جدا ازاي حد يسأل حد بتشرب مية ولا لأ ؟ هو فيه حاجة ما بيشربش ماية ؟ - 00:15:10ضَ

طب اشمعنى في حد ما بيشربش شاي؟ ايوة الماء مقبول من كل الناس لان ما لوش لون ما لوش لون. مش ابيض. ما لوش لون. صافي ما لوش لون وكمان ما لوش ريحة - 00:15:27ضَ

وطعمه مستساغ من الناس كلها لانه لا حادق ولا حلو. اهو لو كان الماء له لون لون جميل. الازرق الفاتح مسلا كان بعض الناس مش هتشربه لو كان الماء له ريحة رائحة حلوة كده زي مسلا رائحة المسك - 00:15:45ضَ

بعض الناس برضه مش هتشربها لو كان حادق شوية زي ماية السلطة بعض الناس مش هتشربه لو كان حلو زي الشربات بعض الناس مش هتشربه عشان هو ده ايه ده! صافي - 00:16:06ضَ

مقبول من كل الناس هو ده الاسلام ده الاسلام. صافي ولا له ريحة طعمه مستساغ لانه لا حادق ولا حلو المشكلة بقى ان كل مجتمع بيلونه بلونه وبيسيء اليه في الاخر. فالعرب بيعربوه - 00:16:22ضَ

يخلطوه بالثقافة العربية الفرس بيفرسوه الهنود بيهندوه مش معقول! الذكور بيطفوا عليه ذكورية والاناث بيطفوا عليه آآ بيسموها ايه دي؟ آآ بتاع ده آآ انثوية ايه في ايه! ما تحله عن الاسلام - 00:16:42ضَ

بقى كلكم الكلام ده بيزلم الاسلام. احنا بنظلم احنا بنفض عن سبيل الله. لما بنقدم الثقافة بتاعتنا ونرش عليها من فوق كده شوية اسلام ده الاسلام لأ ده مش الاسلام - 00:17:04ضَ

حتى اسمه مش متسمي على اسم انسان ولا على اسم منطقة جغرافية ولا على اسم قبيلة او جماعة المسيحية على اسم السيد المسيح بني ادم الهندوسية على اسم الهند منطقة جغرافية - 00:17:21ضَ

اليهودية على اسم قبيلة يهوذا جماعة من الناس. الاسلام على اسم مين؟ مش على اسم سيدنا محمد خالص بالعكس ده احنا لما بيتقال لنا المحمديين بنعتبرها اهانة طب ليه بنعتبرها يعني؟ طب احنا بنحبه - 00:17:38ضَ

متضايق ليه لما يتقال علينا عشان احنا مش محمديين احنا مسلمين مثله ومثل موسى ومثل عيسى ومثل ابراهيم ومثل نوح هو ده الاسلام. يعني الاستسلام لاوامر الله والتسليم الكامل لقضاء الله - 00:17:57ضَ

اقرا معي الاية اربعتاشر وماتفرقوا الا من بعد ما جاءهم العلم بغيا بينهم ولولا كلمة سبقت من ربك الى اجل مسمى لقضي بينهم. وان الذين اورثوا الكتاب من بعدهم لفي - 00:18:18ضَ

في شك منه مريب نستفيد لازم من تجارب الامم السابقة نجد ان اهل الكتاب تفرقوا بس مش بسبب الجهل. تصور ازاي امال ايه ؟ اقرا معي الاية اربعتاشر. وما تفرقوا الا من بعد ما جاءهم العلم - 00:18:38ضَ

ياه ايوة بعد ما بقى عندهم علم تفرقوا. الله يعني كلمتهم ما تفرقتش وبقوا مجموعات متناحرة بسبب الجهل لأ لسبب نفسي سبب العقد النفسية اقرا الاية وما تفرقوا الا من بعد ما جاءهم العلم بغيا بينهم. بسبب ظلمهم لبعض. وتعديهم - 00:19:00ضَ

جم على حقوق بعض بغيا بينهم كل واحد عايز يبغي على الاخر. عاوز السلطة لنفسه. كل واحد عاوز يتحكم في الاخرين ما بقولش العلم مش مهم. العلم مهم جدا لكن مش بالضرورة ان العلم يحسن اخلاق الانسان - 00:19:28ضَ

الانسان محتاج تربية ايمانية وتربية روحية علم مهم لكن مع لابد من تربية ايمانية وتربية روحية علشان كده دايما تحت الفيديوهات بتاعة اليوتيوب هتلاقوني دايما بنصح بتلات دورات دورة مفاتح التدبر اولا - 00:19:47ضَ

بعد ما بتاخدها بتاخد دورة التربية الايمانية وانا كاتب بيتعمل ايه بالزبط التربية الايمانية من مسجد يوسف الصحابي. بلاي ليست اسمها كده مجموعة فيديوهات وبعدها بتاخد دورة التربية الروحية دايما بنصح بها - 00:20:07ضَ

اللي عايز الصوفية الحقيقية هي دي. ايه رأيكم بقى ايه بقى ؟ دي الحقيقة مش الدروشة مش البدعة ابدا هي دي كمل الاية اربعتاشر معي. ولولا كلمة سبقت من ربك الى اجل مسمى لقضي بينهم. وان الذي - 00:20:23ضَ

حين اورثوا الكتاب من بعدهم لفي شك منه مريب لولا ان ربنا قضى بانه يمهلهم في الدنيا ولولا كلمة سبقت من ربك ربنا قضى انه يمهلهم في الدنيا وان حسابهم يبقى في الاخرة. ما ربنا قضى بزلك بل الساعة موعدهم - 00:20:48ضَ

لولا كده كان ربنا عاقبهم وقضى بينهم في الدنيا. لكن ربنا ما قضاش بينهم في الدنيا كمل الاية وان الذين اورثوا الكتاب من بعدهم دول مين بقى ما هي الاية بتتكلم عن اهل الكتاب - 00:21:09ضَ

فان معناها اليهود اللي في عصر النبي هم اورثوا الكتاب من بعد الاجيال السابقة اللي تفرقت التوراة بتاعتهم او اهل الكتاب في عصر النبي اللي هم المسيحيين واليهود ان الذين اورثوا الكتاب بعدهم. دول اليهود في عصر النبي دول شكوا في امر النبي - 00:21:26ضَ

وشكوا في امر القرآن عشان كده الاية بتقول ايه وان الذين اورثوا الكتاب من بعدهم لفي شك منه. اللي هو الوحي اللي نزل على النبي. من من القرآن مريب ممكن يكون معناها المسيحيين - 00:21:55ضَ

لانهم اورثوا الكتاب باي كتاب بقى. الانجيل والتوراة مع بعض يسموا كتاب بل حتى هم لما جمعوا ما يسمى بالكتاب المقدس. سموه كتاب بايبل يعني بيبلس يعني كتاب باللغة اليونانية - 00:22:17ضَ

هنا بقى ممكن الناس تعترض علي ها اوعى تقول كده ليه ؟ ده معناه ان القرآن بيقر بالبايبل وهم فرحوا جدا وقال لك بصوا بقى كالقرآن بيقول آآ اهل الكتاب وكلمة بايبل يعني كتاب. يبقى القرآن بيقر بالبيضة. طب وايه يعني؟ ما يقر بالبيضة - 00:22:34ضَ

هو هو القرآن بيقول ايه عن الكتاب يريد الكتاب حرف القرآن في سورة البقرة بيقول ايه؟ فويل للذين يكتبون الكتاب بايديهم. ثم يقولون هذا من عند الله ليشتروا به ثمنا قليلا. فويل لهم مما كتبت ايديهم. وويل لهم مما يكسبون. مش مشكلة حتى لو القرآن اعتبرنا كلمة كتاب هي الكتاب المقدس - 00:22:52ضَ

اللي هو عبارة عن الانجيل والتوراة مع بعض وايه يعني ده القرآن بيقول ان هو ده بالزات اللي تم تحريفه. عايزينه يعني انتم عايزينه يكون هو؟ خلاص هو. انتم حرارة - 00:23:17ضَ

قال ده بالزات تم تحريفه ده مش معناه ان القرآن بيقر بما فيه. لا ابدا طب الناس دي ايه بقى؟ لفي شك منه مريب. يعني ايه؟ يعني هم بيشكوا في نبوة النبي بيشكوا في صحة القرآن - 00:23:27ضَ

لكنه شك مريب يعني ايه يعني مش عاوزين يوصلوا للحقيقة. بيرموا شكوك حول القرآن مش بهدف ان هم يوصلوا للحقيقة زي ما اتكلمنا من كم يوم عن رينيه دي كارت - 00:23:44ضَ

فيلسوف الفرنسي اللي قاده الشك الى الايمان لان الشك بتاعه كان عبارة عن تساؤل وبيبحث عن الحقيقة بمنتهى الموضوعية وبدون اي تحيز. فوصل للايمان. قال لك انا اشك في وجود الله - 00:23:57ضَ

طالما اشك اذا انا افكر طالما انا افكر اذا انا موجود طالما انا موجود اذا انا خلقت طالما انا ما خلقتش نفسي يبقى حد تاني خلقني هزا هو الله. فقاده الشك في وجود الله - 00:24:16ضَ

الى الحقيقة اللي هي وجود الله لانه كان الشك بتاعه عبارة عن تساؤلات بيبحث بها عن اجابة ومستعد لاي اجابة تأتي مش بيحاول يحارب اي اجابة الشك اللي عند دول - 00:24:35ضَ

الشك من اجل الشك شك من من اجل ليس من اجل ايجاد ردود ولا من اجل تقوية ايمان. ولا من اجل الوصول للحقيقة لذلك سمي شك مريب. اصلا مريب يعني شك - 00:24:52ضَ

يعني هو الشك بيسبب ريبة اكتر شك يؤدي لمزيد من التشكك ربنا يعافينا واياكم نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك - 00:25:07ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:25:24ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبياءك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا - 00:25:42ضَ

قل له في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:26:09ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرور - 00:26:28ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. عيد بنصرك المرابطين في الارض المباركة فلسطين. وانصرهم وانصر من نصرهم. واخذل من خذلهم وطهر المسجد الاقصى من الدنس فانهم لا يعجزونك - 00:26:47ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له - 00:27:11ضَ

فالبس ثوب الصحة والعافية عاجلا غير اجل. ومن لم يصب به فاقه شره. وابعده عنه ولا تسلطه الا على اعدائك واعدائك دينك واعدائي اوليائك اللهم انك تعلم ان هذه القلوب قد اجتمعت على كتابك وعلى محبتك - 00:27:26ضَ

والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها. واملأها بنورك الذي لا يخبو. واشرح صدورها بفيض الايمان بك وجميل التوكل عليك - 00:27:45ضَ

واحييها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:28:07ضَ