باحث

فيسبوك انستجرام السلام عليكم ورحمة الله وبركاته. اهلا بحضراتكم في المقطع رقم ربعمية اربعة وستين من مقاطع حظر التجول والحلقة الحادية عشر من حلقات تدبر سورة الشورى. ارجو من حضراتكم تيجوا المصاحف - 00:00:00ضَ

كنا بدأنا امبارح نشوف صفات الناس اللي ربنا وعد بان لهم الفضل في الاخرة وروضات الجنات. كل ده كان في سورة الشورى ويزيدهم من فضله ويزيد حسناتهم حسنا كل ده - 00:00:31ضَ

اقرا معي من الاية اربعة وتلاتين عشان اشوف الصفات اللي تدبرناها امبارح وبعد كده نكمل بقى النهاردة ان شاء الله اقرا معي من الاية اربعة وتلاتين للاية تمانية وتلاتين اعوذ بالله السميع العليم من الشيطان الرجيم - 00:00:47ضَ

فما اوتيتم من شيء فمتاع الحياة الدنيا وما عند الله خير وابقى الذين امنوا ادي اول صفة وعلى ربهم يتوكلون والذين يجتنبون كبائر الاثم والفواحش واذا ما غضبوهم يغفرون والذين استجابوا لربهم واقاموا الصلاة وامرهم شورى بينهم - 00:01:04ضَ

ومما رزقناهم ينفقون. يبقى صراطهم ما هي انهم مؤمنين. ادي اول حاجة. متوكلين على الله. بيجتنبوا الرذائل سواء كانت كبائر الاثم او فواحش. متميزين بالسماحة. فمش بيغضبوا بسهولة ولا بيغضبوا بسرعة - 00:01:38ضَ

آآ ولو غضبوا بيغفروا بسرعة. سريع الغضب آآ اسف. بطيء الغضب سريع الفيئة بيستجيبوا لربهم ازاي بيستجيبوا لربهم بتلات حاجات؟ اول حاجة فيهم اقاموا الصلاة بيقيموا الصلاة. اتنين امرهم شورى بينهم وامبارح كانت الحلقة تقريبا كلها عن - 00:01:58ضَ

ونظام الشورى في الاسلام وتلاتة ومما رزقناهم ينفقون. يعني نزرتهم للفلوس اللي بينفقوها هي انها مش ملكهم اصلا. دي ملك لله وهم بيعيدوا مال الله لله طيب كده احنا اعتبرنا التلات حاجات دول داخلين في الصفة الخامسة اللي هي الاستجابة لله. او نعتبرهم تلات نقط زيادة منفصلة. ويبقى عندنا تسعة صفات كده - 00:02:19ضَ

نبدأ بقى تدبر ايات حلقة الليلة من الاية تسعة وتلاتين اقرا معي من الاية تسعة وتلاتين للاية تلاتة واربعين هو تقريبا موضوع واحد. لكنه موصوف بدقة شديدة في الاربع ايات دول - 00:02:44ضَ

والذين اذا اصابهم البغي هم ينتصرون وجزاء سيئة سيئة مثلها فمن عفا واصلح فاجره على الله. انه لا يحب الظالمين ولمن انتصر بعد ظلمه فاولئك ما عليهم من سبيل انما السبيل على الذين يظلمون الناس ويبغون في الارض بغير الحق - 00:03:06ضَ

لهم عذاب اليم ولمن صبر وغفر ان ذلك لمن عزم الامور. تعالوا بقى نحللها واحدة واحدة لان في ايات اه بعض الناس ممكن تشوفها متناقضة مع بعضها. اللي مش فاهم هيشوف ان فيه تناقض في الكلام ده - 00:03:48ضَ

يعني الاية تسعة وتلاتين بتقول ايه ؟ بص معي تسعة وتلاتين. والذين اذا اصابهم البغي هم ينتصرون فبتثني على اللي يقاوم الزلم ويقاتل ويدفع الظلم. والاية تلاتة واربعين بتقول ولمن صبر وغفر - 00:04:15ضَ

ان ذلك لمن عزم الامور الله هنتصر لنفسي ولا اصبر واغفر؟ دي من اكتر الايات اللي بحب اتكلم فيها قدام المسيحيين بالزات يعني لو مدعو في كنيسة لازم بزق الموضوع ده اتكلم فيه. من ضمن الموضوعات اللي بحب اتكلم فيها - 00:04:33ضَ

ليه بقى ؟ لاني باسألهم عندكم في الكتاب المقدس هو البايبل يعني اي تيم شكلهم كده متناقض رأيكم فيهم ايه اه اخر اية في الاصحاح تسعتاشر في سفر التثنية سفر التقنية ده احد اسفار التوراة الخمسة - 00:04:57ضَ

اللي هي اللي هي يعني كتب موسى اللي هي التوراة بتقول ايه لا تشفق عينك نفس بنفس عين بعين سن بسن. يد بيد ورجل برجل ده موسى قانون القصاص الانجيل لوقا - 00:05:20ضَ

من ضربك على خدك فاعرض له الاخر ايضا وفي انجيل متى لا تقاوموا الشر بل من لطمك على خدك الايمن فحول له الاخر ايضا هو ايه بقى؟ في آآ ايه في دول - 00:05:48ضَ

ايه في المفهومين دول اللي المسيحية بتأمر به يعني القصاص اللي هو بنسميه القانون قانون الموسوي اللي هو العين بالعين والسن بالسن بيسموها العفو والمغفرة وان من لطمك على خدك الايمن تدير له خدك الايسر - 00:06:13ضَ

فدايما تأتي الاجابة كانت. وانا انا برمي السؤال ده عشان اوقعهم في الاجابة دي قانون القصاص ده في العهد القديم اسمه ايه؟ القديم احنا بقى بننفز العهد الجديد عهد الجديد بينسخ العهد القديم - 00:06:32ضَ

المفروض المسيحي يغفر وما يطالبش بقصاص ما فيش قصاص خلاص مش لازم يعني اه لكن برضو يبقى الامر ان فيه عندهم تناقض هنا بين المبدئين مبدأ الانتقام واخد الحق والقصاص العادل العين بالعين والسن بالسن وبين مبدأ الغفران التام من لطمك على خدك فادر له خدك الاخر - 00:06:56ضَ

في سورة المائدة ربنا بيقول وانزلنا اليك الكتاب بالحق. ربنا بيكلم النبي عليه الصلاة والسلام الكتاب القرآن ربنا بيقول عليه وانزلنا اليك يا محمد الكتاب بالحق مصدقا لما بين يديه من الكتاب ومهيمنا عليه. يعني ايه يا محمد؟ انا نزلت لك الكتاب بالحق اللي هو القرآن - 00:07:30ضَ

مصدقا لما بين يديه يعني عشان يصدق على ما جاء قبله هو اللي بيقول ده فعلا موجود ولا الكلام ده مش مش مش مزبوط ومتحرش اللي جاء قبله كتب زي الانجيل والتوراة - 00:07:56ضَ

اللي هم الاتنين دول مع بعض اسمهم الكتاب المقدس دلوقتي بالاضافة للزبور طبعا اللي هو مزامير ومهيمنا عليه. يعني ايه بقى مهيمنا عليه؟ القرآن هو اللي يحكم بتحريف او عدم تحريف. لكن - 00:08:12ضَ

ايضا مهيمنا عليه يعني مفسرا له. لو فيه شيء مبهم في الكتب السابقة يوضحه القرآن ومنهم هذا الموضوع وبقول لهم اسمحوا لي بعد ما هم يقولوا لي بقى خلاص احنا بناخد بالعهد للجديد وما لناش دعوة بالعهد القديم والمسيح المفروض ما يطالبش بالقصاص والكلام ده كله - 00:08:30ضَ

بعد ازنكم اسمحوا لي اني اشرح لكم آآ هذا المفهومين دول وانهم غير متناقضين من القرآن. يعني القرآن هيخش يشرح لكم الكتاب المقدس دلوقتي ماشي؟ طيب آآ انا اقول لهم كده ساثبت لكم ان مفهوم ادر خدك الايسر لمن لطمك على خدك الايمن لا يتعارض ولا يتناقض مع مفهوم العين بالعين والسلم. ويمكن احنا عندنا مشكلة - 00:08:51ضَ

طبعا مع الايه الصياغة بتاعة ادر خدك الايسر دي. ونقول هنقول دلوقتي ليه يعني لكن هنوفق بين المفهومين مفهوم التسامح والمغفرة ومفهوم القصاص ايضا القرآن اخو التوراة واخو الانجيل مش بينافسهم - 00:09:19ضَ

بيشرحهم. تعالوا بقى اول ما بقول كده الكل بيعدل قعدته. بيتحفز هو ايه ده اللي جاي من مصر ده ولا من مينا يشرح لنا البايبل ؟ لا لا لا. القرآن هيشرح البايبل - 00:09:38ضَ

بيتعدلوا بقى بيعدلوا كده استعدوا تعالوا بقى احنا نشوف عزمة الاسلام عزمة الاسلام اقرا معي الاية تسعة وتلاتين والذين اذا اصابهم البغي هم ينتصرون. دي صفة من صفات المؤمنين اللي هيبقوا في في جنات - 00:09:53ضَ

البغي هو الظلم الايذاء التعدي على الحقوق من صفات المؤمنين انهم اذا ظلموا وتم التعدي على حقوقهم انهم ينتصروا لحقهم يعني يتعاونوا مع بعض لدفع الظلم واسترداد الحقوق. ده معناه ان المسلمين مش بيستسلموا مهما طال - 00:10:13ضَ

مهما بلغت قوة الظالم مهما بلغوا هم من ضعف ليه؟ لانهم متوكلين على القوي الواحد القهار فمن كان الله معه ما هواش ضعيف سانيا اخطر شيء في الدنيا ان الظالم لا يعاقب - 00:10:40ضَ

وان الزمن يغطي على الجرائم وتعدي الجرائم دون عقوبة. ده اخطر شيء على المجتمعات يعني انت لو ظلمت وحقك اتاخد منك وبصراحة كده بصراحة الحاجة اللي سلبت منك انت مش محتاجها - 00:11:07ضَ

اذا تهاونت فيها يبقى انت شجعت الزالم يروح يزلم غيرك كمان لا تتهاون في حقك حتى لو انت مش محتاج هزا الحق ما تتصدقش به على الظالم ابدا اكبر مثال - 00:11:29ضَ

النبي صلى الله عليه وسلم والصحابة هاجروا من مكة وابتعدوا عن قريش ربعمية وخمسين كيلو بعيد عنهم خلاص واسسوا مجتمع جديد في المدينة وانتهت فترة الاضطهاد والتعزيب وبدأت فترة جديدة - 00:11:47ضَ

كان ممكن يقولوا بقى قريش في حالها واحنا في حالنا. ربنا ينتقم لنا منهم خلاص احنا بدأنا عهد جديد هو عهد البناء والتنمية والازدهار. تقوم تنزل الاية في سورة الحج - 00:12:05ضَ

اذن للذين يقاتلون بانهم ظلموا وان الله على نصرهم لقدير اية مدنية تنزل في المدينة ثم توضع في قلب السورة المكية سورة الحج سورة مكية. لكن بعض اياتها مدنية منهم الاية دي اللي اللي هي بتأذن بالجهاد في سبيل الله ومنهم ايات الحج - 00:12:20ضَ

يعني ايه ربنا بيقول الازن جه للي قتلوا اذن للذين يقاتلون لانهم ظلموا. هم لانهم اتزلموا وان الله على نصرهم لقدير. يعني ايه؟ يعني مين هيحاسب على المشاريب بتاعة التلتاشر سنة اللي فاتت؟ الله! اضطهاد وتعزيب وقتل - 00:12:47ضَ

ما حدش من الصحابة قال ايه يا جماعة خلاص بقى خلونا في حالنا وهم في حالهم. خالص الازن جه للمزلوم بان القصاص اصبح جائز الان. قبل كده ما كانش يجوز خلاص - 00:13:11ضَ

ربنا قال لهم كفوا ايديكم. ما حدش يقدر يمد ايده. ما حدش يقدر يعمل حاجة من غير ازن. ليه؟ هيوقع الامة كلها في مشكلة فالازن جه للمزلوم بانه يخرج يحاسب الظالم. فخرج المسلمون يعترضون الطريق للاستيلاء على قافلة قريش - 00:13:25ضَ

احنا اللي خرجنا نجر شكلهم. ايه رأيكم بقى وهذا امر انا فخور به جدا. ليه؟ لان ده اعلان حالة الحرب سيبكم بقى من الكلام بتاع ان المستنين خرجوا ياخدوا اموالهم اللي تركوها في مكة من القافلة. يا سلام! ما فيش دليل ان هم كانوا هياخدوا قيمة ممتلكاتهم - 00:13:45ضَ

دعوا الباقي. الكلام ده مش صحيح ايه الكلام الاعتزاري ده في حالة الحرب بتحل الانفس والاموال. امريكا صادرت اموال اليابان في الحرب العالمية التانية. مصادرة خلاص استولت على اموالها والمانيا صدرت اموال فرنسا. والدول لما بتحارب بعض بتخرج الاساطيل وتستولي على سفن وممتلكات الاخرين. في حرب - 00:14:04ضَ

في حالة حرب الحرب بتصادف بتصادر الممتلكات المسلمين خرجوا لمصادرة ممتلكات قريش القافلة كلها المسلمين اعلنوا الحرب خلاص. والذين اذا اصابهم البغي هم ينتصرون. يعني المسلمون لا يقبلون الضيم لا يقبلون الذل - 00:14:27ضَ

عاوزين مثال حي موجود النهاردة الفلسطينيين الفلسطينيين اللي بيقاوموا يعني كل شعب فيه الصالح وفيه الطلح. ما اقصدش يعني عباس. لا لا لا. اصل الفلسطينيين الفلسطينيين الارض احتلت والعالم كله تخلى عنهم - 00:14:51ضَ

والناس اللي حواليهم خانوهم وجردوا من السلاح وعدوهم المعتدي عليهم مدعوم من العالم كله. ويمتلك جيش من اقوى جيوش العالم بالحسابات الدنيوية يا فلسطينيين اتهدوا بقى! الله انتم بتحلموا عندهم اية بتقول والذين اذا اصابهم البغي هم ينتصرون. يعني ما فيش فلوس ما فيش سلاح ما فيش دعم - 00:15:12ضَ

في حجارة دول ادوا درس في الكرامة للعالم كله. الصلابة بتاعتهم والمقاومة بتاعتهم تجسيد للاية. والذين اذا ما اصابهم البغي هم ينتصرون ينتصرون مش يعني بينتصروا. ينتصرون يعني بيساعدوا بعض للمقاومة وللدفاع عن نفسهم - 00:15:43ضَ

لننصرنكم مش احنا هنجيب لكم النصر يعني هنساعدكم يعني. هنديكم سابورت هنديكم دعم هندعمكم يا جماعة سانية واحدة هو ليه الاسلام هو الدين الوحيد اللي بيهاجم هجوم شديد في كل حتة - 00:16:07ضَ

طب ما الاديان كتير وفيها حاجات تضحك واللي بيعبد بقر واللي بيعبد قرود واللي بيعبد صراصير واللي بيعبد يوه ما بيتهاجمش الا الاسلام ليه اشمعنى الاسلام اللي بيتهاجم دايما عشان الخاصية دي - 00:16:22ضَ

عشان هو دين المقاومة. لانه دين لا يتعايش مع الفساد ولا مع الظلم. بس. فلابد من تشويهه عشان الناس لو اتبعته هيتغير وجه العالم كله. البيئة لن تسمح للفساد والظلم بالاستمرار - 00:16:38ضَ

فالخطة هي ايه؟ استئناس الاسلام بحيس يبقى الاسلام كده زي المسيحية والبوزية ترانيم وروحانيات جميلة لكن يبعد عن تنزيم شؤون الناس وتشريع القوانين ودفع الناس للحركة ضد الظلم وضد الفساد - 00:16:55ضَ

لذلك المسلم اللي يفهم هذه الحقيقة ان هو ده سبب الهجوم على الاسلام يبقى كل ما يسمع الاسلام بيتهاجم لازم يشعر بالفخر اكتر واكتر انه احد افراد هذا الدين الذي يغيظ الظالمين. ويخيف الفاسدين. احنا بنفخر بده - 00:17:17ضَ

انا كل ما الاقي انسان بيتهاجم اضحك جدا وانبص انا فخور اه انا غايظكم واحنا غايظنكم مش هنتعايش مع الظلم والفساد يا اما يبقى ما لناش لازمة المهم المسل العربي يقول لك ايه بقى - 00:17:37ضَ

من اعتدى عليك فرد له الصاع صاعين. احنا بقى هنا ما احناش عرب. احنا هنا مسلمين. لا نرد الصاع الا بصاع زيه اقرا بقى معي الاية اربعين عشان دي بعد ما الاية تسعة وتلاتين سخنتك الاية اربعين بترجعك تاني للوسطية والاعتدال - 00:17:55ضَ

اقرا اربعين وجزاء سيئة سيئة مثلها فمن عفا واصلح فاجره على الله انه لا يحب الظالمين. يعني ايه بقى؟ وجهاء سيئة سيئة مثلها. واحدة بواحدة ما فيش واحدة باتنين. لا - 00:18:18ضَ

مسلم وجزاء سيئة سيئة مثلها. في سورة المائدة ربنا بيقول وكتبنا عليهم فيها يعني حفلة التوراة ان النفس بالنفس والعين بالعين والانف بالانف والاذن بالاذن والسن بالسن والجروح قصاص. يعني ايه جروح قصاص؟ يعني اللي جرح انسان - 00:18:37ضَ

الجرح على شكل دايرة قطرها اتنين سنتي لازم يتجرح جرح مماثل دايرة قطراه اتنين سنتي مش اتنين سنتي ونص هو ده الاسلام التوراة في سفر التثنية الاصحاح تسعتاشر لا تشفق عينك. نفس بنفس عين بعين سن بسن يد بيد - 00:18:56ضَ

رجلن برجل لا تشفق عينك يعني لا تأخذكم بهما رأفة في دين الله. ها من الاخر كده زي ايه؟ زي عندنا في سورة النور نفس بنفس عين بعين مش عين بعينتين لا - 00:19:21ضَ

سن بسنة. سنة دي يبقى السنة دي عنده تتكسر. ما ينفعش يظهر له ضرس. لأ هي دي برضو يدا يد بيد رجل برجل. كلام متوافق مع القرآن جدا بصراحة. في سورة النحل ربنا بيقول وان عاقبتم فعاقبوا - 00:19:35ضَ

بمثل ما عوقبتم به بس فيه حاجة بقى كمل الاية وجزاء سيئة سيئة مثلها فمن عفا واصلح فاجره على الله انه لا يحب الظالمين. اوه مش ده كلام مترقد بقى ولا ايه - 00:19:52ضَ

هنعفو ونصلح ولا هنعاقب وننتصر لما تتمكن من عدوك ويبقى في قبضتك وتصبح على قادر على ايقاع العقوبة به هنا انت مخير اما انك تطبق العين بالعين والسن بالسن وما حدش يقدر يلومك لو طبقتها. او تعفو - 00:20:14ضَ

بعد ان تقدر عليه مش تعفو عنه وهو زالمك ؟ بعد ما يعلم انك قادر على اخد حقك منه دلوقتي هنا بقى مبدأ الغفران بتاع السيد المسيح مقبول بقى خلاص - 00:20:40ضَ

لكن احنا عندنا مشكلة طبعا مع النص الوارد في انجيل متى بتاع لا تقاوموا الشر يعني ايه لا تقاوموا الشر ده كلام لا يمكن يقوله اله ولا نبي ولا اي انسان جواه ذرة خير اصلا يعني ايه لا تقاومه الشر - 00:20:59ضَ

وكذلك برضه بل من لطمك على خدك الايمن فحول له الاخر ايضا. المفروض ان انا اصلا قدرت عليه وبعاقبه عشان لا يعتدي على احد مرة اخرى مش انا اشجعه وادي له الخد الايسر. يعني - 00:21:15ضَ

يعني لو هنعتبر ان ده مبالغة الغرض منها التأكيد على مبدأ ماشي لكن مسألة لا تقاومه الشر دي لا يمكن مقبولة ابدا طيب هنا بقى بتأتي شبهة خطيرة. الناس اللي عايشين في الغرب عارفين انها بتتفتح معنا كل شوية - 00:21:34ضَ

شبهة عقوبة الاعدام معزم دول اوروبا وكثير من ولايات امريكا الغت عقوبة الاعدام بينما انتم يا مسلمين يا همج يا برابرة. لسه عندكم العقوبة دي في دينكم الرد على الشبهة دي هو ايه - 00:21:54ضَ

مين قال كده احنا ممكن جدا عندنا ان عقوبة الاعدام ايضا لا تطبق والقصاص لا يطبق كمان. ايه رأيك بقى؟ ده طبقا للاية في سورة المائدة والاية هنا طبعتها لكم عشان ايه ما تروحوش لغاية سورة المائدة وتقعدوا تقلبوا في المصحف انا باتعبكم كل مرة. والمائدة بعيدة عن سورة الشورى - 00:22:17ضَ

وكتبنا عليهم فيها ان النفس بالنفس والعين بالعين والانف بالانف والاذن بالاذن والسن بالسن والجروح اقرا اخر سطر فمن تصدق به فهو كفارة له يعني ايه فمن تصدق به فهو كفارة له - 00:22:39ضَ

يعني القرآن بيشجعك على العفو عند المقدرة. بعد ما تقدر تعفو وبيجعل العفو بتاعك ده كفارة عن ذنوبك لو انت لم تتمسك بالقصاص الفرق الوحيد بين القانون في الدول الغربية وبين الشريعة الاسلامية ان القانون في الدول الغربية بيجبر اهل القتيل - 00:23:01ضَ

على العفو وبيستبدل حقهم بعقوبة اخرى هو ان يدخل القاتل اللي قتل ابنهم يدخله السجن السجون هنا شيك عشان تبقوا عارفين يعني الولد ده اللي قتل ابنهم هيخش السجن ياكل تلات وجبات كل يوم على حسابهم هم. ما هم بيدفعوا ضرايب مش دافعي ضرائب هم ولا هو اللي ولاده بيتقتلوا - 00:23:26ضَ

ولا ابوه بيتقتل بيعفى من الضرايب لا ما بيعفاش من الضرايب. فهم اللي هيدفعوا ويمولوا تلات وجبات كل يوم للقاتل اللي قتل وجبات ايه هم ما بياكلوش زيها كل يوم لازم لحمة. وكل يوم لازم سلطة. وكل يوم لازم حلو. امال ايه - 00:23:51ضَ

على حسابهم وكمان هو هيختار نشاط السجن فهيختار بيانو فهيجيبوا له مدرس موسيقى يعلمه بيانو ومرتب المدرس ده والحصص بتاعته خمسين باوند خمسين استرليني كل حصة على حسابهم هم برضه - 00:24:09ضَ

وهيكمل تعليمه الولد مقاتل وهيخرج بعد خمستاشر سنة لحسن السير والسلوك. معه ماجستير ودكتوراة عملهم على حسابهم وهم حياته اتدمرت اللي قتل ابوهم ولا قتل ابنهم اتدلع بقى على حسابهم - 00:24:27ضَ

الاسلام طبعا نتيجة كده ممكن حد منهم ينتظر الولد ده لما يخرج ويقوم قاتله هو كمان. وتستمر دائرة العنف. ليه؟ عشان اجبروا على العفو الاسلام لا يجبر احد على العفو الاسلام يشجع الناس على العفو - 00:24:52ضَ

فاذا اختاروا العفو والتعويض المادي اللي هو قبول الدية يبقى ده اختيارهم هم. مش متوقع ان حد منهم يروح يقتله بعد كده خلاص هم اللي وقالوا عافينا عنه وقبلنا الدية. خلص الموضوع - 00:25:14ضَ

لزلك ربنا قال في سورة البقرة ولكم في القصاص حياة يا اولي الالباب لان دائرة العنف بتنكسر بالقصاص. او بالعفو باختيار اهل القتيل. مش يجبروا على العاف طيب كده خلصنا الشبهة دي. فيه ناس مش بتقدر تسامح - 00:25:28ضَ

صحيح اهي بص اهي الايد الواحدة اهي ما فيش فيها صباعين زي بعض ليه متوقعين ان الناس تبقى زي بعض؟ الناس مش زي بعض؟ فيه ناس بتقدر تسامح وناس مش بتقدر تسامح - 00:25:55ضَ

بس كده. وحتى الناس اللي بتقدر تسامح مش كل جرح يقدر يسامح فيه. فيه جرح عميق اعمق من جرح تاني فلو حد قرر ان هو ياخد حقه بالقانون وعن طريق الحاكم - 00:26:07ضَ

فيها اي مشكلة اقرا معي الاية واحد واربعين ولمن انتصر بعد ظلمه فاولئك ما عليهم من سبيل المزلوم اللي قرر ياخد حقه ومش هيعفوا ما حدش يقدر يلومه ما عليهم من سبيل يعني لا مؤاخذة عليه لا احد يستطيع ان يؤاخذه - 00:26:23ضَ

شف بقى امال مين اللي يؤاخذ مين اللي يلام هات الاية اللي بعدها اتنين واربعين. انما السبيل على الذين يظلمون الناس ويبغون في الارض بغير الحق اولئك لهم عذاب اليم - 00:26:50ضَ

اللوب يقع على الظالم اللي بيعتدي على حقوق الناس. اللي يبغون في الارض بغير الحق بينشروا الفساد بينشروا الظلم. الناس استأمنتهم يعلموا ولادهم فبدل ما يعلموا ولادهم التقرب الى الله. لأ بيعلموهم ازاي يبعدوا عن الله - 00:27:09ضَ

بيستولوا على ثروات الشعوب يترك الشعوب فقراء وهم يعيشوا اغنياء يسرقوا الايتام يحبسوا الناس زلم يقتلوا الانفس التي حرم الله الا بالحق. امرأة دخلت النار في قطة قطة حبستها ظلما - 00:27:27ضَ

لا قدمت لها اكل ولا سابتها تأكل من خشاش الارض. دخلت فيها النار اومال اللي بيحبس انسان الناس دي لهم عقاب يا جماعة في الاخرة اقرا الايات من اربعين انما السبيل على الذين يظلمون الناس بغير حق آآ يظلمون الناس ويبغون في الارض بغير الحق اولئك - 00:27:44ضَ

اولئك لهم عذاب اليم. الناس اللي بتظلم وتاكل الحقوق دول عقابهم مؤلم عقابهم موجع يوم القيامة اقرا بقى تلاتة واربعين ولا من صبر وغفر ان ذلك لمن عزم الامور في ناس فاهمين ان الصبر مفهوم سلبي. الصبر هو ان الانسان يقعد كده يتلطش وياخد على قفاه ويتظلم ويسكت - 00:28:06ضَ

هو ده الصبر! لا ده مش الصبر. ده اسمه الخنوع. ده اسمه الاستسلام. الصبر حركة عشان تبقوا عارفين الصبر مش حاجة استاتيك كده ما انتاش حاجة مش مفهوم استاتيكي واقف لا لا لا الصبر في في الجهاد الصبر في الحرب الصبر في المقاومة - 00:28:32ضَ

في طلب الحقوق مهما طال الزمن هيفضلوا يطالبوا بحقهم هيفضلوا يطالبوا بارضهم هو ده الصبر مش الصبر يعني يستسلموا ويقولوا طب خلاص بقى. لأ ده مش صبر ده اسمه خنوع واستسلام. اوعوا تخلطوا الخنوع والاستسلام بالصبر. الصبر حركة - 00:28:50ضَ

الصبر نشاط ثم بعد القدرة بعد القدرة يتطلب بقى العفو صبر ايضا صبر هائل علشان الانسان يقدر يعفو ويقاوم شهوة الانتقام اللي جواه يعني انت تبقى اقوى انك بعد ما تقدر - 00:29:07ضَ

يقول اذهبوا فانتم الطلقاء دول دابحين السيدة سمية. دول دابحين سيدنا حمزة. دول اذهبوا فان بعد ما قدر عليهم النبي اذهبوا فانتم الطلقاء. كده القرآن بيشرح لاهل الكتاب ما لم يفهموه من كتابهم هم - 00:29:30ضَ

وظنوا ان مفهوم التسامح الذي جاء به السيد المسيح ينسخ مفهوم القصاص الذي جاء به موسى مع ان عندهم المسيح نفسه عليه الصلاة والسلام في انجيل متى قال لا تظنوا اني جئت لانقض الناموس. الناموس يعني الشريعة - 00:29:51ضَ

او الانبياء يعني تعاليم الانبياء اللي جاءت بها الانبياء. ما جئت لانقض بل لاكمل والله كلما الانسان تبحر وتعمق في فهم مقاصد الشريعة الاسلامية كلما شعر بالفخر بالانتماء لهذا ونتوقف هنا الليلة - 00:30:10ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا - 00:30:33ضَ

اموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك يحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا - 00:30:53ضَ

كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:31:26ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم - 00:31:54ضَ

يسألك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين وانصرهم من نصرهم واخذل من خذلهم وطهر المسجد الاقصى من الدنس فانهم لا يعجزونك - 00:32:14ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من شيخنا او من علمائنا مريضا به او حاملا له فالبسه ثوب الصحة والعافية عاجلا غير اجل - 00:32:39ضَ

ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على - 00:32:59ضَ

وتوحدت على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورهم بفيض الايمان بك وجميل التوكل عليك. واحيها يا ربنا بمعرفتك. وامتها على الشهادة في - 00:33:20ضَ

سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد. ان كنا من اهل دنيا - 00:33:47ضَ