باحث

وادي الفيسبوك السلام عليكم ورحمة الله وبركاته. اهلا بحضراتكم في المقطع رقم ربعمية تمانية وستين من مقاطع حظر التجول والحلقة الثانية من حلقات تدبر سورة الزخرف. ارجو من حضراتكم تجيبوا المصاحف - 00:00:00ضَ

ويرى معي الاية تسعة في سورة الزخرف الاية تسعة. يلا جاهزين؟ اعوذ بالله السميع العليم من الشيطان الرجيم ولئن سألتهم من خلق السماوات والارض ليقولن خلقهن العزيز عليم طيب مشركوا العرب - 00:00:24ضَ

عبدوا اصنام مع الله وعبدوا ملائكة مع الله ايضا لكنهم لم يدعو ابدا يعني لم يدعوا اقصد ان احد خلق الا الله طيب لو هم عندهم اعتقاد صحيح في قلب عقائد فاسدة كتيرة - 00:00:52ضَ

يبقى ده درس للدعاة الاية دي انك لما تدعو ناس لازم تبحث عن المشتركات اللي بينك وبينهم وتخليهم يقروا بالمشتركات دي علشان تنطلق منها بعد كده في الدعوة وتدعوهم للخلافيات اللي بينك وبينهم. لكن لازم - 00:01:15ضَ

تنطلق من المشتركات ورد في القرآن كتير جدا يعني حوالي يمكن عشر مرات انهم كانوا بيؤمنوا ان الله سبحانه وتعالى هو الخالق. وهو الرازق. احنا اخدنا في سورة الزمر ولئن سألتهم من خلق السماوات والارض ليقولن الله. وفي لقمان ايضا ولئن سألتهم من خلق السماوات والارض ليقولن - 00:01:34ضَ

وفي اخر الزخرف هنشوف في الاية سبعة وتمانين ولئن سألتهم من خلقهم ليقولن الله فانى يؤفكون. فهم كانوا يقولوا ان الخالق هو الله. ما كانش في ده فيه اختلاف اقرا الاية تسعة معي تاني كده - 00:01:57ضَ

ولئن سألتهم من خلق السماوات والارض ليقولن خلقهن العزيز العليم. هم غالبا ما قالوش العزيز العليم هم قالوا الله انما القرآن انطلق من كلامهم انطلاقة جديدة في الكلام عن قدرة الله - 00:02:15ضَ

فاستبدل لفظ الجلالة الله اللي هم كانوا بيستخدموه باسمين من اسماء الله الحسنى وهم العزيز العليم. هم كانوا يقولوا اللهم وكلمة الله برضه بالنسبة لهم ما كانتش غريبة. وكانوا يقولوا عبدالله لكن العزيز العليم غالبا ما كانوش يعرفوا الاسماء دي - 00:02:34ضَ

القرآن استبدل اسم الجلالة بالاسمين دول. العزيز العليم وكمل بقى معه الاية عشرة وحداشر واتناشر العزيز العليم الذي جعل لكم الارض مهدا وجعل لكم فيها سبلا لعلكم تهتدون والذي نزل من السماء ماء بقدر فانشرنا به بلدة ميتا - 00:02:55ضَ

كذلك تخرجون. والذي خلق الازواج كلها وجعل لكم من الفلك والانعام ما تركبون طيب القرآن تكلم عن مظاهر قدرة الله خاصة فيما يخص تيسير حياة الناس ورزقهم وتحركاتهم اقرا معي الاية عشرة - 00:03:24ضَ

الذي جعل لكم الارض مهدا وجعل لكم فيها سبلا لعلكم تهتدون في قراءة مهادا مش مهدا مهادا المهد هو سرير الطفل اللي بينام فيه الطفل اللي هو الرضيع البيبي اللي ما يعرفش يتحرك. ليه؟ لان الام بتمهده له خالص عشان تحطه وينام من غير ما يضايق. هو لو في - 00:03:48ضَ

كرمشة بس كرمشة في في في المخدة او في الملاية اللي تحته هتبقى مضايقاه ويقعد يبكي وما يعرفش هو يفردها. فلابد من تمهيده تماما فيسمى مهد عشان يتحط ينام فيه من غير ما يكون متضايق من حاجة. فربنا جعل الارض مهد لنا. يعني - 00:04:15ضَ

ربنا جهز لكم الارض لتصبح مريحة لكم زي سرير الطفل ما بيجهز ومن هذا المهاد يعني مهد الارض بس. يعني جعل الارض مهادا يعني ممهدة يعني مش مش مش طالعة نازلة لأ فيها سبل وفيها طرق نقدر نمشي فيها - 00:04:35ضَ

مناسبة للسكن. مناسبة للحياة فيها آآ المعنيين دول سواء مهدا او مهادا بيؤدوا في النهاية لنفس النتيجة. ان ربنا ريحنا في الارض دية عشان نقدر نتأقلم معها ونعيش فيها الحقيقة دي من الحجج - 00:04:56ضَ

اللي ما بيقدرش الملحدين يجادلوا فيها الا بكبر وغرور شديد. ليه بقى مسألة استعداد الارض لاستقبالنا لا يمكن يكون بالصدفة انت لو دخلت غرفة في فندق فوجدت نوع الشامبو اللي انت بتستخدمه بالزبط عشان القشر - 00:05:12ضَ

ونوع الصابون الطبي اللي انت بتستخدمه عشان مش عارف جفاف الجلد. وشبشب مقاسك بالزبط. ونوع الديودرونت اللي انت بتستخدمه بالزبط بيجامة في الدولاب مقاسك بالزبط. وحاطين لك غيارات وملابس وجزم كلها مناسبة لك. ده صدفة - 00:05:32ضَ

ولا ده معناه ان في شخص يعرفك كويس ويعرف تفاصيل حياتك ويعرف ادق امورك واحتياجاتك جهز لك هو الغرفة عارف لما تقرا الاية دي يعني يعني انا بافهم سبلا ازاي. اقرا معي كده الاية - 00:05:49ضَ

يعني اللي يقرا الاية دي بفهم يقف على كلمة سبلا. اقرا كده الاية عشرة معي وقل لي ايه الفرق لما هاقف على كلمة سبلا ولما ما اقفش عليها. قل لي الفرق بينها ايه. هاقراها الاول بدون وقف - 00:06:09ضَ

وهقراها تاني مرة بالوقف على سبلا. وقل لي ايه الفرق في المعنى الذي جعل لكم الارض مهدا وجعل لكم فيها سبلا لعلكم تهتدون تاني مرة هاقف على سبلا الذي جعل لكم الارض مهدا وجعل لكم فيها سبلا - 00:06:24ضَ

لعلكم تهتدون الاولى بدون وقف معناها ان ربنا مهد لكم الارض وعمل لكم فيها طرق علشان تهتدوا يعني انا لما يكون عندي طرق عدة طرق للسفر اهتدي ازاي لديه لخبطني اكتر - 00:06:48ضَ

انا عندي الطريق رايح اسكندرية وطريق رايح السويس وطريق رايح مش عارف طب ما يعني ايه الهداية في ان يكون عندي طرق كتيرة لكن لما نقف عليها ده معناها بقى ايه؟ ان ربنا مهد لكم الارض وعمل لكم فيها طرق - 00:07:08ضَ

اقف علشان تهتدوا مش تهتدي بطريق اسكندرية وطريق السويس لأ فصل الهداية هنا لما تفصل الهداية عن الطرق معناها ان تمهيد الارض وعمل الطرق فيها والدنيا تبقى مريحة يهديك الى وجود الله سبحانه وتعالى - 00:07:27ضَ

اللي مهد لك الارض وعمل لك الطرق واصبح انه تفكيرك في اللي مهد الارض لحياتك وعمل لك فيها طرق هو اللي بيشغلك. مين اللي عمل كده اصلا لكن انك تربط انك توصل سبل بالهداية فاصبح في دماغك ان السبل دي هي اللي بتهديك. وان كان ايضا كلمة - 00:07:49ضَ

اول لما بتيجي في القرآن بتبقى معناها المعنيين ايضا. معناها سبل يعني الطرق في الارض تمشي فيها. وايضا سبل يعني طرق تفكر بها وطرق سبل السلام طرق تفكر بها للوصول الى الحق - 00:08:11ضَ

المهم انا شخصيا مع ان انا اقف على كلمة سبل طيب لان ده بيجعل الانسان يهتدي لالوهية ربنا وربوبيته. وان هو المستحق للشكر وهو المستحق للحمد وهو المستحق للعبادة. ايه هو اللي ما - 00:08:27ضَ

يدي الارض وهو اللي عمل لي الطرق دي كلها اللي فيها. ازا هو المستحق للشكر والحمد والعبادة فشوف بقى التدبر يفرق معك ازاي حتى في طريقة التلاوة تلاوة المتدبر تختلف عن تلاوة اللي بيقرا بدون فهم وبدون وعي. انا انا فاكر اما كنت بقرا على شيخ - 00:08:43ضَ

اول شيخ رحت اتعلمت عنده ورشة. كان بيروح له طلاب من كل حتة من اسيا ومن افريقيا ومن كل مكان كان في طالب بيسمع عليه سورة مريم انا اتذكر انه قرأ - 00:09:04ضَ

بيقرا كلام المسيح وهو في المهد لما امه اشارت اليه وقالت اني نذرت للرحمن صوما فلن اكلم اليوم انسيا. فالمسيح بيتكلم فالطالب بيسمع على الشيخ وقال ايه واحنا قاعدين بقى مستنيين كل واحد فينا قاعد مستني دوره وييجي عشان يسمع عليه - 00:09:19ضَ

فالطالب قرا وبرا بوالدي ولم يجعلني جبارا شقيا. الشيخ قال له يخرب بيتك وبرا بوالدي ازاي ؟ المسيح هيقول بوالدي وبرا بوالدتي فالولد قال له انا اسف انا نسيت. قال له نسيت ايه! ده موضوع مش ما بيتنسيش. ده موضوع لمجرد ان انت يكون عندك مخ. مجرد ان انت تكون بتقرا - 00:09:35ضَ

وبفهم لا يمكن تخطئ خطأ زي ده. المسيح هيقول بوالديا ازاي؟ فهي دي نقطة قراءة الفاهم وقراءة المتدبر تفرق حتى على اماكن الوقفات اقرا معي الاية حداشر. اقرا معي الاية حداشر - 00:09:58ضَ

والذي نزل من السماء ماء بقدر فانشرنا به بلدة ميتا كذلك تخرجون ونزل لكم من السماء ماء السماء هي كل ما علاك يعني السقف بتاع الغرفة اسمه سماء ايضا السماء هنا هو السحاب. ونزل لكم من السماء ماء يعني من السحاب. والسحاب في السماء مش مشكلة يعني - 00:10:14ضَ

لكن المهم ان النعمة مش مجرد نزول الماء اقرا الاية كويس يقرا معي الاية حداشر. والذي نزل من السماء ماء بقدر. ان الماء ينزل بقدر معين هو دي النعمة. الدنيا لو فضلت تمطر - 00:10:46ضَ

دون توقف هتبقى معجنة وهنغرق وما فيش زرع هيطلع والدنيا هتبقى لكن لو مطرت ونفس برضو الحكاية برضو لو مطرت قليل جدا جدا جدا. الماء لن يكفي للشرب ولا للزراعة ولا بتاع. فربنا عالم بحالنا وعالم باحتياجاتنا وبين - 00:11:06ضَ

الماء من السماء بقدر. فيحيي به الارض الميتة. الارض الميتة. يعني اللي ما فيش فيها نبات. اقرا معي الاية حداشر بقى والذي نزل من السماء ماء بقدر فانشرنا به بلدة ميتة. كذلك تخرجون - 00:11:24ضَ

الماء لما بيوجد النبات بيوجد بيتواجد والناس بتتجمع والصحرا المكان اللي كان صحرا يتحول الى مدينة مأهولة بالسكان زي ما حصل في مكة كذلك تخرجون. اهو انتم هتخرجوا كده من قبوركم برضه. زي النبات ما بينبت من الارض. شف النبات بينبت ازاي من الارض مع الماية! انتم هتخرجوا - 00:11:45ضَ

من قبوركم هتنبتوا. تاني وهو انبتكم من الارض نباتا طيب اقرا الاية اتناشر والذي خلق الازواج كلها وجعل لكم من الفلك والانعام ما تركبون ربنا هو اللي خلق الازواج كلها - 00:12:10ضَ

دنيا ذكر وانثى سالب وموجب يمين وشمال. شمال وجنوب شرق وغرب الواحد الذي لا زوج له هو الله سبحانه وتعالى وقال بعض العلماء ان ربنا خلق كل شيء كل شيء ازواج. حتى يكون هو الوحيد الواحد المتفرد الذي لا زوج له - 00:12:32ضَ

ومش بس مهد لكم الارض وعمل لكم فيها طرق لأ كمان جعل لكم الفلك والانعام لتركبوها. يعني منتهى التيسير. خلاص هو مهد لنا نمشي بقى لأ ادانا انعام نركب عليها - 00:12:53ضَ

خيل وجمال وبغال وحمير. منتهى التيسير. كل المطلوب منكم ايه انكم وانتم بتستمتعوا بالنعم دي تذكروه وتشكروه وتذكروا انه هو المنعم. اقرا معي تلتاشر واربعتاشر لتستو على ظهوره ثم تذكروا نعمة ربكم اذا استويتم عليه وتقولوا سبحان الذي سخر لنا هذا وما - 00:13:09ضَ

له مقرنين وانا الى ربنا لمنقلبون سألوا لان ظهوره مش ظهورها. مع انه بيتكلم عن الفلك والانعام. الانعام اللي تشمل الخيل والبغال والحمير والجمال. فالمتوقف ربنا يقول لتستووا على ظهورها - 00:13:40ضَ

الفولك والانعام. ليه قال على ظهوره قال لك لانه قال قبلها ما تركبون شف الاية اللي قبلها بتقول ايه والذي خلق الازواج كلها وجعل لكم من الفلك والانعام ما تركبون - 00:14:06ضَ

ما تركبون بتعامل معاملة المذكر الواحد يعني لما اقول لك عندي من السيارات جمع سيارة ده مؤنث عندي من السيارات ما يسرك ما بقولش ما تسرك ما يسرك تمام؟ يبقى الواحد المفروض هنا يستمتع بنعمة ربنا ويركب المراكب اللي اعدها له ان كان فلك وان كان بغال او حمير او - 00:14:31ضَ

مال او ايا كان ويذكر الله ويسبحوا ويقول اقرا معي تلتاشر واربعتاشر لتستووا على ظهوره ثم تذكروا نعمة ربكم اذا استويتم عليه وتقولوا سبحان الذي سخر لنا هذا وما كنا له - 00:15:00ضَ

ومقرنين وانا الى ربنا لمنقلبون طب انا بركب عربية قطر برضو اقول الدعاء ده هو ربنا اللي اه ربنا اللي سخر له يعني هو الفلك لقيتها طالعة في في الصحرا ما انت اللي باني الفلك ايضا. لكن ربنا هو اللي اداك العلم واداك القوة والقدرة انك تخترع الفلك. وايضا - 00:15:21ضَ

ربنا اداك العلم والقدرة والقوة انك تخترع السيارة وتخترع القطار وتخترع الطيارة فكل ده لما تركبه تقول سبحان الذي سبحانه يعني هو منزه عن كل نقص. هو لا يخطئ لا يفعل شيء ناقص. الذي سخر لنا هذا. وما كنا له مقرنين - 00:15:45ضَ

هو اللي ذل ده لك. هو اللي جعل من الممكن استخدامه لولا الله ما كنا نطيق ما كنا له مقرنين وما كنا له مقرنين. يعني وما كنا مطيقين ما كناش هنطيق هزا. ما كناش هنقدر نسخر ده. الفلك لولا قانون الطفو اللي ربنا خلقه ما كنتش تقدر تركب - 00:16:05ضَ

انت بتحط حبة الرز حبة الارز بتغرق على طول بتنزل ما بتقعدش فوق سطح الماية. بقى معقول الفولك اللي وزنها الاف مئات الالاف من الاطنان وشايلة مئات الالاف من الاطنان بتعوم فوق سطح الماية ليه؟ عشان ربنا خلق قانون الطفر. فسبحان الذي سخر لنا هذا - 00:16:25ضَ

وما كنا له مقرنين فتشكر ربنا علشان يسترها معك وانت راكب الحاجات دي كم مركب غرقت والناس ماتت؟ كم واحد الدابة بتاعته تعثرت ووقع عنها على راسه فمات ده كان بيحصل كتير جدا زي حوادس السيارات دلوقتي - 00:16:45ضَ

كام واحد بيموت في حوادس السيارات دلوقتي ولن تتذكر ربنا دايما وتتذكر انك راجع له. وانا الى ربنا لمنقلبون انت ممكن ما تشكرش ربنا وتستخدم نعمه بس انت راجع له. وهيحاسبك. اللي شكر النعمة هيحاسبه وهيكافئه. واللي كفر النعمة هيحاسبه - 00:17:05ضَ

الكل راجع. الكل راجع. سبحان الله! القرآن نعمة كبيرة جدا من الله. وتدبر القرآن بيحيي القلوب وبيزيل الهم والغم والكآبة لكن انا عاوز انبه على حاجة الحقيقة مهمة جدا. هو ان المخ - 00:17:27ضَ

زيه زي اي عضو في الجسم يا جماعة ممكن يمرض ممكن يحدث فيه تغيرات كيميائية تحتاج لبعض العناصر. مش عيب ابدا ان واحد يروح لطبيب آآ نفسي مسلا او طبيب آآ آآ امراض آآ مسلا آآ جهاز عصبي او امراض عقلية حتى - 00:17:44ضَ

وياخد ادوية ده لا يقدح في ايمان حد. ده مش معناه ان ايمانه ضعيف لأ ياخد ادوية عشان تعالج الاضطراب او الخلل مع تدبر القرآن بيساعد الانسان. العيب هو ان الانسان يشعر انه اصبح مش محتاج الادوية - 00:18:04ضَ

هو في الحقيقة لسة ما زال محتاجها فيبطلها اللي اللي اللي يدلك انت ما زلت عندك مشاكل ولا لأ هو الطبيب بتاعك. او اسرتك اللي عايشين معك لكن ما تحكمش انت على نفسك وعلى حالتك وتظلم - 00:18:20ضَ

من الناس اللي عايشين معك وتتعبهم. ادوية المخ والاكتئاب والبايبولر والحاجات دي. كلها لما الطبيب بيقرر انه يوقفها بيوقفها على مدار شهور طويلة. انها تحتاج الى تدريج شديد جدا في ايقافها - 00:18:37ضَ

فبعض الناس ممكن تشعر بقوة نتيجة التدبر فتظن انها مش محتاجة الدواء وبتوقفه من نفسها وده غلط كبير جدا جدا جدا خلينا نتوقف هنا الليلة وبكرة نكمل بازن الله. اللهم انا نسألك حبك وحب من يحبك وحب كل عمل يقربنا الى حبك - 00:18:55ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:19:15ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك - 00:19:33ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون - 00:20:05ضَ

فبحق كل حرف في كتابك تلوناه او تدبرناه. اكفنا واهلينا واخواننا شر كل شر كل من يكيد لنا ولهم. واحفظنا واياهم من شرورهم ونجعلك اللهم في نحورهم. فانت الوكيل ولا حول ولا قوة الا بك - 00:20:29ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصرهم وانصر من نصرهم ظلما خذلهم وطهر المسجد الاقصى من الدنس فانهم لا يعجزونك - 00:20:45ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل - 00:21:01ضَ

ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم وده - 00:21:18ضَ

واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد - 00:21:45ضَ

ان كنا من اهل الدنيا - 00:22:11ضَ