باحث

السلام عليكم ورحمة الله وبركاته. اهلا بحضراتكم. في المقطع رقم ربعمية سبعة وتسعين من مقاطع حظر التجول والحلقة الخامسة من حلقات تدبر سورة الاحقاف ارجو من حضراتكم تجيبوا المصاحف تفتحوا معي سورة الاحقاف الاية ستاشر - 00:00:02ضَ

الاية ستاشر. هم. جاهزين ان شاء الله نبدأ؟ اعوذ بالله السميع العليم من الشيطان الرجيم اولئك الذين نتقبل عنهم احسن ما عملوا ونتجاوز عن سيئاتهم في اصحاب الجنة وعد الصدق الذي كانوا يوعدون - 00:00:33ضَ

مين هم اللي الاية بتشير اليهم الاية ستاشر بتبدأ باولئك اداة اشارة اسمها اشارة اولئك الذين نتقبل عنهم احسن ما عملوا. اسم الاشارة اولئك بيورينا ان احنا داخلين من وسط السياق. يبقى عشان نعرف مين هم لازم نرجع شوية. طب - 00:01:07ضَ

بصوا بقى تعالوا نقرا من اول الاية اتناشر للاية خمستاشر نسترجع السياق بتاعنا ومن قبله او من قبل القرآن. كتاب موسى اماما ورحمة وهذا كتاب مصدق لسانا عربيا لينذر الذين ظلموا وبشرى للمحسنين - 00:01:28ضَ

الاية وصفت القرآن بعدة اوصاف منها انه بشرى للمحسنين. هات الاية تلتاشر ان الذين قالوا ربنا الله ثم استقاموا فلا خوف عليهم ولا هم يحزنون. اولئك اصحاب الجنة خالدين فيها - 00:01:52ضَ

جزاء بما كانوا يعملون ايتين تلتاشر واربعتاشر لخصوا لنا كيف بدأ مشوار المحسنين اللي آآ اه اه بدأ قالوا ربنا الله وانتهى بالاستقامة ثم استقاموا ثم الاية اللي بعدها البشرى لهم بالخلود في الجنة - 00:02:10ضَ

اقرا الاية خمستاشر ووصينا الانسان بوالديه احسانا. حملته امه كرها. انا اسف حملته امه كرها ووضعته كرها. وحمله وفصاله ثلاثون شهرا. حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا - 00:02:34ضَ

ان ترضاه واصلح لي في ذريتي اني تبت اليك واني من المسلمين كمل بقى واقرا الاية ستاشر اللي بنبدأ بها النهاردة. اولئك الذين نتقبل عنهم احسن ما عملوا. يبقى كده فهمنا مين هم اولئك - 00:03:05ضَ

الانسان اللي في الاية خمستاشر اتكلمت عليه بس بعد ما حصل التفات في العدد من المفرد للجمع. فالاية خمستاشر كلها كانت ماشية مفرد. عشان كده احنا اتلخبطنا لما بدأنا نقرا - 00:03:25ضَ

ستاشر والنهاية بتقول اولئك ما فهمناش هي بتتكلم على مين بس هو فيه التفات من المفرد للجمع وهنفهم ليه اقرا معي خمستاشر كده ووصينا الانسان مفرد بوالديه احسانا حملته امه مفرد. وهو كره ووضعته مفرد كرها. الاية كلها ماشية - 00:03:40ضَ

بالمفرد ثم تأتي الاية ستاشر بصيغة الجمع. اولئك جمع. الذين نتقبل عنهم جمع احسن ما عملوا جمع ونتجاوز عن سيئاتهم جمع. الله الاية كلها ماشية جامعة الاية ستاشر ده معناه ايه - 00:04:01ضَ

ده معناه ان الانسان اللي في الاية خمستاشر ما كانش مقصود به انسان معين. مقصود به جنس الانسان نفسه مقصود به الناس كلهم طب وليه ربنا ما قالش الناس في الاية خمستاشر واتكلم بصيغة الجمع فتبقى خمستاشر بصيغة الجمع وستاشر بصيغة الجمع. يعني الاية خمستاشر كان ممكن تكون كده - 00:04:24ضَ

وصينا الناس بوالديهم احسانا حملتهم امهاتهم كرها. ووضعتهم كرها علماء البلاغة البلاغة قالوا لعل الله اراد ان يقول ان بر الوالدين هذا امر له شأن عظيم لا يقوم به الا الواحد من الجماعة - 00:04:50ضَ

يعني شيء نادر ان شخص يقوم به كما يجب فذكرت الاية بالمفرد عشان توري ان ده شيء عظيم جدا للاسف ناس كتير ما بتقدرش تقوم بهذا الواجب كما يجب والالتفات بقى في الاية ستاشر - 00:05:20ضَ

لصيغة الجمع معناه انه امر عام لكل الناس. مش انسان بعينه من الممكن ايضا والمعنى يقبل ان اولئك اللي في اول الاية ستاشر تكون اشارة للمحسنين اللي في اخر الاية اتناشر. وبشرى للمحسنين - 00:05:38ضَ

لكن ده بعيد لان الاية بعيدة لكن من حيث المعنى مقبول لان اصلا الايات من من تلتاشر لستاشر كلها بتتكلم عن المحسنين. فبرضه مقبول يعني اقرا الاية ستاشر كده اولئك الذين نتقبل عنهم احسن ما عملوا ونتجاوز عن سيئاتهم - 00:06:03ضَ

في اصحاب الجنة وعد الصدق الذي كانوا يوعدون هؤلاء اللي بيبروا والديهم وبيدعوا لهم فاكرين انتم في الاية خمستاشر هو دعاهم. ربي اوزعني ان اشكر نعمتك التي انعمت علي وعلى والدي - 00:06:26ضَ

ها وبيدعوا لوالديهم وبيدعوا لنفسهم وان اعمل صالحا ترضاه ها وبيدعوا لزريته ربنا بيتقبل برهم ودعائهم ده اولئك الذين نتقبل عنهم عشان كده لفت نزري التعبير نتقبل عنهم وليس نقبل منهم - 00:06:45ضَ

اللي انا كنت متوقعه نقبل منهم اولا ايه الفرق بين القبول والتقبل ايه الفرق بين نقبل ونتقبل التقبل هو قبول ولكن بحفاوة انت ممكن حد يعمل لك شغل ويبقى مش عاجبك الشغل بتاعه لكن تقبله - 00:07:14ضَ

اقبلوا على مضض لان ما فيش غيره خلاص هتعمل ايه؟ وما فيش وقت هنعمل ايه؟ اقبل اقبل مش تقبل اقبل لكن لما نقول انك تقبلت عمله يعني عجبك قبلته محتفيا به - 00:07:39ضَ

فربنا بيتقبل العمل الصالح. تقبل الله منكم لانه يحب العمل الصالح نتقبل عنهم ليه مش منهم؟ يعني في سورة المائدة انما يتقبل الله من المتقين. الطبيعي نتقبل منهم دي في الاية ستاشر ان يتقبلوا عن عنهم - 00:07:58ضَ

لان العمل اللي بيتقبله هنا داخل فيه دعاء للوالدين وللذرية اقرأ معي النص التاني في الاية خمستاشر قال رب اوزعني ان اشكر نعمتك التي انعمت علي وعلى والدي. بيشكر النعمة اللي على والديه. يعني بالنيابة - 00:08:28ضَ

عن والديه بيشكر ربنا وان اعمل صالحا ترضاه واصلح لي في ذريتي. بيدعي بالصلاح لذريته اني تبت اليك طيب وكأنه بيشكر ربنا نيابة عن والديه وبيدعو لوالديه وبيدعو لذريته والدعاء عبادة - 00:08:50ضَ

وكأنه بيتوجه بالعبادة والدعاء نيابة عن والديه وعن ذريته فربنا بيقول نتقبل عنهم اولئك الذين هو وابوه وامه وذريته نتقبل عنهم احسن ما عملوا ونتجاوز عن سيئاتهم نتقبل عنهم احسن ما عملوا. الله! طب والاقل في الحسن ربنا مش هيتقبله - 00:09:20ضَ

العمل الحسن يعني الجائز اللي مش حرام عمل حسنة انما احسن العمل يعني العمل الصالح اللي عليه حسنات فاحسن العمل يعني الصالحات اقرا معي الاية ستاشر. اولئك الذين نتقبل عنهم احسن ما عملوا ونتجاوز عن سيئاتهم - 00:09:54ضَ

يبقى حسنات قصاد سيئات يبقى احسن احسن العمل قصاد السيئات. يبقى احسن العمل يعني الحسنات العمل الايه؟ اللي عليه حسنات كمل ستاشر في اصحاب الجنة وعد الصدق الذي كانوا يوعدون - 00:10:20ضَ

وعد الله صدق وربنا وعد الناس البارين بوالديهم انهم يكونوا من اصحاب الجنة. قال في اصحاب الجنة. يعني هم من ضمن يعني اصحاب الجنة مش مقتصرة على دول بس. في - 00:10:40ضَ

امم كثيرة في نوعيات كتيرة من الناس في ناس داخلة لاعمال اخرى وهم في اصحاب الجنة. هم من ضمن اصحاب الجنة اللهم اجعلنا منهم يا رب اقرأ معي الاية سبعتاشر - 00:10:59ضَ

والذي قال لوالديه اف لك ما اتعدانني ان اخرج؟ وقد خلت القرون من قبلي وهما يستغيثان الله اويلك امن ان وعد الله حق فيقول ما هذا الا اساطير الاولين زي ما الاية خمستاشر اتكلمت عن المحسنين - 00:11:16ضَ

كانت لها علاقة بوصف من اوصاف القرآن المذكورة في الاية اتناشر وهي ايه ؟ لما ابص الاية اتناشر اخرها وبشرى للمحسنين الاية سبعتاشر دي بتتكلم عن نوع اخر من الناس. برضو له علاقة باوصاف القرآن في الاية اتناشر - 00:11:43ضَ

اقرا الاية اتناشر وقل لي اي وصف من الاوصاف دي متعلق بالاية سبعتاشر بتاعتنا اللي هنقراها دلوقتي اقرا اتناشر معي. وركز وقل لي اي وصف فيهم ومن قبله كتاب موسى اماما ورحمة - 00:12:03ضَ

وهذا كتاب مصدق لسانا عربيا لينذر الذين ظلموا وبشرى للمحسنين. بشرى للمحسنين اتشرح خلاص المحسنين. يبقى اللي جاية دول بقى الناس اللي هم عاقين اللي بيعقوا ابائهم وامهاتهم متعلقة باي وصف من اوصاف القرآن - 00:12:19ضَ

لينذر الذين ظلموا الاية جابت منهم مين ؟ العاق لوالديه زي ما البشرى للمحسنين الاية جابت من ضمن المحسنين مين ؟ البار بوالديه شفت بقى القرآن بيقرأ ازاي؟ بالربط بين الايات. انت مش بتقرأ جزر منفصلة - 00:12:41ضَ

مش كل اية جزيرة منفصلة ما لهاش دعوة باللي قبلها واللي بعدها. كده عمرك ما هتستفيد من القرآن اقرا الاية سبعتاشر. والذي قال لوالديه اف لك ما اتعدانني ان اخرج؟ وقد خلت القرون من قبلي - 00:13:05ضَ

ازا احنا قدام انسان بيجمع بين الكفر بالبعث والحساب اتعيدانني ان اخرج. اخرج بعد ما اموت. وقد خلت القرون من قبلي. والاجيال اللي قبل دي كلها ماتت. ولسه بتقولوا لي ان انت فده بيجمع بين - 00:13:22ضَ

الكفر بالبعث والحساب وبين عقوق الوالدين اف لكما خلي بالك ان عقوق الوالدين نفسه نوع من انواع الكفر ايه رأيكم بقى؟ كفر بالنعمة ومخالفة للفطرة فيه سؤال بقى احنا ما طرحناهوش امبارح في اية الوصية - 00:13:36ضَ

اللي هي ووصينا الانسان بوالديه حملته امه كرها ووضعته كرها ربنا بيقول ايه ووصينا المؤمنين لا المسلمين لا وصينا الانسان ربنا يوصل المسلمين في القرآن ليه ربنا بيقول ووصينا الانسان - 00:14:02ضَ

في مليارات الناس ما قروش القرآن ولم يصلهم الاية دي ولم يثيرهم اي كتاب اخر كمان ها يبقى ازاي ربنا وصل انسان بشكل عام بوالديه ده سؤال كان لازم نسأله امبارح الحقيقة - 00:14:26ضَ

ده سؤال كان لازم نسأله امبارح ربنا ازاي وصل انسان بوالديه عشان قال لنا في القرآن يبقى هو وصى المؤمنين. لأ الانسان ازاي انه الزرع في فطرة الانسان حب الوالدين والاعتراف بجميلهما - 00:14:45ضَ

انا طبعا بتكلم عن الحالات العادية ما لناش دعوة بالحالات الشازة الوالدين اللي بينتهكوا اطفالهم والعيال اللي بتطلع بتكره اهلها وبيحصل جرائم قتل بينهم وقطيعة بينهم. الشاذ ليس له قاعدة. احنا - 00:15:07ضَ

نتكلم بصفة عامة في معزم الاحوال حتى الملحد يعترف بجميل ابوه وامه علي يبقى ربنا وصل انسان بوالديه بتشكيل فطرة الانسان يبقى عقوق الوالدين ضد الفطرة الانسانية اصلا هنا احنا قدام - 00:15:21ضَ

اب وام مؤمنين ابنهما عاق. بيقول لهم اف كلمة تضجر يعني زهقتوني بقى اوف اوف يعني زهقتوني. انا متضجر منكم في سورة الاسراء احنا نهينا عن قول اف للوالدين فلا تقل لهما اف ولا تنهرهما وقل لهما قولا كريما. فهو ابن عاق - 00:15:46ضَ

وكمان كافر بالبعث في نفس الوقت اقرا سبعتاشر اتعدانني ان اخرج وقد دخلت القرون من قبلي اوعدوني اخرج يعني ابعث وكل القرون قرون يعني الاجيال مش يعني ميت سنة. قرن يعني جيل - 00:16:13ضَ

وكل الاجيال اللي سبقتني وماتت دي راحت. بعد كل دول سابعث تاني ما تبطلوا تخريف بقى. ايه الكلام القديم مين اللي اكل عليه الزمان وشرب ده كفاية خرافات بقى ايه اللي بيحصل دلوقتي على فكرة ده الكلام ده بيتقال دلوقتي - 00:16:30ضَ

اقرا الاية سبعتاشر وتصور المشهد الاية سبعتاشر الحقيقة اية تصويرية من الدرجة الاولى انا شايف قدامي صور بتتحرق. يعني انا كاني قاعد في كرسي مسرح وقدامي ابطال مسرحية بيمسلوا على خشبة المسرح قدامي - 00:16:50ضَ

بالزبط اكن في يعني الاية مجسمة انا شايفها. اقرا معي والذي قال لوالديه اف لك ما اتعدانني ان اخرج وقد خلت القرون من قبلي وهما يستغيثان الله ويلك امن ان وعد الله حق - 00:17:11ضَ

فيقول ما هذا الا اساطير الاولين اتفرج على مشهد ثم تسمع بقى تعليق القرآن. تسمع قول الله في هذا الموقف المتكرر الذي يحدث كل يوم في بيوت كثيرة. اقرا تمنتاشر - 00:17:36ضَ

اولئك الذين حق عليهم القول في امم قد خلت من قبلهم من الجن والانس انهم كانوا خاسرين زي ما الاية ستاشر بدأت اولئك الذين نتقبل عنهم احسن ما عملوا. عن المحسنين - 00:17:55ضَ

الاية تمنتاشر تبدأ باولئك الذين حق عليهم القول. ما هو احنا قدام فريقين الاية اتناشر وصف القرآن فيها. لينذر الذين ظلموا وبشرى للمحسنين. احنا قدام فريقين مثال على المحسنين في الاية خمستاشر. مين؟ الناس الايه؟ الانسان البار بوالديه - 00:18:19ضَ

ومثال على الذين ظلموا في الاية سبعتاشر. العاق لوالديه جزاء الفريق الاول في الاية ستاشر ان ربنا تقبل منهم وادخلهم في اصحاب الجنة وجزاء الفريق التاني في الاية تمنتاشر ان يحق عليهم القول ويدخلوا النار مع امم سبقتهم. ظلموا انفسهم ايضا - 00:18:44ضَ

من الانس والجن زي ما الفريق الاول ربنا قال عليه في اصحاب الجنة. يعني من ضمن اللي هيدخلوا يخلدوا في الجنة. الفريق التاني اتقال عليه من ضمن من سيدخل النار من الانس والجن - 00:19:09ضَ

مش هم دول بس اللي هيخشوا النار. ولا دول بس اللي هيخشوا الجنة. فهمتم بقى احنا قدام فريقين وربنا عمال يجيب لنا دول مين؟ ودول مين؟ وايه الوعد بتاع ده؟ وايه الانزار بتاع ده - 00:19:27ضَ

وده حصل معه ايه؟ وده حصل معه ايه؟ وفي الاخر ده هيخش فين وده هيدخل فين تمنتاشر تاني كده معي؟ اولئك الذين حق عليهم القول يعني استحقوا حكم ربنا عليهم. صدر الحكم عليهم - 00:19:37ضَ

في امم هيدخلوا النار من ضمن امم في امم قد خلت من قبلهم. مش هو كان بيقول لك وقدخلت القرون من قبلي. يا اخويا دول داخلين النهار ما انت رايح لهم ما انت هاشوفهم - 00:19:52ضَ

قد خلت من قبلهم من الجن والانس انهم كانوا خاسرين هيدخلوا النار مع الامم اللي قبلهم من الخاسرين سواء من الانس او من الجن قعدت افكر هو ليه ربنا اقحم الجن هنا في الموضوع - 00:20:06ضَ

ليه ربنا اصلا خلق الجن طبعا ما حدش بيحاسب ربنا لا يسأل عما يفعل وهم يسألون. لكن الانسان يستطيع يفكر في حكمة ربنا ازا وجد الحكمة خير. ما وجدش الحكمة - 00:20:24ضَ

يكمل بحثا ليس معنى انك لا تجد حكمة ان لا يوجد حكمة انت لا تجد حكمة يعني انت لسة مش عارف الحكمة كم البحث تكمل قراءة تتضرع الى الله. ابن تيمية كان يذهب الى المساجد المهجورة - 00:20:42ضَ

ويضع رأسه في التراب يمرمغ يمرغ رأسه في التراب ويقول يا معلم ادم علمني. يا معلم ابراهيم علمني. يا معلم محمد علمني انت مش معنى انك مش لاقي الحكمة يعني ما فيش حكمة. المهم انا قعدت افكر بقى بصراحة في الحكمة من خلق الجن - 00:20:59ضَ

مخلوق احنا لا نعرف عنه الكثير ولا نرى لهم العالم بتاعهم عالم الجن كل ما نعرفه عنهم ان هم زينا مسئولون يعني مخيرين بين الحق والباطل. مخيرين بين الكفر والايمان - 00:21:18ضَ

ايه الحكمة بقى لم اجد الا شيء واحد. ده اللي وصلت له والله اعلم بقى صح غلط فيه حاجة تانية غير كده. الله اعلم عارفين الطفل لما يبقى وحيد امه وابوه - 00:21:35ضَ

بيبقى متدلع يبقى فاهم ان ما لهمش غيره لكن لما يكون له اخوات واخواته دول زيه في اشياء كثيرة في اوجه تشابه مع اخواته. هيبقى اكثر انضباطا واكثر برا بابيه وامه. ويحاول يرضي ابوه وامه - 00:21:51ضَ

بانه لو عقهم في غيره يبرهم فنوع من انواع التربية ان يكون فيه زينا وسبحان الله السورة بتجمع بين موضوعات الايمان والكفر وبين بر الوالدين وعقوق الوالدين ايضا. يعني زي ما في مؤمنين - 00:22:08ضَ

فار فيه ناس بارين وناس عاقين في فريقين خليك مع الفريق الفائز ولا تكون مع الفريق الخاسر ايضا من المخلوقات المسئولة في فريقين الانس والجن احنا مشكلتنا ان عندنا انطباع - 00:22:28ضَ

غلط عن الجن دايما الجن عندنا مرتبطين بالشياطين والشر. وده مش صحيح ده مش صحيح الانس ايضا منهم شياطين واشرار ومنهم صالحين والجن ايضا منهم شياطين واشرار ومنهم صالحين ده مش منهم صالحين بس ده منهم معلمين هنتعلم منهم درس من اخطر الدروس في الصورة دي بس لسه لما نوصل للاية تسعة وعشرين - 00:22:50ضَ

وسبحان الله! وكأن زكر الجن هنا مقدمة الكلام عنهم بكثافة في اخر السورة من اخطر الدروس اللي اتعلمتها في حياتي اكتر حد علمني تدبر القرآن عن الجن. ايه رأيكم بقى - 00:23:24ضَ

ايه رأيكم بقى هتشوفوا دلوقتي مش دلوقتي يعني. اما نوصل بقى لغاية تسعة وعشرين النبي صلى الله عليه وسلم لما لما اتكلم عن الجن في الحديث الصحيح قال اخوانكم من الجن - 00:23:42ضَ

ايه رأيك بقى ؟ عشان بس احنا طول النهار الجنين دول خطر الجن دول اعداء. يبقى لا خالص انت عندك فكرة خاطئة تماما عن الجن دول في عالم بتاعهم وفيه حكمة من خلقهم وهتشوف انك هتتعلم درس من اخطر الدروس في حياتك في الصورة دي منهم - 00:23:58ضَ

اقرا بقى الاية تسعتاشر ولكل درجات مما عملوا وليوفيهم اعمالهم وهم لا يظلمون. بعد ما تكلمنا عن الفريقين اللي ظلموا انفسهم والمحسنين ربنا قال ان كل مجموعة لهم درجات فلا اصحاب الجنة كلهم في درجة واحدة ولا اصحاب النار كلهم في دركة واحدة - 00:24:19ضَ

الجنة الدرجات والنار دركات تسعتاشر ولكل درجات مما عملوا وليوفيهم اعمالهم وهم لا يظلمون الكلام واضح ما فيش زلم والناس لن تكون كلها في درجة واحدة. لا في الجنة ولا في النار. وده مفهوم اسلامي خطير - 00:24:51ضَ

اساس التفكير الموضوعي ان الدنيا مش ابيض واسود. الدنيا مش صح وغلط في درجات من الصح. ودرجات من الغلط الحلال مش كله درجة واحدة. ولا الحرام كله درجة واحدة. احنا عندنا برايس ليست - 00:25:19ضَ

في فرائض ركنية يعني اركان الاسلام اللي يهد ركن منها هد الاسلام في حياته وفي فرائض اقل منها لكنها مهمة جدا فرائض لكنها مش ركنية وفي سنن وفي مباحات مسموح بها. وفي مكروه كراهة تنزيهية بيدخل في الحلال برضه - 00:25:38ضَ

وفيه مكروه كراهة تحريمية بدأنا اول سلم الحرام في حرام صغير وحرام سوبر الحرامي الصغير اسمها صغائر. والحرامي السوبر اسمه كبائر كذلك في الجنة هناك درجات يعني هي دي النقطة. يعني ربنا بيقول اجعلتم سقاية الحاج وعمارة المسجد الحرام كمن امن بالله - 00:26:04ضَ

واليوم الاخر وجاهد في سبيل الله مش كله ده هو حد قال ان سقاية الحاج حاجة وحشة مش حاجة وحشة. بس مش زيه زي الجهاد ده اسمه التفكير الموضوعي عشان كتير اوي بيجي لي سؤال. طيب يعني ده صح ولا غلط؟ طب ده كويس ولا وحش؟ طب فلان كويس ولا وحش؟ ما فيش حاجة اسمها كده ما فيش حاجة اسمها كويس ولا وحش وصح وغلط - 00:26:27ضَ

يعني ده ده مفهوم آآ بيسموه ايه؟ آآ اختزالي قوي للحقيقة كزلك في الجنة هناك درجات حسب عمل كل واحد. وفي النار برضو درجات يعني نازلة. لتحت حسب عمل كل واحد. هذه الاية بقى بتلخص - 00:26:48ضَ

ايات سورة الجاثية ابتداء من الاية تمانية وعشرين في الجاثية لغاية الاخر وترى كل امة جافية كل امة تدعى الى كتابها اليوم تجزون ما كنتم تعملون اقرا كده معي تاني الاية تسعتاشر ولكل درجات مما عملوا وليوفيهم اعمالهم وهم لا يظلمون - 00:27:06ضَ

بعد ما نخلص اقرا الجافية ابتداء من تمانية وعشرين للاخر وشوف العلاقة ما تنساش ان احنا قلنا ان في علاقة وثيقة بين الجافية والاحقاف ارجع تاني لاول حلقة في الاحقاف وشف هناك علاقة وثيقة بين الجاثية - 00:27:32ضَ

والاحقاف بكرة الحقيقة انا في معبد يهودي في وسط لندن في حوار دعوي مع اليهود والمسيحيين بكرة في المكان ده آآ حاولت انا حتى اطلع لايف من عندهم بس هم مضطرين يقفلوا الساعة تسعة ونص بالزبط المعبد - 00:27:46ضَ

اه هنضطر ان احنا نؤجل نص ساعة بس بكرة يعني هنبدأ بكرة الساعة عشرة مساء بدل تسعة ونص. وانا هستأزن بدري عشر دقايق منهم واجي جري بازن الله ادعوا لي بس ما خدش مخالفة وما اعملش حادسة. واوصل ان شاء الله - 00:28:07ضَ

ونبدأ الدرس بتاعنا الساعة عشرة مساء آآ بتوقيت القاهرة بدل تسعة ونص بتوقيت القاهرة. يعني كل واحد بيبدأ في بلده هيأخر بكرة نص ساعة بس بازن الله. قبلها بساعة ونص ان شاء الله هافتح لايف من المعبد اليهودي الكلمة بتاعتي على الاقل. لو - 00:28:23ضَ

التانيين اليهود والمسيحيين وافقوا هحط الموبايل عليهم ونطلع لايف شوفوا الايفينت كله ان شاء الله. بكرة عاملين ايفينت هم عن الاصلاح ومش ايه وبتاع فاحنا هنشارك فيه ان شاء الله. طيب - 00:28:43ضَ

يتوقفون ليلة اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب - 00:28:57ضَ

اللهم اجعل حبك احب الينا من اهالينا واموالنا ومن الماء البارد على الظمأ اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:29:16ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم - 00:29:44ضَ

من شرورهم ونجعلك اللهم في نحورهم. فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصرهم وانصر من نصرهم - 00:30:02ضَ

واخذل كل من خذلهم وطهر المسجد الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل - 00:30:19ضَ

ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك - 00:30:39ضَ

وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:30:57ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في الساعة العاشرة بتوقيت القاهرة ان كنا من اهل الدنيا. سلام عليكم - 00:31:17ضَ