باحث

بدأ اللايف اوكي وهنتظركم شوية بسم الله الناس يخرجوا منه تمام تمام انت لقيتيه اهو لا حول ولا قوة طيب انا هفتح هاخد وقت شوية اول الدرس مش هبدأ على طول الحشرات - 00:00:01ضَ

السلام عليكم ورحمة الله وبركاته اهلا بحضراتكم. في المقطع رقم خمسمية وخمستاشر من مقاطع حظر التجول الحلقة الاولى من حلقات تدبر سورة الحجرات ارجو من حضراتكم تجيبوا المصاحف. اولا باحب اعتزر على العطل الفني اللي حصل في اليوتيوب - 00:00:32ضَ

واللي اخرنا حوالي تلات دقايق ونص اه قبل ما ابدأ سورة الحجرات فيه تصحيح اه صغير بالنسبة لحلقة امبارح انا اتكلمت امبارح على انه من سنن الاحرام ان محرم آآ يسن له - 00:01:01ضَ

الاضطباع يعني بيكشف الرجل المحرم بيكشف كتفه الايمن آآ والرمل الرمل اللي هو زي الجوجيج المشي السريع آآ في اول تلات اشواط. والحقيقة الصحيح هو ان الاضطباع تعرية الكتف الايمن في كل الاشواط. والرمل هو اللي في اول تلات اشواط. تمام - 00:01:18ضَ

كده انا ابقى صححت ايه الخطأ بتاع امبارح. طيب نبدأ بقى سورة الحجرات سورة الحجرات هي اول سورة من سور المفصل العلماء قسموا سور القرآن الكريم الى الطوال السبعة الطوال - 00:01:43ضَ

والمئين والمثاني والمفصل السبعة الطوال هم البقرة ال عمران النساء المائدة الانعام الاعراف والانفال والتوبة. هتقولي دول تمانية هقول لك اعتبروا الانفال والتوبة سورة واحدة لعدم وجود بسملة بينهم. فبقت صورة واحدة طويلة - 00:02:06ضَ

كل صورة عدد اياتها مائة او تزيد او تنقص يعني مية مية اية آآ دول اسمهم المئين وهم من اول سورة يونس يعني تقريبا زي ما احنا بدأنا التدبر. احنا بدأنا من اول المئين - 00:02:31ضَ

من اول سورة يونس لغاية العنكبوت ودول احنا بدأنا بهم وخدناهم كلهم الحمد لله في برنامج حظر التجول. يونس هود يوسف الرعد ابراهيم الحجر اه النحل الاسراء الكهف مريم طه الانبياء الحج المؤمنون النور الفرقان الشعراء النمل القصص العنكبوت - 00:02:52ضَ

المثاني من اول سورة الروم لغاية سورة الفتح. اللي احنا خلصناها امبارح. يبقى احنا برضو خلصنا كل المثاني الحمد لله. يبقى احنا خلصنا كلهم. المثاني كلهم واخدنا الاعراف من السبعة الطوال - 00:03:14ضَ

ولما نخلص سورة الطور ان شاء الله كمان آآ كم يوم كده كمان اسبوع عشر تيام ايا كان هنبقى خلصنا سبعتاشر جزء في برنامجنا اللي هو برنامج حظر التجول خليكم فاكرين ها - 00:03:32ضَ

اخر الطور النوع الرابع من الصور العلماء سموه المفصل يعني فيه فاصلات كتيرة يعني سرعة الفصل بين الصور بالبسملة ينقسم الى طوال المفصل اوسط المفصل قصار المفصل او قصار السور - 00:03:48ضَ

طوال المفصل هنبدأها النهاردة الحجرات الى النبأ اوسط المفصل من النبأ الى الضحى القصار من الضحى الى اخر القرآن احنا دلوقتي بنبدأ سورة الحجرات وترتيبها في المصحف تسعة واربعين. رقم الحصول رقم تسعة واربعين - 00:04:09ضَ

لكنها من اخر ما نزل من القرآن يقال انها السورة رقم مية واربعة او مية وخمسة من حيث ترتيب النزول نزلت بعد صورة المجادلة ونزلت في عام الوفود اللي هو العام تسعة هجريا. يعني تقريبا قبل السنة ونص من وفاة النبي عليه الصلاة والسلام - 00:04:32ضَ

سمي عام الوفود لان وفود القبائل جاءت تبايع النبي وتعلن دخولها في الاسلام ترتيبها بعد صور الحوامين جاءت سورة محمد او القتال ثم سورة الفتح ثم هي الحجرات يبقى هي - 00:04:57ضَ

تالت صورة مدنية بعد الحوامين ما جم. الحوامين كلهم مكيات صورة محمد اللي هي سورة القتال مدنية. سورة الفتح مدنية وسورة الحجرات مدنية اه الحواميم لو تفتكروا كانت آآ حواميم لانها او ال حميم سبع صور كلها آآ بتعلمنا الدفاع عن دين الله بالرد على شبهات الكفار. جدال الكفار في - 00:05:21ضَ

سورة القتال كانت عن الدفاع عن دين الله بقتال الاعداء. الكفار الذين يصدون عن في سبيل الله سورة الفتح كانت عن الفتح والانتصار اللي حققه الاسلام يبقى فيه مجتمع اسلامي - 00:05:51ضَ

وهذا المجتمع له دولة يجب ان تقوم على اسس اخلاقية الحجرات جاءت تؤسس هذه الاسس الاخلاقية اداب واخلاق يجب ان يلتزم بها المسلم في التعاملات بتاعته عموما تعالوا نبدأ ونشوف - 00:06:08ضَ

اعوذ بالله السميع العليم من الشيطان الرجيم بسم الله الرحمن الرحيم يا ايها الذين امنوا لا تقدموا بين يدي الله ورسوله واتقوا الله ان الله سميع عليم يبقى الخطاب ربنا بيوجهه مباشرة لمين - 00:06:30ضَ

يا ايها الذين امنوا للمؤمنين الذين امنوا دول هم اللي انتهت الصورة اللي فاتت بالكلام عنهم سورة الفتح اخر اية فيهم يعني بتثني جدا على الذين امنوا. وقالت فيهم كلام رائع - 00:07:02ضَ

وانهم يوم القيامة وجوههم هتبقى منورة زي القمر. من اسر السجود في الدنيا. وان وربنا تكلم عنهم في التوراة وفي الانجيل وان هم اللي هيحملوا للعالم هذه الدعوة دعوة التوحيد بعد الانبياء. انتم فاهمين يا جماعة؟ لما سورة الفتح بتثني على هذا الجيل. هي بتثني على مين؟ او على امة - 00:07:24ضَ

محمد امة محمد هم ورثة الانبياء ما هو خلاص ما فيش انبياء ما فيش نبوة. اللهم امال في ايه؟ في دعاة ينشروا التوحيد انا فاكر جالي مرة اه ولد من كولومبيا - 00:07:45ضَ

وقال لي انا قريت بصراحة القرآن وفي الاسلام عجبني جدا بس فيه حاجة مش عجباني في الاسلام ودي مانعاني ادخل الاسلام ايه يا ابني قال لي يعني انت مش شايف ان دين جميل زي كده - 00:08:00ضَ

ورسالة مهمة زي كده وعالم فاسد زي العالم اللي احنا عايشين فيه محتاج نبي ليه؟ ليه ربنا يقفل الباب بتاع النبوة بعد سيدنا محمد فكان قدامي كده آآ ازازة مية زي دي كده - 00:08:13ضَ

قلت له بص دي زجاجة مياه مرت بمراحل انتاج جابوا الاول البلاستيك اوعوا تكونوا فاكرين انتم لما بتشتري آآ بجنيه ونص ولا باتنين جنيه ازازة ماية انت بتدفع تمن المية لأ ده الماية ما تسواش حتى قرش - 00:08:30ضَ

انت بتدفع تمن البلاستيك والصناعة وتكلفة النقل وتكلفة العمال كل ده لكن في الاخر طب بترمي الازازة دي. المهم بيجيبوا البلاستيك بودرة وبيسيحوه وبيتنفخ بيطلع ازازة وبيجيبوا الغطيان البلاستيك دية برضو وبيجيبوا مية وبيفلتروها وتبقى نضيفة وتتعبى وتقوم مقفولة ماشي كل خطوة من دول - 00:08:47ضَ

هي خطوة انتاج بعد ما بيتم انتاج الزجاجة خلاص اهي هتتبرشم اليوم اكملت لكم دينكم واتممت عليكم نعمتي ورضيت لكم الاسلام دينا. ما فيش مراحل انتاج تاني خلاص النبوات هي مراحل انتاج الدين اكتمل الدين بسيدنا محمد عليه الصلاة والسلام. محتاجين ايه بقى ؟ محتاجين - 00:09:14ضَ

موزعين يوزعوا محتاجين دعاة يوزعوا هذا الدين ينشروا هذا الدين دون ان يضيفوا اليه اي شيء لانه اكتمل تمام؟ يبقى لما سورة الفتح تتكلم عن الذين امنوا وتتكلم عنهم مثلهم في التوراة ومثلهم في الانجيل. هو ايه الاهمية بتاعتهم للدرجة دي؟ اهميتهم ان هم - 00:09:38ضَ

ورثة الانبياء اللي هيحملوا هم هذا الدين وهذه الدعوة وينقلوها للعالم كله اقرا معي الاية تسعة وعشرين سورة الفتح علشان نسترجع الكلام الحلو اللي اتقال في الذين امنوا معي الاية تسعة وعشرين اخر اية في سورة الفتح - 00:09:58ضَ

محمد رسول الله والذين معه اشداء على الكفار رحماء بينهم. تراهم ركعا سجدا يبتغون فضلا من الله سيماهم في وجوههم من اثر السجود ذلك مثلهم في التوراة ومثلهم في الانجيل كزرع اخرج شطأه فازره فاستغلظ فاستوى على سوقه - 00:10:16ضَ

يعجب الزراع ليغيظ بهم الكفار وعد الله الذين امنوا وعملوا الصالحات منهم مغفرة واجرا عظيما. اللهم اجعلنا منهم يا رب تمام كده؟ الذين امنوا سمعوا كلام حلو ومبشر وجميل. تعالوا بقى انتم عليكم انكم تلتزموا بنظام اخلاقي - 00:10:44ضَ

ابدأ بقى الاية واحدة في سورة الحجرات معي. يا ايها الذين امنوا لا تقدموا بين يدي الله ورسوله. واتقوا الله ان الله سميع عليم ما هو مش ببلاش مش ببلاش ان انتم لكم مغفرة واجرا عظيما. لا ده فيه واجبات وفيه اسس اخلاقية بقى هنتعلمها - 00:11:05ضَ

الحجرات بدأت بايه يا ايها الذين امنوا لا تقدموا بين يدي الله ورسوله يا ايها الذين امنوا جت خمس مرات في السورة دي الامام الفخري الرازي التفسير الكبير اه بيقول - 00:11:26ضَ

انه القرآن جاء لارشاد المؤمنين الى مكارم الاخلاق ففي هذه الصورة مكارم الاخلاق اول مرة جاءت في حق الله ثم في حق رسول الله ثم في حق الفساق الفاسقين ثم في حق المؤمن الحاضر اللي موجود ثم في حق المؤمن الغائب خمس اقسام - 00:11:46ضَ

بدأ كل قسم منهم يا ايها الذين امنوا يا ايها الذين امنوا دي لما تسمعها المفروض تتكهرب ليه ؟ ربنا بيخاطبك. ما هو مش انت من الذين امنوا يبقى ربنا بيخاطبك - 00:12:16ضَ

في رجل راح لعبدالله بن مسعود احد العبادلة الاربعة اكبر اساتزة القرآن وقال له اعهد الي يعني انصحني. اعهد الي اديني يعني خد عهد علي انصحني بحاجة انصحني بحاجة تفيدني - 00:12:32ضَ

فقال له ابن مسعود اذا سمعت الله تعالى يقول يا ايها الذين امنوا فارعها سمعك اديها ادي ودانك بقى للقرآن اللي بعد كده. اول ما تسمع يا ايها الذين امنوا - 00:12:48ضَ

ودانك فارعها سمعك فانه خير يأمر به او شر ينهى عنه موضوع مهم جدا بعدين امنوا ده اقرا بقى معي يا ايها الذين امنوا لا تقدموا بين يدي الله ورسوله - 00:13:04ضَ

بين يدي يعني قدام يعني ما تمشوش قدام الله ورسوله طب وده معناه ايه يعني يعني ايه ما امشيش قدام ربنا؟ وانا يعني ده كلام ده بيفكرني بابوي الله يرحمه - 00:13:23ضَ

لما كان يحب يسيطر على سرعتي انا واصحابي لما كنا مسلا نبقى رايحين مشوار وطالعين نتفسح في الارياف بسياراتنا كان يخاف ان احنا ايه شباب بقى نعمل حوادس وبتاع طالع معكم - 00:13:38ضَ

خلاص ما تخافوش مش هغلس عليكم مش هركب معهم حد في عربيتي. هطلع بعربيتي قدامكم كان يقول لنا ايه قبل ما نطلع ما حدش يمشي قدامي معناها ايه انا هيمشوا ورايا - 00:13:51ضَ

ما حدش يمشي قدامي يعني امشوا ورايا يعني اتبعوني يا ايها الذين امنوا لا تقدموا بين يدي الله ورسوله. يعني اتبعوا الله ورسوله اتبعوا القرآن والسنة يعني ايه اتبع الله امشي ورا الله ازاي لأ تتبع كلام الله - 00:14:06ضَ

القرآن طب والرسول فين؟ السنة ما تعملوش نظام يخالف القرآن والسنة طول النهار نقرا كلام لناس بتقترح نزام جديد في المجتمع يخالف الشرع مش مشكلة بس يعني تعال نجرب بقى حاجة جديدة بقى احنا في القرن الواحد وعشرين - 00:14:28ضَ

طب عايزين ايه ؟ تعالوا نعمل نزام اسمه المساكنة ايه بقى المساكنة؟ يعني رجال ونساء يقتسموا ايجار شقة ويعيشوا مع بعض بدون زواج ايه المشكلة؟ ده نزام معمول به في امريكا ونجح جدا. نجح في ايه - 00:14:50ضَ

حضرتك هل شرع ربنا يسمح بزلك لو لأه لو لا يسمح يبقى اقتراحك ده هو انك بتقدم بين يدي الله ورسوله. بتقترح نظام يخالف شرع الله مش بتتبع شرع الله - 00:15:07ضَ

او انك بقى بتتكلم وكأن الشرع ما كانش حكيم بما فيه الكفاية. كأن الشارع الله سبحانه وتعالى لم يكن حكيما بما فيه الكفاية. او هزه الاحكام مش مناسبة بقى لوقتنا النهاردة - 00:15:25ضَ

قد تقترح اشياء زي مسلا آآ لماذا آآ ربنا ما حرمش كزا ؟ كان لازم ربنا يحرمك يا شيخ ليه ربنا لم يأمر بكزا ؟ نسمع الكلام ده كتير على فكرة جدا - 00:15:42ضَ

اسمه بيقدم بين يدي الله ورسوله لو كان بس ربنا فرض علينا كزا كان هيبقى احسن الستاق ده اسمه تقديم بين يدي الله ورسوله لانك بتقترح على الله وكأن الله لا يعلم كل شيء - 00:15:54ضَ

لان الله ليس عنده الحكمة الكافية زي حضرتك ده فيه مشكلته انه نسيان لمقام العبودية لا حكم مع حكم الله لا شرع مع شرع الله الشريعة وضعت خطوط عريضة في بعض المسائل - 00:16:12ضَ

وتركت مساحات للانسان يحددها لنفسه. ويغيرها من زمن الى اخر. هي دي المساحة اللي ممكن الانسان يتقدم فيها باقتراحات لان الشرع تركها اه اه لك ان انت تحددها وتغيرها كل فترة طبقا لمصلحتك - 00:16:32ضَ

لكن ازا كان الشرع واضح في امر معين لا خلاف فيه ما ينفعش حد يتقدم بتشريع جديد يخالف الشرع. او الشرع لا يقبله النبي صلى الله عليه وسلم قال من عمل عملا ليس عليه امرنا فهو رد - 00:16:52ضَ

يعني مردود عليه غير مقبول انا باحب ربنا اوي وبستمتع بالصلاة جدا وباشعر بخشوع خشوع فظيع في صلاة العصر وقرر اصلي العصر خمس ركعات ما ينفعش ليه هو انا هانقص ده انا هازود ؟ يا ابني ما ينفعش - 00:17:12ضَ

انك تتبع الاتباع او في مسلا ناس بتمنع المرأة من دخول المساجد بالرغم من ان هناك نص واضح في القرآن في سورة الجن بيقول وان المساجد لله فلا تدعو مع الله - 00:17:30ضَ

احدا اذا الله سبحانه وتعالى ومالك كل المساجد مش علشان حضرتك اشتريت ارض وبنيت عليها مسجد بفلوسك يبقى تفتكر نفسك بقيت ملك المسجد لأ. عايز تبقى مالك المبنى ده اعمله مطعم - 00:17:51ضَ

هتعملوا مسجد يبقى اصبح مش بتاعك نزامك مش هيمشي فيه نظام ربنا اللي هيمشي فيه فيه نص واضح في السنة. حديث متفق عليه. لا تمنعوا اماء الله مساجد الله واضحة - 00:18:08ضَ

نيجي بقى طالبان مش طالبان تقول ما فيش ما ينفعش عندنا في انجلترا انا حاطط لكم النهاردة الفيديو نفس هذه المدرسة عندنا في في بريطانيا اكتر من ربعمية وخمسين مسجد - 00:18:27ضَ

ما بيدخلهمش النساء رحت مسجد في مدينة اسمها شيفلد فقالوا لي احنا بقى عندنا نساء بس احنا بنفخر اننا بنينا مبنى تاني تماما منفصل عن المبنى ده. وبينهم شارع النساء فيه - 00:18:43ضَ

رفضت اصلي في المسجد سلام عليكم انا ماشي ايه الكلام ده واحاديث اخرى بقى كثيرة طبعا. فلما ناس ييجوا يمنعوا النساء بعد كل ده. هم كده بيتقدموا بين يدي الله ورسوله. بل اسوأ من ذلك. هم بدلوا شيء بالفعل في - 00:18:59ضَ

مين ده اللي فاكر نفسه عنده رجولة اكتر من النبي يعني ايه ده عنده نخوة اكتر من النبي عليه الصلاة والسلام فاكر نفسه اكثر حكمة من الله مسلا عايز اقول لكم على حاجة. انتشار الراديكال في - 00:19:14ضَ

انتشار النساوية المتطرفة هو رد فعل للذكورية المتطرفة اللي عند كثير من المسلمين. لازم تفهموا كده هي كلمة حق ولازم نقولها علاقة الاية بقى بالصورة السابقة اللي هي سورة الفتح - 00:19:30ضَ

الاية دي بتقول ايه؟ يا ايها الذين امنوا لا تقدموا بين يدي الله ورسوله ايه علاقتها بسورة الفتح؟ قد يكون هو موقف الصحابة في التفسير على فكرة مش بألفه. يعني المفسرين ما عندهمش دليل لكن بيقولوا قد يكون هو موقف الصحابة لما شعروا بعدم الرضا - 00:19:50ضَ

من شروط صلح الحديبية وشروط الصلح كانت تشريع لان النبي مشرع وهو لم يفتح الباب للنقاش في هذه الشروط اذا الصلح كان تشريع وكان على الصحابة قبوله والالتزام به دون جدال ودون تباطؤ لما يديهم امر - 00:20:13ضَ

التحلل من الاحرام والحلق والذبح لا يتباطؤوا. فقد تكون آآ آآ علاقة الاية دي بالسورة اللي فاتت هو موقف الصحابة من صلح الحديبية لما كان عندهم عدم رضا في الاول - 00:20:38ضَ

اقرأ معي الاية واحد. يا ايها الذين امنوا لا تقدموا بين يدي الله ورسوله. واتقوا الله تلات مرات في هذه الصورة يؤمر المؤمنون يؤمر المؤمنون بتقوى الله وقلنا التقوى هي الحرص على عدم مخالفة اوامر الله مستقبلا - 00:20:53ضَ

يبقى اللي تقدم بين يدي الله ورسوله لابد ان يتوب وان يتراجع سيدنا عمر قال ما زلت اصوم واتصدق واصلي واعتق يعتق العبيد يشتري عبيد ويعتقهم من الذي صنعت مخافة كلامي الذي تكلمت به يومئذ - 00:21:14ضَ

حتى رجوت ان يكون خيرا يبقى النهاردة الناس اللي بتتقدم بين الناس اللي مانعين النساء من دخول المساجد دول. بعد ما علموا الحكم يجب يتراجعوا وهذا ما حدث بالفعل في عشرات المساجد هناك في بريطانيا في التلات سنوات الاخيرة بفضل الله - 00:21:39ضَ

اثير هزا الموضوع. وعندكم الفيديو اللي انا حطيته النهاردة على تويتر. اسمه مساجد للرجال فقط زائد مساجد للنساء فقط يساوي دين جديد وبدعة كمل الاية واحدة. ان الله سميع عليم - 00:21:57ضَ

احنا قلنا ان ربنا امر الناس اللي بتتقدم بين يدي الله ورسوله بتقوى الله واتقوا الله ان الله سميع عليم السميع يسمع دعاء كل محتاج يسمع دعاء كل تائب عليم لا يحتاج اقتراحات منك. رح اقترح على مديرك اقترح على الحكومة بتاعتك. لكن مش على شرع الله - 00:22:17ضَ

اقرا الاية اتنين يا ايها الذين امنوا لا ترفعوا اصواتكم فوق صوت النبي ولا تجهروا له بالقول كجهر بعضكم لبعض ان تحبط اعمالكم وانتم لا تشعرون الاية دي تخيلوا نزلت في مين - 00:22:41ضَ

اتنين من اقرب الصحابة للنبي صلى الله عليه وسلم. ابو بكر وعمر. رضي الله عنهما يعامل وفود الصحابة عملوا نزام آآ استقبال للوفود مراسم علشان يسهلوا الامر على النبي عليه الصلاة والسلام. فكل وفد يأتي المدينة يعينوا له واحد من الصحابة يرافقهم يشوف هيقعدوا فين هياكلوا ازاي هيشربوا ازاي - 00:23:00ضَ

يفهمهم اداب مقابلة النبي صلى الله عليه وسلم. اللي عاوز يتكلم يستأزن لما يؤذن له يتكلم وكده. عشان ما يتعبوش النبي عليه الصلاة والسلام. وفود كيه من كل القبائل من كل - 00:23:25ضَ

الصحابة عملوا نزام فلما جه وفد قبيلة تميم سيدنا ابو بكر قال القعقاع ابن معبد قال عمر بل امر الاقرع بن حابس ايه ده ابو بكر اقترح واحد يبقى هو مدير مراسم الوفد ده. وسيدنا عمر اقترح واحد تاني - 00:23:36ضَ

سيدنا ابو بكر كان كان تعبان او عصبي او حاجة شعر ان الاعتراض بتاع عمر ما لوش لازمة على صوته وقال له هو انت عاوز تخالفني وخلاص سيدنا عمر على صوته هو كمان قال له وانا اخالفك ليه يا ابو بكر؟ - 00:23:56ضَ

انت فاكرني عاوز اخالفك ليه ؟ هم يعني ما كانش فيه احتداد شديد لكن رفعوا الصوت في وجود النبي صلى الله عليه وسلم ما حدش تجاوز في الكلام ضد التانية ولا حاجة - 00:24:13ضَ

لكن رفع الصوت في حضور الكبار زي النبي صلى الله عليه وسلم او الكبار يعني السنة انك لا ترفع صوتك في حضور الكبار عدم احترام فربنا نزل هذا الحكم اللي احنا نستفيد منه اننا نحترم الكبار - 00:24:28ضَ

شيخ عالم استاز جامعة طبيب قلب معروف مش عارف ايه قاعد ما ترفعش صوتك اعلى من صوته احترم انزلوا الناس منازلها لازم اظهر الاحترام وما اعليش صوتي في وجود هذا الشخص الكبير - 00:24:43ضَ

وعموما طبعا الكبير مش يعني غني بالعكس احنا منهيين ان من تضعضع لغني بسبب غناه فقد فقد ثلثي دينه لكن شخص عالم محترم آآ شيخ كبير بتاع بتدي له احترامية - 00:25:01ضَ

وعموما الحكم في نص الاية نزل خاص بالنبي صلى الله عليه وسلم. لكن ما يمنعش ان احنا نستفيد منه ايضا في حياتنا ونخفض اصواتنا عموما اقرا الاية اتنين. يا ايها الذين امنوا لا ترفعوا اصواتكم فوق صوت النبي. ولا تجهروا له بالقول كجهر بعضكم لبعض. ان تحبط - 00:25:20ضَ

واعمالكم وانتم لا تشعرون بعد ما نزلت هذه الاية افتقد ثابت ابن قيس وقال يعني ايه افتقد؟ يعني لقوه ما بيجيش المسجد افتقد بدأوا هو الراجل ما جاش الضهر يمكن تعبان العصر - 00:25:41ضَ

بقى له تلات سنوات ما جاش فقال رجل للنبي انا اعلم لك علما يعني انا اروح اتفقده لكم يا جماعة انا هعدي عليه ودي سنة احنا فقدناها للاسف. لما واحد يغيب عن صلاة الجماعة في المسجد - 00:26:00ضَ

فرد واتنين وتلاتة لازم اهل المسجد يرسلوا ناس واحد او اتنين يتفقدوه. يعني يخبطوا على بابه ويسألوا عليه. يشوفه مريض عشان يعودوه السنة عيادة المريض وليس زيارة المريض ايه الفرق - 00:26:16ضَ

رحت زرت المريض انت عملت زيارة المريض لما تروح تاني تروح تالت دي اسمها عيادة المريض. يعتاد مرة بعد اخرى. عشان كده العيد اسمه عيد لانه يعود سنة بعد سنة. يعود - 00:26:34ضَ

بالتالي السنة عيادة انك تعود المريض. واحد مريض مرض ست شهور زوروا مرة كده انت خلاص حققت السنة اللي انت تروح تزوره باستمرار وتسأل عليه وتاخد له حاجات كده المهم الراجل راح لثابت ابن قيس - 00:26:51ضَ

فوجدوا لا يخرج من بيته مكتئبا حزينا لانه لما سمع الاية دي افتكر ان هو كان صوته عالي لان سامعه ضعيف وعشان هو سمعه ضعيف بيضطر يعلي صوته دايما اللي سمعه ضعيف صوته بيبقى عالي عشان يسمع نفسه وهو مش - 00:27:05ضَ

سامع نفسه فلما نزلت الاية حزن كثيرا لانه افتكر عمله عمله حبط ولا تجهروا له بالقول كجهر بعضكم لبعض ان تحبط اعمالكم وانتم لما كان يكلم النبي كان يعلي صوته لان هو مش سامع يعني الراجل - 00:27:22ضَ

يكون عمله حبط واصبح من اهل النار النبي ارسل له من يبلغه ثابت انت من اهل الجنة تعال بس ما تخافش انت من اهل الجنة شفتم التقوى؟ ما حاولش يجد لنفسه عزر - 00:27:39ضَ

النبي هو اللي قال له لأ ما تخافش انت لك عزر سيدنا عمر ابن الخطاب بطبيعته صوته عالي بعد نزول هذه الاية لم يرى يرفع صوته ابدا طبعا الا لو كان انسان بيؤذن السنة رفع الصوت. انسان بيؤم الناس السنة رفع الصوت. بيخطب خطبة السنة رفع الصوت. انما غير كده في الامور العادية في الكلام العادي - 00:27:54ضَ

لازم المسلم يكون صوته الادب هو خفض الصوت. خاصة في حضور الكبار. وخاصة في حضور النبي صلى الله عليه وسلم هو ده مش احراج شوية لسيدنا ابو بكر وسيدنا عمر. ان تنزل فيهم اية كده تعتب عليهم - 00:28:16ضَ

يعني طب ما المفروض يعني مش المفروض يعني كان مسلا لما يغلطوا تاني ولا حاجة ينزل فيهم اي لأ هو ده القرآن. هو القرآن كده اللي بيعمله القرآن انه بيربي النبي ويربي الصحابة وبيربينا من خلال تربية النبي والصحابة. هو لما النبي عبس في وجه الرجل الضرير - 00:28:35ضَ

اللي جاء ويطلب العلم وهو في اجتماع. ما حدش شافه الرجل الضرير لو ما كان لو ما كانش القرآن نزل يحكي القصة دي ما كانش عرف ان النبي عبس اصلا. يعني كشر - 00:28:56ضَ

الراجل نفسه عرف من القرآن الكريم لكن هو ده القرآن ينزل بالحق بعضكم دلوقتي ممكن يكون عمال يسأل نفسه هو فاضل مش هيخش في الجد بقى ولا ايه هو ايه ايه الموضوع التافه يا فاضل انت عمال تتكلم فيه ده علو الصوت ومش عارف كلمنا في الاحكام والشرع - 00:29:09ضَ

مش هنتحل احنا هو احنا الحلقة قربت تخلص احنا مش هنتعلم حاجة مهمة النهاردة حاجة اهم من كده شوية الفكرة دي اسمع حديث الرسول عليه الصلاة والسلام عن انس انه قال صلى الله عليه وسلم - 00:29:33ضَ

انكم لتعملون اعمالا هي ادق في اعينكم من الشعر وانا ده ده سيدنا انس نفسه اللي بيقول هزا الكلام. مش حديس نبوي انكم لتعملون اعمالا هي ادق في اعينكم من الشعر - 00:29:48ضَ

وانا كنا لنعدها على عهد النبي من الموبقات. يعني من المهلكات الناس بقت بتستفه حاجات كده بسيطة ايه كلام صوت عالي وصوت واطية لأ ده ده دي حاجات مهمة جدا في الدين. ايه رأيك بقى - 00:30:06ضَ

لو انت حاسس انها مش مهمة اوي انت عندك مشكلة. والنبي عليه الصلاة والسلام بيقول اياكم ومحقرات الذنوب فانهن يجتمعن على الرجل حتى يهلكنه المسلم له شخصية يجب المسلم يكون انضف واحد في مظهره - 00:30:25ضَ

من السنن تقليم الاظافر مسلا انت فاكرها حاجة بسيطة؟ انت مطلوب منك كموسم تبقى بتبرق بيبقى مختلف في نضافتك في اسلوبك في الكلام. كل حاجة الاسلام بيبني الانسان ليه معترض على ان القرآن يقول لك تتكلم ازاي وانت رايح تدفع متين دولار تلتميت دولار في كورس بيعلمك ازاي تتكلم - 00:30:42ضَ

اللي هو ما هو ده فن الكلام والخطابة اكتر واحد انا اتعلمت منه فن الخطابة هو النبي صلى الله عليه وسلم انما كان يتكلم كان كل واحد في الجمهور يظن ان هو بيحدثه هو بس - 00:31:06ضَ

يعني ايه؟ يعني كان بيوزع نزراته على الجميع. في الكورس ابو متين دولار هتاخدها. اعمل اي كونتاكت مع الجمهور بتاعك. ما هو كان لما يشير يشيب راحة يده. يشاور للناس كده. مش يشاور على حد كده بصباعه لأ - 00:31:22ضَ

كان يستخدم لغة الجسد كتير هو البادي لانجويج تجد الراوي بتاع الحديث الشريف بعد ما بيروي نص الكلام بتاع النبي يروي لغة الجسد. فتلاقي حديث يقول لك ايه؟ قال النبي - 00:31:40ضَ

صلى الله عليه وسلم المؤمن للمؤمن كالبنيان يشد بعضه بعضا وشبك بين اصابعه. النبي ما قالش وشبك بين اصابعه ده الراوي اللي بيروي بيقول النبي قال المؤمن للمؤمن كالبنيان يشد بعضه بعضا - 00:31:54ضَ

بس بعد كده الراوي وصف لنا لغة الجسد بتاعة الرسول عليه الصلاة والسلام وقال ايه وهو بيقول كده شبك بين اصابعه شبك ايديه كده في بعض اصابعه صوابعه كده في بعض - 00:32:13ضَ

قال النبي صلى الله عليه وسلم انا وكافل اليتيم في الجنة كهاتين. واشار بالسبابة والوسطى. النبي ما قالش واشار بالسبابة والوسطى. ده الراوي هو اللي اشار وهو اللي بيوصف البودي لانج بتاع الرسول عليه الصلاة والسلام. في الكورس اللي هتاخده بمتين دولار! هو نفس الكلام ده - 00:32:26ضَ

ما بقولش ما تتعلمش ليه؟ نتعلم الحاجات دي ولكن الحاجات دي موجودة في دينا ايضا على فكرة فيه آآ كورس موجود على ويب سايت بريدجز اسمه بس بالانجليزي اسمه هاوتيو بريزنت اسلام توران موسلنس. نص الكرسي الاولاني هو وسائل الخطابة - 00:32:44ضَ

والحديث يعني طيب اه اقول لك على حاجة الكلام اللي بتقوله بيحمل من المعنى عشرة في المية وتسعين في المية في لغة الجسد بتاعتك طبعا انت وادي بتقول لأ لأ لأ لأ بلاش بقى مبالغة - 00:33:02ضَ

تسعين في المية في البادي لانجوج يا راجل! ما كفاية مبالغة بقى انا كنت فاكر كده هقول لكم حديث شريف مرتين مر منهم بلغة الجسد الصحيحة او حتى بدون لغة جسد خالص - 00:33:29ضَ

ومرة بلغة الجسد الخاطئة وهتشوفوا اني لما اقوله بلغة الجسد الخاطئة ساغير معنى الحديث مية وتمانين درجة هعكس معناه من غير ما اغير حرف واحد قال رسول الله صلى الله عليه وسلم نحن قوم لا نأكل حتى نجوع واذا اكلنا لا نشبع - 00:33:45ضَ

طبعا واذا اكلنا لا نشبع ما ناكلش كتير لغاية ما نشبع هقول نفس الحديد بالزبط مش هغير حرف وهعمل لغة الجسد الغلط وهتشوف اني هغير المعنى تماما بصوا علي كويس مع بتوع كلاب هوس مش عارف هتعملوا ايه انتم - 00:34:11ضَ

نحن قوم لا نأكل حتى نجوع واذا اكلنا لا نشبع واذا اكلنا لا نشبع. انا ما غيرتش ولا حرف لكن آآ عملت ايدي لبرة كده وكأن بطني كبيرة وقلتها بطريقة فيها اشتهاء للاكل. وما غيرتش ولا حرف - 00:34:30ضَ

كل ده لغة جسد غيرت معنى الحديس تماما بقى معناها اني افضل اكلاك ولاك ولاك ولا اكل باستمرار ما بشبعش عكس المعنى بالزبط المفروض لما ناكل ناكل ونوقف قبل ما نشبع - 00:34:56ضَ

شوفتوا بقى كمل الاية اتنين معي. ولا تجاهروا له بالقول كجهر بعضكم لبعض. ان تحبط اعمالكم وانتم لا تشعرون يبقى عدم احترام النبي صلى الله عليه وسلم ورفع الصوت عند مخاطبته - 00:35:10ضَ

يحبط العمل وهذا من اعمال المنافقين يبقى في حضوره لا نتكلم مع بعض الا بصوت اخفض من صوته لما نخاطبه لا نرفع صوتنا ابدا اقرا الاية تلاتة ان الذين يغضون اصواتهم عند رسول الله اولئك الذين امتحن الله قلوبهم للتقوى. لهم - 00:35:28ضَ

مغفرة واجر عظيم الناس اللي بتخفض اصواتها عند رسول الله. نجحوا في اختبار التقوى ربنا غفر لهم ما بدر منهم قبل ذلك ولهم اجر عظيم. طبعا حرمة النبي صلى الله عليه وسلم وهو ميت كحرمته وهو حي - 00:35:54ضَ

يبقى لما تبقى في زيارة للنبي صلى الله عليه وسلم لقبر النبي صلى الله عليه وسلم في مسجده في المدينة بتبقى الدنيا زحمة اوعى تعلي صوتك اخفض صوتك ما تندهش على حد - 00:36:12ضَ

ما تزعقش لحد حتى لو داس على رجلك حتى لو خبطك. تأدب مع رسول الله اقرا الاية اربعة ان الذين ينادونك من وراء الحجرات اكثرهم لا يعقلون. فيه ناس من الاعراب كده عندهم غلظة - 00:36:27ضَ

وهم مش منافقين لكنهم ما عندهمش زوق راحوا عند بيت النبي والسلام وهو قائل قائل يعني ينام وقت القيلولة. اسمها يقيل قائل وقعدوا يندهوا بصوت عالي. يا محمد اخرج لنا. يا محمد اخرج لنا. يا محمد اخرج لنا فان مدحنا زين - 00:36:45ضَ

وذمنا شين هما حديث العهد بالاسلام وكانوا يروحوا عند الملوك يقولوا الكلام ده اندهوا على الملك ملك الغساسنة اخرج لنا فان مدحنا زين وذمنا شيء يعني بيشجعوا الملك يديهم هدايا ويمدح فيهم والكلام ده - 00:37:08ضَ

هم مش منافقين لكن مش فاهمين لسه وضع النبي وانه مش ملك ولسه حديث الاسلام يعني في اخلاق في الاسلام تختلف عن اخلاق الجاهلية. هم لسه مش فاقدين يفهموا ان اخلاقهم لما دخلوا الاسلام لازم الاخلاق تختلف. الاسلام مش بيغير عقيدة بس - 00:37:28ضَ

مش بيغير عبادة بس بيغير اخلاق اربعة وخمسة ان الذين ينادونك من وراء الحجرات اكثرهم لا يعقلون معزمهم ما بيفكروش صح طب ليه الاكثرهم لان مش كلهم نادوا وعلوا صوتهم - 00:37:45ضَ

الحجرات جمع حجرة. يعني المكان المحجور. يعني الذي لا يجوز انه يدخله الا صاحبه. يعني مش مكان عام. الحجرات يعني ما هياش اماكن عامة اللي فيكم راح زار قبر النبي عليه الصلاة والسلام - 00:38:03ضَ

المكان المدفون فيه سيدنا محمد وسيدنا ابو بكر وسيدنا عمر ده غرفة عائشة. هو كان عنده غرف ما كانش عنده بيوت. كل واحدة عندها غرفة وراها يعني لو كملت لجوة يبقى غرفة سوداء بنت زمعة - 00:38:16ضَ

جنبها لبرة غرفة حفصة جنب غرفة سوداء غرفة حفصة الناحية التانية من غرفة سودا غرفة زينب بنت خزيمة اللي هي كان لقبها ام المساكين لشدة عطفها على المساكين وتحطها او جنبها من الناحية التانية اللي جوة ناحية المسجد - 00:38:32ضَ

غرفة زينب بنت جحش اللي هي بنت عمة النبي عليه الصلاة والسلام سيدنا علي وفاطمة الزهراء وولادهم غرفتهم جنب غرفة السيدة عائشة. بينهم طرقة بتفتح عليها. وام سلمة جنب ايه برضه السيدة فاطمة الزهراء - 00:38:54ضَ

غرفة السيدة صفية وام حبيبة وجويرية في الجانب الشمالي من المسجد يعني ضهر الروضة الشريفة انت كده ايه لو قاعد بتصلي في الروضة ضهرك التلات اربع صفوف اللي وراهم هنا كان في اماكن طبعا المسجد كان صغير. المسجد كان يا دوبك قد الروضة كده - 00:39:10ضَ

ورا الروضة كان ايه غرف ام حبيبة وجويرية والسيدة صفية بنت حيي بن اخطب اقرا بقى الاية خمسة ولو انهم صبروا حتى تخرج اليهم لكان خيرا لهم. والله غفور رحيم. لو كانوا صبروا كان بقى احسن لهم انهم يقعدوا - 00:39:28ضَ

بيندهوا كده لكن عموما الواحد المفروض يتعلم من اخطاؤه ويستغفر وما يكررهاش ولو انهم صبروا حتى تخرج اليهم لكان خيرا لهم الله غفور رحيم الله اكبر. انتم شايفين احنا النهاردة اتكلمنا في ايه - 00:39:47ضَ

اتيكيت اداب مجتمعية بتحسن وتجمل شكل المجتمع المسلم امشي بقى في شارع من شوارعنا وامش في الشارع من شوارع غير المسلمين في اوروبا تعرف ان احنا ما استفدناش من القرآن حاجة في الاداب - 00:40:03ضَ

لاننا ما كناش بنتدبره كنا بنحفزه وبنقراه بدون فهم عشان ناخد سواب والحرف بعشرة ونجيب الكلكليتور ونقعد نعد الحروف ونضرب في عشرة ونشوف كل كلمة بتقرأها شاهدة عليك ازا انت كنت بتقرأها بتطبقها ولا بتقرأها لا تطبقها هتشهد عليك - 00:40:24ضَ

عرفتم المصيبة اللي احنا فيها سببها ايه ؟ لان احنا يعني سببها البعد عن تدبر القرآن الكريم وصلنا لايه البعد عن تدبر القرآن ان اخلاقنا اصبحت عكس تماما ما يأمرنا به القرآن اللي احنا بنقراه وبنحفزه - 00:40:46ضَ

ده كلام والحل ايه القرآن هو الحل كل واحد يجلس مع نفسه ويراجع نفسه وياخد قرارات انه يغير من نفسه. يغير من اخلاقه. يغير من طباعه يمشي في الطريق اللي رسمه له القرآن الكريم ونتوقف هنا الليلة واسف على الاطالة - 00:41:07ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا - 00:41:29ضَ

ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك انبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا - 00:41:49ضَ

اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور حضورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي - 00:42:15ضَ

وحسناتكم جميعا. اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه اكفنا واهلينا واخواننا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم. فانت الوكيل - 00:42:36ضَ

ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكل مع اخواننا في تركستان. وانصرهم وانصر من نصرهم. واخذل كل من خذلهم وطهر المسجد الاقصى من الدنس فانهم لا يعجزونك - 00:43:00ضَ

اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية - 00:43:23ضَ

عاجلا غير اجل من لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:43:39ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا - 00:44:00ضَ

على الشهادة في سبيلك انك نعم المولى ونعم النصير. والسلام عليكم ورحمة الله وبركاته نراكم غدا باذن الله في نفس هذا الموعد ان كنا من اهل الدنيا - 00:44:20ضَ