باحث

انستجرام السلام عليكم ورحمة الله وبركاته. اهلا بحضراتكم في المقطع رقم خمسمية اتنين وخمسين من مقاطع حظر التجول. والحلقة الخامسة والاخيرة. من حلقات صورة الرحمن ارجو من حضراتكم تجيبوا المصاحف - 00:00:00ضَ

افكركم ربنا كلمنا آآ في سورة الرحمن عن الميزان وامرنا ان نقيم الوزن بالقسط. امرنا باقامة الوزن بالقسط وعدم الطغيان في الميزان. يعني كل انسان ياخد نصيبه كما يستحق لا نظلم الناس نعدل بين الناس نعطي كل كل انسان آآ نصيبه اللي يستحقه - 00:00:31ضَ

اقرا معي من الاية السابعة للاية تسعة في سورة الرحمن عشان الموضوع ده مهم جدا. ده تقريبا هو الامر الوحيد اللي جه في اعوذ بالله السميع العليم من الشيطان الرجيم - 00:00:59ضَ

والسماء رفعها ووضع الميزان الا تطغوا في الميزان واقيموا الوزن بالقسط ولا تخسروا الميزان امرنا القسط ما بحبش اقول بالعدل دي. عشان العدل احيانا بيبقى زلم وانا شرحتها في الاية في في الحلقة الاولى او التانية - 00:01:15ضَ

لكن في اخر السورة ربنا كلمنا عن مفهوم جديد احنا ما سمعناش عنه قبل كده هو انه عشان يبقى فيه قسط الجنات نوعين نوع قال لنا عنه في الايات اللي خدناها امبارح من ستة واربعين لستين - 00:01:47ضَ

اللي من اوصافهم ايه اقرا معي ستة واربعين ولمن خاف مقام ربه جنتان. بيتكلم عن جنتين اول صفة ذوات افنان. هو اول حاجة هي لمن خاف مقام ربه. فدول الجنات بتاعة من خاف مقام ربه. تاني حاجة ذواتا افنان لهم - 00:02:08ضَ

تالت حاجة فيهما عينان تجريان فيهما من كل فاكهة زوجان آآ الناس فيها متكئين على فرش بطائنها من استبرق وجنى الجنتين دام فيهن قاصرات الطرف لم يطمثهن انس قبلهم ولا جان - 00:02:30ضَ

كانهن الياقوت والمرجان ثم ذكر جنتين غيرهم بقى اللي هم هنبدأ الايات بتاعة الليلة من هنا اقرا معي وصف الجانيتين التانيين من الاية اتنين وستين للاية تسعة وستين ومن دونهما جنتان - 00:02:58ضَ

فباي الاء ربكما تكذبان عامتان فباي الاء ربكما تكذبان فيهما عينان نضاختان فباي الاء ربكما تكذبان فيهما فاكهة ونخلو ورمان فباي الاء ربكما تكذبان في تلات اراء بقى كلمة من دونهما. بص معي في الاية اتنين وستين - 00:03:23ضَ

اه ومن دونهما جنتان يعني ايه من دونهما اول رأي بيقول لك من دونهما يعني اقل منهم في الدرجة دونهما. يعني اقل منهم الدرجة وفيه رأي بيقول لك من دونهما يعني تحتهم. من الناحية المكانية دي جنات تحت الجنات ديت من دونهما - 00:04:06ضَ

وفي رأي بيقول لك من دونهما يعني غيرهم غيرهم كلمة من دون ممكن تأتي بمعنى غير يعني مسلا في سورة الشورى ربنا بيقول وما لكم من دون الله من ولي ولا نصير. يعني من غير الله ما لكوش ولي ولا نصير. فممكن من دونهما يعني جنتين غيرهم - 00:04:30ضَ

مش بالضرورة يكونوا اقل منهم في حاجة انا الحقيقة من مقارنتي الجنتين دول بدول زي ما هنعمل مقارنة بينهم دلوقتي ارى انهما الرأي الاول انهما اقل في الدرجة ده اكيد - 00:04:55ضَ

انا ارى زلك يعني يعني من المقارنة وهنشوفها دلوقتي بس ده لا مانع ايضا ان هم يكونوا تحتهم في المكان ايضا وبالتأكيد هم غيرهم فبالتالي لو احنا خدنا الرأي الاول هيبقى الاول والتاني والتالت واردين التلاتة. فانا مع التلات تفاسير اللي بيقول لهم اقل في الدرجة. ليه بقى - 00:05:13ضَ

تعالوا نقارن الاوصاف ستة واربعين واتنين وستين ستة واربعين واتنين وستين ولمن خاف مقام ربه جنتان تميم ومن دونهما جنتان الاولانيين حدد انهم لمن خاف مقام ربه والتانيين لم يحدد لمين - 00:05:34ضَ

ومعقول يعني حد هيدخل الجنة الا لو كان ممن خاف مقام ربه في ناس عصا هيدخلوا النار وبعد فترة هيخرجوا من النار ويروحوا الجنة وفي ناس عصاة ربنا هيغفر لهم باستغفارهم وبشفاعة الشافعين. يعني دول ناس كانوا على وشك يسقطوا في الامتحان. ونجحوا يعني خلطوا عملا صالحا واخر - 00:06:00ضَ

دول ما هماش يعتبروا من الذين خافوا مقام ربهم يعني. وفي الاخرة يخشوا الجنة برضو في ناس بتنجح بخمسين في المية اكيد مش زيهم زي المتقين والمحسنين بالتأكيد مش زيهم زي بعض. وفي ناس عملت خير - 00:06:24ضَ

وكانت بتعمل اعمال خيرية حلوة وكويسة وبتسقي الناس ماية في الايام الحر حاجات جميلة جدا وتقف في الاشارات توزع تمر وتوزع تمر هندي وماية وعشان وقت الافطار في رمضان دا حاجة جميلة افطار الصائم. دي حاجة جميلة جدا. لكن هل دا عمل يوقعي يجري مرة واحدة في الشارع قدام السيارات. فواحد - 00:06:41ضَ

الراجل طلع رمى نفسه عليه وانقز حياته في اخر لحظة بس الاتنين وقعوا انجرحوا بسبب الوقعة دي راجل تاني وقف بسيارته وخدهم هم الاتنين على المستشفى الاتنين عملوا خير. بس هو اللي رمى نفسه كان هيضحي بحياته زي اللي ضحى بشوية آآ بنزين وشوية وقت وشوية جهد عشان يوصله للمستشفى! اكيد مش زي بعض - 00:07:01ضَ

هل من القسط ان الدولة تطلع بقى تعمل حفل تكريم للاتنين زي بعض وتدي الاتنين جايزة زي بعض؟ لأ برضو صح ولا لا؟ هو كده اقرا معي كمان تمانية واربعين واربعة وستين - 00:07:23ضَ

الاولانيين ذواتا افنان التانيين مدهامة ذواتا افلام يعني لهم اغصان وتركك تتخيل بقى اللي على الاغصان بقى من ورق شجر والوان الورق الشجر والفاكهة والوان الفاكهة والازهار والطيور مداهامتان يعني لونهم اخضر غامق جدا - 00:07:40ضَ

امتى بيبقى الحديقة لونها اخضر غامق جدا لما لما الاغصان بتتشابك وتحجب الضوء فبتبقى الصورة كلها خضرا وما فيش ضوء فبيبقى اخضر غامق اوي بيميل يعني بيميل للسواد ازا الجنتين الاولانيين دول - 00:08:07ضَ

افلام فيهم اغصان. الاغصان دي بيتخللها اشعة شمس بتعطي منظر جميل كده وانت ماشي كده في حديقة وتنظر لفوق كده وتشوف بقى كده الاغصان طالعة ومن بينها فتحات بيطلع منها اشعة الضوء. منزر جميل اوي اجمل من الاغصان المتشابكة الكثيفة اللي بتحجب الضوء بالكامل - 00:08:29ضَ

معناها حلوة برضو وجالنا برضو وحديقة برضو بس منزر الاغصان القليلة مع الضوء وهو داخل من بينها بيبقى منزر يعني رومانسي اقرا معي الاية خمسين والاية ستة وستين فيهما عينان تجريان - 00:08:49ضَ

اللي فوق الاولانيين فيهما عينان تجريان والتانيين في فيهما عينان نضاختان نباخة يعني تتفجر من الارض الماية شكلها زي النافورة. حلو قوي شكلها لكن التانية تجريان الماية بتجري كده جدول كده بيجري مية كده جميلة وينزل في الاخر عامل زي الشلالات. ياه! جميل اوي - 00:09:14ضَ

سألوا العينان نضاختان اللي بيتفجروا من الارض دول اكيد شكلهم مش بالجمال بتاع الهدوء بتاع الماية اللي بتنساب وبتجري وبتنزل كده ايه مش هلال مختلفين يعني في ناس قالوا بقى اللي قالوا الجنتين فوق بعض - 00:09:40ضَ

قال لك ده هو ناس ممكن جدا تكون نفس الماية اللي بتتفجر العينان النضاختان دول بيتفجروا في الجنة اللي تحت وتطلع الماية فوق تجري وتنزل شلال وقال لك هي نفس الاغصان المتشابكة مدهامة تحت نفس الاغصان دي لما بتطلع فوق - 00:09:58ضَ

بتبقى اقل مش كل الاقسام بتطلع فوق. فبتقل نفس الاغصان دي وبتبقى افنان. فعشان كده فيه ناس قالوا هم الجنتين فوق بعض. وهي نفس العينان وهم نفس الاغصان وايه بس شكلهم بيختلف فوق شوية. بيبقى ارقى شوية فوق يعني - 00:10:16ضَ

طيب وبعدين ما ننساش ان الجنة فيها غرف من فوقها غرف اقرا معي اتنين وخمسين وتمانية وستين فيهما من كل فاكهة زوجان التانيين بقى. فيهما فاكهة ونخل ورمان الجنتين الاولانيين من كل فاكهة - 00:10:33ضَ

اكد كل فاكهة ومش بس كده وكمان من كل فاكهة نوعين زوجان ايه هم احنا قلنا ما نعرفش هل فاكهة وعصير هل آآ آآ فاكهة وطازة وفاكهة مسلا مجمدة او مش عارف بيسموها ايه المجففة مسلا والحاجات دي ما اعرفش - 00:11:04ضَ

لكن التانية فيها من كل فاكهة دي ما قلش قل قال فيها فاكهة واكد ان فيها نخل ورمان يعني ايه اكتر فاكهة حلوة مسكرة التمر واكتر فاكهة لاذعة فيها طعم لاذع. فيه ناس بتحب الحاجات المزة - 00:11:26ضَ

الرمان معزمنا بيحطوا سكر على الرمان عشان يعرف ياكله. صح ولا لأ؟ ازا جاب لهم اكتر فاكهة لاذعة فيها لذعة وفاكهة فيها حلوة. وموجودين التانية من كل فاكهة فانا شخصيا بصراحة شايف انه واضح جدا انهم مختلفين عن بعض. يعني دي درجة اعلى من دي. طيب - 00:11:48ضَ

اقرا معي من الاية كده آآ آآ استنى اه طيب الجنتين بقى الجداد دول اللي احنا بنسمع عنهم النهاردة دول اللي هم الاقل دول. هل الناس بقى هتقعد فيها لوحدها؟ يعني واحد لسه طالع وواحد دخل النار شوية وطلع - 00:12:11ضَ

ودخل جنة من الجنات الحلوة دي هيقعد بقى كده لوحده في الجنة؟ لأ اقرا معي الاية سبعين فيهن خيرات حسان خيرات حساب في هذه الجنة نساء خيرات يعني داخلهن الخير - 00:12:25ضَ

يعني اخلاقهم حلوة. طباعهم حلوة حسان جميلات من الحسن المرأة فيها طباعها حلوة. لهم نساء طباعهم حلوة وهم حلوات. طيب اقرا واحد وسبعين وباي الاء ربكما تكذبان ولا بشيء من نعمك ربنا نكذب. فلك الحمد. لو فيه حد ما كانش حاضر امبارح وبيتسائل طب والمرأة لها ايه؟ يرجع لايه - 00:12:49ضَ

لحلقة امبارح نعرف اوصاف الرجال بقى في الجنة بقى اقرا اتنين وسبعين نور مقصورات في الخيام جمع حوراء وهي المرأة ذات العيون اللي بياضها شديد البياض وسوادها شديد السواد مش عينيها حمرا وطالعة زي ما كنت طالعة بتقشر بصل لأ - 00:13:19ضَ

يعني عيون جميلة حور عين. يعني حور عيونهم واسعة. بس في في الصورة دي ما فيش حور عين. يقول لك حور مقصورات في الخيام يعني بيقتصر وجودهم داخل الخيام تلاتة وسبعين فباي الاء ربكما تكذبان ولا بشيء من نعمك ربنا نكذب - 00:13:44ضَ

لك الحمد اقرا اربعة وسبعين وخمسة وسبعين لم يطمثهن انس قبلهم ولا جان وباي الاء ربكما تكذبان. زي برضو النساء بتوع الجنة. الجنتين اللي فوق او الجانتين الاولانيين لم يطمثهن انس قبلهم ولا جان. بس النساء بتوع الجنتين الاولانيين ما اسمهمش حور. ما عرفش ليه؟ ما ربنا ما قلش عليهم حور - 00:14:10ضَ

آآ دول زيهم برضو لم يتزوجن من قبل ولا انس ولا جن. وكلمة بقى ولا انس ولا جن مش عايزها تشغلكم كتير. ايه ده هو الجن بيتجوزوا طب ينفع يتجوزوا لا لا لا لا لا - 00:14:40ضَ

ده تعبير في اللغة العربية تقوله العرب بمعنى ما حدش خالص يعني لما حد يقول رأي عجيب بنرد عليه نقول له ده لا انس ولا جن قال اللي انت بتقوله ده - 00:14:54ضَ

كلمة ولا انس ولا جن دي معناها ما حدش خالص عمل كده ما تقعدوش تشغلوا نفسكم كتير بالتفصيلة بتاعة لم يطمثهن انس قبلهم ولا جان. معناها ما اتجوزوش قبل كده وخلاص - 00:15:08ضَ

خلاص يعني مهم جدا نفهم التعبيرات دي معناها ايه في اللغة العربية؟ عشان ما تشغلناش وتشتتنا على الفاضي طبعا عايز اقول لكم على حاجة كل انا بقالي خمسمية اتنين وخمسين حلقة النهاردة بقول لكم رأيي انا - 00:15:21ضَ

ده تدبري من قراءتي لعدة تفاسير واعادي والتدبر بتاعي قد اكون مخطئ في حاجات انا قلتها كان تفاهم كده وارد جدا واكون اخطأت وانا اخطأت فعلا وطلعت صلحت حاجات. وفي حاجات ممكن خلاص عدت علي وما اعرفهاش. لكن - 00:15:44ضَ

لازم تفهموا ده ان ما فيش حد كل يؤخذ من كلامه ويرد الى المعصوم صلى الله عليه وسلم. فانا في النهاية برضو اما باقول لكم حاجة قد اكون مخطئ برضو يعني عشان بس ما حدش ياخد كلامي على انه يعني ايه آآ صحيح مية في المية. ده ده مش مش وارد يعني - 00:16:00ضَ

انا بقول لكم انس لا انس ولا جن يعني ما حدش. ولك اني عارفه. قد اكون مخطئ في دي لكن انا حبيت اقول لكم معي ستة وسبعين اقرا معي ستة وسبعين - 00:16:15ضَ

متكئين على رفرف خضر وعبقري حسان. فباي الاء ربكما تكذبان الناس في الجنتين دول الجداد اللي لسه معناهم النهاردة دول بيجلسوا متكئين جلسة مريحة مسنودين على رفرف يعني على وسائد ومخدات او كوشينز او زي ما تسموها - 00:16:29ضَ

بتسمى رفرف لانها بترفع الراس عن الارض رفرف لذلك الطير لما بيرفرف يعني بيرفع جناحيه عن الارض هم متكئين على رفرف حاجة اعلى من الارض لونها ايه خضراء كده وحلوة - 00:16:56ضَ

عبقري رائعة حلو قوي العبقري نسبة الى وادي عبقر. العرب كانت تقول ان هناك وادي اسمه وادي عبقر. ده تخيلي يعني او يعني يقال انه في اليمن كان في جن - 00:17:16ضَ

فلو الشاعر نبخ في الشعر جدا يقولوا ده عنده مساعد من الجن في وادي عبقر. ازا الراجل ده عبقري يعني له علاقة بالجن في وادي عبقر. العرب كانت تقول هزا الكلام كنوع من الايه؟ من المبالغة في في الثناء على حد يعني - 00:17:32ضَ

المهم عبقري يعني بديع ورائع. فازا المخدات دي لونها اخضر وطرية وجميلة وعبقرية جدا جدا يعني اقرا سبعة وسبعين. فباي الاء ربكما تكذبان ولا بشيء من نعمك ربنا نكذب فلك - 00:17:51ضَ

الحمد اخر اية بقى تبارك اسم ربك ذي الجلال والاكرام تبارك يعني تفاعل مع البركة البركة هي الزيادة الخير والبركة تسمى بركة لظهور الماء فيها وثبوته. ما بيتحركش ثبت وظاهر سم بركة - 00:18:10ضَ

بركة البعير لما يجلس ويثبت ولا يتحرك فيصبح البعير ظاهر كده ان هو ثابت اذا تبارك يعني ظهر خيره وفاض على الناس في سورة الفرقان اخدنا تدبرنا قول الله تعالى - 00:18:40ضَ

تبارك الذي نزل الفرقان على عبده ليكون للعالمين نذيرا يعني تبارك الله فاض خيره على خلقه بانه نزل القرآن الفرقان اللي هو القرآن هنا ازا هو ده آآ العلامة بتاعة ان ربنا تبارك بانه نزل الفرقان - 00:19:02ضَ

هنا في الاية تمانية وسبعين تبارك اسم ربك ذي الجلال والاكرام اسم الله هو اللي تبارك تبارك اسم ربك الوهلة الاولى الواحد هيظن ان الاسم ده هو ايه ذو الجلال والاكرام - 00:19:29ضَ

ده صحيح على قراءة واحدة. قراءة ابن عامر ليه؟ لانه قرأها كده ابن عامر قرأها كده يا جماعة اسمعوا دي ركزوا بقى في الحتة دي قوي حتة جميلة جمال رهيب - 00:19:51ضَ

تبارك اسم ربك ذو الجلال والاكرام مش ذي الجلال والاكرام ليه ذو الجلال صفة لكلمة اسم تبارك اسمك. مرفوع ذو الجلال مرفوع ازا صفة الصفة تتبع الموصوف يبقى هنا ذو الجلال والاكرام ده صفة الاسم يبقى الاسم هو ذو الجلال - 00:20:03ضَ

ايها الاكرام. اما في القراءة الاخرى اللي بنقرأها قراءة حفص وورش وغيرهم من الجمهور. تبارك اسم ربك ذي الجلال والاكرام. ذي الجلال والاكرام اكرام بالكسر تبارك اسم ربك الرب هنا مكسورا مضاف اليه - 00:20:32ضَ

زي آآ ذي الجلال بالكسر انها صفة رب. مش صفة اسم فبقى تبارك اسم ربك ذي الجلال والاكرام. ربك ذي الجلال والاكرام ده صفة رب. لكن الاسم هو ايه اي اسم ما نعرفش - 00:20:52ضَ

يعني تبارك فاض ببركته. هم. على الناس في قراءة الجمهور ربنا ذو الجلال والاكرام كل اسماؤه فيها بركة تبارك بص تبارك اسم ربك اي اسم كلهم الجلال والاكرام صفة صفة الرب - 00:21:15ضَ

لكن مش بالضرورة يكون الاسم المقصود هو ذو الجلال والاكرام. ولكن برضه في قراءة اخرى ان الاسم هو ذو الجلال والاكرام اللي تبارك طب اشمعنى الاسم ده عشان طبيعة صورة الرحمن - 00:21:44ضَ

شفنا فيها صفات الجلال ربنا له صفات جلال وصفات جمال اسماء الجلال واسماء الايه الجلال من جلال الله انه شديد العقاب قوي. آآ انه لا يظلم انه يعطي كل شخص على قدر عمله آآ لا يساوي بين المؤمنين والكافرين - 00:21:59ضَ

لا يساوي بين المؤمنين ذوي الفضل الكبير والمؤمنين ذوي الفضل القليل. آآ دي كلها صفات الجلال والصفات الجمال والاكرام انه غفور. انه رحيم. انه كريم فين هنا مظاهر الكرم بتاعة ربنا. يا خبر ابيض! كل صفات الجنات دي كل الجنات الكبيرة اللي هي - 00:22:21ضَ

اللي فيها النعيم الكثير واللي فيها اللي من دونهما دي كل ده هو في انسان يعني يستحق كل النعم دي مهما عمل الانسان يا جماعة اقصى احلام الواحد ايه بيبقى بيستريح وسعيد - 00:22:51ضَ

يعني لو ربنا كان عمل الجنة كده كل واحد هيدخل الجنة يقعد فيه آآ جناح آآ في زي الاجنحة بتاعة الفنادق الفخمة جدا جدا اللي هي فايستار سوبر لوكس دي - 00:23:07ضَ

وبيطل على منزر جميل جدا زي منزر البحر كده. ومن الناحية التانية منزر جناين واكل على طول اوبن بوفيه تلات مرات. وحاجة جميلة جدا كنا هنتبسط قوي ما كناش هنطلب اكتر من كده - 00:23:24ضَ

لكن ربنا بيعطي في الجنة ما لا عين رأت ولا اذن سمعت. يعني بيدي لك مش على قدر احلامك. لا على قدر كرمك هو فوق احلامك. ليه ؟ لانه ذو الجلال والاكرام - 00:23:39ضَ

وبذلك نكون قد انتهينا بفضل الله تعالى من تدبر سورة الرحمن وبكرة ان شاء الله نبدأ مع بعض سورة الواقعة ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك - 00:23:57ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:24:19ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل - 00:24:38ضَ

اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرتنا ذنوبنا اسأل الله العلي العظيم ان يجعل هذا التدبر في ميزان حسناتي - 00:25:02ضَ

وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظ - 00:25:24ضَ

واياهم من شرورهم. ونجعلك اللهم في نحورهم. فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين - 00:25:44ضَ

مع اخواننا في تركستان وفي الشام وفي كل مكان. وانصر من نصرهم واخذل كل من خذلهم وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا - 00:26:02ضَ

مريضا به او حاملا له فيلبسه ثوب الصحة والعافية عاجلا غير اجل ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:26:22ضَ

توحدت على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورها بفيض الايمان بك للتوكل عليك واحييها يا ربنا بمعرفتك. وامتها يا مولانا على الشهادة في سبيلك - 00:26:49ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله السادة الموعد ان كنا من اهل الدنيا - 00:27:12ضَ