باحث

السلام عليكم ورحمة الله وبركاته. اهلا بحضراتكم في المقطع رقم ستمية واربعتاشر من مقاطع حظر التجول والحلقة الثالثة والاخيرة من حلقات تدبر سورة الانسان. ارجو من حضراتكم تجيبوا المصاحف. وان شاء الله لو ربنا وفقنا هنقدر - 00:00:02ضَ

نخلص النهاردة تدبر سورة الانسان ودبرنا امبارح صفات الابرار اصحاب الجنة. ومنها انهم صادقين صادقين في الوعد يوفون بالعهود بالنذر يخافون من الحساب بعد الموت. ربنا قال يوفون بالنذر ويخافون - 00:00:26ضَ

يوما كان شره مستطيرا. فيه ناس انتقدوني ان انا يعني دخلت الوعود في الامر ده. وبعدين اديت مسال بحاجتين بساط اوي اللي هو المواعيد مش عارف مواعيد التسليم للي عامل تعاقد هي مش حاجات بسيطة هي حاجات مهمة. ولكن طبعا ده بيدخل فيه كل الوعود وكل العقود - 00:00:48ضَ

وفي وعود للاسف حتى بين الزوجين وبين الاهل بتتهد البيوت بسبب عدم الوفاء بهذه الوعود. فيمكن انا يعني كنت سريع شوية في في الحتة دي امبارح لكن ده بيضمن ده بيشمل كل شيء يعني - 00:01:08ضَ

ايضا من اوصافهم انهم في قلوبهم رحمة تجاه الفقراء والضعفاء الايتام. اقرا معي الاية تمانية ويطعمون الطعام على حبه مسكينا ويتيما واسيرا. اسيرة تدل على انهم انتصروا على قوة الغضب - 00:01:23ضَ

والرغبة في الانتقام فاثروا الاسرى اللي جاؤوا لقتلهم واغتصاب نسائهم واطفالهم واموالهم لانهم لما شافوهم ضعفاء ومحطوطين في السلاسل واصبحوا اسرى. لا حول لهم ولا قوة رفقوا بهم يعني يعني انتصروا على شهوة الانتقام جواهم - 00:01:44ضَ

بل ورفضوا حتى انهم ياخدوا اي شكر رفضوا ان هم يشكروهم حتى لا ينقص ذلك من الاخلاص اللي في قلوبهم ويحافزوا على كامل الثواب في الاخرة اقرا معي الاية تسعة انما نطعمكم لوجه الله لا نريد منكم جزاء ولا شكورا - 00:02:09ضَ

ولم يجدوا حرج من انهم يقولوا بصراحة انهم مؤمنين بالله ومؤمنين بالحساب ويريدون النجاة من يوم القيامة اللي سبب في عبوس ناس كتير اقرا معي الاية عشرة انا نخاف من ربنا يوما عبوسا قمطريرا - 00:02:35ضَ

فكانت النتيجة هي ايه بقى اقرا معي الاية حداشر وده بداية تدبر حلقة الليلة. نبدأ الليلة من الاية حداشر فوقاهم الله شر ذلك اليوم ولقاهم نظرة وسرورا ربنا بالفعل حفظهم - 00:02:58ضَ

من كل شر في هذا اليوم اليوم العبوس القمطرير اللي الناس فيه هتبقى خايفة ومرعوبة لدرجة الرعب على وجوههم في شكل عبوس. يعني تكشير وشدة العبوس القنطرير وربنا هيبدل الابرار بدل هذا العبوس هيبدلهم ايه بقى؟ نظرة في الوجوه نتيجة ايه؟ نتيجة - 00:03:21ضَ

سرور في القلب. مشاعر سرور وفرح في القلب تنعكس على الوجه زي ما في نعمة وفضل داخلي في القلب هناك نعمة وفضل خارجي هتظهر في المظهر والملابس الفخمة. اقرا معي الاية اتناشر - 00:03:53ضَ

وجزاهم بما صبروا جنة وحريرا. نتيجة الصبر على الجود واكرام المساكين ايتام والانتصار على النفس بايثار حتى الاسرى على انفسهم بالطعام اللي الانسان اولى به ربنا هيجزيهم الجنة وملابس فخمة - 00:04:14ضَ

من حرير الجنة خلي بالك يعني انت سمعنا عن خمر. اللي يعني خمر الدنيا حرام. خمر الجنة للناس اللي امتنعت عن خمر الدنيا. حرير الدنيا حرام على الرجال يسمع حتى للرجال كمان بارتداء الحرير في في الجنة - 00:04:40ضَ

حرير افخم كمان من حرير الدنيا وانضف واطهر ليه؟ لان لا يصاحبه تفاخر ولا حقد الدنيا فيه ناس لابسة حرير وناس لابسة ملابس رخيصة وناس لابسة ملابس مبهدلة ومقطعة فدول بيتباهوا بملابسهم على دول - 00:04:55ضَ

ودول بيحقدوا على دول حرير الجنة لا يصاحب تفاخر ولا تباهي ولا حقد طيب نعمة ربنا داخليا في القلوب سرور تظهر على الوجه في هيئة النضارة. ونعمة ربنا خارجيا في هيئة ملابس فخمة وناعمة من حرير. طب - 00:05:17ضَ

بص هيقعدوا فين بقى ؟ يقعدوا على الارض ولا يقعدوا على كراسي خشب ولا كراسي بلاستيك من بتاعة الشريف لأ بص هيقعدوا فين متكئين فيها على الارائك لا يرون فيها شمسا ولا زمهريرا. ودانية عليهم ظلالها وذللت قطوفها - 00:05:40ضَ

وتذليلة متكئين الاتكاء هو الجلوس باسترخاء مع سندة الضهر كده لورا في وضع مائل عارفين الريكلاينر اللي هو اشهر ماركة فيه اسمها الليزي بوي ده بيسموه الليزي بوي بس هي دي ماركة اصلا. اللي هو الحاجات اللي بتميل لورا كده والرجلين تطلع لفوق كده زي بتوع الدرجة الاولى - 00:06:03ضَ

كده اللي في الايه اللي في اللي في في الطيارات. متكئين فيها على الارائك قاعدين في الجنة دي على اراء الجمع اريكة كنب مريح. جلسة الاتكاء حلو هل هم قاعدين في في الضلمة - 00:06:29ضَ

الظلام لأ قاعدين في النور طبعا. اكيد لان الجلوس في الظلام مش مريح. الجلوس في الضلمة مش مريح الناس لما بتخرج تتفسح بتحب انها تخرج وقت طلوع الشمس بس بنقعد في الضل - 00:06:50ضَ

يعني نحب نخرج في الشمس بس ما نقعدش في الشمس مباشرة لأ نحب نقعد في الضل فاحنا ما بنحبش نخرج في الظلام. بنحب نخرج وقت ما يكون الشمس موجودة. بس بنحب ان الشمس تنور لنا لكن - 00:07:06ضَ

حررناش وما نحسش بحرارتها. فبنجلس في الشمس بس يكون في ظل بتاع شجر بتاع شمسية بتاع اي حاجة. تحجب خمسة عننا. كمل كده معي. لا يرون فيها شمسا ما قالش ليس فيها شمسا. لأ موجودة - 00:07:21ضَ

بس مش هنشوفها بعينينا بمعنى انها واحنا قاعدين ما تبقاش جاية في عنينا ولا على جسمنا. محجوبة عننا بشيء يظللنا النا ويحجب اشعتها المباشرة عننا. طب ايه دليل ان في شمس اصلا ما يمكن ما فيش شمس اقرا في الاية اربعتاشر - 00:07:41ضَ

ودانية عليهم ظلالها. وذللت قطوفها تذليلا. ما دام في ضل يبقى في شمس فوق الحاجة اللي عليك فازا في شمس وكمان الجنة جوها حلو. هم. الشمس طالعة بتعطي ضوء بتعطي بعض الحرارة لكن مش حرارة شديدة لان الشمس مش - 00:08:00ضَ

مباشرة عليك. وفي ظلال بتمنع الحرارة الشديدة وتمنع الاشعة المباشرة عليك طيب ما يمكن في الحالة دي يبقى الدنيا برد بقى في الجنة لأ ما تخافش اقرا الاية تلتاشر تاني لا يرون فيها شمسا ولازمها - 00:08:21ضَ

حريرا الزمهرير هو لسعة البرد ولا فيها حرارة الشمس الشديدة ولا فيها لسعة البرد الشديدة. ازا المنزر اللي احنا امامه الان هو ناس شاعرين سرور في قلوبهم وفي وجوههم نضارة. مش نضارة نضارة لوجوه نضرة - 00:08:36ضَ

ملابسهم ناعمة وفخمة وجميلة. جالسين جلسة مريحة على كنب بيميل كده لورا. فبيسترخوا تماما في الضل والشمس مش مضايقاهم بحرارتها. والجو مش برد طب فاضل ايه ناكل بقى حاجة نقز حاجة. طيب الجو دلوقتي كده بصراحة بتاع شوية فاكهة. فاكهة منعشة كده لزيزة - 00:08:58ضَ

فاللي قاعد مستريح على على الارائك كده متكئ هيقوم لسه من على الكنبة ويقف علشان يقطف واللي واقف محتاج سلم عشان يطلع يجيب القطف اللي فوق ده. لأ اسمع كده الاية اربعتاشر ودانية عليه - 00:09:24ضَ

ظلالها وذللت قطوفها تذليلا. قطوف جمع قطف القدس القطوف دي مذللة يعني ميسرة اطفي العنب اطفي الفواكه قطوف نازلة ومذللة. يعني ايه مذللة؟ يعني اللي واقف في متناول ايده هياخد. مش محتاج يجيب حاجة يقف عليها. واللي جالس في متناول ايده برضه مش محتاج يقوم يقف - 00:09:45ضَ

وذللت بطوفها تذليلا مم طب اقرا معي خمستاشر وستاشر ويطاف عليهم بانية من فضة واكواب كانت قواريرا قوارير من فضة قدروها تقديرا يطاف عليهم يعني في حد بيخدم عليهم وهنعرف مين كمان شوية - 00:10:13ضَ

بانية يعني جمع اواني اطباق من الفضة على فكرة الاكل في اطباق الفضة والدهب حرام برضو في الحاجات المحرمة اللي كانت في الدنيا ما بقتش محرمة لنا في الاخرة خلاص - 00:10:48ضَ

الاطباق دي فيها اكل. اكل ايه ما قلكش. سيبك انت بقى انت بقى تشتهي اللي انت عايزه. عايز مشويات هيجي لك فيها مشويات. عايز مكسرات هيجي لك فيها مكسرات ويطاف عليهم بانية من فضة واكواب كانت قواريرا - 00:11:03ضَ

القوارير هي الزجاجات قسم على اية ستاشر. قوارير من فضة قدروها تقديرا يعني زجاج ولا فضة؟ هي قوارير من فضة لكنها فضة مخصوصة فضة الاخرة مش زي فضة الدنيا رقيقة وشفافة زي الزجاج وهي مش زجاج هي فضة - 00:11:21ضَ

واللي في القوارير دي مشروبات مقدرة على حسب رغبة الناس اللي هتشرب. قدروها تقديرا. الجماعة الطائفين بها يعني الناس اللي بيقدموها عاملة المشروبات مختلفة فبيقف قدامك بالصينية يشرح لك ده شراب كزا مخلوط بكزا. وده كزا كزا مخلوط بكزا. وده فيه كده مخلوط فيبدأ - 00:11:53ضَ

ايه هو عاملها لك مخصوص انت اختار في مشروبات تانية انت بتفكر في ايه؟ بصوا احنا قلنا في الاية خمسة وستة ان في خمر ان الابرار يشربون من كأس كان مزاجها كافورا عيني يشرب بها عباد الله يفجرونها تفجيرا - 00:12:16ضَ

الكأس لا يسمى كأس الا اذا كان فيه خمر. طبعا خمر الاخرة غير خمر الدنيا خمر الاخرة لا لغو فيها ولا تأثيم ولا حد بيشتم ويتخانق ويسكر ولا يصدعون عنها ولا ينزفون ولا الناس بيجي لهم صداع تاني - 00:12:39ضَ

يوم الصبح لما يصحوا من النوم ولا بيتقيأوا خارج الخمارة. حاجة الله! الكلام ده في الدنيا ودي بقى كان مزاجها كافورا يعني واخدة اه نكهة الكافور ممزوجة بالكافور فبيدي ريحة رائعة. فيشرب - 00:12:56ضَ

بيشم كده ريحة رائعة. وكانوا بيدخلوا يجيبوها من عين مخصوصة يفجرونها تفجيرا. يخش كده عايز يشرب يقوم مفجر حاجة مفرقع له كده حجز الفيلا كده بتاعة الخمرة بتاعة الدنيا وتفرقع وتعمل رغاوي والناس تضحك ويشرب - 00:13:16ضَ

عينا يشرب بها عباد الله يفجرونها تفجيرا. تعال بقى فيه نوع تاني اتقال لنا عليه في الاية سبعتاشر والاية اية تمنتاشر نوع اخر من الخمر سبعتاشر وتمنتاشر ويسقون فيها كأسا كان مزاجها زنجبيلا عينا فيها تسمى - 00:13:32ضَ

سلسبيلا في عين اسمها سلسبيلا فيها نوع من الخمر ممزوج بالزنجبيل يا خبر ابيض دي رهيبة طيب اسأل بقى عن طريقها اسأل عن طريقها سل سبيلا. سل اسأل سبيلا السبيل اليها. ما السبيل اليها؟ سل سبيلا - 00:13:57ضَ

وايضا سلسبيل معناها مشروب سلس في شربه لا يصيب بغصة مش بيحرق في الزور ولا بيعمل شرقة وتبقى مش عاوز تتوقف عن شربه من كتر حلاوته اللي عاوز خمر بريحة حلوة خد اهو اللي مزاجها كافورة. اللي عاوز طعم يخبل اهو عندك مزاجها زنجبيل - 00:14:25ضَ

كل ده بقى مين اللي بيقدمه ؟ مين اللي بيطوف به الاية خمستاشر قال لنا ويطاف عليهم بانية من فضة واكواب كانت قواريرا. يطاف فعل مبني المجهول. فما قالش مين اللي بيطوف. هيقول لنا بقى هنا في الاية تسعتاشر - 00:14:50ضَ

اقرا معي الاية تسعتاشر. ويطوف عليهم ولدان مخلدون اذا رأيتهم حسبتهم لؤلؤا اما منثورا الرأي اللي هقوله دلوقتي ده مش رأي الجمهور بتاع المفسرين عشان تبقوا عارفين. ده رأي ذكره ابن قيم الجوزية في كتاب حادي الارواح الى بلاد الافراح عن - 00:15:11ضَ

سيدنا علي ابن ابي طالب وعن الحسن البصري وانا بقول لكم تاني ده مش رأي الجمهور لكن دي مش اسماء دي اسماء مش صغيرة. سيدنا علي ابن ابي طالب ورضي الله عنه وارضاه وكرم الله وجهه. والحسن البصري من - 00:15:34ضَ

امام المفسرين رأيهم ان الاطفال التي تموت وهم صغار قبل البلوغ هم دول الولدان جمع وليد لسة مولود قريب ما كبرش لسه. ما بلغش مخلدون يعني مش هيموتوا تاني ولا هنزعل عليهم تاني ولا هنبكي عليهم تاني ولا هنعيط عليهم تاني بالعكس دول مخلدون بقى - 00:15:48ضَ

ده احنا هنفرح بهم وهم شكلهم حلو كده وجايين شايلين صواني وبيقدموا لنا مشروبات. احنا وصحابنا ويطوف عليهم مخلدون اذا رأيتهم حسبتهم لؤلؤا منثورا. تشوفهم تلاقيهم بيلمعوا وبيبرقوا زي اللولي - 00:16:14ضَ

ببعض لأ مش جمب بعض اومال ايه دول في كل حتة حواليك بيقدموا للناس اكل وشرب هنا وهنا وهنا وهنا وهنا وهنا وهنا وهنا ابنك او بنتك اللي ماتوا صغيرين - 00:16:34ضَ

نفسك او نفسك تفرحوا بهم هتلاقي شكلهم حلو اوي بيلمع وبيضحكوا وبيقولوا لك بصي يا ماما بصي يا بابا انا باعرف اجيب صينية اهو بص انية والاكواب والاباريق والكؤوس مش بتقع مني. بص يا فرحة قلب الواحد ساعتها اللي هو صبر في الدنيا على موت طفل - 00:16:44ضَ

من من اطفاله فربنا يجازيه بذلك انه يدخل الجنة آآ آآ مع الصابرين وفي نفس الوقت يشوف طفله في الجنة وهو بيلعب ومبسوط وبيقدم خمر وبيقدم شرب وبيقدم اكل للناس - 00:17:02ضَ

ومخلدون يعني هتشوفوا مش هتخاف عليه تاني خلاص من الموت وهيبقوا لؤلؤا منثورا. منثورا وفي كل مكان حواليك. بيقدموا اكل وشرب فين؟ ده حفلة يا جماعة. احنا اكننا في حفلة - 00:17:18ضَ

حفلة كبيرة والحفلات دي بتبقى حلوة اوي بس عيب الحفلة انها ليلة يقول لك انا رايح حفلة الشهر الجاي ليه لو بتخلص حفلات الجنة مستمرة بقى ما بتخلص كل ليلة حفلة - 00:17:31ضَ

اقرا الاية عشرين. واذا رأيت ثم رأيت نعيما وملكا كبيرا مطرح ما تبص بعينك واذا رأيت ثم رأيت مطرح ما تبص بعينك بتشوف نعيم. مش باقول لك حفلة كبيرة والعيال بتقدم فيها لؤلؤا منثورا في كل حتة. الجرسونات بيقدموا - 00:17:44ضَ

واذا رأيت ثم رأيت نعيما وملكا كبيرا ملك مين ده ملك مين يا جماعة اكتبوا كده بقى في التعليقات ملك مين ده ملك مين؟ تعليقات يلا عشان اشوف تعليقاتكم. انا اشوف بتوع الفيسبوك وبتوع الايه - 00:18:06ضَ

ملك مين يا جماعة الله! واحدة قالت الله! ملك الله يا سلام! ها ملك مين ؟ الله واحدة كذبت الله برضو ماشي لا يا جماعة ده ملكك انت يا استاز - 00:18:23ضَ

ده ملك حضرتك يا فندم مطرح ما تبص انت شايف ملكك. ملكك كبير جدا. انت في الجنة عندك قصور مش قصر واحد لو نزرت في ملكك تجده ممتد مسيرة الف سنة ما عينيك ما بتجيبش اخر ملكك - 00:18:35ضَ

ما هو كل حاجة بتاعة ربنا اصلا. دنيا الارض والسماوات وكله. لكن ده ملكك انت. الملك الكبير ده النهاردة الحفلة عندك انت وانت وزوجتك. وبكرة الحفلة عند جارك وزوجته. يلا رايحين بكرة عندهم - 00:18:55ضَ

اقرا بقى واحد وعشرين عاليهم ثياب سندس. سانية واحدة يا جماعة عاليهم ثياب سندس خضر واستبرق. وحلوا اساور من فضة وسقاهم ربهم شرابا طهورا. لابسين ثياب من سندس. يعني حرير رقيق. واستبرق برودريه مشغول بخيوط الدهب والفضة. عارفين - 00:19:10ضَ

اللي هو بيسموه الايه المشغول اللي هو يعني يعني الخيوط آآ مشغولة كده ما اعرفش بيسموه ايه ومزينين باساور وانسيالات من فضة. وسقاهم ربهم شرابا طهورا. وحلوا اساور من فضة وسقاهم - 00:19:37ضَ

ربهم شرابا طهورا الناس اللي اللي ابتعدت عن الترف في الدنيا كانوا اغنيا ممكن منهم ناس كانوا اغنيا. لكنهم لم يسمحوا لنفسهم بان الغنى يجعلهم من المترفين الفاسدين دول ربنا هيريحهم. هيطرفوا بقى في الاخرة - 00:19:56ضَ

وبعد كده ربنا بيؤكد وسقاهم ربهم شرابا طهورا ليه؟ ايه لازمة طهور دي؟ ده انت ربنا زكر لك نوعين خمرة. فعشان ما حدش بس يلتبس عليه الامر ويظن انها زي خمر الدنيا - 00:20:21ضَ

ربنا بيؤكد انها ليست نجسة كخمر الدنيا خمر الدنيا نجسة نجاسة معنوية لكنها خمر لكن مشروبات الاخرة كلها طهورة خلاص اقرا معي الاية اتنين وعشرين ان هذا كان لكم جزاء وكان سعيكم مشكورا - 00:20:36ضَ

كل ده جزاءكم يا من لم تشربوا خمر الدنيا. يا من لم تلبسوا حرير الدنيا اللي كان محرم على الرجال. يا من لم تحضروا حفلات الدنيا الماجنة ده جزاءكم وكل سعيكم اللي انتم سعيتموه لارضاء الله مشكور - 00:21:04ضَ

ربنا شكر لكم سعيكم وكافأكم ولم تذهب تضحياتكم دي هباء ان هذا كل النعيم ده كان لكم جزاء وكان سعيكم مشكورا كده انتهت الفقرة بتاعة وصف حفلات الاخرة. والتفت الخطاب للنبي صلى الله عليه وسلم ليثبت قلبه - 00:21:26ضَ

مش سمعت الثواب والجزاء بتاع اللي يصبر اقرا في الاية اتناشر وجزاهم بما صبروا جنة وحريرا. سمعت يا محمد؟ اصبر بقى يا محمد انت اولى الناس بانك تصبر وتبقى مثل وقدوة واسوة لهم كلهم. يا الريالة تلاتة وعشرين واربعة وعشرين - 00:21:54ضَ

انا نحن نزلنا عليك القرآن تنزيلا. فاصبر لحكم ربك ولا تطع منهم اثما او كفورا بنون العظمة زي ما قال في اول السورة انا خلقنا الانسان من نطفتين قال لك ايه في اخر السورة - 00:22:18ضَ

انا نحن نزلنا القرآن نزلنا عليك القرآن تنزيلا انا نزلت عليك من فوق سبع سماوات قرآن نازل تنزيل من خارج العالم. علشان يبقى هو ده السبيل اصبر لحكم ربك ولا تطع منهم اثما او كفورا - 00:22:38ضَ

امشي على هذا القرآن وما تسمعش كلام اي اثم مذنب كفور يعني شديد الكفر من هؤلاء لانهم كله معك اوعى تطيعهم يا محمد الموضوع محتاج قوة انت لازم تاخد فيتامينات - 00:23:04ضَ

خمسة وعشرين وستة وعشرين واذكر اسم ربك بكرة واصيلا. ومن الليل فاسجد له وسبحه ليلا طويلا. خليك متواصل وفاتح خط اتصال بربك ليل نهار ليل نهار واذكر اسم ربك بكرة واصيلا - 00:23:23ضَ

الذكر هو قناة التواصل مع ربك. مع ربك. افتحها بكرة. يعني اول النهار يعني اول الليل انما بالليل بقى افتح مكالمة طويلة ليرة ستة وعشرين ومن الليل اسجد له وسبحه ليلا طويلا - 00:23:45ضَ

بالليل اسجد. عشان تقرب مش في صورة العلق ربنا قال كلا لا تطعه واسجد واقترب الرسول عليه الصلاة والسلام قال ان اقرب ما يكون العبد الى ربه وهو ساجد فاكثروا من الدعاء فيه. اقرب موضع لك لربك. وانت موضع ابتلاء اقرب موضع لك - 00:24:12ضَ

مع ربنا لربنا هو وانت ساجد وانت حاطط راسك وانت حاطط مناخيرك وجبهتك. اللي هم علامات الكرامة حاططها في الارض في التراب لله. وبتقول سبحان ربي الاعلى وانت حاططهم في اسفل نقطة ممكن تحطهم فيها. انت هنا اقرب ما تكون الى الله - 00:24:39ضَ

قرب بقى وكلم ربك واحكي له بقى انت شاعر بايه وقل له انت محتاج ايه خلي بالك انت واقف وقفة قوية جدا فمحتاج تستمد القوة باستمرار من ربك اسجد وسبح وطول - 00:25:02ضَ

براحتك بالليل ومن الليل فاسجد له وسبحه ليلا طويلا اقرا بقى سبعة وعشرين وتمانية وعشرين ان هؤلاء يحبون العاجلة ويذرون ورائهم يوما ثقيلا نحن خلقناهم وشددنا اسرهم. واذا شئنا بدلنا امثالهم تبديلا - 00:25:21ضَ

ان هؤلاء الناس دول اللي ربنا قال لك عليهم قال لك ما تطيعهمش. قال لك لا تطع منهم اثما او كفورا بيحبوا الدنيا ان هؤلاء يحبون العاجلة الدنيا العاجلة اللي احنا فيها دي دلوقتي - 00:25:57ضَ

ويذرون وراءهم يوما فقيل بيهملوا تماما يوم القيامة. بكل ما فيه من امور خطيرة واعباء ثقيلة بيستبعدوا تماما ان ربنا يخلقهم مرة اخرى تمانية وعشرين نحن خلقناهم وشددنا اسرهم واذا شئنا بدلنا امثالهم تبديلا - 00:26:19ضَ

ما احنا خلقناهم قبل كده وشددنا اسرهم. يعني ربنا خلقهم خلق شديد. يعني باقول لك يعني ايه اسراهم خذ هذا المال باسره هناخده كله على بعضه وشددنا اسرهم يعني ربنا خلقهم كلهم - 00:26:44ضَ

كل حتة فيهم خلق شديد باسرهم كده. وشددنا اسرهم. واذا شئنا بدلنا امثالهم تبديدا ربنا بيقول لو شئت اغيرهم واجيب غيرهم. مش عزاز على ربنا اوي يعني بس ربنا هيعيدهم هم وهم تاني - 00:27:04ضَ

ربنا كان ممكن يغيرهم ويجيب غيرهم يوم القيامة بس ييجي ييجي غيرهم يوم القيامة يعملوا ايه ؟ ربنا هيعيدهم هم هم تاني علشان يتحاسبوا على اللي اقرا بقى تسعة وعشرين - 00:27:24ضَ

ان هذه تذكرة. فمن شاء اتخذ الى ربه سبيلا ان هذه الصورة دي سورة الانسان تذكرة لك يا انسان اللي منكم عاوز يتخذ طريقا الى الله يتفضل. سورة الانسان قدامه اهي - 00:27:39ضَ

لا اكراه في الدين فمن شاء اتخذ الى ربه سبيلا ان هذه تذكرة. وفي تذكرة اقوى من كده. ربنا وصف لك الجنة بكل ما فيها وقال لك سيبك من خمر الدنيا عندك خمر نوعين هناك اهو حلوين - 00:28:07ضَ

سيبك من الطرف من الحرير بتاع الدنيا لو انت راجع عندك حرير كمان اهو سيبك من الطرف هتطرف على الاخر هناك الطريق اهو. فمن شاء اتخذ الى ربه سبيلا وربنا بينهاك عن متع - 00:28:23ضَ

في الدنيا زائلة وبيديك بدالها نعيم مقيم نعيم غير زائد نعيم ابدي في الاخرة اقرا تلاتين وما تشاؤون الا ان الله ان الله كان حليما حكيما اللي شاء انه يبقى من اهل الجنة فانضم للمؤمنين وللصالحين وللصابرين فهي دي مشيئة الله ان الفئات دي - 00:28:41ضَ

ادخل الجنة. واللي شاء انه يبقى من الكافرين او الخائنين او الفاسقين. خلاص هو اللي اختار يدخل النار ودي هي مشيئة الله ان هذه الفئات ستدخل النار فمشيئتك ايا كان اختيارك لن تخرج عن مشيئة الله - 00:29:16ضَ

اقرا اخر اية يدخل من يشاء في رحمته والظالمين اعد لهم عذابا اليما من شاء الله انه يدخله في رحمته سيدخله في رحمته واللي يظلم نفسه او يزلم الناس ما ينفعش يدخل في رحمة ربنا - 00:29:36ضَ

والظالمين اعد لهم عذابا اليما الرسول عليه الصلاة والسلام قال انما يرحم الله من عباده الرحماء ربنا هيرحم واحد مش رحيم بالناس. ازاي انما يعني والظالمين اعد لهم عذابا اليما - 00:30:02ضَ

تم بفضل الله تدبر سورة الانسان. ونبدأ غدا المرسلات وبعد المرسلات نبقى اتممنا عشرين جزء بفضل الله تعالى اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله - 00:30:27ضَ

وقوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك. وعبادك الصالحين - 00:30:49ضَ

واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا. ونرضيك بكل اجسادنا اللهم اجعل حبنا كله لك وسعينا كله في مرضاتك - 00:31:12ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف - 00:31:40ضَ

في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شروره ونجعلك اللهم في نحورهم فانت الوكيل ولا حول ولا قوة الا بك - 00:32:10ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع مع اخواننا في تركستان الشرقية وفي كشميرة وفي الهند وفي الشام وانصر كل من نصرهم واخذل كل من خذلهم وطهر المسجد الاقصى من - 00:32:29ضَ

الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من - 00:32:49ضَ

علمائنا مريضا به او حاملا له فيلبسه ثوب الصحة والعافية عاجلا غير اجل ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك - 00:33:02ضَ

اللهم انك تعلم ان هذه القلوب قد اجتمعت على وعلى محبتك. والتقت يا ربنا على طاعتك على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورها بفضلك - 00:33:19ضَ

قيد الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله - 00:33:46ضَ

في نفس هذا الموعد ان كنا من اهل الدنيا - 00:34:04ضَ