باحث

السلام عليكم ورحمة الله وبركاته. اهلا بحضراتكم في المقطع رقم اتنين وستين من مقاطع حظر التجول ورقم اربعة من حلقات تدبر القرآن في سورة طه قبل ان نبدأ احب افكر حضراتكم بالمصاحف - 00:00:00ضَ

واهنئكم ايضا بعيد الفطر المبارك اعاده الله علينا باليمن والبركات والنصر بازن الله نبدأ بازن الله من آآ الاية اربعة وعشرين لكن انا عايز نسترجع بس السياق من الاية عشرين - 00:00:26ضَ

بعد ما ربنا سبحانه وتعالى ورى سيدنا موسى المعجزات والايات البينات آآ ربنا بيقول اعوذ بالله السميع العليم من الشيطان الرجيم فالقاها فاذا هي حية تسعى. قال خذها ولا فقط سنعيدها سيرتها الاولى - 00:00:51ضَ

واضمم يدك الى جناحك تخرج بيضاء من غير سوء اية اخرى لنريك من اياتنا الكبرى. بعد ما شاف الايات الكبرى واطمأن انه مؤيد بمعجزات مذهلة تم تكليفه بالمهمة الكبرى ساعة الصفر جت - 00:01:14ضَ

اقرا معي بقى الاية اربعة وعشرين هنبدأ منها النهاردة اذهب الى فرعون انه طغى مهمة فدائية. اكبر طاغية في العالم. انت مكلف بالذهاب اليه وتنفيذ ما سيطلب منك. هو اصلا - 00:01:42ضَ

لسة ما قالش ان سيدنا موسى ايه المطلوب منه في سورة القصص واسلك يدك في جيبك تخرج بيضاء من غير سوء واضمم يدك الى جناحك من الرهب يعني اهدى يعني يعني الطير لما بيخاف بيطير بسرعة لكن لما بيهدى بيقوم منزل جناحاته واضمم اليه - 00:02:01ضَ

كجناحك من الرهب فذلك برهانان العصا واليد. من ربك الى فرعون وملأه انهم كانوا قوما فاسقين ففي سورة القصص ربنا ادانا التفاصيل اكتر انه قال له هتروح لفرعون والملأ. يعني الشلة اللي حواليه من الفاسدين من قادة الجيش - 00:02:26ضَ

والكهنة والاعلاميين ورجال الاعمال. ممثلين في هامان وفي الحاشرين وفي قارون. ليه؟ لانهم فاسقين طه الاية اربعة وعشرين اذهب الى فرعون انه طغى بسبب الطغيان والفسق. ربنا ارسل سيدنا موسى لفرعون والملأ - 00:02:49ضَ

طغيان هم زودوها يعني زودوها في ظلمهم للناس وفي فسقهم وفجورهم. يعني الفراعنة كانوا بيتجوزوا زواج المحارم يعني من بناتهم ومن اخواتهم وامهاتهم اشياء تأبها الفطر السليمة يعني سيدنا موسى هو رجل المهام الصعبة - 00:03:11ضَ

لكنه مؤمن جدا بان بدون توفيق ربنا لن ينجح وفي نفس الوقت متواضع جدا ومنكر للذات جدا وبياخد بالاسباب جدا. دي دي كلها صفات شخصية سيدنا موسى اللي هتبان دلوقتي - 00:03:35ضَ

فما حاولش هو ما حاولش يفلفص من من المهمة ما حاولش ان هو يتهرب من من اداء واجبه. لا لا خالص مستعد ولكن اول حاجة طلبها. قال رب اشرح لي صدري - 00:03:55ضَ

اول حاجة طلبها ان ربنا يوسع له صدره. يعني ايه يشرح صدره؟ يعني يخلي هذا الامر محبب بالنسبة له. يعني يبقى بيعمله بحب فرق كبير جدا مين اللي بيعمل شغله وهو مضطر لانه محتاج المرتب بتاع اخر الشهر لكن كاره وزيفته وبينزل كل يوم مش عايز يروح شغله. وبيه اللي بيحب شغله - 00:04:08ضَ

وبيحب وظيفته وبيعملها بعاطفة وبيقعد بعد ميعاد الشغل عشان يخلص وبيبين انه بيحب الشغل بتاعه وهو قال رب اشرح لي صدري خليني صدري ينشرح لهذا الامر. انا كده كده مطيع يا رب. وساؤدي الامر. لكن اشرح لي صدري. خليني اعمل هزا بحب - 00:04:30ضَ

ويسر لي امري ايمانا منه ان ما فيش مهمة هتبقى صعبة لو ربنا يسرها وما فيش حاجة هتتم ازا ربنا صعبها فطالما انه ينشرح صدره فيؤدي مهمته بحب وكمان ربنا ييسر له اموره ما تتعقدش هو ده يعني عز الطلب. ده اللي هو عايزه عشان يروح يواجه فرعون ويواجه كل طواغيت العالم - 00:04:50ضَ

ما عندوش مشكلة يواجه كل طواغيت العالم ايه كمان طلبوا؟ واحلوا العقدة من لساني يفقهوا قولي مفسرين كتير قالوا ان سيدنا موسى كان عنده مشكلة في النطق وبعض الحروف والكلام دوا بدون دليل على زلك - 00:05:15ضَ

سيدنا موسى يا جماعة قعد خارج مصر عشر سنين ونبئ يعني بقى نبي وكلف بهذه المهمة وهو راجع بعد عشر سنين بيتكلم لغة اخرى انا لما باقعد كم سنة باتكلم انجليزي في بلد بتتكلم انجليزي بابدأ بافكر بالانجليزي. ولما اجي اتكلم عربي انا عمال اترجم في مخ النيل - 00:05:32ضَ

انجليزي العربي عشان اتكلم عربي. واحيانا باتزنق في كلمات فباقوم قايلها بالانجليزي. وده بيؤدي الى انتقادات من حضراتكم. وهو فيها ابن ناس وهو لاوح لسانه يعني ما يعيش عيشة اهله والكلام دوا. وانتم ناس عاديين وانا مش خلصان من الانتقادات بتاعتكم. اومال لما اتكلم مع - 00:05:55ضَ

ملك لما اتكلم مع ملك ومطلوب مني اني اتكلم بفصاحة وعيب ان انا استخدم الفاظ اجنبية في قلب كلامي مع الملك المفروض اني اتكلم بلغة البلد اللي هي لغة بلدي الاصلية وفي نفس الوقت لغة اللغة بتاعة الملك. مش عضل اتمنظر على الملك واجيب له الفاز من برة - 00:06:15ضَ

فده معناه لو انا اتكلمت بالشكل ده انا ساتكلم بطريقة غير فصيحة وده ما يصحش مع الملك. بالزات ان انا رايح انا عايز اقنعه انا مش عايز اقيم عليه الحجة وخلاص - 00:06:33ضَ

ده غير ان انا كمان ممكن استخدم لفز ما يفهمهوش. لا الملأ الى الملك يفهمه ولا الملأ يفهموه. واحلوا العقدة من لساني يفقهوا قولي تمام؟ طيب هو سيدنا موسى بيقول حاضر. هتكلم بس ساعدني استرجع اللغة بسرعة عشان يفهموني. ويا ريت حد من اسرتي يفتح علي لما - 00:06:44ضَ

فكرني بالكلمة دي. يعمي اوي. يخش هو في الكلام يتكلم يكمل مكاني. واجعل لي وزيرا من اهلي. هارون اخي اشدد به ازري واشركه في امري. اديني مساعد من اهلي من اسرتي هارون اخويا الكبير كان اكبر منه بسنة واتولد في السنة اللي الفراعنة مش بيقتلوا فيها الاطفال. ام موسى ما كانش عندها مشكلة معه. كان عندها - 00:07:07ضَ

ايه المشكلة في السنة اللي بعدها؟ اللي هي اتولد فيها سيدنا موسى اللي كانوا بيقتلوا فيها الاطفال آآ سيدنا هارون ما سافرش من مصر وكان عايش في مصر وعايش مع ام موسى ولسانه فصيح ولغته قوية - 00:07:33ضَ

الامر التاني بقى هو الموضوع مش موضوع بس اللغة نفرض ان سيدنا موسى قتل وهو رايح يبلغ الايه؟ يبلغ الرسالة يبقى في واحد تاني يكمل المهمة وياخد مكانه وفي سورة القصص - 00:07:48ضَ

قال ربياني قتلت منهم نفسا فاخاف ان يقتلون. فانا خايف يقتلوني. واخي هارون هو افصح مني لسانا فارسله معي ريد ان يصدقني. اني اخاف ان يكذبون. خليه يردف لي. خليه معي مساعد. خليه يحلم حالي لو انا لو انا اختفيت من المشهد - 00:08:10ضَ

لو اعتقلوني لو قتلوني. فشوفوا سيدنا موسى بمنتهى التواضع كل همه هو انجاح المهمة اللي هو انتدب لها طلب النبوة لسيدنا هارون واجعل لي وزيرا من اهلي هارون اخي اشدد به ازري واشركه في امري خليه شريك معي في الامر ده. خليه نبي معي - 00:08:30ضَ

خليك واحد فيها نص نبي حتى بس يريدوا معه اشركوا معي في النبوة وفي القيام بالمهمة لانها ليست مهمة سهلة وسبحان الله كل هذا التواضع من سيدنا موسى وكأنه قلقان ان هو ما يكونش كفؤ لذلك وطلع مش كفؤ ده طلع واحد من اكبر خمس - 00:08:59ضَ

رسل في التاريخ من اولي العزم من الرسل لكنه متواضع ما بيشوفش في نفسه انسان عزيم كل هذه الدروس احنا محتاجين نبص عليها هم دول النجوم مش آآ المغنيين والرقاصين دول هم النجوم. دول هم القدوة - 00:09:17ضَ

طيب واشركه في امري كي نسبحك كثيرا ونذكرك كثيرا. انك كنت بنا بصيرا لأ سانية واحدة بقى هو انت طالب هارون معك عشان يساعدك في القيام بالمهمة الصعبة وعشان هو فصيح وعشان لغته في مواجهة فرعون والملأ وكده - 00:09:41ضَ

وتأمروه بالمعروف وتنهوه عن المنكر تدعوه للايمان وترك الشرك. وتدعوه للعدل وترك الزلم. ولا انت عاوز هروب معك عشان صلوا يا جماعة يعني بجد الحتة دي وقفتني خالص اشدد به ازري واشركه في امري كي نسبحك كثيرا ونذكرك ونذكرك كثيرا. ايه اللي ودانا في الحتة دي؟ ايه اللي ودانا ناحية العبادة دلوقتي والتسبيح - 00:10:01ضَ

والذكر احنا اصلا بنتكلم دلوقتي في مهمة فدائية انت رايح تواجه اكبر الطواغيت هو وشلة العصابة اللي بتحكم معه تقوم قالب الموضوع مرة واحدة بعد ما كنت بتطلب امور معينة - 00:10:26ضَ

فيها اخذ بالاسباب وامور وتفكير استراتيجي مادي بحت. ومرة واحدة تقلبنا الى كي نسبحك كثيرا ونذكرك كثيرا يعني آآ قعدت افكر فيها دي بصراحة ليه ليه يعني فكروا معي كده - 00:10:41ضَ

سيدنا موسى يا جماعة يعلم ان مهمة زي دي هو خطط لها كويس فكر فيها تفكير استراتيجي اخد فيها بالاسباب طلب مساعد مم يعني مزبوطة عشان خاطر يقوم بالمهمة الخطيرة دية ورايح يبلغ فرعون وشلة العصابة اللي بتحكم معه - 00:11:07ضَ

مش سهلة فجاب واحد عارف لغة البلد وعارف كل حاجة ومش غايب زيه هو غايب بقى له عشر سنين برة البلد لكنه يعلم ان هذه المهمة غير الاسباب المادية عشان انجاحها - 00:11:31ضَ

لابد ايضا من بركة ربنا ولابد من اللجوء للدعاء ولابد من اللجوء للصلاة والتسبيح علشان ربنا يبارك. هارون انا محتاجه عشان لسانه فصيح وعشان انا آآ لغتي ممكن تكون تعبانة بعد عشر سنين برة. وهنذكرك كثيرا ونسبحك كثيرا عشان ببركة هذا الدعاء وهذا التسبيح - 00:11:45ضَ

ده الامر اللي احنا رايحين فيه. سيدنا موسى دايما كده يقوم بعمله اولا وياخد بالاسباب المادية بتاعة الدنيا ثم يلجأ الى الله ويدعوه سورة القصص هنلاقي ان لما وجد امرأتان آآ مش عارفين يسقوا غنمهم بسبب تزاحم الرعاة الرجال - 00:12:08ضَ

سقى لهما خلاص وبعدين ثم تولى الى الظل فقال ربياني لما انزلت الي من خير فقير. عمل الواجب اللي عليه ثم يدعو سيدنا موسى دي شخصية سيدنا موسى. الانسان المؤمن باهمية الاخذ بالاسباب ويعلم اهمية بركة ربنا - 00:12:30ضَ

واهمية الدعاء من اجل انه ربنا يطرح البركة في العمل المادي الدنيوي اللي هو بيعمله اقرا معي تاني بقى من اول خمسة وعشرين هنختم بقى خلاص النهاردة الجلسة قصيرة عشان عندكم عيد بقى وكده - 00:12:53ضَ

قال رب اشرح لي صدري ويسر لي امري وحلوا العقدة من لساني يفقهوا قولي واجعل لي وزيرا من اهلي هارون اخي اشدد به ازري. واشركه في امري كي نسبحك كثيرا ونذكرك كثيرا. انك كنت بنا بصيرا - 00:13:11ضَ

انت اللي شايف حالنا انت اللي عالم بضعفنا هترك امري كله في ايدك يا رب. انك كنت بنا بصيرا وجات الموافقة قال قد اوتيت سؤلك يا موسى. ربنا استجاب لي كل طلباته - 00:13:43ضَ

وجزاكم الله خيرا وان شاء الله بكرة في نفس هذا الوقت. نتقابل ان شاء الله كل يوم في نفس الوقت في نفس هذا الوقت. وناخد جزء صغير كده لغاية ما - 00:14:04ضَ

نخلص ان شاء الله سورة طه. واسأل الله العلي العظيم ان يجعل هذا التدبر في ميزان حسناتي وحسناتكم. اللهم انك تعلم ان هذا هذه القلوب قد اجتمعت على كتابك واجتمعت على محبتك والتقت يا ربنا على طاعتك وتوحدت على دعوتك - 00:14:14ضَ

وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها بمعرفتك وامتها على الشهادة في سبيلك. انك نعم المولى ونعم النصير. واذكر حضراتكم بالحفظ - 00:14:34ضَ

سورة طه سهلة جدا. تعالوا نحفزها مع بعض. خلاص؟ بكرة ان شاء الله نتقابل ان كنا من اهل الدنيا. والسلام عليكم ورحمة الله وبركاته - 00:15:04ضَ