باحث

يبقى قولي السلام عليكم ورحمة الله وبركاته. اهلا بحضراتكم في المقطع رقم ستمية اتنين وسبعين من مقاطع حظر التجول والحلقة الثالثة من حلقات تدبر سورة البقرة اه ارجو من حضراتكم تجيبوا المصاحف - 00:00:00ضَ

تدبرنا من قبل قول الله تعالى اعوذ بالله السميع العليم من الشيطان الرجيم. بسم الله الرحمن الرحيم. الف لام ذلك الكتاب لا ريب فيه هدى للمتقين وفهمنا معنى الهدى ومعنى التقوى - 00:00:26ضَ

خلونا نشوف بقى صفات المتقين في البقرة بس قبل ما نشوف صفات المتقين دي عاوزين نشوف انواع الناس اللي جت في اول سورة البقرة يعني بعد الكلام عن المتقين في اربع ايات من الاية اتنين للاية خمسة - 00:00:55ضَ

ده هنا الكلام عن المتقين ده تقريبا موضوعنا النهاردة في الحلقة هنلاقي ايتين بعدهم اللي هم الاية ستة والاية سبعة عن الكافرين كده معي ستة وسبعة ان ان الذين كفروا سواء عليهم اانذرتهم ام لم تنذرهم لا يؤمنون - 00:01:13ضَ

ختم الله على قلوبهم وعلى سمعهم وعلى ابصارهم غشاوة ولهم عذاب عظيم ايتين عن الكافرين بعد كده من الاية تمانية للاية عشرين تلتاشر اية عن المنافقين ابتداء من الاية تمانية اللي هي ومن الناس من يقول امنا بالله وباليوم الاخر وما هم بمؤمنين. الى الاية عشرين - 00:01:41ضَ

تلتاشر اية عن المنافقين. يبقى اربع ايات عن المتقين ايتين عن الكافرين وتلتاشر اية عن المنافقين وده دليل على خطورة المنافقين هذا النوع من البني ادمين اخطر بكثير جدا على الاسلام من الكافرين - 00:02:15ضَ

الكافر واضح عدو واضح انما المنافقين طابور خامس مجموعة من الخونة داخل الصف المسلم قل لهم بيبانوا ايه ايمان مسلمين. يعني في الوقت بتاع الرسول عليه الصلاة والسلام دول المنافقين شكلهم صحابة. انت عايز اكتر من كده ايه؟ صحابة مع الصحابة رايحين جايين داخلين المسجد بيصلوا في المسجد بيطلعوا الغزوات - 00:02:38ضَ

كل حاجة وهم جوع خونة دي مسألة خطيرة جدا الملاحظة التانية هي انواع الناس ايه بقى كافرين منافقين اكيد بقى ومؤمنين لأ. تصور بقى النوع التالت مش مؤمنين النوع التالت المتقين - 00:03:04ضَ

يعني كنت كنا نتوقع ان ربنا يجيب المؤمنين. لأ ربنا جاب اعلى نوع من انواع المؤمنين ارقى نوع الاليت بتوع المؤمنين. اسمهم ايه؟ اسمهم المتقين الطبقة الراقية داخل المجتمع الاسلامي. الطبقة الراقية دول - 00:03:28ضَ

داخل المؤمنين اعضاء نادي المتقين عشان تبقى عضو في نادي المتقين مش مهم تكون غني مش ممكن يكون عندك سلطة. مش مهم يكون عندك نفوز مش ممكن تكون بتتكلم فرنساوي - 00:03:49ضَ

مش مهم تكون بتلبس شيك المهم يكون عندك اللي جاي ده ايه بقى هي مؤهلات العضوية في نادي المتقين؟ اقرا معي الذين يؤمنون بالغيب ويقيمون الصلاة ومما رزقناهم ينفقون والذين يؤمنون بما انزل اليك وما انزل من قبلك - 00:04:07ضَ

وبالاخرة هم يوقنون اولئك على هدى من ربهم واولئك هم المفلحون هو ده المطلوب منك عشان تبقى عضو في نادي المتقين اول صفة بقى من صفات المتقين ايه الذين يؤمنون بالغيب - 00:04:35ضَ

المقصود بالغيب هنا ما يغيب عن حواس الانسان يعني لو شيء انت مش شايفه ومش سامعه لانه في مكان اخر في الشقة اللي جنبنا زي ما قلت لكم قبل كده بنسميه غيب مكاني - 00:04:56ضَ

لكن ممكن يكون فيه ناس هناك في الشقة اللي جنبينا شايفينه وسامعينه ازا ده شيء ممكن يشعر به يحس بالحواس بتاعة الانسان. هنا ما بنسميهوش غيب. ده مش الغيب اللي بيدل على الايمان - 00:05:16ضَ

الذين يؤمنون بالغيب يعني يؤمنون بما يغيب عن حواس الانسان الايمان بالله ايمان بالغيب العقل يثبت وجود الخالق. لكن الحواس لا تستطيع ان تشعر بالخالق الانسان المادي فقط هو اللي بيؤمن بما تصدقه الحواس. بس - 00:05:35ضَ

الانسان العقلاني يعلم ان العقل يصحح الحواس. فالعقل حاكم على الحواس. مسلا عينك يعني حاسة النظر ترى في الصحراء ماء على مسافة بعيدة عقلك يقول لك ما تصدقش عينك ما تطلعش تجري كده لان ده مش ماء ولا حاجة - 00:06:03ضَ

ده ظاهرة بتحدث في الصحراء نتيجة انعكاس الضوء على الرمال. فاسمها زاهرة السراب. يبقى العقل صحح للحواس عينك ترى شخص راكب حصان وصغيرين جدا قد كده فعقلك يزعق لك يقول لك لأ دول حجمهم عادي وما تصدقش حاسة النزر لان بسبب بعد المسافة انت شايفهم صغيرين. عينك تشوف الشمس بتغرب - 00:06:31ضَ

في البحر لكن العقل يقول لك لا ماشية بتغرب في البحر ولا حاجة والعقل يصحح للحواس بعض الناس فاهمين انه ما لا يدرك بالحواس غير موجود طب ما هو لو احنا كنا جينا من خمسمية سنة وقلنا للناس - 00:07:00ضَ

السبب الامراض بتاعتهم هو ان فيه مخلوقات صغيرة جدا لا ترى بالعين المجردة. اسمها فيروسات واسمها بكتيريا وبتدخل ادخل عن طريق النفس او البلع فتسبب امراض. ما حدش كان هيصدق - 00:07:21ضَ

هيقولوا علينا مجانين كمان. مع ان هو ده بالزبط اللي كان بيحصل لكن الحواس بتاعتهم لم تدرك وعلمهم كمان كان قاصر الاسلام يغلب العقل على الحواس يعني يغلب المذهب العقلاني على المذهب المادي. مع الاخذ في الاعتبار ان العقل نفسه له حدود هو ايضا - 00:07:37ضَ

زي ما النزر له حدود لا يرى بعدها. والسمع له حدود لا يسمع بعدها عدد من الديسيبيلز. كزلك العقل له حدود لا يدرك بعدها لزلك الاسلام يعلمك ان العقل اعلى من الحواس وان هناك مصدر اخر اعلى من العقل وهو الوحي - 00:08:03ضَ

العقل يحتاج الى الوحي اذا ثبت عندك ان الوحي من الله سبحانه وتعالى والله العليم الحكيم الخبير. يبقى يجب ان تصدق الوحي الايمان باليوم الاخر ايمان بالغيب الايمان بالملائكة ايمان بالغيب - 00:08:25ضَ

طيب والايمان بالكتب والرسل يعتبر ايمان بالغيب ودول ما كانوش يعني يعني في في ناس وقتهم لو امنوا بهم لو واحد امن بالنبي وبالقرآن يبقى امن بالغيب ما معنى الايمان بنبي - 00:08:47ضَ

انك تؤمن ان هو انسان حي يرزق وبياكل ويشرب قدامك لأ معناه الايمان بنبوته الايمان بانه مرسل فعلا من عند الله الايمان بان القرآن فعلا وحي من عند الله. ازا هذا ايمان بالغيبة ايضا - 00:09:03ضَ

القرآن اخبرك مسلا ان فيه نبي اسمه يونس يجب ان تصدق هذا كلام الله والقرآن ثبت عندك ان هو وحي من الله اذا اخبرك القرآن ان كان فيه كتاب اسمه التوراة - 00:09:24ضَ

وانه نزل على نبي اسمه موسى وانت اللي شايف ده ولا شايف قصة التوراة الموجودة دي مش هي مش مش هو ده كلام ربنا مش هو ده طيب عليك ان تصدق يبقى ده ايمان بالغيب. لانك لم ترى بحواسك الكلام ده - 00:09:41ضَ

لم ترى بحواسك النبوة نفسها من افضل ما يمكن ان انسان يقرأه في الموضوع ده ودي قصة بنحارب بها الالحاد قصة حي ابن يقظان اللي كتبها ابن الطفيل الاندلسي حي ابن يقظان عبارة عن رضيع عمره - 00:09:54ضَ

يوم واحد. يعني يوم ما اتولد حصل شيء لا نعرف ايه هو والقي على جزيرة ليس عليها اي بشر خالص. انما وكبر مع الحيوانات. اتبنته غزالة رضعته مع ولادها وكبر كده زي الطرزان - 00:10:18ضَ

بيتكلم لغة الطير ولغة الحيوان وما شافش اي بني ادم خالص في حياته ما يعرفش ان هو مختلف عنهم يعني المهم الغزالة دي امه اللي اتبنته دي ماتت هو فوجئ انها مش بتتحرك - 00:10:38ضَ

مهما اكلمها ما بتردش عليه يهزها مش بتتحرك. قعد يفكر. يا ترى ايه سبب انها يعني عطلانة مش بتشتغل مش مش بتتحرك مش بتتنفس هيتجن يعمل ايه بدأ يشغل عقله جاب حجر حاد وشق بطنها وفتح بص في قلبها وجد كل شيء عادي جدا - 00:10:52ضَ

الباموج عادي بس مش بيتحرك اول شيء ادركه هو ان كان فيه شيء وخرج والشيء ده غير مرئي وغير محسوس لما بيخرج الانسان او الحيوان او الطير بيموت ادرك الروح - 00:11:15ضَ

هو ده الشيء اللي بيفرق بين الاحياء مم وبين الاموات او الجمادات وبعد كده قعد يفكر في العلاقة بين الجمادات زي الصخر والنبات والحيوان ويشوف ايه الاشياء الموجودة فيهم وايه الاشياء اللي مش موجودة فيهم بقى يقارن - 00:11:38ضَ

فكر لغاية ما وصل بعقله الى وجود الروح الى حتمية وجود خالق وان الخالق ما ينفعش يكون له جسم وانه لازم يكون ازلي. لازم يكون الاول والاخر. لازم يكون عنده العلم كله والحكمة كلها. ازا وصل لوجود الروح - 00:11:54ضَ

وجود الخالق والصفات الاساسية لله بالعقل وحده لزلك هو حي ابن يقزان يعني عايش ابن صاحي يمثل على الجزيرة دي العقل على كوكب الارض. العقل يستطيع الوصول لهذه الغيبيات لكنه يحتاج الى هداية من - 00:12:14ضَ

احيه عشان يعرف كيف يتواصل مع الخالق مع المصدر بتاعه. عشان يعرف بقى تفاصيل الدين عشان ياخد تفاصيل اكتر من كده. يتعبد بها ربنا قال في الاية تلاتة اول صفة - 00:12:38ضَ

الذين يؤمنون بالغيب ويقيمون الصلاة ومما رزقناهم ينفقون. طيب امنت بالله كده امنت بالغيب امنت بالله دون ان تراه وامنت بما جاء في وحيه القرآن ازا انت تحتاج الى اقامة علاقة دائمة معه. فتعمل ايه؟ تقيم الصلاة - 00:12:55ضَ

اقامة الشيء يعني فعله كما يجب ان يفعل اقامة الصلاة كما يجب ان تكون رجليك واقفين على الارض لكن روحك في السما بالخشوع تستطيع ان تسمو وترتفع الصلاة معراج المؤمن - 00:13:20ضَ

ومع الصلاة دايما تأتي الزكاة. ربنا دايما في القرآن يقول لنا اديني يقيمون الصلاة ويؤتون الزكاة واقيموا الصلاة واتوا الزكاة. دايما تجد الصلاة والزكاة مقترنين ببعض في القرآن ليه ؟ لان الصلاة بتاخد من وقتك - 00:13:40ضَ

ووقتك ده انت بتترك فيه العمل وتزهب للصلاة بتغلق المحل بتغلق العيادة وتروح تصلي الجمعة. تروح تصلي الضهر. تروح تصلي العصر. في الوقت ده انت كان ممكن تكسب مال فده عقلا بالعقل كده بيقلل من المال اللي انت ممكن تكسبه - 00:13:58ضَ

هذا المال رزق من الله هل ستترك الصلاة لله من اجل المال اللي هو ربنا بيرزقك به هنا بيجي الاختبار لأ انا لن اضحي بالصلاة من اجل المال. ليه ؟ ربنا يبارك لي في الوقت اللي هاشتغل فيه ويعوضني ان شاء الله عن الوقت - 00:14:19ضَ

اللي انا ذهبت فيه الى الصلاة طب ييجي بقى للاختبار اللي بعده طب ايه رأيك بقى ان الوقت اللي انت اشتغلت فيه كمان وطلعت مال مطلوب منك تطلع منه مال تاني - 00:14:42ضَ

ازيك يبقى انت ضحيت بوقت عشان تقيم الصلاة وضحيت بمال من الوقت بتاع العمل كمان قل ان صلاتي ونسكي ومحياي ومماتي لله رب العالمين. انت كلك ملك لله انا لله. يعني احنا ملك لله - 00:14:57ضَ

لكن نلاحز ان في الاية دي بقى الاية تلاتة ربنا ما قالش ويؤتون الزكاة. هل ومما رزقناهم ينفقون سبحان الله! يعني دايما الصلاة تيجي مقرونة بالزكاء. اللي هنا حينما لم تزكر الزكاة باسم الزكاة. ولكن قيل ومما رزقناهم ينفقون - 00:15:18ضَ

ليه ؟ هنا ربنا في اول المصحف بيشرح لنا صفات اهم ناس او اهم صفة المفروض ان انت بتقرا القرآن عشان توصل لها اللي هي المتقين يقوم يقول لك اللي بيطلعوا الزكاة واصلا اللي بيطلعوا الزكاة كم في المية من الناس - 00:15:39ضَ

الناس القادرة على اخراج الزكاء ده المقصود طيب والباقيين يشعروا بايه؟ وهم بيبدأوا قراءة القرآن. ان القرآن بيتكلم عن طبقة اخرى؟ لا ممكن يكون ما معكش فلوس بس معك حاجات تانية - 00:15:56ضَ

ومما رزقناهم ينفقون. ما رزقكش مال يا سيدي؟ ما عندكش مال وما انتش بتطلع زكاة لكن رزقك ايه ؟ علم؟ تنفق من العلم اللي رزقك. ازاي؟ تستغله في خدمة الناس - 00:16:11ضَ

اخترع لهم ادوية آآ لقاحات آآ تعلمه للناس في واحد ربنا رزقه قوة ينفق من قوته في مساعدة الضعفاء. يبقى ومما رزقناهم ينفقون اعم واشمل من مجرد انفاق مال المزهل في التعبير ده ايه بقى؟ انه مش مجرد بيحقق نفع للفقير او للاخز. لأ - 00:16:28ضَ

ده بيعمل تربية للمنفق. ازاي ما هو جعل المنفق المنفق اللي بيصرف ده اخذ في الجملة اللي قبلها يعني المنفق كان بيدي كده صح؟ كان هو اليد العليا المنفق هنا ومما رزقناهم ينفقون. بس في الجملة اللي قبلها هو كان عامل ايده كده كان اليد السفلى - 00:16:55ضَ

ربنا قال ايه؟ ومما رزقناهم يبقى انت ايدك مم كانت سفلى الاول عشان ربنا كان بيرزقك اخدت خلاص ينفقون بقيت ايدك عليا بعد كده يبقى ما ينفعش تتكبر على اللي انت بتنفق عليه - 00:17:18ضَ

على اليد السفلى لا تتكبر على اليد السفلى لان انت لسه من سانية كنت انت اياد سفلى وده في النهاية رزق ربنا فربنا رزقك برزق انت خدت جزء منه واديته لاخر - 00:17:36ضَ

فلا تتكبر بقى شفت شفت التربية هنا ومما رزقناهم ينفقون. فخلى الغني المنفق من من سانية كان هو الفقير اللي ايه؟ اللي بيستقبل وكان واليد السفلى تحفة الحقيقة التعبير يعني. يعني التعبير عميق وعمق شديد جدا. ومما رزقناهم ينفقون. قبل ما تعطيه وايدك كانت تبقى العليا كانت ايدك هي - 00:17:49ضَ

يعيد الاخذ اللي كانت سفلى كنتم ايه بقى كمان ؟ قبلها بقى كمان. ده انتم الاتنين كنتم في اقامة الصلاة مع بعض ويقيمون الصلاة. ده المعطي والمعطى اليه. او المنفق والايه؟ واليد اليد العليا واليد السفلى. كنتم بتقيموا الصلاة مع بعض - 00:18:14ضَ

ده انت لو في الصف اللي وراه يعني انت كنت بتحط جبهتك مكان قدمه ده يوريك تقلب الاحوال الشخص اللي انت اعطيته كنت بتصلي معه في المسجد من تلات دقايق وراسك مكان قدميه - 00:18:33ضَ

هذا لان احنا في العبودية لله احنا على قدم المساواة امام الله ما فيش فينا غني وفقير. نطلع بعد كده فينا غني وفي فقير وفي واحد مزكي وفي واحد بيزكى عليه. اوكي ماشي. بس حتى المزكي - 00:18:50ضَ

لازم يفهم ان هو هذا من رزق الله ومما رزقناهم ينفقون. ربنا بيذكرك ان اي شيء انت بتعطيه للناس وبتاخد به ثواب هو مش ذاتي مش بتاعك اصلا ربنا بيعطيك عشان لما تعطي يدي لك سواب - 00:19:06ضَ

يبقى التقوى هنا تشعرك انك ايه ؟ انك لا قيمة لك بدون الله. قيمتك في عبوديتك لله. مش في سيارتك مش في اموالك مش في قصرك مش في فيلتك مش في عفشك مش في ملابسك - 00:19:22ضَ

لكن للاسف احنا بنحط قيم او قيم غير القيم اللي القرآن بيحطها لنا وبنقيم نفسنا وبنقيم الناس على هزا الاساس ومما رزقناهم ينفقون كمان بتوحي بالكرم في الانفاق. ليه قرنت الانفاق - 00:19:40ضَ

بالرزق وربنا بيرزق بكرم وجود شديدين ومما رزقناهم تشعر بالجود بالكرم الالهي ينفقون يبقى انت كمان لازم تنفق بكرم هو انت لما بتزرع بزرة بتطلع لك قمحة؟ لأ بتطلع لك سنبلة في كل سنبلة مائة حبة. الله! ما انت بتحط حبة يطلع لك قدام الحبة مية - 00:20:05ضَ

ده ايه! ده الارض! الطين بيعمل فيه ايه! امال ربنا هيكافئك ازاي فربنا بيرزق بسخاء انت كمان بقى لو انسان تقي تنفق انت ايضا بسخاء ناس كتير اوي يا جماعة بتقعد تحسب الاتنين ونص في المية وتطلع اتنين ونص بالسحدود يا حبيبي لمي قال الكلام ده مين قال الزكاة اتنين ونص في المية اتنين ونص في المية ده الحد الادنى - 00:20:36ضَ

للزكاء يعني لو طلعت خمسة في المية هتبقى تحت خط الفقر وانت معك خمسة وتسعين في المية ما تجرب ما تجرب مرة كده دبل مبلغ الزكاة بتاعك المبلغ الزكاة بتاعك. وتعال قل لي اتفأرت ولا لأ - 00:21:03ضَ

تاجروا مع ربنا؟ تاجر مع ربنا يعني اذا اعطيت فاشبع حول الانسان المستحق للزكاة الى انسان بيخرج زكاة خلال سنة او اتنين. واعرف ناس عملوا كده كان فيه شخص فقير - 00:21:23ضَ

في في في في مصر والناس اكتشفت ان عنده موهبة ان هو اسكافي شاطر جدا وبيعمل صناعة احزية وصنادل وبتاع. فجابوا له مكنة بتخيط الجلد خلال سنتين كان موزف خمستاشر عامل وبيخرج زكاة ما له - 00:21:41ضَ

هو اللي كان بيزكى عليه. ليه تدي له جنيه؟ ليه تدي له خمسة جنيه هيعملوا ايه؟ بدل ما تروح تاخد العشر تلاف جنيه بتوع زكاة مالك وتوزعهم على عشر تلاف واحد لأ اديهم لواحد او اتنين وشف عندهم يقدروا - 00:21:59ضَ

اعملوا مشروع معين حولهم هم الى مزاكين. ودي فلسفة المال في الاسلام لزلك انت لما تكون بتنفق مالك في شيء بينفع الاقتصاد ما بيبقاش عليه زكاة رحت اشتريت ارض وبنيت بيت - 00:22:16ضَ

الفلوس دي ما فيش عليها زكاة. ليه ؟ فيه ناس اشتغلت وفيه ناس رزقت من ورا الفلوس دي. لكن الزكاة على المال المكنوز. مكنوز تحت البلاطة في الايه في الحساب بتاع البنك ما دا ما بيشتغلش ؟ لأ تعال بقى - 00:22:33ضَ

هو ده اللي هيطلع عليه الزكاة طب لما تيجي تطلع منهم زكاة ما تيجي تحول ناس الى مزكين هم كمان تمام؟ طيب اقرا بقى الاية اربعة والذين يؤمنون بما انزل اليك وما انزل من قبلك وبالاخرة هم يوقنون - 00:22:47ضَ

المتقين هم اللي بيؤمنوا بما انزل اليك يا محمد اللي هو القرآن الكريم وما انزل من قبلك وبالكتب الاخرى ويؤمنون باليوم الاخر كمان وبالاخرة هم يوقنون. بالبعث والحساب. ليه بقى؟ خل بالك اليهود - 00:23:10ضَ

شالوا كل حاجة عن البعث والحساب من كتبهم ما بتلاقيش في التوراة اي زكر للبعث والحساب خالص عشان ما حدش بقى فيهم يزن ان مجرد الايمان بالتوحيد يكفي ومش مهم يؤمن بنبوة محمد صلى الله عليه وسلم ومش مهم يؤمن بالقرآن الكريم لا بمنتهى الوضوح - 00:23:26ضَ

المتقين مش هينفع يبقوا من حضراتكم. اهل الكتاب لأ احنا شكرا جزيلا. عايزين تبقوا متقين يبقى لازم تعملوا ابجريد ايه بقى ؟ بتؤمن بالقرآن وبالنبي عليه الصلاة والسلام بالاضافة للكتب السابقة - 00:23:48ضَ

بمنتهى الوضوح الاية اعلنت ان المتقين دول مسلمين مؤمنين بنبوة النبي سيدنا عليه الصلاة والسلام وبالقرآن الكريم. وكل ما فيه عن الايمان بالبعث بعد الموت والحساب القرآن دايما تلاقوه ركز جدا - 00:24:06ضَ

على مسألة الحساب والبعث. لان للاسف اهل الكتاب اللي قبلنا شالوا الكلام ده تماما وده شيء عجيب الحقيقة مؤمنين بان في لكن آآ معزم النصوص ازيلت طيب واحنا مش مسئولين عن التحريفات اللي حصلت بأيدي الناس يعني - 00:24:21ضَ

لزلك آآ لابد من الايمان بالقرآن والقرآن هو المهيمن على الكتب السابقة. والله ما وافق فيها القرآن. ماشي ما لم يوافق القرآن؟ لأ لا لا لا يمكن نجيزه. طيب هات بقى الاية خمسة اولئك على هدى من ربهم واولئك هم المفلحون - 00:24:43ضَ

والتقويم دول هم اللي على هدى فعلا من ربهم هم اللي ربنا هداهم وتعبير على هدى على هدل وكأنهم راكبين الهدى والهدى بينقلهم بين الدنيا والاخرة على هدى واولئك هم المفلحون تعبير من اجمل ما يمكن. كان ممكن يقول واولئك هم الفائزون - 00:25:02ضَ

مفلح يعني ناجح. طب ما فائز برضو حلوة. يعني فائز لكن مفلح من مادة الفلاحة الانسان لما يفلح الارض اشتغل كده وبيايه وبيعزق وبعدين بيحط البذرة وبعد كده بيردم عليها وبعد كده بيسقيها وينتزر ويسقيها تاني - 00:25:26ضَ

ننتظر وبعد كده يخربش حواليها وبعد كده يعزق النباتات الضارة وبعد كده يفضل يحط يسقي لغاية ما ينتزر في النهاية ايه نتيجة الفلاحة ينتظر المحصول والثمار التقوى والايمان بالله هي تضحيات الانسان بيقدمها في الدنيا فكأنك بتفلح الارض - 00:25:46ضَ

بتزرع وبتسقي وبترعى بالعمى. يعني انت بتزرع العمل الصالح وبتفضل تسقيه كل يوم وترعاه منتزر انك تلم المحصول في الاخرة اولئك هم المفلحون. دول اللي زرعوا في الدنيا وهينتزروا المحصول. شفتم جمال كلمة المفلحون يعني المفلحون معناها ناجحين - 00:26:09ضَ

كان ممكن نعديها طيب تعال بقى نقرا مع بعض كده اول خمس ايات بتدبر بسم الله الرحمن الرحيم. الف لام ميم ذلك الكتاب لا ريب فيه هدى للمتقين. الذين يؤمنون بالغيب ويقيمون الصلاة ومما رزقناهم ينذرون - 00:26:30ضَ

والذين يؤمنون بما انزل اليك وما انزل من قبلك وبالاخرة هم يوقنون. اولئك على هدى من ربهم. واولئك اولئك هم المفلحون اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:26:58ضَ

وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ما ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين - 00:27:33ضَ

اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور - 00:27:59ضَ

صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف في كتابه - 00:28:19ضَ

كتلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك. اللهم بحق كل حرف في كتابك تلوناه - 00:28:41ضَ

واو تدبرناه. ايد بنصرك المرابطين في الارض المباركة فلسطين. وكن مع اخواننا في تركستان الشرقية وفي الشام وفي كشمير وفي تانكا وفي الهند وانصر كل من نصرهم واخذل كل من خذلهم وطهر المسجد الاقصى من الدنس فانهم لا يعجزونك. اللهم من قضى منا - 00:29:01ضَ

الوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره وابعده عنه ولا تسلطه الا على احد - 00:29:21ضَ

اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك. والتقيت يا ربنا على طاعتك وتوحدت على دعوتك. وتعاهدت على نصرة شريعتك. فوثق اللهم رابطتها وادم ودها - 00:29:41ضَ

واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك ومتى يا مولانا على الشهادة في سبيلك؟ انك نعم المولى ونعم النصير. والسلام عليكم ورحمة الله وبركاته - 00:30:01ضَ

ونراكم باذن الله غدا في نفس هذا الموعد ان كنا من اهل الدنيا - 00:30:21ضَ