باحث

السلام عليكم ورحمة الله وبركاته اهلا بحضراتكم في المقطع رقم ستمية وتمانين من مقاطع حظر التجول والحلقة الحادية عشرة من حلقات تدبر سورة البقرة. ارجو من حضراتكم يجيبوا المصاحف وما زلنا - 00:00:00ضَ

لتالت حلقة في رحاب الاية تلاتين من سورة البقرة وان شاء الله النهاردة هنعمل اربع اربع ايات بازن الله اقرا معي كده الاية تلاتين في سورة البقرة. اعوذ بالله السميع العليم من الشيطان الرجيم - 00:00:29ضَ

واذ قال ربك للملائكة اني جاعل في الارض خليفة قالوا اتجعل فيها من يفسد فيها ويسفك الدماء ويسفك الدماء ونحن نسبح بحمدك ونقدس لك قال اني اعلم ما لا تعلمون - 00:00:46ضَ

طيب واذ يعني افتكر اذكر اذكر لما حصل كزا وكزا او اذكر لهم يعني احكي لهم يا محمد لما حصل كزا وكزا فلما ربنا يقول واذ قال ربك للملائكة بعد واذ اكيد يبقى موضوع مهم جدا عشان ربنا يقول النبي يذكره - 00:01:20ضَ

واذكر لما ربك قال للملائكة انه سيجعل في الارض خليفة. ونلاحز ان الاية دي وردت بعد الاية تسعة وعشرين اللي ربنا قال فيها انه خلق لنا كل شيء في الارض - 00:01:49ضَ

اربطهم كده ببعض تسعة وعشرين ربنا بيقول فيها هو الذي خلق لكم ما في الارض جميعا وربنا خلق لنا احنا كل حاجة في الارض طب ده يشوقني اعرف قصة خلقي انا ايه - 00:02:08ضَ

ييجي بعدها على طول واذ قال ربك للملائكة اني جاعل في الارض خليفة دول مناسبتهم لبعض يعني التناسب اللي بين الايات خليفة قلنا بمعنى الوكيل المستخلف في شيء يعني المكلف بادارة هذا الشيء المسئول عنه - 00:02:25ضَ

وليس خليفة بمعنى من يخلف يعني يحل محل الاول. بعد وفاته زي مسلا آآ خليفة رسول الله يعني من يحكم الامة بعد بعد وفاة رسول الله صلى الله عليه لكن طبعا خليفة الله مش معناها كده طبعا بالتأكيد مش ده المقصود خليفة هنا بمعنى المكلف من قبل الله بادارة - 00:02:46ضَ

الارض وتحكيم شرع الله فيها ربنا قال اني جاعل في الارض خليفة الملائكة قالوا ايه ؟ قالوا اتجعل فيها من يفسد فيها ويسفك الدماء ونحن نسبح بحمدك ونقدس لك اولا هو ربنا طلب استشارة منهم - 00:03:06ضَ

لأ طب ليه لأ يعني هي الشورى وحشة وربنا اثنى على المؤمنين وقال من صفات المؤمنين وامرهم شورى بينهم لكن اللي بيستشير بيستشير عشان يستفيد لما يسمع رأي اخر قد يكون فيه حكمة او علم غائب عنه - 00:03:31ضَ

الله سبحانه وتعالى هو العليم وهو الحكيم وهو لا يشرك في حكمه احدا. فربنا لا يستشير ان كان الشورى مبدأ جيد وربنا امر به. لكن ربنا يختلف عننا يا جماعة - 00:04:00ضَ

زي ما ورد في سورة الكهف ربنا قال ولا يشرك في حكمه احدا ازا ربنا ما كانش بياخد رأي الملائكة ولا بيستشيرهم. هو كان بيعلمهم هذا اعلام بانه اختار الانسان ليكون الخليفة الذي يؤدي مهام اعمار الارض. خلاص - 00:04:16ضَ

وربنا بيعلمهم انه اختار هذا المخلوق ليكون هو الخليفة هيعمر الارض يقيم العدل فيها. اللي ربنا بيعلمهم لان هم هيكون لهم دور في مساعدة الانسان فالملائكة سألت لانها تريد ان تعرف الحكمة من هذا الاختيار - 00:04:39ضَ

الو اتجعل فيها من يفسد فيها ويسفك الدماء ونحن نسبح بحمدك ونقدس لك استفهام هدفه الفهم واستفهام هدفه معرفة الحكمة وليس الاعتراض على امر الله ابدا والملائكة لا تملك انها تعترض - 00:05:01ضَ

وان كنا نشم رائحة الاعتراض في السؤال لكن هم مش بيعترضوا لكن في ريحة كده. اللي هي ونحن نسبح بحمدك ونقدس لك. هم متعجبين من هذا الاختيار فاللفظ ما فيش فيه مشكلة - 00:05:23ضَ

هم شايفين نفسهم افضل من الانسان لانهم لا يتوقفوا عن التسبيح وعن الصلاة. وشايفين انهم لو كانوا هم اللي كلفوا بالمهام دي كانوا هيعملوها بطريقة افضل احنا نفسنا كبني ادمين لما بنغلط - 00:05:44ضَ

بندافع عن نفسنا وبنقول ايه يا جماعة احنا مش ملايكة احنا برضه ممكن نغلط. ازا الملايكة ما بتغلطش الملائكة كانت تريد ان تفهم. ليه الانسان؟ ليه مش هم يبقوا الخليفة - 00:06:05ضَ

ربنا قال لهم قال اني اعلم ما لا تعلمون الجميل هنا ان ربنا سبحانه وتعالى لم يغضب من الملائكة هم سألوا بادب زي ما ربنا لم يغضب من سيدنا ابراهيم - 00:06:21ضَ

لما سأل وقال في سورة البقرة في اخر البقرة واذ قال ابراهيم ربي ارني كيف تحيي الموتى قال اولم تؤمن قال بلى ولكن ليطمئن قلبي فسيدنا ابراهيم يعلم ان الايمان لا سقف له - 00:06:41ضَ

وهو بيراقب حركة الايمان في قلبه طالع نازل فيريد زيادة الايمان يعني مدرس الكيميا بيشرح المعادلات الكيميائية للتلاميز بس عشان يرسخ المفهوم بتاع الموضوع ده بياخدهم المعمل يعملوا تجربة بنفسهم. فلما يشوفوا التجربة بايديهم يحسوها فالمعنى بيترسخ تماما في - 00:07:00ضَ

قلوبهم. فربنا جعل سيدنا ابراهيم يعمل تجربة في المعمل قال فخذ اربعة من الطير فصرهن اليك ثم اجعل على كل جبل منهن جزءا ثم ادعهن يأتينك سعيا واعلم ان الله عزيز حكيم - 00:07:28ضَ

خد اربع طيور وحط بقى على جبل التشيكن وينجز وعلى جبل حط الدبابيس وعلى جبل حط الوراك وعلى جبل حطة صدور. وادعوا فهن يأتينك سعيا. يعني يجوا لك مشي الطيور ما بتجيش ماشي. الطيور بتيجي طايرة لكن طيورك انت يا ابراهيم ربنا قبل قبل التجربة قال له النتيجة هتطلع وهتطلع ازاي - 00:07:48ضَ

طيورك انت هيجوا لك ساعية عشان تعرف انها طيورك مش طيور تانية الجميل هنا ان ربنا لم يغضب من السؤال سيدنا موسى قالت في سورة الاعراف وتدبرناها مع بعض. قال ربي ارني انظر اليك - 00:08:13ضَ

بيقول له يا رب انا عايز اشوفك بعيني ربنا لم يغضب برضه من السؤال ولكنه اعطى موسى تجربة هو كمان قال لن تراني ولكن انظر الى الجبل فان استقر مكانه فسوف تراني. فلما تجلى ربه للجبل جعله دكا - 00:08:33ضَ

وخر موسى صعقا. فلما افاق قال سبحانك تبت اليك وانا اول المؤمنين ربنا قال لهم مش هتشوفني لكن عموما بص على الجبل كده. شف الجبل ده هيستحمل ولا لأ. فربنا تجلى للجبل. الجبل نزل فتافيت - 00:08:57ضَ

سيدنا موسى اغمى عليه صعق فلما افاق قال سبحانك تبت اليك وانا اول المؤمنين بل يروى ان الصاعقة بتاعة سيدنا موسى كانت موت وربنا احياه بعدها وده في حديث الرسول عليه الصلاة والسلام وحديس صحيح لما آآ الرسول عليه الصلاة والسلام آآ آآ هو اول من يبعث فلما فتح عينيه يوم البعث - 00:09:15ضَ

وجد سيدنا موسى متعلق بقوائم العرش فقال لا قال لا ادري هل بعث قبلي ام هو ام هي بالصعقة التي صعقة؟ يعني بعد الصعقة دي هو ما ماتش تاني. يعني حديس. المهم - 00:09:43ضَ

اللي انا عايز اقوله هنا هو ايه؟ ان ربنا لا يغضب من السؤال لا يغضب عشان الناس اللي بيجي لها بعض الاسئلة تقول لك انا خايفة كده اكون كفرت لا لا عمر ما يبقى عمر ما تكفر ابدا لان فيه سؤال في راسك ابدا - 00:10:00ضَ

اسأل اسئلتك ونبحس فيها ونجاوب بس بعد ما يتجاوب على السؤال بتاعك اشطب عليه ما ترجعلوش تخلي الشيطان يلعب بك يبقى احنا تدبرنا دي المسألة طيب. احنا بقى من تدبرنا هنا - 00:10:14ضَ

في قصة سيدنا ابراهيم وقصة سيدنا موسى يبقى نتوقع ربنا يعمل ايه مع الملائكة لما يسألوه السؤال ده الو اتجعل فيها من يفسد فيها ويسفك الدماء ونحن نسبح بحمدك ونقدس لك. احنا من تدبرنا - 00:10:28ضَ

ان اكيد ربنا هيديهم تجربة تعال نشوف التجربة بتاعة الملائكة اقرأ معي من الاية واحد وتلاتين وعلم ادم الاسماء كلها ثم عرضهم على الملائكة فقال انبئوني باسماء هؤلاء كنتم صادقين. ربنا علم ادم الاسماء. اسماء كل حاجة - 00:10:46ضَ

ثم جاب الملائكة اللي كانت متعجبة من اختيار ادم في هذا المنصب منصب الخليفة بينما هم اللي هم شايفين نفسهم احسن من ادم. هم اللي احسن من ادم مش هيحصلوا على هذا المنصب - 00:11:10ضَ

وربنا سألهم يلا. قولوا لي اسماء الحاجات دي. لو انتم فعلا على حق نبئوني باسماء هؤلاء ان كنتم صادقين ما يعرفوش قالوا سبحانك لا علم لنا الا ما علمتنا. انك انت العليم الحكيم. ما يعرفوش - 00:11:28ضَ

قالوا يا رب احنا ما عندناش كل العلم ده احنا كل واحد مننا ما يعرفش الا الحاجات اللي انت علمتها له فظهر ادم في التجربة بقى دلوقتي وبقوا في موقف محرج جدا. تخيلوا لما واحد معه دكتوراة من جامعة اكسفورد ما يعرفش يجاوب اسئلة وبعدين ييجي طفل عنده تلات - 00:11:49ضَ

سنين لسه في الحضانة يجاوبوا الاسئلة هو. موقف محرج جدا قال يا ادم انبئهم باسمائهم فلما انبأهم باسمائه فلما انبأهم باسمائهم قال الم اقل لكم اني اعلم غيب السماوات والارض واعلم ما - 00:12:05ضَ

وما كنتم تكتمون. هو ده ادم اللي كنتم مستقلينه ومش مقدرين الطاقات الكبيرة اللي عنده الدرس اللي ناخده هنا ايه هو انك لما تكون مش مدرك حكمة ربنا من امر معين - 00:12:23ضَ

اوعى تفتكر ان ربنا ممكن يخطئ واوعى تفتكر ان ما فيش حكمة في امر ربنا قدره عشان انت مش فاهم الحكمة ده مش معناه ان ما فيش حكمة. فيه حكمة بس حضرتك ما تعرفش الحكمة - 00:12:40ضَ

تعمل ايه اقرا شغل عقلك اسأل تعمل زي ابن تيمية اللي كان بيروح في المساجد المهجورة يمرغ راسه في التراب ويقول يا معلم ادم علمني. يا معلم ابراهيم علمني. يا معلم محمد علمني - 00:12:54ضَ

ولان الله هو عالم غيب السماوات والارض ربنا قال اني اعلم غيب السماوات والارض واعلم ما تبدون وما كنتم تكتمون طبعا هنا في تدبر اخر بقى هو طب ليه ربنا غضب من ابليس ولم يغضب من الملائكة؟ شتان الفرق - 00:13:18ضَ

شتان الفرق. الملائكة سألت فقط لتفهم الحكمة ثم انصاعت لامر الله اما ابليس فقد عصى الله وتكبر وظن ان الله قد اخطأ. خل بالك ابليس الخطأ الخطيئة بتاعته خطيئة ان هو بيصحح لربنا يرى ان الله اخطأ - 00:13:43ضَ

اربعة وتلاتين. واذ قلنا للملائكة اسجدوا لادم فسجدوا الا ابليس ابى وكان من الكافرين فرق كبير بين من ابى واستكبر وكان من الكافرين. وبين من سأل عن الحكمة عشان يفهم - 00:14:12ضَ

اسأل اسأل وتساءل عن حكمة ربنا ما فيش مشكلة المسألة التانية هي ودي مسألة شائكة قوي يا جماعة كيف عرفت الملائكة ان الانسان سيسفك الدماء ويفسد في الارض بمجرد ما شافه ادم - 00:14:34ضَ

ازا كان الملائكة لا تعلم الغيب هنا في تفاسير كثيرة منهم من قال الجن كانت تسكن الارض وافسدت وسفكت الدماء واعترضوا على هزا التفسير لكن الجن اصلا ما عندهاش دماء. ماشي - 00:14:51ضَ

وينوا من قال الملائكة توقعت ذلك لان مخلوق اخر غير مسير زي الملائكة مخلوق مخير بين الخير والشر. متوقع ان يفعل هذا. ان من من بعض هذه المخلوقات سيفعل الشر - 00:15:05ضَ

هذا برضه ده ده واقعي اوي من المفسرين من قال كانت هناك امة اخرى من البشر يعني شكلهم مثل ادم. ودول سفكوا الدماء وافسدوا وده التفسير اللي استغله التطوريين المسلمين. زي كده دكتور عمرو شريف باسل الطائي وهؤلاء في كتبهم - 00:15:26ضَ

اعتبروا ان ادم ليس اول البشر على الاطلاق. واستغلوا التفسير ده. واعتبروه اول البشر العاقل وقالوا ان ربنا اصطفاه وفي ال عمران ان الله اصطفى ادم وسواه ونفخ فيه من روحه فاصبح اول البشر العاقل - 00:15:49ضَ

انما اللي قبل كده كانوا كالحيوانات يقتلوا ويفترسوا ويفسدوا. ده تأويل التطوريين المسلمين ايه اللي هم الناس بتحاول توفق بين نزرية التطور ونزرية الخلق اللي هم بيقولوا ان ممكن يكون ربنا خلقنا بالتطور. ده مش معناه ان انا اؤيد هزا الرأي على فكرة - 00:16:12ضَ

ولكن الامانة تقتضي اني ازكر رأيهم هنا وطبعا هيتقال لي. طب مش المفروض انك ترجح رأيي على رأيي في المسألة دي رأيي انا؟ لأ مش مفروض لا ارى مصلحة في ذلك نهائيا - 00:16:34ضَ

بل ارى المصلحة في ظل موجة الالحاد ترك الرأيين موجودين وانا اعرف ان كلامي صادم دلوقتي. لكن انا ما اتعودتش انافق علشان اعجب آآ حد انا اقول ما يملي علي ضميري. ومن تجربتنا الرأي ده وجوده - 00:16:50ضَ

رجع ناس ليه دلوقتي طول ما النزرية ديت هي النزرية التي تدرس في جميع الجامعات طب ليه نقول ان لا الرأي ده مش وارد اطلاقا؟ يبقى انا كده بدفع هؤلاء الشباب نحو الالحاد. لا انا اتركهم خلاص ادي رأيي موجود. اللي يريحه ياخده - 00:17:08ضَ

نرجع بقى للاية اربعة وتلاتين واذ قلنا للملائكة اسجدوا لادم فسجدوا الا ابليس ابى واستكبر وكان من الكافرين. الاية دي مهم جدا انها تفهم في سياق سورة صاد وسورة الحجر - 00:17:24ضَ

سورة صاد ربنا قال فيها واذ قال واذ قال ربك للملائكة اني خالق بشرا من طين. اسمع دي. فاذا سويت ونفخت فيه من فقعوا له ساجدين وفي سورة الحجر فاذا سويته ونفخت فيه من روحي فقعوا له ساجدين. فسجد الملائكة كلهم اجمعون - 00:17:45ضَ

ربنا امر الملائكة قبل ان يسوي ادم. اسمعوا بقى دي قبل ما ربنا يسوي ادم وينفخ فيه الروح امرهم وقال لهم لما اسويه وانفخ فيه الروح تسجدوا له بعد التسوية ونفخ الروح - 00:18:13ضَ

طب دي مش غريبة شوية يعني ليه ربنا ما خلقش ادم الاول وبعد كده سواه وبعد كده نفخ فيه الروح وبعد كده يأمر الملائكة تسجد له ليه ربنا قال لهم السيناريو قبل ما يتم؟ قبل ما يحصل اصلا. يعني قبل التسوية ونفخ الروح ربنا قال انه هيسوي وينفخ الروح وبعدها تسجدوا. خل بالك الامر - 00:18:30ضَ

في الصورتين صدوا الحجر بنفس الصيغة فاذا سويته ونفخت فيه من روحي الفأت تفيد السرعة فقعوا له ساجدين. فوران تسجدوا له ادم اول ما تمت تسويته ونفخ الروح اللي ربنا اعدها له ليكون هو الخليفة في الخليفة في الارض - 00:18:52ضَ

فورا خضع له الكون فورا سجدت الملائكة ربنا لم يأمرهم بعد ما سواه ونفخ فيه ربنا امرهم قبل ما يعمل كده. ليه يعني سبحان الله! واضح ان ربنا يريد ان الانسان ما يكونش - 00:19:16ضَ

مش مسجود له ولا سانية ولا الثانية من اول ثانية في تاريخ الانسان على الارض مسجود له من الملائكة سبحان الله الله اعلم ليه هل الكون بيصبر على الانسان اللي مش بيشكر الله بما فيه الكفاية - 00:19:36ضَ

الكون بيساعد الانسان لانه آآ لانه هيقوم بمهامه. لكن لما الكون يشوف الانسان فيه صفات سيئة. خصيم مبين عجولا قطورا اه هلوعا منوعا. كل ده الكون قد انه يفتك بالانسان - 00:19:59ضَ

لكن الكون من اول سانية مأمور بالخضوع للانسان واضح ان ربنا لا يريد ان الانسان يعيش سانية واحدة مش مسجود له. ولا سانية دون خضوع الطبيعة وتسخير الكون. ربنا بيحميه من الطبيعة - 00:20:21ضَ

الانسان لا يستطيع انه يعيش سانية واحدة فوق درجة حرارة معينة ولا تحت درجة حرارة معينة. ولا في ضغط جوي معين. ولا بسمك طبقة ازون معينة لو اتغيرت يحصل كزا ولو اتغيرت يحصل كزا. ولا بدرجة - 00:20:34ضَ

اكسجين معين. ربنا يريد ان كل الاسباب تكون مهيأة للانسان من اول سانية خلي بقى حد يقول كلمة يوم القيامة ولا يتحجج باي حاجة لما يسأل انت ليه ما قمتش بواجبك في العبادة ولا في الدعوة ولا في اعمار الارض ولا في الاقامة العدل - 00:20:49ضَ

ده انت الطبيعة خاضعة لك من اول سانية الحاجة التانية وكأن برضو ربنا بيقول للطبيعة او بيقول للقوى القوى الطبيعية اللي بيقول للملايكة لا تقيموه اخضعوا له فورا ولا ما تحاكمهوش انتم. ابن قيم الجوزية روى - 00:21:08ضَ

آآ قال كل يوم تقول الارض يا ربي دعني ابتلع ابن ادم انه اكل رزقك ولم يشكرك وتقول البحار يا ربي دعني اغرق ابن ادم انه اكل من رزقك ولم يشكرك. وتقول الجبال يا ربي - 00:21:31ضَ

يعني اطبق على ابن ادم انه اكل من رزقك ولم يشكرك. وتقول السماء يا رب دعني انزل كسفا على ابن ادم انه اكل من رزقك ولم يشكرك. فيقول الله اخلقتموه - 00:21:52ضَ

ويقولون لا فيقول لو خلقتموه لرحمتموه ازا هي رحمة من الله رحمة من الله بالانسان نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب - 00:22:08ضَ

اجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين - 00:22:31ضَ

واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك - 00:22:56ضَ

وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:23:18ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحور - 00:23:37ضَ

فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخواننا في تركستان الشرقية وفي سريلانكا وفي الهند وفي كشمير وانصر كل من نصرهم واخذل كل من خذلهم وطهر المسجد - 00:24:01ضَ

اقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب - 00:24:26ضَ

الصحة والعافية عاجلا غير اجل. ومن لم يوصف به فقه شره وابعده عنه. ولا تسلطه الا على اعدائك واعدائك دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت - 00:24:46ضَ

على دعوتك وتعاهدت على نصرة شريعتك. فوثق اللهم رابطتها وادم ودها واهدها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيانا بها يا ربنا بمعرفتك. وامتها يا مولانا على الشهادة في سبيلك - 00:25:09ضَ

انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه السلام عليكم ورحمة الله. ونراكم غدا بازن الله في نفس هذا الموعد. ان كنا من اهل الدنيا - 00:25:36ضَ