باحث

السلام عليكم ورحمة الله وبركاته. اهلا بحضراتكم في المقطع رقم ستمية تلاتة وتسعين من مقاطع حظر التجول والحلقة الرابعة والعشرون من حلقات تدبر سورة البقرة ارجو من حضراتكم تجيبوا المصاحف وتدبرنا امبارح قول الله تعالى اقرا معي الاية خمسة وسبعين - 00:00:02ضَ

افتطمعون ان يؤمنوا لكم وقد كان فريق منهم يسمعون كلام الله ثم يحرفون ثم يحرفونه من بعد ما عقلوه وهم يعلمون يعني يا مسلمين يا مؤمنين بقى بعد كل ده - 00:00:32ضَ

وكل اللي انتم سمعتوه من اول الاية اربعين عن جحود بني اسرائيل جحودهم للنعم دي كلها اللي ربنا انعم بها عليهم لسة برضه بتطمعوا انهم يؤمنوا لكم يعني يؤمنوا بالله نتيجة دعوتكم لهم - 00:00:56ضَ

يؤمنوا لكم يعني يؤمنوا بالله نتيجة دعوتكم لهم. افتطمعون ان يؤمنوا لكم دول كانوا بيسمعوا كلام الله من موسى وبعد كده يحرفوه من بعد ما عقلوه وهم يعلمون. يعني بعد ما فهموا كلام الله - 00:01:16ضَ

وعلي وعلموا انه حق وان الله يعني هو الذي ارسله برضو حرفوه يعني بعد كل ده لسة طمعانين يؤمنوا ستة وسبعين معي؟ واذا لقوا الذين امنوا قالوا امنا واذا خلا بعضهم الى بعض قالوا اتحدثونهم بما - 00:01:34ضَ

الله عليكم ليحاجوكم به عند ربكم افلا تعقلون ولا كان بعض اليهود تظاهروا بالاسلام فبقوا يقولوا امنا في وش المسلمين لما يقابلوهم ويخشوا يصلوا معهم في المسجد وكل حاجة ما هو كأنهم مسلمين - 00:02:00ضَ

لكن لما يرجعوا يقعدوا مع قومهم يقولوا احنا امنا بمحمد وبالقرآن بس كده لكن يعني آآ آآ يعني احنا احنا معكم انتم فقومهم بقى الكبار اللي فيهم اللي هم الاحبار - 00:02:20ضَ

لاموهم قالوا لهم انتم ازاي تقولوا للمسلمين على دلائل وبراهين نبوة محمد من التوراة عشان يبقى معهم حجة يوم القيامة ضدكم فاللي مخوفهم قوي ان المسلمين كده يعرفوا الحجج دي. فيحاجوهم بها عند الله - 00:02:38ضَ

يعني يثبتوا ان اليهود كان لازم يؤمنوا فعلا بالنبي وبالقرآن ومش فارق معهم ولا خايفين من غضب الله انا برضو نفسه آآ طيب اقرا معي سبعة وسبعين او لا يعلمون ان الله يعلم ما يسرون وما يعلنون. هم مش عارفين ان الله - 00:03:01ضَ

مطلع على محادثتهم السرية دي وعلى اعلاناتهم برضه واظهارهم للاسلام امام الناس نبدأ بقى ايات حلقة الليلة اللي هي من الاية تمانية وسبعين الى الاية تمانين ولاحز معي ان فيه - 00:03:27ضَ

ان ربنا تكلم عن فئتين فئة العوام وفئة العلماء تمام اقرأ معي من الاية تمانية وسبعين الى الاية تمانين ومنهم اميون لا يعلمون الكتاب الا اماني وان هم الا يظنون - 00:03:47ضَ

فويل للذين يكتبون الكتاب بايديهم ثم يقولون هذا من عند الله ليشتروا به ثمنا قليلا فويل لهم مما كتبت ايديهم وويل لهم مما يكسبون اقرا معي تمانين وقالوا لن تمسنا النار الا اياما معدودة - 00:04:14ضَ

قل اتخذتم عند الله عهدا فلن يخلف الله عهده. ام تقولون على الله ما لا تعلمون فئة العلماء ذكرت قبل كده في الاية خمسة وسبعين لما ربنا قال افتطمعون ان يؤمنوا لكم وقد كان فريق منهم يسمعون كلام الله ثم يحرفونه من بعدي - 00:04:45ضَ

ما عقلوه وهم يعلمون. يعني دول علماء دول علماء وهم يعلمون قاموا بتحريف كلام الله بتبديل الكلام وبتحريف المعاني. فيه طريقتين للتحريف يشيلوا الكلام ويحطوا كلام تاني ده تحريف ايه يعني كلمي بيخير الكلام - 00:05:17ضَ

وفي تحريف في التفسير وتحريف في المعاني يعني يفسروه بطريقة خاطئة عمدا ويبدلوا الكلام نفسه ايضا آآ مكان كلامه. دول بقى فئة العلماء الفاسدين. هم؟ طيب دلوقتي بقى هيذكر العوام. تعال بقى للاية تمانية وسبعين - 00:05:37ضَ

ومنهم اميون لا يعلمون الكتاب الا اماني وانهم الا يظنون. الامي هو الذي لا يقرأ ولا يكتب ودي منقصة هذا نقص في الانسان الا في حالة انسان واحد النبي صلى الله عليه وسلم - 00:06:02ضَ

امية تعتبر نيشان على صدره. لان امية محمد بن عبدالله صلى الله عليه وسلم هي من اكبر ان ما كانتش هي اكبر دلائل صدقه ونبوته انسان لا يقرأ ولا يكتب يبقى مستحيل يؤلف العلم ده كله. قرآن وسنة واسلوبين مختلفين ايه ده - 00:06:22ضَ

ومليئين بالعلم ومليئين بالحكمة ومليئين بالتشريعات هذا مستحيل. لو انسان امي لم يقرأ ولم يكتب من قبل ده مستحيل يأتي بهزا الكلام. فالامية دليل كمال في حالة النبي صلى الله عليه وسلم فقط - 00:06:47ضَ

اما في حالة الانسان العادي فهي منقصة يبقى ومنهم اميون ده دليل نقص. يعني كلام عنهم بالايه؟ بالسالب طيب ليه سميت امية؟ ركز معي نسبة الى الام لان القراءة والكتابة قبل الاسلام كانت عادة ما تكون في الرجال فقط - 00:07:02ضَ

نادرا ما كانت امرأة تعرف القراءة والكتابة في الجاهلية فاصبح الرجل اللي لا يعرف القراءة والكتابة يسمى امي يعني زي امه ابن امه زي امه كده ما بيقراش قبل كده زي امه - 00:07:28ضَ

من المتوقع ان الام هتكون ما بتعرفش تقرا وتكتب الاسلام هو الذي جعل تعليم المرأة فرض طلب العلم ليس حقا من حقوق المرأة طلب العلم فريضة على المرأة قال رسول الله صلى الله عليه وسلم - 00:07:47ضَ

طلب العلم فريضة على كل مسلم. كل مسلم يعني كل مسلم من الجنسين رجل او امرأة لو كان يقصد الرجال فقط كان قال على كل رجل مسلم او على المسلم فقط - 00:08:15ضَ

اذا اذا طلب العلم زي ما قلنا كده ليس من حقوق المرأة هو فريضة اسلامية على المرأة الشفاء بنت عبدالله العدوية كانت اول مدرسة خصوصية في الاسلام اوكل اليها النبي صلى الله عليه وسلم تعليم الصبيان والنساء ومنهم ام المؤمنين حفصة بنت عمر ابن الخطاب. كان احدى امهات المؤمنين - 00:08:32ضَ

امية فلم يرضى النبي باستمرار هذا الوضع ابدا وكان بيجيب لها درس خصوصي في البيت. الشفاء بنت عبدالله العدوية كانت تيجي تعلمها القراءة والكتابة في البيت نرجع للاية تمانية وسبعين ومنهم اميون لا يعلمون الكتاب الا اماني وان هم الا يظنون. طيب - 00:08:56ضَ

اماني جمع امنية في اماني جمع امنية. وامانية جمع امنية والانسان يتمنى امر غير موجود يعني يطلب امر يعني مسلا انا اتمنى ان تصبح عندي طائرة خاصة. ده معناه ان انا ما عنديش طائرة خاصة - 00:09:20ضَ

يبقى ده امر غير موجود. وعادة الامنية تبقى شيء بعيد المنال. مش مستحيل لكن بعيد المنال فالتمني يكون للامر الغير موجود لذلك ايضا سمي الاختلاق والكذب تمني فالاماني تطلق على المطالب الكبيرة العظيمة بعيدة المنال. والاماني ايضا تطلق على الكذب - 00:09:45ضَ

يعني في حديد سيدنا يروى عن عثمان بن عفان رضي الله عنه انه قال ما تمنيت منذ اسلمت. يعني ما كذبت منذ اسلمت طيب في بقى معنى التالت للتمني احنا خدنا مع مين - 00:10:14ضَ

الاماني بمعنى المطالب العظيمة البعيدة المنال والاماني بمعنى الكذبات او الكذب وهناك التمني بمعنى القراءة تمنى داود الزبور على رسل يعني تلا كتاب الله اللي هو الزابور مترسلا متمهلا اراه بالراحة - 00:10:34ضَ

بهدوء زي قراءة الرسول عليه الصلاة والسلام للقرآن الكريم. السيدة ام سلمة تقريبا هي التي روت انه كانت قراءته مسترسلة يعني ازا تمنى داود الزبور يعني قرأ الزبور يبقى التمني له تلات معاني - 00:11:00ضَ

طلب امر عزيم بعيد المنال الكذب والقراءة. العجيب ان التلات معاني واردين في الاية ومنهم اميون لا يعلمون الكتاب الا اماني وانهم الا يظنون يعني منهم عوام جهلة بيتبعوا الاحبار المحرفين اللي حرفوا التوراة - 00:11:20ضَ

وما يعرفوش حاجة عن الكتاب الحقيقي اللي هو التوراة الحقيقية ما يعرفوش عن التوراة الا شوية اماني اللي بيحلموا بها انهم مثلا مش هيدخلوا اي يعني اقصى وقت يهودي ممكن يدخلوا النار هيدخل سبع تيام. ادي اماني - 00:11:47ضَ

المنال ايضا دي كذب اماني بمعنى كذب ايضا يعني بالنسبة للاميين العوام دي مجرد اماني بعيدة المنال بس هي بالنسبة للاحبار اللي حرفوا التوراة هذه اختلاقات وكذبات دسوها في التوراة ودسوها في دينهم يعني - 00:12:06ضَ

وهناك اماني بمعنى القراءة. اسمع بقى كده ومنهم اميون لا يعلمون الكتاب الا اماني يعني بالنسبة لهم التوراة فقط للقراءة دون فهم هنا اميون مش معناه ما بيقروش ويكتبوا. هنا اميون معناها عوام. ثقافتهم ضعيفة. علاقتهم بالكتاب بتاعهم انهم يدوب - 00:12:29ضَ

يقروه لكن ما يفهمهوش ما يتدبرهوش. شفتم بقى بدأنا ايه العيوب بتاعتنا احنا ايه ابتدت تزهر برضه الناس اللي بتقرأ القرآن ولا يجاوز حناجرها. ما بيفهموش ما بيعقلوش. ما بيتدبروهوش - 00:12:52ضَ

اقرا معي تسعة وسبعين فويل للذين يكتبون الكتاب بايديهم ثم يقولون هذا من عند الله ليشتروا به ثمنا قليلا فويل لهم مما كتبت ايديهم وويل لهم مما يكسبون حوالي سبعتاشر سنة كده زكريا بطرس قال في احدى حلقاته - 00:13:11ضَ

ان القرآن الكريم بيعترف بالكتاب المقدس لانه بيقول يا اهل الكتاب وكلمة كتاب باليونانية بيبلوس. يعني بايبل اللي هو يعني كلمة يعني الكتاب المقدس فعلا معناه كتاب هو القرآن لم يعترف بكتاب اسمه البيبي اللي هو قال يعني القرآن بيعترف بتوراة موسى انجيل عيسى مزامير داوود - 00:13:44ضَ

لكن العلماء اللي جمعوا دول كلهم في كتاب واحد بيتكون من العهد القديم والعهد الجديد سموه هم الكتاب البيبل يبقى هما بالنسبة للاستاز زكريا بطرس اللي عايزين يسبتوا ان القرآن بيعترف بالبابل يقول لك ايه - 00:14:16ضَ

يبقى لما القرآن قال يا اهل الكتاب وما حددش التوراة والانجيل. ما يمكن يقصد الكتاب المجموع اللي هو البايبر ويبقى ده اعتراف من القرآن بالبايبل رديت عليهم وقلت لهم وما له؟ - 00:14:36ضَ

خلاص ماشي انتم شايفين يعني ده اعتراف بالبايبل ، يعني اعتراف بصحة البايبل انتم احرار عايزين تاخدوا من الكتاب يعني بايبل؟ قوي قوي. تعالوا نشوف بقى الاية دي. فويل للذين يكتبون الكتاب بايديهم. هتخافوا - 00:14:51ضَ

خلاص يبقى القرآن بيقول ويل للي بيكتبوا الباي بالايدين. ربنا بيتوعد الناس اللي بيحرفوا الكتاب بقى مش بايبل هو محرف. القرآن بيقولوا انه محرف مكتوب بايد بشر ها لسة مصرين عايزين الكتاب هو اللي يبقى هو البايبل اوي اوي. ما فيش مشاكل يعني - 00:15:07ضَ

القرآن لم يعترف بمصداقية ما بقي من كتب سابقة الى الان خلاص كلها ما نقدرش نقول ايه ايه المكذوب ايه اللي اضيف صعب يعني ويل الويل كلمة وعيد. ربنا بيتوعد بها من يفعل جريمة فزيعة - 00:15:28ضَ

زي ويل للمكذبين. اللي بيكذبوا النبي ويل لكل همزة اللمزة اللي بيهمز وبيلمز الناس ويل للمطففين الغشاشين هنا ويل مضاعف وعيد مضاعف. الاية فيها ويلين فويل للذين يكتبون الكتاب بايديهم ثم يقولون هذا من عند الله ليشتروا به ثمنا قليلا - 00:15:53ضَ

فويل لهم مما كتبت ايديهم. ادي اول ويل. ويل من الكتابة يبقى ايه؟ اول ويل من مسألة النصب وتبديل الوحي ونسبة ما كتبوه الى الله. بيكتبوا حاجات وينسبوها الى الله - 00:16:26ضَ

الويل التاني بقى وويل لهم مما يكسبون هم لما كتبوا واضافوا للوحي عملوا كده ليه؟ ليحققوا مكاسب سياسية ومكاسب مالية عشان يفرضوا سلطتهم وولايتهم على العوام وعلى الناس. وعشان يحققوا مكاسب مالية من هذه المناصب اللي اخدوها - 00:16:44ضَ

قاموا بالتحريف تحريف دينهم وده موجود عندنا. فيه ناس بتقول الحسين رضي الله عنه مدفون هنا ومدفون هنا فيه تلات اربع مدن في العالم الاسلامي بيدعوا ان هو مدفون عندهم - 00:17:11ضَ

هو استشهد في كربلاء في العراق وبعد كده الفجرة المجرمين اللي قطعوا رأسه وارسلوها قيل للشام وقيل للمدينة وقيل بعد كده انتهى بها الامر في مصر وده ضعيف جدا لكن دايما ستجد من يدافع عن وجود الرأس هنا لان ده بيزنس - 00:17:25ضَ

في ناس بيروحوا يزوروا القبر الخالي دلوقتي ده في قبر خالي فاضي. ويتبرعوا ويطلعوا وصناديق النزور تمتلئ في ناس بيزودوا في الدين انك لما تزور الاولية وتتصدق عندهم يتحقق لك كل ما تريد - 00:17:45ضَ

انت تتجوز وهي تخلف ومش عارف ايه الموضوع كله ببيزنس بيزودوا الترافيك على مساجد معينة. فيها اضرحة وعشان الصدقات تزيد. وصناديق النزور تمتلئ. والله اعلم مين اللي بياخد الفلوس دي - 00:18:06ضَ

بيطلعها الاغبياء بدل ما يبحثوا عن الفقراء الحقيقيين اللي مقفول عليهم باب بيتهم ما عندهمش ولا حاجة في التلاجة وباعوا التلاجة بدل ما نبحث عن الناس دي الناس العفيفة المتعففة الذين لا يسألون الناس الحافا - 00:18:23ضَ

نروح ندي فلوس في صناديق نزور بتتسرق وكلام فارغ اللي حصل عند بني اسرائيل وحصل عندنا وحصل في كله. في سريلانكا انا دخلت معبد هندوسي وشفت ناس فقيرة جدا جايبين قرابين للاصنام اللي بيعبدوها - 00:18:45ضَ

ايه اللي جايب موزتين واللي جايب شوية خضار ويعني تحس ان جايب كل حاجة في البيت عنده يا عيني كل ده بيتحط عند الالهة وان كان بقى شوية فكة اللي معهم فلوس بيحطوها ويمشوا وبعد كده بييجوا الكهنة بتاعة المعبد ياخدوا الحاجة وياخدوا الفلوس ويخلص الموضوع - 00:19:03ضَ

فالتجارة بالدين موجودة في كل الاديان ان الانسان يبيع دينه من اجل الدنيا. ويستغل دينه لتحقيق مكاسب سياسية او مالية لزلك دي مش اول مرة نسمع في البقرة تعبير ليشتروا به ثمنا قليلا - 00:19:19ضَ

الاية اهي فويل للذين يكتبون الكتاب بايديهم ثم يقولون هذا من عند الله ليشتروا به ثمنا قليلا. اه سمعناها قبل كده. اقرأ كده معي اول ما ربنا خاطب بني اسرائيل في البقرة قال لهم ايه - 00:19:42ضَ

يا بني اسرائيل اذكروا نعمتي التي انعمت عليكم واوفوا بعهدي اوفوا بعهدكم واياي فارهبون. اسمع بقى امنوا بما انزلت مصدقا لما معكم. يعني امنوا بالقرآن اللي انزلته ليصدق التوراة اللي معكم. ولا تكونوا اول كافر به - 00:20:00ضَ

ولا تشتروا باياتي ثمنا قليلا. واياه فاتقون اللي فعلوه ده والتجارة بالدين دي عملها كثير من المسلمين. مسلا ازا مسلا المعارضة في دولة من الدول اعلنت مقاطعة الانتخابات لانها بتزور - 00:20:20ضَ

وان الانتخابات دي مجرد ديكور ولا فيه عدل ولا فيه ديمقراطية ولا فيه بتاع. فتيجي الحكومة تضغط على المفتي بتاع البلد يفتي بتحريم مقاطعة الانتخابات. ليه؟ يقول لك اصل ده ادلاء بالشهادة - 00:20:41ضَ

وربنا قال في سورة البقرة ولا تكتموا الشهادة. ومن يكتمها فانه اثم قلبه يا سلام ده تحريف هذا تحريف في معنى الاية. لان الادلاء بالصوت في الانتخابات تعبير عن موقف سياسي ومقاطعة الانتخابات ايضا تعبير عن موقف سياسي - 00:20:57ضَ

لكن الانسان اللي ما يشاركش في الانتخابات بقى تكاسلا لانه مكسل يروح يدلي بصوته. هو ده اللي فيه كلام لكن المقاطعة كموقف تعتبر نوع من المشاركة. يبقى هو استغل الدين لدعم موقف سياسي معين ضد موقف سياسي اخر - 00:21:23ضَ

يبقى استغل الدين لتحقيق مكاسب دنيوية ولا تشتروا بايات الله ثمنا قليلا المحرم ان الانسان يبيع دينه بهذه الطريقة بثمن قليل طب افترض الثمن مش قليل يعني افترض ان المفتي اللي هيفتي بالكلام ده لصالح اتجاه سياسي معين هيبيع دينه بميت مليار دولار - 00:21:41ضَ

ما تنطبقش عليه الاية بقى اهو الاية قالت آآ ليشتروا به ثمنا قليلا. تقدر تقول لي ميت مليار دولار ثمن قليل اه قليل طبعا. ليه؟ لانه دنيوي ولا مال الدنيا كله يساوي اية واحدة من ايات الله - 00:22:07ضَ

تمام؟ طيب هات الاية تمانين وقالوا لن تمسنا النار الا اياما معدودة قل اتخذتم عند الله عهدا فلن يخلف الله عهده. ام تقولون على الله ما لا تعلمون. قلنا امبارح ان من ضمن هذه الاماني او - 00:22:24ضَ

والاكاذيب اللي قالوها هو ان اقصى مدة سيدخلها يهودي النار سبع تيام ده اللي هو ارتكب اكبر ذنب وهو الشرك بالله اللي عبدوا العجل عبدوه سبع تيام بالتالي هيدخلوا النار سبع تيام - 00:22:49ضَ

ودي من الشبهات حول الاسلام على فكرة من ضمن الاعتراضات بتاعة الملحدين هو ان الانسان ممكن يعصى ربنا او يكفر ستين سبعين سنة وبعد كده يدخل النار ويخلد فيها ابدا - 00:23:05ضَ

ده مش عدل المفروض يدخل النار قد المدة اللي قضاها في الكفر كفر ستين سنة يدخل النار ستين سنة كفر سبعين سنة يدخل النار سبعين سنة صح ولا غلط؟ لا غلط - 00:23:20ضَ

ده كلام فارغ احنا لو سمعنا ان في دولة طبقت النظام ده في العقوبات هنشعر انها دولة آآ آآ متخلفة عقليا. يعني عصابة دخلت سرقت بنك ربع ساعة. ندخلهم السجن ربع ساعة - 00:23:34ضَ

ده ايه الهبل ده العقوبة الاصل فيها انها تبقى رادعة. علشان الناس ما ترتكبش الجريمة اصلا المهم هو ان من ضمن الاماني والاكاذيب اللي ادخلوها في دينهم هو ان النار لن تمسهم الا اياما معدودة - 00:23:48ضَ

مش مثلا لن تعذبهم الا اياما معدودة. لأ. او لن تحرقهم الا اياما معدودة. لأ لن تمسهم بس مجرد ماس ايام معدودة ده حتى مش هيتعزبوا. ده مجرد مس طبعا عقوبات غير رادعة - 00:24:06ضَ

لمجرد ان الانسان ده من عرق معين او من من فئة معينة اديني سبب يخليه يخاف من ربنا طبعا خلاص غريبة خوف من ربنا وقالوا لن تمسنا النار الا اياما معدودة - 00:24:27ضَ

بيقول لها بتقول له يا داوود انت داخل تسرق بيتي قال لها انا عارف بس انا لو ما سرقتوش غيري هيسرعوا. كلنا شفنا الفيديو. بتاع الشيخ جراح. المهم قل اتخذتم عند الله عهدا. فلن يخلف الله عهده ام تقولون على الله ما لا تعلمون - 00:24:44ضَ

قل لهم يا محمد هو ده عهد انتم واخدينه على ربنا لو كده خلاص يبقى اكيد ربنا لن يخلف عهده معكم ولا انتم بتدعوا على الله كلام بدون علم؟ عشان ده كده خطر اوي - 00:25:06ضَ

ام تقولون على الله ما لا تعلمون ان الانسان يكذب على الله ويدعي ان الله قد قال شيئا وهو لم يقله ده خطر جدا ان يدعي الانسان ان ربنا بيحب شيء معين او يكره شيء معين وده غير حقيقي ده كلام خطير. كلامكم ده بقى غير صحيح. اسمعوا بقى الرأي بتاعنا - 00:25:22ضَ

والرأي الاسلامي معي واحد وتمانين واتنين وتمانين. بلى من كسب سيئة واحاطت به خطيئته. فاولئك اصحاب النار هم فيها خالدون والذين امنوا وعملوا الصالحات اولئك اصحاب الجنة هم فيها خالدون برضه - 00:25:44ضَ

بلى يعني ايه ؟ بلا حرف يجاب به عن سؤال منفي فيبطل النفي مسلا في سورة الملك احنا تدبرنا سألهم خزانتها الم يأتكم نذير السؤال من في السؤال بالنفي لم يأتكم نذير - 00:26:06ضَ

قالوا بلى قد جاءنا نذير السؤال منفي. فالاجابة تيجي ببلا عشان تثبت اللي بعد النفي انتم ما جلكوش بلا جالنا تمام؟ طيب هنا بقى بلا من كسب سيئة واحاطت به خطيئته - 00:26:27ضَ

بلا اجابة على ايه اجابة على لن تمسنا النار الا اياما معدودة. يبقى بلى ستمسكهم كتير اوي بلى ايه الكلام ده ؟ مش حقيقي. بلى من كسب سيئة واحاطت به خطيئته فاولئك اصحاب - 00:26:51ضَ

ابو النار كم يوم هم فيها خالدون اللي ارتكب السيئات والخطايا الضخمة دي سيئاتهم وخطاياهم ايه؟ تحريف كتاب ربنا كفر ايه ده دول بقى اصحاب النار. عارفين يعني اصحاب؟ اصحاب. يعني هم والنار كده. مش هيسيبوا بعض. في حالة من الصحبة - 00:27:14ضَ

دول اصحاب النار صاحب العمارة صاحب دول اصحاب النار. هم فيها خالدون مش سبع تيام! سبعة مين! احنا بنهزر تعبير بقى من كسب سيئة بدلا ممن ارتكب سيئة ده مناسب اكتر الحقيقة من كسب سيئة. ليه - 00:27:39ضَ

لان السيئة بتاعتهم كانت ايه تحريف كلام الله ليشتروا به ثمنا قليلا. يعني كانوا عايزين يحققوا مكاسب وكسبوا فلوس ومناصب بسبب التحريف راح فويل لهم. ارجع لتسعة وسبعين. فويل لهم مما كتبت ايديهم. وويل لهم مما - 00:28:02ضَ

سيبون يبقى اللي هم كسبوه ده مش مكسب زي ما هم كانوا فاكرين. امال ده ايه؟ لا ده خسارة بلا من كسب سيئة. دول كسبوا سيئة. مش فلوس مش مناصب دي سيئات - 00:28:27ضَ

ده خسارة بس هم فاكرين انا مكسب بلى من كسب سيئة واحاطت به خطيئته. خطيئة الكفر والجرأة على كتاب الله وتحريف معاني كتاب الله خطيئة كبيرة بتبتلع الانسان يصبح محاط بها من كل جانب - 00:28:43ضَ

بس على الكفة الاخرى بقى والذين امنوا. بص بقى الكلام بالمنطق. منطق خطير والذين امنوا وعملوا الصالحات اولئك اصحاب الجنة هم فيها خالدون. الا يؤمن بالله وبرسله كلهم قوموا بكتبه كلها ويعملوا الصالحات لان الايمان بالله وحده لا يكفي في الاسلام - 00:29:04ضَ

النجاة مفهوم النجاة عبارة عن طير بيطير بجناحين بجناح واحد هيقع الجناح الاول الايمان والجناح التاني العمل الصالح. لازم الاتنين والذين امنوا امان وادي جناح وعملوا الصالحات ادي الجناح التاني اولئك اصحاب الجنة هم فيها خالدون. الملحدين اللي اعترضوا على العقوبة - 00:29:28ضَ

ابدية نزير ستين سنة كفر معترضوش ليه على النعيم الابدي في الجنة؟ نزير ستين سنة ايمان وعمل صالح يعني اشمعنى دي ما ضايقتهمش هي فرصة متساوية. ربنا حذرنا تحذير جيد. وابلغنا بالصح وابلغنا بالغلط. ونزل احسن ناس - 00:29:52ضَ

رسول وانبياء وبعت احسن كتب كتب من عنده وترك لنا حرية الاختيار بعد كده. لنختار دون تدخل في اختياراتنا. ازا في النهاية زي ما بيقولوا عندنا في البلد كل واحد - 00:30:16ضَ

واحد متعلق من عرجوبه نتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب - 00:30:31ضَ

واجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسولك وعبادك الصالحين. واجعلنا ممن يحبك ويحب ملائكتك وانبيائك ورسلك - 00:30:49ضَ

وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي - 00:31:10ضَ

العظيمة ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من - 00:31:37ضَ

شرورهم ونجعلك اللهم في نحورهم. فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان الشرقية وفي الشام وفي كشميرا وفي الهند وفي سريلانكا - 00:32:03ضَ

وانصر كل من نصرهم واخذل كل من خذلهم. وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا او من ابائنا او من امهاتنا او من مشايخنا او من علمائنا مريضا به او حاملا له فالبسه - 00:32:26ضَ

ثوب الصحة والعافية عاجلا غير اجل ومن لم يصب به فقه شره وابعده عنه ولا تسلطه يا ربي الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:32:51ضَ

توحدت على دعوتك. وتعاهدت على نصرة شريعتك. فوثق اللهم رابطتها. وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل عليك واحيها يا ربنا - 00:33:15ضَ

لمعرفتك وامتها يا مولانا على الشهادة في سبيلك. انك نعم المولى ونعم النصير. وصلي اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله وبركاته. ونراكم غدا باذن الله - 00:33:35ضَ

في نفس هذا الموعد ان كنا من اهل الدنيا - 00:33:54ضَ