باحث

السلام عليكم ورحمة الله وبركاته. اهلا بحضراتكم في المقطع رقم سبعمية وستة من مقاطع حظر التجول والحلقة السابعة والثلاثين من حلقات تدبر سورة البقرة. ارجو من حضراتكم تجيبوا المصاحف تدبرنا امبارح - 00:00:01ضَ

الايتين مية اربعة وعشرين ومية خمسة وعشرين تعالوا نقرأهم كده علشان نسترجع السياق ونكمل ان شاء الله اعوذ بالله السميع العليم من الشيطان الرجيم واذ ابتلى ابراهيم ربه بكلمات فاتمهن - 00:00:27ضَ

قال اني جاعلك للناس اماما. قال ومن ذريتي؟ قال لا اه ينال عهدي الظالمين. احد الاخوة ومش هقول اسمه كتب لي في رسالة او تعليق وقال لي مش قادر ابلعها لسيدنا ابراهيم خالص. يعني رغم تواضعه وتقواه وتربية ربنا له - 00:00:51ضَ

طلب الامامة ذريته علشان الاسئلة دي تجاب حط نفسك مكانه دي اول حاجة يعني تخيل كده ان سيدنا محمد عليه الصلاة والسلام ما كانش هو اخر الانبياء. تخيل ان خلاص هو مش يعني ايه ربنا ما يعني ما حطش - 00:01:22ضَ

القاعدة بتاعة آآ آآ ختم النبوة وان ما زال هناك انبياء بيبعثوا حتى اليوم هل ما كنتش هتتمنى ان اولادك يصبحوا انبياء ما كنتش هتدعو الله ان يكون لهم دور في هداية الناس الى طريق التوحيد والعبادة وعمارة الارض ونشر السلام - 00:01:45ضَ

وياخدوا ثواب كل من يهتدي هل دي فيها مشكلة؟ هو عمل ايه غلط؟ طيب. عارفين المشكلة فين المشكلة فينا احنا لان النهاردة ارتبطت القيادة والسيادة والامامة العرش والقصور والكلام ده - 00:02:12ضَ

عارفين ليه لان احنا تعودنا خلاص ان احنا نرى السادة هم الاغنياء وكل اللي حواليهم بيشتغلوا عندهم وبيخدموهم فتكونت عندنا صورة مشوهة بالسيادة يقول العرب سيد القوم خادمهم مش اغناهم - 00:02:33ضَ

امال يعني يعني ايه سيد القوم في ناس فهمت ان معناه ان الخادم اللي بيخدمنا هو ده احسن واحد فينا العرب تقصد ان اللي عليه واجب خدمة الناس هو اللي يختاروه سيد لهم - 00:02:59ضَ

هو الامير مش الغني اقول لكم مسلا مسال ابو طالب عم النبي صلى الله عليه وسلم كان سيد قريش وكان فقيرا جدا لدرجة انه ما كانش لاقي يطعم اولاده في وقت من الاوقات - 00:03:20ضَ

ايه رأيكم بقى؟ انتم عارفين ان سيدنا علي ابن ابي طالب اتربى في بيت النبي صلى الله عليه وسلم لما كان متزوج من السيدة خديجة اخد ابن عمه علي عشان يشيل حمل عن عمه ابو طالب الفقير. اللي كان سيد قريش - 00:03:42ضَ

انتم عارفين ان اخو سيدنا علي ابن ابي طالب جعفر اللي بيسموه جعفر الطيار. لانه قتل في موت استشهد في غزوة مؤتة. وآآ قطعت ايديه الاتنين. فربنا ابدله فيها اجنحة يطير بها في الجنة. النبي صلى الله عليه وسلم رأى رؤيا كده سمي جعفر الطيار. جعفر بن ابي طالب ده - 00:04:01ضَ

اتربى في بيت عمه العباس ابن عبدالمطلب. ليه؟ عشان ابوه ابو طالب سيد قريش. ما كانش معه فلوس تأكل اولاده ازاي طب احنا مش قادرين نتخيلها! يعني ايه سيد قريش وفقير - 00:04:22ضَ

عمر العرب ما قيموا الناس بفلوسهم. الا الا مؤخرا الناس عند العرب تقيم بخدمتهم للناس وبحكمتهم في اتخاز القرار. وبقدرتهم على الخطابة والاقناع. مش بالفلوس احنا القيم عندنا اتغيرت بعد كده - 00:04:40ضَ

عشائر قريش كانت بتتخانق على ايه؟ على الرفادة والسقاية يعني يتخانقوا مين هياخد حق مش استخراج بترول واستخراج غاز لا لا لا مين هياخد حق ان هو يأكل ويشرب الحجيج اللي جايين من كل بقاع الارض - 00:05:04ضَ

دي حاجة مش بتجيب فلوس. دي ده خراب بيوت. ده ده ده يعني يعني انت عارف ايه تأكل الحجاج كل سنة لكن هم كانوا بيشوفوا ده خدمة للناس شرف كبير. لا ينال هذا الشرف الا السادة - 00:05:27ضَ

طب اقول لكم على حاجة مين ابو جد النبي عليه الصلاة والسلام؟ يعني جد ابو النبي نسب النبي ايه؟ في البخاري هو ابو القاسم ابو القاسم يا عداكونيا كنية النبي محمد بن عبدالله بن عبد المطلب بن هاشم بن - 00:05:44ضَ

ابن قصي ابن كلاب ابن مرة ابن كعب ابن لؤي ابن غالب ابن فهر. فهر ده اللي هو قريش. خلينا في ابو جده اللي هو جده عبدالمطلب ابوه اسمه هاشم - 00:06:05ضَ

صح؟ هاشم ايه رأيكم ان ما اسموش هاشم؟ اسمه عمرو امال سموه هاشم ليه عشان عمل اتفاق بين تجار قريش انهم ما يطلعوش رحلة واحدة للتجارة يطلعوا رحلتين. رحلة في الشتاء ورحلة في الصيف يتاجروا فيها - 00:06:17ضَ

واحدى الرحلتين دول يقسموا الارباح بتاعتها بالتساوي فما يبقاش فيه في قريش واحد فقير ما يبقاش فيه واحد غني اوي وواحد فقير قوي ما يبقاش فيه كبيرة بين الغني والفقير في قريش. فكرته هو. وبعدين في احد مواسم الحج - 00:06:36ضَ

كان هناك مجاعة وما كانش فيه اكل وما كانوش كانت هتبقى فضيحة الناس جاية من كل حتة في العالم والناس متعودة انها بتاكل على حساب قريش فطلع على فلسطين وجمع فلوس واستلف فلوس وحط فلوسه كلها واشترى من فلسطين دقيق رجع به على مكة - 00:06:55ضَ

عجنوا وخبزوا وهشم الثريد. يعني فتة العيش وعمل فريد اكل الحجاج كلهم. فسمي هاشم لانه هشم الثريد للحجيج شاعر معروف اسمه ابن ابن الزبعري. ده اسلم بعد فتح مكة عمل آآ - 00:07:16ضَ

عمل شعر في هاشم هذا وقال عمرو الذي هشم الثريد لقومه. قوم بمكة مسنتين عجافي. مسنتين يعني اصابتهم سنة سنة يعني مجاعة عجاف يعني عندهم هزال سنت اليه الرحلتان كلاهما سفر الشتاء ورحلة الاصياف. ده ابو جد النبي. سمي هاشم ان هو اللي اطعم الحجاج - 00:07:38ضَ

من كل انحاء العالم وقت المجاعة. وما كانش غني زي ما الناس فاهمة كان عنده رأي كان عنده حكمة يقدر يدبر الفلوس من هنا ومن هنا يستلف ويرجع ويعمل حتى ان هو لما مات على فكرة ساعتها بقى عنده تجارة مع غزة فسميت غزة هاشم وبالمناسبة مات هناك وهو - 00:08:08ضَ

في غزة لم يمت في مكة التاريخ ده مهم علشان تفهم كيف كان يفكر الناس بدل ما تظلم سيدنا ابراهيم فلما ابراهيم عليه الصلاة والسلام يطلب الامام لذريته وهو بيطلب شرف خدمة الناس وخدمة هداية الناس - 00:08:32ضَ

مشكلتنا ان احنا فاكرين ان الناس وقتها كانوا بيفكروا زينا. احنا مشوهين احنا مشوهين مش حقيقي. الناس وقتها كانوا حاجة تانية خالص. طيب اقرا معي الاية مية خمسة وعشرين واذ جعلنا البيت مثابة للناس وامنا - 00:08:55ضَ

واتخذوا من مقام ابراهيم مصلى. وعهدنا الى ابراهيم واسماعيل ان طهرا بيتي ان طهرا بيتي للطائفين والعاكفين والركع السجود شرحناه امبارح. مش هنضيع وقت فيها تاني بقى خلاص. اقرا معي الاية مية ستة وعشرين ومن هنا بنبدأ تدبر ايات حلقة الليلة - 00:09:17ضَ

واذ قال ابراهيم رب اجعل هذا بلدا امنا وارزق اهله من الثمرات من امن منهم بالله واليوم الاخر قال ومن كفر فامتعه قليلا ثم اضطره الى عذاب النار وبئس المصير. طيب - 00:09:47ضَ

واذ قال واذ يعني واذكر افتكر او احكي الاتنين بمعنى واذكر واذ قال ابراهيم اذكر لما ابراهيم دعا ربه ان البقعة الصحراوية التي لا زرع فيها ولا ماء دي تصبح بلد مأهول بالسكان - 00:10:08ضَ

ويبارك له في الرزق في سورة ابراهيم ربنا قال ربنا اني اسكنت من ذريتي بواد غير ذي زرع واد غير ذي زرع منطقة صحراوية لا زرع فيها ولا ماء ومع زلك - 00:10:37ضَ

بيدعو الله انها تبقى بلد امن مأهول بالسكان له اهل. اهله. ويرزقوا من الثمرات. ايه ده يعني يعني الواحد مش شايفين دي حاجة غريبة شوية! يعني يعني انت دخلت رحت لقيت منطقة صحراوية جرداء - 00:11:02ضَ

بتدعوا ربنا انها تبقى بلد يعني يعني فيها شيء كده احنا ممكن نحس ان في شيء من عدم الواقعية لأ ده ده منتهى الواقعية ليه ؟ لانه عارف هو بيدعو مين - 00:11:24ضَ

انت تدعو عظيما تدعو عظيما تدعو عظيما فادعو عظيما. يعني ايه؟ يعني اطلب شيء عزيم انت بتطلب من ربنا العزيم مالك السموات والارض ما تدعوش حاجة بسيطة. ادع باكبر حاجة. حط ثقتك في الله. اما المسل في - 00:11:38ضَ

بيقول يعني خلي حدود طموحاتك السما ده سيدنا ابراهيم كان ساعتها مع مين مع اسماعيل خلي بالك يعني ايه اسماعيل شمع ايل العبري يعني سمع الله سيدنا اسماعيل هو استجابة دعاء ابراهيم عشرات السنوات بيدعو ان يبقى عنده ولد. فلما رزق سماه - 00:12:03ضَ

سمع الله شمع ايل وبعد كل ده مش عاوزه يدعو ربنا ان قطعة ارض صحراوية تصبح بلد مبارك مأهول بالسكان. اهو ربنا سمع تاني دعاؤه واصبحت مكة مكة المكرمة هي استجابة دعاء ابراهيم - 00:12:33ضَ

يبقى اسماعيل استجابة دعاء ابراهيم مكة هي استجابة دعاء ابراهيم ولسه هتشوفوا مين كمان استجابة دعاء ابراهيم واذ قال ابراهيم رب اجعل هذا بلدا امنا وارزق اهله من الثمرات وراح محدد - 00:12:55ضَ

من امن منهم بالله واليوم الاخر. يعني انا بادعو للمؤمنين انت لو عاوز تدعو لكافر بجد ويهمك امره ادعي له بالايمان لكن مين عارف انت لو دعيت للكافر انه يرزق مال ممكن يحارب به الاسلام او يستخدمه في الفساد او في المعاصي. لزلك لما دعا الله بامور مادية - 00:13:18ضَ

حدد انه يقصد ايه؟ من امن منهم بالله واليوم الاخر ملوك سيدنا ابراهيم ده مدرسة مدرسة ربنا فرض علينا فرض اننا نتذكره هو واهله وندعوا لهم كل يوم خمس مرات على الاقل - 00:13:42ضَ

ايه ده فين امتى ده ؟ في التشهد الاخير في كل صلاة الصلاة الابراهيمية اللهم صل على محمد وعلى ال محمد كما صليت على ابراهيم وعلى ال ابراهيم. وبارك على محمد وعلى ال محمد كما باركت على ابراهيم وعلى ال ابراهيم - 00:14:01ضَ

كمل الاية قال ومن كفر فامتعه قليلا ثم اضطره الى عذاب النار وبئس المصير. ربنا قال والكافر هيكون معه فلوس برضو. فامتعه قليلا ربنا هيرزقه لكن ده مش دليل رضا الله عنه. لا - 00:14:18ضَ

وبعد كده فامتعه قليلا خلينا يعني في الدنيا بس واحد يقول لك ايه لأ قليلا ازاي ده انا اعرف واحد كافر معاملات وعاش ميت سنة. ده برضو قليل. ايه يعني - 00:14:38ضَ

اي متعة في الدنيا مقارنة بنعيم الاخرة يبقى متاع قليل زائل في الاخر الكافر اللي انت تعرفه ده فين دلوقتي شكله ايه في قبره دلوقتي اجمل آآ يعني مسلا امرأة في الدنيا مسلا. اللي كانت قالبة الدنيا مش عارف مارلين مونرو النهاردة تخيل شكلها في ابرهة عامل ازاي - 00:14:52ضَ

تخيلها دلوقتي عاملة ازاي دنيا كل ما فيها مال جمال كل ده متاع قليل ده مش دليل رضا ربنا عن الانسان. خالص طيب بس احنا عندنا مشكلة بقى في كلمة ثم اضطره الى عذاب النار. وبئس المصير. يعني ايه ربنا يضطر الانسان الى العزاب؟ هو مش ربنا - 00:15:20ضَ

آآ يكره الانسان وبيتركه يختار بعد ما الانسان بمتع الدنيا عليه انه يشكرها. يشكرها بالايمان بالله وشكر النعمة فالانسان مخير صحيح. وربنا لا يكره احد على الكفر مخير بين الشكر والكفر - 00:15:50ضَ

لو استمر على الكفر ما قداموش غير النار فيعني ايه اضطره الى عذاب النار؟ ربنا لم يجبر احد لم يكره احد على الكفر. ولكن لو كفر ما فيش خيارات يوم القيامة. يعني يوم القيامة مش هيتقالوا مسلا ايه طيب انت دلوقتي تعتبر كافر فانت قدامك اختيارين. تحب تدخل الجنة ولا اسف مسلا تحب تدخل النار ولا تدخل مسلا - 00:16:16ضَ

السينما! ما فيش سينما! هي النار اضطرار هنا بقى في الاخرة هيبقى مضطر ما قداموش غير النار. ليه؟ لانه ترك الاختيار في الدنيا الصحيحة الاضطرار ده في الاخرة. ثم اضطره الى عذاب النار وبئس المصير. ده في الاخرة - 00:16:40ضَ

ما فيش اسوء من كده نصيب طبعا اقرأ بقى معي من مية سبعة وعشرين لمية تسعة وعشرين واذ يرفع ابراهيم القواعد من البيت واسماعيل ربنا تقبل منا انك انت السميع العليم - 00:16:57ضَ

ربنا واجعلنا مسلمين لك ومن ذريتنا امة مسلمة لك وارنا مناسكنا وتب علينا. انك انت التواب الرحيم ربنا وابعث فيهم رسولا منهم يتلو عليهم اياتك ويعلمهم الكتاب والحكمة ويعلمهم الكتاب والحكمة ويزكيهم انك انت العزيز الحكيم. طيب تعال - 00:17:20ضَ

نشوف مية سبعة وعشرين واذ يرفع ابراهيم القواعد من البيت واسماعيل ربنا تقبل منا انك انت السميع العليم يعني واذكر زي الاية اللي فاتت برضه اهو الاية اللي فاتت ايه؟ واذ قال ابراهيم رب اجعل هذا بلدا امنا. واذ قال ماشية صح اهي صيغة الماضي - 00:18:02ضَ

هو سيدنا ابراهيم ده كان من آآ من آآ تلات تلاف سنة تقريبا بينه وبين نزول الاية دي حوالي تلات تلاف سنة فلازم يبقى بالماضي طبعا هو اذ قال ابراهيم - 00:18:29ضَ

لكن في الاية دي مضارع والمضارع بييجي للحال يعني الوقت الحالي والاستقبال يعني الايه؟ المستقبل. فيوتشرتانز لكن المضارع يستخدم للماضي واذ يرفع ابراهيم القواعد من البيت واسماعيل الفعل المضارع هنا في مشهد فيه حركة وبناء بيجعلك تستحضر المشهد والعمل الدؤوب اللي - 00:18:42ضَ

اتنين رجالة لوحدهم عملوه فلما ربنا يقول لك واذ رفع ابراهيم خلاص هتتخيل الكعبة كاملة لكن بيقول لك واذ يرفع ابراهيم القواعد من البيت واسماعيل. انت شايفه هو وابنه وبيهدي له وبيناوله وبيطلع فوق حاجة وبيحط تاني وبيحط فوق حجر - 00:19:19ضَ

فوق حجره بيلف من الناحية التانية فبتشوف بتستحضر المشهد وتستحضر العمل الدؤوب اللي بيعملوه هم الاتنين كمل الاية واذ يرفع ابراهيم القواعد من البيت واسماعيل ربنا تقبل منا انك انت السميع العليم - 00:19:37ضَ

ايه الجملة دي؟ ربنا تقبل منا انك انت ده دعاء واضح اهو. طب بس ما فيش قالوا ربنا تقبل منا ما فيش يقولون يا رب ما فيش ربنا تقبل منا انك انت السميع العليم. ما قالش وهم يقولون كزا - 00:19:57ضَ

اقرأ كده بقى وحس بها من غير زي ما هي كده من غير يقولون خالص واذ يرفع ابراهيم القواعد من البيت واسماعيل ربنا تقبل منا انك انت السميع العليم ده كانوا بيبنوا بها مش بيدعوها بس. يعني ما كانتش مجرد دعوة على لسانهم ده قلبهم بينبض بالدعاء - 00:20:18ضَ

ان ربنا يقبل وهم شغالين لو ربنا قال قالوا كزا يبقى قالوها يبقى دعوا آآ ادع يا ابني قل امين ورايا وسيدنا ابراهيم يدعي لكن لا ده كان طول ما هم شغالين - 00:20:43ضَ

وبيبنوا قلبهم عمال يرددها ولسانهم بيرددها ربنا تقبل منا انك انت السميع العليم ما هو ممكن يعمل له المجهود ده كله وربنا ما يقبلش ما هو لو اتعمل عشان يقولوا عليهم متدينين - 00:20:57ضَ

عباقرة بص بنوا ايه اقوياء بصوا الاتنين عملوا ازاي ازا كانت يعني ازا كانت النية لغير الله لن يقبل العمل او لن يقبل كاملا لذلك كان في قلبهم وعلى لسانهم باستمرار وهم بيشتغلوا ربنا تقبل منا انك انت السميع العليم - 00:21:20ضَ

سميع لدعائنا عليم بنياتنا سميع لدعائنا عليم بما في قلوبنا وقلنا ده في دورة مفاتح التدبر. اللي برضو كتير من حضراتكم لسة ما شفهاش. ومأجلها ما اعرفش مأجلها لامتى وواخد الموضوع بالدراع التدبر مش بالدراع ما حدش هيتعلم التدبر بالقوة لازم نشوف مفاتح التدبر. من مفاتح التدبر انك تفكر في اختيار - 00:21:44ضَ

خيار الاسماء الحسنى التي تزيل بها الايات اللي بتيجي في اواخر الايات ربنا تقبل منا ما هو مش هيتقبل الا من المخلصين انك انت السميع العليم. ليه ما قالش انك انت الغفور الرحيم. طب ما هم اسمين حلوين برضو. انك انت الرحمن الرحيم. اسمين حلوين وجم في الفاتحة مرتين - 00:22:16ضَ

من المناسب السميع لدعائنا العليم بنيتنا. هم بيدعوا ربنا معي مية تمانية وعشرين ربنا واجعلنا مسلمين لك ومن ذريتنا امة مسلمة لك وارنا مناسكنا وتب علينا انك انت التواب الرحيم - 00:22:39ضَ

سيدنا ابراهيم وسيدنا اسماعيل بيدعوا ربنا على دينه ويبقوا مسلمين ربنا واجعلنا مسلمين تخيلوا بقى سيدنا ابراهيم ابو الانبياء. وسيدنا اسماعيل ابنه من اعزم الرسل وبيدعوا ربنا انهم يبقوا مسلمين - 00:23:07ضَ

ايه ده! عمره فيكم حد دعا ربنا يبقى مسلم ده احنا مسلمين ونص ولا قلقانين من الناحية دي خالص ده احنا متدينين اوي انا باعمل عمرة كل سنة. ده انا باصلي في المسجد مش عارف قد ايه - 00:23:34ضَ

ده انا بكتب بوستات دينية على الفيسبوك والناس بتشير هو في حد مسلم اكتر مني احنا شعب متدين بطبعه بص سيدنا ابراهيم وسيدنا اسماعيل بيدعوا ربنا يبقوا مسلمين. ربنا واجعلنا مسلمين لك - 00:23:49ضَ

سيدنا يوسف بعد ما نجح في كل الابتلاءات اللي مر فيها ودعا ربنا في الاخر قال ايه ربي قد اتيتني من الملك وعلمتني من تأويل الاحاديث. فاطر السماوات والارض انت ولي - 00:24:06ضَ

اي في الدنيا والاخرة توفني مسلما والحقني بالصالحين شوفتوا المصيبة اللي احنا فيها واخدين نعمة الاسلام دي فورجرانتد ده خلاص ده شيء ذاتي. ده جزء حاجة اساسية في هنستمر مسلمين لاننا - 00:24:25ضَ

شاطرين بشطارتنا وبقوتنا وبحلاوتنا وبزكائنا وبحكمتنا لا دي نعمة من نعم ربنا. لازم تحافز عليها احسن وتطلب من ربنا يحافز على نعمة الاسلام احسن تزول ابراهيم واسماعيل بيدعوا ربنا. ربنا واجعلنا مسلمين لك ومن ذريتنا امة - 00:24:45ضَ

عرفنا بقى قيمة هذا الدعاء الان ونحن نرى ذرية المسلمين تتفلت من الدين. وانتشار الالحاد في الغرب وفي الشرق هم بيدعوا لذريتهم يبقوا امة مسلمة وارنا مناسكنا يعني ورينا طرق نعبدك بها. انتم بتفتحوا نفسكم تفاتيح ليه؟ ما خلاص لو قال لكم صلوا وابقوا صلوا ما قالكوش خلاص لأ. ده هم بيطلبوا طرق - 00:25:11ضَ

العبادة انهم عارفين فايدتها. عايزين يتواصلوا اكتر ورينا ازاي نعبدك. ارنا مناسكنا. لان ايوة العقل يكفي اني اصل به لوجود الله. بعض صفات الله. لكن بس كده ما العقل ما يجيبش اكتر من كده محتاج بقى تواصل معي وربنا ينزل لي وحي ويوريني باقي تفاصيل الدين - 00:25:46ضَ

طرق العبادة الحلال والحرام باقي صفات الله واسماؤه وارنا مناسكنا ورينا ازاي نعبدك عشان نعبدك بطريقة صحيحة ترضى عنها يا رب في ناس يقولوا لأ انا مش بصلي لكن انا عارف ربنا كويس وعلاقتي بربنا قوية جدا. والله انا اتناقشت معها كده. يقول لي بص انا ما باصليش - 00:26:10ضَ

مراته جايباه لي عشان خاطر ايه هو ما بيصليش هو انا ينفع كده اكون متجوزاه المهم يعني ايه بص انا علاقتي بربنا قوية جدا طيب مش مفروض العلاقة به قوية تعبده؟ قال لي باعبده. مين قال لك ما باعبدوش؟ انا باعبده بس بطريقتي - 00:26:33ضَ

ما فيش حاجة اسمها كده انت لما تقول لي انا عاوز اتصل بك واقول لك اتفضل خد رقمي اهو صفر سبعة تسعة تلاتة اربعة خمسة اربعة اربعة. اه ادي لك رقمي تكلمني - 00:26:48ضَ

ما حدش جرب يطلب الرقم ده مش مش انا. المهم آآ ادي لك رقمين عشان تكلمني. هل ينفع تقول لي لأ لأ لأ مش محتاج اخد رقمك انا هكلمك على رقم من عندي - 00:27:00ضَ

طب وريني شطارتك ما ينفعش هتتصل بي يبقى انا ادي لك الرقم اللي تكلمني عليه عاوز تتواصل مع ربنا اتفضل اطلب. اتنين اربعة اربعة تلاتة اربعة كل يوم. اتنين الصبح اربعة الضهر اربعة العصر. آآ آآ تلاتة المغرب - 00:27:13ضَ

المغرب اربعة على العشاء. اي رقم غير كده ربنا مش هيرد عليك انت بتطلب رقم غلط اصلا وارنا مناسكنا ورينا يا رب ازاي نعبدك نعبدك ازاي بطريقة صحيحة وتب علينا - 00:27:32ضَ

الواحد بصراحة هيتجنن. يعني بعد كل ده ابراهيم واسماعيل بيتوبوا الى الله. طب بيتوبوا من ايه بيتوبوا من ايه بس؟ نفسي افهم الممسل اللي كانوا بيتوبوا طب شوفوا الرسول عليه الصلاة والسلام كان بيتوب كم مرة - 00:27:50ضَ

قال رسول الله صلى الله عليه وسلم يا ايها الناس توبوا الى الله فاني اتوب اليه في اليوم مائة مرة سيدنا محمد معقول بيتوب طب بيتوب من ايه؟ هو مش الانبياء معصومين من الخطأ - 00:28:04ضَ

ركز بقى معي في الحتة دي شوفوا يا جماعة كل واحد فينا عنده تلات سجلات سجل للذنوب سجل للاعمال الصالحة ودول امرهم سهل على فكرة جدا. الاعمال الصالحة ربنا بيضاعفها على الاقل كل عمل بيتضرب في عشرة وفيه اللي - 00:28:20ضَ

الله يضاعف لمن يشاء. والذنوب ربنا بيغفرها اذا اتبعتها بعمل صالح. سيدنا محمد عليه الصلاة والسلام قال اتبع السيئة الحسنة تمحوها. وبنستغفر فربنا فالمشكلة مش في السجلين دول المشكلة في السجل التالت - 00:28:41ضَ

طبعا المشكلة مش في السجلين دول بالنسبة للناس الطبيعية. لكن النبي قال ويل لمن غلبت احاده آآ عشراته ربنا بيضاعف اه اه العمل الصالح بيضرب في عشرة على الاقل. والعمل السيء او السيئة بواحدة. فويل لمن غلبت احاده عشراته - 00:28:58ضَ

يعني ربنا عمال يضاعف وبرضو الاحاد اكتر. دي قصة تانية ان شاء الله ما نكونش منهم لكن احنا في خطر لو السجل التالت بقى اتفتح لو اتفتح احنا كلنا رحنا في داهية - 00:29:21ضَ

والسجل ايه سجل النعم كل نعمة لازم تشكرها طيب امسك نعمة النزر تعبد ربنا قد ايه كل يوم عشان تشكره على نعمة النزر نقترح كده علي يعني نعبد ربنا قد ايه عشان نعمة النزر - 00:29:34ضَ

تستاهل قد ايه عبادة ساعة ولا نزودها شوية. دي النزر يا جماعة ساعتين تلاتة طب خليها ساعتين تخليها ساعتين ونص ماشي طب نعمة قلبك اللي بيدق بقى له تلاتين او اربعين او خمسين او ستين او سبعين او تمانين سمد قلبك بيدق بعد خمس اسابيع وانت في بطن امك - 00:29:55ضَ

قلبك بيدق مش بعمل اتولد وبيدق لغاية ما تموت. اللي بيعيش حوالي تمانين سنة قلبه بيدق حوالي اتنين مليار دقة ده التقريب يعني حسبوها كده الاطباء لو وقف هتموت ازا ان قلبك ما يقفش ده شيء مهم جدا - 00:30:18ضَ

عشان حياتك شيء حياة وموت. طيب اخر مرة انت فكرت في الموضوع ده وقلقت عليه كان من قد ايه انت ممكن تكون ما بتفكرش في ده خالص طب مين شايل عنك هم الموضوع ده - 00:30:41ضَ

طب نعبد ربنا قد ايه كل يوم شكرا على نعمة القلب اللي بيدق بها الانقطاع ده تلات ساعات ساعتين ونص زي النزر اكتر اقل طب ونعمة عيالك نشكر ربنا عليها قد ايه ؟ طب ونعمة اموالك - 00:30:57ضَ

نعمه كلها اللي مغرقاك. هتشكر ربنا عليها ازاي ؟ ما حدش يقدر يشكر ربنا كفاية ولا النبي نفسه. عليه الصلاة والسلام عشان كده قال لا يدخل احدكم الجنة بعمله. ما فيش عمل هيكفي - 00:31:13ضَ

قالوا ولا انت يا رسول الله؟ قال ولا انا الا ان يتغمدني الله برحمته ده كله كان حاضر في زهن سيدنا ابراهيم واسماعيل. وهم بيدعوا ربنا ربنا واجعلنا مسلمين لك ومن ذريتنا - 00:31:31ضَ

يا امة مسلمة لك وارنا مناسكنا وتب علينا انك انت التواب الرحيم بكرة ان شاء الله هنتدبر بقية دعاؤهم بس نقراها دلوقتي اللي هي الاية مية تسعة وعشرين ربنا وابعث فيهم رسولا منهم يتلو عليهم اياتك ويعلمهم الكتاب والحكمة - 00:31:48ضَ

ويزكيهم انك انت العزيز الحكيم. تدبروا يا جماعة الاية دي النهارده كده احنا قلنا مكة استجابة لدعاء سيدنا ابراهيم. واسماعيل استجابة لدعاء سيدنا ابراهيم. وسيدنا محمد استجابة لدعاء سيدنا ابراهيم - 00:32:12ضَ

ابراهيم واسماعيل هم اللي دعوا ان ربنا يبعث في اهل هذه البلد اللي لسة ما كتش موجودة مكة رسولا منهم يتلو عليهم اياته ويعلمهم الكتاب والحكمة ويزكيه ونتوقف هنا الليلة - 00:32:30ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما رويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على - 00:32:48ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا - 00:33:08ضَ

ونرضيك بكل اجسادنا. اللهم اجعل حبنا كله لك. وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:33:30ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم. ونجعلك - 00:33:59ضَ

اللهم في نحورهم فانت الوكيل ولا حول ولا قوة الا بك. اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. وكن مع اخواننا في تركستان الشرقية وفي كشميرا وفي سريلانكا وفي الهند. وفي الشام - 00:34:19ضَ

اللهم انصر من نصرهم واخذل من خذلهم وطهر المسجد الاقصى من الدنس فانهم لا يعجزونك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت - 00:34:39ضَ

دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها املأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك وقامتها يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله - 00:34:59ضَ

وصحبه ومن اتبع هداه. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل - 00:35:29ضَ