باحث

السلام عليكم ورحمة الله وبركاته. اهلا بحضراتكم في المقطع رقم سبعمية واربعتاشر من مقاطع حظر التجول والحلقة الخامسة والاربعون من حلقات تدبر سورة البقرة ارجو من حضراتكم تجيبوا المصاحف. قلنا امبارح ان الاية الكريمة رقم مية سبعة وتلاتين في سورة البقرة - 00:00:01ضَ

كانت بتلمح ان في صراع عسكري جاي في الافق اعوذ بالله السميع العليم من الشيطان الرجيم. اقرا معي مية سبعة وتلاتين. فان امنوا بمثل ما امنتم به فقد اهتدوا وان - 00:00:29ضَ

ولو فإنما هم في شقاق فسيكفيكهم الله وهو السميع العليم. ربنا بيتكلم عن يهود المدينة وبيقول له لو امنوا خير. ما امنوش يبقى هم اختاروا طريق العداء معك ازا واضح ان هيكون فيه صراع عسكري هيبقى فيه شهداء في الطريق هيبقى فيه فترات من المعاناة حصار اقتصادي حصار عسكري شعور بالجوع انعدام - 00:00:46ضَ

الامن. ازا ربنا هيجهز النبي والصحابة نفسيا للامر ده وخلي بالك انه الكلام ده بينزل على النبي والصحابة وهم لسة واصلين المدينة. دي اول سورة تنزل في المدينة الناس لسة واصلين فاكرين هم نفسهم بقى هيريحوا بقى من الاضطهاد اللي كان في مكة فوجئوا ان الموضوع الصراع اتنقل الى المدينة - 00:01:14ضَ

ما فيش فايدة اهل الباطل مش هيرضوا ابدا يسيبوا اهل الحق في حالهم وخلي بالك ان اخطر لحزات مرت على المسلمين في المدينة كانت حصار الاحزاب لما الاحزاب القبائل جت من كل آآ اتجاهات - 00:01:38ضَ

آآ وحسرة المدينة بهدف استئصال شأفة الاسلام وده كان بتقليب من يهود بني النضير. اللي رحلوا من المدينة الى خيبر قبلها بسنة بعد فشل محاولتهم في اغتيال النبي عليه الصلاة والسلام. طيب - 00:01:55ضَ

اقرأ بقى معي من الاية مية اربعة وخمسين للاية مية سبعة وخمسين. وده هو الايات اللي هنتدبرها الليلة. اقرا معي ولا تقولوا لمن يقتل في سبيل الله اموات بل احياء ولكن لا تشعرون - 00:02:12ضَ

ولنبلونكم بشيء من الخوف والجوع ونقص من الاموال والانفس والثمرات وبشر الصابرين الذين اذا اصابتهم مصيبة قالوا قالوا انا لله وانا اليه راجعون اولئك عليهم صلوات من ربهم ورحمة واولئك هم المهتدون - 00:02:38ضَ

حلو اوي في الحرب في جنود بتقتل في سبيل الله طيب الانسان اللي بيقاتل بشجاعة وبيضحي بحياته ده. بيعمل كده لانه بيكره الحياة وده السؤال اللي قلته لكم امبارح فكروا فيه - 00:03:19ضَ

ولا لانه بيحب الحياة؟ لو بيحب الحياة هيضحي بحياته؟ ايه رأيكم بقى ان الشهداء اللي بيقاتلوا في سبيل الله دول بيحبوا الحياة وبيضحوا بحياتهم لانهم بيحبوا الحياة لكنهم فضلوا انهم يضحوا بحياتهم هم حتى تستمر حياة الاخرين - 00:03:40ضَ

مش بس عشان تستمر حياة الاخرين عشان يحسن من الكواليتي بتاعة حياة الاخرين بيضحي بحياته وهو بيدافع عن المزلومين عشان المزلومين ما يفضلوش عايشين مزلومين. عشان مستوى حياة المزلومين يتحسن ويعيشوا - 00:04:06ضَ

حياة اكرم حياة افضل يعيشوا حياة بكرامة يعيشوا احرار مش مستعبدين يعيشوا في عدل مش مزلومين لزلك عشان كده الشهداء لن يحاسبوا يوم القيامة. الشهداء دول بيجوا يوم القيامة كده في اي بيز - 00:04:23ضَ

هم والانبياء دول يعني في اي بي كلمة شهداء يعني ايه يعني شهود الشاهد بيدخل المحكمة مش خايف المتهم بيدخل المحكمة خايف. ما هو هيتحكم عليه بسجن يتحكم عليه باعدام يتحكم عليه بغرامة هيتحكم عليه حاجة - 00:04:41ضَ

او بالبراءة يعني لكن بيبقى خايف الشاهد بيدخل يشاهد ويشهد بما رأى ويمشي يروح يتغدى في مطعم كباب امن تماما لانه مش متهم. مش داخل يتحاسب ده معنى كلمة شهداء - 00:04:59ضَ

جايين يوم من الايام القيامة في اي بي الرسول عليه الصلاة والسلام وصف الشهداء وقال من قتل دون ما له فهو شهيد. ومن قتل دون دمه فهو شهيد ومن قتل دون دينه فهو شهيد. ومن قتل دون عرضه فهو شهيد. يعني واحد قتل وهو بيقاوم - 00:05:17ضَ

الناس بتسرقه هو شهيد وهو يقاوم ناس بتقاتله. يبقى شهيد او مات وهو يقاوم اعداء الدين الذين يعادونه لدينه فهو شهيد او مات وهو يدافع عن اسرته وعائلته فهو شهيد - 00:05:42ضَ

سؤال لو واحد بيتسرق ووقف يدافع عن ماله شهيد ليه هو لو كان ممكن يسيبهم يسرقوه ويديهم حتى الفلوس ويقول لهم مع السلامة امشوا في داهية الفلوس. مش عايز الفلوس - 00:06:01ضَ

مش ده احسن مش مش الافضل الانسان يختار كده عشان ولاده واسرته محتاجينه. لأ آآ انا مش هاقول بقى انا انا ما ليش دعوة بالاختيارات. كل واحد حر في اختياراته. لكن - 00:06:14ضَ

اللي بيختار انه يقاوم الزلم ويقاوم الحرامية هو بيعمل كده عشان يوقف السرقة بعد كده عشان لو نجح في منع شرهم عن الاخرين اخرين هيستفيدوا مع ان هو بيعرض نفسه للخطر - 00:06:25ضَ

فلو قتل فهو في الحقيقة حياته انتهت من اجل حياة الاخرين مش عشان نفسه هو ربنا بيقول نرجع للاية تاني. ولا تقولوا لمن يقتل في سبيل الله اموات. بل احياء ولكن لا تشعرون. طول عمر - 00:06:41ضَ

عمرنا بنقرأ الاية دي بدون تركيز وفاكرين نفسنا فاهمينها كويس قوي انا شخصيا كنت فاكر نفسي فاهمها كويس اوي بس هي طلعت اعمق بكثير جدا مما كنت اتصور ولا تقولوا لمن يقتل في سبيل الله اموات. ما تقولوش عن اللي بيقتلوه في سبيل الله ان هم ميتين. بل احياء ولكن لا - 00:07:00ضَ

تشعرون لانهم احياء بس انتم مش حاسين ده معناها طيب ما هو الشهيد جسده عندنا في الدنيا ميت ولا مش ميت الجسد ده ده مش ميت ده ممكن يكون متقطع حتت كمان - 00:07:26ضَ

بالتأكيد اللي مقصود مش جسده هو اللي حي امال ايه الروح يبقى مقصود ان الروح حية؟ اه طب هو فيه روح بتموت ؟ الروح بتتوفى بتصعد عند بارئها هو حد سمع عن روح ماتت - 00:07:40ضَ

طب ايه الفرق بقى اللي يفرق الشهيد عن اي ميت اخر عشان نفهم دي لازم نفهم تلات ايات تانيين بيتكلموا عن الشهداء في ال عمران ما انت لازم عشان تفهم - 00:08:03ضَ

موضوع معين لازم تجمع كل ما ورد في هذا الموضوع وتقراه عشان تكون صورة صحيحة في سورة ال عمران ربنا سبحانه وتعالى قال في الاية مية تسعة وستين ولا تحسبن الذين قتلوا في سبيل الله امواتا. بل احياء بل احياء - 00:08:20ضَ

عند ربهم يرزقون دول احياء وبياكلوا كمان. يرزقون بياكلوا وبيشربوا فرحين بما اتاهم الله من فضله ويستبشرون بالذين لم يلحقوا بهم من خلفهم الا خوف عليهم ولا هم يحزنون يستبشرون بنعمة من الله وفضل وان الله لا يضيع اجر المؤمنين. الميت روحه بتطلع - 00:08:44ضَ

الميت الطبيعي وبتظل الروح في مرحلة اسمها البرزخ الى ان تقوم الساعة ويبعث الاموات وتعود الارواح الى الاجساد الارضية ويحاسبوا الناس كلها ويدخل من يدخل الجنة ويدخل من يدخل النار. لكن في ايات ال عمران دية - 00:09:15ضَ

يتضح ان ارواح الشهداء لا تنتظر البعث في برزخ ولا غيره عشان تفرح لا لا لا هم فورا فرحانين وفورا في الجنة اي ان الشهداء لهم قانون مختلف في الموت - 00:09:39ضَ

غير قانون الاموات العاديين اديكم مثال الاحياء نوعين نوع صاحي ونوع نايم صح؟ طيب النوع الصاحي المستيقظ ده بيسوق سيارته قاعد في الشغل بيتفرج على فيديو آآ والنوع التاني نايم في سريره - 00:09:56ضَ

اتشخر صح الاتنين احياء ولا لأ ؟ اتنين احياء لكن النوع المستيقظ اللي صاحي ده بيشوف ايه بيشوف بحاسة النظر بعينيه ناس وشمس وقمر وسحاب والوان واشكال وبيسمع بحاسة السمع اصوات جميلة واصوات قبيحة - 00:10:17ضَ

وبيلمس بايديه فبيشعر بالخشن والناعم والسخن والساقع حواس خمسة. طب والنايم النايم بيشوف ولا لأ بيشوف في الاحلام والرؤى بيشوف ناس وشمس وقمر واصحاب والوان واشكال زي بالزبط اللي بيشوفهم الصاحي - 00:10:42ضَ

زي اللي بيشوفهم المستيقظ بس النايم عينيه مقفولة فما بيشوفش بحاسة النظر يبقى عنده قانون مختلف للرؤية في الحياة. لانه نايم يا رب حاسة مش بحاسة النظر. بيسمع ولا لأ ؟ بيسمع اصوات جميلة واصوات قبيحة ويشوف مراته قالت له ايه ؟ وولاده قالوا له ايه - 00:11:04ضَ

يبقى بيسمع بس مش بحاسة السمع ده لو فيه صوت جنبه هيصحى من النوم اصلا خلي بالك فبيشوف بس مش بحاسة النزر. وبيسمع بس مش بحاسة السمع. وبيشعر بايده بسخونية وببرودة - 00:11:28ضَ

وبيشعر بالناعم والخشن بس مش بايده مش باللمس بيشعر ازا الاحياء عندنا في الانسان في الحياة عنده قانونين للشعور باللذة او بالضيق وبالعذاب ماشي؟ قانون للمستيقظين اللي صاحيين وقانون اللي نايمين - 00:11:45ضَ

كزلك في الاموات الشهداء لهم حياة روح مختلفة بقانون مختلف عن باقي الاموات ولا تقولوا لمن يقتل في سبيل الله اموات بل احياء ولكن لا تشعرون هم عايشين حياة روح مختلفة عن الاموات العادية - 00:12:06ضَ

اقرا بقى معي مية خمسة وخمسين ومية ستة وخمسين ولنبلونكم بشيء من الخوف والجوع ونقص من الاموال والانفس والثمرات وبشر الصابرين وبشر الصابرين الذين اذا اصابتهم مصيبة قالوا انا لله وانا اليه راجعون - 00:12:30ضَ

ربنا بيخاطب المسلمين وبيقول لهم انه سيبتليهم ولنبلونكم ده لام القسم هيبتليهم يعني هيختبرهم بشيء من الخوف. وده حصل فعلا المسلم في المدينة ايام الرسول عليه الصلاة والسلام. كان لما يشوف مجموعة عرب من قبائل خارق وهو خارج المدينة كان يخاف يقتلوه - 00:12:57ضَ

لان المسلمين صاروا منبوذين في الجزيرة العربية وتعددت حوادث القتل والاعتداء على المسلمين. فيهم حوادث ضخمة جدا مشهورة ضخمة زي مسلا حادث بئر معونة. قتل في سبعين صحابي قد عدد اللي قتلوا في غزوة احد - 00:13:27ضَ

سبعين صحابي اوبيدو كلهم. كان اسمهم القراء كانوا قوامين لليل. كانوا رايحين يعلموا بعض القبائل اللي ادعت الاسلام كذبا كانوا رايحين يعلموهم القرآن. علماء قرآن ابادوهم عشرة من كبار الصحابة قتلوا في نفس هذا الوقت في حادث اخر اسمه يوم الرجيع. غدر برضه ورايحين برضه يعلموا الناس القرآن - 00:13:49ضَ

فالمسلم كان بقى يخاف يمشي خارج المدينة حتى لو مجموعة من المسلمين سبعين ابيدوا ولنبلونكم بشيء من الخوف والجوع. معظم المهاجرين تركوا اموالهم في مكة ووصلوا المدينة على الحديدة بعضهم كان بايع الحديدة كمان خلاص كثير بقى من الانصار اللي هم نزلوا عندهم كانوا اصلا فقراء برضه. يعني يا دوب الواحد منهم بيلاقي يطعم اهله - 00:14:17ضَ

كان بيوصل الحال احيانا ان الواحد يربط حجر على بطنه عشان يقلل الم الجوع ولنبلونكم بشيء من الخوف والجوع ونقص من الاموال والانفس والثمرات الفقر واللي معه فلوس كانت كل يوم بتقل - 00:14:48ضَ

وبينفقها على اسرته وعلى الفقراء اخوانه بقى جعانين فالانسان لما يشوف امواله كل يوم بتنقص اعصابه بتبوز. ونقص من الاموال. الاموال عمالة تنقص طب وبتتشد! طب وبعدين! كمان عشر تيام هناكل ايه! هوا - 00:15:18ضَ

لو الواحد بينفق بس فيه دخل جاي نتيجة استثمار اعصابها تستريح لكن حتى الاستثمار مش جايب همه الدخل اللي هو المكسب ده اسمه الثمرات. الثمرات يعني المكاسب اللي بتيجي نتيجة الاستثمار - 00:15:40ضَ

كلمة الثمرات مش بس مانجة وبرتقال وتفاح زي ما الناس فاهمة لأ احنا حتى في الترجمة بتاعة بريدجيز سميناها اي زيادة نتيجة نشاط اسمها ثمرات. نشاط زراعي نشاط صناعي نشاط تجاري نشاط اجتماعي - 00:15:59ضَ

ثمرات ولادك اللي هم ابناءك وبناتك دول ثمرات نشاطك الاجتماعي اللي هو الزواج مكاسب التجارة ثمرات نشاط اقتصادي. وهكزا. لذلك احنا زي ما بيقولوا كده ترجمناها في الترجمة برودكتس اللي هي الحاجات - 00:16:21ضَ

المنتجات. المهم الحالة دي لما تنظر لها كده تجدها ايه بص كده على المنزر ده ولنبلونكم بشيء من الخوف والجوع ونقص من الاموال والانفس والثمرات. دي حالة انهيار حالة انهيار في المجتمع. ما قامتش ثورة على الرسول صلى الله عليه وسلم ليه - 00:16:39ضَ

ما قدرش المنافقين واليهود يوقعوا بين النبي والصحابة ليه ازاي الصحابة قدروا ينجحوا في هذا الامتحان وهم شايفين انهيار مادي وانهيار عسكري مش عسكري انهيار في الخوف انهيار بيحصل ليه؟ عملوا ايه - 00:17:06ضَ

يرجع لمية تلاتة وخمسين ربنا قال لهم يا ايها الذين امنوا استعينوا بالصبر والصلاة ان الله مع الصابرين. ده ابتلاء استعينوا بالصبر وبالصلاة. مفتاح النجاة في اي ابتلاء الصبر والصلاة - 00:17:26ضَ

عشان كده ربنا قال ولنبلونكم بشيء من الخوف والجوع ونقص من الاموال والانفس والثمرات وبشر الصابرين الصابرين بقى دي حاجة تانية دول تديهم بقى اخبار حلوة بقى. بشرهم بقى بايه؟ وبشر الصابرين الذين اذا اصابتهم مصيبة قالوا انا لله - 00:17:46ضَ

وانا اليه راجعون الله خلي بالك من حاجة. وبشر الصابرين الذين اذا اصابتهم مصيبة قالوا انا لله وانا اليه راجعون. هو فيه صابرين تانيين غيرهم اه في ناس بتصبر لان عندها لا مبالاة - 00:18:10ضَ

مش ايمان زوجته تقول له ما فيش فلوس وهو قاعد بيتفرج على التليفزيون ما فيش اكل للعيال يقول لها ان الله مع الصابرين ويقلب في القنوات اللي قدامه يا بني ادم العيال جعانة - 00:18:29ضَ

انا ادخن انام عنده لا مبالاة. ما هو ده صابر على فكرة. ما هو ده صبر بس دي لا مبالاة. ده الصبر من نوع اللامبالاة ما بيفكرش يعمل شوية مجهود - 00:18:42ضَ

ما بيفكرش ينزل يدور على شغل او طريقة يأكل بها عياله الصابرين اللي ربنا يقصدهم مش دول وبشر الصابرين الذين اذا اصابتهم مصيبة قالوا انا لله وانا اليه راجعون. بشرهم - 00:18:52ضَ

الاخبار الحلوة ربكم راض عنكم هيدخلكم الجنة ليه ؟ لانكم صابرين الصبر الصح انا لله وانا اليه راجعون. احنا ملك لله يفعل في ملكه ما يشاء اقرار بملك الله اقرار بالموت اقرار بالبعث اقرار بالحساب. وانا اليه راجعون اقرار ان انا هموت. واقرار ان انا سابعث واقرار ان انا ساحاسب - 00:19:10ضَ

طيب واحنا بنتدبر الايات دي بقى سنجد ان هذه الابتلاءات كلها واردة في كل زمان الخوف وارد بالنسبة لناس كتير مننا انهم يتم الاعتداء عليهم بسبب اسلامهم. اسألوا المحجبات في الدول الغير اسلامية - 00:19:38ضَ

انا جا لي سؤال من بنت في مدينة من مدن بريطانيا من اربع تيام. عارفين الفيديو الانجليزي ده اللي كنت بتكلم فيه بنات اللي بتفكر تقلع الحجاب والكلام ده منهم بنت بعتت لي السؤال ده - 00:19:58ضَ

وموجود في في الفيديو بتاع الاسئلة انا ساكنة في مدينة من مدن بريطانيا مش لندن. لندن مدينة انترناشيونال قوي وفيها ناس كتير وفيها محجبات وفيها كل حاجة. الناس فيها حاسة بامان اكتر. لكن بعض المدن الانجليزية - 00:20:12ضَ

ما فيش فيها اجانب ما فيش فيها غير كلهم بيض كلهم شكل واحد. آآ فلو بنت محجبة ممكن تخاف تمشي في بعض الشوارع ازا ممكن يحصل ولنبلونكم بشيء من الخوف. بس تخاف. بناتنا النهاردة المسلمين في الهند ربنا يستر عليهم اصلا. شايفين كل درس بقعد ادعي المسلمين الهند - 00:20:26ضَ

وكشمير وسريلانكا لا تتخيلوا اللي بيحصل في البلاد دي حاليا كم التطرف والكراهية للمسلمين الخيال دلوقتي عشان تبقوا عارفين ربنا يستر يعني. انا انا شخصيا متوقع وربنا يا رب ما يجيب شر لكن ممكن جدا تحصل مذبحة في الهند - 00:20:52ضَ

اذا استمر الامر بالشكل ده كذلك الجوع ونقص من الاموال والانفس والثمرات. كل دي ابتلاءات واردة على الانسان وبشر الصابرين الذين اذا اصابتهم مصيبة قالوا انا لله وانا اليه راجعون - 00:21:12ضَ

اولئك عليهم صلوات من ربهم ورحمة واولئك هم المهتدون يعني ايه صلوات من ربهم حقيقة الصلاة في كلام العرب هي اقوال تنبأ محبة الخير لاحد لذلك اشهر معاني الصلاة هو الدعاء - 00:21:31ضَ

صليت من اجلك. يعني دعوت لك بالخير. اتمنى لك الخير. ودعوت لك بالخير صلوات الله يعني مغفرة الله. مغفرة الذنوب لما النبي عليه الصلاة والسلام آآ دعا لال آآ بيت قال اللهم صل على ال ابي اوفى - 00:21:55ضَ

يعني يا رب اغفر لهم. صلى الله عليه يعني غفر له اولئك عليهم صلوات من ربهم ورحمة يعني دول اللي ربنا هيغفر لهم ذنوبهم ويرحمهم. واولئك هم المهتدون. وهم دول المهتدين. اذا الانسان لو - 00:22:18ضَ

انه يعد من الصابرين عند الله فقد اهتدى. اللهم اجعلنا من المهتدين المتقين. ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة - 00:22:40ضَ

لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب اليه من اهالينا واموالنا ومن الماء البارد على الظمأ. اللهم حببنا اليك والى ملائكتك - 00:23:02ضَ

انبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين في حين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك - 00:23:22ضَ

اللهم اجعل القرآن الكريم ربيع قلوبنا ونور صدورنا وجلاء احزاننا وذهابه عمومنا وهمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق - 00:23:52ضَ

كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم. ونجعلك اللهم في نحورهم. فانت الوكيل ولا حول ولا - 00:24:26ضَ

قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان الشرقية وفي الهند وفي كشميرا وفي سريلانكا وفي الشام. وانصر كل من نصرهم واخذل كل من - 00:24:46ضَ

لهم مطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من - 00:25:08ضَ

علمائنا مريضا به او حاملا له فالبسه ثوب الصحة والعافية عاجلا غير اجل ومن لم يصب به فقه شره. وابعده عنه ولا تسلطه الا على اعدائك واعداء دينك اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعة - 00:25:23ضَ

وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك - 00:25:53ضَ

وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله وبركاته. وصل اللهم وسلم على سيدنا محمد وعلى اله وصحبه ومن وده ونراكم غدا باذن الله في نفس هذا الموعد ان كنا من اهل الدنيا - 00:26:13ضَ