باحث

السلام عليكم ورحمة الله وبركاته. اهلا بحضراتكم في المقطع رقم سبعمية ستة وعشرين من مقاطع حظر التجول والحلقة السابعة والخمسون من حلقات تدبر سورة البقرة ارجو من حضراتكم تجيبوا المصاحف وافتح معي - 00:00:02ضَ

الاية رقم مية ستة وتمانين هي دي موضوع اه تدبرنا الليلة اعوذ بالله السميع العليم من الشيطان الرجيم واذا سألك عبادي عني فاني قريب اجيب دعوة الداع اذا دعان فليستجيبوا لي وليؤمنوا بي لعلهم يرشدون - 00:00:28ضَ

الاية عن الدعاء واضحة اهي لما تبص على الايات اللي قبلها واللي بعدها تجدهم عن الصوم اقرا كده الاية مية خمسة وتمانين شهر رمضان الذي انزل فيه القرآن هدى للناس وبينات من الهدى والفرقان - 00:00:58ضَ

فمن شهد منكم الشهر فليصمه. ومن كان مريضا او على سفر فعدة من ايام يريد الله بكم اليسر ولا يريد بكم العسر. ولتكملوا العدة ولتكبروا الله على ما فداكم ولعلكم تشكرون - 00:01:21ضَ

عن رمضان عن الصيام طيب دي تدبرناها امبارح طيب آآ طيب والاية اللي بعدها اللي بعدها مية ستة وتمانين قريناها دلوقتي واذا سألك عبادي عني فاني قريب اجيب دعوة الداع اذا دعان فليستجيبوا لي وليؤمنوا بي - 00:01:44ضَ

لعلهم يرشدون. ما فيش فيها سيرة رمضان ولا الصيام الاية اللي بعدها بقى عن الصيام تاني احل لكم ليلة الصيام الرفث الى نسائكم هن لباس لكم وانتم لباس لهن. علم الله انكم كنتم - 00:02:04ضَ

تختانون انفسكم فتابع عليكم وعفا عنكم. ولن يتدبرها بكرة ان شاء الله لكن عن الصيام واحكام الصيام والممنوعات اللي في الصيام وتشعر ان الاية مية ستة وتمانين اللي عن الدعاء دي. وكأنها مقحمة داخل سياق بيتكلم عن احكام الصيام - 00:02:22ضَ

ده طبعا لو احنا بننظر نظرة سطحية انما احنا ناس بنتدبر بقى ما ينفعش ننظر للنزرة السطحية دي اقرأ كده معي الاية مية ستة وتمانين بعين متفحصة بتحاول تجد علاقة بين موضوع - 00:02:42ضَ

الاية وموضوع الصيام اقرا تاني كده مية ستة وتمانين بس بعين بقى ايه متفحصة واذا سألك عبادي عني فاني قريب اجيب دعوة الداعي اذا دعان فليستجيبوا لي وليؤمنوا بي لعلهم يرشدون - 00:03:03ضَ

ايه اهم خبر في الاية دي ؟ ان ربنا بيستجيب دعاء حاجة تانية اهم كمان ان الله قريب من عباده احنا مركزين مع الدعاء والاجابة وسايبين الاهم هو ان الله قريب - 00:03:27ضَ

هذا القرب جاء في سياق الصيام. هم. لان الانسان لما يمرض او يضعف او يجوع بيشعر بضعفه. وبيشعر بحاجته الى الله اما لما بيشعر بالشبع او بالقوة او بالصحة فبيشعر بالاستغناء - 00:03:50ضَ

اية اه في سورة العلق ربنا قال كلا ان الانسان ليطغى. ان رآه استغنى الانسان بيطغى لما يشوف نفسه مستغني ان رآه استغنى الشعور بالاستغناء عن الله بيطغي الانسان وبالتالي بيبعدوا عن الله. وبمفهوم المخالفة يعني العكس بقى صحيح. الشعور بالافتقار الى الله - 00:04:13ضَ

عكس الاستغناء الافتقار الشعور بالافتقار الى الله. يعني الاحتياج الى الله يقرب الانسان من الله وهذا الشعور يحدث بالصيام الصوم الواحد بيجي على الاخر كده وخلاص مش قادر. بيعرف قد ايه هو محتاج ربنا ومحتاج القوة اللي ربنا بيديها له. ومحتاج الرزق اللي ربنا بيديه له - 00:04:49ضَ

اقرأ بقى كده معي الاية مية ستة وتمانين واذا سألك عبادي عني فاني قريب. اجيب دعوة تدعي اذا دعان فليستجيبوا لي وليؤمنوا بي لعلهم يرشدون واذا سألك عبيدي ولا عبادي؟ - 00:05:15ضَ

عبادي الناس كلهم عبيد لربنا فيما اراده الله بهم يعني ايه؟ يعني قرض قدر انك تطلع راجل او تطلع امرأة تطلع ابيض او تطلع اسود تطلع هندي ولا تطلع عربي تطلع آآ آآ يعني - 00:05:39ضَ

ده ابوك ودي امك. حاجات انت ما اخترتهاش اتولد في مصر ولا في امريكا دي كلها اقدار ليس لك دخل فيها وبالتالي انت لا تحاسب عليها الحاجات دي احنا عبيد كلنا - 00:05:58ضَ

كل الناس اما التكليفات يعني اوامر ربنا ربنا امرنا بالايمان امرنا بالصلاة امرنا بالصيام امرنا بطاعة اوامره اجتناب نواهيه. الحاجات القاتية لأ اللي يقبل ويقبل على الله ويطيع الله يبقى عمل كده برغبته - 00:06:14ضَ

هو اصلا لا اكراه في الدين ما دام اطاع الله يبقى اطاعه بحب لا اكراه في الدين يبقى من يطع الله يجب يكون مطيع عن حب دول اسمهم عباد صاموا رمضان - 00:06:42ضَ

وفي العيد كبروا الله على ما هداهم. وشكروا الله على نعمة الهداية. ان وفقهم الى الصيام. مش دي اخر الاية اللي فاتت ولتكملوا العدة. ولتكبروا الله على ما هداكم. ولعلكم تشكرون. خلاص خلص العمل الصالح. عمل كبير - 00:07:00ضَ

صوم تلاتين يوم بعد العمل الصالح يجب ان الانسان يدعو الله يعلم الله سبحانه وتعالى ان الناس هتسأله فجه بعد الاية اللي بتتكلم عن اكمال عدة رمضان والتكبير كناية عن دخول العيد - 00:07:20ضَ

والفرحة بالصيام يعلم ان الناس ستسأل الله وبعد رمضان كمان الانسان بيكون مستوى ايمانه عالي ويعلم الانسان حديث النبي صلى الله عليه وسلم للصائم فرحتان حين يفطر فرحة حين يفطر وفرحة حين يلقى ربه - 00:07:41ضَ

حين يفطر يعني ايه؟ يعني وهو بيفطر عند المغرب كل يوم. ولما يفطر في في عيد الفطر بعد رمضان. هذه ايضا معناها فرحة حين يفطر يعني يفطر بعد رمضان كمان - 00:08:11ضَ

يبقى واذا سألك عبادي عني فاني قريب اجيب دعوة الداع اذا دعان عند الفطر. الانسان له دعوة مقبولة فليستجيبوا لي وليؤمنوا بي لعلهم يرشدون قلنا اجمل خبر في الاية ان الله قريب - 00:08:25ضَ

طيب الى اي درجة ربنا قريب الى اي درجة ربنا قريب صيغة سألك او يسألونك جت عدة مرات في القرآن مسلا بعد ايتين هنتدبر الاية مية تسعة وتمانين اللي بتقول يسألونك عن الاهلة - 00:08:43ضَ

قل هي مواقيت للناس والحج وفي الاية متين وسبعتاشر يسألونك عن الشهر الحرام قتال فيه قل قتال فيه كبير وخدنا قبل كده. يسألونك عن الخمر والميسر. قل فيهما اثم كبير ومنافع للناس واثمهما - 00:09:07ضَ

اكبر من نفعهما ويسألونك ماذا ينفقون. قل العفو هنا في الايام مية ستة وتمانين الصيغة اختلفت. ركز كده واذا سألك عبادي عني قل اني قريب. لأ ايه ده ما فيش كل - 00:09:32ضَ

ما فيش خل ازاي ودايما يسألونك قل سألك قل لا ما فيش قل ربنا هنا اجاب عباده بدون واسطة واذا سألك عبادي عني فاني قريب. ما قلوش قل فاني قريب. او فقل اني قريب. خالص - 00:09:50ضَ

فاني قريب واجاب فورا اجاب عباده بنفسه دون واسطة ما قالش قل يا محمد وان كان المبلغ للقرآن هو النبي صلى الله عليه وسلم لكن ربنا شال كل علشان نشعر بمدى القرب من الله. عشان دي الاية اللي بتتكلم عن القرب من الله - 00:10:11ضَ

روي عن كعب رضي الله عنه لما اقول كعب يبقى كعب الاحبار. سيدنا كعب الاحبار ده احد الصحابة اللي من اصل يهودي واسلم اه روى قال قال موسى عليه السلام - 00:10:35ضَ

يا ربي اقريب انت فاناجيك. القريب بيناجى النجوة اللي هي الصوت الواطي ام بعيد فاناديك النداء بيبقى صوت عالي فقال يا موسى انا جليس من ذكرني. انا بقعد مع اللي بيذكرني - 00:10:56ضَ

خلي بالك من حاجة كعب الاحبار من مجموعة الصحابة اللي كانوا يهود دول بيرووا حاجة اسمها الاسرائيليات منها دي يعني اخبار مصدرها كتب بني اسرائيل طب دي نصدقها ولا ما نصدقهاش - 00:11:24ضَ

يعني الاسرائيليات دي نصدقها ولا لأ قال النبي صلى الله عليه وسلم حدثوا عن اهل الكتاب ولا حرج وقال ايضا لا تصدقوهم ولا تكذبوهم يعني ممكن تروا كلامهم لكن ما تقولوش صدقوا ولا تقولوا كذبوا - 00:11:44ضَ

ليه؟ لان في معظم الوقت ما عندناش دليل على صحة اقوالهم الا انها لو وافقت القرآن يبقى ساعتها نتأكد انها صحيحة. ودي من الاشياء اللي بتوافق القرآن. ان سيدنا موسى لما سأل الله اقريب - 00:12:04ضَ

عن تفاؤنا ام بعيد فاناديك؟ قال يا موسى انا جليس من ذكرني. دليل على قرب قرب الله من الناس احد الصحابة سأل النبي صلى الله عليه وسلم اقريب ربنا فنناجيه ام بعيد فنناديه. نفس السؤال - 00:12:19ضَ

فانزل الله تعالى هذه الاية. يعني من اسباب نزول الاية دي وعند عودة النبي صلى الله عليه وسلم والصحابة الى المدينة من احدى الغزوات وهم بعيد كده شافوا المدينة فرفعوا اصواتهم بالتكبير. الله اكبر! الله! عارف انت الناس بتهتف بالتكبير - 00:12:39ضَ

والتهليل يعني لا اله الا الله. والدعاء يا رب يا رب. بقوا يكبروا بصوت عالي في الصحرا. في الصحرا ما تزعلوش حد ما فيش حد نايم صحي ما فيش حد مش عارف يزاكر منهم في الصحرا - 00:13:04ضَ

قال النبي صلى الله عليه وسلم انكم لا تدعون لا تدعون اصم ولا غائبا انما تدعون سميعا قريبا وفي رواية ان الذي تدعون بين ركابكم بين بينكم وبين اعنق اعناق ركابكم - 00:13:19ضَ

اللي بتدعوه دوة اقرب لكم من راس الركوبة اللي انتم راكبينها دي. قريب منكم لا تدعونا اصم صم يعني ايه سمعه تقيل فما تعلوش صوتكم كده ولا غائب. ما هواش مش موجود عشان تنادوا عليه بصوت عالي - 00:13:40ضَ

انما تدعونا سميعا قريبة طيب في بقى حاجة عايزين نفهمها. يعني ايه ربنا قريب من عباده لما لما بيدعوه طب عندنا زيد راجل طيب وعايش في اليابان. بيدعو هناك وعمرو راجل طيب وعايش في الجزائر - 00:13:59ضَ

وبيدعو هناك ازاي ربنا يبقى قريب من زيد وقريب من عمرو في نفس الوقت وده واحد في الشارع وواحد في الغرب شيء مهم جدا الله سبحانه وتعالى لا تحده الجهات - 00:14:23ضَ

الله قريب من عباده بسمعه وبصره فهو السميع البصير اوعى تفتكر ان ربنا له جسم وحيز ومقاسات الكلام ده غلط. غلط جدا عقائدية نرجع تاني لمية ستة وتمانين واذا سألك عبادي عني فاني قريب اجيب دعوة الداع اذا دعان. فليستجيبوا لي - 00:14:40ضَ

وليؤمنوا بي لعلهم يرشدون واذا سألك عبادي عني فاني قريب غريب بيعمل ايه اجيب دعوة الداعي اذا دعان. قريب يجيب دعاء من يدعوه منهم مشكلتنا اننا مش فاهمين غير معنى واحد للاجابة. لان فيه ناس دلوقتي من اللي بيتفرجوا معنا. لأ بقول لك ايه ما تقوليش بيستجيب للدعاء ما انا بدعي بقى لي عشرين سنة - 00:15:10ضَ

وبنفس الحاجة وما تحققتش لأ وده المفهوم بتاع الجني اللي هو بنعمل بندعك الابريق فبيطلع جني لونه ازرق ويقول شبيك لبيك عبدك بين ايديك تأمر بايه ؟ لا ربنا ما بيعملش كده ما بيقولش لحد تؤمر بايه - 00:15:37ضَ

لا لا انتم فاهمين اللي فاهم كده فاهم معنى اجابة الدعاء غلط اصلا واحد عمال يدعي ربنا انه يجوز بنت عمه لما تروح تتجوز واحد تاني يعتبر ان ربنا لم يستجيب لدعاءه - 00:15:58ضَ

هو الواحد اصلا بيدعو ربنا ليه لانه يظن ان ده فيه خير علشانه. يظن ان سعادته في ذلك. صح؟ حلو قوي لما ربنا يعلم ان انت وبنت عمك دي لو اتجوزتم واحد فيكم هيرمي التاني من الشباك - 00:16:16ضَ

وحياتكم هتبقى جحيم. وهيتوجد لكم عيال متخلفين عقليا وجيناتكم اصلا مش متوافقة مع بعض. ربنا يعلم الخير لك وربما ان الخير له كانت تتجوز واحدة تانية والخير لها تتجوز واحد تاني - 00:16:34ضَ

فتأتي الاجابة في صورة عدم استجابة للفز الدعاء. لكنه استجاب لنيتك. انت كنت عايز الخير لك. والخير لك انك ما تتجوزهاش لان اللي انت عملته انت دعيت على نفسك اصلا انت دعيت بالشر وليس بالخير. واحنا تدبرنا في سورة الاسراء قول الله تعالى - 00:16:51ضَ

ادعو الانسان بالشر دعاءه بالخير. وكان الانسان عجولا يبقى دي استجابة عشان تبقى عارف. يعني لو ما استجابلكش دعاء الدعاء ده فيه شر لك وانت مش عارف. ده دي اجابة - 00:17:14ضَ

يا اما انت بقى فاكر نفسك بتعرف اكتر من ربنا. دي قصة تانية بقى هذا الدعاء لو لم يتحقق يعتبر ان ربنا استجاب لك لان دعائك انت دعيته بنية ان يكون فيه الخير لك. فربنا استجاب انه يحقق لك الخير - 00:17:32ضَ

الحاجة التانية فيما يخص بقى دعاء المضطر ودي مهمة جدا يا جماعة في اشياء عاوزينها وعشان نوصل لها لازم ناخد بالاسباب اللي ربنا خلقها. مسلا واحد عاوز يطلع طبيب شاب كده في سانوية عامة نفسه يطلع طبيب - 00:17:51ضَ

براحتك عايز تطلع طبيب يلا اشتغل يبقى لازم تزاكر وتجيب مجموع وتدخل الطب وتنجح وتتخرج ما ينفعش تقعد طول السنة تلعب وتهزر تتفرج على ماتشات كورة وما تزاكرش وتعتمد على انك بتدعو الله في كل صلاة - 00:18:12ضَ

وماما الست الحاجة بتدعي لك باستمرار تبقى احسن دكتور فانت فاهم ان الدعاء ده هيستجاب كده ده لا يمكن يستجاب. لا يمكن يستجاب وربنا هيجيب دعاية واطلع على الطبيب! لا ما ينفعش - 00:18:30ضَ

ضد قوانين ربنا. لانك لما تدخل الامتحان وتلاقيه صعب بالرغم من انك اخدت بالاسباب وعملت اللي عليك لو انت عملت اللي عليك وخدت بالاسباب وزاكرت كويس ودخلت الامتحان لقيته صعب فتدعو الله هنا بقى. ده اسمه دعاء المضطر - 00:18:44ضَ

دعاء المضطر لانك خدت بالاسباب وبعد ما خدت بها الدنيا مش ماشية معك امن يجيب المضطر اذا دعاه ويكشف السوء. يقوم ربنا يتدخل ويجعل الامتحان صعب على الكل. فالمادة دي كل - 00:19:02ضَ

طلاب يجيبوا مجاميع قليلة فما تفرقش معك في المجموع الكلي وتلاقي نفسك داخل الطب برضه رغم ان الامتحان كان صعب ورغم انك ما عملتش كويس في الامتحان ده لكن جه على الكل. ربنا هنا التدخل الالهي. ليه؟ لانك مضطر. مضطر يعني ايه؟ يعني خدت بالاسباب اللي خلقها وبرضه الدنيا وقفت معك. هنا انت مضطر - 00:19:20ضَ

فربنا دخل تدخل وساعدك يتدخل ويساعدك. لانك خدت بالاسباب. لكن ما ينفعش. انسان يرد على على الله نزامه ما هو اللي ما بياخدش بالاسباب هو بيرد على الله نزامه اللي خلقه وبعد كده الطالب يعطيه؟ لا ما ينفعش يعطيك اصلا - 00:19:39ضَ

تمام؟ طيب سورة الانعام بل اياه تدعون فيكشف ما تدعون اليه ان شاء بل اياه تدعون فيكشف ما تدعون اليه ان شاء هي مش كل الدعاء هيستجاب لو واحد مقصر في الاخذ بالاسباب. بس دي حاجة تبقى واضحة للناس. عشان في لما الناس فاهمة ان هو طالما ربنا قال ان اللي بيدعو ربنا بيستجيب له - 00:20:01ضَ

يبقى الموضوع ما لهاش حل. كل دعاء ربنا بيستجيب وهزا كلام مش صحيح نزام ربنا هو ان النجاح في الحياة العملية يحتاج الى اخذ بالاسباب. تزاكر تنجح تشتغل تكسب تخطط كويس تكسب اكتر تتمرن - 00:20:30ضَ

تكسب اكتر واكتر فلما تعمل كل ده وتتزنق في مشكلة يبقى انت مضطر ربنا يستجيب دعائك. خلاص طيب الرسول عليه الصلاة والسلام قال دعوة المسلم لا ترد الا لاحدى ثلاثة - 00:20:44ضَ

ما لم يدعو باثم او قطيعة رحم اما ان يعجل له في الدنيا يعني لو واحد بيدعو باثم او قطيعة رحم ربنا ممكن ما يستجيبلوش. خلاص غير كده يا اما ربنا بيعجل له في الدنيا يعني يحقق له بالزبط اللي هو عايزه - 00:21:02ضَ

واما ان يدخر له في الاخرة او ما يحققش اللي هو عايزه هنا ويدخر له ثواب في الاخرة لان اللي هو كان عايزه ده كان غلط او كان هو غلط لنفسه. الموضوع ده مش كويس عشانه - 00:21:25ضَ

واما ان يصرف عنه من السوء بقدر ما دعا طالما المسلم ما دعاش بشيء غلط ولا حرام ربنا لا يرد دعوته. لكن استجابة الدعاء بتبقى اما انها يحققها له بالظبط في الدنيا يحقق له طلبه. او يدخر له في الاخرة اللي هو طلبه - 00:21:38ضَ

آآ آآ لا يعني وقرر آآ يعني ربنا قرر يدخره له للاخرة زي ما قلنا طبعا ده لو مسلم مؤمن بالاخرة. فعلا المفروض يفرح يعني انا دلوقتي مسلم. عايز حاجة معينة. ربنا ادخرها لي للاخرة. المفروض افرح - 00:21:56ضَ

انا مؤمن بالاخرة وانا مش مؤمن بالاخير هو الموضوع كله كلام او ان ربنا يصرف عن الانسان سوء كان هيحصل له بقدر الدعاء بتاعه فلازم ما نكسلش في الدعاء. ندعو الله في كل وقت الدعاء عبادة في حد ذاتها. ربنا قال في سورة غافر - 00:22:15ضَ

وقال ربكم ادعوني استجب لكم كمل بقى الاية ان الذين يستكبرون عن دعائي لأ عن عبادتي سيدخلون جهنم داخرين. وقال النبي صلى الله عليه وسلم الدعاء هو العبادة ربنا سمى الدعاء العبادة في الاية دي - 00:22:34ضَ

ما حدش يقول اللي هيحصل هيحصل. انا ضيع وقتي وادعي له. لا غلطة كبيرة ولها حلقة كاملة عندنا. يا ريت تشوفوها في دورة رد الشبهات. موضوع الدعاء او ازن انها موجودة في - 00:22:57ضَ

اه حلقات دورة المهم بيقولوا الدعاء هو العبادة. نلاحظ ان سيدنا زكريا كان يدعو الله في سورة ال عمران وراجل وصل لسن كبيرة جدا وزوجته عاقر ولم تلد ابدا. يعني شيء مستحيل - 00:23:12ضَ

ومع ذلك بيدعو الله بالذرية هنالك دعا زكريا ربه. قال رب هب لي من لدنك ذرية طيبة. انك سميع الدعاء. فبعد مدة ربنا استجاب له دعاؤه فنادته الملائكة وهو قائم يصلي في المحراب. ان الله يبشرك بيحيى. مصدقا بكلمة من الله وسيد - 00:23:31ضَ

وحصورا ونبيا من الصالحين. الملائكة بشرته ان زوجته حامل في يحيى. حصل ايه؟ ذهل قال ربي انا يكون لي غلام وقد بلغني الكبر وامرأتي عاقر سبحان الله! مستغرب ليه! مش انت اللي كنت بتدعو - 00:23:59ضَ

يعني ربنا يستجاب لدعائك الدعاء بالنسبة للانبياء يا جماعة والصالحين ما كانش كل هموم هو الاجابة. هو بيدعو لان الدعاء عبادة انا مش ممكن اطلب حاجة من حد وهو مش موجود لازم اول حاجة بطلب من حد موجود مجرد اني ادعو الله هذا اقرار بوجود الله - 00:24:18ضَ

وكل ما دعوت بشيء كبير اقرار بقدرة الله. انا بعمل ده عشان ابقى بادعوه لان دي عبادة. مش بالضرورة اني منتزر الاجابة كمان الدعاء بالنسبة لهم قناة تواصل مع الله. ما هو ممكن الاجابة تيجي في الاخر؟ لكن انا عايز استمر في التواصل مع الله. لذلك - 00:24:39ضَ

نادر جدا ما تجد نبي بيدعو بامر من امور الدنيا وحتى اللي دعا ربنا يرزقه بولد ده لانه خايف على الدعوة ويريد ان ابنه يصبح نبي ويبلغ كلمة الله. لذلك في سورة مريم سيدنا زكريا دعا وقال ايه؟ في سورة مريم. اوضح شوية في سورة مريم - 00:25:00ضَ

فهب لي من لدنك وليا وليا يرث من اليا. يرثني ويرث من ال يعقوب. واجعله ربي رضيا. يريد ان يرث نبوة ويحمل الدعوة الى الناس لزلك النبي عليه الصلاة والسلام لما علم السيدة عائشة تدعو في ليلة القدر - 00:25:20ضَ

عيش ما كنش عندها ولاد طب ما هو كان ممكن يقول لها ادعي ربنا يرزقك ولاد ليه ما قالهاش لان يعني الانبياء الصالحين والناس دي كانت تخجل انها تدعو الله باي شيء دنيوي - 00:25:39ضَ

علمها افضل دعاء. اللهم انك عفو تحب العفو فاعف عنا. ياه لو ربنا عفا عن الانسان. هو الواحد عايز يكسر ان ربنا يعفو عنه اهتمامهم كان بالمهم هو الاخرة مش الدنيا - 00:25:57ضَ

كمل بقى معي الاية مية ستة وتمانين. هم واذا سألك عبادي عني فاني قريب اجيب دعوة الداع اذا دعان فليستجيبوا لي وليؤمنوا بي لعلهم يرشدون. اسأل نفسك بقى قبل ما تقول ربنا ما استجاب ليش ليه؟ هو انت استجبت له الاول - 00:26:13ضَ

انت استجبت لربنا اولا يعني؟ فليستجيبوا لي يبقى استجيب لربنا عشان يقبل دعائك. انت استجبت لربنا في نفس الاية اللي قال فيها استجب لهم قال فليستجيبوا لي. انت استجبت لمنهج ربنا - 00:26:33ضَ

استجابة لاوامر ربنا بعدت عن نواهي ربنا انت ليه شايف نفسك مستحق لاجابة الدعاء بالشكل ده ايه الفرحة؟ مالك كده شايف نفسك كده وليؤمنوا بي لعلهم يرشدون. لازم الانسان يستجيب لمنهج ربنا. ويؤمن ان هو ده المنهج الصحيح. اللي لا بديل عنه عشان ربنا يهديه ويرزقه - 00:26:50ضَ

اقول قولي هذا واستغفر الله لي ولكم نتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. الله - 00:27:11ضَ

ثم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم - 00:27:32ضَ

اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا - 00:27:59ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرنا - 00:28:23ضَ

اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخواننا في - 00:28:43ضَ

باكستان الشرقية وفي كشميرا وفي سريلانكا وفي الهند وفي الشام وانصر كل من نصرهم واخذل كل من خذلهم وطهر المسجد الاقصى من الدنس. فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا مريضا به او حاملا له - 00:29:08ضَ

وفي قلبه ثوب الصحة والعافية عاجلا غير اجل. ومن لم يصب به ثقه شره. وابعده عنه ولا تسلطه الا على اعدائك واعداء دينك اعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك - 00:29:31ضَ

على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو اشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:29:53ضَ

انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:30:14ضَ

السلام عليكم - 00:30:32ضَ