باحث

السلام عليكم ورحمة الله وبركاته. اهلا بحضراتكم في المقطع رقم سبعمية سبعة وعشرين من مقاطع حظر التجول الحلقة الثامنة والخمسون من حلقات تدبر سورة البقرة. ارجو من حضراتكم تجيبوا المصاحف - 00:00:01ضَ

واقرا معي الاية مية سبعة وتمانين هتجد ان القرآن رجع تاني يتكلم عن الصيام اقرا معي كده مية سبعة وتمانين اعوذ بالله السميع العليم من الشيطان الرجيم احل لكم ليلة الصيام الرفث الى نسائكم - 00:00:23ضَ

كن لباس لكم وانتم لباس لهن علم الله انكم كنتم تختانون انفسكم فتاب عليكم فتاب عليكم وعفا عنكم الان باشروهن وابتغوا ما كتب الله لكم وكلوا واشربوا وكلوا واشربوا حتى يتبين لكم الخيط الابيض من حتى يتبين لكم الخيط الابيض من - 00:00:47ضَ

من الخيط الاسود من الفجر ثم اتموا الصيام الى الليل ولا تباشروهن وانتم عاكفون في المساجد تلك حدود الله فلا تقربوها. كذلك يبين الله اياته بص معي بقى. في الاية كده - 00:01:22ضَ

احل لكم ليلة الصيام الرفث الى نسائكم هن لباس لكم وانتم لباس لهن علم الله انكم كنتم تختانون انفسكم فتاب عليكم وعفا عنكم. احل لكم معناها ان في شيء كان محرم واحل. يعني اصبح حلال دلوقتي - 00:01:56ضَ

ايه هو بقى احيل لكم ليلة الصيام الرفث الى نسائكم يعني ليلة الصيام مش نهار الصيام نهار الصيام صيام بالليل يعني بعد المغرب بعد ما تفطروا اصبح يجوز المعاشرة الزوجية - 00:02:22ضَ

الله هو كان ممنوع قبل كده؟ ايوة قلنا ان في الصيام كان في فترة تمرين على الصيام كان النظام هو ان اثناء الصيام بالنهار لا يجوز الاكل ولا الشرب ولا المعاشرة - 00:02:40ضَ

وبعد الفطار يعني بعد المغرب بيجوز كل ده الى الفجر بشرط اسمع بقى الشرط ان الناس ما تنامش اللي هيدخل ينام ويصحى يبقى لازم يبدأ صيابه وكأن الفجر اذن. لا هياكل ولا هيشرب ولا هيقترب من ايه؟ من من زوجته او من زوجها - 00:02:54ضَ

كان الواحد منهم يكبس عليه النوم ويبقى قاعد يفقر ومش قادر يفتح عينه. وخايف ينام عشان وقت الصيام ما يطولش. لانه لو نام خلاص خلص الموضوع مش مش هياكل ولا يشرب ولا ايه اه يقرب من زوقته - 00:03:18ضَ

اسمع بقى بقية الاية. علم الله انكم كنتم تختانون انفسكم يعني ايه يختان زي كسب اكتسب خنا ختان يعني الخيانة الله معقول! الصحابة كانوا بيخونوا الخيانة دي يعني ده نقص. ما ينفعش الصحابة تخون - 00:03:35ضَ

بصوا يا جماعة الواحد يخون نفسه ربنا بيقول ربنا عارف ان انتم كنتم بتخونوا نفسكم مش بتخونوا بعض لا يجوز تخون غيرك. لكن انك تبقى محتاج للنوم وتقعد تضغط على نفسك كده وتحرمها حقها في الراحة. انت بتخون نفسك يعني بتحرم - 00:04:01ضَ

نفسك حققها في الراحة. مش بتزلم حد غيرك كذلك نفس الكلام. عينك عمالة تغفل. وتقول لأ انا ما نمتش. لا ده انا بس قفلت عيني شوية بس. لا انت بتضحك على مين؟ انت بقى لك ساعة وبتشخر. فهو ده معنى علم الله - 00:04:22ضَ

وانكم كنتم تختانون انفسكم كنتم بتقعدوا تجاهدوا نفسكم وتتعبوا نفسكم وتقولوا انا ما نمتش تاني نمت انا فتاب عليكم وعفا عنكم. تم تخفيف الحكم ده واحل لهم كل حاجة لغاية الفجر. سواء ناموا او ما ناموش. يعني ممكن الواحد بعد التراويح يخش ينام شوية ويصحى ياكل ويعيش - 00:04:36ضَ

حياته عادي والمعاشرة الزوجية كله ماشي عادي ازا طريقة الصوم نسخت وتغيرت وتم تخفيفها ربنا تاب عليهم من الحكم ده وعفى عما بدر منهم قبل كده من مخالفات لان بعضهم ما كانش قادر يلتزم بهذا الشكل الشديد جدا من الصيام - 00:04:57ضَ

يقعدوا يقول لك لأ ما نمتش ده انا بس قفلت عينيا طيب ليه بقى ليه تم تخفيف الحكم؟ وليه مش من الاول نزل حكم الصيام بالطريقة العادية اللي استقرت بعد كده - 00:05:18ضَ

يعني هل الموضوع كان مستاهل ان يتعدل الصوم بالطريقة دي كزا مرة يعني على مرحلتين لما تقرأ الاية احل لكم ليلة الصيام الرفث الى نسائكم هن لباس لكم وانتم لباس لهن. ده سبب تخفيف الحكم - 00:05:31ضَ

ان الرجال والنساء بعضهم لباس لبعض اللباس هو الملابس والملابس تغطي العورة. بالتالي من اهداف الزواج الاساسية جدا الاعفاف الرجل يعف زوجته. والزوجة تعف زوجها زي اللباس ما بيغطي عورة الانسان. كل زوج يغطي هذه الحاجة الغريزية في الاخر - 00:05:53ضَ

لذلك الاسلام حث الرجال خاصة على التأكد من ان الزوجات في حال المعاشرة بيكونوا قضوا وترهم وتراهن ان الرسول عليه الصلاة والسلام قال اذا غشي احدكم اهله فليصدقها. يعني فان قضى حاجته ولم تقض حاجتها فلا يعجلها. ما يستعجلش عليها - 00:06:24ضَ

لازم المرأة هي كمان تاخد يعني تاخد تاخد تقضي وترها زي ما الراجل بيقضي وتره ودي قصة بقى طويلة جدا وفيها بقى ايه يعني كلام كتير. المهم اذا هذه المسألة - 00:06:48ضَ

المعاشرة الزوجية الامتناع عنها شهر كامل لبعض المتزوجين هيكون صعب جدا فخفف الحكم واصبح كل ما يصوم عنه الانسان بالنهار مباح من المغرب للفجر طيب وليه مش من الاول نزل حكم الصيام بالطريقة العادية اللي استقرت بعد كده - 00:07:03ضَ

هنا بقى المشككين يخشوا ينتهزوا الفرصة ويشككوا في الاسلام ويقولوا بقى يعني يشككوا في حكمة ربنا. يقولوا لا ورب لو ربكم عنده حكمة والحكمة كلها زي ما بتقولوا والعلم كله زي ما بتقولوا. طب ليه بيقعد يجرب فيكم - 00:07:25ضَ

ليه بيعمل حاجة وبعدين يرجع فيها؟ لا ربنا له في هذا حكمة واحنا بنتدبر ونتفكر لعلنا نصل لحكمة ربنا او لجزء حتى من هذه الحكمة طريقة فرض الصوم تدرجت في اشياء من الخفيف للشديد. وفي اشياء اخرى من الشديد للتخفيف - 00:07:46ضَ

الصوم هيكون شهر كامل تلاتين يوم ورا بعض. ده صعب ده شديد ففرض الاول اياما معدودات. وشرحناها قبل كده. تلات تيام كل شهر ويوم عاشورا فتدرج في الحتة دية من التخفيف للتشديد - 00:08:09ضَ

عشان الناس ايه يطيقونه وبعد كده تدرج من مسألة التخيير يعني كان الاول اللي يطيق الصيام مخير يا يصوم يا يطعم مسكين ما يصومش عن كل يوم ثم لما الناس تعودت على الصيام بقى كزا شهر ورا بعض خلاص - 00:08:31ضَ

سنة وشوية نسخ الحكم ده وجه الحكم الاشد له هو شهر رمضان الذي انزل فيه القرآن آآ يبقى الشهر ده هو ده اللي هتصوموه كما شهد منكم شرف ليسر. خدناها امبارح - 00:08:52ضَ

اما في مسألة الامتناع عن شهوة البطن والفرج فربنا شدد الاول في ان اللي ينام لا يستطيع اذا قام من النوم قبل الفجر انه يمارس اي حاجة من الشهوتين دول البطن والفرج - 00:09:05ضَ

ثم خف في الحكم ليه عشان الناس تشعر بالتخفيف. ان هو لو كان من اول يوم فرض نزام الصيام الطبيعي اللي هو من من المغرب من الفجر للمغرب وبعد كده من المغرب - 00:09:22ضَ

المغرب للفجر كل حاجة مباحة ما حدش هيشعر ان حصل تخفيف تم التشديد اولا ثم التخفيف عشان الناس تشعر بان ان ممكن جدا كان يبقى اشد من كده الصوم فاهمين اقصد ايه؟ فتم التخفيف عشان الناس تشعر بالتخفيف - 00:09:34ضَ

فشعر الناس انه صحيح ان الصيام اصبح اشد من من ناحية انه بقى بقى شهر كامل ورا بعض لكن برضه هو حصل تخفيف مريح في مسألة اباحة كل شيء من المغرب لغاية الفجر. سواء ناموا او ما ناموش. فبقى الواحد منهم ممكن يريح ساعتين تلاتة ويصحى يتسحر. لان ما كانش فيه زمان - 00:09:53ضَ

شعور ما فيش شعور. نمت خلص الموضوع فكان آآ يعني آآ المهم كان واحد من دول يفطر ولو نام بعدها بساعتين تلاتة تبقى مصيبة خلاص بقى يبقى هيصوم اتنين وعشرين ساعة او تلاتة وعشرين ساعة. صعب اوي - 00:10:13ضَ

طيب نص القانون نص القانون المادة القانونية اللي خفف بها الحكم اهي علم الله انكم كنتم تختانون انفسكم فتاب عليكم وعفا عنكم فالان باشروهن وابتغوا ما كتب الله لكم. وكلوا واشربوا حتى - 00:10:28ضَ

بين لكم الخيط الابيض من الخيط الاسود من الفجر ثم اتموا الصيام الى الليل. خلاص ده دي المادة القانونية اهي اللي نزلت بالتفصيل بتوضح باشرهن يعني ايه الانسان اسمه بشر - 00:10:51ضَ

ليه عنده بشرة ولا فينا حد عنده صوف ولا فينا حد عنده شعر؟ شعر بمعنى زي الخيل والجمال الجلد كله متغطي بشعره. ايوة احنا كلنا عندنا شعر وطالع كده بس بين الشعرة والتانية مسافة - 00:11:07ضَ

فاحنا يعتبر عندنا بشرة. والبشرة طلع فيها بعض الشعر لكن الخيل والجمال عندهم اللي مغطيهم كله شعر بالكامل. الخرفان صوف بالكامل. البشر عنده بشرة يسمى بشر. باشروهن يعني البشرة على البشرة. كناية عن - 00:11:23ضَ

العلاقة الجنسية الان باشروهن وابتغوا ما كتب الله لكم وكلوا واشربوا. خلاص كل حاجة مباحة لغاية امتى ؟ لغاية ما ننام برضو ؟ لأ خلاص القانون الجديد وكلوا واشربوا حتى يتبين لكم الخيط الابيض من الخيط الاسود من الفجر. يعني لغاية الفجر - 00:11:43ضَ

طبعا انا مش هتطرق هنا للخلافات الفقهية وطريقة حساب الفجر ده ما يهمناش احنا ده في التدبر ما يهمناش ده له علماؤه وهم بيحسبوه الحاجات دي طبعا هو في طريقة حساب للفجر يعني - 00:12:09ضَ

في حاجة اسمها التمنتاشر درجة وستاشر درجة والكلام ده لكن هنا في حكاية دمها خفيف جدا حصلت ايام النبي عليه الصلاة والسلام فلازم نحكيها الحقيقة عدي سيدنا عدي بن حاتم الطائي رضي الله عنه - 00:12:22ضَ

عبيدة من الصحابة كان نصراني واسلم ابوه حاتم الطائي اشهر العرب اللي هو بيضرب به المثل في الكرم. لكنه لم يدرك الاسلام يعني عادي بقى ايه لما نزلت الاية حتى يتبين لكم الخيط الابيض من الخيط الاسود يعني الواحد يقعد ياكل لغاية ما الخيط الابيض يبان من الخيط الاسود - 00:12:36ضَ

قال لك عمدت الى عقال اسود والى عقال ابيض. راح جاب دبارتين كل دوبارة سودا ودوبارة بيضا والوجه فجعلتهما تحت وسادتي. خلاهم جنب الايه؟ جنب المخدة بتاعته وجعلت انظر في الليل - 00:13:01ضَ

فلا يستبين لي الابيض من الاسود. فغدوت على رسول الله فذكرت له ذلك. فقال رسول الله صلى الله عليه وسلم ان وسادك لعريض وفي رواية انك لعريض القفا انما هو سواد الليل وبياض النهار. طبعا الراجل كده ايه يعتبر يومها يعني صيامه باظ لانه - 00:13:19ضَ

فضل قاعد لغاية بيموت وهو قاعد جوة بيته. لا مقصود بها الخيط الابيض من الخيط الاسود يعني بياض الايه؟ النهار من سواد الليل. المهم الفجر ابدأ الصيام حتى يتبين لكم الخيط الابيض من الخيط الاسود من الفجر هم - 00:13:40ضَ

ثم اتموا الصيام الى الليل يبقى ابدأ بقى ايه الصيام اه اه واتم الصيام الى الليل. الليل اوله هو المغرب. ده اول الليل. يبقى المقصود بها لغاية المغرب. هم بداية حساب الليل بيبقى من غروب الشمس - 00:14:01ضَ

كمل بقى معي الاية ولا تباشروهن وانتم عاكفون في المساجد تلك حدود الله فلا تقربوها. كذلك يبين الله اياته للناس لعلهم يتقون رمضان بقى فيه عبادات مصاحبة للصيام. منها عبادة الاعتكاف - 00:14:20ضَ

والاعتكاف يا جماعة عشان تفهموا هذا فيه تشبه بالملائكة الانسان بيتفرغ لذكر الله تماما يتفرغ من كل شيء. لا يشتغل ولا يتابع اخباره ولا لازم ينقطع كده عن للعبادة صلاة وذكر وتلاوة القرآن وتدبر القرآن والدعاء - 00:14:42ضَ

حتى انا بقول للناس اللي بيقرا في كتب دينية بيقرا في السيرة بتاع ما يقراش حتى في في الاعتكاف. الاعتكاف تفرغ للقرآن سنة ان الانسان يعتكف العشرة الاواخر ومن الممكن العشرين الاواخر وده عمله النبي في اخر سنة في حياته - 00:15:07ضَ

لكن قبل كده كان بيعتكف العشر ايام. بعض العلماء قالوا الانسان كل ما يدخل المسجد في اي وقت ينوي الاعتكاف. يقول نويت الاعتكاف حتى لو هينتزر خمس دقايق قبل الصلاة. يخليهم دول الاعتكاف يقعد يقرا فيهم قرآن ولا حاجة ويذكر الله وده ياخد ثواب اعتكافه - 00:15:28ضَ

لكن طبعا ده مش الرأي اللي عليه اجماع يعني. الاجماع ان اقل حاجة في الاعتكاف يوم بليلة آآ مش اجماع الجمهور اسف. الجمهور يعني معزم العلماء آآ المعتكف في رمضان قلنا بيقعد حوالي بيقعد عشر تيام بياخد ثواب على الاعتكاف نفسه - 00:15:46ضَ

يعني على تفريغ نفسه وعقله وقلبه من اي روابط تربطه بالدنيا حتى وهو نائم في المعتكف بياخد ثواب. يعني الثواب بتاع الاعتكاف منفصل عن ثواب الصلاة والذكر وقراءة القرآن مجرد انه معتكف وقاعد ما بيعملش حاجة بياخد ثواب لانه مفرغ نفسه تماما لله. حتى وهو نايم بياخد ثواب - 00:16:09ضَ

النساء تعتكف في المساجد. بس في مكان منفصل عن الرجال. ايام النبي صلى الله عليه وسلم كان بيتعمل لهم خيام داخل المسجد عشان ما يعني ما يقعدوش ولا يناموا قدام الرجال يعني ما ينفعش. حتى الرجال الافضل ان النوم يكون داخل خباء. خباء يعني ستارة كده بتنزل تخبي تستر الشخص - 00:16:34ضَ

وهو نايم. لان النوم عورة مش مفروض انسان ينام قدام الناس الا اذا كان في مكان النوم يعني غرفة نوم فيها اكتر من شخص ممكن تنام. وده بالنسبة خالص. دي غرفة نوم. هذه المخدع بيسموه. طيب - 00:16:54ضَ

عموما من مبطلات الاعتكاف هو المباشرة المباشرة اه يعني ايه اللي قلنا العلاقة الزوجية ولا تباشروهن وانتم عاكفون في المساء. ومعقول حد يعمل كده في المسجد الاعتكاف في المسجد. انت معتكف في المسجد لكن ممكن انت يجوز لك انك تخرج من المسجد للضرورة - 00:17:08ضَ

واحد مسلا محتاج يروح البيت عشان بيدي والدته الدواء. ويرجع على طول يروح البيت اعمل لاي سبب عايز اخد آآ مسلا آآ دش يخش الحمام والمسجد ما فيش فيه الامكانيات دية فبيروح البيت بس ما ينفعش يقعد - 00:17:35ضَ

في البيت ما فيش قعاد بتخش تقضي حاجتك وتطلع على طول ده بقى المقصود. ما ينفعش يباشر زوجته اسناء الاعتكاف ولا تباشروهن وانتم عاكفون في المساجد تلك حدود الله فلا تقربوها - 00:17:50ضَ

القرآن ازا كان هناك امر او شيء ربنا بيجيزه بيحله وقال تلك حدود الله هيقول معها فلا تعتدوها وازا كان هناك نهي عن شيء ربنا قال تلك حدود الله هيقول لا تقربوها - 00:18:11ضَ

يعني ربنا بيقول يجوز تعملوا كزا وكزا ده اللي يجوز ما تعدوش بقى الحد الجائز ده. لا تعتدوا ما تعديش الحد اللي ربنا اجاز لك فيه. فعند الجواز يقول لك - 00:18:31ضَ

فلا تعتدوها. تلك حدود الله فلا تعتدوها. او ربنا يقول لك ممنوع تعمل كزا. ده ممنوع يعني ما تقربش من الممنوع فيقول لك تلك حدود الله فلا تقربوها ما تقربوش منها - 00:18:44ضَ

مفهوم ولا تباشروهن وانتم عاكفون في المساجد تلك حدود الله فلا تقربوها. كذلك يبين الله اياته للناس لعلهم يتقون اياته هنا يعني تشريعاته ربنا بيوضح لنا الحلال والحرام علشان نتقي - 00:18:59ضَ

التقوى الشرعية. يعني ايه عشان ننتقي الوقوع في المخالفات اللي تبطل العبادات ما هو مش كل حاجة آآ تبطل العبادة حرام يعني يعني حتى لو مش حاجة هتدخل الانسان النار - 00:19:24ضَ

انا محتاج اتعلم ديني. محتاج اعرف مبطلات الاعتكاف يعني انا لو حصل حاجة ابطلت الاعتكاف مش هخش النار يعني ما عملتش زنب يعني. بس مش هياخد سواب الاعتكاف مبطلات الوضوء - 00:19:40ضَ

هو الواحد لو بطل وضوءه بيخش النار لأ لكن انا محتاج اعرفها علشان اتقيها عشان عبادتي تكون سليمة كذلك يبين الله لكم اياته التفاصيل التشريعات بتاعة العبادات لعلهم يأتي للناس لعلهم يتقون عشان يتقوا التقوى الشرعية ويتقوا ابطال هذه العبادات غصبا عنهم - 00:19:53ضَ

الايات اللي احنا بنتكلم فيها دي يا جماعة مرتبطة بايه ؟ في النصف الاول من البقرة احنا كده خلصنا على فكرة الحلقة بس هنخلص بفزورة مين يعرف خدوا تلاتين سانية واكتبوا لي في التعليقات بتاعة اليوتيوب والفيسبوك. اللي هم دول اللي بقدر اقراهم - 00:20:22ضَ

اية زي اللي احنا تدبرناها النهاردة مرتبطة بايه من النصف الاول من البقرة؟ مش احنا قلنا ان البقرة زي المراية تتنيها من النص تجد النص النصف التاني تطبيقات على النصف الاولاني - 00:20:40ضَ

يلا اتفضلوا جاوبوا بقى اية زي النهاردة كده ها يلا فزورة هنشوف كده التعليقات بتاعتكم مين عارف لأ مش ايه يا جماعة واياك نستعين بقول لكم في البقرة لا احكام ها احكام صح ها وبعدين يعني - 00:20:55ضَ

اي اية الاية دي مرتبطة باي اية النصف الاول من البقرة هدى للمتقين ايه؟ لأ واضح ان مش عارفين خلاص قولوا بحماركم طب هغششكم لا مش قصة مش قصة بقر بني اسرائيل - 00:21:18ضَ

الدعاء بتاع سيدنا ابراهيم وسيدنا اسماعيل. ها انا قربتها لكم اوي اهو بقى يا جماعة انتم هتعجبوا الاحباط انا هقول يمكن عشان الوقت متأخر وانتم نايمين شوية خلاص لا لا - 00:21:48ضَ

خلاص الحمد لله وفرتوا علي وفرتم علي الجايزة. قتال ايه لا طيب خلاص اتفضلوا ربنا واجعلنا مسلمين لك ومن ذريتنا امة مسلمة لك وارنا مناسكنا ربنا بيورينا المناسك اهو. وكيفية اداء المناسك - 00:22:09ضَ

صح ولا لا؟ مم احنا اتكلمنا عن الصيام وعن الدعاء وعن الاعتكاف ومبطلات الاعتكاف. افتكروا ده دايما كده باستمرار بارك الله فيكم وجزاكم الله خيرا. ونراكم غدا باذن الله في نفس هذا الموعد برضه. يعني احنا برضه هنعيشها انا مضطر ان انا استمر في آآ - 00:22:35ضَ

تأجيل وقت الدرس الساعة الفترة دي بس عشان انا على سفر دلوقتي والوضع صعب شوية ان انا اقدر آآ ارجع في وقتي اللهم انا الارض المباركة فلسطين. وكن مع اخواننا - 00:22:55ضَ

في تركستان الشرقية وفي الشام وفي كشميرا وفي الهند اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا - 00:24:41ضَ

فالبسه ثوب الصحة والعافية عاجلا غير اجل. ومن لم يصب به فقه شره وابعده عنه. ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت - 00:24:57ضَ

على دعواتك وتعاهدت على نصرة شريعتك. فوثق اللهم رابطتها وادم مدها واهدها سبلها. واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على - 00:25:21ضَ

شهادتي في سبيلك انك نعم المولى ونعم النصير. وصلي اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:25:41ضَ