باحث

السلام عليكم ورحمة الله وبركاته. اهلا بحضراتكم في المقطع رقم سبعمية تمانية وعشرين من مقاطع حظر التجول والحلقة التاسعة والخمسون من حلقات تدبر سورة البقرة. ارجو من حضراتكم تجيبوا المصاحف - 00:00:01ضَ

واقروا معي الايتين مية تمانية وتمانين ومية تسعة وتمانين دول هم الايتين اللي هنتدبرهم الليلة ان شاء الله اعوذ بالله السميع العليم من الشيطان الرجيم ولا تأكلوا اموالكم بينكم بالباطل وتدلوا بها الى الحكام - 00:00:22ضَ

تأكلوا لتأكلوا فريقا من اموال الناس بالاثم. وانتم تعلمون يسألونك عن الاهلة قل هي مواقيت للناس والحج. وليس البر بان البيوت من ظهورها ولكن البر من اتقى. واتوا البيوت من - 00:00:47ضَ

ابوابها واتقوا الله لعلكم تفلحون. طيب واضح طبعا طبيعة القرآن المدني على سورة البقرة واضحة جدا اوامر ونواهي وافعل ولا تفعل وحلال وحرام لسة احنا منتهيين من ايات الصيام والامساك عن الطعام لما يتبين الخيط الابيض من الخيط الاسود - 00:01:19ضَ

رمضان طبعا يجب الانسان يتوقف بقى عن الاكل لما ايه الفجر ايه الكلام ده يعني كلها فيها تشريعات ربنا قال وكلوا واشربوا حتى يتبين لكم الخيط الابيض من الخيط الاسود من الفجر - 00:01:47ضَ

ثم اتموا الصيام الى الليل ده امتناع عن الاكل اكل ايه اكل الطعام في نوع تاني من الاكل الانسان يجب ايضا انه يتوقف عنه. في كل الشهور مش بس في رمضان - 00:02:06ضَ

وعلى مدار الاربعة وعشرين ساعة مش بس من الفجر للمغرب. اي نوع من الاكل ده بقى اقرا كده مية تمانية وتمانين تاني ولا تأكلوا اموالكم بينكم بالباطل وتدلوا بها الى الحكام - 00:02:23ضَ

لتأكلوا فريقا من اموال الناس بالاثم وانتم تعلمون الاية خلاصتها ما تكسبوش مال من حرام. ده الخلاصة لكن طريقة التعبير عن المعنى ده مذهلة اولا التعبير بكلمة اكل اكل المال ولا تأكلوا اموالكم - 00:02:39ضَ

هو في حد بياكل فلوس يعني حد شاف حد بياكل متين جنيه قبل كده مسلا والمال على فكرة قلنا هو مش الفلوس بس مش الكاش بس لأ ما هو الاراضي مال الممتلكات مال الدهب مال ما هو ما ما - 00:03:01ضَ

يعني اللي لي ما لك يعني اللي لك ممتلكاتك كلها. بس برضه حد شاف قبل كده حد بياكل ممتلكاتك. فالتعبير بكلمة الاكل بيخلي الانسان ياخد الامر بجدية جدا. لان المال ده احنا بنشتري به طعام برضه - 00:03:16ضَ

فبيدخل اجسادنا واجساد اولادنا والنبي عليه الصلاة والسلام قال كل جسم نبت من سحت فالنار اولى به ويجعل الانسان اللي فلوسه من حرام وبيشتغل في الحرام زوجته واولاده ييجوا في يوم كده ويعملوا اضراب وما يرضوش ياكلوا يقولوا لأ مش هناكل - 00:03:34ضَ

الاكل ده جاي باي فلوس. انت بتكسب فلوس ازاي؟ انت مش هندخل الاكل ده في بطننا. فيبقى احراج شديد له والاحراج ده فيه ضغط شديد عليه. الشخص اللي بيشتغل في الحرام - 00:03:56ضَ

دي كمان مش اول مرة في البقرة يستخدم فيها هذا التعبير اللي هو اكل المال البقرة مية اربعة وسبعين ربنا قال اه ان الذين يكتمون ما انزل الله من الكتاب ويشترون به ثمنا قليلا - 00:04:10ضَ

اولئك ما يأكلون في بطونهم الا النار اتكلمنا عن اه اه مش بس الاحبار والقساوسة لأ وكمان الشيوخ اللي بيكتموا كلام ربنا وبيتاجروا بالدين وبيطبلوا للحكام بيعملوا كل ده من اجل المنفعة المادية والمناصب الدنيوية دول بياكلوا بياكلوا حرام بياكلوا في بطنهم نار - 00:04:32ضَ

اللي بيدخل بطنهم ده نار نرجع بقى لمية تمانية وتمانين تاني ولا تأكلوا اموالكم بينكم بالباطل يعني ما تنصبوش على بعض اكل المال الحرام مش بالضرورة يكون صرخة يعني مش لازم واحد يمد ايده في جيب واحد ويطلع فلوس عشان يبقى ده مال حرام لأ مش لازم - 00:05:00ضَ

في انواع تانية من الحرام. اكل المال بالباطل انواع الربا انواع الربا اسف اكل مال بالباطل واحد يسلف واحد الف ويقول له ترجعهم لي بعد سنة الف ومتين. المتين دول حرام - 00:05:23ضَ

بس فيه حكم على فكرة الناس مش عارفاه بقى بالمرة عايزين اقول لكم هنا انت لو خدت قرض حسن من شخص الف جنيه ورجعتهم له الف ومتين طالما ان ما فيش شرط - 00:05:40ضَ

كده ما فيش اتفاق على كده انت خدت الف المفروض ترجع الف صح؟ رجعتهم الف ومتين ايه وضعهم؟ الاتنين دول حرام الكلمتين دول لك ثواب فيهم يعني انت من نفسك حبيت تعوض الشخص ده عن المدة اللي هو سلفك فيها فلوسه وكان ممكن يستسمر فلوسه. ويكسب المتين جنيه دول - 00:05:53ضَ

واكتر كمان فانت تاخد ثواب اسمه ثواب حسن الاداء يبقى انت اديت ما عليك واحسنت الاداء. اديت بزيادة الحرام واكل المال بالباطل بيدخل فيه السرقة بيدخل فيه الربا بيدخل فيه الغش - 00:06:17ضَ

ان شخص يبيع لشخص اخر بضاعة مغشوشة ما تسواش اللي هو دفعه فيها. وهكزا. ولا تأكلوا اموالكم بينكم بالباطل وتدلوا بها الى الحكام الحكام اي حد بيحكم بين الناس سواء حاكم دولة او عمدة قرية او محافظ مدينة او مأمور آآ اسم او قاضي محكمة او حتى موزف - 00:06:37ضَ

بينزم الدور في الطابور يعتبر من الحكام انه بيحكم بين الناس في بقى ناس تقوم مدية الحكم ده فلوس من تحت الترابيزة فلوس زيادة كده عشان يحكم لصالحها عشان يديها ميزة اكتر من غيرها - 00:07:05ضَ

ده اسمه رشوة قال رسول الله صلى الله عليه وسلم لعنة الله على الراشي والمرتشي يعني اللي بيدفع الرشوة ملعون يعني مطرود من رحمة ربنا واللي بياخد الرشوة ملعون. يعني مطرود من رحمة ربنا - 00:07:27ضَ

وفي رواية اخرى والرائش الراش اللي هو اللي بينسق بين الرشي والمرتشي في واحد كده يحب ينسق في الحاجات دي ده للرائش فراشي والمرتشي والرائش ملعونين تعبير وتدلوا بها الى الحكام. الادلاء - 00:07:48ضَ

يعني الدلدلة واحد يدلدل حبل وفي اخر الحبل حاجة كده جردل كده حاجة كده الادلاء بيبقى من فوق لتحت فالصورة فيها تحقير شديد للمرتشين انا انا عايزكم تتفرجوا على الحلقة - 00:08:10ضَ

اللي اسمها الامر بالمعروف والنهي عن المنكر مكنسة المجتمع الحلقة دي مهمة جدا يا جماعة موجودة في ذكرى وعبرة بحكي فيها حكاية حقيقية حصلت لي لما احد الناس اللي كانوا المفروض بيحكموا في مناقصة في شراء اجهزة في جامعة من - 00:08:30ضَ

ميعاد طلب رشوة وسجلت له وارسلت له تاني يوم الشريط عليه صوته بيقول انا اسمي الدكتور فلان انا سألته في القعدة ما حدش فكرني اسمك ايه عشان يقول اسمه بلسانه. وبعد ما قال اسمه كده هو المهم - 00:08:48ضَ

وبعته وهددته ويعني يعني كان قصة كده الراجل ده بعد ست شهور قابلته انا شفته جاي قصادي في الشارع رحت ايه فكرت ان انا يعني اتفاداه اعمل نفسي مش شايفه. الراجل دخل علي وخدني بالحضن وبكى وقال لي انت انقزت حياتي - 00:09:03ضَ

اقسم لك بالله كانت اول مرة في حياتي اطلب رشوة شفتم بقى وناهي المنكر انت مش بس بتخدم نفسك وبتخدم مجتمع انت بتخدم حتى الشخص الفاسد يمكن يكون اول مرة في حياته يعملها وانت انقزته - 00:09:20ضَ

المهم وتدلوا بها الى الحكام. تدلدلوا لهم كده الرشوة كده فيها تحقير لهم طيب نفرض واحد مش عارف ياخد حقه الا لو دفع رشوة يعني ما فيش حكم ما فيش حد بيحكم بينه وبين شخص اخر - 00:09:39ضَ

واحد له حق في بلد مليانة فساد. والفساد منتشر وهيتظلم وما ياخدش حقه الا لو دفع رشوة اتطلب منه رشوة ولو ما دفعهاش مش هياخد حقه. المنهي عنه هو وتدلوا بها الى الحكام لتأكلوا فريقا من اموال الناس بالاثم - 00:10:02ضَ

يعني انك تاخد حق غيرك. طالما مش بتاخد حق حد غيرك. ولا يوجد طريقة مضمونة للحصول على حقك فيجوز انك تدفع هنا والاثم واللعن على المرتشي فقط في الحالة دي. طالما ان انت مش بتاخد دور حد ولا بتاخد حق حد - 00:10:26ضَ

سؤال بقى قبل ما نترك هذه الاية ليه ربنا ما قالش وتدلوا بها الى القضاة او تدلوا بها الى العمال. العمال يعني الموزفين الحكوميين. ليه قال الى الحكام كده ايه يعني الحكام - 00:10:45ضَ

علشان يعطي والله اعلم يعني الحكم ده حكم الرشوة ده يدي له الشكل القانوني النهائي يعني ايه الحاكم ممكن يكون حاكم دولة في عمل نظام يجيز فيه الحرام لأ ما يمشيش خلاص. لان لو لو حاكم الدولة عمل قانون او عمل نزام يخالف شرع الله هذا لا يلزم المسلم في الدولة المسلمة - 00:11:07ضَ

فبقت كده وتدلوا بها الى الحكام يعني اكبر حاكم مش من حقه يغير شرع ربنا اقرأ بقى معي مية تسعة وتمانين يسألونك عن الاهلة قل هي مواقيت للناس والحج وليس البر بان تأتوا البيوت من ظهورها. ولكن البر من اتقى. واتوا البيوت من ابوابها واتقوا الله - 00:11:35ضَ

ولعلكم تفلحون اهلة جمع هلال والهلال العرب بتستخدمه في تحديد الشهور الشمس دليل على اليوم والقمر دليل على الشعر. الشمس يحدد بها النهار والليل. فهي بتقول لي تعاقب الايام القمر بيحدد به الشهر في التقويم القمري - 00:12:05ضَ

من قبل الاسلام يعني ايه معنى ان الصحابة يسألوا النبي عليه الصلاة والسلام عن حاجة هم بيستخدموها اصلا اللي هي الاهلة والدين ما جابش سيرتها خالص اللي قال عنها حرام ولا حلال ولا حاجة - 00:12:33ضَ

الدين ما جاش غير كل حاجة يا جماعة في حاجات موجودة في ثقافة الناس. جيدة ما فيش فيها مشكلة. فالاسلام تركها للناس تتعامل بها بطريقة عادية. لكن الصحابة كان عندهم حرص ان كل حاجة يعملوها تكون اسلامية. حلال. صح - 00:12:50ضَ

بترضي ربنا فبقوا يسألوا في حاجات كتير جدا وكأنهم بيقولوا لربنا احنا مستعدين نغير اي شيء تريده مننا يا رب وكل شيء تريده مننا يا رب فمين المعنى هنا يسألونك عن بيسألوا على الاهلة ليه - 00:13:06ضَ

عايزين تأكيد ان كل حاجة بيعملوه صح ده قصاد ايه بقى في النصف الاول من السورة قلنا زي المراية في اية مرتبطة بدي عكسهم بقى اللي كانوا بيسألوا اسئلة تانية - 00:13:25ضَ

البقرة مية وتمانية ام تريدون ان تسألوا رسولكم كما سئل موسى من قبل ومن يتبدل الكفر بالايمان فقد ضل سواء السبيل. بنو اسرائيل سألوا سيدنا موسى انهم يروا الله جهرا - 00:13:40ضَ

ده شرط علشان يؤمنوا وبقى الفرق. لكن الصحابة عكس كده. كانوا يسألوا في الاحكام عشان يطبقوها حبا منهم في الله وارضاء منهم لله ارجع للاية تاني مية تسعة وتمانين يسألونك عن الاهلة - 00:13:59ضَ

قل هي مواقيت للناس والحج الاهل جمع هلال وسمي الهلال هلالا عشان الناس لما بتشوفه يعني ترفع اصواتها. قال هل يعني يرفع يقول لك بيهلل بيهلل؟ يعني بيرفع صوته ينادي على بعض - 00:14:19ضَ

وتخبر بعض بظهور الهلال ان ده بداية ايه ؟ بداية الشهر، وكلمة الشهر من الاشتهار. لان بداية الشر الناس تشهرها يا جماعة كل سنة وانتم طيبين يلا رجب آآ دخل - 00:14:39ضَ

شعبان فالناس بتشهر الامر ده تقول هذا اول يوم فيه ويشهره الشهر فتستخدم الاهلة كمواقيت يعني ايه مواقيت؟ قل هي مواقيت مواقيت جمع ميقات جمع ميقات مواقيت بنوقت بها الشهور - 00:14:54ضَ

بنعرف دخول رمضان امتى دخول اشهر الحج امتى ؟ المواقيت جمع الميقات والميقات اما ميقات مكاني او ميقات زماني. الميقات المكاني مكان بنتفق عليه عشان نعمل فيه حاجة معينة زي مواقيت الحج حول الحرم كده في منطقة دايرة كده فيها مواقيت - 00:15:16ضَ

مسلا اللي جايين من ناحية آآ المدينة آآ في الميقات هناك اسمه نخلة دلوقتي بقى اسمه ابار علي. نسبة الى آآ آآ سلطان دارفور المهم يعني المنطقة دي اسمها ابار علي - 00:15:36ضَ

ده اسمه الميقات يعني ما اللي رايح آآ عمرة او رايح يحج لازم ما يعديش النقطة دي الميقات ده الا وهو محرم نقاط مكاني الميقات الزماني موعد متفق عليه عشان يحدث فيه حدث معين - 00:15:50ضَ

في الشرع الحج له ميقات. الصوم له ميقات وهكزا. الصوم ميقاته ايه؟ رمضان. الحج ميقاته ايه؟ اللي هو اشهر الحج. اللي هي يجوز فيها الاحرام بالحج. غير كده يحرم الانسان بالعمرة. طيب - 00:16:07ضَ

اذا الاهلة مفيدة علشان تنزيم حياتكم. قل هي مواقيت للناس والحج بس سؤال عام يسألونك عن الاهلة مش السؤال مش مش اه خاص بالاستخدامات يعني ليه ربنا ما شرح لهمش - 00:16:21ضَ

ان الهلال هو جزء ظاهر من القمر وان القمر مكتمل بس بسبب ان الارض في الوسط بين الشمس والقمر في اشعة الشمس بيحجبها كوكب الارض وبتنور جزء بس من القمر - 00:16:42ضَ

وكل ليلة الجزء ده بيكبر وبيزيد حسب موقع الارض من الشمس وهكزا ليه ربنا ما شرحش الكلام ده لان القرآن مش كتاب ساينس ساينز يعني علم تجريبي. كلمة ساينس مش يعني علم. خلوا بالكم - 00:16:57ضَ

لان الوحي علم لكن ساينس يعني العلم التجريبي الانسان لازم هو اللي يوصل بنفسه. للعلم التجريبي بالادوات اللي ربنا اداها له ربنا قال في سورة العنكبوت قل سيروا في الارض فانظروا كيف بدأ الخلق - 00:17:14ضَ

بالسير في الارض والنظر في الكون ودخول المعامل والنظر في الميكروسكوبات والنظر في التلسكوبات. الانسان بيوصل للعلم بتاع ربنا خلي بالك ده علم ربنا. لكن ربنا نثر هذا العلم في الكون وادانا ادوات. فين الادوات دي - 00:17:38ضَ

دي صورة النحل الاية تمانية وسبعين والله اخرجكم من بطون امهاتكم لا تعلمون شيئا اكبر عالم فيزياء. اكبر عالم شريعة. اكبر عالم كيميا. اتولد من بطن امه ما عندوش ولا معلومة في مخه. ما فيش معلومات - 00:17:59ضَ

والله اخرجكم من بطون امهاتكم لا تعلمون شيئا وجعل لكم السمع الابصار والافئدة. آآ السمع والابصار والافئدة لعلكم تشكرون ربنا نصر العلم في كل مكان وخرجنا من بطون امهاتنا معانا ادوات نجمع العلم سمع وابصار وافئدة - 00:18:19ضَ

اجمعوا انتم العلم بقى يسألونك عن الاهلة هقول لكم الجزء بتاع الاستخدام قل هي مواقيت للناس والحج انما العلم التجريبي عليكم انتم تكتشفوه هناك سبب خاص لهذه الاية لكن في القرآن العبرة بعموم السبب - 00:18:41ضَ

اللفظ الفكرة لما يكون اللفظ آآ عام احنا بناخد بنستفيد به في حياتنا وعبر الزمان. لكن هو ممكن يكون نزل في حادثة معينة ده معنى كلمة اه اه العبرة بعموم اللفظ لا بخصوص السبب. فيه سبب نزلت عشانه الاية. اسباب النزول - 00:19:09ضَ

لكن اللفظ عام ينفع احنا نستفيد منه عبر الزمان في حادثة معينة حصلت لكن الحادسة دي ممكن ما يكونش لها تأسير دلوقتي خلاص كان من عادة العرب في الجاهلية كان في حاجة اسمها العرب الحمس والانصار ايضا - 00:19:33ضَ

انه لما الرجل ينتهي من الحج يعود لبيته ما يدخلش من الباب يدخل من مدخل خلفي في ظهر البيت الاسلام هذه العادة ونزلت الاية تقول لهم لو عايزين البر فعلا - 00:19:53ضَ

يعني الخير يعني الاحسان يعني تعملوا عمل صالح عشان كده بتسألوا عن الاهلة. خليني اقول لكم العمل الصالح فين. خليني اقول لكم البر هو ايه. البر الحقيقي انكم تبتعدوا عن البدع في العبادات. واي شيء في مناسك الحج لم يفعلوا ابراهيم ما تعملوهوش - 00:20:11ضَ

ده السبب الخاص ليس البر بان تأتوا البيوت من ظهورها ولكن البر من اتقى واتوا البيوت من ابوابها خلاص؟ كده شفنا كيف ابطل الاسلام عاد دخيلة على الحج او بدعة ادخلها الناس مع الوقت عشان الناس مع الوقت بتبقى مش - 00:20:33ضَ

عارفة يفرق بين ما هو من الدين وما هو من ثقافة البلد وبقى الدين اختلط بالثقافة والناس مش عارفة تفرق بينهم. هوديكم مسال موجود عندنا اليومين دول. يعني انا داخل مسجد هنا في لندن - 00:20:54ضَ

فبمجرد ما دخلت من الشارع لقيت سلالم لازم اطلعها فوجدت الناس بتصرخ في. اخلع الجزمة. اتاري النزام في المسجد ده انت اول ما تدخل من الشارع تقلع الجزمة على طول. حتى لو فيه بقى لسة رخام وهتمشي عليه - 00:21:10ضَ

وسلالم هتطلعها. ما دام دخلت من باب المسجد لازم تقلع الجزمة على طول دا تدين قاعدين يا جماعة. المهم انا بدعو عشان اقول آآ آآ اقول درس في المسجد ده - 00:21:27ضَ

والناس اللي شافوني دخلت بالجزمة وما خلعتهاش نزراتهم لي كانت شديدة جدا وكاني خرجت من الاسلام بقى. واعتديت على كرامة هذا الدين يعني حاجة يعني يقيموا علي الحد بقى انا اديت درس الناس فوجئت طبعا دي معظمها ان هم ده الشخص اللي زعقنا فيه ده ده قدموه بعد الصلاة وهيدينا درس - 00:21:40ضَ

اتكلمت يومها عن خلط الثقافة بالدين وانه مع الوقت الامور بتسيح في قلب بعضها. والناس بتظن ان كل ممارساتهم اللي في الدين دي من الدين مع ان كتير منها من الثقافة ما لوش دعوة بالدين - 00:22:01ضَ

وضربت مثال خلع الاحذية المسجد ليس من الدين بل من الثقافة لما انتشرت هذه العادة كان بعض الصحابة ما زالوا احياء على قيد الحياة كان ابن مسعود حي ولما لقى ناس بتخلع الحذاء الاحذية خارج المسجد قال وددت لو اتى لص وسرقها حتى لا تكون بدعة - 00:22:17ضَ

يعني اتمنى الناس تسرق الاحزية دي. عشان ما تبقاش بدعة وتجدعناها في الدين. لكن طبعا دلوقتي سجاد وموكيت تنزيفه صعب. فالافضل فعلا نخلع الاحذية لكن لازم نفضل عارفين ان ده مش جزء من الدين - 00:22:40ضَ

لازم نكون فاهمين كده. بالعكس ده هو اساس الاساس قصدي انك بتصلي بالنعل. بتصلي بالحذاء بتاعك اصلا لكن عموما عن زلك الايام المهم ان احنا نكون فاهمين كمان. المهم نرجع لموضوع العين - 00:22:55ضَ

فالاهم هو ان اللفظ بتاع الاية دي يحمل معاني مهمة جدا وليس البر بان البيوت من ظهورها. ولكن البر من اتقى واتوا البيوت من ابوابها. واتقوا الله لعلكم تفلحون. اللي عاوز يعمل حاجة لازم يدخل بالطريقة الصحيحة وليس بالطرق الملتوية - 00:23:07ضَ

الاية اللي قبلها ايه؟ ولا تأكلوا فريق ولا تأكلوا اموالكم بينكم بالباطل وتدلوا بها الى الحكام كولو فريقا من اموال الناس بالاثم. وانتم تعلمون. عاوز تكسب فلوس ما تسلكش السبل الملتوية. وتدفع رشاوي وتغش - 00:23:30ضَ

تخدع وتاكل مال اخوك بالباطل ادخل البيت من بابه. عاوز تخش التجارة ادخل التجارة بطريقة صحيحة افتح محل استورد بضاعة اشتغل زيك زي باقي التجار. ما تروحش انت بقى تجيب بضاعة مغشوشة او مهربة. ويبقى التاجر اللي بيشتغل بطريقة سليمة عمال يخسر - 00:23:50ضَ

وليس البر بان تأتوا البيوت من ابواب من ظهورها ولكن البر من اتقى وقتوا البيوت من ابوابها اتقوا الله لعلكم تفلحون الناس اللي مش بتتقي الله لن تفلح بمفهوم المخالفة - 00:24:10ضَ

بيقول لك واتقوا الله لعلكم تفلحون يبقى اللي مش هيتقي الله مش هيفلح على الاقل مش هيفلح في الاخرة ممكن تشوف واحد ما بيتاقيش ربنا وفي الدنيا عمال يكسب مستنيينك ان هو مفلح هو مش هو ما لم يفلح - 00:24:31ضَ

وربنا مش هيبارك له في هزه الفلوس الناس التي لا تتقي الله لن تفلح. الذي يستخدم الوسائل الملتوية لن يفلح. الفساد في كل الامور مش اخرته مش كويسة على المجتمع - 00:24:46ضَ

كله وربنا ما بيوفقش حد كده واتقوا الله لعلكم تفلحون اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب واجعله قوة لنا فيما تحب - 00:24:58ضَ

وما زويت عنا مما نحب واجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك - 00:25:16ضَ

وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك. وسعينا كله في مرضاتك. اللهم - 00:25:39ضَ

واجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا اللهم فاطر السماوات والارض عالم الغيب والشهادة - 00:25:59ضَ

انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل. ولا حول ولا قوة الا بك - 00:26:22ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان الشرقية وفي الشام وفي كشمير وفي سريلانكا وفي الهند وانصر كل من نصرهم واخذل كل من خذلهم وطهر المسجد الاقصى من الدنس فانهم لا يعجزونك - 00:26:47ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شر - 00:27:13ضَ

وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على - 00:27:33ضَ

دعواتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورها بفيض الايمان بك جميل التوكل عليك واحيا يا ربنا بمعرفتك وامتها يا مولانا على الشهادة في سبيلك. انك نعم المولى ونعم النصير. وصلي اللهم وسلم على سيدنا محمد - 00:27:50ضَ

وعلى اله وصحبه ومن تبع هداه السلام عليكم ورحمة الله وبركاته. نراكم غدا باذن الله. في نفس هذا الموعد ان كنا من اهل الدنيا - 00:28:16ضَ