باحث

السلام عليكم ورحمة الله وبركاته. اهلا بحضراتكم في المقطع رقم سبعمية اربعة وتلاتين من مقاطع حظر التجول والحلقة الخامسة والستون من حلقات تدبر سورة البقرة ارجو من حضراتكم آآ تفتحوا المصاحف - 00:00:02ضَ

خلونا نشوف كده بعد ما ربنا اعطانا سورة آآ المنافق المفسد في الارض اللي بيحلف بالله كذبا من اجل الدنيا. ومن اجل تحقيق اجندة مادية الوصول للثروة او للسلطة القرآن هيعطينا النهاردة الصورة المقابلة - 00:00:32ضَ

الصورة العكسية تماما صورة الانسان الذي يبيع الدنيا وما فيها ويتنازل عن مصالحه المادية في المال وفي وفي كل شيء ابتغاء مرضات الله علشان يرضي ربنا سبحانه وتعالى اقرا معي كده صفات المنافق اللي احنا تدبرناها امبارح واقرا بعضها على طول صفات الانسان - 00:01:02ضَ

آآ المؤمن الصادق اتأكد بس ان الصوت كويس آآ بسم الله افتح معي كده واقرا. تمام آآ من متين واربعة لمتين وستة اعوذ بالله السميع العليم من الشيطان الرجيم ومن الناس من يعجبك قوله في الحياة الدنيا ويشهد الله على ما في قلبه وهو الد الخصام - 00:01:28ضَ

واذا تولى سعى في الارض ليفسد فيها ويهلك الحرث والنسل والله لا يحب الفساد واذا قيل له اتق الله اخذته العزة بالاثم فحسبه جهنم ولبئس المهاد انسان آآ نرجسي اللي بيسموه ما بيحبش غير نفسه يضحي بكل شيء في الدنيا حتى بالناس كلها مستعد يضحي بها من اجل مصالحه ممكن يضحي - 00:02:03ضَ

شعب كامل من اجل مصالحه شف بقى التاني اللي ربنا بيعرضه لنا النهاردة ومن الناس من يشري نفسه ابتغاء مرضات الله والله رؤوف بالعباد شوفوا يا جماعة احيانا الانسان ييجي على نفسه وعلى مصالحه وعلى حساب راحته من اجل ناس بيحبهم اوي زي مسلا اولاده - 00:02:38ضَ

ممكن يكون بيحبوهم اكتر من نفسه كمان فممكن يضيق على نفسه علشان بس يشوف ابتسامة على وجه ابنه او بنته الانسان اللي ربنا بيتكلم عنه النهاردة في الاية متين وسبعة ده ومن الناس من يشري نفسه ابتغاء مرضات الله - 00:03:06ضَ

يشري يعني يبيع. وهنفهم دلوقتي يشري بمعانيها يعني ده بيتنازل عن راحته في الدنيا وعن مصالحه في الدنيا عن كل حاجة عن الدنيا وما فيها من اجل رضا الله يبقى ده دليل على ايه ؟ على الحب؟ ما احنا قلنا الانسان اللي بيضحي بكل حاجة عشان بس يشوف ابتسامة على وجه ابنه او بنته. الدافع لده هو - 00:03:26ضَ

يبقى احنا بنتكلم عن انسان يريد ان يرضي الله باي تمن على ولو على حسابه آآ يبقى ده انسان بيحب الله سبحانه وتعالى تعالوا نفهم الاية بقى. يشري ومن الناس من يشري - 00:03:48ضَ

يعني ايه يا شريف؟ اشترى معروفة اشترى بيتا بماله يعني دفع ماله وخد البيت عكسها باع شرى شرا مش اشترى. شرى تأتي عادة بمعنى باع. في معزم الاوقات بمعنى باع. الرغبة لاصفهاني يقول عاد - 00:04:07ضَ

اه في معظم الاوقات شرى يعني باع واحيانا قليلة تأتي بمعنى اشترى ايضا. وده من عجائب اللغة العربية ان بعض الالفاظ تأتي بالمعنى وعكسه والقارئ بيفهم من السياق المعنى المقصود. مسلا بمعنى باع - 00:04:34ضَ

ربنا بيقول في سورة يوسف وشروه بثمن بخس دراهم معدودة وكانوا فيه من الزاهدين. يبقى باعوه. باعوه بالبخس اكبر مثال على المؤمنين المخلصين اللي آآ اللي باعوا الدنيا وباعوا نفسهم - 00:04:55ضَ

حبا في الله ومن اجل ارضاء الله هم المؤمنين الاوائل اللي تحملوا العذاب والاضطهاد والاهانات في سبيل هذه هي العقيدة ما حدش منهم قال هو ربنا سايبهم يعملوا فينا كده ليه ؟ ما حدش فيهم يتكلم بالطريقة دي ابدا - 00:05:20ضَ

وناخد مثال سمية ام عمار آآ ام عمار ابن ياسر. وزوجها ياسر دول كانوا يعني سابع سبعة في الاسلام بعد السيدة خديجة وابو بكر وعلي بن ابي طالب دول تقريبا رقم سبعة. يعني لو شلنا بنات النبي هيبقوا رقم سبعة - 00:05:42ضَ

كانوا كفار قريش بياخدوها هي وزوجها ياسر وابنهم عمار ويخلعوا ملابسهم ويلبسوهم دروع حديد ويربطوهم نايمين في الشمس في الصحرا الشمس في اغسطس في مكة يعني خمس دقايق تجيب ضربة شمس للبني ادم تجيب اجله - 00:06:06ضَ

كانوا بينيموهم كده لابسين دروع حديد فالحديد ده يسخن من الشمس ويبقى جسمهم يتشوي وربطوا رجليها في بعيرين. كل رجل في بعير في جمل. وخلوهم يمشوا عكس بعض. وهي بتتشد وراح - 00:06:31ضَ

جهل جاي بالرمح وراح ضاربها في منطقة القبل اتشقت نصين زوجها ايضا مات في التعزيب. فهي وزوجها ماتوا في التعزيب دول باعوا نفسهم من اجل العقيدة من اجل ارضاء الله - 00:06:48ضَ

مع ان الله سبحانه وتعالى رخص لهم انهم يكفروا آآ بلسانهم يعني ربنا رخص لهم يكفروا باللسان. ما عملوش كده برضو كانوا بيأبوا بيأبوا انهم يكفروا وبعدين ابنهم عمار ابن ياسر عملها. يعني اخد بالرخصة وقال كلمة الكفر - 00:07:11ضَ

وراح يبكي للنبي تاني يوم فالنبي شجعه انه يعمل كده تاني لو عزبوه تاني النبي عليه الصلاة والسلام حريص على حياة المؤمنين والمؤمنين حريصين على ارضاء الله فشوفوا بقى الفرق بين دول وبين المنافقين. المنافق عبارة عن كافر يتزاهر بالايمان من اجل الدنيا - 00:07:34ضَ

الصحابي من دول كان يعذب فهو عبارة عن مؤمن ربنا رخص له انه يتزاهر بالكفر ولا يريد ان يتزاهر بالكفر برضه. من اجل الاخرة من اجل الاخرة لا يريد التزاهر بكفر مع ان مرخص له يتزاهر بالكفر. وربنا سمح له بزلك - 00:07:55ضَ

يبقى ده مثال على من يشري بمعنى يبيع ومن الناس من يشري نفسه ابتغاء مرضات الله والله رؤوف بالعباد وقلنا ممكن يشري بمعنى اشترى. يشتري نفسه. يعني ايه يشتري نفسه - 00:08:14ضَ

ده في وسط الناس اللي بتتخلى عن اموالها ومصالحها نظير انها تبقى على الايمان. حصل كده في قصة صهيب الرومي بيضغطوا عليه وبيعزبوه قال لهم بقول لكم ايه بلا دوشة - 00:08:36ضَ

ايه رأيكم اعطيكم كل ما لي وتتركوني اذهب الى المدينة هديكم كل حاجة ولكن تبقوا لي راحلة اركبها واروح بها المدينة تصالحهم على ذلك. يعني اتفق معهم هياخدوا كل فلوسه ويسيبوا له جمل يركبه ويمشي - 00:08:51ضَ

ونزلت الاية قبل ما يوصل المدينة. فاول ما دخل المدينة قابله سيدنا ابو بكر الصديق رضي الله عنه فقال له ربح البيع ابا يحيى. فصهيب مش فاهم ولسه داخل المدينة ولسه ما خدش نفسه وما حكاش حاجة لحد لسة ما فيش حد يعرف الموضوع ده - 00:09:12ضَ

مساء ابو بكر يعني آآ انت بتقول ايه قال له لقد اخبر الله رسوله بما حدث معك في مكة ونزلت فيك اية من القرآن ومن الناس من يشري نفسه يعني يشتري نفسه. فهو بفلوسه اشترى نفسه - 00:09:33ضَ

واشترى نفسه وبقي على الايمان. ومن الناس من يشري نفسه ابتغاء مرضات الله وعلى فكرة احنا كان بنشوفه يعني في ناس من المسلمين الجدد هنا في اوروبا بيضحوا بالمال. بيضحوا بعلاقاتهم الاسرية. بيضحوا بشغلهم وبوظايفهم وبيشتروا بالحاجات دي بيشتروا بها نفسهم. عشان يمارسوا دينهم بحرية - 00:09:53ضَ

مش بس في اوروبا واوروبا ليه؟ انا انا يعني في الفيلم بتاعنا اللي اسمه الاسلام في المرأة متصورين مع بنت المانية كانت بتشتغل في منتجع سياحي في الغردقة قالت لمديرها - 00:10:19ضَ

انا قررت ادخل الاسلام الا انت حرة بس انسي انك تلبسي الحجاب. قلت له لأ. انا هدخل الاسلام وهبدأ صفحة بيضا. انا عاوزاها تفضل بيضا. فانا يعني انا هامشي على شرع ربنا بالزبط - 00:10:34ضَ

زي ما بيقول انا مش هبدأ اسلامي بان انا يعني اعصي ربنا ساعتين اتنين وكانت مرمية في الشارع بهدومها غريبة مش من المكان ولا قبضوها ولا بتاع ومن الناس من يشري نفسه ابتغاء مرضات الله دي اشترت نفسها بوزيفتها ضحت بوزيفتها ضحت بمصدر رزقها في - 00:10:46ضَ

انها ترضي ربها والله رؤوف بالعباد اللي عاش منهم بعدها ربنا رأف به واللي استشهد منهم زي السيدة سمية كده هو اكبر فائز لانه الرسول عليه الصلاة والسلام له حديث بيقول ما فيش حد بيدخل الجنة ويتمنى يرجع الدنيا الا الشهيد - 00:11:11ضَ

شوفوا الحديث ده قال رسول الله صلى الله عليه وسلم ما من احد يدخل الجنة ويحب ان يرجع الى الدنيا وان له ما على الارض من شيء مهما كان كان غني وكان عنده كل حاجة في الدنيا. ما فيش حد هيتمنى يرجع الدنيا - 00:11:36ضَ

غير الشهيد فانما يتمنى ان يرجع فيقتل عشر مرات لما يرى من الكرامة. من كتر التكريم اللي ربنا بيكرمه للشهيد الشهيد هيتمنى يرجع يتقتل تاني وتالت ورابع عشر مرات الله رؤوف بالعباد. اللي بقوا على قيد الحياة واللي استشهدوا - 00:11:56ضَ

دلوقتي بقى احنا بقينا في حالة ايمانية عالية جدا واحنا بنسمع الكلام ده. وبنتدبر الكلام ده كتير مننا تقول ايه طب اعمل ايه بقى عشان ابقى من الناس اللي بترضي ربنا انا كمان. تقرا الاية متين وتمانية ومتين وتسعة. هتقول لك - 00:12:19ضَ

يا ايها الذين امنوا ادخلوا في السلم كافة. ولا تتبعوا خطوات الشيطان انه لكم عدو مبين فان زللتم فان زللتم من بعد ما جاءتكم البينات فاعلموا ان الله عزيز حكيم - 00:12:37ضَ

الطريق الى آآ ارضاء الله الطريق الى ارضاء الله يبدأ بالدخول في الاسلام كله على بعضه مش هتسلم على سطر وتسيب سطر يا ايها الذين امنوا ادخلوا في السلم كافة. وعند ورش ادخلوا في السلم كافة. وهنفهم الفرق بين الاتنين دلوقتي - 00:13:03ضَ

بس كافة على بعضه كله ما تدعيش انك مسلم وانت مش بتصلي ما تدعيش انك مسلم وانت مش بتخرج زكاة مالك ما تدعيش انك مسلم وانت تارك للصوم. ما تدعيش انك مسلم وانت تارك للحج. ما تدعيش انك مسلم وانت تارك للجهاد. ما تدعيش انك - 00:13:31ضَ

مسلم ومتارك للايمان بالقضاء والقدر حالة السخط والغضب اللي عند بعض الناس نتيجة ابتلاء ربنا لهم في الدنيا دي دليل على ضعف شديد جدا في الايمان بالقضاء والقدر يا ايها الذين امنوا ادخلوا في السلم كافة ولا تتبعوا خطوات الشيطان انه لكم عدو مبين - 00:13:54ضَ

السلم بكسر السين يعني السلامة حفص بيقرأ كده ودخوله في السلم كافة السلم بفتح السين يعني السلام. بمعنى ترك الحرب السلم ورش ابن عن نافع بيقرأ الامام نافع بيقرأ كده - 00:14:19ضَ

اربعة تقريبا من من العشرة بيقروا كده السلب وستة بيقروا السلم. والله اعلم اربعة وستة اعتقد مش فاكر يعني الاتنين بمعنى الاسلام لان الاسلام هو سلم يعني سلامة عقيدة الانسان. وسلامة عبادة - 00:14:38ضَ

انسان فيصبح الانسان في حالة سلم يعني سلام مع الله سبحانه وتعالى ومع نفسه ومع الناس ومع الكون كله حواليه فسواء السلم بالكسر او بالفتح السلم فمعنى القراءتين مجموعتين هو يا ايها الذين امنوا - 00:15:00ضَ

كلوا في السلم والسلم. يعني يا مؤمنين ادخلوا في السلام وفي سلامة العقيدة. كافة طبقوا دين ربنا في حياتكم كله عشان تعيشوا في سلام. لما تطبق دين ربنا بالكامل ويبقى عندك سلامة عقيدة - 00:15:21ضَ

هتعيش في سلام مع الله ومع نفسك ومع الناس ومع الكون حواليك لكن مش مع الشيطان ولا مع جنود الشيطان ولا مع حزب الشيطان كمل بقى الاية. ولا تتبعوا خطوات الشيطان. انه لكم عدو مبين - 00:15:43ضَ

ما تتبعوش خطوات الشيطان لانه هياخدكم واحدة واحدة. الشيطان ما قالش لحد يكفر ولا بيقول لحد يعصي ربنا الشيطان بيزين المعصية ويزين الكفر ويترك الباقي للشهوات. فلما الانسان يشوف المعصية جميلة - 00:16:08ضَ

والشهوة تضغط ضغطة صغيرة الانسان يعصي الله. فالمسألة تبدأ بتزيين المعصية وبعد المعصية الصغيرة يدخله في معصية كبيرة وبعد المعصية الكبيرة يجعله يداوم على المعصية الكبيرة. فيحصل قسوة قلب مع طول الامد يقسو القلب. ويصبح بعدها القلب جاهز للكفر - 00:16:30ضَ

لذلك قالوا المعصية بريد الكفر يعني المعصية توصل للكفر اربعة متين وتسعة فان زللتم من بعد ما جائتكم البينات فاعلموا ان الله عزيز حكيم ازن الكلام واضح اهو ما تتبعوش خطوات الشيطان - 00:16:58ضَ

الكلام ده محتاج بيان اكتر من كده ؟ لأ. ليه ؟ لانه باين اهو فان زللتم من بعد ما جاءتكم البينات الايات بينات الكلام واضح جدا ازا اتبعتم خطوات الشيطان بقى. بعد كل الايات البينات دي ما وصلتكم - 00:17:20ضَ

شفت ده المعنى بقى فان زللتم من بعد ما جاءتكم البينات يعني ايه فان زللتم؟ يعني لو اتزحلقتم ايه ده! يعني ايه اتزحلقتم انت فاكر الشيطان هتتبع خطواته ويمشي بك في حتة ناشفة لأ ده بيمشي فيك في مناطق مزحلقة عشان تتزحلق - 00:17:42ضَ

فان زللتم شف شف شف مناسبة كلمة الزلل مع كلمة اتباع الخطوات. فانت لو اتبعت خطوات الشيطان خلي بالك الطرق اللي هيمشي فيها خطرة فهتزحلقك. فان زللتم وخلي بالك هم زلوا مش كده! يعني وقعوا اللي بيقع بيقع بيتكسر - 00:18:03ضَ

كان قدامهم ايه السلم يعني السلامة يبقى كان قدامهم السلم وربنا دعاهم للسلامة للسلم. فهم اتبعوا خطوات الشيطان خدهم في طرق مزحلقة كانت النتيجة هي الزلل. فان زللتم من بعد ما جاءتكم البينات - 00:18:24ضَ

اللي يعمل كده يبقى ايه؟ يبقى جاهل فاعلموا وكأن ما عندهمش علم نهائي. فاعلموا ان الله عزيز حكيم. اعرف يا جاهل انت وهو يا اللي بتتبع خطوات الشيطان هتقع وهتنزل على جدور رقبتك ولما تتزحلق ها ان الله عزيز يعني لا يغلب يعني لا يمكن الوصول اليه - 00:18:46ضَ

مش يقدر عليه حكيم له حكمة في كل ما يحدث ابتلاءك اللي انت كفرت بسببه فيه حكمة بس انت فاشل وغبي وسقطت في الامتحان. سمية ام عمار ارجل منك مليون مرة - 00:19:11ضَ

بس ده اللي هو بيبتلى ويبدأ بقى انا زعلان من ربنا وشوية بقى يقول لك ايه انا بطلت اصلي. ياه والله يعني انت كده ربنا بقى يعني انت بتضر ربنا يعني عشان انت بطلت تصلي - 00:19:30ضَ

غباء اه اه اه فشل بيفشل في الامتحان ده غير ان ما فيش حتى مروءة. يعني يعني سمية ام عمار انا اقول لكل واحد من دول سمية ام عمار ارجل منك مليون مرة - 00:19:43ضَ

ما عملتش واحد على مليون من اللي انت عملته ده وكانت قوية وكانت ثابتة ورفضت حتى انها تاخد بالرخصة اللي ربنا رخصها لها هي الناس دول يا جماعة مستنيين ايه عشان يؤمنوا؟ - 00:19:58ضَ

اقرا متين وعشرة عشان تشوفوا الاجابة على السؤال ده. هم مستنيين ايه عشان يؤمنوا؟ هل ينظرون الا ان يأتيهم الله في ظلل من الغمام والملائكة وقضي الامر والى الله ترجع الامور - 00:20:11ضَ

هل ينظرون قلنا قبل كده؟ ينظر يعني ينتزر الشوامي يقولوا نترك يعني منتزرك هل ينظرون يعني هم منتزرين ايه علشان يؤمنوا بالله. منتزرين ربنا يجي لهم بنفسه ومعه الملائكة في ظلل من - 00:20:24ضَ

تمام؟ يعني ينزلوا لهم من السحاب عاوز مثال على ناس عملت كده على فكرة ها عاوز مسال على ناس عملت كده اقرا الاية اللي بعدها. سلبني اسرائيل ما اصل الاية ممكن واحد يستغربها جدا - 00:20:42ضَ

لا لا لأ اسأل بني اسرائيل قال له كده بالزبط. سل بني اسرائيل كم اتيناهم من اية بينة ومن يبدل نعمة الله من بعد ما جاءته فان الله شديد العقاب. ما فيش مسال احسن من بني اسرائيل. كم الايات البينات اللي جات لهم مش معقول - 00:20:57ضَ

اشي عصا بتنقلب تعبان وبتاكل الحبال والعصي بتاعة الصحرا وبتشق البحر نصين وبتفجر الماء من الحجر. ايه ده! وبقيت بقى معجزات وكرامات وايد سيدنا موسى اللي تتحط تحت باطه تطلع بيضا يحطها تاني تحت باطه تطلع عادية مش معقول! وان جاء الله لهم من فرعون وهلاك فرعون - 00:21:16ضَ

وجيشه قدام عينيه وكل ده في الاخر قالوا لموسى ايه فاكر البقرة خمسة وخمسين. واذ قلتم يا موسى لن نؤمن لك حتى نرى الله جهرا منتزرين عشان يؤمنوا يشوفوا ربنا. ارجع بقى للاية اللي قبلها هل ينظرون الا ان يأتيهم الله في ظلل - 00:21:36ضَ

من الغمام والملائكة عشان يؤمنوا لازم ربنا ينزل لهم هو والملائكة من السحاب طبعا انا افيدكم حاجة يا جماعة. عشان انا عارف كنت بعد الحلقة دي. بس في تفسير بتقول وفي تفسير انا عارف انا بطلع على التفاسير التفسير اللي - 00:22:00ضَ

انا بيقنعني هو ده التفسير اللي باخده ودي مش جلسة تفسير عشان اعرض كل التفاسير وكل الاراء لأ دي جلسة تدبر فانا باخد تفسير منهم بتدبره معكم ماشي فالهدف هنا هو انكم تتعلموا التدبر بس - 00:22:20ضَ

بس فيه تفاسير بتقول وده مشهد في يوم القيامة. لأ لأ. من فضلكم انا ده التفسير اللي انا اخدته واشتغلت به سل بني اسرائيل كم اتيناهم من اية بينة ومن يبدل نعمة الله من بعد ما جاءته فان الله شديد العقاب - 00:22:36ضَ

دول بدلوا نعمة الايمان بالكفر كانوا مؤمنين لكنهم باعوا ايمانهم بسبب العناد وقسوة القلب والاستكبار. لسة كنت مع الشيخ البدوي محمد ولد الحسن الددو الشنقيطي من تلات تيام. وكلمنا واحنا قاعدين - 00:23:00ضَ

عن اه اهم اسباب الكفر هم التلات اسباب موجودين بشكل رئيسي في بني اسرائيل. الاستكبار يجي نمرة واحد قسوة القلب والعناد دول وضعهم ايه بقى ؟ فان الله شديد العقاب. بقدر ما ربنا رحمته كبيرة وعظيمة بقدر ما عقابه شديد وعقابه اليم ايضا - 00:23:20ضَ

الله واياكم ونتوقف هنا الليلة. احنا ان شاء الله هنكمل في نفس موعدنا ده لمدة اسبوع تقريبا لغاية اخر ليلة في شعبان وسأعلن لكم قبل رمضان ما يبدأ عن موعدنا في رمضان. غالبا هتكون بعد الافطار مباشرة بتوقيت آآ آآ لندن يعني - 00:23:43ضَ

يعني ربع ساعة تلت ساعة كده بعد الفطار يعني اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. الله - 00:24:03ضَ

ثم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى سائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك بكل - 00:24:24ضَ

في قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل عن القرآن الكريم رابع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا - 00:24:54ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه - 00:25:14ضَ

اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة - 00:25:38ضَ

فلسطين وكن مع اخواننا في تركستان الشرقية وفي الشامي وفي كشميرا وفي سريلانكا وفي الهند. وانصر كل من نصرهم واخذل كل من خذلهم. وطهر الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او - 00:26:06ضَ

من احبابنا او من اخواننا او من اخواتنا او من ابائنا او من امهاتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقهه شره. وابعده عنه. ولا تسلطه الا على اعدائك - 00:26:27ضَ

واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك. وتوحدت على دعوتك وتعاهدت على نصرة شريعتك. فوثق الله - 00:26:47ضَ

اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميلك للتوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:27:07ضَ

والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:27:29ضَ