باحث

الحمد لله السلام عليكم ورحمة الله وبركاته. اهلا بحضراتكم في المقطع رقم سبعمية اتنين واربعين من مقاطع اسف. اسف اسف سبعمية تلاتة واربعين من مقاطع حظر التجول والحرقة الرابعة والسبعون من حلقات تدبر سورة البقرة - 00:00:01ضَ

ارجو من حضراتكم تجيبوا المصاحف وآآ انا باعتزر على التأجيل المفاجئ اللي حصل النهاردة وللاسف غالبا من بكرة كمان هنحتاج نأجل ساعة زي النهاردة كده بالزبط. فانا بعتزر لكم معلش. بس بعض الزروف بتطرأ احيانا يعني - 00:00:30ضَ

اه سمة القرآن المدني واضحة جدا في سورة البقرة زي ما احنا شايفين وهي ان كلامها بيغلب عليه اللغة التشريعية وكأنك بتقرأ قوانين كتاب قانون لكنها قوانين تنزم الحياة. بتضع الحدود الفاصلة بين الناس - 00:00:49ضَ

حقوقهم على بعض وواجباتهم نحو بعض لكن اللي بيفرق القوانين الالهية عن القوانين الوضعية التي يضعها البشر بهدف ان يحل العدل بين الناس هو ان واضع القانون الالهي للناس هو خالقهم نفسه - 00:01:12ضَ

آآ بالتالي لا يوجد فرصة للخطأ القانون الالهي ما فيش فرصة للخطأ على عكس القانون البشري اللي وضعه بشر من الوارد يكون فيه خطأ الفرق التاني هو انه لانه واضع القانون الالهي هو خالق الناس - 00:01:34ضَ

اله الناس رب الناس. بالتالي هو يريد مصلحة الناس بنسبة مية في المية لان القانون اللي وضعه لا يطبق عليه اما البشر اللي وضعوا قوانين وضعية بتطبق عليهم. فمن الوارد يكونوا كتبوها بشيء من الانحياز. عشان تحقق مصلحة الفئة اللي هم منها - 00:01:59ضَ

ولكن الله سبحانه وتعالى يريد مصلحة البشر ويحب لهم الخير ونجد ان امر مثلا زي الطلاق بيسمح به رغم انه انهاء للعلاقة الزوجية وانهاء العلاقة الزوجية شيء سلبي بالتأكيد آآ وبيحدث كتير جدا نتيجة انفعال - 00:02:24ضَ

ثم بعد كده بيندم عليه الناس. لذلك فيه اديان اخرى بتحرمه. يعني مسلا في المسيحية لا طلاق الا لعلة الزنا. فقط في حالة ان احد الزوجين آآ يرتكب جريمة الزنا - 00:02:46ضَ

بيسمح بالطلاق في غير كده لأ لكن الاسلام دين عملي من الوارد ان الزوجين يكونوا على خلق وعلى دين لكن طباعهم مش راضية تركب على بعض يعني اساؤوا اختيار بعض. اه وارد - 00:03:00ضَ

هل معقول الاسلام يجبرهم يعيشوا مع بعض في خناق ومشاكل وكآبة لغاية ما حد يرمي التاني من البلكونة! مش معقول فلابد انه يتعمل نزام شيل ده من ده يرتاح ده عن ده - 00:03:16ضَ

فيسمح الاسلام بالطلاق ولكن يخلي فيه تفاصيل كتيرة وممكن يعقدها كمان علشان الناس ما تلجأش للطلاق بسرعة كاول حل يقوم الشارع يشرع عدد محدود من طلاقات من طبعا كلمة الشارع - 00:03:29ضَ

يعني الذي شرع الشريعة اسمه الشارع مش الشارع اللي بنسوق فيه العربية فكرة آآ على فكرة الشريعة نفسها كلمة شريعة في اللغة هي مصدر الماء. يقول لك شرع الماء يعني راح يشرب من المنبع بتاع الماء - 00:03:50ضَ

فلما اقول الشارع الحكيم اقصد به الله سبحانه وتعالى. وتطلق ايضا على النبي صلى الله عليه وسلم لان النبي مشرع ايضا في الاسلام ففي تشريعات شرعتها السنة وتشريعات آآ شرعت بالقرآن - 00:04:06ضَ

المهم ستجد الطلاق له عدد محدود من المرات. بعد كده لا يمكن يرجعوا لبعض لما يندموا خلاص انتهى. لازم بقى تتزوج المرأة من رجل اخر علشان يبقى درس قاسي ما يبقاش كده لبانة في بقه الواحد - 00:04:22ضَ

وشفنا امبارح حكم الايلاء انه اذا رجل ال من زوجته اكثر من اربع شهور. يعني اقسم ان هو لا يعاشرها معاشرة الازواج. اكتر من اربع تطلق منه فورا بعد الاربع شهور بساعة - 00:04:38ضَ

طلقة بائنة يعني بعد الاربع شهور بيوم هي طالق وعدتها منتهية وتقدر تتجوز فورا. فورا في نفس اليوم وشفنا انهم لو اتطلقوا بطريقة عادية وليس للايلاء اربع شهور ان في فترة اسمها فترة العدة يعني لما يحصل طلاق فيه بقى فترة اسمها فترة العدة. يستطيعوا بقى ان هو ايه الراجل يراجع زوجته فيها - 00:04:54ضَ

وخدنا امبارح الاية آآ والمطلقات يتربصن بانفسهن ثلاثة قروء الى قوله تعالى فعولتهن احق بردهن في ذلك ان ارادوا اصلاحا وتدبرناها يعني المطلقات عندهم عدة تلات قروء واتكلمنا امبارح في القرء ومعنى القرء والكلام ده كله هي تلات حيضات يعني غالبا يعني - 00:05:20ضَ

وبعولتهن احق بردهن في ذلك. يعني طالما انها لسة داخل فترة العدة يستطيع الرجل ان هو يراجع زوجته ويرجعها لعصمته تاني. بس خلاص فيه طلقة تمت يعني لكن شف الاية بتقول لك ايه وبعولتهن احق بردهن في ذلك ان ارادوا اصلاحا - 00:05:46ضَ

المشكلة ان مش كل الناس بتستخدم الطلاق والزواج في الاصلاح وفي انهاء الخلافات لا للاسف في ناس بتستخدمه كسلاح في الخلافات وكأننا في حرب روى الامام مالك في آآ جامع الطلاق من الموطأ موطأ اللي هو الموطأ ده على فكرة يعني يقال هو اول كتب السنة - 00:06:12ضَ

موطأ الامام مالك عن هشام ابن عروة عن ابيه انه قال كان الرجل اذا طلق امرأته ثم ارتجعها قبل ان تنقضي عدتها كان له ذلك وان طلقها الف مرة يعني في الجاهلية عدد الطلقات مفتوح مش تلات طلقات بس - 00:06:34ضَ

ممكن حد يقول لي طيب ما هو ده حاجة كويسة لأ كويس ازاي ؟ طب شف كده ممكن يعمل ايه بالكلام ده ممكن يستخدم الكلام ده في انه يتبهدل المرأة - 00:07:02ضَ

كمل بقى الحديث بتاع هشام ابن عروة عن ابيه فعمد رجل في واحد فعلا عمل كده. فعمد رجل الى امرأته فطلقها حتى اذا شارفت انقضاء عدتها اول ما العدة قبل ما تخلص بيوم راجعها. خلاص رجعها لاسمته تاني - 00:07:12ضَ

ثم طلقها ثم قال والله لا اويك ولا تحلين ابدا. يعني هافضل اعمل كده فيك. اطلقك بعد قبل العدة اوعى تخلص بيوم اقوم مرجعك. واعمل كده الف مرة بقى. فلا انت لا انت الزوجة بتاخد حقوق الزوجية وعايشة عيشة الزوجة العادية ولا انت - 00:07:33ضَ

حلي انك تتزوجي حد تاني. وهفضل معلقك كده بقية الحديس قال فانزال الله تعالى اول اية من ايات التدبر عندنا النهاردة. اقرا معي متين تسعة وعشرين عشان يشوف ربنا. انزل - 00:07:56ضَ

الاية متين تسعة وعشرين ازاي عشان يحمي المرأة من هؤلاء الرجال اعوذ بالله السميع العليم من الشيطان الرجيم الطلاق مرتان فامساك بمعروف او تسريح باحسان ولا يحل لكم ان تأخذوا مما اتيتموهن شيئا - 00:08:11ضَ

الا ان يخاف الا يقيما حدود الله. فان خفتم الا يقيما حدود الله فلا جناح عليهما فيما ابتدت به تلك حدود الله فلا تعتدوها. ومن يتعدى حدود الله فاولئك هم الظالمون - 00:08:34ضَ

الاوكازيون اللي كان معمول ده ان واحد يطلق مراته ويرجعها الف مرة ده خلص الطلاق مرتان فامساك بمعروف او تسريح باحسان. خلص الموضوع اول مرة وتاني مرة يجوز للراجل انه يراجع زوجته في فترة العدة. بعد كده - 00:08:57ضَ

خلاص بعد المرة التانية دي يا اما امساك بمعروف يفضل بقى متمسك بزوجته كده لان بعد التالتة تابتة ما فيش بعد كده خلاص ما فيش مراجعة او تسريح باحسان. يمسكها في الزواج الى الابد بقى ولكن بمعروف. يعني ايه؟ يعني يحسن اليها. يحسن صحبتها - 00:09:17ضَ

يحلوا بقى المشاكل يكبروا بقى هم الاتنين ينضجوا بقى ويكبروا مخهم بدل الفضايح اللي عاملينها فامساك بمعروف بكل ما تحمل كلمة معروف من معنى بقى. معروف بمعنى بحسن بحسن عشرة بالخير. او بمعروف يعني بالعرف المتعارف - 00:09:39ضَ

عليه بدون آآ آآ مبالغات او تسريح باحسان لان ما فيش فايدة لا قرروا يتطلقوا الطلقة التالتة يبقى تسريح باحسان يعني يسيبها بقى تمضي الى بيت اهلها ويحسن فراقها وما يزلمهاش - 00:09:58ضَ

اعطيها باقي المهر اللي اسمه المؤخر يعطيها كمان نفقة المتعة وكل حقوقها تاخدها بل اسمعوا بقى دي لما واحد يكون كاتب على نفسه مؤخر الصداق. الصداق ده يعني المهر يا جماعة - 00:10:17ضَ

واحد كاتب على نفسه مؤخر الصداق. مسلا عشر تلاف جنيه العشر تلاف جنيه عشان تعرفوا مسلا اقول لكم على حاجة حصلت لما العملة بتقع في روسيا سنة واحد وتسعين العشر تلاف جنيه دول كانوا ممكن يجيبوا عربية لادا - 00:10:34ضَ

ده في الصيف بتاع واحد وتسعين في نوفمبر واحد وتسعين بقوا العشر تلاف جنيه دول ما يجيبوش قفصين طماطم لان العملة انهارت مع انهيار الاتحاد السوفيتي هل معقول واحد يروح يدفع المهر اللي عليه قفصين طماطم - 00:10:57ضَ

منتهزا فرصة ان العملة انهارت وهو موقع على عشر تلاف فمش هيدفع غيرهم عشان كده ؟ لا عيب. فامساك بمعروف او تسريح باحسان. ربنا يحب الاحسان في كل شيء وهناك مبدأ في الفقه اسمه مبدأ الثمانية - 00:11:12ضَ

حضراتكم لما اتجوزتوا العشر تلاف دول كانوا بيجيبوا كم جرام دهب لما تيجوا تتطلقوا ويحصل ان العملة قيمتها تنزل الانسان اللي عنده دم يحسب وقتها. كانوا كم جرام دهب لان الدهب هو - 00:11:31ضَ

القيمة الحقيقية عشان تبقوا عارفين هو يعني حتى الدهب والفضة في الفقه يسموا النقدين هم دول النقود الحقيقية ففي الحالة دي انت عاوز تيجي آآ يوم القيامة مخلص ديونك. وما فيش عليك حاجة لما تقف قدام ربنا يبقى تحسب المؤخر ده كويس اوي ان ده دين عليك - 00:11:45ضَ

كمل الاية بقى ولا يحل لكم ان تأخذوا مما اتيتموهن شيئا الا ان يخافا الا يقيما حدود الله. فان خفتم الا يقيما حدود الله فلا جناح عليهما فيما افتدت به. يعني ايه؟ لا يجوز - 00:12:08ضَ

يا رجالة انكم تاكلوا فلوس المهر الا من حق زوجاتكم لا يحل لكم ان تأخذوا مما اتيتموهن شيئا. انت جبت لها حاجات واديتها حاجات مهر لها وهي ماشية تاخد مهرها معها. مش تقوم - 00:12:27ضَ

انت واخد الفلوس او جزء من الفلوس لا يجوز انكم تأخذوا مما اتيتموهن شيئا لكن لو فيه خوف ان حدود الله لا تؤدى. يعني واجبات. كل واحد ناحية التاني في هذه الحالة - 00:12:43ضَ

ممكن للمرأة يبقى هي اللي عاوزة الطلاق لنا اي حاجة رجعت في كلامها مش بتحبه مش عاوزة تعيش معه مش قادرة تعطيه حقوق الزوجية يجوز انها تفدي نفسها بانها تعطيه المهر اللي دفعه - 00:13:02ضَ

او جزء منه طالما هو راضي يعني ممكن تقول له بص انا ما معييش المهر كله ممكن يديك باقي منه معي نص المبلغ تاخدهم وتطلقني يقول لها اه اتفاهموا يطلقها وتبقى هي فادت نفسها - 00:13:22ضَ

هنا سنجد الاسلام بيتدخل علشان ينصف الرجل من المرأة نفترض انها طلبت مليون جنيه مهر ودفعهم لانه عاوز يتجوزها يعني عاوز يتجوزها جدا سمع مليون جنيه حاضر راح مدبر المليون جنيه ومديهم لها - 00:13:36ضَ

وبعد ما اتجوزوا قالت له هاطلع عينك بقى مش مدياه حقوق الزوجية خالص ومطلعة عينه الراجل كده اتنصب عليه طيب هي بتعمل كده عشان يطلقها. بعد ما خدت المليون جنيه - 00:13:54ضَ

هنا بقى من حقه ما يطلقهاش. الا ازا رجعت له المهر وده حصل على فكرة يعني وقت الرسول عليه الصلاة والسلام احدى الصحابيات الفضليات راحت للرسول عليه الصلاة والسلام وقالت له انا متزوجة من فلان وانا بصراحة ان دي - 00:14:10ضَ

انتم مش عايزة يعني مش عايزة الجوازة دي الرسول عليه الصلاة والسلام قال لها ايه السبب اللي مخليكي لا تريدي آآ هذه الزيجة؟ قالت لا احبه بس كده. لا احبه دي كانت آآ كانت آآ سبب كافي جدا جدا - 00:14:24ضَ

لانهم اطلقوا قال لي طب انت خدت منه حاجة؟ قالت له اخدت منه حديقة ترجعيها له قالت له وازيد. يعني رجعها له وادي له كمان قال لها لا لا لا مش عايزين منك تزودي حاجة. فهنا في الشريعة - 00:14:44ضَ

ترجع له بحد اقصى المهر ما ترجعلوش قرش فوق المهر. ليه بقى؟ عشان هنا الشريعة بتنصف المرأة من الرجال برضه. ليه؟ ممكن يعمل اللي يحصل العكس بقى. زوج يطلع عين زوجته الغنية - 00:14:58ضَ

اللي ورست من ابوها عشرة مليون جنيه فيجوزها ويبهدلها ويدخل عليها الحزن في الرايحة والجاية وقلة ادب علشان تقول له طلقني فيقوم مطلقها فيقوم يقول لها مش هطلقك الا اما تدفعي لي عشرة مليون جنيه - 00:15:13ضَ

وهو متجوزها بمهر خمس تلاف جنيه بس ؟ لأ الشارع الحكيم حط حط حد اقصى على المبلغ اللي اللي هي تدفعه عشان تفدي نفسها هو قيمة المهر فقط حضرتك دخلت بخمس تلاف جنيه هتخرج بخمس تلاف جنيه. هي مش آآ مش صفقة انت مش داخل مش متجوز في البورصة! لا لا لا. هو ده هو ده اخرك - 00:15:28ضَ

خلوا بالكم هنا الاسلام لا هو دين ذكوري ولا هو دين نسوي لا بينحاز للرجال ولا بينحاز للنساء. الاسلام بينصف الجميع ولا يرضى بالظلم ابدا كمل بقى تسعة ومتين تسعة وعشرين - 00:15:51ضَ

تلك حدود الله فلا تعتدوها ومن يتعدى حدود الله فاولئك هم الظالمون. تلك حدود الله فلا تعتدوها. وبنشوف احيانا تلك حدود الله فلا قلنا ان واجبات الناس نحو بعض في الحقيقة حقوق - 00:16:07ضَ

لذلك ربنا شرع تشريعات التشريعات دي فيها اوامر ونواهي يعني حاجات مسموح تعملوها وحاجات من هي عنها في المسموح ربنا بيقول تلك حدود الله فلا تعتدوها يعني دي حدود ربنا في المسموح. الحد الاقصى اهو - 00:16:29ضَ

اللي ممكن توصل له في الحلال في المسموح. اياك تعدي حد الله. تلك حدود الله فلا تعتدوها. لكن لما ما ينهى عن شيء يقول تلك حدود الله فلا تقربوها دي الاشياء الحرام يجب ان انتم تخلوا بالكم ما توقعوش فيها. فما تقربوش منها احسن. عشان لو قربت ممكن تقع - 00:16:54ضَ

تلك حدود الله فلا تقربوها تمام ومن يتعدى حدود الله فاولئك هم الظالمون تشريعات الله هدفها ان يحل العدل بين الناس. وان كل واحد واحد ياخد حقه بالتالي مخالفة الشريعة معناها ان فيه زلم هيقع على حد منهم - 00:17:20ضَ

احنا قلنا الشريعة اساسها انها آآ هدفها هو احلال العدل بين الناس. طيب يبقى مخالفة الشريعة هتؤدي الى زلم ومن يتعدى حدود الله هو ده اللي ظالم. فاولئك هم الظالمون. اقرا معي بقى متين وتلاتين - 00:17:49ضَ

فان طلقها فلا تحل له من بعد حتى تنكح زوجا غيره. فان طلقها فلا جناح عليهما ان يتراجعا ان ظنا ان يقيما حدود الله. وتلك حدود الله يبينها لقوم يعلمون - 00:18:11ضَ

شوفوا كم مرة كلمة حدود الله حدود الله حدود الله بتيجي في ايتين خمس ست مرات ازا بعد ما رجعها بعد الطلقة التانية فان طلقها فلا تحل له ازا ما رجعهاش بعد الطلقة التانية ولم يمسكها بمعروف واضطر يطلق اسف. انا اسف - 00:18:32ضَ

لو لو هو رجعها بعد التانية. وبعدين اضطر يطلقها الطلقة التالتة. لاي سبب بقى يبقى في التالتة هي بانت منه بينونة كبرى يعني ايه يعني خلاص ما فيش رجوع تاني - 00:18:53ضَ

بعد الطلقة الاولى والطلقة التانية وهي في العدة هي بانت يعني طلقة بائنة بينونة صغرى. صغرى يعني ايه؟ يعني يستطيع يرجعها طالما العدة ما خلصتشي بنفس العقد مش محتاجين موافقة ولي تاني ولا محتاجين شهود تاني ولا محتاجين مهر تاني بنفس العقد - 00:19:07ضَ

ده حقه البينونة الكبرى يعني بعد ما الطلقة البائنة دي انا اسف بعد ما بعد العدة آآ خلاص اصبحت آآ طلقة بائنة بعد كده. البينونة الكبرى بقى هي بعد الطلقة التالتة اللي هي ما فيش رجوع ابدا خلاص انتهى الامر - 00:19:28ضَ

الا ازا تزوجت شخص اخر زواج حقيقي مش راحة اتجوزت تيس ده مش تعبير يالا ده تعبير النبي عليه الصلاة والسلام. لما سئل عن المحلل اللي هو الشخص اللي بيروح يتجوز على الورق وخلاص عشان خاطر يرجع يعني واحدة ترجع لجوزها تاني - 00:19:51ضَ

ده اسمه التيس المستعار. لأ ما فيش حد بيستلف تيوس دلوقتي هذا الشخص يروح يتجوزها ولما يموت وتبقى ارملة وتخلص العدة بتاعتها تبقى تتجوز الراجل الاولاني تاني لو عايزة او لو الراجل ده طلقها - 00:20:09ضَ

تمام بس في الحالة دي هيجوز للزوج الاول انه يعقد عليها بعد ما يكون خد درس عمره عشان بعد كده ما تبقاش كلمة الطلاق لسنة في بقه انما شيء طبيعي ابدا لما واحد يطلق تلات مرات ولسه عاوز يرجع الرابعة. يعني عايز يرجعها للمرة الرابعة يبقى فيه بالتأكيد فيه حاجة غلط - 00:20:29ضَ

في تسرع او في طلقات منهم ما كانش لها لازمة ان انا عاوز اقول الحقيقة للرجالة ان احيانا كثيرة لما المرأة تقول لك طلقني بتبقى مش عاوزاك تطلقها فعلا خلي بالك من دي بقى اوي - 00:20:49ضَ

بتبقى عاوزة تعرف انت بتحبها ومتمسك بها ولا ما هتصدق تطلقها بحجة ما هي انت اللي طلبت فمش معنى ان قالت لك طلقني يبقى تطلقها. ولو قالت لك لو انت راجل طلقني قل لها انا راجل ومش هطلقك. ما ما - 00:21:07ضَ

ما تستسلمش للمسألة دي لغاية ما تتأكد ان الطلاق فعلا هو ده رغبتها وصادر عن تفكير مش صادر عن عاطفة لا يا بنت الناس انا جيت طلبتك من راجل. من اهلك. عاوز اسمعها منه هو بقى. يعني روحي اتكلمي مع اهلك وقولي لهم انا عايزة اتطلق. فبيناقشوه عشان اهم حاجة تتأكد انها ناقشت المسألة بعيد عن - 00:21:25ضَ

انفعال لما تتأكد انها رغبة صادرة عن تفكير يعني هي فكرت كتير ووجدت انها تريد الطلاق طلقها بسهولة واديها حقها واكتر اقرا معي الاية متين واحد وتلاتين متين واحد وتلاتين - 00:21:48ضَ

واذا طلقتم النساء فبلغن اجلهن فامسكوهن بمعروف او سرحوهن بمعروف ولا تمسكوهن ضرارا لتعتدوا. ومن يفعل ذلك فقد ظلم نفسه. ولا تتخذوا ايات الله هزوا واذكروا نعمة الله عليكم وما ان واذكروا نعمة الله عليكم وما انزل عليكم من الكتاب والحكمة يعظكم به واتقوا الله واعلموا - 00:22:18ضَ

ان الله بكل شيء عليم. طيب. واذا طلقتم النساء فبلغن اجلهن يعني لو وصلوا لنهاية العدة بعد الطلقة الاولى او التانية وصلوا لنهاية العدة فبلغن اجلهن فامسكوهن بمعروف او سرحوهن بمعروف - 00:22:51ضَ

اما ترجعوهم وتعيشوا مع بعض بالمعروف او تاخدوا درس من اللي حصل وتسرحوهم باحسان. هتقولي ايه الكلام ده ازاي! بعد ما ربنا قال فبلغن اجلهن ازاي يمسكها؟ يعني العدة انتهت ازاي يقدر يرجعها - 00:23:13ضَ

صح اي حد بيقرأ بفهم لازم هيعترض هنا يا جماعة ازاي بس ازاي لما لما لما لما واذا طلقتم النساء فبلغن اجلهن للاجل خلاص وصلوا لنهاية العدة فامسكوهن بمعروف هل يجوز يمسكها بمعروف؟ مم بص بقى - 00:23:28ضَ

خلي بالك دي بداية الاية دي والاية اللي بعدها نفس البداية والاتنين بمعنى مختلف عن بعض. من اجمل ما يمكن الايتين دول لما تتدبروا مع بعض انا كنت عايز اصلا اخلص الحلقة النهاردة عشان ما تبقاش طويلة بعد الاية ديت ما ينفعش. لازم اخد الاية اللي بعدها معها - 00:23:50ضَ

العرب وهم مسافرين لما يشوفوا القرية اللي هم رايحين لها زهرت من بعيد يقولوا بلغنا المنزل احنا دلوقتي رايحين اسكندرية ولما اسكندرية تظهر من بعيد نقول وصلنا اسكندرية يعني قاربنا البلوغ. احنا قربنا نوصل - 00:24:08ضَ

طب ايه الفايدة من ان ربنا يقول واذا طلقتم النساء فبلغن اجلهن يعني لما يقربوا لما يقربوا يوصلوا لنهاية العدة. فامسكوهن بمعروف او سامحوهن بمعروف طالما الان اللي قبلها متين تمانية وعشرين قالت والمطلقات يتربصن بانفسهن ثلاثة قروء وبعولتهن احق بردهن في ذلك ان ارادوا اصلاحا - 00:24:26ضَ

طب ما هو ده نفس المعنى لأ الاية متين تمانية وعشرين واللي بعدها بيشرعوا نزام الطلاق من ناحية عدد الطلقات ومدة العدة وما يجوز وما لا يجوز في الطلاق وكده. لكن عشان الراجل بقى ما ينامش - 00:24:52ضَ

ويريح وينسى خالص العدة هو مش بيعد القرآن بيدي له ويك اب كول. اصحى اصحى ده خلاص العدة قربت تنتهي واذا طلقتم النساء فبلغن اجلهن يلا بسرعة فتفيد المصارعة فامسكوهن بمعروف - 00:25:13ضَ

اسرح هنا بمعروف يعني قم على حيلك الحق طليقتك قدامها كم يوم. والعدة بتاعتها تخلص تنتهي. قرر بقى هتعمل ايه يبقى ده بيوريك ان ربنا يشاء ايه يشاء الابقاء على الاسرة لاخر لحزة - 00:25:32ضَ

ازا كان ده ممكن يا ريت قدامك حاجتين يا ابن الحلال تختار منهم والتالتة ممنوع. فامسكوهن بمعروف او سرحوهن بمعروف ولا تمسكوهن ضرارا لتعتدوا ولا تمسكوهن ضرارا لتعتدوا. يعني ايه بقى - 00:25:48ضَ

يعني الممنوع انك ترجعها عشان تضرها هو مش ناوي يرجع له تاني ابدا خالص هو مش طايقها بس هو لسة في اول طلقة. طب تعال بقى ايه اخلي لها العدة تسع شهور بقى - 00:26:19ضَ

يقوم رجعها الليلة ويقوم مطلقها تاني فانتزر بقى تلات قروء وكمان هي كانت في طهر جامعها فيه هتنتزر الطهر ده يخلص وبعد حاجة وعشرين يوم تبدأ تعد وبعدين بقى وبعدين يقوم راجعها تاني - 00:26:31ضَ

ويقوم مطلعها تاني ده زلم ده اسمه زلم زلم لها طبعا. بص القرآن قال ايه بقى ولا تمسكوهن ضرارا لتعتدوا. ومن يفعل ذلك فقد ظلم زوجه. لأ فقد ظلم زوجته - 00:26:51ضَ

لأ. امال ظلم ايه ظلم نفسه لقد ظلم نفسه ما هو اللي بيعمل كده اصلا انسان اناني ونرجسي. وسادي وعايز يعزبها. فبيعمل كده اصلا علشان يزلمها. فلو القرآن قال له ومن يفعل - 00:27:07ضَ

ذلك فقد ظلم زوجه. طب ما هو ده اللي هو عايزه خلاص كويس ده انا هظلمها بقى لأ القرآن قال له لأ ده انت بتزلم نفسك لو عملت كده هو مين اللي هيخش النار ما انت اللي داخل النار بالطريقة دي - 00:27:22ضَ

انت اللي هتتحاسب انت اللي هتتشوي اوعى تستخف كمل بقى الاية. ولا تتخذوا ايات الله هزوا يعني ايه يعني ما تاخدوش الكلام ده باستخفاف الكلام ده ما يتاخدش باستخفاف بس بدور على الاية عشان احطها لكم على الشاشة - 00:27:36ضَ

ولا تتخذوا ايات الله هزوا شرع ربنا لازم يؤخذ بجدية وما حدش يتلاعب بشرع ربنا والا فربنا شديد العقاب واذكروا نعمة الله عليكم وما انزل عليكم من الكتاب والحكمة. يعظكم به - 00:28:07ضَ

واتقوا الله واعلموا ان الله بكل شيء عليم. الزواج نعمة من الله. والطلاق ايضا نعمة من الله. لانه بيحل مشاكل كبيرة واذكروا نعمة الله عليكم فالمفروض تحمدوا ربنا على هذه التشريعات - 00:28:28ضَ

الحكيمة وما انزل عليكم من الكتاب والحكمة تشريعات حكيمة نازلة عليكم في كتاب ربنا من فوق سبع سماوات. اتقوا الله بقى. وما تقعوش في الظلم. واتقوا الله واعلموا ان الله بكل شيء عليم - 00:28:45ضَ

ربنا يعلم كل شيء يعلم نيتكم ايه ان في امور الزواج والطلاق فيه اشياء بتستخبى واشياء بيخفيها من انسان عشان ده ناس داخلة حرب مش داخلة تتجوز ففاكرين ان ما حدش عارفها لا ربنا يعلم كل شيء - 00:29:03ضَ

اقرا بقى معي متين اتنين وتلاتين واذا طلقتم النساء فبلغن اجلهن نفس البداية بتاعة الاية اللي قبلها فلا تعضلوهن ان ينكحن ازواجهن اذا تراضوا بينهم بالمعروف ذلك يوعظ به من كان منكم يؤمن بالله واليوم الاخر - 00:29:17ضَ

ذلكم ازكى لكم واطهر. والله يعلم وانتم لا تعلمون هنا بقى بلوغ الاجل مش معناه انهم قربوا تنتهي عدتهم. لأ ده هنا خلاص هي العدة انتهت بالفعل واذا طلقتم النساء فبلغن اجلهن. يا رجالة يا رجالة الكلام للرجالة عموما - 00:29:39ضَ

ازا طلقتم النساء وبلغن اجلهن. هم. طيب. عرفنا منين ان هنا بلغن اجلهن معناها ان العدة انتهت مع ان نفس التعبير هو هو في الاية اللي قبلها وقلنا معناها ان العدة قربت تنتهي - 00:30:02ضَ

هنا ايه الدليل من الاية ان العدة انتهت فكروا كده معي. خدوا عشرين سانية اية فيها كلمة قل انه آآ ان العدة انتهت ايه واذا طلقتم النساء فبلغن اجلهن فلا تعضلوهن ما تعملهمش مشكلة وما تضيقوش عليهم وسيبوهم ان ينكحن - 00:30:16ضَ

ازواجهن. سيبوهم يتجوزوا ازواجهم. يعني هو المرة دي مش بيرجعها ؟ لأ. ده المرة دي هي داخلة وهيحصل عقد عقد زواج من اول وجديد فيه نكاح يبقى العدة انتهت واذا طلقتم النساء فبلغن اجلهن. خلاص العدة انتهت - 00:30:44ضَ

الكلام بقى دلوقتي للولي لابوها واخوها فلا تعضلوهن. يا رجالة برضه! ما انتم رجالة زي بعض! احيانا بيبقى فيه مشاكل بينهم بقى! مش طايقين الواد اللي كان متجوزة قبل كده واسناء المشاكل قل ادبه عليهم ومش عارف افهم لا يعني مش عايزينها ترجع خالص - 00:31:03ضَ

بس لو هي عايزة ترجع لو هي حنت وهو موافق سيبوهم بقى ما تمنعوهمش وتضيقوا عليهم. فلا تعضلوهن من المعضلة. ما تعملي لهمش مشكلة. ما تعملوش للبنت بنتكم المشكلة سيبوها ترجع لجوزها - 00:31:19ضَ

لا تعضلوهن اي ينكحن ينكحن يعني النساء دي هتتجوز وهتوافق من اول وجديد. فالاية اللي قبلها ربنا كان بيخاطب الازواج يقوموا ويفوق بقى كده بدل الكاس اللي هو فيه دوا وياخد قرار ويرجع مراته بسرعة قبل العدة ما تنتهي. هنا الاية دي بتخاطب اهل الزوجة بتخاطب وليها - 00:31:35ضَ

قل له لو بنتك رجع راقرة رجعت لك مطلقة بعد ما انتهت عدتها وبعدين هي وزوجها حنوا لبعض وقرروا يتجوزوا تاني ما تقفش ضدهم وتقول لها بيني وبين جوزك ما تقولهاش لو اتجوزتيه لبنتي ولا اعرفك. ما تخشيش بيتي تاني. لا ما تعمليش كده - 00:31:54ضَ

اسمه عضل يعني سبحان الله ربنا بيزيل كل الموانع قصاد ابقاء الزواج كلم الزوج وكلم الزوجة وبيكلم ابوها دلوقتي مش ايه ده ده الفرق بين التشريعات الوضعية اللي من وضع الانسان - 00:32:11ضَ

اللي هدفها احلال العدل بين الناس وبين تشريع الله اللي بالاضافة لاحلال العدالة بيحافز على العلاقات الانسانية بين الناس. والحفاظ العلاقات الانسانية ده موجود في قلب الصيغة التشريعية. يعني صيغة القانون كلها بتحاول تحافز على العلاقة الانسانية بين الناس - 00:32:30ضَ

حاجة فوق الخيال الحقيقة. واذا طلقتم النساء فبلغن اجلهن فلا تعضلوهن ان ينكحن ازواجهن. اذا تراضوا بالمعروف خلاص يا اخي هم الاتنين راضيين وعاوزين يرجعوا بقى هو انت مش مسلم ولا ايه؟ ذلك يوعظ به من كان منكم يؤمن باليوم بالله واليوم الاخر. كلمة جامدة شوية عشان تقول له ايه؟ هو انت ليه قلبك قاسي كده؟ انت مش مسلم ولا ايه - 00:32:54ضَ

الله الامور اللي فيها ظلم ربنا بيعظ بشكل قوي جدا زي ما قال للزوجة لو اتطلقت انها لا تكتم ما في آآ آآ ارحامها ما في رحمها. بص الاية قالت ايه ولا يحل - 00:33:20ضَ

اهن ان يكتمن ما خلق الله في ارحامهن ان كن يؤمنن بالله واليوم الاخر. يعني لو انت مسلمة محترمة بجد شف الكلمة جامدة ها تكتميش اللي في ايه؟ اللي في بطنك - 00:33:35ضَ

لو عرفتي بعد الطلاق وانت في العدة انك حامل لازم تروحي تقولي لطليك لو عرفتي آآ لو عرفتي حتى ان ان جالك العادة الشهرية لازم تقولي له ان هو كمان بيحسب العدة معك - 00:33:48ضَ

هو ممكن هو يكون عايز قبل اخر العدة يرجعك. فلا يجوز لك انك تكتميها وبعدين تكون حتة كده ايه ان كن يؤمن بالله واليوم الاخر. انت مش مسلمة ولا ايه - 00:34:03ضَ

هنا بيقول لوليها نفس الكلام برضه. هو انت مش مسلم ولا ايه! الله ما تخليك مسلم ومحترم بقى واذا طلقتم النساء فبلغن اجلهن فلا تعدروهن اي ينكحن ازواجهن اذا تراضوا بينهم بالمعروف - 00:34:13ضَ

واذا اه بالمعروف ذلك يوعظ به منكم من كان يؤمن بالله واليوم الاخر ذلكم ازكى لكم واطهر. والله يعلم وانتم لا تعلمون. ده انضف ده احسن لك لحمك ودمك. خليها ترجع لبيتها وترجع لجوزها حتى لو انت اسناء الطلاق الاولاني حصل خناقة بينك وبينه. والولد قل ادبه عليك. خلاص سامح - 00:34:28ضَ

شيء شيء الحقيقة رائع وآآ ورغم ان ان الايات كلها تفاصيل تشريعية وقانونية لكن لكن لا تفقد الروحانية اللي فيها ايضا. وده شيء عجيب جدا يعني نتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك - 00:34:58ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا. ومن الماء البارد على الظمأ. اللهم حببنا اليك والى - 00:35:20ضَ

ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا بكل اجسادنا. اللهم اجعل حبنا كله لك - 00:35:39ضَ

وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:36:04ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتاب بكتالوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم - 00:36:23ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم - 00:36:44ضَ

وطهر المسجد الاقصى من الدنس فانهم لا يعجزونك. واكتب لنا ختم القرآن فيه. اللهم من قضى منا بالوباء فاكتبها له شهادة. ومن كان منا او من اخواننا او من اخواتنا مريضا به او حاملا له فالبس ثوب الصحة والعافية. عاجلا غير اجل - 00:37:11ضَ

ومن لم يصب به فقه شره وابعده عنه. ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها - 00:37:31ضَ

وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك واحييها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:37:55ضَ

وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا. بكرة احنا هنأخر ساعة زي النهاردة برضه ان شاء الله - 00:38:15ضَ