باحث

السلام عليكم ورحمة الله وبركاته. اهلا بحضراتكم في المقطع رقم سبعمية واحد وخمسين من مقاطع حظر التجول والحلقة الثانية والثمانون من حلقات تدبر سورة البقرة آآ ارجو من حضراتكم تفتحوا المصاحف واقرا معي الايتين اللي ان شاء الله هنتدبرهم الليلة - 00:00:01ضَ

وهم الايتين متين ستة وخمسين ومتين سبعة وخمسين اقرا معي اعوذ بالله السميع العليم من الشيطان الرجيم لا اكراه في الدين قد تبين الرشد من الغي. فمن يكفر بالطاغوت ويؤمن بالله فقد استمسك - 00:00:29ضَ

العروة الوثقى لانفصام لها. والله سميع عليم الله ولي الذين امنوا يخرجهم من الظلمات الى النور والذين كفروا اوليائهم الطاغوت يخرجونهم من النور الى الظلمات اولئك اصحاب النار هم فيها خالدون - 00:00:55ضَ

اي انسان بيكره انسان اخر على اي شيء بيبرر اكراهه ده بايه؟ يعني مسلا لو ام بتكره ابنها انه ياكل هتبرر الاكراه ده بايه انه مش عارف مصلحته هو مش عارف مصلحته - 00:01:36ضَ

امش فيها قل كويس فبتكره وانه ياكل اي انسان بيبرر الاكراه بتاعه لاي انسان اخر بان الشخص اللي هو بيكرهه مش عارف مصلحته الاب بيكره بنته وتتزوج عريس معين غني. متقدم لها لانها مش عارفة مصلحتها - 00:01:57ضَ

وهو اللي عارف احسن منها. ده التبرير بتاعه. الحاكم الظالم بيكره شعبه على سياسات معينة. ويقول ان الشعب معظمه اميين ولازم يكره الشعب الشعب مش عارف مصلحته اذا حجة المكره - 00:02:16ضَ

هو ان المكره مش عارف مصلحته. سواء ده صحيح او غلط يعني انا يعني عشان كده قصدت اجيب مثال الام اللي ممكن تكون عندها حق تعمل كده. ولكن حبيت اوري ان دايما الحجة بتاعة اللي بيكره سواء عنده حق او ما عندوش حق - 00:02:31ضَ

هو ان المكره مش عارف مصلحته فنزلت الاية لا اكراه في الدين قد تبين الرشد من الغي علة ان لا اكراه في الدين ان خلاص ما فيش اوضح من كده. ما بقاش في اوضح من كده دين - 00:02:48ضَ

اية الكرسي شرحت لنا مفهوم الالوهية والتوحيد بما فيه الكفاية. والتلات ايات اللي قبلها شرحوا كل اقسام الايمان بوضوح شديد خلاص قد تبين الرشد من الغي بقى تعالوا نقراهم كده - 00:03:08ضَ

راك تشوف اقسام الايمان ابدأ معي من اتنين اتنين وخمسين ابدأ معي من الاية متين اتنين وخمسين تلك ايات الله نتلوها عليك بالحق وانك لمن المرسلين. تلك ايات الله نتلوها - 00:03:26ضَ

عليك ايمان بالوحي بالكتب. وانك لمن المرسلين ايمان بالرسل. كمل تلك الرسل فضلنا بعضهم على بعض. منهم من كلم الله ورفع بعضهم درجات واتينا عيسى بن مريم البينات. الايمان ده بالرسل كله برضو. وايدناه بروح القدس. الايمان بالملائكة. كمل معي - 00:03:42ضَ

ولو شاء الله ما اقتتل الذين من بعدهم من بعد ما جاءتهم البينات. ولكن اختلفوا. فمنهم من امن ومنهم من كفر ولو شاء الله ما اقتتلوا ولكن الله يفعل ما يريد. الايمان بالقضاء والقدر - 00:04:11ضَ

يا ايها الذين امنوا انفقوا مما رزقناكم من قبل ان يأتي يوم لا بيع فيه ولا خلة لا شفاعة الايمان باليوم الاخر والتوحيد والايمان بالله في آآ اية الكرسي. الله لا اله الا هو الحي القيوم. لا تأخذه سنة ولا نوم - 00:04:33ضَ

له ما في السماوات وما في الارض. من ذا الذي يشفع عنده الا باذنه. يعلم ما بين وما خلفهم ولا يحيطون بشيء من علمه الا بما شاء وسع كرسيه السماوات والارض ولا يؤوده حفظهما وهو العلي العظيم - 00:04:56ضَ

كل الوضوح ده هتكرهوا الناس على الدين ليه لا اكراه في الدين. قد تبين الرشد من الغي شوفتوا السياق فمن يكفر بالطاغوت ويؤمن بالله فقد استمسك بالعروة الوثقى لا انفصام لها. والله سميع عليم - 00:05:23ضَ

الاية دي بقى نزلت تدافع عن شباب يهود كان ابائهم المسلمين بيحاولوا يكرهوهم على الاسلام. تصوروا بقى يعني اللي حصل انه قبل الاسلام بعض العرب الجهلة كانوا بيكرهوا ان يولد لهم بنات - 00:05:42ضَ

فكانوا بينذروا نذر لله انه اذا اذا الله سبحانه وتعالى رزقهم الذكور اطفال ذكور هيهودوهم. برضو كان العرب برغم ان هم وثنيين كانوا ينظروا نظرة احترام لليهود لانهم اهل كتاب - 00:06:05ضَ

وعندهم علم اكتر وكده فكان يقول لك ايه واحد مسلا يقول لك ايه انا لو ربنا اداني ولد هوهبه للعلم مسلا كده يعني فنظرته منهم نزرة برضه فيها احترام فكانوا فهودوهم نتيجة كده بقى فيه جيل - 00:06:27ضَ

من الشباب اليهود اللي اباؤهم عرب مش من بني اسرائيل من آآ من الانصار يعني كانوا بيبعتوا ولادهم كمان يتعلموا ما عند بني النضير. ما عندهمش مشكلة ان الولاد يتهودوا - 00:06:42ضَ

لما حصل اللي حصل حصل من بني النظير وحاولوا يغتالوا النبي عليه الصلاة والسلام وحصل التحكيم بينهم وصدر عليهم الحكم عن آآ صوت الحشو الجلاء عن المدينة فالولاد اليهود الولاد ولاد الانصار اللي هم تهودوا - 00:07:03ضَ

كانوا هياخدوهم معهم الاباء والامهات قالوا لأ دول ولادنا. يقعدوا ما يخرجوش معكم يقعدوا ويسلموا ويبقوا مسلمين خلاص هتنزل الاية تدافع عن حق الشباب اليهودي في الاختيار بحرية بين اليهودية والاسلام. لا اكراه في الدين قد تبين - 00:07:26ضَ

الرشد من الغيب حاجة في منتهى العزمة الحقيقة طيب وايه المشكلة لو اكرهنا الناس على الاسلام يعني ما شعوب كثيرة في اوروبا وامريكا لا اعزلكم لان منطقة اسكندينيديا كلها السويد وفنلندا والدنمارك - 00:07:46ضَ

دخلت بحد السيف المسيحية. يعني البابا بتاع الفاتيكان كان بيعمل حملة آآ كان بيعمل حملة آآ كل ست شهور على الدول دي الى ان تدخل في آآ دين المسيح وبعد وقت يا خراب بالاجيال بقى اللي اتولدت ما اتولدوا مسيحيين وفخورين قوي ان هم مسيحيين ومش عارفين ابائهم دخلوا ازاي. طب ايه المشكلة لو احنا كنا عملنا كده؟ ده عندهم حتى تبريد - 00:08:03ضَ

من الانجيل يعني سانت اوجوستين اللي هو اكبر فيلسوف مسيحي في تاريخ المسيحية. مدفون هو في عنابة في الجزائر. كان بالجزائري على فكرة برر استخدام التعذيب لاجبار الناس على اعتناق المسيحية - 00:08:33ضَ

مش فاكر انا الاية اللي استخدمها آآ قال السيد للغلام اذهب واجبرهم للدخول الى بيتي. حاجة كده فطلع منها انه ايه يعني يجوز اجبار الوثنيين او النصارى على الدخول في العقيدة ولو بالاجبار بالاكراه - 00:08:50ضَ

طب فليه يعني مش يعني ليه الاسلام متشدد اوي كده في عدم اكراه الناس على تغيير عقيدتهم يعني ده لان ازا اجبر الناس واكره الناس على الاسلام الاسلام كفكرة يبقى اتهد. احنا بنهد الفكرة الاسلامية نفسها - 00:09:09ضَ

الاسلام كفكرة قائم على ان كل انسان بيحاسب وحده على افعاله واقواله ونياته واعتقاداته اخر اية نزلت في القرآن كله هي الاية ميتين واحد وتمانين في البقرة واتقوا يوما ترجعون فيه الى الله. ثم توفى كل نفس ما كسبت وهم لا يظلمون. كل انسان - 00:09:27ضَ

هيتحاسب لوحده على ما كسب ما كسب يعني اجمالي اعتقاداته نياته افعاله اقواله فلو انسان اكره على عقيدة التوحيد او اكره على عمل صالح. ازاي ربنا هيكافئه ويدخله الجنة؟ ازا كان هو عامل العمل ده وهو مش عايزه اصلا - 00:09:54ضَ

يعني يدخل الجنة على ايه ؟ على اشياء هو ما كانش عاوزها ؟ ونفس الكلام لو هو اكره انه يقول كلمة الكفر مش زي ياسر مسلا ابن ابن عمار عمار انا اسف عمار ابن ياسر. اللي قال كلمة الكفر والرسول والسلام اقروا قال له ان عادوا فعد عشان ما - 00:10:17ضَ

ما يموتش تحت التعزيب. لكن فرضنا واحد اكره انه يقول كلمة الكفر ربنا يدخله النار واكره واحد حاطه في دماغه مسدس وقالوا له يا تشرب الخمرة دي يا نضربك بالرصاص. فشرب الخمرة عشان ينقز ده يدخل النار - 00:10:36ضَ

ففلسفة الاسلام نفسها قائمة على الحرية لازم الانسان يكون حر في اختياره. الانسان الغير حر غير مسؤول مسؤولية كاملة. لزلك العبيد والاماء عليهم نصف العقوبة. ليه انهم مش مسؤولين مسؤولية كاملة عن اختياراتهم - 00:10:53ضَ

مش مسؤولين مسؤولية كاملة لزلك الانسان تكتمل انسانيته بالحرية. لزلك في الاسلام الحرية تساوي الحياة الانسانية. لو واحد قتل آآ واحد بالخطأ داس على واحد بالعربية غصب عنه يعمل ايه ؟ يحرر يعتق رقبة. ليه - 00:11:13ضَ

وهو اخد حياة بالخطأ يبقى يكفر عن ذنبه بانه يعطي حياة لشخص ميت. ازاي؟ يعطي الحرية لشخص مسلوب الحرية. فالحرية في تبدو زوي الحياة. ما ينفعش يقوم بقى الدين ده على الاكراه. ما ينفعش بالعقل - 00:11:32ضَ

ما ينفعش طيب سورة الشعراء. ربنا ادانا مثال خطير ربنا بيقول للرسول عليه الصلاة والسلام لان الرسول عليه الصلاة والسلام كان بيبقى حزين اوي على الناس اللي مش بتؤمن قال له لعلك باخع نفسك الا يكونوا مؤمنين. انت انت باينك هتموت نفسك على الناس اللي مش بتؤمن دي - 00:11:50ضَ

ان نشأ ننزل عليه من السماء اية فظلت اعناقهم لها خاضعين ربنا كان ممكن ينزل كده من السماء شهاب كبير ويقوم موقفه فوق رؤوس الناس ويقول لهم هتؤمنوا ولا نزلوا على دماغكم وطربقها - 00:12:09ضَ

لكن ما عملش كده لانهم لو امنوا مكرهين ما يستحقوش الجنة برضو. طب يعني وبعدين يعني! يعني النظرية الاسلامية نفسها مش هتكتمل. فلابد ان الناس تكون احرار في اختيار المعصية او الطاعة - 00:12:27ضَ

في اختيار الايمان او الكفر لابد الناس تكون منتهى الحرية بتختار نرجع بقى للاية متين ستة وخمسين في البقرة لا اكراه في الدين حتى بين الرشد من الغي. الرشد يعني الهداية. الغي هو الغواية. الضلال - 00:12:45ضَ

فمن يكفر بالطاغوت ويؤمن بالله فقد استمسك بالعروة الوثقى لا انفصام له عشان الواحد يؤمن لازم يكفر الاول انت عايز تؤمن يبقى تكفر. ازاي ؟ فمن يكفر بالطاغوت؟ يجب ان تكفر بالطاغوت. الطاغوت من الطغيان. الاختيار الخاطئ - 00:13:03ضَ

في العقيدة طاغوت اللي يختار الشرك يختار الطاغوت الالحاد طاغوت والطاغوط في العمل هو اتباع الشيطان والغرق في المعاصي في الذنوب عدم تحكيم شرع الله. كل ده طاغوت. فمن يكفر بالطاغوت ويؤمن بالله - 00:13:24ضَ

كانه مسك حبل الحبل الحبل الانقاز. كأنه كان بيغرق في الزلمات دي وربنا بينقزه دلوقتي. امسك بقى بقوة استمسك بالعروة الوثقى لا انفصام لها كانه ماسك بقوة في العقدة المحكمة - 00:13:48ضَ

الوثقة اللي مش هتنفك بتاعة حبل النجاة. والله سميع عليم. والله يسمع دعائك ويعلم ما في قلبك هات الاية متين سبعة وخمسين الله ولي الذين امنوا يخرجهم من الظلمات الى النور. والذين كفروا اولياؤهم الطاغوت - 00:14:07ضَ

يخرجونهم من النور الى الظلمات. اولئك اصحاب النار هم فيها خالدون ما معنى ولي احنا هنقعد بقى شوية في ولي دي. عشان دي مهمة قوي الله ولي الذين امنوا الله ولي الذين امنوا. الله ولي المؤمنين - 00:14:35ضَ

طب والمؤمنين مش اولياء برضه ايوة والمؤمنين اولياء الله فالله ولي المؤمن والمؤمن ولي الله يعني ايه في ال عمران ربنا بيقول والله ولي المؤمنين هنا في البقرة الله ولي الذين امنوا - 00:15:00ضَ

طيب ايه الدليل ان المؤمن ممكن يبقى ولي الله دليل حديث قدسي حديث قدسي يعني يعني الله اللي قاله لكن الصياغة بكلمات النبي صلى الله عليه وسلم فهو مش قرآن هو وحي لكنه مش قرآن وهو كلام الله لكن كلمات اختيار النبي عليه الصلاة - 00:15:20ضَ

الصلاة والسلام الحديث القدسي الصحيح في البخاري عن ابي هريرة رضي الله عنه قال قال رسول الله صلى الله عليه وسلم قال ان الله قال يعني قال رسول الله ان الله قال فاللي جاي ده كلام الله - 00:15:44ضَ

كلام الله. من عادى لي وليا فقد اذنته بالحرب الى اخر الحديث وهنشوفه دلوقتي بقية الحديث هي اللي بتشرح معنى الولي من عاد لي وليا فقد اذنته بالحرب ربنا بيقول اللي هيعادي ولي من اوليائه ساعلن الحرب عليه بنفسي. اوف - 00:16:05ضَ

متخيل المعنى قوي ازاي الاية بقى متين سبعة وخمسين الله ولي الذين امنوا يخرجهم من الظلمات الى النور مهم جدا نفهم معنى الولي ده. مين الولي ده ليه عشان نبقى اولياء احنا كمان ما هو لو انا اصبحت ولي - 00:16:31ضَ

ربنا هيحارب من يعاديني ويخرجني من الظلمات الى النور بصراحة بعد اللي انا سمعته ده لازم اعرف ايه ولي الله ده ازاي ابقى ولي الله انا عايز ابقى من اولياء الله - 00:16:55ضَ

ده لازم يبقى هدفي في الحياة. الهدف الاول في الحياة. اول هدف من اهدافي ابقى انا من اولياء الله كمل بقى الحديس عشان تعرف مين هو ان الله قال من عادى لي وليا فقد اذنته بالحرب - 00:17:11ضَ

وما تقرب الي عبدي بشيء احب الي مما افترضت عليه وما يزال عبدي يتقرب الي بالنوافل حتى احبه اذا الولاية هي علاقة حب وعلاقة قرب حط كلمة تقرب اللي تكررت حط تحتها مليون خط - 00:17:32ضَ

وحط تحت كلمة حب اللي تكررت مليون خط وما تقرب الي عبدي بشيء احب الي مما افترضت عليه وما زال عبدي يتقرب تاني اهو الي حتى احبه. الحب تاني اهو. فالقرب والحب ازا الولاية علاقة قرب وحب - 00:17:58ضَ

مش احنا قبل كده تدبرنا ما له من ولي ولا نصير. النصير ممكن تكون ماشي في الشارع تشوف حد بيزلم حد تخش تتدخل لكن انت ما تقربش الشخص المظلوم انت دخلت تنصره - 00:18:20ضَ

لكن ما انتش وليه ولي لما انت تبقى قريبه او بتحبه وعندك انت عندك علاقة قرابة انت قريب له وتحبه فدخلت نصرته وما تقرب الي عبدي بشيء احب الي مما افترضت عليه. العبد - 00:18:33ضَ

بيعمل الحاجات اللي ربنا بيحبها ويفضل يكررها ها الفرائض متكررة وما تقرب الي عبدي بشيء احب الي مما افترضته عليه. ازا ربنا اكتر شيء بيحبه الفرائض يعني يحب صلاة الظهر وصلاة العصر اكتر من التراويح - 00:18:53ضَ

تصوروا بقى عشان في ناس بتركز ان التراويح تبقى في المسجد بس الضهر مش مهم ده الضهر احب الى الله من التراويح. الضهر احب الى الله من قيام الليل. تخيل بقى - 00:19:16ضَ

اكتر شيء ربنا بيحبه الفرائض. وما تقرب الي عبدي بشيء احب الي مما افترضت عليه والفرائض دي معزمها متكرر صوم رمضان متكرر تلاتين يوم ورا بعض الفرائض الخمسة خمس مرات كل يوم وكل يوم ما فيش يوم اجازة - 00:19:28ضَ

الزكاء متكررة كل سنة فربنا يحب العمل المستديم والفرائض وبعدين ما خلصت الفرائض عايز تزود يلا زود نوافل كلمة نافلة يعني زيادة وما يزال عبدي يتقرب الي بالنوافل يعني الزيادات. حتى احبه - 00:19:51ضَ

بعد ما خلص الفرائض اللي قربته من الله كمل بالنوافل قربته اكتر واكتر حتى احبه الله لان الولاية هي ايه ؟ انك تحب الله وتقترب من الله بالفرائض والنوافل اول حاجة لازم تقيمها بقى هي - 00:20:19ضَ

طب انا ما انا عايز اعرف انا انا مدى قربي من الله ايه ومدى حبي لله ايه هنعرف منين ؟ انا باحب الله اوي. بجد؟ اه. بتقرا القرآن قد ايه ؟ - 00:20:39ضَ

كل يوم اخر مرة قريت قرآن امتى رمضان اللي فات لا يا شيخ بتحب الله كده ايه دينك بيحب الله؟ يعني ايه بحب الله؟ يعني ايه انا باحب الله؟ يعني ايه انا قريب من ربنا - 00:20:49ضَ

احنا يا جماعة مش زي مسلا المسيحيين ما عندناش تمسال لربنا علشان نحب التمسال ونقربه مننا ونحطه في كل اوضة ده دليل ان هم بيحبوا ربنا عشان تبقوا عارفين. وهم فعلا بيحبوا ربنا عشان تبقوا عارفين بس بطريقة غلط - 00:21:02ضَ

ولا احنا عندنا صورة علشان نعلقها في كل غرفة صورة ربنا بقى ونحطها في كل غرفة ونسجد لها ونقدسها ده دليل انهم بيحبوا ربنا عشان تبقوا عارفين بس لكن احنا ما عندناش الحاجات دي لا عندنا له صورة ولا عندنا له تمسال. هم عندنا له ايه؟ ما عندناش من طرف ربنا غير حاجة واحدة بس ايه؟ كلامه - 00:21:18ضَ

ما عندناش غير القرآن لو بتحب ربنا هتحب كلامه انت بتحب القرآن علاقتك بالقرآن انت قريب من من الله بتبقى قريب من القرآن. الله! غير كده ما تضحكش على نفسك - 00:21:37ضَ

ما تضحكش على نفسك علاقتك بالله هيحددها علاقتك بالقرآن. قربك من القرآن هو اللي بيحدد قربك من الله حبك للقرآن بيحدد حبك مين الله؟ حبك لله. بس فانت لو علاقتك بالقرآن علاقة حب وقرب يبقى انت على طريق - 00:21:49ضَ

الولاية اه والله. هو هو انت فاهم انك لما تقرأ مسلا في البقرة الله ولي الذين امنوا يخرجهم من الظلمات الى النور بتعمل ايه الله ولي الذين امنوا يخرجهم. يبقى في اولياء لله. نعمل ايه بقى؟ نروح ندور عليهم موجودين فين عشان نروح نبوس ايديهم! ايه الكلام ده - 00:22:08ضَ

اولياء الله اصلا مش معروفين. لما يتقال لك ده المكان ده المسجد ده فيه واحد ولي من اولياء الله والناس تعال نروح نسمع له ونروح نبوس ايديه ونطلب منه يدعي لنا ده مش من اولياء الله. ليه؟ لان اولياء الله مش معروفين - 00:22:34ضَ

ايه رأيك بقى فلان ده بيطلع في التليفزيون وشه منور ده من اولياء الله يا حبيبي واولياء الله مش معروفين ممكن يكون الراجل الغلبان اللي بينزل من الاتوبيس كل يوم الصبح قدام بيتكم عشان يخش يشتغل في فرن العيش ويشيل الشوال بتاع الدقيق على راسه - 00:22:47ضَ

ويبقى مغبر دقيق كله ده ده يكون من اولياء الله الصالحين وانت مش دريان. ايه رأيك بقى؟ والرسول صلى الله عليه وسلم وصفهم كده. قال ايه بقى رب اشعث اغبر مدفوع بالابواب. لو اقسم على الله لابره - 00:23:06ضَ

لما يقسم على الله انه يعمل حاجة ربنا يبر قسمه ويعملها ده اشعث اغبر يعني ايه؟ يعني مش لابس شيك بالعكس ده بيشتغل وبيتعب وبيكد عشان يجيب اللقمة الحلال. وشكله بيتبهدل وبيبقى مغبر وقميصه طالع من بنطلونه وحالته وبتاع وشايل بطيخة - 00:23:23ضَ

من كتر الشغل والتعب مدفوع بالابواب يعني ايه ؟ يعني ييجي داخل مكان شيك كده يتقال له ممنوع اسفين جدا ممنوع ممنوع وبعدين يجي واحد تاني اتفضل يا فندم اتفضل حضرتك. اه. يبقى اللي مدفوع بالابواب ده اللي بيمنع من الدخول في الاماكن الحلوة المحترمة الكويسة دي. هو ده من اولياء الله الصالحين - 00:23:42ضَ

مش معنى كده ان كل واحد بيمنع من الدخول يبقى لأ بس انا بقول لك يعني ما تفتكرش انهم معروفين. تروح تبوس ايديهم لأ. انت بتسمع عنهم عشان تحاول تبقى منهم - 00:24:03ضَ

مش تدور عليهم بلاش خيابة كفايانا خيابة هندور عليهم عشان يدعوا لنا. يا عم ادع لنفسك طيب يبقى هو اتمنع عشان مظهره مش شيك ومش غني. ده ممكن يكون بيتوصف من الناس عشان تبقوا عارفين اللي حواليه - 00:24:15ضَ

باللغة بتاعتنا كده ده راجل شكله معفن يا فلانة دي يا ريت تلبس شبشب بوردة وجراتها يقعدوا يتريقوا عليها وهي اصلا من اولياء الله ودفر رجليها برقبتهم كلهم اللي بيتريقوا علي دول - 00:24:33ضَ

بس هي متواضعة عشان كده ما نسخرش من حد ابدا. ما حدش عارف احنا هنسخر من مين يا جماعة ربنا قال لا يسخر قوم من قوم عسى ان يكونوا خيرا منهم. طب ممكن يكونوا اولياء الله اصلا مش بس خير مننا - 00:24:46ضَ

انا بسخر منهم دول. ولا نساء من نساء عسى ان يكن خيرا منهن كمل الحديس خلينا نشوف بقى ولي الله ده ممكن يعمل ايه وما تقرب الي عبدي بشيء احب الي مما افترضته عليه. وما يزال عبدي يتقرب الي بالنوافل حتى احبه - 00:25:01ضَ

فاذا احببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها وان سالت لاعطينه ولئن استعاذني لاعيذنه لو اصبحت ولي من اولياء الله ربنا هيبقى سمعك وبصرك وايدك ورجلك - 00:25:24ضَ

ده كلام جريء جدا. ربنا اللي قاله. الحمد لله. لو حد تاني كان قال الكلام ده كان قاطع رقبته. ربنا قال كده معناه ايه؟ معناه انك هتبقى موفق لما تسمع - 00:25:48ضَ

ربنا سامعك هتسمع صح هتسمع الاية تفهم المقصود منها مش هتسمع الحرام. مش هتسمع الكزب. مش هتسمع الافتراء. مش هتسمع الغيبة. مش هتسمع النميمة ربنا هيبقى سامعك هو السمع بتاعك - 00:26:00ضَ

هتبقى سامعك سمع مسدد وربنا هيبقى بصرك لما تشوف حاجة هتشوفها صح. هتشوف الجميل جميل وهتشوف القبيح قبيح. ازا الشيطان لن يستطيع تجميل القبيح لك وزين لهم الشيطان اعمالهم. وردت عشرات المرات ست مرات بالصيغة دي. ده غير بقى زين لهم زين لهم. يعني الشيطان بيزين لهم - 00:26:16ضَ

فالشيطان بيزين القبيح ويجعل شكله جميل لو ربنا هو بصرك خلاص لان الجميل لا يحتاج الى تزيين. هتشوف القبيح قبيح والجميل جميل. اذا الشيطان مش هيقدر يضحك عليك وربنا يصبح يدك التي تبطش بها. يقول لك ده فلان ده ايده تتلف في حرير - 00:26:40ضَ

لو بتجاهد في سبيل الله ضربتك مسددة. لو بتدافع عن مزلوم ربنا سيجعل هناك بركة في يدك لن يجعل يدك تمتد الى حرام. لن يجعل يدك تزلم بها احد ويصبح رجلك التي تمشي بها فتمشي في قضاء حوائج الناس. تمشي الى المساجد. لن تمشي الى حرام. ولا الى مناصرة ظالم - 00:27:05ضَ

هو ده الفرق. النتيجة النهائية بقى ايه ولان سألني لاعطينه. ولئن استعاذني لاعيذنه اطلب يعطيك على طول نرجع بقى للبقرة تاني هات بقى متين سبعة وخمسين الله ولي الذين امنوا يخرجهم من الظلمات الى النور. الظلمات متعددة والنور واحد - 00:27:25ضَ

ظلمات الكفر ظلمات الالحاد ظلمات الاديان المفبركة والمحرفة ظلمات الظلم ظلمات الخيانة ظلمات الكذب ظلمات الافتراء اما النور فهو نور الاسلام نور الاسلام بيزيل زلمات الكفر والالحاد والاديان الوضعية والمخترعة والاديان المفبركة والاديان المحرفة وهو هو نفسه النور اللي بيزيل بيزيل ايضا - 00:27:51ضَ

من ظلمات الظلم. هو هو اللي بيزيل ظلمات الخيانة. هو هو اللي بيزيل ظلمات الكذب. ظلمات الافتراء نور الاسلام بيعطي الانسان الادلة في الدنيا. على الطريق الصحيح ويعطي الانسان القوة اللي يواجه بها اعداءه. حتى لو كان العدو اقوى من الناحية المادية - 00:28:14ضَ

ونور الاسلام هو اللي يدخله الجنة في الاخرة والذين كفروا اوليائهم الطاغوت يخرجونهم من النور الى الظلمات اولئك اصحاب النار هم فيها خالدون الطاغوت شرحناه في اول الحلقة اكنه انواع - 00:28:35ضَ

ما قالش والذين كفروا وليهم الطاغوت يخرجهم. لأ اولياؤهم الطاغوت يخرجونهم. ازا الطاغوت ده انواع. هناك انواع من الشياطين شياطين. انس وشياطين جن وشهوات مختلفة والنفس واهواء طرق الحرام كثيرة وطرق الضلال كثيرة - 00:28:54ضَ

وطريق الهداية واحد الاسلام اولئك اصحاب النار هم فيها خالدون الناس اللي استسلمت للطاغوت وللشيطان وللنفس وللهوى مش هيدخلوا النار دول اصحاب النار. مبروك عليهم النار بقوا اصحابها هيتملكوها هيلزقوا فيها - 00:29:19ضَ

جزاكم الله خيرا نتوقف هنا الليلة وبكرة ان شاء الله نشوف بقى امثلة على اولياء الله الصالحين اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب - 00:29:45ضَ

اجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك - 00:30:01ضَ

يحب ملائكتك وانبيائك ورسلك وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم - 00:30:25ضَ

كريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة ان تحكم بين عبادك فيما كانوا فيه يختلفون. فبحق كل حرف - 00:30:52ضَ

في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياك لهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:31:19ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخوانا في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم - 00:31:38ضَ

طهر المسجد الاقصى من الدنس فانهم لا يعجزونك. واكتب لنا ختم القرآن فيه اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا مريضا به - 00:31:58ضَ

او حاملا له فالبسه ثوب الصحة والعافية عاجلا غير اجل. ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك - 00:32:15ضَ

وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض ايماني بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك - 00:32:35ضَ

انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:33:05ضَ